Mbesa e Donald Trump ka kërkuar që Evropa të “kundërsulmojë” pas paralajmërimeve të presidentit amerikan për të vendosur tarifa ndaj vendeve që kundërshtojnë blerjen e Grenlandës.

Duke iu referuar një artikulli të New York Times, i cili citonte se “Zyrtarët evropianë anojnë drejt negociatave, jo hakmarrjes, për shkak të kërcënimit të Trumpit”, Mary Trump u shpreh se ishte “kaq e lodhur” nga përpjekjet e njerëzve për të negociuar me Donald Trump, sipas CNN.

“Jam kaq e lodhur nga strategjia e dështuar e negociatave dhe paqësimit. Kjo vetëm sa e fuqizon atë. Kundërsuluni!”, shkroi ajo në X.

Ndryshe, së fundmi presidenti amerikan Donald Trump ka thënë se nuk ndien më detyrim të mendojë “thjesht për paqen”, në një letër dërguar kryeministrit të Norvegjisë, ku përpiqet të justifikojë kërcënimet e tij kundër Grenlandës.

Letra iu drejtua kryeministrit norvegjez Jonas Gahr Store dhe iu dërgua një numri ambasadash evropiane në Uashington, transmeton Sinjali.

“Bota nuk është e sigurt nëse nuk kemi kontroll të plotë dhe total të Grenlandës. Faleminderit! President DJT”, tha ai. 

Per The New York Times:

“European Officials Lean Toward Negotiating, Not Retaliating, Over Trump Threat”

I am so fucking tired of the failed strategy of negotiation and appeasement. It only empowers him. Fight back!

— Mary L Trump (@MaryLTrump) January 19, 2026

Sinjali – aty ku e vërteta flet para lajmit!

/GazetaSinjali/

The post Mbesa e Trumpit-Evropës: Kundërsulmoni, mos negocioni tarifat appeared first on Sinjali.

Drejtoria për Hetimin e Krimeve Ekonomike dhe Korrupsionit, ka zhvilluar sot një operacion në koordinim me Prokurorinë Themelore të Prishtinës dhe me urdhër të Gjykatës Themelore të Prishtinës.

Gjatë këtij operacioni, janë kryer kontrolle në katër lokacione të ndryshme, duke përfshirë dy banesa private, një lokal afarist dhe një zyrë.

Hetimet, të cilat janë mbështetur në masa speciale të hetimit, kanë siguruar dëshmi të mjaftueshme për të vërtetuar dy vepra penale: “keqpërdorim i pozitës apo autoritetit zyrtar” dhe “marrja e ryshfetit në sektorin privat”.

Ekskluzive | Aksioni te “Reload”, këta janë të arrestuarit në rastin e dyshimeve për keqpërdorim të lejeve për armë

Sipas hetimeve, katër persona të dyshuar tre meshkuj kosovarë dhe një femër kosovare janë të përfshirë në veprat penale, duke marrë ryshfet nga individë të ndryshëm që kanë arritur të pajisen me certifikata për leje arme, pa përmbushur procedurat ligjore, siç e kërkon ligji dhe procedurat e mëtejshme.

Poligoni “Reload” mohon aksionin policor: S’ka asgjë tek ne, nuk kemi asgjë për të deklaruar

Gjatë kontrollit, janë sekuestruar përkohësisht shtatë telefona celularë, dosje dhe dokumente të tjera relevante për rastin. Të dyshuarit janë intervistuar në praninë e avokatëve të tyre dhe, me vendim të prokurorit, janë dërguar në mbajtje për 48 orë.

Ekskluzive | Policia zbarkon në poligonin “Reload”, dyshime për keqpërdorim të lejeve për armë

Ky aksion është pjesë e angazhimit të Policisë së Kosovës për luftimin e krimeve ekonomike dhe korrupsionit, veçanërisht në sektorët që lidhen me administratën publike dhe pajisjet me dokumente shtetërore.

Sinjali – aty ku e vërteta flet para lajmit!

/GazetaSinjali/

The post Arrestohen katër të dyshuar për keqpërdorim të pozitës zyrtare dhe marrje ryshfeti appeared first on Sinjali.

Policia e Kosovës ka njoftuar se më 18 janar 2026, rreth orës 17:45, në fshatin Randobrave të Prizrenit, ka ndodhur një incident mes dy personave, ku njëri prej tyre dyshohet se ka kanosur fqinjën e tij me armë pas një mosmarrëveshje.

Pas njoftimit, policia ka identifikuar të dyshuarin dhe ka kryer bastisje në shtëpinë e tij, me urdhër të prokurorit përgjegjës.

Gjatë bastisjes, policia ka sekuestruar disa armë, përfshirë një revole me dy karikatorë dhe 30 fishekë, një pushkë gjuetie pa fishekë dhe një pushkë luftarake me një karikator pa fishekë.

Rasti është duke u hetuar nga Sektori Rajonal i Hetimeve në Drejtorinë Rajonale të Prizrenit, ndërsa i dyshuari është ndaluar për 48 orë me aktvendim të prokurorit. Kundër tij është hapur procedurë penale për “Posedim të paautorizuar të armëve dhe municionit” dhe “Kanosje”.

Sinjali – aty ku e vërteta flet para lajmit!

/GazetaSinjali/

The post Mosmarrëveshja mes dy personave në Prizren përfundon me kanosje dhe sekuestrim armësh appeared first on Sinjali.

Komisioni Qendror i Zgjedhjeve ka marrë vendim për rinumërimin e të gjitha votave në 28 komuna të Kosovës, pas identifikimit të anomaliave në disa prej tyre.

Po ashtu, KQZ-ja ka vendosur të ndërpresë mandatin e përfaqësuesve të partive politike në Prizren.

“Sipas raportit nga vendvotimet e rinumëruara në Qendrën e Numërimit dhe Rezultateve, rezulton se pas rinumërimit në QNR janë zbritur nga rezultati 36,007 vota për kandidatë, të cilat u ishin regjistruar atyre në QKN. Po ashtu, pas rinumërimit u janë shtuar 20,978 vota kandidatëve, të cilat nuk ishin regjistruar saktë në QKN. Ndryshimi në numrin e votave të kandidatëve pas rinumërimit tregon se procesi i numërimit të votave të kandidatëve brenda subjekteve politike ka pasur pasaktësi”, ka thënë kryetari i KQZ-së, Kreshnik Radoniqi.

“Analiza numerike e veçon komunën e Prizrenit si rastin më ekstrem. Pas rinumërimit në QNR të komunës së Prizrenit janë zbritur nga rezultati 29,343 vota për kandidatë, të cilat u ishin regjistruar atyre në QKN të Prizrenit. Po ashtu, pas rinumërimit u janë shtuar 16,366 vota kandidatëve, të cilat nuk ishin regjistruar saktë në këtë QKN. Megjithatë, në komunat tjera të rinumëruara nuk vërehen dallime të mëdha në votat e kandidatëve. Ndryshimet përfshijnë gabimet eventuale të regjistrimit të votave të kandidatëve dhe shtimin e votave si rezultat i rivlerësimit të fletëvotimeve të pavlefshme, por në vendvotime të caktuara janë evidente ndryshime me të mëdha tek disa kandidatë”, tha ai më tutje.

Radoniqi ka thënë se të gjitha të dhënat, do t’i adresojnë në Prokurorinë e Shtetit.

“Në fund, në emër të KQZ-së, ritheksojmë se gjetjet nga procesi i rinumërimit do t’i adresojmë në Prokurorinë e Shtetit dhe në të njëjtën kohë ofrojmë bashkëpunimin e plotë institucional në procesin hetimor”, tha Kreshnik Radoniqi.

Rinumërimin e mbështetën përfaqësuesit e të gjitha partive politike.

Sinjali – aty ku e vërteta flet para lajmit!

/GazetaSinjali/

The post KQZ merr vendim: Do të rinumërohen të gjitha votat në Kosovë appeared first on Sinjali.

Sipas Normandy Index 2025, të përgatitur nga shërbimi kërkimor i Parlamentit Evropian (EPRS), Kosova renditet në vendin e 13-të në botë për nivelin më të ulët të kërcënimeve ndaj paqes dhe demokracisë.

Praktikisht, kjo e vendos Kosovën në top 10% të shteteve më reziliente globalisht dhe në vendin e parë në Ballkanin Perëndimor për siguri strategjike.

Ky indeks nuk mat “sa i qetë duket” një shtet, por sa i ekspozuar është ndaj rreziqeve reale: destabilizim politik, dezinformim, presion të jashtëm, kriza ekonomike, pasiguri energjetike dhe kërcënime hibride. Është një instrument që përdoret nga Bashkimi Evropian për të kuptuar ku janë rreziqet dhe ku ka kapacitete reale për t’i përballuar ato.

Si paraqitet Ballkani Perëndimor në këtë vlerësim:

•       Kosova (13) del qartazi më e forta në rajon. Ka reziliencë të lartë institucionale dhe shoqërore; sfida kryesore mbetet përballja me dezinformimin, kryesisht të importuar nga jashtë.

•       Shqipëria (20) paraqitet me një performancë solide dhe mbi shumicën e vendeve të rajonit, me rreziqe të menaxhueshme.

•       Mali i Zi (21) është një nga surprizat pozitive të indeksit, duke shënuar një përmirësim të dukshëm krahasuar me vitet e kaluara dhe duke u renditur ndër vendet me ngritjen më të madhe globale.

•       Maqedonia e Veriut (26) shënon rënie të lehtë, kryesisht për shkak të tensioneve politike të brendshme dhe dobësive institucionale.

•       Serbia (41) renditet dukshëm më poshtë. Indeksi identifikon probleme serioze në proceset demokratike dhe reziliencën ndaj dezinformimit. Raporti thekson gjithashtu se Serbia është anëtare themeluese e iniciativës 16+1 të udhëhequr nga Kina dhe mban lidhje të ngushta strategjike me Rusinë, faktorë që e rrisin ekspozimin e saj ndaj presioneve gjeopolitike dhe kërcënimeve hibride.

•       Bosnja dhe Hercegovina (54) mbetet ndër më të brishtat në rajon, me institucione të dobëta, probleme të theksuara demokratike dhe rrezik të vazhdueshëm destabilizimi.

Në plan më të gjerë, vendet e Bashkimit Evropian vazhdojnë të jenë më pak të rrezikuara se mesatarja globale. Ndërkohë, raporti evidenton se Rusia dhe Kina janë ndër vendet me rënien më të madhe në profilin e sigurisë strategjike, ndërsa Shtetet e Bashkuara shënojnë një nga përmirësimet më të mëdha.

Mesatarja globale e indeksit për vitin 2025 është 5.79 nga 10, çka tregon një botë më të pasigurt se më parë, por jo ende jashtë kontrollit.

Sinjali – aty ku e vërteta flet para lajmit!

/GazetaSinjali/

The post Kosova e 13-ta në botë për siguri strategjike, Serbia në rënie appeared first on Sinjali.

Në Qendrën e Numërimit dhe Rezultateve është duke vazhduar numërimi i fletëvotimeve sipas listës së vendvotimeve për të cilat KQZ ka marrë vendim që të rinumërohen.

Nga 914 vendvotime që kanë shkuar në rinumërim, deri tani janë numëruar rreth 94 për qind e tyre.

Sipas të dhënave paraprake, në listën e PDK-së po vërehen mospërputhje të theksuara në numrin e votave për disa kandidatë, çka ka ngritur shqetësime për manipulim të mundshëm gjatë procesit fillestar të numërimit.

Lidhur me këtë ka reaguar edhe kandidatja për deputete nga kjo parti, Jona Hoxhaj. Ajo ka thënë se është më e dëmtuar në këtë proces, madje sipas saj janë hequr edhe votat e familjës së saj.

“Besoj se PDK-ja sikur në historinë e saj shumëvjecare politike, do të di ta adresojë përgjegjësinë, llogaridhënien dhe të rikthej besimin qytetar. Demokracia është e shenjtë dhe si të tillë e kemi të gjithë për obligim ta mbrojmë dhe kultivojmë”, tha Hoxhaj.

Sinjali – aty ku e vërteta flet para lajmit!

/GazetaSinjali/

The post Kandidatja e PDK-së në Prizren: Jam më e dëmtuara, më janë hequr votat e familjes appeared first on Sinjali.

Deputeti i zgjedhur i Partisë Demokratike të Kosovës, Nait Hasani, ka reaguar lidhur me manipulimin e votave ku nga procesi i rinumërimit të disa vendvotimeve atij i janë larguar deri më tani 3 mijë e 414 vota.

Sipas tij, procesi ka shkaktuar cenim të rëndë të vullnetit të lirë të qytetarëve dhe manipulim të emrit të tij.

“Me atë që pash në rinumërim, votat e mia janë rritur në mënyrë të padrejtë, duke u përdorur emri im për manipulime të papranueshme zgjedhore. Ky veprim përbën jo vetëm shkelje ligjore, por edhe akt të rëndë moral dhe politik”, ka shkruar Hasani.Ai refuzon çdo votë që nuk buron nga vullneti i lirë i qytetarëve dhe siguron se qëndron pranë demokracisë dhe transparencës.

“Unë refuzoj kategorikisht çdo votë që nuk buron nga vullneti i lirë i qytetarit. Nuk kam hyrë në politikë për të fituar me mashtrime, por për të fituar me besim. Nuk kam nevojë për vota të vjedhura, sepse respektoj votën e ndershme më shumë se çdo rezultat”, u shpreh Hasani.

Hasani thekson gjithashtu rëndësinë e drejtësisë dhe përkushtimin e tij për të mbrojtur të ardhmen demokratike të vendit.

“Drejtësia nuk duhet të heshtë. As unë nuk do të hesht. Unë do të vazhdoj të qëndroj në anën e qytetarëve, në anën e votës së lirë dhe në anën e së vërtetës, edhe nëse kjo rrugë është më e vështirë. Ky reagim nuk është për të mbrojtur vetëm emrin tim, por për të mbrojtur të ardhmen demokratike të Kosovës”, ka shkruar ai.

Sinjali – aty ku e vërteta flet para lajmit!

/GazetaSinjali/

The post Mbi 3 mijë vota më pak, Hasani: Votat e mia janë rritur në mënyrë të padrejtë appeared first on Sinjali.

Inspektori i Administratës Tatimore të Kosovës (ATK), Samir Smajli, është liruar nga aktakuza edhe në rigjykim, në rastin ku ai akuzohej për marrje ryshfeti.

Lajmin e ka konfirmuar mbrojtësi i tij, avokati Besnik R. BERISHA, duke e konsideruar vendimin e gjykatës të drejtë dhe të ligjshëm.

Sipas mbrojtjes, vendimi konfirmon se në këtë proces nuk është provuar përgjegjësia penale e z. Smajli, ndërsa pritet që arsyetimi i plotë i aktgjykimit të bëhet publik pas pranimit të vendimit me shkrim.

Mbrojtja e inspektorit të ATK-së akuzon Prokurorinë për “falsifikim faktesh” – revokohet marrëveshja e dëshmitarit bashkëpunues

Hetimet në këtë rast kishin të bënin me dyshimet se i akuzuari, në cilësinë e inspektorit, kishte kërkuar ose pranuar përfitim të kundërligjshëm, por gjykata edhe në rigjykim ka vendosur ta lirojë nga aktakuza.

Sinjali – aty ku e vërteta flet para lajmit!

/GazetaSinjali/

The post Ekskluzive | Lirohet nga akuza edhe në rigjykim inspektori i ATK-së, Samir Smajli – i akuzuar për marrje ryshfeti appeared first on Sinjali.

Vedat Muriqi mbetet një emër i komentuar gjatë muajit janar, jo vetëm për arritjet e tij në fushën e lojës.

Sulmuesi nga Kosova vazhdon të tërheqë vëmendje për shkak të ofertave të shumta që po merr, pavarësisht se ka theksuar dëshirën për të qëndruar te Mallorca.

Megjithatë, ish-klubi i tij, Fenerbahce, po bën përpjekje të vazhdueshme për ta rikthyer Muriqin në Stamboll.

Mediumi turk, FotoMac ka raportuar se gjiganti nga Stambolli ka bërë një ofertë të parë në drejtim të Mallorcas prej 12 milionë eurove dhe dy klubet janë duke negociuar.

Mallorca synon të përfitojë 16 milionë euro nga shitja e Muriqit i cili këtë edicion ka shënuar 14 gola në La Liga, por dëshira e tij është të mbetet në klubin aktual.

“Jam i lumtur këtu dhe kam një kontratë. Kur një sulmues shënon shumë gola, vijnë oferta. Klubi do të vendos për të ardhmen time, pastaj unë do të marr vendimin tim“, tha Muriqi të shtunën pasi shënoi het-trik ndaj Athletic Bilbaos.

Gjithnjë sipas mediave turke, e ardhmja e Muriqit pritet të vendoset deri në fund të kësaj jave nëse do të largohet nga Mallorca apo do të qëndrojë për ta thyer rekordin e Samuel Eto’o-s si golashënuesi më i mirë në histori të klubit.

Aktualisht Muriqi ka shënuar 48 gola dhe ndodhet vetëm gjashtë gola larg rekordit të kamerunasit i cili është golashënuesi më i mirë në histori të Mallorcas me 54 gola.

Sinjali – aty ku e vërteta flet para lajmit!

/GazetaSinjali/

The post Fenerbahce ofron zyrtarisht miliona për Muriqin appeared first on Sinjali.

Një grabitje e arit ka ndodhur në një argjendari te “Plepat” në Prishtinë.

Policia e Kosovës si dhe Foreniza kanë dalë menjëherë në vendin e ngjarjes dhe janë duke ndërmarr veprimet e tyre.

Dyshohet se gjatë grabitjes është arritur të vidhet sasi e madhe e arit.

Policia e Kosovës ende nuk ka dhënë detaje për këtë grabitje.

Sinjali – aty ku e vërteta flet para lajmit!

/GazetaSinjali/

The post Grabitet argjendaria në mes të Prishtinës appeared first on Sinjali.

Kryetari i komunës së Prizrenit, Shaqir Totaj, ka reaguar pas parregullsive të evidentuara gjatë procesit të rinumërimit të votave në Prizren, i cili u shpreh i zhgënjyer me situatën.

Përmes një postimi në Facebook, Totaj ka shkruar se çdo tentim për tjetërsim të votës përbën cenim të drejtpërdrejtë të vullnetit të lirë të qytetarëve, të demokracisë zgjedhore dhe të vetë demokracisë së brendshme partiake.

Tutje ai në cilësinë e kryetarit të degës së PDK-së në Prizren ka paralajmëruar se do të kërkojë përgjegjësi dhe llogaridhënie të plotë për çdo shkelje të konstatuar.

“Kjo nuk është PDK-ja për të cilën kemi punuar dhe investuar me vite, dhe këto veprime nuk e përfaqësojnë frymën dhe vlerat tona”, u shpreh Totaj.

Totaj ka siguruar qytetarët se Partia Demokratike e Kosovës do ta mbrojë vullnetin e votuesit dhe demokracinë në Kosovë, duke vepruar, siç ka thënë ai, me vendosmëri dhe përgjegjësi për të mirën e vendit dhe të ardhmes së tij.

Sinjali – aty ku e vërteta flet para lajmit!

/GazetaSinjali/

The post Keqpërdorimi i votave në Prizren, Totaj: Kjo nuk është PDK-ja për të cilën kemi punuar me vite appeared first on Sinjali.

Prishtinë – Një aksion policor është zhvilluar në poligonin e qitjes “Reload” në Prishtinë, në kuadër të hetimeve që lidhen me dyshimet për keqpërdorim të lejeve për armë.

Burime të sigurta brenda organeve të rendit bëjnë me dije se në këtë operacion janë arrestuar:

            •           Besim Haziri (zyrtar i MPB-së)

            •           Sanije Behrami (zyrtare e MPB-së)

            •           Faton Gërbeshi (përfaqësues i “Reload”)

            •           Mehmet Gërbeshi (përfaqësues i “Reload”)

Të njëjtat burime theksojnë se veprimet procedurale janë duke vazhduar, ndërsa pritet që rasti të trajtohet në koordinim me Prokurorinë për veprimet e mëtejme.

Poligoni “Reload” mohon aksionin policor: S’ka asgjë tek ne, nuk kemi asgjë për të deklaruar

Sinjali do t’ju sjellë detaje të reja sapo të konfirmohen zyrtarisht.

Ekskluzive | Policia zbarkon në poligonin “Reload”, dyshime për keqpërdorim të lejeve për armë

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Aksioni te “Reload”, këta janë të arrestuarit në rastin e dyshimeve për keqpërdorim të lejeve për armë appeared first on Sinjali.

Sektori Rajonal i Hetimeve nga Drejtoria Rajonale në Prizren është duke zhvilluar hetime lidhur me veprën “Vrasje në tentative”.

Policia është në kërkim të Egzon Reshanit, i cili më 5 janar dyshohet se ishte i përfshirë në një konflikt ku pati dhe të shtëna me armë zjarri.

Si pasojë e të shtënave kishte edhe persona të plagosur, të cilët ishin dërguar në Emergjencën e Spitalit Rajonal të Prizrenit për trajtim mjekësor.

Sipas ekipit mjekësor, dy personat e plagosur ishin jashtë rrezikut për jetë dhe vazhdojnë trajtimin e mëtejmë mjekësor.

“Me qëllim të ndriçimit të rastit kërkohet bashkëpunim-ndihmë nga qytetarët në ofrimin e informatave, që do të na ndihmonin në arrestimin e të dyshuarit. Andaj kërkojmë bashkëpunim nga të gjithë qytetarët, që nëse kane çfarëdo informate apo din diçka për vendndodhjen e të dyshuarit në foto, të raportojnë policinë në Prizren në numrin 192, në rrjetet sociale, apo në cilin do stacion të policisë në Kosovë”, thuhet tutje në njoftimin e policisë.

Sinjali – aty ku e vërteta flet para lajmit!

/GazetaSinjali/

The post Kërkohet Egzon Reshani, i dyshuar për “vrasje në tentativë” në Prizren appeared first on Sinjali.

Kryetari i Partisë Demokratike të Kosovës, Bedri Hamza, ka reaguar pas gjetjeve nga rinumërimi i pjesshëm i votave, duke i cilësuar si tepër shqetësuese mospërputhjet e mëdha të evidentuara gjatë këtij procesi.

Përmes një postimi në rrjetin social Facebook, Hamza ka vlerësuar se në rrethanat e krijuara, rinumërimi i plotë i votave në të gjithë Kosovën është hap i domosdoshëm dhe i drejtë për të garantuar integritetin e procesit zgjedhor.

Ai ka theksuar se institucionet përgjegjëse kanë obligim kushtetues të veprojnë pa vonesë për mbrojtjen e integritetit të zgjedhjeve, duke paralajmëruar se çdo hezitim apo vonesë në veprim cenon drejtpërdrejt besimin e qytetarëve në procesin zgjedhor.

Sipas Hamzës, transparenca dhe veprimi i menjëhershëm institucional janë thelbësore për ruajtjen e besimit publik dhe funksionimin demokratik të vendit.

Sinjali – aty ku e vërteta flet para lajmit!

/GazetaSinjali/

The post Hamza: Rinumërimi i plotë i votave në të gjithë Kosovën hap i domosdoshëm dhe i drejtë appeared first on Sinjali.

Një zyrtar iranian në rajon tha të dielën se autoritetet kishin verifikuar të paktën 5 mijë njerëz ishin vrarë në protestat në Iran, përfshirë rreth 500 personel sigurie, duke fajësuar “terroristët dhe protestuesit e armatosur” për vrasjen e “iranianëve të pafajshëm”.

Zyrtari, i cili nuk pranoi të identifikohej për shkak të ndjeshmërisë së çështjes, i tha gjithashtu Reuters se disa nga përleshjet më të rënda dhe numri më i lartë i vdekjeve ishin në zonat kurde iraniane në veriperëndim të Iranit, një rajon ku separatistët kurdë kanë qenë aktivë dhe ku shpërthimet kanë qenë ndër më të dhunshmet në periudhat e kaluara të trazirave.

“Numri përfundimtar nuk pritet të rritet ndjeshëm”, citohet të ketë thënë zyrtari, duke shtuar se “Izraeli dhe grupet e armatosura jashtë vendit” kishin mbështetur dhe pajisur ata që dilnin në rrugë.

Autoritetet iraniane rregullisht fajësojnë “armiqtë e huaj” për trazirat, përfshirë Izraelin, një armik të betuar të Republikës Islamike që nisi sulme ushtarake ndaj Iranit në qershor.

Grupi i të drejtave të njeriut HRANA me seli në SHBA tha të shtunën se numri i të vdekurve kishte arritur në 3 mijë e 308, me 4 mijë e 382 raste të tjera nën shqyrtim.

Grupi theksoi se kishte konfirmuar më shumë se 24 mijë arrestime. Ndërkohë, grupi i të drejtave të kurdëve iranianë Hengaw, me seli në Norvegji, ka thënë se midis rajoneve ku kishte masa të rrepta sigurie gjatë protestave në fund të dhjetorit ishin zonat kurde në veriperëndim.

Sinjali – aty ku e vërteta flet para lajmit!

/GazetaSinjali/

The post Vdekjet në protestat në Iran arrijnë në 5 mijë, thotë zyrtari iranian appeared first on Sinjali.

Poligoni i qitjes “Reload” ka mohuar aksionin policor në objektin e tij.

Sinjali ka kontaktuar me përfaqësuesit e poligonit, të cilët kanë deklaruar se nuk ka pasur aksion të policisë në poligonin e tyre.

“Edhe ne po i dëgjojmë lajmet prej portaleve, s’ka asgjë tek ne, nuk kemi asgjë për të deklaruar”, tha përfaqësuesi i poligonit.

Nga ana tjetër, burime të sigurta kanë konfirmuar për Sinjalin se një aksion policor është duke u zhvilluar aktualisht në poligonin “Reload”. Sipas informacioneve, njësitë përkatëse të policisë janë zbarkuar në lokacion si pjesë e një hetimi që lidhet me dyshime për keqpërdorim të lejeve për armë. Gjatë aksionit, deri tani janë arrestuar katër persona, dhe pritet që autoritetet të dalin me detaje zyrtare pas përfundimit të operacionit.

Ekskluzive | Policia zbarkon në poligonin “Reload”, dyshime për keqpërdorim të lejeve për armë

Burime të besueshme konfirmuan se aksioni është ende në zhvillim e sipër dhe se policia po ndërmerr veprime operative për verifikimin dhe sigurimin e materialeve relevante për rastin. Sidoqoftë, deri tani, autoritetet nuk kanë ofruar asnjë deklaratë zyrtare lidhur me detajet e aksionit.

Sinjali – aty ku e vërteta flet para lajmit!

/GazetaSinjali/

The post Poligoni “Reload” mohon aksionin policor: S’ka asgjë tek ne, nuk kemi asgjë për të deklaruar appeared first on Sinjali.

Një aksion policor është duke u zhvilluar aktualisht në poligonin e qitjes “Reload”, ku njësitë përkatëse kanë zbarkuar në lokacion në kuadër të një hetimi që lidhet me dyshimet për keqpërdorim të lejeve për armë.

Deri më tani janë arrestuar katër persona dhe pritet që autoritetet të dalin me detaje zyrtare pas përfundimit të operacionit.

Burime të sigurta bëjnë me dije se aksioni është në proces, ndërsa policia po ndërmerr veprime operative në terren, përfshirë verifikime dhe sigurim të materialeve relevante për rastin.

Sinjali do t’ju mbajë të informuar me zhvillimet e reja.

Sinjali – aty ku e vërteta flet para lajmit!

/GazetaSinjali/

The post Ekskluzive | Policia zbarkon në poligonin “Reload”, dyshime për keqpërdorim të lejeve për armë appeared first on Sinjali.

Presidenti amerikan, Donald Trump, ka shprehur se nuk ndien më përgjegjësi për të menduar vetëm për paqen, në një letër që i ka dërguar kryeministrit të Norvegjisë, Jonas Gahr Store, ku ai përpiqet të justifikojë kërcënimet e tij ndaj Grenlandës.

Letra është shpërndarë gjithashtu në disa ambasada evropiane në Uashington.

Në të, Trump akuzoi Norvegjinë se kishte vendosur të mos ia jepte Çmimin Nobel për Paqen, të cilin ai e konsideronte të merituar për “ndalimin e 8 luftërave”.

Si rezultat, ai tha: “Nuk ndiej më detyrimin të mendoj vetëm për paqen, megjithëse ajo do të jetë gjithmonë mbizotëruese, por tani mund të mendoj për atë që është e mirë dhe e përshtatshme për Shtetet e Bashkuara të Amerikës”.

Bëhet e ditur se parlamenti norvegjez emëron pesë anëtarët e Komitetit të Nobelit, por qeveria nuk e zgjedh drejtpërdrejt fituesin, shkkruan the Journal.

Javën e kaluar, fituesja e çmimit, udhëheqësja e opozitës venezueliane, Maria Corina Machado, i dhuroi Trumpit medaljen gjatë një vizite në Shtëpinë e Bardhë, por Komiteti i Nobelit këmbënguli se posedimi i medaljes nuk do të thotë të jesh laureat.

“Pavarësisht se çfarë mund të ndodhë me medaljen, diplomën apo shumën e çmimit, është dhe mbetet laureati origjinal ai që është regjistruar në histori si marrësi i çmimit”, tha komiteti në një deklaratë.

“Edhe nëse medalja ose diploma më vonë bie në zotërim të dikujt tjetër, kjo nuk e ndryshon se kush është vlerësuar me Çmimin Nobel për Paqen”, shtoi ajo.

Në letrën e tij drejtuar Store, Trump përsëriti pohimin se Danimarka, territor i së cilës është Grenlanda, nuk është në gjendje të mbrojë ishullin Arktik, transmeton Sinjali.

“Danimarka nuk mund ta mbrojë atë tokë nga Rusia apo Kina, dhe pse ata kanë një të drejtë pronësie gjithsesi. Nuk ka dokumente të shkruara, vetëm se një anije zbarkoi atje qindra vjet më parë, por edhe ne kishim anije që zbarkuan atje”, tha Trump.

Sinjali – aty ku e vërteta flet para lajmit!

/GazetaSinjali/

The post Trump: Nuk mendoj më vetëm për paqen, akuzon Norvegjinë për mosdhënie të Çmimit Nobel appeared first on Sinjali.

Hakerët ndërprenë transmetimet satelitore të televizionit shtetëror iranian për të transmetuar pamje që mbështesnin Princin e Kurorës në mërgim të vendit dhe u bënin thirrje forcave të sigurisë të mos “i drejtonin armët nga populli”.

Sulmi kibernetik ndodhi në një moment kur numri i të vdekurve në protesta arriti në të paktën 3,919 persona të vrarë, thanë aktivistët.

Pamjet u transmetuan në shumë kanale të transmetuara me satelit nga Islamic Republic of Iran Transmeting, transmetuesi shtetëror i vendit i cili ka monopolin në transmetimet televizive dhe radiofonike, shkruan Abc News.

Videoja transmetoi dy klipe të Princit të Kurorës në mërgim Reza Pahlavi, më pas përfshinte pamje të forcave të sigurisë.

“Ky është një mesazh për ushtrinë dhe forcat e sigurisë”, shkruhej në një grafikë.

“Mos i drejtoni armët nga populli. Bashkohuni me kombin për lirinë e Iranit”.

“Kam një mesazh të veçantë për ushtrinë. Ju jeni ushtria kombëtare e Iranit, jo ushtria e Republikës Islamike”, tha Pahlavi në transmetimin e hakuar, transmeton Sinjali.

“Ju keni detyrë të mbroni jetën tuaj. Nuk ju ka mbetur shumë kohë. Bashkohuni me popullin sa më shpejt të jetë e mundur”, shtoi ai.

View this post on Instagram

A post shared by Iran International English (@iranintlenglish)

Sinjali – aty ku e vërteta flet para lajmit!

/GazetaSinjali/

The post Hakohet televizioni shtetëror iranian, apel ushtrisë për ndaljen e dhunës ndaj protestuesve appeared first on Sinjali.

Policia e Shtetit po vazhdon operacionet për kapjen e personave të shpallur në kërkim ndërkombëtar.

Gjatë 24 orëve të fundit, janë finalizuar dy faza të tjera të operacionit policor “Operacionalja”, ku janë arrestuar dy shtetas.

Në fazat 78 dhe 79 të operacionit, u arrestuan shtetasit R. B. dhe G. H., banues në Tiranë. Ata ishin të shpallur në kërkim ndërkombëtar, pasi më 13 janar 2026, Përfaqësuesi Special i Sekretarit të Përgjithshëm të UNMIK/Kosovë lëshoi urdhër arresti për ta.

Të dyshuar për kryerjen e veprave penale “Pjesëmarrje ose organizim i grupit të strukturuar kriminal” dhe “Trafikimi i qenieve njerëzore”, ata do të ekstradohen drejt Kosovës.

Aktualisht, po vazhdon puna për finalizimin e procedurës së ekstradimit të këtyre dy shtetasve.

Sinjali – aty ku e vërteta flet para lajmit!

/GazetaSinjali/

The post Arrestohen në Tiranë dy persona të kërkuar nga UNMIK, pritet të ekstradohen në Kosovë appeared first on Sinjali.