Kur vjen puna në shtrimin e tavolinës së Vitit të Ri, të gjithë ata persona të cilët besojnë shumë nëpër supersticione sikur nuk u shkon ndërmend se cilat janë ato ushqime të cilat sjellin ters nëse shtrohen në tavolinën e vitit të ri ama kjo nuk do të thotë se këto bestytni nuk ekzistojnë pasi kanë vite që ekzistojnë nëpër kultura të ndryshme rreth e rrotull botës. Nëse edhe ju jeni një person që besoni në bestytni atëherë këtoi gjëra të listuara më poshtë nuk duhet ti konsumoni nëse dëshironi që 2019-ta të jetë një vit i mbarë për ju.
Mos konsumoni ushqim që përmban krahë si pula pasi besohet se fati i mirë do të floturojë nga shtëpia juaj. Edhe pse mund të duket e çuditshme mos dhuroni majdanoz pasi do t’ju ndjekë fati i keq gjatë gjithë vitit. Pjatën e vitit të ri mos e përfundoni të gjithë pasi nëse pjata është e mbushur edhe vitin tjetër do të keni bollëk.
Bananen mos e prisni në feta pasi sjell fat të keq. Guackat e vezëve duhet ti shkatërroni pasi përndryshe një magjistare do ti mbledhë dhe do tju sjellë vetëm fatkeqësi sipas kulturës britanike./mxh
Në “Hôtel National des Invalides” në Paris, rreth gjashtëqind njerëz presin me padurim fillimin e sfilatës së modës për meshkuj të Dior-it. Personazhet e famshëm dhe figura të modës janë ulur krah për krah. Ngjarja që ka rrëmbyer vëmendjen e Javës së Modës në Paris, është shënuar me të kuqe në kalendarin e Jonathan Anderson, dita kur stilisti 41-vjeçar merr drejtimin e Christian Dior, duke e shkundur markën e modës nga plogështia e dy viteve, rënia e shitjeve dhe koleksionet aspak frymëzuese.
Herët atë mëngjes, Anderson fërkon sytë teksa përshëndet gazetarët në pas skenë. Duket si një student kolegji në sezonin e provimeve: i lodhur, por i emocionuar, me flokë të çrregullt dhe sy blu të ndritshëm, ai thuajse nuk ka fjetur fare.
Ndryshe nga shumë stilistë, ai nuk fshihet pas një atmosfere misteri apo ekscentriciteti. Dior gjithnjë ka tërhequr stilistë të destinuar të bëhen legjendarë, si: Yves Saint Laurent, John Galliano dhe Hedi Slimane. Si një nga stilistët më kreativë dhe më me ndikim në botë, ai është ngarkuar të rigjallërojë një prej shtëpive më të rëndësishme të modës. Paraardhësit e tij, nuk kishte arritur të ngrinin imazhin e Dior-it, përkundrazi pësuan një rënie. Por Dior nuk është një markë e zakonshme, është kryesorja e portofolit LVMH, një simbol botëror i modës franceze. Asnjë stilist, që nga patriarku monsieur Dior, nuk e ka mbikëqyrur brand-in me aq vëmendje sa Anderson, ndaj nën drejtimin e tij pritet një epokë e re.
Anderson vjen pas një dekade te Loewe, ku krijoi copa joshëse dhe një stil jokonvencional, duke fituar reputacionin e një talenti unik. Por rrugëtimi me Dior, mahnit me dizajne të përmbajtura, me një manifest radikal dhe një ide të re veshjesh për meshkuj, me një estetikë e zbutur, që mishëron dëshirën se si burrat duan të vishen. Spikatin këmishat prej puplini, kravatat e mëndafshit me vija, pulovrat e thurura me ngjyra të ndezura, si dhe xhaketat e leshit. Xhinset evokojnë estetikën e stilit Slimane, por te jelekët dhe palltot me ngjyra të forta dallon eleganca aristokratike franceze e shekullit të 18-të, me modele nga arkivi i shtëpisë së modës, të punuara nga vetë monsieur Dior. Çantat kanë kopertina librash si “Drakula” dhe “In Cold Blood”.
Anderson është mjeshtër në transformimin e konceptit në reklamë dhe të reklamës në koncept, por jo të gjithë mund ta bëjnë një veshje klasike për meshkuj kaq të freskët dhe emocionues. Veshjet kanë një liri krijuese, pothuajse anarkike, që pasqyron dashurinë për interpretim dhe rishpikje, një koleksion qëllimisht të çrregullt dhe provokues, si për shembull: një xhaketë me sandale peshkatari, apo një kravatë mbrapsht me etiketën e ekspozuar. “Qëllimi, ishte të sjell stilin personal përsëri në markë”, – thotë ai.
Christian Dior la një gjurmë në historinë e modës me koleksionin e parë në vitin 1947, i lançuar 18 muaj pas mbarimit të Luftës së Dytë Botërore, duke kthyer feminitetin, romantizmin dhe kënaqësinë e të veshurit, ndaj edhe Anderson nuk e harron kurrë këtë mësim.
Një vit më parë, ishte me pushime kur mori një telefonatë nga Delphine Arnault, CEO e Dior, e cila i propozoi për të marrë drejtimin e markës. E pranon se kishte arritur në fund të një cikli krijues te Loewe, duke rritur të ardhurat nga 230 milionë dollarë në 2 miliardë, por nuk e kishte imagjinuar kurrë të punonte për Dior. Kjo e kishte bërë propozimin më intrigues. “Doja të kuptoja çfarë ishte e re për mua, përtej prestigjit të markës. Kur të pëlqen diçka shumë, bëhet e rrezikshme. Ka marka që i admiroj se nuk dua t’i revolucionarizoj; ato thjesht kanë nevojë për rifreskim. Ndaj i thashë vetes: “Pse jo?”.
Anderson mbërriti te Dior në një moment vendimtar në historinë e shtëpisë së modës dhe të modës në tërësi.
Sot ka një krizë në modën e luksit, një ndryshim kulturor që lidhet me aurën dhe ekskluzivitetin që përcakton elitën për dekada. Klientët kanë zbuluar se cilësia është gërryer ngadalë dhe çmimet janë rritur. Ndaj ata kërkojnë një stil autentik, që i frymëzon dhe i fton të jenë pjesë e saj. Duke qenë se Dior është ikona e luksit francez, Anderson tani ka përballë një sfidë të madhe. “Po hyjmë në një periudhë unike për modën, sepse po vëmë në dyshim konceptin e një marke, pa u përpjekur të kuptojmë vlerën dhe historinë e saj”, – thotë ai.
Beson se pandemia vonoi një ndërrim brezash në botën e modës që do të kishte sjellë perspektiva të reja, ndaj edhe një duzinë markash ndryshuan drejtorët krijues në kërkim të energjisë së re.
Biznesi kryesor i Dior-it është moda e grave, por Anderson e nisi me meshkujt, sepse shumë stilistë kanë arketipe specifike të maskulinitetit. Ai është pionier i veshjeve për meshkuj me rrjedhshmëri gjinore, duke prezantuar pantallona të shkurtra lëkure dhe funde me rrudha, që përmbysin stereotipet mashkullore. Imagjinata e tij është ai i djemve që provojnë rrobat e vëllezërve më të mëdhenj, duke eksperimentuar me identitete të ndryshme, ndërsa përpiqen të kuptojnë kush janë. Nga ana tjetër, duke eksploruar kufijtë e dekonstruksionit gjinor, ai propozon një imazh klasik dhe aristokratik të maskulinitetit. Por tani, sfida e vërtetë nuk është rishpikja e kostumit, por gjetja e diçkaje krejt të re, sepse ‘ndryshimi’ është fjala kyçe te Dior. Epoka e ardhshme për meshkujt mund të ngjajë me koleksionin e tij të parë, por duke e njohur atë, ka të ngjarë të evoluojë në drejtime të papritura. “Stili i hipive të viteve ’70 më magjeps. Nuk e di ku është moderniteti sot, por intrigohem nga sfida e të kuptuarit se ku do të shkojmë”, – përfundon stilisti i Dior-it./mxh
Aktorja e njohur turke Suburcu Yazgi Coskun ka befasuar ndjekësit e saj në rrjetet sociale duke publikuar një story ku dëgjon këngën “Lej kto rrena” të artistit shqiptar Butrint Imeri. Ky veprim ka ndezur menjëherë komentet dhe reagimet e fansave, të cilët u surprizuan kur panë një yll turk duke dëgjuar muzikë shqip.
Por surpriza nuk mbaron këtu, Butrint Imeri e ka ripostuar story-n, duke e bërë momentin edhe më viral dhe duke shtuar dyshimet e ndjekësve për një afërsi apo vëmendje të ndërsjellë mes tyre. A është thjesht pëlqim për muzikën apo diçka më shumë? Fansat tashmë po aludojnë.
Një gjë është e sigurt: muzika shqiptare po depërton fuqishëm edhe në Turqi, dhe emri i Butrint Imerit vazhdon të jetë ndër më të përfolurit përtej kufijve./mxh
Personi që shihni në foto është 70-vjeçari Rushan Selko, i akuzuari për përdhunimin e 12-vjeçares në Pogradec, e cila ka mbetur shtatzënë, tani rreth 22 javëshe.
Sipas informacioneve paraprake dhe deklaratave nga familjarët e të miturës, ata kanë thënë se me autorin e dyshuar kishin shumë miqësi dhe rrinin shpesh në shtëpitë e njëri-tjetrit. Ndër të tjera, ata nuk kanë patur dyshime që mund të ndodhte kjo ngjarje, pasi mes tyre kishte marrëdhënie korrekte.
Po ashtu, burime bëjnë me dije se banesat e autorit të dyshuar dhe të miturës janë ngjitur me njëra-tjetrën dhe familjarët e lejonin që ajo të shkonte në dyqan për të ardhur në ndihmë familjes të autorit të dyshuar.
Rasti është evidentuar pasi vajza kishte ndryshime fizike, ç’ka detyroi prindërit ta çonin në spital për ekzaminim dhe pas vizitës, u konfirmua se e mitura ishte shtatzënë.
LEXO EDHE: “Ndihemi të turpëruar!”- E mitura u p*rdhunua nga i afërmi i moshuar dhe mbeti shtatzënë, flasin familjarët e 12-vjeçares: I kemi shtëpitë ngjitur! Vajza e ndihmonte
Mësohet se i moshuari, Rushan Selko, e ka kërcënuar vazhdimisht të miturën për të mos treguar ngjarjen.
Aktualisht po kryhen veprimet hetimore dhe po merren në pyetje familjarët, ndërsa vajza ka pranuar ngjarjen në prani të psikologut.
Familjarët e 12-vjeçares janë shprehur jashtë kamerave që presin që drejtësia të bëjë punën e saj, teksa paraqiten në gjendje shumë të rënduar emocionale dhe shprehen se ndihen të turpëruar nga ngjarja që ka ndodhur.
Njëra prej të afërmeve të autorit, Zybe Selko, gruaja e kushëririt të Rushan Selkos, është shprehur se nuk kishte dëgjuar fjalë të këqija për të dhe se për ngjarjen nuk kishte informacion.
Sipas saj, Rushan Selka është familjar, baba i 4 vajzave, është edhe gjysh i disa nipërve mbesave.
“Ai person është i mire nuk është aq i keq, nuk kam dëgjuar llaf të keq për të. Unë tani e mora vesh. Unë s’di gjë, u trondita. Njihet si burrë i mire ne fshat. Ne nuk kemi ndjerë asgjë. Familjen e vajzës nuk e njoh, nuk ja kam idenë fare.
Nga i njëjti fshat jemi, por nuk e di unë se çfarë bëjnë. Unë rri në shtëpinë time. Unë u trondita, po ai i mire është. Nuk njihej si njeri problematik. Ai është familjar, ka 4 vajza. Është edhe gjysh, ka nipër, mbesa. Fëmijët i ka të martuar”, ka thënë ajo./mxh
Në mbështetje të nenit 100 të Kushtetutës, të nenit 5, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, të ligjit nr.115/2024, “Për buxhetin e vitit 2025”, të ndryshuar, dhe të ligjit nr.87/2025, “Për buxhetin e vitit 2026”, me propozimin e ministrit të Ekonomisë dhe Inovacionit, Këshilli i Ministrave caktoi dhënie kompensimi të të ardhurave mujore për disa kategori.
Sipas VKM-së, përfitojnë kompensim të të ardhurave mujore deri në 1 800 (një mijë e tetëqind) lekë në muaj personat me të ardhura deri në 40 000 (dyzet mijë) lekë në muaj në datën 31.12.2025.
Përfitojnë kompensim të të ardhurave mujore deri në 800 (tetëqind) lekë në muaj personat me të ardhura deri në 22 000 (njëzet e dy mijë) lekë në muaj në datën 31.12.2025.
Përfitojnë kompensim të të ardhurave mujore deri në 1 000 (një mijë) lekë në muaj personat me të ardhura deri në 18 000 (tetëmbëdhjetë mijë) lekë në muaj në datën 31.12.2025.
Përfitojnë kompensim të të ardhurave mujore deri në 600 (gjashtëqind) lekë në muaj personat me të ardhura deri në 30 000 (tridhjetë mijë) lekë në muaj në datën 31.12.2025, që përfitojnë pension invaliditeti, të caktuar sipas ligjit.
Përfitojnë kompensim të të ardhurave mujore deri në 700 (shtatëqind) lekë në muaj personat me të ardhura deri në 18 000 (tetëmbëdhjetë mijë) lekë në muaj në datën 31.12.2025, që përfitojnë pension familjar, të caktuar sipas ligjit.
Sipas VKM-së, përfitojnë mbështetje financiare për vitin 2025, në masën 15 000 (pesëmbëdhjetë mijë) lekë, kategoritë e mëposhtme:
a) Familjet dhe individët, që trajtohen me ndihmë ekonomike
b) Fëmijët pa kujdes prindëror, të vendosur në familje kujdestare;
c) Personat me aftësi të kufizuara
ç) Individët përfitues të statusit
“Statusi i invalidit paraplegjik dhe tetraplegjik”,
d) Individët përfitues të statusit “Për statusin e të verbrit”
dh) Ndihmësit personalë të përfituesve të pagesave të aftësisë së kufizuar./mxh
Një ngjarje e rëndë është zbuluar sot në Pogradec, teksa një 12-vjeçare, pas një vizite në Spitalin e Korçës, ka rezultuar shtatzënë, rreth 22 javëshe.
Sipas informacioneve paraprake, dyshohet se e mitura është abuzuar seksualisht me forcë nga një i moshuar me njohje familjare me familjen e të miturës.
Rasti është evidentuar pasi vajza kishte ndryshime fizike, çka detyroi prindërit ta çonin në spital për ekzaminim. Pas vizitës u konfirmua se e mitura ishte shtatzënë.
Mësohet se i moshuari i dyshuar, rreth 70-vjeç, e ka kërcënuar vazhdimisht të miturën për të mos treguar ngjarjen ndërsa policia ka bërë arrestimin e këtij të fundit.
Aktualisht po kryhen veprimet hetimore dhe po merren në pyetje familjarët, ndërsa vajza ka pranuar ngjarjen në prani të psikologut./mxh
Një ngjarje e rëndë ka ndodhur pasditen e së martës në Pejë, ku dy persona të gjinisë femore dhe mashkullore janë gjetur pa shenja jete brenda një vile në rrugën “KFOR”.
Lidhur me rastin, zëdhënësi i Prokurorisë Themelore të Pejës, Shkodran Nikçi, ka dhënë detaje për veprimet e ndërmarra nga autoritetet në vendin e ngjarjes.
Ai tha se sapo është pranuar informacioni, Policia e Kosovës ka dalë menjëherë në vendin e ngjarjes, ku dyshohet se personat ishin pa shenja jete në një motel.
Në vendngjarje kanë dalë gjithashtu kryeprokurorja e Prokurorisë Themelore të Pejës dhe prokurorja e Krimeve të Rënda, ndërkohë që janë ndërmarrë të gjitha veprimet për të siguruar provat që do të shërbejnë në hetime të mëtejshme.
Sipas Nikçit, janë identifikuar dëshmitarët, ndërsa Mjekësia Ligjore është ftuar për të tërhequr trupat e pajetë dhe do të kryejë autopsinë me urdhër të prokurorit të shtetit.
Në vend të ngjarjes nuk është hasur ndonjë armë e zjarrit dhe se viktimat nuk kanë pasur shenja të dhunës.
Ai theksoi se për shkak të ndjeshmërisë së rastit, nuk mund të jepen detaje të tjera në këtë fazë.
“Me të pranuar informatën menjëherë kanë dalë në vendin e ngjarjes Policia e Kosovës, dyshohet se ishin pa shenje jete në një motel. Në vendin e ngjarjes kanë dalë kryeprokurorja e Prokurorisë Themelore të Pejës dhe prokurorja e Krimeve të Rënda dhe janë ndërmarrë të gjitha veprimet në vendin e ngjarjes duke siguruar provat të cilat do të shërbejnë në veprimet e mëtutjeshme. Njëkohësisht janë identifikuar dëshmitarë, është ftuar Mjekësia Ligjore për t’i tërhequr trupat e pajetë dhe me urdhër të shtetit të bëhet autopsia. Për shkak të ndjeshmërisë së rastit nuk mund të jepen detaje më shumë”, u shpreh Nikçi./mxh
Disa organizata ndërkombëtare humanitare që veprojnë në territoret palestineze, përfshirë “Mjekë pa kufij” (MSF) rrezikojnë të ndalojnë veprimtarinë e tyre atje në fillim të vitit të ardhshëm, njoftoi sot Ministria e Jashtme e Izraelit.
Qeveria izraelite ka ndërmarrë hapa ligjorë për të revokuar licencat e tyre duke filluar nga 1 janari, duke argumentuar mungesën e regjistrimit dhe përfshirjen e dyshuar të disa punonjësve në aktivitete terroriste.
Ministria e Çështjeve të Diasporës bëri të ditur se 37 organizata janë prekur deri tani nga pezullimi.
Ato janë njoftuar se licencat e tyre do të hiqen më 1 janar dhe duhet të ndalojnë aktivitetet deri më 1 mars, së paku.
MSF-ja paralajmëroi javën e kaluar se kërkesat e reja të regjistrimit të imponuara nga Izraeli mund të lënë qindra mijëra njerëz në Rripin e Gazës pa kujdes mjekësor jetik deri në vitin 2026.
MSF-ja bëri thirrje që Izraeli të “sigurojë që organizatat ndërkombëtare joqeveritare të mund të vazhdojnë të ofrojnë ndihmë të paanshme dhe të pavarur në Gaza”.
Sipas gazetës “Yedioth Ahronoth”, organizatat kishin refuzuar kërkesën për të dorëzuar lista të plota të punonjësve palestinezë për kontrolle sigurie.
Izraeli akuzoi MSF-në për përfshirjen e disa punonjësve të saj në aktivitete terroriste.
Në qershor 2024, për shembull, një luftëtar i grupit terrorist Xhihadi Islamik që punonte në organizatë u vra.
Në shtator u bë e ditur se një punonjës tjetër kishte shërbyer si snajperist për milicinë palestineze Hamas./mxh
Në prag të Vitit të Ri, fermerët grekë në shumë rajone po lehtësojnë bllokadat rrugore për të lehtësuar udhëtimet për festat, pavarësisht qëndrimeve të ashpra për qëndresë.
Megjithatë, ata kanë njoftuar se pika kufitare Evzoni me Maqedoninë e Veriut do të bllokohet në të dy drejtimet nga deri në orën 22:00 të së martës me orën greke, me përjashtime të kufizuara për rastet e emergjencës, duke përfshirë automjetet që transportojnë pacientë me një letër mjekësore dhe familjet me fëmijë të vegjël.Në pikën kufitare Exochi me Bullgarinë, një bllokadë për kamionët do të mbetet në fuqi deri në orën 17:00.
Fermerët pritet të vendosin në një takim më vonë në mbrëmje për të hequr bllokadën nga e mërkura për të lejuar trafikun e Vitit të Ri, megjithëse masa është vendosur të rifillojë në mesditë më 2 janar. Automjetet e pasagjerëve vazhdojnë të kalojnë përmes një devijimi të shkurtër.
Një bllokadë 12-orëshe për kamionët në pikën kufitare Niki me Maqedoninë e Veriut pritet të përfundojë në orën 23:00 të martën, ndërsa pika kufitare Promachonas me Bullgarinë është rihapur plotësisht dhe pritet të mbetet e hapur të paktën deri më 2 janar. Fermerët në Halkidona dhe përgjatë autostradës Selanik-Athinë gjithashtu kanë hequr bllokadat deri atëherë, sipas medias greke “Kathimerini”.
Disa bllokada rrugore mbeten në Thesalinë perëndimore, ku fermerët janë planifikuar të takohen të martën për të përcaktuar hapat e tyre të mëtejshëm./mxh
Një zjarr ka përfshirë mbrëmjen e kësaj së martë pranë stadiumit “Elbasan Arena”.
Sipas informacioneve, një person është gjetur thuajse i djegur plotësisht në një ambient të përshtatur si banesë, në katin e parë të një pallati.
Sipas informacioneve paraprake, ndërhyrja e shërbimeve zjarrfikëse është bërë pasi banorët e pallatit kanë sinjalizuar praninë e erës së djegies dhe tymit.
Zjarrfikësit kanë hapur me forcë qepenin e ambientit, ku kanë gjetur një person të seksit mashkull thuajse te djegur totalisht.
Ndërkohë, për rreth një orë, energjia elektrike është ndërprerë në një pjesë të bllokut të banimit në lagjen “5 Maji”, si masë sigurie./mxh
Moderatori italian Alfonso Signorini është nën hetim, teksa zyra e prokurorit të Milanos e ka regjistruar gazetarin dhe prezantuesin televiziv për krime të dyshuara të sulmit seksual dhe zhvatjes.
Ky veprim formal nga prokurori, i udhëhequr nga prokurori Alessandro Gobbis dhe zëvendësprokurorja Letizia Mannella, vjen pas ankesës së paraqitur në prag të Krishtlindjeve nga ish-konkurrenti i një reality show, Antonio Medugno. Medugno ishte, në fakt, i pari që mbështeti sistemin e denoncuar publikisht për herë të parë nga Fabrizio Corona: kërkesa dhe favore seksuale në këmbim të paraqitjes në shfaqje.
Vetëm dje, Signorini njoftoi se ishte pezulluar nga Mediaset për shkak të akuzave të bëra nga vetë Fabrizio Corona gjatë një episodi të Falsissimo, emisionit të tij të thashethemeve në YouTube. Avokatët e tij njoftuan vendimin, duke pretenduar se ishte marrë “si një masë paraprake”. Një hap prapa që kompania ka njoftuar se e ka pranuar, siç shkruan e përditshmja italiane “La Repubblica”.
Pas polemikave të ngritura nga Corona në ditët e fundit, dhe me sa duket në dritën e procesit ligjor që e pret, prezantuesi ka ndryshuar avokatët e tij mbrojtës, duke rritur rreziqet. Ai tani përfaqësohet nga dy avokatë të shquar, Daniela Missaglia dhe Domenico Aiello.
Missaglia është ndër avokatët më me përvojë të së drejtës familjare dhe personale, dhe, pasi ka ndihmuar Nina Moric në ndarjen e saj nga ish-bashkëshorti Fabrizio Corona, ajo tashmë e njeh kundërshtaren e saj. Ajo ka trajtuar edhe ndarje të tjera të personazheve të famshëm, të tilla si ato midis Stefano Ricucci dhe Anna Falchi dhe Gigi Buffon dhe Alena Seredova./Mxh
Në prag të festave të fundvitit, Drejtoria e Përgjithshme e Burgjeve ka shprehur mirënjohjen dhe vlerësimin për përkushtimin, profesionalizmin dhe sakrificën e përditshme të punonjësve të sistemit penitenciar.
Në këtë kuadër, Qeveria Shqiptare ka garantuar sigurim jete dhe shëndeti për 4 595 punonjës të sistemit të burgjeve për një periudhë trevjeçare. Ky sigurim ofron mbrojtje shëndetësore dhe financiare, jo vetëm për punonjësit, por edhe për familjet e tyre.
Sipas njoftimit zyrtar, kjo mbështetje nuk përbën thjesht një dhuratë simbolike të fundvitit, por një angazhim afatgjatë për rritjen e sigurisë, mirëqenies dhe dinjitetit të punonjësve që shërbejnë çdo ditë në një nga sektorët më sfidues të vendit.
Drejtoria e Përgjithshme e Burgjeve ka përcjellë gjithashtu urimet më të mira për shëndet, paqe dhe suksese në vitin e ri për të gjithë punonjësit e sistemit penitenciar./mxh
Analisti Fatos Lubonja komentoi sot deklaratat e bëra nga kryeministri Edi Rama gjatë konfrencës së fundvitit me gazetarët.
Në një dalje televizive, Lubonja u shpreh kritik ndak Ramës, pasi sipas tij tha gjysmë të vërteta dhe qëndrimet ndaj drejtësisë nuk duhet të jenë sipas interesave dhe rreziqeve.
“Çerek të vërteta përdor Rama përgjithësisht, pashë disa gjëra që tha gjatë konferencës dhe mes të tjerash pashë që kishte akuzuar drejtësie se tek ne është një skandal sepse kemi 4 mijë të arrestuar ndërsa kemi 1 mijë e ca të dënuar. Kjo mund të jetë e vërtetë ose jo, sepse i shet të pa vërtetat si të vërteta.
Rama nuk ka rrugë tjetër, është mënyra e tij për të qeverisurit, e raportit me të vërtetën dhe mënyra e tij në raportin me mediat, që dikur u thoshte kazan dhe tani tenxhere.
Viti nisi me arrestimin e Veliaj, Rama nuk duhet të flasë sipas interesave dhe rreziqeve, të ndërrojë Flamur, kjo sepse me Ahmetaj tha që prokuroria është shumë e butë, ndërsa për Veliaj flet ndryshe.
Shqipëria në SKYECC, shqipja ishte gjuha më e përdorur nga përdoruesit.
Një politikan duhet të mendojë pse Shqipëria është kthyer në inkubator krimi në Europë”,-tha Lubonja./mxh
Jo për t’i bërë qejfin Bricjapëve, por meqë jemi ende në sezonin e tyre disa të vërteta duhen thënë. Personat e kësaj shenje në shumicën e rasteve i rrethon suksesi. Kjo, jo prej ndonjë fati të madh të kuptohemi, por për shkak të disiplinës që i karakterizon.
Bricjapët nuk i druhen punës që i duhet të bëjnë për të arritur tek suksesi. Ata i karakterizon ambicia dhe vendosmëria. Çdo hap i hedhur prej tyre është i menduar mirë, gjithmonë në funksion të një qëllimi gjithmonë e më të madh./mxh
Dakota Johnson duket se nuk i ka shpëtuar dot kamerave gjatë një darke intime me këngëtarin 28-vjeçar Role Model.
Sipas TMZ, aktorja dhe Role Model (emri i vërtetë Tucker Pillsbury) u afruan shumë gjatë mbrëmjes.
Një prej personave të pranishëm madje u shpreh se gjatë një momenti Dakota qëndroi mbështetur tek ai teksa e përqafonte.
Në foton e publikuar ajo qëndron ulur pranë këngëtarit teksa darkojnë me miqtë.
Dakota Johnson i dha fund marrëdhënies 8-vjeçare me Chris Martin shtatë muaj më parë. Disa herë u përhapën lajme nëpër portale për ndarjet dhe ribashkimet e tyre, derisa më vonë u fejuan. Në qershor të këtij viti dyshja vendosën t’i jepnin fund marrëdhënies./mxh
Jamal nuk harron kollaj. Eshtë shpallur sulmuesi më i mirë nën 23 vjeç, por mendjen e ka të Barcelona dhe ka një peng, Championsin e humbur sezonin e kaluar.
Por viti 2025 ishte gjithashtu viti në të cilin ai postoi një premtim në rrjetet e tij sociale që mbetet i vlefshëm.
“Do ta përmbush, do ta sjell Ligën e Kampionëve në Barcelonë”, shpalli ai natën e 6 majit, kur pësoi një nga pengesat e para të mëdha të karrierës së tij në Milano./mxh
Serie A pritet t’i japë fund përdorimit të topit të kuq, një element historik i kampionatit italian në ndeshjet me kushte të vështira atmosferike.
Sipas “gazzetta.it”, Liga po punon që kjo praktikë të hiqet përfundimisht nga sezoni i ardhshëm. Vendimi lidhet me zhvillimin teknologjik dhe përmirësimin e dukshmërisë në stadiume.
Ndriçimi modern, cilësia e fushave dhe transmetimet televizive në rezolucion të lartë e kanë bërë të panevojshëm këtë zgjidhje. Në vend të topit të kuq, do të përdoren topa standardë me dizajne të përditësuara.
Liga synon uniformitet dhe standarde të njëjta në çdo ndeshje. Topi i kuq mbetet një simbol historik i Serie A, i lidhur me shumë ndeshje të zhvilluara në dimër. Vendimi pritet të zyrtarizohet së shpejti./mxh
Forcat e sigurisë të Turqisë kanë arrestuar 357 persona gjatë operacioneve në mbarë shtetit kundër grupit ekstremist, Shteti Islamik (IS), bëri të ditur ministri i Brendshëm, Ali Yerlikaya.
“Gjatë operacioneve të zhvilluara këtë mëngjes nga forcat tona të policisë në 21 provinca, kemi arrestuar 357 persona që dyshohet se janë të lidhur me IS-in”, tha Yerlikaya në X.
“Ne asnjëherë nuk u kemi dhënë mundësi atyre që përpiqen ta gjunjëzojnë shtetin përmes terrorizmit”.
Më 29 dhjetor, tre zyrtarë policorë u vranë gjatë një operacioni kundër grupit në Yalova, në veriperëndim të Turqisë. Përplasja, e cila zgjati disa orë, la të vdekur edhe gjashtë anëtarë të dyshuar të IS-it, të gjithë shtetas të Turqisë.
Javën e kaluar, Prokuroria e Stambollit urdhëroi arrestimin e 137 personave, nën dyshimet se ishin anëtarë të IS-it, pasi tha se informacionet e inteligjencës treguan se organizata terroriste, Shteti Islamik, po planifikonte sulme gjatë Krishtlindjes dhe Vitit të Ri. Turqia ndan një kufi prej 900 kilometrash me Sirinë, ku ky grup mbetet aktiv./mxh
Ish-presidenti rus, Dmitry Medvedev lëshoi ??një kërcënim të fshehur kundër Presidentit ukrainas Volodymyr Zelensky.
“Ai dëshiron luftë. Epo, tani të paktën ai do të duhet të qëndrojë i fshehur për pjesën tjetër të jetës së tij të pavlerë”,-tha Medvedev.
Medvedev, i cili tani është anëtar i këshillit të sigurisë së Rusisë, akuzoi udhëheqësin ukrainas se po përpiqet të prishë zgjidhjen e konfliktit, në një postim në platformën sociale ‘X’, duke iu referuar bisedimeve të vazhdueshme të paqes që synojnë t’i japin fund luftës midis Rusisë dhe Ukrainës.
Rusia ka vazhduar të bombardojë Kievin me sulme, dhe negociatat e ndërmjetësuara nga SHBA-të kanë vazhduar, duke ngritur pyetje nëse Moska dëshiron të prishë bisedimet e paqes. Presidenti Trump ka thënë se beson që Putin dëshiron të arrijë paqen, pavarësisht sulmeve të vazhdueshme.
Deklaratat e Medvedev vijnë pasi Presidenti amerikan Donald Trump dhe Zelensky u takuan në Mar-a-Lago në Palm Beach, Florida, për të diskutuar draftin e fundit të propozimit për t’i dhënë fund luftës, Putin foli me Trump në telefon./mxh
Labinot Rexha, një nga banorët e “Big Brother VIP Kosova 4”, ka prekur publikun me një rrëfim të thellë personal, duke folur hapur për ndarjen e gjatë që pati me motrën e tij. Ai zbuloi se për pesë vite me radhë nuk kishte pasur asnjë kontakt me të, për shkak të vendimit të saj për t’u martuar me një burrë që nuk ishte shqiptar, por me ngjyrë, zgjedhje që në atë kohë u prit me kundërshtime të forta nga familja dhe rrethi.
Pavarësisht distancës, Labinoti theksoi se dashuria për motrën nuk i kishte munguar kurrë, ndërsa sot e pranon me dhimbje se ajo shkëputje ishte një gabim që e rëndon ende. Ai foli me emocion për momentin e ribashkimit pas pesë vitesh, një takim që e përshkroi si jashtëzakonisht të ndjerë, veçanërisht kur pa edhe mbesën e tij për herë të parë.
Sipas tij, sot gjithçka ka ndryshuar. Marrëdhënia me motrën është rikthyer më e fortë se kurrë dhe e mbushur me dashuri e mirëkuptim. “Ajo është e lumtur, dhe kjo më bën edhe mua të lumtur,” u shpreh ai, duke shtuar se nuk ia fal vetes vitet e humbura pa pranimin dhe mbështetjen që duhej t’i kishte dhënë motrës së tij./mxh
Login
