Tensionet mbi rregullimin e platformave sociale kanë eskaluar në një përplasje të paprecedentë ligjore dhe diplomatice mes Shteteve të Bashkuara dhe zërave kritikë evropianë.

Imran Ahmed, shtetasi britanik dhe kreu i organizatës së njohur “Qendra për Kundërshtimin e Urrejtjes Dixhitale” (CCDH), ka dorëzuar një padi urgjente kundër administratës Trump në një gjykatë të Nju Jorkut. Veprimi vjen pasi Uashingtoni vendosi sanksione dhe ndaloi hyrjen në SHBA për të dhe katër figura të tjera të njohura evropiane.

Frika nga deportimi dhe akuzat për hakmarrje

Në padinë e dorëzuar, Ahmed pretendon se ai tani përballet me rrezikun e “arrestimit jokushtetues, paraburgimit ndëshkues dhe deportimit të menjëhershëm”. Dokumenti ligjor thekson se: “Qeveria federale e ka bërë të qartë se Ahmedi është subjekt i sanksioneve për shkak të punës së OJQ-së që ai themeloi”. Organizata e tij, CCDH, ka qenë një nga kritiket më të forta të politikave të moderimit të përmbajtjes në platformën X (ish-Twitter), që pas blerjes nga Elon Musk, duke denoncuar rritjen e gjuhës së urrejtjes.

Lista e zezë, nga OJQ-të te Thierry Breton

Lëvizja e administratës amerikane nuk është kufizuar vetëm tek Ahmed. Të martën, Departamenti i Shtetit sanksionoi edhe katër figura të tjera kyçe që luftojnë dezinformimin në Evropë:

Thierry Breton: Ish-Komisioneri Evropian për Çështjet Digjitale, arkitekti i ligjeve të ashpra të BE-së për rregullimin e internetit.

Clare Melford: Drejtuese e “Indeksit Global të Dezinformimit” (Britani).

Anna-Lena von Hodenberg & Josephine Ballon: Drejtuese të organizatës gjermane “HateAid”.

Ky veprim shihet si një sinjal i qartë i administratës së re amerikane kundër çdo përpjekjeje ndërkombëtare për të rregulluar apo censuruar platformat e mëdha teknologjike amerikane, nën argumentin e mbrojtjes së lirisë së fjalës.

Anëtari i Këshillit Kombëtar të Partisë Demokratike Ilir Alimehmeti ka deklaruar se Shqipëria preket drejtpërdrejt nga ligj i nënshkruar së fundmi nga presidenti amerikan Donald Trump, i cili, sipas tij, përbën jo vetëm buxhetin e ushtrisë amerikane, por themelin e politikës së jashtme të SHBA-së, veçanërisht për rajonin e Ballkanit Perëndimor. Në Off the Record ai tha se ky dokument i vendos në një emërues të përbashkët çështje kyçe si korrupsioni, demokracia, media, krimi kibernetik dhe siguria, duke i konsideruar faktorë vendimtarë për stabilitetin rajonal.

“Një javë më parë zoti Trump ka nënshkruar një dokument, një ligj i cili është jo vetëm buxhet për ushtrinë amerikane, por në fakt është themeli i politikës së jashtme amerikane dhe për zonën tonë, për Ballkanin Perëndimor. Ai fut në një emërues të përbashkët këto. Fut korrupsionin, fut demokracinë, fut median, fut krimin kibernetik, i fut të gjitha një emërues të përbashkët që janë kyç për stabilitet në rajon dhe më gjerë”, u shpreh Alimehmeti.

Alimehmeti ngriti disa pikëpyetje mbi rolin e Shqipërisë brenda NATO-s, nëse vendi është një hallkë e fortë apo e brishtë e aleancës. Sipas tij, infiltrimi i kriminalitetit në institucione dhe projekte strategjike përbën rrezik për sigurinë kombëtare dhe për marrëdhëniet me aleatët.

“Jemi në shkallë shumë më të rëndësishme dhe pyetja kyçe këtu mbetet. Duke parë të gjitha këto, është Shqipëria vendi i NATO-s me të vërtetë apo jo? Është Shqipëria hallkë mjaftueshëm e fortë në këtë zinxhirin e NATOS apo jo? Është e mundshme të infiltrohet Shqipëria nga nivele të ndryshme? Unë s’jam person që merret me sigurinë. Po kjo pyetje lind natyrshëm”, tha ai.

Ai paralajmëroi se kostoja për vendin do të jetë e lartë nëse problemet nuk adresohen, duke e krahasuar situatën me një sëmundje që kërkon ndërhyrje urgjente. Sipas tij, proceset politike dhe hetimet do të mbyllen, por ndërkohë Shqipëria do të paguajë çmimin e vonesave.

“Pra këtu paska njerëz që kanë certifikata sigurie të nivelit të lartë, se të merresh me tenderat e AKSHI-t do të thotë të kesh certifikata sigurie të nivelit të lartë, pikërisht që të tregosh që nuk je i kapur nga agjentë të huaj apo nga kriminaliteti. E nga krahu tjetër, shohim që është pikërisht kriminaliteti që i ka kapur. Pra këtu nuk ke më asnjë funksionim dhe do ribëhet nga fillimi. Sepse për karshi asaj aleance të nderuar ke detyrime dhe janë detyrime të rëndësishme, sepse gjithë këto gjëra, neve këtyre librave ja kemi lexuar faqen e parë dhe faqen e fundit. Ne e dimë si do shkojë kjo punë. E dimë si do shkojë çështja Balluku. E dimë si do shkojë çështja, i dimë të gjitha. Ndërkohë po shohim zhvillimin, po shohim shkrimin e kapitujve dhe po merremi me gjërat e parëndësishme. Janë të përfunduara të gjitha. Vite më parë ju kam thënë këtë çështja Veliaj është e mbyllur dhe u mbyll. Do mbyllet dhe çështja Balluku, njëjtë do mbyllet dhe çështja Rama. Të jeni të bindur. Thjesht ndërkohë neve do na shkaktojnë kosto. Pra është një sëmundje që kur ti pret shumë kohë për ta operuar, ajo të shkakton kosto në trup, por që duhet operuar, duhet operuar”, u shpreh Alimehmeti në Off the Record me Andrea Dangllin në A2 CNN.

Sipas Alimehmetit, Shqipëria nuk perceptohet më si një vend i sigurt dhe se krimi, përfshirë krimin politik dhe korrupsionin në nivele të larta, janë arsyet kryesore pse qytetarët largohen dhe pse shpresa bie.

“Nuk është as shtet i sigurt dhe këto janë arsyet kyçe pse njerëzit na ikin, pse shpresa bie tek ne. Këto janë arsyet kyçe. Nuk bie njeri se është klima, kush e di se çfarë ose kemi ndonjë luftë neve. Këto janë arsyet pse njerëzit ikën. Dhe ky vit ka qenë emblematik në këtë drejtim. Pra, shumë qartë u pa niveli i krimit, shumë qartë u pa niveli i krimit politik, pra i krimit me kollare. Mund ta quajmë dhe shumë qartë u pa niveli demokratik”, theksoi ai.

Dita e Krishtlindjeve ka sjellë zhvillime intensive në frontin diplomatik të luftës në Lindje. Ndërsa Moska ka hedhur në tryezë një ofertë të papritur për Aleancën e Atlantikut të Veriut (NATO), tensionet verbale mes Kremlinit dhe Kievit kanë arritur kulmin personal.

Oferta ruse: Pakt ligjor mossulmimi

Në një deklaratë të transmetuar nga agjencia TASS, zëdhënësja e Ministrisë së Jashtme ruse, Maria Zakharova, njoftoi se Rusia është e gatshme të nënshkruajë një “pakt të ndërsjellë mossulmimi” me vendet e NATO-s.

“Rusia është e gatshme t’i formalizojë këto angazhime në formën e një dokumenti të shkruar, ligjërisht të detyrueshëm,” theksoi Zakharova, duke shtuar se forma specifike mund të negociohet, por duhet të jetë një akt i plotë i së drejtës ndërkombëtare.

Bisedimet me të dërguarit amerikanë

Nga ana tjetër, Presidenti ukrainas Volodymyr Zelensky ka konfirmuar kontakte të nivelit të lartë me përfaqësuesit amerikanë, Steve Witkoff dhe Jared Kushner (dhëndri i Donald Trump).

“Kemi diskutuar disa detaje të rëndësishme rreth punës në vazhdim. Ka disa ide të mira që mund të kontribuojnë në arritjen e një paqeje të qëndrueshme,” shkroi Zelensky në rrjetet sociale, duke lënë të kuptohet se planet e reja të paqes po marrin formë.

Përplasja e ashpër

Shpresat për negociata janë zbehur nga retorika e ashpër personale. Shkak u bë fjalimi i Krishtlindjeve i Zelenskyt, ku ai u shpreh se “të gjithë kanë një ëndërr, që të vdesi”, duke iu referuar hapur Vladimir Putinit.

Reagimi i Moskës ishte i menjëhershëm. Zëdhënësi i Kremlinit, Dmitry Peskov, e cilësoi këtë deklaratë si “vrazhdësi katastrofike”. “Zelensky duket të jetë gjithçka tjetër përveçse një person i përshtatshëm për paqe. Njeriu pyet veten nëse ai është i aftë të marrë vendime adekuate për një zgjidhje përmes mjeteve politike,” tha Peskov, duke sinjalizuar se Moska mund të refuzojë Zelenskyn si interlokutor në bisedimet e ardhshme.

Në këtë klimë të nderë, Vladimir Putin nuk ka harruar të dërgojë urimet e tij personale për Donald Trump, duke konfirmuar edhe një herë rëndësinë që Moska i jep marrëdhënies direkte me Uashingtonin.

Dashamir Shehi, kryetar i LZHK-së, i ftuar në studion e “Off the Record” deklaroi se avioni që i fali Shqipërisë shteti turk “nuk i zgjidh hallet” e vendit.

“Sa herë këtu ambasadorët bëjnë një letër në favor të qeverisë, e bëjnë me dy qëllime. Shpeshherë që vendi të mos afektohet si me thënë nga e keqja, të ketë shpresë, të ketë besim për të ardhmen; shpeshherë sepse dhe ato vetë janë të përzier në raportet me qeverinë. Është një histori që ndodh me vendet e vogla. Rezultantja është që ne duhet të jemi në një linjë me to. Ndryshe, kemi shumë më pak hapësira. Pastaj, a do na mbështesin të huajt për këtë punë? Sidomos amerikanët. Varet dhe me raportin që është Amerika me Europën sot. Varet edhe me rolin që do të luajë Shqipëria në Ballkan, sepse këtu dhe në Ballkan operojnë edhe linja të tjera. Turqia, që siç e patë na fali një avion sot. Po pse, keq me fal avionin Edi Ramës jemi ne për Turqinë? Pse? Ç’është kjo? Kujt po i bëjmë peshqesh? Se mund të jetë ankuar ky, më shajnë thotë ato se harxhoj lekët. E gjitha kjo është që “tani s’keni ç’thoni se ky është avioni i shtetit”. Domethënë, shteti jonë u bë edhe me avion. Edi Rama ka për të hipur në avion. Kjo është e gjithë historia”, tha Shehi.

“Shiko ku kanë arritur raportet ndërkombëtare, interesat personale. Se edhe ai atje ka 20 vjet, por gjithsesi atë e ka zgjedhur populli i vet. Edhe ky këtu ka 12 vjet. Bëhesh mik, bëhesh edhe krushk. Por, kjo nuk e zgjidh hallin e Shqipërisë. Mirëpo, ato që i shohin këto lloj raportesh, të jeni të sigurt që nuk i shohin me kaq dashuri, se mund të na e kishin falur gjermanët ne avionin ose hollandezët… Të gjitha këto janë faktorë ndërkombëtarë. Ishalla kemi fuqi, ngrihemi këtë vit kundër një regjimi që i ka mbushur ditët dhe ishalla i kemi dhe ato në krah. Uroj në një farë mënyre që dhe këto zotëritë e SPAK-ut të bëjnë detyrën e vetme, nuk është nevoja të bëjnë heroin. I kanë ato letra atje, t’i kopsisin siç duhet për ta mbyllur”, shtoi Shehi.

Ajo ka zbuluar se si bëri fushatën e saj në zgjedhjet presidenciale në SHBA, me shqiptarët që jetojnë atje.

Bleona Qereti ka rrëfyer ndër të tjera edhe marrëdhënien që ka sot me politikanët shqiptarë, por jo vetëm.

“Unë nuk mund të jem më krenare për këtë moment. Jemi një vend kaq i vogël, por që në momentin që nuk ke një forcë që të të ndihmojë, nuk ka kohë të të shohë njeri. Doja ta fusja Shqipërinë në administratën amerikane.
Shqipëria dhe shqiptarët duhet të besojnë tek Amerika si shtet, si koncept.

Shumë njerëz nuk më marrin në telefon sepse unë e kam vënë kufirin me kohë. Mua nuk më bie telefoni nga politikanë, nga meshkuj, nuk më bie telefoni. Kam dashur të jem e lirë, por kam kaluar nga ana tjetër. Duhet të të bie telefoni ndonjëherë”, tha Qereti.

Kosova i drejtohet kutive të votimit për herë të dytë brenda këtij viti. Ekspertja gjermane për Ballkanin, Frauke Seebass, bën thirrje për dialog mes partive politike dhe vë në dukje se Kosova ka pësuar dëme të konsiderueshme në reputacionin e saj ndërkombëtar gjatë këtij viti.

DW: Për herë të dytë brenda një viti, Kosova shkon në zgjedhje të reja. A mendoni se këto votime do të sjellin zhbllokimin e situatës në vend? Gjatë fushatës, partitë e tjera kanë ritheksuar se nuk do të hyjnë në koalicion me Lëvizjen Vetëvendosje të Albin Kurtit…

Frauke Seebass: Gjithçka do të varet nga rezultati i zgjedhjeve. Vetëvendosje shpreson për një shumicë aq të madhe sa të mund të qeverisë e vetme, ose “vetëm” me mbështetjen e pakicave, të cilave Kushtetuta u garanton një numër të caktuar vendesh. Kjo taktikë dështoi pas zgjedhjeve të shkurtit.

Në rast të një rezultati të ngushtë, VV mund të përpiqet të bindë deputetë individualë nga partitë e tjera për të mbështetur koalicionin. Aleanca parazgjedhore me partinë e vogël PSHDK (përveç listës Guxo dhe Alternativës) – partnerë tradicionalë të LDK-së – është tregues i kësaj qasjeje. Gjithashtu, ekziston mundësia që partitë opozitare të mobilizojnë mbështetje të mjaftueshme për të formuar një qeveri pa VV-në, ndonëse gjasat për këtë janë të pakta. Nëse kemi një rezultat të ngjashëm me atë të shkurtit, një bllokim i ri nuk është i pamundur.

DW: Përse ky qëndrim kaq refuzues ndaj Albin Kurtit?

Frauke Seebass: Para së gjithash, kjo lidhet kryesisht me qëndrimin e tij të pakompromis, përmes të cilit ai u shpalli luftë “elitave të korruptuara” dhe, praktikisht, të gjitha partive të tjera. Para zgjedhjeve të shkurtit, VV synonte të rifitonte shumicën kushtetuese, ndërsa partitë e tjera të mëdha e pozicionuan veten fillimisht në opozitë me Albin Kurtin; kjo çoi në një atmosferë të helmuar mes tyre. Pas farsës që shoqëroi zgjedhjen e Kryetares së Kuvendit – të cilën Kurti e interpretoi si pengesë të qëllimshme – nuk mbeti më hapësirë ​​për kompromis. Nëse Kurti nuk arrin të angazhohet në dialog me partitë e tjera, pritet një bllokim i mëtejshëm.

DW: Mungesa e vullnetit politik të partive në Kosovë solli këtë situatë zgjedhjesh të jashtëzakonshme, por Kosova nuk e ka pasur traditë një mungesë kaq të theksuar kompromisi. Si e shpjegoni këtë polarizim politik të përmasave të tilla?

Frauke Seebass: Vota për Vetëvendosjen në vitin 2021 ishte një votë proteste, pas rënies së koalicionit me LDK-në me ndihmën e SHBA-së. Ndërsa në atë koalicion VV ishte detyruar të bënte kompromis, më pas ajo u gjend në pozita për të qeverisur praktikisht e pakontestueshme për katër vjet. Fushata që çoi në zgjedhjet e shkurtit dhe muajt e bllokimit e helmuan atmosferën në parlament dhe në të gjithë vendin. Mbetet të shpresojmë që partitë të reflektojnë dhe t’i rikthehen përgjegjësisë që kanë ndaj qytetarëve, pavarësisht rezultatit të zgjedhjeve.

DW: Albin Kurti është përballur me mjaft kritika edhe nga partnerët ndërkombëtarë të Kosovës. Nën një qeverisje të mundshme të Kurtit, si mund të sigurohet progres në dialogun me Serbinë, si kusht për integrimin e mëtejshëm të Kosovës në BE?

Frauke Seebass: Për BE-në, zbatimi i Marrëveshjes së Ohrit të vitit 2023 mbetet thelbësor dhe Kosova duhet të tregojë përparim në krijimin e Asociacionit të Komunave Serbe. Kjo është thelbësisht e lidhur me të gjithë ecurinë e Kosovës në integrimin euro-atlantik, që nga anëtarësimi në Këshillin e Evropës e deri tek shqyrtimi i kërkesës për anëtarësim në BE. Për shkak të situatës politike në Serbi, afrimi me BE-në aktualisht është shumë i vështirë, veçanërisht nën drejtimin e Kurtit, por me zbatimin e Asociacionit Kosova mund të bëjë përparim të konsiderueshëm, si në nivel të brendshëm ashtu edhe në politikën e jashtme.

DW: Deri më tani, Asociacioni duket i largët. A mund të konsiderohet ai arsyeja kryesore pse Kosova ka ngecur në integrimin drejt BE-së? Deri tani BE kishte sanksione në fuqi, ndërsa SHBA pezulloi dialogun strategjik.

Frauke Seebass: Masat dhe bllokadat drejtohen kundër Kurtit dhe politikave të tij të njëanshme, veçanërisht mungesës së konsultimeve dhe përshkallëzimit të situatës në komunat veriore. Në vend që të denoncojë trajtimin e pabarabartë krahasuar me Serbinë, qeveria duhet të kuptojë se ndodhet në pozicion defensiv dhe se nuk ka konsensus brenda BE-së. Masat janë ligjërisht në një zonë gri dhe kërkohet unanimitet për shfuqizimin e tyre, por shumë vende duan të shohin që Kosova të bëjë lëshime e para. Mund të hamendësohet se partnerët ndërkombëtarë do të ishin më të hapur ndaj një qeverie të drejtuar nga dikush tjetër përveç Kurtit.

DW: Por Kosova druhet se Asociacioni do të rrezikojë funksionalitetin e shtetit më të ri të Evropës. Sa real është ky rrezik, duke pasur parasysh se komunat serbe kërkojnë një lloj vetëqeverisjeje brenda Kosovës përmes këtij mekanizmi?

Frauke Seebass: Nuk e shoh më këtë rrezik pas vendimit të Gjykatës Kushtetuese dhe propozimeve aktuale sipas Marrëveshjes së Ohrit. Përkundrazi, besoj se Asociacioni i Komunave është parakusht për integrimin e serbëve të Kosovës dhe demokratizimin e mëtejshëm, veçanërisht nëse pjesë e tij bëhen edhe komunat jugore. Ky integrim më i thellë mund të parandalojë gjithashtu propozime të reja për ndryshime territoriale (shkëmbim territoresh). Asociacioni i Komunave – i mbrojtur nga kushtetuta dhe me të drejtën e vetëmenaxhimit të sanksionuar në të – do të administronte vetë fusha të tilla si arsimi dhe planifikimi urban, por nuk do të mund të bllokonte vendimet kombëtare, siç ndodh, për shembull, në Republikën Srpska. Nga ana tjetër, ideja e Vetëvendosjes për të detyruar integrimin përmes reciprocitetit ka dështuar.

DW: Ndërkohë, Serbia dhe Kosova akuzojnë njëra-tjetrën për shkelje të marrëveshjeve të Brukselit për normalizimin e marrëdhënieve. Çfarë mund të bëjë BE-ja për të siguruar që një marrëveshje, pasi të nënshkruhet, të zbatohet vërtet?

Frauke Seebass: BE-ja, në fakt, zotëron shumë leva për të nxitur progresin në zbatimin e marrëveshjeve, por mungon vullneti politik dhe, mbi të gjitha, uniteti. Prandaj, shoh më shumë potencial veprimi në një koalicion shtetesh që të marrin drejtimin dhe të ofrojnë stimuj – pozitivë dhe negativë. Megjithatë, duke pasur parasysh situatën aktuale në Serbi, kjo strategji do të ishte e vonuar me vite; nuk shoh gjasa që Serbia t’i zbatojë marrëveshjet në vitet e ardhshme.

DW: Kosova mbetet vendi më i varfër në Evropë dhe i vetmi shtet ballkanik pa statusin kandidat për anëtarësim në BE. A ka qenë BE-ja shumë e ashpër me Kosovën, apo arsyet duhen kërkuar brenda politikave të qeverisë aktuale?

Frauke Seebass: Është një çështje komplekse, por, përmbledhtazi, ka të vërteta në të dyja anët. Për mua, pika e kthesës ishte viti 2018, kur shtetet anëtare të BE-së refuzuan liberalizimin e vizave për arsye të politikave të brendshme. Perceptimi në Kosovë ishte se ishin bërë shumë kompromise pa rezultate konkrete, dhe VV e shfrytëzoi këtë atmosferë. Nga ana tjetër, veprimet e njëanshme të Kurtit dhe bllokimi i muajve të fundit kanë luajtur një rol të madh në faktin që edhe partnerët tradicionalë të Kosovës janë ndjerë të cenuar; si pasojë, reputacioni ndërkombëtar i Kosovës ka pësuar dëme të konsiderueshme.

Ilir Alimehmeti u shpreh të enjten në mbrëmje se demokracia lind nga zgjedhjet e ndershme, por sipas tij, në Shqipëri ky mekanizëm është i cenuar. Ai iu referua raporteve të OSBE/ODIHR, të cilat sipas tij dëshmojnë qartë se proceset zgjedhore nuk garantojnë vullnetin e lirë të qytetarëve.

“Kur një vend ndodhet mes autokracisë dhe diktaturës, vota nuk e rrëzon dot regjimin. Kjo s’ka ndodhur kurrë dot me votë të lirë, me votë, me votime. Sepse është shumë e qartë në sytë e të gjithëve që nëse ti je ndërmjet autokracisë dhe diktaturës, patjetër që largohet ai se e kupton këtu s’ka demokraci funksionale. Këtu vota nuk vlen për asnjë gjë se në fund fare ditës bën çfarë të dojë ky tjetri. Ky vend s’është demokraci. E në qoftë se nuk është demokraci, çfarë diskutojmë neve? Jo po e afrojmë votuesin, se afrojmë votuesin, po nuk është demokraci. Afroje votuesin sa të duash, por nuk e kapitalizon dot, nuk e mbron dot atë, sepse i kemi parë se çfarë ka ndodhur. Flasin raportet zyrtare për këtë. Nuk ka nevojë të themi ne më asgjë tjetër”, tha ai.

Duke përdorur analogjinë e një loje pa arbitër, ku fiton gjithmonë pala që shkel rregullat, Alimehmeti tha se, në mungesë të një arbitri që garanton zgjedhje të lira dhe të ndershme, demokracia mbetet formale. Për këtë arsye, ai theksoi domosdoshmërinë e mbështetjes perëndimore, veçanërisht të Shteteve të Bashkuara të Amerikës.

“Ne po diskutojmë gjëra luksi, kur mungon baza, demokracia. Pa të, çdo debat tjetër është i kotë. Ndryshimi kërkon një aleancë të brendshme dhe të jashtme me një qëllim të përbashkët. Regjimi është i instaluar. Neve jemi shumë të qartë që ne flasim brenda këtij lloj regjimi dhe kjo kërkon absolutisht nevojën tonë, punën tonë. Ajo që u tregua dhe me datën 22 dhjetor. Pra që ka dëshirë që njerëzit e duan këtë lloj ndryshimi, por janë të pafuqishëm për ta bërë. Se përballë nuk ke një qeveri normale”, tha Alimehmeti në Off the Record me Andrea Dangllin në A2 CNN.

Ai nënvizoi se Shqipëria, si vend anëtar i NATO-s dhe aspirant për Bashkimin Europian, nuk mund të lejohet të mbetet një “hallkë e dobët” në zinxhirin e sigurisë perëndimore. Sipas tij, interesat gjeopolitike të Perëndimit janë që në Shqipëri të forcohet demokracia dhe shteti ligjor.

Sipas tij, opozita, me Partinë Demokratike si forca kryesore brenda vendit, duhet të shërbejë si lokomotivë e këtij ndryshimi, ndërsa partnerët ndërkombëtarë janë të qartë: SHBA dhe Bashkimi Europian.

“Shqiptarët janë ndër popujt më proamerikanë në Europë. Partnerët tanë nuk janë as Kina dhe as Rusia. Janë SHBA dhe BE,” theksoi ai.

Ish trajneri i kombëtares, Gianni de Biasi thotë se është kontaktuar nga 3 kombëtare europiane.

Në një intervistë për emisionin “Real Story” në ABC News, de Biasi u shpreh se do të ishte katastrofë nëse Italia nuk do ia dilte sërish të kualifikohej për në Botërorin 2026.

Ndër të tjera, de Biasi pati edhe një këshillë për trajnerin aktual të kuqezinjve, Sylvinho, lidhur me ndeshjet e play off.

Sokol Balla: Do ishit i hapur për një ofertë për të stërvitur një skuadër qoftë edhe klubesh apo një përfaqësuese?

Gianni de Biasi: Unë jam kontaktuar në mars për të marr një klub të madh në Serinë B në Itali, bëhej fjalë për Palermon, fituan dy ndeshjet e radhës dhe nuk më morën më. Më kërkuan të drejtoj Persepolis në Iran, por të shkosh në Iran është njëlloj si të rrezikosh kockat. Kam mundësinë për të bërë zgjedhje, nëse gjej opsionin që më pëlqen, që jam brenda me 100 % të projektit, por në aspektin fiktiv nuk është se jam i detyruar për të bërë një zgjedhje.

Sokol Balla: Je bërë pak tekanjoz..

Gianni de Biasi: Jo jo, nuk jam i vështirë, jam duke e thënë në një mënyrë pak alegorike, për të treguar si histori. Jam shumë më ndryshe, por në një moment të dytë, vjen dikush ma mbush mendjen me tregon dy tre gjëra, por nëse dicka ma mbush vërtetë zemrën unë shkoj. Ajo që më pëlqen është se kam një dëshirë të çmendur, një pasion të çmendur që të vijoj ta bëj.

Sokol Balla: Çfarë bën Giani De Biasi ndërsa pret telefonatën e artë për t’u rikthyer në futbollin aktiv?

Po kam marrë 3 telefonata në tre javë nga tre kombëtare. Shpresoj që me njërën prej tyre uroj shumë të arrij të konkretizoj diçka. Njëra është shumë e mirë, dy të tjerat janë realitete diskrete.

Europiane, apo ..?

Europiane.

Sokol Balla: Qenka interesante, edhe pse do doja që Italia të skualifikohej se besoj skuadrat ju marrin ju në telefon kur janë në momentin e tyre më të vështirë. Aty vjen De Biasi dhe i shpëton.

Gianni de Biasi: Unë uroj që Italia të shkojë në Botëror, jam italian, jam edhe shqiptar. Por besoj se Italia duhet ta meritojë, edhe nëse nuk shkon është gjithmonë faji jonë.

Sokol Balla: Tre herë rresht do të ishte ..

Gianni de Biasi: Do ishte katastrofë.

Sokol Balla: Me çfarë merreni në kohën tuaj, përvec faktit që duket se mbaheni në formë optimale fizike.

Gianni de Biasi: Në verë shkoj me biçikletë në shtëpinë time që kam në Siçili, kam bërë tre muaj pushime. Gjatë sezonit ndjek fubollin, dhe më pas i dedikohem më shumë dashurive të mia, familjes etj.

Sokol Balla: Ndërkohë vini shumë shpesh në Shqipëri.

Gianni de Biasi: Më ftojnë dhe unë vij. Kur janë evente të tilla si kjo e galasë së futbollit, është gjithmonë kënaqësi. Unë kam shumë miq në Shqipëri, keni një kuzhinë që më pëlqen shumë dhe ndihem mirë.

Sokol Balla: Ka ndonjë projekt në Shqipëri?

Gianni de Biasi: Jo, kam shumë investime imobliare nëpër Europë, ishte diçka interesante për të bërë diçka interesante vite më parë, kur isha këtu trajner por nuk rrezikova. Kam shumë opsione nëpër Europë.

Sokol Balla: Pas asaj që ndodhi në 2016, nisi si një dritare e atyre ditëve dhe përfundoi një libër, që unë e quajta loja që ndryshoi Shqipëri. Ke qenë në përurimin e atij libir. Është gjithmonë dilema, e ndryshoi futbolli Shqipërinë apo ndryshimi i Shqipërisë u shfaq edhe në futboll. Ju çfarë mendoni? Sa realisht e ndryshoi futbolli Shqipërinë?

Gianni de Biasi: Unë mendoj se futbolli i ka dhënë një dorë të madhe Shqipërisë. Në këto terma thelbësore, vetëm fakti për të parë një grup djemsh që nisën një rrugë të gjatë, me  dëshirën, angazhimin dhe impenjim, arritën një objektiv të pabesuar nga shumë njerëz. Por duke punuar shumë me anën  psikologjike, u bindëm dhe bindëm veten që mund t’ia dilnim dhe këtë e përcollëm te të gjithë shqiptarët. Dhe më pas gjëja që pash më pas, nuk është që ne e bëmë këtë më parë dhe ndodhën më pas zhvillimet në Shqipëri. Kur erdha në 2012, rrugët ishin problematike, ndërkaq vjen pas shumë vitesh në Shqipëri dhe sheh një ndryshim radikal, të rrugëve, infrastrukturës, të imazhit. Shqipëria ka bërë hapa gjigandësh, është një interlokutor shumë i rëndësishëm edhe në nivelin ndërkombëtar, për gjitha raportet me vende të ndryshme. Fillimisht me Italinë, por edhe me komunitetin europian.

Sokol Balla: Në fakt lojtarët që luajnë në Serie A, nuk quhen ekstrakomunitarë, pra lojtarët shqiptarë quhen lojtarë komunitarë dhe falë një pasaporte shqiptare, që mori Zhegrova ai sot luan te Juventus dhe kjo është shenjë e progresit. Ndjen dicka që ndoshta mund ta kishe bërë më mirë?

Gianni de Biasi: Unë mendoj që gjithmonë mund të bëhet më mirë, por në momente të vecanta duhet edhe të kënaqesh me atë që ke arritur në jetë. Sepse nëse përballesh me trishtimin nuk shkon mirë. Ajo që bëmë ne ishte dicka e jashtëzakonshme, por mund të bënim edhe dicka më shumë, por nuk duhet që të mos kënaqemi me këtë që kemi arritur.

Sokol Balla: Për ta mbyllur, një këshillë për Sylvinho për ato dy ndeshje të marsit

Gianni de Biasi: Luaj siç luajte me Serbinë dhe mos e vrit mendjen fare, luaj siç luajte me Serbinë!

Rusia ka konfirmuar zyrtarisht se është në bisedime me autoritetet franceze për fatin e Laurent Vinatier, studiuesit francez që po vuan dënimin në një burg rus dhe që rrezikon akuza të reja të rënda.

Zëdhënësi i Kremlinit, Dmitry Peskov, deklaroi të enjten se Moska i ka paraqitur një propozim palës franceze. “Ne u kemi bërë një ofertë francezëve. Topi tani është në fushën e Francës,” tha Peskov për gazetarët, duke refuzuar të japë detaje specifike mbi natyrën e ofertës, për shkak të ndjeshmërisë së çështjes.

Nga ana tjetër, Ministria e Jashtme franceze nuk ka pranuar të komentojë mbi këtë zhvillim të ri.

Ky zhvillim vjen vetëm pak ditë pasi Presidenti Vladimir Putin u pyet drejtpërdrejt për rastin nga një gazetar francez gjatë konferencës vjetore për shtyp më 19 dhjetor. Edhe pse Putin deklaroi se nuk kishte dijeni për rastin, ai premtoi se do ta hetonte atë.

Laurent Vinatier, këshilltar i organizatës zvicerane “Qendra për Dialog Humanitar”, u arrestua në qershor 2024 në Moskë. Ai u dënua fillimisht me tre vjet burg në tetor 2024, nën akuzën se nuk ishte regjistruar si “agjent i huaj” ndërkohë që mblidhte informacione mbi aktivitetet ushtarake ruse.

Megjithatë, situata e tij ligjore është rënduar ndjeshëm. Në gusht 2025, agjencia shtetërore ruse TASS raportoi se ndaj tij janë ngritur edhe akuza për spiunazh, një vepër penale që në Rusi dënohet me 10 deri në 20 vjet burg.

Rasti i Vinatier po zhvillohet në një sfond të tensionuar të marrëdhënieve Moskë-Paris, veçanërisht pas deklaratave të Presidentit Macron mbi luftën në Ukrainë.

Ministria e Jashtme franceze e ka cilësuar dënimin e studiuesit si “jashtëzakonisht të rëndë” dhe ka kërkuar lirimin e tij, duke kritikuar ligjin rus për “agjentët e huaj” si një mjet për të shtypur liritë themelore.

Vitet e fundit, Moska ka përdorur shpesh arrestimet e shtetasve perëndimorë si “monedhë shkëmbimi” për të liruar agjentë apo të dënuar rusë në Perëndim, siç ishte rasti i shkëmbimit masiv të të burgosurve në gusht 2024.

Koreja e Veriut

Nuk ka vend për festa fetare si Krishtlindja në Korenë e Veriut. Ideologjia totalitare e shtetit nuk toleron fenë sepse e sheh si konkurrencë ndaj pushtetit shtetëror dhe kultit të personalitetit që është ndërtuar rreth dinastisë Kim prej vitesh, raporton “Index”. Çdo formë e festimit të Krishtlindjes mund të çojë në burgim ose ndëshkime të tjera të rënda.

Si vendlindje e islamit, Arabia Saudite ka një qëndrim të qartë për Krishtlindjen: nuk është në pajtueshmëri me doktrinën islame. Për vite, dekorimet publike, bredhat e Krishtlindjes, apo çdo festim i dukshëm është i ndaluar rreptësisht dhe festimet janë të kufizuara në hapësira private.

Në vitet e fundit, ka pasur disa ndryshime të vogla, më shumë për shkak të përpjekjes për hapje ndaj turizmit. Në disa hotele luksoze dhe qendra tregtare dekorime modeste “sezonale” mund të shihen, por pa simbole fetare.

Brunei

Brunei zbaton një version të rreptë të Sheriatit që vendos për hapësirën publike. Edhe pse ata që nuk janë myslimanë lejohen ta festojnë Krishtlindjen në privatësi, gjithçka që mund të duket si “promovim i një feje tjetër” mes myslimanëve konsiderohet e ndaluar. Bredhi, dritat apo vetëm një kapele babagjyshi mund të ndëshkohen me gjobë.

Somalia

Somalia, një shtet me shumicë myslimane dhe situatë komplekse të sigurisë, shkon një hap më tutje: Krishtlindja është komplet e ndaluar. Arsyet janë për shkak të identitetit fetar dhe për siguri – autoritetet besojnë se festimi në publik mund të nxisë tensione dhe reagime nga grupet ekstremiste.

Taxhikistani

Taxhikistani nuk e ka ndaluar zyrtarisht Krishtlindjen, por autoritetet vazhdimisht i dekurajojnë njerëzit kundër festimit. Është pjesë e një politike më të gjerë për kufizimin e kulturave të huaja dhe ndikimit fetar, ndërsa synon forcimin e identitetit kombëtar. Autoritetet këshillojnë shkollat dhe bizneset kundër dekorimeve apo festimeve, dhe shitja e bredhave apo dekorimeve është e ndaluar.

Në datë 15 dhjetor 2025, gjatë një proteste të Partisë Demokratike përballë kryeministrisë, një student doli në foltore dhe deklaroi se zyrtarët e shtetit i kishin kërkuar 5 deri në 10 mijë euro ryshfet për ta futur në punë.

Një akuzë e rëndë, por në atë fjalim, studenti Eljon Kaja, nuk e shoqëroi se në çfarë zyre ia kishin kërkuar këtë ryshfet.

“Unë erdha në Tiranë si student. Pavarësisht mesatares së shkëlqyer, nuk përfitova bursë, pasi bursën e përfituan miqtë e partisë. Falë mbështetjes së familjes sime dhe mundimit tim, ia arrita të mbaroja ato studime. Kërkova punë në zyrat dhe institucionet e korruptuara të Rilindjes. Por fatkeqësisht aty u përballa me njerëz me tetëvjeçare, që specializim të tyre kanë teserën e kuqe dhe më kërkuan 5.000 deri në 10.000 euro për një vend pune. Gjë që nuk ka asnjë garanci, pasi drejtorët e korruptuar të Rilindjes vazhdojnë e ndërrohen çdo muaj” tha ai.

Më pas shtoi se, ashtu si ai, janë qindra apo mijëra shqiptarë që mbarojnë studimet dhe përfundojnë kamarierë ose banakierë. Akuza të rënda, për një student, të ri, që aspiron t’i futet politikës.

“Prisni të merrni një rrogë te bashki, apo ditën e votimit të merrni një 200 eurosh të ndarë? Sigurisht që jo, nuk është kjo zgjidhja. Profesor Doktor Sali Berisha, ne demokratët, mbi të gjitha të gjithë shqiptarët të kanë besuar këtë detyrë, për t’i udhëhequr drejt fitores. Ne të rinjtë shqiptarë jemi të gatshëm të sakrifikojmë gjithçka, çdo gjë, me çdokush, me çdo çmim për t’u përballur me këto plehra dhe maskarenj, që çdo ditë po na vrasin shpresën dhe ëndrrën tonë” tha nga foltorja e 15 dhjetorit Eljoni.

Disa ditë pas këtij fjalimi, grupi i Fiks Fare e kërkoi Eljonin dhe e takoi në Tiranë. Ai është nga fshati Kryevidh i Rrogozhinës dhe është marrë me strukturat e Partisë Demokratikë, që nga mosha 13 vjeçare. Ai thotë se është bërë kryetar i FRPD-së në moshën 16 vjeçare dhe arrin të sjellë në Tiranë mbi 40 vetë në protestat e mëdha. Deri këtu s’ka asgjë të keqe, pasi një i ri që aspiron politikën, duhet të ketë dhe ide të reja. Të sjellë një frymë të re. Ndaj, dhe Fiksi e pyeti nëse ka apo jo prova për ryshfeti deri në 10 mijë euro.

“Të kërkojnë kudo lekë sekserët, në kafe. Nuk është ideja ku kam aplikuar unë. Po, pa shkuar fare në zyrë, po te lokali i lagjes. Vjen të thotë tjetri, këtej nga Tirana e kanë bërë. Shkon te kafja dhe të vjen njëri që thotë njoh drejtorin dhe të mbaron punë” tha ai në takimin me Fiksin.

A ka emra personash, zyrtarësh, institucionesh? Në çfarë vendi shkoi Eljoni dhe kush i kërkoi lekë?!

Ai përgjigjet se “s’jena me i bo keq njerëzve, prandaj them, as flas e asnjë gjë. Ti e di këtu sekserlliku mbaron punë”. Gazetarët këmbëngulin se në çfarë zyre ka shkuar, kë ka takuar. “S’kam shkuar në zyrë, s’kam shkuar, është kot. Kam shkuar vetëm te lokali i lagjes dhe të takojnë, me të njohur” vijon ai. Por, a ka emra konkretë edhe të sekserëve? “Jo s’kam, s’kam emra” vijon 23 vjeçari, ndërsa shton se s’do që të denoncojë, pasi i ka punët në terezi, pasi ka lënë gjyshi shumë prona. I ka lënë edhe babai.

“Unë e kam për këto të shkretët, të tjerët. Për studentë të tjerë, që janë hallexhi” shton Eljoni, ndërsa hedh një tjetër shashkë. “Ai muhabet ka 7 mua dhe janë ndërruar 4 veta. Në kafe ka thënë ai (sekseri) që e njoh unë. Unë kam qenë në një kafe lagje. Ato s’kanë faj që kërkojnë, unë ua kuptoj rastin” vazhdon ai.

Biseda me Eljonin është e njëjtë me politikanët e vjetër. Mendësia është e njëjtë. Madje, edhe nëse forca që ai aderon vjen në pushtet, Eljoni i ka idetë e qarta. Për vete dhe për njerëzit e partisë që e rrethojnë. “Se dhe tanët po qenë, një m… do jenë. Të gjithë atë punë bëjnë. Shpenzim kanë, kanë harxhuar aty që të zhvatin. Ne e dimë realitetin” përfundoi ai.

Fiksi tentoi të thellonte akuzën e Eljonit. Të shkonte bashkë me te në zyrat e shtetit. Ku dhe kush i kërkoi para për vendin e punës? Por, në fund, ai deklaroi se “edhe tanët po qenë, njësoj do kërkojnë lekë”.

Bisedë mes grupit të Fiks Fare dhe 23-vjeçarit Eljon Kaja:

Gazetari – Ti je me Forumet Rinore?

Studenti – Po unë jam Kryetari i Forumit Rinor në Rrogozhinë.

Gazetari – I kujt, i gjithë Rrogozhinës?

Studenti – Po.

Gazetari – Po bën shumë kohë që je angazhuar?

Studenti – Kam vite, kam qenë kryetari i Kryevidhit.

Gazetari – Sa vjeç je ti Eljon?

Studenti – 23.

Gazetari – 23 je.

Studenti – 7 vite kam që jam si kryetar, kam si kryetar 8 vjet. 2 vjet që merrem më përpara 9, që kam qenë me organizimin. 10 vite që kam me organizimin. 16 (vjeç) jam bërë kryetar, si u bëra kryetar! Jam bërë se sillja 40 veta këtu, i ke me foto e video të gjitha.

Gazetari – Në Rrogozhinë ë?

Studenti – Në Kryevidh fillova, kam pas grup të mirë.

Gazetari – Po ty ku të kanë kërkuar lekë, në çfarë vendi?

Studenti – Vëlla, kërkojnë ndonjë lekë sekserët kudo mo burrë.

Gazetari – Ku, në çfarë vendi?

Studenti – Po në kafe të kërkojnë!

Gazetari – Ti ku aplikove?

Studenti – Nuk është ideja ku kam aplikuar unë. Ideja është …

Gazetari – Ku shkove?

Studenti – Pa shkuar hiç fare mo në zyrë! Te lokali i lagjes mo burrë, të vjen të thotë tjetri vetë.

Gazetari – Në Rrogozhinë apo këtej në Tiranë?!

Studenti – Këtej, këtej vërdallë.

Gazetari – Ku në Tiranë?

Studenti – Ti e di vetë, s’dua të flas për këto punë. Vjen të takon njëri njoh drejtorin, të mbaron punë.

Gazetari – E njeh ndonjë që t’a regjistrojmë?!

Studenti – Jo or burrë. Ti e di këtu punë sekserlliku mbahet.

Gazetari – Ke shkuar te Ministria e Drejtësisë, ke shkuar te Burgjet?

Studenti – Jo s’kam shkuar në zyrë.

Gazetari – E zëmë ke shkuar te Kadastra …

Studenti – E kuptoj çfarë më thua. Nuk kam shkuar, është kot!

Gazetari – Po ku ke shkuar fiks?

Studenti – O vëlla, vetëm te lokali i lagjes vijnë të takojnë. Me të njofme, 1, 2, 3. këtu i njëh, ai e njeh.

Gazetari – Të tha që duhen kaq lekë?

Studenti – Po kështu duhet të hysh.

Gazetari – Po ti ke emra konkret për këto?

Studenti – Jo s’kam! Emra nuk eee …

Gazetari – Ke apo s’do t’i denoncosh?

Studenti – Jo nuk kam.

Gazetari – Po flasim tamam.

Studenti – Jo nuk kam emra!

Gazetari – S’ke emra konkret?

Studenti – Jo. Edhe ato s’kanë faj që kërkojnë.

Gazetari – E di, e di.

Studenti – Se ashtu kanë arritur dy veta. Ne e dimë këtë histori. Kanë shkuar tu ble vota atje, se kanë arritur këtu. Realitetin, e di unë e di kushdo. Është pa vlerë dhe për çfarë për një vend pune të qelbur. Të dh… punët e tyre, nuk dua t’i shkoj. Se i kam për terezi të miat, kur ta kuptojnë ropt. Se unë jam vëlla, unë të thashë s’kam nisur (pasurinë) e gjyshit. Më ka lënë gjyshi nja 1 (milionë) euro gjendje.

Gazetari – Ke prona?

Studenti – Po. Më ka lënë 1 (milionë) euro gjyshi, kështu që me nis pastaj te plaku, edhe 1 mund të shkoj plaku, kështu që. Unë e kam për këto që i thuaj asaj tjetrës ça bona dhe t’a denoncoj rastin tat që i kërkojnë. Kam aplikuar prapë thotë, po lërë njëherë të shohim, inshallah bëhet ndonjë gjë. Unë e kam për këto mo, që janë hallexhi po unë.

Gazetari – Nëse ti thua më kërkuan 5 deri në 10 mijë euro, puna është akuzë konkrete, e kupton?

Studenti – Lëne mo vëlla, se muhabeti ka 7 muaj, 7 muaj që janë ndërruar 4 veta. Ose t’a thotë tjetri në kafe e njoh unë. Ka ik fare ajo punë.

Studenti – Ato s’kanë faj që kërkojnë, unë ua kuptoj. Se po tonët po qenë, më mut do jenë, po hajde tani.

Gazetari – S’është puna atje.

Studenti – Të gjithë atë punë kanë, se shpenzim kanë. Kanë harxhuar ata të shkretë, kanë ardhur aty do zhvatin tani. Ne e dimë realitetin.

Gazetari – Ideja është po s’e denoncove ti, po s’e denoncoi, po s’e denoncoi Sokoli, kush do t’a denoncoi?!

Studenti – O vëlla unë e thashë llafin tashti, ato që kanë nevojë të turren të denoncojnë.

Një burrë 40-vjeçar dhe një grua 36-vjeçare u arrestuan në Selanik të Greqisë, ndërsa një burrë 25-vjeçar u identifikua dhe u shpall në kërkim.

Një grua 70-vjeçare në Selanik ra viktimë e një mashtrimi, duke i grabitur 450 sterlina dhe bizhuteri, me një vlerë totale prej gjysmë milioni eurosh.

Sipas mediave greke, gruaja e raportoi incidentin në Stacionin e Policisë Pylaea Chortiatis, duke thënë se dje në mëngjes, persona të panjohur u shtirën si punonjës të DEDDIE dhe e bindën të linte bizhuteritë në derën e shtëpisë së saj, gjoja për arsye sigurie.

Sipas deklaratës së saj, ajo la 450 sterlina, të cilat përbëjnë një rezervë ari me vlerë të lartë, si dhe bizhuteri me vlerë mbi 100,000 euro. Autorët e krimit morën plaçkën dhe u zhdukën, shkruan A2 CNN.

Policia Helene arrestuan dy persona, të cilët konsiderohen të dyshuar në këtë rast. Sipas informacioneve, oficerët e policisë nga Departamenti i Hetimit dhe Ndjekjes Penale të Krimeve Pylaia-Hortiatis, me ndihmën e OPKE-së, vunë në pranga përkatësisht një çift 40-vjeçar dhe një 36-vjeçar, ndërsa një tjetër 25-vjeçar është identifikuar dhe është në kërkim. Të tre personat janë të komunitetit romë.

Hetimet po vazhdojnë si për të gjetur 25-vjeçarin si dhe për të gjetur mallrat e vjedhura, të cilat nuk janë gjetur.

Ish trajneri i kombëtares shqiptare, Gianni de Biasi ka folur për periudhën në të cilën drejtoi ekipin përfaqësues të Shqipërisë.

Në një intervistë për emisionin “Real Story” në ABC News, de Biasi u shpreh se përpara ndeshjes me Izraelin, ai vendosi që të largohej nga kombëtarja.

De Biasi thotë se nuk ia tha askujt, por e ndjente se kishte mbërritur në fund të rrugëtimit, pas 5 vitesh e gjysmë.

Sokol Balla: Një nga momentet që mbaj mend më shumë simpati është mënyra si ti ike nga Kombëtarja. E kishe kuptuar se erdhi mbyllja e një cikli, por prite atë momentin kur arrite fitoren e fundit para se të jepje dorëheqjen dhe të largoheshe.

Gianni de Biasi: Jo, mund të themi se e kisha vendosur përpara ndeshjes me Izraelin. E kisha vendosur vetë, pavarësisht se nuk i kisha thënë kujt, sepse e ndjeja. Isha këtu 5 vite e gjysmë dhe kisha mbërritur në fund të një rrugëtimi. Nuk rri këtu për të marr rrogën, pas fitores mora Presidentin dhe i komunikova që ‘kaq ishte’. Pse e thash, mungonin 4 ndeshje, ne ishim të tretët, kishim Spanjën dhe Italinë në atë grup eleminator, përtej kësaj ishim në vendin e tretë. Kishin mbetur 4 ndeshje por që këto do të shërbenin për trajnerin e ri për projektin e ardhshëm. Unë në këtë rast bëra një gjest dashurie në raport me Shqipërinë dhe Federatën. Nuk u largova për shkak të kontratës, unë më tej shkova në Spanjë.

Sokol Balla: Më pas eksperienca me Azerbajxhanin, je dakord me mua kur unë them se kulmi yt profesional patjetër është Shqipëria?

Gianni de Biasi: Unë shkova në Azerbajxhan, për të tentuar të bëj atë që bëra këtu, por ka një diferencë mentaliteti thelbësore. Të kualitetit dhe të ambjentit. Këtu luaje ndeshjen me ekipin Kombëtar dhe ishte një festë, vinin njerëzit të mbështesnin, në Azerbajxhan nuk vinte askush në ndeshje. Te Karabaku shkonin 30 mijë, te ndeshjet e ekipit kombëtar shkonin 2 mijë. Unë në Azerbajxhan fitova 5 ndeshje radhazi me Kombëtaren, dhe nuk do t’i fitojnë më kurrë në historinë e tyre. Dhe u largova nga Azerbajxhani pas 3 vitesh e gjysmë sepse u mbusha, nuk më ndihmonte askush. Ai zotëria që e kemi në foto pas më dëgjonte dhe më dha gjithmonë rrugë të lirë, dhe gjithmonë më duhet t’i them Armandos, faleminderit që më dhe mundësinë për të punuar. I thoja shpesh ‘President më duhet të shkoj filanin në Gjermani, shko Giani nuk ka problem’, të gjitha këto në Azerbajxhan përgatita shumë gjëra që i futën në sirtar dhe nuk merrej njeri. Dhe kështu u largova, për momentin nuk kam gjetur ende asgjë.

Sokol Balla: Këtë doja t’ju pyes, ju dhe aktiviteti aktiv në futboll. Ju kam parë në komente, televizione italiane, zvicerane. Ju shoh shumë aktiv fizikisht dhe nuk shoh shumë trajnerë cilësorë italianë.

Gianni de Biasi: Unë besoj se kam bërë shumë gabime në jetën time, edhe kur fitoja. Sot e shoh 15 vitesh dhe them sa budalla kam qenë në ato momente. Sepse mbaja një qëndrim prej diktatori

Sokol Balla: Pak ishe..

Gianni de Biasi: Por ka mënyra e mënyra edhe për të komunikuar edhe në dhomat e zhveshjes, ku mund të arrihen rezultate edhe në një mënyrë tjetër. Por unë kisha vetëm një mënyrë për të reaguar. Kur erdha në Shqipëri, erdha në mënyrë tjetër të arsyetuari. Edhe pse mbështja nga njerëzit ishte 110, jo 100%, por ndonjëherë në momente të ndryshme e kaloja cakun dhe bëja gabime. Por kjo përkthehej në eksperiencë dhe tani jam shumë me ndryshe se 2012 apo 2016, kanë kaluar shumë vite. Në këto 10 vite jam matuar shumë gjëra, kam patur shumë momente reflektimi, sepse janë ndryshuar edhe modulet e aftësisë për të kritikuar, dhe unë mendoj se tani kam mundësinë, aftësinë, për të menaxhuar cdo lloj situate. Vetëm se nuk më thërrasin.

“Aktualisht po i kushtohet një vëmendje gjithnjë e në rritje kërcënimeve hibride, si sulmet kibernetike, fushatat e dezinformimit apo rrjedhjet e të dhënave personale, të cilat shihen si mjete për cënimin e sigurisë kombëtare apo rendit publik të një vendi. Përballë investimeve të huaja, sektorët kritikë të medias dhe informacionit sensitiv duhet të trajtohen me kujdes të veçantë, duke siguruar kontroll kombëtar dhe monitorim të vazhdueshëm, në mënyrë që investimet të mos kthehen në burim ndikimi të dëmshëm për shoqërinë apo shtetin dhe duhet të garantohet që investimet të mos cënojnë sovranitetin informativ apo të krijojnë monopole. Përpunimi i të dhënave sensitive dhe media krijojnë rreziqe për ndikim politik, propagandë apo rrjedhje informacioni”, thuhet në relacionin e ministres së Ekonomisë dhe Inovacionit, Delina Ibrahimaj.

Investimet do të hetohen përmes “Komitetit Ndërministror për Shqyrtimin e Investimeve të Huaja Direkte”, që kryesohet nga ministri përgjegjës për ekonominë, por në përbërje ka edhe gjashtë ministri të tjera, si dhe agjenci të inteligjencës apo AKSHI-n.

Brenda 30 ditësh ky departament merr vendim për anulimin e investimit ose pranimin e kërkesës për investim, duke nisur procedurën e hetimit dhe duke vendosur kushte për vijimësinë ose bllokimin e investimit. Komiteti mund të kërkojë të dhëna shtesë nga investitori ose ta ftojë atë edhe në seancë dëgjimore. Por gjatë gjithë procesit është i detyruar të bashkëpunojë me Bashkimin Evropian, duke informuar Komisionin Evropian dhe duke pritur vërejtje apo edhe komente nga shtetet anëtare të BE-së, të cilat i merr në konsideratë.

Në projektvendimin që është në konsultim publik deri më 5 janar specifikohet se “informacioni i marrë si rezultat i procedurave të vlerësimit dhe shqyrtimit përbën informacion konfidencial”. Kur investitori i huaj paraqet deklarata ose informacione të rreme tek autoritetet kompetente, do të vendoset një gjobë prej 50 000 eurosh. Ndërsa ndëshkimet rriten në rast se investimi i huaj zbatohet pavarësisht ndalimit me vendim të Komitetit, e cila mund të arrijë deri në dyfishin e vlerës së investimit.

“Nëse nuk kemi ringritje gjatë kësaj pranvere që vjen, pushteti bëhet i rrezikshëm”. Këtë paralajmëroi kreu i LZHK-së Dashamir Shehi, në studion e Off the Record me Andrea Dangllin në A2 CNN, sipas të cilit në të kundërt  vendi ynë do të përfundojë si Bjellorusia dhe vendet e tjera postkomuniste të lindjes që nuk arritën të krijojnë demokraci. Shehi thekson se në Shqipëri po kalcifikohet e keqja dhe po kalbëzehet totalisht shteti.

“Kemi shpresë këtë fundvit që prokurorët i kanë dhënë një shans shqiptare për të pastruar një pjesë të politikës. Fitoi Rama dhe kjo është e trishtueshme. Nuk kishte ndodhur ndonjëherë në Shqipëri që të merrte 4 mandate. Nëse nuk kemi ringritje gjatë kësaj pranvere që vjen pushteti bëhet i rrezikshëm. Po kalcifikohet e keqja në shoqërinë shqiptare dhe po përfundojmë si Bjellorusia, Azerbajxhani e Kazakistani të gjithë këta vende post komuniste që nuk ishin të zotë të hyjnë në demokraci. Ne po hyjmë në rrugën e tyre që është kalbëzim total i shtetit”, tha Shehi në Off the Record me Andrea Dangllin në A2 CNN.

Për Shehin çdo institucion i këtij vendi është zgavër korrupsioni dhe jo vetëm ato që janë nën hetim nga SPAK.

“Një drejtori të hapësh dhe entet shtetërore janë zgavra korrupsioni. Nëse të AKSH e Drejtoria  e rrugëve është ajo shkallë korrupsioni, të jeni të sigurt që janë të gjithë. Çdo ent që të hapet edhe më të parëndësishmi, do ta shikoni që shkalla e korrupsionit do të jetë e njëjta. Ndryshon niveli i investimeve”.

Nuk e përzgjodhi në listën e të grumbulluarve për EURO 2016, por sot Gianni de Biasi shfaqet i penduar për atë zgjedhje.

Ish-trajneri i kombëtares së Shqipërisë, në një intervistë për emisionin “Real Story” në ABC News, u shpreh se gaboi që nuk i dha mundësi Gjimshit të luante në kampionatin evropian.

De Biasi theksoi se Shqipëria është një nga dy momentet më të veçantat në jetën e tij sportive.

Sokol Balla: Një nga zbulimet e tua, është kapiteni Gjimshiti. Më kujtohet ndeshja e tij e parë në Danimarkë. Gjimshiti shkëlqeu në Kopenhagen, pastaj në fund ju e latë jashtë formacionit të Francës.

Gianni de Biasi: Po Sokol, nëse do kthehesha pas sot nuk do të bëja të njëjtën zgjedhje. Por nëse flasim për një zgjedhje që duhet të ishte e mirëmenduar Gjimshiti në atë kohë nuk po luante shumë, luajti vetëm tre ndeshjet e fundit me Atalantët. Në atë kohë fola me drejtorin sportiv të Atalantës, dhe i theksoj dhe i tha, nëse Gjimshiti nuk luan si do ta marr unë në Europian? Kështu ai luajti ato tre ndeshje. Më pas e testuam në ndeshjet miqësorë në Austri dhe nuk ishte në formën e tij. Sidoqoftë kjo që thua ekziston se në Kopenhagen bëri shumë. Më dhemb zemra që nuk i dhashë mundësinë të luante. Po ashtu mund të flasim për Rrahmanin. Ishte i ri, ishte 20 apo 21 vjeç në atë kohë. Nëse flasim tani mund të themi si i la De Biasi jashtë këto. Unë zgjedhjet i bëra për lojtarët që ishin më në formë dhe ata që i dhanë zemër, shpirt dhe për ekipin tonë kombëtar gjatë gjithë periudhës së eliminatoreve.

Sokol Balla: Vijon ta quash Kombëtarja jonë..

Gianni de Biasi: Për mua kjo është gjëja më e bukur. Unë kam patur dy momente të veçanta shumë të bukura në historinë time. Duke shpëtuar Modenën nga Seria A në atë kohë dhe më pas Shqipëria, ishte një krijesë që lindi në 2012 dhe nga viti në vit duke ndryshuar disa lojtarë duke lënë jashtë lojtarë që nuk mund të na jepnin dot një ndihmë më shumë dhe më pas një projekt i tillë na çoi në Francë, nuk ishte e thjeshtë. Me këtë skuadër u identifikuan tifozët shqiptarë, ishte një skuadër me djem normal që bënë dicka të jashtëzakonshme.

Fondi i Sigurimit të Detyrueshëm të Kujdesit Shëndetësor kërkon zgjidhjen e kontratës me afro 360 farmaci që japin barna me rimbursim për pacientët si dhe ndjekjen e procedurave penale për disa prej tyre me argumentin e faturave fiktive për gati 10 barna. 

Në një procesverbal dërguar në disa prej farmacive theksohet zgjidhja e kontratës pa afat. Pas këtij urdhri ka reaguar Urdhri I Farmacistëve i cili e konsideron këtë veprim si një dënim masiv kolektiv pa prova dhe që duhet tërhequr menjëherë nga drejtuesit e fondit pasi jo vetëm përfshin pothuajse të gjitha farmacitë që kanë kontakte me këtë institucion por nga ana tjetër shkakton kolaps të sistemit farmaceutik me pasoja mbi pacientët që përfitojnë barna me rimbursim. 

Në deklaratën zyrtare të Urdhrit theksohet se procesverbalet janë hartuar në mënyrë të njëanshme pa u mbështetur në rregulloren e kontrollit dhe për më tepër procesverbali nuk përmban firmën e titullarit. 

Pretendimi mbi ekzistencën e faturave fiktive është i pabazuar, pasi farmacitë furnizohen vetëm nga importues dhe shpërndarës të kontraktuar me Fondin. Fatura e lëshuar nga depoja, e gjeneruar dhe e regjistruar në sistemin e-depo, nuk mund të konsiderohet fiktive, pasi ky sistem nuk lejon lëshimin e faturës në mungesë të gjendjes së mallit në depo. 

Farmacia nuk ka asnjë kompetencë dhe asnjë mundësi tekniko-ligjore për të verifikuar gjendjen fizike të barnave në depo, përgjegjësi kjo që i takon Fondit dhe strukturave të tij kontrolluese. 

Ne deklarate theksohet gjithashtu se kjo procedure rrezikon  furnizimin e pandërprerë të pacientëve me barna dhe stabilitetin e shërbimit farmaceutik në tërësi. 

Ky dënim kolektiv dhe i pabazuar në prova krijon precedent të rrezikshëm, për vazhdimin e marrëdhënies kontrakore Fond-Farmaci. 

Pothuajse të gjitha farmacitë që kanë marrë këto shkresa, janë kontrolluar më parë nga Drejtoritë Rajonale dhe nga vetë Fondi, me inventarizim fizik për barnat përkatëse, pa u konstatuar shkeljet e pretenduara. Në këto kushte, për të shmangur kolapsin me furnizimin e pacientëve me barna të rimbursueshme, që mund të vijë nga penalizimet masive apo reagimi në bllok i farmacistëve kërkojmë të ndërpritet çdo procedurë  apo veprim administrativ 

Në deklarate theksohet gjithashtu se Urdhri i Farmacistëve të Shqipërisë është kundër çdo forme abuzimi apo përfitimi të paligjshëm nga kushdo, por nuk mund dhe nuk do të pranojë penalizime kolektive, veprime arbitrare apo kërcënime penale pa prova dhe pa procedurë ligjore, që cenojnë profesionin, farmacitë dhe interesin publik. Ndaj kërkojnë ndërhyrjen e menjëhershme të Ministrisë së Shëndetësisë për zgjidhjen e kësaj situate. 

Katër anëtarë të një familjeve u gjetën të pajetë në prag të Krishtlindjeve. Dy burra dhe dy gra nga Lihtenshtejni janë viktimat, ndërsa policia tha se po heton ngjarjen e pazakontë në principatën e vogël alpine. 

Autoritetet shtuan se trupi i një burri 41-vjeçar u gjet në anën zvicerane të lumit Rain pranë Vaduz, kryeqytetit të Lihtenshtejnit, mbrëmjen e së mërkurës. 

U zbulua se ai ishte një punonjës i rangut të lartë i bashkisë së Triesen, në jug të Vaduz, i cili ishte pushuar nga puna disa ditë më parë, për shkak të parregullsive në të dhënat kontabël. 

Policia më vonë gjeti një burrë 73-vjeçar dhe dy gra, të moshës 68 dhe 45 vjeç, po të vdekur në një apartament në Vaduz. 

Këta persona ishin respektivisht prindërit dhe motra e punonjësit të bashkisë. Autoritetet do të vazhdojnë me një autopsi për të përcaktuar shkaqet e vdekjes së tyre.