ELBASAN- Finalizohet operacioni policor i koduar “Last time”.  Në pranga ka rënë një 39-vjeçar i cili dyshohet se nëpërmjet mashtrimit i ka marrë disa shuma parash një shtetasi.

Nga hetimet dyshohet se 39-vjeçari i ka marrë në total rreth 750 000 lekë, shtetasit 38 vjeç, duke e mashtruar se do t’i kryente disa punime, në banesë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

/abcnews.al/

Në lagjen “10 korriku”, në Berat është zbuluar një subjekt që shiste pa kuponë tatimor, ora dore të kontrabanduara e imitime të markave të ndryshme.

Mësohet se është proceduar penalisht pronari i subjektit. Nga kontrolli në subjektin e tij, u gjetën 191 ora dore, imitime të markave të ndryshme, të dyshuara të kontrabanduara, të cilat shiteshin edhe online.

Shtetasi nuk kishte fatura blerjeje për mallrat dhe as nuk lëshonte kuponë tatimor kur i shiste.

Kontrollet kundër paligjshmërive në fushën ekonomike, vijojnë. Materialet procedurale iu referuan Prokurorisë së Beratit, për veprime të mëtejshme.

Ministri i Jashtëm gjerman Johann Vandevoll bëri thirrje për rivendosjen e besimit në marrëdhëniet ndërkombëtare, pas shqetësimeve të vazhdueshme për sigurinë dhe rritjes së garës për armatime bërthamore.

“Çdo marrëveshje për kontrollin e armëve që skadon duhet të jetë shkak për shqetësim”, tha Vandeful, duke iu referuar traktatit të fundit të mbetur në fuqi për çarmatimin bërthamor, gjatë një takimi me homologen e tij australiane Penny Wong në Canberra.

Ai nënvizoi se besimi duhet të rindërtohet ndërkombëtarisht, për të formuar themelin për marrëveshje të reja, këmbënguli ai.

“Kjo nuk vlen vetëm për marrëdhëniet midis Shteteve të Bashkuara dhe Rusisë”, argumentoi Ministri i Jashtëm Vandeful, duke shtuar: “Në të vërtetë, edhe Kina duhet të përfshihet” në marrëveshjet e ardhshme”.

/abcnews.al/

I dërguari i posaçëm i Shtëpisë së Bardhë, Steve Witkoff, dhe ministri i Jashtëm i Iranit, Abbas Araghchi, do të takohen më 6 shkurt në përpjekje për arritjen e një marrëveshjeje që synon shmangien e luftës.

Presidenti amerikan, Donald Trump, ka dislokuar kapacitete të mëdha ushtarake në Gjirin Persik, ndërsa administrata e tij po shqyrton mundësinë e sulmeve kundër Teheranit.

Irani po përpiqet ta kufizojë fushëveprimin e bisedimeve vetëm te programi i tij bërthamor. Por, SHBA-ja po kërkon një marrëveshje që do të kufizonte po ashtu programin e raketave balistike të Teheranit dhe do t’i jepte fund mbështetjes së Republikës Islamike për grupet e armatosura në Lindjen e Mesme.

Trump dëshiron një marrëveshje sepse “ai e preferon atë në vend të një lufte me një shtet të madh si Irani”, tha Damon Golriz nga Universiteti i Shkencave të Aplikuara në Hagë.

“Nëse arrihet një marrëveshje, ajo do të jetë në interes të Republikës Islamike, edhe nëse një marrëveshje e tillë, në sytë e publikut, do të dukej se Republika Islamike është dorëzuar”, shtoi ai.

Për të arritur një marrëveshje, të dërguarit amerikanë dhe iranianë do të duhet të kapërcejnë disa pengesa kyç që kanë bërë që të dështojnë negociatat e mëparshme.

Shtetet e Bashkuara po kërkojnë që Irani ta ndalë plotësisht pasurimin e uraniumit dhe të heqë dorë nga rezervat e tij prej rreth 400 kilogramësh uranium të pasuruar në nivel të lartë, hapa që do ta pengonin Teheranin të krijonte një armë bërthamore.

Më parë, Teherani i kishte refuzuar këto kërkesa, por ekspertët thonë se mund të bëjë lëshime duke pasur parasysh pozitën e tij të dobët në negociata.

Udhëheqja klerikale e Iranit ndodhet në pikën më të dobët në dekada, pasi po përballet me trazira të paprecedentë dhe kolaps ekonomik brenda vendit dhe me një grumbullim masiv të ushtrisë amerikane pranë kufijve të shtetit.

Programi bërthamor i Iranit është gjithashtu në gjendje të rëndë. Shtetet e Bashkuara bombarduan objektet kryesore nëntokësore të pasurimit të uraniumit në Fordo dhe Natanz gjatë luftës 12-ditore mes Iranit dhe Izraelit në qershor të vitit të kaluar.

Një pengesë e mundshme është rikuperimi i rezervave iraniane të uraniumit të pasuruar në nivel të lartë, i cili është “i përzier me rrënojat” pas sulmeve ajrore amerikane mbi objektet nëntokësore vitin e kaluar, tha Tariq Rauf, ish-shef për verifikimin në Agjencinë Ndërkombëtare për Energjinë Bërthamore (IAEA), që është organizata mbikëqyrëse për çështje bërthamore e Kombeve të Bashkuara.

Rauf theksoi po ashtu se një nga bombat amerikane, që mund të depërtojë thellë nëntokë, që u përdor gjatë bombardimeve të qershorit, nuk ka shpërthyer.

“Ende ka mbi 2.000 kilogramë eksplozivë të fuqishëm atje poshtë në Natanz… të cilët mund të jenë shumë të paqëndrueshëm dhe mund të shpërthejnë nëse preken”, i tha ai Radios Farda të Radios Evropa e Lirë.

Një mënyrë për ta trajtuar çështjen e pasurimit të uraniumit është rikthimi te një propozim i majit të vitit 2025, një konsorcium rajonal për pasurimin që do t’i lejonte Iranit të vazhdonte pasurimin e uraniumit, por vetëm në nivele të ulëta, që janë të përshtatshme për qëllime civile të prodhimit të energjisë.

Por, për këtë propozim mund të ketë një pengesë teknike, tha Rauf.

Një konsorcium zakonisht krijohet në një vend që tashmë ka një program bërthamor. I vetmi vend në Lindjen e Mesme që zyrtarisht kanë program bërthamor janë Emiratet e Bashkuara Arabe, por ky shtet i Gjirit ka hequr dorë nga e drejta për të pasuruar uranium dhe e importon karburantin bërthamor nga jashtë vendit.

SHBA-ja po ashtu dëshiron të vendosë kufizime mbi rrezen e veprimit dhe numrin e raketave balistike të Iranit, gjë që do ta bënte të pamundur që Teherani të godiste Izraelin.

Aktualisht, Irani ka një limit prej 2.000 kilometrash për rrezen e veprimit të raketave të tij. Raketat me rreze të mesme veprimi mund të godasin Izraelin, ndërsa raketat me rreze të shkurtër mund të sulmojnë bazat ushtarake amerikane në rajonin e Gjirit Persik.

Nuk dihet numri i raketave me rreze të mesme veprimi që ka Irani. Izraeli ka sulmuar objektet e prodhimit të raketave dhe lëshuesit e raketave gjatë luftës së qershorit. Por, besohet se Irani ende ka disa mijëra raketa balistike me rreze të shkurtër veprimi.

Irani ka refuzuar në mënyrë kategorike çdo kufizim mbi programin e tij të raketave, duke thënë se ai është thelbësor për mbrojtjen e tij.

Republika Islamike gjithashtu ka refuzuar të heqë dorë nga bashkëpunëtorët e armatosur dhe grupet militante që mbështet në Liban, Irak dhe Jemen. Irani e konsideron të ashtuquajturin bosht të rezistencës si pjesë kyç të mbrojtjes së tij kundër agresionit izraelit dhe amerikan.

Ky rrjet bashkëpunëtorësh rajonalë gjerësisht qëndroi i heshtur gjatë fushatës ajrore të Izraelit në qershorin e kaluar, por analistët sugjerojnë se ai mund të ndërhyjë për të ndihmuar Iranin nëse bisedimet dështojnë dhe shpërthen lufta me SHBA-në./REL/

Këtë të premte (6.02.2026) Irani, sipas të dhënave të veta, do të fillojë bisedimet me SHBA-në në Oman. Bisedimet për programin bërthamo iranian janë planifikuar për në orën 10:00 sipas orës së Omanit në kryeqytetin Maskat, shkruan ministri i Jashtëm i Iranit Abbas Araghtçi në platformën X. “I jam mirënjohës vëllezërve tanë omanezë, që kanë marrë masat e nevojshme”, shtoi ministri.

Më parë mediat në Iran njoftonin për një dështim të mundshëm të bisedimeve. Edhe nga qarqet nga Shtëpia e Bardhë thuhet, se qeveria e SHBA-së i ka pranuar bisedimet, që nga Turqia u zhvendosën në Oman. Pak përpara druhej, se planet për bisedime mund të mbeteshin në vend numëro për shkak të ndryshimit të formatit dhe përmbajtjes.

SHBA-ja insiston që Irani t’i jepë fund pasurimit të uraniumit

Nga Irani thuhet, se synohet një tjetër takim nga ai që ka propozuar Turqia. Në bisedime duhet të trajtohet vetëm çështja e programit bërthamor iranian. Gjithashtu në bisedime duhet të marrin pjesë vetëm Irani dhe SHBA-ja.Zyrtari që dha këto informacion nuk dëshiron të identifikohet.

Ministri i Jashtëm i SHBA-së Marco Rubio deklaroi më parë, se përfaqësuesit e SHBA-së po punojnë, që takimi të zhvillohet këtë javë. SHBA-ja kërkon nga Irani në radhë të parë që t’i japë fundit procesit të pasurimit të uraniumit dhe të kufizojë programin e raketave. Irani e hedh poshtë këtë si një ndërhyrje në sovranitetin e tij, por njëkohësisht sinjalizon, gatishmërinë të paktën për bisedimet lidhur me mormarrëveshjet për programin bërthamor.

Sërish kërcënime nga Trump

Pak para bisedimeve të planiifkuara ndërmjet SHBA-së dhe Iranit, presidenti i SHBA-së Donald Trump, iu adresua me fjalë paralajmëruese udhëheqësit më të lartë të vendit. I pyetur nga NBC News, nëse Ajatollah Ali Khamenei duhet të jetë i shqetësuar aktualisht, Trump u përgjigj: “Unë do të thoja, se ai duhet të jetë shumë i shqetësuar.” Një arsye konkrete për këtë Trump nuk e përmendi direkt.

Por ai iu referua bisedimeve që vendi i tij do të zhvillojë me Iranin. Ai tha, e ka dëgjuar, që Irani po përpiqet ta rindërtojë programin bërthamor, tha Trump duke iu përgjigjur pyetjes pasuese. Për një rast të tillë presidenti i SHBA-së kërcënoi, se do “t’i bëjë gjëra të këqia” Iranit./ DW

Në asnjë shtet tjetër anëtar të Bashkimit Evropian, popullsia punëtore nuk është aq e moshuar sa në Gjermani. Në vitin 2024, nga rreth 40.9 milionë të punësuar, 9.8 milionë prej tyre ishin midis moshës 55 dhe 64 vjeç, njoftoi këtë të martë Zyra Federale e Statistikave.

Kjo korrespondon me një përqindje prej pothuajse një së katërtës (24.0 përqind) – “vlera më e lartë ndër të gjitha vendet e BE-së”, siç u tha. Për krahasim: mesatarja e BE-së për këtë grupmoshë është 20.1 përqind.

Shtyhet gjithnjë e më shumë mosha e daljes në pension

Pjesa e dytë më e madhe në BE pas Gjermanisë regjistrohet nga Italia: atje, njerëzit e moshës 55 deri në 64 vjeç përbëjnë 23.0 përqind të të punësuarve.

Në Bullgari kjo përqindje është gjithashtu e lartë në 22.3 përqind. Sipas këtyre të dhënave, Malta ka numrin proporcionalisht më të vogël të personave të punësuar më të moshuar në BE: vetëm afërsisht një në nëntë të punësuar (10.8 përqind) është midis moshës 55 dhe 64 vjeç.

Shkaqet e moshës më të lartë

“Arsyeja kryesore për përqindjen e lartë të personave të punësuar më të moshuar në Gjermani është plakja gjithnjë e më e theksuar e popullsisë”, shpjegojnë statisticienët. “Plus, njerëzit në këtë vend po dalin në pension gjithnjë e më vonë.”

Mosha mesatare e daljes në pension për gratë dhe burrat në vitin 2024 ishte 64.7 vjeç. Në vitin 2004, ishte 63.0 vjeç për gratë dhe 63.1 vjeç për burrat. Një nga arsyet e rritjes është rritja graduale e moshës ligjore të daljes në pension në 67 vjeç deri në vitin 2029.

Gjithashtu, sipas të njëjtave deklarata, heqja e dy modeleve të pensioneve të hershme të pleqërisë, të cilat mund të përdoren pjesërisht që nga mosha 60 vjeç, luajti gjithashtu një rol. Sistemi i pensioneve ndodhet nën presion.

Organizata e për bashkëpunimin ekonomik dhe zhvillimin, OECD, pret barrë të konsiderueshme ndaj sistemit gjerman të pensioneve. Popullsia në moshë pune do të tkurret gjatë 40 viteve të ardhshme, sipas një studimi të publikuar në fund të vitit 2025. “Zgjatja e jetës së punës do të jetë çelësi për financimin e pensioneve në të ardhmen”, këshillon OECD.

Kështu, mosha ligjore e daljes në pension mund të lidhet me jetëgjatësinë. Në të njëjtën kohë, modelet e daljes në pension të parakohshëm duhet të bëhen më pak tërheqëse.

Kancelari gjerman Friedrich Merz njoftoi ndryshime drastike në sistemin e sigurimeve të pensioneve në fillim të javës. Në të ardhmen, pensionet do të orientohen gjithnjë e më shumë drejt pjesës private të sigurimeve bazuar në investime kapitali./DW/

Grupet e mirëqenies së kafshëve në ishullin grek të Sirosit po ofrojnë akomodim, shërbime dhe mëngjes falas për vullnetarët që ndihmojnë në kujdesin e popullatës së madhe të maceve endacake në ishull, sipas “Time Out”.

I menaxhuar nga “Syros Cats”, programi kërkon angazhimin e vullnetarëve për disa javë duke ushqyer, pastruar dhe kujdesur për macet në këmbim të një akomodimi, shpesh me pamje nga deti.

Vullnetarët duhet të jenë përgjegjës, në formë dhe të aftë të angazhohen për të paktën dy deri në gjashtë javë (minimumi një muaj).

Në këmbim të akomodimit, mëngjesit dhe shërbimeve falas, vullnetarët do të kalojnë pesë orë në ditë, ë pesë ditë të javës duke u ushqyer, pastruar dhe mjekuar kafshët.

Misioni i organizatës është të menaxhohet trajtimi i rreth 3 000 maceve endacake në ishull – përmes TNR (sterilizimit human), të monitorohet shëndeti i tyre dhe të ofrohet kujdes veterinar kur është e nevojshme.

Kjo është një mundësi e artë për adhuruesit e kafshëve në vend të pushimeve tradicionale, pasi puna është fizikisht e vështirë, por shpërblyese, sipas “TravelPirates” dhe “Syros Cats”.

Organizata “Syros Cats”, e cila ka qenë në funksion që nga vitet 1990 dhe konsiderohet si një pioniere e lëvizjes për mirëqenien e kafshëve në ishull, po kërkon njerëz të aftë, të shëndetshëm dhe të pavarur për të ndihmuar në trajtimin e maceve.

Detyrat që do t’u jepen vullnetarëve përfshijnë pastrimin, ushqyerjen, socializimin e maceve të vogla të shpëtuara – për t’i ndihmuar ato të përgatiten për shtëpitë e ardhshme.

Ndërsa e gjithë kjo tingëllon si një mënyrë e bukur për të kaluar disa javë në ishull, puna e “Syros Cats” është thelbësore për identitetin e këtij ishulli.

Falë “Syros Cats” dhe “God’s Little People Cat Rescue”, marrëdhënia midis maceve dhe vendasve ka ndryshuar – nga një armiqësi në respekt të ndërsjellë – me ishullin që tani e përqafon popullatën e tij të maceve si një emblemë krenarie.

“Ne duam t’i tregojmë botës se kafshët kanë rëndësi”, tha Richard Bowell, bashkëthemelues i “God’s Little People Cat Rescue” për “Greek Reporter”.

Kryeministri i Shqipërisë, Edi Rama zhvilloi një vizitë në Bazilikën e Zojës së Këshillit të Mirë, Regina di Albania, ku u ndal për një moment lutjeje bashkë me bashkëshorten e tij, Linda Rama.

Gjatë qëndrimit atje, Rama përcolli një mesazh shpirtëror, duke ia besuar vendin, familjet dhe rininë mbrojtjes së Zojës së Këshillit të Mirë.

Lutja e Kryeministrit Edi Rama: 

O Mari, Nënë e ëmbël e Këshillit të Mirë, kaq e dashur për bijtë
e Shqipërisë në atdhe dhe jashtë atdheut!

Sot po vijmë tek ti, edhe një herë, të ta besojmë popullin tonë, familjet tona, rininë tonë. Ti që je Zojë e Shkodrës dhe e mbarë Shqipërisë, na udhëhiq në rrugën e së mirës, na jep dritë në dyshime dhe ngushëllim në provat e jetës. Nën mbrojtjen tënde kërkojmë strehë, o Virgjër e bekuar.

Mbroje Shqipërinë, ndriço mendjet tona dhe na bëj të jemi gjithmonë
besnikë ndaj Birit tënd, Jezusit.

O Zoja e Këshillit të Mirë, lutu për ne!

Katër anëtarë të një familjeje, që dyshohet të jetë me origjinë shqiptare, humbën jetën nga helmimi me monoksid karboni në banesën e tyre në Rughi, të Italisë.

“Familja e viktimave dyshohet të jetë me origjinë të huaj, me shumë mundësi nga Shqipëria”, shkruan Corriere.

Mediat italiane shkruajnë se tragjedia ndodhi mbrëmjen e së mërkurës.

Sipas raportimeve, viktimat janë prindërit 48 dhe 43 vjeç, si dhe dy fëmijët e tyre, 22 dhe 15 vjeç, por emrat e tyre nuk janë bërë publike. Alarmi u dha nga një familjar, i cili nuk po arrinte të kontaktonte me ta.

Po ashtu një person i pestë u transportua për ndihmë në spital.

Shërbimet e emergjencës ndërhynë menjëherë, por për katër personat u konstatua vdekja. Autoritetet italiane po hetojnë për të zbardhur shkaqet e plota të ngjarjes tragjike.

 

Shqipëria po konsolidohet gjithnjë e më shumë si një nga destinacionet më tërheqëse të Europës për turistët që kërkojnë qetësi, autenticitet dhe përvoja reale, larg kaosit të turizmit masiv.

Shumë media ndërkombëtare e kanë përfshirë Shqipërinë në listën e ashtuquajturve “thesare europiane të fshehura”, vende që ofrojnë pushime të qeta, natyrë të paprekur dhe trashëgimi kulturore të pasur.

Në këtë listë, Shqipëria renditet përkrah vendeve si Luksemburgu, Mali i Zi, Lituania, Estonia, Letonia, Lihtenshtajni, destinacione që po tërheqin gjithnjë e më shumë udhëtarë që preferojnë eksperienca cilësore dhe jo masa turistësh.

Riviera Shqiptare dhe trashëgimia kulturore, pika të forta të turizmit

Artikulli vë theks të veçantë te Riviera Shqiptare, e cilësuar si një nga zonat bregdetare më të bukura dhe ende relativisht të paeksploruara të Mesdheut.

Plazhet me ujëra të kristaltë, fshatrat bregdetare dhe mungesa e mbipopullimit e bëjnë këtë zonë veçanërisht tërheqëse për turistët që kërkojnë relaks dhe privatësi.

Po ashtu, përmenden qytetet historike Berati dhe Gjirokastra, të mbrojtura nga UNESCO, të cilat ofrojnë një përzierje unike historie, arkitekture tradicionale dhe jete lokale autentike.

Sipas medias ndërkombëtare, këto qytete lejojnë vizitorët të përjetojnë kulturën shqiptare pa presionin e turizmit masiv që karakterizon shumë destinacione të tjera europiane.

Natyrë, male dhe aventura të qeta

Në artikull theksohet edhe potenciali i madh i Shqipërisë veriore, me peizazhe malore, parqe kombëtare dhe shtigje ecjeje që ofrojnë mundësi ideale për turizëm natyror dhe aventurë të qëndrueshme.

Zona të tilla si Alpet Shqiptare konsiderohen si destinacione perfekte për ata që kërkojnë kontakt të drejtpërdrejtë me natyrën dhe një ritëm më të ngadaltë udhëtimi.

Rritje turistike, por ende larg mbingarkesës

Sipas të dhënave të cituara nga Travel And Tour World, Shqipëria ka shënuar një rritje të ndjeshme të numrit të vizitorëve vitet e fundit, duke regjistruar miliona netë qëndrimi nga turistë të huaj.

Megjithatë, krahasuar me destinacione si Spanja, Italia apo Franca, vendi mbetet ende larg mbipopullimit turistik, duke ruajtur avantazhin e qetësisë dhe autenticitetit.

Shqipëria, alternativë e re europiane

Media ndërkombëtare e cilëson Shqipërinë si një alternativë serioze ndaj destinacioneve tradicionale europiane, falë kombinimit të natyrës së bukur, trashëgimisë kulturore, mikpritjes dhe çmimeve konkurruese.

Për shumë udhëtarë, Shqipëria po shndërrohet në zgjedhjen ideale për pushime më të balancuara, më njerëzore dhe më pak stresuese.

Ky vlerësim ndërkombëtar konfirmon se Shqipëria nuk është më thjesht një destinacion në zhvillim, por një vend që po fiton identitet të qartë në hartën turistike të Europës, veçanërisht për ata që kërkojnë qetësi, cilësi dhe përvoja autentike.

Ditën e enjte vendi ynë do të vijojë të ndikohet nga kushte atmosferike të paqëndrueshme.

Moti parashikohet me intervale afatshkurtra të herëpashershme me kthjellime dhe alternime vranësirash mesatare deri të dendura, të cilat do të shoqërohen me reshje të herëpashershme shiu me intensitet të ulët ndërsa lokalisht mesatar në formë shtrëngatash në zonën perëndimore.

Në relievet e larta malore në verilindje-juglindje të vendit reshje bore me intensitet të ulët.

Era do të fryjë me drejtim kryesor juglindje-jugperëndim me shpejtësi mesatare 7m/s, ndërsa në male, lugina e bregdet era pritet të arrijë shpejtësi 15m/s.

Valëzimi në det i forcës 2-4 ballë.

Dashi

E enjtja do të jetë mjaft pozitive, ku Venusi do të ketë ndikim tranzit dhe do e bëjë dashurinë mjaft të favorizuar. Ky është momenti i duhur për të shprehur idetë dhe projektet tuaja. Në punë do të ketë mundësi të shumta, por kjo gjë do ju tensionojë.

Demi

Në dashuri do të ketë momente tensioni. Kujdes duhet të tregoni me të lindurit e shenjës së luanit dhe ujorit, ku mund të hasni në probleme. Yjet do të jenë mjaft të favorshme në punë, ku do të ketë mundësi rikuperimi dhe rimarrje në dorë të situatës.

Binjakët

Mundohuni që të gjeni një moment për tu relaksuar. Dashuria do të jetë mjaft pozitive, ku do të keni mundësi që të bëni projekte premtuese. Kujdes duhet të tregoni me punën, dhe mos lejoni që problemet e saj të ndikojnë në sferat e tjera të jetës tuaj.

Gaforrja

Dashuria do të jetë mjaft e favorshme. Ky është momenti i duhur si për dashuritë e reja, edhe për rikuperimin e një raporti. Në punë duhet të ruani qetësinë para se të merrni disa vendime.

Luani

Qielli favorizon dashurinë. Një histori do të ketë mundësi që të rikuperohet, ashtu sikundër mund të lindë një lidhje e re. Situata do të jetë mjaft e favorshme edhe në punë.

Virgjëresha

Prilli ishte një muaj mjaft i veçantë, ku mund ta keni gjetur veten në situata të dyjëzuara. Në dashuri duhet treguar kujdes, pasi mund të përfshiheni në dy histori njëkohësisht. Në punë do ju duhet të merrni vendime.

Peshorja

Nëse nuk i duroni dot më disa persona, mund të ndryshoni sjellje ose të jeni më pak të sjellshëm. Në dashuri ndiheni të qetë, pasi keni arritur në disa përfundime. Në punë mund të ketë zhvillime premtuese.

Akrepi

Mund të jeni përballur me probleme në çift kohëve të fundit, por tashmë do të ketë mundësi për përmirësim. Kujdes duhet treguar me financat, në mënyrë që të mos shpenzoni shumë gjatë kësaj periudhe. Po ashtu mund të përballeni me lodhje, ndaj duhet të gjeni një moment për tu relaksuar.

Shigjetari

Ky është momenti ideal për të zgjeruar rrethin miqësor dhe kontaktet, duke pasur njohje të reja, shkruan noa.al. Mërkuri do të ketë ndikim të favorshëm në financa. Edhe në punë, do të arrini që të fitoni diçka më shumë.

Bricjapi

E enjtja do të jetë nën ritmin e duhur. Në dashuri gjërat do të ecin më mirë, por ju nuk do të jeni të qetë me veten. Mundohuni që të mos mendoni për gjëra që kanë ndodhur shumë kohë më parë dhe fokusohuni tek e tashmja. Në punë duhet qetësi, ndaj shmangni problemet. Do të keni dëshirë për ndryshim.

Ujori

Dashuria do të jetë mjaft e favorizuar pasi Venusi do të jetë në anën tuaj. Në punë, diçka do të lëvizë dhe më në fund do të merrni atë që dëshironi. Disa gjëra kanë nevojë për ndryshim radikal.

Peshqit

E enjtja do të jetë e mbushur me nervozizëm dhe dyshime. Në dashuri gjërat vijojnë që të jenë tejet të komplikuara, ndaj mundohuni që të ruani qetësinë dhe të mos bëni asgjë të nxituar. Puna do të ecë më së mirë, ku problemet e lindura së fundmi mund të zgjidhen.

Avokati Idajet Beqiri u shpreh se kërkesa për rritje të pagave të gjyqtarëve është e tepruar në kushtet aktuale të sistemit të drejtësisë.

Ai theksoi se këto kërkesa përbëjnë një formë abuzimi dhe cenojnë parimin e paanësisë që duhet të ketë pushteti gjyqësor.

Sipas Beqirit, nuk mund të kërkohen paga më të larta kur drejtësia vonon dhe dosje të rëndësishme mbeten pa zgjidhje prej vitesh.

”Ka qenë një kohë që gjyqtarët i kishin pagat qesharake dhe të ulëta; minimumi ishte 500 mijë lekë të vjetra. Ata merrnin ryshfete dhe kjo iu dukej thërrime dhe nuk bënin asnjë kërkesë për rritje rroge. Deri në vitin 2016, kur nisi reforma dhe vettingu, ata deri në atë kohë shumica prej tyre nuk dinin a merrnin apo jo rrogë.

Tani kërkojnë rritje dhe unë e shoh në dy aspekte. Në aspektin pozitiv vlerësoj se tani këta nuk po fusin duart në xhepat e shqiptarëve, por tani kanë kaluar në ekstrem tjetër. Të kërkosh tani, në këtë situatë ku është drejtësia, gati dyfish, kjo do të thotë një abuzivizëm maksimal.

Në radhë të parë kemi të bëjmë me lekë që merren nga buxheti i shtetit dhe miratohen në Parlament, ku caktohet sa do të jenë pagat. Kërkesat mund të jenë maksimale, por nuk vendos dot ti. E ligjshme është, por ndërhyn në kompetencat e një pushteti tjetër. Kjo është shkelje flagrante.

Janë të pakujdesshëm, të pavëmendshëm edhe kur dalin e bëjnë deklarata; harrojnë se janë një pushtet gjyqësor që duhet të tregojë paanësi. Nga epitetet që përdorin harrojnë dhe e quajnë veten seksion të Partisë Demokratike. Veprojnë në të gjitha fushat kështu: kërkojnë rritje të pagave, dhe në Malin e Zi u kërkua rritje pagash, por nuk u realizua.

Po ti që i mban dosjet prej 10 vitesh kapicë me vite? Që nga 2019 SPAK ende nuk i jep zgjidhje. Kur nuk i jep drejtësi, për çfarë e do pagën?“

Nga Frrok Çupi

Kryeministri duhej të ishte fshatar i ardhur nga ku ta dish. Siç i kemi pasur dy a tre kryeministra gjatë tre dekadave të fundit dhe të gjithë kryeministrat në periudhën e diktaturës. Enveri nuk quhet kryeministër, ishte më shumë.

Po të ishte Edi Rama një fshatar nga Çorrush apo nga Vicitoli, me siguri nuk do të kishim rënë në këtë rrezik me foletë e gjyqtarëve dhe të prokurorëve. Fëmijëve të fshatit, përfshi edhe mua, prindërit u jepnin mësime me rreziqe, çdo mbrëmje. Iu thonin të ruheshin nga shkëmbi, nga hardhuca, nga lumi, nga gjarpri…

Me grerëzat ishte tregimi më i shpeshtë.

“Kur shihni një fole grerëzash në degën e manit, mos e ngacmoni!”

-Do të shikoni një si top i vogël ngjitur në degë. Do të shikoni sikur fle, sikur nuk ka pasur jetë që në fillim; asgjë as hyn as del. Kësaj ruhuni!- porosisnin prindërit.

Foleja e grerëzave është më dinake se foleja e dhelprës dhe se gjarpri . Grerëzat ‘flenë’ gjithë jetën, por edhe asnjëherë nuk flenë. Po e preke (ç’mu kujtua fraza e Berishës ‘po preke gjënë më të vogël, kam snajper në dorë’)… Por po preke në folenë e grerëzave, atëherë ke prekur rrezikun. Dhjetëra grerëza të nxjerrin sytë.

Këtë po përjeton Edi Rama që preku folenë e gjykatësve dhe të prokurorëve. Nuk e dinte përrallën e fshatit, ky është fati i keq. Kryeministrat nga fshati e kanë grirë vendin, me çfarë kishte ky vend. Këtë e kanë arritur duke u bërë miq me grerëzat.

Çfarë bëri Edi Rama, si kryeministër?

Qysh para disa vitesh trokiti në folenë e tyre të pistë dhe iu kërkoi që të pastrohej shtëpia e Drejtësisë. Aty kishte bashkëpunëtorë krimi, vetë kriminelë, vrasës të të drejtës, trafikantë njerëzish, trafikantë e mafiozë të çdo lloji. Më të shumtët njerëz që shisnin e blinin të drejtat njerëzore dhe pasuroheshin për vete.

E gjitha kjo është. Se ata janë të pareformueshëm. O zhvendoset krimi nga foleja, o të riparosh folenë e të lësh krimin brenda- kjo nuk bën. Po ku ta dinte Rama, që nuk kishte idenë e përrallës në fshat.

Ndërsa populli, në shumicë e ka vuajtur prej 30 vjetësh padrejtësinë që i kanë bërë prokurorët dhe gjykatësit.

Reforma që preku rrezikun e bëri këtë duke menduar se foleja ishte një gjë e brishtë thuajse e vdekur. Por kjo ishte vetëm dukja. Brenda folesë, ku hahen miliona të drejta njerëzore, aty ka tension shumë të madh. Aty secili nga gjyqtarët e prokurorët, si grerëza, mbrojnë copën e tyre. Copa është e majme. Njerëzit më të korruptuar të shoqërisë janë këta të Drejtësisë.

Gabimi i dytë i Reformës, që kësaj here nuk erdhi nga fshati, ishte se e goditi folenë e grerëzave. Saliu dhe Iliri qeshën kur e panë, sepse të dy e kishin mësuar në fshat që ‘mos i sulmo, bëhu me ta!’.

Sapo u sulmua foleja e drejtësisë së plepave dhe e korruptuar, atëherë grerëzat u bënë bashkë, të gjithë në sulm kolektiv. Sot kemi dy shoqata gjyqtarësh që kanë vënë përpara Parlamentin dhe Qeverinë e po u kërkojnë haraç gjithë pushtetin. Ose do t’u nxjerrin sytë.

Nuk është aq e thjeshtë puna se “duam rroga sa presidenti i Amerikës”. Jo. Duan gjithë pushtetin; duan gjithë të drejtën njerëzore që ta grinë në folenë e tyre; duan të mos ketë më përralla si Kuvend, Zgjedhje, Qeveri, Ushtri, Siguri.

“Njerëz, këto mbajini për vete- thërrasin grerëzat- Ne duam folenë tonë në degën e manit”.

Presidenti amerikan, Donald Trump, ka lëshuar një kërcënim të ri ndaj Iranit, duke paralajmëruar se çdo përpjekje e re nga ana e Teheranit do të përballet me një reagim të ashpër nga Uashingtoni. Deklaratat u bënë në kuadër të komenteve të tij lidhur me protestat dhe zhvillimet e fundit në Iran.

Trump theksoi se Shtetet e Bashkuara kanë pasur një rol vendimtar në situatën aktuale në Iran, duke thënë se vendi ndodhet në kaos pikërisht për shkak të ndërhyrjeve amerikane.

“Ne i kemi mbështetur ata dhe ai vend është rrëmujë tani për shkakun tonë”, u shpreh ai.

Lideri amerikan paralajmëroi se Irani kishte tentuar të rikthehej në një lokacion të mëparshëm strategjik, por pa sukses.

“Ata u përpoqën të ktheheshin në vendin e ngjarjes. Nuk mundën as t’i afroheshin. Ishte shkatërrim i plotë”, deklaroi 79-vjeçari, duke sugjeruar se infrastruktura në fjalë ishte asgjësuar plotësisht. Sipas tij, autoritetet iraniane kishin menduar të ndërtonin një objekt të ri në një pjesë tjetër të vendit, por kjo përpjekje u zbulua nga inteligjenca amerikane.

Trump tha se i kishte paralajmëruar drejtpërdrejt se “nëse e bëni këtë, do t’ju bëjmë gjëra shumë të këqija”.

I pyetur nga gazetarët nëse lideri suprem i Iranit ka arsye për shqetësim në këtë moment, Trump u përgjigj shkurt dhe prerë “ai duhet të jetë shumë i shqetësuar”. Ndryshe, ministri i Jashtëm iranian, Seyed Abbas Araghchi ka deklaruar se “bisedimet bërthamore me Shtetet e Bashkuara janë planifikuar të mbahen në Muskat rreth orës 10:00 të mëngjesit të së premtes,

Rruga e Mëndafshit ka qenë gjithmonë më shumë sesa një rrugë tregtie. Ajo ishte një hapësirë lëvizjeje për ide, filozofi dhe mënyra të reja të të jetuarit, që nga Azia drejt Italisë e më tej, deri në brigjet e Shqipërisë. Në këtë rrjedhë shekullore, njerëzit kanë qenë gjithmonë bartësit më të rëndësishëm të kësaj trashëgimie të padukshme.

Emisioni i sotëm lindi pikërisht si vazhdim modern i Rrugës së Mëndafshit, i mishëruar në historinë e një çifti italo-shqiptar. Udhëtimi i tyre në Azi nuk ishte thjesht një përvojë gjeografike, por një proces transformimi personal. Aty ata u përballën me filozofi që vënë në qendër ekuilibrin, kohën e ngadaltë, respektin për natyrën dhe për komunitetin – vlera që shpesh humbasin në ritmin perëndimor të jetës.

Pas kthimit të tyre në Itali dhe Shqipëri, ky projekt bëhet forma konkrete për të ndarë atë përvojë. Ai shndërrohet në një hapësirë kulturore dhe krijuese ku Lindja dhe Perëndimi takohen përmes rrëfimit personal, artit, dialogut dhe praktikave të përditshme. Ashtu si dikur mëndafshi kalonte nga duart e tregtarëve në qytete të ndryshme, sot idetë kalojnë nga përvoja e këtij çifti tek komunitetet lokale, duke krijuar ura të reja kuptimi mes kulturave.

Shqipëria, me historinë e saj si vend kalimtar dhe mikpritës, bëhet terreni ideal për këtë projekt. Këtu, përmes historisë së çiftit, Rruga e Mëndafshit merr një dimension intim dhe bashkëkohor: një projekt që nuk synon të importojë kultura, por të krijojë dialog, reflektim dhe bashkëjetesë. Në këtë mënyrë, projekti nuk është thjesht një homazh ndaj së kaluarës, por një akt i gjallë që dëshmon se udhëtimi i ideve vazhdon edhe sot – përmes njerëzve që zgjedhin ta jetojnë dhe ta ndajnë atë rrugë.

Të nderuar teleshikues të ABC News, në emisionin e sotëm ju sjellim një histori të veçantë: historinë e një çifti italo-shqiptar, të cilët deri tani jua kemi prezantuar veç e veç, jo rastësisht, për të kuptuar më mirë interpretimin e eksperiencave të tyre për të njëjtën praktikë.

Sot jemi me Sonila Qesarakun dhe Fabian, bashkëshortë në jetë dhe në mision.

Ata nuk jetojnë më në Azi, por kanë zgjedhur të përqafojnë dhe të sjellin në Itali dhe në Shqipëri një filozofi që vjen nga kulturat aziatike, përmes asaj rruge të famshme të Mëndafshit, që nuk ka sjellë vetëm mallra, por edhe ide, praktika dhe filozofi jetese.

Një nga këto filozofi e ushtrojnë sot Sonila dhe Fabian në Torino dhe në Tiranë.

Artur Nura : Sonila, si mund ta prezantojmë këtë filozofi që ju tashmë e ushtroni në Shqipëri dhe në Itali?

Sonila Qesaraku :  Nëpërmjet disa mjeteve dhe teknikave, disa prej të cilave i kemi mësuar në Azi — si për shembull terapia me tinguj me mësues tibetanë — ne ndihmojmë personat që ta sjellin trupin në harmoni dhe në ekuilibër. Sipas mjekësisë kineze, trupi dhe mendja janë gjithmonë të lidhura. Harmonia përfshin ekuilibrin trup-mendje-shpirt. Ne nuk i shohim këto të ndara.Nëse ka diçka që nuk shkon në trup, shpesh lidhet me një mendim limitues, me një emocion të papërpunuar, me një traumë, ose me faktin që shpirti nuk po bën atë që vërtet dëshiron.

Pra e shohim individin në çdo nivel. Kur diçka nuk shkon në jetën tonë, do të thotë që kemi dalë nga ekuilibri.

Artur Nura : Si quhet kjo në mënyrë më precize?

Sonila Qesaraku :  Ne aktivizojmë vetëshërimin në trupin e personit. E ndihmojmë që, me burimet e veta të brendshme, të rikthehet në ekuilibër.

Ne flasim shumë në terma energjie.

Kur kam filluar të interesohem për këto praktika, kam pyetur një mjek se si e perceptonte ai këtë koncept.

Ai më tha: “Qeliza vetë është energji. Qeliza nuk mund të ekzistojë pa energji.”

Artur Nura : Këtë filozofi e mësuat gjatë udhëtimeve në Azi apo e kishit nisur më herët?

Sonila Qesaraku :  Ne e kishim nisur në Itali me disa teknika. Kishim marrë pjesë në disa trajnime që na pëlqyen shumë dhe donim t’i thellonim.

Disa i kishim mësuar, por donim t’i perfeksiononim dhe sidomos të mësonim në vendet ku këto praktika kanë lindur, me mësues, mentorë dhe trajnerë vendas.

Kjo ishte një nga shtyllat kryesore të udhëtimit tonë në Azi.

Artur Nura : Kjo filozofi u mirëprit më shumë në Itali apo në Shqipëri?

Sonila Qesaraku : Në Itali ishte më e njohur, sepse për meditimin dhe këto praktika flitet prej kohësh. Njerëzit janë më të familjarizuar me konceptin e përgjegjësisë personale për mendimet dhe emocionet dhe me ndikimin që ato kanë në shëndet.

Por, për surprizën tonë, në Shqipëri u mirëprit shumë, me kuriozitet të madh dhe me përqafim të menjëhershëm.

Artur Nura : Si reagoi familja juaj kur vendosët të ndiqnit këtë filozofi, fillimisht në Itali e më pas edhe në Shqipëri?

Fabio Ive : Në fillim u habitën pak, sepse janë mësuar me punën klasike në kompani.

Por na mbështetën, sepse e kuptuan që ishte diçka që ne donim ta bënim me zemër për të ndihmuar njerëzit.

Artur Nura :Tani ju mbështesin vetëm, apo marrin pjesë edhe në aktivitetet tuaja?

Fabio Ive : Po, absolutisht. Si familja ime, ashtu edhe familja e Sonilës marrin pjesë në aktivitetet tona, si në Itali, ashtu edhe në Shqipëri.

Artur Nura: Tani të mbështesin, por a vijnë edhe për seanca?

Fabio Ive: Absolutisht, si familja ime ashtu edhe familja e Sonilës marrin pjesë në eventet tona. Pra, në Itali dhe gjithashtu në Shqipëri, meqenëse përmende Sonilën.

Artur Nura: A eshte e perpahur kjo kulture ne Itali?

Fabio Ive: Po, po, absolutisht. Por ekziston kjo, siç tha me të drejtë Sonila, që meditimi është një kulturë shumë e përhapur atje; për fat të mirë, mund të themi se kohët e fundit është përhapur edhe në Shqipëri.

Artur Nura : Sonila, në një vend si Shqipëria me një kulturë tolerance fetare, si është raporti yt personal me besimin?

Sonila Qesaraku : Nga familja jam Bektashie, por babai im ka qenë pilot ushtarak dhe, siç dihet, në ushtri zakonisht mbizotëronte ateizmi.

Jam rritur pa një praktikë fetare.

Më vonë, rrugëtimi im më ndihmoi të rindërtoj marrëdhënien me atë që ne e quajmë Zot — që për dikë mund të jetë fusha kuantike, për dikë energjia universale.

Diçka më e madhe se ne.

Në jetën e përditshme shohim sinkronicitete, siç thoshte Jung. Edhe takimi im me Fabian ishte një sinkronicitet.

Nëse atë ditë nuk do të isha vonuar në punë, ndoshta sot, pas 18 vitesh, nuk do të ishim bashkë.

Artur Nura : Keni 18 vite bashkë. Fëmijë, keni në plan?

Përgjigje Fabio Ive: Kur Zoti ta ketë thënë.

Ky është një çift jo si të gjithë të tjerët. Një çift që zgjodhi një rrugë jete të veçantë dhe sot po sjell rezultatet e kësaj rruge si në Itali, ashtu edhe në Shqipëri.

 

Abc News Live

[...]

Read More...

Ryan Routh u dënua të mërkurën nga një gjykatë federale në Fort Pierce, Florida, me burgim të përjetshëm, për përpjekjen e tij për të vrarë presidentin amerikan, Donald Trump, gjatë një incidenti që ndodhi në një teren golfi në Florida në vitin 2024.

Ky rast ka tërhequr vëmendje të madhe, duke nxitur shqetësime për sigurinë e figurave publike dhe masat e rrepta që autoritetet marrin ndaj kërcënimeve të tilla.

Sipas aktakuzës dhe provave të paraqitura në gjykatë, Routh kishte kaluar javë të tëra duke planifikuar atentatin. Ai u fsheh në gjelbërim me një armë gjysmëautomatike, duke qëndruar i papërfillshëm për të kapur momentin kur Trump do të ishte i dukshëm në fushën e golfit. Ngjarja ndodhi më 15 shtator 2024, në klubin e tij të golfit në West Palm Beach, Florida, ku Trump po luante si pjesë e rutinës së tij publike dhe aktiviteteve sportive.

Një agjent i Shërbimit Sekret vuri re Routhin para se Trump të bëhej i dukshëm dhe veproi menjëherë.

Agjenti hapi zjarr, duke e detyruar Routhin të linte armën dhe të largohej pa pasur mundësi të shkaktonte ndonjë dëm. Ky veprim shpëtoi jetën e presidentit dhe nxori në pah rëndësinë e pranisë dhe vigjilencës së shërbimeve të sigurisë në mbrojtjen e figurave publike.

Routh u gjet fajtor për pesë akuza federale, përfshirë tentativën për vrasje të një kandidati presidencial dhe shkelje të ndryshme të ligjit mbi armët. Gjykata vendosi që ai të kalojë pjesën tjetër të jetës në burg, duke dhënë një mesazh të qartë kundër akteve të dhunshme kundër liderëve politikë.

Rasti ka nxitur debat në publik për sigurinë e figurave politike dhe për mënyrën se si përgatiten dhe zbatojnë autoritetet federale strategjitë mbrojtëse ndaj kërcënimeve të mundshme.

Përveç aspektit ligjor, ngjarja thekson edhe rreziqet me të cilat përballen politikanët në aktivitetet e përditshme publike dhe rëndësinë e masave parandaluese për të parandaluar tragjedi të mundshme.