Llixhat e Bënjës po ndryshojnë pamje dhe kushte për të pritur sa më mirë vizitorët dhe turistët e shumtë që zgjedhin këtë zonë për bukuritë e saj natyrore dhe ujërat termale.

Lajmin e bëri të ditur kryeministri Edi Rama, përmes një postimi në rrjetet sociale duke ndarë pamje gjatë punës për rinovimin e kësaj zone.

“LLIXHAT E BËNJËS po ndryshojnë pamje e kushte, për të pritur me temena vizitorët e turistët e shumtë në natyrën e tyre magjepsëse.”

  / abcnews.al /

Presidenti amerikan Donald Trump ka deklaruar se presidenti i Venezuelës, Nicolas Maduro, është kapur dhe është nxjerrë jashtë vendit së bashku me bashkëshorten e tij, Cilia Flores.

Përmes një postimi në platformën Truth Social, Trump tha se Shtetet e Bashkuara kanë kryer një “sulm në shkallë të gjerë” ndaj Venezuelës në orët e para të mëngjesit të sotëm.

“Shtetet e Bashkuara të Amerikës kanë kryer me sukses një sulm në shkallë të gjerë kundër Venezuelës dhe udhëheqësit të saj, Presidentit Nicolas Maduro, i cili, së bashku me bashkëshorten e tij, është kapur dhe është nxjerrë jashtë vendit,” shkruan Trump.

Ai shtoi se operacioni është kryer në bashkëpunim me agjencitë amerikane të zbatimit të ligjit dhe se detaje të mëtejshme do të bëhen publike më vonë.

Trump njoftoi gjithashtu se një konferencë për shtyp do të mbahet sot në orën 11:00 (ora lokale) në Mar-a-Lago.

Deri në këto momente, nuk ka një konfirmim zyrtar nga Shtëpia e Bardhë, Pentagoni apo autoritetet venezueliane lidhur me pretendimet e bëra nga Donald Trump.

Një konflikt mes të rinjsh, që mund të kishte pasoja fatale, arriti të parandalohej në kohë falë ndërhyrjes së policisë në qytetin bregdetar të Vlorës. Disa të rinj janë konfliktuar në ambientet e jashtme të një lokali në zonën e “Ujit të Ftohtë”, mbrëmjen e djeshme.

Gjatë konfliktit fizik, Mauricio Alushaj 25 vjeç ka marrë armën e zjarrit, tip pistoletë, nga shoku i tij Arbri Hysaj 19 vjeç dhe ka qëlluar një herë në ajër.

Falë ndërhyrjes së menjëhershme të shërbimeve të patrullës, u bë i mundur neutralizimi dhe arrestimi i dy të rinjve, si dhe sekuestrimi i armës së zjarrit. Ndaj tyre rëndojnë akuzat për veprat penale “Prishja e qetësisë publike” dhe “Mbajtja pa leje dhe prodhimi i armëve, armëve shpërthyese dhe municionit”.  / abcnews.al /

Autoriteti Rrugor Shqiptar (ARRSH) bën me dije se gjatë natës reshjet e dëborës kanë pushuar në të gjithë vendin, ndërsa territori është përfshirë nga reshje shiu me intensitet të ulët deri në mesatar.

Sipas njoftimit zyrtar, temperaturat kanë pësuar rritje, duke përmirësuar kushtet e qarkullimit rrugor. Grupet e punës, së bashku me mjetet borëpastruese, kanë qenë në terren gjatë gjithë natës për pastrimin e rrugëve nga rënia e gurëve apo inerteve, si dhe për shpërndarjen e kripës në akset ku ka pasur nevojë, me qëllim shmangien e ngricave.

ARRSH thekson se qarkullimi vijon normalisht në të gjitha akset rrugore të vendit.

Megjithatë, autoritetet u bëjnë thirrje drejtuesve të mjeteve që të tregojnë kujdes të shtuar, veçanërisht gjatë udhëtimeve drejt zonave malore ku ka ende prezencë dëbore, duke u pajisur me goma dimërore dhe zinxhirë.   / abcnews.al /

Si rezultat i kontrolleve të vazhdueshme për lokalizimin dhe kapjen e shtetasve në kërkim, bazuar edhe në informacionet e siguruara në rrugë operative, specialistët për Hetimin e Krimeve të Komisariatit të Policisë Malësi e Madhe, në bashkëpunim me Forcat e Posaçme “Shqiponja”, kanë kapur dhe ndaluar shtetasin:

Arben Halaj 35 vjeç, banues në fshatin Aliaj.

Ky shtetas ishte shpallur në kërkim, pasi Gjykata e Juridiksionit të Përgjithshëm i kishte caktuar masën e sigurisë “Arrest në burg”, për vepren penale “Kultivimi i bimëve narkotike”.

Ai dyshohet si bashkëpunëtor për kultivimin e 719 bimëve narkotike kanabis, në fshatin Jeran, të cilat janë gjetur dhe asgjësuar nga shërbimet e Policisë, më datë 06.09.2025.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.  / ABCNEWS.AL /

Shtetet e Bashkuara janë pas sulmeve të kryera në Venezuelë, ka deklaruar një zyrtar amerikan për agjencinë e lajmeve Reuters.

Zyrtari, i cili foli në kushte anonimiteti, nuk dha detaje të mëtejshme lidhur me objektivat apo shkallën e operacioneve.

Deri në këto momente, as Shtëpia e Bardhë dhe as Pentagoni nuk kanë reaguar zyrtarisht ndaj raportimeve.

Ngjarja vjen në një moment tensioni të shtuar mes SHBA-së dhe Venezuelës, pas shpërthimeve dhe aktivitetit ajror të raportuar më herët në Karakas.  / abcnews.al /

Në vijim të punës për lokalizimin, kapjen dhe ndalimin e shtetasve të shpallur në kërkim, Seksioni për Hetimin e Narkotikëve i DVP Elbasan, në bashkëpunim me Komisariatin e Policisë Cërrik, lokalizuan, kapën dhe arrestuan me qëllim ekstradimin në Kosovë, shtetasin:

A.S., 34 vjeç, banues në Cërrik.

Ky shtetas ishte shpallur në kërkim ndërkombëtar, pasi Gjykata Themelore e Pejës i ka caktuar masën e sigurisë “Arrest në burg”, për veprat penale “Kultivimi i narkotikëve” dhe “Prodhimi dhe shitje e narkotikëve”.   / abcnews.al /

Pas tragjedisë që ndodhi gjatë festës së Vitit të Ri në resortin luksoz të skive Crans-Montana, ku 47 persona humbën jetën dhe mbi 115 mbetën të plagosur, autoritetet zvicerane kanë nisur procesin e vështirë të identifikimit të trupave. Djegiet e rënda e bëjnë këtë detyrë të ndërlikuar.

Kryetari i bashkisë së Crans-Montana, Nicolas Feraud, deklaroi se “objektivi i parë është t’u japim emra të gjitha trupave”, duke paralajmëruar se procesi mund të zgjasë disa ditë. Ekspertët po përdorin mostra dentare dhe ADN-je për të siguruar identifikim të saktë, ndërsa familjet e të rinjve të zhdukur presin me ankth lajme për të afërmit e tyre.

Ndërkohë, polemikat vazhdojnë rreth barit “Le Constellation”, që sipas mediave zvicerane, kishte marrë një vlerësim sigurie prej vetëm 6.5 në 10. Mangësitë e evidentuara përfshinin një dalje të vetme emergjence, mobilim me elementë druri dhe një zonë të veçantë për duhanpirësit, faktorë që sot shihen si kritike. Një video promovuese e diskutueshme në YouTube tregonte festa me shishe shampanje dhe fishekzjarre të ndezur brenda lokalit, duke ngritur dyshime mbi shkaqet e zjarrit.

Bari “reklamonte festa me fishekzjarre të ndezur mbi shishe shampanje, me shenja mangësish në aspektin e sigurisë, si një dalje e vetme emergjence dhe materiale të ndezshme që ngrejnë pikëpyetje”, shkruan Blick, duke cituar edhe video të xhiruara në lokal para tragjedisë, të cilat ushqejnë “spekulimet mbi shkakun e zjarrit”.

Dëshmitë e të mbijetuarve sugjerojnë se flakët u përhapën shumë shpejt, ndoshta pasi qirinjtë dekorativë prekën tavanin e bodrumit. Autoritetet kanë deklaruar se zjarri duket të ketë qenë aksident dhe jo sulm i qëllimshëm.

Komuniteti lokal është i tronditur. Qindra persona u mblodhën pranë vendngjarjes për të nderuar viktimat, duke vendosur lule dhe ndezur qirinj. “Mendon se je i sigurt këtu, por kjo mund të ndodhë kudo. Ishin njerëz si ne,” tha Piermarco Pani, 18 vjeç, i cili e njihte mirë barin.

Tragjedia në “Le Constellation” ka hapur një debat të gjerë mbi standardet e sigurisë në lokalet e natës në Zvicër, ndërsa autoritetet premtojnë hetime të plota dhe masa të reja për të shmangur përsëritjen e ngjarjeve të tilla.  / abcnews.al /

Qeveria e Venezuelës ka akuzuar Shtetet e Bashkuara për “agresion ushtarak”, duke deklaruar se e “refuzon, dënon dhe kundërshton” veprimet e Uashingtonit.

Në një deklaratë zyrtare, autoritetet venezueliane thanë se SHBA po përpiqet të “përvetësojë burimet strategjike të Venezuelës, veçanërisht naftën dhe mineralet”, duke synuar, sipas tyre, të cenojë me forcë pavarësinë politike të vendit.

“Sjellje të tilla agresive kërcënojnë paqen dhe stabilitetin ndërkombëtar, veçanërisht në Amerikën Latine dhe Karaibe, dhe rrezikojnë seriozisht jetën e miliona njerëzve”, thuhet më tej në deklaratë.

Deri në këto momente, Shtëpia e Bardhë nuk ka reaguar lidhur me akuzat e ngritura nga Karakasi.

Të paktën shtatë shpërthime dhe avionë që fluturonin në lartësi të ulët u dëgjuan rreth orës 02:00 të mëngjesit me orën lokale në kryeqytetin e Venezuelës, Karakas.

Sipas dëshmitarëve, kolona tymi ishin të dukshme mbi qytet, ndërsa shumë qytetarë dolën me nxitim në rrugë të alarmuar nga zhurmat e forta. Ende nuk është e qartë se çfarë i shkaktoi shpërthimet.

Një dëshmitar tha se zona jugore e qytetit mbeti pa energji elektrike pas ngjarjes.

Tensionet SHBA–Venezuelë në rritje

Ngjarja vjen vetëm disa ditë pas zhvillimeve të fundit në marrëdhëniet e tensionuara mes Shteteve të Bashkuara dhe Venezuelës.

Në natën e Vitit të Ri, ushtria amerikane njoftoi se kishte goditur pesë anije të dyshuara për trafik droge. Që nga muaji shtator, SHBA-të kanë kryer gjithsej 35 sulme të njohura ndaj anijeve, duke shkaktuar vdekjen e të paktën 115 personave.

Këto sulme pasuan goditjen e tre anijeve më 30 dhjetor, si dhe një sulm tjetër më 29 dhjetor, i shpallur nga presidenti Donald Trump, ndaj një objekti ku, sipas tij, anijet e përfshira në trafikun e drogës “ngarkohen”.

Autoritetet venezueliane nuk kanë dhënë ende një reagim zyrtar lidhur me shpërthimet e raportuara në Karakas.

/ abcnews.al /

 

View this post on Instagram

 

A post shared by ABC News Albania (@abcnewsal)

Muzeu Kombëtar i Ikonografisë “Onufri” ka shënuar një tjetër sukses të rëndësishëm, duke kaluar shifrën prej mbi 100 mijë vizitorësh edhe gjatë vitit 2025. Lajmi u bë i ditur nga Kryeministri Edi Rama përmes një postimi në rrjetet sociale, ku ai e cilësoi këtë arritje si një tregues domethënës të rritjes së interesit për trashëgiminë kulturore shqiptare.

“Mirëmëngjes dhe me këtë lajm të bukur nga Berati, ku për të dytin vit radhazi, në vitin 2025, Muzeu Kombëtar i Ikonografisë Onufri ka kaluar shifrën domethënëse prej mbi 100 mijë vizitorësh, ju uroj një fundjavë të mbarë”, shkruan Rama në Facebook.   / abcnews.al /

Sulmet me raketa ruse në një ndërtesë shumëkatëshe në qytetin e Kharkivit në Ukrainën juglindore kanë plagosur të paktën 15 persona.

Guvernatori rajonal Oleh Sinyukhubov tha se ushtria ruse ka kryer fillimisht sulme me armë balistike.

“Fillimisht, ushtria ruse kreu sulme me armë balistike. Ka informacione se ka njerëz të bllokuar nën rrënoja. Operacionet e kërkimit janë duke u zhvilluar”, tha Sinekhubov nëpërmjet një reagimi në rrjete sociale.

Sindikata e Gazetarëve Palestinezë njoftoi se ushtria izraelite arrestoi 42 gazetarë, përfshirë 8 gra, në vitin 2025 në Bregun Perëndimor të pushtuar, Kuds dhe zonat e populluara nga palestinezët brenda kufijve izraelitë.

Në një raport të publikuar nga sindikata thuhet se Izraeli vazhdon të shënjestrojë sistematikisht gazetarët, duke përdorur praktika të tilla si ndalimi arbitrar dhe administrativ, rrahje, dëbime, konfiskim të pajisjeve dhe marrje në pyetje me forcë, ndërsa vihet në dukje se kjo është pjesë e një përpjekjeje për të “heshtur ndjekjen e lajmeve dhe për të thyer strukturën kombëtare të medias”.

Raporti, i përgatitur nga komiteti i lirive të sindikatës, nxjerr në pah një përshkallëzim të rrezikshëm në politikën e arrestimeve të Izraelit, duke shënjestruar gazetarët me ndikim, duke zgjeruar praktikën e “paraburgimit administrativ” pa drejtimin e akuzave dhe duke përdorur dhunën fizike dhe psikologjike si mjet shtypjeje.

Në raport njoftohet se 42 gazetarë, përfshirë 8 gra, janë arrestuar nga ushtria izraelite në vitin 2025 në Bregun Perëndimor të pushtuar, Kuds dhe zonat e populluara nga palestinezët brenda kufijve izraelitë.

Arrestimin administrativ pa akuza, raporti e cilëson si një nga “metodat më të rrezikshme”, dhe thekson se kjo situatë i kthen gazetarët në “të burgosur të idesë për një kohë të pacaktuar”.

Të bërit ski, teleferikët dhe shpatet e mbuluara me borë për Krishtlindje nuk janë më të garantuara.

Deri në vitin 2100, kriza klimatike kërcënon të shkurtojë në mënyrë drastike sezonet e skijimit dhe të rrisë kostot mjedisore dhe ekonomike, shkruan focus.it.

Shkencëtarët kanë mbledhur të dhëna mbi shpatet e Andermatt-Sedrun-Disentis, zona më e madhe e skijimit në Zvicër me 100 km shpate.

Prodhimi artificial i borës kërkon gjithashtu kërkesa të caktuara për temperaturën dhe lagështinë. Sa më i thatë ajri dhe sa më i ftohtë ajri i jashtëm dhe uji i përdorur, aq më efikas është ky proces.

Nëse temperaturat rriten ose ajri është shumë i lagësht, prodhimi i borës artificiale bëhet joekonomik.

Për më tepër, do të ketë problemin se ku mund të gjendet i gjithë ky ujë. Aktualisht, uji për zonën nën studim është marrë nga Oberalpsee, një liqen aty pranë në kantonin e Urit, i cili siguron një maksimum prej 200 milionë litrash në vit për këtë qëllim.

Megjithatë, i njëjti trup uji furnizon zonën edhe me energji hidroelektrike.

Këtu, si kudo tjetër, kjo do të krijojë një konflikt mbi përdorimet e ndryshme të rezervave ujore, të cilat ka të ngjarë të shterohen gjithnjë e më shumë për shkak të ndryshimeve klimatike.

Në një dokument të Unionit Kristiansocial Gjerman, CSU para një takimi të grupit të landit në Seeon, Bavarinë e Epërme në 6 janar flitet për një “ofensivë kthimi” që duhet të zhvillohet “sa më shpejt”.

Për shumicën e sirianëve me leje qëndrimi të përkohshme, argumenti i mbrojtjes nuk është më në fuqi pas përfundimit të luftës civile, thuhet në dokument. “Për ata që nuk largohen vullnetarisht, dëbimet duhet të fillojnë sa më shpejt të jetë e mundur”. Mbi dokumentin e CSU ka raportuar gazeta gjermane “Münchner Merkur” dhe dpa.

2026 duhet të jetë vit i ofensivës së dëbimeve, “me fluturime të planifikuara dhe gjithashtu për në Siri dhe Afganistan”. Për këtë qëllim,duhet të krijohen në të gjithë Gjermaninë qendrat e kthimit, së bashku me një terminal të dedikuar dëbimi në Aeroportin e Mynihut. CSU dëshiron të ndjekë një qëndrim më të ashpër edhe ndaj refugjatëve nga Ukraina. “Për më tepër, ne do të këmbëngulim që burrat ukrainas në moshë ushtarake, në veçanti, të kontribuojnë në mbrojtjen e vendit të tyre”, thuhet në dokument, por nuk jepen detaje të mëtejshme.

Pengesa më të larta për integrimin në sistemet sociale

Pikë tjetër në dokumentin e CSU është vështirësimi i kritereve për të hyrë në sistemin social gjerman. “Aktualisht, qytetarëve të BE-së u garantohet liria e lëvizjes brenda Unionit me ligj, madje edhe me një kohë minimale pune javore prej 5.5 orësh.

Ne duam të ngushtojmë përkufizimin e konceptit ‘punëtor’ siç përcaktohet në Direktivën e BE-së për Lirinë e Lëvizjes”, sqarohet në deklaratë. Kreu i grupit rajonal Alexander Hoffmann i tha “Merkur”, se “migrimi i fuqisë punëtore në Gjermani nuk duhet të jetë migrim varfërie”.

Dokumenti paraprak i publikuar në media përmban edhe pika të tjera si luftimin e armiqve të demokracisë. Aty kërkohet që thirrjet publike për ngritjen e një shteti islamist, Kalifat duhet të dënohen.

“Kërkesa për zhbërjen e rendit themelor demokratik liberal apo një krim antisemitist duhet të çojnë në dëbimin e detyrueshëm të personit në fjalë, mohimin e lejes së qëndrimit dhe, në rastin e shtetasve të dyfishtë, humbjen e shtetësisë gjermane”, thuhet në dokumentin e CSU.

Ditën e shtunë vendi ynë pritet të ndikohet nga kushte të paqëndrueshme atmosferike, me vranësira dhe reshje të herëpashershme shiu me intensitet të ulët deri mesatar.

Në veriperëndim hera-herës në intervale të shkurtra kohore priten reshje shiu me intensitet deri të lartë në formën e stuhive, ndërsa në zonën e Alpeve dhe relievet e larta malore reshjet e borës do të vijojnë me intensitet të ulët e lokalisht deri mesatar.

Era do të fryjë me drejtim nga kuadrati i jugut me shpejtësi 10m/s, ndërsa në zonat luginore dhe bregdet, sidomos në jug era pritet të arrijë deri 17m/s

 Deti – Valëzimi forcës 4-5ballë.

Dashi

Planetët do ju përkëdhelin mjaft gjatë kësaj dite dhe do ju bëjnë të ndiheni me së miri. Do e shprehni pa dorashka dashurinë që ndjeni për njeri-tjetrin.

Beqarët do ndihen gati te fillojnë histori dashurie edhe pse personat nuk do ua mbushin 100% mendjen. Për financat do jetë një dite goxha e favorshme. Mund të kryeni disa investime me tepër nëse dëshironi.

Demi

Asgjë e veçantë nuk do ndodhe gjatë kësaj dite në jetën tuaj sentimentale. Merrini gjërat si t’iu vijnë dhe atë çfarë do ju thotë zemra.

Beqarët do kenë veçse disa takime interesante, asgjë më shume sesa aq. Duhet ende edhe pak durim. Në planin financiar mos kërkoni të pasuroheni menjëherë sepse nuk do ja dilni dot. Sakrificat mund t’iu dëmtojnë.

Binjaket

Ka rrezik që gjërat të mos shkojnë ashtu si ju i keni ëndërruar sot në jetën tuaj sentimentale. Nuk do ketë momente pasionante sepse partneri do jete si stresuar për një çështje pune. Beqarët gjithashtu duhet te presin edhe pak për dashurinë e madhe. Nëse kryeni shpenzime te tejskajshme financat do dobësohen tej mase. Ruajeni gjithë kohës maturinë.

Gaforrja

Jeta juaj në çift nuk do shkojë ashtu si ju e kishit menduar gjatë kësaj dite. Ndonjëherë atmosfera mund të bëhet mbytëse. Beqarët duhet të tregohen sa me të hapur dhe të pranojnë ftesat që do ju bëhen.

Se çfarë do bëjnë më pas e kanë vetë në dorë. Për financat duhet të merreni më seriozisht. Me pak maturi dhe kujdes gjendja do filloje të përmirësohet.

Luani

Do e dashuroni plot pasion personin që keni ne krah gjate kësaj ditë dhe atmosfera do bëhet elektrizuese. Zemra do rrahë edhe më fort. Beqarët do kalojnë një ditë pozitive edhe pse dashurinë ende nuk do e gjejnë. Miqtë nuk do i lënë asnjë çast te mërziten. Ne planin financiar do keni goxha vështirësi dhe probleme. Duhet shume kujdes për t’ia dale mbanë.

Virgjëresha

Do merren vendime të mëdha gjate kësaj dite në jetën tuaj sentimentale. Do diskutoni gjerë e gjatë me personin që dashuroni dhe do bini në një mendje. Klima yjore do jete e turbullt për ata që janë vetëm. As sot nuk pritet të mbërrijë princi i kaltër. Financat do fillojnë dalëngadalë te përmirësohen. Do ndiheni më mirë kur të kryeni ndonjë shpenzim.

Peshorja

Do kërkoni që gjithçka të bëhet si doni ju gjatë kësaj dite, prandaj mund të kini disa mosmarrëveshje me partnerin. Mundohuni te tregoheni sa me realiste dhe te bëni lëshime. Beqarët do mahniten nga një person dhe nuk do mendohen dy herë për të filluar një lidhje. Në fakt ky do jete një gabim. Financat do jenë më të ekuilibruara se disa ditë më parë.

Akrepi

Mos përfitoni nga fakti qe partneri ka shume besim tek ju për te bere gjera qe ai ne fakt nuk i dëshiron. Mund ta ktheni situatën përmbys dhe do keni probleme. Për beqaret do ketë goxha surpriza, kështu qe duhet te bëhen gati. Gjendja e te ardhurave nuk do jete aspak e mire. Nuk do i rezistoni dot tundimit për te shpenzuar pafund.

Shigjetari

Dite e qetë dhe e qëndrueshme kjo e sotmja për ata që janë në një lidhje. Harmonia, mirëqenia dhe flegrua do mbizotërojë ne jetën e tyre.

Beqarët nuk duhet te dekurajohen nëse nuk ju pranohen ftesat, por duhet ta kërkojnë diku tjetër dashurinë.

Financat do jene gjithë kohës të stabilizuara. Nuk do jetë problem edhe po kryet ndonjë investim më tepër.

Bricjapi

Dita e sotme do jetë shume e veçantë për ata që janë në një lidhje. Do kuptoheni mjaft mire me atë qe keni ne krah dhe do i ndreqni edhe problemet e se shkuarës. Beqarët do ndihen mire me statusin që kanë dhe nuk do e kërkojnë princin e kaltër. Nëse tregoheni të arsyeshëm me financat, gjendja do jetë mjaft e ekuilibruar.

Ujori

Priten shumë vështirësi gjate kësaj ditë në jetën tuaj sentimentale. Nuk do merreni vesh aspak me personin qe keni ne krah dhe kjo do sjelle debate te forta. Beqarët duhet të përfitojnë sa të mundin nga ftesat që do ju bëhen, jo t’i neglizhojnë ato. Financat do jenë në gjendje të qëndrueshme, por nuk duhet të kryeni çmenduri me shpenzimet.

Peshqit

Marsi nuk do krijojë me probleme gjatë kësaj dite në jetën tuaj sentimentale, kështu që mund te dashuroheni ashtu si ta ndjeni. Beqarët më mirë të mos bëjnë plane në mënyrë që të mos zhgënjehen më vonë. Pritet të ketë disa takime të rëndësishme gjithsesi. Në planin financiar nuk duhet të nxitoheni për asgjë.

Qindra fluturime pritet të anulohen në aeroportin Ndërkombëtar Schiphol në Amsterdam

Gjithashtu njoftohet se mund të ketë edhe vonesa për shkak të borës dhe akullit, raportoi agjencia holandeze e lajmeve ANP, duke cituar njoftimin zyrtar nga aeroporti.

Schiphol, një nga qendrat më të ngarkuara të Evropës, ka anuluar sot dhjetëra fluturime për të njëjtën arsye. Probleme të ngjashme raportohen edhe në aeroportin e Eindhovenit.

Dy persona u vranë dhe disa të tjerë u plagosën nga ortekët në Alpet italiane. Erërat e forta vështirësuan operacionet e shpëtimit. Një ortek fillimisht goditi Luginën Maira jugperëndimore të Alpeve, pranë kufirit francez në rajonin italian të Piemontes, duke vrarë një person dhe duke plagosur dy të tjerë, sipas Shërbimit të Ndihmës së Parë Alpine.

Ndërsa një nga të plagosurit është në gjendje kritike. Ekipet e shpëtimit u nisën në këmbë nga lartësi më të ulëta pasi erërat e forta i penguan ekipet e helikopterëve të arrinin në vendngjarje, tha agjencia në një deklaratë.

Ndërkohë orteku i dytë ndodhi pranë Pragelato, një vendpushim i njohur skish rreth 60 kilometra në perëndim të Torinos. Një grua që ishte bllokuar arriti të lirohej, por nuk ishte në gjendje të lëvizte për shkak të lëndimeve të saj.

Ekipet e shpëtimit po punonin për ta shpëtuar, ndërsa helikopterët ishin përsëri të kufizuar për shkak të kushteve të këqija të motit.

Në rajonin verilindor italian të Venetos, një ortek në shpatin Vaio Gabene në Dolomitet e Vogla vrau një skiator 50-vjeçar, sipas agjencisë italiane të lajmeve ANSA.

Janari konsiderohet si muaji më depresiv në kalendar. Arsyeja e parë pse të gjithë ndihen në depresion në muajin e parë të vitit ka të bëjë me prishjen e ritmit kardiak të zakonshëm, i cili është një cikël natyror 24-orësh në trupin tonë, që rregullon gjumin dhe zgjimin.

Gjatë muajve të dimrit, veçanërisht në vendet larg ekuatorit, ka një rënie të ndjeshme të orëve të ditës.

Ky reduktim i dritës natyrale mund të ndikojë thellësisht në ritmin tonë dhe ndonjëherë mund të çojë në atë që njihet si “çrregullimi afektiv sezonal (SAD)”, një lloj depresioni që lidhet me ndryshimet e stinës.

Po çfarë të bëni për ta shmangur këtë periudhë kalimtare të vitit?

Merrni më shumë dritë dhe vitaminë D
Ekspozojeni vazhdimisht veten më shumë ndaj dritës, si në mëngjes, ashtu edhe në mbrëmje, për të stimuluar lindjen dhe perëndimin e diellit. Ekspozimi i rregullt ndaj dritës në të njëjtën kohë çdo ditë do të ndihmojë në sinkronizimin e ritmit tuaj cirkadian, duke ndihmuar kështu në rregullimin e neurotransmetuesve për një gjumë të përmirësuar dhe një humor më të mirë. Për ata që jetojnë në vendet veriore, ku orët e ditës janë të kufizuara gjatë kësaj periudhe të vitit, rekomandohet përdorimi i dritës artificiale. Terapia me dritë përdoret shpesh për të trajtuar njerëzit që vuajnë nga çrregullimi afektiv sezonal (SAD). Për më tepër, meqenëse mungesa e dritës natyrale mund të ndikojë në marrjen e vitaminës D dhe të kontribuojë në lodhje, stimulantët me vitaminë D mund të jetë i dobishëm për disa njerëz.

Bëjeni janarin muajin e planifikimit

Për të zbutur stresin e vendimeve të Vitit të Ri, mund të jetë e dobishme të filloni ngadalë. Kërcimi shumë shpejt nga gjendja e pushimeve drejtpërdrejt në veprim mund të kthehet në dërrmues dhe sfidues. Ndjenja e mbingarkesës dhe e ankthit për fillimin e vitit mund të rezultojë e kundërt dhe të çojë në lodhje. Më vonë, kjo mund të krijojë zhgënjim. Në vend që të vendosni objektivat tuaja për të filluar nga 2 janari, jepini vetes kohë për të rregulluar mirë planet për vitin e ardhshëm. Bëjeni janarin muajin e planifikimit, bëni hapa veprimi më të detajuara, specifikë dhe të matshëm në plan, duke siguruar sukses.

Tregoni kujdes për financat

Të bësh një hap për të përmirësuar një situatë që po shkakton shqetësim, të bën të ndihesh më mirë. Shpesh, janë mendimet shqetësuese për situatën që na bëjnë të ndihemi më keq, ndonjëherë edhe më shumë se vetë situata. Një ankth i tillë mund të jetë paralizues, duke parandaluar çdo veprim. Nëse jeni në gjendje jo të mirë financiare ose në borxhe pas pushimeve, gjetja e mënyrave për të fituar para mund të jetë e dobishme.
Një opsion fitimprurës është pjesëmarrja në studimet e kërkimit të tregut të kujdesit shëndetësor. Rekomandimi ynë për zbutjen e gjendjes depresive të janarit është të ndërmerrni një hap drejt përmirësimit të financave tuaja.