Në dosjen e SPAK thuhet se organizatori në planin për vrasjen e Arben Ndokës, që nuk u realizua, ka qenë Xhelal Rraja.

Rraja, sipas SPAK ishte pjesë e grupeve të Durim Bamit e Endrit Dokles që tentuan vrasjen e ish ligjvënësit tjetër socialist, Arben Ndoka.

Nga hetimet e SPAK rezulton se Arben Ndoka ishte planifikuar të ekzekutohet në janar 2021, kur ky të shkonte për kafe dhe qokë në Rrugën e “Elbasanit”, pasi kishte vdekur një gjyqtar nga Lezha. Por, Ndoka nuk shkoi për ngushëllim, ndaj edhe plani dështoi.

Në dosjen hetimore, Prokuroria e Posaçme thotë se Durim Bami dhe Endrit Dokle, në bashjkëpunim me Xhelal Rrajën, vëllain e ish deputetit socialist dhe Marklen Hakën, thurën planin për të vrarë deputetin socialist Arben Ndokën.

Ky i fundit kishte tentuar disa herë më ndihmën e Ervis Martinaj, Emiljano Shullazin dhe pjesëtarë të grupit kriminal Avdulaj, Aldo dhe Astrit Avdylaj, të vriste Durim Bamin, pasi dyshonte se ishte i implikuar në vrasjen e vëllait të tij Aleksandër Ndoka. Pavarësisht se e ndoqën e vëzhguan për një kohë të gjatë, ata nuk e arritën dot Bamin, pasi lëvizte me makine të blinduar dhe merrte masa të lartë sigurie në cdo lëvizje.

Sipas SPAK, Endrit Dokle kishte marrë përsipër të siguronte informacionin për lëvizjen e ish deputetit Ndoka, Durim Bami dhe Xhelal Rraja ishin organizatorë, ndërsa Marklen Haka kishte marrë përsipër të gjente vrasësit e ish deputetit.

Në dosjen e SPAK theksohet se “pasi ka pritur deri në orën 16:04 duke marrë informacion nga Marklen Haka për ardhjen e shtetasit Arben Ndoka, është larguar, pasi ai e ka informuar që të mos rrijë më aty pasi ai nuk do të vinte”.

Kujtojmë se, Arben Ndoka kishte tentuar disa herë, edhe me ndihmën e Ervis Martinajt, Emiljano Shullazit dhe pjesëtarë të grupit kriminal Avdulaj, të vriste Durim Bamin pasi dyshonte se ishte i implikuar në vrasjen e vëllait të tij Aleksandër Ndoka.

Por pavarësisht se e ndoqën e vëzhguan për një kohë të gjatë, ata nuk arritën të përfundonin planin pasi Bami lëvizte me makine të blinduar dhe merrte masa të lartë sigurie në cdo lëvizje.

Një ngjarje e rëndë është regjistruar mbrëmjen e sotme në fshatin Çërragë, bashkia Belsh.

65-vjeçarja Emine Agolli është sulmuar nga qeni që mbante në oborrin e shtëpisë familja e kunatit të saj duke pësuar dëmtime të mëdha trupore.

Edhe pse u dërgua me urgjencë drejt spitalit ajo nuk mundi ti shpëtojë dot plagëve të marra.

Autoritetet policore kanë nisur hetimet për zbardhjen e plotë të rrethanave të ngjarjes, ndërsa është shoqëruar personi përgjegjës për mbajtjen e kafshës, kunati i viktimës.

Dërgohet me urgjencë drejt Qendrës Spitalore Universitare “Nënë Tereza” ish presidenti i Republikës Alfred Moisiu.

Mësohet se, Moisiu ka shfaqur shqetësime shëndetësore dhe është shtruar pranë Pavionit të Kardiologjisë në QSUT.

Sipas raportimeve nga spitali, gjendja aktuale e ish presidentit shfaqet stabile.

Alfred Moisiu ka lindur në Shkodër më 1 dhjetor 1929.

Ai ka qenë ushtarak karriere dhe President i Republikës nga 24 qershori 2002 deri më 24 korrik 2007.

Një tërmet me magnitudë 3.8 ballë u regjistrua pak minuta më parë në rajonin e Korçës.

Epiqendra, sipas të dhënave, ka qenë në zonën e Kosturit në Greqi. Ndërsa lëkundjet janë ndjerë në Devoll, Korçë dhe Pogradec

Deri tani nuk raportohet për dëme materiale.

Dosjet e reja të publikuara nga autoritetet amerikane për Jeffrey Epstein zbulojnë një dimension të panjohur deri tani: interesin e fortë dhe sistematik të tij për Greqinë gjatë viteve të krizës ekonomike.

Sipas qindra email-eve dhe dokumenteve të brendshme, Epstein, i cili u vetëvra në burg në vitin 2019 ndërsa priste gjyqin për trafik seksual, e shihte Greqinë si një “laborator financiar” për spekulime dhe investime me rrezik të lartë.

Në korrespondencën e tij, ai merrte informacion të drejtpërdrejtë nga banka ndërkombëtare, si JPMorgan dhe Deutsche Bank, për blerjen e bonove shtetërore greke, aksioneve bankare dhe produkteve financiare të lidhura me rimëkëmbjen e ekonomisë greke.

Në një email të vitit 2011, një drejtues i JPMorgan i propozon blerjen e obligacioneve greke me interes mbi 11 për qind, ndërsa Epstein përgjigjet shkurt: “ma kujto javën tjetër”, duke lënë të kuptohet se po shqyrtonte seriozisht bastin mbi borxhin grek.

Por interesi i tij nuk ishte vetëm financiar. Epstein kërkonte informacione politike në nivelet më të larta: nga referendumi i vitit 2015, te largimi i Varoufakis dhe skenarët për një dalje të mundshme të Greqisë nga eurozona.

Në arkiva rezulton se fjala “Greqi” përmendet mbi 1.500 herë, kryesisht në periudhën 2012–2015, kulmi i krizës.

Paralelisht, Epstein interesohej edhe për antikitetet greke, për familje të mëdha armatorësh të diasporës dhe madje për ndërtimin e një vile “në stil grek” në ishullin e tij privat në Karaibe.

Ekspertët theksojnë se dosjet nuk provojnë përfshirje kriminale të personave të përmendur, por zbulojnë qartë mënyrën se si elita globale e shihte krizën greke: jo si tragjedi sociale, por si mundësi për fitim dhe ndikim.

Një tjetër faqe e errët në historinë e Epstein, këtë herë, me sytë nga Athina.

Me 33 fletë-arresti të firmosura, 26 për burg dhe 7 për arrest shtëpie, prokuroria e Durrësit i dha fund hetimeve që nisën për 2800 ton mbetje të rrezikshme të prodhuara nga Kurum International në Elbasan dhe u nisën me anije drejt Tajlandës duke përdorur dokumenta të falsifikuara.

Por sipas asaj që shkruan Lapsi.al jo vetëm se 2800 ton mbetje ishin të rrezikshme, por nxjerr në dritë një skandal të përmasave të frikshme, shumë herë më i madh se ai që denoncoi “Basel Action Network”, organizata mjedisore me qendër në Shtetet e Bashkuara.

Nga hetimet del se Kurum prodhoi qindra mijëra tonelata mbetje në vitet e fundit, që u menaxhuan në mënyrë kriminale, madje disa dhjetëra mijëra prej tyre humbën pa gjurmë në Elbasan.

Faktet tregojnë se 2800 ton mbetjet e nisura drejt Tajlandës ishin vetëm maja e ajsbergut. Sepse në realitet tonelatat me mbetje të rrezikshmë në Shqipëri magazinohen në mjedise të papërshtatshme, trafikohen me dokumenta të falsifikuara, madje edhe zhduken pa lënë asnjë gjurmë.

Zyrtarja më e lartë e arrestuar është ish-drejtoresha e Autoritetit Kombëtar të Mjedisit, Arta Dollani. Në media ajo përflitet si një nga njerëzit e besuar të ish-ministres Mirela Kumbaro, por është e lehtë të kuptohet se lidhjet e biznesmenëve që merren me transportin e mbetjeve të Kurum shkojnë shumë më lart. Nuk është rastësi që ata veprojnë në një mjedis të pakontrolluar, ku shteti nuk ekziston dhe ku ligji përkulet duke toleruar një treg kriminal të transportit të mbetjeve.

Në faqen 70 të dosjes, prokuroria shkruan se Agjencia Kombëtare e Mjedisit “rezulton se nuk ka kryer inspektime në përputhje me ligjin pranë shoqërisë Kurum International sha, Alliance Resource shpk, Sokolaj shpak dhe ESM APO” Për pasojë, vazhdojnë hetuesit, është lejuar grumbullimi, transportimi dhe më pas kontrabandimi e mbetjeve të rrezikshme, të cilat “sipas të dhënave të administruara nga Prokuroria, në të paktën 4 vitet e fundit janë transportuar me qindra mijëra tonelata në vit“.

Sasia gjigande me mbetje që përmendin prokurorët është tronditës, por tregon përmasat e vërteta të paligjshmërisë në këtë fushë.

Në letër rezulton se kompania turke Kurum International ka prodhuar vetëm 1000 ton mbetje të rrezikshme, por sqaron prokuroria e Durrësit “nga të dhënat rezulton se ka tregtuar vetëm tek Sokolaj shpk nëpërmjet 4 faturave në vitin 2023 dhe 2024 mbi 4122 Ton mbetje te rrezikshme”. Kjo përplasje shifrash me 4 mijë herë më shumë se sa deklarohej, është dëshmi se sa larg ka shkuar abuzimi me dokumentat shtetërorë.

Kurum prodhoi 30 mijë ton mbetje të rrezikshme në 4 vjet

Ekspertimi kimik mjedisor i përmendur në aktet e prokurorisë sillet kryesisht në dy përbërje të materialit tregtar, një përzierje tipike e pluhurit të furrës elektrike të çelikut, EAF dust, e cila përmban metale të rënda, oksid hekuri apo oksid zinku.

Vlen të citohet një dëshmi brenda uzinës e një personi të quajtur Rami Bunga, i cituar si specialist pranë zyrës së mjedisit te Kurum International. Ai shpjegon se prodhimi i oksidit të zinkut, “për 4 ose 5 vitet e fundit ka qenë rreth 25.000 deri në 30.000 ton”.

Sasitë e mëdha që prodhohen çdo vit tregojnë se rasti i denoncuar i Tajlandës ishte thjesht një destinacion ku u ndez sirena.

Mbi këtë sfond, Prokuroria ka ngritur akuza për drejtues të Kurum International, të kompanive që merreshin me transportin e lëndëve kimike dhe për zyrtarë të Agjencia Kombëtare e Mjedisit, Doganës, Autoritetit Portual dhe operatorit të terminalit.

Në të njëjtën kohë, sipas strukturës së dosjes, tre kompani dalin si nyje ku mbetjet kalonin përpara se të humbnin gjurmët ose të dilnin jashtë, Alliance Resource sh.p.k., Bajrami N sh.p.k., Sokolaj sh.p.k..

“Alliance Resource” dhe “Sokolaj shpk”, falsifikimet për eksportin e mbetjeve

Sokolaj sh.p.k. është kompania që falsifikoi dokumentat për 2800 ton mbetje të rrezikshme që ishin nisur drejt Tajlandës por sipas prokurorisë së Durrësit, kjo ishte një skemë që zbatohej prej vitesh.

Faturat e gjetura në kompaninë Kurum dëshmonin për prodhimin e mbetjeve të rrezikshme, por në fund të procedurave, nga porti i Durrësit rezultonte se eksportohej mbetje e parrezikshme. Faturat manipuloheshin rrugës, por për të kuptuar sasitë e mëdha që ka eksportuar kjo kompani jashtë vendit prokuroria ka sekuestruar disa kontrata.

Në njërën prej tyre, që vlen të citohet në faqen 40 të dosjes thuhet: “Në kërkesën e datës 19.08.2022, Sokolaj shprehet se bazuar në kontratën me gjeneruesin e mbetjeve Kurum International sh.a., angazhohet ti blejë mbetjet me kod 10 02 07*, me sasi vjetore 25.000 ton në vit, me vend origjine Kurum, Elbasan.”

Bëhet fjalë për sasi mbetjesh të rrezikshme të cilat ishin stok pranë kompanisë Kurum në Bradashesh të Elbasanit. Prokuroria vazhdon: “Sokolaj nuk rezulton të ketë Autorizim për eksportim të mbetjeve të rrezikshme… për periudhën 2022,2024”.

E njëjtë është skema edhe tek kompania Alliance Resource sh.p.k. Vetëm se tek kjo kompani janë gjetur sasi të mëdha në stok në kushte të papështatshme për t’u ruajtur.

“Përveç faktit që nuk ka disponuar dokumentacionin, sasia e mbetjeve është gjendur në stok, ndërkohë që subjekti marrës i mbetjeve të rrezikshme ka detyrën e trajtimit të tyre dhe jo të magazinojë sasi të mëdha mbetjesh duke i lënë të patrajtuara duke shtuar efektet e rrezikut të lëshimit të gazrave toksikë në mjedis e në ajër” thuhet në dosje.

Hetuesit kanë kryer kontrolle në ambjentet e Alliance, por thonë se kompania nuk ka paraqitur dokumentacion provues se çfarë ka ndodhur me këto mbetje, si janë trajtuar, nëse janë transportuar a shitur tek të tretë, apo janë eksportuar.

Dyshimet janë se Kurum dhe Alliance “kanë shkelur legjislacionin për menaxhimin e mbetjeve duke i transferuar mbetjet tek të tretët në sasi shumë të mëdha, me kosto të ulët për të shmangur kostot e asgjësimit” thotë dosja.

“Bajrami N”, dhjetëra mijëra ton mbetje të zhdukura pa gjurmë

Por ndërsa dy kompanitë e tjera kishin synim t’i nxirrnin mbetjet jashtë vendit për t’u trajtuar, një krim akoma më i rëndë duket të jetë konsumuar nga një kompani tjetër “Bajrami N” sh.p.k. Kjo kompani përmendet në dosje për sasi të mëdha mbetjesh të parrezikshme, kryesisht skorje që janë zhdukur pa gjurmë.

Hetuesit kanë gjetur tre kontrata me gjithsek 40 mijë ton mbetje, të cilat kjo kompani synonte t’i trajtonte me impiant betoni dhe t’i përdorte si stabilizant të rrugëve.

Hetimet listojnë shifra të tilla si “ka shitur 15996 ton… 16253 ton… dhe 10359 ton”, por që shoqërohet me humbje të gjurmës, “nuk ka asnjë informacion… ku janë depozituar këto mbetje, dhe si janë trajtuar… nuk ka asnjë regjistër”.

Nga fashikulli i prokurorisë, kompania Bajrami N shpk del si “vrima e zezë” e hetimit, ku dhjetëra mijëra tonelata me mbetje janë zhdukur pa lënë gjurmë.

“Bajrami N” sh.p.k. ka lidhur kontratë me shoqërinë “Kurum International sh.a.” por shoqëria “Bajrami N” sh.p.k. nuk disponon leje për përpunimin/trajtimin e skorjeve… Asnjëri prej kodeve 100201 dhe 100202 nuk përfshihet në lejet mjedisore të kësaj shoqërie. Nga të dhënat e administruara nuk ka asnjë informacion se çfarë procesi pune ka ndodhur, ku janë depozituar këto mbetje, dhe si janë trajtuar pasi nuk ka asnjë regjistër të deklaruar mbi to” citohet prokuroria e Durrësit.

Një qeveri e shqetësuar për lajmet toksike

Institucioni që duhet të ishte gardiani i këtij tregu delikat dhe me pasoja të rënda për mjedisin, Agjencia Kombëtare e Mjedisit, përshkruhet si një hallkë jofunksionale në tregun e mbetjeve të Kurum.

Drejtuesja e AKM, Arta Dollani akuzohet se “nuk e ka përmbushur detyrën… nuk ka kryer vlerësime të plota… dhe rezulton se nuk e ka monitoruar zbatimin e kritereve të lejes”.

Në një tjetër pasazh, prokuroria thotë se “nuk ka kryer inspektime në përputhje me ligjin” pranë subjekteve kryesore, Kurum International, Alliance Resource sh.p.k., Sokolaj sh.p.k., dhe ESM APO”.

Autoriteti Kombëtar i Mjedisit duket se ka kërkuar informacion vetëm “pasi është bërë publik rasti i eksportimit”, në Tajlandë, por më parë “nuk ka kryer asnjë lloj verifikimi në terren”.

Megjithatë kjo është fotografia e bllokimit të një mekanizmi të vogël, siç është Autoriteti Kombëtar i Mjedisit. Prokuroria e Durrësit është përqëndruar te ky mekanizëm, duke lënë jashtë dështimin e aparatit të madh shtetëror, si një organizëm që zgurdullon sytë vetëm kur skandali del në media, përpëlitet pak kur ndërhyn prokuroria, por rikthehet sërish në gjumë me idenë se çudia më e madhe tre ditë zgjat.

Akoma më rëndë ishte në fjalimin në parlament kryeministri Edi Rama. Fajin për mbetjet e rrezikshme që prodhohen dhe trafikohen, ai ia faturoi mediave dhe opozitës, me pretendimin se skandali u shpik nga kokat e sëmura që janë prekur nga “psikopatologjitë”, të atyre që shkruajnë “fletërrufe” dhe të atyre që udhëhiqen nga “fantazi malinje”, që kanë për qëllim “helmimin e shqiptarëve” përmes burimeve dixhitale.

“A është kryer eksport i mbetjeve të rrezikshme? Sipas të dhënave të bëra me dije publikisht, në çdo deklaratë, e në çdo dokument të paraqitur nga subjektet private, si pjesë e procedurave të eksportit, është shumë e qartë se eksporti i mallrave në fjalë nuk është eksport mbetjesh të rrezikshme”, u shpreh kryeministri në parlament.

Gjatë fjalës së mbajtur me qytetarët e njësive 1 dhe 3 në Tiranë, kryetari i PD-së Sali Berisha u ndal edhe te atentati i nëntorit në Rinas ku humbi jetën Gilmando Dani dhe Muçi Shaljani.

Kreu i selisë blu hodhi akuza të forta teksa u shpreh se, atentati ndaj Danit është organizuar nga Ergys Agasi dhe Edi Rama.

“Ky është shembulli më i fundit. Se mund të marrim me dhjetëra e dhjetëra shembuj. Nuk ka, nuk ekziston në literaturë, nuk ekziston në realitet zyra Agasi. Jo. A mund ta imagjinoni ju një kryeministër që ka në varësi policinë, ushtrinë, shërbimin informativ, të mbajë një zyrë krimi ku të thërrasë ministrat, të thirren gjykatësit, të organizohen vrasjet në sheshet e pushtetit siç ishte ajo e aeroportit, e atij delinkuentit Dani. Ai u vra nga komando të policisë.

Shiheni atë skenë. U vra nga komando të policisë. E vrau Ergys Agasi! E vrau Edi Rama! A mundet një kryeministër, njeri i ligjit, njeri i fuqisë ekzekutive, të mbajë një zyrë krimi mbrapa dhe të jetë nga njëra anë të paraqitet para qytetarëve dhe të bisedojë dhe të bëjë, nga ana tjetër heq rrobat e kryeministrit dhe vesh rrobat e Gys Agasit dhe vazhdon akte të tilla. Akte me të cilat bën ligjin”, tha gjatë fjalës së tij Berisha.

LEXO EDHE: “Foltorja”, Berisha: Berluskoni nuk iu shmang kurrë drejtësisë, kurse Rama po merr zvarrë shtetin

Gilmando Dani, 47-vjeç, u ekzekutua pranë rrethrrotullimit të Rinasit në nëntor të 2025-ës.

I njohur si krahu i djathtë i Emiljano Shullazit, ai ra pre e një atentati të mirëmenduar, ndërsa bashkë me të humbi jetën edhe Muçi Shaljani (Sheqeri).

Edhe sot, ende nuk ka asnjë të dyshuar për ngjarjen e rëndë që tronditi vendin.

LEXO EDHE: SHENJAT E KRIMIT/ Kthimi fatal dhe fluturimi i fundit i Gilmando Danit

Kryeministri Edi Rama ka nisur vizitën e tij zyrtare në Vatikan nga Genazzano, në bazilikën e famshme ku ndodhet shembëlltyra e Zojës së Këshillit të Mirë, mbi një copë muri të shkëputur nga Kisha e Shkodrës në vitin 1467.

Në një postim në Facebook, Rama thekson se që nga ajo kohë, asnjë kryetar shteti apo qeverie shqiptare nuk e kishte vizituar këtë bazilikë, ku pranë Zojës së Shqipërisë qëndron gjithmonë edhe flamuri kombëtar shqiptar dhe ku kanë kryer vizita e rite pothuajse të gjithë Papët e Romës.

Postimi i Ramës:

Drejtuesi i Departamentit të Shëndetësisë, Ilir Alimehmeti, një prej kritikëve publikë sa i përket mënyrës se si po drejtohet Partia Demokratike dhe pjesëmarrës në “Foltoret” e ish deputetit Ervin Salianji, sot i është bashkuar “Foltores” së PD-së me Njësitë 1 dhe 3 në Tiranë.

Gjatë fjalës së tij, Alimehmeti u ndal tek problematikat që ka sistemi shëndetësor në vend duke theksuar se një vendim i papritur dhe i pa paralajmëruar i qeverisë ka shkaktuar kaos në tregun farmaceutik, duke rritur ndjeshëm çmimet e dhjetëra barnave thelbësore.

Sipas tij, disa ilaçe kanë pësuar rritje deri në 40-fish, duke vënë në vështirësi të madhe pacientët dhe farmacistët në të gjithë vendin.

Fjala e Alimehmetit:

Më lejoni të shpreh falenderimin tim personal, po edhe të Partisë Demokratike, për të gjithë lodhjen, gjithë mbështetjen që keni dhënë këtë vit e këto vite të vështira. Me të vërtetë, jeni ju shtyllat kurrizore që kanë arritur ta mbajnë një situatë kur opozita ishte në ditët e saj më të vështira. Ju falenderoj nga zemra për këtë. Po të mos kishit qenë ju, ne nuk ishim këtu duke bërë këtë diskutim sot.

Patjetër, degën 1 dhe degën 3 unë i njoh në mënyrë të veçantë sepse jam mbi 20 vjet banor në këtë zonë, kështu që për problematikat tona mund të flasim çdo ditë, çdo natë, por ka një problem më të madh akoma: për shtresën më vulnerabël të popullatës tonë, që janë të sëmurët. Ne këtë fundjavë këtu, në qoftë se e keni vënë re, kush ka të sëmurë në shtëpi, të sëmurë kronik, të sëmurë akut, mund të vërejë që tregu farmaceutik hyri në kaos. Qeveria, Ministria e Shëndetësisë, në një mënyrë krejtësisht të paparalajmëruar, ndërhyri tek çmimet CIF të barnave dhe sot farmacistët u gjendën në një situatë ku ata nuk arrinin dot të përmbushnin barnat e rimbursueshme për pacientët.

Një sërë ilaçesh nuk po flasim për të gjitha po për ata që patën ndryshimet. Nuk u lajmërua as urdhëri i farmacistit, as unioni farmaceutik, dhe për këtë u vunë në kurriz farmacistët. Çdo gjë që ndodh në shëndetësi, në këtë rast farmaceutik, është në kurriz të njerëzve, është në kurriz të të sëmurëve, është në kurriz të jetës dhe të shëndetit. Nuk është thjesht një gjë administrative e vogël. U rritën çmimet e barnave, të dhjetra barnave pa u shpjeguar fare. Disa çmime u arritën deri në 40-fish. Shumë çmime u dy- dhe trefishuan, pa pasur një kuptim, pa pasur një transparencë, pa diskutuar pse ndodhi kjo. Ministria e Shëndetësisë është aty për të tuteluar të sëmurin, për të tuteluar njerëzit, sepse patjetër biznesi interesohet të shesë nga ana e tij. Por, pa asnjë transparencë, pa folur me organet kompetente dhe grupet e interesit, u shtuan mbi 40 barna dy deri trefish, madje një ilaç i caktuar është dhe 40-fish më shumë.

Këto janë antibiotikë, këto janë ilaçe antitumorale, këto janë ilaçe për sëmundje autoimune, këto janë ilaçe për diabetin praktikisht për shumë sëmundje nga të cilat vuajnë shumë njerëz. Në kurriz të kujt? Në kurriz patjetër të fondit publik dhe në kurriz të atyre që nuk janë të siguruar, që nuk përfitojnë, nga xhepi i tyre. Për interes të disa firmave, dhe ne kemi parë se si edhe vitin e kaluar fondi i sigurimeve, me rimbursimet fiktive që ka pasur, i ka kushtuar qindra miliona dëm fondit publik dhe parave tona, në kurriz të jetës dhe shëndetit. Nga krahu tjetër, u kërkohet farmacistëve që të zbatojnë disa çmime të cilat nuk u kanë ardhur, sepse nuk është miratuar ende lista, që ata të shesin më pak se sa ç’u kanë thënë t’i blejnë më përpara. Sepse zinxhiri e ka lënë bosh.

Depot farmaceutike shesin me një çmim më të lartë, ndërkohë që atyre u kërkohet t’ia japin pacientit me një çmim më të ulët, në kurriz të farmaceutikës, duke ia lënë atyre, le të themi topin, pataten e nxehtë, sepse janë ata që po bëjnë dëmin. Në këto kushte, të jemi shumë të qartë: vuan gjithmonë pacienti dhe ne kemi marrë shumë raportime si departament, për pacientë që po bëjnë ecejake nga mjeku tek farmacisti, tek spitali, tek qendra shëndetësore dhe nuk po arrijnë të zgjidhin problemin e tyre. Për një arsye dhe vetëm një arsye: Ministria e Shëndetësisë punon pa plan, se Ministria e Shëndetësisë nuk punon në drejtim të pacientit, por punon vetëm në drejtim të disa xhepave përkatës. Dhe ja vë në kurriz në fund fare, dhe çon, si zakonisht, një shtresë kundër një tjetre: shtresën e pacientëve kundër shtresës së farmacistëve, që në fakt është e njëjta shtresë, sepse të dyja tentojnë të ndihmojnë jetën, tentojnë të ndihmojnë shëndetin.

Në këto kushte nuk ka se si ne të mos flasim për këtë situatë këtu. Kjo kërkon një zgjidhje të menjëhershme. Kjo kërkon një përgjigje të cilën ne duhet t’ia japim me doemos. Në datë 10 shkurt na jepet mundësia t’i japim një përgjigje qeverisë edhe për këtë situatë, që shkakton dita-ditës, çdo ditë që kalon, një aferë; çdo ditë që kalon, një abuzim. Por kurrsesi nuk mund të tolerohet kjo kur është në kurriz të jetës dhe të shëndetit. Prandaj, miq, unë ju bëj një thirrje: kjo qeveri këtu rrëzohet vetëm me protestë, kjo qeveri këtu rrëzohet vetëm me revoltë; kërkohet qëndresë, kërkohet guxim, kërkohet kurajo, kërkohet që ne aty në shesh të thërrasim këdo.

I bëj një thirrje të veçantë shoqatave të pacientëve, mjekëve, farmacistëve, stomatologëve, infermierëve, çdo personeli shëndetësor që e dinë shumë mirë këtë problem dhe se si kjo ndikon, të jenë aty me ne. Datë 10 shkurt ju presim në shesh. Sheshi tregon kush është opozita, sheshi tregon se si Edi Rama mundet, sheshi tregon të ardhmen e Shqipërisë.

LEXO EDHE: “Foltorja”, Berisha: Berluskoni nuk iu shmang kurrë drejtësisë, kurse Rama po merr zvarrë shtetin

Pamje të reja që po qarkullojnë nga Irani kanë nxjerrë në pah një nivel alarmues dhune të ushtruar nga forcat e sigurisë ndaj protestuesve, duke treguar se represioni shtetëror ka shkuar përtej edhe përdorimit të armëve të zjarrit.

Sipas këtyre videove, autoritetet kanë përdorur edhe automjete për të përplasur dhe shtypur qytetarët që kishin dalë në rrugë për të protestuar.

Pamjet, të cilat raportohet se vijnë nga qyteti Ardabil, janë cilësuar si jashtëzakonisht tronditëse dhe përbëjnë një tjetër dëshmi vizuale të asaj që shumë organizata të të drejtave të njeriut e përshkruajnë si brutalitet sistematik të regjimit iranian ndaj popullsisë civile.

Ato janë pjesë e një serie gjithnjë e më të madhe videosh dhe fotografish që dokumentojnë dhunën e ushtruar nga aparati shtetëror për të frenuar çdo formë kundërshtimi.

Protestat në Iran shpërthyen si rezultat i pakënaqësive të thella ndaj politikave represive të shtetit, shkeljeve të vazhdueshme të të drejtave të njeriut dhe kufizimeve të ashpra mbi liritë individuale.

Në qendër të revoltës kanë qenë veçanërisht gratë dhe të rinjtë, të cilët prej vitesh përballen me rregulla strikte, ndëshkime të rënda dhe mungesë hapësire për shprehje të lirë.

Brenda një kohe të shkurtër, protestat u përhapën në dhjetëra qytete, duke përfshirë studentë, punëtorë, intelektualë dhe aktivistë të shoqërisë civile.

Foltorja e Partisë Demokratike është ndalur këtë të mërkurë në degët e njësisë 1 dhe 3 në Tiranë.

Gjatë fjalës së tij, kryetari i PD, Sali Berisha u shpreh se, vendi dhe shteti janë duke kaluar një prej kohëve më kritike.

Sipas tij, “kurrë në histori nuk ka ekzistuar një degradim kaq ekstrem i atij që quhet shtet”.

“Ish-kryeministri i ndjerë i Italisë, një mik i madh i Shqipërisë, Silvio Berluskoni, e majta komuniste italiane iu përvesh, por edhe kur ishte kryeministër në detyrë, kur kryesonte G 7-tën, ai nuk iu shmang urdhrave të drejtësisë. Edhe kur ato shënonin padrejtësinë më të madhe, ai nuk u shmang. Ai nuk tha kurrë se nuk do të paraqitem. Shikoni se ç’ndodh me këtë bastard te xhelatëve komunistë, të Spiro Kolekës dhe Kristaq Ramës. Shikoni miq se si i merr zvarrë shtetin dhe çdo gjë”, tha ndër të tjera Berisha.

PJESË NGA FJALA E BERISHËS:

Ne mblidhemi në një kohë ndër më kritiket për vendin dhe për shtetin shqiptar.

Mblidhemi në një kohë në të cilën kurrë në histori nuk ka ekzistuar një degradim kaq ekstrem i atij që quhet shtet.

Degradimi, degjenerimi në kuptimin absolut të fjalës i karakterit dhe moralit zyrtar dhe ligjor të njerëzve të këtij pushteti, tejkalon çdo lloj parashikimi, libri që mund të keni lexuar apo filmi që mund të keni parë.

Ne që kemi jetuar në dy diktatura, ne bëjmë krahasime dhe u them unë që në memorien tonë, kurrë nuk ka ekzistuar në Europë një diktaturë e zezë si ajo e Enver Hoxhës.

Por u garantoj se disa aspekte, dhe jo të pakëta, ky regjim sot është më shkatërrimtar për qenien shqiptare se sa ç’ishte regjimi më i parë.

Miq, këtu unë flas me njerëz politikë, flas me njerëz që kanë vite, dekada që merren me politikë dhe është jashtëzakonisht e rëndësishme që mesazhet ne t’i përcjellim tek çdo mik, tek çdo mikeshë, tek çdo anëtar i familjes, tek çdo i ri.

Degradimi i këtyre pushtetarëve ka kufi vetëm qiellin.

Do t’u jap një shembull.

Ish-kryeministri i ndjerë i Italisë, një mik i madh i Shqipërisë, Silvio Berluskoni, e majta komuniste italiane iu përvesh, por edhe kur ishte kryeministër në detyrë, kur kryesonte G 7-tën, ai nuk iu shmang urdhrave të drejtësisë. Edhe kur ato shënonin padrejtësinë më të madhe, ai nuk u shmang. Ai nuk tha kurrë se nuk do të paraqitem.

Shikoni se ç’ndodh me këtë bastard te xhelatëve komunistë, të Spiro Kolekës dhe Kristaq Ramës. Shikoni miq se si i merr zvarrë shtetin dhe çdo gjë. A ka turp më të madh, a mund të bëjnë një turp më të madh ata gjykatës që duhet të jenë gjykatësit më eprorë të shqiptarëve që e trajtojnë veten si larva, pa karakter, pa dinjitet, pa shtyllë kurrizore, pa asgjë?

Por mos harroni se ata janë gjykatësit që vendosin për të drejtën tonë. Ata vendosin. Ata pranojnë çdo lloj poshtërimi dhe vetëposhtërimi. Pse? Ata kanë degraduar në atë shkallë nga frika dhe tmerri që kanë nga diktati i Edi Ramës.

Një plagosje me thikë është regjistruar në qytetin e Korçës, mbrëmjen e sotme.

Autori është një 17-vjeçar, kurse i plagosur ka mbetur një 34-vjeçar.

Sipas të dhënave mësohet se 34-vjeçari ka marrë dëmtime në dorë nga mjeti i mprehtë, teksa ka ardhur pak ditë më parë në Shqipëri pasi jetonte jashtë shtetit, në Greqi.

Shkak i konfliktit mendohet të ketë qenë një tjetër i mëparshëm.

I mituri ndodhet tashmë në komisariatin e Korçës, ndërsa i plagosuri po merr mjekim në spital dhe është jashtë rrezikut për jetën.

Gara për “Këpucën e Artë” europiane vazhdon të jetë më e zjarrtë se kurrë, me Harry Kane dhe Kylian Mbappé që mbeten krah për krah në krye të renditjes.

Sulmuesi anglez i Bayern Munchen dhe ylli francez i Real Madrid udhëheqin me nga 44 pikë, falë 22 golave të shënuar secili në kampionatet respektive.

Pas tyre ndodhet Erling Haaland, i treti me 40 pikë, duke e mbajtur ende të hapur garën për podiumin.

Bie në sy fakti që në top-5 renditet sulmuesi dardan i Mallorca-s, Vedat Muriqi.

Në këtë renditje të përditësuar, vëmendja për Serie A shkon te Lautaro Martinez, i cili ka shënuar sërish dhe ka bërë një hap të rëndësishëm përpara. Kapiteni dhe golashënuesi më i mirë i kampionatit italian renditet aktualisht i 13-ti, me 13 gola dhe 26 pikë, duke hyrë fuqishëm në radarët e top-5.

Sistemi i pikëzimit për Këpucën e Artë bazohet në numrin e golave të shënuar, të shumëzuar me koeficientin UEFA të kampionatit përkatës. Golat në ligat e renditura nga vendi i parë deri në të pestin (Angli, Itali, Spanjë, Gjermani dhe Francë) vlejnë 2 pikë, ndërsa ato në kampionatet nga vendi i gjashtë deri në të njëzetedytin vlejnë 1.5 pikë. Të gjitha ligat e tjera kanë koeficient 1.

Top-5 aktuale e Këpucës së Artë:

• Harry Kane (Bayern Munich) – 44 pikë
• Kylian Mbappé (Real Madrid) – 44 pikë
• Erling Haaland (Manchester City) – 40 pikë
• Igor Thiago (Brentford) – 32 pikë
• Vedat Muriqi (Mallorca) – 30 pikë

Ata kërkojnë rregullimin e rrugës së fshatit të tyre.

Protestuesit kanë deklaruar se nuk do të ndalen derisa rruga të ndërtohet, ndërsa kanë paralajmëruar se protestat do të përshkallëzohen.

Një protestues u shpreh se, rruga e fshatit Luz është si në vitin 1964, teksa kritikoi zyrtarët vendorë për mospërfilljen e kërkesave të tyre.

“Kam dal për rrugën. Unë kërkoj rrugën e Luzit, është bërë si në 1964. Në 1964-1975 këtë gjendje kemi shkuar nga Tur Bushi. Se Tur Bushi dhe Ilir Loci e di unë çfarë kanë bërë, prandaj nuk vijnë këtu”, tha një protestues.

Kujtojmë se ditën e djeshme Policia nisi hetimet ndaj disa protestuesve, pas pretendimeve se protesta e ditës së djeshme ishte organizuar pa lejen përkatëse.

“Policia referoi materialet në Prokurori, ku nisi procedimi penal për shtetasit G. D., B. S. dhe S. B., pasi dje, në fshatin Luz, duke organizuar një protestë të paligjshme, kanë penguar qarkullimin e mjeteve. Punohet për identifikimin dhe nxjerrjen përpara përgjegjësisë penale, të shtetasve të tjerë të përfshirë në këtë rast”, njoftonte policia.

Por hetimi i disa personave nuk i ka ndalur banorët e fshatit Luz që ditën e sotme të dalin sërish në protestë dhe të kërkojnë të drejtat e tyre për një rrugë me standarde.

Edhe këtë herë, protestuesit janë mbështetur nga gazetari dhe aktivisti Aulon Kalaja.

N’Golo Kante është lojtari më i ri i Fenerbahçe.

Klubi turk ka arritur të transferojë mesfushorin francez, pavarësisht problemeve që u shfaqën fillimit në sistemin TMS të FIFA-s.

Mesfushori francez ka nënshkruar një kontratë që do ta mbajë në Stamboll deri në vitin 2028.

Ndërkohë mediat turke kanë zbuluar edhe rrogën.

Futbollistit do t’i paguhet një bonus nënshkrimi prej 14.400.000 euro, si dhe 5.500.000 euro për sezonin 2025–2026. Ndërsa për sezonet 2026–2027 dhe 2027–2028, do të përfitojë nga 11.000.000 euro në sezon.

Ndërkohë Fenerbahçe ka falenderuar publikisht presidentin Recep Tayyip Erdogan për finalizimin e kësaj marrëveshjeje, që duket se është më shumë se sportive, pasi u desh ndërhyrja e politikës që diçka e tillë të arrihej.

“Klubi ynë ka përfunduar me sukses transferimin e N’Golo Kante, një nga figurat kryesore në futbollin botëror. Në emër tim dhe të klubit tim, dua të falënderoj presidentin tonë, Rexhep Taip Erdogan, për mbështetjen e tij të konsiderueshme, e cila e bëri të mundur këtë proces dhe do të kontribuojë në zhvillimin e Fenerbahces dhe futbollit turk”, shkroi presidenti i klubit të Fenerbahces, Sadettin Saran.

Kante, 34 vjeç, iu bashkua Al-Ittihad nga Chelsea në vitin 2023, pasi kishte fituar Ligën e Kampionëve, Premier Leaguen, Europa League dhe Kupën FA me skuadrën londineze.

Ai iu bashkua “Bluve” nga Leicester City në vitin 2016, pasi i kishte udhëhequr “Dhelprat” drejt trofeut të Premier League.

Pas sigurimit të Kante, klubi turk ka nisur bisedimet me Al-Hilal për sulmuesin Darwin Nunez.

Uruguaiani është i pakënaqur në Arabi, sidomos pas transferimit të fundit të Karim Benzema te skuadra e tij. Fenerbahçe synon ta afrojë Nunez në formë huazimi me të drejtë blerjeje për pjesën e mbetur të sezonit.

Kjo lëvizje vjen si një nevojë për të zëvendësuar Youssef En-Nesyri, i cili u largua drejt Al-Ittihad. Drejtuesit turq po punojnë kundër kohës për të mbyllur këtë goditje të dytë të madhe.

Presidenti amerikan Donald Trump nënshkroi ligjin që i dha fund mbylljes së pjesshme të qeverisë federale, por në daljen për mediat vëmendja u zhvendos te çështja Epstein dhe zhvillimet e fundit nga Departamenti i Drejtësisë.

Në fillim, Trump u pyet për reagimin e tij ndaj lajmit se ish-presidenti Bill Clinton dhe ish-kandidatja demokrate për presidente Hillary Clinton do të dëshmojnë para Kongresit në kuadër të hetimeve për Jeffrey Epstein. Presidenti amerikan u shpreh se situata është e rëndë për ta dhe se i vjen keq që përballen me këtë proces.

“Është për të ardhur keq dhe më vjen keq që duhet ta kalojnë këtë situatë”.

Më pas, një tjetër pyetje lidhej me hetimet në Mbretërinë e Bashkuar ndaj ish-ambasadorit britanik në SHBA, Peter Mandelson, ku Shefi i Shtëpisë së Bardhë tha se nuk kishte dijeni të mjaftueshme për çështjen.

“Nuk di shumë për këtë çështje”.

Presidenti amerikan reagoi ashpër ndaj një pyetjeje të gazetares së CNN, Kaitlan Collins, lidhur me lidhjet e figurave publike me Jeffrey Epstein. Trump e sulmoi gazetaren, duke e cilësuar si gazetaren më të keqe, pasi nuk e ka parë kurrë të buzëqeshë.

Donald Trump: “Je shumë e keqe. Je gazetarja më e keqe. Nuk është çudi që CNN nuk ka shikueshmëri. Ajo është një grua e re. Nuk mendoj se të kam parë ndonjëherë të buzëqeshësh. Duhet të kenë turp.”

Reagimet e Trump vijnë në një kohë kur Departamenti amerikan i Drejtësisë ka publikuar miliona dokumente të brendshme lidhur me rrjetin e Jeffrey Epstein, duke nxjerrë në pah lidhjet e tij me figura të njohura nga politika, financa dhe biznesi, si para ashtu edhe pas dënimit të tij për krime seksuale.

Kryetari i bashkisë së Tiranës, Erion Veliaj ka depozituar në GJKKO kërkesën për përjashtimin e gjyqtares Etleva Deda.

Kërkesa do të shqyrtohet nga gjyqtari Bib Ndreca.

Kujtojmë se në seancën e fundit që u mbajt para dy ditësh në GJKKO, Veliaj përmes mbrojtjes së tij ka deklaruar se “procesi në zhvillim ka kapërcyer kufijtë e çdo standardi minimal të një gjykimi të rregullt ligjor”.

LEXO EDHE: “Do hyjë në histori”/ Avokatët e Veliajt reagojnë për seancën në GJKKO: Shembulli ekstrem i shkeljeve brutale të procesit ligjor

Që prej 10 shkurtit 2025, kryebashkiaku i Tiranës ndodhet në paraburgim.

Veliaj akuzohet nga SPAK për korrupsion, pastrim parash, mosdeklarim të pasurisë, shpërdorim detyre dhe futje të sendeve të ndaluara në paraburgim.

Ai i ka mohuar të gjitha akuzat, ndërsa procesi gjyqësor ndodhet ende në fazën paraprake.

Burra, që deri më 31 dhjetor 2025 janë dënuar me vendim të formës së prerë apo u ka mbetur edhe 3 vite burg dhe vendimi ka marrë formë të prerë dhe gra, që janë dënuar me 4 vite burg me vendim të formës së prerë deri në fund të vitit të kaluar, me përjashtim të disa kategorive të veprave penale, do të lirohen menjëherë nëse Kuvendi do t’i japë “Ok”-in amnistisë penale që ka përgatitur qeveria.

Nga kjo amnisti pritet të përfitojnë më shumë se 10 mijë persona.

Mbi 7700 prej tyre kanë procedime për drejtim të parregullt të automjeteve. Vetëm pak më shumë se 1300 janë të dënuar, nga të cilët 380 të dënuar do të lirohen ndërsa 900 të tjerë do të përfitojnë ulje dënimi.

LIROHEN MENJËHERË NGA BURGU (me përjashtimet e ligjit)

• Burrat e dënuar deri në 3 vite ose më pak
• Gratë e dënuara deri në 4 vite ose më pak
• Burrat që u ka mbetur deri në 3 vite burg
• Gratë që u ka mbetur deri në 4 vite burg
• Burrat që janë 60-vjeç ose më shumë
• Gratë që janë 50-vjeç ose më shumë
• Të gjithë ata që ishin 18-vjeç kur kryen krimin

Ulje dënimi

Përveç rreth 380 të burgosurve që përfitojnë lirim të menjëhershëm, rreth 1000 të tjerë parashikohen të përfitojnë ulje të dënimit.

Qeveria ka parashikuar ulje të dënimit me 1 vit për burrat dhe 1 vit e gjysmë për gratë dhe të miturit.

Nga këto përfitime përjashtohen:

• Personat e dënuar nga GJKKO;
• Të dënuarit me burgim të përjetshëm;
• Ata që i janë shmangur drejtësisë dhe të dënuar për vrasje në rrethana cilësuese;
• Të dënuarit për vrasje të funksionarit publik;
• Të dënuarit për vrasje të punonjësit të policisë;
• Të dënuarit për krim në familje.

Kujtojmë se, sipas shifrave të vetë ministries së drejtësisë, nga personat që ndodhen në burgjet e vendit mbi 50% janë të paraburgosur, në pritje të vendimeve të gjykatave.

Edhe Këshilli i Europës ka ngritur alarmin për numrin e lartë të paraburgimeve në Shqipëri. 

“Është përgjegjësi e autoriteteve gjyqësore kombëtare të sigurojnë që, në një rast të caktuar, paraburgimi I një personi të akuzuar, të mos tejkalojë një afat të arsyeshëm. Gjykata për të drejtat e njeriut thotë qartë se barra e proves në këto raste nuk duhet të përmbyset duke ia ngarkuar personit të ndaluar detyrimin për të provuar ekzistencën e arsyjeve që justifikojnë lirimin e tij. Problemi i praktikës së paraburgimit në Shqipëri është përdorimi i tepruar dhe i paarsyetuar mjaftueshëm i kësaj mase, vecanërisht, në gjykatat e shkallës së parë, dhe gjatë rishikimeve periodike.” tha gjatë një vizite në Tiranë Gianluca Esposito, zyrtar i Këshillit të Europës.

Trabzonspor mposhti Fethiyespor me rezultatin 3-0 në kuadër të Kupës së Turqisë.

Dhe protagonist pa dyshim i ndeshjes ishte ylli shqiptar Ernest Muçi.

Ai realizoi një supergol në pjesën e dytë, kur rezultati ishte ende 0-0.

Goditja e Muçit përshëndeti rrjetën nga jashtë zone, ndërsa portieri rival mbeti pa lëvizur.

Jo vetëm kaq, pasi në minutën e 79-të ishte Muçi që asistoi golin e tretë për Trabzonsporin duke mbyllur llogaritë e sfidës.

Në Kupë Muçi numëron tre gola dhe dy asistime në katër ndeshje. Ndërsa në kampionatit, është autor i tetë golave.

Muçi duket edhe se mbetet lojtari që i mungon Kombëtares shqiptare. Trajneri Silvinho preferoi të mos e ftonte për ndeshjet e fundit, ndërsa në vitin 2025 mori minuta vetëm ndaj Letonisë si zëvendësues.

Goli 

Asisti