Në lidhje me ngjarjen e mbrëmshme, dy automjete janë afruar nga segmenti Lezhë -Rrile dhe në tokë kanë zbritur dy persona që kanë qëlluar me breshëri armësh në diagonale, ndërsa brenda ambienteve që shërbente si berberhanë ndodheshin 4 persona. Distanca e gjuajtjes nuk ka qenë më shumë se 4 metra dhe duket se objektiv kanë qenë më shumë se 1 person, nisur nga mënyra sesi është qëlluar.

Nga hetimet është bërë e ditur se edhe nga brenda ambienteve të berberhanës është qëlluar në drejtim të autorëve, pasi disa prej plumbave kanë prekur një godinë dy katëshe me biznese që ndodhej përballë berberhanës dhe plumbat shkojnë deri në lartësinë 5 m, që hedh dyshimet se shkëmbimi i zjarrit ka qenë në momentin që personat kanë qenë të shtrirë.

Autorët kanë qenë të veshur me rroba ushtarake dhe në kokë mbanin kapuçë dhe menjëherë janë larguar në drejtim të rrugës drejt fshatit Shënkoll

Policia ka dyshime se mund të jetë edhe një tjetër person i plagosur, por që pas kontrolleve në spital apo klinika nuk ka identifikuar asnjë person që të ketë marrë ndihmë mjekësore dhe për këtë arsye ditën e sotme ekspertët e policisë janë rikthyer në vendngjarje për të marrë mostra të tjera gjaku.

Policia po verifikon kamerat e sigurisë për të identifikuar personat që ndodheshin brenda berberhanës në momentin e atentatit dhe t’i marrë ata në pyetje nëse kanë dyshime për autorët e mundshëm.

Qeveria e kryeministrit francez, Sébastien Lecornu përballet sot  me dy mocione mosbesimi, pasi ai e kaloi buxhetin në Asamblenë Kombëtare pa një votim përfundimtar.

Deputetët e Asamblesë Kombëtare pritet të nisin pasditen e sotmes një debat mbi tërheqjen ose jo të besimit ndaj kabineti të qendrës së majt

Nuk pritet rënia e qeverisë. Lecornu ka siguruar mbështetjen e socialistëve përmes disa koncesioneve në buxhet. Nëse qeveria i mbijeton mocioneve të mosbesimit në parlament, buxheti i vitit 2026 konsiderohet i miratuar.

Mocionet e mosbesimit janë kërkuar, nga njëra anë, nga nacionalistët e djathtë të Marine Le Pen, dhe nga ana tjetër nga e majta, të Gjelbrit dhe komunistët.

Përpjekja e tyre për të rrëzuar qeverinë vjen si reagim ndaj faktit që Lecornu e kaloi buxhetin e këtij viti duke përdorur një nen të posaçëm të kushtetutës, pa votim përfundimtar, pas një përpjekjeje të pasuksesshme për kompromis.

Lecornu dhe qeveria e tij kanë mbijetuar tashmë katër mocione mosbesimi javët e fundit, të cilat lidhen me pjesë të buxhetit.

Fakti që Franca, e cila ka një nivel të lartë borxhi, po arrin më në fund të miratojë një buxhet pas një bllokimi politik, pritet të mirëpritet nga bizneset dhe nga partnerët e BE-së, si Gjermania.

Kjo u jep kompanive qartësi për investime dhe punësime, ndërsa edhe sektori publik mund të rifillojë investimet. Perspektiva që Franca të përballet me problemet e saj të borxhit shihet gjithashtu si një sinjal pozitiv për Bashkimin Evropian.

Presidenti i SHBA-së, Donald Trump njoftoi dje planet për të mbyllur përkohësisht qendrën ”Kennedy” në Washington për rinovime të mëdha, dy muaj pasi shtoi emrin e tij në monumentin kulturor.

Trump tha në platformën e tij Truth Social se “Qendra Trump-Kennedy’ do të mbyllet në korrik për rreth dy vjet”.

Ai tha se rinovimet do ta transformojnë qendrën në “një Bastion të Klasit Botëror të Arteve, Muzikës dhe Argëtimit”.

Administrata amerikane ka vënë në dukje vazhdimisht se kompleksi i qendrës, i vendosur në lumin Potomac, ka nevojë për riparime dhe modernizim.

Qendra ”Kennedy” pret shfaqje në teatër, vallëzim dhe muzikë dhe u emërua sipas ish-presidentit John F Kennedy (1917-63).

Emri i Trump u shtua zyrtarisht në dhjetor, duke shkaktuar protesta dhe anulime nga disa interpretues dhe grupe.

Menjëherë pas marrjes së detyrës, Trump shkarkoi disa anëtarë të bordit të qendrës, mori drejtimin e saj dhe emëroi ish-ambasadorin e SHBA-së në Gjermani Richard Grenell si president.

Ministrja e Arsimit Mirela Kumbaro u është drejtuar sot maturantëve me një mesazh informues dhe motivues, duke bërë me dije se nga sot ka nisur procesi i plotësimit të formularit A1, përmes të cilit nxënësit përcaktojnë lëndët me zgjedhje për provimet e Maturës Shtetërore 2026.

Në fjalën e saj, ministrja theksoi rëndësinë e këtij vendimi, duke nënvizuar se zgjedhja e lëndëve ndikon drejtpërdrejt në orientimin akademik dhe studimet e mëtejshme. Ajo u bëri thirrje maturantëve të mos e marrin këtë vendim në mënyrë të nxituar:

“Mendojeni mirë këtë vendim të rëndësishëm, këshillohuni me mësuesit tuaj dhe me prindërit, sepse zgjedhja që bëni sot do t’ju orientojë drejt fazës tjetër të studimeve tuaja,” u shpreh ministrja.

Ministrja informoi gjithashtu se për maturantët e viteve të mëparshme, aplikimi me formularin A1Z do të zhvillohet në datat 10–11 shkurt, ndërsa Drejtoritë Rajonale Arsimore, zyrat arsimore dhe shkollat janë në dispozicion për të ofruar asistencë gjatë gjithë procesit të aplikimit.

“Për ata që nuk janë maturantë të këtij viti, por të viteve të mëparshme, është formulari A1Z, i njohur edhe ky për të gjithë ata që ndjekin procesin. Por mirë është ta kujtojmë që për këtë të dytin, ka vetëm dy data në dispozicion. Kemi postuar dhe kemi bërë të njohur për të gjithë aplikuesit sipas drejtorive rajonale arsimore: Në datën 2,3 dhe 4 në Tiranë, Durrës dhe Fier. Në datën 5,6 dhe 9 në Korçë dhe në Lezhë do të jenë të gjithë në dispozicion për t’ju asistuar, për t’ju ndihmuar, që nga mësuesit, drejtuesit e shkollave, drejtuesit e zyrave arsimore dhe të drejtorive rajonale”, tha Kumbaro.

TIRANË- Për herë të dytë pa kaluar tre vjet, gjyqtarët kanë kërkuar sërish rritje rroge. Kryeministri Edi Rama ka reaguar për këtë çështjen, ndërsa ka treguar me shifra konkrete se cilat janë kërkesat e Unionit të Gjyqtarëve.

Sipas Ramës, kërkesa e gjyqtarëve është absurde dhe me këtë qasje po tentojnë t’i imponohen dy institucioneve të tjera, qeverisë dhe Parlamentit. Shefi i qeverisë pohoi se pret nga Gjykata Kushtetuese, ta frenojë këtë lëvizje të gjyqtarëve, pasi në të kundërt, do të ishte një njollë turpi për vendin,

“Gjykata Kushtetuese publikoi përpara ditësh regjistrimin e seancës ku gjykatësit, dy shoqata gjykatësish, edhe ata me probleme ligjore të paregjistruara, gjithsesi, kërkuan nga Gjykata Kushtetuese, që t’iu rrisë pagat. Tani, po ta dëgjosh atë regjistrim të publikuar nga Gjykata Kushtetuese, realisht ndihesh në vështirësi të madhe, duke menduar që këta janë njerëzit që gjykojnë dhe japin drejtësi, filli i logjikës së atyre që u ballafaquan me Gjykatën Kushtetuese, lë tejet për të dëshiruar. Nuk është çështje personash, por ja si flet njëri, unë jam gjykatës karriere, kuptoj nga politika, jeta shoqërore, nga të gjitha.

Nga ana e kryeministrit u anatemua, u anatemua ideja që këta njerëz mund të përdorin fuqinë e tyre për të shkelur mbi dy pushtetet e tjera. Mendova këtë, që edhe ne të zgjuar jemi. E kam bërë kërkesën personalisht. Ky i thotë gjykatës, thashë ta bëjmë tinëz këtë punë, qeveria e kishte mendjen te zgjedhjet jo te ne, t’i merrnim shqiptarëve nga taksat, 37 milionë euro të tjera. Gjyqi është gjyq në fund të fundit thotë, se nëse të tjerët janë dhe nuk janë, ne të tjerët që jemi në shumë punë të tjera, gjykatësit janë vet zot dhe vet shkop. Jemi koshientë thotë për nivelin e pushtetit ekzekutiv, të demokracisë. Po për çfarë niveli të demokracisë bën gjyqtari me ironi.

Dua që ta dinë të gjithë se e vërteta është që në Shqipëri pagat e gjykatësve sot , janë të njëjta me pagat e gjykatësve në Greqi, Ndërkohë janë dyfish më larta se sa pagat në Maqedoninë e Veriut  dhe Mal të Zi.  Në 2016, gjykatësit I ngritëm mbi presidentin, mbi deputetët, mbi të gjithë të tjerët për t’ju dhënë sinjal të fortë të vullnetit për pasur jo vetëm një drejtësi të pavarur, por dhe gjykatës që të ndjehen të respektuar dhe të mbështetur duke marrë paga super.

Gjykatësit kërkojnë 1800 euro rritje për gjyqtarin e shkallës së parë, 2000 euro për gjyqtarin e Apelit dhe 3000 euro rritje për gjykatësit e SPAK, plus BKH. SPAK nuk i është bashkuar kësaj iniciative absurde dhe kjo i bën respekt natyrisht.  Jemi në një situatës ku gjykatësit duan të imponohen mbi parlamentin, mbi qeverinë, mbi dy pushtete e tjera dhe duan të marrin rroga sipas mendimit të tyre. Shpresoj shumë që Gjykata Kushtetuese të mos ia lë këtë njollë turpi Shqipërisë dhe mos të na detyrojnë të marrim ilaçe të tjera”, tha ai.”, tha ai.

Miliarderi i teknologjisë Elon Musk mohoi të hënën çdo lidhje me Jeffrey Epstein. Musk ka thënë se ai kurrë nuk e vizitoi “ishullin e frikshëm” të financierit, nuk udhëtoi me aeroplanin e tij “Lolita Express” dhe as nuk mori pjesë në festat e tij.

Sqarimi erdhi pasi emri i Musk u shfaq në grupin e fundit të dokumenteve të lidhura me rastin Epstein.  Musk lëshoi sqarimin në platformën e tij të mediave sociale X, ku tha se kishte kohë që kishte kërkuar publikimin e plotë të dosjeve të Epstein dhe ndjekjen penale të atyre që abuzuan me fëmijët.

Ai pretendoi se ky qëndrim e kishte bërë atë një objektiv sulmesh nga ajo që ai e quajti “media të trashëguara” dhe “propagandistë të ekstremit të majtë”.

Në postimin e tij, Musk tha se ishte i përgatitur të përballej me sulme personale për mbështetjen e publikimit të dosjeve, duke shtuar se mbrojtja e fëmijëve të cenueshëm ishte më e rëndësishme sesa reputacioni i tij.

Sqarimi pasoi publikimin nga Departamenti i Drejtësisë i të premtes të grupit më të madh të dosjeve të lidhura me Epstein deri më tani.

“Seria e re” përfshin rreth tre milionë faqe shtesë dokumentesh, së bashku me mijëra video dhe imazhe.

Dokumentet ofrojnë më shumë detaje rreth kontakteve të Epstein me disa individë të profilit të lartë, përfshirë Musk, Bill Gates dhe sekretarin e tregtisë të SHBA-së, Howard Lutnick.

Zyrtarët kanë thënë se dosjet përmbajnë gjithashtu shumë informacione të paverifikuara të paraqitura në zbatimin e ligjit.

Labirinti i borës Snowlandia, i njohur si më i madhi i këtij lloji në Evropë, është hapur zyrtarisht për publikun në qytetin jugor Zakopane të Polonisë,

Atraksioni, i cili shtrihet në rreth 3 mijë metra katrorë, priti vizitorët e parë të sezonit dimëror në Zakopane pas një vonese 2-javore.

Operatorët përmendën kushtet e pafavorshme të motit, konkretisht temperaturave më të larta se mesatarja, që detyruan shtyrjen e hapjes fillimisht të planifikuar për mesin e janarit.

Snowlandia është një park argëtimi tematik në qytetin turstik malor Zakopane, i vendosur buzë Parkut Kombëtar Tatra. Ai ndërtohet çdo dimër duke përdorur borë artificiale dhe është i mundur vetëm kur temperaturat janë nën zero gradë.

Korridoret brenda labirintit mund të shtrihen për më shumë se një kilometër dhe gjetja e rrugës për të dalë mund të zgjasë mjaft kohë, ndonjëherë më shumë se një orë.

Rreth 600 deve të egra janë asgjësuar këtë javë në Australinë qendrore për të parandaluar “kaosin” e shkaktuar nga këto kafshë të etura në komunitete të largëta, pas një periudhe të zgjatur thatësire.

Siç raporton transmetuesi lokal SBS News, thatësira, e përkeqësuar nga moti përvëlues, ka bërë që tufa të mëdha të deveve të hyjnë në komunitete indigjene, duke dëmtuar tubacionet e ujit dhe gardhet në rrugën e tyre, teksa kërkojnë burime uji.

Banorët kanë raportuar për grupe prej 800 deri në 1 mijë deve që lëvizin në të njëjtin drejtim, të njohura si “treni devesh”, të cilat shtrihen në një gjatësi rreth 5 kilometra pranë zonave Mt. Liebig dhe Papunya.

Një task-forcë e përbashkët, e ngritur nga qeveria e Territorit Verior dhe që përfshin Këshillin Rajonal MacDonnell dhe Këshillin Qendror të Tokës (CLC), ka miratuar këtë javë një operacion treditor asgjësimi nga ajri për të ndihmuar në menaxhimin e situatës. Sipas CLC-së, rreth 150 deve po vriten çdo ditë.

Të sjella për herë të parë në Australi në vitin 1840, deri në vitin 2008 rreth 1 milion deve endeshin në tokat e thata të Australisë Perëndimore, Territorit Verior, Australisë Jugore dhe Queenslandit.

Një raport federal për Gjendjen e Mjedisit tregoi se Projekti Australian për Menaxhimin e Deveve të Egra, gjatë viteve 2008–2013 largoi më shumë se 160 mijë deve.

Dashi

Asnjë planet nuk do ndikoje sot ne jetën tuaj sentimentale kështu qe gjithçka do shkoje si e kishit ëndërruar. Lëreni pas krahë edhe ato qe keni kaluar. Beqaret do i marrin gjerat me seriozisht dhe ne çdo moment do e kërkojnë princin e tyre te kaltër. Financat do mbeten te qëndrueshme gjate gjithë kohës. Asgjë dhe askush nuk do mund t’i trazoje ato.

Demi

Venusi do ndikoje pozitivisht gjate kësaj dite ne jetën tuaj sentimentale. Me ne fund do pajtoheni me personin qe keni ne krah dhe do e shihni me pozitivizëm te ardhmen. Beqaret do kenë disa takime, por ne asnjë moment nuk do mendojnë te krijojnë menjëherë një lidhje. Ne planin financiar tregohuni gjithë kohës te vëmendshëm sepse përndryshe do keni vështirësi.

Binjaket

Dite e mbushur me çaste te lumtura kjo e sotmja për te dashuruarit. Si kurrë me pare do flisni hapur edhe për disa tema delikate. Beqaret do luajnë me zjarrin dhe ka rrezik te digjen rende. Gjerat e nxituara asnjëherë nuk dalin për mire. Sektori i financave do jete i animuar. Nuk priten aspak probleme dhe vështirësi te mëdha, megjithatë maturia duhet te mbizotërojë.

Gaforrja

Ka rrezik qe gjate kësaj dite te ketë mjaft konflikte ne jetën tuaj sentimentale. Marrëdhënia me partnerin do jete delikate. Beqaret do ndihen gati për te filluar një histori dashurie dhe do i shohin me kujdes te gjitha mundësitë qe do iu jepen. Edhe gjendja e te ardhurave do përmirësohet ndjeshëm kështu qe do jeni me te qete kur te kryeni ndonjë shpenzim.

Luani

Do tregoheni shume te matur gjate kësaj dite dhe nuk do lejoni te krijohet asnjë lloj problemi me personin qe keni ne krah. Beqaret do jene nervoze dhe nuk do mund te fillojnë dot një lidhje serioze. Duhet te presin edhe pak kohe për te ndryshuar status. Ne planin financiar duhet te merrni masa strikte ne mënyrë qe gjendja mos përkeqësohet me tepër.

Virgjeresha

Ata qe janë ne një lidhje nuk do ndihen te qete gjate kësaj dite. Te shumte do jene personat qe do ju thonë histori nga me te ndryshmet ne mënyrë qe t’iu ngrenë dyshimet mbi partnerin. Mos ua bëni qejfin. Për beqaret ka shume mundësi qe një miqësi te përfundojnë ne diçka me shume. Ne lanin financiar duhet te ndërmerrni disa rreziqe qe gjendja me pas te rregullohet.

Peshorja

Do ja njihni te gjitha cilësitë partnerit tuaj gjate kësaj dite dhe gjithçka do shkoje për mrekulli mes jush. Emocionet do jene te njëpasnjëshme. Beqaret do jene te parrezistueshem dhe do marrin propozime nga me mbresëlënëset. Gjendja e te ardhurave do vije dalëngadalë duke u përmirësuar dhe kjo edhe pale ndihmës se disa familjareve.

Akrepi

Do ndiheni mjaft xheloze sot pe rate qe keni ne krah dhe kjo mund te nxisë edhe debatet te njëpasnjëshme. Asgjë nuk ka për te ecur si e kishit ëndërruar. Beqaret nuk do ndihen ende gati për te filluar një lidhje dhe do ju bien me shkelm edhe mundësive te mira qe do iu jepen. Ne planin financiar perspektivat janë goxha te mira. Nëse hiqni para mënjanë keni për t’u pasuruar shpejt,

Shigjetari

Do e ngrini ne piedestal gjate kësaj dite partnerin sepse ne fakt ai i meriton te gjitha. Shume gjera kane për te ndryshuar qe sot e tutje. Beqaret do fillojnë aventura kalimtare te cilat do i bëjnë te ndihen mjaft mire. Gjendja e financave do vije dalëngadalë duke u përmirësuar. Do lodheni pak duke marre masa strikte, por rezultati do ju beje te ndiheni te qete.

Bricjapi

Mos ëndërroni gjera te cilat partneri nuk do mund t’ua plotësojë dot sot sepse do lëndoni veten tuaj. Jo gjithçka do jete ne dorën e tij. Beqaret do jene sensuale dhe gati për te pranuar ftesat qe do ju bëhen. Me shume gjase do fillojnë histori te bukura dashurie. Financat nuk do mbeten ne gjendjen qe ishin pasi ndihma e një te afërmi do iu ndihmoje mjaft.

Ujori

Fatmirësisht kjo dite nuk do jete aspak e tensionuar për jetën tuaj sentimentale. Do merreni vesh për çdo gjë me atë qe keni ne krah dhe gjerat do ecin për mrekulli. Beqaret do i mendojnë gjerat me kujdes dhe nuk do nxitohen te fillojnë menjëherë një lidhje. Ne planin financiar bëjini mire llogarite ne mënyrë qe gjendja te mos përkeqësohet.

Peshqit
Duhet te tregoheni sa me besnike gjate kësaj dite me atë qe keni ne krah, përndryshe situata mund t’iu ndërlikohet me tepër nga sa mund ta keni menduar ndonjëherë. Beqaret do kenë një dite shume te zakonshme dhe nuk do arrijnë te krijojnë dot një lidhje. Ne planin financiar do kryeni transaksione te rëndësishme sepse gjendja do jete goxha e qëndrueshme.

E konfirmoi se është talenti më I madh I brezit të tij. Gjenerata e vjetër nuk dëshiron të largohet, por Karlos Alkaraz e tregoi sërish se, pavarësisht nga sfida, e ardhmja I përket rinisë.

Madje edhe e tashmja. Tenisti spajnoll mundi legjendën Novak Gjokoviçn e finalen e Grand Slemit të parë të vitit, Australian Open. Në Arenën “Rod Lejvër” të Melburnit, rreth 15 000 spektatorë ishin dëshmitarë të një sfide të fortë, që zgjati 3 orë e 4 minuta, të cilën serbi e nisi më mirë, por që I dha të drejtë favoritit.

Setet ishin 6-2 për Gjokoviçin, e pastaj 6-2, 6-3 e 7-5 për Alkarazin. Numri 1 I botës pati probleme me ngërçet në fillim, ndërsa Nole pati ritëm tepër të lartë. Ndoshta edhe emocionet vendosën jo pak.

Gjithsesi, kur një kampion 22-vjeçar hyn në ritmin e tij optimal, rivali 38-vjeçar e ka shumë të vështirë t’i përgjigjet. Kështu edhe ndodhi.

Gjokoviç do të mbushë shpejt 39 vjeç, dhe do ta ketë të vështirë të fitojë Grand Slemin e 25-të në karrierë, ndonëse ai nuk do të dorëzohet. Ky ishte titulli I parë për Alkarazin në Australian Open.

“Mbreti Karlos” realizoi atë që quhet “Grand Slemi I karrierës”, pra fitorja e 4 titujve të mëdhenj gjithsej, duke vendosur rekordin si tenisti më I ri që ia del, në moshën 22 vjeç e 272 ditë, ndërsa rekordmeni ishte australiani Rod Lejvër në moshën 24 vjeç e 32 ditë.

“Furia e Kuqe” ka që tani 7 Çmime të Mëdha në karrierë, diçka që nuk e ka bërë askush në histori pa mbushur 23 vjeç, pra I ka të gjitha mundësitë të thyejë rekordin që mban pikërisht Novak Gjokoviç. Ndoshta Melburni kurorëzoi më të mirin e tenisit sot për sot, e ndonëse Janik Siner nuk do ta pranojë kurrë, Alkaraz duket vërtet si numri 1 I botës në këtë sport.

Read More...

Ylli i Philadelphia, Paul George, është pezulluar me 25 ndeshje për shkelje të programit të drogës të NBA-së. Liga amerikane e basketbollit njoftoi ndëshkimin e rëndë, por nuk zbuloi substancën e gjetur në testet e lojtarit.

Kjo është shkelja e parë e George, sipas marrëveshjes midis NBA-së dhe Shoqatës së Lojtarëve. Pezullimi do t’i kushtojë atij afërsisht 11.7 milionë dollarë nga paga e tij. George pritet të kthehet më 25 mars, kur Philadelphia përballet me Çikagon.

Vetë, veterani i NBA ka reaguar në lidhje me këtë çështje, duke sqaruar se bëhet fjalë vetëm për medikamente mjekësore.

“Në vitet e fundit, kam folur për rëndësinë e shëndetit mendor dhe, ndërsa kërkoja trajtim për një problem personal, bëra gabimin duke marrë ilaçe të papërshtatshme.

Marr përgjegjësi të plotë për veprimet e mia dhe kërkoj falje skuadrës, shokëve të mi të ekipit dhe tifozëve të Philadelphia për vendimin tim të gabuar gjatë këtij procesi”, ka thënë Pol George.

Pezullimi është një goditje e rëndë për yllin e Philadelphia, por edhe për skuadrën e tij që renditet në vendin e gjashtë në Konferencën Lindore.

“Sixers” humbasin në këtë moment deçiziv të sezonit një prej lojtarëve më të mirë, pasi George ka një mesatare prej 16 pikësh në 27 ndeshje këtë sezon, duke u renditur në vendin e tretë të shënuesëve për ekipin e tij.

Dëshirat mund të jenë për rekorde mbi rekorde. Gjithsesi, realiteti është që edhe një gjigand si Bajerni nuk është plotësisht I përgatitur për një sezon të gjatë dhe tepër të ngarkuar.

Barazimi 2-2 në Hamburg ishte ndeshja e dytë radhazi e Bundesligës pa fitore, pas disfatës në shtëpi me Augsburgun, e ndoshta në Champions gjithçka shkon mirë, sërish lodhja po ndihet.

Dueli në “Folksparkshtadion” ishte I ashpër, edhe pse kampionët e Gjermanisë dominuan me 70 për qind mbajtje topi.

Kjo nuk solli epërsi në lojë, dhe Hamburgu vendas bëri po aq gjuajtje sa miqtë, e thuajse njësoj edhe në kuadrat.

Vieira kaloi gjermanët e veriut në epërsi me penallti, Kejn dhe Diaz përmbysën shifrat, por Vushkoviç barazoi shpejt.

Mungesa e fitores për të dytën sfidë radhazi krijoi nervozizëm tek bavarezët që bënë diçka që nuk e bëjnë kurrë ndaj gjyqtarit.

E përditshmja tabloide “Bild” shkruan për sherrin e Bajernit me arbitrin Osmers në tunelin e stadiumit.

Sipas saj, yjet bavarezë e rrethuan gjyqtarin duke protestuar e bërë presion, dhe se Harri Kejn deklaroi se “nuk kam parë më të keq në karrierë”.

Të njëjtën gjë raporton revista “Shport Bild” që shton fjalët e drejtorit sportiv bavarez, Eberl, që gjithashtu kritikoi arbitrin.

Gjithsesi, revista tjetër gjermane “Kiker” shkruan se Hamburgu e meritoi barazimin, edhe pse zbriti në vendin e 16-të në renditje.

Bajerni kryeson Bundesligën me 51 pikë, por mbetet me diferencë me Dortmundin e Hofenhajmin.

Keqardhja e vetme është që ndoshta nuk mund të thyen rekordet e vendosura nga ekipi I Jup Hajnkesit, por ekziston edhe frika se ky sezon I ngarkuar, bashkë me Kupën e Botës për Klubet verën e kaluar, mund të rrezikojë suksesin në Champions.

Ishte e pabesueshme ajo që ndodhi. Ata që ndoqën ndeshjen e La Ligës në stadiumin “Martinez Valero” të Elçes nuk arrijnë ta kuptojnë sesi Barcelona e fitoi vetëm 3-1 sfidën e La Ligës.

Luhet java e 22-të e kampionatit spanjoll dhe katalanasit mund të thuhet se e bënë detyrën, por ajo që shpërdoruan ishte e dënueshme, dhe mund t’i kishte ndëshkuar.

Tre shtylla, raste deri edhe me portën e boshatisur, ndërsa patën 28 gjuajtje, gati një në çdo tre minuta, e 10 prej tyre në portë. Rreth 33 000 spektatorë në Arenën e futbollit padyshim që e shijuan lojën e katalanasve, edhe pse I kishin kundërshtarë, e sidomos të atij që ende është adoleshent, Lamin Jamalit. Talenti “blaugrana” shënoi golin e parë, krijoi të tretin, dhe u dha mundësi shokëve të tundnin edhe më shumë rrjetën, ndonëse ata gabuan.

Padyshim që Rafinja është lideri I Barçës, edhe pse konsiderohet kapiteni I tretë, ndërsa golat e tjerë në Elçe I shënuan Ferran Torres dhe Markus Rashford. Trajneri Hansi Flik po ia del në një ekip me shumë probleme, me Pedrin e Gavin të dëmtuar, por të paktën Ronald Arauho u kthye në fushë.

“El Mundo Deportivo”, që kremton 120 vjetorin e themelimit me formatin klasik, titullon: Me tre mjafton! Lideri nuk gaboi, fali një goleadë! E përditshmja tjetër e Katalonjës, “Sport”, mjaftohet me titull lakonik: Më shumë lider, dhe me foton e madhe të Lamin Jamalit! “Marka” e Madridit thekson pikërisht se Barça e meritoi fitoren, se humbi raste pa fund dhe se nuk ka qetësi në një sezon të vështirë.

Barcelona kryeson me 55 pikë, ndonëse Reali nuk është larg dhe lufta për titull duket se do të vazhdojë deri në fund.

Një tjetër grua e cila bëhet kështu e dyta në listë ka pretenduar se është dërguar në Mbretërinë e Bashkuar nga Jeffrey Epstein për të kryer  marrëdhënie seksuale me ish princin Andrew, vëllain e Mbretit Karli I Tretë, i cili në fund të vitit të shkuar humbi titujt e tij mbretërorë.

Sipas Brad Edwards, nga firma amerikane ligjore Edwards Henderson, ngjarja dyshohet se ka ndodhur në vitin 2010 në Royal Lodge, rezidenca e atëhershme e ish-princit.

Avokati tha se gruaja,  e cila nuk është shtetase  britanike dhe ishte rreth 20 vjeçe në atë kohë – pretendon se kaloi natën në Royal Lodge dhe më pas mori pjesë në një vizitë zyrtare në Pallatin Buckingham, ku, sipas saj, iu ofrua edhe çaj.
“Bëhet fjalë për të paktën një grua që u dërgua nga Jeffrey Epstein te princi Andrew. Pas një nate me princin Andrew, ajo mori pjesë edhe në një vizitë në Pallatin Buckingham,” deklaroi Edwards.

BBC njoftoi se i ka kërkuar koment nga ish princi Andrew , por deri tani nuk ka marrë përgjigje. Pallati Buckingham zakonisht mban regjistra për vizitorët që marrin pjesë në ture brenda pallatiti ,  por identiteti I kesaj gruaje nuk eshte zbuluar deri me tani.

Kjo është hera e parë që një e mbijetuar e çështjes Epstein pretendon se marrëdhënia seksuale ka ndodhur brenda një rezidence mbretërore. Brad Edwards përfaqëson mbi 200 viktima të Jeffrey Epstein në mbarë botën dhe më parë kishte përfaqësuar edhe Virginia Giuffre e cila kreu vetevrasje dhe kishte deklaruar se kishte pasur marredhenie seksuale me ish princin Andrew.

Andrew u privua nga titujt mbretërorë në tetor të vitit të kaluar, pas publikimit të te librit te kujtimeve kujtimeve të Virginia  Giuffre, ndërsa u njoftua edhe largimi i tij nga Royal Lodge në pronën e Windsor, ku kishte jetuar që nga viti 2004. Në deklaratën e Pallatit atëherë thuhej: “Këto masa konsiderohen të nevojshme, pavarësisht faktit se ai vazhdon t’i mohojë akuzat ndaj tij”.

Nderkohe Kryeministri Britanik Keir Starmes pas publikimit te dosjeve te tjera mbi Jeffry Epstain ka deklaruar se ish Princi Andrew duhet te deshmoje perballe kongresit Amerikan sa I perket lidhjeve te tij me Jeffrey Epstain.

Të paktën 9 pasagjerë kanë humbur jetën dhe 25 të tjerë mbetën të plagosur pasi një autobus turistik u aksidentua mëngjesin e kësaj të diele në Antalia, qytetin e Jugut të Turqisë.

Pamjet e publikuara nga mediat Turke tregojnë autobusin e rënë në anë të autostradës, pasi shkak për akisdentin u bë lagështia në rrugë dhe mjegulla duke bërë që drejtuesi i mjetit të humbte kontrollin.

Guvernatori i Antalias, i cili zbuloi se në mesin e 25 personave të plagosur ka dhe prej tyre në gjendje të rëndë zbuloi se shkaqet kryesore për aksidentin tragjik dyshohet të jetë hyrja me shpejtësi të lartë në kthesë nga ana e shoferit.

Autoritetet turke nuk kane zbuluar deri me tani kombësinë e viktimave dhe personave të plagosur dhe nëse behet fjale për pasagjere shtetas te huaj brenda autobusit.

Antalia, një destinacion turistik i njohur i Mesdheut është përfshirë në ditët e fundit nga reshje të dendura shiu që kanë shkaktuar në disa zona përmbytje të mëdha si dhe rrëshqitje dheu në disa prej akseve brenda këtij qyteti.

TIRANË- Eden Begotaraj është nxënës në klasën e dytë. Vetëm 8 vjeç, ai është një vogëlush i apasionuar pas lojës së shahut. Që në moshë të vogël, Eden ka kuptuar se ky sport, i njohur ndryshe si sporti i të zgjuarve, stërvit mendjen dhe zhvillon të menduarin logjik.

Pas vetëm një viti stërvitje, 8-vjeçari ka marrë pjesë në 5 kampionate kombëtare. Në një prej tyre, ku konkurruan rreth 120 fëmijë nga mosha 8 deri në 18 vjeç, Eden arriti të rrëmbejë vendin e parë, duke spikatur mes bashkëmoshatarëve dhe më të rriturve.

Ai shprehet se kjo fitore ka bërë krenare gjithë familjen e tij, ndërsa thekson se rezultati është fryt i një pune të gjatë, përkushtimi dhe disipline. Për vogëlushin, shahu nuk është thjesht një sport. Ai tregon se falë këtij pasioni ka arritur rezultate shumë të mira edhe në mësime, veçanërisht në lëndët që kërkojnë logjikë dhe përqendrim.

Eden e përshkruan veten si një shpirt luftarak, por shahu i ka mësuar edhe një nga mësimet më të rëndësishme të jetës: të pranosh humbjen dhe të mësosh prej saj.

Sporti është pjesë e përditshmërisë së Edenit, ndërsa ëndrrat për të ardhmen janë të mëdha. Përveç dëshirës për t’u bërë arkitekt, ëndrra e tij më e madhe është të përfaqësojë Shqipërinë në kampionatet ndërkombëtare të shahut.

Ndërkohë, për shumë prindër, shahu po shihet gjithnjë e më tepër si një mënyrë efektive për të ndihmuar fëmijët të arrijnë rezultate më të mira në mësime. Vogëlushi 4-vjeçar, Tian Ndou, është një prej shembujve, i cili prej 5 muajsh ka nisur kursin e shahut, duke hedhur hapat e parë në këtë sport të mendjes.

Eden dhe Tian janë shembulli se shahu nuk njeh moshë dhe se pasioni për lojën e mendjes lind që në fëmijëri. Me përkushtim dhe mbështetje, këta vogëlushë po hedhin sot hapat e parë drejt suksesit të nesërm.

Një 37-vjeçar, banues në Tiranë, është arrestuar në flagrancë nga shërbimet e Policisë Kufitare të PKK Port, Durrës, pasi dyshohet se ka tentuar të kontrabandonte mallra të padeklaruara.

Kontrollet e imtësishme të ushtruara në hyrje-dalje, të bazuara në informacione policore dhe analizën e riskut, kanë çuar në kapjen e tij.

Gjatë kontrollit, në kamionin që drejtonte u gjetën qindra shishe verë dhe pjesë të ndryshme këmbimi automjetesh, të cilat nuk shoqëroheshin me faturë origjinale dhe nuk ishin deklaruar për import.

Sipas hetimeve, 37-vjeçari dyshohet se ka tentuar të shmangë kontrollin doganor dhe kufitar duke mos deklaruar mallrat para autoriteteve përkatëse.

Në cilësinë e provës materiale u sekuestruan 360 shishe verë, pjesë këmbimi automjetesh të përdorura, aparati celular dhe kamioni që përdorej për transportin e mallrave.

Materialet procedurale i janë referuar Prokurorisë së Durrësit për veprime të mëtejshme.

Hulumtimet sugjerojnë se në popullatat e moshuara, kryesisht te personat mbi 60 ose 90 vjeç, nivelet e larta të kolesterolit total ose LDL mund të shoqërohen me jetëgjatësi më të madhe, duke kundërshtuar rregullin tradicional “sa më i ulët kolesteroli aq më mirë”, sipas National Institutes of Health (NIH) – agjencisë kryesore  të Shteteve të Bashkuara të Amerikës, përgjegjëse për kërkimet biomjekësore dhe të shëndetit publik.

I njohur si “paradoksi i kolesterolit”, studimet tregojnë se kolesteroli i moderuar deri në atë te lartë tek të moshuarit, mbështet një funksion më të mirë imunitar dhe riparim qelizor, dhe nuk rrit domosdoshmërisht vdekshmërinë.

Gjetjet kryesore përfshijnë:

Jetëgjatësia tek të moshuarit: Studimet e kryera në Sardenjë, Itali, zbuluan se 90-vjeçarët me nivele LDL mbi 130 mg/dL kishin një mbijetesë mesatare më të gjatë (3,82 vjet) sesa ata me nivele kolesteroli nën 130 mg/dL (2,79 vjet).

Paradoksi: Një analizë e kryer te mbi 68,000 persona mbi 60 vjeç nuk gjeti asnjë lidhje midis kolesterolit të lartë “të keq” (LDL) dhe vdekshmërisë së lartë, dhe në disa raste, kjo lidhej me një jetesë më të gjatë.

Funksioni biologjik: Kolesteroli vepron si një infrastrukturë biologjike thelbësore për riparimin e qelizave, prodhimin e hormoneve dhe mbrojtjen imunitare, e cila është veçanërisht e nevojshme ndërsa trupi plaket.

Rivlerësimi i rreziqeve: Ndërsa kolesteroli, jashtëzakonisht i lartë, mund të jetë ende problematik, nivelet e moderuara tek të moshuarit nuk duket të jenë i njëjti faktor rreziku për sëmundjet e zemrës si tek popullatat më të reja.

Konteksti është çelësi: Këto gjetje vlejnë posaçërisht për popullatat më të vjetra, jo domosdoshmërisht për të rriturit më të rinj ose të moshës së mesme, për të cilët kolesteroli i lartë mbetet një faktor i rëndësishëm rreziku për sëmundjet kardiovaskulare.

Prandaj, për të moshuarit, një nivel më i lartë i kolesterolit nuk tregon domosdoshmërisht një jetëgjatësi më të shkurtër, dhe në shumë studime, është e lidhur me një jetëgjatësi më të madhe.