Aktori amerikan 85-vjeçar Al Pacino u fotografua duke dalë nga një restorant me ish-partneren e tij Noor Alfallah, e cila është 54 vjet më e re se ai. Kjo shkaktoi thashetheme për një pajtim.

Ata u pane në restorantin San Vicente Bungalows. Gazetarët i kontaktuan ata në lidhje me thashethemet e pajtimit, por ata nuk dhanë asnjë koment. Të dy filluan të dilnin bashkë në vitin 2020 dhe në vitin 2023 patën një djalë, Romanin.

Ata u ndanë pak më vonë. Një gazetar i TMZ e pyeti së fundmi: "Çfarë po ndodh? A jeni pajtuar?", të cilit ajo iu përgjigj: "Jemi bashkë çdo ditë. Kush nuk do të donte të ishte me të?".

Al Pacino u fotografua me një unazë ari në dorë muajin e kaluar dhe menaxheri i tij mohoi se ai ishte i martuar. Aktori deklaroi në kujtimet e tij "Sonny Boy", të cilat u botuan në vitin 2023, se ai ka një neveri ndaj martesës.

Noor Alfallah është lidhur me prezantuesin amerikan Bill Maher. Burimi theksoi se Al Pacino dhe Noor Alfallah janë në marrëdhënie të mira dhe po marrin pjesë së bashku në rritjen e djalit të tyre.

Aktori ka një vajzë 35-vjeçare, Julie, me ish-të dashurën Jan Tarrant, dhe gjatë lidhjes së tij me Beverly D'Angelo, ai pati binjakët Anton dhe Olivia, të cilët janë 24 vjeç.

Stelina ka tronditur publikun me rrëfimin e saj në BBVA, duke ndarë një histori prekëse dhe jashtëzakonisht sfiduese nga fëmijëria e saj.

Në vitin 2009, ajo përjetoi dhe pa me sytë e saj ngjarje që asnjë fëmijë nuk do të duhej t’i përjetonte kurrë. Babai i saj ushtroi dhunë fizike ndaj nënës dhe motrës së saj, në një episod tejet të rëndë dhe traumatik.

“Më 13 gusht 2009, duke gdhirë kjo datë, jeta ime, merr një kthesë tjetër. Gjithçka ndodhi për 15 minuta. Erdhi me vrap tek dera e dhomës, ku ndodhi e gjithë gjëja, ai vendosi një levë tek dera derisa mami po tentonte ta mbyllte dhe me levën ai e shtyu derën dhe hyri brenda. Mami ishte e para që i doli përpara dhe mori shumë plagë duke përfshirë edhe një plagë brenda në gojë, një plagë pranë zemrë, tentoi të kapë thikën me dorë duke e çarë, të gjithë dorën, komplet. Ka pas një prerje pranë çafës, dhe për ta mbrojtur ndërhyn motra ime që ishte 14 vjeçe në atë kohë dhe plagoset në qafë shumë pranë venave, dhe mami në ato momente e tërheq përsëri babin dhe babi vazhdon dhe e plagos”, ka rrëfyer ajo mes lotësh, teksa rikujton ngjarjen e trishtë.

“Ndërkohë që ndodhte përleshja, motra çohet dhe merr levën dhe me të i bie në kokë babit, duke e lënë të shtrirë për disa sekonda në tokë, derisa mami arrin të ngrihet merr motrën dhe tentojnë të dalin jashtë. Unë vazhdoja dhe rrija ulur në krevat, pa reagim, bashkë të dyja pa folur lamë me duart tona gjakun e mamit dhe të motrës”.

“Më vjen keq që im at u kthye në përbindëshin e jetës tonë”, theksonte ajo mes tjerash.

Pas kësaj ngjarjeje tragjike, Stelina ka deklaruar se e ka vizituar babain e saj vetëm dy herë në burg dhe se në një moment kishte marrë vendimin përfundimtar për të mos e takuar më kurrë.

Në qershor të vitit 2025, babai i saj ndërroi jetë dhe se në varr ajo deklaroi se do t’i shkonte vetëm kur ajo të jetë e qetë dhe e bindur që e e ka falur dhe se i ka harruar të gjitha.

Selena Gomez bëri një veprim të pazakontë duke ndarë një selfie pa grim në Instagram të premten.

Artistja dhe sipërmarrësja 33-vjeçare përdori funksionin Stories të aplikacionit për të postuar një foto nga afër, ndërsa kishte veshur një bluzë të bardhë pa mëngë dhe flokët e errëta i kishte të kapura mbrapa.

Ky ishte një kontrast i fortë me postimet dhe paraqitjet e saj zakonisht glamuroze, përfshirë edhe ato në Golden Globes të së dielës.

Dhe vetëm një ditë më parë, të enjten, Gomez postoi tre imazhe ku shfaqej me një grim të plotë nga linja e saj Rare Beauty.

Bukuroshja me origjinë nga Teksasi theksoi sytë e saj të mëdhenj kafe me një paletë smokey dhe qerpikë të gjatë e të dendur.

Duke promovuar produktin më të fundit të markës së saj, ajo shkroi: “Një mbrëmje me Rare Beauty për të festuar bronzerin tonë pluhur ‘Warm Wishes’.”

Fotot e shfaqnin me një prerje flokësh bob me shkëlqim, të ndarë anash dhe me njërën anë të krehur pas veshit.

Gomez theksoi dekoltenë e saj të hijshme me një bluzë të zezë pa mëngë dhe u premtoi 415 milionë ndjekësve të saj se do të kishte “më shumë foto në vazhdim”.

Futbollisti i njohur shqiptar, Mirlind Daku, ka humbur një nga personat më të dashur në familjen e tij.

Përmes një postimi në Facebook, ai bëri të ditur se xhaxhai i tij ka ndërruar jetë.

Përmes fjalëve prekëse, Daku deklaroi se xhaxhai i tij do të jetojë përherë në zemrën e tij:

“Pushofsh në paqe, xhaxha i dashur. Ti nuk ishe vetëm xhaxhai im — ishe njeriu që ma fali emrin dhe një pjesë të identitetit tim. Që nga sot, emri që mbaj do të jetë gjithmonë kujtim i gjallë i dashurisë, krenarisë dhe respektit që kishe për mua”, ka shkruar Daku.

“Do të jetosh përherë në zemrën time dhe në çdo hap që do të bëj. Zoti të mëshiroftë dhe të shpërbleftë me Xhenet”, theksoi futbollisti.

Krahas fjalëve prekëse, Daku gjithashtu publikoi një fotografi me xhaxhain e tij.

Situata të tensionuara janë shënuar mes banorëve të BBVA-së, pasi Ina ka përdorur gjuhë të rëndë dhe ofenduese ndaj Brikenës.

Ina e ka kritikuar Brikenën për paraqitjen e saj fizike, duke shkuar deri te akuzat se titulli i saj si Miss ishte i blerë.

“E ti për çka njihesh, o Miss botoksi, miss filleri, sa lekë ke dhënë për ta fituar Missin”, i thoshte ajo Brikenës.

Por Ina nuk u ndal me kaq, pasi e gjykoi Brikenën edhe për ngjyrën e lëkurës.

“Më tregon ti mu për zhul, si dukesh që nga ngjyra e lëkurës që ke”, i tha Ina asaj.

Nga ana tjetër, Brikena reagoi duke përmendur Luana Vjollcën, për të cilën theksoi se ka ndërhyrje estetike dhe është një nga vajzat më të bukura.

Megjithatë, gjatë prime-it, Ina e ripërsëriti qëndrimin e saj, duke deklaruar se një Miss duhet të jetë pa ndërhyrje.

Banori i edicionit të pestë të BBVA-së, Miri, i ka bërë thirrje avokatit të tij që të ngrejë një padi ndaj banorit tjetër, Keijsit.

“I bëj thirrje avokatit tim dhe personit që kam përgjegjës përjashta që të ngrejë një padi për shpifje. Personi në fjalë është Keijsi. Për prishje imazhi, denigrim të figurës time dhe familjes time. Ai avokat të marrë masa dhe ta çojë çështjen deri në fund. Kjo çështje nuk duhet të qëndrojë vetëm në ekran”, ka deklaruar Miri.

“Nuk mund të lejoj që një personazh si Keijsi të merret me shpifje dhe me gjëra të tilla të ndyra kundrejt meje”, ka shtuar ai.

“Baza është te prime-i i kaluar, kur ky person shpifi për mua që unë çoj lule atje ku i çoj, [derisa prishja e imazhit] tek fjalori që ka përdorur”, ka theksuar Miri mes tjerash.

Ngjarjet në këtë edicion kanë filluar të bëhen gjithnjë e më dramatike, teksa gara po intensifikohet çdo ditë e më shumë.

Familjarët e Dolces kanë reaguar përmes llogarisë zyrtare të konkurrentes në Instagram, pas deklaratës së Leonora Jakupit gjatë prime-it të mbrëmshëm.

Reagimi i tyre ishte drejtpërdrejt ndaj Leonorës, e cila është opinioniste e formatit, pas komenteve që ajo bëri kundrejt Dolces.

“Kur gjykon mua, shpejt po e harron të kaluarën tënde… Pastaj në moshën që ke normal vetëm gjumi të ka ngelur…”, kanë shkruar ata, duke e etiketuar emrin e saj në postim.

Foto: Dolce / Instagram

Leonora, gjatë prime-it të së premtes, i tha Dolces se ajo po “zë meshkuj” më shpejt sesa e zë gjumi atë.

Deklarata u prit me reagime të shumta, madje edhe nga vetë konkurrentja.

Pas situatës me Limin dhe gjendjes së rënduar emocionale të Albës, Jakupi e akuzoi Dolcen për mungesë empatie ndaj ish-të dashurës së Limit, e cila po përballej me faktin se Limi dhe Dolce kishin krijuar një lidhje para syve të saj.

Megan Fox dhe Machine Gun Kelly nuk janë më në një lidhje romantike, por do të kujdesen së bashku për vajzën e tyre.

Sipas një burimi për revistën People, marrëdhënia e tyre sot është e kufizuar vetëm në kujdesin e përbashkët për fëmijën.

"Megan dhe Kelly nuk kanë qenë bashkë 'siç duhet' për një kohë të gjatë dhe çfarëdo që kishin romantikisht ka mbaruar. Megan është e përqendruar te fëmijët dhe foshnjën e saj dhe te përshtatja me këtë kapitull të ri në jetën e saj. Ky është prioriteti i saj i vërtetë", tha burimi.

Në mars të vitit 2025, ish-çifti mirëpriti fëmijën e tyre të parë së bashku, një vajzë të vogël me emrin Saga Blade. Machine Gun Kelly e ndau lajmin e lindjes në Instagram.

Fox është tashmë nënë e tre djemve: Noah (13), Bodhi (11) dhe Journey (9), të cilët i ndan me ish-bashkëshortin Brian Austin Green. Çifti u divorcua në vitin 2020 pas 16 vitesh së bashku. Kelly është gjithashtu babai i vajzës Casie (16), të cilën e ka me ish-partneren Emma Cannon.

Edhe pse ata nuk janë më çift, burimi pohon se nuk ka asgjë serioze romantike në jetën e Megan Fox, por shton se ajo nuk është e mbyllur as për këto opsione.

"Nëse diçka vinte natyrshëm dhe nëse ndihej e drejtë, ajo do të ishte e hapur për të. Ajo thjesht nuk mendon për këtë dhe as nuk ndjek dikë", tha burimi.

Rastësisht, media raportoi në tetor të vitit të kaluar se Fox dhe Kelly ishin rikthyer së bashku si çift, por ata nuk e kanë konfirmuar zyrtarisht pajtimin askund.

Leonora Jakupi ka publikuar dy imazhe në rrjetet sociale, ku shfaqet në një paraqitje mjaft elegante dhe plot shkëlqim.

Këngëtarja kishte zgjedhur një fustan jeshil të errët prej materiali plishi, i cili i theksonte hijeshinë dhe elegancën, ndërsa bukuria e saj natyrale nuk kaloi pa u vënë re nga ndjekësit.

Megjithatë, ajo që tërhoqi më shumë vëmendje ishte përshkrimi i postimit, i cili u interpretua nga shumëkush si një mesazh i menduar.

“Ajo çfarë them reflekton atë që jam. Ju dua”, ka deklaruar ajo.

Nuk dihet ende nëse ky postim apo kjo frazë vjen si një reagim i drejtpërdrejtë apo i tërthortë ndaj zhvillimeve të fundit në shtëpinë e BBVK-së, ku Leonora Jakupi është opinioniste.

Sidoqoftë, postimi u prit me reagime të shumta nga ndjekësit.

Këngëtari Endri hyri mbrëmë në shtëpinë e BBVK-së për një vizitë surprizë për banoren Benita Zena, me të cilën ai ka pasur një lidhje disa vjeçare.

Surpriza e tij filloi me një moment të veçantë, teksa Endri nisi të këndojë një këngë për të, duke e lënë Benitën të emocionuar.

Tani ai ka bërë të ditur se kënga e titulluar “Pa ty” do të publikohet të mërkurën, dhe përmes një postimi në Instagram, ai ndau gjithashtu disa sekuenca nga klipi i saj.

"Të mërkurën 'Pa ty'", ka njoftuar Endri.

Hyrja e befasishme e Endrit u komentua gjerësisht nga banorët dhe ndjekësit e programit, pasi ditëve të fundit Benita e kishte përmendur shpesh me mallëngjim, duke lënë të kuptohet se lidhja e tyre kishte lënë gjurmë tek të dy.

Vizita e tij ishte e një rëndësie të veçantë duke qenë se mbrëmë Benita festoi ditëlindjen.

Endri ka qenë temë diskutimi mes banorëve të BBVK-së.

Ata folën sot për karrierën e tij në muzikë, një rrugëtim që, ndonëse e nisi në një moshë shumë të re, e ndërpreu për një periudhë.

Limi u shpreh se Endri kishte pasur staf dhe menaxher të mirë dhe se kishte bërë shumë për karrierën e tij, por sipas tij nuk kishte arritur të depërtonte në skenën muzikore.

Ai përmendi edhe emra të tjerë nga i njëjti label, të cilët në atë kohë kishin arritur sukses dhe kishin depërtuar në industri.

Në ato momente reagoi edhe Londrimi, i cili theksoi se Endri njihet më shumë për deklaratën e tij të hershme: “Kur kam qenë i pirë”, një deklaratë që Endri e kishte bërë në fillimet e karrierës së tij.

Benita ka pasur një diskutim me banorët gjatë ditës së sotme, pas vizitës së Endrit në shtëpinë e BBVK-së.

Ajo u tha atyre se kishte dëgjuar se e kanë gjykuar atë për gjatësinë, derisa ishte Londrimi i cili mori përgjegjësinë të sqaronte se kjo nuk është diskutuar mes banorëve.

Përveç kësaj, Benita madje deklaroi se ai e do një mashkull për zemrën që ka dhe që gjatësia nuk çon peshë tek ajo, por zemra dhe karakteri.

Gjithashtu, në diskutim e sipër, ajo potencoi se Endri e do atë për atë që është dhe jo për asetet fizike.

“Ai mua as nuk më don për gjokse, as për ije, as për flokë e as për fytyrë. Mua Endri më ka dashtë për zemrën që unë e kam”, u tha ajo banorëve.

Dakota Johnson raportohet se është ende në një lidhje me këngëtarin Role Model.

Lajmi se ata janë çift u bë publik për herë të parë në dhjetor, ndërsa tani Deuxmoi ka pretenduar në Insta Stories se këtë javë ata janë parë në një takim romantik për darkë.

Sipas një burimi që ka shpërndarë edhe video të tyre, Johnson, 36 vjeçe, dhe Role Model, 28 vjeç, po darkonin në lokalin e njohur Marvin në Beverly Hills.

Në dhjetor, aktorja – e cila u nda nga vokalisti i Coldplay, Chris Martin, 48 vjeç, në qershor pas tetë vitesh lidhjeje – u bashkua me Role Model për një darkë të thjeshtë, sipas fotove të siguruara nga TMZ.

Reperi i këngës Going Out, emri i vërtetë i të cilit është Tucker Pillsbury, ka qenë më parë në një lidhje me Emma Chamberlain, deri në ndarjen e tyre në vitin 2023.

Dolce dhe Londrimi patën sot një diskutim që lidhej me afrimitetin e saj me Limin.

Relacioni dhe afërsia e tyre e e shtyu Londrimin t’i shprehte asaj hapur mendimin e tij për këtë situatë.

“Shoku më i madh edhe jashtë është, po ta them me shumë sinqeritet, një femër si Dolce që njihet si Diva, qysh të kemi vlerësu krejt, për dy ditë bjen për shembull për një mashkull si Limi që ia bën këtë gjë Albës”, i tha Londrimi Dolces.

Nga ana e saj, Dolce theksoi se kjo çështje nuk kishte lidhje me të.

“Nuk është punë për mua ajo, unë e njoh Limin e di si është”, ia ktheu ajo përgjigjen.

Afrimiteti i tyre është komentuar shumë në prime-in e mbrëmshëm, kjo për faktin se Limi ka pasur një histori me Albën, banore po ashtu e këtij edicioni.

Limi dhe Alba po ashtu patën një përballje të ashpër prime-in e mbrëmshëm, me Albën duke e akuzuar atë për gënjeshtra.

Aktori amerikan Ashton Kutcher ka zbuluar se humbi një fushatë për Gucci në fillim të karrierës së tij sepse, sipas stilistit Tom Ford, ishte shumë i shëndoshë, edhe pse në atë kohë peshonte 78 kilogramë.

Përpara se të bëhej një nga fytyrat e njohura të Hollivudit, Kutcher punoi si model dhe eci në pasarelë.

Ai foli për atë periudhë të jetës së tij në një intervistë të kohëve të fundit me ET, në të cilën bashkë-aktorët e tij në "The Beauty", Jeremy Pope dhe Anthony Ramos, diskutuan presionin e standardeve jorealiste të përsosmërisë në industri.

Kutcher, i cili sot është 47 vjeç, theksoi se pasiguritë prekin të gjithë, pavarësisht pamjes apo statusit.

"Fillova të merresha me modelim kur isha rreth 19 vjeç dhe dilja me njerëz që i konsideroj ndër më të bukurit në botë. Ajo që kuptova shumë shpejt ishte se të gjithë kishin pasiguri", zbuloi ai.

Ai gjithashtu kujtoi përvojën e tij me fushatën e Gucci-t kur Tom Ford ishte drejtor krijues i shtëpisë së modës.

"Më kujtohet, mora një fushatë ekskluzive për Gucci-n kur ajo drejtohej nga Tom Ford. U paraqita, shkova në Itali për shfaqjen dhe ai më veshi ato rroba banje rozë Speedo. Në atë kohë peshoja saktësisht 78 kilogramë. Ford tha, 'Ai është shumë i shëndoshë' dhe pastaj më pushuan nga puna", kujtoi Kutcher.

Kutcher shtoi se Ford kishte një vizion shumë specifik për atë që donte të shihte dhe se kjo përvojë e mësoi të mos mbingarkohej nga mendimet e të tjerëve.

"Po qesh me të tani, dhe ai thotë: 'Ishe shumë i shëndoshë.' Unë i thashë: 'Vëlla, unë isha 80 kilogramë! Për çfarë po flet?'" tregoi Kutcher duke qeshur.

Ai theksoi se nuk e përjetoi refuzimin si një dështim personal. Duke folur më gjerësisht për presionet që lidhen me pamjen, Kutcher tha se pasiguritë ndikojnë tek të gjithë.

"Nëse shikohesh në pasqyrë mjaftueshëm gjatë, do të gjesh diçka që nuk të pëlqen ose që mendon se mund të jetë më mirë ose që mendon se mund të jetë ndryshe", tha ai.

Përvojat e Kutcher në botën e modës lidhen tematikisht me projektin e tij të fundit, serialin thriller të FX "The Beauty", i cili eksploron obsesionin e shoqërisë me pamjen dhe përsosmërinë.

Filmi "The Maid" ka sjellë fitime të konsiderueshme në kinema, duke tejkaluar 200 milionë dollarë në shitjet e biletave në të gjithë botën.

Filmi, me protagonistë Sydney Sweeney dhe Amanda Seyfried, fitoi 100 milionë dollarë në Shtetet e Bashkuara dhe 100 milionë dollarë jashtë vendit pas katër fundjavave të publikimit.

Këto shitje biletash janë veçanërisht premtuese duke pasur parasysh se Lionsgate shpenzoi vetëm 35 milionë dollarë për të prodhuar filmin.

"The Housemaid" u shfaq premierë më 19 dhjetor, duke fituar 19 milionë dollarë në Amerikën e Veriut.

Filmi siç thuhet nuk rekomandohet për personat nën moshën 18 vjeç pa shoqërimin e një prindi ose kujdestari.

Falë rekomandimeve të forta, trilleri psikologjik pritet të përfundojë shfaqjen e tij në kinema me 225 deri në 275 milionë dollarë në të gjithë botën, një rezultat i madh në një kohë të vështirë për filmat me buxhet të mesëm, sipas Variety.

Me regji nga Feig dhe adaptim sipas romanit më të shitur të Freida McFadden, "The Maid" ndjek një grua të re (Sweeney) me një të kaluar të trazuar e cila bëhet shërbëtore që jeton me një familje të pasur (Seyfried dhe Sklenar si grua dhe burrë) të cilët nuk janë ashtu siç duken.

Pas 1,336 ditësh pritjeje, pritja më në fund ka marrë fund për fansat e Harry Styles — ai ka njoftuar rikthimin e tij në muzikë.

Ylli i pop-it i ka ngacmuar fansat që nga muaji dhjetor me mesazhe enigmatike, faqe misterioze në internet dhe mesazhe zanore, të gjitha me të njëjtin mesazh: “We belong together” (“Ne i përkasim njëri-tjetrit”).

Tashmë ai ka konfirmuar albumin e tij të ri, me titullin intrigues “Kiss All The Time. Disco, Occasionally”.

Albumi pritet të publikohet më 6 mars dhe vjen si pasues i Harry’s House të vitit 2022, i cili shiti mbi katër milionë kopje në mbarë botën dhe fitoi çmimin për albumin më të mirë si në Grammy Awards ashtu edhe në Brit Awards.

Artisti njoftoi albumin e tij të katërt përmes rrjeteve sociale, duke publikuar një fotografi të kopertinës, ku shihet duke qëndruar nën një top diskoje në një fushë të hapur, ndërsa mban në sy një palë syze noti.

Sipas një njoftimi për shtyp, albumi me 12 këngë është kompozuar nga bashkëpunëtori i tij afatgjatë, Kid Harpoon.

Megjithatë, këngëtari ende nuk ka zbuluar asnjë këngë nga projekti, përveç një mesazhi të shkurtër zanor që ua dërgoi fansave të mërkurën.

Pavarësisht kësaj, porositë paraprake për albumin kanë nisur tashmë, me versionet e zakonshme në vinil dhe CD, si dhe një set special që përfshin një aparat filmi me edicion të kufizuar.

Keijsi dhe Miri kanë debatuar gjatë ditës së sotme.

Ende nuk dihet saktësisht se çfarë e nisi fjalosjen mes tyre, por me sa duket, gjithçka ka filluar rreth çështjes së një kavanozi, për të cilin Miri i kishte thënë Keijsit se do të mbante përgjegjësi.

Sipas asaj që u kuptua gjatë bisedave, Kejisi u përpoq t’u shpjegonte banorëve versionin e tij të ngjarjes.

“Kishte vënë qofte në ato plehrat te krevati im dhe i Mateos, dhe tani thotë ti do të mbash përgjegjësi që e ke vendos kavanozin te krevati im, është antihigjenike dhe dëmton shëndetin tim më tha”, u tha Keijsi banorëve.

Pas këtij momenti, me sa duket, debati mes tyre u përshkallëzua dhe situata doli jashtë kontrollit.

Pavarësisht mënyrës se si nisi apo arsyeve konkrete që çuan në këtë përplasje, mes Keijsit dhe Mirit u dëgjuan një sërë ofendimesh të ndërsjella.

Ishte Keijsi ajo që iu drejtua Mirit me fjalët: “Morr i zi”, për të vijuar më pas me shprehjen “qepe gojën”.

Nga ana tjetër, edhe Miri nuk qëndroi pasiv, pasi u dëgjua t’i drejtohej Kejisit me fjalën “uturak”.

Këngëtarja amerikane Jennifer Lopez shkaktoi reagime nga përdoruesit e rrjeteve sociale pasi, sipas mendimit të tyre, ajo ishte e pasjellshme me kameramanin Cole Walliser në ndarjen e çmimeve Golden Globe në Los Angeles.

Ai ishte përgjegjës për kamerën e Glambot. Ata shkëmbyen një përshëndetje të shkurtër, pastaj ai i shpjegoi asaj se si të pozonte.

"Është kënaqësi që të shoh përsëri. Dukesh për mrekulli. Qëndro mbi yll, po, atje", tha ai. Pastaj e pyeti nëse kishte ndonjë ide për ndonjë lëvizje apo nëse thjesht do të shikonte kamerën dhe do të pozonte apo do të kthehej.

Jennifer Lopez nuk iu përgjigj kësaj pyetjeje, por u kthye dhe pozoi. Ai vazhdoi t'i shpjegonte asaj se si do ta regjistronte kamera dhe tha: "3, 2, 1, aksion".

Ajo pozoi, dhe ai e komplimentoi: "Dominuese si zakonisht. Faleminderit shumë. Faleminderit djema". Këngëtarja i bëri me dorë dhe vazhdoi të ecte. Shumë veta besuan se ajo e injoroi dhe e kritikoi.

"Ajo as nuk i foli", "A ishte e pasjellshme apo po sillej thjesht vetvetja?", "Asnjë buzëqeshje? Asnjë përshëndetje? Asgjë?", "Unë besoj çdo thashethem që kam dëgjuar për të", janë disa nga komentet.

Benita Zena ka folur sërish për dhëmbët e saj, një temë që kishte ngjallur reagime të shumta dhe kishte bërë bujë në internet edhe para se ajo të bëhej pjesë e Big Brother VIP Kosova.

Gjatë një bisede me banorët brenda shtëpisë, Benita u tregoi atyre më gjerësisht rreth përvojës së saj dhe si erdhi deri tek rregullimi i dhëmbëve me këtë teknikë.

“Vendosa me i ndërru edhe shkova… me i bë thjesht normalë edhe doktori më tha qysh e paske fytyrën, taman të kishin shku një palë dhëmbë që hala kërkush nuk i ka as në Kosovë as në Shqipëri, edhe thashë hajde çfarë kokan”, u thoshte banorëve.

“Teknika më e re, këta nuk janë diamanta, por i kanë thyerjet e diamantëve, sepse e keqkuptuan… dhe unë shumë mire e kam thënë është teknika më e re, thyerjet e diamantëve, që janë të punuara”, ka shtuar mes tjerash ajo.

Benita kishte folur edhe më herët për këtë temë në paraqitjet e saj publike, derisa në intervista të ndryshme pati deklaruar se procedura i kishte kushtuar me mijëra euro.