Banori i shtëpisë më të famshme në vend, Limi, duket se ka marrë një vendim të prerë në raportin e tij me Albën.

Pas gjithë situatave të tensionuara dhe zhvillimeve të fundit mes tyre, ai ka lënë të kuptohet se kjo marrëdhënie po shkon drejt një fundi përfundimtar.

Gjatë një bisede brenda shtëpisë, Limi u shpreh hapur se ndaj Albës do të vendosë “bllok përgjithmonë”, një deklaratë që ka ngjallur menjëherë reagime të shumta si te banorët e tjerë, ashtu edhe te publiku jashtë shtëpisë.

Ky qëndrim i fortë i Limit vjen pas një periudhe të gjatë përplasjesh, keqkuptimesh dhe emocionesh të forta mes dyshes, të cilat kanë qenë shpesh në qendër të vëmendjes gjatë këtij edicioni.

Megjithatë, mbetet për t’u parë nëse ky vendim do të jetë i pakthyeshëm apo nëse situata mes tyre mund të marrë një tjetër rrjedhë në ditët në vijim.

The post “Bllok e ke përgjithmonë”, Limi i jep fund raportit me Albën? appeared first on Albeu.com.

Emrat e dy prezantuesve të Eurovision 2026 janë njoftuar zyrtarisht nga transmetuesi publik i Austrisë. Konkursi i madh muzikor do të prezantohet këtë vit nga Viktoria Swarovski dhe Michael Ostrovsky , me interesin që tashmë është kthyer fuqishëm drejt Swarovskit, një nga fytyrat më të njohura të televizionit austriak dhe anëtare e familjes së famshme botërore Swarovski.

Viktoria Swarovski ka lindur në Innsbruck, Tirol, dhe ka ndërtuar një karrierë të larmishme si prezantuese, biznesmene, modele, stiliste dhe këngëtare. Edhe pse vjen nga familja Swarovski, e cila e ka identifikuar emrin e saj me botën e bizhuterive dhe dizajnit në nivel ndërkombëtar, ajo zgjodhi të ndiqte një rrugë profesionale të pavarur nga biznesi familjar shumë herët.

Në moshën vetëm 16 vjeç, ajo nënshkroi kontratën e saj të parë diskografike me Sony Music, duke publikuar disa këngë të vogla, dhe në moshën 18 vjeç, u zhvendos në Los Angeles. Atje, ajo bashkëpunoi me krijues kryesorë në skenën ndërkombëtare muzikore, përfshirë kompozitoren fituese të çmimit Grammy, Diane Warren, duke fituar përvojë të vlefshme në një mjedis shumë konkurrues.

Menjëherë pas kësaj, Swarovski bëri histori si gjyqtarja më e re që ka marrë pjesë ndonjëherë në Das Supertalent, ndërsa që nga viti 2018 ajo është anëtare e përhershme e ekipit prezantues të Let’s Dance, një nga programet televizive më të suksesshme në botën gjermanofolëse.

Rezymeja e saj televizive përfshin gjithashtu prezantime të rëndësishme, të tilla si 100 Years Disney Show dhe Bambi Awards, një nga institucionet më prestigjioze të argëtimit në Evropë. Në të njëjtën kohë, ajo ka zhvilluar një aktivitet të dendur biznesi, duke themeluar markën e bukurisë ORIMEI në vitin 2020.

Si modele, Victoria Swarovski ka zbukuruar kopertinat e revistave kryesore ndërkombëtare si Glamour, ELLE, L’Officiel, Gala Style dhe Forbes, ndërsa si stiliste ka nënshkruar koleksione kostumesh dhe aksesorësh tradicionalë. Në fillim të vitit 2026, ajo përmbushi edhe një ëndërr personale të jetës duke marrë pjesë në Dakar Rally, një nga garat më të kërkuara të sporteve motorike në botë.

Lidhur me Eurovisionin, drejtoresha e programit Stephanie Grois-Horowitz tha për dy prezantuesit: “Victoria dhe Michael janë një dyshe e freskët, siç nuk e kemi parë kurrë më parë .” Siç shpjegoi ajo, të dy kanë një pasion të madh për Konkursin e Këngës dhe janë “ambasadorë të shkëlqyer të kauzës, prezantimi i të cilëve do të jetë i paharrueshëm për një kohë të gjatë”.

The post Kush është trashëgimtarja e familjes së famshme Swarovski që do të prezantojë Eurovisionin e këtij viti? appeared first on Albeu.com.

Kardashianët janë një nga familjet më të njohura në botë. Viraliteti i tyre tejkalon mediat sociale dhe gjithmonë kanë zënë një vend në emisionet më të mira televizive, dy prej të cilave spikasin teksa flasin për jetën e tyre: ‘Keeping Up with the Kardashians’, i njohur si ‘The Kardashians’, i cili më vonë do të bëhej një emision që transmetohet në internet.

Kohët e fundit u zbulua, për shkak të një interviste në podkastin ‘Khloe In Wonderland’, një nga episodet që nëna e Kardashian, Kris Jenner, u përpoq ta censuronte në mënyrë që të mos shfaqej në shfaqje. Kjo u zbulua nga vetë Kim.

Ishte një sherr mes dy motrave, Kourtney dhe Kim, gjatë premierës së sezonit të 18-të të reality show-t. E gjitha ndodhi ndërsa episodi po xhirohej, në një moment që ata e quajtën “sherrja me shuplaka” dhe ku kamerat kapën se si Kim i sulmon Kourtney-t. Më pas, fillon një sherr mes të dyjave, duke i kapur duart dhe duke lëshuar disa goditje drejt trupit të tjetrës që u përplas.

Përveç asaj sherri, Kim kujtoi një tjetër debat të nxehtë midis dy motrave për shkak të dasmave të tyre në Itali. Kim u martua me Kanye West atje në vitin 2014 dhe Kourtney e përsëriti destinacionin me Travis Barker në vitin 2022, gjë që shkaktoi gjithashtu tensione dhe komente që kamerat i kapën.

Kim Kardashian zbuloi në podcast se cili ishte reagimi i nënës së saj: “Mamaja tha, ‘Kjo nuk do ta shohë kurrë dritën e diellit’”. Në intervistë, personazhi i famshëm reflektoi se sa nga këto momente janë censuruar dhe nuk janë ndarë kurrë me publikun përmes serialit të saj.

The post Kim Kardashian zbulon momentin në ‘Kardashians’ që Kris Jenner donte ta censuronte që të mos bëhej publik appeared first on Albeu.com.

Një përplasje e ashpër ka shpërthyer mes DJ Gimbo-s dhe banorit të “Big Brother VIP Albania” VIP Albania, Rogert, pas një pyetjeje publike që ky i fundit i drejtoi për ndarjen tragjike nga jeta të vëllait të mitur të Gjestit.

Gjithçka nisi kur Rogerti, gjatë një bisede, ngriti pikëpyetje mbi rrethanat e ngjarjes, duke shkaktuar reagim të fortë në rrjet. DJ Gimbo reagoi publikisht me tone të ashpra, duke e quajtur pyetjen të papranueshme dhe të pashpirt, sidomos kur bëhet fjalë për një fëmijë 15-vjeçar dhe për dhimbjen e një familjeje që ka humbur njeriun e saj.

“Nuk mund të luash me fatkeqësinë e dikujt dhe ta kthesh në temë diskutimi para kamerave,” – shprehet ai, duke theksuar se ka kufij që nuk duhen kaluar, pavarësisht lojës mediatike apo kërkimit për vëmendje.

Rogert: Si ndodhi situata, fatkeqësia e Gjestit? Du me e ditë, se nuk e kam lexu

Dj Gimbo: Mendon që unë për atë histori foli para kamerave? O i pafytyrë, s’je në vete! Ti prek te një familje, te një fëmijë 15 vjeç, o qen! O i pafytyrë! O psikopat, o maniak! Ti luan me fatkeqësi të dikujt. Si s’të vjen marre me pyt për një fëmijë që ka vdek tragjikisht?

Reagimi i DJ Gimbo-s ka gjetur mbështetje të gjerë në rrjete sociale, ku shumë ndjekës kanë theksuar se tema të tilla kërkojnë ndjeshmëri, respekt dhe heshtje, jo spekulim publik.

The post “Je i pashpirt!”/ DJ Gimbo shpërthen ndaj Rogertit pas pyetjes për vdekjen e vëllait të Gjestit appeared first on Albeu.com.

Banorja e Big Brother VIP Kosova 4, Elijona Binakaj, ka bërë një rrëfim shumë prekës në dhomën e rrëfimit, duke prekur zemrat e publikut me historinë e saj personale.

Teksa po festonte ditëlindjen e saj të 19-të brenda shtëpisë më të madhe në vend, Elijona u shfaq e vetmuar dhe e emocionuar, duke shpërthyer në lot gjatë rrëfimit të saj.

“Zakonisht për çdo ditëlindje mërzitem, por kur mërzitem e kam të paktën babin ose familjen që ma heqin pak mërzinë. Tani jam krejt vet dhe mosha që do ta mbush po më mundon, sepse motra ime kur i ka pasur 19 vjet ka ndërruar jetë dhe tani unë arrita në moshën e saj. Nuk po më duket fer të jetoj në të… nuk e di”, u shpreh ajo mes lotësh.

The post “Po i mbush 19 vjeç, aq sa ishte motra ime kur vdiq – nuk më duket fer që unë jetoj”, Elijona mes të qarash rrëfehet për ditëlindje në BBVK 4 appeared first on Albeu.com.

Justin Bieber ka konfirmuar zyrtarisht rikthimin e tij në skenën e Çmimeve Grammy, të cilat do të zhvillohen të dielën, më 1 shkurt, me Trevor Noah në rolin e prezantuesit. Ky rikthim shënon një moment të rëndësishëm në karrierën e këngëtarit, i cili pritet të performojë pas publikimit të albumit të tij më të ri, të titulluar “Swag”.

Kjo do të jetë paraqitja e parë e Bieber në Grammy që nga viti 2022, kur ai interpretoi hitin “Peaches” së bashku me Giveon dhe Daniel Caesar, një performancë që u prit mjaft pozitivisht nga publiku dhe kritika. Rikthimi i tij në këtë event prestigjioz vjen në një periudhë shumë të suksesshme artistike, pasi albumi “Swag” ka marrë vlerësime të larta dhe e ka rikthyer këngëtarin në qendër të vëmendjes muzikore globale.

Përveç performancës, Justin Bieber pritet të jetë një nga protagonistët kryesorë të mbrëmjes, pasi do të marrë katër çmime Grammy këtë vit. Ai është shpallur fitues në kategoritë Albumi i Vitit dhe Albumi më i Mirë Vokal Pop për “Swag”, si dhe Performanca më e Mirë Solo Pop për këngën “Daisies” dhe Performanca më e Mirë R&B për “Yukon”.

Në total, Bieber numëron 23 nominime për çmimet Grammy gjatë karrierës së tij dhe deri më tani ka fituar dy çmime. I pari erdhi në vitin 2016 për Regjistrimin më të Mirë Dance me këngën “Where Are Ü Now”, ndërsa i dyti në vitin 2021 për Performancën më të Mirë Country nga një Duo ose Grup me hitin “10,000 Hours”.

Rikthimi i tij në Grammy konsiderohet nga fansat si një tjetër dëshmi e ndikimit të vazhdueshëm të Justin Bieber në industrinë muzikore dhe e pozicionon atë sërish në majën e skenës ndërkombëtare.

The post Pas katër vitesh mungesë, Justin Bieber do rikthehet në këtë skenë muzikore appeared first on Albeu.com.

Milionat e ndara prej vitesh nga Qeveria e Kosovës për Luginën e Preshevës – të menduara si mbështetje për mbijetesën kombëtare të shqiptarëve në jug të Serbisë – kanë hapur një front të brendshëm politik.

Partitë shqiptare atje akuzojnë njëra-tjetrën për keqpërdorim të fondeve, favorizim selektiv dhe mungesë transparence.

Në qendër të debatit është roli i Këshillit Kombëtar Shqiptar (KKSH) – institucioni përmes të cilit menaxhohen mjetet, si dhe raportet e tij me partitë politike lokale.

Ky këshill dhe Qeveria e Kosovës nënshkruan në vitin 2022 Memorandumin për Bashkëpunim, me qëllim “mbrojtjen dhe promovimin e të drejtave të shqiptarëve, si dhe ruajtjen dhe kultivimin e gjuhës, artit, kulturës dhe identitetit shqiptar në Luginën e Preshevës”.

Në dy vjetët e parë të zbatimit të memorandumit, fondi i ndarë nga Qeveria e Kosovës ishte nga 2 milionë euro për secilin vit. Më 2024, kjo shumë u rrit në 3 milionë euro, ndërsa më 2025 në 4 milionë euro – ndonëse realizimi i mjeteve të fundit nuk ka nisur ende.

Ku shkojnë këto para?

Kryetari i Komunës së Bujanocit, Arbër Pajaziti, nga koalicioni Fronti për Ndryshim, thotë se fondet e ndara nga Qeveria e Kosovës, nuk kanë prodhuar rezultate të dukshme në terren.

“Nuk mund të shihni një shenjë konkrete që ka mbetur nga të gjitha këto mjete që i jep Qeveria e Kosovës”, thotë ai për Radion Evropa e Lirë.

Ai thekson se kritikat e tij nuk kanë për qëllim ta vënë në pikëpyetje mbështetjen e Qeverisë së Kosovës për Luginën e Preshevës, të cilën e konsideron të domosdoshme, por mënyrën se si, sipas tij, ajo menaxhohet.

Sipas Pajazitit, veçanërisht fondi i vitit 2022 – i ekzekutuar një vit më pas – është keqpërdorur nga KKSH-ja dhe persona të lidhur me Partinë për Veprim Demokratik (PVD).

Ai pretendon se një pjesë e mjeteve u janë shpërndarë organizatave joqeveritare, prapa të cilave, sipas tij, qëndrojnë persona të afërt me këtë parti që udhëheq KKSH-në.

“Një pjesë e mirë e fondeve ka përfunduar në xhepa të funksionarëve partiakë”, thotë Pajaziti, duke shtuar se, për këtë arsye, shumë mjete të ndara në vitin 2023 nuk janë realizuar për projekte të shoqërisë civile, por vetëm për furnizimin e nxënësve me libra shkollorë dhe për bursat e studentëve.

Pa sjellë ndonjë provë më konkrete, Pajaziti ka bërë pretendime të ngjashme edhe në komentet për disa media në Serbi.

Kundërpërgjigjja e KKSH-së dhe komunat tjera

Kryetari i Këshillit Kombëtar Shqiptar, Enkel Rexhepi, i hedh poshtë këto pretendime.

Ai thotë se fondet janë shfrytëzuar për projekte konkrete dhe se përfituesit nuk janë përzgjedhur mbi baza partiake.

“Efektet nuk maten nga deklaratat politike, por në terren – në media, në institucione, në projekte kulturore dhe në jetën reale të qytetarëve”, thotë ai për Radion Evropa e Lirë.

Sipas Rexhepit, fondi prej dy milionë eurosh i vitit 2022 u ekzekutua 100 për qind gjatë vitit pasues, ndërsa më 2023 u realizua vetëm 14.5 për qind, për shkak të vonesave nga zgjedhjet brenda KKSH-së.

Për vitin 2024, nga tre milionë euro janë ekzekutuar 60.96 për qind, ndërsa shpërndarja e 4 milionë eurove të vitit 2025 parashikohet të arrijë në 78.39 për qind, përmes konkurseve publike të shpallura nga KKSH-ja.

Rexhepi përmend si shembull funksionimin e televizioneve lokale, mbështetjen e klubeve sportive, si dhe shpërndarjen falas të librave shkollorë për mbi 30 mijë nxënës të shkollave fillore në Luginë.

Sipas tij, qindra studentë kanë përfituar gjithashtu bursa për studime.

“Duhet ta kuptojmë se jetojmë në një komunitet të vogël dhe, si kudo tjetër, organizatat dhe individët janë shpesh të ndërlidhur përmes angazhimeve profesionale, shoqërore apo edhe politike. Kjo nuk nënkupton keqpërdorim, por është realitet i shoqërive të vogla”, thotë Rexhepi.

Ai shton se në projekte kanë qenë të angazhuar edhe profesionistë të afërt me koalicionin Fronti për Ndryshim, prej nga vjen Pajaziti.

Ky koalicion – në përbërje të të cilit janë Alternativa për Ndryshim, Lëvizja për Reforma dhe Lëvizja për Bujanocin – aktualisht nuk ka përfaqësim në KKSH.

Aty janë të përfaqësuara Partia për Veprim Demokratik, Lëvizja e Progresit Demokratik, Partia Demokratike e Bujanocit dhe Partia Demokratike Shqiptare.

Kryetarja e Komunës së Preshevës, Ardita Sinani, nga Partia për Veprim Demokratik, vlerëson se mbështetja financiare e Qeverisë së Kosovës ka pasur ndikim të drejtpërdrejtë në përmirësimin e jetës së qytetarëve.

“Përfitimet janë të prekshme dhe shumëdimensionale, si në Preshevë ashtu edhe në mbarë Luginën e Preshevës”, thotë ajo për Radion Evropa e Lirë.

Sipas Sinanit, ndihma ka përfshirë disa sektorë kyç, veçanërisht arsimin, ku nxënësit kanë përfituar libra falas, ndërsa studentët bursa.

Ajo shton se janë mbështetur edhe klubet sportive për të rinj dhe fëmijë, është zbatuar një program i posaçëm për përkrahjen e fëmijëve me aftësi të kufizuara, si dhe është financuar renovimi i një objekti që po shndërrohet në Shkollë Muzike dhe Muze në komunën e Preshevës.

Në kuadër të kësaj mbështetjeje, Sinani përmend edhe financimin e aktiviteteve lobuese për ndërkombëtarizimin e çështjes së shkeljes së të drejtave të shqiptarëve në Luginën e Preshevës.

Si rrjedhojë, një grup ligjvënësish amerikanë i kërkuan Departamentit amerikan të Shtetit javën e kaluar që t’i shqyrtojë pretendimet për diskriminim ndaj shqiptarëve në Serbi.

Afrim Ferati, një nga tre asamblistët shqiptarë në Kuvendin Komunal të Medvegjës dhe drejtues i degës së KKSH-së në këtë komunë, e konsideron mbështetjen financiare nga Qeveria e Kosovës si të domosdoshme dhe pozitive për komunitetin shqiptar.

Ai shmang përplasjet politike ndërmjet partive lokale dhe thekson mirënjohjen e komunitetit për ndihmën që vjen nga Kosova.

Ferati pranon se fondet mund të menaxhohen më mirë dhe me më pak procedura, por nuk beson në keqpërdorim masiv.

“Unë nuk besoj tek ajo që flitet se ka pasur keqpërdorim masiv. Ndoshta mund të flasim për cilësinë e menaxhimit të mjeteve, por presim që të ketë përmirësim në procesin e ndarjes së tyre”, thotë ai për Radion Evropa e Lirë.

Qëndrimi i Qeverisë së Kosovës

Pretendimet për mungesë efektesh në terren i hedh poshtë edhe Qeveria në detyrë e Kosovës.

“Nëse dikush pretendon se ‘nuk ka efekte të dukshme’, kjo është më së paku e pasaktë dhe nuk përkon apo reflekton me realitetin dhe ndikimin që ka pasur në jetën e shqiptarëve të Luginës mbështetja e dhënë nga institucionet tona”, thotë për Radion Evropa e Lirë Klisman Kadiu, këshilltar për media i zëvendëskryeministrit në detyrë, Besnik Bislimi.

Sipas tij, procesi përfshin mekanizma kontrolli, raportimi dhe monitorimi në çdo fazë të realizimit.

“…dhe mjetet janë shfrytëzuar ekskluzivisht për financimin e projekteve, në përputhje me Memorandumin për Bashkëpunim dhe shtojcat përkatëse”, shton ai.

Ndihmë apo instrument politik?

Megjithatë, kryetari i Bujanocit shpreh dyshimin se bashkëpunimi i Prishtinës është fokusuar kryesisht me PVD-në dhe jo me institucionet e zgjedhura lokale.

Ai kujton se dy zyrtarë nga PVD-ja – Ardita Sinani, aktualisht kryetare e Komunës së Preshevës, dhe Ragmi Mustafi, kryetar i degës së PVD-së në Bujanoc – kanë qenë këshilltarë në kabinetin qeveritar të Kosovës, të drejtuar nga Albin Kurti.

“Qeveria e Kosovës e ka ndihmuar dhe po e ndihmon vetëm Partinë për Veprim Demokratik”, të cilën, siç thotë ai, “dëshiron ta fuqizojë përmes fondit”.

Zyrtarët e Qeverisë së Kosovës nuk deshën ta komentonin këtë pretendim.

Sinani, ndërkaq, i sheh akuzat në kontekstin e zhvillimeve politike lokale, duke përmendur rezultatet e zgjedhjeve komunale të vitit 2024 dhe krijimin e shumicës komunale në Bujanoc me votat e partive serbe.

Në këto rrethana, thotë ajo, retorika politike kushtëzohet shpesh nga nevoja për të ruajtur shumicën – gjë që reflektohet edhe në diskursin publik ndaj Kosovës.

Sipas saj, politizimi i mbështetjes nga Kosova nuk i shërben interesit publik të qytetarëve të Luginës së Preshevës.

Mbështetja e bllokuar për bujqit

Në krejt këtë diskutim, një nga pikat më problematike mbetet mbështetja për bujqit shqiptarë të Luginës së Preshevës.

Rexhepi, nga KKSH-ja, pranon se rreth një milion euro të ndara për këtë qëllim, nuk janë realizuar, pasi janë bllokuar nga Ministria e të Drejtave të Njeriut dhe Pakicave në Serbi.

Sipas tij, kjo ministri anuloi subvencionet për fermerët shqiptarë në janar të vitit 2025, me arsyetimin se KKSH-ja nuk ka kompetenca në fushën e bujqësisë, duke u mbështetur kështu edhe në një vendim të Gjykatës administrative në Nish.

Ai thotë se shkak për këtë vendim u bë edhe një shkresë e dërguar më herët nga Alternativa për Ndryshim – pjesë e Frontit për Ndryshim – e cila kishte njoftuar institucionet serbe për konkursin e shpallur nga KKSH-ja.

“Pasojat i kanë pësuar drejtpërdrejt bujqit, të cilët nuk kanë asnjë faj në këtë përplasje politike”, thotë Rexhepi.

Pajaziti, në anën tjetër, thotë se ka ofruar zgjidhje, duke propozuar që fondet të barten në Komunën e Bujanocit për t’u shpërndarë përmes saj.

Por, Rexhepi e hedh poshtë këtë mundësi, duke argumentuar se një gjë e tillë është e pamundur ligjërisht dhe do të rezultonte në shpërndarje të pabarabartë, pasi komuna është multietnike.

Sipas tij, mbështetja financiare e Qeverisë së Kosovës është e dedikuar vetëm për komunitetin shqiptar në Luginën e Preshevës, dhe KKSH-ja e ka përgjegjësinë për avancimin e shqiptarëve në këto troje.

Rexhepi thekson se këshilli po ndërmerr të gjitha hapat ligjorë dhe institucionalë për të sfiduar vendimin e autoriteteve serbe dhe për të rikthyer mbështetjen për bujqit, duke komunikuar në mënyrë të rregullt me institucionet përkatëse, partnerët ndërkombëtarë dhe Qeverinë e Kosovës.

Ai insiston se pengesë kryesore për veprimtarinë e institucioneve të Kosovës në Luginën e Preshevës mbetet pushteti në Beograd dhe strukturat e tij lokale.

Në Luginë jetojnë më shumë se 60.000 shqiptarë, të cilët përbëjnë pakicën e katërt më të madh në Serbi, sipas regjistrimit të fundit të popullsisë më 2022.

Përfaqësues i vetëm i tyre në Kuvendin e Serbisë është deputeti Shaip Kamberi nga Partia për Veprim Demokratik.

Përpjekjet për ta shndërruar ndihmën nga Kosova në temë përplasjesh politike “janë të dëmshme për interesin shqiptar”, përfundon Rexhepi.

The post Fondet e Kosovës për Luginën e Preshevës ndezin përplasje politike appeared first on Albeu.com.

Fillimi i gjykimit ndaj Hashim Thaçit, Bashkim Smkajt, Isni Kilajt, Fadil Fazliut dhe Hajredin Kuçit për vepra penale kundër administrimit të drejtësisë, është caktuar që të fillojë më 27 shkurt 2026.

Fillimisht, ishte caktuar që 24 shkurti të jetë si datë për nisjen e këtij gjykimi, por së fundi është marrë vendimi për shtyrjen e tij, raporton “Betimi për Drejtësi“.

Kjo erdhi si pasojë e kërkesës së mbrojtjes së Thaçit, e cila kishte kërkuar që gjykimi të fillojë më 2 mars 2026, duke u arsyetuar se i duhet më shumë kohë për përgatitje në periudhën pas deklaratave përmbyllëse në rastin për krime lufte.

Por, kjo kërkesë nuk u aprovua plotësisht, ndërsa gjyqtari Christopher Gosnell kishte parasysh faktor tjerë, duke përfshirë faktin se janë caktuar dy ditë shtesë (16 dhe 18 shkurt) për deklaratat përmbyllëse në rastin ndaj ish-krerëve të UÇK-së. Po ashtu, u theksua se të gjithë avokatët do jenë të disponueshëm deri më 6 mars dhe se Prokuroria rrezikon që të mos e ketë mundësinë që dëshmitarët t’i përfundojë para 6 marsit 2025.

Ndryshe, Hashim Thaçi ndodhet në Qendrën e Paraburgimit në Hagë që nga nëntori i vitit 2020. Ai është duke u gjykuar për krime lufte, si dhe vitin e kaluar i është ngritur aktakuza kundër administrimit të drejtësisë.

Lidhur me rastin kundër administrimit të drejtësisë, Bashkim Smakaj, Fadil Fazliu dhe Isni Kilaj u arrestuan më 5 dhjetor 2024 në Kosovë dhe u transferuan në objektin e paraburgimit në DhSK, më 6 dhjetor 2024 në bazë të aktakuzës së konfirmuar dhe fletarrestimeve të lëshuara nga Haga.

Ndërsa, Thaçit i është dorëzuar fletarrestimi në objektin e paraburgimit në Hagë më 5 dhjetor 2024, gjithnjë sipas njoftimit të DhSK-së.

Kurse, Hajredin Kuçit i është dorëzuar aktakuza e konfirmuar dhe fletëthirrja për t’u paraqitur para gjykatëses së procedurës paraprake për paraqitjen e parë, e cila u mbajt 9 dhjetor.

Sipas aktakuzës, Thaçi individualisht dhe përmes veprimeve të përbashkëta me grupet; Grupi Fazliu (Fadil Fazliu dhe FahriFazliu), Grupin Smakaj (Bashkim Smakaj, Blerim Shala dhe Artan Behrami) si dhe Grupin Kilaj (Isni Kilaj dhe VllaznimKryeziu), kanë ndjekur një model të sjelljes për të penguar personat zyrtarë në kryerjen e detyrave zyrtare.

Në aktakuzë thuhet se Thaçi ka udhëhequr dhe marrë pjesë në këto përpjekje përmes vizitave të tij në objektet e paraburgimit gjatë kohës sa ishte i paraburgosur në kuadër të gjykimit të tij për krime lufte dhe krime kundër njerëzimit.

Aty thuhet se anëtarët e Grupit Fazliu, Grupit Smakaj dhe Grupit Kilaj u koordinuan për të ndikuar në dëshmitarët e ZPS-së gjatë vizitave jo të privilegjuara të datave 2 korrik, 9 shtator dhe 6 tetor 2023.

Si rrjedhojë, ndaj Thaçit rëndojnë tri akuza për pengim të personit zyrtar në kryerjen e detyrave zyrtare, tri për shkelje të fshehtësisë së procedurës dhe katër akuza për mosbindje ndaj gjykatës.

Ndërsa, Kilaj, Smakaj dhe Fazliu akuzohen për tentativë të pengimit të personave zyrtarë në kryerjen e detyrave zyrtare dhe mosbindje ndaj gjykatës. Kurse, Kuçi i ka dy akuza për mosbindje ndaj gjykatës.

The post Fillimi i gjykimit ndaj Thaçit dhe tjerëve në rastin kundër administrimit të drejtësisë shtyhet për 27 shkurt appeared first on Albeu.com.

Ish-banorja e “Big Brother Albania”, Lorna, ka bërë një reagim të fortë në rrjetet sociale, disa ditë pasi ka lënë shtëpinë më të famshme në Shqipëri, duke sqaruar disa aludime dhe komente që kanë qarkulluar për të.

Ajo shprehet se, megjithëse kanë kaluar ditë nga largimi i saj nga gara, “hija” e saj vazhdon ende të jetë prezente në diskutimet brenda dhe jashtë shtëpisë, çka sipas saj tregon se emri i saj vazhdon të jetë pjesë e bisedave të banorëve.

“Nuk e kam përmendur kurrë fjalën ‘sugardaddy’ askund”, shkruan Lorna, duke mohuar kategorikisht akuzat dhe interpretimet që janë bërë në publik, si dhe duke theksuar se disa prej deklaratave i janë atribuar gabimisht.

Në mesazhin e saj, ajo i drejtohet drejtpërdrejt edhe disa prej banorëve aktualë, si Selin, Stelina, Kristi, Miri dhe Rogert, duke nënvizuar se, pavarësisht se ajo nuk është më pjesë e lojës, emri i saj vazhdon të përmendet.

“Jam jashtë, por me sa duket jo për ju”, shprehet Lorna, duke lënë të kuptohet se ende mbetet një temë diskutimi dhe se prania e saj ndihet edhe pas daljes nga shtëpia.

Ky reagim ka ngjallur menjëherë interes të madh dhe komente të shumta nga ndjekësit e “Big Brother Albania”.

The post Lorna shpërthen pas daljes nga BBVA: Hija ime ende është aty appeared first on Albeu.com.

Moderatori i njohur Florian Agalliu ka shënuar një fitore të rëndësishme në betejën ligjore ndaj Radio Televizionit Shqiptar (RTSH). Ai kishte ngritur padi ndaj institucionit publik për shkelje të të drejtave dhe moszbatim të detyrimeve kontraktuale. Pas shqyrtimit nga gjykata kompetente, vendimi përfundimtar u shpall më 28 janar, duke i dhënë të drejtë Agalliut.

Në përfundim të procesit gjyqësor, RTSH u shpall përgjegjës për shkeljet e konstatuara ndaj moderatorit dhe u detyrua të shlyejë plotësisht detyrimin financiar të përcaktuar nga gjykata.

Ky vendim vjen pas një periudhe të gjatë përplasjesh dhe procedurash ligjore, duke e kthyer çështjen në një precedent të rëndësishëm për marrëdhëniet kontraktuale në sektorin mediatik shqiptar. Florian Agalliu, e cilësoi vendimin si një konfirmim të rëndësisë së mbrojtjes së të drejtave të profesionistëve të medias.

Radiotelevizioni Shqiptar po përballet me akuza të forta për keqmenaxhim fondesh, teksa gazetarë dhe moderatorë denoncojnë vonesa mujore në pagesa. Pas reagimeve publike nga Kozeta Kurti dhe Florian Agalliu, dokumentet tregojnë shpenzime luksi për garderobë, me kostume deri në 1 mijë euro dhe këmisha 250 euro, pa kontrata të rregullta justifikuese. Kontrasti mes këtyre shpenzimeve dhe mungesës së pagesave ka shkaktuar indinjatë, ndërsa drejtoresha Eni Vasili deklaron se menaxhmenti i ri ka trashëguar një situatë të rëndë borxhesh nga e kaluara.

The post Pas shkarkimit të padrejtë nga puna, Florian Agalliu fiton gjyqin ndaj RTSH-së appeared first on Albeu.com.

Gimbo nuk e ka mbushur ende javën që ka hyrë në shtëpinë më të famshme në Shqipëri, por qëllimet i ka të qarta dhe që në nisje të aventurës së tij në Big Brother Vip, ka shprehur pëlqimin për Selinën.

Banori i ri i ka shfrytëzuar këto ditë për t’u afruar me Selinën, teksa ky afrimitet duket se ka ngjallur xhelozinë e Mirit. Ky i fundit u kap duke përgjuar pas derës teksa Gimbo dhe Selina po bisedonin së bashku në dhomën e Lavanderisë

The post Miri xheloz për Selinën, e përgjon nga dera teksa ajo flet me Gimbon appeared first on Albeu.com.

Një ngjarje tejet e rëndë dhe alarmuese ka përfshirë Elton Tozajn, duke ngritur shqetësime serioze për sigurinë e tij dhe për një përshkallëzim të hapur të dhunës. Banesa ku ai jeton është lyer me benzinë, një akt i qartë intimidimi që shihet si kërcënim i drejtpërdrejtë për jetën e tij dhe një sinjal i rrezikshëm se situata ka dalë jashtë çdo kontrolli.

Ky zhvillim vjen vetëm pak ditë pas një episodi tjetër tronditës, ku Tozaj u dhunua në mënyrë barbare nga persona ende të paidentifikuar. Dy ngjarjet, të lidhura qartë mes tyre, krijojnë një panoramë presioni dhe frike, duke shtuar dyshimet për një skenar kriminal që po përshkallëzohet hapur.

Burime pranë çështjes bëjnë me dije se lyerja e banesës me benzinë shihet si një mesazh i hapur kërcënues, me simbolikë të rëndë dhe pasoja potencialisht fatale. Akti ka shkaktuar tronditje dhe frikë, jo vetëm për vetë Tozajn, por edhe për familjarët e tij, duke ngritur alarmin për një rrezik real dhe të menjëhershëm.

Elton Tozaj njihet si një personazh provokativ, i cili shpesh bën deklarata të forta publike, veçanërisht lidhur me jetën personale të personave të njohur. Për shkak të këtyre qëndrimeve, ai ka marrë vazhdimisht kërcënime ndër vite, një fakt që e bën edhe më shqetësuese përshkallëzimin e fundit të ngjarjeve dhe kalimin nga fjalët në dhunë fizike dhe akte të rënda intimidimi.

Ajo që rëndon edhe më shumë situatën është fakti se, edhe pas dhunimit barbar, reagimi institucional ka qenë minimal. Policia nuk ka marrë masa të dukshme për garantimin e sigurisë së tij dhe as nuk ka dhënë sinjale se rasti po trajtohet me seriozitetin e duhur. Kjo mungesë veprimi ka krijuar një klimë mosndëshkueshmërie, ku situata kriminale përsëriten lehtësisht dhe ndodhin hapur, pa frikë nga pasojat.

Deri më tani nuk raportohet për persona të lënduar nga episodi i fundit, por tensioni mbetet i lartë. Autoritetet pritet të nisin verifikimet për zbardhjen e plotë të rrethanave, ndërsa Policia do të duhet të hetojë nëse dhunimi fizik dhe kërcënimi ndaj banesës janë pjesë e të njëjtit zinxhir ngjarjesh dhe nëse pas tyre fshihen të njëjtët autorë.

Ngjarja ka shkaktuar reagime dhe shqetësim të fortë, duke ngritur pikëpyetje serioze mbi sigurinë, përgjegjësinë institucionale dhe rrezikun real që këto akte të rënda kriminale të përshkallëzohen edhe më tej.

The post Elton Tozaj e k*rcënojnë për jetën, i lyejnë shtëpinë me benzinë appeared first on Albeu.com.

Kim Kardashian më në fund ka shpjeguar pse ajo dhe nëna e saj, Kris Jenner, fshinë në mënyrë të dyshimtë nga Instagrami fotot me Meghan Markle dhe Princin Harry në nëntor të vitit të kaluar.

Gjatë poskastit të “Khloé In Wonder Land”, ajo tha se e gjithë gjëja ishte bërë pa asnjë qëllim të keq nga ana e tyre.

“Na thanë që nuk kishte asnjë problem nëse i publikonim dhe pastaj, pasi u postuan, mendoj se ata u kujtuan që ishte ‘Dita e Përkujtimit’ dhe nuk donin të dukeshin sikur ishin në festë, edhe pse fotot tashmë ishin publikuar dhe më pas u hoqën,” kujtoi Kim.

Shpjegim: Dita e Përkujtimit (Remembrance Day) është një ditë përkujtimore në Britaninë e Madhe, ku nderohen ushtarët dhe anëtarët e forcave të armatosura që kanë humbur jetën në shërbim të vendit.

Bëhet fjalë për disa foto nga festa e datëlindjes së Kris Jenner dhe të dyja ato po zgjidhnin se cilat prej tyre do të postoheshin në Instagram, madje Kim u shpreh se ato kishin pyetur paraprakisht dhe pasi u dha leja i postuan.

Kim madje tha se Kris Jenner dhe Meghan Markle janë shoqe prej vitesh dhe nuk bëhej fjalë për asnjë dramë mes tyre.

Edhe pse shumë njerëz e keqkuptuan, Kim u përpoq ta trajtonte gjithë situatën me humor, duke thënë:

“Duhet të bëjmë një fushatë të plotë për Skims. Të postojmë një foto dhe pastaj ta fshijmë pas 30 minutash e të themi: ‘Oh, na falni, nuk kishim leje t’i postonim këto foto për fushatën.’”

Pas publikimit të fotove, nuk munguan reagimet ndaj jetës së re të Princit Harry, të cilat nuk ishin aspak pozitive.

Për disa kjo situatë tregonte edhe një herë se sa ishte larguar Princi nga familja mbretërore, ndërkohë që një burim brenda familjes tha për Page Six se paraqitja e tyre në atë festë ishte e pahijshme.

The post Fshinë fotot krah Princit Harry dhe Meghan Markle? Kim shpjegon çfarë ndodhi appeared first on Albeu.com.

Pas sqarimit që u bë gjatë spektaklit të mbrëmshëm, Brikena ka folur hapur në dhomën e rrëfimit për raportin e saj me Mateon, duke zbuluar ndjenjat dhe dilemat që po përjeton brenda shtëpisë.

Banorja u shpreh se, pavarësisht afrimit dhe kohës që kanë kaluar bashkë, nga ana e saj nuk ka lindur ende asnjë “shkëndijë”, pra nuk ekziston një pëlqim i vërtetë në aspektin sentimental. Ajo theksoi se kjo situatë e vë në një pozitë të vështirë, pasi ka frikë se do të perceptohet negativisht nga publiku dhe banorët e tjerë, sidomos duke ditur se Mateo ka shfaqur interes për të.

Sipas Brikenës, në raste të tilla, personi që nuk ndjen të njëjtën gjë zakonisht shihet si “fajtori”, ndërsa ai që ka pëlqim del i lënduar emocionalisht. Kjo e bën atë të ndihet në siklet dhe e shqetësuar për mënyrën se si do të gjykohet jashtë shtëpisë.

“Ndjej që në këtë gjë, në raportin me Mateon, kam për t’u perceptuar shumë keq. Fakti që unë nuk kam pëlqim për të dhe fakti që ai që ka pëlqim gjithmonë del më i lënduar, bën që unë në këtë situatë të dukem e keqe. Nuk ka shkëndija… nuk e di… të shohim,”- u shpreh ajo.

The post “E di që kam dalë e keqja jashtë…”/ Brikena flet pas sqarimit me Mateon appeared first on Albeu.com.

Një tragjedi ajrore ka tronditur Kolumbinë, pasi një avion me 15 persona në bord u rrëzua të mërkurën në një zonë malore në veri të vendit, duke mos lënë asnjë të mbijetuar. Lajmi u konfirmua nga Agjencia Kolumbiane e Aviacionit Civil, e cila bëri të ditur se aksidenti ndodhi gjatë një fluturimi të brendshëm.

Avioni i tipit Beechcraft 1900D i përkiste linjës ajrore private Searca, e lidhur me kompaninë shtetërore Satena, dhe po kryente fluturimin me numër NSE 8849 nga qyteti Cucuta, pranë kufirit me Venezuelën, drejt Ocana-s. Ai u ngrit rreth orës 11:42 me orën lokale dhe pritej të mbërrinte në destinacion në orën 12:05.

Sipas autoriteteve, kontrollorët e trafikut ajror humbën kontaktin me avionin rreth 10 minuta para mbërritjes së planifikuar. Kontakti i fundit me kullën e kontrollit u regjistrua në orën 11:54, ndërsa më pas mjeti ajror u zhduk nga radarët.

Pas një operacioni kërkimi, mbetjet e avionit u gjetën në një zonë të thepisur malore pranë qytetit La Playa de Belén. Ekipet e shpëtimit konfirmuan se të gjithë personat në bord kishin humbur jetën.

Mes viktimave ndodhen edhe figura të njohura të politikës kolumbiane, përfshirë kongresmenin Diogenes Quintero dhe Carlos Salcedo, kandidat për Kongres në zgjedhjet e ardhshme parlamentare që pritet të mbahen në muajin mars. Prania e tyre në avion e ka bërë ngjarjen edhe më tronditëse për opinionin publik.

The post Tragjedi në Kolumbi: Avioni me 15 persona rrëzohet në zonë malore, nuk ka të mbijetuar, mes viktimave një kongresmen appeared first on Albeu.com.

I ftuar mbrëmjen e sotme në emisionin “Big Brother Radio” ka qenë Keijsi, i cili mbrëmjen e kaluar u përjashtua nga gara e “Big Brother VIP Albania 5” pas hapjes së Zarfit të Zi, duke i dhënë fund rrugëtimit të tij në shtëpinë më të famshme në vend. Gjatë intervistës, ish-banori foli hapur për eksperiencën e tij në lojë, marrëdhëniet me banorët dhe veçanërisht për raportin me Inën, i cili ka qenë ndër më të komentuarit nga publiku.

Teksa po diskutohej situata e debatit, ku Ina u cilësua si nxitëse e sherrit, Keijsi u shpreh se reagimi i tij kishte ardhur natyrshëm, duke theksuar se sipas tij, asnjë mashkull nuk do ta pranonte një situatë të tillë kur bëhet fjalë për partneren.

Moderatorja e pyeti drejtpërdrejt nëse lidhja e tij me Inën ishte vërtet aq e afërt dhe e fortë sa ishte perceptuar nga publiku. Në përgjigjen e tij, Keijsi nuk la vend për dyshime:

“Përderisa ishim shtrirë dhe po krijonim diçka së bashku, patjetër që është aq e afërt.”

Më pas, pyetja më e drejtpërdrejtë erdhi në lidhje me ndjenjat: a është vërtet i dashuruar me Inën? Ish-banori zgjodhi një përgjigje të shkurtër:

“Kam një shprehje të bukur për këtë: I’m too in with Ina.”

The post Pas eliminimit nga ‘BBVA’, Keijsi zbulon nëse ka ende ndjenja për Inën appeared first on Albeu.com.

Pas një periudhe të gjatë heshtjeje dhe dhimbjeje, artisti i njohur Gjesti është gati të rikthehet në skenën muzikore me një projekt të ri, i cili pritet të jetë ndër më personalët e karrierës së tij.

Përmes një postimi të fundit në llogarinë e tij në Instagram, këngëtari ka njoftuar fansat se nesër, në ora 18:00, do të lansojë këngën e tij më të re, duke ngjallur menjëherë reagime të shumta nga ndjekësit.

Burime pranë artistit bëjnë të ditur se ky projekt nuk do të jetë një këngë e zakonshme. Përkundrazi, ai pritet të jetë një dedikim i ndjerë që reflekton zhvillimet e fundit në jetën private të Gjesti, me fokus të veçantë në ngjarjen tragjike të humbjes së vëllait të tij, e cila tronditi opinionin publik pak kohë më parë.

Ky projekt shënon jo vetëm rikthimin e Gjesti në muzikë, por edhe një mënyrë për të shprehur përmes artit emocionet, dhimbjen dhe sfidat e muajve të fundit. Muzika, si gjithmonë, duket se mbetet forma e tij më e sinqertë e komunikimit.

Mbetet të shihet nëse kënga do të vijë në formën e një balade, por ajo që dihet me siguri është se ky projekt pritet të jetë një nga më të ndjerët dhe më personalët në rrugëtimin artistik të tij.

The post Gjesti jep lajmin e madh për fansat, rikthehet nesër me projektin e ri – të parin pas tragjedisë familjare appeared first on Albeu.com.

Në 90 vjetorin e lindjes së gjeniut të letrave shqipe, Ismail Kadare, në ceremoninë e zhvilluar nga Ministra për Europën dhe Punët e Jashtme është zbuluar edhe një letër që shkrimtari i ka dërguar Presidentit të Shteteve të Bashkuara të Amerikës, George Bush në vitin 1991.

Në letër Kadare shtron pyetjen nëse populli shqiptar ka të drejtë të jetojë në të njëjtën shtëpi, duke iu referuar Kosovës. Ai thotë se mjetet demokratike që çojnë në një zgjidhje paqësore dhe diplomatike, ekzistojnë.

“Ndonëse nuk do të doja ta mbyllja këtë letër me diçka të zymtë, s’mund të rri pa ju thënë se shqiptarët e Kosovës i kanë bërë thirrje për ndihmë gjithë botës: një masakër e përgjakshme po përgatitet kundër tyre. Shpresoj, Zoti President i SHBA, se ju do të bëni gjithçka, për të ndaluar këtë krim të paralajmëruar, tashmë, nga shumë drejtime”, shkruan ndër të tjera Kadare.

LETRA

Zoti President,

Dy vjet më parë, më 1989, kur jo vetëm në vendin tim por në gjithë perandorinë e Lindjes, diktatura komuniste ishte ende në këmbë, me mikun tim, laureatin e çmimit Nobel të paqes, Elia Weisel, ju kam dërguar një letër.

Në atë kohë, për një letër si ajo, në Shqipërinë komuniste dënoheshe me vdekje, megjithatë unë e ndjeva për detyrë t’ju drejtohesha juve, presídentit të shtetit më të fuqishëm demokratik të botës, për t’ju kërkuar ndjesë në emër të popullit shqiptar, për qëndrimin armiqësor që mbante qeveria komuniste shqiptare ndaj SHBA.

Ju shkruaja, midis të tjerash, në atë letër se populli shqiptar, në kundërshtim me sunduesit komunistë, kishte ndjenja të thella mirënjohjeje për SHBA dhe ju lutesha Juve, që pa ia vënë veshin fyerjeve të Tiranës të vazhdonit të ndihmonit këtë popull martir, si atë që vuante brenda kufijve të shtetit, si gysmën tjetër të tij, që vuante në Jugosllavi.

Dhe ja, pa u mbushur dy vjet, në marrëdhëniet amerikano-shqiptare ndodhi e pabesueshmja. Kur Sekretari i Shtetıt, Baker, u prit në mënyrë madhështore në Tiranë, isha i lumtur të vërtetoheshin fjalët që ju kisha shkruar më 1989, që në atë kohë mund të tingëllonin si fantazi shkrimtari, se SHBA do të ketë te populli shqiptar, një mik të zjarrtë e të përhershëm. Nga ana e tyre, shqiptarët të zhgënjyer nga ato lidhje të mbrapshta në të cílat i çuan komunistët, janë sot më të etur se kurrë për miqësi të vërtetë.

Zoti President, sot kur një pjesë e botës, e sidomos ajo pjesë që posa është shkëputur nga e kaluara komuniste, po përpëlitet e s’gjen dot qetësi, njerëzimi mbarë përcjell me adhurim përpjekjet tuaja fisnike për rregullimin e saj. Në këtë kahje, jo vetëm si shkrimtar e qytetar shqiptar, por edhe si njeri që dëshiron një botë më të përkryer, ju drejtohem Juve, burrit të shtetit me të cilin e ardhmja e botës ka një lidhje të drejtpërdrejtë.

Për shumë dekada, një pjesë e botës në aksionet e saj politike e diplomatike, përballë problemeve të mëdha ka qenë shpesh herë e paralizuar prej dogmave dhe tabuve. Në emër të një stabiliteti e qetësie false, këto dogma shpalleshin të shenjta e të pandryshueshme, paçka se kombe e popuj të tërë, të rrëzuar prej fatit, njëlloj si titanët e dikurshëm, vuanin e rënkonin prej tyre.

Tani është e qartë për cilindo, se ajo qetësi dhe stabilitet, që përligjej nga formulat gjoja të shenjta, nuk ka qenë veç një harmoni e gënjeshtërt. Nuk do të zgjatem për gjëra që ju i dini më mirë se kushdo dhe, prej të cilave jeni shqetësuar si rrallë kush. Do të dëshiroja vetëm që të tërheq edhe një herë vëmendjen tuaj, Zoti President, për popullin me fatin më tragjík, të krejt kontinentit evropian: shqiptarët.

Ky është i vetmi popull në historinë e Europës, që pas dy mijë vjetëve jetë u nda më dysh, që në fillim të shekullit të XX-të prej Fuqive të Mëdha. Ky është i vetmi komb, që në këtë shekull u shtyp prej dy díktaturave më të egra, që ka njohur bota: diktaturës së komunistëve shqiptarë dhe diktaturës së komunistëve serbë.

Ky gjymtim e kjo shtypje dyfishe, e ka lodhur dhe e ka dëmtuar rëndë këtë komb. Tani, gjysma e tij, ajo që jeton brenda kufijve të shtetit shqíptar, është duke e fituar më në fund lirinë. Por gjysma tjetër, ajo që ende ndodhet nën komunistët serbë, është në zi dhe në mjerim.

Zoti President i SHBA! Mendoj se është e palejueshme dhe në kundërshtim me të gjitha ligjet e natyrës, të së drejtës universale dhe të Zotit, që ky komb të vazhdojë e të jetë i dënuar kështu.

Dhurata që iu bë terroristëve serbë që vranë më 1914 në Sarajevë, dukën Ferdinand të Austro-Hungarisë, duke u dhënë si shpërblim gjysmën e Shqipërisë, është një nga krimet më të rënda në historinë e njerëzimit. Sa më shpejt që bota e qytetëruar ta çlirojë veten e saj nga ky krim, aq më mirë do të jetë.

Kur ju shkruaj këto fialë, unë nuk mendoj kurrë, që paqja dhe mirëkuptimi i sotëm i arritur me aq mundime, të rrezikohen për shkak të shqiptarëve. As nuk parashtroj kërkesa për veprime të ngutshme, brutale ose sensacionale.

Ajo që dëshiroj të shtroj para jush është kërkesa për një ndryshim parimor në qëndrimin ndaj popullit shqiptar. Në mbarim të këtij shekulli, përpara shqiptarëve po ngrihet shansi historik, shansi që të korrigjohet faji që u bë ndaj tyre në fillim të shekullít.

A do të pranohet prej botës së sotme të qytetëruar e drejta e këtij populli, që të jetojë bashkë, në të njëjtën shtëpi, si të gjithë kombet apo do t’i mohohet kjo e drejtë, në emër të tabuve ose të gjumit të qetë të dikujt?

Në qoftë se në vizionin e Europës së nesërme pranohet kjo ide, mendoj se edhe mjetet demokratike për zgjedhjen e saj në mënyrë paqësore, diplomatike, njerëzore, pa dhimbje e gjak për kërrkënd, mund të gjenden.

E tmerrshme është se gjer më sot kjo ide nuk është pranuar. Por në kohën tonë, në kohën e triumfit të të drejtave të njeríut, triumf në të cilín SHBA kanë një vend nderi, të mos pranosh një ide të tillë, do të thotë të pajtohesh me të kundërtën.

Me një krim të tillë në ndërgjegje, bota e lirë s’mund të flejë e qetë. Ndonëse nuk do të doja ta mbyllja këtë letër me diçka të zymtë, s’mund të rri pa ju thënë se shqiptarët e Kosovës i kanë bërë thirrje për ndihmë gjithë botës: një masakër e përgjakshme po përgatitet kundër tyre.

Shpresoj, Zoti President i SHBA, se ju do të bëni gjithçka, për të ndaluar këtë krim të paralajmëruar, tashmë, nga shumë drejtime.

Duke ju falenderuar edhe një herë, ju personalisht dhe shtetin tuaj të madh, për vëmendjen ndaj popullit tim, shpresoj Zoti President, se midis punëve dhe problemeve tuaja të shumta, do të vazhdoni të interesoheni për fatin e popullit tim martir.

Pranoni, Zoti President, shprehjen e respektit tim më të thellë.

The post “Një masakër e përgjakshme po përgatitet kundër shqiptarëve në Kosovë”, zbulohet letra e Kadaresë për Presidentin Bush në 1991 appeared first on Albeu.com.

Ndarja e bujshme e moderatores Neda Balluku nga bashkëshorti i saj, Ogren Balluku, vëllai i zv/kryeministres Belinda Balluku, vijon të jetë në qendër të vëmendjes publike, teksa dalin në dritë detaje të reja nga përplasja mes tyre, e cila ka përfunduar në dyert e drejtësisë.

Më 16 janar 2026, Gjykata e Shkallës së Parë e Juridiksionit të Përgjithshëm Tiranë lëshoi urdhër të menjëhershëm mbrojtjeje në favor të Neda Balluku, për shkak të dhunës së pretenduar nga bashkëshorti i saj. Vendimi erdhi pas kallëzimit të paraqitur nga moderatorja, e cila kërkoi mbrojtje ligjore për veten.
Vetëm pak ditë më pas, ishte vetë Ogren Balluku ai që iu drejtua gjykatës me një kërkesë për urdhër të menjëhershëm mbrojtjeje, duke pretenduar se ishte subjekt i dhunës së vazhdueshme verbale, psikologjike dhe herë pas here edhe fizike nga bashkëshortja.

Në dëshminë e dhënë para Gjykatës së Tiranës, Ogren Balluku deklaroi se është ofenduar rëndë me fjalë si “ordiner, kafshë, kriminel dhe hajdut”, ndërsa shtoi se është kërcënuar edhe me shprehje të rënda si “Do të bëj të vrasësh veten, do prekësh fundin, mos gjetsh varr”.

Ai pohoi gjithashtu se ndihet i përndjekur dhe i survejuar, duke pretenduar se Neda Balluku ka hapur kamerat e supermarketeve për të ndjekur lëvizjet e tij dhe të fëmijëve, si edhe ka paraqitur prova në gjykatë që, sipas tij, dëshmojnë përgjimin e banesës së tij.

Në dëshminë e depozituar, Ogren Balluku shprehet:

“Kam pasur shqetësime të vazhdueshme nga bashkëshortja ime Neda Balluku dhe do të kërkoj të pajisem me urdhër të menjëhershëm mbrojtjeje për vete dhe djalin tim. Jam i dhunuar verbalisht me fjalët më të ulëta që mund t’i thuhen një njeriu si ordiner, hajdut, kriminel, kafshë. Më kërcënon verbalisht me fjalët do të bëj të vrasësh veten, do prekësh fundin, mos gjetsh varr. Unë dhe dy djemtë e mi jemi të përgjuar në shtëpinë tonë. Ditën e premte, më datë 16.01.2026, të dy djemtë janë përballur me dhunë psikologjike në ambientet e shkollës Viktor Hygo”.
Megjithatë, pas shqyrtimit të kërkesës, Gjykata e Tiranës vendosi rrëzimin e saj, duke mos pranuar lëshimin e urdhrit të menjëhershëm të mbrojtjes ndaj Neda Ballukut.

Nga ana tjetër, Neda Balluku ka mohuar akuzat dhe ka deklaruar se ish bashkëshorti e pengon në mënyrë të paligjshme të takojë fëmijët, e nxjerr nga banesa dhe e ofendon në sy të tyre, duke i manipuluar kundër saj.

Në dëshminë e saj para gjykatës, ajo ka deklaruar:

“Kam për të deklaruar se për datën 20.01.2026 unë me shtetasin Ogren jam takuar vetëm në sallën e gjyqit. Nuk e kam kërcënuar apo dhunuar fizikisht apo psikologjikisht këtë shtetas. Kam shkuar në shkollë për të takuar fëmijët sipas vendimit të gjykatës, por nuk jam lejuar. Ai ofendon, shan dhe denigron mua në sy të fëmijëve. Kam bërë disa kallëzime dhe kam marrë urdhër mbrojtjeje sepse nuk më lejonte të takoja vajzën sipas vendimit të gjykatës”.
Sipas saj, kërkesa e Ogren Ballukut për urdhër mbrojtjeje është bërë si kundërpeshë ndaj vendimit të mëparshëm të marrë në favor të saj dhe si tentativë për të penguar zbatimin e vendimeve gjyqësore që lidhen me takimin me fëmijët.

The post “Do të bëj të vrasësh veten, do prekësh fundin, mos gjetsh varr”/ Ogren Balluku: Neda më dhunonte në sy të fëmijëve appeared first on Albeu.com.

Nicola Peltz, gruaja e Brooklyn Beckham, merr një pagesë mujore prej 1 milion dollarësh nga babai i saj miliarder Nelson Peltz, tha një burim.

Nelson Peltz krenohet me një pasuri neto prej 1.6 miliardë dollarësh. Gazetarja Marina Hyde tha gjatë paraqitjes së saj në podkastin The Rest Is Entertainment:

“Nga ajo që dëgjoj, mendoj se familja Beckham i jep Brooklyn shumë para, por jo shumë, dhe se ata ëndërrojnë disi që ai të qëndrojë në këmbët e veta dhe të bëhet i pavarur. Ndoshta Nelson Peltz do ta mohonte këtë, por e dëgjova të thoshte: ‘Unë i jap vajzës sime një milion dollarë në muaj në pagesë.'”

Ajo shtoi se Victoria dhe David Beckham nuk mendonin se djali i tyre do të nënshkruante një marrëveshje paramartesore, por ai e bëri këtë për shkak të faktit se Nelson Peltz ka shumë më tepër para se familja Beckham, pasuria e së cilës vlerësohet në 680 milionë dollarë.

Ai shpenzoi më shumë se 3.5 milionë dollarë për dasmën e vajzës së tij me Brooklyn Beckham në vitin 2022. Udhëtimi i Nelson Peltz drejt pasurisë së madhe filloi kur ai dhe vëllai i tij Robert morën përsipër kompaninë e shpërndarjes së ushqimeve të ngrira të babait të tyre, të cilën e rritën shpejt gjatë viteve në vijim.

Ai e rriti më tej pasurinë e tij gjatë viteve 1980 duke blerë Triangle Industries dhe duke e shitur atë për herë të parë në vitin 1988.

The post Gruaja e Brooklyn Beckham thuhet se merr 1 milion dollarë në muaj nga babai i saj: Ajo po lahet në pasuri appeared first on Albeu.com.