Senatori amerikan, Lindsey Graham, tha se “ditët e Kubës janë të numëruara”, pas një operacioni ushtarak amerikan që Washingtoni e përshkroi si një “sulm në shkallë të gjerë”, i cili rezultoi në kapjen e presidentit të Venezuelës, Nicolas Maduro.

“Pritni për Kubën. Kuba është një diktaturë komuniste që ka vrarë priftërinj dhe murgesha, ata kanë sulmuar popullin e tyre, ditët e tyre janë të numëruara”, u tha Graham gazetarëve të dielën në Air Force One, ndërsa udhëtonte me presidentin e SHBA-së, Donald Trump.

“Do të zgjohemi një ditë, shpresoj në vitin 2026, në oborrin tonë do të kemi aleatë në këto vende që bëjnë biznes me Amerikën, jo diktatorë narko-terroristë që vrasin amerikanë”, shtoi ai.

Të shtunën, Trump njoftoi se veprimi ushtarak i SHBA-së ndaj Venezuelës rezultoi në kapjen e Maduros dhe gruas së tij, Cilia Flores, duke u zotuar gjithashtu të ushtrojë kontrollin amerikan mbi vendin për momentin, me trupa amerikane nëse është e nevojshme.

Maduro dhe Flores u dërguan në New York të shtunën vonë dhe po mbahen në një qendër paraburgimi në Brooklyn. Ata përballen me akuza federale amerikane të lidhura me trafik droge dhe bashkëpunim të dyshuar me bandat e përcaktuara si organizata terroriste.

Maduro i ka mohuar akuzat dhe zyrtarët në Karakas kanë bërë thirrje për lirimin e çiftit.

Kuba njoftoi gjithashtu se 32 nga luftëtarët e saj u vranë gjatë ndërhyrjes amerikane në Venezuelë, me presidentin Miguel Diaz-Canel që shpalli 5 dhe 6 janar ditë zie kombëtare.

TIRANË- Shtyhet në datë 19 janar gjyqi ndaj kryebashkiakut të Tiranës Erion Veliaj dhe të tjerëve.

Shkak u bë mungesa e avokatëve. Edhe avokatja e caktuar kryesisht për Veliajn, Valentina Todoreskut ndodhet jashtë vendit, ndërsa ka njoftuar gjykatën me email.

Kryebashkiaku i Tiranës, akuzohet nga SPAK për disa vepra penale si korrupsion, pastrim parash, fshehje pasurie, shpërdorim detyre, si dhe futje e sendeve të ndaluara në qeli.

Nga gjetjet e SPAK, rezulton se në të paktën 9 raste Erion Veliaj, ka kryer akte korrupsioni pasiv.

SPAK thotë se, në këmbim të përfitimeve të parregullta në para dhe pasuri të paluajtshme, Veliaj ka dhënë leje ndërtimi apo fonde publike nga Bashkia e Tiranës. Të përfshirë në këtë dosje janë janë edhe 28 persona të tjerë, mes tyre dhe biznesmenë.

Prej datës 10 shkurt të 2025, kryetari i bashkisë së Tiranës Erion Veliaj mbahet në paraburgim./abcnews.al

Era e fortë që ka fryrë gjatë natës në jug të vendit dhe moti i keq ka shkaktuar rënien e disa pemëve, të cilat për pasojë kanë bllokuar rrugën e Llogarasë.

Si pasojë e rrëzimit të pemëve mbi linjat elektrike, zona e Llogarasë ka mbetur pa energji elektrike.

Në vendngjarje ndodhen grupet e punës, të cilat po punojnë për pastrimin e rrugës dhe normalizimin e qarkullimit, ndërsa ekipet e OSHEE-së janë angazhuar për rikuperimin e furnizimit me energji elektrike.

Presidenti amerikan Donald Trump ka deklaruar për gazetarët nga Air Force One, duke u nisur nga Mar-a-Lago drejt Washington DC, se ushtarët amerikanë që u plagosën në operacionin për kapjen e Maduros ndodhen në gjendje të mirë.

Presidenti ka sugjeruar gjithashtu se përparësia e tij aktuale është të “rregullojë” Venezuelën në vend të mbajtjes së zgjedhjeve – dhe paralajmëroi se SHBA-të kanë nevojë për akses të plotë në rezervat e tyre të naftës.

Po ashtu, ai sugjeroi që SHBA-të mund të ndërmarrin operacione ushtarake diku tjetër në Amerikën e Jugut.

“Kolumbia është gjithashtu shumë e sëmurë, e drejtuar nga një njeri i sëmurë, të cilit i pëlqen të prodhojë kokainë dhe ta shesë atë në Shtetet e Bashkuara, dhe nuk do ta bëjë këtë për shumë kohë”, tha Trump në referencë për Presidentin Gustavo Petro.

Kur u pyet nëse SHBA-të do të ndërmerrnin veprime, ai shtoi: “Më duket mirë”.

Imazhe dramatike kanë zbuluar shkatërrimin e sulmeve amerikane të kryera në Venezuelë, si pjesë e operacionit të natës për të kapur diktatorin Nicolas Maduro.

Fotografitë ajrore tregojnë se si disa ndërtesa u shkatërruan në një sulm të vetëm, duke lënë pas sipërfaqe toke të djegura dhe tym që ngrihej sipër.

Sulmet kishin në shënjestër Fuerte Tiuna, kompleksin më të madh ushtarak të Venezuelës në Karakas.

Kjo vjen pasi një zyrtar i lartë venezuelas, i paidentifikuar, pretendon se të paktën 40 persona besohet se janë vrarë në sulme, sipas New York Times.

Burimi tha se kjo përfshinte si personel ushtarak ashtu edhe civilë.

Trump tha se “sulmi në shkallë të gjerë” u krye me qëllim kapjen e Maduros dhe gruas së tij, Cilia Flores, të cilët tani po mbahen në paraburgim në New York me akuza për trafik droge.

Maduro dhe Flores po mbahen në qendrën e paraburgimit metropolitan të Bruklinit, e cila është e njohur për kushtet e saj të këqija dhe ka strehuar gjithashtu Luigi Mangione dhe Sean ‘Diddy’ Combs.

Trump tha se Shtetet e Bashkuara do ta qeverisin Venezuelën për një kohë të pacaktuar ndërkohë, pasi hodhi poshtë mundësinë që udhëheqësja popullore e opozitës së vendit, Maria Corina Machado, të marrë frenat, duke pretenduar se ajo “nuk ka mbështetjen”

Mette Frederiksen tha se “nuk ka absolutisht asnjë kuptim të flasësh për nevojën që Shtetet e Bashkuara të marrin Groenlandën”, duke shtuar: “SHBA-të nuk kanë të drejtë të aneksojnë asnjë nga tre kombet në mbretërinë daneze”.

Komentet e saj vijnë pasi Katie Miller – gruaja e njërit prej ndihmësve të Trump, Stephen Miller – postoi në X një hartë të Groenlandës me ngjyrat e flamurit amerikan së bashku me fjalën “SË SHPEJTI”.

Trump ka ngritur vazhdimisht mundësinë që Groenlanda të bëhet pjesë e aneksuar e SHBA-së, duke përmendur vendndodhjen e saj strategjike dhe pasurinë minerale.

Danimarka tashmë kishte një marrëveshje mbrojtjeje me SHBA-në që i jepte asaj qasje në Groenlandë, tha ajo, dhe Danimarka kishte rritur investimet e saj në siguri në rajonin e Arktikut.

Më parë, ambasadori danez në SHBA iu përgjigj postimit të Miller – një podkastere e krahut të djathtë dhe ish-ndihmëse e Trump gjatë mandatit të tij të parë – me një “kujtesë miqësore” se të dy vendet janë aleate dhe duke thënë se Danimarka priste respekt për integritetin e saj territorial.

Shkëmbimi vjen pasi SHBA-të kryen një operacion të madh ushtarak kundër Venezuelës të shtunën, duke kapur presidentin e saj Nicolas Maduro dhe gruan e tij dhe duke i zhvendosur ata në New York.

Trump më vonë tha se SHBA-të do të “drejtonin” Venezuelën dhe kompanitë amerikane të naftës do të “fillonin të fitonin para për vendin”.

Presidenti amerikan më parë ka refuzuar të përjashtojë përdorimin e forcës për të siguruar kontrollin e Groenlandës, një ishull i madh në Arktik.

Trump ka pohuar se bërja e saj pjesë e Shteteve të Bashkuara do t’u shërbente interesave të sigurisë së SHBA-së, për shkak të vendndodhjes së saj strategjike dhe bollëkut të mineraleve kritike për sektorët e teknologjisë së lartë.

Ditën e hënë vendi ynë do të ndikohet nga kushte atmosferike të paqëndrueshme.

Moti parashikohet me vranësira mesatare dhe të dendura shoqëruar me reshje shiu të herëpashershme dhe lokalisht të vazhdueshme me intensitet të ulët deri mesatar në pjesën më të madhe të territorit.

Në zonën e veriperëndimit (qarku Shkodër) deri në orët e mesditës reshjet me intensitet mesatar deri të lartë në formën e shtrëngatave shoqëruar me shkarkesa elektrike.

Nga orët e pasdites deri ato të mbrëmjes vonë në qarqet Vlorë dhe Gjirokastër reshjet e shiut me intensitet deri të lartë në formën e shtrëngatave/rrebesheve.

Në zonën e Alpeve dhe në relievet malore në lartësitë mbi 1500 metër në verilindje reshje dëbore me intensitet të ulët deri mesatar.

Era do të fryjë me drejtim nga kuadrati i jugut me shpejtësi 12 m/s, ndërsa në zonat luginore dhe bregdet, sidomos në jug era pritet të arrijë deri 24m/s

Valëzimi në det parashikohet të jetë i forcës 4-6 ballë.

Dashi

Yjet do ju krijojnë një ambient te këndshëm dhe relaksues gjate kësaj dite. Do ndiheni mjaft mire ne krahët e atij qe dashuroni. Beqaret gjithashtu do kenë mundësi te njohin një person me te cilin pas pak kohesh do fillojnë një lidhje. Financat do jene te mbrojtura nga yjet, megjithatë nuk është ende momenti i duhur për te kryer investime te mëdha.

Demi

Do kaloni çaste shume te lumtura gjate kësaj dite ju qe jeni ne një lidhje dhe do filloni te mendoni seriozisht për te ardhmen. Beqaret nuk do jene ne humor te mire kështu qe nuk do pranojnë kollaj te dalin me dike. Gjendje e financave do lere për te dëshiruar. ulini te gjitha shpenzimet nëse doni qe te mos bini ne humnere. Mendoni për te nesërmen.

Binjaket

Do tregoheni shume autoritare sot ne jetën tuaj ne çift dhe do jete pikërisht kjo gjë ajo qe nuk do i pëlqejë aspak personit qe dashuroni. Për beqaret do ketë takime, flirte dhe mundësi për aventura kalimtare. Do e kenë vete ne dore se çfarë do bëjnë me pas. Gjendja e financave nuk do ndryshoje nga disa dite me pare. Ju e dini mire çfarë taktike te ndiqni.

Gaforrja

Marrëdhënia ne çift pritet te përmirësohet ndjeshëm gjate kësaj dite. Do arrini te flisni hapur me personin qe keni ne krah dhe do kuptoheni me se miri. Beqaret do ndihen mire me statusin qe kane dhe nuk do kërkojnë ta ndryshojnë atë. Me shpenzimet tregohuni sa me te matur qe te mundeni sepse me vone nuk do ketë me rikthim mbrapa.

Luani

Nëse keni ende vetëm një lidhje dhe nuk keni organizuar asnjë ceremoni zyrtare, sot do filloni t’i mendoni seriozisht gjerat. Beqaret gjithashtu do mundohen te gjejnë mënyrën për ta bere për vete personin qe ju pëlqen. Me pak mund do ja dalin. Financat do kërkojnë me shume maturi dhe kujdes se kurrë me pare. Reflektoni mire para se te shpenzoni.

Virgjeresha

Do kaloni çaste fantastike gjate kësaj dite ne krahët e atij qe dashuroni dhe as qe do ju shkoje neper mend te shkëputeni për ndonjë çast prej tij. Beqaret do jene gati për aventura kalimtare. Mundësitë do jene te shumta. Nëse vazhdoni t’i menaxhoni me kujdes te ardhurat, gjendja do vije dalëngadalë duke u përmirësuar. Shume shpejt do kryeni edhe investimet e menduara.

Peshorja
Mos e privoni veten nga asgjë sot juve qe jeni ne një lidhje, por bëni thjesht atë qe ndjeni. klima yjore do jete e ngrohte dhe plot ngjyra. Beqaret duhet ende te bëjnë durim për ta bere për vete personin qe kane piketuar. Ne fillim ai do beje interesantin. Sektori i financave do jete i paqëndrueshëm. Vetëm ndihme e specialisteve mund t’iu nxjerre nga problemet.

Akrepi

Edhe pse do jeni plot angazhime, sot duhet patjetër te gjeni pak kohe për ta kaluar me partnerin. Nëse vazhdoni ta lini pas dore, lidhjes do i vije fundi. Beqaret do interesohen njëkohësisht për shume persona, por nuk do hedhin asnjë hap me asnjërin. Nëse shpenzimet i kryeni me maturi, gjendja e financave do vije duke u stabilizuar.

Shigjetari

Do afroheni edhe me shume me partnerin tuaj gjate kësaj dite dhe do ndani gjithçka me te. Edhe ata qe kane pasur probleme dhe vështirësi do ndiheni me te qete. Beqaret do jene ne humor dhe do jene gati për lidhje serioze si dhe aventura kalimtare. Ne planin financiar fati do jete ne anën tuaj. Do kryeni te gjitha investimet qe keni dëshiruar.

Bricjapi

Për çdo brenge apo paqartësi qe te keni sot mbi lidhjen tuaj duhet te flisni me atë qe keni ne krah. Ai ehte i vetmi qe mund t’iu sqaroje dhe t’iu mbështesë. Beqaret do kenë takime mbresëlënëse te cilat do ua shtojnë dëshirën për te jetuar. te ardhurat do lënë shume për te dëshiruar. Nuk do mundeni dot as te kryeni shpenzimet e nevojshme.

Ujori

Çdo gjë do ju shkoje ashtu si e kishit menduar sot ne jetën tuaj sentimentale. Do ndiheni mjaft mire dhe te dashuruar marrëzisht pas partnerit. Beqaret do fillojnë ta shohin me një sy tjetër një mik te fëmijërisë. Nuk ka asgjë te keqe qe mes tyre te linde një ndjenje. Ne planin financiar nuk do keni për çfarë te qaheni. Gjendja do jete goxha e qëndrueshme.

Peshqit

Do tregoheni shume te arsyeshëm gjate kuaj dite ne jetën tuaj ne çift dhe gjerat do rrjedhin natyrshëm. Nuk pritet asnjë mosmarrëveshje me partnerin. Beqaret meshkuj do jene me më fat ne dashuri. Femrave do ju duhet te bëjnë akoma me tepër durim. Financat do jene gjate gjithë kohës te mbrojtura. Edhe po kryet ndonjë investim te vogël nuk do ketë probleme.

Rrëzimi i Nicolas Maduro u prit me festë nga emigrantët venezuelianë në disa vende të Amerikës së Jugut dhe jo vetëm.

Venezuelianët që jetojnë në Peru u mblodhën në ambasadën e vendit të tyre në Lima, pasi mësuan lajmin për kapjen e Maduros, dhe kërkuan mbështetje ndërkombëtare.

Në Kili, festimet ishin më të zhurmshme dhe qindra venezuelas dolën në rrugë për të kënduar dhe valëvitur flamuj.

Mijëra emigrantë venezuelianë u mblodhën në qendër të Buenos Aires për të festuar rrëzimin e Nicolas Maduro.

Duke valëvitur flamuj venezuelianë, argjentinas dhe amerikanë, turma u mblodh në një atmosferë festive, me shumë që shprehën lehtësim për largimin e Maduros dhe shpresën se ndërhyrja ushtarake amerikane mund të hapë një kapitull të ri për vendin e tyre.

Edhe venezuelianët që jetojnë në shtetin amerikan të Floridës festuan lajmin për rrëzimin e Maduros. Ata valvitën flamurin e vendit të tyre, teksa brohorisnin për liri.

Lajmi solli festime në mesin e komunitetit të emigrantëve në Spanjë. Venezuelianët që jetojnë në Madrid u mblodhën jashtë konsullatës së vendit të tyre, duke valëvitur flamuj kombëtarë dhe duke qarë me lot gëzimi.

Nga ana tjetër në Meksikë protestuesit u mblodhën bashkë me presidenten Claudia Sheinbaum jashtë ambasadës amerikane për të dënuar administratën Trump pas kapjes së presidentit të Venezuelës.

Duke valëvitur pankarta proteste, ata shprehën shqetësimin se operacioni i SHBA mund të çojë në një ndërhyrje të mundshme në Meksikë dhe pjesë të tjera të kontinentit.

Teksa katër personat e arrestuar në Shkodër si autorë të dyshuar të vrasjes me tritol të 67-vjeçarit Hysni Ymeri pritet të dalin të hënën para gjykatës për caktimin e masave të sigurisë, hetimet kanë zbardhur detaje të reja mbi rolet e secilit prej tyre.

Sipas grupit hetimor, Gerti Bushati dyshohet se është paguar 1 mijë euro për të vendosur lëndën plasëse në paketën elektrike të pallatit ku banonte viktima, më 27 dhjetor, dy ditë para shpërthimit të telekomanduar që i mori jetën Ymerit.

Shuma e parave është gjetur dhe sekuestruar në banesën e tij, ndërsa nuk dihet ende nëse atij i ishte premtuar një pagesë shtesë. Bushati u identifikua përmes kamerave të sigurisë, të cilat e kanë fiksuar duke lëvizur në zonën e krimit dhe më pas duke ndërruar rrobat për të shmangur identifikimin.

27-vjeçari ishte i veshur me kominoshe, të cilat i kishte hedhur sipër rrobave të zakonshme. Pas vendosjes së tritolit, ai largohet nga zona, heq kominoshet dhe i hedh ato në anë të lumit. Pamjet janë siguruar nga kamerat e një biznesi pranë vendngjarjes, ndërsa rrobat janë sekuestruar nga policia.

Hetimet tregojnë se në ditën e atentatit, në lagjen “Manush Alimani” ndodheshin edhe dy të arrestuarit e tjerë, Ergys Ibrahimi dhe Edison Hasaj. Dyshimet më të forta janë se shpërthimi i telekomanduar është aktivizuar nga Ergys Ibrahimi, në momentin kur 67-vjeçari po ngjitej drejt banesës së tij.

Fillimisht, ngjarja u raportua si aksidentale, për shkak të një defekti në rrjetin elektrik, por ky version u rrëzua nga OSHEE, e cila konfirmoi se nuk kishte pasur asnjë problem teknik.
Pas ngjarjes, të dyshuarit u shoqëruan në polici dhe u mbajtën nën përgjim ambiental. Pa e ditur këtë, ata nisën të komunikonin mes tyre, duke forcuar dyshimet e hetuesve për bashkëpunimin në atentat.
Sipas policisë, asnjë nga të arrestuarit nuk ka pasur konflikt të drejtpërdrejtë me viktimën, ndërsa ende nuk është identifikuar porositësi i vërtetë i krimit dhe as motivi i vrasjes.

Katër të dyshuarit do të përballen të hënën me gjykatën për disa vepra të rënda penale, përfshirë:
“Vrasja me paramendim”, e kryer në bashkëpunim
“Shkatërrimi i pronës me eksploziv”
“Mbajtja pa leje e armëve dhe municioneve”
“Prodhimi dhe shitja e narkotikëve”, në bashkëpunim
“Prishja e qetësisë publike”
Hetimet vijojnë për zbardhjen e plotë të atentatit dhe për identifikimin e personave që qëndrojnë pas këtij krimi të rëndë.

Gjykata Supreme e Drejtësisë e Venezuelës ka njoftuar se ka urdhëruar zv.presidenten ekzekutive Delcy Rodriguez të marrë “menjëherë” dhe të ushtrojë detyrën e presidentes së përkohshme, pasi SHBA-ja arrestoi presidentin Nicolas Maduro dhe e dërgoi atë në New York.

Gjykata urdhëroi zv.presidenten Rodriguez të marrë presidencën “në përputhje të rreptë me Kushtetutën dhe ligjet e Venezuelës”.

Tania D’Amelio, kryetare e Dhomës Kushtetuese të gjykatës, tha se vendimi u mor për të siguruar “vazhdimësinë administrative të shtetit dhe mbrojtjen e kombit”.

Gjykata deklaroi se Maduro ndodhet në një “pamundësi materiale dhe të përkohshme” për të ushtruar detyrat e tij.

Dje, qeveria e Venezuelës akuzoi SHBA-në për sulme ndaj objekteve civile dhe ushtarake në disa shtete të vendit dhe shpalli gjendje të jashtëzakonshme kombëtare.

Më vonë, presidenti amerikan, Donald Trump, konfirmoi sulmin “në shkallë të gjerë”, duke shtuar se Maduro dhe bashkëshortja e tij ishin “kapur dhe larguar jashtë vendit”.

Sulmet erdhën pas muajsh presioni në rritje nga SHBA-ja ndaj Maduros, të cilin Washingtoni e akuzon për përfshirje në trafik droge. Udhëheqësi venezuelian i ka mohuar këto akuza dhe ka shprehur gatishmëri për bisedime.

Për muaj të tërë, spiunët amerikanë kishin monitoruar çdo lëvizje të presidentit të Venezuelës, Nicolas Maduro, sipas BBC.

Një ekip i vogël, që përfshinte edhe një burim brenda qeverisë venezuelase, kishte vëzhguar se ku flinte 63-vjeçari, çfarë hante, çfarë vishte dhe madje, sipas zyrtarëve të lartë ushtarakë, edhe “kafshët e tij shtëpiake”.

Më pas, në fillim të dhjetorit, u finalizua një mision i planifikuar me emrin “Absolute Resolve Operation”. Ai ishte rezultat i muajve të tërë planifikimi dhe provash të imtësishme, që përfshinin edhe ndërtimin nga trupat elitare amerikane të një kopjeje të saktë, në madhësi reale, të shtëpisë së sigurt të Maduros në Karakas, për të praktikuar rrugët e hyrjes.

Plani, që përbënte një ndërhyrje të jashtëzakonshme ushtarake amerikane në Amerikën Latine, të paprecedent që nga Lufta e Ftohtë, u mbajt rreptësisht sekret.

Kongresi nuk u informua dhe nuk u konsultua paraprakisht. Me detajet e sakta të përcaktuara, zyrtarëve të lartë ushtarakë u mbeti vetëm të prisnin kushtet optimale për nisjen e operacionit.

Ata donin të maksimizonin elementin e befasisë, thanë zyrtarët.

Kishte pasur një nisje të rreme katër ditë më parë, kur presidenti Trump kishte dhënë miratimin, por u vendos të pritej për mot më të mirë dhe më pak mbulim me re.
“Gjatë javëve të Krishtlindjeve dhe Vitit të Ri, burrat dhe gratë e ushtrisë së Shteteve të Bashkuara qëndruan gati, duke pritur me durim që të plotësoheshin kushtet e duhura dhe presidenti të na urdhëronte të vepronim”, tha shefi më i lartë ushtarak i vendit, gjenerali Dan Caine, në një konferencë shtypi.

“Fat të mbarë dhe Zoti ju ndihmoftë”

Urdhri nga presidenti për të nisur misionin erdhi më në fund në orën 22:46 EDT të së premtes.
“Do ta bënim këtë katër ditë më parë, tre ditë më parë, dy ditë më parë, dhe pastaj papritur u hap mundësia. Dhe thamë: Shkoni”, tha vetë Trump për Fox & Friends dje pak orë pas operacionit të natës.

“Ai na tha, dhe ne e vlerësojmë këtë… fat të mbarë dhe Zoti ju ndihmoftë”, tha gjenerali Caine.

Urdhri i Trump erdhi pak para mesnatës në Karakas, duke i dhënë ushtrisë pjesën më të madhe të natës për të operuar në errësirë.

Ajo që pasoi ishte një mision dy orë e njëzet minuta nga ajri, toka dhe deti, që befasoi shumëkënd në Uashington dhe në mbarë botën.

Për nga shkalla dhe saktësia, ai ishte praktikisht i paprecedentë. Dhe shkaktoi menjëherë dënime nga disa fuqi rajonale, me presidentin e Brazilit, Luiz Inacio Lula da Silva, që tha se kapja e dhunshme e udhëheqësit të Venezuelës vendoste “edhe një precedent jashtëzakonisht të rrezikshëm për të gjithë komunitetin ndërkombëtar”.

Trump nuk e ndoqi misionin nga salla e situatave në Shtëpinë e Bardhë. Në vend të kësaj, ai ishte i rrethuar nga këshilltarët e tij në klubin Mar-a-Lago në Palm Beach, Florida, ku ndoqi një transmetim të drejtpërdrejtë të operacionit, i shoqëruar nga drejtori i CIA-s, John Ratcliffe dhe sekretari i Shtetit, Marco Rubio.

“Ishte diçka e pabesueshme për t’u parë”, tha dje Trump. “Nëse do ta kishit parë çfarë ndodhi… e pashë fjalë për fjalë sikur po shikoja një shfaqje televizive. Dhe nëse do të kishit parë shpejtësinë, dhunën… ishte thjesht diçka e jashtëzakonshme, një punë e mrekullueshme që bënë këta njerëz”.

Në muajt e fundit, mijëra trupa amerikane janë dislokuar në rajon, duke iu bashkuar një aeroplanmbajtëseje dhe dhjetëra anijeve luftarake në grumbullimin më të madh ushtarak në dekada, ndërsa presidenti Trump ka akuzuar Maduron për trafik droge dhe narko-terrorizëm, si dhe ka shkatërruar dhjetëra varka të vogla të akuzuara për transport droge në rajon.

Por shenjat e para të operacionit  u shfaqën në qiell. Sipas zyrtarëve amerikanë, më shumë se 150 avionë përfshirë bombardues, avionë luftarakë dhe mjete zbulimi  u angazhuan gjatë natës.

“Ishte shumë komplekse, jashtëzakonisht komplekse, e gjithë manovra, uljet, numri i avionëve”, tha Trump për Fox News. “Kishim një avion luftarak për çdo situatë të mundshme”.

Shpërthime të forta u dëgjuan në Karakas rreth orës 02:00 me orën lokale, dhe re tymi u panë duke u ngritur mbi qytet.

“Dëgjova një zhurmë të madhe, një shpërthim të fortë”, tha një gazetare, Ana Vanessa Herrero. “I lëvizi të gjitha dritaret. Menjëherë pas kësaj pashë një re të madhe tymi që pothuajse bllokoi të gjithë pamjen”.

“Avionë dhe helikopterë po fluturonin kudo mbi qytet”, tha ajo.

Së shpejti, në rrjetet sociale nisën të qarkullonin gjerësisht video që tregonin avionë të shumtë në qiell dhe të tjera që tregonin pasojat e dukshme të shpërthimeve.

Njëra tregonte një kolonë helikopterësh që fluturonin në lartësi të ulët mbi Karakas, ndërsa tymi ngrihej nga shpërthime të dukshme.

“U zgjuam rreth orës 01:55 nga gjëmimi i shpërthimeve dhe zhurma e avionëve që fluturonin mbi Karakas”, tha një dëshmitare, Daniela. “Gjithçka u zhyt në errësirë të plotë, e ndriçuar vetëm nga shkëndijat e shpërthimeve aty pranë”.

“Fqinjët po shkruanin në grupin e bisedave të pallatit, të gjithë të hutuar dhe të pavetëdijshëm se çfarë po ndodhte, [dhe] të frikësuar nga shpërthimet”, shtoi ajo.

Një numër videosh tregojnë shpërthime, zjarr dhe tym në zona të ndryshme të Karakasit.

Deri tani janē konfirmuar pesë lokacione, të goditura gjatë sulmeve, përfshirë Bazën Ajrore “Generalissimo Francisco de Miranda”, një fushë ajrore të njohur si “La Carlota:, dhe portin La Guaira, korridori kryesor i Karakasit drejt Detit Karaibe.

Disa nga goditjet amerikane kishin në shënjestër sisteme të mbrojtjes ajrore dhe objektiva të tjera ushtarake, thanë zyrtarët.

Presidenti Trump sugjeroi gjithashtu se SHBA-ja i ndërpreu energjinë elektrike Karakasit përpara nisjes së misionit, megjithëse nuk specifikoi se si.

“Dritat e Karakasit u fikën kryesisht falë një ekspertize të caktuar që ne kemi”, tha ai. “Ishte errësirë dhe ishte vdekjeprurëse.”

“Ata e dinin se po vinim”

Ndërsa goditjet tronditnin Karakasin, forcat amerikane u futën në qytet. Ato përfshinin anëtarë të njësisë elitare “Delta Force,” njësia më e lartë e misioneve speciale të ushtrisë amerikane. Ata ishin të armatosur rëndë dhe mbanin edhe një pishtar prerës, në rast se do t’u duhej të prisnin dyert metalike të shtëpisë së sigurt të Maduros.

Sipas gjeneralit Caine, trupat mbërritën në vendndodhjen e Maduros pak pasi nisën goditjet, në orën 02:01 me orën lokale.

Trump e përshkroi shtëpinë e sigurt si një “fortesë” ushtarake në zemër të Karakasit.
“Ata ishin në pozicion gati duke na pritur. E dinin që po vinim”, tha ai.

Trupat u qëlluan sapo mbërritën, dhe një nga helikopterët amerikanë u godit, por arriti të vazhdonte fluturimin.
“Forcat amerikane zbritë në kompleksin e Maduros dhe vepruan me shpejtësi, saktësi dhe disiplinë”, tha gjenerali Caine.

“Ata thjesht hynë me forcë, dhe hynë në vende që realisht nuk ishin menduar të hapeshin, dyer çeliku të vendosura pikërisht për këtë arsye”, tha Trump.

Vetëm ndërsa operacioni po zhvillohej dhe që përfshiu edhe kapjen e bashkëshortes së Maduros, Cilia Flores sekretari i Shtetit Rubio filloi të njoftonte ligjvënësit për veprimin, një vendim që ka shkaktuar zemërim te disa anëtarë të Kongresit.

“Le të jem i qartë; Nicolas Maduro është një diktator i paligjshëm. Por nisja e një veprimi ushtarak pa autorizimin e Kongresit dhe pa një plan të besueshëm për atë që vjen më pas është e pamatur”, tha demokrati kryesor Chuck Schumer, udhëheqësi i partisë në Senat.

Njoftimi paraprak i Kongresit do ta kishte rrezikuar misionin, u tha gazetarëve Rubio gjatë konferencës për shtyp të së shtunës.
“Kongresi ka një prirje për të rrjedhur informacione”, shtoi Trump. “Kjo nuk do të ishte gjë e mirë”.

Në kompleksin e Maduros, ndërsa trupat elitare amerikane po hynin me shpejtësi, Trump tha se presidenti venezuelia, i cili thuhet se në muajt e fundit ka rritur mbështetjen te truprojat kubane, u përpoq të arratisej drejt një dhome të sigurt.
“Ai po përpiqej të shkonte në një vend të sigurt, i cili nuk ishte i sigurt, sepse do ta kishim hedhur në erë derën për rreth 47 sekonda”, tha ai.

“Ai arriti te dera. Nuk arriti ta mbyllte”, tha Trump. “U sulmua aq shpejt sa nuk arriti të futej në atë dhomë”.

Kur u pyet nëse SHBA-ja mund ta kishte vrarë Maduron, një udhëheqës autoritar që mori presidencën në vitin 2013, nëse ai do t’i kishte rezistuar arrestimit, Trump tha se kjo “mund të kishte ndodhur”.

Nga pala amerikane, “disa djem u plagosën”, tha ai, por asnjë ushtar amerikan nuk u vra.

Autoritetet venezueliane nuk kanë konfirmuar viktima.

SHBA-ja kishte ofruar më parë një shpërblim prej 50 milionë dollarësh për informacion që do të çonte në arrestimin e Maduros. Por deri në orën 04:20 me orën  lokale të së shtunës, helikopterët po largoheshin nga territori venezuelian me Maduron dhe bashkëshorten e tij në bord, nën kujdesin e Departamentit të Drejtësisë dhe në rrugë drejt Nju Jorkut, ku pritet të përballen me akuza penale.

Pothuajse saktësisht një orë më vonë, Trump njoftoi botën për kapjen e tij.

“Maduro dhe gruaja e tij së shpejti do të përballen me gjithë fuqinë e drejtësisë amerikane”, përfundoi ai.

Një 19-vjeçar pas një konflikti për motive të dobëta ka goditur me thikë një 24 vjeçar në Gjirokastër.

I dëmtuari është transportuar në spital dhe ndodhet jashtë rrezikut për jetën.

Po ashtu u procedua penalisht edhe një 18-vjeçar, banues në Gjirokastër.

Ai akuzohet për veprën penale “Moskallëzimi i krimit”, pasi dyshohet se ka qenë i pranishëm gjatë konfliktit, por nuk ka kallëzuar ngjarjen në Polici.

TIRANË- Një 46-vjeçar ka humbur jetën pasi është përplasur nga autobusi. Ngjarja ka ndodhur ne vendin e quajtur “Ura e Peshkatarit” në Tiranë. Sipas policisë, në pranga ka rënë shoferi 56-vjeçar.

“Një 56 vjeç ësgtë arrestuar, pasi mbrëmjen e djeshme, në afërsi të vendit të quajtur “Ura e Peshkatarit” autobuzi që drejtonte ka aksidentuar këmbësorin shtetasin, 46 vjeç, i cili për pasojë ka humbur jetën”, njoftoi policia.

Mediat amerikane kanë publikuar pamje nga momenti kur Nocolas Maduro ka mbërritur në zyrat e DEA në New York. Në video, Maduro shfaqet me shapka dhe me një shishe uji në dorë, shoqëruar nga dy agjentë të DEA.

Presidenti i Venezuelës u arrestua së bashku me gruan e tij nga Delta Force amerikane të shtunën . Ai u mor me avion ushtarak nga kryeqyteti i Venezuelës dhe më pas u dërgua në  New York.

Në një video të shpërndarë nga Shtëpia e Bardhë, Maduro dëgjohet duke thënë “Mirëmbrëma, gëzuar Vitin e Ri”.

 

View this post on Instagram

 

A post shared by ABC News Albania (@abcnewsal)

Maduro akuzohet për “komplot për narko-terrorizëm, komplot për importimin e kokainës në Shtetet e Bashkuara, si dhe posedim të mitralozëve dhe mjeteve shpërthyese”. Ajo shtoi se këto veprime janë konsideruar si të drejtuara kundër SHBA-së.

Prokurorja e përgjithshme e Shteteve të Bashkuara, Pam Bondi, ka zbardhur akuzat ndaj Presidentit te Venezuelës, Nicolas Maduro. Ky i fundit është paditur penalisht në Distriktin Jugor të New Yorkut nën akuza të rënda që lidhen me trafik droge dhe armësh.

Kina i ka bërë thirrje Shteteve të Bashkuara të Amerikës që të lirojnë “menjëherë” presidentin e Venezuelës, Nicolas Maduro, dhe bashkëshorten e tij, të cilët ndodhen në paraburgim në SHBA.

Në një deklaratë zyrtare, Ministria e Jashtme e Kinës i kërkoi Washingtonit të garantojë sigurinë e Presidentit Maduro dhe të gruas së tij, të ndalë përpjekjet për përmbysjen e qeverisë venezueliane dhe të zgjidhë situatën përmes dialogut dhe negociatave.

“Kina dënon fuqimisht përdorimin e hapur të forcës nga SHBA-të kundër një shteti sovran,” thuhet më tej në reagimin e Pekinit, duke theksuar se veprime të tilla shkelin parimet e së drejtës ndërkombëtare dhe sovranitetin e vendeve të pavarura.

Proteinat që qarkullojnë në gjak po shndërrohen në një mjet kyç për të kuptuar më mirë sëmundjet kronike. Ndryshe nga gjenet, të cilat tregojnë rreziqe të trashëguara, proteinat ofrojnë informacion në kohë reale për proceset që ndodhin në organizëm, përfshirë mënyrën si trupi rregullon energjinë dhe zhvillon sëmundje si diabeti apo problemet kardiovaskulare, sipas “The Independent”.

Një studim i ri, i botuar në revistën “Circulation: Genomic and Precision Medicine” ka analizuar lidhjen mes proteinave të gjakut dhe shëndetit të zemrës. Studiuesit shqyrtuan mbi 45 mijë mostra gjaku nga databaza britanike UK Biobank, duke matur nivelet e disa proteinave që ndikojnë drejtpërdrejt në presionin e gjakut dhe funksionin e zemrës.

Rezultatet treguan se nivelet e këtyre proteinave ndryshojnë ndjeshëm nga një individ te tjetri, në varësi të moshës, gjinisë, stilit të jetesës, përdorimit të barnave dhe prejardhjes.

Kjo përforcon idenë se trajtimet standarde nuk funksionojnë njësoj për të gjithë dhe se mjekësia duhet të bëhet më e personalizuar.

Vëmendje të veçantë mori proteina ACE2, e njohur gjerësisht gjatë pandemisë COVID-19. Përveç rolit të saj në infeksionet virale, ACE2 ndihmon në relaksimin e enëve të gjakut duke neutralizuar substanca që shkaktojnë ngushtimin e tyre, çka kontribuon në uljen e presionit arterial.

Tek personat me presion të lartë të gjakut ose diabet të tipit 2, nivelet e ACE2 rezultuan më të larta, veçanërisht te gratë.

Sipas studiuesve, ky mund të jetë një mekanizëm mbrojtës i organizmit, një përpjekje natyrore për të kundërshtuar efektet e këtyre sëmundjeve.

Ky zbulim mund të ndikojë në mënyrën se si përdoren barnat për hipertensionin.

Aktualisht, shumë terapi fokusohen në bllokimin e proteinës ACE1, ndërsa ACE2 vepron në drejtim të kundërt. Balanca mes këtyre dy proteinave mund të përcaktojë se cili trajtim është më efektiv për secilin pacient.

Studiuesit sugjerojnë se në të ardhmen, rritja e kontrolluar e niveleve të ACE2, përmes barnave ekzistuese si metformina apo terapive të reja, mund të hapë rrugë për trajtime më të sigurta dhe më efikase të presionit të gjakut dhe diabetit.

Avionët luftarakë Typhoon të Forcave Ajrore Mbretërore i janë bashkuar avionëve francezë në një sulm të përbashkët ndaj një depoje nëntokësore armësh në Siri, të përdorur nga grupi i Shtetit Islamik (ISIS).

Objekti, i identifikuar nga inteligjenca, besohet se ruante armë dhe eksplozivë dhe ndodhej në malet në veri të Palmirës, një vend i lashtë në Sirinë qendrore.

“Avionët tanë përdorën bomba të drejtuara Paveway IV për të synuar një numër tunelesh hyrëse deri në objekt… treguesit fillestarë janë se objektivi u qëllua me sukses”, tha Ministria e Mbrojtjes e Mbretërisë së Bashkuar.

“Ky veprim tregon lidershipin tonë në Mbretërinë e Bashkuar dhe vendosmërinë për të qëndruar krah për krah me aleatët tanë, për të shuar çdo ringjallje të ISIS-it dhe ideologjive të tyre të rrezikshme dhe të dhunshme në Lindjen e Mesme”, tha Sekretari i Mbrojtjes i Mbretërisë së Bashkuar, John Healey.

“Dua të falënderoj të gjithë anëtarët e forcave tona të armatosura të përfshira në këtë operacion për profesionalizmin dhe guximin e tyre”, shtoi ai.

Në dhjetor, ushtria amerikane kreu atë që e quajti një “sulm masiv” kundër objektivave të ISIS-it në Siri , pasi një pritë vrau dy ushtarë amerikanë dhe një përkthyes civil në Palmyra.

Kombet e Bashkuara thonë se ISIS-i ka ende midis 5,000 dhe 7,000 luftëtarë në Siri dhe Irak.

Astronomët kanë njoftuar se mund të kenë gjetur dëshmi për ekzistencën e një planeti të nëntë në sistemin tonë diellor, shumë përtej orbitës së Neptunit, sipas “Sciencealert”.

Zbulimi bazohet në analiza të të dhënave infra të kuqe të mbledhura dekada më parë, të cilat tregojnë praninë e një objekti të madh dhe shumë të ftohtë që lëviz ngadalë në hapësirë.

Objekti i dyshuar është identifikuar duke krahasuar të dhëna nga sateliti amerikan IRAS i vitit 1983 dhe misioni japonez AKARI i vitit 2006.

Në këto të dhëna u vu re një sinjal i dobët termik që kishte ndryshuar pozicion me kalimin e 28 viteve, një tregues i mundshëm i një orbite rreth Diellit.

Sipas vlerësimeve, ky trup qiellor mund të ndodhet në një distancë prej 500 deri në 700 njësish astronomike nga Dielli, duke e bërë atë jashtëzakonisht të largët.

Nëse konfirmohet si planet, ai mund të ketë një masë 7 deri në 17 herë më të madhe se ajo e Tokës dhe një temperaturë ekstreme shumë nën zero, çka shpjegon pse është kaq i vështirë për t’u zbuluar.

Ky zbulim lidhet ngushtë me misteret e Kuiper Belt, një rajon përtej Neptunit i mbushur me trupa akullnajorë.

Prej vitesh, astronomët kanë vërejtur se disa prej këtyre objekteve kanë orbita të çuditshme dhe të grupuara, gjë që sugjeron ndikimin gravitacional të një planeti të madh të padukshëm.

Karakteristikat e planetit të mundshëm e afrojnë atë me Uranin dhe Neptunin, të ashtuquajturit gjigantë akullnajorë, të cilët kanë atmosfera të pasura me hidrogjen, helium dhe metan.

Për shkak të distancës dhe temperaturës së ulët, teleskopët infra të kuqe mbeten mjeti kryesor për zbulimin e tij.

Megjithatë, shkencëtarët theksojnë se provat aktuale nuk janë ende përfundimtare.

Nevojiten vëzhgime të reja dhe të vazhdueshme për të konfirmuar lëvizjen orbitale të objektit dhe për të përjashtuar mundësinë që ai të jetë një burim i largët në sfond.

Nëse konfirmohet, ky zbulim do të ndryshonte ndjeshëm kuptimin tonë për strukturën e sistemit diellor dhe do të rikthente zyrtarisht idenë se Dielli ynë ka nëntë planetë, duke hapur një kapitull të ri në astronomi.

Ditën e diel vendi ynë pritet të ndikohet nga kushte të paqëndrueshme atmosferike. Moti parashikohet i vranët në pjesën më të madhe të territorit.

Vranësirat do të shoqërohen me reshje shiu me intensitet kryesisht të ulët dhe lokalisht deri mesatar.

Në zonën e veriperëndimit dhe jugperëndim reshjet parashikohen me intensitet mesatar deri të lartë në formën e shtrëngatave shoqëruar me shkarkesa elektrike.

Ndërsa në relievet e larta malore në zonën e Alpeve reshje bore me intensitet të ulët.

Era do të fryjë me drejtim nga kuadrati i jugut me shpejtësi 12m/s, ndërsa në zonat luginore dhe bregdet, era pritet të arrijë deri në 24m/s.

Valëzimi në det do jetë i forcës 5-6 ballë.