Hyrja në fuqi e ligjit për rivlerësimin e pasurive të paluajtshme me normë 5% pritet të zhbllokojë një numër të konsiderueshëm kontratash premtimi të mbetura pezull prej vitesh.

LEXO EDHE: Rivlerësimi i pronës 5%, Presidenti Begaj dekreton ligjin. Ja si do të funksionojë

Sipas Shoqatës së Ndërmjetësve të Pasurive të Paluajtshme, rreth 530 mijë kontrata premtimi ndodhen aktualisht në pritje të rivlerësimit për t’u formalizuar.

“Rivlerësimi i pronës me 5 për qind do ketë interes të lartë për këdo që është përgatitur që ta tregtojë pasurinë e paluajtshme në 2-3 vitet e ardhshme. Ka një interes të rritur, sidomos në ato njësi, në ato qytete dhe ndërtime të cilave u ka ndyshuar çmimi i referencës”.

Ndërkohë, përfshirja në tatim e tarifës së amortizimit të godinës konsiderohet se prek vetëm një segment të kufizuar të tregut.

“Në këtë vit ne besojmë që do të ketë shumë alternativa në treg për cilindo që do të investojë në pasuri të paluajtshme, për këdo do të gjejë një banesë ekonomike. Një komponent i cili do të hyjë në punë dhe do të jetë funksional vetëm për një pjesë të vogël të tregut, për ato prona të cilat janë shumë të amortizuara, janë të vjetra dhe nuk arrijnë çmimin e referencës”.

Afati për kryerjen e rivlerësimit pritet të jetë që nga botimi i ligjit në fletoren zyrtare e deri në fund të vitit 2026.

Tregu turk i futbollit është shndërruar në një alternativë kryesore për lojtarët e nivelit të lartë, krahas Arabisë Saudite dhe Shteteve të Bashkuara.

Klubet kryesore si Galatasaray dhe Fenerbahçe kanë fituar terren në Europë, duke u mbështetur kryesisht në fuqinë financiare.

Gjatë merkatos së vitit 2025, skuadrat turke kanë kryer investime të konsiderueshme, përfshirë blerjen e Victor Osimhen dhe afrimin e Leroy Sane.

Ky stabilitet ekonomik mundësohet nga tre faktorë kryesorë: taksimi i ulët, mbështetja shtetërore dhe menaxhimi i pasurive të paluajtshme. Futbollistët në Turqi përfitojnë nga një normë tatimore prej 20%, e cila është dukshëm më e ulët se tatimi prej 40-50% në ligat kryesore europiane.

Bankat shtetërore ofrojnë kredi me interesa të lehtësuara për katër klubet e mëdha, pavarësisht borxheve të tyre të akumuluara. Një ligj kombëtar i vitit 2022 që synonte kufizimin e borxhit deri në 10% të xhiros vjetore, nuk ka gjetur zbatim të plotë ndaj këtyre shoqërive. Për të balancuar bilancet financiare, klubet kanë shitur pasuri të paluajtshme me vlera që arrijnë deri në qindra miliona euro.

Fenerbahçe dhe Galatasaray kanë gjeneruar të ardhura të larta përmes shitjes së trojeve dhe qendrave stërvitore në Stamboll. Këto burime financiare kanë lehtësuar transferimin e emrave si Ederson, Skriniar, Gundogan dhe Icardi në kampionatin turk.

Interesi i këtyre klubeve mbetet i lartë edhe për lojtarë të tjerë të Serisë A, si Davide Frattesi dhe Ademola Lookman. Ky model ekonomik po ndryshon vazhdimisht hierarkinë e transferimeve në futbollin ndërkombëtar.

“Eurocontol” ka miratuar tarifat e terminalit për Aeroportin Ndërkombëtar të Tiranës dhe atë të Kukësit (edhe pse ky i fundit nuk ka fluturime).

Organizata që menaxhon trafikun ajror europian dhe faturon e mbledh tarifat (për llogari të Albcontrol), vendosi që për vitin 2026, tarifa për Aeroportin e Tiranës të jetë 191.71 euro euro/avion nga 214 euro në vitin 2025, me një ulje rreth 10.5%.

Për Aeroportin e Kukësit i kategorizuar si aeroport i zonës 2, tarifa e miratuar nga “Eurocontol” për këtë vit është 95.85 euro nga 107 euro në vitin paraardhës.

Interesi që paguhet për detyrimet që nuk shlyhen në kohë ka shënuar ulje gjithashtu ku nga 13.79% që ishte vitin e shkuar, gjatë 2026-ës rezulton 12.38 për vit.

Shqipëria ka dy aeroporte funksionalë, ndërkohë që një i tretë po ndërtohet në Vlorë dhe që parashikohet të përfundojë dhe të  nisë operimet këtë verë, të paktën siç është deklaruar nga institucionet.

Kjo gjithsesi  mbetet e paqartë për shkak se nuk ka një konfirmim të fundit mbi punimet.  Shqipëria po përjeton vitet e fundit një bum turistik ku vizitorët që vijnë nga ajri po zënë peshë gjithmonë e më të madhe.

Vetëm në Aeroportin e Tiranës gjatë vitit 2025 iu është shërbyer 10.1 milionë pasagjerëve. Deri në fund të dhjetorit 2025, Shqipëria priti mbi 12 milionë turistë.

Çfarë është tarifa e terminalit

Në një shpjegim të zgjeruar të “Eurocontrol” tarifat e terminalit janë fatura që dërgohen nga organizata ndërkombëtare çdo muaj (në mes të muajit pasues) për fluturimet që u zhvilluan në muajin paraardhës bashkë me faturën e tarifës së itinerarit.

Dokumentet e faturimit tregojnë qartë shtetin për të cilin vilen këto para. Termat e pagesës për pjesën e tarifave të terminalit janë të njëjta me ato të itinerarit që aplikohen nga “Eurocontrol” që do të thotë 30 ditë nga data e faturimit.

Lidhur me mënyrën sesi llogariten këto tarifa, “Eurocontrol” sqaron se vendet anëtare përcaktojnë zonat e tarifimit për terminalet që mund të jetë një aerodrom apo disa aerodrome që lokalizohen në një vend të caktuar ku ofrohen shërbime për të cilën duhet të paguhet tarifë. Tarifat e terminalit vendosen vetëm për fluturimet që nisen dhe marrin parasysh dy elemente thelbësore.

Së pari, peshën e avionit që niset dhe së dyti, njësinë e tarifës për aerodromin nga ku bëhet nisja. Rezultati që merret pasi bëhet shumëzimi i dy elementëve është vlera që paguhet për terminalin. Faktori i peshës llogaritet në ton metrike. /Monitor

Ndryshe siç jemi mësuar vitet e fundit, gjatë 2026-ës, bonusi për pensionistët do të shpërndahet gjatë 12 muajve të vitit.

Por vendimi i qeverisë, i miratuar në 30 dhjetor 2025, ka një sërë kufizimesh për përfitimin e bonuseve.

Kush ka pension mbi 40 mijë lekë nuk do të ketë asnjë qindarkë shtesë. Dhe këtu bëhet fjalë për afro 36 mijë pensionistë.

Bonusin 1,800 lekë në muaj do ta marrin vetëm ata që kanë pension deri në 40 mijë lekë, ku përfshihen pensionet urbane të plota, nënat me shumë fëmijë si dhe minatorët, naftëtarët apo metalurgët.

Kategoria e dytë me 800 lekë bonus në muaj, përfitohet nga ata që kanë të pension deri në 22 mijë lekë, ku bëjnë pjesë pensionet e pjesshme urbane apo pensionet sociale që përfitohen pasi mbushet mosha 70 vjeç.

1,000 lekë në muaj do të marrin ata me pension deri në 18 mijë lekë, ku futen pensionet rurale, kurse ata që do të përfitojnë 600 lekë ose pensionet familjare nuk duhet të kenë të ardhura mbi 30 mijë lekë.

Grupi i fundit i përfituesve, ata me pension invaliditeti, duhet të kenë deri 18 mijë lekë pension që të marrin shpërblimin mujor 700 lekë.

Nga ana tjetër, këto tavane, për përfitimin e bonusit, përbëjnë një kufizim më vete, për ata që kanë pensione në vlera të afërta me tavanet. Këta pensionistë nuk do e marrin të plotë kompensimin mujor.

Për shembull, nëse një qytetar ka pension 39 mijë lekë, e për pasojë do duhet të ishte përfitues i bonusit 1,800 lekë në muaj, ai në të vërtetë, do të marrë vetëm 1,000 lekë, në mënyrë që të mos kalojë tavanin prej 40 mijë lekësh. E po kështu dhe për rastet e ngjashme me tavanet e tjera.

Sipas Institutit të Sigurimeve Shoqërore, në total, do të marrin bonus mujor 727 mijë pensionistë nga afro 763 mijë që janë në total.

Vetëm 36% e tyre do të marrin 1,800 lekë në muaj, pasi pjesa dërrmuese gati 41% do marrin 800 lekë, ndjekur nga 10.3% që do të marrin 1,000 lekë, e pjesa tjetër janë në vlerat 600-700 lekë.

Gjithashtu, duke nisur nga ky vit rritet mosha e daljes në pension për gratë. Nga 61 vjeç e 10 muaj këtë vit, dalin në pension pasi të mbushin 62 vjeç, kurse për burrat do të vazhdojë të jetë 65 vjeç, deri në 2031. Pas kësaj periudhe rritja do të jetë më një muaj çdo vit derisa të plotësohet pragu prej 67 vjeç.

Për të dyja gjinitë rriten edhe vitet e punës për të marrë pension të plotë nga 38 vite e 8 muaj në 39 vite punë.

U mbajt këtë mbrëmje protesta e rradhës para Bashkisë së Durrësit, ku dhjetëra qytetarë akuzuan pushtetin vendor dhe kryebashkiaken Emiriana Sako për mosmarrjen e masave të nevojshme me qëllim shmangien e përmbytjes së qytetit.

Protestuesit kërkuan vlerësimin e saktë dhe të plotë të dëmeve që u janë shkaktuar nga përmbytjet dhe menjëherë pas këtij procesi, shpërndarjen e dëmshpërblimit të merituar.

Shumë prej tyre pretenduan se nuk kanë marrë ende dëshmpërblimet e humbjeve të shkaktuara nga përmbytjet vitin e kaluar, por edhe më parë.

Tubimi me dhjetëra pjesëmarrës u udhëhoq nga eksponentë të Partisë Demokratike dhe asaj të Lëvizjes “Shqipëria Bëhet”. Këta të fundit pretenduan se patronazhistë të Partisë Socialiste kanë kërcënuar qytetarët që morën pjesë në protestën e djeshme, duke u thënë se nëse do të dalin sërish në shesh, nuk do të dëmshpërblehen për dëmet që e shkaktuara nga uji që përgjatë ditëve të fundit u ka pushtuar tokat, bizneset dhe shtëpitë.

Marco Baroni, trajneri i Torinos, në vigjilje të ndeshjes me Atalantan,  sfidë e vlefshme për javën e 20-të të Serie A, foli edhe për situatën e mesfushorit të Kombëtares, Kristjan Asllani.

“Është në konsideratë, ka qenë deri tani. Merkatoja? E ripërsëris, është një sezon i gjatë, duhet të jemi të gjithë gati të punojmë me këtë situatë, si unë, ashtu edhe lojtarët. Nuk lejoj të mendohet për diçka tjetër, përveç performancës”.

Asllani tashmë po përflitet për kthim tek Interi, ose huazim diku tjetër, madje që në merkaton e janarit, me tekniku n e Torinos që është shprehur:

“Kristjan ka pasur gjithmonë sjellje të shkëlqyer, mbetet lojtar i Toros. Së bashku po punojmë për t’i përmirësuar gjërat. Në ndeshjet ku nuk ka luajtur, kjo ka të bëjë edhe me karakteristikat. Ilkhan tregoi më shumë dinamizëm dhe dëshirë për ta treguar veten, ndaj i dhashë shansin e lojës”.

Ish drejtuesi i SPAK, Altin Dumani, përveç prokuror pranë Prokurorisë së Posaçme dhe drejtues i sektorit të marrëdhënieve me jashtë në këtë institucion, do të mbajë edhe një tjetër funksion.

Ditën e sotme, Këshilli i Lartë i Prokurorisë ka miratuar një kërkesë të ish kryeprokurorit i cili ka kërkuar miratim për të zhvilluar aktivitet jashtë funksioneve të prokurorisë.

Dumani ka marrë leje për tu angazhuar si ekspert kryesor në trajnimin praktik të masterklasit të nivelit të lartë për prokurorë, hetues dhe gjyqtarë nga Kosova, të organizuar nga Ambasada Britanike në Prishtinë.

Ndërkohë, KLP ka vendosur edhe emërimin e prokurorit Arens Çela në pozicionin e drejtuesit të Prokurorisë Tiranë, për një mandate 3-vjeçar.

Policia italiane ka arrestuar 2 shqiptarë në Lunigiana pasi bënë manovra të rrezikshme në rrugë.

Sipas mediave vendase, e diela u shndërrua në një makth për shoferët që udhëtonin në autostradën A15 në Lunigiana, pasi një BMW gri me targa zvicerane shkaktoi panik tek automjetet e tjera, duke bërë manovra.

Sipas forcave të rendit, gjithçka filloi në orën 11:30 të paradites së së dielës, më 21 dhjetor, kur BMW-ja, e drejtuar nga njëri prej dy shqiptarëve, filloi të ecte me shpejtësi në autostradën A15, duke rrezikuar sigurinë e shoferëve të tjerë.

Manovrat e pamatura tërhoqën menjëherë vëmendjen e Policisë Rrugore dhe patrullave të Karabinierëve të Pontremoli-t, të cilët dyshuan menjëherë se drejtimi i rrezikshëm i automjetit mund të lidhej me një shofer të dehur  ose nën efektin e drogës.

Një patrullë e policisë rrugore vuri re mjetin dhe e ndaloi, por shoferi pak çaste më vonë u largua përsëri me shpejtësi. Më pas një makinë patrullimi e karabinierëve iu vu nga pas duke bllokuar çdo rrugë të mundshme arratisjeje.

Ndjekja përfundoi në Pianturcano, mjeti humbi kontrollin dhe u përplas me portën e një ferme, duke e rrëzuar.

Oficerët e policisë ndërhynë shpejt, duke arrestuar dy personat në makinë.

Kryeministri Edi Rama ka ndarë në rrjetet e tij sociale disa foto nga terreni, ku tregon angazhimin e forcave të Batalionit të Xhenios në zonat e prekura nga reshjet e dendura të shiut.

Sipas Ramës, në Gjirokastër, Kurbin dhe në të gjitha zonat ku situata e reshjeve ka shkaktuar problematika, forcat dhe mjetet e Batalionit të Xhenios janë në ndërhyrje të vazhdueshme.

“Gjirokastër, Kurbin dhe kudo ku situata e reshjeve ka shkaktuar problematika, forcat dhe mjetet e Batalionit të Xhenios po ndërhyjnë për pastrimin e rrugëkalimeve të bllokuara, si dhe për rregullimin e shtratit të lumenjve“, shkruan Rama në postimin e tij.

Rikthehet në ekranin e Fax News, emisioni “Alo Policia-129”, nga Fatjon Softa.

Kjo do të jetë puntata e parë për vitin 2026 dhe fokusi do të shkojë tek dy ngjarje të aktualitetit vendas dhe botëror, situata me përmbytjet në vend dhe ajo çfarë po ndodh në botë pas ndërhyrjes së SHBA në Venezuelë.

Të ftuar në emision janë: Genc Burimi, Juxhina Sotiri Gjoni, Dedë Prenga dhe Agron Haxhimali!

“Pjesa e parë e emisionit – Siguria Globale dhe Gjeopolitika: Ndërhyrja në Venezuelë, Groenlanda dhe rreziqet e përplasjes SHBA- Bashkimi Europian, rreziqet e ndërhyrjes në Taiwan dhe si ndryshon arkitektura e sigurisë globale.

Pjesa e dytë e emisionit – Përmbytjet dhe Siguria Civile! Fatkeqësi natyrore apo keqmenaxhim?”, shkruan në Facebook drejtuesi i emisionit.

“Alo Policia-129” nis në ora 20:00, ndërsa mund të ndiqet edhe LIVE në dy profilet zyrtare të Fax News dhe Fax Web në Facebook.

Mercedes-Benz CLA u shpall “makina e vitit 2026” në Panairin e Automobilave në Bruksel sot, çmimi i dytë i këtij lloji për kompaninë Mercedes në historinë e këtij ankete.

Për këtë çmim garonin edhe gjashtë modele të tjera, “Fiat Grade Panda”, “Skoda Elrok”, “Citroen C5 Ercross”, “Dacia Bigster”, “Renault 4” dhe “Kia EV4”.

CLA fitoi 320 pikë në votimin e gazetarëve evropianë, me një avantazh të konsiderueshëm ndaj “Skoda Elrock” me 220 pikë dhe automjetit “Kia EV4”, i cili mori 206 pikë.

Në këtë konkurs votuan gjithsej 59 anëtarë të jurisë nga 23 vende. Çdo anëtar i jurisë kishte 25 pikë për të shpërndarë, asnjë makinë nuk mundi të merrte më shumë se 10 pikë nga një anëtar, dhe të paktën pesë makina duhej të merrnin pikë nga secili anëtar.

CLA ishte zgjedhja e parë për 22 anëtarët e jurisë, ndërsa “Citroen C5 Aircross” mori më shumë vende të para midis finalistëve të tjerë, 15 gjithsej.

Juria theksoi se pavarësisht çmimit më të lartë dhe raportit disi më të keq të hapësirës dhe rehatisë, CLA ofron avantazhe të rëndësishme, siç është një platformë me energji të shumëfishtë, një version hibrid 48V dhe një version elektrik, si dhe një cilësi jashtëzakonisht të lartë drejtimi.

Blerësi i këtij automjeti ka një zgjedhje, pasi mund të përdorë një motor tradicional me ndihmën e teknologjisë elektrike ose një modalitet plotësisht elektrik kur dëshiron të ngasë pa emetime të dëmshme të gazrave.

Fitorja e CLA-së nxjerr në pah përparimin e teknologjisë së Mercedes-it , veçanërisht në segmentin e automjeteve elektrike dhe hibride, dhe vendos një standard të ri në klasën e makinave kompakte premium, raporton “Autocar“.

Përmes një postimi në Facebook, kryetari i Partisë Demokratike Sali Berisha, shprehet se Shqipëria ndodhet në momentin e saj më kritik.

Sipas tij, çdo qytetarë duhet të ngrihet për të përmbysur qeverinë Rama, që ai e duan regjim, pasi shpëtimi nuk do të vijë nga jashtë.

“Është momenti më kritik për vendin.

Nuk do të na shpëtojë askush nga jashtë.

Ne duhet të ngrihemi qytetarë, opozitarë, shoqëri civile, për të përmbysur këtë regjim që po mban peng Shqipërinë”, shkruan Berisha në Facebook.

Partia Demokratike zhvilloi ditën e sotme një tryezë me partitë e opozitës, shoqërinë civile dhe intelektualët.

Gjatë fjalës së tij, Berisha u shpreh ndër të tjera se, “narkoshteti shqiptar është kthyer sot në rrezik për Evropën!”.

“Shqipëria renditet sot krahas Kolumbisë”, tha ndër të tjera kreu i demokratëve.

LEXO EDHE: Berisha mbledh tryezën e opozitës dhe shoqërisë civile, Shehaj, Qori e Lapaj refuzojnë ftesën. Mungon edhe PDIU

Regjisor i Teatrit “Migjeni , ka lindur në Shkodër me 23 gusht 1947. Në vitin 1970, mbaroi Institutin e Lartë të Arteve. Në periudhën kohore 1970-1974, punoi si regjisor në Pukë dhe më pas për 15 vite në Estradën e Shkodrës nga 1974-1989.

Po ashtu punoi në Radio Shkodra, në Shtëpinë e Kulturës së rrethit të Shkodrës. Pas vitit 2003 edhe në Teatrin “Migjeni”.

Ai u dallua si regjisor për shijen e mirë, futjen gjerazi në repertorin e Estradës së Shkodrës të skeçit të gjatë dhe të komedisë me një akt, po ashtu në konceptet e tij regjisoriale ra në sy puna e vëmendshme me fjalën, me gjestin, trajtimi me mjete realiste i situatave komike, këmbëngulja për vërtetësinë e karaktereve, si dhe një mizanskenë përgjithësisht “e mbledhur”, pa lëvizje të tepërta.

Seria e shfaqjeve të tij me titull “Ditë buzëqeshjesh” në vitet 1983-1984 fiton Çmimin e Parë, ndërsa një sezon më pas në atë 1985-1986 vlerësohet si më të mirat në takimet e humorit në mes estradave profesioniste të zhvilluara në qytetin e Shkodrës.

Regjisori shkodran ka shkruar edhe disa pjesë skenike, ku spikat drama “Një histori e thjeshtë”.

Në mes shumë shfaqjeve që mbajnë regjisurën e tij është edhe ajo pas viteve 2000, “Ylli i mëngjesit”.

Prokuroria Themelore në Ferizaj, përmes Departamentit të Krimeve të Rënda, ka njoftuar sot ngritjen e aktakuzës ndaj gjashtë personave për përfshirjen e tyre në vrasjen e rreshterit të policisë, Muhamed Lika, ngjarje kjo që tronditi komunitetin më 1 prill 2025, në Kaçanik.

Të pandehurit me inicialet H.B., R.M., V.Ç., E.L., Sh.K. dhe D.G., sipas aktakuzës, akuzohen për kryerjen e veprës penale “Vrasje e rëndë”, në bashkëkryerje dhe me përgatitje paraprake, në bashkëpunim edhe me një të mitur, sipas nenit 173 paragrafi 1 nënparagrafi 1.9 të Kodit Penal të Republikës së Kosovës, në lidhje me nenin 31 të njëjtit kod.

Sipas përshkrimit të ngjarjes, rreth orës 23:00, afër banesës së viktimës në Kaçanik, të pandehurit kanë qëlluar me armë zjarri ndaj rreshterit Muhamed Lika, duke i shkaktuar plagë fatale nga të cilat viktima ndërroi jetë në vend. Pas kryerjes së krimit, ata u larguan nga vendi i ngjarjes, ndërsa hetimet e autoriteteve lokale kanë identifikuar dhe lidhur secilin prej të dyshuarve, me veprën penale.

Një ish-oficere e Policisë së Burgjeve në Derbyshire të Anglisë, Sarah Barnett, u shpall fajtor për shpërdorim detyre pasi filloi një marrëdhënie të paligjshme me një të burgosur, Scott Taylor, me të cilin mbeti shtatzënë.

Ngjarja ndodhi gjatë gushtit 2023, kur Taylor ishte liruar përkohësisht brenda natës dhe qëndroi në shtëpinë e Barnett, pavarësisht se duhej të rikthehej në burg.

Barnett pranoi se ishte në dijeni të rikthimit të Taylor dhe e inkurajoi atë të qëndronte me të, duke shkelur rregullat e burgut. Pas arrestimit të Taylor, Barnett zbuloi se ishte gjashtë javë shtatzënë me fëmijën e tij.

Gjykatësi, duke parë edhe shëndetin e saj mendor, vendosi që Barnett të shmangë burgun, duke i dhënë një urdhër dy-vjeçar për ndihmë në komunitet, përfshirë pjesëmarrjen në 25 ditë aktivitet rehabilitimi, raportojnë mediat britanike. 

Lantona Sado është emëruar Drejtoreshë e Përgjithshme e Institutit të Statistikave (INSTAT), prej datës 7 janar të këtij viti.

Me mbi 20 vite përvojë në statistika, ajo ka nisur karrierën e saj në  INSTAT ku ka punuar fillimisht si specialiste dhe më pas si përgjegjëse njësie për projekte statistikore kombëtare dhe ndërkombëtare, duke kontribuar drejtpërdrejt në realizimin e studimeve të mëdha sociale (si HBS, DHS, MICS, LSMS).

Pas përfundimit të doktoraturës në Universitetin “La Sapienza” të Romës, Sado ka marrë pjesë në disa projekte bashkëpunimi ndërkombëtar si menaxhere dhe eksperte teknike, duke fituar gjithashtu përvojë në fushat e menaxhimit administrativ dhe financiar.

Gjatë dëgjesës në Komisionin Parlamentar për Ekonominë, Punësimin dhe Financat, Sado prezantoi vizionin e saj për drejtimin e institucionit.

Në fjalën e saj, ajo theksoi rolin strategjik të INSTAT-it, veçanërisht në një kohë kur prodhimi, analiza dhe komunikimi i informacionit statistikor kërkojnë standarde gjithnjë e më të larta.

Sipas saj, statistikat zyrtare zhvillohen në një kontekst ku kërkohet rritje e transparencës, përdorim i inovacionit në produktet statistikore dhe forcim i mëtejshëm i besueshmërisë së të dhënave.

“Roli i INSTAT-it është strategjik në mbështetje të përmbushjes së kritereve për anëtarësimin e Shqipërisë në Bashkimin Evropian”, do të shprehej Sado, duke theksuar rëndësinë e përmirësimit të vazhdueshëm të cilësisë së statistikave zyrtare në rrugën e re që Shqipëria synon të ndjekë drejt integrimit europian.

Shtetet e Bashkuara kanë ndërmarrë një tjetër aksion spektakolar në Detin Karaibe, duke sekuestruar një tanker nafte të lidhur me eksportet e ndaluara të Venezuelës.

Zyrtarë amerikanë konfirmuan se forcat detare të SHBA-së kanë marrë nën kontroll anijen Olina, e cila dyshohet se ishte pjesë e të ashtuquajturës “flotë fantazmë” që përdoret për të shmangur sanksionet ndërkombëtare ndaj naftës venezueliane.

Komanda Jugore e SHBA-ve deklaroi se operacioni u zhvillua nga marinsat dhe marinarët amerikanë në bashkëpunim me Departamentin e Sigurisë Kombëtare, duke dërguar një mesazh të qartë se nuk ka strehë të sigurt për shkelësit e ligjit.

Pamje të publikuara në rrjetet sociale tregojnë forcat speciale duke zbritur nga helikopterët direkt në bordin e anijes, në një ndërhyrje të shpejtë dhe të koordinuar.

Kjo është anija e pestë që SHBA-të kanë sekuestruar në javët e fundit, duke treguar një përshkallëzim të dukshëm të operacioneve detare amerikane në rajon.

Sipas kompanisë së sigurisë detare Vanguard Tech, Olina po tentonte të çante bllokadën detare amerikane në Karaibe dhe kishte fikur pajisjet e gjurmimit, një taktikë e zakonshme për anijet që operojnë në mënyrë të paligjshme. Sinjali i saj i fundit ishte regjistruar më shumë se 50 ditë më parë, në verilindje të Curaçaos.

Ekspertët e sigurisë detare theksojnë se këto operacione tregojnë vendosmërinë e SHBA-ve për të kontrolluar rrugët e naftës venezueliane dhe për të goditur rrjetet që tentojnë të anashkalojnë sanksionet ekonomike.

Ndërkohë, tensionet në rajon pritet të rriten, pasi Uashingtoni sinjalizon se do të vazhdojë me kontrolle dhe sekuestrime të tjera, duke e kthyer Detin Karaibe në një pikë kyçe të përplasjes gjeopolitike për energjinë dhe sigurinë ndërkombëtare.