Rikthehet moti i keq me temperatura të ulëta dhe reshje të dëborës në juglindje të vendit.

Gjatë orëve të natës janë regjistruar reshje bore me intensitet të ulët në segmentet rrugore Korçë-Boboshticë-Dardhë.

Prokuroria e Posaçme kundër Korrupsionit dhe Krimit të Organizuar përfundoi hetimet dhe ka dërguar pranë Gjykatës së Posaçme të Shkallës së Parë kërkesën për gjykimin e procedimit penal nr. 73 të vitit 2024, në ngarkim të të pandehurve:

Kledian Llaho, i akuzuar për veprat penale “Korrupsioni pasiv i gjyqtarit, prokurorit, apo funksionarëve të tjerë të sistemit të drejtësisë”, në bashkëpunim, parashikuar nga neni 319/ç dhe 25 të Kodit Penal, dhe “Ushtrim i ndikimit të paligjshëm ndaj funksionarëve publikë”, në bashkëpunim, të parashikuara nga nenet 245/1 paragrafi i katërt, dhe neni 25 të Kodit Penal.

Vasil Bakalli, i akuzuar për veprat penale “Korrupsion pasiv i gjyqtarit, prokurorit, apo funksionarëve të tjerë të sistemit të drejtësisë”, në bashkëpunim, të parashikuar nga neni 319/ç dhe 25 të Kodit Penal, dhe Ushtrim i ndikimit të paligjshëm ndaj funksionarëve publikë”, në bashkëpunim, të parashikuara nga nenet 245/1, paragrafi i katërt dhe 25 të Kodit Penal;

Pando Papuçi, i akuzuar për veprën penale Ushtrim i ndikimit të paligjshëm ndaj funksionarëve publikë”, parashikuar nga neni 245/1, paragrafi i dytë i Kodit Penal në 2 episode;

Çlirim Shahini, i akuzuar për veprën penale“Ushtrim i ndikimit të paligjshëm ndaj funksionarëve publikë”, parashikuar nga neni 245/1, paragrafi i katërt i Kodit Penal.

Kallëzuesi, shtetasi M.A është hetuar penalisht nga Prokurori Kledian Llaho, në kuadër të një hetimi penal të Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprën penale të shpërdorimit të detyrës. Ndërkohë është dokumentuar fakti penal se prokurori, Kledian Llaho ka qenë i njëanshëm në hetimin e procedimit penal

nr.774/2021. Qëndrimi i tij lidhet me marrëdhënien që familja e kallëzuesit (shtetasit M.A) kishte me vjehrrin e prokurorit, sepse ishte qiramarrës i një objekti hotel, në pronësi të vjehrrit të prokurorit. Shtetasi M.A kishte njohur investimin e kryer dhe për rrjedhojë detyrimin ndaj qiramarrësve në shumën prej 1.800.000 (një milion e tetëqind mijë) lekë.

Duke iu referuar fakteve të mësipërme, Prokuroria e Posaçme ka dokumentuar faktin penal se prokurori Kledian Llaho, në cilësinë e prokurorit të çështjes, i ka kërkuar palës së hetuar t’i kthejë vjehrrit të tij shumën prej 1.800.000 përmes të njohurit të tij shtetasit, Vasil Bakalli, me qëllim lehtësimin e pozitës proceduariale të të hetuarit M.A, në kuadër të procedimit penal në ngarkim të tij.

Njëkohësisht, i hetuar në procedimin penal të Prokurorisë Sarandë ishte edhe shtetasi Pando Papuçi, i cili i ka dorëzuar shtetasit, Vasil Bakalli dhe Kledian Llaho, në formën e rryshfetit, shumën prej 30.000 (tridhjetë mijë) euro,  me qëllim që këta të fundit të ushtronin ndikim të paligjshëm tek prokurorja e çështjes, për të lehtësuar pozitat proceduriale të këtij të pandehuri.

Nga ana e shtetasit Pando Papuçi i ka paguar në formën e rryshfetit dhe vlerën prej 25.000 eurosh, avokatit të tij Çlirim Shahini, i cili i ka premtuar se do të ushtrojë ndikim të paligjshëm tek gjyqtarja e çështjes në ngarkim të këtij të fundit.

Në përfundim, pas kryerjes së veprimeve të shumta hetimore si dhe përdorimit të metodave speciale të hetimit, janë dokumentuar tej çdo dyshimi të arsyeshëm, veprat penale të sipërpërmendura.

Prokuroria e Posaçme Kundër Korrupsionit dhe Krimit të Organizuar, ka regjistruar procedimin penal nr.73 viti 2024, për kryerjen e veprës penale; “Korrupsion pasiv i gjyqtarëve, prokurorëve dhe funksionarëve të tjerë të organeve të drejtësisë”, parashikuar nga neni 319/ç i Kodit Penal, ndërsa më datë 6.1.2025 ka regjistruar emrin e personit nën hetim, Kledjan Llaho, i dyshuar për kryerjen e kësaj vepre penale. Ndërkohë, më 30.1.2025 është bërë regjistrimi i të dhënave dhe i emrit të personit që i atribuohet vepra penale “Ushtrim i ndikimit të paligjshëm ndaj personave që ushtrojnë funksione publike”, parashikuar nga neni 245/1 i Kodit Penal, përkatësisht shtetasve, Pando Papuçi dhe Vasil Bakalli. Gjithashtu, më 17.10.2025, është bërë regjistrimi i të dhënave dhe emri i personit që i atribuohet vepra penale “Ushtrim i ndikimit të paligjshëm ndaj personave që ushtrojnë funksione publike”, parashikuar nga neni 245/1, paragrafi i katërt i Kodit Penal, për shtetasin Çlirim Shahini.

Një 22-vjeçar është arrestuar nga policia e Vlorës, për dhunë në familje. Burime zyrtare nga policia bënë me dije se pas hekurave ra shtetasi Erlin Piro, 22 vjeç.

Gjithashtu, këta specialistë referuan materialet në Prokurori ku nisi procedimi penal për shtetasin M. Gj., 45 vjeç, banues në Sarandë, pasi ka kryer punime ndërtimi, pa leje.

Materialet procedurale iu referuan Prokurorisë, për veprime të mëtejshme.”, sqaron policia.

Këshilli i Lartë Gjyqësor ka reaguar sërish për sigurinë në gjykatë, duke bërë thirrje për ndërhyrje urgjente ndërinstitucionale. Nëpërmjet një shkresë, Këshilli i Lartë Gjyqësor, përsërit shqetësimin për mungesën e reagimit të koordinuar institucional dhe mangësitë në sistemin e sigurisë në gjykatat e vendit, sidomos pas alarmit të ngritur pas vrasjes së gjyqtarit Astrit Kalaja.

“Këshilli i Lartë Gjyqësor shpreh dhimbjen e thellë dhe solidaritetin e plotë me kolegët e gjyqtarit të ndjerë  Astrit Kalaja, si dhe me të gjithë trupën gjyqësore që ndjehet e tronditur pas ngjarjes tragjike të ndodhur më datë 6 tetor 2025 në ambientet e gjykatës. Kjo ngjarje përbën një akt të papranueshëm që ka goditur në themel sigurinë e sistemit gjyqësor dhe besimin publik tek shteti ligjor. Pas qenë kësaj dëshmitar ngjarjeje, në vend të një reagimi të bashkërenduar institucional, opinioni publik për i një debati politik dhe institucional të përshkallëzuar mbi përgjegjësitë e besimit sigurinë në gjykata, çka e konsiderojmë të papërshtatshme dhe të dëmshme për klimën publik”, thuhet në reagim.

Më tej nënvizon se problematika e sigurisë gjyqësore nuk mund të zgjidhet brenda kapaciteteve administrative të sistemit gjyqësor, pa një strukturë të integruar të sigurisë dhe pa mbështetje të drejtpërdrejtë nga organet ekzekutive dhe të sigurisë kombëtare.

Më tej deklarata vijon: Këshilli i Lartë Gjyqësor i kërkon institucioneve ndërhyrje urgjente për realizimin e këtyre masave: Vendosja e Policisë së Shtetit në të gjitha gjykatat e vendit, me prezencë të përhershme, personel të trajnuar dhe plan të dedikuar sigurie. Mbështetje buxhetore dhe përmirësim i infrastrukturës së sigurisë. Klasifikim i gjykatave si institucione të rëndësisë së veçantë.

Rishikim i kuadrit ligjor dhe nënligjor që rregullon sigurinë në gjykata, për të përcaktuar qartë kompetencat, përgjegjësitë dhe burimet financiare ndërinstitucionale. Rishikim i plotë i protokolleve të hyrjes dhe daljes në gjykata, përfshirë procedurat e kontrollit për palët, dëshmitarët dhe të pandehurit.

Këshilli i Lartë Gjyqësor u bën thirrje Kuvendit të Shqipërisë dhe Këshillit të Ministrave që, në bashkëpunim me Ministrinë e Brendshme, Ministrinë e Drejtësisë dhe Policinë e Shtetit, të hartojnë një Plan Kombëtar për Sigurinë në Gjykata, i cili të përcaktojë përgjegjësitë e secilit institucion, afatet e zbatimit, burimet financiare si dhe mekanizmat e kontrollit dhe raportimit. Ky plan duhet të përfundojë brenda një kohë sa më të shkurtër dhe të jetë bazë për ristrukturimin e plotë të sistemit të sigurisë në gjykata. Këshilli i Lartë Gjyqësor mbetet i gatshëm të bashkëpunojë ngushtë me të gjitha institucionet përkatëse dhe të kontribuojë me ekspertizën e tij në hartimin e këtij dokumenti strategjik.

Gjykata e Posaçme e Apelit për Korrupsionin dhe Krimin e Organizuar shpalli sot vendimin për ish drejtoreshën e Tirana Parking,  Eglantina Zere dhe 4 zyrtarëve të tjerë, konkretisht Enkeljda Qyta, Bruno Koçi, Rivjola Baxha si dhe Kristo Zhulati duke zbutur dënimet e tyre.

Sipas vendimit të Apelit, të pandehurit u shpallën fajtorë për kryerjen e veprës penale “Shkelja e barazisë së pjesëmarrësve në tendera apo ankande publike”, por ndaj tyre u pezulluan masat e dënimit,  duke i vënë ata nën shërbim porove për një periudhë 12-mujore.

Në përfundim, Gjykata e Posaçme e Apelit për Korrupsionin dhe Krimin e Organizuar vendosi:

1. Lënien në fuqi të vendimit nr. 41, datë 17.06.2025 të Gjykatës së Posaçme të Shkallës së Parë për Korrupsionin dhe Krimin e Organizuar, me ndryshimet:

A. – Në aplikim të nenit 59 të Kodit Penal, urdhërohet pezullimi i ekzekutimit të dënimit me burgim për të pandehurën Eglantina Zere dhe vënia në provë për një afat prej dymbëdhjetë muaj, duke u detyruar e pandehura të mbajë kontakte me Degën Territoriale të Shërbimit të Provës Tiranë, në juridiksionin e të cilës ka vendbanimin, me kusht që gjatë kohës së provës të mos kryejë vepër tjetër penale.

– Në bazë të nenit 61 të Kodit Penal, urdhërohet e pandehura  Eglantina Zere t’iu përgjigjet thirrjeve e kërkesave të organeve për mbikëqyrjen e provës.

B. – Në aplikim të nenit 59 të Kodit Penal, urdhërohet pezullimi i ekzekutimit të dënimit me burgim për të pandehurën  Rivjola Baxha  dhe vënia në provë për një afat prej dymbëdhjetë muaj, duke u detyruar e pandehura të mbajë kontakte me Degën Territoriale të Shërbimit të Provës Tiranë, në juridiksionin e të cilës ka vendbanimin, me kusht që gjatë kohës së provës të mos kryejë vepër tjetër penale.

– Në bazë të nenit 61 të Kodit Penal, urdhërohet e pandehura Rivjola Baxha  t’iu përgjigjet thirrjeve e kërkesave të organeve për mbikëqyrjen e provës.

C. – Në aplikim të nenit 59 të Kodit Penal, urdhërohet pezullimi i ekzekutimit të dënimit me burgim për të pandehurën Enkeljda Qyta dhe vënia në provë për një afat prej dymbëdhjetë muaj, duke u detyruar e pandehura të mbajë kontakte me Degën Territoriale të Shërbimit të Provës Tiranë, në juridiksionin e të cilës ka vendbanimin, me kusht që gjatë kohës së provës të mos kryejë vepër tjetër penale.

– Në bazë të nenit 61 të Kodit Penal, urdhërohet e pandehura Enkeljda Qyta t’iu përgjigjet thirrjeve e kërkesave të organeve për mbikëqyrjen e provës.

D. – Në aplikim të nenit 59 të Kodit Penal, urdhërohet pezullimi i ekzekutimit të dënimit me burgim për të pandehurin Bruno Koçi dhe vënia në provë për një afat prej dymbëdhjetë muaj, duke u detyruar e pandehura të mbajë kontakte me Degën Territoriale të Shërbimit të Provës Tiranë, në juridiksionin e të cilës ka vendbanimin, me kusht që gjatë kohës së provës të mos kryejë vepër tjetër penale,

– Në bazë të nenit 61 të Kodit Penal, urdhërohet i pandehuri  Bruno Koçi  t’iu përgjigjet thirrjeve e kërkesave të organeve për mbikëqyrjen e provës.

E. – Në aplikim të nenit 59 të Kodit Penal, urdhërohet pezullimi i ekzekutimit të dënimit me burgim për të pandehurën  Kristo Zhulati  dhe vënia në provë për një afat prej dymbëdhjetë muaj, duke u detyruar i pandehuri të mbajë kontakte me Degën Territoriale të Shërbimit të Provës Tiranë, në juridiksionin e të cilës ka vendbanimin, me kusht që gjatë kohës së provës të mos kryejë vepër tjetër penale.

– Në bazë të nenit 61 të Kodit Penal, urdhërohet i pandehuri Kristo Zhulati t’iu përgjigjet thirrjeve e kërkesave të organeve për mbikëqyrjen e provës.

AKUZAT

Zyrtaret e bashkise Tirane akuzohen se favorizuan në mënyrë të paligjshme një kompani të zotëruar “de facto” nga ish-kreu i Ujësjellësit, Redi Molla dhe ai i IMT-së, Mariglen Qato, duke e ushqyer atë me tendëra publikë.

Ish-drejtorja e përgjithshme e institucionit Tirana Parking, Eglantina Zere dhe katër zyrtarët e tjerë të Bashkisë Tiranë, Rivjola Baxha, Enkelejda Qyta, Bruno Koçi dhe Kristo Zhulati u morën nën përgjegjësi penale për akuzën “Shkelja e barazisë së pjesëmarrësve në tendera apo ankande publike”.

HETIMET

Sipas SPAK, gjatë hetimeve paraprake është provuar fakti se e pandehura Eglantina Zere, në cilësinë e titullarit të autoritetit kontraktor “Tirana Parking” institucion në varësi të Bashkisë Tiranë, në bashkëpunim me të pandehurit Enkelejda Qyta, Bruno Koçi dhe Rivjola Baxha, në cilësinë e anëtarëve të Komisionit të Vlerësimit të Ofertave dhe anëtarin e Njësisë së Prokurimit, Kristo Zhulati, kanë krijuar avantazhe dhe privilegje të padrejta për bashkimin e operatorëve ekonomik fitues “V.A.S Konstruksion sh.p.k” dhe “Rroku Guest” sh.p.k, në procedurën e prokurimit me objekt “Rikonstruksion i sheshit të parkimit te Selman Stermasi”, të zhvilluar më 1 tetor të vitit 2019.

Prokuroria vërejti në gjykatë se provat e mbledhura gjatë hetimeve provojnë plotësisht faktin se verifikimin dhe vlerësimin e ofertave të operatorëve ekonomikë që kanë marrë pjesë në këtë procedurë prokurimi nuk e kanë bërë anëtarët e KVO-së, por e kanë bërë persona të tjerë që kanë punuar në shoqërinë “5D Konstruksion” sh.p.k.

Në një deklaratë për mediat, jashtë ambienteve të SPAK, ish-deputeti Lefter Maliqi deklaroi se ka bërë kallëzim për afera korruptive, duke shtuar se hetimet janë zvarritur.

Maliqi bëri thirrje që hetim të shkojnë deri të fund të bëhet drejtësi, për vjedhjet që kanë bërë qytetarëve.

“I jam drejtuar kryeprokurorit të ri, dhe besoj se do të veprojë dhe do të përgjigjet për kallëzimet që kam bërë. Për katër çështje më kanë kthyer përgjigje se nuk i kanë dërguar në SPAK. Kam bërë 11 kallëzime për një krim të rëndë elektoral…Oligarku Salillari bandit, si ka mundësi dhe kur do e vendosin drejtësinë për akuzat që kam bërë, një kallim është këtu dhe një kallëzim është çuar në Prokurorinë e berati, Dy km asfalt mbi asfalt, një rrugë tjetër në Gore, gjysma e rrugës është bërë nga komuna…Krimi elektoral, tender i qenve, çakull elektoral e pastrim parash, vëllai i Anxhelo Kristos ka ndërruar emrin dhe jep garanci me apartamente që i ka në pronësi vëllai i atij Hajdarit…Çfarë ndodh në këtë vend. SPAK zbarkoi tek zyrat e Salillarit mori kompjuterë, por ende asgjë. Gjykata Administrative më kthen përgjigje për mos kompetencë… Salillari ende nuk hetohet se leku e hedh ujin përpjetë…Akoma asnjë hetim…Besoj që Braho Hajdari i Salillarit të fshehur për shkak të bastisje që ka bërë BKH…”, shtoi ai.

“Njerëzit na ndihmuan dhe hipëm në një makinë… U thashë: ‘Mos na çoni në spital’.” Tara dhe shoqja e saj po merrnin pjesë në një protestë në qytetin qendror iranian të Isfahanit kur forcat e sigurisë mbërritën me motoçikleta dhe filluan të bërtisnin ndaj turmës.

“Shoku im i tha një anëtari të armatosur të forcave të sigurisë: ‘Thjesht mos na qëlloni’, dhe ai menjëherë qëlloi disa herë drejt nesh. Ne ramë në tokë. Të gjitha rrobat tona ishin të mbuluara me gjak”, tha ajo.

Ata u futën në makinën e një të panjohuri, por Tara tha se ishin shumë të frikësuar për t’u çuar në spital për shkak të rrezikut të arrestimit. “Të gjitha rrugicat ishin plot me forca sigurie, kështu që i kërkova një çifti që qëndronte te dera e tyre të na linin të hynim.”

Ata qëndruan në shtëpinë e çiftit deri pothuajse në agim dhe më pas arritën të gjenin një mjek që njihnin, i cili ua pastroi plagët nga të shtënat në këmbë, sipas Tarës.

Ajo tha se një kirurg më vonë i trajtoi, por i paralajmëroi ata: “Nuk mund të hiqen të gjitha dhe do të mbeten në trupat tuaj”.

Nima, një kirurg në Teheran, tha se pa shumë të rinj të plagoseshin në rrugë, ndërsa shkonte në punë më 8 janar, kur autoritetet iu përgjigjën protestave në rritje me forcë vdekjeprurëse.

Autoritetet italiane kanë çmontuar një tjetër organizatë narkotrafiku në vend dhe këtë herë një rafineri moderne të përpunimit të drogës dhe shpërndarjes së saj.

Operacioni u krye në zonën e Firences nga karabinierët, që gjurmonin prej kohësh aktivitetin e dyshimtë, teksa sekuestruan përveç laboratorit, edhe 34 kg kokainë me vlerë tregu mbi 1 mln euro në çmim shumice.

Në pranga ranë 1 shqiptar 54-vjeçar dhe 3 kolumbianë që dyshohen edhe si organizatorët e aktivitetit kriminal. Autoritetet thanë se fabrika e kokainës u identifikua dhe u çmontua nga Karabinierët e Kompanisë Empoli në Fucecchio.

Në veçanti, oficerët vunë re lëvizje të çuditshme pranë shtëpisë së burrit shqiptar dhe vendosën të hetojnë më tej duke kontrolluar ambientet.

Karabinierët zbuluan, në dhomat pas shtëpisë, një rafineri të vërtetë kokaine, që përmbante disa blloqe droge, me një total prej 34 kilogramësh, si dhe rezervuarë, peshore, presa, një furrë, pompa, makina paketimi me vakum, çanta dhe material prerës – një laborator i vërtetë i përdorur për prodhimin e më shumë drogës. U gjetën edhe detektorë insektesh.

Sipas urdhërit të Prokurorit Publik në detyrë në Zyrën e Prokurorit Publik të Firences, katër individët u dërguan në Burgun e Firences-Sollicciano për seancën pasuese të vlefshmërisë para gjyqtarit hetues. Të katërt u lanë në paraburgim.

Në Ministrinë e Brendshme zhvillohet këtë të enjte intervistimi i kandidatëve që kanë aplikuar për pozicionin e Drejtorit të Përgjithshëm të Gardës së Republikës, në vijim të thirrjes zyrtare për aplikim, pas dorëheqjes së Ermal Onuzit.

Gjatë seancës dëgjimore, kandidatët do të prezantojnë platformat dhe vizionin e tyre për drejtimin e Gardës së Republikës. Anëtarët e Komisionit do t’u drejtojnë pyetje kandidatëve, në përputhje me kriteret e vlerësimit të përcaktuara në udhëzimin e Ministrit të Brendshëm.

Në përfundim të procesit, Komisioni do të bëjë vlerësimin me pikë dhe renditjen e kandidatëve më të vlerësuar, bazuar në dokumentacionin e paraqitur, informacionin e administruar dhe performancën gjatë intervistës.

Renditja, së bashku me vlerësimet me shkrim për secilin kandidat, do t’i përcillet ministrit të Brendshëm, i cili do t’ia dërgojë propozimin Kryeministrit, për emërimin përfundimtar.

Reshjet e borës të rëna gjatë natës, të shoqëruara me ortekë në Qafë Thore, janë pastruar nga mjetet e mirëmbajtjes duke e bërë të kalueshme drejt Thethit.

Agjencia Kombëtare e Mbrojtjes Civile informoi sot se aktualisht po punohet në terren për zgjerimin e pjesës kaluese të rrugës, me qëllim garantimin e qarkullimit sa më të sigurt.

Sipas qarkullimi është i hapur, por për shkak të punimeve në zhvillim dhe pranisë së ngricave, kërkohet kujdes i shtuar nga drejtuesit e mjeteve.

AKMC tha se “automjetet të jenë të pajisura me goma dimërore dhe zinxhirë”.

Sipas Shërbimit Meteorologjik Ushtarak në zonat malore në verilindje mbi 900-1000 metra dhe në juglindje mbi 1000-1100 metra lartësi gjatë ditës së sotme ka reshje dëbore.

Kryeministri Edi Rama është sot i pranishëm në Konkursin Ndërkombëtar për “Shtëpinë e Re të Fëmijëve dhe Kompleksin e Inspektorateve Shtetërore”.

Dy persona janë arrestuar në një rrugë të ngarkuar në Geelong, pasi një makinë e vjedhur u përplas me një autobus shkolle, duke detyruar fëmijët të strehoheshin pas sediljeve nga frika, gjatë një incidenti dramatik pasdite të enjten.

Ngjarja ndodhi rreth orës 16:00 në Latrobe Terrace, pranë Kolegjit të Mesëm Matthew Flinders, kur një makinë e zezë u përplas me autobusin në një përpjekje për t’i shpëtuar policisë. Dëshmitarët raportuan për fëmijë që bërtisnin dhe dëgjuan të paktën dy të shtëna me armë zjarri, përpara se automjeti të përfshihej në një tjetër aksident në një kryqëzim disa minuta më vonë. Policia e Viktorias konfirmoi se automjeti, një Kia Optima e dyshuar e vjedhur në Uellsin e Ri Jugor, u pikas fillimisht nga Krahu Ajror i Policisë pranë kryqëzimit të Princes Highway dhe Roebuck Street në Newtown. Oficerët tentuan ta ndalonin automjetin, por ai dyshohet se u drejtua drejt tyre dhe më pas u përplas me autobusin e shkollës.

“Oficerët u detyruan të qëllonin me armë zjarri pasi automjeti u drejtua drejt tyre,” tha Policia e Viktorias në një deklaratë, duke shtuar se makina u përplas më pas me një tjetër automjet. Një burrë dhe një grua, të dy 37 vjeç dhe nga Uellsi i Ri Jugor, u larguan në këmbë nga vendngjarja, por u arrestuan pak më vonë. Burri u dërgua në spital me një plagë me armë zjarri në krah, e cila nuk konsiderohet kërcënuese për jetën. Gruaja u shtrua gjithashtu në spital nën mbikëqyrje policore.
Një shoferja e një automjeti tjetër u transportua në spital me lëndime të lehta. Nuk raportohet për të lënduar seriozisht mes fëmijëve në autobusin e shkollës.

Autoritetet meksikane njoftuan të mërkurën arrestimin e tre personave të dyshuar për përfshirje në sulmin me armë zjarri që la 11 persona të vdekur dhe rreth dhjetë të plagosur në një stadium futbolli në qytetin Salamanca, në shtetin qendror të Guanajuatos. Sulmi ndodhi të dielën, kur persona të armatosur hynë në një stadium lagjeje dhe hapën zjarr ndaj spektatorëve. Salamanca ka rreth 160 mijë banorë dhe ndodhet në një nga shtetet më të goditura nga dhuna e lidhur me krimin e organizuar në Meksikë.

Sipas autoriteteve, sulmi dyshohet të ketë qenë një larje hesapesh mes grupeve kriminale. Midis viktimave ishin të paktën pesë punonjës të një kompanie private sigurie, të cilët, sipas informacionit paraprak, u vunë në shënjestër për shkak të lidhjeve të supozuara të kompanisë së tyre me Kartelin e Gjeneratës së Re të Jalisco-s (CJNG). Hetuesit dyshojnë se autorët e sulmit janë anëtarë të Kartelit Santa Rosa de Lima (SRL), një grup rival i CJNG-së. Dy kartelet janë të përfshira në përplasje të përgjakshme për kontrollin e trafikimit të karburantit të vjedhur, drogës dhe aktiviteteve të zhvatjes në rajon.

Presidentja e Meksikës, Claudia Sheinbaum, deklaroi javën e kaluar se shkalla e vrasjeve në nivel kombëtar ka rënë në nivelin më të ulët të një dekade, me 17.5 vrasje për 100,000 banorë në vitin 2025. Megjithatë, Guanajuato mbetet një nga shtetet më të dhunshme, me një normë prej 38.8 vrasjesh për 100,000 banorë. Sipas të dhënave zyrtare, dhuna e lidhur me kartelet e drogës në Meksikë ka shkaktuar mbi 450,000 viktima që nga viti 2006, ndërsa më shumë se 100,000 persona rezultojnë të zhdukur.

Këtë të enjte në Gjykatën Themelore të Prishtinës, pritet të mbahet seanca gjyqësore ndaj Naim Murselit, Granit Plavës dhe Kushtrim Kokallës, të akuzuar për përfshirje në vrasjen e Liridona Ademajt.

Kjo është seanca parë e vitit 2026 që i prin seancave ku u paraqitën video-incizime që, sipas prokurorisë, tregojnë takimet dhe lëvizjet e të akuzuarve para ngjarjes. Mes pamjeve të prezantuara ishin edhe momente nga darka e Liridonës me familjen, si dhe lëvizje që ndërlidhen me të akuzuarin Granit Plava.

Sipas aktakuzës, vrasja dyshohet të ketë qenë e planifikuar. Prokuroria tha se ekzistonte marrëveshje që krimi të kryhej nga Granit Plava në këmbim të 30 mijë eurove, ndërsa arma dyshohet se ishte siguruar nga Naim Murseli përmes Kushtrim Kokallës.

Gjatë procesit gjyqësor, organi i akuzës ka paraqitur prova materiale dhe pamje filmike nga momentet para dhe gjatë ngjarjes, të cilat janë përfshirë në dosjen e rastit.

Bazuar në informacionet e #IGJEO dhe #SHMU, gjatë ditës së sotme priten reshje në disa qarqe të vendit, lokalisht intensive dhe të shoqëruara me shtrëngata.

Agjencia Kombëtare e Mbrojtjes Civile kërkon rritje e vëmendjes dhe gatishmërisë nga strukturat e Mbrojtjes Civile dhe institucionet përgjegjëse në nivel vendor dhe qendror, për marrjen e masave parandaluese.

Bashkitë në zonat me risk më të lartë të forcojnë gatishmërinë operacionale dhe të ndjekin në mënyrë të vazhdueshme situatën në terren.

Prefekturat të përcjellin informacionin pranë bashkive dhe të raportojnë në kohë çdo situatë pranë Qendrës Kombëtare Operacionale të Emergjencave Civile.

Ministria e Mbrojtjes ka njoftuar se mbi 345 milionë lekë dëmshpërblime do të shpërndahen për 15 bashkitë e prekura nga zjarret e verës.

Ndarja sipas bashkive:

-Delvinë – 36 mln lekë
-Dibër – 10,5 mln lekë
-Gramsh – 86,6 mln lekë
-Has – 0,7 mln lekë
-Rrogozhinë – 1,8 mln lekë
-Krujë – 146 mln lekë
-Kukës – 0,6 mln lekë
-Librazhd – 0,2 mln lekë
-Peqin – 4 mln lekë
-Tepelenë – 0,3 mln lekë
-Kamëz – 2 mln lekë
-Maliq – 1,2 mln lekë
-Finiq – 40 mln lekë
-Dropull – 7,7 mln lekë
-Malësi e Madhe – 6,6 mln lekë

Vera e 2025-ës është cilësuar si më e vështira në Shqipëri për shkak të dëmeve të shumta nga zjarret. Kompensimi për dëmet nga zjarri përfshin periudhën nga 15 qershori deri më 15 shtator.

Në shenjë proteste kundër pasojave të sistemit të ri digjital të BE-së për hyrje-daljet e kamionëve në hapësirën Shengen, shoferët e kamionëve në disa vende të Ballkanit sërish kanë bllokuar kalimet kufitare.

Të mërkurën (28.01.2026) në ditën e tretë të protestës u bllokuan dhjetëra pikëkalime kufitare në Bosnje, Mal të Zi dhe në Maqedoninë e Veriut. Edhe shoferët serbë bllokuan pikakalimet kufitare për në hapësirën Shengen – duke krijuar radhë të gjata me kamionë.

Në pikëkalimin kufitar Bajakovo, kalimi më i rëndësishëm kufitar ndërmjet Kroacisë dhe Serbisë, të mërkurën kamionët krijuan një kolonë të gjatë prej reth dy km, sikurse i konfirmoi policia kufitare agjencisë së lajmeve AFP. Dhoma serbe e tregtisë CCIS u ankua, se ekonomitë e Ballkanit Perëndimor çdo ditë po humbasin rreth 100 milionë euro nga vlera e eksporteve.

Arrestime të shoferëve shkak për bllokadat në kufi
Shoqatat e spedicionit i koordinuan aksionet e protestës kundër sistemit digjital të aplikuar që nga tetori për hyrje-daljet e personave nga vendet jo anëtare të BE-së. Sistemi Entry/Exit-System (EES) synon të shmangë vulat në pasaporta duke regjistruar në mënyrë digjitale në një regjistër qendror për të gjithë hapësirën Shengen informacionet për udhëtimin dhe të dhënat biometrike – qëllimi kryesor me aplikimin e këtij sistemi është mbrojtja e kufijve të jashtëm të BE-së.

Sfondi i protestës ka të bëjë me faktin, se sipas CCIS së fundi janë arrestuar në mënyrë të përsëritur shoferët, që kanë shkelur rregulloren e qendrimit 90 ditë brenda harkut kohor të 180 ditëve në BE. Kjo rregullore nuk është e re, por përmes sistemit elektronik EES mundësohet një kontroll më i rreptë i shetetasve jashtë BE-së.

Si kusht për shfuqizimin e bllokadës organizatorët kërkojnë të negociohet për rregulla përjashtuese që të paktën të garantohet, se nuk do të ketë arrestime të shoferëve.

BE partneri kryesor tregtar për Ballkanin Perëndimor
Të hënën (26.01.2026) zëdhënësi i Komisionit të BE-së komunikoi, se autoritetet e Brukselit janë të vetëdijshëm për shqetësimet e shprehura, dhe po e ndjekin me vëmendje situatën. Sipas të dhënave të BE-së, partneri kryesor i tregtisë për vendet e Ballkanit Perëndimor është BE-ja me 60 përqind të të gjithë volumit të tregtisë në rajon. Më 2024 tregtia e mallrave ndërmjet BE-së dhe Ballkanit Perëndimor arriti një volum prej mbi 83 miliardë euro.

Një operacion kundër trafikut të lëndëve narkotike, është zhvilluar në Greqi.

Gjithashtu nga hetimet u zbulua se 45-vjeçari kishte edhe një magazinë që  e përdorte për mbajtje dhe trafikim të lëndëve narkotike.

Ndonëse Shqipëria është një nga shtetet më të vogla të Europës, shtetasit e saj janë të shpërndarë nëpër vendet e Bashkimit Europiane, duke qenë në listën e vendeve kryesore për kombësinë e vendeve të jo BE-së që janë rezidentë në Bashkimin Europian.

Nëse krahasohet me madhësinë e popullsisë, vendi ynë kryeson listën në Europë, në një tregues të përmasave të mëdha të emigracionit.

Sipas të dhënave që janë publikuar nga Eurostat, shtetasit shqiptarë u renditën në vend të 11 në grafikun e kombësive kryesore të shtetasve jo të BE-së, që janë rezidentë në BE në vitin 2024, sipas numrit në vlerë absolute.

Sipas grafikut janë rreth 550 mijë shqiptarë që jetojnë në vendet e BE-së, kryesisht në Itali, por siç shënohet në legjendë, në grafik mungon Greqia, ku sipas të dhënave të ndryshme jetojnë të paktën edhe 500 mijë shqiptarë. Në nivelin e mbi 1 milionë banorëve, Shqipëria do të renditej në vend të katërt në numër absolut, pas shtetasve të Ukrainës, Turqisë, Marokut.

Edhe pa përfshirë Greqinë, treguesi e vendos Shqipërinë dukshëm mbi vendet e tjera të rajonit, si Kosova (218), Maqedonia e Veriut (107), Bosnja dhe Hercegovina (125) apo Serbia (68), të cilat gjithashtu shfaqin nivele të larta emigracioni, por më të ulëta se Shqipëria.

Nëse përfshihet edhe Greqia, ku jeton një numër i madh shqiptarësh, pesha e emigracionit për 1,000 banorë rritet edhe më shumë, duke arritur në 466 emigrantë për 1,000 banorë, pra afërsisht 1 në 2 shqiptarë jeton në BE, çka e vendos vendin dukshëm në krye të listës në raport me popullsinë.

Diferencat janë të theksuara në raport me shtetet që kryesojnë listën në vlerë absolute për shkak të popullsisë së lartë që ato kanë në vendin e origjinës. Për Ukrainën, Eurostat raporton rreth 2.6 milion shtetas rezidentë në BE, por të krahasuar me një popullsi rreth 39 milion banorë, kjo përkthehet në rreth 67 shtetas për çdo 1,000 banorë.

Në rastin e Turqisë, me rreth 1.7 milion shtetas në BE dhe një popullsi rreth 85 milion, pesha bie në rreth 20 për 1,000 banorë, ndërsa për Marokun, me rreth 1.5 milion shtetas në BE dhe një popullsi rreth 37 milion, niveli është rreth 41 për 1,000 banorë.

Ky krahasim nxjerr në pah se grafiku i Eurostat, edhe pse e rendit Shqipërinë jashtë “top 10” në numër absolut, e vendos vendin në krye kur shifrat normalizohen me popullsinë, duke reflektuar një emigracion me përmasa shumë të mëdha për një vend të vogël, ndoshta unike në botë, siç tregon qartë dhe grafiku në raport me madhësinë e popullsisë.

Policia ka goditur një tjetër rast ushtrimi prostitucioni në Durrës. Nën hetim janë vënë 4 persona, dy braziliane dhe dy shqiptarë.

Sipas policisë, dy shtetaset braziliane kishin marrë me qira një apartament në zonën e Vollgës, dhe e kishin përshtatur për të ushtruar prostitucion.

Po ashtu u proceduan edhe dy shqiptarë. Policia sekuestroi shuma parash në valuta të ndryshme, aparate celularë si dhe karta telefoni.

Njoftimi i policisë:

Finalizohet faza e 14-të e operacionit policor të koduar “Storm”.

Operacioni pas hetimeve dyjavore me metoda proaktive.

Kishin marrë një apartament me qira, në zonën e Vollgës, lagjja nr. 1, Durrës, të cilin e kishin përshtatur me qëllim kryerjen e aktivitetit të ushtrimit të prostitucionit; procedohen penalisht dy shtetase braziliane.

Procedohen për prostitucion edhe dy shtetas shqiptare.

Sekuestrohen shuma parash, pasaportat e dy shtetaseve, blloqe shënimesh dhe 8 celularë.

Në vijim të operacioneve të njëpasnjëshme për goditjen e prostitucionit, Seksioni për Hetimin e Trafiqeve, me mbështetjen e Forcës së Posaçme Operacionale, finalizoi fazën e 14-të të operacionit policor të koduar “Storm”, i ndjekur me metoda speciale të hetimit për një periudhë 2-javore, për veprat penale “Prostitucion” dhe “Përshtatja e ambienteve për prostitucion”.

Si rezultat i këtij operacioni u proceduan në gjendje të lirë shtetaset Th. C., 35 vjeçe, dhe A. F., 39 vjeçe, lindur në Brazil.

Gjithashtu u proceduan në gjendje të lirë, për veprën penale “Prostitucioni”, edhe dy shtetas E. D. dhe S. A., banues në Durrës.

Në cilësinë e provës materiale u sekuestruan gjithsej 1 080 euro, 116 700 lekë, 120 dollarë amerikanë, 80 paund britanikë, 150 franga dhe 3 430 dinarë, si dhe dy pasaporta të shtetaseve të huaja, 8 aparate celularë, karta telefoni dhe blloqe shënimesh.

Nga veprimet hetimore të kryera për nevoja të këtij procedimi rezultoi se këto shtetase kishin marrë një apartament me qira, në zonën e Vollgës, lagjja nr. 1, Durrës, të cilin e kishin përshtatur me qëllim kryerjen e aktivitetit të ushtrimit të prostitucionit.

Materialet proceduriale iu kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës.