Gjykata e Prizrenit ia ka caktuar një muaj paraburgim 30 vjeçarit Ferzidin Boza, i cili dyshohet se e ka vrarë nënën e tij, dje në Restelicë të Dragashit.

“Me rastin e caktimit të paraburgimit, Gjykata ka marrë parasysh peshën e rëndë të veprës penale, duke marrë parasysh mënyrën dhe rrethanat në të cilat dyshohen se  është kryer vepra, brenda ambientit familjar, dhe duke marrë parasysh vendosmërinë e  të pandehurit për të kryer veprën, me anë të ushtrimit të dhunës dhe ngufatjes ndaj  anëtarit të familjes, andaj në këtë fazë caktimi i paraburgimit është i domosdoshëm dhe i arsyeshëm”, thuhet në njoftimin e gjykatës.

Tutje në njoftim thuhet se ndja tij do të urdhërohet edhe ekzaminim psikiatrik.

“Gjithashtu duke marrë parasysh edhe karakteristikat personale të të pandehurit, i dënuar më herët për vepra të ngjashme ku palë e dëmtuar ka qenë pikërisht viktima  T.B., si dhe me qëllim të mbarëvajtjes së procedurës penale, ndaj të pandehurit do të urdhërohet ekzaminimi psikiatrik, Gjykata ka ardhur në përfundim se caktim I paraburgimit është i domosdoshëm për të siguruar prezencën e tij në procedurën hetimore e cila është në fazën fillestare”.

“Nga të lartcekurat, Gjykata ka ardhur në përfundim se në rastin konkret caktimi i paraburgimit për të pandehurin është oportune dhe e nevojshme, për mbarëvajtjen e procedurës hetimore. Gjithashtu Gjyqtarja e procedurës paraprake, me datë 22.01.2026, ka lëshuar URDHËR, për QKUK-në, Institutin e forenzikës psikiatrike të kryejë ekzaminim psikiatrik, në një kohë sa më të shpejtë që të jetë e mundur, por jo më gjatë se afati prej dy (2) javësh nga dita e lëshimit të urdhëresës. Dhe pas kryerjes së ekzaminimit, raporti dhe ekspertiza, ti dorëzohet Prokurorinë Themelore Prizren, dhe Gjyqtarit të procedurës paraprake”, thuhet ndër të tjera në njoftim.

Sinjali – aty ku e vërteta flet para lajmit!

/GazetaSinjali/

The post Një muaj paraburgim për djalin që dyshohet se vrau nënën në Dragash, urdhërohet edhe ekzaminimi psikiatrik appeared first on Sinjali.

Presidenti i Republikës, Bajram Begaj, ka autorizuar sot Kryeministrin Edi Rama për të nënshkruar marrëveshjen e aderimit të Shqipërisë në Kartën e Bordit të Paqes, një iniciativë ndërkombëtare për promovimin e stabilitetit dhe paqes në zonat e konfliktit.

Bordi ndërkombëtar synon të promovojë stabilitetin, rivendosjen e qeverisjes së ligjshme dhe sigurimin e paqes së qëndrueshme në territore të prekura nga konflikti.

Sinjali – aty ku e vërteta flet para lajmit!

/GazetaSinjali/

The post Presidenti Begaj autorizon Kryeministrin Rama për nënshkrimin në Bordin e Paqes appeared first on Sinjali.

Dhëndri i Donald Trumpit, Jared Kushner, i cili ishte kyç në ndërmjetësimin e planit të paqes për Gazën, ka folur për planin në Gaza, në Davos.

Ai ka zbuluar një “Master Plan” për të ardhmen e Gazës, ndërsa shfaqet harta e mëposhtme.

“Njerëzit na pyesin cili është plani ynë B”, thotë Kushner.

“Ne nuk kemi një plan B, kemi një plan. Ne kemi nënshkruar një marrëveshje. Të gjithë jemi të përkushtuar për ta bërë atë marrëveshje të funksionojë, raporton Sky News.

“Ka një plan master. Do ta zbatojmë me faza në Lindjen e Mesme. Ata ndërtojnë qytete si këto, e dini, për dy apo tre milionë njerëz. I ndërtojnë këto brenda tre vitesh. Pra, gjëra të tilla janë plotësisht të realizueshme nëse e bëjmë të ndodhë.”

Sinjali – aty ku e vërteta flet para lajmit!

/GazetaSinjali/

The post SHBA zbulon “Master Planin” për Gazën, publikohen hartat, dhëndri i Trump: Janë gjëra të realizueshme appeared first on Sinjali.

Është themeluar të enjten në Davos të Zvicrës Bordi i Paqes i formuar nga presidenti amerikan, Donald Trump. 

Bordi është nënshkruar nga dhjetëra shtete, teksa kanë munguar aleatët kryesorë perëndimor të SHBA-së. 

Trumpi ka thënë pas nënshkrimit se dëshiron që “Bordi i Paqes” i tij të punojë në bashkëpunim me Kombet e Bashkuara, edhe pse kritikoi OKB-në për dështimin në përmbushjen e potencialit të saj.

“Sapo ky bord të formohet plotësisht, ne mund të bëjmë pothuajse çfarë të duam të bëjmë, dhe do ta bëjmë në bashkëpunim me Kombet e Bashkuara”, ka thënë ai në Davos. 

“Gjithmonë kam thënë se Kombet e Bashkuara kanë një potencial të jashtëzakonshëm. Nuk e kanë përdorur, por kanë një potencial të jashtëzakonshëm”, ka shtuar ai.

Trumpi kishte sugjeruar më parë se “Bordi i Paqes”, të cilin ai e ka formuar  kryesisht për të ndihmuar në rindërtimin e Gazës, “mund” përfundimisht të zëvendësojë OKB-në. Por të enjten ai tha se donte që të dyja të punonin në kombinim, duke pretenduar se kjo mund të rezultonte në “diçka shumë, shumë unike për botën”.

Megjithatë, ai foli ashpër për performancën aktuale të OKB-së, duke pretenduar se ajo kishte luajtur pak rol në ndërmjetësimin e konflikteve që Trumpi i numëron midis të ashtuquajturave luftëra që ai beson se i ka përfunduar.

“Për tetë luftërat që i kam përfunduar, nuk kam folur kurrë me Kombet e Bashkuara, asnjërën prej tyre”, tha Trump. “Ata u përpoqën, mendoj, dhe disa prej tyre, por nuk u përpoqën mjaftueshëm”.

Sinjali – aty ku e vërteta flet para lajmit!

/GazetaSinjali/

The post Themelohet Bordi i Paqes, Trumpi zotohet të punojë bashkë me OKB-në appeared first on Sinjali.

Përmes një fjalimi dhe mbledhje me disa prej anëtarëve themelues, presidenti amerikan Donald Trump ka themeluar Bordin e Paqes.

Ceremonia e themelimit është nënshkruar nga përfaqësuesit e shteteve veç e veç, mes tyre edhe presidentja e Kosovës, Vjosa Osmani.

Ja lista e vendeve që kanë pranuar ftesën për t’u bashkuar me Bordin.

Në këtë listë përfshihen: Argjentina, Armenia, Azerbajxhani, Bahreini, Bjellorusia, Egjipti, Hungaria, Indonezia, Jordania, Kazakistani, Kosova, Maroku, Pakistani, Katari, Arabia Saudite, Turqia, Emiratet e Bashkuara Arabe, Uzbekistani dhe Vietnami.

Ndërkohë, këto janë vendet që nuk do t’i bashkohen, të paktën për momentin: Franca, Norvegjia, Sllovenia, Suedia dhe Mbretëria e Bashkuar.

Vende të tjera janë ftuar gjithashtu, por ende nuk janë zotuar nëse do të marrin pjesë apo jo: Kamboxhia, Kina, Kroacia, Gjermania, India, Italia, krahu ekzekutiv i BE-së, Paraguai, Rusia, Singapori, Tailanda dhe Ukraina.

Sinjali – aty ku e vërteta flet para lajmit!

/GazetaSinjali/

The post Presidentja Osmani një nga nënshkrueset e Bordit të Paqes me Presidentin Donald Trump appeared first on Sinjali.

Ceremonia e nënshkrimit të “Bordit të Paqes” nga presidenti Donald Trump ka paraqitur përfaqësues nga më pak se 20 vende, dhe asnjë nga aleatët tradicionalë të Evropës Perëndimore të SHBA-së.

Kombet e përfaqësuara në skenë në Davos anojnë shumë nga Lindja e Mesme dhe Amerika e Jugut, me udhëheqës nga Arabia Saudite, Katari, Emiratet e Bashkuara Arabe, Argjentina dhe Paraguai midis atyre që morën pjesë.

“Jemi vërtet të nderuar nga prania juaj sot”, ka thënë Trumpi, duke iu referuar atyre si “në shumicën e rasteve udhëheqës shumë të popullarizuar, në disa raste jo aq të popullarizuar”.

Numri i përgjithshëm i pjesëmarrësve është më pak se afërsisht 35 që një zyrtar i lartë i administratës parashikoi për gazetarët në fillim të kësaj jave. 

Dhe nuk përfshinte asnjë komb të Evropës Perëndimore, disa prej të cilëve kanë ngritur shqetësime mbi idenë e një bordi të dedikuar për paqen që mund të përfshijë kundërshtarë si Rusia aktualisht në luftë me një nga aleatët e tyre.

Sinjali – aty ku e vërteta flet para lajmit!

/GazetaSinjali/

The post Asnjë aleat nga Evropa Perëndimore në ceremoninë e Bordit të Paqes të Trumpit appeared first on Sinjali.

Presidenti i SHBA-së, Donald Trump, ka folur në ditën e dytë në Davos në Forumin e Ekonomisë.

Ai u shpreh se si president i SHBA-së, i ka dhënë fund 8 luftërave në botë dhe se po bën më mirë, se çdokush para tij.

“Si President i kam dhënë fund 8 luftërave. Një vit më parë, bota ishte në flakë. Në Nigeri të krishterët po vriteshin. Një nga sukseset më të mëdha është që kemi rindërtuar ushtrinë. Vendi ynë s’ka bërë ndonjëherë më mirë. Në punën tonë, çdo gjë është më mirë se kurrë më parë. Po shohim numra që s’i kemi parë kurrë më parë. Kam ndaluar pushtimet dhe kartelet e drogës.

Kemi padyshim ushtrinë më të fuqishme në botë. Kemi kapur diktatorin Nicolas Maduro dhe njerëzit në Venezuelë janë shumë të lumtur. Kemi një marrëdhënie shumë të mirë me lideren e re të Venezuelës. Po shkon çdo gjë shumë mirë”, tha ndër të tjera Trump.

Sinjali – aty ku e vërteta flet para lajmit!

/GazetaSinjali/

The post “I kam dhënë fund 8 luftërave”, Trump në Davos: Një vit më parë bota po digjej, kemi bërë më mirë se çdokush tjetër appeared first on Sinjali.

Në Davos ka nisur takimi mes të ftuarve nga presidenti Donald Trump, për të qenë pjesë e nisjes së iniciativës së tij “Bordi i Paqes”.

Në mesin e liderëve nga shumë vende të botës, është edhe presidentja Vjosa Osmani.

Trump aktualisht është duke e mbajtur fjalimin e tij hapës të takimit.

Sinjali – aty ku e vërteta flet para lajmit!

/GazetaSinjali/

The post Fillon takimi i Bordit të Paqes, pjesëmarrëse edhe Osmani appeared first on Sinjali.

Kryetari i OVL-UÇK’së, Hysni Gucati beson që ish-krerët e UÇK’së, Hashim Thaçi, Kadri Veseli, Jakup Krasniqi dhe Rexhep Selimi do të dalin të pafajshëm, duke theksuar se beson që drejtësia nuk do të jetë selektive e politike.

“Unë besoj më 16-17 do të jemi në Hagë, do t’i dëgjojmë katër bashkëluftëtar tanë. Besojmë që do të jemi atje, nëse na lejohet, i kemi bërë kërkesa para dy dite, besoj që do të na lejohet të marrim pjesë. Unë besoj dhe dua të besoj fuqishëm ata do të dalin të pafajshëm. Se besoj që drejtësia do të jetë drejtësi politike apo selektive, do të jetë një drejtësi e mirëfilltë evropiane”, tha Gucati, pasi bëri homazhe në Kompleksin Memorial “Adem Jashari” në Prekaz në 28-vjetorin e sulmit të dytë ndaj familjes së komandantit legjendar, Adem Jashari.

Gucati ka bërë të ditur edhe se do të marrin pjesë në protestën e 17 shkurtit që është thirrur nga platforma “Liria ka Emër”, e ku do të bëhet thirrje për drejtësi ndaj çlirimtarëve.

“Mua më vjen keq kjo pyetje që ma bërët, është me spec. Qysh nuk marr pjesë bre unë dhe gjithë shokët. Ne marrim pjesë në protesta. Ne nuk jemi këshill organizativ, kemi thënë me kohë, arsyet dihen pak a shumë, a në protestë do të marrim pjesë. Unë vetë kam vuajtur burgun edhe i kemi shokët, i kemi njerëzit që kanë luftuar”, tregoi Gucati.

Sinjali – aty ku e vërteta flet para lajmit!

/GazetaSinjali/

The post Gucati beson se ish-krerët e UÇK-së do të shpallen të pafajshëm appeared first on Sinjali.

Ambasada gjermane në Kosovë ka thënë se janë të gatshëm që të shqyrtojnë me të gjitha komunat në Kosovë ide për nxitjen e rritjes ekonomike dhe për të forcuar marrëdhëniet dypalëshe,

Ambasadori Rainer Rudolph dhe zv/ambasadori Christian Bottcher kanë vizituar katër komunat veriore- Leposaviqin, Zveçanin, Zubin Potokun dhe Mitrovicën e Veriut.

“Një shkëmbim i frytshëm me kryetarët e sapozgjedhur të komunave dhe ekipet e tyre mbi sfidat aktuale dhe perspektivat e ardhshme.”

Po ashtu, ata kanë vizituar Manastirin e Vodës Hyjnore.

Sinjali – aty ku e vërteta flet para lajmit!

/GazetaSinjali/

The post Ambasadori gjerman shkon në veri, i takon kryetarët e rinj appeared first on Sinjali.

Presidentja Vjosa Osmani ka njoftuar se ka arritur në Davos të Zvicrës ku po mbahet Forumi Ekonomik Botëror.

Ajo tha se atje shkoi me ftesë të presidentit amerikan, Donald Trump, për të marrë pjesë në ceremoninë e themelimit të Bordit të Paqes ku Kosova u ftua të bëhet anëtare themeluese e këtij bordi.

“Mirëmëngjesi nga Davos, ku jemi me ftesë të Presidentit Trump, në ceremoninë e themelimit të Bordit të Paqes”, shkroi Osmani krahas një videoje të saj duke arritur në forum.

Sinjali – aty ku e vërteta flet para lajmit!

/GazetaSinjali/

The post Me ftesë të Trumpit, Osmani arrin në Davos për ceremoninë e themelimit të Bordit të Paqes appeared first on Sinjali.

Mbretëria e Bashkuar nuk do të marrë pjesë në ceremoninë e nënshkrimit të Bordit të Paqes për Gazën sot për shkak të “shqetësimeve se presidenti rus Vladimir Putin është pjesë e diçkaje që flet për paqen”, ka njoftuar Sekretarja e Jashtme Yvette Cooper.

Presidenti amerikan Donald Trump ka ftuar dhjetëra udhëheqës botërorë që t’i bashkohen iniciativës së tij “Bordi i Paqes”.

Ndërsa bordi fillimisht u krijua për të mbikëqyrur armëpushimin në Gaza, tani ai është shndërruar në diçka shumë më ambicioze, shkruan skynews.

Sinjali – aty ku e vërteta flet para lajmit!

/GazetaSinjali/

The post Britania bojkoton ceremoninë e Bordit të Paqes, shkak përfshirja e Putinit appeared first on Sinjali.

Presidenti i SHBA-së, Donald Trump, synon të largojë udhëheqjen e Kubës dhe po kërkon në mënyrë aktive njerëz të brendshëm të qeverisë në Havana, të cilët janë të gatshëm të bëjnë një marrëveshje me Uashingtonin për të “rrëzuar regjimin komunist”, sipas një raporti në The Wall Street Journal.

Gazeta amerikane, duke cituar zyrtarë të paidentifikuar amerikanë, raportoi se administrata Trump nuk ka një “plan konkret” për Kubën, por se arrestimi i presidentit venezuelan Nicolas Maduro nga ushtria amerikane “u la pas si një plan dhe një paralajmërim për Kubën”.

Një zyrtar amerikan i tha gazetës se janë mbajtur takime me të mërguarit kubanë dhe grupet civile në Miami dhe Washington, në një përpjekje për të identifikuar një zyrtar qeveritar në Kubë i cili mund të “dëshirojë të arrijë një marrëveshje”.

Trump gjithashtu e ka kërcënuar drejtpërdrejt Kubën, duke shkruar në platformën e tij Truth Social në fillim të këtij muaji: “Unë sugjeroj fuqimisht që ata të bëjnë një marrëveshje, PARA SE TË JETË SHUMË VONË.”

Sinjali – aty ku e vërteta flet para lajmit!

/GazetaSinjali/

The post Pas Venezuelës, SHBA tani sytë kah Kuba – Trump kërkon rrëzimin e regjimit appeared first on Sinjali.

Gjykata Themelore e Gjilanit ia ka caktuar një muaj paraburgim Arianit Sllamnikut.

Lajmin e ka konfirmuar Sabit Shkodra, zëdhënësi i Themelores në Gjilan.

Sllamniku dyshohet për dy vepra penale “Ushtrim i kundërligjshëm i veprimtarisë mjekësore ose farmaceutike’ dhe ‘Eksperimente të kundërligjshme mjekësore dhe testime të barnave”.

Sinjali – aty ku e vërteta flet para lajmit!

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Vendos gjykata, 1 muaj paraburgim ndaj Arianit Sllamnikut appeared first on Sinjali.

Dy raste të vjedhjes së rëndë janë raportuar brenda dy netëve radhazi në Obiliq, ku persona të panjohur kanë depërtuar me forcë në dy lokale në rrugën “Hasan Prishtina”, duke marrë para dhe mallra brenda objekteve.

Sipas informatave, rasti i parë ka ndodhur më 19 janar 2026, rreth orës 03:00, në kafenenë “Nostra”, ku të dyshuarit kanë thyer lokalin dhe kanë marrë para dhe pije alkoolike, me vlerë rreth 300 euro.

Ndërkohë, rasti i dytë është raportuar më 20 janar 2026, rreth orës 04:20, në kafenenë “Oaza”, ku të dyshuarit kanë depërtuar brenda dhe kanë marrë kuletën e lokalit, me para në vlerë rreth 30 euro.

Pas veprimeve hetimore të ndërmarra nga Njësia e Hetimeve në Stacionin Policor Obiliq, policia ka arritur të identifikojë dhe arrestojë katër persona, të dyshuar për përfshirje në këto raste.

Me vendim të Prokurorit të Shtetit, dy prej të dyshuarve: Erdonis Berisha dhe i mituri J., janë dërguar në mbajtje në Qendrën e Ndalimit në Ferizaj.

Ndërsa dy të dyshuarit e tjerë, gjithashtu të mitur: A. dhe M. janë dërguar në mbajtje në Qendrën e Ndalimit në Lipjan.

Rasti është iniciuar si “Vjedhje e rëndë”, ndërsa hetimet po vazhdojnë për të sqaruar rrethanat dhe përfshirjen e mundshme të personave të tjerë.

Sinjali – aty ku e vërteta flet para lajmit!

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

/GazetaSinjali/

The post Eksklzive: Vodhën para dhe pije alkoolike në dy lokale në Obiliq, këta janë personat e arrestuar appeared first on Sinjali.

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025. Sipas njoftimit, aktakuza ka lidhje me veprën penale “Asgjësimi i dokumenteve të votimit”, raporton Periskopi.

Aktakuza është ngritur ndaj personit me inicialet M.A.

Njoftimi i plotë:

Prokuroria Themelore në Ferizaj njofton opinionin publik se ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”, e paraparë me nenin 217 paragrafi 1 të Kodit Penal të Republikës së Kosovës.

Sipas aktakuzës, më 28 dhjetor 2025, në një qendër të votimit në qytetin e Shtimes i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës. Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda. Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit”, thuhet në komunikatën për media të Prokurorisë Themelore në Ferizaj.

Sinjali – aty ku e vërteta flet para lajmit!

/GazetaSinjali/

The post Keqpërdorimet me vota – ngritet aktakuza e parë për zgjedhjet e 28 dhjetorit appeared first on Sinjali.

Shtetet e Bashkuara pritet të dalin zyrtarisht nga Organizata Botërore e Shëndetësisë (OBSH) të enjten, pavarësisht paralajmërimeve se kjo do të dëmtojë si shëndetin publik në SHBA ashtu edhe shëndetin global.

Presidenti Donald Trump ka njoftuar se SHBA-ja do të largohej nga organizata që në ditën e parë të presidencës së tij në vitin 2025, përmes një urdhri ekzekutiv. Sipas ligjit amerikan, SHBA-ja duhet të japë njoftim një vit përpara dhe të paguajë të gjitha detyrimet financiare përpara largimit.

Të enjten, një zëdhënës i Departamentit amerikan të Shtetit ka thënë se dështimi i OBSH-së për të frenuar, menaxhuar dhe ndarë informacionin i kishte kushtuar SHBA-së triliona dollarë dhe se presidenti kishte ushtruar autoritetin e tij për të pezulluar transferimin e ardhshëm të çdo fondi, mbështetjeje apo burimi të qeverisë amerikane drejt OBSH-së.

Sinjali – aty ku e vërteta flet para lajmit!

/GazetaSinjali/

The post SHBA-ja del sot zyrtarisht nga Organizata Botërore e Shëndetësisë appeared first on Sinjali.

Në Qendrën e Numërimit dhe Rezultateve janë rinumëruar 1 mijë e 27 kuti të votimit nga 2.557 sa do të rinumërohen në tërësi.

Sipas vendimit të parë të KQZ-së, më 13 janar 2026, në 10 komuna ishte planifikuar të rinumëroheshin 100% të vendvotimeve (Dragash, Kaçanik, Lespoaviq, Prizren, Skënderaj, Shtime, Ferizaj, Vushtrri, Mamushë dhe Ranillug), ndërkaq në 28 komunat tjera, vetëm nga 10% e vendvotimeve (Deçan, Gjakovë, Gllogoc, Gjilan, Istog, Klinë, Fushë Kosovë, Kamenicë, Mitrovicë e Jugut, Lipjan, Novobërdë, Obiliq, Rahovec, Pejë, Podujevë, Prishtinë, Shtërpcë, Suharekë, Viti, Zubin Potok, Zveçan, Malishevë, Junik, Hani i Elezit, Graçanicë, Partesh, Kllokot dhe Mitrovicë e Veriut). Pas vendimit të dytë të KQZ-së, më 19 janar 2026, në proces të rinumërimit janë përfshirë edhe vendvotimet tjera të këtyre komunave.

Komisioni Qendror i Zgjedhjeve ka vendosur të hënën të numërohen edhe një herë të gjitha votat nga vendvotimet e rregullta, pasi gjatë rinumërimit të vetëm një të katërtës së tyre janë evidentuar rreth 57 mijë vota të keqregjistruara për kandidatë.

Të martën e kaluar, pas pranimit të një raporti ku ishin gjetur abuzime në QKN, KQZ-ja vendosi të çojë në rinumërim të gjitha vendvotimet në 10 komuna e në 28 të tjera nga 10%. 

Para daljes në pah të problemeve me abuzimin e votave për kandidatë, KQZ-ja pati paraparë 19 janarin, për shpallje të rezultateve përfundimtare, por tash procesi i rinumërimit pritet të përfundojë në fund të janarit.

Vendi që një vit është pa institucione mandatplota. Zgjedhjet e shkurtit të vitit që shkoi nuk rezultuan me formimin e qeverisë, e përmbyllja e atyre të 28 dhjetorit ka tejkaluar afatet e parapara. 

Kosova nuk ka buxhet të miratuar për vitin 2026 dhe për pak javë përfundon edhe mandati i presidentes.

Sinjali – aty ku e vërteta flet para lajmit!

/GazetaSinjali/

The post Rinumërohen 1 mijë e 27 vendvotime, kur pritet të përfundojë procesi? appeared first on Sinjali.

Një person që ishte në kërkim ndërkombëtar nga autoritetet e Hungarisë është arrestuar në Fushë Kosovë.

Sipas informatave, më 21.01.2026, rreth orës 23:30, te rrethi në Fushë Kosovë, është ndaluar dhe arrestuar Bajram Saraqi, i cili pas verifikimit në sistemin policor ka rezultuar me “Kërkim Ndërkombëtar”.

Burimet bëjnë me dije se kërkimi ishte lëshuar nga autoritetet e Hungarisë, lidhur me veprën penale “Vjedhje e rëndë”.

Me vendim të Prokurorit, i dyshuari është dërguar në Qendrën e Mbajtjes, ndërsa rasti pritet të trajtohet në procedura të mëtejme në koordinim me institucionet kompetente.

Sinjali – aty ku e vërteta flet para lajmit!

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Ekskluzive | I kërkuar nga Hungaria për “vjedhje të rëndë”, arrestohet në Fushë Kosovë appeared first on Sinjali.

Dy raste të vjedhjes së rëndë janë raportuar brenda dy netëve radhazi në Obiliq, ku persona të panjohur kanë depërtuar me forcë në dy lokale në rrugën “Hasan Prishtina”, duke marrë para dhe mallra brenda objekteve.

Sipas informatave, rasti i parë ka ndodhur më 19 janar 2026, rreth orës 03:00, në kafenenë “Nostra”, ku të dyshuarit kanë thyer lokalin dhe kanë marrë para dhe pije alkoolike, me vlerë rreth 300 euro.

Ndërkohë, rasti i dytë është raportuar më 20 janar 2026, rreth orës 04:20, në kafenenë “Oaza”, ku të dyshuarit kanë depërtuar brenda dhe kanë marrë kuletën e lokalit, me para në vlerë rreth 30 euro.

Pas veprimeve hetimore të ndërmarra nga Njësia e Hetimeve në Stacionin Policor Obiliq, policia ka arritur të identifikojë dhe arrestojë katër persona, të dyshuar për përfshirje në këto raste.

Me vendim të Prokurorit të Shtetit, dy prej të dyshuarve: E. B. dhe i mituri J., janë dërguar në mbajtje në Qendrën e Ndalimit në Ferizaj.

Ndërsa dy të dyshuarit e tjerë, gjithashtu të mitur:  A. dhe M. janë dërguar në mbajtje në Qendrën e Ndalimit në Lipjan.

Rasti është iniciuar si “Vjedhje e rëndë”, ndërsa hetimet po vazhdojnë për të sqaruar rrethanat dhe përfshirjen e mundshme të personave të tjerë.

Sinjali – aty ku e vërteta flet para lajmit!

/GazetaSinjali/

The post Vjedhje të rënda në dy lokale në Obiliq – thyejnë me forcë “Nostra” dhe “Oaza”, arrestohen 4 të dyshuar appeared first on Sinjali.