Pas një periudhe të gjatë heshtjeje dhe dhimbjeje, artisti i njohur Gjesti është gati të rikthehet në skenën muzikore me një projekt të ri, i cili pritet të jetë ndër më personalët e karrierës së tij.

Përmes një postimi të fundit në llogarinë e tij në Instagram, këngëtari ka njoftuar fansat se nesër, në ora 18:00, do të lansojë këngën e tij më të re, duke ngjallur menjëherë reagime të shumta nga ndjekësit.

Burime pranë artistit bëjnë të ditur se ky projekt nuk do të jetë një këngë e zakonshme. Përkundrazi, ai pritet të jetë një dedikim i ndjerë që reflekton zhvillimet e fundit në jetën private të Gjesti, me fokus të veçantë në ngjarjen tragjike të humbjes së vëllait të tij, e cila tronditi opinionin publik pak kohë më parë.

Ky projekt shënon jo vetëm rikthimin e Gjesti në muzikë, por edhe një mënyrë për të shprehur përmes artit emocionet, dhimbjen dhe sfidat e muajve të fundit. Muzika, si gjithmonë, duket se mbetet forma e tij më e sinqertë e komunikimit.

Mbetet të shihet nëse kënga do të vijë në formën e një balade, por ajo që dihet me siguri është se ky projekt pritet të jetë një nga më të ndjerët dhe më personalët në rrugëtimin artistik të tij.

The post Gjesti jep lajmin e madh për fansat, rikthehet nesër me projektin e ri – të parin pas tragjedisë familjare appeared first on Albeu.com.

Në 90 vjetorin e lindjes së gjeniut të letrave shqipe, Ismail Kadare, në ceremoninë e zhvilluar nga Ministra për Europën dhe Punët e Jashtme është zbuluar edhe një letër që shkrimtari i ka dërguar Presidentit të Shteteve të Bashkuara të Amerikës, George Bush në vitin 1991.

Në letër Kadare shtron pyetjen nëse populli shqiptar ka të drejtë të jetojë në të njëjtën shtëpi, duke iu referuar Kosovës. Ai thotë se mjetet demokratike që çojnë në një zgjidhje paqësore dhe diplomatike, ekzistojnë.

“Ndonëse nuk do të doja ta mbyllja këtë letër me diçka të zymtë, s’mund të rri pa ju thënë se shqiptarët e Kosovës i kanë bërë thirrje për ndihmë gjithë botës: një masakër e përgjakshme po përgatitet kundër tyre. Shpresoj, Zoti President i SHBA, se ju do të bëni gjithçka, për të ndaluar këtë krim të paralajmëruar, tashmë, nga shumë drejtime”, shkruan ndër të tjera Kadare.

LETRA

Zoti President,

Dy vjet më parë, më 1989, kur jo vetëm në vendin tim por në gjithë perandorinë e Lindjes, diktatura komuniste ishte ende në këmbë, me mikun tim, laureatin e çmimit Nobel të paqes, Elia Weisel, ju kam dërguar një letër.

Në atë kohë, për një letër si ajo, në Shqipërinë komuniste dënoheshe me vdekje, megjithatë unë e ndjeva për detyrë t’ju drejtohesha juve, presídentit të shtetit më të fuqishëm demokratik të botës, për t’ju kërkuar ndjesë në emër të popullit shqiptar, për qëndrimin armiqësor që mbante qeveria komuniste shqiptare ndaj SHBA.

Ju shkruaja, midis të tjerash, në atë letër se populli shqiptar, në kundërshtim me sunduesit komunistë, kishte ndjenja të thella mirënjohjeje për SHBA dhe ju lutesha Juve, që pa ia vënë veshin fyerjeve të Tiranës të vazhdonit të ndihmonit këtë popull martir, si atë që vuante brenda kufijve të shtetit, si gysmën tjetër të tij, që vuante në Jugosllavi.

Dhe ja, pa u mbushur dy vjet, në marrëdhëniet amerikano-shqiptare ndodhi e pabesueshmja. Kur Sekretari i Shtetıt, Baker, u prit në mënyrë madhështore në Tiranë, isha i lumtur të vërtetoheshin fjalët që ju kisha shkruar më 1989, që në atë kohë mund të tingëllonin si fantazi shkrimtari, se SHBA do të ketë te populli shqiptar, një mik të zjarrtë e të përhershëm. Nga ana e tyre, shqiptarët të zhgënjyer nga ato lidhje të mbrapshta në të cílat i çuan komunistët, janë sot më të etur se kurrë për miqësi të vërtetë.

Zoti President, sot kur një pjesë e botës, e sidomos ajo pjesë që posa është shkëputur nga e kaluara komuniste, po përpëlitet e s’gjen dot qetësi, njerëzimi mbarë përcjell me adhurim përpjekjet tuaja fisnike për rregullimin e saj. Në këtë kahje, jo vetëm si shkrimtar e qytetar shqiptar, por edhe si njeri që dëshiron një botë më të përkryer, ju drejtohem Juve, burrit të shtetit me të cilin e ardhmja e botës ka një lidhje të drejtpërdrejtë.

Për shumë dekada, një pjesë e botës në aksionet e saj politike e diplomatike, përballë problemeve të mëdha ka qenë shpesh herë e paralizuar prej dogmave dhe tabuve. Në emër të një stabiliteti e qetësie false, këto dogma shpalleshin të shenjta e të pandryshueshme, paçka se kombe e popuj të tërë, të rrëzuar prej fatit, njëlloj si titanët e dikurshëm, vuanin e rënkonin prej tyre.

Tani është e qartë për cilindo, se ajo qetësi dhe stabilitet, që përligjej nga formulat gjoja të shenjta, nuk ka qenë veç një harmoni e gënjeshtërt. Nuk do të zgjatem për gjëra që ju i dini më mirë se kushdo dhe, prej të cilave jeni shqetësuar si rrallë kush. Do të dëshiroja vetëm që të tërheq edhe një herë vëmendjen tuaj, Zoti President, për popullin me fatin më tragjík, të krejt kontinentit evropian: shqiptarët.

Ky është i vetmi popull në historinë e Europës, që pas dy mijë vjetëve jetë u nda më dysh, që në fillim të shekullit të XX-të prej Fuqive të Mëdha. Ky është i vetmi komb, që në këtë shekull u shtyp prej dy díktaturave më të egra, që ka njohur bota: diktaturës së komunistëve shqiptarë dhe diktaturës së komunistëve serbë.

Ky gjymtim e kjo shtypje dyfishe, e ka lodhur dhe e ka dëmtuar rëndë këtë komb. Tani, gjysma e tij, ajo që jeton brenda kufijve të shtetit shqíptar, është duke e fituar më në fund lirinë. Por gjysma tjetër, ajo që ende ndodhet nën komunistët serbë, është në zi dhe në mjerim.

Zoti President i SHBA! Mendoj se është e palejueshme dhe në kundërshtim me të gjitha ligjet e natyrës, të së drejtës universale dhe të Zotit, që ky komb të vazhdojë e të jetë i dënuar kështu.

Dhurata që iu bë terroristëve serbë që vranë më 1914 në Sarajevë, dukën Ferdinand të Austro-Hungarisë, duke u dhënë si shpërblim gjysmën e Shqipërisë, është një nga krimet më të rënda në historinë e njerëzimit. Sa më shpejt që bota e qytetëruar ta çlirojë veten e saj nga ky krim, aq më mirë do të jetë.

Kur ju shkruaj këto fialë, unë nuk mendoj kurrë, që paqja dhe mirëkuptimi i sotëm i arritur me aq mundime, të rrezikohen për shkak të shqiptarëve. As nuk parashtroj kërkesa për veprime të ngutshme, brutale ose sensacionale.

Ajo që dëshiroj të shtroj para jush është kërkesa për një ndryshim parimor në qëndrimin ndaj popullit shqiptar. Në mbarim të këtij shekulli, përpara shqiptarëve po ngrihet shansi historik, shansi që të korrigjohet faji që u bë ndaj tyre në fillim të shekullít.

A do të pranohet prej botës së sotme të qytetëruar e drejta e këtij populli, që të jetojë bashkë, në të njëjtën shtëpi, si të gjithë kombet apo do t’i mohohet kjo e drejtë, në emër të tabuve ose të gjumit të qetë të dikujt?

Në qoftë se në vizionin e Europës së nesërme pranohet kjo ide, mendoj se edhe mjetet demokratike për zgjedhjen e saj në mënyrë paqësore, diplomatike, njerëzore, pa dhimbje e gjak për kërrkënd, mund të gjenden.

E tmerrshme është se gjer më sot kjo ide nuk është pranuar. Por në kohën tonë, në kohën e triumfit të të drejtave të njeríut, triumf në të cilín SHBA kanë një vend nderi, të mos pranosh një ide të tillë, do të thotë të pajtohesh me të kundërtën.

Me një krim të tillë në ndërgjegje, bota e lirë s’mund të flejë e qetë. Ndonëse nuk do të doja ta mbyllja këtë letër me diçka të zymtë, s’mund të rri pa ju thënë se shqiptarët e Kosovës i kanë bërë thirrje për ndihmë gjithë botës: një masakër e përgjakshme po përgatitet kundër tyre.

Shpresoj, Zoti President i SHBA, se ju do të bëni gjithçka, për të ndaluar këtë krim të paralajmëruar, tashmë, nga shumë drejtime.

Duke ju falenderuar edhe një herë, ju personalisht dhe shtetin tuaj të madh, për vëmendjen ndaj popullit tim, shpresoj Zoti President, se midis punëve dhe problemeve tuaja të shumta, do të vazhdoni të interesoheni për fatin e popullit tim martir.

Pranoni, Zoti President, shprehjen e respektit tim më të thellë.

The post “Një masakër e përgjakshme po përgatitet kundër shqiptarëve në Kosovë”, zbulohet letra e Kadaresë për Presidentin Bush në 1991 appeared first on Albeu.com.

Ndarja e bujshme e moderatores Neda Balluku nga bashkëshorti i saj, Ogren Balluku, vëllai i zv/kryeministres Belinda Balluku, vijon të jetë në qendër të vëmendjes publike, teksa dalin në dritë detaje të reja nga përplasja mes tyre, e cila ka përfunduar në dyert e drejtësisë.

Më 16 janar 2026, Gjykata e Shkallës së Parë e Juridiksionit të Përgjithshëm Tiranë lëshoi urdhër të menjëhershëm mbrojtjeje në favor të Neda Balluku, për shkak të dhunës së pretenduar nga bashkëshorti i saj. Vendimi erdhi pas kallëzimit të paraqitur nga moderatorja, e cila kërkoi mbrojtje ligjore për veten.
Vetëm pak ditë më pas, ishte vetë Ogren Balluku ai që iu drejtua gjykatës me një kërkesë për urdhër të menjëhershëm mbrojtjeje, duke pretenduar se ishte subjekt i dhunës së vazhdueshme verbale, psikologjike dhe herë pas here edhe fizike nga bashkëshortja.

Në dëshminë e dhënë para Gjykatës së Tiranës, Ogren Balluku deklaroi se është ofenduar rëndë me fjalë si “ordiner, kafshë, kriminel dhe hajdut”, ndërsa shtoi se është kërcënuar edhe me shprehje të rënda si “Do të bëj të vrasësh veten, do prekësh fundin, mos gjetsh varr”.

Ai pohoi gjithashtu se ndihet i përndjekur dhe i survejuar, duke pretenduar se Neda Balluku ka hapur kamerat e supermarketeve për të ndjekur lëvizjet e tij dhe të fëmijëve, si edhe ka paraqitur prova në gjykatë që, sipas tij, dëshmojnë përgjimin e banesës së tij.

Në dëshminë e depozituar, Ogren Balluku shprehet:

“Kam pasur shqetësime të vazhdueshme nga bashkëshortja ime Neda Balluku dhe do të kërkoj të pajisem me urdhër të menjëhershëm mbrojtjeje për vete dhe djalin tim. Jam i dhunuar verbalisht me fjalët më të ulëta që mund t’i thuhen një njeriu si ordiner, hajdut, kriminel, kafshë. Më kërcënon verbalisht me fjalët do të bëj të vrasësh veten, do prekësh fundin, mos gjetsh varr. Unë dhe dy djemtë e mi jemi të përgjuar në shtëpinë tonë. Ditën e premte, më datë 16.01.2026, të dy djemtë janë përballur me dhunë psikologjike në ambientet e shkollës Viktor Hygo”.
Megjithatë, pas shqyrtimit të kërkesës, Gjykata e Tiranës vendosi rrëzimin e saj, duke mos pranuar lëshimin e urdhrit të menjëhershëm të mbrojtjes ndaj Neda Ballukut.

Nga ana tjetër, Neda Balluku ka mohuar akuzat dhe ka deklaruar se ish bashkëshorti e pengon në mënyrë të paligjshme të takojë fëmijët, e nxjerr nga banesa dhe e ofendon në sy të tyre, duke i manipuluar kundër saj.

Në dëshminë e saj para gjykatës, ajo ka deklaruar:

“Kam për të deklaruar se për datën 20.01.2026 unë me shtetasin Ogren jam takuar vetëm në sallën e gjyqit. Nuk e kam kërcënuar apo dhunuar fizikisht apo psikologjikisht këtë shtetas. Kam shkuar në shkollë për të takuar fëmijët sipas vendimit të gjykatës, por nuk jam lejuar. Ai ofendon, shan dhe denigron mua në sy të fëmijëve. Kam bërë disa kallëzime dhe kam marrë urdhër mbrojtjeje sepse nuk më lejonte të takoja vajzën sipas vendimit të gjykatës”.
Sipas saj, kërkesa e Ogren Ballukut për urdhër mbrojtjeje është bërë si kundërpeshë ndaj vendimit të mëparshëm të marrë në favor të saj dhe si tentativë për të penguar zbatimin e vendimeve gjyqësore që lidhen me takimin me fëmijët.

The post “Do të bëj të vrasësh veten, do prekësh fundin, mos gjetsh varr”/ Ogren Balluku: Neda më dhunonte në sy të fëmijëve appeared first on Albeu.com.

Nicola Peltz, gruaja e Brooklyn Beckham, merr një pagesë mujore prej 1 milion dollarësh nga babai i saj miliarder Nelson Peltz, tha një burim.

Nelson Peltz krenohet me një pasuri neto prej 1.6 miliardë dollarësh. Gazetarja Marina Hyde tha gjatë paraqitjes së saj në podkastin The Rest Is Entertainment:

“Nga ajo që dëgjoj, mendoj se familja Beckham i jep Brooklyn shumë para, por jo shumë, dhe se ata ëndërrojnë disi që ai të qëndrojë në këmbët e veta dhe të bëhet i pavarur. Ndoshta Nelson Peltz do ta mohonte këtë, por e dëgjova të thoshte: ‘Unë i jap vajzës sime një milion dollarë në muaj në pagesë.'”

Ajo shtoi se Victoria dhe David Beckham nuk mendonin se djali i tyre do të nënshkruante një marrëveshje paramartesore, por ai e bëri këtë për shkak të faktit se Nelson Peltz ka shumë më tepër para se familja Beckham, pasuria e së cilës vlerësohet në 680 milionë dollarë.

Ai shpenzoi më shumë se 3.5 milionë dollarë për dasmën e vajzës së tij me Brooklyn Beckham në vitin 2022. Udhëtimi i Nelson Peltz drejt pasurisë së madhe filloi kur ai dhe vëllai i tij Robert morën përsipër kompaninë e shpërndarjes së ushqimeve të ngrira të babait të tyre, të cilën e rritën shpejt gjatë viteve në vijim.

Ai e rriti më tej pasurinë e tij gjatë viteve 1980 duke blerë Triangle Industries dhe duke e shitur atë për herë të parë në vitin 1988.

The post Gruaja e Brooklyn Beckham thuhet se merr 1 milion dollarë në muaj nga babai i saj: Ajo po lahet në pasuri appeared first on Albeu.com.

Keijsi u përjashtua nga ky edicion i Big Brother VIP Albania 5 për shkak se theu rregullat.

Pas daljes nga shtëpia, ai foli për herë të parë për “Shqipëria Live”, ku zbuloi më shumë për raportin e tij me Stelinën dhe Inën.

Sa i përket Stelinës, ai tha se e ka mbyllur përfundimisht, ndërsa për Inën deklaroi se do të vazhdojë njohjen jashtë.

Keijsi foli edhe për lojën duke thënë se Inën e goditën moralisht.

“Pasi hyri Ina, me Stelinën patëm një krisje të madhe, për pritjen që unë i bëra. Puthja me Inën ndodhi vetëm një herë, në atë video që është transmetuar. Ina nuk dinte gjë për videon. Në aspektin moral, e goditën shumë. Sikur ajo është një njeri i pavlerë”, u shpreh ai.

Tutje tha: “Ina nuk ka hyrë mes meje dhe Stelinës. Me Stelinën jam shkëputur për arsye pasigurisë, siç ndodhi dhe aty. Me Stelinën e kam mbyllur përfundimisht”.

“Stelina erdhi me tendencë, u nis nga dëshira dhe përfundoi me tendencë. Lidhjen me Inën do ta vazhdoj jashtë”, shtoi ndër tjerash.

The post “Me Stelinën e kam mbyllur përfundimisht”, Keijsi: Me Inën do të vazhdoj jashtë appeared first on Albeu.com.

Këngëtarja e njohur shqiptare Greta Koçi ka festuar ditëlindjen e dytë të djalit të saj me një organizim të veçantë dhe plot ngjyra.

Në rrjetet sociale, ajo ka ndarë me ndjekësit momente nga festa, duke përmbledhur çastet më të bukura të kësaj dite të rëndësishme familjare.

Ashtu si herët e tjera, Greta ka zgjedhur ta mbajë të fshehur portretin e vogëlushit, duke respektuar privatësinë e tij dhe duke e mbrojtur, siç shprehet ajo, nga “syri i keq”.

Festa është komentuar gjerësisht nga fansat, të cilët i kanë uruar vogëlushit jetë të gjatë dhe të lumtur.

The post Greta Koçi ndan momente të ëmbla nga ditëlindja djalit të saj, ja sa vjeç mbush appeared first on Albeu.com.

Një kalë i kuq prej pelushi, i menduar fillimisht si dekor për Vitin e Ri Kinez, është shndërruar në një fenomen viral në Kinë, duke u kthyer në simbol të lodhjes, presionit dhe rraskapitjes së punonjësve, veçanërisht atyre të mediave sociale.

Lodra prodhohet nga dyqani Happy Sisters në qytetin Yiwu, në perëndim të Kinës. Ajo dallohet për një detaj të pazakontë: goja e qepur përmbys, që i jep kalit një shprehje të trishtuar, në vend të buzëqeshjes së zakonshme. Sipas kalendarit zodiak kinez, viti që nis më 17 shkurt është Viti i Kalit, simbol i energjisë dhe punës së palodhur.

Pronaria e dyqanit shpjegoi për mediat lokale se shprehja e trishtuar erdhi si pasojë e një gabimi prodhimi. Megjithatë, pasi lodra u bë virale në rrjetet sociale, kompania vendosi të vazhdojë prodhimin e “kalit të gabuar”, duke përqafuar popullaritetin e tij të papritur.

Ndërsa Viti i Kalit zakonisht lidhet me optimizëm dhe forcë, suksesi i këtij pelushi sugjeron se shumë qytetarë kinezë nuk ndihen në atë gjendje shpirtërore. Kali i trishtuar u përhap me shpejtësi në platformat sociale, duke reflektuar ndjenjat e lodhjes dhe presionit në një vend të njohur për kulturën e tij intensive të punës, përfshirë sistemin famëkeq 9-9-6 (nga ora 9 e mëngjesit deri në 9 të mbrëmjes, gjashtë ditë në javë).

“Njerëzit bëjnë shaka se kali që qan tregon si ndihesh në punë, ndërsa ai që buzëqesh tregon si je pas pune”, tha për Reuters Zhang Huoqing, pronare e Happy Sisters. Deri në mesin e janarit, dyqani merrte mbi 15 mijë porosi në ditë, duke e detyruar fabrikën të hapte dhjetë linja të reja prodhimi.

Me një çmim rreth 25 juanë (afërsisht 3 euro), lodra u bë e përballueshme për masat dhe u shndërrua shpejt në atë që përdoruesit e quajtën “kukulla emo kombëtare” dhe një mjet për “shprehje kolektive emocionale”. Popullariteti i saj lidhet edhe me trendin e lodrave “të shëmtuara por të lezetshme”, si përbindëshi i famshëm Labubu i Pop Mart.

Ekspertët e tregut vlerësojnë se fenomeni shkon përtej një lodre. Sipas Jacob Cooke, CEO i WPIC Marketing + Technologies, produktet e konsumit dhe memet online po kthehen në mënyra të reja për të shprehur stresin në punë, veçanërisht në platforma si Xiaohongshu, ku shprehja emocionale dhe kultura e konsumit ndërthuren ngushtë.

The post A është ky Labubu i ri? Kafsha prej pelushi me fytyrë të trishtuar lidhet me lodhjen e punëtorëve appeared first on Albeu.com.

Familja e Albës ka reaguar përmes një postimi në Instagram, në një deklaratë të gjatë, lidhur me situatat e ndodhura brenda formatit ku ajo po merr pjesë si dhe me komentet dhe gjykimet e shumta të publikut.

Në deklaratë theksohet mbështetja e plotë për Albën dhe besimi i palëkundur në forcën, karakterin dhe veprimet e saj, duke nënvizuar se ajo është 100 për qind vetvetja dhe reale në çdo situatë.

Familja shprehet se çdo vendim i Albës do të respektohet dhe mbështetet, pavarësisht mënyrës se si ka rrjedhur loja brenda formatit.

Sipas reagimit, konsiderohet e padrejtë dhe absurde që publiku të gjykojë situata personale që ndodhin brenda një formati që nuk ka karakter edukativ, duke theksuar se ngjarje të tilla ndodhin edhe jashtë tij, në jetën reale.

Familja apelon për empati, duke kujtuar se askush nuk e njeh plotësisht realitetin dhe ndjenjat e atyre që po i përjetojnë situatat nga brenda.

“Çdo familje ka persona që gabojnë dhe bëjnë gjëra që nuk dinë t’i kontrollojnë, por askush nuk ka të drejtë të gjykojë mënyrën se si dikush zgjedh ta jetojë jetën e vet”, thuhet ndër të tjera në deklaratë.

Gjithashtu, familja dënon komentet ofenduese, bullizuese dhe denigruese, duke theksuar se ato nuk pasqyrojnë vlerat e një shoqërie të shëndetshme dhe se secili duhet të mbajë përgjegjësi për fjalët e veta.

The post “Mos paragjykoni pa ditur të vërtetën” – familja e Albës thyen heshtjen për lojën e saj në Big Brother appeared first on Albeu.com.

Pas përfundimit të rinumërimit të votave në Komunën e Malishevës, Prokuroria Themelore në Gjakovë sot ka ndërmarrë një aksion të gjerë hetimor, lidhur me dyshimet për manipulim të procesit zgjedhor.

Në një konferencë për media, Kryeprokurori i Prokurorisë Themelore në Gjakovë, Enis Gashi, ka bërë të ditur se pas rinumërimit është lëshuar autorizim për Policinë e Kosovës për ndërmarrjen e veprimeve konkrete hetimore me qëllim të grumbullimit të provave.

“Pas përfundimit të rinumërimit të votave në Malishevë, Prokuroria Themelore në Gjakovë ka lëshuar autorizim për Policinë e Kosovës për të ndërmarrë veprime konkrete në drejtim të grumbullimit të provave”, ka deklaruar Gashi.

Ai ka bërë të ditur se gjatë aksionit të sotëm janë intervistuar gjithsej 58 persona të dyshuar për veprën penale “falsifikim i rezultateve të votimit”.

“Sot kemi realizuar një aksion ku nga 18 kryesues dhe 50 komisionerë, janë intervistuar 15 kryesues dhe 43 komisionerë. Pesëmbëdhjetë kryesuesit janë ndaluar për 48 orë dhe brenda afatit ligjor Prokuroria do të vendosë për masën e sigurisë”, ka theksuar kryeprokurori Gashi.

Sipas tij, për 43 komisionerët e intervistuar, Prokuroria është ende në fazën e vlerësimit për caktimin e ndonjë mase eventuale.

“Në këtë rast kanë qenë të angazhuar dy prokurorë nga Departamenti për Krime të Rënda”, ka shtuar Gashi, transmeton Telegrafi.

Ai ka theksuar se në komunën e Malishevës kanë qenë 75 vendvotime dhe nga to 9057 vota janë të shtuara dhe 7996 janë vota të hequra, në total 17 mijë e 53 vota.

Detaje shtesë për aksionin ka dhënë edhe nënkoloneli i Policisë së Kosovës, Bekim Avdija, i cili ka bërë të ditur se në këtë rast dyshohet për përfshirjen e gjithsej 68 personave.

“Pas grumbullimit të provave që kemi mbledhur, kemi parë se janë të implikuar 68 persona, kryesues dhe komisionerë. Sot janë intervistuar 43 komisionerë dhe 15 kryesues, ndërsa kanë mbetur edhe tre kryesues dhe shtatë komisionerë, të cilët besojmë se së shpejti do të intervistohen”, ka deklaruar Avdija.

Ai ka theksuar se Policia do të vazhdojë bashkëpunimin e ngushtë me Prokurorinë për procedimin e të gjitha shkeljeve.

“Do të vazhdojmë bashkëpunimin me Prokurorinë, në mënyrë që të procedohen sipas ligjit të gjitha shkeljet deri në elementet e fundit”, ka shtuar Avdija.Ndërkaq, Koordinatorja Nacionale për Zgjedhje, prokurorja Laura Pula, ka deklaruar se veprimet e shpejta të Prokurorisë kanë rezultuar me arrestime të personave që dyshohet se kanë manipuluar vota.

“Si rezultat i veprimeve të shpejta janë kryer arrestime, duke përfshirë komisionerë që dyshohet se kanë manipuluar vota. Asnjë individ, pavarësisht pozitës apo funksionit, nuk qëndron mbi ligjin dhe integriteti i procesit zgjedhor është i panegociueshëm”, ka deklaruar Pula.

Ajo ka shtuar se Prokuroria e Shtetit do të vazhdojë hetimet deri në zbardhjen e plotë të rasteve.

“Prokuroria e Shtetit do të mbetet e përkushtuar në mbrojtjen e votës së qytetarëve. Do të vazhdojmë bashkëpunimin me të gjitha autoritetet e zbatimit të ligjit dhe nuk do të ndalemi deri në hetimin e fundit”, ka theksuar Pula.

The post Manipulimi i votave në Malishevë, ndalohen për 48 orë 15 kryesues appeared first on Albeu.com.

Planifikuesi i dasmës së Brooklyn Beckham dhe Nicola Peltz ka folur për përvojën e tij para dasmës së tyre, duke ndërhyrë në grindjen familjare. Preston Bailey, siç quhet ndryshe, shpjegoi se ishte i befasuar pas akuzave të 26-vjeçarit kundër prindërve të tij, David dhe Victoria Beckham.

Disa ditë më parë, Brooklyn Beckham sulmoi familjen e tij përmes postimeve në llogarinë e tij personale në Instagram, duke theksuar se nuk dëshiron pajtim me ta, duke akuzuar nënën e tij se ka kërcyer në mënyrë të papërshtatshme mbi të gjatë dasmës, ndërsa tha se ai dhe babai i tij përpiqeshin vazhdimisht t’i prishnin marrëdhënien me aktoren.

“Jam i befasuar nga qëndrimi i Brooklyn Beckham ndaj prindërve të tij, ai nuk është personi që takova”, tha organizatori i dasmës së tij.

Preston Bailey, duke lexuar deklaratat e Brooklyn-it, vuri në dukje se ishte i tronditur, pasi ky nuk është i riu që takoi, i cili kishte një natyrë të qetë dhe të butë. Edhe pse nuk e organizoi dasmën dhe u zëvendësua sepse ishte “i zënë me punë të tjera” dhe “nuk mund të ofronte në nivelin e cilësisë me të cilin ishte mësuar”, rreth kohës që punonte me çiftin, ai i tha Page Six:

“Më habit që ai mban këtë qëndrim ndaj prindërve të tij. Ky nuk është Brooklyni që takova, si personazh ai ishte një person i sjellshëm dhe i qetë… Ai ishte thjesht një djalë i mirë, normal që më përshëndette dhe bënte bisedë. Mund të flas për përvojën time me Brooklyn-in. Gjatë planifikimit, veçanërisht në detajet e dizajnit, ai ishte shumë i përfshirë në mënyrë aktive. Gjithmonë e kam gjetur atë një person të butë dhe dinjitoz. Nuk kishte kurrë tension.”

Dhe pastaj shtoi: “Nuk më kujtohet që Nicola të ketë qenë autoritare. Më kujtohet shumë butësi mes tyre. Çdo plan që bëhej i paraqitej Nicolës, por ishte e rëndësishme që Brooklyn ta miratonte. Ai nuk do të bënte asgjë pa miratimin e tij.”

The post Flet organizatori i dasmës: Jam i befasuar nga qëndrimi i Brooklyn Beckham ndaj prindërve të tij appeared first on Albeu.com.

Ish-banori i “Big Brother VIP 5”, Keijsi, ka reaguar për herë të parë publikisht pas përjashtimit nga gara përmes zarfit të zi, një nga vendimet më të forta të këtij edicioni. Pas daljes nga shtëpia më e famshme në Shqipëri, ai ka zgjedhur të flasë hapur për përvojën e tij dhe arsyet që çuan në këtë vendim.

Keijsi ishte i ftuar këtë të martë në emisionin “Shqipëria Live”, ku theksoi se nuk është penduar për veprimet e tij gjatë qëndrimit në “Big Brother VIP 5”.

Pjesë nga intervista:

A mendon që u nxite?

Jo, nuk jam nxitur, por mënyra se si iu drejtua një mashkull një femre nuk ishte e drejtë, një mashkull nuk mund t’i drejtohet një femre ashtu.

Kur hyri zarfi i zi në shtëpi, e kuptove që është për ty?

E dija

Je penduar?

Jo

A mund të kishe bërë diçka ndryshe?

Jo, e kam bërë çdo gjë me koshiencë. Kam bërë si e kam ndjerë që nga dita e parë deri në fund.

E shijove?

Shumë, jashtë mase shumë, një mundësi që të vjen një herë në jetë. Je në izolim, por jo tamam në izolim.

A u mërzite që dole me zarf të zi?

Që dola po, jo me zarf të zi.

The post Doli me zarf të zi nga shtëpia, Keijsi reagon për herë të parë pas largimit nga ‘BBVA’ appeared first on Albeu.com.

Xheneta Fatahu është bërë sërish temë diskutimi në rrjetet sociale, pasi ka zbuluar se së fundmi i është nënshtruar një ndërhyrjeje estetike në hundë. Lajmi është bërë i ditur nga vetë ajo përmes një postimi në Instagram, ku ka ndarë me ndjekësit një moment nga pas operacionit.

Në “story”-n e publikuar, Xheneta shfaqet e
Shtrire në shtratin e spitalit, me fashë në hundë, menjëherë pas ndërhyrjes. Pranë saj shihen edhe dy persona shumë të afërt, Adri dhe Iliriana, të cilët i qëndrojnë pranë dhe i ofrojnë mbështetje gjatë rikuperimit. Prania e tyre ka tërhequr vëmendjen e ndjekësve, duke treguar se ajo nuk është vetëm në këtë proces.

The post Xheneta Fatahu i nënshtrohet ndërhyrjes kirurgjikale, ndan pamjet nga spitali appeared first on Albeu.com.

Mëngjesin e ditës së sotme (e mërkurë), Alba Pollozhani dhe Lim Hoti, kanë diskutuar rreth lojës në shtëpinë më të famshme në vend.

Alba theksoi se nuk është shumë e fokusuar në lojë, teksa Limi e paralajmëroi për diçka.

“Po nuk fitove, do të kesh probleme. A po jo”, tha ai.

“Mos më bëj kështu tani. E di që nuk varet nga unë ajo pjesë”, iu drejtua banorja.

“Normalisht shumë gjëra”, tha tutje Limi.

“Edhe ti e di se sa e vështirë është për figurat që janë shumë të njohura ose që kanë eksperiencë në reality shou”, iu përgjigj në vazhdim Alba.

Ata duket se i dhanë një shans njëri-tjetrit, por që po vazhdojnë të kenë ulje e ngritje në raport.

The post Limi – Albës: Po nuk fitove do kesh probleme appeared first on Albeu.com.

Dy zarfa të zinj u futën të martën në shtëpinë më të famshme në Shqipëri, Big Brother VIP.

Njëri prej tyre ishte për Rogertin, kurse tjetri për Keijsin gjë që rezultoi me përjashtim të tij.

Kjo pasi ka thyer rregullat thuajse që nga hyrja në këtë format, ku shpesh ka eskaluar me fjalor.

E pas kësaj, ajo që u mërzit më së shumti ishte Ina Aderi, me të cilën krijoi një histori dashurie.

Pas spektaklit dhe pas përjashtimit të Keijsit, e njëjta u pa duke qarë me të madhe në dhomën e gjumit.

Duket se nuk e pranoi largimin e të dashurit, meqë me të ka qëndruar tërë kohën.

E përfshirë në këtë histori dashurie ka qenë edhe Stelina, e cila në fund hoqi dorë nga banori tashmë i përjashtuar.

The post Duke qarë, Ina qëndron e vetme pas përjashtimit nga gara të Keijsit appeared first on Albeu.com.

Një skandal seksual ka tronditur skenën politike në Malin e Zi, pasi në rrjetet sociale janë shpërndarë video dhe foto me përmbajtje intime, të cilat pretendohet se përfshijnë dy ish-zyrtarë të lartë shtetërorë – Mirjana Pajkoviq, ish-sekretare shtetit, dhe Dejan Vukshiq, ish-drejtor i Agjencisë për Siguri Kombëtare.

Pas publikimit të materialeve, të dy kanë dhënë dorëheqje nga postet që mbanin, duke shkaktuar debate të gjera publike dhe reagime politike, shkruajnë mediat.

Tashmë janë publikuar edhe mesazhet mes dyshes së përfolur të zhvilluar në aplikacionin Whatsapp.

Pajkoviq ka bërë kallëzime penale për shpërndarje të paautorizuar të përmbajtjes intime, ndërsa ka publikuar edhe pjesë të bisedave dhe audiopërgjime, sipas saj, ku Vukshiq i kishte bërë kërcënime për ekspozimin e materialit.

Skandali që po trondit Malin e Zi – pamje me përmbajtje eksplicite, përfshihen ish-këshilltari i presidentit dhe sekretarja shtetërore

Nga ana tjetër, Vukshiq mohon përfshirjen e tij dhe pretendon se videoja është shpërndarë pa dijeninë e tij.

Ai gjithashtu ka bërë kallëzim penal kundër Pajkoviqit për tentativë shantazhi.

Skandali ka nxitur një debat të gjerë për mbrojtjen e privatësisë dhe përgjegjësinë ligjore për shpërndarjen e përmbajtjes intime.

Sipas ligjit malazez, shpërndarja e paautorizuar e materialeve intime mund të dënohet deri në pesë vjet burg.

The post Detaje të reja të skandalit seksual që tronditi Malin e Zi – publikohen mesazhet në WhatsApp appeared first on Albeu.com.

Leonora Jakupi ka prekur ndjekësit e saj me një dedikim të ndjerë për të atin, në ditën e tij të lindjes. Këngëtarja e njohur dhe opinionistja e “Big Brother VIP Kosova” publikoi në rrjetet sociale një fotografi të krijuar me inteligjencë artificiale, ku shfaqet pranë portretit të babait të saj, duke sjellë një moment të mbushur me emocion dhe mall.

Në mbishkrimin që shoqëron imazhin, Leonora shpreh dhimbjen për mungesën e përqafimit atëror dhe dashurinë e pakufishme që vazhdon ta lidhë me të.
“Sot as fjalët nuk kanë kuptim sa një përqafim i munguar! Gëzuar ditëlindjen, Bab engjulli im”, shkruan ajo, duke prekur zemrat e ndjekësve.

Artistja nuk e ka fshehur asnjëherë lidhjen e fortë shpirtërore me të atin dhe boshllëkun që la largimi i tij. Qazim Jakupi, babai i Leonorës, ra dëshmor gjatë luftës së fundit në Kosovë, si pjesëtar i Ushtrisë Çlirimtare të Kosovës, duke dhënë jetën për lirinë e vendit.

Sakrifica e tij mbetet një plagë e hapur, por njëkohësisht edhe një burim krenarie për familjen Jakupi. Përmes kujtimeve dhe dedikimeve të tilla, Leonora vazhdon ta mbajë gjallë figurën e të atit, duke e shndërruar dhimbjen personale në një mesazh respekti dhe nderimi për të gjithë ata që ranë për atdheun.

The post Leonora bën dedikimin rrëqethës në ditëlindjen e babait të saj të ndjerë appeared first on Albeu.com.

Një prej debateve te Prime-it te sotem ishte dhe ai mes Inës dhe Stenaldos, me këtë të fundit që u akuzua nga banorja si maniak që sheh çdo femër që vjen në shtëpi.

Debati ne Prime:

Stenaldo: Turp t’i vijë Keijsit, Inës dhe këtij tjetrit (Rogertin) që do dalë avash-avash.

Ina: Çdo gjë është shkak-pasojë. Stenaldo gjithë kohës më është drejtuar me fjalë të ulëta. ‘E dimë çfarë përfaqëson ti’. Të prekësh një femër në moral, nuk të bën më shumë burrë. Gjithçka ka nisur aty jashtë. Ti ishe lënduar nga këmbët dhe Keijsi të tha: ‘Stenaldo, a të duhet ndihmë’ dhe ti gjithë neveri i the: ‘Nuk më duhet ndihma jote’. Gjithë kohës më je drejtuar mua dhe Keijsit me një gjuhë urryese, a thua se ke një mllef. Keijsi i tha që harrove Juelën dhe re në dashuri me Baby G, edhe unë i thashë je maniak femrash.

Stenaldo: Nëse Kristi do të kishte qenë shkak i daljes së Keijsit me zarf të zi, atëherë do të kisha qenë dhe unë. Është e rëndë të dëgjosh që unë jam një maniak vajzash.

Ina: Ashtu siç është e rëndë të më thuash mua një femër të pamoralshme.

Stenaldo: Ina, ti ke ardhur me një puthje këtu. Është e vërteta jote. Të të vijë zor për njeriun që përfaqëson.

Baby G: Stenaldo është një djalë me shumë kulturë, respekt dhe logjik. Maniak? Në asnjë mënyrë.

The post “Maniak që sheh çdo femër”/ Ina përballet me deklaratën e saj, çfarë tha Stenaldo? appeared first on Albeu.com.

Raporti mes Mateos dhe Brikenës vazhdon të jetë një pikëpyetje e madhe brenda shtëpisë së Big Brother VIP. Banori, prej kohësh është shprehur se ka një pëlqim për Brikenën, por kjo e fundit është shprehur se ai po e përdor këtë gjë për lojë.

Bisedat gjate Prime-it:

Mateo: Situata është shumë e komplikuar dhe Brikena është vajzë e komplikuar. Siç ka ardhur loja, komunikimi ynë ka qenë në tension. Kjo është arsyeja pse kam dashur të qëndroja larg, sepse doja t’ia fitoja besimin pak nga pak.

Brikena: Besimi fitohet duke qëndruar unë në një cep e ti në një cep?

Mateo: Jo, unë kam ardhur të afrohem dhe ti largohesh.

Brikena: Për sa kohë mami im të ka dhënë dorën, atë çështje e kam mbyllur. Por që Mateo del e thotë unë kam pëlqim, kur tërë ditën nuk e shohim njëri-tjetrin në sy, ai nuk është pëlqim. Unë normal qëndroj larg, se kam dyshimet e mia. Një mashkull që ka një pëlqim sillet ndryshe. Unë s’po them të më bezdisë, por një mirëmëngjesi. Ky më flet vetëm kur dalin situata në Prime. Unë mendoj se Mateo po e shfrytëzon këtë gjë sepse nuk ka pëlqim për mua

Brikena: Ky del gjithmonë i prekur, se ka një pëlqim, ky si mashkull duhet të vijë vetë dhe të më thotë mua një mirëmëngjesi. Unë nuk kam shprehur pëlqim dhe jam shumë koherente me atë që kam thënë.

Mateo: Në momentin kur i afrohem Brikenës, ajo largohet. Mua më duket sikur e vë në siklet. Në shtëpi më kanë thënë që e përndjek. Mua më duket sikur e bezdis.

Brikena: Ta kam thënë, nuk kam pëlqim me ty. Nëse do të krijosh një raport miqësor me mua, duhet ta marrësh ti hapin e parë. Për mua je si gjithë banorët e tjerë. Mos thuaj që s’ke pëlqim kur gjithë ditën nuk hedh një shikim.

The post “Po e përdor për lojë, jo për ndjenja”/ Brikena flet hapur për raportin me Mateon appeared first on Albeu.com.

Komisioni Evropian ka njoftuar për mbështetje prej 171 milionë eurosh për nxitjen e zhvillimit të infrastrukturës dhe rritjes së sektorit privat në Ballkanin Perëndimor. Megjithatë, nga këto fonde nuk do të përfitojë Kosova.

“Sa i përket Kosovës, ajo ende nuk ka përmbushur kushtet ligjore për të pranuar pagesa, pasi që ende nuk ka ratifikuar Marrëveshjen e Kredisë dhe Fondeve në kuadër të Instrumentit për Reforma dhe Rritje për Ballkanin Perëndimor. Prandaj, Kosova nuk mund të përfitojë nga fondet e këtij instrumenti. Ne shpresojmë se kjo çështje të zgjidhet shpejt”, tha për Radion Evropa e Lirë zëdhënësi i KE-së, Guillaume Mercier.

Nga kjo shumë e ndarë për nxitje të zhvillimit në Ballkanin Perëndimor, 94.7 milionë euro janë të dedikuara për investime infrastrukturore, 76.3 milionë euro për mbështetjen e sektorit privat, ndërsa 2.9 milionë euro janë ndarë për katër projekte të asistencës teknike në Shqipëri dhe Bosnje e Hercegovinë.

Këto projekte janë të orientuara drejt përgatitjes së investimeve të ardhshme në sektorët e energjisë, furnizimit me ujë, inovacionit dhe kërkimit.

Sipas njoftimit të KE-së, fondet e ndara për projektet infrastrukturore pritet të mobilizojnë gjithsej 263 milionë euro investime përmes shtatë projekteve në sektorë me prioritet, përfshirë digjitalizimin, energjinë e pastër, kapitalin njerëzor, transportin dhe mbrojtjen e mjedisit.

Projektet përfshijnë vendosjen e infrastrukturës së internetit me brez të gjerë në Shqipëri, përmirësimin e sistemit të transmisionit të energjisë elektrike në Maqedoninë e Veriut, si dhe ndërtimin dhe rinovimin efikas energjetik të objekteve arsimore në Maqedoni të Veriut dhe Mal të Zi.

Sipas KE-së, projektet do të zbatohen nga partnerët e Ballkanit Perëndimor në bashkëpunim me institucionet financiare ndërkombëtare.

“Investimi te partnerët tanë në Ballkanin Perëndimor është thelbësor për afrimin e tyre me Bashkimin Evropian. Më shumë se dy vjet pas miratimit të Planit të Rritjes për Ballkanin Perëndimor, kemi punuar – përfshirë edhe përmes Kornizës së Investimeve për Ballkanin Perëndimor – për t’i shndërruar zotimet në veprime konkrete. Nga përmirësimi i infrastrukturës deri te forcimi i zhvillimit të biznesit, këto investime krijojnë mundësi reale për qytetarët dhe e bëjnë BE-në një realitet të prekshëm në mbarë rajonin”, tha përmes një deklarate komisionarja evropiane për Zgjerim, Marta Kos, njofton rel.

Paketa e re e mbështetjes përfshin kontribute investuese nga disa burime financimi të BE-së, përfshirë Instrumentin për Ndihmë të Para-Anëtarësimit (IPA), donatorët bilateralë përmes Kornizës së Investimeve për Ballkanin Perëndimor, si dhe Instrumentin për Reforma dhe Rritje.

“Paketa e sotme e financimit përfshin projekte investimi dhe projekte të asistencës teknike që u miratuan sot, duke forcuar më shumë përkushtimin e BE-së ndaj rritjes së qëndrueshme dhe ndërlidhjes rajonale në Ballkanin Perëndimor”, tha KE-ja.

Pas miratimit nga Bordi Operativ i Kornizës së Investimeve për Ballkanin Perëndimor, projektet mund të kalojnë në fazën e zbatimit. Kjo nënkupton finalizimin e marrëveshjeve të nevojshme me institucionet partnere dhe përfituesit, nisjen e studimeve përgatitore për aktivitetet e asistencës teknike dhe përfundimin e procedurave të domosdoshme për realizimin e projekteve të sektorit privat. Pas përmbylljes së këtyre proceseve, mund të fillojë zbatimi i investimeve që mbështeten nga blloku.

The post BE ndan 171 milionë euro për Ballkanin Perëndimor, Kosova mbetet jashtë fondeve appeared first on Albeu.com.

Banori me i ri i shtepise se “Big Brother VIP Albania”, DJ Gimbo ka shprehur hapur simpatinë e tij për Selinin, duke e vlerësuar atë si një nga banoret më pozitive të “Big Brother VIP Albania”. Në një deklaratë në dhomën e rrëfimit, ai u shpreh se Selini i transmeton energji shumë të mirë dhe se prania e saj në shtëpi ndihet nga të gjithë banoret e shtepise.

“Është shumë e mirë, ka energjinë e mirë. Unë dal hapur në Prime dhe them: Selini është më e mira në shtëpi”, u shpreh DJ Gimbo, duke mos e fshehur aspak pëlqimin e tij për banoren. Deklarata e tij u publikua ne rrjetin social Instagram te faqes zyrtare te “Big Brother VIP Albania”.

Fjalët e tij kanë ngjallur reagime të shumta mes banorëve dhe publikut, duke shtuar kureshtjen nëse kjo simpati do të shndërrohet në diçka më shumë apo do të mbetet thjesht një vlerësim për karakterin dhe pozitivitetin e Selinit brenda lojës.

Kjo deklarate ende nuk eshte dhene per banoret e tjere e ende nuk dihet sesi do jete reagimi i Selin. Kujtojme se Dj Gimbo eshte shok i ngushte me fituesin e edicionit te kaluar te Big Brother VIP Albania, Gjestin

The post DJ Gimbo hap zemrën për banoren e “BBVA”: Është më e mira në shtëpi, ka energji shumë të mirë appeared first on Albeu.com.