TIRANË– Kryeministri Edi Rama ka mbledhur Komitetin Ndërministror të Emergjencave Civile për të adresuar situatën e krijuar nga përmbytjet e ditëve të fundit, si pasojë e reshjeve intensive të shiut.

Lajmi në përditësim…

Sulmet e ushtrisë amerikane në Venezuelë dhe deklaratat pasuese të bëra nga presidenti Donald Trump, kanë shtuar mundësinë e një rritjeje masive të prodhimit të naftës venezuelase nën kontrollin e Shteteve të Bashkuara.

Nuk është e qartë se kur, si apo edhe nëse kjo mund të ndodhë. Por, Venezuela ka rezervat më të mëdha të dëshmuara të naftës në botë dhe Trump ka sugjeruar se kompanitë amerikane do t’i çojnë ato në tregje.

Nafta e papërpunuar e Venezuelës kërkohet shumë, pasi është ideale për rafineritë e specializuara – sikurse ato në Bregun e Gjirit të SHBA-së – që kanë njësi të posaçme që u lejojnë ta përpunojnë këtë naftë të rëndë në një produkt me fitim të lartë si benzina dhe dizeli.

Me situatën që ende është fluide, kjo është një nga disa ndikimet e mundshme për ekonominë botërore dhe për partnerët kryesorë të Venezuelës: Rusinë, Iranin, Kinën dhe Kubën.

Rusia

Furnizimi i fortë bëri që çmimet e naftës të shënonin rënien më të madhe vjetore më 2025 që nga pandemia e COVID-19 që shkaktoi një kolaps të aktivitetit ekonomik botëror më 2020.

Për Moskën, këto rënie veçse kanë pasur ndikim dhe ngjarjet në Venezuelë pas arrestimit të udhëheqësit të rrëzuar venezuelas, Nicolas Maduro, vetëm sa mund ta shtojnë dhimbjen.

“Nëse ‘partnerët’ tanë amerikanë marrin kontrollin e fushave të naftës në Venezuelë”, shkroi oligarku Oleg Deripaska më 3 janar, “ata do të kontrollojnë mbi gjysmën e rezervave të naftës në botë. Ata me siguri planifikojnë që çmimet tona të naftës të mos shkojnë më shumë sesa 50 dollarë për fuçi”.

Deripaska është një nga pak oligarkë që kanë kritikuar pushtimin në shkallë të plotë të Ukrainës, që Rusia e nisi më 2022. Por, deklaratat e tij reflektojnë interesin e Kremlinit për të mbajtur të larta çmimet e naftës.

“Mundësia që Shtetet e Bashkuara të fitojnë ndikim mbi prodhimin e naftës venezuelase… është qartësisht e papëlqyeshme për Moskën”, tha për Radion Evropa e Lirë, analistja politike me seli në Berlin, Alexandra Sitenko.

Nuk është e qartë nëse SHBA-ja do të marrë kontrollin mbi naftën e Venezuelës. Presidentja e përkohshme Delcy Rodriguez, e betuar në Parlamentin e Venezuelës më 5 janar, ka bërë komente të paqarta rreth bashkëpunimit me Uashingtonin për këtë gjë, por fuqia e saj reale dhe qëllimet e saj gjithashtu nuk janë të qarta.

“Do të nevojiteshin investime të konsiderueshme që Venezuela të përmbysë rënien e prodhimit të vërejtur gjatë dekadave të fundit”, tha për REL-in një zëdhënës i Agjencisë Ndërkombëtare të Energjisë.

Sitenko tha se, duke pasur parasysh këto sfida, të shkaktuara nga keqmenaxhimi për një kohë të gjatë dhe sanksionet ndërkombëtare, rritja e prodhimit do të kërkonte kohë.

“Në aspektin strategjik, Kremlini me gjasë do të jetë më i shqetësuar për fuqinë mbi tregun sesa vetëm për vëllimet e prodhimit. Zgjerimi i ndikimit të SHBA-së mbi naftën venezuelase do të forconte aftësinë e Uashingtonit për të formësuar rrjedhat globale të energjisë dhe çmimet, potencialisht duke minuar mekanizmat koordinuese sikurse OPEC+, te të cilët Rusia gjithashtu mbështetet për të stabilizuar të ardhurat e saj”, shtoi Sitenko.

Për shkak se Venezuela është shtet i izoluar, kompanitë perëndimore u larguan nga vendi, me përjashtim të të gjigantit amerikan të naftës Chevron.

“Aty ku [sektori] nuk është shkatërruar, janë kompanitë ruse, iraniane dhe kineze. Natyrisht, SHBA-ja dëshiron t’i largojë ato”, tha për Shërbimin rus të REL-it analisti politik, Ivan Preobrazhensky.

Nga ana tjetër, mund të ketë hapësirë për bashkëpunim. Uashingtoni ka sinjalizuar se është i interesuar për përfitime ekonomike nga bashkëpunimi me Moskën. Strategjia e Sigurisë Kombëtare flet për dëshirën për të “rivendosur stabilitetin strategjik me Rusinë.”.

Rusia është ndier gjithashtu e kërcënuar nga njoftimi i presidentit Trump të bërë në dhjetor për një bllokadë të cisternave të sanksionuara që shkojnë drejt ose vijnë nga Venezuela, duke rritur nivelin e rrezikut dhe pasigurisë për flotën ruse në hije, të cilën Moska e përdor për të shmangur sanksionet.

Irani

Bllokada është një nga shumë faktorët që e ekspozojnë Iranin ndaj të njëjtave rreziqe sikurse Rusia, siç u tha muajin e kaluar kur forcat amerikane sekuestruan një cisternë nafte që ishte pjesë e flotës në hije të Iranit, teksa ajo po lundronte pranë brigjeve të Venezuelës.

Për vite me radhë, Venezuela e ka ndihmuar Iranin që të shmangë sanksionet ndërkombëtare.

Një produkt kyç, të cilin Venezuela e ka siguruar edhe nga Rusia, është diluanti – agjent që përdoret për naftës së trashë dhe të rëndë venezuelase. Duke përdorur anije të flotës në hije, Irani ka eksportuar sasi të mëdha diluanti në Venezuelë në këmbim të naftës (që më pas e ka dërguar në Kinë) dhe të arit.

Venezuela ka blerë po ashtu armë iraniane, teksa SHBA-ja ka vendosur sanksionet e fundit për armët më 30 dhjetor. Në njoftimin për sanksionet është përmendur blerja e dronëve dhe “armëve konvencionale” si dhe e kimikateve për raketat balistike.

E ardhmja e këtyre tregtive fitimprurëse duket e pasigurt, në mes të pranisë së madhe të flotës amerikane që aktualisht ka në Karaibe.

Ndërkohë, edhe mes trazirave të vazhdueshme politike në Iran, disa media iraniane kanë spekuluar se fati i borxhit prej 2 miliardë dollarësh të Venezuelës ndaj Teheranit është në dyshim.

Kina

Kina është një tjetër partnere kyç e Venezuelës dhe ka thënë se “e dënon fuqishëm përdorimin flagrant të forcës nga SHBA kundër një shteti sovran”.

Shfaqja e fundit e Maduros në publik, disa orë para kapjes së tij nga forcat amerikane, ishte në një takim me Qiu Xiaoqi, të dërguarin e Kinës për çështjet e Amerikës Latine. Maduro u takua gjithashtu me udhëheqësin kinez Xi Jinping në Moskë vitin e kaluar.

Krahas kontakteve diplomatike, Kina ka qenë edhe blerëse kryesore e naftës së Venezuelës, sipas Agjencisë Ndërkombëtare të Energjisë.

Daniel Sternoff, nga Qendra për Politika Globale të Energjisë në Shkollën e Çështjeve Ndërkombëtare dhe Publike të Universitetit Columbia, sugjeroi se kontrolli amerikan mbi industrinë e Venezuelës mund t’i vë në rrezik këto furnizime.

“Eksportet e naftës venezuelase mund të ridrejtohen nga Kina drejt Bregut të Gjirit të SHBA-së”, shkroi ai më 4 janar.

Por, ndonëse kjo tregti ka qenë e rëndësishme për Karakasin, kjo ndoshta është më pak e rëndësishme për Pekinin.

Kuba

Ndoshta asnjë vend nuk është më i cenueshëm nga efektet e veprimeve amerikane në Venezuelë sesa Kuba. Ky vend, që ka mungesë të theksuar parash, varet shumë nga Venezuela për furnizime energjetike, të cilat i ka marrë me çmime shumë të lira.

“Venezuela sot e furnizon Kubën me rreth 35.000 fuçi naftë në ditë, që përbën 50 për qind të deficitit të naftës së ishullit”, i tha REL-it, Jorge Pinon nga Universiteti i Teksasit në Austin.

“Kuba nuk ka burime financiare për të blerë këtë mungesë” të naftës, tha ai, duke shtuar se për të shmangur një kolaps ekonomik, “Qeveria amerikane mund t’i kërkojë Venezuelës të vazhdojë furnizimin me naftë të Kubës”, shkruan REL.

TIRANË– Kryeministri i vendit, Edi Rama, ka bërë të ditur se niveli i ujit në lumin Vjosë ka pësuar një rënie të ndjeshme, pas situatës së krijuar nga reshjet e fundit.

Sipas Ramës, ka nisur procesi i verifikimit të dëmeve në të gjithë zonën e prekur, me qëllim vlerësimin e plotë të pasojave dhe marrjen e masave të nevojshme për mbështetjen e banorëve.

Ai theksoi se strukturat përkatëse shtetërore vijojnë të jenë në gatishmëri të plotë dhe në shërbim të qytetarëve për çdo nevojë apo emergjencë që mund të paraqitet.

Autoritetet u kanë bërë thirrje banorëve të zonave pranë lumit të tregojnë kujdes dhe të bashkëpunojnë me institucionet përkatëse.

“Niveli i ujit në lumin Vjosë ka rënë në mënyrë të ndjeshme. Ka filluar procesi i verifikimit të dëmeve në të gjithë zonën, ndërsa strukturat përkatëse mbeten në gatishmëri dhe në shërbim të plotë të të gjithë banorëve për çdo nevojë apo emergjencë”, shkruan ai.

Kryeqyteti i bukur shqiptar, Tirana ka gjithçka që i duhet një pushuesi për një përvojë autentike dhe të gjallë, shkruan Holly Kintuka në një artikull të botuar në të përditshmen britanike “Daily Express”.

Kryeqyteti i bukur evropian është shpallur si një nga destinacionet kryesore për vitin 2026 nga kompania ajrore “Ryanair”.

Linja ajrore ka përpiluar një listë me pesë vendet më të mira për të vizituar këtë vit, ndërsa miliona turistë britanikë planifikojnë udhëtimin e tyre të radhës.

Evropa ka vende të shumta mahnitëse pushimesh, që do të thotë se shumë prej tyre mbeten të fshehura dhe kryesisht të panjohura për shumicën e turistëve, përfshirë perlën e fshehur të Shqipërisë, Tiranën.

Sipas “Ryanair”, qyteti i bukur evropian ia vlen të vizitohet për disa arsye.

“Kryeqyteti i gjallë i Shqipërisë është një qytet ku rrugët shumëngjyrëshe, kafenetë e gjalla dhe pamjet mahnitëse malore krijojnë një përvojë të paharrueshme udhëtimi”, tha “Ryanair”.

“Nga gjurmët e arkitekturës osmane, italiane dhe moderne deri te Sheshi i zhurmshëm Skënderbej dhe Liqeni i qetë i Tiranës, qyteti ofron një ndërthurje perfekte të historisë, motit të shkëlqyer dhe kulturës bashkëkohore”, shtoi kompania.

Tirana ka shumë atraksione për të eksploruar, nga monumentet fetare dhe muzetë te monumentet dhe një ish-pallat mbretëror.

Monumenti i saj i njohur, është atraksioni më i veçantë në qytet, Piramida e Tiranës.

Vendi ka rëndësi historike për Shqipërinë. Piramida hap për herë të parë si muze në vitin 1988 dhe pak më vonë, në vitin 1991, u bë një qendër konferencash pas rënies së komunizmit. Gjatë luftës së Kosovës në vitin 1999, ndërtesa u përdor si bazë e NATO-s.

Në vitin 2018, një projekt i ri zbuloi planet për ta shndërruar piramidën në një qendër IT për të rinjtë për teknologjitë krijuese, duke u përqendruar në programimin kompjuterik, robotikën dhe startup-et nën emrin “Qendra TUMO Tirana”, dhe ndërtesa e re e rinovuar u hap për publikun në vitin 2023.

Ajo gjithashtu përmban bare dhe restorante, dhe vizitorët mund të ngjiten në shkallët e saj dhe të përjetojnë një pamje unike panoramike të të gjithë qytetit.

Një gjë që e bën kryeqytetin të dallohet, janë zonat e bukura për këmbësorë dhe sheshet.

Sheshi Skënderbej, sheshi kryesor i qytetit, mban emrin e heroit kombëtar të vendit dhe shtrihet në një sipërfaqe prej afërsisht 40,000 metrash katrorë.

Vizitorët mund të gjejnë një numër ndërtesash të rëndësishme në shesh, duke përfshirë Hotelin Ndërkombëtar të Tiranës, Pallatin e Kulturës, Operan Kombëtare, Bibliotekën Kombëtare, Kullën e Sahatit, Bashkinë e Qytetit, Bankën e Shqipërisë, zyra të shumë ministrive dhe Muzeun Historik Kombëtar.

Sheshi Skënderbej është ndër 10 vendet më të mira për të vizituar në Tiranë, sipas “TripAdvisor”.

“Një shesh i shkëlqyer, shumë i bukur dhe i pastër në Tiranë. U mahnita nga elementët e ndryshëm arkitektonikë që formojnë një labirint shumëngjyrësh dhe shumë të këndshëm për syrin”, tha një vizitor.

Gjatë periudhës së Krishtlindjeve, dekorimet janë vërtet sugjestive! Dyqanet shumëngjyrëshe krijojnë një qytet të gjallë dhe rinor me një ndërthurje kulturash dhe fesh.

Falimentimet e bizneseve në Gjermani arritën në 17.605 vitin e kaluar, niveli më i lartë që nga viti 2005, duke ndikuar në rreth 170 mijë vende pune.

Sipas një raporti nga Instituti Halle për Kërkime Ekonomike (IWH), kërkesat për falimentim nga kompanitë dhe partneritetet në Gjermani arritën në 1.519 raste, duke u rritën me 17 për qind në dhjetor krahasuar me të njëjtin muaj të vitit 2024.

Raporti theksoi se numri i falimentimeve në dhjetor ishte 75 për qind më i lartë se mesatarja e muajit dhjetor në vitet 2016–2019, para pandemisë COVID-19.

Instituti tha se edhe gjatë krizës globale financiare të vitit 2009, kjo shifër ishte rreth 5 për qind më e ulët.

Ekonomia gjermane mbetet e brishtë për shkak të dobësisë së vazhdueshme në sektorin e prodhimit, i cili luan një rol më të madh sesa në vendet e tjera të rajonit.

Ekonomia e vendit u tkurr me 0,2 për qind në tremujorin e dytë, pas një rritjeje prej 0,3 për qind në tremujorin e parë.

Ekonomia e shmangu ngushtë hyrjen në një recesion teknik në tremujorin e tretë të vitit, me shifra rritjeje të raportuara në 0 për qind.

Kostot e larta të energjisë, porositë e dobëta globale dhe tarifat e larta amerikane po ndikojnë negativisht në ekonominë e vendit.

Në qarqet Shkodër, Kukës, Lezhë priten sot reshje mesatare deri lokalisht intensive ndërsa në Dibër priten reshje mesatare.

Në qarqet Durrës, Tiranë, Elbasan priten reshje të dobëta deri lokalisht mesatare ndërsa në qarqet e tjera priten reshje të dobëta.

Reshjet priten të shoqërohen me shtrëngata. Në Veri, Lindje dhe Juglindje në lartësitë mbi 300 m nga niveli i detit reshjet do të jenë në formë dëbore.

Temperaturat minimale dhe maksimale të ajrit pritet të arrijnë, në vendet e ulëta: -2 / 9 °C, në vendet malore: -6 / 6 °C. Ndërsa era pritet të fryjë mesatare deri e fortë në bregdet dhe në zonat malore.

Dashi

Sot do kaloni momente shume te lumtura pranë atij qe dashuroni dhe do ndiheni si ne një ëndërr te bukur. Shume gjera kane për te ndryshuar për ju. beqaret do kenë takime interesante dhe shume shpejt do e fillojnë një lidhje te qëndrueshme. Financat do jene inkurajuese, megjithatë rekomandohet qe ende te shpenzoni me kujdes dhe maturi.

Demi

Sot duhet te mbyllni sytë ne disa momente dhe te mos i vini re disa gjeste te partnerit tuaj. Vetëm ne këtë mënyrë marrëdhënia mes jush do jete e qëndrueshme. Beqaret do bëjnë shume persona për vete, por me pas nuk do dine ke te zgjedhin për te filluar një lidhje. Ne planin financiar duhet t’i bëni sytë katër dhe te kontrolloni mire e mire gjendjen para se te shpenzoni.

Binjaket

Mos u tregoni shume autoritare sot ne jetën tuaj ne çift, por mundohuni te toleroni here pas here dhe te bëni lëshime. Beqaret nuk do realizojnë ndonjë takim te veçante dhe do mbeten serish vetëm. Për te humbur mendjen, dilni dhe argëtohuni me miqtë. Situata financiare do vije duke u përmirësuar dita ditës. Mos kërkoni te pasuroheni menjëherë.

Gaforrja

Ambienti do jete mjaft elektrizues gjate kësaj dite ne jetën tuaj ne çift. nuk do bini dakord për asgjë me atë qe keni ne krah. Beqaret do kalojnë një dite harmonike dhe te mbushur me emocione. Do takojnë personin për te cilin aq shume kane ëndërruar. Ne planin financiar shmangni shpenzimet kuturu dhe maturi mire për çdo hap qe do hidhni.

Luani

Te dashuruarit do kalojnë një dite shume normale dhe pa asgjë te veçante. Mire do jete t’i merrni gjerat si t’iu vijnë. Beqaret nuk duhet te presin mrekulli gjate kësaj dite, por nga ana tjetër nuk duhet as te mbyllen ne vetvete dhe te presin qe dashuria t’iu bjere nga qielli. Financat duhet te mbahen gjithë kohës nen kontroll ne mënyrë qe gjendja te mbetet e mire.

Virgjeresha

Do i zgjidhni me ne fund problemet qe keni pasur ne jetën tuaj ne çift dhe do ndiheni shume me te qete. Pasditja dhe mbrëmja do jete shume te bukura dhe emocionuese. Beqaret duhet t’i shprehin ndjenjat qe kane për dike, përpara se te jete shume vone. Financat do jene goxha te mira. Përfitoni nga kjo për te kryer ndonjë investim me tepër se zakonisht.

Peshorja
Planetët do e mbrojnë gjate gjithë ditës sot jetën tuaj ne çift. Do kaloni momente te mrekullueshme me partnerin dhe do e dashuroni marrëzisht atë. Beqaret nuk do jene ende gati te ndryshojnë status edhe pse mundësitë do jene te mira. Ne planin financiar nuk duhet te bëni çmenduri sepse situata është tejet delikate. Beni kujdes!

Akrepi

Partneri nuk do jete aspak ne qejf gjate kësaj dite dhe nuk do e durojnë dot histerizmin tuaj. Ose ndryshoni ose merrni parasysh pasojat. Beqaret ka rrezik te fillojnë një histori dashurie te ndërlikuar dhe qe do ju sjelle me shume probleme sesa kënaqësi. Ne planin financiar do jeni me shume fat dhe gjendja do jete goxha e mire. Nuk do keni për çfarë te qaheni.

Shigjetari

Dite mjaft e bukur dhe e animuar kjo e sotmja për ata qe janë ne një lidhje. Do kaloni çaste fantastike dhe te paharruara pranë atij qe dashuroni. Beqaret do kenë një dite normale dhe pa ndonjë takim te rëndësishëm. Ne planin financiar gjendja do jete aq e mire saqë mund te kryeni edhe disa investime te konsiderueshme. Nuk do keni për çfarë te shqetësoheni.

Bricjapi

Te dashuruarit do kalojnë një dite pozitive dhe pa probleme. Do merren vesh mire me atë qe kane ne krah. Beqaret do kenë takime, por pa asnjë te ardhme. Përfitoni nëse ju pëlqejnë aventurat kalimtare. Financat do jene goxha delikate. Do ju duhet patjetër ndihma e specialisteve për te vene ne vije gjithçka, përndryshe do mbeteni pa asnjë para.

Ujori

Dite e mrekullueshme dhe e mbushur me emocione te fuqishme kjo e sotmja për te dashuruarit. Gjerat do ju ecin edhe me mire nga sa e kishit menduar. Beqaret nuk duhet te tregohen ëndërrimtare sepse realiteti do i zhgënjejë tej mase. Gjendja e financave do varet nga mënyra sesi ju do i menaxhoni ato. Mos bëni gjera për te cilat te pendoheni.

Peshqit

Dite shume e turbullt kjo e sotmja për ata qe janë ne një lidhje. Here pas here do keni edhe debate te forta me partnerin dhe nuk do hapni rruge asnjeri nga te dy. Beqaret do pëlqejnë dike, por konkurrenca do jete shume e forte. Gjeni rrugën e duhur për ta bere për vete. Ne planin financiar situata do jete e qëndrueshme. Nuk pritet asnjë lloj problemi kështu qe mund te shpenzoni me qetësi.

TIRANË- Fatura financiare e dëmeve të shkaktuara nga përmbytjet përllogaritet t’i kushtojë buxhetit të shtetit dhjetëra milionë euro.

Kështu u shpreh eksperti i ekonomisë, Ergis Sefa, i cili ishte i ftuar në emisionin “Money Report” në ABC News.

“Janë dhjetëra milionë euro nga dëmet e shkaktuar. Kostot për zonat e brendshme urbane është shumë herë më e lartë se ajo e zonave rurale, për shkak të aktivitetit.

Nga përllogaritja e dëmit paraprak do t’i kushtojë dhjetëra milionë euro buxheti të shtetit, madje dhe përtej parashikimeve që ka bërë edhe vetë qeveria.”, tha ai.

Ai u shprehsh e Shqipëria ka nevojë emergjente të investojë më shumë në masat që duhen ndërmarrë në përballimin e fatkeqësive të mundshme natyrore.

“Duhen bërë vlerësim edhe për kostot e parandalimit të fatkeqësive natyrore. Fondet e BE duhet të vihen në zbatim sa më parë. Duhen masa konkret parandaluese për fatkeqësitë natyrore”, tha ai.

Gjatë diskutimit në studio, eksperti vuri theksin te nevoja e ndryshimit të skemës së sigurimit të pronave. Ai thotë së sigurimi i pronave duhet konsideruar si një domosdoshmëri për cilindo qytetar.

“Nga mungesa e sigurimit të pronës, kostot e dëmit i paguan buxheti i shtetit ose e thënë ndryshe taksapaguesi. Nevoja për ndryshimin e skemës  së sigurimit dhe formës edhe nga fatkeqësitë natyrore nuk është vetëm e rëndësishme, por edhe imediate”, tha ai./abcnews.al

FIER- Zëvendëskryeministrja dhe njëherazi ministrja e Energjisë dhe Infrastrukturës, Belinda Balluku, ka mbledhur me urgjencë në Prefekturën e Fierit Shtabin e Emergjencave Civile, për të analizuar situatën e përmbytjeve në qarkun Fier.

Gjatë mbledhjes, Balluku theksoi se situata paraqitet problematike veçanërisht në zonën e lumit Vjosë, ku prurjet e larta kanë shkaktuar përmbytje dhe rrezik për zona të banuara dhe tokë bujqësore.

Ministrja kërkoi angazhim maksimal nga të gjitha strukturat vendore dhe institucionet përgjegjëse për menaxhimin e emergjencave, duke theksuar nevojën për prezencë të vazhdueshme në terren dhe ndihmë konkrete për qytetarët e prekur, veçanërisht në Bashkinë Fier.

Po ashtu, Balluku udhëzoi që njësitë vendore që aktualisht nuk paraqesin problematika nga përmbytjet të vihen në dispozicion për të ndihmuar zonat më të prekura, me mjete, forca njerëzore dhe logjistikë, në funksion të përballimit të situatës së krijuar./abcnews.al

VLORË- Ministrja e Energjisë dhe Infrastrukturës dhe njëherësh zv.kryeministrja Belinda Balluku, ka mbërritur në Novoselë, zonë kjo, e cila është prekur nga përmbytjet pas daljes së lumit Vjosa nga shtrati.

Numri dy i qeverisë po inspekton nga afër zonën, e cila është në alert të plotë.

Më herët në Novoselë u urdhërua evakuimi i menjëhershëm i banorëve, ndërsa autoritetet kanë kërkuar nga qytetarët të jenë bashkëpunues me ekipet në terren.

Strukturat vendore të emergjencave civile, Policia e Shtetit, Agjencia Kombëtare e Mbrojtjes Civile, si edhe një ekip i Forcave të Armatosura, janë në monitorim të vazhdueshëm të situatës dhe në gatishmëri të plotë për menaxhimin e çdo zhvillimi.

Deri më tani në Vlorë janë evakuuar rreth 200 krerë bagëti, ndërkohë që shërbimet shëndetësore ndodhen në lëvizje të pandërprerë, të gatshme për të ofruar asistencë në çdo moment.

Janë evakuuar 12 familje, ndërsa është përgatitur plani për evakuime të tjera. Kanalet kulluese janë pastruar dhe po kontrollohen vazhdimisht, ndërsa të gjitha strukturat përkatëse janë në gatishmëri të plotë për të reaguar ndaj çdo nevoje të banorëve dhe për të garantuar sigurinë e tyre.

Banorët e evakuuar janë akomoduar në konviktet e qytetit, ndërkohë që po bashkëpunohet edhe me hotelet, me qëllim sigurimin e kapaciteteve shtesë të strehimit, në rast të rritjes së nevojave.

Autoritetet u bëjnë thirrje qytetarëve të ndjekin udhëzimet zyrtare dhe të bashkëpunojnë me strukturat në terren për menaxhimin sa më të mirë të situatës.

DURRËS- Lumi Erzen ka dalë nga shtrati. Gazetari i ABC News, Leonidha Musai, raportoi se dalja e tij pritet të sjellë pasojë në zonat përreth dhe konkretisht  pjesa më e rrezikuar është Katundi i Ri.

Një familje është evakuuar.

Në brendësi të qytetit situata po shkon drejt përmirësimit dhe uji ka nisur të tërhiqet nga rrugët dhe banesat. Autoritetet shtetërore janë në gatishmëri për të monitoruar situatën dhe për t’ju ardhur në ndihmë banorëve.

Për shkak të motit të keq dhe i detit me dallgëzim 6 ballë sot nuk do të funksionojë linja e tragetit Korfuz- Sarandë dhe anasjelltas Sarandë -Korfuz. Njëherazi është ndaluar edhe dalja e anijeve të peshkimit në det.

Ndërkohë që era fryn me shpejtësinë 12m/s në drejtimin veri-perëndim, njofton Kapiteneria e Portit Sarandë. Rënia e temperaturave ka krijuar problem në zonën e Rrëzomës në Delvinë.

Për rrjedhojë për shkak të reshjeve të dëborës në qafën e Skërficës është krijuar vështirësi në lëvizjen e mjeteve. Policia ndodhet në vend për të drejtuar lëvizjen e mjeteve me drejtim tunelin Delvinë-Kardhiq.

Në këto momente ka shkuar borëpastruesja për hapjen e rrugës. Sipas policisë së Sarandës për shkak se rruga Kardhiq është bllokuar dhe nuk lëvizin mjetet ka nisur edhe ketej të mos lejohet kalimi i tyre./abcnews.al

TIRANË– Klodian Braho zhvillon mbledhjen e parë si drejtues në Prokurorinë e Posaçme me të gjithë trupën e prokurorëve.

Fjala e Brahos në lidhje me objektivat që ai ka për drejtimin e institucionit ka qenë e shkurtër, ku i bëri me dije prokurorëve që duhet të angazhohen me dhënien e mendimeve për kodin e ri Penal, kërkuar nga Ministria e Drejtësisë dhe mendime mbi marrëdhëniet që SPAK ka me Gjykatën e Lartë, atë Kushtetuese dhe institucionet e tjera ligjzbatuese.

Kreu i ri i SPAK ka dhënë edhe mesazhe në lidhje me mbarëvajtjen e proceseve hetimore në respektim të afateve. Të pranishëm kanë qenë të gjithë prokurorët, teksa mbledhja ka zgjatur rreth 20 minuta./abcnews.al

Në njësinë administrative Novoselë të Bashkisë Vlorë situata po rëndohet për shkak të rritjes së nivelit të ujit, duke krijuar rrezik për banorët dhe pronat.

Bashkia Vlorë, në bashkëpunim me strukturat e emergjencave civile, Agjencinë Kombëtare të Mbrojtjes Civile dhe Forcat e Armatosura, thotë se ka angazhuar të gjitha kapacitetet në terren dhe ndodhet në gatishmëri për t’ju ardhur në ndihmë banorëve, duke përfshirë evakuimin dhe masat për mbrojtjen e bagëtive.

Autoritetet u bëjnë thirrje qytetarëve të ndjekin udhëzimet e strukturave në terren dhe të shmangin lëvizjet e panevojshme deri në normalizimin e situatës.

Gjatë natës dhe orëve të para të mëngjesit, Qarku i Korçës është përfshirë nga reshje shiu dhe bore me intensitet të ndryshëm sipas zonave.

Bashkia Kolonjë

Në akset Ersekë–Leskovik dhe Ersekë–Korçë qarkullimi vijon normal, ndërsa në Gropat e Gëlqeres ka rrëshqitje të pjesshme të rrugës. Borëpastrueset dhe shërbimet e policisë janë në terren, duke këshilluar drejtuesit e mjeteve për kujdes.

Bashkia Maliq

Lumi Devoll ka dalë nga shtrati në Sheqeras, ndërsa në Dunavec situata mbetet nën kontroll. Rrugët Maliq–Lozhan dhe Mesmal përballen me bllokime për shkak të rrëshqitjes së dherave dhe rënies së gurëve. Rezervuarët po monitorohen dhe është hapur lëshuesi katastrofik në Leminot.

Bashkia Korçë dhe Devoll

Në Denas niveli i ujit ka rënë dhe nuk paraqet rrezik për banesat, ndërsa në njësinë Proger situata është më e rënduar për shkak të rritjes së prurjeve.

Bashkia Pogradec

 Rruga për në Dardhas është e pakalueshme, me mungesë energjie elektrike në fshatra dhe rrëshqitje rrugësh në Grunjaz. Situata në Nj.A. Çërravë dhe aksin Qukës–Qafë Plloçë po monitorohet dhe po merren masa për pastrimin e rrugëve.

Akset rrugore

Në Korçë–Ersekë, Ersekë–Leskovik dhe Boboshticë–Dardhë po bien reshje bore dhe po punohet për pastrim dhe kriposje. Aksi Korçë–Voskopojë është pastruar dhe kriposur, me qarkullim normal. Reshje shiu me intensitet të ulët raportohen në Bilisht–Miras dhe Zemblak–Goricë pa probleme në qarkullim.

Autoritetet e rendit dhe shërbimet e emergjencave civile po mbajnë situatën nën monitorim të vazhdueshëm dhe këshillojnë drejtuesit e mjeteve për lëvizje të kujdesshme.

Verilindja zbardhet nga dëbora. Reshjet nisen në orët e para të mëngjesit pas rënies së ndjeshme të temperaturave deri në minus 3 gradë Celsius.

Trashësia e dëborës varion nga 5 në 10 centimetra, por e shoqëruar me erë ka krijuar shtresa akulli në rrugë. Rruga e Kombit po mbahet nën monitorim të vazhdueshëm dhe po trajtohet me kripë në të gjithë gjatësinë e saj.

Aktualisht nuk ka probleme përsa i përket qarkullimit të mjeteve në Rrugën e Kombit nga Morini në Rrëshen.

Në rrugët nacionale që lidhin Kukësin me Hasin, Peshkopinë, Pukën, Shishtavecin etj., ka vështirësi për shkak të shtresave të akullit. Po punohet nga kompanitë sipërmarrëse për trajtimin e tyre me kripë. Probleme ka edhe në rrugët rurale në Kukës, Has e Tropojë.

Policia rrugore është në terren dhe po këshillon drejtuesit e mjeteve për kufizimin e shpejtësisë dhe kontrollin e pajisjeve dimërore të mjeteve. Sipas Komisionit të Emergjencave Civile, nuk ka probleme që paraqesin emergjenca.

I gjithë territori i qarkut furnizohet normalisht me energji elektrike, përjashtuar njësinë administrative Bicaj në bashkinë e Kukësit, për të cilën po punohet nga grupet e punës të OSHE për riparimin e defekteve.

Në qarkun e Fierit situata paraqitet shqetësuese si pasojë e rritjes së vazhdueshme të niveleve të lumenjve, veçanërisht lumit Vjosë, i cili ka arritur në pikën kritike.

Sipas informacionit zyrtar, akset rrugore në të gjithë qarkun janë aktualisht të aksesueshme normalisht, ndërsa furnizimi me energji elektrike dhe ujë të pijshëm vijon pa ndërprerje të plota.

Hidrovorët ndodhen në gatishmëri pune për të përballuar situatën.

Nivelet e lumenjve Seman dhe Shkumbin janë në tendencë rritjeje, ndërsa situata më problematike paraqitet në lumin Vjosë. Në Urën e Mifolit, prurjet kanë kaluar mbi pikat e matjes, duke arritur nivelin kritik buzë më buzë përgjatë argjinaturës.

Si pasojë e prurjeve të larta, në fshatrat Kashisht, Adë, Kafaraj, Cerven dhe Ferras janë përmbytur rreth 200 hektarë tokë bujqësore brenda argjinaturave. Gjithashtu, raportohet për prezencë të lartë uji në 27 banesa në zonën Ferras–Cerven, të cilat ndodhen brenda sistemit mbrojtës të argjinaturës.

Probleme janë konstatuar edhe në Stacionin e Pompimit të Kafarajt, Njësia Administrative Frakull, prej nga realizohet furnizimi me ujë i qytetit të Fierit. Si masë paraprake, Ujësjellësi i Fierit ka stakuar disa nga pompat në puset pranë lumit Vjosë dhe po operon me kapacitet të reduktuar nga puse më të largëta, çka ka sjellë furnizim me ujë të kufizuar dhe me grafik për qytetin.

Të dhënat e marra nga pika e matjes në Urën e Memaliajt tregojnë për përkeqësim të mëtejshëm të situatës në orët në vijim, duke rritur rrezikun për përmbytje të tjera.

Situata po monitorohet në terren nga Institucioni i Prefektit dhe strukturat e Bashkisë Fier, të cilat janë në gatishmëri për të ndërhyrë në rast të agravimit të mëtejshëm.

Autoritetet u bëjnë thirrje banorëve të zonave të rrezikuara të tregojnë kujdes maksimal dhe të ndjekin udhëzimet e autoriteteve.

Niveli i lumit Vjosë ka shënuar rritje të ndjeshme, duke krijuar një situatë shqetësuese. Në stacionin matës të Memaliajt, niveli i ujit ka arritur në 7.5 metra, çka tregon se prurjet janë shumë të larta.

Ndërkohë, në urën e Mifolit, lumi ka shkuar në nivelin 9 metra, duke mbuluar plotësisht njësinë matëse dhe duke e bërë të pamundur monitorimin e saktë të situatës në atë pikë.

Si pasojë e prurjeve të mëdha, rreth 100 hektarë tokë janë përmbytur.

Autoritetet lokale raportojnë se deri tani janë evakuuar 13 banesa, që prej ditës së djeshme, për shkak të rrezikut të shtuar për jetën dhe pronën e banorëve. Fatmirësisht, nuk raportohet për të lënduar, por situata mbetet kritike.

Lumi Vjosë paraqet rrezik serioz për përmbytje të mëtejshme nëse reshjet dhe prurjet e larta vijojnë edhe në orët në vazhdim. Strukturat e emergjencës janë në gatishmëri dhe u bëhet thirrje banorëve të zonave pranë lumit të tregojnë kujdes maksimal dhe të ndjekin udhëzimet e autoriteteve.