Një zhvillim i ri ka ndodhur në rastin e rëndë të “Vrasjes së mbetur në tentativë” në Prizren, ku policia ishte në kërkim të disa personave të dyshuar.

Burime të besueshme nga strukturat e afërta me hetimin bëjnë të ditur se Arlind Hoxha rreth 31 vjeç është duke u vetëdorëzuar në Polici, lidhur me ngjarjen e datës 05.01.2026, rreth orës 22:45, në rrugën “Ali Hadri” në Prizren.

Rasti dyshohet se ka ndodhur pas një mosmarrëveshjeje të mëhershme, ku sipas informacioneve nga terreni, i dyshuari Gabrijell Shala rreth 21 vjeç dhe Egzon Reshani rreth 34 vjeç, që lëviznin me një veturë Audi A6 të zezë, dyshohet se kanë shtënë me armë zjarri në drejtim të viktimave.

Në këtë incident u raportua se mbeti i plagosur Veton Hoxha rreth 34 vjeç, i cili sipas mjekëve ishte në gjendje stabile dhe jashtë rrezikut për jetë.

Ndërkohë, hetimet janë zgjeruar edhe ndaj një personi tjetër, ku sipas provave shtesë dhe video-incizimeve, dyshohet se edhe Fidan Tabaku rreth 25 vjeç i cili fillimisht ishte trajtuar si viktimë, tashmë është cilësuar si i dyshuar, nën dyshimet se ka përdorur armë zjarri, duke u ngarkuar për veprat penale: “Shkaktim i rrezikut të përgjithshëm” dhe “Posedim i paautorizuar i armëve”.

Me urdhër të Gjykatës, njësitet policore kanë kryer bastisje në objektin e banimit dhe lokalin e Tabakut, ndërsa i njëjti pas intervistimit, me vendim të prokurorit, është dërguar në ndalim për 48 orë.

Ekskluzive | Del edhe një i dyshuar në tentim-vrasjen në Prizren, në pranga përfundon edhe Fidan Tabaku

Hetimet për identifikimin dhe arrestimin e personave të tjerë të dyshuar po vazhdojnë.

Ekskluzive | Dorëzohet njëri nga të dyshuarit për tentim vrasje në Prizren, sekuestrohet arma e krimit (EMRI)

Sinjali – aty ku e vërteta flet para lajmit!

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Ekskluzive | Vetëdorëzohet në Polici Arlind Hoxha, i dyshuar për tentim vrasje në Prizren appeared first on Sinjali.

Një incident i rëndë ka ndodhur mbrëmjen e së martës në qendrën tregtare Central Park në Prishtinë, ku një shtetas i huaj është kapur në flagrancë, nën dyshimin se ka tentuar të kryejë vjedhje në një lokal.

Burime të besueshme nga strukturat e afërta me hetimin bëjnë të ditur se rasti ka ndodhur më 14.01.2026, rreth orës 21:30, në lokalin “Wish Baytech”, në hapësirat e Central Park.

Sipas informacioneve, i dyshuari është identifikuar si Jasim Kamal Belkasmi, rreth 43 vjeç, shtetas palestinez, i cili dyshohet se në gjendje të dehur ka tentuar të marrë disa pajisje elektronike me vlerë të konsiderueshme.

Siç mësohet, i dyshuari dyshohet se ka tentuar të vjedhë:

            •           Një telefon në vlerë 469 euro

            •           Një orë dore në vlerë 249 euro

            •           Një iPad në vlerë 369 euro

Burimet bëjnë me dije se pala ankuese e ka hasur të dyshuarin në momentin e kryerjes së aktit, ndërsa veprimet e tij dyshohet se janë incizuar edhe nga kamerat e sigurisë të lokalit.

Policia ka shkuar në vendin e ngjarjes dhe ka shoqëruar të dyshuarin në stacion, ku janë intervistuar edhe dëshmitarët e rastit.

Me vendim të prokurorit kujdestar, rasti është inicuar si “Vjedhje”, ndërsa i dyshuari është dërguar në mbajtje në Qendrën e Mbajtjes.

Hetimet lidhur me rastin janë duke vazhduar.

Sinjali – aty ku e vërteta flet para lajmit!

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Ekskluzive | Kapet “në flagrancë” palestinezi në Prishtinë, dyshohet se tentoi të vjedhë iPhone, iPad dhe orë dore në Central Park appeared first on Sinjali.

27 vjet më parë, në fshatin Reçak të Shtimes, ndodhi një nga krimet më të rënda të luftës në Kosovë. 45 civilë shqiptarë u vranë barbarisht nga forcat paramilitare serbe.

Masakra u bë e njohur ndërkombëtarisht falë reagimit të shpejtë të William Walker, atëherë Shef i Misionit Verifikues të OSBE-së në Kosovë, i cili, pas njoftimit të trupave të pajetë të civilëve, ngriti alarmin për krimet e rënda kundër njerëzimit që po zhvilloheshin ndaj shqiptarëve në Kosovë.

Rreth tre dekada më vonë, në Akademinë Përkujtimore të kësaj masakre, Walker tha se po t’i thoshin 27 vjet më parë se Kosova do të ishte e lirë, nuk do ta besonte.

“Para 27 vjetëve, vizitova Reçakun për herë të parë, dhe për 27 vjet unë fola për atë që kishte ndodhur dhe që pash atë ditë. Po të më thoshte dikush që pas kaq vitesh do të isha para një vendi të pavarur do të thosha ‘je i çmendur’”, tha ai.

Ambasadori Walker tha se ishte Reçaku ai që i tregoi botës të vërtetën e Kosovës.

Ndërkohë ai shtoi se shumë vende të botës i dolën në krah Kosovës, për të treguar të vërtetën e saj.

Sinjali – aty ku e vërteta flet para lajmit!

/GazetaSinjali/

The post Walker: Reçaku i tregoi botës të vërtetën e Kosovës appeared first on Sinjali.

Policia e Kosovës ka njoftuar se  dy qytetarë kanë kthyer 10 mijë e 50 euro, pas një raportimi të bërë nga një qytetar më 10 janar 2026, që kishte humbur ato para.

Sipas raportimit, qytetari kishte humbur paratë në një lokal në Rrugën “Vëllezërit Gërvalla” në Pejë.

Pas disa ditësh, më 13 janar 2026, dy qytetarë nga Peja kanë dorëzuar shumën e gjetur të cilën e kishin gjetur në të njëjtin lokal.

Policia ka kontaktuar menjëherë personin që kishte humbur paratë, i cili është paraqitur në Stacionin Policor për të marrë shumën e tij të humbur.

Pas hetimeve të nevojshme dhe koordinimit me Prokurorinë e Shtetit, Policia ka kthyer paratë te pronari i tyre.

Sinjali – aty ku e vërteta flet para lajmit!

/GazetaSinjali/

The post Dy qytetarë gjejnë 10 mijë e 50 euro të humbura, i dorëzojnë në polici appeared first on Sinjali.

Misioni i OSBE-së ka shënuar sot 27-vjetorin e masakrës së Reçakut, duke nderuar 45 civilët e vrarë në këtë ngjarje tragjike.

Në një mesazh përkujtimor, OSBE-ja ka shprehur respekt për jetët e humbura dhe ka ofruar ngushëllime të sinqerta për familjet e viktimave.

Po ashtu, organizata ka theksuar se ky përvjetor është një kujtesë për detyrimin kolektiv për mbrojtjen e të drejtave të njeriut, duke siguruar llogaridhënie dhe drejtësi për të gjithë.

Sinjali – aty ku e vërteta flet para lajmit!

/GazetaSinjali/

The post OSBE përkujton Masakrën e Reçakut: Mos harro kurrë appeared first on Sinjali.

Një rast i rëndë është raportuar në orët e para të mëngjesit në Prizren, ku një taksist është gjetur pa shenja jete në rrugën “Hajdar Shalla”.

Sinjali mëson se viktima është Avgustin Spaqi, 55-vjeçar.

Ngjarja ka ndodhur më 15.01.2026 rreth orës 01:00, kur Policia ka pranuar informacion se në këtë lokacion ishte gjetur një person i shtrirë dhe pa shenja jete.

Në vendin e ngjarjes ka dalë patrulla policore, ndërsa viktima është vërejtur nga dëshmitari, i cili e kishte njoftuar Policinë përmes telefonit.

Lidhur me rastin është njoftuar edhe polici hetues kujdestar i Stacionit Policor Prizren, si dhe Prokurori kujdestar, i cili ka urdhëruar që trupi i pajetë të dërgohet në Institutin e Mjekësisë Ligjore (IML) në Prishtinë për obduksion.

Sipas informatave, në trupin e pajetë nuk janë vërejtur shenja dhune, ndërsa rasti është iniciuar si “Hetimi i vdekjes” dhe vazhdon të jetë nën hetime.

Sinjali – aty ku e vërteta flet para lajmit!

/GazetaSinjali/

The post Ekskluzive | Ky është taksisti 55-vjeçar që u gjet pa shenja jete në Prizren appeared first on Sinjali.

Një rast i dhunës në familje është raportuar në Mitrovicë, ku një grua ka deklaruar se është kanosur nga bashkëshorti i saj përmes WhatsApp-it.

Siç mëson Sinjali, rasti ka ndodhur më 14.01.2026 rreth orës 20:30, në rrugën “Ago Agaj” në Vaganicë.

Sipas asaj që është transmetuar tek Prokuroria, rezulton se pas një mosmarrëveshjeje për fëmijën e tyre dy muajsh, i dyshuari K. B e ka kanosur seriozisht bashkëshorten gjatë një video-thirrjeje, derisa ajo ishte tek familja e saj në Mitrovicë.

Me rekomandimin e Prokurorit kujdestar, rasti është iniciuar si “Dhunë në familje”, ndërsa i dyshuari është dërguar në mbajtje.

Viktima ka mbetur të qëndrojë në shtëpinë e prindërve të saj.

Sinjali – aty ku e vërteta flet para lajmit!

/GazetaSinjali/

The post E kanosi bashkëshorten përmes WhatsApp-it, i dyshuari dërgohet në mbajtje appeared first on Sinjali.

Një person është gjetur pa shenja jete në Prizren, në orët e para të mëngjesit.

Siç mëson Sinjali, ngjarja ka ndodhur më 15.01.2026 rreth orës 01:00, në rrugën “Hajdar Shalla”, ku Policia ka pranuar informacion se një person ishte i shtrirë dhe pa shenja jete.

Në vendin e ngjarjes ka dalë menjëherë patrulla policore, ndërsa viktima është vërejtur nga dëshmitari, i cili e kishte njoftuar Policinë përmes telefonit.

Viktima është identifikuar si A. S, i lindur më 1970, i cili sipas informatave ishte taksist.

Në vend ka dalë edhe polici hetues, ndërsa është njoftuar Prokurori kujdestar dhe Njësia e Hetimeve Rajonale.

Me urdhër të Prokurorit kujdestar nga Departamenti i Krimeve të Rënda – Prizren, trupi i pajetë është dërguar në Institutin e Mjekësisë Ligjore (IML) në Prishtinë për obduksion.

Sipas informatave, në trup nuk janë vërejtur shenja dhune, ndërsa rasti është duke u trajtuar si “Hetimi i vdekjes”.

Sinjali – aty ku e vërteta flet para lajmit!

/GazetaSinjali/

The post E rëndë: Taksisti 55 vjeçar gjendet pa shenja jete në Prizren appeared first on Sinjali.

Raporte nga Italia sugjerojnë se Juventusi ka arritur një marrëveshje për transferimin e Oscar Minguezas si lojtar të lirë në qershor, ndërkohë që drejtori i Bianconerëve, Marco Ottolini, ka mbetur në Spanjë për të negociuar mundësinë e një kalimi të menjëhershëm në janar me Celta Vigon.

Mbrojtësi spanjoll pritet të bëhet pjesë e Juventusit, qoftë gjatë verës, qoftë në afatin kalimtar të janarit.

Sipas Gazzetta dello Sport dhe Tuttosport, ‘Bianconerët’ kanë arritur një marrëveshje me mbrojtësin e Celta Vigos për një kontratë katërvjeçare me vlerë 1 milion euro në sezon, pothuajse dyfishin e asaj që fiton Mingueza te klubi spanjoll, rreth 600,000 euro.

Tani Juventusi po përpiqet ta nënshkruajë 26-vjeçarin gjatë janarit, duke paguar një shumë më të ulët për Celta Vigon.

Bisedimet mes dy klubeve do të vazhdojnë gjatë orëve të ardhshme, dhe raportet sugjerojnë se “Zonja e Vjetër” do të duhet të paguajë nga 3 deri në 5 milion euro për të siguruar transferimit e mbrojtësit në afatin kalimtar dimëror.

Mingueza ka shënuar një gol dhe ka dhuruar tre asistime në 22 paraqitje në të gjitha kompeticionet këtë sezon dhe ka regjistruar katër paraqitje me kombëtaren e Spanjës.

Sinjali – aty ku e vërteta flet para lajmit!

/GazetaSinjali/

The post Juventusi arrin marrëveshje me ish-yllin e Barcelonës appeared first on Sinjali.

Kryeministri në detyrë Albin Kurti është zotuar se nuk do të ndalen së kërkuari drejtësi për krimet që Serbia kreu ndaj popullit shqiptar, dhe se kriminelët të dalin para drejtësisë.

Kështu tha ai teksa bëri homazhe në 27 vjetorin e masakrës së Reçakut, pikërisht në memorialin ku janë vendosur emrat e 45 viktimave që u masakruan nga dora e regjimit serb, të udhëhequr nga Sllobodan Millosheviqi.

“Para 27 vjetësh, këtu nga Reçaku, nëpërmjet ambasadorit William Walker, u bë e ditur e vërteta për krimet e luftës, krimet kundër njerëzimit dhe krimin e gjenocidit të Serbisë si shtet ndaj popullit shqiptar në Kosovë. Pas Masakrës së Reçakut u ndërgjegjësua, u vetëdijesua dhe u mobilizua edhe opinioni publik ndërkombëtar, si dhe kancelaritë diplomatike perëndimore. Jemi këtu bashkë, si krerë të institucioneve, me kryetarë të komunave dhe kolegë nga qeveria e parlamenti, por edhe zyrtarë të tjerë të shtetit, që të shprehim dhimbjen tonë për këtë plagë të hapur, së cilës ende i mungon drejtësia, por njëkohësisht edhe përkushtimin tonë që gjithmonë do të jemi të angazhuar për t’i sjellë kriminelët para gjyqit dhe për t’i ndëshkuar ata për mizoritë e para 27 vjetëve. Lavdi 45 martirëve të Reçakut dhe 11 dëshmorëve të Kombit, të udhëhequr nga komandanti Ahmet Kaçiku”, deklaroi Kurti.

Sinjali – aty ku e vërteta flet para lajmit!

/GazetaSinjali/

The post Kurti-Masakra e Reçakut: Do të jemi të angazhuar për t’i sjellë kriminelët para gjyqit appeared first on Sinjali.

Presidentja e Kosovës Vjosa Osmani nga Kompleksi Memorial në Reçak, tha se masakra ndaj 45 viktimave ishte dëshmia e gjallë se Serbia synonte që të zhdukte popullin shqiptar nga faqja e dheut.

Osmani pas homazheve theksoi se dhimbja për masakrën e Reçakut është ende e freskët, dhe se për këtë krim dhe shumë të tjera, Serbia nuk u ndëshkua. Nga aty ajo theksoi se Serbia edhe sot po vazhdon me të njëjtën mendësi e politik, duke mohuar edhe masakrën e Reçakut.

“Në këtë 27-vjetor të Masakrës së Reçakut, edhe një herë kujtojmë viktimat e kësaj masakre të llahtarshme, e cila sërish dëshmoi qëllimin shfarosës që regjimi gjenocidal i atëhershëm i Serbisë kishte ndaj popullit të Kosovës. Reçaku dhe plagët e Reçakut ende flasin, sepse dhimbja është po aq e freskët sa ishte para 27 vitesh. Dhimbja është e freskët për familjet, por është e freskët për gjithë popullin e Kosovës, sepse ende nuk ka asnjë drejtësi për krimet që janë kryer këtu, por edhe në pjesë të tjera të Republikës së Kosovës. Edhe pas 27 vitesh, Serbia vazhdon me po të njëjtat politika dhe po të njëjtën mendësi, sepse mohimi i krimit, siç po bëjnë ata me mohimin e krimit të Reçakut, është krim i dyfishtë”, tha Osmani.

Osmani tha se themelet e shtetit të Kosovës janë të forta dhe kjo u bë falë sakrificës së martirëve dhe dëshmorëve të UÇK-së.

“Ne do të vazhdojmë të mbrojmë të vërtetën jo vetëm këtu në Kosovë, por gjithkund në botë. Sepse, ashtu siç dëshmoi ambasadori Ëalker, ajo që ndodhi këtu ishte krim kundër njerëzimit, ndaj të pafajshmëve, dhe ishte dëshmi e gjallë se qëllimi i regjimit serb ishte ta zhdukte popullin shqiptar në Kosovë nga faqja e dheut. Sot jemi të lirë, gëzojmë lirinë, pavarësinë dhe demokracinë në shtetin tonë sovran në tërë territorin e Republikës së Kosovës, për shkak se themelet e shtetit tonë janë të forta dhe janë bërë të forta me sakrificën e martirëve të Reçakut dhe gjithëandej Kosovës, si dhe dëshmorëve të UÇK-së, të cilët dhanë edhe jetën në mënyrë që ne sot të gëzojmë lirinë”, deklaroi Osmani.

Sinjali – aty ku e vërteta flet para lajmit!

/GazetaSinjali/

The post Nga Reçaku, Osmani: Dhimbja është e freskët për familjet dhe për gjithë popullin e Kosovës appeared first on Sinjali.

Kuvendi i Komunës së Shtimes, në mbledhjen përkujtimore të mbajtur sot për nder të përvjetorit të Masakrës së Reçakut, i ka dhënë Ambasadorit William Walker titullin nderues “Qytetar i Përjetshëm i Shtimes”.

Sipas njoftimit të komunës, ky titull u dha për kontributin e jashtëzakonshëm të Walker në zbardhjen e të vërtetës mbi masakrën e 15 janarit 1999 dhe për lidhjen e tij të pandarë dhe të thellë me qytetin e Shtimes dhe banorët e tij.

Gjatë ceremonisë, kryesuesi i Kuvendit të Komunës, Rrahman Jakupi, theksoi se ky nderim është akt mirënjohjeje institucional dhe një shenjë e respektit të përhershëm ndaj rolit të Ambasadorit Walker në faktorizimin e krimeve të kryera në Reçak dhe në informimin e opinionit ndërkombëtar.

“Ambasadori Walker është pjesë e historisë sonë dhe e së vërtetës sonë. Sot, Komuna e Shtimes ia hap përjetësisht dyert dhe zemrën si qytetar i këtyre njerëzve, si dëshmitar i së vërtetës dhe si mik i pandarë i Reçakut”, u shpreh Jakupi.

Titulli “Qytetar i Përjetshëm i Shtimes” përfaqëson nderimin më të lartë ceremonial që jepet nga niveli komunal dhe i dedikohet personaliteteve me ndikim historik, moral dhe njerëzor ndaj komunitetit.

Sinjali – aty ku e vërteta flet para lajmit!

/GazetaSinjali/

The post Walker shpallet “Qytetar i Përjetshëm i Shtimes” appeared first on Sinjali.

Presidentja Vjosa Osmani së bashku me kryeministrin në detyrë Albin Kurti, kryetari i Kuvendit, Dimal Basha dhe William Walker, kanë bërë homazhe në Kompleksin Memorial në Reçak.

Ata kanë vënë kurora lulesh pranë lapidarit kryesor në këtë kompleks përkujtimor, aty ku dhe janë të vendosura të gjithë emrat dhe fotografitë e 45 civilëve të vrarë nga forcat serbe, më 15 janar të vitit 1999, në fshatin Reçak.

Një ditë pas kryerjes së masakrës, William Walker, ambasadori i OSBE-së në Kosovë, vizitoi vendin e ngjarjes u tmerrua nga kufomat e masakruara.

“Nga ajo që pashë nuk ngurroj të përshkruaj ndodhinë si masakër dhe krim kundër njerëzimit. Kjo është ngjarja më trishtuese në jetën time.” Lajmi i masakrës senzibilizoi opinionin ndërkombëtar për krimet serbe në Kosovë dhe i hapi rrugën bombardimeve të NATO-së në Serbi”, pati deklaruar Walker.

Sinjali – aty ku e vërteta flet para lajmit!

/GazetaSinjali/

The post Krerët e shtetit dhe Walker nderojnë viktimat e Reçakut appeared first on Sinjali.

Sot përkujtohet 27-vjetori i Masakrës së Reçakut, një nga krimet më të rënda të luftës në Kosovë, ku 45 civilë shqiptarë u vranë nga forcat serbe.

Ish-shefi i Misionit Verifikues të OSBE-së, William Walker, ka kryer homazhe në varrezat e dëshmorëve në Shtime.

Pos tjerash, ai u përshëndet me përzemërsi edhe nga ambasadorët e QUINT-it.

Kjo masakër u bë e njohur për botën pas reagimit të menjëhershëm të atëhershëm Walker, i cili, pasi pa nga afër trupat e pajetë të civilëve, ngriti alarmin për krime të rënda kundër njerëzimit që po kryheshin ndaj shqiptarëve në Kosovë.

Sinjali – aty ku e vërteta flet para lajmit!

/GazetaSinjali/

The post Dëshmoi krimin e Masakrës së Reçakut: Walker nderon 45 shqiptarët e vrarë appeared first on Sinjali.

Mëngjesin e kësaj të enjteje një banesë në Korçë është përfshirë nga flakët.

Ku për pasojë ka humbur jetën 73-vjeçarja, Flutura Potka, për shkak të asfiksisë, shkruan Abcnews.al.

Raportohet se zjarri dyshohet të jetë shkaktuar nga një dyshek elektrik.

Sinjali – aty ku e vërteta flet para lajmit!

/GazetaSinjali/

The post Digjet banesa në Korçë, humb jetën një 73-vjeçare appeared first on Sinjali.

Mbrojtësi i Arsenalit, Ben White, duket se ka marrë vendimin për të lënë klubin londinez, pasi nuk është i kënaqur me minutat që i jepen.

28-vjeçari anglez është i pakënaqur me kohën e kufizuar të lojës dhe kërkon një skuadër ku mund të sigurojë një vend titullari të rregullt. White iu bashkua Arsenalit në vitin 2021 për një transferim prej 60 milionë eurosh nga Brighton.

Megjithatë, në këtë sezon, ai ka marrë pjesë vetëm në 13 ndeshje, duke dhënë një asist. Edhe pse kontrata e tij skadon në vitin 2028, lojtari raportohet se është i hapur ndaj ofertave nga klube të tjera.

Disa ekipe po e monitorojnë situatën nga afër, përfshirë Everton, që synon të forcojë pozicionin e mbrojtësit të djathtë.

Menaxhmenti i Arsenal pritet të marrë një vendim për të ardhmen e White para mbylljes së afatit kalimtar dimëror. 

Sinjali – aty ku e vërteta flet para lajmit!

/GazetaSinjali/

The post A po largohet Ben White nga Arsenali? appeared first on Sinjali.

Policia e Kosovës, përmes Drejtorisë për Hetimin e Trafikimit të Narkotikëve (DHTN), ka realizuar dy operacione të ndara gjatë të cilave ka arrestuar katër persona dhe ka konfiskuar sasi të konsiderueshme të narkotikëve, armë, para të gatshme dhe prova të tjera materiale.

Rasti i parë – Operacioni “Pinku”

Më 14 janar, rreth orës 15:20, në rrugën “Xhemajl Mustafa” në Fushë Kosovë, hetuesit e DHTN-së, pas një pune operative-hetimore, kanë identifikuar dhe arrestuar në flagrancë dy persona të dyshuar për shitblerje të substancave narkotike.

Gjatë kontrollit, te njëri i dyshuar janë gjetur dy qese me marihuanë, me peshë rreth dy gramë. Ndërkaq, te i dyshuari tjetër dhe në veturën e tij janë sekuestruar nëntë qese me kokainë (4.9 gramë), tetë qese me marihuanë (12.7 gramë), 475 euro para të gatshme që dyshohet se janë përfituar nga shitja e drogës, si dhe dy telefona mobilë.

Me autorizim të Prokurorit Kujdestar nga Departamenti i Krimeve të Rënda, është bastisur shtëpia e njërit prej të dyshuarve, ku janë gjetur dhe konfiskuar: një armë e shkurtër, 15.8 gramë kokainë, 79 tableta ekstazi (37.7 gramë), 2.6 gramë substancë e dyshuar kokainë me ngjyrë të kuqe, 322.9 gramë marihuanë, dy peshore digjitale.

Rasti i dytë – Operacioni “Dora e Kapur”

Në të njëjtën ditë, në Prishtinë, DHTN përmes Sektorit Qendror për Hetimin e Trafikimit me Narkotikë ka zhvilluar operacionin e koduar “Dora e Kapur”. Në rrugën “Imzot Nikprelaj” është arrestuar në flagrancë një person, te i cili janë gjetur gjashtë doza heroinë me peshë totale katër gramë.

Gjatë kontrollit në banesën e tij janë sekuestruar edhe rreth nëntë gramë hashash dhe 18 gramë marihuanë. Po ashtu, gjatë bastisjes janë gjetur dhe konfiskuar: 52 paketime heroinë me peshë totale 14 gramë, një pushkë gjuetie me nëntë fishekë, rreth 25 mijë euro para të gatshme, një veturë, një peshore, dy telefona mobilë dhe prova të tjera relevante.

Të dyshuarit janë dërguar në mbajtje dhe ndaj tyre do të ndërmerren veprime të mëtejme ligjore.

Sinjali – aty ku e vërteta flet para lajmit!

/GazetaSinjali/

The post Policia arreston katër persona dhe konfiskon drogë, armë e para në dy operacione të ndara appeared first on Sinjali.

Presidenti i Shqipërisë, Bajram Begaj, ka përkujtuar masakrën e Reçakut e cila u krye 27 vjet më parë nga forcat serbe.

Ai teksa përmend faktin e pamohueshëm që denoncimi i saj 27 vite më parë nga Ambasadori William Walker ndërgjegjësoi komunitetin ndërkombëtar për gjenocidin që po ndodhte në Kosovë.

“Ndërgjegjësimi solli Konferencën e Rambujesë, ndërhyrjen e NATO-s, lirinë, shtetin e Kosovës dhe paqen që sot e gëzojmë bashkërisht”, ka shkruar Begaj.

Tutje presidenti i Shqipërisë tha se kjo masakër nuk harrohet, thirrja për drejtësi nuk mund të shuhet, mirënjohje aleatit tonë strategjik, SHBA-së.

Sinjali – aty ku e vërteta flet para lajmit!

/GazetaSinjali/

The post Begaj-Masakra e Reçakut: Nuk mund të harrohet appeared first on Sinjali.

Japonia goditet nga një seri tërmetesh sot, më i forti prej të cilëve ishte me magnitudë 5.1 ballë të shkallës Rihter, njoftoi Qendra Sizmologjike Evropiane-Mesdhetare.

Epiqendra e tërmetit më të fortë ishte në ishullin Honshu, në një thellësi prej shtatë kilometrash dhe në një distancë prej 18 kilometrash nga qyteti i Matsumotos.

Honshu u godit gjithashtu nga tërmete me magnitudë 4.7 dhe 4.3.

Një tërmet me magnitudë 4.5 ballë u regjistrua gjithashtu në veri të ishullit Hokkaido, në det të hapur, dhe nuk u lëshua asnjë paralajmërim për cunami për të.

Deri më tani nuk ka raportime për të lënduar apo dëme materiale.

Sinjali – aty ku e vërteta flet para lajmit!

/GazetaSinjali/

The post Japonia goditet nga një valë tërmetesh, më i forti 5.1 ballë Rihter appeared first on Sinjali.

Qendra Kombëtare për Menaxhim Kufitar, i ka përditësuar të dhënat për pritjet në pikat kufitare.

Mërgimtarët po edhe qytetarët e tjerë të cilët po udhëtojnë drejt vendeve evropiane, duhet të presin deri në 3-5 minuta pothuajse në të gjitha pikat kufitare.

Sa i përket hyrjeve në Kosovë pritjet janë të ngjashme sikur edhe daljet nga 3 deri në 5 minuta.

Sinjali – aty ku e vërteta flet para lajmit!

/GazetaSinjali/

The post Përditësimi i fundit: Pritjet për hyrje dhe dalje nga Kosova janë të njëjta appeared first on Sinjali.