Një kërcënim për bombë ka ngritur alarmin këtë të enjte në aeroportin e El Prat të Barcelonës.

Pak para uljes, autoritetet u informuan për një kërcënim me bombë, gjë që çoi në aktivizimin e menjëhershëm të protokollit të emergjencës.

Në të njëjtën kohë, u sqarua se kërcënimi i supozuar nuk ndikoi në asnjë mënyrë në funksionimin e aeroportit.

Shkëlqim Hajdari ka dhënë dorëheqjen nga posti i kryeinspektorit.

Vendimi i tij është bërë i ditur këtë të enjte, pa u shoqëruar me shpjegime zyrtare për arsyet e largimit. Ende nuk ka informacion se kush do ta zëvendësojë në këtë detyrë./FAXWEB

Gjykata e Apelit në Tiranë ka ndryshuar masën e sigurisë nga “arrest në burg” në “arrest shtëpie “për tre autorët e dyshuar të vrasjes së Martin Çeços. Burimet konfirmojnë se tre autorët e dyshuar, Valter Mollaj, kushëriri i tij Edlir Mollaj dhe çobani Bleti Angjo janë liruar nga gjykata e apelit pasi kjo e fundit ka konstatuar humbjen e fuqisë së paraburgimit të caktuar në datë 20.06.2022, për shkak të tejkalimit të afatit të qëndrimit maksimal.

Hetimet për vrasjen vijojnë por 3 personat. Lidhur me ngjarjen, rikujtojmë se 26 vjeçari Martin Çeço u vra dhe më pas u hodh në rezervuarin e fshatit Kolanec të Maliqit në qershor të vitit 2022. Të tre u arrestuan pas dëshmisë së Tina Pajollarit, e cila vijon të jetë në burg lidhur me ngjarjen. Kjo e fundit u arrestua më vonë pasi dyshohet se ka qenë e pranishme në momentin e vrasjes.

Krimi tronditës ka ndodhur më 12 Qershor 2022 në Kolavec të Maliqit, ku i riu u gjet i mbytur me litar dhe i hedhur në një rezervuar, dy ditë pasi familja kishte humbur kontaktet me të. Kushërinjtë Valter dhe Edlir Mollaj u gjetën fajtorë për vrasjen, bariu Bledi Angjo dhe Martina Pajollari, pasi kishte nxjerrë në pritë viktimën.

Presidenti kolumbian Gustavo Petro ka thënë se do të takohet me homologun e tij amerikan, Donald Trump, në Shtëpinë e Bardhë më 3 shkurt, për bisedime që ai i përshkroi si “vendimtare”.

Duke folur në një mbledhje të kabinetit të mërkurën, Petro tha se data u ra dakord përmes shkëmbimeve diplomatike me administratën Trump, duke vënë në dukje se bisedimet do të trajtonin çështje dypalëshe, përfshirë trafikun e drogës.

“Do të shohim rezultatet e atij takimi, i cili është vendimtar. Qëllimi im është që kolumbianët, kudo që të jenë në vend, të mos vuajnë dhe të ndihen rehat”, tha Petro. Takimi do të jetë i pari takim ballë për ballë midis dy udhëheqësve që kur Trump u rikthye në detyrë. Trump njoftoi vizitën e Petros në Uashington pas një telefonate me presidentin kolumbian javën e kaluar, pasi më parë e akuzoi atë për trafik droge dhe kërcënime me veprime ushtarake.

“Ishte një nder i madh të flisja me presidentin e Kolumbisë, Gustavo Petro, i cili më telefonoi për të shpjeguar situatën në lidhje me drogën dhe mosmarrëveshjet e tjera që kemi pasur”, tha Trump në atë kohë. “E vlerësova telefonatën dhe tonin e tij, dhe mezi pres të takohem me të në të ardhmen e afërt.”

Uashingtoni ka shtuar presionin mbi vendet e Amerikës Latine për çështjet e narkotikëve dhe sigurisë, me Trump që veçoi Petron për çështjet që lidhen me drogën. Më herët këtë muaj, Trump lëshoi ​​një kërcënim drejtuar Kolumbisë, duke thënë se ndërmarrja e veprimeve kundër vendit “tingëllon mirë”.

Petro u përgjigj, duke thënë se përballë “kërcënimeve të paligjshme” të Trump, ai ishte i përgatitur të “merrte përsëri armët që askush nuk dëshiron t’i prekë”.

Trump vitin e kaluar vendosi sanksione ndaj Petros dhe ia revokoi vizën pasi udhëheqësi kolumbian dënoi ato që ai i quajti sulme “barbare” të SHBA-së ndaj anijeve të dyshuara të kartelit në Karaibe, të cilat Petro tha se kishin në shënjestër peshkatarët e zakonshëm. Trump më vonë e etiketoi presidentin kolumbian një “udhëheqës të paligjshëm të drogës”.

Për kryeministrin Edi Rama, Spitali Rajonal Memorial në Fier, Memorial është një shembull i mirë i autonomisë menaxheriale dhe financiare. Rama paralajmëroi nisjen e një procesi riformatimi që sipas tij synon më shumë efikasitet, menaxhim modern dhe kujdes dinjitoz për çdo pacient, kudo në vend.

“Fier – Spitali Rajonal Memorial është një shembull i mirë i autonomisë menaxheriale dhe financiare, ku organizimi më i mirë dhe përgjegjësia më e madhe po përkthehen në shërbime më cilësore për qytetarët.

Gjatë vizitës në këtë institucion, Ministrja e Shëndetësisë dhe Mirëqenies Sociale, prof. Evis Sala, ndau vizionin për të ardhmen e sistemit spitalor rajonal.

Në vitin 2026 pritet të nisë një proces i thellë riformatimi, që synon më shumë efikasitet, menaxhim modern dhe kujdes dinjitoz për çdo pacient, kudo në vend”-shkruan Rama.

Prokuroria e Posaçme kundër Korrupsionit dhe Krimit të Organizuar përfundoi hetimet dhe ka dërguar pranë Gjykatës së Posaçme të Shkallës së Parë kërkesën për gjykimin e procedimit penal nr.277/1/1 datë 02.07.2025 në ngarkim të të pandehurve:

Arnold Rrokaj i hetuar me masën e sigurimit “Arrest në burg” dhe i akuzuar për veprat penale “Hyrja e paautorizuar kompjuterike”, paragrafi i dytë dhe “Përgjimi i paligjshëm i të dhënave kompjuterike”, paragrafi i dytë, të kryer në formën e posaçme të bashkëpunimit atë grupit të strukturuar kriminal, “Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, të parashikuara nga nenet 192/b paragrafi 2, 293/a paragrafi 2, 28/4, 333/a dhe 334 të Kodit Penal;

Zambak Gjoni i hetuar me masën e sigurimit “Arrest në burg” dhe i akuzuar për veprat penale “Përgjimi i paligjshëm i të dhënave kompjuterike”, paragrafi i dytë, të kryer në formën e posaçme të bashkëpunimit, atë të grupit të strukturuar kriminal, “Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, të parashikuara nga nenet 293/a paragrafi 2, 28/4, 333/a dhe 334 të Kodit Penal;

Agim Ismaili i hetuar në gjendje të lirë dhe i akuzuar për veprat penale “Përgjimi i paligjshëm i të dhënave kompjuterike”, paragrafi i dytë, të kryer në formën e posaçme të bashkëpunimit, atë të grupit të strukturuar kriminal, “Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, të parashikuara nga nenet 293/a paragrafi 2, 28/4, 333/a dhe 334 të Kodit Penal;

I pandehuri Arnold Rrokaj, aksesoi në mënyrë të paautorizuar materiale hetimore të Prokurorisë së Posaçme kundër Korrupsionit dhe Krimit të Organizuar, një pjesë e të cilave u dërguan në mënyrë të paligjshme tek të pandehurit, Zambak Gjoni dhe Agim Ismaili, të cilët i shperndajnë ato më pas tek persona të tretë.

Shtetasit Zambak Gjoni dhe Arnold Rrokaj u identifikuan në një kohë të shpejtë (brenda 24 orësh) dhe u arrestuan menjëherë duke parandaluar kështu dhe shpërndarjen e mëtejshme të materialeve hetimore.

Si rezultat i veprimeve te shumta hetimore dhe analizimit te tyre, akuzat u zgjeruan dhe për veprën penale të përgjimit të paligjshëm të të dhënave kompjuterike në ngarkim të shtetasit, Agim Ismaili, i cili pasi u njoh me përmbajtjen e këtyre të dhënave, i shpërndau ato më tej, por edhe kërkoi në mënyrë të vetëdijshme thellimin e përgjimit të paligjshëm të sistemeve të Prokurorisë së Posaçme, duke kërkuar gjetjen e të dhënave për persona të ndryshëm.

Donacionet dhe sponsorizimet në Shqipëri tashmë do të kalojnë një sërë filtrash e kontrolli.Qeveria ka hedhur për konsultim projektligjin i cili bën dallimin e qartë mes donacionit dhe sponsorizimit. Donacioni përkufizohet si mbështetje vullnetare dhe pa përfitim, ndërsa sponsorizimi trajtohet si marrëdhënie kontraktuale ku sponsorizuesi përfiton të drejtën e promovimit dhe reklamimit.

Po ashtu drafti parashikon që për herë të parë të ketë një Regjistër Elektronik Kombëtar për Donacionet dhe Sponsorizimet. Ky regjistër do të jetë i aksesueshëm nga publiku në çdo kohë në faqen zyrtare në internet të Drejtorisë së Përgjithshme të Tatimeve për të dhënat që lidhen me donacionet dhe sponsorizimet e organeve publike duke garantuar akses të hapur për qytetarët, median dhe shoqërinë civile. Ndërkohë, për sponsorizimet e organizatave jofitimprurëse dhe subjekteve private, të dhënat do të jenë të aksesueshme vetëm për organet ligjzbatuese dhe tatimore.

Projektligji parashikon se çdo donacion për organet publike mbi vlerën 500.000 lekë dhe të gjitha sponsorizimet do duhet të regjistrohen në Regjistrin Elektronik Kombëtar për Donacionet.
Sipas draftit të publikuar në konsultim publik parashikohet përjashtimi i personave të dënuar për korrupsion, pastrim parash apo evazion fiskal për dhënien e donacioneve. Të gjitha donacionet dhe sponsorizimet i nënshtrohen kontrollit financiar dhe në arst të shkelejeve parashikohen edhe gjobave që variojnë nga 200.000 dyqind mijë lekë deri në 300.000 treqind mijë lekë.

Shqipëria miratoi ligjin e parë për sponsorizimet në 1994 por që nuk ka parashikime për donacionet, si dhe nuk ka parashikime efikase për sa i përket transparencës, integritetit dhe masave antikorrupsion. Projektligji i ri e zgjeron zbatimin e tij për donacionet dhe sponsorizimet e veprimtarive publike.

E gjithë vëmendja e Drejtorisë së Burgjeve dhe Policisë së Shtetit është tek arratisja e Altin Ndocit, një personazh i botës së errët të krimit, i cili arriti që t’i shpëtonte sigurisë dhe të largohej nga spitali i Durrësit.

“Nuk mund të bëhet shoqërimi i Altin Ndocit, pasi nuk ndodhet në ambientet e IEVP Durrës, si pasojë e arratisjes së tij nga Spitali Rajonal Durrës. Është shpallur në kërkim nga policia”, citoi gjykata shkresën e DPB.

Ndërkohë në lidhje me situatën, prokurorët e SPAK në sallën e gjyqit i kërkuan gjykatës t’i drejtohet me shkresë për informacion në lidhje me Altin Ndocin, nëse është i shpallur ose jo në kërkim prej saj.

Deputeti i Partisë Demokratike, Klevis Balliu, ka akuzuar qeverinë e kryeministrit Edi Rama për korrupsion të përhapur, kapje të shtetit dhe bashkëpunim me krimin e organizuar, duke deklaruar se Shqipëria po shndërrohet në një vend të pasigurt për qytetarët.

Në një deklaratë publike nga Kryesia e Kuvendit, Balliu tha se si Shtetet e Bashkuara të Amerikës, ashtu edhe Bashkimi Europian, kanë ndërmarrë masa kufizuese ndaj Shqipërisë, duke i lidhur ato me, sipas tij, skandale të rënda korrupsioni dhe keqpërdorimi të fondeve publike.

Ai iu referua veçanërisht situatës në Agjencinë Kombëtare të Shoqërisë së Informacionit (AKSHI), duke pretenduar se aty është ngritur një sistem i lidhur me krimin e organizuar, që sipas tij ka çuar në vendimin e Bashkimit Europian për të pezulluar fondet për dixhitalizimin.

DEKLARATA
Të nderuar qytetarë,

Si pasojë e vjedhjes sistematike, korrupsionit të shfrenuar, kapjes së shtetit, mungesës së lirisë dhe, mbi të gjitha, bashkëpunimit të drejtpërdrejtë të qeverisë me kartelet e drogës, Shqipëria sot është kthyer në një vend të pasigurt. E ardhmja e çdo qytetari është e errët dhe e kërcënuar.

Jo vetëm Shtetet e Bashkuara të Amerikës kanë ndërmarrë masa kufizuese, por edhe Bashkimi Europian, si pasojë e skandalit të fundit tek AKSHI, ku u faktua ngritja e një sistemi narko-terrorist nën drejtimin e Edi Ramës. Një sistem ku kartelet kontrollojnë segmente të sigurisë kombëtare dhe marrin peng biznesmenë që nuk pranojnë të tërhiqen nga tenderat publikë. Për këtë arsye, komuniteti europian vendosi të pezullojë fondet për dixhitalizimin, pasi tashmë është e provuar se Shqipëria ka një qeveri që vjedh fondet publike.

Ndërkohë, Edi Rama tallet me shqiptarët duke folur për integrim në Bashkimin Europian, në një kohë kur vetë Bashkimi Europian pezullon fondet për Shqipërinë për shkak të vjedhjeve dhe bashkëpunimit të tij me bandat kriminale.

Sot vendi ndodhet në rrezik serioz, ndërsa e ardhmja e qytetarëve është e kërcënuar, sepse qeveria po negocion interesat kombëtare të Shqipërisë për interesa të ngushta monetare të pushtetit.

Çdo ditë e më shumë po largohemi nga misioni ynë për t’u integruar në botën euro-atlantike, dhe kjo ndodh vetëm për faj të Edi Ramës.

AKSHI është pasqyra më e qartë e sistemit narko-terrorist të ngritur nga Rama, ku trafikantët dhe grupet kriminale kontrollojnë institucionet shtetërore.

Sot, Edi Rama është i vetmi kryeministër në botë që ka ngritur një post të posaçëm për të kontrolluar gjithçka: koordinatorin e krimit të organizuar brenda qeverisë.

Nën qeverisjen e Partisë Demokratike, Shqipëria vizitohej nga Presidenti i Shteteve të Bashkuara; sot, shqiptarët nuk mund të udhëtojnë lirshëm drejt SHBA-së, sepse udhëhiqen nga një qeveri e karteleve. Nën qeverisjen e Partisë Demokratike, Bashkimi Europian sillte fonde për Shqipërinë, si në bujqësi ashtu edhe në dixhitalizim; sot këto fonde janë bllokuar, sepse BE deklaron qartë se ato vidhen nga qeveria.

Më 24 janar, të bashkohemi për të mbrojtur të ardhmen e Shqipërisë nga babëzia, korrupsioni dhe kartelet e qeverisë.

Një ngjarje e rëndë ka ndodhur mëngjesin e sotëm në qytetin e Korçës,  në lagjen nr. 13, ku një banesë është përfshirë nga flakët, duke shkaktuar humbjen e jetës së një 73-vjeçareje.

Sipas njoftimit të policisë, ngjarja ka ndodhur rreth orës 09:10, ku ka rënë zjarr në banesën e shtetases Fluturie Potka, e cila ishte e paralizuar dhe jetonte e vetme. Si pasojë e asfiksisë nga tymi, e moshuara ka ndërruar jetë.

Paraprakisht mësohet se shkak i zjarrit ka qenë një batanije me korrent, të cilën 73-vjeçarja e përdorte për t’u ngrohur.

Sipas informacioneve nga vendi i ngjarjes, e moshuara është gjetur nga gruaja që kujdesej për të. Ajo ka hapur derën e jashtme dhe ka vënë re tymin, ndërsa më pas ka kërkuar ndihmën e fqinjëve të pallatit për të njoftuar zjarrfikësen.

Menjëherë pas njoftimit, në vendngjarje kanë mbërritur shërbimet e Policisë dhe të zjarrfikëses, të cilat kanë bërë të mundur shuarjen e flakëve.

Korçë/Informacion paraprak

Më datë 15.01.2026, rreth orës 09.10, në lagjen nr. 13, Korçë, ka rënë zjarr në banesën e shtetases F. P., rreth 73 vjeçe, e cila si pasojë e asfiksisë, ka ndërruar jetë.

Shërbimet e policisë dhe të zjarrfikëses ndodhen në vendngjarje, për të bërë të mundur shuarjen e zjarrit.

Grupi hetimor po punon për të përcaktuar shkakun e rënies së zjarrit dhe për të bërë dokumentimin e plotë të rrethanave të ngjarjes.

Samuel Eto’o, president i Federatës së Futbollit të Kamerunit, është ndëshkuar me pezullim dhe gjobë pas incidenteve gjatë ndeshjes Marok-Kamerun, në kuadër të çerekfinaleve të Kupës së Afrikës.

Ndeshja, e fituar nga Maroku më 9 janar me rezultatin 2-0, nxiti reagimin e ashpër të Eto’o-së, i cili humbi durimin dhe shprehu pakënaqësinë ndaj homologut të tij maroken, Fouzi Lekjaa, si dhe ndaj presidentit të CAF, Patrice Motsepe. Situata u menaxhua pa u agravuar, falë ndërhyrjes së disa spektatorëve që përpiqeshin ta qetësonin.

Si pasojë, Federata Ndërkombëtare e Futbollit vendosi që Eto’o të gjobitet me 20,000 dollarë dhe të pezullohet për katër ndeshje. Federata e Futbollit të Kamerunit ka reaguar menjëherë, duke e konsideruar vendimin si “të papërshkruar dhe pa bazë të qartë” dhe ka njoftuar se është e gatshme të apelojë kundër këtij ndëshkimi.

Ky incident vjen në një moment kur Eto’o, legjendë e futbollit afrikan dhe ish-lojtar i njohur ndërkombëtarisht, ishte shndërruar në figurë udhëheqëse të futbollit kamerunas, duke mbikëqyrur zhvillimet e Kupës së Afrikës dhe menaxhimin e skuadrës kombëtare.

Vendimi për pezullimin dhe gjobën reflekton zero tolerancë ndaj sjelljeve të pahijshme në arenën sportive, edhe për individë me peshë të madhe si Eto’o, dhe pritet të ketë ndikim në marrëdhëniet e tij me organet drejtues të futbollit afrikan.

Federata e Futbollit të Kamerunit tani do të përpiqet të apelojë vendimin, duke kërkuar rivlerësimin e situatës dhe mbrojtjen e presidentit të saj, ndërkohë që fansat dhe mediet sportive do të ndjekin me kujdes zhvillimet e mëtejshme.

Aksi rrugor Kakavijë-Janinë, në kryqëzimin e fshatit Kallpaq, do të jetë i bllokuar nga ora 12:30 me orën greke, deri në një afat të pacaktuar, për shkak të protestës së fermerëve grekë.

Policia Kufitare Kakavijë, bëri të ditur se “nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se ditën e sotme, nga ora 12:30 (me orën greke) deri në një njoftim të dytë, aksi rrugor Kakavijë–Janinë, në kryqëzimin e fshatit Kallpaq, do të jetë i bllokuar për shkak të protestës që do të zhvillojnë fermerët”.

Sipas policisë do të lejohen të qarkullojnë vetëm automjetet që do të kenë emergjenca shëndetësore.

Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete, në orare të tjera të ditës.

Pas arratisjes së Altin Ndocit, 15 të burgosur të IEVP Durrës janë transferuar në burgun e sigurisë së lartë në Peqin.

Mes të transferuarve si persona me rrezikshmëri të lartë janë dhe Lulzim Berisha, Orges Molla, Juxhin Koka, të arrestuarit gjatë operacioneve “Ura” dhe “Revansh”, si dhe 3 shtetas të huaj, dy brazilianë dhe një venezuelian. Transferimi u realizua nën masa të larta sigurie, nën shoqërimin edhe të mjeteve të shumta të Policisë së Shtetit.

Vendimi për transferimin e eksponentëve më të rrezikshëm të botës së krimit erdhi pas arratisjes së Altin Ndocit nga Spitali i Durrësit dy ditë më parë. Ndërkohë, burgu i Durrësit, i njohur edhe si “burgu i VIP-ave”, u vu në fokus për shkak të kushteve dhe nivelit të sigurisë. Të dënuar dhe paraburgosur u rivlerësuan për shkallën e rrezikshmërisë, ndërsa më problematikët u përzgjodhën për t’u sistemuar në Peqin.

Gjendet në Valias, dhe sekuestrohet automjeti i vjedhur, tip “Volkswagen Jetta”.

Shërbimet e Komisariatit të Policisë Nr. 3, menjëherë pas njoftimit se në një vendparkim për automjete, në rrugën “Hajdar Hidri”, ishte vjedhur nëpërmjet mashtrimit, 1 automjet tip “Volkswagen Jetta”, organizuan punën për identifikimin dhe kapjen e autorit.

Si rezultat i veprimeve të shpejta hetimore dhe policore, u identifikua dhe u arrestua autori i dyshuar i vjedhjes, shtetasi A. L., 18 vjeç, banues në Tiranë. Gjithashtu, u gjet në fshatin Valias, automjeti i vjedhur.

18-vjeçari dyshohet se me qëllim vjedhjen, ka shkuar te vendparkimi i automjeteve, ku ka mashtruar rojën e subjektit, se do të merrte automjetin e tij.

Materialet procedurale iu referuan Prokurorisë së Tiranës, për veprime të mëtejshme.

Në vijim të vizitës zyrtare në Itali, Kryetari i Kuvendit të Shqipërisë, Niko Peleshi, i shoqëruar nga deputetët e Grupit Parlamentar të Miqësisë me Italinë, u takua me Presiden

Gjatë takimit u riafirmuan lidhjet e fuqishme historike dhe aktuale miqësore mes dy popujve, të cilat përbëjnë bazën e bashkëpunimit të sotëm mes parlamenteve, qeverive dhe institucioneve të të dy vendeve.

Kryetari i Kuvendit, Niko Peleshi, shprehu mirënjohjen e shqiptarëve për mbështetjen e vazhdueshme të Italisë në zhvillimin, demokratizimin dhe progresin e Shqipërisë, duke theksuar se vendi ynë ka zgjedhur një destinacion të vetëm strategjik për të ardhmen, familjen europiane. Ai nënvizoi se Shqipëria po ecën me shpejtësi drejt Bashkimi Europian, duke vlerësuar mbështetjen e fuqishme të Italisë dhe lobimin e saj me vendet e tjera anëtare të BE-së.

Presidentin e Senatit të Republikës Italiane, Ignazio La Russa.

Në takim u theksua rëndësia e bashkëpunimit ekonomik e tregtar, si dhe potencialet e reja për zgjerim në sektorë si teknologjia e informacionit dhe inteligjenca artificiale.

U vlerësua roli i komunitetit arbëresh dhe i emigrantëve shqiptarë në Itali si një urë e rëndësishme miqësie mes dy vendeve, si edhe mbështetja e Italisë për ruajtjen e gjuhës, kulturës dhe vlerave të arbëreshëve.

Kryetari Peleshi theksoi nevojën për zgjerimin e bashkëpunimit parlamentar mes Kuvendit të Shqipërisë dhe Senatit Italian, duke vlerësuar gjithashtu qasjen dhe kontributin e Italisë për stabilitetin, sigurinë dhe perspektivën europiane të Ballkanit Perëndimor.

Nga ana e tij, Presidenti i Senatit, Ignazio La Russa, rikonfirmoi mbështetjen e Italisë për avancimin e shpejtë dhe anëtarësimin sa më parë të Shqipërisë në Bashkimin Europian. Ai theksoi se dy vendet janë aleate të ngushta në NATO dhe vlerësoi politikën e jashtme dhe të sigurisë së Shqipërisë, në mbrojtje të vlerave të lirisë, demokracisë dhe paqes.

Presidenti La Russa garantoi se Senati Italian do të vijojë të mbështesë dhe të nxisë Partneritetin Strategjik dhe bashkëpunimin gjithëpërfshirës dypalësh mes dy vendeve.

Në përfundim të takimit, Kryetari i Kuvendit, Niko Peleshi, ftoi Presidentin e Senatit të Republikës Italiane, Ignazio La Russa, për një vizitë zyrtare në Shqipëri.

Policia Kufitare Kakavijë, nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se ditën e sotme, nga ora 12:30 (me orën greke) deri në një njoftim të dytë, aksi rrugor Kakavijë–Janinë, në kryqëzimin e fshatit Kallpaq, do të jetë i bllokuar për shkak të protestës që do të zhvillojnë fermerët.

Do të lejohen të qarkullojnë vetëm automjetet që do të kenë emergjenca shëndetësore.

Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete, në orare të tjera të ditës.

Ministrja për Europën dhe Punët e Jashtme, Elisa Spiropali ka reaguar pas deklaratave të opozitës, sa i takon vendimit të DASH për bllokimin e vizave për 75 vende. Sipas Spiropalit, nuk bëhet fjalë për vizat e qytetarëve, ndërsa shtoi se ata mund të lëvizin pa probleme drejt SHBA-ve.

Reagimi vjen teksa Spiropali po udhëton drejt Kievit, ku do të do pritet nga Presidenti Volodymyr Zelensky dhe Ministri i Jashtëm, Andrii Sybiha.

“Mirëmëngjes nga një udhëtim i gjatë drejt Kievit, ku do të jem në një vizitë zyrtare për të rikonfirmuar mbështetjen e Shqipërisë në krah të Ukrainës, në kushtet e sulmeve masive që targetojnë infrastrukturën kritike dhe popullatën civile në mes të një dimri të egër.
Kam ndjekur me vëmendje gjatë gjithë mbrëmjes së djeshme rrebeshin e spekulimeve politike mbi çështjen e vizave drejt SHBA.
Ndërkohë që Shqipëria sot respektohet e çmohet kudo dhe është më aktive se kurrë, disa të udhëhumbur në Tiranë kanë vënë kujën se SHBA-të, sipas tyre, kanë ngrirë dhe bllokuar vizat për shqiptarët.
Fabula e tyre e çartur shkon aq larg, sa deklarojnë se partnerët tanë historikë dhe strategjikë, e kanë futur Shqipërinë në listën e zezë. E paimagjinueshme!
Në fakt, të dyja këto, janë fund e krye trillime politike. E vërteta është se vendimi i fundit i SHBA-ve nuk ka bllokuar lëvizjen dhe udhëtimin e qytetarëve shqiptarë drejt SHBA-ve. Kurrsesi! Nuk janë bllokuar as vizat për qëllime turistike, studentët, biznesi, vizita te familjarët apo evente të lidhura me punën.
Askush nuk ndalohet të udhëtojë dhe të vizitojë si turist, student, qytetar apo edhe zyrtar, por rregullat e Qëndrimit në SHBA do të ndryshojnë në linjë me politikën e tyre të imigracionit.
Pra nuk bëhet fjalë për një vendim që targeton Shqipërinë, por për një rishqyrtim lidhur me procesimin e vizave për qëllime imigrimi në SHBA për 75 vende, përfshirë 5 vende të Ballkanit Perëndimor.
Departamenti Amerikan i Shtetit njoftoi se do të pezullohet përpunimi i vizave të imigracionit deri në rishikim zyrtar, dhe ky vendim vjen si pjesë e masave të administratës amerikane për të kufizuar abuzimet me avantazhet që ofron sistemi amerikan i migracionit.
Pra shkurt dhe thjesht, vendimi nuk ka të bëjë asgjëkundi me fabrikime nga më të çuditshmet për nongrata imagjinare mbi Shqipërinë dhe shqiptarët. Përtej gjithë kësaj tymnaje, një e vërtetë e madhe është e qartë si drita e diellit: Shqipëria ka qenë dhe mbetet aleati dhe partneri strategjik i Shteteve të Bashkuara të Amerikës, vend mik me të cilin na bashkon një rrugë e gjatë dhe e pandashme vlerash dhe qëllimesh.
Ju përshëndes dhe ditë sa më të mbarë.”, shkruan Spiropali.

Mësohet se një zjarr ka rënë në lagjen nr 13 të qytetit, ku si pasojë e tymit një 70-vjeçare ka ndërruar jetë brenda banesës.

E moshuara jetonte e vetme, ndërsa zjarrfikësja dhe policia në vendngjarje.

Korçë/Informacion paraprak

Më datë 15.01.2026, rreth orës 09.10, në lagjen nr. 13, Korçë, ka rënë zjarr në banesën e shtetases F. P., rreth 73 vjeçe, e cila si pasojë e asfiksisë, ka ndërruar jetë.

Shërbimet e policisë dhe të zjarrfikëses ndodhen në vendngjarje, për të bërë të mundur shuarjen e zjarrit.

Grupi hetimor po punon për të përcaktuar shkakun e rënies së zjarrit dhe për të bërë dokumentimin e plotë të rrethanave të ngjarjes.

Sot, të enjten, fillon gjyqi i Ekrem İmamoğlu në çështjen e diplomës së tij universitare, të cilën autoritetet turke e pretendojnë të jetë e falsifikuar.

Megjithatë, një tjetër rast që përfshin kryetarin e bashkisë së Stambollit dhe jetën e tij personale ka dominuar mediat turke në 24 orët e fundit.

Sipas asaj që raportoi korrespondenti i SKAI-t në Stamboll, Manolis Kostidis, disa orë para fillimit të procedurës, shpërtheu një trazirë në Turqi për shkak të dëshmisë së një influencuesi, i cili zbuloi se İmamoğlu kishte një lidhje jashtëmartesore me një lojtare të njohur të volejbollit, Deria Çayrgan. Lojtarja e lartpërmendur u arrestua madje disa orë më parë, si pjesë e një operacioni nga Drejtoria e Zbatimit të Ligjit kundër Drogës, së bashku me 18 persona të tjerë.

Sipas një raporti në gazetën pro-qeveritare Sabah, 19 persona u arrestuan në një operacion të Drejtorisë së Zbatimit të Ligjit kundër Drogës, përfshirë Derya Cairgan, ndërsa pjesa tjetër akuzohet për përfshirje në trafikun e drogës.

Lajmi për “lidhjen jashtëmartesore” të Imamoglu-t është raportuar që nga dje nga mediat opozitare dhe pro-qeveritare në Turqi, pa asnjë koment apo mohim zyrtar nga kryetari i bashkisë së Stambollit apo bashkëpunëtorët e tij. Mediat turke madje nxorën në pah një deklaratë më të vjetër të sportistes, rreth dy vjet më parë, në të cilën ajo u pyet se kush është personi më i famshëm që ajo ka ruajtur në kontaktet e saj të telefonit celular. Në atë kohë, ajo ishte përgjigjur se kishte të regjistruar numrin e telefonit të Imamoglu-t, pa dhënë sqarime të mëtejshme.

Influencuesja Rabia Karaca, e cila u arrestua gjithashtu nga autoritetet turke, thuhet se dëshmoi se Çayrgan ishte “mikesha e Imamoğlu-t”. Sipas dëshmisë së saj, kryetari i bashkisë së Stambollit “u kujdes për të dhe në një farë mënyre siguroi pagesat e saj”, ndërsa përmendi edhe individë të tjerë.

Imazhi që autoritetet e vendit po përpiqen të krijojnë rreth Ekrem Imamoglu-t, siç theksojnë analistët, përfshin akuza për një diplomë të rreme, parregullsi financiare dhe një jetë personale skandaloze. Megjithatë, këto janë akuza që ende nuk janë konfirmuar.