Një gol i realizuar nga Ernest Muçi në ndeshjen Goztepe-Trabzonspor, u zgjodh dje si “Goli i muajit” në Superligën turke.

Sulmuesi i Kombëtares e fiton mëtë çmim për herë të dytë radhazi.

Por mesa duket Galatasaray nuk është dakord me këtë vlerësim.

Sipas kampionëve në fuqi të Turqisë, goli i Victor Osimhen, që i dha fitoren atyre ndaj Samsunspor, duhet të ishte mbi realizimin e Muçit.

“Ishte kaq i jashtëzakonshëm sanuk mund të krahasohej me asgjë”, është komenti i shpërndarë i Galatasarayt për golin e sulmuesit nigerian.

Goli i Muçit:

Goli i Osimhen:

Në hetimet e zhvilluara, SPAK ka mundur të sigurojë pamje nga brenda ambienteve të punës së Ergys Agasit.

Ndër të tjera në datën 19 nëntor 2021 në ambientet e subjektit “EA Tobaço” shfaqet drejtoresha e AKSHI-t Mirlinda Karçanaj.

Sipas Prokurorisë së Posaçme Agasi i drejtohet duke i thënë: “Hej ça bën ti zemra”.

Më tej mes tyre disktohet për testet me izraelitet, ndërsa në një tjetër komunikim thuhet se tenderi bën 2 milionë ne e bëjmë 4 milionë.

Sa i përket diskutimin për izraelitët e pyetur nga SPAK Karçanaj ka shpjeguar se nuk ka pasur të bënte me shtetin dhe se nuk i kujtohet mirë, por I kanë kërkuar mendim duke qenë se ajo kishte eksperiencë.

Agjencia Kombëtare e Shoqërisë së Informacionit (AKSHI) është në qendër të vëmendjes teksa vetë drejtuesja e institucionit, Mirlinda Karçanaj e cila është nën hetim nga SPAK për tendera dhe abuzime të brendshme.

Zyrtarja më e lartë grua e shtetit shqiptar e arrestuar deri më tani, Mirlinda Karçanaj, ndonëse një nga njerëzit më të përfolur të kësaj qeverisjeje ka qenë një personazh me profil të ulët në publik.

Ndërkohë, gjatë podcastit “Flasim”, u shpreh se AKSHI po përballet me një hetim nga SPAK për përdorimin e fondeve, duke vënë në qendër Mirlinda Karçanain, e cila udhëhoqi realizimin e vizionit qeverisës për transformimin digjital të shtetit me përkushtim dhe dijeni për 12 vite.

Kryeministri nënvizoi se Karçanai ndodhet aktualisht nën një masë sigurie për një akuzë të rëndë, por theksoi se e vërteta mund të dalë vetëm nga drejtësia dhe jo nga “700 tenxheret e çorbës politike dhe mediatike”.

“AKSHI përballet sot me një hetim nga SPAK për përdorimin e fondeve dhe Mirlinda Karçanai që udhëhoqi jëtësimin e vizionit tonë qeverisës transfomimin digjital të qeverisë me dije me vullnet e përkushtim të përditshëm për 12 vite, gjendet nën një masë sigurie me një akuzë të hatashme për të cilën duhet pritur me durim vetëm nga drejtësia jo nga 700 tenxheret e çorbës politike dhe mediatike, që të dalë e vërteta e saj. Por e di që falë saj dhe Skuadrës së AKSHI, Shqipëria ka bërë një kapërcim të madh”.

Është mbyllur me vendim mosfillimi, referimi penal i Komisariatit Nr.1, që u regjistrua në muajin Gusht 2025, për situatën e rrëmbimit të ish-drejtorit të AKSHI-t, Daniel Shima.

Vendimi për mosfillimin e një dosje penale është marrë pak kohë më parë nga prokuroria e Tiranës, e cila pasi kreu një seri veprimesh hetimore, si këqyrje të pamjeve filmike, pyetjen 3 herë të Daniel Shimës, pyetjes 3 herë të të fejuarës së tij avokate dhe pyetjen dy herë të nënës së tij. L.Shima, ka dalë në konkluzionin se Shima ishte larguar me dëshirën e tij nga banesa pa u ndikuar nga askush.

Mësohet se SPAK nuk ka shfaqur asnjë interes për këtë çështje dhe as të marrë ndonjë deklarim të Daniel Shimës.

Madje në dosjen e mosfillimit të hetimeve, është dhe një kthim përgjigje e titullarit, Altin Dumani, i cili informonte grupin e hetimit në prokurorinë e Tiranës se ndaj Daniel Shimës, nuk kishte asnjë hetim në SPAK.

Mësohet se për këtë çështje, Daniel Shima, është marrë në pyetje një herë në ambientet e Komisariatit Nr.1 në Tiranë dhe dy herë në ambientet e prokurorisë së kryeqytetit.

Shima ka mbajtur të njëjtin qëndrim në deklarimet e tij, duke pohuar se “zhdukja” e tij dhe humbja e kontakteve me të fejuarën dhe nënën e tij, ka qenë me dëshirë dhe nuk është ndikuar nga rrethana të tjera të kryera forcërisht nga persona të tretë.

“…Mos më thërrisni më për të më pyetur…”, mësohet t’i ketë thënë Daniel Shima, oficerit të prokurorisë që po kryente veprime hetimore rreth rastit të tij për largimin nga banesa në datën 20 Gusht 2025.

Ndërkohë përmbajtjen e SMS-së me tekst: “…po më arrestojnë…” që ja ka dërguar të fejuarës së tij, Daniel Shima, e ka shpjeguar në prokurori se gjithçka ka ndodhur në kushtet e gjendjes emocionale për shkak të një konflikti të momentin që ka pasur me bashkëjetuesen.

Për këtë fakt është marrë në pyetje 3 herë dhe e fejuara e tij avokate, e cila ka dhënë të njëjtin shpjegim që ka mbajtur dhe Daniel Shima.

Deklarim ka dhënë dhe L.Shima, nëna e Danielit, e cila u ka thënë hetuesve në prokurorinë e Tiranës se gjithçka Danieli e kishte inskenuar vetë, për shkak të një konflikti në çift.

Sipas dëshmisë së saj, tashmë çifti është pajtuar dhe jetojnë bashkë.

Ndërkohë nga këqyrjet e disa pamjeve filmike të sekuestruara në disa biznese, është parë që Daniel Shima, ndodhet i vetëm në makinën e tij. Një kamerë e instaluar tek zona e rreth-rrotullimit të Fakultetit Ekonomik në rrugën e Elbasanit, ka filmuar qartë se Shima ka qenë i vetëm dhe i pashoqëruar nga askush.

Ky moment është fiksuar disa minuta pasi Shima i kishte dërguar bashkëjetueses mesazhin: ”…po më arrestojnë…”, gjë e cila sipas prokurorisë së Tiranës, ai ka shkëputur vetë lidhjet dhe nuk është marrë forcërisht dhe pa dëshirën e tij nga persona të tjerë./Syri.net

Një nënë humbi tragjikisht jetën ndërsa përpiqej të shpëtonte dy fëmijët e saj të vegjël nga një zjarr shkatërrues që përfshiu shtëpinë e familjes në orët e para të Ditës së Krishtlindjeve, në Angli, ndërsa në fund humbën jetën të tre, shkruan “The Sun“.

Shërbimet e emergjencës mbërritën rreth orës 3 të mëngjesit të së premtes, pasi flakët kishin përfshirë plotësisht vilën në zonën Cotswold. Një vajzë shtatëvjeçare, një djalë katërvjeçar dhe nëna e tyre, rreth të 40-ave, mbetën të bllokuar brenda banesës dhe humbën jetën.

Trupi i nënës dhe i njërit prej fëmijëve u gjetën të dielën, ndërsa trupi i fëmijës së dytë ende nuk është nxjerrë për shkak të paqëndrueshmërisë së strukturës së shtëpisë.

Babai i fëmijëve, arriti të shpëtonte duke thyer një dritare të banjës. Ai u përpoq disa herë të futej sërish në shtëpi për të shpëtuar familjen, duke u përballur me flakë dhe tym të dendur, por u detyrua të tërhiqej nga fqinjët dhe më pas u dërgua në spital për trajtim.

Autoritetet bëjnë të ditur se zjarri dyshohet të ketë nisur në katin përdhes. Përhapja e flakëve shkaktoi shembjen e çatisë, tavaneve dhe shkallëve, duke e bërë ndërtesën jashtëzakonisht të rrezikshme për ndërhyrje.

Zëvendësdrejtori i shërbimit zjarrfikës, tha se ekipet u përballën me kushte jashtëzakonisht të vështira dhe punuan pa pushim për të hyrë në banesë dhe për të shpëtuar banorët.

Partia Demokratike mbylli protestën e saj të përjavshme para kryeministrisë për këtë vit, por paralajmëroi se edhe 2026-a do të nisë me të njëjtin aktivitet, protestat.

Kreu i demokratëve, Sali Berisha, në fjalën e tij gjatë foltores përpara godinës së qeverisë tha se opozita është më e fuqishme se kurrë aktualisht dhe se shqiptarët duan largimin e Ramës nga pushteti.

“Mbyllim sot protestën tonë për të filluar vitin po me protesta. Kudo që shkoj gjej një vendosmëri absolute për t’u ndarë me këtë të keqe sa më shpejt. Shqiptarët presin me padurim largimin e kësaj bande nga pushteti. Ju garantoj se opozita është sot më e fuqishme se kurrë”, tha Berisha.

Ai mori si shembull Kosovën dhe zgjedhjet e fundit që u zhvilluan duke theksuar se është krenari për çdo shqiptar.

“Krenari e madhe, por edhe shpresë. Një shtet që shpall pavarësinë pak vite më parë, një shtet ku shqiptarët njëlloj si në Shqipëri janë shumicë, por një shtet që ecën me hapa gjigande drejt BE-së. Një shtet që studiuesit kanë gjetur se është vetëm 16 vite larg të qeverisjes së standardeve europiane. Kosova zhvillon zgjedhje, Kosova çdo krizë e zgjidh në përputhje me ligjin. Kryeministri i Kosovës nuk mban koordinator krimi”, tha ai duke akuzuar nga ana tjetër kreun e qeverisë shqiptare, Edi Rama.

Sa i përket protestës së qytetarëve të Vlorës për ujin, Berisha e konsideroi një “ndëshkim qeveritar” dhe shtoi se ndodh në të gjithë Shqipërinë.

Edhe pse kanë kaluar vetëm dy javë nga nisja e shitjes së biletave për Botërorin e vitit 2026, interesimi i tifozëve ka qenë i jashtëzakonshëm.

Lajmin e ka bërë të ditur vetë presidenti i FIFA-s, Gianni Infantino, i cili thotë se eventi i vitit të ardhshëm do të jetë spektakolar, përcjell BBC.

“Në ditët e fundit ndoshta ju keni dëgjuar shumë për çmimin e lartë të biletave për Botërorin. Por dua të them që kemi nisur shitjen prej 2 javësh dhe kërkesat kanë arritur deri në 150 milionë. Ky event do të jetë më i ndjekuri në histori. Në 100 vite, Botërori ka pasur në total 44 milionë tifozë. Këtë vit është çmenduri.”

Numri një i institucionit më të lartë të futbollit botëror tregoi se shtetet me kërkesat më të larta kanë qenë SHBA, Gjermania dhe Anglia.

Ai garantoi se të gjitha të ardhurat do të shpërndahen për federatat për zhvillimin e futbollit.

“Të gjitha të ardhurat që do të gjenerohen nga FIFA sigurisht që do të shkojnë për futbollin në të gjithë botën. Ato do t’ju shpërndahen federatave. Duhet të kuptoni që pa FIFA-n nuk mund të ketë futboll.”

Botërori i vitit 2026 do të nisë më 11 qershor dhe përfundon me finalen e madhe të 19 korrikut.

Edhe Shqipëria me Kosovën janë ende në garë për të marrë pjesë në eventin madhor, por rruga kalon nga ndeshjet e “Play Off”-it të Europës.

LEXO EDHE: UEFA publikon oraret e ndeshjeve “Play Off”/ Ja kur luan Shqipëria dhe Kosova

Gjatë fjalës së tij në ‘Foltoren’ para Kryeministrisë, kryetari i PD, Sali Berisha, akuzoi sërish ish-drejtuesin e SPAK, Altin Dumani.

Sipas Berishës, ky i fundit nuk ka hetuar rrëmbimin e Daniel Shimës, ish-nëndrejtor i AKSHI-t.

Duke e lidhur ngjarjen me rrëmbimin e mëhershëm të Gerond Meçes, Berisha denoncoi dhe rrëmbimin e Shimës, të cilin e cilëson si ‘pengun e dytë’ të një skeme kriminale të lidhur, sipas tij, me familjen e Edi Ramës.

Në fjalën e tij, Berisha ka vënë theksin te trajtimi i çështjes nga prokuroria dhe roli i drejtuesve të policisë, duke e paraqitur rastin si një shembull flagrant të kapjes së drejtësisë dhe pandëshkueshmërisë në Shqipëri.

“Duke ardhur këtu tek ju po lexoja fatin e pengut të dytë.

Fati i pengut të dytë të Ergys Agasit dhe ndërmarrjes së Edi Ramës dhe kunatit të tij, Daniel Shimës.

E rrëmbyen vetëm një javë pas rrëmbimit të Gerond Meçes dhe siç mund ta keni ndjekur, në daljet para shtypit, në rrjetet sociale, kam ngritur zërin disa herë për këtë njeri që e mbajtën në bodrumet e Suel Çelës, i thyen kocka dhe çdo gjë dhe e sollën pothuajse të vdekur në shtëpinë e tij, ish-nëndrejtori i përgjithshëm i kopshtit privat të Edi Ramës, AKSHI-t.

Asnjë zë nuk dilte, asnjë fjalë, asnjë fjali. Dhe ky ishte rrëmbyer një javë pas Gerondit. Gerondi pati mençurinë dhe u dorëzua tek autoritetet gjermane, të cilat natyrisht bënë atë që u takonte dhe ne ua dimë shumë për nder.

Ky tjetri që nuk u dorëzua tek autoritetet gjermane, por u dorëzua tek autoritetet shqiptare, a e dini se çfarë ka ndodhur?

Altin Troplini e ka përcjellë dosjen e tij tek prokuroria e Tiranës, pacaka se ishte një akt makabër, një krim, një rrëmbim nga katër persona, e ndjekur trajektorja gjer tek tuneli i Qafë Kërrabës, edhe më tutje.

Natyrisht, prokuroria e Tiranës bëri atë që i thanë, firmosi moshapjen e hetimeve për personin. Shikoni pra ku jetojmë. Dhe ai nuk figuron në dosje fare sepse ai donte më shumë se çdo gjë, më shumë se Gerondi. Ai ishte nëndrejtor i AKSHI-t dhe kishte të memorizuar të gjitha abuzimet e qindra milionë eurove nga familja më mafioze e Ballkanit dhe ndoshta e Europës, familja Rama. Po”, tha Berisha.

LEXO EDHE: “I thoshte se më ka urdhëruar Kapoja”, Berisha: Gys Agasi ka rrahur në zyrë Ulsi Manjën

Kryetari i Partisë Demokratike, Sali Berisha në fjalën e tij në ‘Foltoren’ para kryeminsitrisë ka bërë të ditur se, opozita nuk do të largohet nga sheshi pa shporrur Edi Ramën dhe qeverinë e tij të korruptuar.

Ai tha gjithashtu se, Ergys Agasi ka rrahur me grushte në zyrë Ulsi Manjën, kur ky i fundit ishte ministër i Drejtësisë, sepse e kishte porosi nga kapoja, Edi Rama.

“Mirëmbrëma dhe përshëndetjet më të përzemërta, nderimin më të madh për ju, misionare dhe misionarë të pamposhtur që qëndroni në lartësinë e idealeve tuaja.

Idealeve më fisnike të njeriut.

Idealeve të lirisë.

Qëndroni dhe do qëndrojmë në këtë shesh, Sheshin e Lirisë, gjersa nga ajo ndërtesë të shporrim binomin që ka vjedhur dhe ka përçmuar më shumë shqiptarët në tërë historinë tonë kombëtare, Edi Ramën dhe Lubi Ballukun.

Të dashur miq, një vajzë para meje, para jush, ftoi këtu që Edi Ramën të mos e quajmë më kryeministër.
Unë u ftoj ju dhe shqiptarët që sot e tutje, Edi Ramën ta thërrasim me gjuhën, fjalorin, zhargonin e koordinatorit të tij, Gys Agasi, Kapoja.

Në të gjithë gjuhën, edhe kur rrihte me grushta Ulsi Manjën në zyrat e tij, i thoshte se më ka urdhëruar Kapoja.
Pra, nuk janë më zyrtarë, por këta janë një bandë që nuk e ka parë ndonjëherë kjo tokë dhe e pashembullt jo vetëm në Shqipëri, por u garantoj dhe as në Europë dhe botë ndoshta”, tha gjatë fjalës së tij Berisha.

Shqiptari 30-vjeçar Aldo I., i cili u dënuar me pak më shumë se tre vjet burg për rolin e tij në një incident me armë zjarri në fund të vitit 2020 në Luksemburg, tani dyshohet se është një figurë kyçe e një bande shqiptare që merret me trafikimin e kokainës drejt Holandës, shkruajnë mediat holadeze.

30-vjeçarin Aldo I. si një figurë kyçe të një grupi kriminal shqiptar i përfshirë në trafikimin e 475 kilogramëve kokainë drejt portit të Vlissingen në Hollandë. Hetimi, i cili po drejtohet përmes bashkëpunimit mes zyrave për luftën kundër drogës në Belgjikë, Policisë Holandeze dhe autoriteteve të tjera ligjzbatuese, përfshin edhe pjesëmarrjen e elementëve me të kaluar kriminale të dhunës.

Plagosja për shoqëruset

Mbrëmjen e 24 nëntorit 2020, Aldo ndodhej në një lokal nate në Remich, ku rreth orës 22:30 shpërthen një konflikt me një bashkëkombës, i cili dëshiron t’i ftojë për një gotë tre shoqërueset e Aldos dhe e prek njërën prej tyre në krah. Sipas hetimeve, kundërshtari tenton ta sulmojë Aldon bashkë me disa shokë të tij, të cilët thuhet se ishin të armatosur me shkopinj. Aldo shkon te makina e tij, merr një armë zjarri, e ndjek personin dhe e qëllon katër herë me një pistoletë të kalibrit të madh.

Mëngjesin para të shtënave në Remich, dogana holandeze njoftoi zbulimin e 475 kilogramëve kokainë në portin e Vlissingenit. Droga ishte fshehur në një kontejner me banane nga Ekuadori dhe u zbulua më 23 nëntor 2020 gjatë një kontrolli të rastësishëm. Vlera e saj në treg vlerësohej rreth 23 milionë euro.

Përveç këtij incidenti, Aldo I. dyshohet edhe për një shkëmbim armësh të ndodhur në Tiranë në korrik 2021, ku u plagosën dy persona. Ai u kap nga autoritetet luksemburgase në Bruksel në dhjetor 2021 dhe u arrestua.

Hetimet e vazhdueshme nga autoritetet belge dhe holandeze e identifikojnë Aldo I. si një lojtar të rëndësishëm brenda rrjetit shqiptar të trafikut të drogës, duke përfshirë transportin e sasisë së konsiderueshme të kokainës drejt portit të Vlissingen.

LEXO EDHE: “Trafik droge me ton”/ Gazeta në Luksemburg për shqiptarin: Djali i ish-deputetit si bos mafioz! Krahu i djathtë i…

Aksioni i SPAK

SPAK urdhëroi një operacion të gjerë në Nikël, mëngjesin e së mërkurës, 10 dhjetor, kundër grupit kriminal të njohur si “Rraja”, duke çuar në 14 urdhër-arrest, 10 prej të cilave u ekzekutuan. Grupi në fjalë akuzohet për veprat penale trafikimi i lëndëve narkotike, e kryer në bashkëpunim në formën e veçantë të bashkëpunimit, atë të grupit të strukturuar kriminal.

Masa “arrest me burg” është caktuar ndaj: Islam Sefa, Rexhep Rraja (djali i ish-deputetit të PS-së, Rrahman Rraja), Agim Nina, Përparim Rraja, Gazmir Rraja, Zamir Aliaj, Aldo Gjini, Sokol Qaja dhe Jani Çavo. Ndërkohë, gjatë kontrolleve në banesa janë gjetur dhe sekuestruar shuma të konsiderueshme në lekë, euro dhe dollarë, si dhe makina luksoze, armë, ora Rolex dhe dokumente të ndryshme.

Qyteti i Kuvajtit ka duruar një vapë aq përvëluese saqë jeta e egër po gatuhet e gjallë.

Qyteti i Lindjes së Mesme është bërë një paralajmërim i fortë për ndikimin shkatërrues të ndryshimeve klimatike, me zogj që bien pa jetë nga qielli përvëlues dhe peshq që zihen në det.

Një temperaturë marramendëse prej 54 gradësh Celsius u regjistrua në stacionin meteorologjik Mitribah më 21 korrik 2016, duke e bërë Kuvajtin vendin e tretë më të nxehtë në Tokë.

Shkencëtarët e klimës paralajmërojnë për një të ardhme të zymtë, duke parashikuar se ky vend shkretëtirë mund të shohë temperaturat të rriten deri në 5.5 gradë Celsius deri në fund të shekullit krahasuar me nivelet e fillimit të viteve 2000.

Vetëm në vitin 2023, termometri u ngjit mbi 50 gradë Celsius në 19 ditë të ndara, një shifër që shumë njerëz e kanë frikë se është vetëm fillimi.

Dusan Vlahoviç vazhdon të jetë në qendër të vëmendjes tek Juventus.

Sulmuesi serb, aktualisht i dëmtuar dhe që mund të rikthehet në fushë vetëm në mars, ka kontratë deri në qershor 2026.

Pavarësisht një nisjeje shumë të mirë sezoni, nuk ka pasur hapa përpara për rinovimin me bardhezinjtë. Kjo do të thotë se nga janari ai mund të nisë bisedimet me klube të tjera për një transferim me parametër zero, duke u bashkuar nga sezoni i ardhshëm.

Interesi për ish-lojtarin e Fiorentinës është i madh dhe, sipas zërave nga Spanja, Barcelona është në “pole position”.

Sipas të përditshmes sportive spanjolle “Marca”, katalanasit e shohin Vlahoviç si zëvendësuesin perfekt të Robert Lewandowskit.

Klubi blaugrana ka nisur kontaktet e para për transferimin falas nga sezoni i ardhshëm, por ekziston edhe hipoteza e një blerjeje që në janar, me kushte ekonomike shumë të favorshme, për shkak të skadencës së kontratës.

Edhe kontrata e Lewandowskit skadon në qershor 2026 dhe as në atë front nuk ka zhvillime për rinovim.

Gjykata Kushtetuese reagon lidhur me zërat në media, përfshirë edhe liderin e Opozitës Sali Berisha, lidhur me vendimin e saj për të rikthyer në detyrë zv/kryeministren Belinda Balluku.

Përmes një sqarimi për publikun dhe median, Kushtetuesja i përgënjeshtron këto deklarata duke i cilësuar ato si të pavërteta.

“Gjykata Kushtetuese risjell në vëmendje se bëhet fjalë për një procedurë gjyqësore kushtetuese në vijim e sipër dhe se, në datën 22.01.2026, do të marrë në shqyrtim në seancë plenare publike çështjen me kërkues Kryeministrin e Republikës së Shqipërisë dhe subjekte të interesuara Presidentin e Republikës, Kuvendin e Republikës së Shqipërisë, Prokurorinë e Posaçme kundër Korrupsionit dhe Krimit të Organizuar dhe Gjykatën e Posaçme e Shkallës së Parë për Korrupsionin dhe Krimin e Organizuar. Për të garantuar procesin e rregullt, sipas standardeve kushtetuese, dhe për të shmangur çdo mundësi paragjykimi, qoftë edhe në dukje, ftohen të gjithë aktorët dhe personat e përfshirë në këtë diskutim publik që të tregohen të matur dhe të kujdesshëm në deklaratat e tyre, duke mos përgojuar gjyqtarë individualë apo institucionin e Gjykatës Kushtetuese në tërësi”, thuhet ndër të tjera në reagim.

Gjykata u bën thirrje të gjithë aktorëve politikë dhe publikë të tregohen të matur në deklarata, duke paralajmëruar se komentet e nxituara dhe përgojimi i gjyqtarëve apo i institucionit në tërësi cenojnë procesin e rregullt kushtetues dhe krijojnë përshtypje paragjykimi.

Gjykata Kushtetuese thekson se vendimmarrja e saj duhet të mbetet e pavarur dhe e pandikuar nga presioni publik apo keqinformimi, duke ritheksuar se integriteti dhe autoriteti i saj janë thelbësore për ruajtjen e besimit të publikut.

Reagimi i plotë i Gjykatës Kushtetuese:

Sqarim për publikun dhe median

Në vijim të deklaratave mediatike publike, të bëra nga subjekte të ndryshme që ushtrojnë funksione publike ose private, në lidhje me procedurën e ndjekur dhe rezultatin e votimit për vendimmarrjen e Gjykatës Kushtetuese për pezullimin e zbatimit të vendimeve gjyqësore nr.118, datë 19.11.2025, dhe nr.120, datë 22.11.2025, të Gjykatës së Posaçme të Shkallës së Parë për Korrupsionin dhe Krimin e Organizuar, për pjesën që kanë disponuar caktimin dhe vazhdimin e masës ndaluese “pezullimi i ushtrimit të një detyre a shërbimi publik” ndaj shtetases Belinda Balluku, Gjykata Kushtetuese i përgënjeshtron këto deklarata si tërësisht të pavërteta.

Gjykata Kushtetuese risjell në vëmendje se bëhet fjalë për një procedurë gjyqësore kushtetuese në vijim e sipër dhe se, në datën 22.01.2026, do të marrë në shqyrtim në seancë plenare publike çështjen me kërkues Kryeministrin e Republikës së Shqipërisë dhe subjekte të interesuara Presidentin e Republikës, Kuvendin e Republikës së Shqipërisë, Prokurorinë e Posaçme kundër Korrupsionit dhe Krimit të Organizuar dhe Gjykatën e Posaçme e Shkallës së Parë për Korrupsionin dhe Krimin e Organizuar. Për të garantuar procesin e rregullt, sipas standardeve kushtetuese, dhe për të shmangur çdo mundësi paragjykimi, qoftë edhe në dukje, ftohen të gjithë aktorët dhe personat e përfshirë në këtë diskutim publik që të tregohen të matur dhe të kujdesshëm në deklaratat e tyre, duke mos përgojuar gjyqtarë individualë apo institucionin e Gjykatës Kushtetuese në tërësi.

Gjykata Kushtetuese rithekson përkushtimin e saj për ushtrimin e funksionit kushtetues me transparencë dhe respekt të plotë të procedurave kushtetuese e ligjore, duke i bërë përsëri thirrje të gjithë aktorëve për respektimin e integritetit dhe autoritetit të saj, me qëllim sigurimin e besimit të publikut dhe garantimin e pavarësisë së vendimmarrjeve gjyqësore, të cilat në asnjë rrethanë nuk duhet të ndikohen nga çdo keqinformim për publikun, nga cilido subjekt të vijë ai.

LEXO EDHE: Gjykata Kushtetuese rrëzon GJKKO-në, rikthen në detyrë Belinda Ballukun

Çështja në fjalë ishte dërguar në Gjykatën Kushtetuese nga Qeveria e Shqipërisë, duke e konsideruar vendimin e pezullimit si “një akt që cenon garancinë e imunitetit të anëtarit të Këshillit të Ministrave“.

Këshilli i Ministrave i Shqipërisë gjithashtu kishte kërkuar pezullimin e efekteve të vendimit të GJKKO-së, deri në përfundimin e gjykimit të kësaj kërkese nga Gjykata Kushtetuese.

Më 19 nëntor, Gjykata e Posaçme e Shkallës së Parë për Korrupsionin dhe Krimin e Organizuar (GJKKO) vendosi të pezullojë nga detyra zv.kryeministren Balluku dhe gjithashtu ka vendosur ndaj saj edhe masën “ndalim të daljes jashtë shtetit”.

Balluku është e pandehur dhe akuzohet për veprën penale “shkelje e barazisë së pjesëmarrësve në tendera apo ankande publike”.

Ajo ka mbajtur postin e ministres së Infrastrukturës dhe Energjisë që prej janarit të vitit 2019 dhe të zv.kryeministres prej korrikut 2022.

Presidentja e Kosovës, Vjosa Osmani, ka konfirmuar, në një intervistë për Radion Evropa e Lirë, se synon edhe një mandat në krye të shtetit, teksa asaj i skadon mandati si e para e vendit në prill të vitit 2026.

Osmani foli një ditë pas zgjedhjeve të parakohshme parlamentare, rezultatet preliminare të të cilave e nxorën fituese Lëvizjen Vetëvendosje me mbi 49% të votave.

Nëse partitë politike nuk arrijnë ndonjë kompromis për çështjen e presidentit të ri, atëherë vendi do të përballet me një cikël të ri zgjedhor.

Presidentja Osmani tha se pret formimin e institucioneve të reja, dhe se do të ketë bisedime me deputetë të pushtetit dhe të opozitës në lidhje me kandidaturën e saj.

Radio Evropa e Lirë: E thatë vetë, tash gjasat janë të mëdha që institucionet të zgjidhen dhe qeveria të bëhet. Pastaj Kosovën e pret një tjetër zgjedhje. Mandati juaj përfundon në prill. A synoni mandat të dytë?

Vjosa Osmani: Përgjatë këtyre pesë vjetëve kemi bërë maksimumin që të punojmë shumë për interesin e Republikës së Kosovës dhe të qytetarëve të saj. Kemi punuar që Kosova të mos konsiderohet thjesht si një shtet që ndjek zhvillimet, por si një prej faktorëve të rëndësishëm në arenën ndërkombëtare që ka rol në përcaktimin e këtyre zhvillimeve. Përgjatë këtyre pesë vjetëve, Kosova është fuqizuar si shtet, brenda dhe jashtë. Brenda, në radhë të parë, për shkak se e ka shtrirë sovranitetin në çdo milimetër të territorit të vendit, kemi fuqizuar sundimin e rendit dhe ligjit që ka qenë një prej prioriteteve tona të përbashkëta që nga koha kur jam zgjedhur presidente në fillim të vitit 2021, dhe natyrshëm në arenën ndërkombëtare Kosova kurrë nuk ka qenë më e përfaqësuar dhe më e fortë, sado që kemi pasur sfida, por sfidat në radhë të parë kanë ardhur nga Serbia, e cila, siç e dini, ka eskaluar edhe me akt-agresionin ndaj Republikës së Kosovës, dhe me sulme ndaj infrastrukturës tonë kritike, dhe me një sërë aktesh destabilizuese.

Në rrethana të tilla, si institucione të Kosovës, kemi bërë të pamundurën dhe besoj kemi arritur që të mbrohet interesi i Republikës së Kosovës, që të mbrohet sovraniteti dhe integriteti territorial, që në asnjë moment të mos vihet në pikëpyetje sovraniteti ynë, shtetësia jonë, parimi i unitaritetit të shtetit, dhe njëkohësisht e kemi përfaqësuar Republikën e Kosovës denjësisht para syve të botës, duke ndërtuar një imazh të denjë, të tillë siç e meritojnë qytetarët tanë. Tani, unë mendoj që Kosovës i duhet një vazhdimësi e punëve të mira. Rrjedhimisht, kjo çështje tani do të jetë në duart e deputetëve të Republikës së Kosovës. Do ta shohim se kush do të jenë ata që do të zgjidhen.

Shpresoj në maturi, shpresoj në përgjegjshmëri, dhe shpresoj që kjo votë të jetë ndër vendimet e para të Kuvendit. Madje, do të propozoja që fare të mos bëjnë pauzë, të votohet Kuvendi, të votohet Qeveria paradite, dhe menjëherë pasdite të përfundojnë marrëveshjet ndërkombëtare. Dhe, pastaj, ndoshta të nesërmen, ulemi dhe diskutojmë se si t’i arrijmë dy të tretat sa i përket mandatit të dytë, siç e përmenda, me shpresën që deputetët e Kuvendit të Kosovës, të të gjitha partive, do të dëshirojnë që ta vendosin para së gjithash vazhdimësinë e punëve të mira dhe interesin e Kosovës në njërën anë, dhe respektimin e vullnetit qytetar i cili besoj është i qartë për të gjithë”.

Bashkimi Evropian apelon për formimin sa më të shpejtë të qeverisë së re në Kosovë.

Zv/presidentja Kaja Kallas dhe Komisionerja për Zgjerim Marta Kos, përmes një deklarate, shprehen ndër të tjera se,

“Presim me padurim formimin e shpejtë të Kuvendit dhe Qeverisë së re dhe vazhdimin e angazhimit tonë me autoritetet. Qeveria e re duhet të intensifikojë përpjekjet e saj për reformat shumë të nevojshme të lidhura me BE-në”. 

Deklaratë nga Përfaqësuesja e Lartë/Zëvendëspresidentja Kallas dhe Komisionerja për Zgjerim Kos:

Të dielën, më 28 dhjetor, qytetarët e Kosovës ushtruan të drejtën e tyre demokratike duke votuar në zgjedhjet e parakohshme parlamentare.

Pas ngërçit politik që pasoi zgjedhjet e shkurtit 2025, presim me padurim formimin e shpejtë të Kuvendit dhe Qeverisë së re dhe vazhdimin e angazhimit tonë me autoritetet. Qeveria e re duhet të intensifikojë përpjekjet e saj për reformat shumë të nevojshme të lidhura me BE-në. 

Bashkimi Evropian vlerëson pjesëmarrjen aktive të të gjitha komuniteteve dhe partive të tyre politike në zgjedhje. Procesi zgjedhor dëshmoi një përkushtim të fortë ndaj parimeve demokratike. Bashkimi Evropian ka dërguar një Mision Ekspertësh për Zgjedhjet (EEM), i cili do të qëndrojë në Kosovë për të ndjekur procedurat paszgjedhore.

I bëjmë thirrje Kuvendit që sapo të konstituohet, të ratifikojë marrëveshjet e lidhura me Planin e Rritjes. Plani i Rritjes për Ballkanin Perëndimor është një instrument me afat të kufizuar, i miratuar për periudhën 2024–2027, dhe është në interes të Kosovës që ratifikimi të bëhet sa më shpejt të jetë e mundur, në mënyrë që të shfrytëzohen plotësisht të gjitha mundësitë që ofron ai, për të mirën e popullit të saj.

Normalizimi i marrëdhënieve ndërmjet Kosovës dhe Serbisë, i lehtësuar nga BE-ja, vazhdon të mbetet e vetmja rrugë për të dyja palët për të arritur përparim në rrugën e tyre evropiane. Presim që të gjitha obligimet që rrjedhin nga marrëveshja për rrugën drejt normalizimit, si dhe të gjitha marrëveshjet e mëparshme të dialogut, të zbatohen pa vonesa të mëtejshme ose parakushte. BE-ja është e gatshme të organizojë një takim të nivelit të lartë sapo kushtet ta lejojnë atë.

Përkujtojmë se BE-ja po ecën përpara me heqjen e masave ndaj Kosovës. 216 milionë euro ndihmë financiare tashmë janë liruar nga masat pas transferimit të rregullt të qeverisjes lokale pas zgjedhjeve të fundit lokale. Po ashtu, synojmë të lirojm nga masat edhe 205 milionë euro shtesë në fillim të vitit të ardhshëm.

Kanë mbërritur në Aeroportin “Nënë Tereza” në Rinas pajisjet nga Turqia, të cilat do të shërbejnë për rregullimin e defektit me ujin e pijshëm në qytetin e Vlorë.

Pajisjet e nevojshme për riparimin e defektit kanë mbërritur në aeroportin e Rinasit nga Turqia, ndërsa pritet që të transportohen drejt Vlorës për të nisur ndërhyrjen teknike.

Pak orë më parë, kryeministri Edi Rama, përmes një reagimi në Twitter, do të shprehej:

“Drejt aeroportit të Stambollit për të ardhur sot brenda ditës, pjesët e reja hidraulike për riparimin e difektit të rëndë në ujësjellësin e Vlorës, ku në vitin 2009-2010 janë instaluar pjesë hidraulike jashtë standarteve, që nuk e kanë mbajtur dot më presionin e ujit dhe për pasojë tubacioni ka shpërthyer.

Respekt për punën e palodhur të punëtorëve të ujësjellësit Vlorë, që nën drejtimin e drejtorit të përgjithshëm të Agjencisë Kombëtare të Ujësjellës-Kanalizimeve, inxhinierit të njohur Flauers Shoshi, i cili prej disa ditësh e netësh gjendet në krye të operacionit të vështirë, po bëjnë të pamundurën për ta mbyllur këtë plagë të hapur në trupin e Vlorës prej një mine të vjetër nga një kohë e zezë për Vlorën“

LEXO EDHE: “Përgjegjëse, kunata e…”/ Vlora pa ujë, Berisha publikon videon e “qytetarit digjital”: Vodhën materialet…

Një ngjarje e rëndë është regjistruar ditën e sotme në Greqi, në zonën e Krya Vrysi, Kalambaka, ku vëlla dhe motër janë gjetur të pajetë në banesën e tyre.

Sipas mediave lokale, viktimat janë një burrë rreth 73 vjeç dhe një grua 65 vjeç.

Hetimet paraprake po përqendrohen në mundësinë që vdekjet të jenë shkaktuar nga tymi i një sobe që ata përdornin për ngrohje.

Forcat e policisë mbërritën menjëherë në vendngjarje dhe rrethuan zonën për kryerjen e veprimeve hetimore.

Pritet ekspertiza mjeko-ligjore për të mësuar shkaqet e sakta të vdekjes së dyfishtë.

Mëngjesin e kësaj të hëne sporti dhe mediat u zgjuan me një lajm të trishtë. Ish-basketbollisti i Dinamos dhe gazetari i njohur Enea Andrea ka ndërruar jetë.

Enea Andrea, 55-vjeç, ndërroi jetë pas një ataku kardiak kur po stërvitej në palestër. Rreth shtatë vjet më parë, ai kaloi një problem me zemrën, por pas asaj periudhe u rikthye në formën optimale fizike.

Enea ishte një emër i njohur për sportin e basketbollit shqiptar, ku ka luajtur për shumë vite me ekipin e Dinamos dhe duke qenë pjesë e ekipit kombëtar.

Pas karrierës si lojtar, ai shquhej për rolin e tij si specialist dhe komentator në transmetimet televizive të basketbollit amerikan NBA, duke u bërë një figurë e njohur edhe në median shqiptare.

Përveç karrierës së tij sportive, Enea ishte gjithashtu vëllai binjak i aktores së njohur shqiptare, Ema Andrea. Lajmi për ndarjen nga jeta të tij ka tronditur jo vetëm familjarët e tij, por edhe të gjithë ata që e njohën si sportist dhe komentator.

Boksieri britanik Anthony Joshua është përfshirë në një aksident automobilistik në Nigeri, ku dy persona kanë humbur jetën.

Ngjarja ka ndodhur të hënën në mëngjes në autostradën Ogun–Lagos.

Sipas policisë lokale, Joshua është dërguar në spital pas aksidentit.

Fillimisht autoritetet kanë bërë me dije se ai ka pësuar lëndime të lehta dhe gjendja e tij është e stabilizuar.

Dyshohet se automjeti ku ndodhej Joshua është përplasur me një kamion gjatë një parakalimi, ndërsa ishte mbi kufirin e lejuar të shpejtësisë.

Joshua ndodhej në sediljen e pasme të mjetit në momentin e aksidentit. Mediat lokale raportojnë se kamioni ishte i qëndruar në momentin e përplasjes.

Ende nuk janë bërë të ditura identitetet e dy personave që humbën jetën. Po ashtu, nuk ka informacion zyrtar mbi natyrën e saktë të dëmtimeve të Joshua. Autoritetet po vijojnë hetimet për të sqaruar shkaqet e aksidentit dhe numrin e të lënduarve të tjerë.

Ernest Muçi ka shkëlqyer në muajin nëntor dhe dhjetor me Trabzonsporin.

Formë e shkëlqyer nga sulmuesi i Kombëtares, që së fundmi fitoi edhe çmimin e dytë radhazi për “Golin e Muajit” në Turqi.

Për muajin dhjetor është vlerësuar goli i dytë i shënuar nga ana e tij ndaj Goztepes. Një realizim mjaft i bukur, që erdhi pas krosimit nga goditja e dënimit.

Muçi e gjuajti topin në ajër, dhe e kapi të papërgatitur trajnerin rival pasi kaloi mes këmbëve të dy lojtarëve.

Muçi është lojtari momentit te Trabzonspori. Dhe pse nuk luan si sulmues, ka realizuar në pesë ndeshje radhazi ku në dy prej tyre kanë qenë dopieta.

LEXO EDHE: Thelbësor për Trabzonspor, por klubit turk i duket shumë kjo shifër për Muçin