Ikona e modës dhe ish-ylli i popit, Victoria Beckham, ndau një video në profilin e saj në Instagram ku tregon se si ajo dhe Davidi po përgatiten për Krishtlindje dhe Vitin e Ri.

Videoja tërhoqi shpejt vëmendjen e ndjekësve të saj, të cilët patën mundësinë të shikonin atmosferën festive të çiftit të famshëm.

Në video, David Beckham shihet duke prerë një pjesë të trungut të pemës, pas së cilës ai e sjell vetë pemën e Krishtlindjeve në shtëpinë e tyre. Pastaj e zgjidh atë nga rrjeta, i hap me kujdes degët, i zgjidh dritat dhe i vendos ato në pemën e Krishtlindjeve. Pas kësaj, ai shtoi dekorime të ndryshme për të kompletuar dekorimin.

Gjatë përgatitjeve, ish-futbollisti mbante veshur një kapuç të kuq në stilin e Babagjyshit, një pulovër ngjyrë bezhë dhe xhinse blu, të cilat e plotësonin edhe më shumë atmosferën festive.

Videoja i kënaqi fansat, të cilët i uruan për festat e ardhshme në komente.

“Faleminderit për këtë përmbajtje, Gëzuar Krishtlindjet”, “Gjithë të mirat ty dhe familjes tënde”, “Gëzuar festat”, “Më telefono herën tjetër, jam dekorues”, “Ky është një burrë i vërtetë”, “Dhe sharra elektrike vjen si një detaj mode, personazhi është joreal”, ishin vetëm disa nga komentet nën postim.

Nga rruga, ky njoftim vjen pasi një burim i afërt me Victorian dhe Davidin zbuloi se ka tension në familjen e tyre.

Konkretisht, ndonëse mediat e huaja më parë pohuan se David dhe Victoria kishin pushuar së ndjekuri djalin e tyre Brooklyn, burime pranë çiftit pohojnë se prindërit nuk do të bënin kurrë një veprim të tillë.

Brooklyn nuk do ta kalojë Krishtlindjen me prindërit e tij, por me gruan e tij Nicola Peltz dhe familjen e saj. Miqtë e familjes thonë se David dhe Victoria nuk do ta linin kurrë të ndiqte djalin e tyre 26-vjeçar në Instagram, por besojnë se ai është personi që i bllokoi. /Telegrafi/

Nuk kanë kaluar shumë ditë nga hapja zyrtare e shtëpisë më të famshme në Shqipëri, por Big Brother VIP Albania 5 ka hyrë shpejt në fazën e parë të përplasjeve serioze. Atmosfera e qetë dhe bashkëjetesa pa tension, e njohur zakonisht si “muaji i mjaltit” mes banorëve, duket se ka marrë fund në kohë rekord.

Iliri, i cili që nga hyrja e tij të shtunën ishte prezantuar si një banor me humor dhe qasje sportive, ka shënuar kthesën e parë të fortë në dinamikën e lojës. Pasditen e sotme, ai u përfshi në një debat të ashpër në ambientet e sallonit, debat që eskaloi me shpejtësi dhe mori përmasa shqetësuese.

Shënjestër e këtij shpërthimi ishte Juxhini, banori më i ri i shtëpisë, i cili iu bashkua formatit vetëm mbrëmjen e djeshme gjatë spektaklit të dytë “Prime” të sezonit. Tensioni mes dyshes u rrit ndjeshëm, duke kaluar kufijtë e një përplasjeje verbale të zakonshme.

Situata arriti në një pikë kritike, ku debati rrezikoi të shndërrohej në konfrontim fizik. Vetëm ndërhyrja e menjëhershme e banorëve të tjerë, të cilët u detyruan ta mbajnë Ilirin për ta penguar afrimin ndaj Juxhinit, parandaloi përshkallëzimin e mëtejshëm të incidentit.

Ky episod ka tronditur qetësinë e ditëve të para në shtëpi dhe pritet të jetë një nga temat kryesore të diskutimit në vijim. Publiku tashmë pret me interes reagimin e “Vëllait të Madh”, për të parë nëse kjo situatë do të konsiderohet shkelje e rregullave themelore të lojës dhe çfarë pasojash mund të ketë për banorët e përfshirë. /Telegrafi/

Aktori i Hollivudit, Leonardo DiCaprio, kohët e fundit kujtoi situatën kur Brad Pitt takoi prindërit e tij.

Në një intervistë për Time, aktori 51-vjeçar kujtoi një situatë të lezetshme nga xhirimet e filmit “Once Upon a Time in Hollywood”, kur Brad Pitt takoi prindërit e tij, George DiCaprio dhe Peggy Ann Farrar.

"Njerka ime është një ndjekëse e Sikhizmit. Babai im vjen nga kundërkultura hipi, është rritur në San Francisko dhe Los Angeles, ka kaluar kohë me shumë njerëz nga lëvizja e artit underground në Los Angeles në vitet '70", tha ai në fillim për të shpjeguar pse Brad Pitt ishte i hutuar kur takoi prindërit e tij.

"Më kujtohet ai moment kur po dilnim nga Musso & Frank's në Hollywood Boulevard, dhe i thashë Brad Pitt-it: 'Ky është babai im dhe kjo është njerka ime.' Dhe ai tha: 'Po, sigurisht.' Unë thashë: 'Jo, janë ata.' Ai tha: 'Po, sigurisht,'" kujtoi DiCaprio duke qeshur.

Foto: EPA-EFE

Aktori më pas deklaroi se ishte në dijeni që prindërit e tij dukeshin vërtet sikur ishin figurantë në filmin "Once Upon a Time in Hollywood".

"Mendova, 'E di që duken si figurantë në këtë film, por në të vërtetë janë ata. Kështu vishen çdo ditë.' Ishte një moment i pabesueshëm. Nuk do ta harroj kurrë", shtoi DiCaprio.

"Once Upon a Time in Hollywood" (2019) është filmi i nëntë i shkruar dhe i drejtuar nga Quentin Tarantino. Është një komedi-dramë e vendosur në Los Angeles në vitin 1969 që shërben si një "letër dashurie" për momentet e fundit të epokës së artë të Hollywood-it. /Telegrafi/

Fisnik Juniku ka mbyllur së fundmi sezonin e pestë të “Shok Podcast”, duke e përmbyllur këtë cikël me një episod reflektues dhe me nota humori, ku i ftuar ishte moderatori i njohur Resul Sinani.

Në bisedë, Juniku e ngacmoi Sinanin me pyetjen nëse ishte bërë milioner nga puna e tij në media, një temë që hapi diskutim mbi raportin mes suksesit profesional dhe përfitimit material. Përgjigjja e Sinanit ishte e drejtpërdrejtë dhe filozofike, duke theksuar se media nuk të bën milioner në kuptimin financiar, por të pasuron në dimensione të tjera.

“Milioner prej kësaj pune nuk bëhesh, por kjo punë të bën miliarder, jo me para, jo me vlerë materiale, ama me vlerë shpirtërore, me vlerë emocionale dhe me atë që ta japë si kënaqësi mbi atë se si e ushtron profesionin. Materialisht kjo punë nuk të bën as milioner dhe as më pak në Kosovë”, u shpreh Sinani gjatë podcastit.

Sezoni i pestë i “Shok Podcast” u karakterizua nga një larmi e gjerë mysafirësh, figura publike që kanë lënë gjurmë në media, kulturë dhe shoqëri, duke trajtuar tema aktuale, profesionale dhe personale. Kjo qasje e ka konsoliduar podcastin si një nga më të ndjekurit dhe më të shikuarit në vend, duke e shndërruar në një hapësirë të rëndësishme dialogu dhe reflektimi.

- YouTube youtu.be

Me mbylljen e këtij sezoni, “Shok Podcast” konfirmon pozicionin e tij si një platformë që ndërthur bisedën e lirë, humorin dhe temat me peshë, duke mbajtur interesin e publikut dhe duke ngritur pritshmëri për vazhdimet e ardhshme. /Telegrafi/

Artisti shkodran Vlashent Sata ka prezantuar së fundmi këngën e tij më të re, Duart lart, një krijim muzikor me ngarkesë të fortë emocionale që trajton një nga temat më të dhimbshme të kohës sonë: luftërat dhe pasojat e tyre mbi fëmijët.

Kënga është publikuar e shoqëruar me një klip muzikor dhe është interpretuar live disa ditë më parë në skenën e Festivali i Këngës, në Radio Televizioni Shqiptar, ku Sata solli një performancë të përmbajtur, por thellësisht tronditëse, që u prit me vëmendje nga publiku dhe kritika.

“Duart lart” buron nga një imazh që, sipas artistit, nuk e la të qetë. Ai rrëfeu se frymëzimi erdhi nga pamja e një ushtari që mbështet pushkën mbi trupin e një djali 8 ose 9 vjeçar, i plagosur, i cili bie në gjunjë, vendos dorën mbi plagë dhe thërret të atin derisa shtrihet dhe ndërron jetë. “Ishte një imazh që nuk më la për të fjetur. U çova dhe e shkrova këtë këngë. Ne vijmë nga gjenocidi ynë në Kosovë, vijmë nga ’97-ta dhe kemi jetuar në luftë. Është absurditet që lufta të jetë ende aktualitet në vitin 2025”, u shpreh Vlashent Sata gjatë Festivalit të RTSH-së.

- YouTube youtu.be

Përmes kësaj kënge, artisti ndërton një narrativë muzikore që nuk synon thjesht të tregojë dhimbjen, por të nxisë reflektim dhe ndërgjegjësim për realitetet që vazhdojnë të përsëriten, pavarësisht përvojave historike të shoqërive që kanë kaluar vetë nëpër luftë dhe gjenocid.

Në aspektin muzikor, “Duart lart” mbështetet në një interpretim intim dhe minimalist, ku pianoja dhe orkestrimi i harqeve krijojnë një atmosferë të zymtë, duke i lënë hapësirë mesazhit dhe zërit të artistit të udhëheqin rrëfimin. Kënga është kompozuar dhe interpretuar nga vetë Vlashent Sata, me orkestrimin e harqeve nga Giuseppe Vasapolli, ndërsa mix-i dhe masterizimi janë realizuar respektivisht nga Riccardo Piparo dhe Roberto Romano. Klipi muzikor, i prodhuar nga BonfilmCC, me koncept dhe regji nga Dojna Mema dhe Bjori Thana, përforcon vizualisht mesazhin e këngës përmes një qasjeje të matur dhe simbolike.

- YouTube youtu.be

Me “Duart lart”, Vlashent Sata vazhdon të pozicionohet si një artist që përdor muzikën si mjet reagimi qytetar dhe kujtese kolektive, duke i dhënë zë atyre që shpesh mbeten të padëgjuar në rrëfimet e mëdha të luftës. /Telegrafi/

Luftëtari i famshëm irlandez i UFC-së, Conor McGregor, dhe partnerja e tij prej shumë vitesh, Dee Devlin, i kanë thënë njëri-tjetrit “po” përgjithmonë. Çifti u martua dje, më 12 dhjetor, në një ceremoni fetare të mbajtur në kishën Santo Stefano degli Abissini në Vatikan.

Në pamjet e publikuara nga mediat ndërkombëtare, McGregor (37) shihet i veshur me një smoking elegant të zi, pranë nuses së tij, Dee Devlin (38), e cila shkëlqeu me një fustan nusërie me jakë të lartë dhe vello të gjatë e luksoze. Pas ceremonisë, çifti u largua nga kisha me një automjet të bardhë të dekoruar me lule.

Çifti ishte fejuar në vitin 2020, në ditëlindjen e Dee Devlin, kur Conor publikoi një fotografi të përbashkët me mbishkrimin: “Çfarë ditëlindjeje, gruaja ime e ardhshme.” Nga ana e saj, Dee reagoi me fjalët: “Dashuri e përjetshme, i fejuari im”.

Historia e tyre e dashurisë ka nisur në vitin 2008, në një klub nate në Dublin. Gjatë viteve të lidhjes, ata janë bërë prindër të katër fëmijëve: djemtë Conor Jr. (8), Rian (4) dhe Mack (2), si dhe vajzën Croía (6).

McGregor, i cili në korrik të këtij viti humbi apelimin në një rast të sulmit seksual të vitit 2018 pasi Gjykata e Lartë e Irlandës e shpalli përgjegjës, ka theksuar shpesh rëndësinë e mbështetjes së Dee Devlin në jetën dhe karrierën e tij.

“Dee është shpëtimtarja ime. Nuk do ta bëja këtë pa të, kjo është e sigurt. Gjithçka që bëj, e bëj për të,” është shprehur ai që në vitin 2013.

Luftëtari i MMA-së, i cili më herët këtë vit kishte përmendur edhe mundësinë e kandidimit për president të Irlandës, ka deklaruar se punon fort për të siguruar të ardhmen e familjes së tij dhe të Dee-së.

“Një ditë dua që unë dhe Dee të pushojmë në një plazh dhe të mos shqetësohemi për asgjë në botë. Prandaj punoj kaq shumë,” ka thënë ai.

Sa i përket dasmës, McGregor kishte treguar që në vitin 2021 se ëndërronte një ceremoni ekstravagante.

“Do të kemi më të mirën nga më e mira, dhe pastaj edhe më shumë se kaq,” kishte thënë ai për Extra, duke shtuar se fillimisht kishte dëshirë që dasma të mbahej në Irlandë, por ishte i vetëdijshëm se organizimi do të ishte një proces i madh.

“Do të shohim çfarë do të ndodhë. Jam gati për gjithçka,” kishte përfunduar ai. /Telegrafi/

Charlie McGettigan, këngëtari irlandez i cili së bashku me Paul Harrington fituan Festivalin e Këngës në Eurovision në vitin 1994, ka njoftuar se do ta kthejë trofeun e tij në shenjë proteste kundër pjesëmarrjes së vazhdueshme të Izraelit në këtë konkurs muzikor.

Me këtë veprim simbolik, ai donte të tregonte mbështetje për fituesin e Eurovisionit të vitit të kaluar, këngëtarin zviceran Nemo, i cili gjithashtu vendosi ta kthente trofeun për shkak të pjesëmarrjes së Izraelit në Eurovision 2026.

McGettigan tha në një video të postuar në rrjetet sociale se planifikon t’ia dërgojë trofeun e tij Bashkimit Evropian të Transmetimeve (EBU), i cili organizon Konkursin e Këngës në Eurovision. Ai theksoi se Nemo e kontaktoi atë në internet për të shpjeguar vendimin për ta kthyer trofeun për vitin 2024.

“Ata dukeshin të sinqertë dhe shumë inteligjentë, e shprehën mirë pikëpamjen e tyre, dhe kështu në mbështetje të Nemos, dua t’ia kthej trofeun tim EBU-së”, tha ndër të tjera Harrington.

Ai shtoi se, meqenëse fitorja ishte në vitin 1994, aktualisht nuk është në gjendje ta gjejë trofeun origjinal: "Fatkeqësisht, fitorja jonë ndodhi në vitin 1994 dhe nuk mund ta gjej trofeun që fituam atëherë, por nëse e gjej, do ta kthej edhe timin. Faleminderit që më dëgjuat", tha ai.

Vendimi i McGettigan vjen në kontekstin e një polemike më të gjerë rreth përfshirjes së Izraelit në Festivalin e Këngës në Eurovision. Pasi konfirmuan se Izraeli do të vazhdojë të marrë pjesë në konkurs, transmetuesit nga pesë vende: Islanda, Irlanda, Holanda, Sllovenia dhe Spanja - njoftuan tërheqjen e tyre nga konkursi në vitin 2026. /Telegrafi/

Aktorja Scarlett Johansson, e ftuar në emisionin "Today", zbuloi arsyet pse ajo dhe bashkëshorti i saj Colin Jost vendosën të mos e zbulonin emrin e djalit të tyre Cosmo për publikun gjatë shtatzënisë së saj.

Konkretisht, çifti donte të shmangte komentet negative dhe reagimet e pazakonta ndaj zgjedhjes së emrit, i cili mund të tingëllojë i pazakontë për disa.

Në shfaqje, Scarlett tha: "Nuk doja shprehje të çuditshme të fytyrës. E dini, kur ia thua dikujt dhe ai bën një fytyrë të shtirur, 'Oh, kjo është e çuditshme'".

Aktorja, e cila ka një vajzë 11-vjeçare, Rose, nga martesa e saj me Romain Dauriac, shtoi se gjatë shtatzënisë nuk kishte durim për mendimet e të tjerëve.

Ajo zbuloi gjithashtu se nënës së saj i pëlqente emri që ajo i kishte vënë.

"Mamit tim i pëlqeu shumë. Ajo tha, 'Oh, i dashuri im i klasës së tretë quhej Cosmo.' Kjo do të thoshte shumë për të", tha ajo.

Scarlett dhe Colin u shfaqën për herë të parë së bashku në publik në vitin 2017 dhe që atëherë janë bërë një nga çiftet e preferuara në tapetin e kuq. Nga Met Gala dhe çmimet Emmy 2018, deri te premierat e filmave, ata shpesh tërheqin vëmendjen me elegancën dhe pamjet e tyre dashurore. /Telegrafi/

Spektakli i mbrëmshëm i Big Brother VIP Kosova nuk kaloi pa polemika të forta, të cilat këtë herë u shtrinë edhe jashtë mureve të shtëpisë më të famshme. Përtej debateve në studio, vëmendja e publikut u zhvendos shpejt në rrjetet sociale.

Në qendër të diskutimeve u gjend një reagim i ashpër nga Gresa Gashi, ish-banore e sezonit të kaluar të BBVK-së. Përmes një postimi në llogarinë e saj zyrtare në Instagram, ajo publikoi një deklaratë thumbuese, që duket se ishte e drejtuar ndaj opinionistes së këtij edicioni, Olta Gixhari.

Gresa shkroi: “O.G, me pas fuqi ta kisha ndalu me hi në Kosovë”.

Foto: Gresa Gashi/InstaStory

Edhe pse nuk e përmendi emrin e plotë, përdorimi i inicialeve “O.G” ka lënë shumë pak vend për dyshime se reagimi ishte i adresuar ndaj Gixharit.

Ky shpërthim i Gresës erdhi në kohë reale gjatë transmetimit të Prime-it, pikërisht në momentet kur në studio po diskutohej rrëfimi prekës i banores Sasa, që preku publikun me historinë e saj personale.

Duket se komentet ose qasja e opinionistes Olta Gixhari ndaj këtij rrëfimi kanë revoltuar Gresën, e cila zgjodhi rrjetet sociale si platformë për të shprehur hapur mospajtimin dhe indinjatën e saj.

Deklarata e saj u përhap me shpejtësi dhe u bë virale, duke nxitur reagime të shumta nga ndjekësit dhe fansat e spektaklit. Deri më tani, Olta Gixhari nuk ka reaguar publikisht ndaj këtij postimi, ndërsa mbetet të shihet nëse kjo përplasje do të marrë një përgjigje në ditët në vijim. /Telegrafi/

Artisti i ri Lisi ka shënuar një hap të rëndësishëm në karrierën e tij muzikore, duke publikuar EP-në (mini-albumin) e tij më të ri, të titulluar “lisi”. Ky projekt përfaqëson prezantimin më të plotë artistik të tij deri më tani dhe vjen si një dëshmi e qartë e potencialit dhe identitetit të tij muzikor.

Me këtë EP, Lisi sjell tetë këngë të reja, secila me përmbajtje dhe atmosferë të veçantë, duke theksuar stilin e tij autentik dhe eksperimentimin me tinguj modernë. Lista e këngëve përfshin: “Mars”, “U Lala”, “Cataleya”, “Adrenalina”, “Granate”, “Qa Qa”, “Edhe pak” dhe “All Eyes On Me”.

Në realizimin e këtij projekti, Lisi ka bashkëpunuar me producentin Qelik Lipa, ndërsa vet artisti ka qenë i përfshirë drejtpërdrejt edhe në tekstet e këngëve, duke i dhënë EP-së një dimension personal dhe të sinqertë.

Lisi, emri i vërtetë i të cilit është Erlis Ukhagjaj, shihet si një shembull i qartë i këmbënguljes dhe guximit artistik. Pavarësisht sfidave që shpesh i shoqërojnë artistët e rinj në hapat e parë të karrierës, ai ka zgjedhur të mos hezitojë dhe të publikojë një projekt të plotë, duke besuar në vizionin e tij muzikor.

EP-ja “lisi” tashmë është e disponueshme në platformat digjitale dhe shënon një fillim premtues për rrugëtimin artistik të Lisit në skenën muzikore. /Telegrafi/

- YouTube youtu.be

- YouTube youtu.be

- YouTube youtu.be

- YouTube youtu.be

- YouTube youtu.be

- YouTube youtu.be

- YouTube youtu.be

- YouTube youtu.be

HBO publikoi sot trailerin e parë për sezonin e tretë të serialit të njohur "Euphoria", duke u dhënë fansave një pamje të parë të sezonit të ri shumëpritur. Sezoni i dytë u njoftua në vitin 2022, ndërsa i treti do të dalë në prill të vitit 2026.

Traileri është pjesë e një videoje më të gjerë promovuese në të cilën HBO zbulon ofertën e saj programore për vitin 2026, dhe ndër përmbajtjet më interesante ishte një regjistrim i ri me personazhet kryesore të serialit.

Në videoklipin e shkurtër, shohim Rue (Zendaya) në momente të reja dramatike pas kërcimit kohor pesëvjeçar, si dhe personazhe të tjerë kyç si Nate (Jacob Elordi), Cassie (Sydney Sweeney) dhe Jules (Hunter Schafer). Traileri lë të kuptohet për një vazhdim intensiv dhe emocional të historisë pas përfundimit të sezonit të dytë.

— (@)

Traileri fillon me zërin e Rue (Zendaya) që reflekton mbi jetën e saj pas shkollës së mesme, duke thënë: "Nuk ka kthim pas. Disa vite pas shkollës, nuk e di nëse jeta ishte pikërisht ashtu siç doja të ishte."

Rue shihet duke kërcyer në një klub nate, pastaj vetëm në një kishë dhe duke vrapuar nëpër rrugë ndërsa duket sikur po ndiqet. Së bashku me Rue, në klipin e shkurtër shfaqen edhe personazhe të tjerë - Lexi në një dasmë, Maddy serioze dhe e menduar, Nate duke kërcyer me këmishën hapur dhe Cassie me Jules në skena të ndryshme interesante.

Sezoni i tretë i serialit "Euphoria" do të transmetohet në HBO në prill të vitit 2026, dhe traileri i ri përfaqëson të dhënat e para të vërteta mbi tonin dhe komplotin që na presin.

Tifozët kanë pritur prej kohësh për materiale të reja pas një ndërprerjeje shumëvjeçare midis sezoneve, kështu që njoftimi i sotëm ka tërhequr shumë vëmendje në mediat sociale. /Telegrafi/

Pas lajmit se Islanda i është bashkuar Irlandës, Spanjës, Holandës dhe Sllovenisë në bojkotimin e Festivalit të Këngës Eurovision 2026, 17 artistët portugezë që marrin pjesë në konkursin kombëtar Festival da Cancao kanë njoftuar se do të refuzojnë të përfaqësojnë Portugalinë nëse fitojnë.

Pjesëmarrësit në konkursin e brendshëm për përzgjedhjen e përfaqësuesve publikuan një deklaratë ku protestonin kundër pjesëmarrjes së Izraelit në konkurs.

Nënshkruesit janë Cristina Branco, Bateu Matou, Rita Dias, DjoDje, Beatriz Bronze (Evaya), Francisco Fontes, Goncalo Gomes, Ines Sousa, Jorge Goncalves (e), Marquise, Nunca Mates o Mandarim dhe Pedro Fernandes.

"Me fjalë dhe këngë, ne veprojmë brenda mundësive që na janë dhënë. Ne nuk pranojmë bashkëpunim në shkeljen e të drejtave të njeriut", thanë ata.

— (@)

Përveç kësaj, ata shtuan: “Pavarësisht ndalimit të pjesëmarrjes së Rusisë në Eurovision 2022 për arsye politike (pushtimi i Ukrainës), u habitëm kur pamë se i njëjti qëndrim nuk u mor ndaj Izraelit, i cili, sipas Kombeve të Bashkuara, po kryen gjenocid kundër palestinezëve në Gaza”.

Transmetuesi portugez RTP lëshoi një deklaratë në përgjigje të fjalëve të artistit, duke deklaruar: "Pavarësisht vendimit të artistëve që nënshkruan deklaratën, RTP do të organizojë Festivalin da Cancao dhe konfirmon pjesëmarrjen e saj në Festivalin e Këngës Eurovision 2026".

Salvador Sobral, i vetmi artist portugez që fitoi Festivalin e Këngës në Eurovision, kritikoi qëndrimin e RTP-së në një video në rrjetet sociale, duke e akuzuar transmetuesin portugez për "frikacakëri politike".

Protesta arriti edhe tek publiku portugez, i cili filloi një peticion duke kërkuar tërheqjen e menjëhershme të Portugalisë nga Festivali i Këngës në Eurovision.

Dokumenti, i cili është nënshkruar tashmë nga më shumë se 22,000 njerëz, thekson se vota e RTP-së në favor të pjesëmarrjes së Izraelit "e vendos Portugalinë në anën e gabuar të historisë". /Telegrafi/

Aktori amerikan Peter Greene (60), i njohur për rolet e tij në filmat kult "The Mask" dhe "Pulp Fiction", u gjet i vdekur dje në apartamentin e tij në Lower East Side të Nju Jorkut.

Policia njoftoi se mbërriti në adresë dje rreth orës 15:25, ku e gjeti aktorin pa shenja jete, i cili u shpall i vdekur në vend.

Lajmi për vdekjen e tij u konfirmua nga menaxheri i tij prej shumë kohësh, Gregg Edwards, i cili punoi me Greene për më shumë se dhjetë vjet. Sipas informacionit të disponueshëm, nuk dyshohet për një vdekje të dhunshme dhe shkaku i saktë do të përcaktohet pas autopsisë.

— (@)

Edwards tha se Greene ishte një person dhe aktor i jashtëzakonshëm, duke theksuar se pas personazheve të fortë dhe të errët që ai shpesh portretizonte fshihej një njeri me zemër të madhe. Ai shtoi se do të na mungojë shumë, si mik dhe si artist.

Sipas mediave, fqinjët raportuan se në apartament dëgjohej muzikë për më shumë se 24 orë, gjë që çoi në kontrollin e gjendjes së tij. Edwards deklaroi gjithashtu se kishte folur me Greene në fillim të javës dhe se nuk kishte asnjë shenjë të një tragjedie.

Peter Greene ishte i angazhuar në projekte të reja. Në janar, ai duhej të fillonte xhirimet e trillerit të pavarur "Mascots", në të cilin duhej të luante përkrah Mickey Rourke. Ai u njoftua gjithashtu për filmin "State of Confusion", një dramë krimi që ishte planifikuar të xhirohej në vjeshtën e vitit 2026 në New Jersey dhe New York.

- YouTube youtu.be

Greene shpesh luante role të liga, më i spikaturi në portretizimin e tij të gangsterit Dorian Tyrell në filmin "The Mask", përballë Jim Carrey dhe Cameron Diaz. Roli i tij si Zed, roje brutal i sigurisë në filmin e Tarantinos të vitit 1994, "Pulp Fiction", mbetet një nga më të paharrueshëm të karrierës së tij.

Ai lindi në Montclair, New Jersey. Si adoleshent, ai u largua nga shtëpia dhe jetoi në rrugët e New York City, dhe më vonë foli hapur për problemet e tij me varësinë dhe një periudhë të vështirë në jetën e tij. Ai nuk filloi të aktronte deri në mesin e të njëzetave, dhe gjatë viteve 1990 ai arriti një sërë rolesh të shquara në filma dhe televizione.

Në një karrierë që zgjati më shumë se tre dekada, ai bëri pothuajse 95 angazhime si aktor, duke përfshirë filmat "The Usual Suspects", "Clean", "Shaven", "Blue Streak", "Training Day" dhe shumë të tjerë. /Telegrafi/

Festivali Sunny Hill, një nga festivalet më të mëdha në rajon, është shpërblyer nga Oda Ekonomike e Kosovës me Çmimin për Impakt Ekonomik 2025, në kuadër të gala-mbrëmjes “THE BEST OF KOSOVA 2025”. Festivali është vlerësuar për kontributin e tij të drejtpërdrejtë në zhvillimin ekonomik dhe për rolin e rëndësishëm që ka luajtur në forcimin e imazhit pozitiv të Kosovës në nivel ndërkombëtar, përmes muzikës dhe industrisë kreative.

Si festival muzikor, Sunny Hill ka krijuar një platformë ku muzika, kultura dhe kreativiteti bashkohen, duke promovuar talentet dhe duke forcuar lidhjen e Kosovës me skenën globale të industrisë muzikore. Përveç vlerës artistike dhe kulturore, Sunny Hill Festival ka pasur edhe ndikim të drejtpërdrejtë ekonomik. Organizimi i festivalit ka gjeneruar përfitime të konsiderueshme për sektorë të ndryshëm, përfshirë turizmin, hotelerinë, gastronominë, transportin dhe shërbimet mbështetëse.

Impakti ekonomik është vlerësuar të jetë rreth 22 milionë euro, ndërsa ndikimi në media vlerësohet në qindra miliona euro, me mbi 150 media të akredituara nga e mbarë bota.

Edicioni i këtij viti ka mbledhur mbi 100 mijë vizitorë gjatë tri ditëve të festivalit, nga afro 60 vende të ndryshme të botës. Hotelet në Prishtinë dhe në qytetet përreth kanë qenë 99% të rezervuara. Organizatorët këtë vit po ashtu kanë lansuar edhe platformën “Sunny Hill Travel”, e cila promovon turizmin dhe qëndrimin në Kosovë, ndërsa gjatë festivalit përdoruesit e saj kanë mundur të përfitojnë nga pakot e akomodimit, të cilat përfshijnë edhe biletat dhe transportin.

Përfaqësuesit e Odës Ekonomike të Kosovës theksuan se Festivali Sunny Hill përfaqëson një model të suksesshëm të mënyrës se si ngjarjet kulturore dhe muzikore mund të shndërrohen në motorë të zhvillimit ekonomik dhe të diplomacisë kulturore.

Këtë vit në Festival performuan emra me nam si Dua Lipa, e cila u paraqit në kuadër të turneut të saj “Radical Optimism”, njëherësh turneu më i madh dhe më i suksesshëm i karrierës së saj deri më sot. Suksese të mëdha ajo ka shënuar edhe në platformën Spotify, ku numëron rreth 40 miliardë dëgjime totale. Albumet “Future Nostalgia” dhe “Radical Optimism” kryesojnë këto shifra, ndërsa hitet si “Don’t Start Now” dhe “Levitating” kanë secila mbi një miliard dëgjime, duke dëshmuar se ajo është një nga artistet më të mëdha globale, me miliona dëgjues aktivë çdo ditë.

Po ashtu performoi edhe Shawn Mendes, një nga emrat më të mëdhenj të pop-muzikës globale, i cili u rikthye fuqishëm sivjet me turneun e tij “On The Road Again”; Peggy Gou, një nga figurat më të respektuara dhe me ndikim në skenën globale të muzikës elektronike; Anyma, i njohur ndërkombëtarisht për përfshirjen inovative të elementeve vizuale dhe teknologjike në performancat e tij si DJ; si dhe Fatboy Slim, i njohur për hitet e tij klasike dhe karrierën e gjatë shumëdekadëshe.

Në skenat e festivalit janë ngjitur edhe artistë të tjerë të njohur ndërkombëtarë dhe vendorë, si: Calvin Harris, J Balvin, Martin Garrix, Action Bronson, Skepta, Burna Boy, Miley Cyrus, Bebe Rexha, Stormzy, Black Coffee, The Martinez Brothers, dhe shumë të tjerë.

Festivali këtë vit po ashtu është nominuar për t’u zgjedhur si më i miri në Evropë, në kategorinë e Festivaleve të Mesme, nga “European Festival Awards”. Vitin e kaluar, në të njëjtën kategori, arriti të renditet në mesin e pesë festivaleve më të mira. /Telegrafi/

Bianca Censori, bashkëshortja e Kanye West, prezantoi pjesën e saj të parë të projektit "Bio Pop (The Origini)". Ekspozita tërhoqi vëmendjen e publikut për shkak të konceptit të saj të pazakontë, duke përfshirë "mobilje njerëzore" dhe një maskë me imazhin e Biancës.

Pjesa e parë e ekspozitës u transmetua drejtpërdrejt nga Seuli i Koresë së Jugut, dhe Bianca e përfundoi performancën e saj me një zgjedhje të guximshme mode.

Në këtë event, ajo veshi një kostum të ngushtë prej lateksi të kuq që i nxirrte në pah figurën e saj të hollë, të kombinuar me çizme. Pamja u kujtoi shumë njerëzve veshjen e Britney Spears nga videoklipi "Oops!... I Did It Again".

— (@)

Ekspozita ishte e mbushur me "mobilje njerëzore" të pazakonta që Bianca i kishte dizajnuar vetë, përfshirë maska me fytyrën e saj. Motra e saj Angelina tregoi në rrjetet sociale detajet e karriges së çuditshme të bërë nga një kukull që i ngjan Biancës.

Shpina e kukullës shërbente si vend, parakrahët si mbështetëse krahësh dhe koka si mbështetëse. Një "llambë njerëzore" varej sipër karriges, ndërsa tavolina përpara ishte gjithashtu e bërë nga një kukull.

— (@)

Siç thuhet në njoftim, mobiljet janë konceptuar si një zgjatim i trupit dhe një objekt dizajni që thyen kufirin midis trupit, objektit dhe idhullit. Çdo pjesë e kthen rehatinë në kufizim dhe funksionalitetin në shprehje artistike.

Megjithatë, ekspozita nuk kaloi pa probleme teknike. Gjatë transmetimit të drejtpërdrejtë, pati një ndërprerje të papritur, kështu që sekuenca që duhej të zgjaste 15 minuta përfundoi pas 11 minutash. Transmetimi nuk është më i disponueshëm për publikun. /Telegrafi/

Jasmin Kadriu është banorja më e re që i është bashkuar shtëpisë së Big Brother VIP Kosova, duke sjellë menjëherë dinamika të reja në lojë.

28-vjeçarja u shpreh se vendimi për të hyrë në shtëpinë më të famshme në vend është i lidhur me një arsye të veçantë, për të cilën pritet të flasë më shumë gjatë qëndrimit të saj në spektakël.

Hyrja e saj në spektaklin e së premtes u karakterizua nga një qasje e drejtpërdrejtë dhe mjaft vrullshme, duke mos kaluar pa u vënë re nga banorët dhe publiku. Një nga momentet më të komentuara ishte refuzimi i saj për t’u përshëndetur me banoren Alba.

- YouTube youtu.be

Jasmin nuk ia zgjati dorën Albës, duke deklaruar hapur se nuk i pëlqen si tip dhe se nuk dëshiron të ketë asnjë kontakt me të, një veprim që krijoi menjëherë tension dhe reagime brenda shtëpisë.

Ky debutim i fortë i Jasmin Kadriut pritet të ndikojë në marrëdhëniet mes banorëve dhe të sjellë përplasje e diskutime të reja në vazhdimësinë e Big Brother VIP Kosova. /Telegrafi/

- YouTube youtu.be

Komediania dhe aktorja amerikane Amy Schumer konfirmoi dje se po divorcohet nga bashkëshorti i saj Chris Fischer, me të cilin ishte e martuar për më shumë se shtatë vjet.

Schumer e ndau lajmin në Instagram të premten, më 12 dhjetor, me një foto të saj, Fischer dhe djalit të tyre në metronë e Nju Jorkut.

"Bla bla bla, unë dhe Chris kemi marrë vendimin e vështirë për t'i dhënë fund martesës sonë pas shtatë vitesh. E duam shumë njëri-tjetrin dhe do të vazhdojmë të përqendrohemi në rritjen e djalit tonë së bashku. I kërkojmë publikut të respektojë privatësinë tonë gjatë kësaj kohe. Bla bla bla - jo sepse humba peshë dhe mendova se mund të 'kapja' dikë tjetër, as sepse ai është një shef kuzhine i pashëm, fitues çmimesh, James Beard, i cili ende mund të tërheqë vëmendjen. Gjithçka është miqësore, me dashuri dhe respekt. Familje përgjithmonë", shkroi ajo.

Një burim pranë çiftit i tha revistës People se “nuk ka asgjë të shëmtuar në lidhje me këtë ndarje” dhe se ishte një “ndarje kohezive dhe konsensuale”, duke shtuar se ata thjesht po i jepnin fund disa formaliteteve.

Schumer dhe Fischer u takuan në vitin 2017 dhe u martuan në shkurt të vitit 2018. Së bashku ata kanë një djalë, Gene, i cili lindi në maj të vitit 2019.

Në javët e fundit, ka pasur spekulime publike rreth gjendjes së martesës së tyre. Një burim i tha më parë revistës People se ata po kalonin privatisht sfidat e zakonshme të martesave të gjata dhe se të dy ishin të përkushtuar ndaj marrëdhënies.

Schumer iu përgjigj spekulimeve në Instagram në fillim të dhjetorit, duke theksuar se çfarëdo që të ndodhë midis saj dhe Chris nuk ka të bëjë fare me humbjen e saj në peshë apo autizmin.

Pastaj ajo shtoi: "Le të mbajmë gishtat e kryqëzuar që të zgjasim. Ai është më i miri".

Në fund të nëntorit, aktorja fshiu të gjitha fotot e mëparshme nga profili i saj në Instagram, përfshirë ato me Fischer, gjë që nxiti më tej spekulimet.

Ish-çifti u shfaq për herë të fundit së bashku në publik në qershor, në premierën e dokumentarit "Room To Move" në Festivalin e Filmit Tribeca 2025. /Telegrafi/

Ibro Deli është eliminuari i radhës nga shtëpia e Big Brother VIP Kosova 4, pas rezultatit të televotimit të shpallur në spektaklin e së premtes.

Ai nuk arriti t’i mbijetojë votimit të publikut, ku në nominim ishin gjithashtu Alba, Sasa, Labinot Rexha dhe Shkurta Haxhiu.

Pas hapjes së zarfeve, u bë e ditur se ishte pikërisht Ibro ai që duhej të përfundonte rrugëtimin e tij në këtë edicion të spektaklit.

Ibro e mbylli aventurën e tij në BBVK4 pas një periudhe relativisht të shkurtër qëndrimi, gjatë së cilës u dallua për një sjellje të qetë dhe të rezervuar, duke shmangur konfliktet dhe debatet e ashpra që shpesh karakterizojnë jetën në shtëpinë më të famshme në Kosovë.

Eliminimi i tij shënon një tjetër kthesë në lojë, ndërsa gara mes banorëve të mbetur bëhet gjithnjë e më e fortë, me publiku që vazhdon të ketë rolin vendimtar në fatin e secilit prej tyre. /Telegrafi/

Në llogarinë e saj zyrtare në Instagram, Sasa Hoda ka publikuar disa fotografi të realizuara pak para se të hynte në Big Brother VIP Kosova 4, të cilat po marrin vëmendje të madhe në rrjetet sociale.

Në këto imazhe, Sasa shfaqet me një stil elegant dhe të fuqishëm, e veshur me një kostum të zi dhe një reçipë të punuar me dantellë, ndërsa ekspozon për herë të parë publikisht barkun e saj, ku dallohen qartë shenjat kirurgjikale të betejës së saj me tumorin në enët e gjakut – një sëmundje e rrallë me të cilën ajo vazhdon të përballet.

Fotografia që ajo ndau, ku shihet e sigurt dhe e pa lëkundur, është kthyer në një simbol të forcës dhe pranimit. Ajo tregon realitetin e saj pa filtra, duke e bërë plagën – që dikur ishte burim dhimbjeje – në një dëshmi të guximit dhe mbijetesës.

Sasa, e cila sëmundjen e menaxhon me kujdes të rregullt mjekësor, vendosi t’i bëjë publike këto imazhe si një formë solidarizimi me çdo person që përballet me sfida shëndetësore, duke e përdorur platformën e saj për të përhapur fuqizim dhe vetëbesim.

Në mbishkrimin e fotografive, ajo shkruan mes tjerash: “Sot po mësoj të dua veten kështu siç jam dhe bashkë me këtë shpresoj të ngjallë një dritë vetëbesimi e vetëdashurie te secili që në një mënyrë ose tjetër ka përjetuar gjërat që kam përjetuar edhe unë. E juaja, më e vërtetë se asnjëherë tjetër, Sasa”

Publikimi i këtyre fotografive ka prekur shumë ndjekës, ndërsa Sasa vijon të shihet si një prej figurave më të forta dhe inspiruese të këtij edicioni të Big Brother VIP Kosova. /Telegrafi/

Në spektaklin e së premtes të Big Brother VIP Kosova 4, banorja Sasa Hoda ndau me publikun një pjesë shumë personale të jetës së saj, duke treguar sfidat e mëdha që ka kaluar që në fëmijëri.

Gjatë rrëfimit, Sasa zbuloi se ka kaluar periudha të vështira për shkak të një sëmundjeje jashtëzakonisht të rrallë - tumor në enët e gjakut. Ajo theksoi se vetëm 16 persona në të gjithë botën vuajnë nga kjo gjendje, dhe se është e vetmja që ka pasur guximin të kryejë operacionet.

Sasa rrëfeu se, sipas mjekëve, shanset për të mbijetuar pas operacioneve ishin shumë të vogla, por ajo vendosi të guxonte dhe të ndërmerrte rrezikun për t’u kuruar. Përtej sfidave fizike, ajo përballoi edhe pasojat emocionale dhe personale të sëmundjes.

Banorja nga Gjakova tregoi gjithashtu se kjo sëmundje i ka kushtuar edhe mundësinë për të pasur fëmijë, por ajo tha se e ka pranuar çdo gjë që i ka ndodhur si një testim nga Zoti, duke treguar forcën dhe vendosmërinë e saj për t’u përballur me jetën.

Rrëfimi i Sasas ishte një nga momentet më emocionuese të spektaklit të së premtes, duke lënë mbresa tek publiku për guximin dhe qëndrueshmërinë e saj. /Telegrafi/