Kryetari i PDK’së, Bedri Hamza, ka reaguar pas vdekjes së ish kryeparlamentarit Nexhat Daci.

Ai ka thënë se trashëgimia e Dacit është pjesë e pandashme e themeleve të shtetndërtimit të Kosovës.

“Lajm i hidhur në ditën e parë të vitit 2026. Ndarja nga jeta e Nexhat Dacit është një humbje e madhe për Kosovën. Ai ishte institucionalist dhe akademik i përkushtuar, që kontribuoi shumë në jetën publike, duke besuar në rendin kushtetues, dialogun institucional dhe dijen si udhërrëfyes të shoqërisë. Trashëgimia e akademik Nexhat Dacit është pjesë e pandashme e themeleve të shtetndërtimit të Kosovës. Ngushëllime të sinqerta familjes Daci, miqve dhe të gjithë bashkëpunëtorëve të tij”.

Kryetari i Kuvendit të parë të pasluftës dhe një nga politikanët më të popullarizuar në vend, biografia e Nexhat Dacit

Sinjali – aty ku e vërteta flet para lajmit!

/GazetaSinjali/

The post Hamza për Dacin: Trashëgimia e tij pjesë e pandashme e themeleve të shtetëndërtimit të Kosovës appeared first on Sinjali.

Një incident i rëndë i dhunës në familje është regjistruar në orët e para të Vitit të Ri në fshatin Lipovec të Gjakovës, ku një mosmarrëveshje mes babait dhe djalit ka eskaluar në përplasje fizike dhe shkatërrim të pronës.

Ngjarja ka ndodhur më 01.01.2026 rreth orës 00:30, kur dy të dyshuarit – M. B. dhe Sh. B., babë e bir – pas festimit të ndërrimit të viteve, janë përfshirë në një konflikt serioz brenda shtëpisë.

Sipas informacioneve, i dyshuari i ri, nën ndikimin e alkoolit dhe pa patentë shoferi, kishte kërkuar çelësat e veturës për të dalë. Babai i tij kishte refuzuar, çka ka shkaktuar reagim të dhunshëm nga djali, i cili ka demoluar disa dhoma të shtëpisë dhe ka thyer derën e një dhome duke kërkuar çelësat.

Gjatë incidentit, i dyshuari më i ri ka pësuar lëndime të lehta në shpatullën e djathtë, për të cilat dyshohet se mund të jenë shkaktuar gjatë përleshjes, ndonëse babai e ka mohuar përdorimin e dhunës fizike.

Pas ndërhyrjes së Policisë dhe konsultimit me Prokurorin kujdestar, është vendosur që M. B. të ndalohet për 48 orë, ndërsa Shkelzen Berisha është liruar në procedurë të rregullt.

Rasti është iniciuar si “Dhunë në familje”, ndërsa hetimet janë duke vazhduar.

Sinjali – aty ku e vërteta flet para lajmit!

/GazetaSinjali/

The post Dhunë familjare në Lipovec të Gjakovës: Babë e bir përleshen pas festës së Vitit të Ri, njëri përfundon në ndalim 48 orë appeared first on Sinjali.

Një incident me mjete piroteknike është shënuar në natën e ndërrimit të viteve në Gjilan, ku një person ka pësuar lëndime trupore dhe është dërguar për trajtim të specializuar në QKUK.

Ngjarja ka ndodhur më 31.12.2025, rreth orës 23:20, në rrugën “Xheve Lladrovci”. Sipas informatave, viktima A.I., i lindur më 1982, është lënduar aksidentalisht derisa ishte duke ndezur fishekzjarrë, duke pësuar dëmtime në pjesën e stomakut, konkretisht në zonën e kërthizës.

Fillimisht, i lënduari ka pranuar ndihmën e parë në Emergjencën e Spitalit Rajonal të Gjilanit, ndërsa më pas, me rekomandim të mjekut kujdestar, është transferuar në QKUK në Prishtinë për trajtim të mëtejmë.

Njësitet policore kanë dalë në vendin e ngjarjes dhe kanë kryer ekzaminimet e nevojshme, ndërsa për rastin është njoftuar edhe Prokuroria kompetente. Me udhëzim të prokurores kujdestare, rasti është proceduar në Njësinë e Hetimeve për veprime të mëtejshme.

Rasti po trajtohet si lëndim aksidental nga mjete piroteknike.

Sinjali – aty ku e vërteta flet para lajmit!

/GazetaSinjali/

The post Lëndohet aksidentalisht nga fishekzjarrët në Gjilan, përfundon në QKUK appeared first on Sinjali.

Një rast i armëmbajtjes pa leje është zbuluar mbrëmjen e 31 dhjetorit në fshatin Soçanicë të Leposaviqit, ku Policia ka arrestuar një person dhe ka konfiskuar armë e pajisje të ndaluara.

Ngjarja është raportuar rreth orës 18:45, kur një qytetar është paraqitur në nënstacionin policor dhe ka deklaruar se ishte ushtruar dhunë nga i biri i tij. Njësia patrulluese ka dalë në vendin e ngjarjes dhe, pas konsultimit me Prokurorin kujdestar, ka realizuar bastisje në shtëpinë e të dyshuarit.

Gjatë kontrollit janë gjetur dhe sekuestruar: një pushkë gjuetie dytshe, një fishek gjuetie, një radio-lidhje e markës “Baofeng”.   

I dyshuari është arrestuar në afërsi të shtëpisë dhe është shoqëruar në stacion policor. Pas testimit, ai ka rezultuar nën ndikimin e alkoolit, ashtu si edhe ankuesi. Një dëshmitare është intervistuar dhe ka deklaruar se nuk kishte pasur probleme të mëparshme në familje.

Me urdhër të Prokurorit të Shtetit, rasti është iniciuar si “Mbajtje në pronësi, kontroll ose posedim i paautorizuar i armës”, ndërsa procedimi do të vazhdojë në procedurë të rregullt.

Sinjali – aty ku e vërteta flet para lajmit!

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Armë pa leje në Leposaviq, arrestohet 32-vjeçari – policia sekuestron pushkë, fishekë dhe radio-lidhje appeared first on Sinjali.

Një rast i rëndë vjedhjeje është raportuar në orët e para të Vitit të Ri në Komoran të Gllogocit, ku persona ende të panjohur kanë depërtuar në një shtëpi dhe kanë marrë armë, para dhe sende me vlerë.

Ngjarja ka ndodhur në intervalin kohor 31.12.2025 – 01.01.2026, nga ora 21:00 deri në 01:00, ndërsa rasti është raportuar më 01.01.2026 rreth orës 01:00.

Sipas deklarimit të pronarit të shtëpisë, S. B. nga objekti i tij janë vjedhur: një kasafortë në të cilën ndodheshin pesë (5) armë pistoleta me leje, 800 euro para të gatshme nga kasaforta, 700 euro para të tjera cash, stoli ari në vlerë rreth 1.500 euro, dy orë dore, si dhe DVR-ja e kamerave të sigurisë, çka vështirëson identifikimin e autorëve.   

Në vendin e ngjarjes kanë dalë njësitë policore, hetimet dhe krim-teknika, ndërsa për rastin janë njoftuar edhe hetimet rajonale. Me vendim të organeve kompetente, rasti është iniciuar si “Vjedhje e rëndë” dhe po trajtohet në koordinim të plotë mes njësive relevante.

Hetimet janë në vazhdim për identifikimin e të dyshuarve dhe zbardhjen e plotë të rastit.

Sinjali – aty ku e vërteta flet para lajmit!

/GazetaSinjali/

The post Ekskluzive | Vjedhje e rëndë në Komoran: Nga shtëpia zhduken armë me leje, para dhe stoli ari appeared first on Sinjali.

Një incident serioz ka ndodhur në minutat e para të Vitit të Ri në Podujevë, ku një zjarr i madh ka përfshirë një pleme me ushqim për kafshë, duke shkaktuar dëme të konsiderueshme materiale.

Ngjarja ka ndodhur më 01.01.2026 rreth orës 00:10, në rrugën “Fitorja” në Podujevë.

Sipas informatave, njësitë reaguese policore janë njoftuar se një objekt ishte duke u djegur dhe menjëherë kanë dalë në vendin e ngjarjes.

Në lokacion është konstatuar se zjarri kishte përfshirë një pleme në të cilën ndodheshin rreth 6000 duaj ushqim për kafshë, ndërsa sipas deklarimit të ankuesit B. M. (1991), dëmi material vlerësohet rreth 10 mijë euro.

Në vendin e ngjarjes kanë dalë edhe ekipet e zjarrfikësve, të cilët kanë ndërhyrë për shuarjen e flakëve, mirëpo për shkak të përmasave të mëdha të zjarrit, lokalizimi i tij ka marrë kohë. Fatmirësisht, nuk raportohet për të lënduar në njerëz.

Sipas dyshimeve fillestare të hetimeve, zjarri dyshohet se është shkaktuar nga hedhja e mjeteve piroteknike, ku si i dyshuar për këtë veprim është një fëmijë 12-vjeçar (B.S., 2013), i cili banon përballë shtëpisë së ankuesit.

Me udhëzimin e Prokurorit të Shtetit, në cilësinë e dëshmitarit është intervistuar prindi i fëmijës, ndërsa për rastin është paraparë të njoftohet edhe Prokurori për të Mitur, si dhe Qendra për Punë Sociale (QPS).

Rasti është cilësuar si “Shkaktim i rrezikut të përgjithshëm” dhe mbetet nën hetime për veprime të mëtejshme procedurale.

Sinjali – aty ku e vërteta flet para lajmit!

/GazetaSinjali/

The post Ekskluzive | Zjarri i Vitit të Ri në Podujevë: Fëmija 12-vjeçar dyshohet se shkaktoi djegien e një pleme me mjete piroteknike appeared first on Sinjali.

Një incident i dhunës në familje është regjistruar në orët e para të Vitit të Ri në Gjakovë, ku dy vëllezër, nën ndikimin e alkoolit, janë përfshirë në një konflikt fizik.

Ngjarja ka ndodhur rreth orës 01:00, në rrugën “Nikollë Kaqorri”, ku sipas informacioneve, D. Panxhaj dhe D. Panxhaj, të dyshuarit në raport familjar vëllezër, kanë pasur një mosmarrëveshje për çështje familjare gjatë festimit të Vitit të Ri.

Situata ka eskaluar në përleshje fizike, ku i dyshuari D.P. dyshohet se e ka sulmuar vëllain e tij, duke i shkaktuar lëndime në pjesën e syrit të majtë dhe në faqe. I dëmtuari ka pranuar tretman mjekësor për lëndime të lehta trupore.

Në lidhje me rastin është njoftuar Prokurori kujdestar, i cili ka urdhëruar që i dyshuari D.P. të ndalohet për 48 orë, ndërsa i dyshuari tjetër është liruar në procedurë të rregullt.

Rasti është iniciuar si “Dhunë në familje” dhe mbetet nën hetime.

Sinjali – aty ku e vërteta flet para lajmit!

/GazetaSinjali/

The post Dhunë familjare në Gjakovë natën e Vitit të Ri, vëllai sulmon vëllain, përfundon në ndalim appeared first on Sinjali.

Një rast i rëndë i dhunës në familje është shënuar në minutat e para të Vitit të Ri në fshatin Zemanicë të Leposaviqit, ku një grua ka raportuar se është sulmuar fizikisht nga bashkëshorti i saj.

Ngjarja ka ndodhur më 01.01.2026 rreth orës 00:00, kur viktima S.S. ka kërkuar ndihmë në Stacionin Policor të Leposaviqit, duke deklaruar se burri i saj B.S. e kishte goditur me grushta dhe shqelma në pjesën e barkut.

Njësia patrulluese ka reaguar menjëherë, duke shkuar në shtëpinë e familjes. Aty është takuar djali i çiftit, i cili ka informuar policinë se i dyshuari ndodhej në shtëpinë e gjyshes. Pas lokalizimit në adresën e dytë, policia ka shoqëruar të dyshuarin në stacion.

Gjatë procedurave policore, i dyshuari i është nënshtruar testit të alkoolit, ku ka rezultuar me 0.97 promilë alkool në gjak.

Pas intervistimit dhe konsultimit me Prokurorin kujdestar, rasti është iniciuar si “Dhunë në familje”, ndërsa i dyshuari është ndaluar për 48 orë.

Hetimet lidhur me rastin janë duke vazhduar.

Sinjali – aty ku e vërteta flet para lajmit!

/GazetaSinjali/

The post Dhunë në familje në Leposaviq: Burri rrah bashkëshorten në orët e para të Vitit të Ri, përfundon në ndalim appeared first on Sinjali.

Policia e Kosovës ka zbatuar një plan operativ me masa të shtuara sigurie gjatë festës së ndërrimit të mot-moteve, me qëllim të garantimit të rendit publik dhe sigurisë së qytetarëve në mbarë vendin.

Sipas njoftimit zyrtar, Policia ka rritur prezencën në lokacione ku pritej përqendrim më i madh i qytetarëve, ndërsa “është paraparë shtimi i masave të sigurisë dhe prezencës policore në lokacione apo ambiente ku pritej të ketë përqendrim, festime apo prezencë më të madhe të qytetarëve gjatë festës”.

Në kuadër të këtij plani operativ, Policia ka pasur fokus të veçantë edhe në trafikun rrugor, pikat e kalimit kufitar dhe aeroportin ndërkombëtar.

“Është paraparë kujdes i shtuar në mbikëqyrjen dhe kontrollin në trafikun rrugor, menaxhimin e Pikave të Kalimeve Kufitare përfshirë aeroportin ndërkombëtar dhe brezit kufitar në përgjithësi”, thuhet në njoftim.

Bazuar në raportimet nga Drejtoritë Rajonale Policore, nata e Vitit të Ri ka kaluar me disa incidente të izoluara.

Policia njofton se “janë raportuar incidente me lëndime trupore si pasojë e përdorimit të pakujdesshëm të mjeteve piro-teknike, raste të lëndimeve të lehta nga armë zjarri dhe dëme materiale si pasojë e përdorimit të pakujdesshëm të mjeteve piroteknike (zjarre)”.

Tutje, Policia e Kosovës thekson se të gjitha rastet e raportuara janë dhe do të trajtohen në koordinim me prokuroritë kompetente.

“Policia i ka iniciuar dhe do të vazhdojë t’i trajtojë të gjitha ato raste qofshin vepra penale apo incidente tjera dhe rastet në koordinim me prokurorit kompetente do të përcillen te organet e drejtësisë”.

Në fund të njoftimit, Policia e Kosovës ka uruar qytetarët për Vitin e Ri, duke shprehur mirënjohje për bashkëpunimin e treguar.

“Gëzuar Vitin e Ri 2026, qoftë ky vit i suksesshëm për ju, shëndet, paqe e siguri! Ju falënderojmë për bashkëpunimin dhe besimin e treguar ndaj nesh”, thuhet në njoftim.

Sinjali – aty ku e vërteta flet para lajmit!

/GazetaSinjali/

The post Nata e Vitit të Ri kalon me disa incidente, policia jep detaje appeared first on Sinjali.

Viti i Ri 2026 u prit me atmosferë fantastike festive në të gjithë botën, me spektakël fishekzjarrësh por jo vetëm.

Sidnei, Australi

Burj Khalifa, Dubai

Uashington DC, SHBA

Kajro, Egjipt

Rio de Janeiro, Brazil

Londër, Mbretëria e Bashkuar

Busan, Koreja e Jugut

Sinjali – aty ku e vërteta flet para lajmit!

/GazetaSinjali/

The post Atmosferë fantastike në të gjithë botën, si u prit Viti i Ri 2026 appeared first on Sinjali.

Zohran Mamdani u betua si kryetar komune i Nju Jorkut menjëherë pas mesnatës në një ceremoni private në një stacion të braktisur metroje të arteve të bukura – një prelud i festimeve njëditore që do të përfshijnë një betim të dytë publik dhe një festë jashtë bashkisë.

Zohran Mamdani u betua si kryetar komune i Nju Jorkut pak pas mesnatës, gjatë një ceremonie private të mbajtur në një stacion metroje të braktisur në stilin beaux-arts – një prelud i festimeve njëditore që do të përfshijnë një betim të dytë publik dhe një festë jashtë bashkisë, shkruan The Guardian.

34-vjeçari Mamdani u betua në detyrë nga prokurorja e përgjithshme e Nju Jorkut, Letitia James, i rrethuar nga bashkëshortja, Rama Duwaji, anëtarë të familjes së tij të ngushtë, përfshirë Mira Nair, nëna e tij e cila është regjisore filmash, si dhe babai i tij, Mahmood Mamdani, një profesor i studimeve afrikane në Universitetin e Kolumbias.

“Ky është pa dyshim nderi dhe privilegji i jetës sime”, u shpreh Mamdani.

“Mezi pres t’i shoh të gjithë nesër ndërsa fillojmë mandatin tonë. Pasi sapo bëra betimin tim për t’u bërë kryetar i Nju Jorkut, e bëj këtë edhe këtu në stacionin e vjetër të metrosë së Bashkisë – një dëshmi e rëndësisë së transportit publik për vitalitetin, shëndetin, trashëgiminë e qytetit tonë”.

Për të nderuar besimin e tij mysliman, Mamdani u betua duke përdorur një Kuran, librin më të shenjtë të Islamit, duke u bërë kryetari i parë i bashkisë në qytetin e Nju Jorkut që e bëri këtë. Ai u betua në mesnatë me dorën e tij mbi Kuranin e gjyshit të tij dhe një që i përkiste Arturo Schomburg, një shkrimtar dhe historian me ngjyrë, i cili iu dha hua kryetarit të bashkisë nga biblioteka publike e Nju Jorkut, sipas New York Times.

Më pas, Mamdani njoftoi dhe mirëpriti komisionerin e ri të transportit për qytetin, Mike Flynn, një planifikues veteran i qytetit, me kryetarin e bashkisë që tha se donte ta bënte rrjetin e transportit publik të Nju Jorkut “zilinë e botës”. Flynn tha se po pranonte “punën e jetës”.

“Ju faleminderit shumë të gjithëve… dhe do t’ju shoh më vonë”, përfundoi Mamdani, duke shkaktuar të qeshura të audiencës, përpara se të nisej në shkallët e gjera të metrosë ku bëri betimin, i ndjekur nga pjesëmarrësit.

Në ceremoni mori pjesë edhe kryetari i bashkisë në largim, Eric Adams, i cili kishte refuzuar fillimisht qw  të marrë pjesë, por më vonë tha se “do të donte të ishte atje për të treguar tranzicionin e qetë dhe paqësor të pushtetit”.

Sinjali – aty ku e vërteta flet para lajmit!

/GazetaSinjali/

The post Zohran Mamdani betohet si kryetar i Nju Jorkut me dorën mbi Kuran në një stacion të braktisur metroje appeared first on Sinjali.

Një aksidentin i rëndë me tre të vdekur ka ndodhur mëngjesin e sotëm në aksin rrugor Gjirokastër-Tepelenë në vendin e quajtur Bypass.

Nga përplasja e dy mjeteve, mjeti tip Volkswagen me targa AB797VP ku udhëtonin Klejdi Myftari 24 vjeç dhe Anxhelo Ruci 28 vjeç, ku të dy kanë humbur jetën nga plagët e marra dhe mjeti tjetër tip Mercedes Benz me targa AB552LV ku udhëtonin shtetasit Martin Dulaj 26 vjeç i cili ka ndërruar jetë në vendngjarje dhe Arsida Demiri 20 vjeç, e cila është transportuar në drejtim të Spitalit të Traumës në Tiranë për ndihmë më të specializuar.

Kjo e fundit ndodhet jashtë rrezikut për jetën.

Sinjali – aty ku e vërteta flet para lajmit!

/GazetaSinjali/

The post Aksident i rëndë në rrugën Gjirokastër-Tepelenë, humbin jetën tragjikisht tre të rinj appeared first on Sinjali.

Qiproja ka marrë sot zyrtarisht Presidencën e Këshillit të Bashkimit Evropian, duke shënuar herën e dytë që prej anëtarësimit të saj në BE në vitin 2004 që i besohet ky rol.

Mandati i presidencës qipriote fillon në një periudhë të mbushur me sfida të mëdha për Evropën. Paqëndrueshmëria në Lindjen e Mesme, lufta e Rusisë kundër Ukrainës që hyn në vitin e katërt, rritja e kërcënimeve ndaj sigurisë dhe presionet mbi unitetin transatlantik përbëjnë një mjedis kompleks politik dhe gjeostrategjik.

Në të njëjtën kohë, Bashkimi Evropian synon të rrisë konkurrueshmërinë e tij në një kontekst gjeo-ekonomik gjithnjë e më sfidues, ku fragmentimi i tregtisë globale po vë në provë modelin evropian.

Duke u mbështetur në punën e presidencës daneze që përfundoi mandatin, Qiproja pritet ta mbajë sigurinë dhe mbrojtjen ndër prioritetet kryesore të agjendës së BE-së.

Po ashtu, avancimi i procesit të zgjerimit, arritja e marrëveshjeve mbi politikën e migracionit dhe drejtimi i negociatave të ndërlikuara për Kornizën e ardhshme Financiare Shumëvjeçare (MFF) do të jenë në qendër të vëmendjes, veçanërisht në një periudhë të vështirësuar fiskale për Evropën.

Sinjali – aty ku e vërteta flet para lajmit!

/GazetaSinjali/

The post Qiproja merr presidencën e radhës të BE-së appeared first on Sinjali.

Dita e parë e vitit 2026 fillon e kthjellët dhe me acar të fortë polar.

Dita vijon kryesisht me diell dhe vetëm në disa vise priten vranësira lokale. Në mëngjes temperatura pritet të zbres deri në -12 gradë Celsius, kurse gjatë ditës në disa rajone temperatura do të kalojë në “plus” deri në 3 apo 4 gradë Celsius.

Të Premten vranësira të pasura me lagështi do të përfshijnë Shqipërinë dhe Malin e Zi. Mbetjet e ajrit të ftohtë polar do të kushtëzojnë që reshje në shumë zona të jenë në formë dëbore, por jo në të gjitha. Pastaj, vranësira nga Dukagjini përfshijnë edhe pjesë tjera të Kosovës.

Fillimisht vende-vende priten reshje shqote e bore, por temperaturat rriten dhe pastaj priten reshje lokale shiu. Në viset malore reshje bore.

Fundjava vjen paksa më e ngrohtë, por e vranët dhe me reshje të herëpashershme lokale shiu.

Sinjali – aty ku e vërteta flet para lajmit!

/GazetaSinjali/

The post Dita e parë e vitit 2026 nis me acar appeared first on Sinjali.

Disa persona kanë vdekur dhe disa të tjerë janë plagosur pas një shpërthim në një bar zviceran të skive Crans-Montana gjatë natës, ka konfirmuar policia.

Shpërthimi ndodhi rreth orës 1:30 të mëngjesit sipas orës lokale në barin Le Constellation, dhe shkaku nuk dihet ende, raporton BBC.

Më shumë se 100 persona ndodheshin në barin zviceran në kohën e shpërthimit, raporton radioja zvicerane Rhone FM.

Një dëshmitar i incidentit i tha radios se një numër i madh shërbimesh emergjente kishin mbërritur në vendngjarje, me disa helikopterë që morën pjesë në trajtimin dhe transportimin e të plagosurve.

Në një deklaratë për median, policia konfirmoi se shpërthimi kishte ndodhur ndërsa bari po festonte natën e Vitit të Ri.

Një zëdhënës i policisë zvicerane tha se një përditësim tjetër nga policia do të vinte së shpejti. I pyetur nga BBC se sa persona ishin vrarë, zëdhënësi tha: “Nuk mund ta themi ende. Disa”.

Crans-Montana është një vendpushim luksoz skish i vendosur në zemër të Alpeve Zvicerane, në rajonin Valais, rreth dy orë larg me makinë nga kryeqyteti, Bern.

Sinjali – aty ku e vërteta flet para lajmit!

/GazetaSinjali/

The post Shpërthimi në barin e njohur në Zvicër: Mbi 100 persona të pranishëm, disa të vdekur dhe shumë të lënduar appeared first on Sinjali.

Krahas rezultateve preliminare, edhe pas numërimit të mbi 78% të votave, përqindja e fitores së Lëvizjes Vetëvendosjes mbetet afër 50%, PDK mbetet tek 21.60%, LDK 13% dhe AAK me mbi 38 mijë vota e ka siguruar praninë në Kuvend me 5.60% të votave.

Procesi i numërimit të votave është ndërprerë dje në orën 12:00, ndërsa do të vazhdojë sot, të enjten, nga ora 16:00.

Në faqen zyrtare të Komisionit Qendror janë procesuar mbi 78% të votave, nga 2557 vendvotime, janë numëruar 1991 sosh.

Numërimi i votave në 27 komuna deri më tani e ka sjellë këtë rezultat:

Lëvizja Vetëvendosje i ka gati 332 mijë vota, 48.48%, PDK, 21.60%, gati 148 mijë vota, LDK me mbi 87 mijë vota i afrohet 13%, AAK me mbi 38 mijë vota qëndron tek 5.61%, NISMA, ashtu sikurse me rezultatet preliminare, as pas konfirmimit të 78% të votave nuk e kalon pragun, mbetet me gati 12 mijë vota, 1.69%.

Krahas komuniteteve tjera, tek serbët konfirmohen 9 deputetë për Listën Serbe me mbi 40 mijë vota, krahas një deputeti që ka siguruar partia e Nenad Rashiqit.

Nga komunitetet, jashtë Kuvendit pas një kohe të gjatë ka mbetur edhe përfaqësuesja boshnjake, Duda Balje.

Të martën nga ora 16:00 vazhdon numërimi i votave në 11 komuna: në Prishtinë, Pejë, Prizren, Podujevë, Mitrovicë e Jugut, Gjakovë, Malishevë, Lipjan, Gjilan, Ferizaj, dhe Suharekë.

Në Qendrën e Numërimit dhe Rezultateve, shërbimi votues i KQZ-së ka vazhduar me vlerësimin e pakove të supozuara me fletëvotime, të cilat i takojnë votimit jashtë Kosovës, respektivisht votimit përmes postës.

Përpos këto informacione, KQZ kanë pranuar një pjesë të pakove me vota, nga totali i 58 mijë votuesve sa janë regjistruar për të votuar me postë nga diaspora.

Numërimi i fletëvotimeve nga votimi jashtë Kosovës do të fillojë gjatë kësaj jave, në një datë që pritet të caktohet në vazhdim.

Gjatë javës pritet të numërohen edhe mbi 9900 vota me kusht, votat e rreth 2860 votuesve të regjistruar me nevoja të veçanta, si dhe mbi 16 mijë vota të grumbulluara nga vendvotimet në konsullata dhe ambasada në shtete të ndryshme të botës.

Sinjali – aty ku e vërteta flet para lajmit!

/GazetaSinjali/

The post U ndërpre dje në orën 12:00, pasdite vazhdon numërimi i votave appeared first on Sinjali.

Një incident i rëndë ka ndodhur më 31 dhjetor 2025, rreth orës 11:00, në rrugën “Ibrahim Rugova” në fshatin Drobesh të komunës së Vitisë, ku pesë persona janë përfshirë në një rrahje të dhunshme, duke përdorur mjete të forta.

Burimet bëjnë të ditur se të dyshuarit Dibran Azemi, Shkodran Azemi, Enver Arifi, Arif Arifi dhe Sali Arifi janë përfshirë në përleshje fizike, ku janë përdorur shkopinj druri dhe shkopinj plastikë, me ç’rast të gjithë të përfshirët kanë pësuar lëndime trupore.

Sipas hetimeve fillestare, veprimet dhe mjetet e përdorura nga dy vëllezërit Dibran dhe Shkodran Azemi i inkriminojnë ata për veprën penale “Vrasje në tentativë”, ndërsa tre të dyshuarit nga familja Arifi dyshohet se me veprimet e tyre kanë kryer veprën penale “Lëndim i rëndë trupor”.

Të lënduarit kanë pranuar trajtim mjekësor, ndërsa njësitë policore kanë ndërhyrë për ta vënë situatën nën kontroll. Lidhur me rastin është njoftuar Prokurori i Shtetit, i cili ka urdhëruar ndalimin e të pesë të dyshuarve për 48 orë.

Hetimet për zbardhjen e plotë të rrethanave të këtij rasti po vazhdojnë.

Sinjali – aty ku e vërteta flet para lajmit!

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

/GazetaSinjali/

The post Ekskluzive | Rrahje brutale në Drobesh të Vitisë, pesë të dyshuar përfundojnë në ndalim – dy vëllezër nën dyshimin për vrasje në tentativë appeared first on Sinjali.

Një person është gjetur pa shenja jete paraditen e së martës në qytetin e Gjilanit.

Ngjarja ka ndodhur më 31 dhjetor 2025, rreth orës 11:15, në rrugën “Makfire Deda”, ku njësitë policore janë njoftuar për një rast të dyshimtë.

Sipas informatave, në vendin e ngjarjes është takuar ankuesi H. R, i cili ka deklaruar se e kishte gjetur vëllain e tij, Muhamet Rexhepi pa shenja jete në shtëpinë ku jetonte i vetëm.

Në vendin e ngjarjes ka dalë mjeku përgjegjës, i cili rreth orës 11:25 ka konstatuar vdekjen e viktimës. Sipas mjekes dhe deklarimeve të familjarit, në trupin e viktimës nuk janë vërejtur shenja dhune apo rrethana të tjera të dyshimta.

Lidhur me rastin janë njoftuar hetimet rajonale dhe ekipet relevante, të cilat kanë dalë në vendngjarje. Me vendim të Prokurores kujdestare për Krime të Rënda, rasti është iniciuar si “Hetim i vdekjes”, ndërsa trupi i pajetë i viktimës është dërguar në Institutin e Mjekësisë Ligjore për obduksion.

Hetimet për zbardhjen e plotë të rrethanave të vdekjes janë duke vazhduar.

Sinjali – aty ku e vërteta flet para lajmit!

/GazetaSinjali/

The post Gjilan: Gjendet pa shenja jete një burrë 59-vjeçar, jetonte i vetëm – trupi dërgohet në obduksion appeared first on Sinjali.

Dy pjesëtarë të sigurimit fizik të qendrës tregtare ABI kanë përfunduar në ndalim policor për 48 orë, pasi dyshohen se janë përfshirë në sulmin fizik ndaj një kandidati për deputet dhe asambleist nga Vetëvendosje, i cili vetë e ka bërë publik rastin.

Ngjarja ka ndodhur brenda një qendre tregtare, ku sipas deklarimit publik të viktimës, pas një kontesti tërësisht të ligjshëm, disa persona, që dyshohet se janë pjesëtarë të sigurimit, kanë ushtruar dhunë fizike ndaj tij, duke e ndaluar në mënyrë të paligjshme për disa minuta.

Rasti është denoncuar menjëherë në Policinë e Kosovës, ndërsa pas veprimeve fillestare hetimore, dy të dyshuarit janë arrestuar dhe me urdhër të Prokurorit të Shtetit janë dërguar në ndalim 48-orësh.

Burime nga organet e hetuesisë bëjnë të ditur se rasti po trajtohet me seriozitet të lartë dhe se po hetohen të gjitha rrethanat e incidentit, përfshirë tejkalimin e autorizimeve nga ana e sigurimit fizik.

Hetimet janë në zhvillim, ndërsa priten edhe veprime të tjera procedurale nga prokuroria kompetente.

Sinjali – aty ku e vërteta flet para lajmit!

/GazetaSinjali/

The post Ekskluzive | Dy pjesëtarë të sigurimit të ABI Center ndalohen për 48 orë – sulmuan asambleistin e VV-së në Prizren appeared first on Sinjali.

Një fluturim i kompanisë Cathay Pacific, në itinerarin Hong Kong – Los Angeles, i ofroi udhëtarëve një përvojë të veçantë dhe thuajse fantastike për Vitin e Ri.

Ata patën mundësinë të festojnë dy herë të njëjtin event, falë efektit të veçantë të ndryshimeve të zonave kohore dhe kalimit të linjës ndërkombëtare të datës.

Fluturimi CX880 u nis nga Hong Kongu më 1 janar 2026, në orën 00:30, duke përjetuar kështu fillimin e Vitit të Ri sipas kohës lokale të qytetit aziatik. Megjithatë, për shkak të diferencës së madhe kohore midis Azisë dhe bregut perëndimor të Shteteve të Bashkuara, po i njëjti fluturim do të ulet në Los Angeles më 31 dhjetor 2025, në orën 20:55 (koha lokale).

Kjo do të thotë se pas festimit të Vitit të Ri në Hong Kong, udhëtarët dhe ekuipazhi do të kenë mundësinë të “kthehen mbrapa” në vitin 2025 kur të mbërrijnë në Los Angeles, dhe të festojnë Vitin e Ri edhe një herë, këtë herë sipas orës lokale amerikane.

Fenomeni i tillë, i njohur si “udhëtim në kohë” për shkak të zonave të ndryshme kohore dhe kalimit të linjës ndërkombëtare të datës, nuk është i pazakontë për fluturimet trans-paqësore. Megjithatë, rasti i fluturimit CX880 ka tërhequr vëmendje të madhe, pasi ofron një përvojë unike dhe simbolike: një festim i dyfishtë i Vitit të Ri, i cili duket sikur udhëton nga e ardhmja në të kaluarën.

Ky fenomen i pazakontë ka ngjallur kuriozitet dhe humor midis udhëtarëve, të cilët e kanë përshkruar eksperiencën si diçka të jashtëzakonshme, një mënyrë unike për të nisur vitin 2026 duke ndjerë efektin e “udhëtimit në kohë” në praktikë.

Sinjali – aty ku e vërteta flet para lajmit!

/GazetaSinjali/

The post Udhëtarët e fluturimit Hong Kong – Los Angeles festuan dy herë Vitin e Ri appeared first on Sinjali.