Të mërkurën, luhen ndeshjet e fundit, për raundin e tetë, në fazën e ligës në Champions League.

Padyshim vëmendja më e madhe do të jetë te dueli mes Interit dhe Borussia Dortmund, dy skuadra që ndodhen në mesin e tabelës dhe janë në garë për tu kualifikuar mes tetë më të mirave, të cilat kalojnë direkt më tej.

Italianët mbajnë vendin e 14-të me 12 pikë, ndërsa gjermanët renditen në vendin e 16-të me 11 pikë.

Duel tejet interesant është edhe ai mes Napolit dhe Chelsea në Itali. Skuadra angleze është në garë për tetëshen e parë, pasi renditet në vendin e tetë, ndërsa Napoli mban vendin e 25-të dhe rrezikon eliminimin. Italianët synojnë fitoren, për të siguruar fazën “play off”.

Spektakli është i garantuar në duelin mes kampionëve në fuqi të PSG-së dhe anglezëve të Neëcastle. Të dyja ekipet janë mes tetë më të mirave për momentin dhe synojnë të ruajnë vendin.

Ndeshjet:

Juventusi ka një transfertë delikate ndaj Monacos, ndërsa Bayern Munich i kualifikuar, luan për statistikë ndaj PSV në Holandë.

Manchester City pret në shtëpi Galatasarayn, me dy ekipet që ndodhen në pjesën e mesit në tabelë dhe kanë shanse për më tej.

Real Madrid luan në Portugali ndaj Benficas, në një sfidë ku barazimi do të mjaftonte për tu kualifikuar më tej.

Barcelona pret në shtëpi danezët e Copenhagen, ndërsa Arsenali i kualifikuar si vendi i parë, pret kazakët e Kairat Almaty.

Rënditja:

Një grup kriminal në Liverpool, përfshirë dy shqiptarë, janë dënuar për një plan të sofistikuar të trafikut të kokainës nga Amerika dhe Meksika, me destinacion aeroportin e Manchester-it në Mbretërinë e Bashkuar, pas një hetimi të gjerë të realizuar nga Agjencia Kombëtare e Krimit (NCA).

Sipas NCA (National Crime Agency) dy shqiptarët nga Kukësi, Elton Hallaci (32 vjeç) dhe Artur Iseberi (27 vjeç), ishin pjesë e një grupi kriminal të organizuar, që morën pjesë në transferimin e kokainës nga kurierët amerikanë.

Ky grup, së bashku me disa të tjerë, kishte krijuar një rrjet ndërkombëtar për të kontrabanduar lëndën narkotike nëpërmjet fluturimeve nga Cancun në Meksikë në aeroportin e Manchester-it.

Në vitin 2024, korrierët amerikanë udhëtuan në Mançester pa bagazhe dhe pasuan udhëzimet që merrnin nga një organizator i quajtur “Nate” për të mbledhur valixhe që përmbanin qindra kilogramë kokainë.

Pas mbërritjes në aeroport, ata transferuan kokainën te bashkëpunëtorët britanikë, përfshirë shqiptarët Hallaçi dhe Iseberi, që ishin të angazhuar në shpërndarjen e drogës brenda Britanisë së Madhe.

Më 11 maj 2024, tetë valixhe me kokainë mbërritën në Mançester nga Cancun dhe Barbados.

Pas mbledhjes së tyre, ato u shpërndanë përmes një sërë takimesh dhe transferimesh, ku Hallaçi dhe Iseberi morën pesë prej tyre, ndërsa Hosker dy të tjerë. Megjithatë, një nga korrierët la një valixhe pas, e cila më vonë u hap nga forcat kufitare, ku u gjetën 20 blloqe kokainë të paketuara me një kilogram secili.

Hetimi i NCA-së tregoi se në këtë ditë shqiptarët kishin mbledhur 100 kg kokainë.

Një muaj më vonë, më 31 maj, 300 kg kokainë me pastërti të lartë u futën në Manchester, të cilat u sekuestruan nga autoritetet.

Pjesëmarrësit shqiptarë, së bashku me bashkëpunëtorët e tjerë britanikë, ishin përgjegjës për shpërndarjen e lëndës narkotike nëpërmjet një rrjeti të gjerë në të gjithë vendin.

Në shtëpinë Hallaçit, hetuesit gjetën çelësa të një makinë Jaguar me një ndarje të fshehur për kontrabandën e drogës, si dhe një numër shënimesh që tregonin se si do të shpërndahej kokaina në qytete si Bradford, Londër dhe Birmingham.

Gjatë hetimeve, NCA sekuestroi gjithashtu dy makina Jaguar të tjera, të cilat ishin të pajisura me ndarje të fshehura për kontrabandën.

I gjithë operacioni i trafikut u mbikëqyr nga kamerat e sigurisë në aeroport dhe nga hetuesit, të cilët kishin vënë nën mbikëqyrje të dyshuarit.

Përfundimisht, Hallaçi, Iseberi dhe Hosker pranuan fajësinë për kontrabandë dhe mbajtjen e kokainës me qëllim shpërndarjen, ndërsa Creen, një tjetër i dyshuar i përfshirë, u dënua për mbajtjen e kokainës, por u shpall i pafajshëm për kontrabandën e saj.

Cat McHugh, komandante e NCA-së, tha:

“Këta individë ishin pjesë e grupeve kriminale që lëviznin sasi të konsiderueshme kokainë nëpërmjet Britanisë, duke shkaktuar dëme të mëdha në shoqëri. Hetimi ynë ishte i gjatë dhe kërkoi shumë orë punë, por tani ata po paguajnë për krimet e tyre.”

Hetimet vazhdojnë për të zbuluar të tjera pjesëmarrës në këtë rrjet kriminal.

Dosja e SPAK për aferën e AKSHI-t ka zbuluar një hallkë kyçe të dyshuar brenda shtetit: bashkëpunimin e mundshëm të një funksionari të Komisionit të Prokurimeve Publike (KPP) me një grup personash nën hetim penal.

Sipas deklarimeve të biznesmenit Gerond Meçe, Prokuroria e Posaçme ka krijuar bindjen e arsyeshme se një person nga brenda KPP-së ka bashkëpunuar aktivisht për menaxhimin, tërheqjen dhe verifikimin në kohë reale të ankimimeve, duke e shndërruar një institucion të pavarur në instrument shërbimi për interesa private.

Në këtë kontekst del emri i Kreshnik Tërnovës, anëtar i KPP-së, për të cilin SPAK dyshon për lidhje të drejtpërdrejta me biznesmenin Ermal Beqiri.

Dyshimet nuk kanë mbetur vetëm në letër: banesa e Tërnovës është kontrolluar nga BKH, ndërsa atij i është sekuestruar telefoni celular, një veprim që tregon qartë se hetimi ndaj tij ka kaluar në një fazë konkrete dhe serioze.

Një anëtar i thjeshtë, një rol i fryrë

Kreshnik Tërnova është emëruar anëtar i Komisionit të Prokurimeve Publike në mesin e vitit 2023. Megjithatë, sipas burimeve të brendshme të institucionit, që nga fillimi ai ka pasur sjellje konfliktuale, përçarëse dhe problematike, duke u përplasur vazhdimisht me administratën dhe anëtarët e tjerë të komisionit.

Edhe pse ligjërisht mban statusin e një anëtari të thjeshtë, Tërnova ka tentuar sistematikisht të vetëshpallet si “nënkryetar” i KPP-së, duke u prezantuar si i tillë brenda dhe jashtë institucionit. Burime nga KPP deklarojnë se ai është mburrur hapur për lidhje direkte me Kryeministrin, duke pretenduar se gëzonte mbështetje politike dhe se emërimi i tij si kryetar i KPP-së ishte vetëm çështje kohe.

“Takime” imagjinare dhe deklarime të pabazuara

Sipas dëshmive nga brenda institucionit, Tërnova u ka komunikuar punonjësve se po shkonte në takime me Kryeministrin, edhe në raste kur ky i fundit ndodhej jashtë vendit për angazhime zyrtare të dokumentuara publikisht. Më shqetësuese është se, sipas të njëjtave burime, ai kthehej nga këto takime të pretenduara duke rrëfyer se çfarë i “kishte thënë personalisht” Kryeministri dhe çfarë vendimesh do të merreshin në KPP.

Këto sjellje kanë ngritur dyshime serioze mbi kredibilitetin, integritetin dhe qëllimet reale të tij, duke e kthyer figurën e Tërnovës në objekt talljeje dhe mosbesimi jo vetëm brenda KPP-së, por edhe në rrethet institucionale dhe të biznesit që kanë pasur kontakte me të.

Në një moment kur SPAK po heton një nga skemat më të rënda të dyshuara të manipulimit të prokurimeve publike, pyetja që shtrohet nuk është më se kush është Kreshnik Tërnova, por si ka qenë e mundur që një figurë me këtë profil dhe këtë sjellje të ketë akses real në vendimmarrjen e një institucioni kyç të shtetit. /OraNews

Gregory Bovino, komandanti i lartë i Patrullës Kufitare që ka udhëhequr përpjekjet federale për zbatimin e ligjit të emigracionit në Minneapolis, pritet të largohet nga qyteti, sipas raportimeve që citojnë burime anonime.

Largimi i tij i pritshëm vjen mes një vëzhgimi dhe kritike intensive ndaj goditjes federale, pas dy të shtënave vdekjeprurëse të fundit që përfshinë agjentë të emigracionit, të cilët qëlluan për vdekje protestuesen Renee Nicole Good dhe infermierin e njësisë së kujdesit intensiv (ICU), Alex Pretti, në qytet, më herët këtë muaj.

Kush është Gregory Bovino?

Për shtatë muaj, Bovino ka qenë një figurë kyçe në goditjen ndaj emigracionit nga qeveria e Shteteve të Bashkuara.

Ai tërhoqi vëmendje kombëtare verën e kaluar pasi ndihmoi në drejtimin e një operacioni të madh në Los Anxhelos, i cili çoi në më shumë se 5,000 arrestime. Që atëherë, ai ka mbikëqyrur operacione të ngjashme zbatimi të ligjit në disa qytete të drejtuara nga demokratët, përfshirë Çikagon, Charlotte, New Orleans dhe së fundmi Minneapolis.

Përveç punës në terren, Bovino ka ndërtuar një profil të fortë publik, duke shpërndarë shpesh video nga operacionet dhe duke përdorur rrjetet sociale për të promovuar agjentët e tij dhe për t’iu përgjigjur kritikëve një stil që e ka bërë atë shumë të dukshëm dhe të diskutueshëm.

Në Minneapolis, videot ku ai shihet duke ecur nëpër rrugë me një pallto të gjatë jeshile, në stil komandanti ushtarak, duke u bërtitur protestuesve që të largohen nga rruga, kanë nxitur krahasime me një estetikë “fashiste”, përfshirë edhe nga disa komentatorë gjermanë.

Në Minneapolis, Bovino u bë zyrtari federal më i dukshëm gjatë Operacionit Metro Surge, përpjekja e Shërbimit të Emigracionit dhe Doganave (ICE), e cila shkaktoi polemika të mëdha pas dy të shtënave vdekjeprurëse — fillimisht ndaj Good në fillim të janarit, dhe më pas ndaj Prettit, një infermier 37-vjeçar i kujdesit intensiv, i qëlluar nga agjentë të Patrullës Kufitare.

Pas vrasjes së Prettit, Bovino mbrojti veprimet e agjentëve, duke pretenduar se Pretti “donte të shkaktonte dëmin maksimal dhe të masakronte forcat e rendit”.

“Fakti që ata janë shumë të trajnuar parandaloi çdo të shtënë specifike ndaj forcave të rendit, ndaj punë e mirë për forcat tona të rendit që e neutralizuan përpara se të ishte në gjendje ta bënte këtë,” tha Bovino për CNN.

Dëshmitarë, zyrtarë lokalë dhe familja e Prettit e kanë kundërshtuar këtë version, duke thënë se ai po mbante një telefon, jo një armë, në momentin kur u qëllua.

Bovino ka lindur në Kaliforni në mars të vitit 1970 dhe është rritur në Karolinën e Veriut.

Interesi i tij për zbatimin e ligjit u formësua herët. Në një intervistë vitin e kaluar, motra e Bovinos, Natalie, kujtoi se sa fort kishte reaguar ai ndaj serialit televiziv The Border, i cili fokusohej te Patrulla Kufitare e SHBA-së.

“Greg ishte shumë i entuziazmuar sepse i pëlqente ashpërsia dhe vlerat e këtyre veteranëve,” tha ajo, sipas një raporti të gazetës britanike The Times of London.

“Pastaj e pa serialin dhe personazhi i Patrullës Kufitare ishte kriminel. Greg u kthye në shtëpi jashtëzakonisht i zemëruar. Që atëherë ai thoshte: ‘Shok, dua të bëhem pjesë e Patrullës Kufitare.’”

Sipas një raporti të Chicago Sun-Times, babai i Bovinos, Mike Bovino, u përfshi në një aksident fatal në vitin 1981, duke vrarë një grua të re pasi “u përplas në mënyrë ballore me kamionin e tij në gjendje të dehur”.

Dokumentet gjyqësore tregojnë se gjyqtari urdhëroi Mike Bovino të vuante dënim në burgun shtetëror “për trajtimin e alkoolizmit të tij”. Ai u burgos për katër muaj dhe, sipas raportit, padia ligjore detyroi shitjen e barit familjar dhe të pronës ku ai ndodhej. Më vonë, nëna e Gregut, Betty Bovino, kërkoi divorcin, duke fituar kujdestarinë e tre fëmijëve të çiftit si pjesë e marrëveshjes.

Bovino iu bashkua Patrullës Kufitare të SHBA-së në vitin 1996, duke nisur karrierën e tij në El Paso, Teksas, një qendër kyçe për zbatimin e ligjit kufitar.

Gjatë dekadës pasuese, ai kaloi në role drejtuese të larta në të gjithë jugperëndimin, përfshirë Arizonën dhe Kaliforninë, si edhe në New Orleans në juglindje.

Së fundmi, Bovino është bërë një nga fytyrat më të njohura të zbatimit të ligjit të emigracionit në SHBA, pas rikthimit të Trumpit në Shtëpinë e Bardhë.

A u shkarkua Bovino?

Zëdhënësja e Departamentit të Sigurisë Kombëtare (DHS), Tricia McLaughlin, i mohoi thashethemet se Bovino ishte shkarkuar, duke deklaruar në një postim në platformën X se: “Shefi Gregory Bovino NUK është liruar nga detyrat e tij.”

Kush është Tom Homan, “cari i kufirit” i Trumpit që po shkon në Minneapolis?

Megjithatë, Bovino tani nuk po udhëheq më aktivitetet e ICE në Minnessota.

Në vend të tij, presidenti i SHBA-së, Donald Trump, ka caktuar Tom Homanin, të ashtuquajturin “car i kufirit”, për të marrë drejtimin e goditjes ndaj emigrantëve në këtë shtet të rajonit të Mesperëndimit.

Një zyrtar veteran i emigracionit amerikan me më shumë se katër dekada përvojë në zbatimin e ligjeve kufitare dhe të emigracionit, Homan, 64 vjeç, u bë figurë kyçe gjatë administratës së Barack Obamës, duke drejtuar njësinë e ICE-it për Operacionet e Zbatimit dhe Dëbimit. Kjo degë e ICE-it është përgjegjëse për gjetjen e personave me urdhra dëbimi dhe largimin e tyre nga vendi.

Në vitin 2015, gjatë presidencës së Obamës, Homan mori Çmimin e Rangut Presidencial, një nga nderimet më të larta për nëpunësit e lartë civilë.

Sipas raportimeve, në janar 2017, gjatë festës së daljes së tij në pension, zgjedhja e atëhershme e Trumpit për sekretar të Sigurisë Kombëtare, John Kelly, i kërkoi Homanit të qëndronte në ICE. Pas një fundjave reflektimi, Homan pranoi ofertën dhe u shndërrua në një figurë udhëheqëse të administratës së parë të Trumpit gjatë katër viteve të saj të trazuara.

Nën Obamën, SHBA-ja realizoi 432,000 dëbime në vitin 2013 shifra më e lartë vjetore që nga fillimi i regjistrimeve, deri në vitin 2025. Dëbimet gjatë administratës së parë të Trumpit nuk e kaluan kurrë shifrën 350,000. Por në dhjetor 2025, DHS njoftoi se administrata Trump kishte dëbuar mbi 600,000 persona në 11 muajt e parë pas rikthimit të tij në detyrë, ndërsa edhe 2.5 milionë persona të tjerë ishin “vetë-dëbuar” — kishin lënë vendin vullnetarisht. Si pasojë, për herë të parë pas dekadash, SHBA-ja pati emigracion neto negativ në vitin 2025.

Homan, të cilin Trump e punësoi për të mbikëqyrur sigurinë kufitare në mandatin e tij të dytë, ka qenë në qendër të goditjes së administratës ndaj emigrantëve. Tani, me emërimin në Minesota, fusha e veprimit të rolit të tij është zgjeruar duke përfshirë veprime kontroverse të ICE-it larg kufirit jugor.

“Po e dërgoj Tom Homanin sonte në Minesota,” shkroi Trump të hënën në Truth Social.
“Ai nuk ka qenë i përfshirë më parë në atë zonë, por njeh dhe i pëlqen shumë njerëz atje. Tom është i ashpër, por i drejtë, dhe do të raportojë drejtpërdrejt tek unë,” shtoi presidenti.

Cili është qëndrimi i Homanit ndaj emigracionit?

Kur u emërua “car i kufirit”, Homan u pa gjerësisht si një figurë që jo vetëm ndante pikëpamjet e ashpra të Trumpit, por sillte edhe përvojë të gjerë praktike në zbatimin dhe politikën e emigracionit.

Homan e paraqet emigracionin e paligjshëm si një çështje bardh e zi dhe nuk ka kërkuar falje për politikën e Trumpit që synon të gjithë personat në vend pa dokumentacion të rregullt.

“Nëse jeni në vend në mënyrë të paligjshme, duhet të shqetësoheni,” tha ai në një intervistë të vitit 2018 për agjencinë e lajmeve Associated Press.
“Kështu duhet të jetë. Ashtu si nëse unë shkel shpejtësinë në autostradë a shqetësohem se do të marr një gjobë? Ose nëse gënjen në deklaratën e taksave a shqetësohesh për një auditim?”

Por vetë Homan është përballur me akuza për paligjshmëri në shtator 2024, sipas raportimeve, ai u regjistrua duke pranuar një çantë që përmbante 50,000 dollarë cash nga agjentë të fshehtë të FBI-së. Homan dhe Shtëpia e Bardhë e Trumpit i kanë mohuar akuzat, por administrata deri tani nuk ka shpjeguar se çfarë ndodhi me paratë.

Ardian Ismajli shqetëson trajnerin e Kombëtares Sylvinho.

Klubi i Torinos njoftoi se, mbrojtësi kuqezi do të duhet të qëndrojë jashtë fushe për një periudhë jo të pakët kohe, për shkak të një dëmtimi.

Ai ka një problem në muskulin e kofshës së djathtë dhe duhet të ndjekë një program individual që të rekuperohet sa më shpejt.

Për mbrojtësin shqiptar, ky është dëmtimi i katërt muskulor gjatë këtij sezoni, dhe koha e rikuperimit vlerësohet rreth katër javë.

Më 26 maj, Shqipëria do të përballet me Poloninë në gjysmëfinalen e Play-off-it, të vlefshme për kualifikueset e Botërorit 2026. Nëse gjithçka shkon mirë, 29-vjeçari do të jetë gati në fillim të muajit mars. Por trajneri Silvinho dhe stafi i tij i tremben ndonjë ë papriture që mund të komplikojë situatën.

Ismajli është një nga lojtarët kyç të prapavijës kuqezi.

Por edhe trajneri i Torinos është i shqetësuar për shqiptarin. Ai nuk do ta ketë të disponueshëm për takimin delikat ndaj Lecces së Rrahmanit dhe Berishës, me “Granatat” që duan të lenë pas humbjen 6-0 ndaj Comos.

LEXO EDHE: Asllani ende pa skuadër, Ramadani gati rinovimin me Leccen

Stuhia Chandra ka shkaktuar përmbytje të mëdha në disa zona të Irlandës, me shërbimet e emergjencës që ndërhynë për të shpëtuar shoferë të bllokuar nga uji, veçanërisht në Dublin.

Gjatë natës ranë rreth 30 mm shi në kryeqytet, duke përmbytur rrugë dhe banesa.

Rreth 30,000 persona kanë mbetur pa energji elektrike, ndërsa disa akse rrugore janë mbyllur në mbarë vendin. Zona e Enniscorthy-t në Qarkun Wexford ishte ndër më të goditurat, pasi lumi Slaney doli nga shtrati.

Autoritetet kanë lëshuar paralajmërim të verdhë për reshje të dendura shiu deri në orën 23:00 në disa qarqe, si dhe një paralajmërim të veçantë për erëra të forta, duke u bërë thirrje qytetarëve të tregojnë kujdes dhe të ndjekin udhëzimet zyrtare.

Penalltia e akorduar në favor të Romës në ndeshjen e fundit ka vendosur një rekord negativ për Milanin në këtë sezon të Serie A.

Me 11-metërshin e shndërruar në gol nga Lorenzo Pellegrini, numri i penalltive të dhëna kundër “Djallit” ka shkuar në shtatë, duke e pozicionuar Milanin të vetëm në krye të kësaj renditjeje.

Menjëherë pas tyre renditen Napoli dhe Udinese me nga gjashtë penallti kundër, ndërsa Fiorentina dhe Lecce mbyllin pesëshen e parë me pesë të tilla.

Në skajin tjetër të tabelës, Interi dhe Lazio kanë pësuar vetëm dy penallti.

Renditja e penalltive kundër:

Milan: 7

Napoli: 6

Udinese: 6

Fiorentina: 5

Lecce: 5

Parma: 4

Pisa: 4

Sassuolo: 4

Torino: 4

Verona: 3

Bologna: 2

Como: 2

Cremonese: 2

Inter: 2

Lazio: 2

Atalanta: 1

Cagliari: 1

Genoa: 1

Juventus: 1

Uashingtoni nuk e ka përjashtuar një ndërhyrje të re ushtarake kundër Teheranit për shkak të shtypjes së protestave, të cilat sipas grupeve të të drejtave të njeriut panë mijëra persona të vrarë brenda pak ditësh.

Një grup aeroplanmbajtësesh, të udhëhequra nga “USS Abraham Lincoln”, kanë mbërritur tashmë në ujërat e Lindjes së Mesme, njoftoi Komanda Qendrore e SHBA-së, pa zbuluar vendndodhjen e saktë.

Që prej momentit kur Irani në fillim të këtij muaji nisi shtypjen e protestave, të shoqëruar me një bllokim total të internetit, presidenti amerikan Donald Trump ka dhënë sinjale të përziera mbi ndërhyrjen, të cilën disa kundërshtarë të udhëheqjes klerikale e shohin si të vetmen mënyrë për të sjellë ndryshim.

“Kemi një armatë të madhe pranë Iranit. Më të madhe se ajo pranë Venezuelës,” i tha Trump faqes së lajmeve Axios, disa javë pasi një veprim ushtarak amerikan çoi në kapjen e presidentit të vendit latino-amerikan, Nicolas Maduro.

Por ai shtoi: “Ata duan të bëjnë një marrëveshje. E di këtë. Kanë telefonuar në disa raste. Duan të flasin.”

Analistët thonë se opsionet përfshijnë sulme ndaj objekteve ushtarake ose goditje të synuara kundër udhëheqjes nën Ajatollah Ali Khamenei, në një përpjekje të plotë për të rrëzuar sistemin që sundon Iranin që nga revolucioni islamik i vitit 1979, i cili përmbysi Shah-un.

“Pika më e dobët”

Gazeta The New York Times raportoi ndërkohë se Trump ka marrë disa raporte të inteligjencës amerikane që “tregojnë se pozita e qeverisë iraniane po dobësohet” dhe sinjalizojnë se kontrolli i saj mbi pushtetin “është në pikën më të dobët” që nga rënia e Shah-ut.

Senatori amerikan Lindsey Graham i tha gazetës se kishte folur me Trump ditët e fundit për Iranin dhe se “qëllimi është përfundimi i regjimit”.

“Ata mund të ndalojnë vrasjet sot, por nëse janë në pushtet muajin tjetër, do t’i vrasin përsëri,” shtoi ai.

Zyrtarët iranianë gjatë ditëve të fundit janë shfaqur të kujdesshëm për të mos përshkallëzuar më tej situatën.

Teherani ka thënë më parë se ekziston një kanal komunikimi mes ministrit të Jashtëm iranian Abbas Araghchi dhe të dërguarit amerikan Steve Witkoff, pavarësisht mungesës së marrëdhënieve diplomatike mes dy armiqve.

Por gazeta konservatore Hamshahri citoi të martën zëdhënësin e Gardës Revolucionare, Mohammad Ali Naini, të ketë thënë se “nëse aeroplanmbajtësja e tyre do të gabonte dhe do të hynte në ujërat territoriale iraniane, ajo do të goditej”.

Gazeta tjetër konservatore Javan tha se Irani ishte “gati për një përgjigje të madhe” dhe do të bllokonte Ngushticën strategjike të Hormuzit, një nyje kyçe për furnizimet energjetike.

“Arrestime masive, frikësim”

Grupet e të drejtave të njeriut e kanë përshkruar shtypjen e protestave si më vdekjeprurësen ndonjëherë në Iran dhe paralajmërojnë se përpilimi i shifrave është vështirësuar nga bllokimi gati trejavor i internetit, që sipas tyre synon të fshehë përmasat e represionit.

Human Rights Activists News Agency (HRANA) tha se kishte konfirmuar vdekjen e 6,126 personave, përfshirë 5,777 protestues, 86 të mitur, 214 anëtarë të forcave të sigurisë dhe 49 kalimtarë. Por grupi, i cili ka një rrjet të gjerë burimesh brenda Iranit dhe i ka ndjekur protestat çdo ditë që nga fillimi i tyre, shtoi se po heton ende edhe 17,091 vdekje të mundshme të tjera.

“Të paktën 41,880 persona janë arrestuar“, thotë HRANA.

“Agjencitë e sigurisë vazhdojnë të ndjekin një qasje të përqendruar në arrestime masive, frikësim dhe kontroll të narrativës,” thuhet në deklaratë.

Aktivistët kanë akuzuar autoritetet se po bastisin spitalet për të gjetur protestues të plagosur dhe më pas t’i arrestojnë ata.

Gjatë fundjavës, kanali televiziv në gjuhën persiane Iran International tha se më shumë se 36,500 iranianë u vranë nga forcat e sigurisë mes 8 dhe 9 janarit, duke cituar raporte, dokumente dhe burime.

Sipas mediave, ngjarja ndodhi gjatë ceremonisë së mirëseardhjes, në momentin kur presidenti Tinubu po përshëndeste trupat. Pak çaste më vonë, ai humbi ekuilibrin dhe u rrëzua.

Me ndihmën e të pranishmëve, Bola Ahmed Tinubu u ngrit shpejt në këmbë dhe u konstatua se nuk kishte pësuar lëndime.

Pavarësisht incidentit të pafat, programi zyrtar vijoi normalisht pas një vonese të shkurtër.

Ka ndërruar jetë në Spitalin e Traumës në Tiranë njëri nga tre të rinjtë që u përfshinë në aksidentin e ndodhur më 19 janar në autostradën Milot–Mamurras, pranë fshatit Gjorm në Kurbin.

Drejtuesi i automjetit tip “Audi”, Albert Togu, nuk ka mundur t’u mbijetojë plagëve të marra si pasojë e aksidentit, duke humbur jetën tetë ditë pas ngjarjes.

Dy pasagjerët që udhëtonin me të, Albion Mamli dhe Romario Alija, ndodhen ende nën kujdesin e mjekëve, por fatmirësisht janë jashtë rrezikut për jetën.

Sipas informacioneve paraprake, automjeti tip “Audi” devijoi nga rruga dhe u përplas me barrierat anësore gjatë një tentative për të shmangur përplasjen me një mjet tjetër.

Ky i fundit drejtohej nga një person në gjendje të dehur, i cili është arrestuar nga policia.

Pas ndarjes së tij nga jeta, prindërit kanë kallëzuar në Prokurori mjekët e Spitalit të Traumës, duke i bërë përgjegjës për vdekjen e të birit.

Kujtim Togu, babai i 23-vjeçarit, ka deklaruar për mediat se djali i tij ka ndërruar jetë nga neglizhenca dhe se trupit të pajetë ende nuk i është bërë autopsia.

Sipas tij, mjekësia ligjore nuk mund të kryejë autopsinë pa kartelën e të ndjerit, e cila nuk është lëshuar ende nga Spitali i Traumës.

“Kam bërë një kallëzim në Prokurori se djali im ka ndërruar jetë nga neglizhenca e mjekëve, e kanë nënvlerësuar punën mjekët. Ato thonë që ka pësuar tromboze në zorrën e trashe, kur e bën operim thanë që kishin pankreasin, ishte i ënjtur, i skuqur dhe i ka krijuar shqetësime.

Të ishte ashtu, nuk krijon ndonjë probleme, kishte qenë i qartë, ata nuk e kanë kuptuar dhe ka helmuar organizmin.  E kanë kuptuar kur mori fund çdo gjë. Unë kërkoj që nesër kam shpallur varrimin, kërkoj të marr kufomën, t’i bëhet autopsia. Unë nuk e bëj varrimin dot pa kufomë, këta nuk ma japin.

Nxjerrin arsye pas arsye, ndjerin justifikime. Njëherë duhet kartela, njëherë nuk është kryeinfermieri, nuk e japin kartelën, nuk e di pse Spitali i Traumës nuk e jep kartelën”.

Irani ka reaguar ashpër ndaj paralajmërimeve të reja të Shteteve të Bashkuara për një prani të shtuar ushtarake në Lindjen e Mesme.

Zëdhënësi i Ministrisë së Jashtme iraniane, Esmaeil Baghaei, deklaroi se lëvizja e një anijeje luftarake amerikane nuk do ta dobësonte vendosmërinë apo aftësinë e Iranit për t’u mbrojtur.

“Siç e kemi treguar edhe më parë, përballë çdo agresioni apo kërcënimi, do të përgjigjemi me vendosmëri, me forcë të plotë dhe në mënyrë gjithëpërfshirëse. Forcat tona të armatosura kanë mësuar mirë se si të mbrojnë territorin e Iranit”.

Shtetet e Bashkuara po shtojnë aeroplanë luftarakë, sisteme të mbrojtjes ajrore dhe aeroplanmbajtës me mijëra trupa në Lindjen e Mesme, një lëvizje kjo që ka rritur tensionet me Iranin dhe mundësitë për veprime ushtarake.

Më herët, presidenti amerikan, Donald Trump, përsëriti paralajmërimet ndaj Teheranit që të mos vrasë protestues dhe të mos rifillojë programin bërthamor.

Përmes një njoftimi për shtyp, Policia e Shtetit njoftoi ekstradimin nga Zvicra të 37-vjeçarit Jozi Kraja, i cili në bashkëpunim me persona të tjerë, sipas Gjykatës së Posaçme (GJKKO),  ka pasur rolin e vëzhguesit, lokalizuesit dhe bashkëpunëtorit me qëllim vrasjen e e vëllezërve Durim dhe Valter Bami.

Sipas akuzës, Kraja dyshohet se për një periudhë 4-vjeçare, 2020-2024, ka siguruar kushte dhe mjete materiale për të kryer vrasjen e 2 vëllezërve Durim dhe Valter Bami.

SKEMA E GRUPIT

Në planifikimin e vrasjes për dy vëllezërit Valter dhe Durim Bami, të porositur nga ish-deputeti i PS-së, si shenjë hakmarrje për vrasjen e vëllait të tij Aleksandër Ndoka më 9 dhjetor 2017, u përfshinë edhe 14 persona të tjerë, mes tyre Ervis Martinaj, Emiljano Shullazi dhe djali i viktimës, Samuel Ndoka.

Por pavarësisht mobilizimit të disa prej emrave më të njohur të botës së krimit, plani për vrasjen e dy vëllezërve ka dështuar.

Ndërkohë, në bazë të përgjimeve të SkyEcc SPAK ka arritur të zbardhë rolet e secilit prej tyre në planin për eliminimin e Durim dhe Valter Bamit.

“Po krym punë me atë gru q**, të tjerët vdesin vetë”, thoshte në një bisedë të përgjuar ish deputeti Arben Ndoka, referuar Durim Bamit.

Pjesë nga dosja:

Referuar bisedave të realizuara nga përdoruesit e SkyECC të zhvilluara mes shtetasve Arben Ndoka “A09C41”, Samuel Ndoka “HRGZ7E”, Arian Tuku “4CSJQH dhe 4SV660”, Ervis Martinaj “NP8LS4”, Jozi Kraja “SGZE20”, Astrit Avdyli “TEDV40”, Arben Mërkuri “N8TA74”, Aldo Avdyli “Q1CTJT”, Gentian Bejtja “CSEC2N”, Emiljano Shullazi “U2BA3G”, Blerim Abazi “723877”, Elvis Ndreca “VGRF6O”, Gjin Ndoj “QPDLP7”, Naim Stafuka dhe persona të tjerë ende të pa identifikuar, del në pah organizimi i këtyre shtetasve me qëllim realizimin e vrasjes së shtetasve Durim Bami dhe Valter Bami. Evidentohen personat e interesuar për realizimin e vrasjes, financuesit, personat e angazhuar për lokalizimin e shtetasve Durim dhe Valter Bami, vendi ku do të strehohen ekzekutorët para vrasjes, vendi ku do të fshihen automjetet që do të përdorin ekzekutorët, personat që do të ndjekin gjithë lëvizjet dhe vendi ku do të kryhet ekzekutimi. Më konkretisht roli i secilit prej të dyshuarve në kryerjen e veprave penale është si më poshtë:

Shtetasi Arben Ndoka ka pasur rolin e financuesit, porositësit për vrasjen e shtetasve Durim dhe Valter Bami duke kontraktuar shtetasit Gentian Bejtja, Naim Stafuka, Arben Mërkuri, Aldo Avdyli dhe lidhjet e tyre. Vrasja do të kryhej në shenjë hakmarrje për vrasjen e vëllait të tij shtetasit Aleksandër Ndoka, e ndodhur më datë 09.12.2017.

Shtetasi Arian Tuku ka pasur rolin e organizuesit, financuesit dhe koordinimit të të gjithë aktorëve të përfshirë në këtë ngjarje, me qëllim realizimin e vrasjes së shtetasve Durim dhe Valter Bami.

Shtetasi Samuel Ndoka, ka pasur rolin e organizuesit, koordinimit të aktorëve në terren, kantaktin me ekzekutorët, sigurimin e armëve me qëllim ekzekutimin e shtetasve Durim dhe Valter Bami. Vrasja do të kryhet në shenjë hakmarrje për vrasjen e babait të tij shtetasit Aleksandër Ndoka, e ndodhur më datë 09.12.2017.

Shtetasi Ervis Martinaj, ka pasur rolin e financuesit, sigurimit të logjistikës dhe informacioneve për lokalizimin e shtetasve Durim Bami dhe Valter Bami.

Shtetasi Jozi Kraja, në bashkëpunim me persona të tjerë ka pasur rolin e vëzhguesit, lokalizuesit dhe bashkëpunëtorit me qëllim vrasjen e shtetasve Durim dhe Valter Bami.

Shtetasi Astrit Avdyli, ka pasur rolin e siguruesit të personave që do të kryenin vrasjen e shtetasve Durim dhe Valter Bami. Astriti ka angazhuar shtetasit Arben Mërkuri dhe Aldo Avdyli me qëllim realizimin e vrasjes për llogari të shtetasit Arben Ndoka.

Shtetasi Arben Mërkuri (ka ndërruar jetë në vitin 2022), ka pasur rolin e ekzekutorit të shtetasve Durim dhe Valter Bami për llogari të shtetasit Arben Ndoka.

Shtetasi Aldo Avdyli, ka pasur rolin e ekzekutorit të shtetasve Durim dhe Valter Bami për llogari të shtetasit Arben Ndoka.

Shtetasi Gentian Bejtja (ka ndërruar jetë në vitin 2024) ka pasur rolin e lokalizimit të shtetasve Durim dhe Valter Bami me qëllim vrasjen e tyre. Gjithashtu ky shtetas ka siguruar vendin ku fshihen automjetet që do të përdorin ekzekutoret dhe strehimin e tyre deri në momentin e kryerjes së vrasjes.

Shtetasi Naim Stafuka, në bashkëpunim me Gentian Bejtja kanë pasur rolin e lokalizimit të shtetasve Durim dhe Valter Bami me qëllim vrasjen e tyre për llogari të shtetasit Arben Ndoka. Gjithashtu ky shtetas ka siguruar vendin ku do të fshihen automjetet që do të përdorin ekzekutorët dhe strehimin e tyre deri në momentin e kryerjes së vrasjes.

Shtetasi Emiljano Shullazi, ka pasur rolin e sigurimit të informacioneve në lidhje me lokalizimin e shtetasve Durim dhe Valter Bami dhe informimin e shtetasit Arben Ndoka në lidhje me këto informacione.

Shtetasi Blerim Abazi, ka pasur rolin e sigurimit të informacioneve në lidhje me lokalizimin e shtetasve Durim dhe Valter Bami.

Shtetasi Elvis Ndreca, në bashkëpunim me persona të tjerë ende të paidentifikuar ka pasur rolin e vëzhguesit, lokalizuesit dhe bashkepunëtorit me qëllim vrasjen e shtetasit Durim Bami.

Shtetasi Gjin Ndoj, në bashkëpunim me persona të tjerë ende të paidentifikuar ka pasur rolin e lokalizuesit dhe bashkëpunëtorit me qëllim vrasjen e shtetasve Durim dhe Valter Bami.

Shtetasi Marklen Haka ka pasur rolin e sigurimit të informacioneve për lokalizimin e shtetasit Durim Bami me qëllim vrasjen e tij. Këta informacione Markleni i ndante me shtetasin Emiljano Shullazi.

Nga hetimet e deritanishme lidhur me këtë episod, rezulton se:

50. Më datë 07.01.2020 Emiljano Shullazi komunikon me shtetasin Marklen Haka dhe nga tërësia e bisedës dyshohet që Markleni e informon në lidhje me lëvizjet e një personi (i dyshuar Durim Bami) me makinë të blinduar ose Range Rover.

51. Më datë 10.01.2020, shtetasi Emiljano Shullazi komunikon me shtetasin Marklen Haka dhe nga tërësia e bisedës dyshohet që komunikojnë në lidhje me shtetasin Valter Bami i cili ka lëvizuar r makinë tip Range Rover. Emiljano Shullazi shprehet një moment që, kape qija ropt mos ja zgjat, ktu dhe robt që janë jashtë me fol kuptohet dhe e kanë pak problem me ardh në Nikël dhe me punë. Po të jem vetë e mbarojm aty tek dera e shtëpisë. Ky legeni që është ktu në burg Rraja ( Rraja) thot që Duri (Durim Bami) është më i fuqishmi aty, i bën reklamë.

52. Më datë 11.01.2020, shtetasi Emiljano Shullazi komunikon me shtetasin Marklen Haka dhe e j lidhje me Zajën (Albert Zaja), një person me emrin “Skënder” dhe një person me emrin “I Emiljano Shullazi i tregon që …në polici janë informacione sikur këto tre persona janë njerzit e vazhdimësi i kërkon që, …”ngreje” pak ktë Zajën (Albert Zaja) se ju aty tek bilardo e keni kollaj darkë nuk kapin mirë kamerat. Dyshohet se kërkon të angazhojë shtetasin Albert Zaja për të shtetasin Durim Bami.

53. Më datë 14.01.2020 Emiljano Shullazi komunikon me shtetasin Marklen Haka, ndër të tjera e …cfarë thot Tugu (dyshohet se i referohet shtetasit Flamur Haka alias Tuk Haka) dhe se në fillim hequr Duri (Durim Bami).

54. Më datë 18.01.2020 Emiljano Shullazi komunikon me shtetasin Marklen Haka të cilit ndër të jep porosi që mos t’ju ketë besë shtetasve Durim dhe Valter Bami duke ju shprehur … Vallahi zdi Marglen, e ca sbëjnë, po besë mos ki. Ulu pi kafe po shpinën mos jau kthe.

55. Më datë 06.03.2020, shtetasi Emiljano Shullazi komunikon me shtetasin Marklen Haka të cilit i tregon që …Ai Duri (Durim Bami) ishte ka cuar haber atij Nokës (Arben Ndoka) që të nxjerr kë të duash përvec Valterit dhe më jep garanci që e mbyllim bashkë. Në vazhdimësi dyshohet që shtetasi Marklen Haka i jep informacion në lidhje me automjetet dhe lëvizjet që kryen Durim Bami pasi përmendin automjetin e blinduar. Emiljano Shullazi i shkruan, …si tja bëjmë ma e kap kurvën….ma e rrjep ma e torturu, ishalla ta mbysin fort. Se tani ska blind që e ruan.

56. Më datë 06.03.2020 Emiljano Shullazi komunikon me shtetasin Arben Ndoka dhe ndër të tjera i jep informacion në lidhje me lëvizjet që kryen shtetasi Durim Bami me qëllim që Arbeni të marrë masa për vrasjen e tij….po më thot tani që rrin aty tek Oxhaku shumë dhe del edhe pa blind, tek lokal Artisti dhe më shumë se 20 minuta nuk rrin. Rrin me cunin e xhajës së vet, atë Kocin. (Gentian Koci) dhe Ervin Kodra nga Tapiza. Eshtë fol me nja dy veta dhe ishalla e bëjnë (e vrasin). Don terezi ai mut se del një ditë dhe rrin një javë pa dalë, shofim mos po i vjen ora. Unë jam tek cili variant të dali më para, vetëm të iki. Se do dalin të gjitha pastaj, kush ka dhënë dhe kush ka gjuajtur. I flet Valteri të gjitha pastaj sa ti thuash e ke rradhën ti.

Referuar verifikimeve të kryera në sistemin TIMS, konkretisht në rubrikën hyrje-dalje rezulton se shtetasi Ervin Kodra i dtl. 01.04.1985 ka udhëtuar me të njëjtin automjet me targa AA912RB me shtetasin Durim

Bami i dtl. 29.10.1979 me datë 22.07.2018 duke kaluar në P.K.K. Hani Hotit në dalje. Referuar verifikimeve të kryera në sistemin TIMS, konkretisht në rubrikën hyrje-dalje rezulton se shtetasi Gentjan Koçi i dtl. 25.08.1993 ka udhëtuar me të njëjtin automjet me targa AB250AV me shtetasin Durim Bami i dtl. 29.10.1979 duke kaluar në P.K.K Morinë më datë 16.11.2022 në dalje dhe më datë 17.11.2022 duke kaluar në P.K.K. Morinë në hyrje.

57. Më datë 06.03.2020, shtetasi Emiljano Shullazi komunikon me shtetasin Marklen Haka dhe dyshohet se diskutojnë në lidhje me vrasjen e shtetasit Durim Bami, ndër të tjera Emiljano Shullazi i shkruan, …ca duket do e kapin ato cunat atë qelbësirën? Hë pra thuaj shpejt. Lir Pajës (Ilir Paja) i tham ne për Durin (Durim Bami) atëherë që folëm bashkë por ai ska takat e ka mendjen ke malli.

58. Më datë 24.03.2020 Emiljano Shullazi komunikon me shtetasin Marklen Haka dhe dyshohet se diskutojnë në lidhje me lokalizimin e shtetasit Durim Bami…po ca nuk del fare në lagje ai plehra. Me ca makine del kuvra, po Valteri ca thot?

59. Më datë 06.04.2020, shtetasi Arben Ndoka komunikon me shtetasin Arian Tuku ku dyshohet që komunikojnë në lidhje me organizimin e vrasjes së shtetasit Durim Bami, duke përdorur metodën me ndërrim me një person tjetër të cilit i drejtohen me emrin “Daja”. Arian Tuku i shkruan,…jam duke u mundu me bo një far dallavereje me stil me dajën me i dhanë “qenin” dhe me thirr Durin ai. Por jam duke ja xhiru avash avash, me ba ndrrim. Se daja ka nejt 2-3 herë me Durin dhe i ka bo ndere, daja Durit. Arbeni i shkruan, …cfarë thot daja, Bardhi? Arjani i shkruan që,…I kanë pas lek borxh Durit disa Shkodranë në Itali dhe daja i ka marrë në telefon dhe ato ja kanë dhanë lekt Durit. Tani kam vazhdu si me stil me i thanë, një fjalë sot një fjalë mbas 3 ditsh. Apo don me i dhanë edhe Bardhokun paketë, të dy.

60. Më datë 07.04.2020, shtetasi Arben Ndoka komunikon me përdoruesin e paidentifikuar dhe diskutojnë për shtetasin Durim Bami të cilin e dyshojnë si të përfshirë tek vrasja e shtetasit Aleksandër Ndoka. Përdoruesi i paidentifikuar shkruan, …e di që ka thënë se ju bëj be, kur kto të dy dun me ba be, kush karin na e bëri, kush është ai që vazhdon me na ngatërru dita ditës. Nëse ai se ka bërë, as Duri jo. Pse na kanë cu me u përplas me to, kush na coj dhe pse e ka bere, pidh nane që i jep dum ska. Arbeni Ndoka shprehet, …Kto jan dora o vlla gjith ca thu ti, Kshu ja kan ba dhe Milit kto. I kan then bejm be anej knej, E kur mori Strafugen (Enver Stafuka) peng, nxorri cdo gjë Mili. Duhet me ju turrë, ma e kput. Them që e kena një person me ma dhen info për të e ta vizitojmë. Arben Ndoka në vazhdimësi i tregon që ka dijeni për vendndodhjen e Durim Bamit dhe se e ka bërë një plan por do t’ja tregoj sapo të takohen.

61. Më datë 16.04.2020, shtetasi Emiljano Shullazi komunikon me shtetasin Marklen Haka dhe dyshohet se diskutojnë në lidhje me vrasjen e shtetasit Durim Bami dhe Emiljano shprehet që …mbase i vjen ora kurvës, mos me prit mu me dal, se brënda javës ja qi lëkurën, vetëm ma qit aty te lumi.

62. Më datë 20.04.2020 Emiljano Shullazi komunikon me shtetasin Marklen Haka dhe dyshohet se diskutojnë në lidhje me lokalizimin e shtetasit Durim Bami. Ndër të tjera Emiljano Shullazi e pyet …Ai (Durim Bami) me cfarë është duke lëviz, me atë Renxhin me targa Italiane? Po me cfarë targash e mban? Me të rejat? Sa e ka targën? Duhet me rujt edhe Bedriun. Me ca makine kishte ardhur në Tiranë? Po Blindin e mori atë audin?

63. Më datë 19.05.2020, shtetasi Arben Ndoka komunikon me shtetasin Blerim Abazi dhe ky i fundit i jep informacion për lokalizimin e Durim Bami dhe lidhjet e tij duke i shkruar, …Sot kam qit nipin me pa se ku rrin, ose tek Elda ose te Kastrati janë pikat kyqe. Aty ndihet i sigurtë. Neve na duhet një aty afër shtëpisë së tij….Bedriu i vogel i qet në prit por lek. Por nuk e di kë mi fut. Po ta shofim a del, mos të rrim kot. Po pra, se ai rrin shumë mbyll. Kshu më pëlqen mos i zëm të dy në një makin. Aty i djegim ne, kemi kohë sa duash, na shef zoti.

64. Më datë 20.05.2020, shtetasi Arben Ndoka komunikon me shtetasin Blerim Abazi dhe ky i fundit i jep informacion për lokalizimin e Durim Bami, gjithashtu i tregon vende ku mund të realizohet pritë dhe vendin ku mund të fshehin automjetin që do të përdoret me qëllim realizimin e vrasjes. Sa më sipër i shkruan, …Ne Urë të Gjoles kemi një shtëpi për ma e ruajt përballë Eldës kur vjen 3 minuta larg, është në anësore. Po aty me vepru shpejt. Makinë kur të don me armë, te garzhi im. Po krym pun me atë gru qim Du (Durim bami) të tjerët vdesin vetë. Na thuj kur ke kohë, të vijm ne 4 vëllezërit aty, pim dicka. Po nga kodra sipër e kap thu në oborr me snaiper. Kemi edhe një rrugë të mirë që të nxjerr te Ura e Gjoles në Thumanë.

65. Më datë 21.05.2020, shtetasi Arben Ndoka komunikon me shtetasin Arian Tuku i cili i ankohet për shtetasin Samuel Ndoka (nipi i Arben Ndoka) sepse po flet shumë dhe ju ka treguar personave të ndryshëm që është duke marrë informacion nga shtetasi Emiljano Shullazi në lidhje me lokalizimin e shtetasit Durim Bami. Arian Tuku shkruan, … nipi, palla si mban gja goja i ka thënë “kapeles” (i referohet Astrit Avdyli) qe është duke na dhënë info Mili. Kapelja i ka then Milit qe jan flak djemt e Sandrit dhe nipi i ka tregu dhe Gjinit. … tani mendimi im është ky, nipit i ka rrëshqit goja me Gjinin, ky ka shku tu fol te baba te Visi, dhe Visi do i ket shkruj Milit.

ATENTATI NDAJ DURIM BAMIT, NËNTOR 2020

Sipas dosjes hetimore, plot 13 plumba automatiku janë derdhur mbi automjetin “Range-Rover” me targa italiane, që drejtohej nga Durim Bami, por ekzekutimi i këtij personi, sërish nuk është arritur të kryhet nga kundërshtarët.

Bami, fatmirësisht ka mundur të shpëtojë pa pasur asnjë lëndim, megjithëse në makinën që ai drejtonte janë futur 6 predha kallashnikovi, ku njëra prej tyre ka plagosur në krahun e djathtë djalin e hallës së Bamit, Ervin Kodrën.

Në atentatin e datës 4 nëntor, tre persona që besohet se kanë qenë të veshur si policë, kanë tentuar të vrasin me armë zjari, Durim Bamin nga Nikla, njërin nga personat më të njohur të botës së krimit në vend.

Ky i fundit ishte duke drekuar në fshatin Qerek me kushëririn e tij, ku pasi kanë mbaruar drekën në një lokal afër Rinasit, kanë vendosur të kthehen në Fushë-Krujë.

Por në ecje e sipër, makina me targa italiane “Range-Rover”, që drejtohej nga Durim Bami, është qëlluar me breshëri automatiku, plot 13 herë. 6 predha kanë prekur pjesë ballore të automjetit, i cili është qëlluar në lëvizje e sipër. Ndërkohë makina tip “Golf 5” e autorëve ka qenë e parkuar në rrugë.

Goditja ka qenë shumë e mirëorganizuar dhe dyshohet se Durim Bami, është mbajtur në vëzhgim për një periudhë kohe, duke organizuar pritën kundër tij, pikërisht në vendin e quajtur ura e Tapizës.

Në rrëfimin e të plagosurit Ervin Kodra, thuhet se Durim Bami, ka mundur të manovrojë me shpejtësi makinën, duke hyrë në anën tjetër të rrugës dhe më pas të përplaset në murin rrethues të një biznesi që merret me tregtimin e mermerit.

Ky filmim tregon momente nga rrëshqitjet masive të tokës që kanë prekur qytezën e Nishemit, në jugperëndim të Siçilisë.

Prej të dielës, qyteza e ngritur në një pllajë mbi 300 metra mbi nivelin e detit po përballet me rrëshqitje të tokës që mëngjesin e kësaj të hëne u intensifikuan dhe kanë arritur buzë shtëpive të banorëve, duke shembur disa prej tyre e duke rrezikuar të tjera, siç duket edhe në këto pamje.

Autoritetet kanë evakuuar deri më tani rreth 1 500 banorë dhe kanë krijuar një zonë sigurie rreth 150 metra, në drejtimin nga po përparon rrëshqitja e tokës.

Rrëshqitjet kanë prekur një hapësirë prej 4 kilometrash dhe kanë krijuar një greminë me thellësi 6 metra.

Ekipet e emergjencës janë vënë në gatishmëri për t’u ardhur në ndihmë të gjithë banorëve të qytetit, të cilët nuk e fshehin irritimin për këtë situatë.

“Është katastrofë, është rrënuar gjithçka. Për 30 vite këtu, nuk është bërë asgjë për të siguruar zonën. Na bindën të investojmë këtu dhe tani jemi në mëshirë të fatit”, tha një banor.

Kjo nuk është hera e parë që qyteza përballet me situata të tilla, pasi toka përbëhet nga një lloj argjile e butë. Një tjetër rrëshqitje e madhe ndodhi edhe në vitin 1997.

Dy të rinj, 20 dhe 24 vjeç, janë arrestuar dhe janë lënë në paraburgim në lidhje me vrasjen e një shoferi taksie në qytetin Geel të Belgjikës, bëri të ditur Prokuroria e Antverpit.

Vendimi për masën e sigurisë u mor nga gjyqtari hetues, ndërsa hetimet vijojnë për zbardhjen e plotë të ngjarjes.

Viktima është shtetasi shqiptar Marko Beka, 45 vjeç, banues në Geel dhe me profesion taksist. Ai u qëllua për vdekje me armë zjarri mbrëmjen e së premtes, rreth orës 21:00, pranë një parku pas kishës në fshatin Larum, teksa ndodhej në bisedë me disa pasagjerë.

Pavarësisht ndërhyrjes së shërbimeve të emergjencës, Beka nuk mundi t’u mbijetonte plagëve të marra.

Ai la pas bashkëshorten dhe tre fëmijë.

Sipas autoriteteve belge, dyshohet se ngjarja ka nisur pas një debati që ka dalë jashtë kontrollit.

Prokuroria ka bërë me dije se viktima “nuk ishte zgjedhur rastësisht”, por motivi i saktë i krimit mbetet ende i paqartë. Nuk është konfirmuar nëse bëhet fjalë për një përplasje spontane apo për një akt të paramenduar.

Zona e ngjarjes u rrethua për disa orë, ndërsa në vend mbërritën hetuesit, laboratori kriminalistik dhe mjeku ligjor.

Prokuroria e Antverpit ka deklaruar se hetimet po vijojnë intensivisht për të sqaruar rolin e secilit të dyshuar dhe rrethanat e plota të vrasjes.

Befasia e merkatos së janarit ka ndodhur në aksin Barcelonë–Paris.

Kampionët e Europës kanë transferuar talentin e katalanasve, Dro Fernandez, i formuar në akademinë “La Masia” dhe që në këtë sezon bëri debutimin me Barçën. Ai shihej si ylli i së ardhmes dhe si lojtari që mund të bënte epokë me fanellën blaugrana.

Por 18-vjeçari spanjoll kërkonte më shumë minuta dhe ishte i pakënaqur me ekipin katalanas, duke lënë të hapura dyert e një largimi.

Sapo PSG e mësoi këtë fakt, ishte gati të paguante klauzolën e tij prej 8.5 milionë eurosh për ta vendosur në shërbimet e trajnerit Luis Enrique.

Gjithçka ka ndodhur shumë shpejt dhe lojtari ka dalë në stërvitje me PSG-në.

Dro ka firmosur një kontratë deri në vitin 2030 me kampionët e Europës dhe shpreson që në Paris të marrë minutat që nuk iu premtuan nga trajneri Flik te Barcelona.

Kjo nuk është hera e parë që shumë lojtarë të talentuar largohen nga katalanasit që në hapat e parë të karrierës, pasi mendojnë se aty nuk do të kenë hapësira. Pike, Fabregas, Erik Garcia dhe Dani Olmo kanë qenë disa të tjerë, por të gjithë janë rikthyer.

“Boot Düsseldorf” është një nga panairet më të mëdha dhe më prestigjioze ndërkombëtare në botë për industrinë e anijeve dhe jahtingut.

Çdo vit, në qytetin e njohur gjerman mblidhen kompani dhe marka nga e gjithë bota për të prezantuar risitë dhe teknologjitë më të fundit të industrisë detare.

Panairi është shndërruar ndër vite në një traditë ndërkombëtare dhe një pikë referimi për profesionistët dhe investitorët e sektorit.

Edicioni i këtij viti u veçua edhe për praninë shqiptare, e cila solli inovacion dhe vizion të ri.

Një nga risitë më interesante ishte “Jet Car Albania”, një koncept inovativ i automjeteve që lëvizin mbi ujë, duke kombinuar dizajn modern dhe teknologji të avancuar.

Gjithashtu, nën një brand zviceran, u prezantua Leo Ibrahimi, bashkëpronar i “Ganz Yachting”, kompani e specializuar në shitjen dhe dhënien me qira të jahtëve luksozë.

Në panair ishte i pranishëm edhe “Albania – Yacht Charter”, përfaqësuar nga Aldi Bozaxhiu, i cili ndau informacione mbi zhvillimet dhe potencialin e industrisë së jahtingut në Shqipëri dhe rritjen e interesit për turizmin detar.

“Boot Düsseldorf” konfirmoi edhe një herë se industria detare po zhvillohet me ritme të shpejta dhe se përfaqësimi shqiptar po fiton gjithnjë e më shumë vëmendje në tregun ndërkombëtar.

Për të sjellë më afër teleshikuesve shqiptarë, gazetarja dhe autorja e emisionit “Përtej Kufijve”, Marlbora Gurra, ishte e pranishme në event duke sjellë zërin e protagonistëve shqiptarë të “Boot Düsseldorf”.

Puntata e plotë e emisionit “Përtej kufijve”:

Gjykata e Tiranës ka lënë të lirë 19 protestuesit e arrestuar pas protestës së 24 janarit.

Gjatë seancës së masës së sigurisë, prokuroria kërkoi “arrest me burg” për 5 persona, për 5 të tjerë u kërkua “arrest shtëpie” dhe për 9 të tjerë u kërkua “detyrim me paraqitje”.

Në fund të seancës, Gjykata e Tiranës caktoi masën “detyrim paraqitje”, duke lënë të lirë të 19 personat e arrestuar në mënyrë të paligjshme nga policia.

Deputeti Klevis Balliu i quajti akuzat shpifje, ndërsa deklaroi se, policia do të mbajë përgjegjësi për veprimet e saj.

“Arrestimi i patolerueshëm, kriminal, terrorist, i një 10 vjeçari i cili u mor zvarrë nga 5 narkopolicë të Ilir Prodës, që është një turp për Policinë e Shtetit dhe gjithë shtetin, faktoi përfundimisht se këta të kapur nga frika që i ka pllakosur, nuk dinë më çfarë bëjnë aq sa shoqëruan dhe arrestuan edhe një njeri të vetin, që ishte pjesë e strukturave të PS-së. Sepse këta nën frikën e sovranit nuk shikojnë më nga sytë. I garantoj se për dhunën dhe gazin e hedhur në rrugët e Tiranës, ata do të mbajnë përgjegjësi direkte”, deklaroi Balliu.

Për avokaten Eda Grimci ‘nuk kishte asnjë provë speficike që faktonte veprimet penale’, për asnjërën prej tyre.

“Pasi u njohëm me dosjet, pamë që nuk kishte asnjë provë ndaj tyre. Bëhej fjalë për prova të marra nga pamje filmike, që nuk kishin lidhje me të arrestuarit. Por edhe kjo ishte vetëm për 5 raste, për 14 raste të tjera nuk kishte as pamje filmike, as foto, por kishte vetëm një raport shërbimi ku në një rast firmosin 4 oficerë policie dhe në një rast 7 vetë dhe këto konsideroheshin si provë. Por këto nuk mund të konsiderohen të tilla, pasi në një vendim të Gjykatës së të Drejtave të Njeriut kundër Shqipërisë, ka saktësuar se masat nuk duhet të tejkalojë faktin dhe në asnjë rast nuk mund të konsiderohet e ligjshme, dhe nuk mund të kërkohet ‘arrest me burg’ kur nuk ka asnjë provë që fakton veprimin konkret. Bëhej fjalë për dyshime”, avokatja Edi Grimci në deklaratën para gjykatës.