Detaje të reja janë zbardhur lidhur me hetimet e vrasjes së 23-vjeçarit Renis Dobra, i cili u gjet i pajetë pranë liqenit të Shkopetit. Sipas gazetarit Enver Doçi, Prokuroria e Dibrës po heton në dy pista që lidhen me aktivitetin e të riut në Gjermani dhe në Shqipëri. Gjithashtu bëhet me dije se Dobra ka qenë i dënuar me burgim për disa muaj nga autoritetet gjermane dhe dyshohet se ka qenë i përfshirë në trafikimin e lëndëve narkotike.

Konkretisht pista e parë e hetimit ka të bëjë me dënimin e Dobrës në Gjermani dhe lidhjet që ka pasur me persona të tjerë gjatë qëndrimit në këtë shtet. Ndërsa pista e dytë ka të bëjë me konflikti që ka pasur në Tiranë me të rinjtë e tjerë në Tiranë.

Siç raportohet Dobra është rikthyer në Shqipëri rreth 6 muaj më parë, ndërsa nga hetimet e prokurorisë rezulton se 23-vjeçari 1 muaj më parë ka qenë në Tiranë dhe është përfshirë në një sherr me disa të rinj. Por pista kryesore e hetimit mbetet Ddyshimet për përfshirjen e 23-vjeçarit Renis Dobra në trafikimin e lëndëve narkotike në Gjermani.

Gjithashtu dëshmia e babait të Renisit mund të hedhë dritë mbi të vërtetën pasi ka qenë personi i fundit që ka komunikuar me 23-vjeçarin. Po ashtu bëher me dije se më 8 korrik rreth orës 21:36 Renisi i ka dërguar një mesazh babait të tij, ku e ka pyetur për një darkë familjare. Rreth 300 metra larg banesës së familjes Dobra, te afërm te tyre qe kanë qenë me makinë pas 23-vjeçarit kanë parë që disa persona që dyshohet se janë prezantuar si policë kanë marrë me vete te riun.

Aty menjëherë kanë njoftuar babane e djalit i cili është nisur për në Policinë e Matit, për të pyetur nëse djali i tij ishte shoqëruar nga policia. Pasi policia mohoi të ketë shoqëruar të riun, babai i djalit ka kryer një kallëzim për zhdukjen e tij dhe më pas është kthyer sërish në fshatin Zenisht. Mëngjesin e 9 korrikut babai i 23-vjeçarit është nisur drejt rrugës Burrel-Milot, ku tek Ura e Ulzës ka gjetur një prej pandoflave të djalit.

Rreth 2 km nga Ura e Ulzës, në rrugën që të çon drejt Milotit ka vërejtur që një makinë ka dalë nga rruga. Babai ka dyshuar se ka qenë makina e tij, ndërsa një banor i zonës i ka pohuar se ka dëgjuar zhurmën e rrëshqitjes së mjetit në zonë. Më pas kanë njoftuar policinë, e cila gjeti buzë Liqenit të Shkopetit trupin e pajetë të 23-vjeçarit Renis Dobra.

The post Vrasja e Renis Dobrës/ Disa persona dyshohet se iu prezantuan si policë, zbardhen pistat e hetimit të prokurorëve appeared first on Sot News | Lajme.

Detaje të reja zbardhen nga hetimet e grupit hetimor që po heton shkaqet e vrasjes së 23-vjeçarit nga fshati Zenisht i Matit.

Mediat raportojne se dy makina Range Rover dyshohet kanë ardhur nga Rrësheni për të marrë peng 23-vjeçarin Renis Dobra.

The post Vrasja e 23-vjeçarit nga Mati, autorët dyshohet se erdhën me 2 makina Range Rover nga Rrësheni… (Detaje) appeared first on Sot News | Lajme.

Palombarët e forcave RENEA kanë arritur të nxjerrin nga ujërat e liqenit të Shkopetit automjetin e 23-vjeçarit Renis Dobra, i cili u gjet i vrarë.

Sipas ekspertizës, i riu ka humbur jetën nga asfiksia, çka përforcon pistën se ai është mbytur me qëllim.

Pritet që ekspertët e kriminalistikës, të sigurojnë prova shtesë në lidhje me ngjarjen përmes automjetit të viktimës.

Sakaq, policia dhe prokuroria po vijojnë hetimet për të identifikuar autorët dhe motivin e krimit.

The post Zbardhen detaje nga tragjedia në Mat/ Palombarët nxjerrin makinën e 23-vjeçarit nga liqeni i Shkopetit appeared first on Sot News | Lajme.

Komisioni i Konkurrencës ka monitoruar tarifat për tërheqjet në bankomatet në bashkinë Sarandë, ku ka konstatuar disa problematika si mungesë transparence, tarifim jo të harmonizuar për kartëmbajtësit e huaj dhe probleme me rrjetet e nënkontraktuara të bankomateve, që shpesh rezultojnë me tarifa më të larta dhe pa informacion të mjaftueshëm për konsumatorin.

Për këtë arsye, Komisioni i kërkon Bankës së Shqipërisë të kontrollojë mënyrën e përllogaritjes së tarifave, të sigurojë publikim të unifikuar dhe të rregullt të tyre, si dhe të shqyrtojë nevojën për ndërhyrje rregullatore për të parandaluar tarifat e padrejta.

Njoftimi i plotë:

Komisioni i Konkurrencës, në vijim të monitorimit të tregut të shërbimeve bankare në pajisjet ATM, shqyrtoi komisionet e aplikuara nga bankat e nivelit të dytë për tërheqje në bankomate në territorin e Bashkisë Sarandë.

Monitorimi u realizua në përmbushje të detyrimeve që rrjedhin nga Rezoluta e Kuvendit të Shqipërisë dhe përfshiu të dhëna të marra nga të gjitha bankat e licencuara në vend, sipas listës së publikuar nga Banka e Shqipërisë.

Nga vlerësimi i të dhënave rezulton se nuk janë konstatuar praktika të kundraligjshme që cenojnë konkurrencën, por është evidentuar:

– një nivel i ulët transparence mbi tarifat;
– mungesë e harmonizimit për tarifat e aplikuara ndaj kartëmbajtësve të huaj, dhe;
– problematika lidhur me përdorimin e rrjeteve të nënkontraktuara të bankomateve.

Për këto arsye, me Vendimin nr. 1193, datë 26.06.2025, Komisioni i Konkurrencës i ka rekomanduar Bankës së Shqipërisë që të ndërmarrë masat e mëposhtme:

1. Të kontrollojë metodologjinë e përllogaritjes së komisioneve për tërheqje në bankomate, përfshirë komisionet për kartëmbajtësit e huaj dhe aplikimin e ‘mark-up’-it në shërbimin e këmbimit dinamik të valutës (DCC);

2. Të kërkojë raportim periodik dhe publikim të komisioneve në një format të unifikuar, lehtësisht të aksesueshëm nga publiku, si në faqet e bankave ashtu edhe në faqen e Bankës së Shqipërisë;

3. Të shqyrtojë nevojën për ndërhyrje rregullatore, bazuar në gjetjet e kontrolleve, në lidhje me përdorimin e rrjeteve të nënkontraktuara të bankomateve dhe parandalimin e aplikimit të komisioneve disproporcionale.

The post Tarifat që marrin bankat nga bankomatet në Sarandë/ Komisioni i konkurrencës i kërkon ndërhyrje BSH-së appeared first on Sot News | Lajme.

Një 22-vjeçar ëzhtë mbytur në ujërat e lumit Mat.

Klajdi Elezi është futur për t’u larë në ujërat e lumit Mat pranë zonës së Shkopetit, por mendohet se ka pësuar atak kardiak.

Në vendngjarje kanë mbërritur policia dhe mjekët e spitalit të Laçit.

The post E rëndë/ Mbytet 22-vjeçari në lumin Mat (Emri) appeared first on Sot News | Lajme.

I ftuar në një studio televizive Ish-kreu i Komisionit Qendror të Zgjedhjeve, Kristaq Kume theksoi se gjatë çdo procesi zgjedhor janë hasur sjellje të ndryshme problematike, të cilat në fillim ishin të papranueshme dhe nuk pritej të ndodhnin.

Kume, komentoi gjithashtu rëndësinë dhe vështirësitë e procesit zgjedhor në Shqipëri, duke kritikuar ashpër sjelljen e politikës shqiptare në lidhje me këtë proces. “Në kohën e parapërgatitjes së legjislacionit ishte e vështirë të mendohej se mund të ndodhte një gjë e tillë dhe më pas të ndërtoheshin barrierat ligjore për t’i parandaluar,” – u shpreh ai.

Megjithatë, Kume shtoi se “politikanët shqiptarë kanë tendencën të jenë shumë ‘qerratallarë’ në gjetjen e zgjidhjeve që u interesojnë atyre maksimalisht, pa u shqetësuar fare për efektet negative që kjo sjellje mund të ketë në integritetin e procesit zgjedhor”.

Kristaq Kume:

Në çdo proces zgjedhor jemi ndeshur me mënyra të ndryshme sjellje deri atje sa në kohën e parapërgatitjes së legjislacionit ishte e vështirë të mendohej se mund të ndodhet një gjë e tillë dhe më pas të ndërtoheshin barrierat ligjore për ti parandaluar. Thënë kjo, unë përsëris atë që politikanët tanë janë shumë ‘qerratallarë’ për të gjetur ato zgjidhje që ju interesojnë në maksimum atyre dhe nuk kujdesen fare se çfarë efekte ka në proces.

The post Manipulimi zgjedhor/ Reagon ashpër ish-kreu i KQZ: Kërkojnë zgjidhje që i interesojnë vetëm atyre, politikanët janë… appeared first on Sot News | Lajme.

Në kuadër të operacionit “Firemen”, shërbimet e Komisariatit të Policisë Mat zbardhën autorësinë e rastit. Si rezultat i hetimeve të thelluara, të kryera menjëherë pas denoncimit të një 30-vjeçari, se i kishin djegur automjetin, gjatë orëve të para të mëngjesit të datës 01.06.2025, në Burrel.

Gjatë operacionit u identifikuan autorët e dyshuar, shtetasit Egri Koçi (Hani), 24 vjeç, banues në fshatin Zenisht dhe J. S., 25 vjeç, banues në Burrel. Shërbimet e Policisë kapën dhe vunë në pranga 24-vjeçarin dhe vijojnë punën për kapjen e shtetasit Jurxhin Sada.

Gjithashtu, në lidhje me këtë rast, nisi procedimi në gjendje të lirë për shtetasin R. K., 23 vjeç, banues në Burrel, për veprën penale “Moskallëzimi i krimit”. Materialet procedurale iu referuan Prokurorisë së Dibrës, për veprime të mëtejshme.

The post Finalizohet operacioni policor “Firemen”/ Dogjën automjetin në Mat, arrestohet një nga autorët shpallet në kërkim… appeared first on Sot News | Lajme.

Pranë KZAZ 16, caktimi nga ana e PD e disa komisionerëve të qendrave të votimit, për Partinë Socialiste ka sjellë problem sepse e kanë denoncuar si rast.

U kërkua largimi i menjëhershëm i tyre nga komisionet si dhe procedimi për deklarim të rremë. Sipas tyre këta komisionerë janë me precedentë penal dhe të dënuar nga organet e drejtësisë.

PS Mat i bën thirrje strukturave shtetërore të hetojnë dhe vënë para përgjegjësisë personat problematikë me ligjin.

The post “Strukturat shtetërore të hetojnë rastin”/ PS Mat denoncon: Komisionerët e PD në KZAZ 16 janë me precedentë penal appeared first on Sot News | Lajme.

Një 50-vjeçar është arrestuar këtë të mërkurë në Korçë pasi goditi me gur xhamin e një bankomati. Nga verifikimet rezultoi se ky shtetas ishte shpallur në kërkim nga Komisariati i Policisë Lezhë, për veprën penale “Shkatërrimi i pronës” dhe ishte proceduar penalisht disa herë, për këtë vepër penale.

Njoftimi i policisë:

Shërbimet e Komisariatit të Policisë Korçë, menjëherë pas marrjes së njoftimit se në lagjen nr. 9 Korçë, një shtetas kishte goditur me gur, bankomatin e një banke të nivelit të dytë, kanë organizuar punën për identifikimin dhe kapjen e tij. Si rezultat i veprimeve të shpejta hetimore, bazuar dhe në informacionet e siguruara në rrugë operative, specialistët për Hetimin e Krimeve të Komisariatit të Policisë Korçë identifikuan dhe arrestuan në flagrancë shtetasin V. N. alias P. N., 50 vjeç, banues në Pukë, për veprën penale “Shkatërrimi i pronës”.

Nga verifikimet rezultoi se ky shtetas ishte shpallur në kërkim nga Komisariati i Policisë Lezhë, për veprën penale “Shkatërrimi i pronës” dhe ishte proceduar penalisht disa herë, për këtë vepër penale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

The post Goditi me gur xhamin e një bankomati, identifikohet dhe arrestohet 50-vjeçari appeared first on Sot News | Lajme.

Njoftimi i policisë:

Mat/Finalizohet operacioni policor i koduar “End”.

Kapet dhe ndalohet 57-vjeçari, i dënuar nga GJKKO me 2 vjet e 4 muaj burgim për veprën penale “Prodhimi dhe shitja e narkotikëve”. Shërbimet e Komisariatit të Policisë Mat në bashkëpunim me specialistët e Sektorit për Hetimin e Krimeve të DVP Dibër, në vijim të punës për kapjen e personave të shpallur në kërkim dhe vënien e tyre para përgjegjësisë ligjore, bazuar dhe në informacionet e marra në rrugë operative, për vendndodhjen e një shtetasi në kërkim, organizuan dhe finalizuan operacionin policor të koduar “End”.

Si rezultat i këtij operacioni, në Klos, u bë kapja dhe arrestimi i shtetasit V.T., 57 vjeç, banues në fshatin Gurrë, Klos. Ky shtetas ishte shpallur në kërkim, pasi Gjykata e Posaçme për Korrupsionin dhe Krimin e Organizuar, e ka dënuar me 2 vjet e 4 muaj burgim për veprën penale “Prodhimi dhe shitja e narkotikëve”. Materialet procedurale iu referuan Prokurorisë së Posaçme Kundër Korrupsionit dhe Krimit të Organizuar, për veprime të mëtejshme.

The post Finalizohet operacioni policor i koduar “End”/ I shpallur në kërkim, vihet në prangat e policisë 57-vjeçari (EMRI) appeared first on Sot News | Lajme.

Te lutem me ndihmo me disa varjante titujsh per kete lajmin
Në Pogradec, një shtetas dyshohet në gjendje të dehur ka thyer xhamat e një salloni bukurie në lagjen 2 të qytetit të Pogradecit në tentativë për të dëmtuar dhe shkatërruar ambientin.
Parukeria ka qenë e mbyllur ndërkohë që fill pas ngjarjes policia ka shkuar në zonë për të kryer të gjitha procedurat, ka rrethuar subjektin dhe po punon për zbardhjen e rrethanave të ngjarjes.

Ky shtetas është shoqëruar në polici ku pritët ti merret një dëshmi për rastin, shkaku që e kanë çuar në këtë veprim.

Grupi hetimor ndodhet në vendngjarje.

The post Çfarë ndodhi në Pogradec? Thyhen xhamat e një biznesi, policia zbardh rrethanat appeared first on Sot News | Lajme.