Një aksident rrugor ka ndodhur pesë minuta më parë në rrugën e katërt në qendër të qytetit. Në kryqëzimin pranë ish-agjencisë së udhëtimeve në Sarandë një motorr është goditur nga një mjet.
Nga informacionet paraprake nuk raportohet për persona të lënduar, por vetëm për dëme materiale. Në vendngjarje kanë shkuar sherbimet e qarkullimit rrugor të cilët po punojnë për të zbardhur shkaqet e këtij aksidenti.
Presidenti Donald Trump u kërkoi qytetarëve amerikanë të pranojnë çmimet e larta të karburantit si pasojë e nevojshme e luftës kundër Iranit.
Deklaratat e tij vijnë teksa trafiku i anijeve cisternë në Ngushticën e Hormuzit mbetet i paralizuar.
“Po paguani vetëm pak më shumë për benzinën tuaj, thjesht mbani mend se po e bëni këtë në mënyrë që një shtet shumë i lig të mos mundet, një shtet që është me të vërtetë sponsorizuesi numër një i terrorit në botë. Ne nuk duam që ata të kenë një armë bërthamore. Kështu që mbajeni mend këtë, kur ju duhet të paguani pak më shumë, kur jeni te 4 dollarëshi… unë nuk do të kërkoj kurrë falje. Bëra gjënë e duhur. Por ju mund ta dini, unë e kisha ulur nën 2 dollarë në shumë shtete, por Kaliforninë nuk mund ta përfshini sepse ata vazhdojnë të vendosin taksa, taksa dhe vetem taksa. Ti e ul çmimin e naftës dhe ata përfundojnë duke të taksuar më shumë se sa e ule ti. Por, thjesht duhet të mbani mend se ajo që po bëjmë është një shërbim i madh për botën. Jo vetëm për veten tonë, por për botën. Dhe ne po bëjmë me të vërtetë një punë të shkëlqyer. Ushtria jonë është e pabesueshme. Bllokada është e pandalshme. Është një mur prej çeliku”, tha Trump.
Martesa e tyre ishte padyshim nje prej lajmeve Kryesore te javes. Me nje privatesi tejet te larte dhe vetem disa foto te Publikuara, mediat nderkombetare kane arritur te zbulojne kete fundjave se Cristiane Ronaldo dhe Georgina Rodriguez kane nenshkruar nje kontrate paramartesore vetem nje dite perpara celebrimtit te tyre. Ne foton e certefikates martesore te bere publike thuhet se Ronaldo dhe Gerordina kane percaktuar nje regjim te ndarjes se pasurise. Parimi themelor mbetet se pasurite e secilit bashkeshort te vena gjate marteses nuk do te ndahen ne rast te nje divorci.
Sipas marreveshjes paramartesore, pasuri te perbashketa do te quhen vetem ato qe jane rregjistruar ne emer te te dy bashkeshorteve.
Sipas raportimeve, marrëveshja parashikon gjithashtu që Georgina Rodriguez të përfitojë rreth 100 mijë euro në muaj në rast të përfundimit të martesës. Kjo shumë dyshohet se lidhet me një marrëveshje të vendosur pas lindjes së vajzës së tyre, Alana, me qëllim garantimin e sigurisë financiare të Georginës dhe fëmijëve.
Pasuria e Cristiano Ronaldos vlerësohet në të paktën 1.2 miliardë euro, duke e renditur atë ndër sportistët më të pasur në botë.
Ndërkohë, raportohet gjithashtu se një tjetër pronë luksoze e Ronaldos, me vlerë rreth 5 milionë paund dhe e ndodhur në zonën prestigjioze La Finca të Madridit, është e regjistruar në emër të Georgina Rodriguez.
Cristiano Ronaldo dhe Georgina Rodrigues u martuan në një ceremoni intime dhe private në rezidencën e tyre luksoze, me vlerë rreth 30 milionë paund, në zonën ekskluzive Quinta da Marinha, në Cascais të Portugalisë. Ceremonia u zhvillua në rrethana tejet private, ku, sipas raportimeve, morën pjesë vetëm katër dëshmitarë dhe fëmijët e çiftit. Në mesin e të ftuarve nuk ishte as nëna e Ronaldos, Dolores Aveiro.
Në Fier, shërbimet e Komisariatit të Policisë finalizuan operacionin e koduar “Aksi”.
Operacioni u zhvillua pas informacioneve operative se një person lëvizte i armatosur me armë zjarri në automjet. Në Bypass-in e Fierit u ndalua dhe u arrestua një 19-vjeçar, banues në Vlorë.
Gjatë kontrollit të automjetit që ai drejtonte, policia gjeti dhe sekuestroi një armë zjarri, tip pistoletë.
Në vijim të veprimeve procedurale, u arrestua edhe një 28-vjeçar, banues në Vlorë, i cili udhëtonte si pasagjer. Sipas policisë, ai dyshohet se kishte dijeni që shoku i tij posedonte armën dhe synonte ta shiste në Fier.
Ndërkohë, në Mallakastër u finalizua operacioni i koduar “Hidden Guns”, në kuadër të të cilit u arrestua në flagrancë një 38-vjeçar, banues në fshatin Lofkënd.
Sipas policisë, 38-vjeçari, pas një konflikti për motive të dobëta, dyshohet se ka kanosur me armë gjahu një person tjetër. Ndërhyrja e menjëhershme e shërbimeve policore bëri të mundur neutralizimin e situatës dhe arrestimin e autorit të dyshuar.
Gjatë kontrollit në banesën e tij u gjetën dhe u sekuestruan një armë zjarri, tip kallashnikov, dhe një armë gjahu, të cilat dyshohet se i mbante pa leje dhe i kishte fshehur në banesë.
Besimtarë ortodoksë nga i gjithë vendi, por edhe pushues nga qytete te ndryshme janë mbledhur në Manastirin e Zvërnecit për të festuar një nga ditët më të rëndësishme të kalendarit të krishterë, Fjetjen e Shën Mërisë.
Manastiri me te njejtin emer, një prej monumenteve më të rëndësishme të trashëgimisë kulturore në jug të vendit, është kthyer edhe këtë vit në një vend pelegrinazhi.
Besimtarët kanë ndezur qirinj dhe janë lutur për paqe, shëndet e mbarësi.
At Jani Tereziu shpjegon rendesine e kesaj dite te vecante qe ndryshe njihet dhe si “Pashka e Vogël” ose “Pashka e Verës”.
Fjetja e Shën Mërisë cdo 15 gusht mbledh bashke ne manastirin e zvernecit besimtar te krishter dhe jo vetem ne nje atmosphere lutje e besimi.
Operacioni i koduar “Kutitë” u finalizua nga shërbimet e Forcës së Posaçme “Shqiponja”, pas patrullimeve dhe punës informative e operacionale për evidentimin dhe goditjen e rasteve të paligjshme.
Sipas Policisë, automjeti u konstatua pranë fshatit Hajmel, në Vaun e Dejës, me një ngarkesë të dyshimtë. Shërbimet policore e ndoqën furgonin gjatë lëvizjes dhe e ndaluan për kontroll në Vaun e Dejës.
Gjatë kontrollit në automjet u gjetën disa kuti kartoni, brenda të cilave kishte kubikë me 2500 fidanë të dyshuar narkotikë Cannabis Sativa si dhe u arrestuan në flagrancë dy persona, 23-vjeçari Safedin Lumaj, banues në Shkodër, dhe 29-vjeçari Ndue Prela, banues në fshatin Mali i Jushit. Sipas Policisë, ata dyshohet se po transportonin fidanët me furgon, me qëllim kultivimin e tyre.
Një tjetër tragjedi është regjistruar në rrugën e emigrantëve përmes Mesdheut. Njëmbëdhjetë trupa të pajetë janë zbuluar në det pranë brigjeve të Libisë, gjatë një operacioni ajror për identifikimin e mjeteve lundruese me emigrantë.
Trupat u pikasën rreth 57 milje detare larg qytetit libian Zuara dhe, sipas informacioneve të raportuara nga organizatat joqeveritare, ndodheshin në një fazë të avancuar dekompozimi.
Roja Bregdetare italiane bëri të ditur se ishte njoftuar për zbulimin dhe se informacioni iu përcoll menjëherë autoriteteve libiane. Zona ku u gjetën viktimat ndodhet brenda hapësirës detare për të cilën përgjegjësinë e operacioneve të kërkim-shpëtimit e kanë autoritetet e Libisë.
Ende nuk dihet se nga cila anije vinin viktimat, kur mund të ketë ndodhur tragjedia dhe sa persona ndodheshin fillimisht në bord.
Organizata SOS Méditerranée reagoi pas zbulimit, duke theksuar se rrethanat e vdekjes së 11 personave mbeten të paqarta. OJQ-ja e cilësoi ngjarjen si një tjetër dëshmi të kostos njerëzore të politikave evropiane për frenimin e migracionit në Mesdhe.
Rruga e Mesdheut Qendror, e përdorur nga mijëra emigrantë që nisen kryesisht nga brigjet e Afrikës së Veriut drejt Evropës, konsiderohet një nga korridoret më vdekjeprurëse të migracionit në botë.
Sipas të dhënave të Organizatës Ndërkombëtare për Migracionin (IOM), të paktën 872 persona kanë humbur jetën ose rezultojnë të zhdukur në këtë rrugë migratore që nga fillimi i vitit.
Aleanca e udhëhequr nga UEFA po shqyrton plane për të vendosur një sistem rotacioni të presidencës së FIFA mes konfederatave, me qëllim kufizimin e pushtetit të këtij posti, në rast se Gianni Infantino detyrohet përfundimisht të largohet.
Nivelet më të larta të futbollit mbeten të përfshira në një konflikt të brendshëm që nisi me planin “Fifa Forëard Enterprise” dhe që më pas u shndërrua në një betejë zviceranin. Megjithatë, ndërsa Infantino këmbëngul të qëndrojë në detyrë, UEFA dhe aleatët e saj kanë nisur tashmë të hartojnë plane për të ardhmen.
Shumë prej drejtuesve kryesorë të futbollit u mblodhën këtë javë në Salzburg për ndeshjen e Superkupës së Europës. Kjo ishte hera e parë që ata mundën të takoheshin fizikisht që nga shpërthimi i krizës në FIFA.
Presidenti i UEFA, Aleksander Ceferin, ka zhvilluar disa takime, ku prania e kreut të Konfederatës së Futbollit Afrikan, Patrice Motsepe, konsiderohet veçanërisht e rëndësishme, duke pasur parasysh mbështetjen e mëparshme të CAF për Infantino.
Temë e bisedimeve është plani për rotacionin e presidencës mes konfederatave kontinentale, në mënyrë të ngjashme me Bashkimin Evropian dhe institucione të tjera shumëkombëshe të ngjashme.
Në thelb, kjo do të nënkuptonte se FIFA nuk do të kishte më kurrë një president me pushtetin që gëzonin Infantino apo paraardhësit e tij.
Kjo ide do të plotësohej gjithashtu përmes forcimit të ndjeshëm të administratës që mbështet presidencën, në mënyrë që ajo të funksiononte më shumë si një shërbim civil i fuqishëm.
La Liga është e para mes pesë Ligave më të rëndësishme në Europë që nis sezonin 2026/2027.
Duke nisur nga kjo e shtunë deri të hënën, në program janë shtatë ndeshje, ndërsa tifozët duhet të presin pak më gjatë për të parë në aksion dy gjiganët e futbollit spanjoll, Barcelona dhe Real Madrid.
Sipas agjendës, kampionët në fuqi të La Ligës dhe rivalët e tyre të përjetshëm do të zbresin më vonë në fushën e lojës për të luajtur javën e parë, pasi shumë prej lojtarëve të tyre ishin të impenjuar në finalet e Kupës së Botës dhe klubet kanë kërkuar më shumë kohë.
Ky është vetëm një detaj kalendarik, pasi sfida ka nisur ende pa zbritur në fushë.
Gara për titullin kampion në La Liga do të jetë sërish një “El Clasico” sipas të gjitha parashikimeve.
Barcelona konsiderohet edhe një herë si favorite për të mbrojtur trofeun, megjithëse ka një epërsi të lehtë ndaj Real Madrid.
Për kompanitë e basteve, skuadra e Hansi Flick ka 49% shanse, kundrejt 41% të madrilenëve.
Klubi “blaugrana” ka afruar deri tani Anthony Gordon dhe Karim Adeyemi ndërsa soliditeti që vjen nga edicioni i kaluar është pika më e fortë e Barcelonës.
Ndryshe nga rivalët, Real Madrid është në vitin zero të revolucionit që nisi nga pankina. Jose Mourinho u kthye në drejtim, ndërsa klubi ka bërë gjashtë transferime deri tani, duke afruar lojtarë si Bernardo Silva, Cucurella, Konate, Dumfries, Espi dhe mbi të gjithë talentin Yan Diomande. Por periudha e përshtatjes ndikon negativisht te Real Madrid, që gjithsesi, ashtu si gjithmonë mbetet favorit në La Liga.
Me pjesën më të madhe të “tortës” së parashikimeve që I takon dy gjigandëve, skuadrat e tjera duket se edhe një herë luajnë vetëm për vendin e tretë në kampionatin spanjoll.
Për momentin duket si një “armpushim”, por “lufta e futbollit” nuk është ndalur. Përkundrazi ajo vijon të jetë e ethshme, vetëm se tani bëhet në heshtje dhe në një plan tjetër. Palët që mbeten të njëjta në llogoret e tyre, tre Konfederatat e rëndësishme UEFA, CONCACAF e AFC dhe Gianni Infantino po masin forcat.
Presidenti i FIFA dhe aleatët e tij vijojnë të rezistojnë, pavarësisht presionit në rritje, akuzave dhe polemikave të javëve të fundit.
Madje, Infantino nuk tërhiqet nga misioni i tij për të marrë një tjetër mandate në zgjedhjet e marsit të ardhshëm.
Nga ana tjetër, armiqtë e tij kërkojnë dorëhqjen e menjëhershme të zvicerianit dhe pengimin e tij për një tjetër kandidaturë.
Por edhe sikur Infantino të rezistojë deri në mars, rizgjedhja e tij duket e pamundur.
Nëse asgjë nuk ndryshon, rivalët e tij kanë shumicën e votave.
Konfederata Europiane, ajo e Amerikës Qëndrore e Veriore dhe ajo Aziatike kanë 136 anëtarë dhe po aq vota nga 211 anëtarë nga të cilët përbëhet qeveria botërore e futbollit.
Por radhët e kundërshtarëve të Infantinos janë shtuar edhe nga Federata të kontinenteve të tjerë. E fundit ishte Federata e Zelandës së Re, që zyrtarisht tërhoqi mbështetjen e saj për rizgjedhjen e presidentit të FIFA.
E thënë shkurt, edhe nëse nuk dorëzohet, Gianni Infantino i duhet një mrekulli për t’u rizgjedhur në krye të qeverisë botërore të futbollit.
Me qëllim koordinimin sa më të mirë të masave për përballimin e fluksit në hyrje-dalje në pikat e kalimit kufitar me Greqinë, Drejtori i Departamentit për Kufirin dhe Migracionin, Drejtues i Parë Saimir Muçaj, së bashku me Drejtorin Vendor për Kufirin dhe Migracionin Gjirokastër dhe Shefin e Stacionit të Policisë Kufitare Kakavijë, zhvilluan një takim me homologët e Policisë greke, në ambientet e Qendrës së Përbashkët të Kontaktit për Bashkëpunimin Policor dhe Doganor në Kakavijë.
Në takim morën pjesë drejtuesit e Pikës së Kalimit Kufitar Kakavijë dhe të Drejtorisë së Kufirit Janinë si dhe online, për shkak të një angazhimi emergjent për kufirin në një zonë të Greqisë, Kolonel Andreas Karageorgos, Drejtor i Drejtorisë së Mbrojtjes së Kufirit në Policinë greke.
Në fokus të takimit ishte menaxhimi i fluksit në pikat e kalimit kufitar, si dhe forcimi i bashkëpunimit në luftën kundër krimeve kufitare. Të dy Drejtorët u angazhuan për intensifikimin e masave të përbashkëta në të gjitha pikat e kalimit, me qëllim eliminimin e radhëve të gjata.
Në përfundim të takimit, Drejtori i Departamentit për Kufirin dhe Migracionin, Drejtues i Parë Saimir Muçaj, siguroi të gjithë qytetarët që përdorin pikat e kalimit kufitar për angazhimin maksimal të shërbimeve të Policisë Kufitare dhe koordinimin e veprimeve me homologët grekë, me qëllim krijimin e lehtësirave ligjore dhe eliminimin e radhëve të gjata në hyrje-dalje në këto pika kalimi.
Në Lurë hapja e korridoreve ka penguar përparimin e flakëve drejt banesave. Megjithkëtë kjo mbetët vatra e zjarrit më problematike në të gjithë vendin. Për shuarjen e saj të shtunën zjarrfikësit po mbështeten nga 50 efektivë të Forcave të Armatosura dhe 2 avionë air tractor.
Në Krujë ndërhyrja nga ajri dhe toka ka arritur të normalizoi situatën në tre zonat e cilësuara më shqetësuese. Në Abaze ku flakët u riaktivizuan pasditen e të premtes vatra është izoluar. Ndërsa në Zidoll pranë fshatit Halilaj po punohet për fikjen e plotë të zjarrit. Pranë kurorës së pishave në Bojë dy vatrat e vogla po mbahen në kotroll nga forcat zjarrfikëse.
Operacioni për shuarjen e flakëve po vijon dhe mbi tunelet e Qafë Mollës në Dajt. 2 helikopetër po hedhin ujë nga ajri në vatrën aktive. Ndërsa në priskë Farkë dhe zonën përreth zjarri është vënë në kontroll.
Ndërsa në Qafë Helmes , Bulqizë Selishtë nuk raportohet rrezik për banesat ndërkohë po punohet nga toka për izolimin e zjarrit.
Edhe në Lezhë, Elbasan dhe Shkodër forcat zjarrfikëse janë angazhuar për të shuar plotësisht vatrat e mbetura në Lufaj, Dardhë dhe pyjet e Tërbunit.
Nga 35 vatra zjarri të raportuara në 24 orët e fundit ministria e Mbrojtjes thotë se 8 mbeten aktive.
Fluks i lartë automjetesh është shënuar në pikën kufitare të Qafë Botës, në jug të vendit në këtë fundjavë.
Radhë automjetesh janë krijuar në të dyja anët e pikës së kalimit kufitar, ndërsa udhëtarët presin për të përfunduar procedurat e kontrollit kufitar.
Fluksi lidhet me lëvizjet e shumta të turistëve dhe pushuesve, por edhe të qytetarëve që udhëtojnë drejt Greqisë apo kthehen në Shqipëri.
Në 24 orët e fundit në këtë pikë të kalimit kufitar kanë hyrë e dalë rreth 10.000 shtetas vendas dhe të huaj. Sipas burimeve nga pika e kalimit në Qafë Botë fluks ka më shumë në hyrje se sa në dalje. Në Qafë Botë nga pala shqiptare punohet me katër sportele ndërsa nga pala greke punohet me dy sportele.
Pika kufitare e Qafë Botës vijon të jetë një nga akset e rëndësishme të lëvizjes mes Shqipërisë dhe Greqisë, ndërsa në ditët e pikut të sezonit veror ngarkesa në këtë pikë rritet ndjeshëm.
Autoritetet kufitare po punojnë për menaxhimin e fluksit dhe për përshpejtimin e procedurave, me qëllim shmangien e pritjeve të gjata për udhëtarët.
Një tërmet me magnitudë 5.0 është regjistruar gjatë natës zonën e Granadës, në jug të Spanjës.
Mediat vendase shkruajnë se, epiqendra e tërmetit u regjistrua pranë Alhendin, në rajonin e Andaluzisë. Sipas Institutit Gjeografik Kombëtar të Spanjës (IGN), magnituda e tërmetit fillimisht ishte vlerësuar 4.8, por më pas u rishikua në 5.0.
Lëkundja kishte një thellësi prej vetëm 2 kilometrash dhe shkaktoi dëme materiale në disa zona. Shërbimet e emergjencës raportuan shkëputje të pjesëve të kornizave, dëmtime në fasada dhe çati ndërtesash, veçanërisht në Armilla. Banorë të shumtë raportuan gjithashtu rënien e objekteve brenda banesave.
Pavarësisht dëmeve, deri tani nuk raportohet për viktima apo persona të lënduar. Tërmeti u ndje në të gjithë provincën e Granadës, por edhe në provincat e Jaén, Almería, Málaga dhe Córdoba.
Vetëm gjashtë minuta pas lëkundjes kryesore u regjistrua një tjetër tërmet me magnitudë 2.6, me epiqendër në Gojar.
Zona ishte goditur edhe gjatë ditës së premte nga tre tërmete të tjera me intensitet më të ulët, ndërsa autoritetet vijojnë monitorimin e situatës dhe vlerësimin e dëmeve të shkaktuara nga lëkundja e fuqishme
Një person është dënuar me 50 mijë krona (4.560 euro) për përdorimin e një borie për të zgjuar një ari polar që po flinte në arkipelagun Svalbard të Norvegjisë, njoftoi një zyrtar lokal. Incidenti ndodhi më herët këtë muaj, pasi dikush e dha alarmin nga një anije, e cila po lundronte në një fjord në pjesën veriperëndimore të Svalbardit, rreth 1.000 kuilometra larg Polit të Veriut, raporton televizioni BBC.
Një person, emri i të cilit nuk është publikuar, u gjobit me 50 mijë krona për incidentin, konfirmoi guvernatori i atij territori. Sipas rregulloreve lokale, “është e ndaluar që pa nevojë të pengohet, t’i tërhiqet vëmendja ose të ndiqet një ari polar”, kafshë që në vitin 1972 ishte shpallur specie e mbrojtur në Svalbard.
Rreth 250 arinj polarë janë numëruar në këtë arkipelag gjatë vlerësimit të fundit shkencor, i kryer në vitin 2015. Në një deklaratë, guvernatori Lars Fause tha se, kur anija lundroi afër kafshës, “pasagjerët e saj thuhet se kishin parë një ari polar duke fjetur në tokë”.
“Një person në anije pastaj e përdori borinë e saj, duke e zgjuar kafshën, e cila shkoi në një vend tjetër”-shtoi ai. Raportohet se personi i gjobitur pranoi që ta paguajë gjobën.
Një operacion i koduar “Hallkat” është finalizuar nga Policia e Durrësit, duke çuar në arrestimin e dy personave të dyshuar për trafikim armësh zjarri nga Kosova drejt Shqipërisë.
Në pranga ka rënë Muhedin Bajraktari, 34 vjeç, banues në Kukës, i cili, sipas policisë, u kap në flagrancë në Maminas teksa transportonte armët me automjet.
Gjatë kontrollit të automjetit ku ai udhëtonte, policia sekuestroi 3 pistoleta dhe 34 fishekë luftarakë, të cilat dyshohet se ishin trafikuar nga Kosova me qëllim shitjen te persona të përfshirë në grupe kriminale.
Në kuadër të operacionit u arrestua edhe një 39-vjeçare, banuese në Prizren, e dyshuar për veprën penale “Moskallëzimi i krimit”.
Kontrollet vijuan edhe në banesën e Bajraktarit, ku efektivët gjetën dhe sekuestruan një armë të ftohtë, një dorezë hekuri.
Sipas autoriteteve, operacioni është zhvilluar pas një hetimi disa-javor me qëllim parandalimin e trafikimit të armëve të zjarrit dhe identifikimin e personave që mund të furnizojnë grupe kriminale në qytete të ndryshme të vendit.
Hetimet vijojnë për të zbardhur të plotë rrjetin e dyshuar të trafikimit dhe për të identifikuar persona të tjerë që mund të jenë të përfshirë në këtë aktivitet kriminal.
Aeroporti Heathrow në Londër ka paralajmëruar për pengesa në qarkullim pas përmbytjeve që kanë prekur zonën qendrore të aeroportit.
Aksesi në Terminalet 2 dhe 3 është kufizuar, pasi uji ka përfshirë zonën qendrore të aeroportit. Për pasagjerët që udhëtojnë drejt ose larg këtyre terminaleve, lëvizja me automjete në rrugë aktualisht nuk është e mundur.
Autoritetet e aeroportit u kanë bërë thirrje pasagjerëve që të përdorin trenat dhe metronë, duke shmangur udhëtimin me automjete.
“Ekipet tona po punojnë për ta zgjidhur situatën sa më shpejt të jetë e mundur. Kërkojmë ndjesë për çdo shqetësim të shkaktuar”, deklaroi aeroporti në orët e para të së shtunës.
Problemet vijnë në një prej periudhave më të ngarkuara të vitit për Heathrow, pasi në Mbretërinë e Bashkuar kanë nisur pushimet verore të shkollave.
Sipas aeroportit, 19 korriku ishte dita më e ngarkuar e vitit deri tani, me rreth 267 mijë pasagjerë që kaluan nëpër Heathrow, ndërsa shumë shkolla nisën pushimet verore.
Heathrow është përballur edhe më herët me probleme në transportin hekurudhor. Shërbimet e trenave u ndërprenë pas një rrjedhjeje uji, e cila detyroi mbylljen e një tuneli.
Autoritetet vijojnë punën për normalizimin e situatës dhe rikthimin e aksesit të plotë në zonat e prekura.
Zëvendësministri i Jashtëm iranian, Kazem Gharibabadi, ka reaguar ndaj deklaratave të presidentit amerikan Donald Trump lidhur me Ngushticën e Hormuzit, duke kundërshtuar pretendimin se SHBA synon ta shpallë atë territor amerikan.
Në një reagim në rrjetin social X, Gharibabadi tha se statusi i ngushticës nuk mund të ndryshohet përmes deklaratave politike, urdhrave apo pranisë ushtarake. Sipas tij, SHBA ka pësuar humbje strategjike dhe duhet të pranojë situatën e krijuar. “Ngushtica e Hormuzit ishte iraniane, është iraniane dhe do të mbetet iraniane”, deklaroi zyrtari iranian, duke shtuar se rihapja e saj do të bëhet vetëm me vendim të Teheranit.
Gharibabadi paralajmëroi gjithashtu se Irani do të vijojë bllokadën për sa kohë që Uashingtoni, sipas tij, nuk pranon atë që ai e cilësoi si disfatë. Nga ana tjetër, Donald Trump ka deklaruar se SHBA do të marrë masa për ta shpallur Ngushticën e Hormuzit “territor amerikan”. Presidenti amerikan ka pretenduar gjithashtu se Uashingtoni ka kontroll të plotë mbi ngushticën, deklaratë që Teherani e ka kundërshtuar.
Përplasja e deklaratave vjen në një kohë kur Ngushtica e Hormuzit mbetet një pikë kyçe për transportin ndërkombëtar të energjisë dhe një prej zonave më të ndjeshme të tensioneve mes SHBA-së dhe Iranit.
Login