Ideja pas agjërimit me ndërprerje është e thjeshtë: hani më pak për një kohë, përmirësoni metabolizmin tuaj. Realiteti është më kompleks dhe një studim i ri zbulon se disa forma të agjërimit me ndërprerje nuk ndryshojnë treguesit e shëndetit metabolik ose kardiovaskular.
Studiuesit, të udhëhequr nga një ekip nga Instituti Gjerman i Ushqyerjes Njerëzore Potsdam-Rehbruecke (DIfE), vendosën 31 gra që ishin mbipeshë ose obeze në dy orare të ndryshme agjërimi me ndërprerje për dy javë.
Oraret ishin nga ora 8 e mëngjesit deri në orën 4 pasdite ose nga ora 1 pasdite deri në orën 9 të mbrëmjes, një lloj i veçantë agjërimi me ndërprerje i njohur si të ngrënit me kohë të kufizuar.
Ndërsa koha e orareve ndryshonte. Parametrat e dietës ishin të njëjtë: pjesëmarrësit mund të hanin siç bënin normalisht dhe për këtë arsye të merrnin të njëjtën sasi të kalorive totale.
Edhe pse gratë humbën pak peshë, përfitime të tjera që mund të priten bazuar në hulumtimet e mëparshme – duke përfshirë nivele më të ulëta të sheqerit në gjak, presion më të ulët të gjakut dhe kolesterol më të ulët – nuk u shfaqën në të dhëna, duke ngritur pyetje se sa efektive janë këto rutina të agjërimit me kohë.
“Në këtë provë pothuajse izokalorike, nuk u vunë re përmirësime në parametrat metabolikë pas dy javësh”.
Gjetjet sugjerojnë se mund të jetë reduktimi i kalorive dhe jo vetë ngrënia me kufizim kohor që rrit treguesit kryesorë të shëndetit brenda trupit, megjithëse është e rëndësishme të mbahet mend se ky ishte një studim relativisht i vogël dhe afatshkurtër.
Përveç reduktimeve modeste të peshës trupore në studim, studiuesit vunë re ndryshime në orët biologjike të pjesëmarrësve. Koha e ritmeve të tyre cirkadiane, duke përfshirë ato që e shtyjnë trupin drejt gjumit, u zhvendos.
Lloje të ndryshme të agjërimit me ndërprerje vazhdojnë të analizohen nga studiuesit, por studimet mund të ndryshojnë ndjeshëm në aspektin e dietave që lejohen, pjesëmarrësve, kohëzgjatjes së studimit dhe përfitimeve shëndetësore të matura.
Nga Gazeta “Si” – Shifrat kryesore nga karriera e e Shiffrin, përfshirë medaljet dhe fitoret në Kupën e Botës, ndërsa amerikania vazhdon të thyejë rekorde të rejaduke lënë pas Ingemar Stenmark.
Pas të 9-it “Glob të Kristaltë”, hedhim një vështrim mbi karrierën e saj dominuese përmes shifrave. 18 medalje globale.
Shiffrin është ngjitur 18 herë në podium në “Lojërat Olimpike” dhe Kampionatet Botërore, me 2 medalje ari dhe 1 argjendi në “Lojërat Olimpike Dimërore”, si dhe 8 medalje ari, 4 argjendi dhe 3 bronzi në Kampionatet Botërore.
7 medalje ari rradhazi në Kampionate Botërore (2013–2025). Ajo fitoi 4 tituj botërorë rradhazi në Slalom nga viti 2013 deri në 2019, duke u bërë sportistja e parë që e arrin këtë në çdo disiplinë.
108 fitore në Kupën e Botës. Shiffrin është skiatorja e parë që arrin shifrën e 100 fitoreve dhe renditet e para në histori, përpara Ingemar Stenmark (86). Ndjekësja më e afërt është Lindsey Vonn me 84.
164 podiume në Kupën e Botës, duke kaluar rekordin e mëparshëm të Stenmark (155). 16 sezone. Amerikania merr pjesë në sezonin e saj të 16-të në Kupën e Botës, nga 2010/11 deri në 2025/26.
16 Globe Kristali. Në 15 sezonet e saj të para, Shiffrin ka fituar 5 “Globe Kristali” në Klasifikimin e përgjithshëm dhe 11 tituj disiplinash (8 në Slalom, 2 në Slalomin Gjigand dhe 1 në Super-G). 11 “Globe Kristali” në disiplina e bëjnë atë Lideren mes skiatorëve aktivë. 8 titujt në Slalom janë rekord absolut në një disiplinë.
70 fitore në Slalom në Kupën e Botës. Më shumë se çdo skiator tjetër, mashkull apo femër, në një disiplinë të vetme.
22 fitore në Slalomin Gjigant në Kupën e Botës. Dy më shumë se rekordi i mëparshëm për femra i mbajtur nga Vreni Schneider.
6 fitore në 7 gara Slalom në Killington. Pasi kishte triumfuar çdo vit nga 2015 deri në 2019, sezoni 2022/23 ishte i pari që Shiffrin nuk fitoi në Killington.
9 fitore në Slalom në Levi, gjithashtu rekord për këtë pistë.
8 fitore në Kupën e Botës (4 Slalom, 4 Slalom Gjigant) në Semmering ku ka garuar 13 herë.
17 fitore në një sezon. Rekord i Kupës së Botës për më shumë fitore në një sezon, i vendosur në 2018/19.
Skiatorja e parë. Shiffrin është e vetmja person, mashkull apo femër, që ka fituar gara në të gjashta disiplinat e Kupës së Botës (zbritje, super-G, slallom, slallom gjigant, kombinim dhe paralel).
Mikaela Shiffrin – Datat më të rëndësishme
13 Mars 1995 – Mikaela Shiffrin lind më 13 Mars 1995 në Vail të Kolorados në SHBA.
15–364. Shiffrin ishte 15 vjeç e 364 ditë kur startoi në garën e parë në Kupën e Botës në Spindleruv Mlyn, Çeki, një ditë para ditëlindjes së saj të 16-të.
18–351. Mosha e Shiffrin kur u bë Kampionia Olimpike më e re në Slalom (meshkuj ose femra), në Rosa Khutor në “Soçi 2014”. Një vit më parë ishte shpallur e treta kampione më e re në këtë disiplinë.
27–252. Mosha e saj kur fitoi garën e 76-të në Kupën e Botës, 53 ditë më e re se Stenmark dhe gati 4 vite më e re se Lindsey Vonn.
27–301. Mosha kur barazoi rekordin e atëhershëm të Vonn për femra me 82 fitore. Vonn ishte 33 vjeç e 156 ditë kur fitoi garën e saj të fundit në Kupën e Botës.
27–317. Mosha kur fitoi garën e 83-të të Kupës së Botës më 24 Janar 2023, duke kaluar Vonn si femra me më shumë fitore dhe duke u ngjitur në vendin e dytë në renditjen e përgjithshme, vetëm 3 fitore larg rekordit të Stenmark (86).
10 Mars 2023 – Shiffrin barazon rekordin e përgjithshëm të Ingemar Stenmark me 86 fitore në Kupën e Botës.
11 Mars 2023 – Shiffrin regjistron fitoren e saj të 87-të në Kupën e Botës, duke kaluar në krye të Klasifikimit, 2 ditë para ditëlindjes së saj të 28-të.
18 Mars 2023 – Shiffrin barazon rekordin e Lindsey Vonn për më shumë podiume në Kupën e Botës për femra (137).
19 Mars 2023 – Shiffrin thyen rekordin e Vreni Schneider për fitore në Slalomin Gjigant për femra (21).
23 Shkurt 2025 – Shiffrin bëhet skiatorja e parë në histori që arrin 100 fitore në Kupën e Botës.
Nga Gazeta “Si” – Mesdita e të premtes zbulon çiftet e raundit Play-off në Champions League në shortin e Nyon-it në Zvicër.
Skuadrat e kualifikuara nga vend i 9-të deri në të 24-in do të ndahen në vazot 1 dhe 2, ku ato të të vazos së parë kanë avantazhin e fushës.
Vazo 1 Real Madrid (SPA) Inter (ITA) Paris (FRA) Neëcastle (ANG) Juventus (ITA) Atleti (SPA) Atalanta (ITA) Leverkusen (GJER)
Vazo 2 B. Dortmund (GJER) Olympiacos (GRE) Club Brugge (BEL) Galatasaray (TUR) Monaco (FRA) Qarabağ (AZE) Bodø/Glimt (NOR) Benfica (POR)
Çiftet e mundshme në play-off’in e Champions League
Bie në sy që shorti mund të përcaktojë një derbi francez, një të tillë gjerman si dhe Benfica që mund të përballet sërish me Realin e Madridit.
Faza KO në Champions League – Play-off: 17/18 & 24/25 Shkurt 2026 – Shorti pëwr rnd e 1/16, ¼ finaleve, ½ finaleve: 27 Shkurt 2026 – Rnd i 1/16: 10/11 & 17/18 Mars 2026 – ¼ finale: 7/8 & 14/15 Prill 2026 – ½ finale: 28/29 Prill & 5/6 Maj 2026 – Finale: 30 Maj 2026 (Budapest)
Gazeta Si – Presidenti i SHBA-ve, Donald Trump, ka kërcënuar përsëri se do të sulmojë Iranin: këtë herë jo në mbështetje të protestave masive kundër regjimit, siç kishte bërë disa javë më parë, por duke kërkuar çmontimin e programit bërthamor të vendit.
Është një kërkesë shumë e paqartë, por bie ndesh me atë që Trumpkishte pretenduar në qershor, kur Shtetet e Bashkuara bombarduan tre vende të programit bërthamor të Iranit dhe Trump pretendoi se e kishte “asgjësuar” atë.
Trump nuk specifikoi detajet e kërkesave të tij, por i kërkoi regjimit iranian të arrinte një marrëveshje së shpejti (ai tha se “koha po mbaron”), duke kërcënuar me bombardime më të rënda dhe më të gjera se ato të qershorit nëse nuk do ta bënin këtë.
Mediat amerikane, duke u mbështetur në burimet e tyre në inteligjencën amerikane dhe vendet evropiane që përpiqen të ndërmjetësojnë, i kanë rindërtuar kushtet kryesore të administratës Trump si tre: braktisja e programit të pasurimit të uraniumit nga Irani dhe dorëzimi i rezervave të tij (siç ndodhi pas marrëveshjes historike bërthamore të vitit 2015, nga e cila Trump u tërhoq më vonë); një reduktim i ndjeshëm i arsenalit të raketave balistike të vendit; dhe një fund i mbështetjes për grupet e armatosura aleate si Hamasi, Hezbollahu dhe Huthët.
Pilotët në aeroplanmbajtësen “Abraham Lincoln”, e cila po dërgohet në Iran, 23 janar
Dëmi real i shkaktuar në centralet bërthamore iraniane nga bombardimet amerikane të verës së kaluar nuk është sqaruar kurrë.
Raportet paraprake të inteligjencës amerikane arritën në përfundimin se programi ishte ngadalësuar, por jo shkatërruar, pjesërisht, sepse regjimi kishte transferuar një pjesë të rezervave të uraniumit të pasuruar të ruajtura në centralet bërthamore të Natanz dhe Fordo para sulmeve.
Në fund të qershorit, Rafael Grossi, kreu i Agjencisë Ndërkombëtare të Energjisë Bërthamore të Kombeve të Bashkuara (IAEA), tha se “brenda pak muajsh” Irani do të jetë në gjendje të kthehet në pasurimin e uraniumit dhe për këtë arsye potencialisht të prodhojë një bombë bërthamore (justifikimi për sulmet ishte parandalimi i tij nga kjo).
IAEA ishte e vetmja agjenci që monitoronte programin bërthamor të Iranit, megjithëse me vështirësi të konsiderueshme.
Që nga vera e kaluar, inspektorët janë detyruar të largohen nga vendi dhe regjimi e ka ndërprerë plotësisht bashkëpunimin.
Tërheqja e detyruar nga regjimi e IAEA-s është arsyeja kryesore pse dihet kaq pak për pasojat e sulmeve të mëparshme.
Agjencitë perëndimore të inteligjencës dyshojnë se, të paktën deri më tani, regjimi është përpjekur të rikuperojë uraniumin e pasuruar që kishte zhvendosur dhe fshehur, por besojnë se po i rindërton vendet e prekura, edhe më thellë.
Kërkesa e dytë – zvogëlimi i arsenalit, si në aspektin e numrit të raketave ashtu edhe të rrezes së tyre të veprimit – konsiderohet e papranueshme nga regjimi, i cili do ta shihte atë si një anulim të aftësisë së tij parandaluese dhe mundësinë e goditjes së Izraelit, armikut të tij historik.
Një gazetë iraniane raporton kërcënimet e Trump
Nuk dihet nëse janë duke u zhvilluar negociata midis Shteteve të Bashkuara dhe Iranit.
Agjencia gjysmëzyrtare e lajmeve të regjimit, ISNA, e mohoi këtë, duke thënë megjithatë se ministri i Jashtëm, Abbas Araghchi është në kontakt me “disa vende” që veprojnë si ndërmjetës.
“Qëndrimi ynë është se diplomacia nuk mund të jetë efektive ose të arrijë rezultate përmes kërcënimeve ushtarake”, tha Araghchi, duke iu referuar lëvizjes së forcave detare amerikane drejt Iranit.
Araghchi mohoi të ketë tentuar të flasë me të dërguarin special të Trump, Steve Witkoff. Ndërkohë, regjimi ka kërcënuar me një përgjigje“si kurrë më parë” në rast të një sulmi.
Nga Gazeta Si- Shkenca mjekësore po hap horizonte të reja në luftën kundër rrezikut kardiovaskular, duke synuar njëkohësisht disa nga faktorët kryesorë që e ushqejnë atë: mbipeshën, kolesterolin e lartë LDL dhe steatozën hepatike (yndyrën në mëlçi).
Një studim i publikuar së fundmi në revistën prestigjioze Science Signaling sugjeron se, në të ardhmen, mund të jetë e mundur të kundërshtohet ky rrezik me një qasje të vetme terapeutike.
Hulumtimi është kryer nga ekspertë të Spitaleve Universitare dhe Universitetit Case Ëestern Reserve në Cleveland, nën koordinimin e studiuesit Jonathan Stamler. Aktualisht, studimi është ende në fazë laboratorike dhe nuk ka kaluar në prova klinike tek njerëzit, por rezultatet e para janë cilësuar si premtuese.
Një enzimë kyçe në qendër të kërkimit
Sipas studiuesve, duke bllokuar një enzimë të caktuar, të quajtur SCoR2, mund të veprohet njëkohësisht mbi tre mekanizma që rrisin ndjeshëm rrezikun e infarktit të miokardit dhe goditjes në tru. Eksperimentet laboratorike kanë treguar se frenimi i kësaj enzime çon në uljen e kolesterolit LDL (i ashtuquajturi “kolesteroli i keq”), reduktimin e peshës trupore dhe përmirësimin e steatozës hepatike.
Veprimi i kombinuar ndodh përmes indit dhjamor dhe mëlçisë, duke synuar drejtpërdrejt dismetabolizmin e lipideve, një nga shkaktarët kryesorë të sëmundjeve kardiovaskulare.
Në qendër të këtij mekanizmi qëndron oksidi nitrik, një molekulë thelbësore për organizmin e njeriut. Përtej efektit të njohur të vazodilatimit të arterieve, oksidi nitrik ndikon në funksionimin e sistemit nervor, përgjigjen imunitare dhe metabolizmin qelizor. Ai luan gjithashtu një rol të rëndësishëm në rregullimin e yndyrës dhe kolesterolit.
Ekspertët kanë zbuluar se enzima SCoR2 heq oksidin nitrik nga disa proteina që kontrollojnë akumulimin e yndyrës. Ky proces aktivizon sintezën e yndyrës, duke treguar se SCoR2 është thelbësore për prodhimin e indit dhjamor. Bllokimi i saj, përkundrazi, duket se frenon këto procese patologjike.
“Në mëlçi, oksidi nitrik pengon proteinat që prodhojnë yndyrë dhe kolesterol, ndërsa në indin dhjamor ndalon programin gjenetik që krijon enzimat përgjegjëse për prodhimin e yndyrës,” shpjegon Stamler.
Një ilaç i mundshëm, por ende në fazë paraklinike
Studiuesit kanë zhvilluar një molekulë eksperimentale që vepron mbi SCoR2 dhe kanë vërejtur se, në modelet e miut, ajo parandalon shtimin në peshë, përmirëson shëndetin e mëlcisë dhe ul kolesterolin LDL. Megjithatë, ekspertët theksojnë se jemi ende në fazat e para dhe se kalimi drejt përdorimit tek njerëzit do të kërkojë kohë, studime të mëtejshme dhe prova klinike të mirëfillta.
Kujdes i integruar për sëmundjet kronike
Sipas Francesco Dentali, internist dhe drejtor i Departamentit të Zonës Mjekësore në ASST Sette Laghi di Vareese, ky studim përfaqëson një qasje të re dhe shumë interesante në menaxhimin e rrezikut kardiovaskular.
“Vitet e fundit kemi parë një revolucion klinik me frenuesit SGLT2 dhe agonistët e receptorëve GLP-1, të zhvilluar fillimisht për diabetin, por që kanë treguar përfitime të mëdha edhe për zemrën, peshën trupore dhe veshkat. Studimi mbi SCoR2 ndjek të njëjtën logjikë: të veprojë ‘në rrjedhën e sipërme’ të dismetabolizmit lipid,” shprehet ai.
Sipas tij, nëse këto rezultate konfirmohen në studime klinike, në të ardhmen mund të kemi strategji të reja terapeutike që plotësojnë trajtimet ekzistuese dhe synojnë në mënyrë më të drejtpërdrejtë treshen mbipeshë–dislipidemi–steatozë hepatike, e cila është gjithnjë e më e shpeshtë tek pacientët kronikë.
Edhe pse rruga drejt aplikimit klinik është ende e gjatë, studiuesit janë optimistë se ky zbulim mund të shënojë një hap të rëndësishëm drejt parandalimit më efektiv të sëmundjeve kardiovaskulare.
Nga Gazeta Si- Janë prezantuar sot gjithë projektet në konkursin ndërkombëtar për “Shtëpinë e re të fëmijëve dhe Kompleksin e Inspektorateve Shtetërore”.
I pranishëm në konkurs, kryeministri Edi Rama tha se këto dy projekte të reja do t’u hapin rrugë dy drejtimeve të reja për të ardhmen.
“Po krijojmë kushte tërësisht të reja për fëmijët që janë në duart e solidaritetit të shoqërisë, jetimët dhe njëkohësisht edhe për korpusin e ri të inspektorateve dhe me këtë rast dua të falënderoj këtu kryeinspektorin që për 10 vite rresht drejtoi një institucion që lindi vërtetë nga hiçi dhe u krijua nga e para dhe që sot është gati të bëjë një hap tjetër”, tha Rama.
Secila prej studiove arkitekturore po prezanton projektin e saj për një godinë të re ku pritet të vendoset Shtëpia e Fëmijëve dhe Inspektorati i Përgjithshëm. Në bazë të projektit fitues, disa godina ekzistuese do të prishet dhe do të ndërtohet kompleksi i ri.
Ndërkohë dhe shtëpia e fëmijëve “Zyber Hallulli” do të prishet.
Nga Gazeta ‘Si’- Baza MAGA e presidentit Donald Trump, e njohur për kundërshtimin tradicional ndaj përfshirjes së SHBA-së në luftëra të huaja, duket se po mbështet gjithnjë e më shumë përdorimin agresiv të forcës ushtarake jashtë vendit nga administrata dhe do të ishte në masë të madhe pro edhe për veprime të tjera të ngjashme.
Një sondazh i ri i POLITICO tregon se 65 për qind e votuesve të Trump mbështesin që Shtetet e Bashkuara të ndërmarrin veprime ushtarake kundër të paktën njërit prej disa vendeve të përmendura si objektiva të mundshëm, mes tyre Irani, Groenlanda, Kuba, Kolumbia, Kina dhe Meksika.
Mes këtyre vendeve spikat Irani.
Rreth 50 për qind e votuesve të Trump mbështesin ndërhyrjen ushtarake në këtë shtet, përqindja më e lartë krahasuar me çdo objektiv tjetër të huaj. Kjo shifër rritet në 61 për qind tek të anketuarit që e përshkruajnë veten si republikanë “MAGA”.
Të dhënat e sondazhit ofrojnë një panoramë të qartë të një lëvizjeje politike që po përshtat parimin “America First” me përdorimin e zgjeruar të fuqisë ushtarake amerikane nga Trump, duke përfshirë operacione të tilla si kapja e liderit të Venezuelës apo bombardimet ndaj objekteve bërthamore iraniane.
Përqindja e votuesve të Trump 2024 që thonë se “SHBA duhet të ndërmarrë veprim ushtarak në…”
Kërcënimet e fundit të Trump ndaj Teheranit e theksojnë edhe më shumë këtë zhvendosje brenda Partisë Republikane. Presidenti deklaroi në rrjetin e tij Truth Social se një “armatadë masive” ishte nisur drejt Iranit për të “përmbushur misionin me shpejtësi dhe forcë”, nëse Teherani nuk pranon negociata bërthamore. Një sulm i ri, paralajmëroi ai, do të ishte “shumë më i ashpër” se goditjet e verës ndaj objekteve bërthamore.
Edhe pse Trump kishte bërë fushatë kundër “luftërave të pafundme” dhe ishte zotuar të fokusohej te çështjet e brendshme, zhvendosja e tij drejt ndërhyrjes ushtarake nuk duket se i ka zemëruar mbështetësit — përkundrazi, ai vijon të gëzojë mbështetje të fortë nga baza MAGA.
“Nëse beson teorinë e Trump se qëllimi ynë është të bëjmë gjithçka për të mbrojtur amerikanët, dhe kjo përfshin neutralizimin e njerëzve të rrezikshëm në vende të caktuara, atëherë kjo është ‘America First’,” tha Amy Walter, kryeredaktore e raportit jopartiak Cook Political Report.
Megjithatë, ajo thekson se mbështetësit e Trump duket se bëjnë dallim mes sulmeve ushtarake të kufizuara dhe përfshirjes afatgjatë në ndërtimin e shteteve, siç ndodhi në Irak apo Afganistan. Sipas saj, një vendim për të dërguar trupa tokësore në Lindjen e Mesme apo në Venezuelë mund ta përçante koalicionin republikan.
Demokratët rezultojnë dukshëm më skeptikë ndaj planeve ushtarake jashtë vendit. Vetëm 18 për qind e votuesve që mbështetën ish-nënpresidenten Kamala Harris në zgjedhjet e fundit presidenciale mbështesin veprim ushtarak amerikan kundër Iranit, sipas sondazhit të realizuar nga kompania Public First.
Artikulli është pjesë e një projekti të përbashkët të vazhdueshëm mes POLITICO dhe Public First, një kompani e pavarur sondazhesh me seli në Londër, që synon matjen e opinionit publik në fusha të ndryshme të politikave.
Megjithatë, jo të gjitha objektivat e mundshëm të Trump janë po aq tërheqës për votuesit republikanë. Mbështetja për përdorimin e forcës kundër Groenlandës është shumë më e ulët. Vetëm 21 për qind e votuesve të Trump në vitin 2024 dhe 26 për qind e atyre që identifikohen si “republikanë MAGA” e mbështesin këtë ide.
Një akullnajë në Groenlandë
Sërish, kjo do të thotë se më shumë se një në katër nga mbështetësit më të zjarrtë të Trump do ta inkurajonin atë të sulmonte potencialisht edhe një aleat të NATO-s për të arritur objektiva strategjikë amerikanë. Pas deklaratave të forta publike, Trump u tërhoq pjesërisht nga këto kërcënime javën e kaluar.
Pothuajse një e treta e republikanëve mbështesin ndërhyrje ushtarake edhe më afër kufijve të SHBA-së. Rreth 32 për qind e votuesve të Trump mbështesin veprim ushtarak në Meksikë, 30 për qind në Kolumbi dhe 28 për qind në Kubë. Tek votuesit që identifikohen si “MAGA republikanë”, këto përqindje janë edhe më të larta.
Ndërkohë, përqindjet e votuesve të Harris që mbështesin veprim ushtarak në këto vende janë shumë më të ulëta: 11 për qind për Kolumbinë dhe Kubën, dhe 10 për qind për Meksikën.
Trump ka kërcënuar vazhdimisht me ndërhyrje ushtarake në të tria këto vende, sidomos në kuadër të luftës kundër trafikut të drogës në kufirin jugor, duke përmendur edhe mundësinë e bombardimit të karteleve në Meksikë apo ndryshime regjimesh në Kolumbi dhe Kubë.
Sondazhi sugjeron se përtej bazës së tij më besnike, amerikanët mbeten të ndarë për fokusin e Trump në politikën e jashtme gjatë vitit të parë të rikthimit të tij në detyrë. Rreth 44 për qind e amerikanëve mendojnë se ai ka shpenzuar shumë kohë në çështje ndërkombëtare në vend që të merret me problemet e brendshme.
Megjithatë, mes votuesve që e mbështetën në zgjedhjet e vitit 2024, 59 për qind besojnë se ai i ka kushtuar kohën e duhur çështjeve ndërkombëtare, ndërsa vetëm 26 për qind shqetësohen për këtë fokus.
Në krahun tjetër, 66 për qind e votuesve të Harris shprehin shqetësim për prioritetin e dhënë politikës së jashtme.
Kjo ndarje e thellë partiake mbi strategjinë e politikës së jashtme të Trump mund të vështirësojë përpjekjet e demokratëve për ta kthyer këtë çështje në temë qendrore në zgjedhjet e ardhshme parlamentare, pasi mbështetja e fortë republikane e bën të vështirë ndryshimin e balancave elektorale përmes kritikave ndaj politikave ndërhyrëse.// Politico
Autoritetet në Pakistan kanë urdhëruar kontrolle të përforcuara sigurie për ata që hyjnë në vend për shenja të infeksionit me virusin vdekjeprurës Nipah, pasi India konfirmoi raste, duke u bërë vendi i fundit aziatik që rrit kontrollin.
Tajlanda, Singapori, Hong Kongu, Malajzia, Indonezia dhe Vietnami kanë rritur gjithashtu kontrollin në aeroporte.
Aktualisht nuk ka vaksinë për virusin, i cili transmetohet te njerëzit nga kafshët ose nga ushqimi i kontaminuar.
Mund të jetë asimptomatik, por shpesh është shumë i rrezikshëm, me një shkallë vdekshmërie prej 40% deri në 75%, varësisht nga aftësia e sistemit lokal të kujdesit shëndetësor për ta zbuluar dhe menaxhuar atë, sipas Organizatës Botërore të Shëndetësisë.
Kur shfaqen simptomat, ato përfshijnë temperaturë të lartë, të vjella dhe infeksion të frymëmarrjes, por në raste të rënda, mund të ndodhin konvulsione dhe encefalit që çojnë në gjendje kome.
“Është bërë e domosdoshme të forcohen masat parandaluese dhe masat e mbikëqyrjes në kufijtë e Pakistanit”, thanë Shërbimet Shëndetësore Kufitare të Pakistanit në një deklaratë.
Ministria e shëndetësisë e Indisë tha këtë javë se autoritetet kishin identifikuar 196 kontakte të lidhura me dy rastet, asnjëri prej të cilëve nuk tregoi simptoma dhe të gjithë rezultuan negativë për virusin.
Shpërthimi i parë i virusit Nipah u regjistrua në vitin 1998, pasi virusi u përhap midis fermerëve të derrave në Malajzi. Virusi është emëruar sipas fshatit në vendin e Azisë Juglindore ku u zbulua.
Rastet e para në Indi u zbuluan në vitin 2001 në Bengalin Perëndimor. Në vitin 2018, një shpërthim në Kerala, në pjesën jugore të vendit, shkaktoi 17 vdekje.
OBSH-ja e ka klasifikuar Nipah si një patogjen prioritar. India raporton rregullisht infeksione sporadike, veçanërisht në Kerala, e cila konsiderohet si një nga zonat me rrezikun më të lartë për virusin Nipah në botë.
Që nga dhjetori 2025, ka pasur 750 infeksione të konfirmuara Nipah në të gjithë botën, me 415 vdekje, sipas Koalicionit për Inovacione të Përgatitjes Epidemike, i cili po financon një provë vaksine për të ndihmuar në luftimin e Nipah.
Gazeta Si – Një video e re u publikua në mediat amerikane me protagonist Alex Pretti-n, 37-vjeçarin e qëlluar për vdekje në Mineapolis, Minesota, gjatë protestave kundër ICE.
Pamjet u publikuan 11 ditë pas vdekjes së tij. Ato tregojnë infermierin që kapet dhe hidhet me forcë në tokë nga agjentët federalë të emigracionit menjëherë pasi u konfliktua dhe goditi me shqelm dritën e pasme të automjetit të tyre.
Ai shihet më pas duke u përpjekur të lirohet (ose të lihet të shkojë). Pas përpjekjes, një protestues i afrohet Pretti-t për ta pyetur nëse është mirë. “Jam mirë”, përgjigjet ai. Njëmbëdhjetë ditë më vonë, në një protestë tjetër, ai vritet.
Rreth 2 minuta video, e publikuar nga “The News Movement“, tregojnë një incident më 13 janar në Minneapolis, gjatë protestave të ashpra komunitare kundër veprimeve të forta të agjentëve në qytet.
Në pamje, agjentët e kapin me forcë Pretti-n, ndërsa ai bërtet ndaj tyre dhe godet dritën e pasme të një automjeti të tyre. Pak më vonë, një agjent i armatosur rëndë del nga makina dhe e rrëzon Pretti në tokë, ndërsa të tjerët i qëndrojnë pranë.
Videoja tregon gjithashtu se Pretti ka një armë të fshehur në brez, pasi oficeri i hoqi pallton, por ai nuk e përdori armën gjatë apo pas përplasjes. Ai qëndroi në vend derisa agjentët u larguan.
Familja e Pretti-t e quajti “të neveritshëm” pretendimin e administratës Trump se ai kishte nxjerrë armë dhe kishte synuar të sulmonte oficerët, duke theksuar se videoja e re tregon qartë se Alex nuk kishte armë gjatë përplasjes. Ata kërkuan që e vërteta për djalin e tyre të bëhej publike, duke e përshkruar atë si një njeri të mirë.
Nga Gazeta ‘Si’- Kryeministri i Mbretërisë së Bashkuar, Sir Keir Starmer, u takua të enjten me Presidentin e Kinës, Xi Jinping, në Pekin, në përpjekje për të rindërtuar marrëdhëniet e tensionuara ndërmjet dy vendeve dhe për të siguruar përfitime ekonomike për Britaninë.
Ky takim është i pari i një kryeministri britanik me liderin kinez në tetë vjet.
Takimi dypalësh zgjati rreth 80 minuta dhe u mbajt në Sallën e Madhe të Popullit, para se udhëheqësit të shijonin një drekë së bashku. Gjatë bisedimeve u trajtuan tema që përfshijnë bashkëpunimin ekonomik, çështje tregtie dhe siguri, si dhe fushat ku vendet ndajnë mosmarrëveshje.
Starmer theksoi me Presidentin Xi se Britania dëshiron të ndërtojë një “marrëdhënie më të sofistikuar” me Kinën, një lidhje që mund të identifikojë mundësi bashkëpunimi për rritje dhe siguri, por që gjithashtu mund të lejojë dialog të sinqertë në lidhje me çështjet ku të dy vendet ndajnë pikëpamje të ndryshme.
Ai argumentoi se Kina është një aktor jetik në skenën globale dhe se ishte koha për një qasje më të avancuar dhe të qëndrueshme në marrëdhënie.
Presidenti Xi, nga ana e tij, përmendi se marrëdhëniet midis Kinës dhe Britanisë kishin kaluar “suksese dhe sfida” që nuk kishin shërbyer interesave të përbashkëta, duke shprehur gatishmërinë që të zhvillojë një partneritet afatgjatë strategjik mes dy vendeve.
Gjatë vizitës, Starmer, i shoqëruar nga më shumë se 50 udhëheqës të sektorit të biznesit, tha se kishin bërë përparim në diskutime që përfshinin uljen e tarifave doganore për uiskin skocez, si dhe diskutime rreth mundësisë së heqjes së vizave për shtetas britanikë që udhëtojnë në Kinë.
Një nga çështjet e sigurisë që u trajtua në takime ishte bashkëpunimi për të luftuar rrjetet kriminale të trafikut të migrantëve. Zyrtarët britanikë dhe kinezë ranë dakord të ndajnë informacion për të identifikuar rrugët e kontrabandës dhe për të bashkëpunuar me prodhuesit e motorëve kinezë që përdoren në anijet e vogla, të cilat shpesh shfrytëzohen për trafikim të paligjshëm drejt Europës.
Gjithashtu gjatë takimit pati një diskutim të respektueshëm mbi çështje të të drejtave të njeriut, përfshirë rastin e ish-gazetarit dhe biznesmenit pro-demokracisë nga Hong Kongu, Jimmy Lai, i cili u dënua me akuza të sigurisë kombëtare.
Vizita e kryeministrit Starmer në Pekin vjen në një moment kur marrëdhëniet ndërkombëtare po sfidohen nga pasiguria në politikën e jashtme të Shteteve të Bashkuara, përfshirë deklarimet e presidentit amerikan që kanë shqetësuar aleatët tradicionalë.
Si rezultat, udhëheqës të tjerë perëndimorë kanë shfaqur interes për të rimarrë dialogun me Kinën, duke përfshirë edhe vizitën e kryeministrit kanadez para pak ditësh.
Megjithatë, sfidat mbeten, përfshirë diferencat për çështjet e sigurisë kombëtare, spiunazhin dhe tensionet politike në Hong Kong, që ngrenë pyetje rreth besueshmërisë dhe kufizimeve të bashkëpunimit.
Nga Gazeta ‘SI’ – Qeveria ka miratuar krijimin e Kadastrës Fiskale, një regjistër ku do të jenë të gjitha të dhënat e pasurive të patundshme në kuadër të administrimit të taksës së ndërtesës.
Me këtë vendim, synohet të krijojë një regjistër unik dhe të centralizuar, ku do të përqendrohen të gjitha të dhënat që lidhen me pasuritë e paluajtshme dhe detyrimet përkatëse tatimore.
Duke nisur nga data 10 shkurt 2026, të gjitha bashkitë e vendit do të kenë detyrimin ligjor që administrimin e taksës mbi ndërtesën, në bashkëpunim me drejtorinë e Përgjithshme të Taksës së Pasurisë, në bashkëpunim me Agjencinë Kombëtare të Shoqërisë së Informacionit.
Kadastra Fiskale do të përmbajë informacion të detajuar për ndërtesat dhe njësitë e tyre, përfshirë vendndodhjen, sipërfaqen, kategorinë, statusin e ndërtimit dhe të privatizimit, si dhe për pronarët, përdoruesit apo zhvilluesit e tyre – të dhëna që i ofrojnë bashkitë. Në regjistër do të pasqyrohen gjithashtu zonat e vlerës dhe çmimet referuese, baza e taksës, shkallët e zbatueshme për banim, aktivitet ekonomik apo ndërtesa të papërfunduara, si edhe detyrimet tatimore, afatet e pagesës, pagesat e kryera, gjobat, kamatëvonesat dhe rastet e përjashtimit ose lehtësimit nga taksa.
Një element i rëndësishëm i sistemit të ri është ndërveprimi elektronik me një sërë bazash të tjera shtetërore të të dhënave, përfshirë regjistrin e pasurive të paluajtshme, gjendjen civile, regjistrin tregtar, tatimet, sistemin e lejeve të ndërtimit, si dhe të dhëna nga institucione të tjera publike.
Vendimi parashikon gjithashtu që çdo veprim i kryer në sistem të regjistrohet përmes gjurmës së auditit, me qëllim garantimin e përdorimit të të dhënave vetëm për qëllime ligjore dhe funksionale.
Gazeta Si – Prokuroria e Posaçme ka përfunduar hetimet dhe dërgoi për gjykim dosjen në ngarkim të dy ish-prokurorëve të Sarandës, Kledian Llaho dhe Çlirim Shahini. të cilët dyshohet se i kanë kërkuar ryshfet 55 mijë euro Pando Papuçit vetëm për t’i lehtësuar masën e sigurisë si pjesë e një hetimi për ndërtim pa leje.
Ata u morën të pandehur më 23 dhjetor të vitit të kaluar. Hetimet e SPAK, zbuluan se Papuçi, i shpallur në kërkim për ndërtim pa leje, pasi iu shmang drejtësisë për rreth dy vite, u arrestua dhe masa e sigurisë ndaj tij u ndryshua brenda një ore nga gjyqtarja Edona Vajushi, me kërkesë të prokurorisë.
SPAK dyshon se ish-prokurorët i kanë kërkuar para Papuçit në këmbim të ndërhyrjes në procedurat gjyqësore, duke synuar zbutjen e masës. Këto veprime, sipas organit të akuzës, provojnë skemën e korrupsionit.
Llaho, sipas prokurores Manjola Kajana, dyshohet se ka marrë 30 mijë euro nga miku i tij, biznesmeni Vasil Bakalli, ku dyshohet se vlerat monetare i ka marrë në Greqi.
Ndërsa prokurori i Papuçit, Çlirim Shahini provohet se ka marrë 25 mijë euro në këmbim që t’i kërkonte gjykatës masën “detyrim paraqitje”, kur në total dyshohet se janë paguar 55 mijë euro për një masë sigurimi.
Nën akuzë është edhe biznesmeni Vasil Bakalli për korrupsion, i cili dyshohet se ka luajtur rolin e sekserit me prokurorin Llaho.
Nga Gazeta ‘Si’- Presidenti ukrainas Volodymyr Zelensky tha se inteligjenca e vendit të tij tregon se Rusia po përgatit një sulm tjetër në shkallë të gjerë.
“Ne gjithashtu e dimë se rusët po përgatiten për një sulm të ri – inteligjenca jonë e tregon këtë. Tani Shtetet e Bashkuara, Europa dhe të gjithë partnerët tanë duhet të kuptojnë se si kjo diskrediton bisedimet diplomatike”, citohet të ketë thënë Zelensky.
Ai vuri në dukje se kur sulmet ruse vazhdojnë dhe sulmet vazhdojnë, është e vështirë për njerëzit të ndiejnë se diplomacia është konstruktive dhe e aftë të japë rezultate.
“Kushdo që dëshiron vërtet paqe duhet të mendojë se si të sigurojë që rusët po përgatiten jo për sulme të reja masive, por për t’i dhënë fund luftës. Bota ka fuqinë ta bëjë këtë të ndodhë”.
“Ne thjesht duhet ta përdorim atë fuqi – për hir të paqes. Falënderoj të gjithë ata që i qasen situatës pikërisht në këtë mënyrë”, ka shtuar presidenti Zelensky.
Deklaratat e tij vijnë pasi të mërkurën, më 28 janar, forcat ruse bombarduan dhe kryen sulme me dronë në distriktet Kamianske, Nikopol, Pavlohrad, Kryvyi Rih dhe Synelnykove në rajonin e Dnipropetrovsk.
Dy shqiptarë E.D., dhe S.A., dhe dy braziliane Th.C., 35 vjeçe dhe A.F., 39 vjeçe janë nën hetim në gjendje të lirë për prostitucion. Policia njofton se ata kishin marrë me qira një apartament në zonën e Vollgës në lagjen nr. 1 në Durrës ku kryenin aktivitetin e tyre.
Në cilësinë e provës materiale u sekuestruan gjithsej 1 080 euro, 116 700 lekë, 120 dollarë amerikanë, 80 paund britanikë, 150 franga dhe 3 430 dinarë, si dhe dy pasaporta të shtetaseve të huaja, 8 aparate celularë, karta telefoni dhe blloqe shënimesh.
Nga Gazeta ‘Si– Presidenti amerikan Donald Trump ka paralajmëruar Iranin se “koha po mbaron” për të arritur një marrëveshje mbi programin bërthamor, ndërsa Shtetet e Bashkuara po rrisin ndjeshëm praninë e tyre ushtarake në rajonin e Gjirit.
Trump deklaroi se një “armatë masive” e forcave detare amerikane po lëviz “me shpejtësi, fuqi dhe qëllim të qartë” drejt Iranit, duke sinjalizuar gatishmërinë e Washingtonit për veprime të ashpra nëse Teherani nuk pranon të ulet në tryezën e negociatave.
Reagimi nga Irani ishte i menjëhershëm.
Ministri i Jashtëm Abbas Araghchi tha se forcat e armatosura iraniane janë “me gishtin në këmbëz”, gati për t’iu përgjigjur “menjëherë dhe fuqishëm” çdo agresioni, qoftë në tokë apo në det.
Irani vijon të këmbëngulë se programi i tij bërthamor është plotësisht paqësor dhe se nuk ka synuar kurrë zhvillimin e armëve bërthamore, akuza këto që i ka mohuar vazhdimisht përballë SHBA-ve dhe aleatëve të saj.
Paralajmërimi i Trump vjen në një moment kur Irani po përballet edhe me trazira të rënda të brendshme.
Protestat shpërthyen pas rënies së fortë të monedhës vendase, por shpejt u shndërruan në një krizë legjitimiteti për udhëheqjen klerikale të vendit.
“Ndihma është rrugës”, deklaroi Trump, duke sugjeruar një ndërhyrje amerikane në mbështetje të protestuesve. Më vonë, ai tha se ishte informuar se ekzekutimet e demonstruesve kishin ndalur.
Sipas Human Rights Activists News Agency (HRANA), mbi 6 300 persona janë vrarë që nga fillimi i trazirave në fund të dhjetorit, përfshirë rreth 5 900 protestues.
Organizata po heton gjithashtu raportime për rreth 17 mijë viktima të tjera, të marra gjatë një bllokade pothuajse 3-javore të internetit. Ndërkohë, grupi Iran Human Rights, me bazë në Norvegji, paralajmëron se bilanci përfundimtar mund të kalojë 25 mijë të vrarë.
Megjithatë, deklaratat më të fundit të Trump janë fokusuar kryesisht te programi bërthamor i Iranit. Në një postim në TruthSocial, ai shkroi se shpresonte që Irani të “vijë shpejt në tryezë” për një marrëveshje “të drejtë dhe të barabartë”, duke theksuar: ASNJË ARMË BËRTHAMORE!
Nga Gazeta ‘SI’ –Mbi 345 milionë lekë dëmshpërblim do të jepen për 15 bashkitë e prekura nga zjarret e verës së shkuar.
Kështu ka njoftuar Ministri i Mbrojtjes, Pirro Vengu, përmes një postimi në rrjetet sociale, ku ka listuar të gjitha bashkitë dhe fondin që përfitojnë. Kruja dhe Gramshi do të marrin pjesë më të made të dëmshpërblimit, për shkak të dëmeve masive që përjetuan. Vetëm në Gramsh, siç është raportuar më herët, janë shkrumbuar 68 banesa.
Po ashtu pati edhe qindra bagëti të ngordhura dhe mijëra hektarë ullinj e pemë frutore të djegur.
Në total, në të bashkitë e përfshira nga zjarrvëniet janë afro 200 shtëpi të dëmtuara dhe mbi 3 600 krerë bagëtish të djegura.
Për shkak të rasteve të përsëritura, zjarrvënia është përfshirë në Kodin Penal, ku autorët rrezikojnë burg nga 5 deri në 15 vite. Me ndryshimet e reja ligjore, edhe zjarrvënia nga pakujdesia do të përfshihet në Kodin Penal.
Nga Gazeta “Si” – Përfundon faza e Ligës në edicionin e dytë të kompeticionit të kampionëve.
Arsenal, Chelsea, Liverpool, Man City & Tottenham u kualifikuan direkt në raundin e 16 më të mirëve.
Premier League konfirmohet edhe një herë si kampionati më i fortë në Evropë.
Bashkë me to u kualifikuan direkt edhe Bayern Munich, Barcelona dhe Sporting i Lisbonës.
Pavarësisht barazimit ndaj PSG, “qymyrxhinjtë” e Neëcastle përfunduan në raundin play-off.
Ndeshje shtesë edhe për Realin e Madridit që pati një humbje dramatike 4-2 nga Benfica e Mourinho’s.
Momenti më i bukur i mbrëmjes u krijua nga portieri i Benfica-s, Anatoliy Trubin në 98’.
Goditja e tij me kokë i dha kualifikimin portugezëve të cilët në play-off mund të ndeshen sërish me Realin e Madridit ose ish skuadrën tjetër të Jose Mourinho’s, Inter.
Rezultatet e raundit të 8-të Ajax 1-2 Olympiacos Arsenal 3-2 Kairat Almaty Athletic Club 2-3 Sporting CP Atletico Madrid 1-2 Bodo/Glimt Barcelona 4-1 Copenhagen Bayer Leverkusen 3-0 Villarreal Benfica 4-2 Real Madrid Borussia Dortmund 0-2 Inter Club Brugge 3-0 Marseille Eintracht Frankfurt 0-2 Tottenham Hotspur Liverpool 6-0 Qarabag Man City 2-0 Galatasaray Monaco 0-0 Juventus Napoli 2-3 Chelsea Pafos 4-1 Slavia Prague Paris Saint-Germain 1-1 Newcastle PSV Eindhoven 1-2 Bayern Munich Union SG 1-0 Atalanta
Nga Gazeta ‘SI’- Ambasada e Shteteve të Bashkuara të Amerikës ka ndërmarrë një nismë duke ftuar në një takim deputetët që ulen për herë të parë në Parlament, por jo të gjithë, pasi ftesat duket se janë dërguar vetëm pas një procesi “filtrimi”.
Sipas pamjeve të ndara nga Ambasada, në takim kanë qenë vetëm emrat e deputetëve që nuk janë përfolur për afera abuzive apo lidhje me kontigjentë kriminalë, si p.sh Ivi Kaso, Besart Xhaferri, Marjana Koceku etj.
“Këtë javë, e Ngarkuara me Punë Nancy VanHorn u takua me deputetë të rinj nga Partia Socialiste dhe Partia Demokratike për t’i përgëzuar ata teksa nisin Programin Ndërkombëtar të Vizitorëve Udhëheqës (IVLP). Ata do të udhëtojnë së bashku në Washington, DC; Phoenix, Arizona; dhe Pensacola, Florida, për të forcuar bashkëpunimin SHBA-Shqipëri mbi prioritete të përbashkëta, si nxitja e lidhjeve tregtare, çuarja përpara e zhvillimit ekonomik transparent dhe mbrojtja e infrastrukturës kritike përmes përpjekjeve ndërpartiake”, njofton ambasada.
Ambasada ka lënë jashtë deputetë si Sara Mile, e cila u reklamua si një fenomen në PS dhe theu rekordet e veteranëve të vjetër të partisë, me votat që mori në zgjedhjet e 11 majit. Mile është akuzuar si e lidhur me figura kriminale në zonën e Elbasanit, ku ajo shërben si deputete. Po ashtu mungojnë figura të tjera të famshme si Zegjine Çaushi, Tërmet Peçi, Agron Malaj, Gjin Gjoni, Zija Isamili.
Nuk është e qartë nëse përzgjedhja e SHBA-së është rastësore apo një mesazh për kupolën drejtuese të shtetit.
Nga Gazeta “Si” – Futbollisti gjerman me origjinë nga Shkodra, Brajan Gruda u shpall kampion i Gjermanisë me A-Junior të Mainz 05 në vitin 2023.
Në vitin 2024 u transferua nga Mainz te Brighton dhe u shpall nënkampion i Evropës me Gjermaninë U21 në vitin 2025.
… objektivat e sezonit të Brighton & Hove Albion: “Objektivi ynë është të luajmë në Evropë. Ndeshjet duhet ti marrim një e nga një, duhet të japim 100 për qind, të fitojmë 3 pikë dhe atëherë mund t’ja arrijmë.”
… vendimi për t’u transferuar te Brighton: “Faktor deciziv ishte dëshira e klubit dhe trajnerit për të ardhur këtu. Kjo ishte një shenjë shumë e mirë. U impresionova nga kushtet stërvitore, stafi dhe trajneri. Kjo më bëri të vij këtu.”
… kontaktet me trajnerin e Gjermanisë, Julian Nagelsmann: “Nuk kam kontakt me të. Shpresoj të vijë nëse paraqitjet e mia në fushë janë të mira. Atëherë pres të marr një telefonatë.”
… dëshira për të qenë pjesë e Kupës së Botës: “Unë po përpiqem të jap 100% në cdo ndeshje. Sigurisht që është një ëndërr. Do të gënjeja nëse do të thosha ndryshe. Kush nuk do të donte të luante në Kupën e Botës? Prandaj po jap gjithçka dhe pastaj të shohim çfarë do të ndodhë.”
… ndjesia e të qenit ‘jashtë vëmendjes’ duke luajtur jashtë Gjermanisë: “Nëse forma është e mirë, atëherë nuk ka rëndësi se ku luan. Unë nuk luaj në një vend çfarëdo, por në një nga kampionatet më të fortë. Nuk ndihem sikur jam jashtë vëmendjes.”
… stili i lojës së Fabian Hürzeler te Brighton: “Pavarësisht kundërshtarit apo presionit që na bëhet, na diferencon ndërtimi i lojës nga prapavija. Më magjeps mënyra se si luajmë me topin. Taktika ishte e ndërlikuar në fillim, por tani jam përshtatur.”
… interesi nga Bayern Munchen: “Në fillim kishte interes. Por nuk mund të them më shumë se kaq.”
… objektivat e karrierës: “Ëndrra ime është të luaj në Champions League dhe të jem pjesë e rregullt e Gjermanisë. Dua të luaj për një klub të madh si Bayern, Real Madrid, Barcelona ose Liverpool.”
Nga Gazeta ‘SI’ – Në Komisionin për Kulturën, Turizmin dhe Diasporën u zhvillua sot seancë dëgjimore për diskutimin e projektit TID (Durrës) me përfaqësues nga Ministria e Turizmit, Kulturës dhe Sportit si dhe një grup përfaqësuesish të komunitetit të banorëve të Durrësit.
Kryetarja e komisionit, Ina Zhupa, Fondacionit Shqiptaro Amerikan për Zhvillim, AADF që është zhvilluese e këtij projekti, ka refuzuar të jetë i pranishëm dhe të japë llogari publike para Kuvendit të Shqipërisë, për menaxhimin e një prone publike dhe interesit publik.
“Sot jemi përballë faktit që Kuvendi i Shqipërisë nuk detyron dot një institucion privat që t’i vijë në dëgjesë dhe kjo tregon atë që ka thënë opozita që kur AADF-ja filloi të fuste duart, këmbët dhe kokën në pasuritë publike shqiptare: te koncesioni i Butrintit, te Piramida, Elbasani, Gjirokastra, Ohri”, tha Zhupa.
Në komision, Zhupa ngriti shqetësimi se interesi publik i është lënë privatit për ta mbrojtur dhe s’ka më asnjë mekanizëm që privati të detyrohet që minimalisht të përgjigjet në komision.
Entela Koja, arkitekte dhe urbaniste, një nga pronaret e banesave të prekura nga projekti TID Durrës, tha se projekti ka shkelje të rënda në të drejtat qytetare, në të drejtat e pronësisë dhe në mënyrën se si është bërë.
“Deri në daljen e VKM-së së shpronësimit, në muajin gusht, ne nuk jemi pyetur”, tha Entela Koja, e cila përmendi ligjin 169 të vitit 2020, i përmendur edhe në Planin e Menaxhimit, i cili thotë se konsultimet bëhen me listëprezencë dhe marrje mendimesh nga banorët të cilat merren në konsideratë nga grupi i projektimit.
Banoret thanë se, janë bërë projekte mbi objektet e tyre, pa i vënë kush në dijeni. Banorët u shprehën se, nuk janë kundër projektit por në fakt po mbrojnë shtëpitë e tyre.
“Do prishet shtëpia ime për dy stola. Ky është turp. Në këtë zonë do të shkatërrohen 18 banesa. Dhe nuk ka lidhje fare me amfiteatrin. Është larg amfiteatrit. Shpronësimi i banesës është bërë 47 mln lekë të vjetra. E turpshme dhe qesharake. Ndërsa një vlerësuese gjykate e vlerësoi 420 mijë euro pronën ku prindërit e mi banojnë. Nuk e di si e ka blerë. Prindërit e mi janë 76 – 74 vjec. Vlerësimi është shumë qesharak”, tha njëra nga banoret e pranishme në komision.
Projekti TID Durrës parashikon të rijetëzojë bulevardin Epidman dhe ta zgjerojë atë, duke prekur 74 banesa të zonës më të populluar të qytetit.
Login
