Jennifer Lopez, me këtë paraqitje sfiduese, nuk la askënd indiferent dhe fjalë për fjalë “ia vodhi shfaqjen” një eventi glamuroz

E pakonkurrueshmja Jennifer Lopez mori pjesë në një mbrëmje gala të organizuar nga revista Vanity Fair dhe Amazon MGM Studios dhe me paraqitjen e saj jashtëzakonisht femërore dhe provokuese arriti t’i lërë të gjithë të tjerët në hije.

Këtë grua të suksesshme me të drejtë e ndjek fama se është e jashtëzakonshme dhe, dukshëm, nuk ka ndërmend të ndalet, për fatin tonë, kështu që edhe kësaj here fjalë për fjalë i la të gjithë pa fjalë, me një krijim elegant dhe sfidues që theksonte në mënyrë perfekte linjat e saj femërore.

Diva latine zgjodhi një krijim spektakolar në ngjyrë vishnje të errët kishte veshur një fustan mbrëmjeje me shpinë të hapur, i cili “rrëshqiste” në mënyrë perfekte mbi format e saj karakteristike dhe i theksonte ato maksimalisht. Me këtë paraqitje nuk la askënd indiferent, as publikun e as kritikët e modës, transmeton Telegrafi.

Fustanin e kompletoi me sandale të hapura, çantë dore dhe një pallto të shkurtër gëzofi në të njëjtën ngjyrë, ndërsa dekolteja dhe pjesa e poshtme e trupit të saj ishin plotësisht të ekspozuara.

Megjithatë, Jennifer Lopez e di shumë mirë se cilën pozë të marrë edhe në paraqitje shumë të guximshme si kjo, në mënyrë që të mos zbulojë më shumë sesa duhet, por pikërisht aq sa mjafton.

/Telegrafi/

Fustani rozë, frizura e re dhe eleganca e pastër bënë që të gjithë sytë të ishin mbi të

Vetë fustani është punuar nga saten rozë dhe pasqyron në mënyrë të përkryer natyrën e brishtë të Glindës, personazhit që Ariana Grande e interpreton në filmin Wicked.

Ariana Grande, e cila prej kohësh ka tërhequr vëmendjen e publikut me pamjen e saj shumë të dobët trupore, së fundmi mori pjesë në ndarjen e çmimeve Critics Choice Awards në Kaliforni, dhe është e pakta të thuhet se me paraqitjen e saj la mbresa të forta tek të pranishmit.

Ajo parakaloi në tapetin e zi me një krijim që rrezaton elegancë të pastër dhe ngjall admirim si te burrat, ashtu edhe te gratë. Bëhet fjalë për një fustan të firmosur nga stilistja italiane Alberta Ferretti, i zbukuruar me qëndisje delikate dhe detaje të imëta argjendi.

Veshja prej sateni rozë theksonte bukur natyrën e butë dhe delikate të personazhit Glinda, ndërsa shpatullat e zbuluara vinin në pah elegancën femërore. Pamja u kompletua nga një mantel i lehtë prej tyli të bardhë, që i dha gjithë paraqitjes një frymë princeshe, transmeton Telegrafi.

profimedia

Vëmendje të veçantë tërhoqi edhe frizura e saj, më saktë, ngjyra e flokëve. Dukshëm, bukuroshja i ka thënë lamtumirë kaçurrelave bionde dhe është rikthyer te nuanca e saj karakteristike çokollatë.

Stilimi u përmbyll me grim në tone të buta dhe aksesorë minimalë, thuajse të padukshëm. Si gjithmonë, Ariana u tregua tepër e sjellshme me fotografët kureshtarë, duke i përshëndetur me buzëqeshjen e saj të ndritshme.

profimedia

/Telegrafi/

Minimalizëm, shkëlqim dhe elegancë që flasin vetë

Melania Trump u shfaq në festën e Vitit të Ri në Mar-a-Lago me një paraqitje që menjëherë u kthye në temën kryesore të mbrëmjes. Pa asnjë teprim, stili i saj ishte mishërim i shkëlqimit festiv, por në atë mënyrë të përmbajtur dhe të sofistikuar për të cilën ajo njihet prej vitesh.

Në qendër të vëmendjes ishte fustani i argjendtë me gjatësi mesatare, një model që njëkohësisht rrezaton elegancë moderne dhe hijeshi të përjetshme. Pikërisht ky kombinim bëri që përzgjedhja e saj të vazhdojë të përmendet edhe pasi dritat e festës u shuan.

Fustani që bashkon shkëlqimin dhe thjeshtësinë

Fustani i argjendtë i zgjedhur nga Melania kishte një prerje të pastër dhe precize, që ndjek linjën e trupit pa pasur nevojë për zbukurime shtesë. Shkëlqimi metalik i materialit reflektonte dritën në mënyrë diskrete, por jashtëzakonisht efektive, duke i dhënë fustanit një pamje luksoze pa ndjesinë e ekzagjerimit.

Gjatësia deri në gju e theksonte edhe më shumë elegancën, ndërsa dizajni minimalist lejonte që tekstura dhe ngjyra të ishin në plan të parë. Pikërisht në këtë thjeshtësi qëndron forca e këtij modeli, fustani nuk përpiqet të dominojë, por e bën këtë natyrshëm, transmeton Telegrafi.

Detajet që bëjnë diferencën

Modeli ishte pa mëngë, me një prerje diskrete në shpinë dhe një çarje të lehtë në pjesën e poshtme, që i shtonte pamjes dinamizëm dhe feminitet. Këta elementë ishin të menduar me kujdes: mjaftueshëm të dukshëm për të thyer thjeshtësinë, por jo aq sa të prishnin harmoninë e tërësisë.

Ngjyra e argjendtë rezultoi zgjedhja ideale për natën e ndërrimit të viteve. Ajo pasqyron frymën festive, por njëkohësisht përcjell sofistikim dhe luks, veçanërisht në orët e mbrëmjes dhe nën ndriçim ambient.

Stilim që nuk e zhvendos vëmendjen nga fustani

Melania Trump i qëndroi besnike qasjes minimaliste edhe në përzgjedhjen e aksesorëve. Fustanin e kombinoi me këpucë argjendi, të cilat u përshtatën në mënyrë të përkryer me tonin metalik, pa krijuar kontraste vizuale.

Bizhuteritë u reduktuan në vathë diskretë, duke e lënë fustanin qendrën absolute të vëmendjes. Ky zgjedhje tregon qartë se luksi i vërtetë shpesh qëndron në thjeshtësi dhe në detaje të zgjedhura saktë.

Frizura ishte e lëshuar, me onde të lehta, ndërsa grimi theksonte natyrshmërinë me fokus në një ten të freskët dhe sy lehtësisht të theksuar. I gjithë stili dukej i menduar, i balancuar dhe shumë vetëbesues.

Pse kjo përzgjedhje mode tërhoqi kaq shumë vëmendje

Mësimi i modës nga Melania Trump qëndron në faktin se pamja e saj nuk u bazua në trende kalimtare, por në elemente klasike që funksionojnë gjithmonë. Një prerje e mirë, material cilësor dhe një vizion i qartë stili janë të mjaftueshme për të lënë përshtypje të fortë.

Ky stil dëshmon se glamuri nuk ka pse të jetë i zhurmshëm për t’u vënë re. Përkundrazi, shpeshherë eleganca e qetë është ajo që lë gjurmën më të thellë.

Për natën e Vitit të Ri, Melania Trump e vërtetoi edhe një herë se di ta bashkojë frymën festive me sofistikimin në një tërësi dhe se moda, kur vishet me siguri, flet vetë.

/Telegrafi/

Edhe Zoe Saldaña i është bashkuar trendit gjithnjë e më të përhapur të fustaneve “të zhveshura”, por e ka bërë këtë në mënyrën e saj karakteristike - me një dozë të theksuar sofistikimi dhe elegance

Aktorja së fundmi ka tërhequr vëmendjen në tapetin e kuq, ku u shfaq me një fustan korseti të mbuluar me temina, një paraqitje që shkaktoi bujë të madhe në rrethet e adhuruesve të modës, duke dëshmuar edhe një herë aftësinë e saj për të balancuar guximin me finesën.

Një video spontane që ndezi rrjetet

Vëmendja nuk u ndal aty, pasi Zoe u shfaq edhe në Instagram, ku publikoi një video spontane duke kërcyer në dhomën e hotelit, ndërsa krijimi i pazakontë që kishte veshur për atë moment fitoi menjëherë simpatinë e publikut dhe u komentua gjerësisht nga ndjekësit e saj.

Kur epokat bashkohen në një fustan

Bëhet fjalë për një veshje mbrëmjeje të bardhë që bashkon, në pamje të parë, stile të kundërta nga epoka të ndryshme: strukturën e fortë të korsetit, delikatesën romantike të dantellës viktoriane dhe elementet provokuese të trendit modern të fustaneve transparente, duke krijuar një harmoni të pazakontë mes së kaluarës dhe së tashmes.

Detajet që i japin karakter pamjes

Vetë fustani është i butë dhe elegant, ndërsa pjesa e sipërme transparente, që zbulon sytjenat, i jep gjithë pamjes një frymë bashkëkohore dhe urbane; edhe fundi i fustanit ka identitetin e vet, pasi kombinimi i dantellës me satenin krijon një kontrast të balancuar mes sensualitetit dhe finesës klasike.

Bukuri natyrale dhe luks i theksuar

Pamjen e saj, Zoe e kompletoi me kaçurrela voluminoze, grim në tone tokësore që theksonte bukurinë natyrale, si dhe me një kuq buzësh intensiv që i shtoi karakter dhe forcë stilimit, ndërsa në frymën e trendit të ashtuquajtur “luxury i zhurmshëm” ajo zgjodhi aksesorë ari, mes të cilëve spikaste veçanërisht një byzylyk Cartier që i dha pamjes një dozë luksi të pastër dhe të dukshëm.

Kur trendi shndërrohet në deklaratë stili

Me këtë paraqitje, Zoe Saldaña dëshmon se edhe trendet më të diskutuara të modës mund të duken të rafinuara dhe elegante, kur interpretohen me shije dhe identitet personal, duke e shndërruar modën nga një rrymë kalimtare në një deklaratë të vërtetë stili. /Telegrafi/

Fustani i verdhë me shkëlqim të Ashley-t mori “vëmendje maksimale”, por modeli i ri i flokëve tërhoqi më shumë debatin dhe, jo domosdoshmërisht entuziazmin

Ashley Graham u shfaq në tapetin e kuq të The Fashion Awards 2025 me një fustan të gjatë, ngjyrë të verdhë të ndezur, me shkëlqime), rripa dhe dekolte të thellë.

Sipas mediave “moda e dopaminës” ishte fjala, pra kombinimi i ngjyrës gjallëruese, shkëlqimeve dhe siluetës së guximshme u pa si sinjal vetëbesimi dhe energjie.

Fustani, megjithë shkëlqimin dhe dramatikën e tij, duket se zuri vetëm një pjesë të vëmendjes, sepse ajo polarizoi opinionin ishte stili i flokëve të modeles.

Flokët: risia që ndau mendimet

Ashley Graham kishte zgjedhur për eventin një model flokësh të ri, me balluke dhe topuz. Sipas disa kritikëve dhe anëtarëve të audiencës, balluket dhe topuzi dukeshin “të çrregullt” dhe nuk përputheshin me elegancën dhe shkëlqimin e fustanit.

Kjo “kontradiktë” midis fustanit dhe një stili flokësh që u përshkrua i pakuruar, bëri që pamja e saj të shihej si “provokuese” dhe diskutueshme, transmeton Telegrafi.

Reagimet dhe impakti - pse u përfol kaq shumë

Edhe pse flokët nuk i siguruan adhuruesve unanimitet, fakti që Ashley Graham guxoi të dalë në publik me një kombinim kaq kontradiktash bëri që ajo të përsëri tërhiqte vëmendje.

Për shumë, pamja e saj është shembull i “fashion risk-taking”, pra sjelljes së modës si deklarim, jo si imitacion.

Ndërkohë, për kritikët dhe disa fansa, padyshim që ishte një “eksperiment stili” që nuk funksionoi plotësisht dhe kjo e bëri pamjen edhe më të diskutueshme.

Pse kjo pamje është më shumë se një moment mode

Ashley Graham nuk synoi thjesht të shkëlqente apo të binte në sy me një fustan të guximshëm; ajo riktheu vështrimin te ideja e tërheqjes në tapetin e kuq. Jo vetëm që kërkoi vëmendje me fustanin, por përdori qëllimisht edhe stilin e flokëve për të krijuar kontrast dhe për të sfiduar pritjet. Në botën e yjeve dhe të shkëlqimit, ajo që ndez më shumë debat nuk është gjithmonë perfeksioni — por guximi për të dalë jashtë kornizave. /Telegrafi/

Kur bashkohen një nënë dhe vajzë të famshme, nuk mund të pritet asgjë më pak se një spektakël i vërtetë, sidomos kur bëhet fjalë për dy bukuroshe të kësaj shkalle

Modelja e njohur Cindy Crawford dhe vajza e saj Kaia Gerber shkëlqyen krah për krah në mbrëmjen gala LACMA Art+Film, një ngjarje prestigjioze që mbahet çdo vit në Los Anxhelos dhe mbledh yjet më të mëdhenj të botës.

Dy ikonat e modës mahnitën me veshjet e tyre nga shtëpia e famshme “Gucci”, duke dëshmuar edhe një herë pse konsiderohen ndër gratë më elegante të kohës sonë.

Cindy zgjodhi një fustan të artë me shkëlqim, të mbuluar me pailletta dhe resha, që theksonin elegancën dhe feminilitetin e saj. Rripat e hollë të fustanit dhe dekolteja e sofistikuar i dhanë pamjes një prekje klasike. Modelja e famshme e kompletoi stilin me këpucë të zeza me taka dhe flokë të valëzuar në mënyrë karakteristike, transmeton Telegrafi.

Krahas saj, Kaia Gerber tërhoqi vëmendjen me një fustan të kuq zjarrtë, që ndjek linjat e trupit dhe ka një dekolte më të thellë. E gjithë veshja ishte e mbuluar me shkëlqim të imët, duke krijuar një efekt spektakolar në dritë. Edhe ajo, ashtu si nëna e saj, zgjodhi këpucë të zeza elegante dhe flokë të valëzuar lehtë, duke theksuar ngjashmërinë e pabesueshme mes tyre.

Cindy Crawford është pjesë e “gjeneratës së artë” të supermodeleve, që dikur pushtuan botën e modës, ndërsa Kaia po ecën me hapa të sigurt si trashëgimtare e denjë e bukurisë dhe elegancës së nënës së saj, përballë së cilës, edhe këtë herë, të gjithë mbetën pa fjalë.

/Telegrafi/

Aktorja 62-vjeçare e filmit “Ghost” rrëmbeu gjithë vëmendjen në LACMA Art + Film Gala me një paraqitje që ndërthur finesën, transparencën dhe shkëlqimin e vërtetë hollivudian

Aktorja Demi Moore (62 vjeçe), vazhdon të mahnitë adhuruesit në mbarë botën me pamjen e saj të jashtëzakonshme edhe në dekadën e shtatë të jetës. Kudo që shfaqet, ajo tërheq gjithë vëmendjen dhe kështu ndodhi edhe këtë herë në Los Angeles, në një prej mbrëmjeve më prestigjioze të artit dhe filmit.

Ngjarja u mbajt në kuadër të LACMA Art + Film Gala, e cila bashkon çdo vit yje të njohura nga bota e kinemasë, modës dhe artit. Këtë herë, ndër të pranishmet më të komentuara ishte pikërisht Demi Moore, aktorja ikonë e filmit të famshëm “Ghost”, e cila i dha mbrëmjes një prekje të vërtetë glamuri.

Një paraqitje që rrëmbeu gjithë vëmendjen

Demi Moore u shfaq me një fustan gjysmë-transparent me qafë të lartë (rolkë), të zbukuruar me qepje me motive lulesh shumëngjyrëshe dhe detaje me gurë të çmuar. Pjesa e lehtë transparente e veshjes zbulonte delikatisht lëkurën e saj, duke krijuar një efekt të ndjeshëm, por elegant.

Aktorja kishte lënë flokët e saj të gjatë dhe të errët të bien lirshëm mbi supe, ndërsa grimi i butë me nuanca natyrale theksonte thjeshtësinë dhe finesën e saj. Pamjen e kompletoi me bizhuteri të ndritshme dhe të rafinuara, që i jepnin fustanit shkëlqimin përfundimtar pa e tejkaluar masën.

Kombinimi i transparencës së moderuar, dizajnit delikat dhe vetëbesimit bëri që Demi Moore të ishte padyshim një nga yjet më të komentuara të mbrëmjes, duke i lënë në hije shumë nga të ftuarat e tjera, transmeton Telegrafi.

Qëllimi humanitar i mbrëmjes

Gala mbrëmja LACMA Art + Film ka për qëllim mbështetjen e Muzeut të Artit të Qarkut të Los Anxhelosit (LACMA), në përpjekjet për ta integruar filmin në programet e tij kuratoriale.

Të ardhurat e mbledhura nga ky eveniment kontribuojnë në organizimin e ekspozitave, blerjen e veprave të reja artistike, programet edukative dhe iniciativat e tjera kulturore që promovojnë artin bashkëkohor në nivel ndërkombëtar.

Një ikonë që sfidon kohën

Me këtë paraqitje, Demi Moore vërtetoi edhe njëherë se mosha është vetëm një numër, ndërsa stili, qëndrimi dhe vetëbesimi janë ato që e bëjnë vërtet një grua të shkëlqejë – si në ekran, ashtu edhe jashtë tij. /Telegrafi/

Një nga të ftuarat e mbrëmjes, një bukuroshe që dikur ecte në pasarela, por këtë herë ishte në publik, tërhoqi vëmendjen e të gjithëve me pamjen e saj magjepsëse

Atmosfera në event ishte plot shkëlqim, ku çdo detaj, nga drita e skenës deri te stilimi i yjeve, e kthente mbrëmjen në një manifest të modës bashkëkohore.

Ngjarja madhështore “Vogue World: Hollywood” mblodhi emra të mëdhenj të botës së artit dhe modës - aktorë, modele, stilistë kostumesh, regjisorë dhe dizajnerë të famshëm, të cilët krijuan një spektakël unik që bashkoi industrinë e filmit me atë të modës.

Ky ishte një nga eventet më të komentuara të sezonit, ku çdo paraqitje në tapetin e kuq u kthye në inspirim për dashamirët e stilit.

Aktorja Nicole Kidman hapi programin me interpretimin e këngës “Put the Blame on Mame”, ndërsa Kendall Jenner magjepsi publikun me ecjen e saj elegante në pistë, transmeton Telegrafi.

Por një tjetër yll tërhoqi po aq shumë vëmendje, Hailey Bieber, e cila këtë herë zuri vend në publik, por arriti ta kthejë gjithë skenën drejt vetes me paraqitjen e saj. Prania e saj u komentua gjerësisht në rrjete sociale, ku fansat e përgëzuan për stilin e guximshëm, por njëkohësisht plot finesë.

Për këtë rast, ajo zgjodhi një veshje të zezë prej lëkure nga shtëpia e modës Mugler, e cila ndiqte linjat e trupit dhe theksonte figurën e saj të përsosur. Në pjesën e sipërme, krijimi kishte një detaj lulesh që vihej në pah mbi dekolte, ndërsa shpina e zbuluar i jepte një notë tërheqëse dhe të guximshme pamjes.

Ajo e kompletoi dukjen me grim minimalist në nuanca “nude” dhe një topuz klasik, që nxirrte në pah bukurinë e saj natyrale dhe elegancën e përmbajtur.

Rezultati? Një kombinim që dëshmon se Hailey Bieber mbetet një nga ikonat më të sigurta të stilit të brezit të saj.

/Telegrafi/

Hailey Bieber u duk tejet e veçantë me veshjen e saj në Galanë e Muzeut të Akademisë.

Në gala-në e mbajtur të shtunën, më 18 tetor, Bieber kishte veshur një fustan skulpturor ngjyrë kafe nga koleksioni Schiaparelli Couture Pranvera 2025, me një korse që krijonte iluzion në ngjyrë lëkure dhe me një çarje të lartë në kofshë, të zbukuruar me kristale në pjesën e poshtme të fustanit.

Megjithatë, veshja nuk dukej aspak praktike, pasi i pamundësonte Hailey-t të ulej në mënyrë të rehatshme.
Kjo u bë e dukshme përmes një fotografie qesharake që ajo publikoi në Instagram, ku shihet duke u përpjekur me vështirësi të ulet në një kolltuk.

Hailey u fotografua e përkulur anash, me korsetën e ngurtë të fustanit që e pengonte të qëndronte normalisht e ulur.

The post Hailey Bieber e kishte të pamundur të ulej për shkak të fustanit në Galanë e Muzeut të Akademisë appeared first on Albeu.com.

Irina Shayk u shfaq në versionin e saj më magjepsës në pas-mbrëmjen e Victoria’s Secret Fashion Show 2025, duke dëshmuar se edhe një fustan i thjeshtë mund të duket spektakolar

Supermodelja ruse, një nga emrat më të kërkuar në industrinë e modës dhe një ikonë e stilit të sotëm, shkëlqeu fillimisht në pasarelë, ndërsa më pas la pa frymë të pranishmit në after-party-n e organizuar në një klub të njohur të Nju Jorkut.

Pas daljeve me të brendshme tërheqëse në pistë, Irina u shfaq me një fustan sateni në ngjyrë shampanje, që binte lehtë mbi trupin e saj dhe ndiqte linjat në mënyrë elegante. Fustani, i gjatë deri në dysheme, bëhej edhe më joshës nga fakti se ajo e kishte zgjedhur ta vishte pa sytjena, transmeton Telegrafi.

profimedia

Minimalizmi i kësaj pamjeje ishte një frymëmarrje e re për Irinën, një zgjedhje e thjeshtë, por e përkryer për mbrëmje të tilla. Ajo e kompletoi dukjen me sandalet metalike argjendi, aksesore të ndritshme dhe bizhuteri të holla, ndërsa mungesa e manikyrit tregoi edhe njëherë se preferon pamjen natyrale.

Për grim, kishte zgjedhur tonet më të errëta, ndërsa flokët e stiluar me efekt “të lagur” i jepnin një ndjesi të lehtë dhe moderne. Pamjen e përfundoi me një çantë të bardhë në sup, që e bënte të gjithë kombinimin të dukej elegant dhe i menduar deri në detaj.

Me këtë paraqitje, Irina Shayk edhe njëherë dëshmoi se thjeshtësia është zbukurimi më i bukur.

/Telegrafi/

Dua Lipa prej kohësh ndjek trendin e veshjeve transparente, dhe mund të thuhet se e adhuron, pasi kohëve të fundit shpesh e thekson trupin në këtë mënyrë

Kreacioni më i ri që ka zgjedhur është padyshim veshja e saj më e guximshme deri tani, të cilën e ka ndarë edhe në rrjetet sociale përmes një serie fotografish.

Ajo ka pozuar në një fustan të bardhë transparent, me dekolte të thellë dhe plot shkëlqim, që lidhet për qafë dhe është zbukuruar me aplikime të imëta shkëlqyese. Dekolteja ishte plotësisht transparente, por kishte një pjesë të vendosur për të ruajtur modestinë, ndërsa pjesa e poshtme zbulonte se nën fustan ajo mban të brendshme të bardha.

Këtë kombinim sfidues dhe glamuroz Dua Lipa e ka kompletuar me vathë të gjatë me shkëlqim, disa unaza me diamante dhe taka të larta argjendi metalike. Në mbishkrimin që shoqëronte postimin në Instagram, ajo ka shkruar: “Maxed out every minute”, duke ndarë disa prej momenteve të saj të dashura, ndër të cilat edhe një foto ku kishte kombinuar një tjetër fustan të bardhë transparent me kapele kauboj dhe hartere, transmeton Telegrafi.

Në muajt e fundit, Dua Lipa është parë disa herë duke përqafuar trendin e veshjeve të tejdukshme, me kombinime gjithnjë e më guximtare. Vetëm pak ditë më parë, ajo kishte pozuar mbi një piano me një fustan të artë transparent, frymëzuar nga veshjet e kabareve, ndërsa më herët ishte shfaqur me një bluzë të tejdukshme që ngjante me një llambadar, e zbukuruar me kristale që zbulonin pjesërisht gjoksin.

Për ditëlindjen e saj të 30-të, këngëtarja kishte zgjedhur një fustan prej dantelle të hollë ngjyrë burgundy, ndërsa gjatë pushimeve verore kishte pozuar me bikini të kombinuar me fund dantelle transparente dhe një tjetër fustan të zi të tejdukshëm.

Në prill, ajo shkëlqeu me fustanin e famshëm Schiaparelli, të dekoruar me motiv gjarpri, gjatë mbrëmjes së çmimeve Chaplin Award Gala.

Fustani i saj më i fundit, në nuancë të bardhë me detaje që ndriçojnë, sjell qartë një frymë të “nuses moderne”, dhe përkon në mënyrë perfekte me unazën e saj të fejesës me diamant.

getty

Në modë – transparenca që mbizotëron

Trendi i transparencës vazhdon të mbizotërojë në botën e modës, dhe Dua Lipa po konsiderohet si një ndër ikonat që po e përfaqëson më bukur këtë frymë.

Sipas InStyle dhe Harper’s Bazaar, këngëtarja shqiptare prej muajsh po eksperimenton me estetikën “bold glam”, një përzierje mes sensualitetit, elegancës dhe vetëbesimit, e shoqëruar me detaje vezulluese që janë bërë pjesë e identitetit të saj vizual.

Ky stil i fundit i saj, i bardhë dhe me ndriçim delikat, është cilësuar nga Vogue UK si “një rikthim elegant i thjeshtësisë dhe sensualitetit klasik”, i cili ndërthur pastërtinë e ngjyrës së bardhë me format futuriste që e karakterizojnë Linjën e Duas në tapet të kuq. /Telegrafi/

Sa herë që mendojmë se nuk mund të shkojë më tej, ajo na befason sërish me një zgjedhje mode që fshin kufirin mes veshjeve të zakonshme dhe artit të mirëfilltë

Aktorja Julia Fox është një nga të paktat gra që e kupton rëndësinë e artit në industrinë e modës. Kombinimet e saj janë më shumë se thjesht veshje për ngjarje madhështore, çdo stil i saj mbart një dozë autenticiteti, por edhe ekscentriciteti.

E njohur për krijimet që zbulojnë pjesë të trupit dhe luajnë me prerje groteske, Julia Fox edhe këtë herë zgjodhi të veshë një fustan të guximshëm që flet më shumë se një mijë fjalë.

Në darkën tradicionale gala që organizon çdo vjeshtë Baleti i Nju Jorkut për hapjen e sezonit, ajo u paraqit me një krijim avangardë, transmeton Telegrafi.

profimedia

Fustani ngjyrë fildishi përbëhej nga detaje interesante të zeza që ngjanin me lëkurën e gjarprit ose me luspat e peshkut. Prerja ishte bërë në mënyrë që të theksonte linjat e trupit, ndërsa format në pjesën e këmbëve krijonin iluzionin e lëvizjes.

Stilin e kompletoi me taka të larta në ngjyrë limoni, që krijonin kontrast perfekt me tonet e errëta të veshjes. Edhe pse vetë fustani ishte në qendër të vëmendjes, nuk mund të lihet pa përmendur as flokët që lanë shumëkënd pa fjalë.

profimedia

Siç mund të shihej, Julia i kishte stiluar flokët në një strukturë të fortë, spiralore, që dukej më shumë si vepër arti sesa punë parukeri. Fijet e flokëve ishin ngjyrosur në nuanca vjollce dhe argjendi.

Sa për grimin, ajo kishte zgjedhur tonet e errëta dhe hije në ngjyrë livandeje, që përputhej në mënyrë të përsosur me ngjyrat e flokëve.

/Telegrafi/

Krijimet e saj me kristale janë bërë qendra e estetikës vizuale të albumit më të ri të Taylor Swift – “The Life of a Showgirl”, si dhe në videoklipin e hit-singlit “The Fate of Ophelia”

Kur Kelsey Randall e themeloi markën e saj të modës në vitin 2015, në krye të listës së ëndrrave të saj qëndronte një emër – Taylor Swift. Dhjetë vjet më vonë, ajo ëndërr u bë realitet.

Krijimet e saj përrallore u bënë pjesë qendrore e estetikës së re të Taylorit, ndërsa vetë stilistja dha një intervistë ekskluzive për Page Six Style:

“Dizajnoj për njerëz që duan të jenë në qendër të vëmendjes – qoftë një nuse në ditën e dasmës apo një yll popi”, thotë Randall, duke shtuar se zakonisht realizon fustane me porosi, me histori dhe shpirt.

Por më pas ndodhi diçka e papritur. Në mars të vitit 2025, Randall mori një mesazh në Instagram nga anëtarë të ekipit të Taylor Swift. Ata kërkonin një fustan nga koleksioni i saj i mëparshëm, por ai fustan nuk ishte më i disponueshëm.

“Ishte vjedhur gjatë një xhirimi të mëparshëm. U ndjeva e zhgënjyer, por e dija që do ta gjenim një zgjidhje”, tregon stilistja.

Megjithatë, fati kishte plane të tjera.

Ekipi i Taylor-it rastësisht gjeti një fustan unik, kurrë të veshur më parë, nga arkiva personale e Randall-it.

“Ishte një stil shumë i ngjashëm me atë që kishin kërkuar fillimisht”, tregon ajo.

Bëhej fjalë për një fustan të artë me gurë të gjelbër dhe detaje nga kristale origjinale llambadarësh. Krijimi përfaqësonte në mënyrë të përkryer estetikën e “showgirl”, femërore, joshëse dhe mahnitëse në shkëlqim.

Pas këtij suksesi të parë, stilisti i Taylor-it kërkoi edhe një fustan të dytë, me frymën e njëjtë “showgirl”.

Kelsey dhe ekipi i saj u morën me obsesion me nuancat, kristalet dhe lëvizjet e fijet e zbukurimit. Fustani kishte një strukturë bazë nga pleksiglas transparent, që krijonte iluzionin e lëkurës së zhveshur.

Por materialet mbërritën me vonesë dhe stilistja kishte vetëm 13 ditë kohë për ta përfunduar. Asaj iu bashkuan shoqet, bashkëpunëtoret dhe madje bashkëshorti, për ta mbaruar në kohë.

Fustani përfundimisht u shfaq në skena finale të videoklipit “The Fate of Ophelia”, i cili u shfaq ekskluzivisht në kinema.

Randall pranon se ka qarë kur e pa për herë të parë në ekranin e madh:

“Ishte një moment i paharrueshëm, sepse kuptova që krijimi im më në fund mori jetë”.

/Telegrafi/

Një natë luksi, mode dhe surprizash, u shndërrua në ngjarje mondane, ku partnerja e Jeff Bezos u bë kryefjala e festës me një paraqitje të guximshme

Aktorja amerikane Sydney Sweeney festoi 28-vjetorin e lindjes në një stil që vetëm ajo di, duke mbledhur rreth vetes yje të botës së showbizit dhe duke ndezur rrjetet sociale. Edhe pse ditën e lindjes e kaloi në një udhëtim me shoqet, ajo vendosi që më vonë të organizojë një super festë për miqtë e saj të famshëm.

Veshja që kujtoi Britney Spears

Sydney u shfaq me një fustan të shkëlqyeshëm me dekolte të thellë, një model që dikur, në vitin 2008, e kishte veshur edhe Britney Spears. Në përshkrimin e fotove nga festa, aktorja shkroi me humor: “Welcome to planet Syd”

Kjo paraqitje vjen në një periudhë kur emri i saj është shpesh në media, jo vetëm për rolet në Euphoria dhe The White Lotus, por edhe për lidhjen e saj të përfolur me producentin e diskutueshëm Scooter Braun.

Lauren Sánchez “rrëmben” skenën

Megjithatë, vëmendja nuk qëndroi vetëm te aktorja. Lauren Sánchez, partnerja e miliarderit Jeff Bezos, u shfaq me një fustan tepër të shkurtër dhe me një prerje të thellë në pjesën e përparme. Në fotot e publikuara, të gjithë pyesnin njësoj: çfarë bie më shumë në sy, dekolteja apo këmbët e saj?

Atmosferë hollivudiane

Sipas postimeve të të ftuarve, festa u mbajt në një ambient luksoz me muzikë, drita dhe shumë shkëlqim. Përveç Sánchez, të pranishëm ishin edhe emra të tjerë nga bota e filmit, muzikës dhe biznesit, duke e kthyer festën në një ngjarje të përfolur në mediat rozë.

Sydney përtej aktrimit

Krahas karrierës në aktrim, Sydney ka nisur të zgjerohet edhe në botën e biznesit. Ajo po përgatit një linjë të re të të brendshmeve, ku mes investitorëve përmenden edhe Jeff Bezos me Lauren Sánchez. Pasuria e saj tashmë llogaritet rreth 40 milionë dollarë, ndërsa projektet e reja filmike përfshijnë edhe filmin biografik Christy dhe dramën Echo Valley. /Telegrafi/

Çdo dalje e saj kthehet në inspirim mode – këtë herë me një fustan minimalist, por me një dozë shkëlqimi elegant

Ivanka Trump di gjithmonë si të tërheqë vëmendjen me stilin e saj. Këtë herë, ajo publikoi disa foto të reja nga Nju Jorku, ku pozon në një tarracë luksoze me pamje magjepsëse mbi Manhatan – dhe si gjithmonë, ishte në qendër të vëmendjes falë elegancës dhe thjeshtësisë.

Fustani i vogël i zi, një klasik i përjetshëm i modës, ishte zgjedhja e Ivankës për këtë dalje. Ajo kishte përzgjedhur një dizajn minimalist, por me detaje voluminoze në bel, që i shtonin finesë linjave trupore. Kombinimi u plotësua me çorape të zeza të holla dhe këpucë elegante me shkëlqim, duke i dhënë pamjes një nuancë glamuroze.

Në disa nga fotot e publikuara, Ivanka shfaqet me këmbët e saj të gjata në plan të parë, duke dëshmuar pse shpesh cilësohet si një ikonë stili. Komentet në rrjete sociale nuk munguan: “Dukesh fantastike”, “Ti je e përsosur”, “Je gruaja më elegante në botë” – ishin vetëm disa nga reagimet e ndjekësve të saj.

Sipas Hello Magazine, Ivanka ka ndarë së fundmi edhe imazhe nga brendësia e një ambienti luksoz në Nju Jork, përfshirë një selfie që tërhoqi vëmendjen për linjat trupore dhe detajet e stilit.

Edhe portali Style News vëren se Ivanka po e përdor gjithnjë e më shpesh Instagramin për të ndarë momentet e saj të modës, duke e konsoliduar imazhin si një inspirim modern për shumë gra. /Telegrafi/

Minimalizmi i prerjes dhe dekorimi i fuqishëm e kthejnë këtë fustan në simbol të elegancës klasike

Olivia Palermo edhe një herë e konfirmoi statusin e saj si ikonë stili në sfilatën e Richard Quinn, e mbajtur në sallën historike St John’s Smith Square në Londër, në kuadër të edicionit të ri të Javës së Modës në kryeqytetin britanik.

Zgjedhja e saj e sofistikuar u përshtat në mënyrë të përsosur me atmosferën ekstravagante të mbrëmjes, të cilën e shënoi një kombinim spektakolar i modës së lartë, muzikës dhe dekorimeve të pasura me lule.

Olivia mbërriti në këtë ngjarje ekskluzive e shoqëruar nga bashkëshorti i saj, modeli gjerman Johannes Huebl, dhe, si gjithmonë, tërhoqi vëmendjen me stilin e saj të përhershëm, transmeton Telegrafi.

Homazh feminitetit klasik

Për këtë sfilatë, Palermo zgjodhi një fustan prej kadifeje të zezë, të zbukuruar me një lule të madhe të bardhë në bel, detaj që mbante vulën e stilistit Richard Quinn, i cili këtë sezon u luajti me elemente të shkëlqimit të Hollivudit të vjetër dhe format voluminoze bashkëkohore.

Pjesa e sipërme e fustanit kishte një prerje minimaliste me detaje të hapura anësore, ndërsa dekorimi i madh me lule të bardhë ishte një homazh ndaj feminitetit klasik.

Ky detaj theksoi siluetën dhe i shtoi një notë elegance, ndërsa pamjen e plotësuan këpucët elegante të zeza me shkëlqim dhe grimi i thjeshtë, me lëkurë natyrale dhe sy të theksuar lehtë.

Richard Quinn është i njohur për koleksionet e tij dramatike, që shpesh mbështeten në një miks referencash retro, teatraliteti dhe dizajni bashkëkohor ‘haute couture’. As ky sezon nuk bëri përjashtim.

Pasarela u mbush me fustane princeshash, tyl voluminoz, kristale shkëlqyese dhe motive të mëdha dekorative, ndërsa Olivia Palermo tregoi se estetika e Quinn përshtatet në mënyrë të përkryer edhe në shprehjen më të lartë të stilit jashtë pasarelës.

/Telegrafi/

Kur flitet për guxim në modë, Julia Fox nuk mbetet kurrë pas. Aktorja amerikane, e njohur për jetën e saj publike dhe për stilin provokues, edhe këtë herë tërhoqi gjithë vëmendjen

Në premierën e filmit “Him” në Los Anxhelos, më 17 shtator 2025, ajo u shfaq me një pamje që ngjalli debate: një set me pika të bardha e të zeza, i punuar në stil të viteve të kaluara, me një korse të ngushtë që theksonte gjoksin dhe një fund të mesëm që vizatonte linjat e trupit.

Pamjes ia shtoi edhe një kapelë të madhe me pendë rozë, e cila u kombinua me pjesën tjetër të veshjes “me pika”. Makijazhin e mbajti në ngjyra të tokës, duke theksuar vetëm lehtë tiparet e saj.

Sipas mediave ndërkombëtare, kombinimi kishte edhe disa detaje të tjera që ndezën diskutime: poshtë fundit u dukën pantallona të lehta me dantellë të bardhë, që i dhanë një prekje të vjetër dhe intime njëkohësisht, ndërsa këpucët bardh e zi dhe çorapet e tejdukshme e bënë dukjen edhe më kundërshtuese, transmeton Telegrafi.

Julia u shoqërua nga djali i saj 4-vjeçar, Valentino, i cili tërhoqi vëmendjen me një paraqitje sportive dhe një top futbolli në duar me logon e filmit “Him”. Ky kontrast mes thjeshtësisë së tij dhe ekstravagancës së nënës u komentua gjerësisht.

Fox ka folur shpesh për guximin e saj në modë dhe për ndërhyrjet estetike që ka bërë në të kaluarën, duke pranuar se sot do të dëshironte më shumë natyrshmëri. Edhe kësaj here, me këtë pamje, ajo konfirmoi se i pëlqen të sfidojë normat dhe të qëndrojë në vijën e hollë mes artit, seksualitetit dhe provokimit.

/Telegrafi/

Kur provokimi kthehet në art: Çdo paraqitje e saj është një histori më vete - dhe kjo ishte më e komentuara në Javën e Modës

Emily Ratajkowski shkëlqeu në Calvin Klein Fashion Show në New York, duke e çuar trendin e prerjeve të theksuara në një nivel krejtësisht të ri. Autorja e librit My Body zgjodhi një fustan me dizajn nga koleksioni i vjeshtës 2025, i cili binte në sy për hapjen e madhe në pjesën anësore dhe shpinë. Modeli me jakë të lartë i linte të dukshme format e saj elegante, duke krijuar një pamje provokuese dhe plot finesë.

Stilin e plotë e kompletoi me çizme lëkure me takë të ulët, syze dhe grim në nuanca terakote e korale, ndërsa flokët e gjatë i mbajti të ndarë në mes për një pamje klasike dhe të sofistikuar, transmeton Telegrafi.

profimedia

Ky nuk është hera e parë që Ratajkowski tërheq vëmendje me zgjedhjet e saj të guximshme në tapetin e kuq. Vetëm pak muaj më parë, ajo u shfaq në “Late Night With Seth Meyers” me një fustan Gucci të viteve 2000, të cilin më parë e kishte veshur edhe Gwyneth Paltrow në Met Gala 1999.

Paraqitja e saj e fundit në New York erdhi pas thashethemeve për një lidhje të mundshme me aktorin Austin Butler, duke e bërë prezencën e saj edhe më intriguese për publikun. Me këtë dukje, Emily dëshmoi edhe një herë se është një nga ikonat më të guximshme të modës bashkëkohore, e aftë të krijojë pështjellim sa herë që shfaqet në publik.

profimedia

/Telegrafi/

Këtë javë, tapeti i kuq u shndërrua në një leksion të vërtetë mbi guximin dhe sensualitetin, falë Margot Robbie dhe Dakota Johnson

Të dyja aktoret treguan se një fustan transparent nuk është thjesht një veshje që shkakton reagime, por një mënyrë për të shfaqur artin e modës.

Ato dëshmuan se sensualiteti nuk ka pse të jetë vulgar dhe se balanca mes zbulimit dhe fshehjes është ajo që e bën modën të magjepsë dhe të lërë publikun të ëndërrojë.

Margot Robbie – homazh i ndritshëm në Londër

Në premierën e filmit "A Big Bold Beautiful Journey" në Londër, Margot Robbie la të gjithë pa fjalë me një fustan transparent të zbukuruar me gurë të çmuar nga koleksioni pranverë 2025 i Armani Privé. Veshja ishte një homazh poetik për stilistin e ndjerë, ndërsa çdo detaj ndërthurte me delikatesë shkëlqimin dhe guximin, transmeton Telegrafi.

telegrafi.com

Flokët e saj u stiluan me elegancë nga Bryce Scarlett, me ndarje në mes dhe fijet e holla që rrethuan fytyrën me finesë. Ndërkohë, grimierja Pati Dubroff zgjodhi nuanca të buta natyrale, tone pjeshke dhe tokësore që e nxorën në pah bukurinë e saj natyrale. Margot dëshmoi se minimalizmi në grim dhe një fustan i fuqishëm janë receta perfekte për një ikonë stili.

Dakota Johnson – boheme dhe joshëse në Nju Jork

Vetëm pak orë më vonë, përtej oqeanit, Dakota Johnson tregoi versionin e saj magjepsës në darkën Kering Caring for Women, gjatë Javës së Modës në Nju Jork. Me një fustan prej dantelle të zezë transparente, të kombinuar me sutjena sateni dhe të brendshme diskrete, ajo e la imagjinatën të lirë, por pa humbur aspak nga eleganca. Teksa pozoi për fotografët, ajo u rrotullua mbi tapet, duke nxjerrë në pah linjat e trupit të saj.

Frizura e saj, e kuruar nga Mark Townsend, ruajti frymën boheme me balluke të dendura e lehtësisht të çrregullta, ndërsa dy fije të lëshuara rrethuan butësisht fytyrën. Grimierja Georgie Eisdell theksoi sytë blu me një përzierje hijesh kafe dhe të zeza, të kompletuara me maskarë dramatike. Rezultati ishte një fustan transparent që arriti të balancojë në mënyrë të përkryer sensualitetin dhe sofistikimin.

Moda si gjuhë e karakterit

Këto dy paraqitje vërtetuan se kur zgjedh të dukesh në një fustan transparent, frizura dhe grimi janë elementët kyç. Robbie zgjodhi minimalizëm të rafinuar me flokë të mbledhur dhe grim të thjeshtë, ndërsa Johnson solli një frymë boheme me detaje të theksuara dhe një prani më të çlirët. Dy stile të ndryshme, por me të njëjtën fuqi: moda si shprehje e karakterit, qëndrimit dhe vetëbesimit.

Në mesin e yjeve që shkëlqyen ishin edhe Demi Moore dhe Salma Hayek, secila me versionin e vet të elegancës me nota sensuale në fustane të zeza transparente. Të gjitha së bashku dëshmuan se tapeti i kuq mbetet hapësira ku ndërthuren bukur guximi, kreativiteti dhe eleganca. /Telegrafi/

Fustani i zi i thjeshtë dhe sandalet me rripa përbëjnë një dyshe klasike, që nuk del kurrë nga moda. Këtë gjë e dëshmoi këtë javë edhe Jennifer Aniston në Nju Jork

Në vitet ’90, gratë dilnin nga sallonet e parukerisë me të njëjtën prerje flokësh, e cila u bë ikonike nën emrin “The Rachel”. Ky stil, me shtresa dhe me maja të kthyera nga brenda, mori emrin nga personazhi Rachel Green në serialin “Friends”, i interpretuar nga Aniston.

Ashtu si frizura, edhe sandalet minimaliste me rripa që aktorja zgjodhi për afterparty-n e premierës së sezonit të ri të “The Morning Show”, fituan statusin e një klasiku. E kombinuar me një fustan të zi të thjeshtë, Aniston riktheu elegancën e viteve ’90, një estetikë që ka mbetur gjithmonë në modë, transmeton Telegrafi.

Pse ky kombinim është i përjetshëm

Sekreti qëndron në thjeshtësinë dhe sofistikimin e tij. Çdo fustan i zi funksionon – qoftë i gjatë pa rripa, apo një model deri në gju me dekolte V. Për të arritur një dukje të relaksuar, por të sofistikuar në stilin e viteve ’90, mjafton ta kombinoni me sandale të thjeshta me taka të holla.

Që kjo dyshe është vërtet universale e dëshmoi edhe modelja Rosie Huntington-Whiteley, e cila në ceremoninë ELLE Style Awards në Londër zgjodhi një fustan mini Burberry të zi, me dekolte katrore dhe fund në formë V-je. Pamjen e kompletoi me një çantë të vogël elegante dhe sandale të zeza me rripa nga Aquazzura.

Stil që nuk dështon kurrë

Ndryshe nga modelet e flokëve, me të cilat është e lehtë të gabosh edhe kur janë trend, kombinimi i fustanit të zi me sandale të zeza me rripa është gjithmonë një zgjedhje e sigurt. Ky stil i viteve ’90 përshtatet në çdo rast, qoftë për tapetin e kuq, një mbrëmje në qytet apo një darkë romantike.

Cilindo fustan të zi të vishni, mjafton ta kompletoni me këto sandale dhe do të dukeni elegante pa shumë përpjekje. /Telegrafi/