Një juri e madhe në shtetin e New Mexico-s ka ngritur padi ndaj aktorit dhe regjisorit amerikan Timothy Busfield, duke e akuzuar për katër raste të kontaktit seksual me një fëmijë, njoftuan autoritetet lokale.

Lajmi u bë publik të premten nga Prokurori i Qarkut Bernalillo, Sam Bregman, përmes një postimi në rrjetet sociale, ku konfirmoi se aktakuza lidhet me ngjarje të dyshuara që kanë ndodhur gjatë kohës kur Busfield po punonte si regjisor në sheshxhirimin e serialit televiziv “The Cleaning Lady”.

Autoritetet kishin lëshuar më herët një urdhër arresti ndaj Busfield, i cili përballej fillimisht me akuza për sjellje të pahijshme. Aktori i ka mohuar kategorikisht akuzat, është dorëzuar vetë te autoritetet dhe më pas është liruar nga paraburgimi, pasi një gjykatës vendosi se ai nuk përbënte rrezik të menjëhershëm.

Busfield është i njohur gjerësisht për rolet e tij në serialin e suksesshëm “The West Wing”, si edhe në filmat “Field of Dreams” dhe “Thirtysomething”, duke pasur një karrierë të gjatë në televizion dhe kinematografi.

Avokati i tij, Larry Stein, refuzoi të komentojë drejtpërdrejt mbi akuzat për kontakt seksual, por theksoi se juria e madhe nuk i ka pranuar akuzat për ngacmim seksual të kërkuara nga prokurorët. Në një deklaratë, Stein tha se seanca për masën e paraburgimit kishte zbuluar “dobësi fatale në provat e shtetit”, duke shtuar se këto boshllëqe nuk mund të mbulohen nga një aktakuzë.

The post Aktori Timothy Busfield përballet me katër akuza për kontakt seksual me një fëmijë appeared first on iconstyle.al.

Konkurrentja e edicionit të katërt të Big Brother VIP Kosova, Benita, ka rikthyer vëmendjen mbi ndjenjat e saj për Klodin, duke shprehur hapur emocionet gjatë një bisede me banorët e tjerë. Gjithçka nisi kur Ludo vuri në dukje se Elijona nuk ka asnjë pikë pëlqimi për Klodin, një koment që duket se ndezi reagime të forta tek Benita.

“Kjo më dhemb, sepse unë me të vërtetë e dua, edhe askush nuk më beson,” u shpreh konkurrentja, duke lënë të kuptohet se ndjenjat e saj për Klodin janë të sinqerta dhe të forta. Ky moment risolli në vëmendje emocionet e Benitës brenda shtëpisë dhe ngjalli kureshtje tek publiku për mënyrën se si do të zhvillohet më tej kjo lidhje e mundshme.

Reagimi i Benitës vjen pas disa javësh ku dinamika mes banorëve ka qenë intensive, ndërsa debatet dhe përplasjet e ndjenjave romantike kanë mbajtur të angazhuar audiencën. Pavarësisht se disa konkurrentë kanë mbajtur qëndrime më të rezervuara ndaj Klodit, Benita nuk nguron të tregojë se emocionet e saj janë reale dhe të thella.

Rikujtojmë që pak javë më parë, Benita pati një surprizë nga ish-partneri i saj Endri, me të cilin ra dakort që do të takon dhe flasin pasi ajo të dalë nga programi, por pak ditë më vonë ajo mohoi çdo ndjenjë që kishte ndaj tij!

The post Benita për Klodin: E dua edhe s’më beson askush appeared first on iconstyle.al.

Një sondazh i ri ka nxjerrë në pah një lidhje interesante mes hobive personale dhe sjelljes në marrëdhëniet romantike. Sipas të dhënave të publikuara nga platforma e biletave të futbollit LiveFootballTickets, personat që deklarojnë se shikimi i futbollit është hobi i tyre i preferuar rezultojnë më të prirur për të lënduar partnerët emocionalisht.

Sondazhi, i cili është realizuar me pjesëmarrjen e një numri të madh të rriturish aktivë në takime romantike, sugjeron se tifozët më të apasionuar të sportit, veçanërisht të futbollit, kanë më shumë gjasa të mashtrojnë partnerin, të zhduken papritur nga një lidhje (ghosting) ose të ndërpresin kontaktin pa shpjegime. Studiuesit theksojnë se përkushtimi ekstrem ndaj ekipeve sportive shpesh reflektohet edhe në mënyrën se si këta individë i trajtojnë marrëdhëniet personale.

Një tjetër gjetje interesante e sondazhit është fakti se disa prej këtyre personave pranojnë se gjykojnë potencialisht partnerët romantikë edhe mbi bazën e ekipit që ata mbështesin. Për ta, përkatësia sportive nuk është thjesht argëtim, por një pjesë e rëndësishme e identitetit personal, që ndikon drejtpërdrejt në vendimet emocionale.

Megjithatë, ekspertët e marrëdhënieve theksojnë se këto rezultate nuk duhet të merren si rregull absolut. Jo çdo person që ndjek futbollin është i destinuar të dështojë në një lidhje. Sondazhi tregon thjesht një prirje statistikore dhe jo një të vërtetë universale.

The post Tifozët e futbollit mund të jenë më të prirur për të lënduar partnerët e tyre! appeared first on iconstyle.al.

E premtja mbrëma në “Big Brother VIP Kosova” sjell sërish zhvillime të rëndësishme në rrjedhën e lojës, ndërsa sonte pritet një spektakël me disa momente kyçe që ndikojnë drejtpërdrejt në dinamikat e shtëpisë.

Është konfirmuar zyrtarisht se karrigia e opinionistit do të ketë sonte Valdrin Sahitin. Dizajneri i njohur rikthehet në studio pas dy paraqitjeve të mëparshme gjatë këtij sezoni, ku komentet e tij kanë ngjallur diskutime të shumta brenda dhe jashtë shtëpisë. Konfirmimi ka ardhur nga vetë Sahiti përmes një postimi në rrjete sociale, ku ai ka njoftuar ndjekësit se është nisur drejt studios së “Big Brother VIP Kosova”.

Rikthimi i tij vjen në një fazë të ndjeshme të lojës, ku marrëdhëniet mes banorëve janë të tensionuara dhe çdo analizë apo koment nga studio mund të ketë ndikim në perceptimin e publikut dhe në zhvillimet e mëtejshme.

Përveç pranisë së opinionistit, spektakli i sonte pritet të përqendrohet edhe në disa ngjarje të paralajmëruara më herët. Elijona do të prezantojë linjën e saj të jetës, një moment që zakonisht shoqërohet me rrëfime personale dhe reagime emocionale nga banorët dhe publiku. Ndërkohë, Alba pritet t’i drejtohet produksionit me një kërkesë të pazakontë, e cila mund të sjellë diskutime të reja brenda shtëpisë.

E gjithë kjo zhvillohet paralelisht me një televotim aktiv mes Ludos, Labit dhe Kushtrim Kelanit, ku njëri prej tyre do të lërë shtëpinë. Mbrëmja e sotme pritet të jetë vendimtare për vijimin e lojës dhe balancat mes banorëve.

The post Valdrin Sahiti sonte opinionist në Big Brother VIP Kosova! Në vendin e kujt do të jetë? appeared first on iconstyle.al.

Hyrja e Luiz Ejllit në “Big Brother VIP Albania 5” është tashmë zyrtare dhe e pakthyeshme. Konfirmimi final ka ardhur nga dy figurat kryesore të formatit, moderatori Ledion Liço dhe producentja Sara Hoxha, duke i dhënë fund çdo aludimi dhe pritjeje nga publiku.

Gjithçka nisi me publikimin e një videoje ku Luizi shfaqej në dhomën e rrëfimit, një moment që mjaftoi për të ndezur rrjetin. Ledion Liço e shpërndau menjëherë këtë video në profilin e tij zyrtar në Instagram, në formë bashkëpunimi me Top Channel. Postimi u shfaq direkt në “feed”-in e moderatorit, duke vulosur zyrtarisht rikthimin e fituesit të “BBV2” në shtëpinë më të famshme në vend.

Ndërkohë, producentja Sara Hoxha ishte ajo që zbuloi edhe detajin më të rëndësishëm: kohën. Përmes një Instastory, ajo rishpërndau videon virale të Luizit, duke e shoqëruar me diçiturën në anglisht: “Someone’s back tomorrow” (Dikush rikthehet nesër). Ky mesazh i shkurtër, por domethënës, mjaftoi për të konfirmuar se rikthimi do të ndodhë shumë shpejt.

Me këtë konfirmim të dyfishtë, pritja merr fund. Luizi do të jetë nesër mbrëma sërish pjesë e shtëpisë së “Big Brother VIP Albania 5”, i gatshëm për të trazuar ujërat dhe për të ndryshuar dinamikat e lojës. Deklarata e tij provokuese se “tani luftohet vetëm për vendin e dytë” ka rritur edhe më shumë kuriozitetin dhe tensionin.

Rikthimi i Luiz Ejllit pritet të sjellë emocione të forta, reagime të shumta dhe, mbi të gjitha, spektakël.

The post Rikthimi i Luizit në “BBVA”, reagojnë Ledioni dhe Sara! appeared first on iconstyle.al.

Ditët e fundit, rrjetet sociale janë mbushur me spekulime se fituesi i Big Brother VIP 2, Luiz Ejlli, mund të rikthehet në shtëpinë e Big Brother VIP 5. Ky lajm ka ngritur kuriozitet të madh tek fansat, të cilët mezi presin të dinë nëse artisti do të rikthehet për të rikrijuar dinamika të reja brenda programit. Ndërsa mediat kanë raportuar për mundësinë e rikthimit, deri tani nuk ka asnjë konfirmim zyrtar nga produksioni ose nga vetë Luiz Ejlli.

Temën e diskutuan gjatë emisionit “Shqipëria Live” moderatorja Kiara Tito dhe Sidorela Gjoni, ku u shpreh qartë se situata mbetet e paparashikueshme.

Pjesë nga biseda:

Siodrela Gjoni: Po më masakrohet telefoni me mesazhe. A do të hyjë Luizi në Big Brother?

Kiara Tito: Big Brother është i paparashikueshëm. Luizi është akoma më i paparashikueshëm. As nuk përjashtohet dhe as nuk konfirmohet. Është diçka që…

Sidorela Gjoni: Luani dhe pak me titullin e filmit, “Loja e Fundit”, megjithë se, e fundit për Luizin nuk do të thoja asnjëherë.

Kiara Tito: Menduam se ishte e fundit, por…

Teksa lajmi u përhap kudo, fansat kanë shprehur entuziazmin dhe kuriozitetin e tyre në rrjetet sociale. Rikthimi i mundshëm i Luizit ka nxitur debate dhe spekulime për dinamikat që mund të krijohen brenda shtëpisë, duke marrë parasysh karakterin e tij të paparashikueshëm. Për momentin, çdo gjë mbetet në pritje, dhe tifozët e Big Brother VIP 5 do të duhet të presin për konfirmimin zyrtar.

The post A do të hyjë Luizi në Big? Flet Kiara Tito appeared first on iconstyle.al.

Studimet e fundit tregojnë një ndryshim të dukshëm në mënyrën se si gratë i afrohen lidhjeve romantike. Sipas të dhënave të platformave të takimeve si Bumble dhe TikTok, shumë gra mbi të 40-tat janë të hapura ndaj lidhjeve me partnerë më të rinj, dhe një pjesë e madhe nuk e konsideron moshën një faktor vendimtar kur zgjedhin partnerin. Një sondazh i AARP tregoi se një e treta e grave mbi 40-tat kanë qenë në lidhje me meshkuj më të rinj.

Ekspertët theksojnë se këto marrëdhënie shpesh rezultojnë në kënaqësi më të lartë dhe një kimikë fizike të fortë midis partnerëve. Përveç tërheqjes fizike, gratë përfitojnë nga siguria emocionale dhe përvoja që sjell mosha e tyre, ndërsa partnerët më të rinj vlerësojnë komunikimin e drejtpërdrejtë dhe pjekurinë emocionale të grave. Liria financiare e grave u mundëson të zgjedhin partnerë bazuar te lidhja emocionale dhe tërheqja personale, pa u ndikuar nga nevoja materiale.

Kultura e filmit dhe shembujt e famshëm po ndihmojnë gjithashtu në normalizimin e këtyre lidhjeve. Filmat e vitit 2024 si Babygirl dhe The Idea of You, si dhe çiftet e famshme si Nicole Kidman dhe Harris Dickinson ose Priyanka Chopra dhe Nick Jonas, tregojnë se gratë nuk janë më të kufizuara nga stereotipat e moshës.

Psikologët nënvizojnë se kombinimi i pjekurisë, komunikimit të hapur dhe përputhjes emocionale i bën këto marrëdhënie më të qëndrueshme dhe më të kënaqshme, duke sfiduar perceptimet tradicionale mbi moshën dhe dashurinë.

The post Pse gratë mbi të 40-tat po zgjedhin partnerë më të rinj se vetja? appeared first on iconstyle.al.

Këngëtarja e njohur dhe opinionistja aktuale e Big Brother VIP Kosova 4, Leonora Jakupi, ka përjetuar një situatë të pakëndshme dhe shokuese, pasi banesa e saj u plaçkit nga hajdutët. Sipas burimeve të sigurta të Prive By Liberta Spahiu, ngjarja ka shkaktuar dëme materiale dhe një periudhë stresi të konsiderueshme për këngëtaren.

Incidenti ka ndodhur disa javë më parë, ndërsa tashmë organet e rendit po hetojnë intensivisht për të gjetur autorët. Ky rast e vendos Leonorën në një listë të opinionistëve dhe personazheve publikë që janë bërë “pre e hajdutëve” gjatë periudhës së pjesëmarrjes së tyre në program, pas një ngjarjeje të ngjashme që kishte përjetuar Afërdita Paqarada në sezonin e parë të Big Brother VIP Kosova.

Burime pranë Leonorës bëjnë të ditur se këngëtarja është thellësisht e tronditur nga kjo situatë, megjithëse fatmirësisht nuk ndodhej në shtëpi gjatë plaçkitjes. Hajdutët kanë marrë disa sende me vlerë, ndërsa dëmet materiale janë të konsiderueshme. Për arsye hetimore, detajet e sakta mbi objektet e vjedhura nuk janë bërë publike.

Ngjarja ka tërhequr vëmendje të madhe nga publiku, duke nxitur reagime solidariteti ndaj Leonorës dhe shqetësim për sigurinë e banesave të personazheve publikë. Leonora ka zgjedhur të mos reagojë publikisht, duke i lënë hetimet në dorë autoriteteve, por burimet bëjnë me dije se ajo po bashkëpunon plotësisht me policinë.

Hetimet vazhdojnë, ndërsa pritet që autoritetet të dalin së shpejti me detaje të reja mbi ngjarjen dhe motivet e sulmit.

The post Grabitet banesa e opinionistes “BBV”! appeared first on iconstyle.al.

Dita e sotme sjell surpriza për disa shenja të horoskopit. Lajme të papritura, mesazhe që ndryshojnë plane dhe zhvillime të shpejta pritet të ndikojnë në humorin dhe vendimet e tyre. Astrologët paralajmërojnë se energjitë e sotme favorizojnë komunikimin, ndryshimet e menjëhershme dhe kthesat e papritura.

Binjakët janë në krye të listës. Një telefonatë ose mesazh mund të sjellë një lajm që lidhet me punën, një udhëtim apo një takim të rëndësishëm. Gjithçka do të ndodhë shpejt, ndaj duhet të jenë gati për vendime spontane.

Gaforrja mund të marrë lajme që lidhen me familjen ose një person të afërt. Edhe pse fillimisht mund të shkaktojnë emocione të forta, këto informacione do të ndihmojnë në sqarimin e një situate që ka qenë pezull prej kohësh.

Luani do të surprizohet nga një zhvillim profesional. Një ofertë, vlerësim ose ndryshim në vendin e punës mund të vijë pa paralajmërim, duke hapur një kapitull të ri për këtë shenjë ambicioze.

Akrepi pritet të marrë lajme financiare të papritura. Mund të bëhet fjalë për një pagesë, fitim ose zgjidhje të një çështjeje ekonomike që e ka shqetësuar kohët e fundit.

Ujori do të përballet me një lajm që lidhet me miqësinë ose rrjetin social. Një ftesë, bashkëpunim ose takim i papritur mund të ndryshojë rrjedhën e ditës.

Për shenjat e tjera, dita do të jetë më e qetë, por këshillohet të qëndrojnë të hapura ndaj ndryshimeve. Sot, universi flet papritur, mjafton të jeni gati ta dëgjoni.

The post Universi ka një surprizë sot: Këto shenja do të marrin lajme të papritura appeared first on iconstyle.al.

Një ngjarje tragjike ka tronditur Queensland-in, Australi, ku dy motra të mitura kanë humbur jetën pas një zjarri të rëndë që përfshiu banesën e familjes së tyre në qytetin Townsville.

Policia e Queensland-it konfirmoi të premten, më 6 shkurt, se vajzat ndërruan jetë të enjten, disa ditë pas zjarrit që shpërtheu në shtëpinë e tyre të dielën, më 1 shkurt. Sipas autoriteteve, shërbimet e emergjencës u njoftuan rreth orës 5:30 të mëngjesit për një banesë në rrugën Gum Court, e cila ishte përfshirë plotësisht nga flakët.

Nga zjarri arritën të shpëtonin dy djem adoleshentë, të cilët pësuan dëmtime nga tymi. Ndërkohë, ekipet e emergjencës nxorën nga banesa një vajzë dyvjeçare dhe një vajzë 13-vjeçare, të cilat u transportuan me urgjencë në Spitalin Universitar të Townsville-it në gjendje kritike, për shkak të vështirësive serioze në frymëmarrje.

Vajzat u identifikuan si motrat Hallie, 2 vjeçe, dhe Evie, 13 vjeçe. Pavarësisht përpjekjeve të stafit mjekësor, të dyja ndërruan jetë disa ditë më vonë si pasojë e plagëve të marra.

Autoritetet kanë bërë të ditur se shkaku i zjarrit mbetet ende i paqartë, por ngjarja nuk po trajtohet si e dyshimtë apo kriminale.

Në një deklaratë të lëshuar nga Shërbimi Shëndetësor dhe Spitalor i Townsville-it në emër të familjes, thuhet se dhimbja e prindërve, Karah dhe Zac, është e papërshkrueshme. Mesazhi i tyre thekson trishtimin e thellë dhe solidaritetin e komunitetit në këtë moment të vështirë për familjen e goditur nga tragjedia.

The post U nxorën të gjalla nga flakët, por nuk mbijetuan: Dy motra humbin jetën pas zjarrit tragjik appeared first on iconstyle.al.

Modelja ndërkombëtare e pasarelave, Cristina Pérez Galcenco, ka ndërruar jetë në moshën 21-vjeçare, sipas raportimeve të mediave lokale spanjolle. Lajmi është konfirmuar nga disa media prestigjioze, përfshirë El País, El Mundo dhe ABC.

Pérez Galcenco, vajza e ish-futbollistit profesionist spanjoll Nacho Pérez dhe Tatiana Galcenco, u gjet e pajetë në banesën e saj në provincën e Málagës, të martën më 3 shkurt. Sipas raportimeve, ajo ishte zhvendosur së fundmi në Caleta de Vélez për të ndjekur një kurs profesional.

Burime pranë familjes kanë bërë të ditur se vdekja dyshohet të ketë ardhur për shkaqe natyrore dhe se në vendngjarje nuk janë konstatuar shenja dhune.

Gjatë viteve të fundit, Cristina kishte ndërtuar një karrierë të suksesshme në botën e modës, duke ecur në pasarelat më të njohura në Madrid, Milano, Paris, Londër dhe Kinë. Ajo e nisi karrierën e saj shumë herët, vetëm 14 vjeçe, gjatë “Campoamor Fashion Show”, i cili organizohet çdo vit në teatrin Campoamor në qytetin e Oviedos.

Modelja ka marrë pjesë gjithashtu në evente të rëndësishme si Mercedes-Benz Fashion Week Madrid, si dhe në Javët e Modës në Paris dhe Milano. Organizatorët e Campoamor Fashion Show i kanë bërë një homazh prekës në rrjetet sociale, duke publikuar një foto dhe video të saj, të shoqëruara me simbolin e pëllumbit të bardhë.

Trupi i pajetë i Cristinës do të vendoset për homazhe më 6 shkurt në shtëpinë mortore Puente Nora në Lugones, Asturias, ndërsa ceremonia mortore do të zhvillohet të shtunën, më 7 shkurt. Figura të njohura të modës, përfshirë parukierin e njohur Manuel Mon, kanë shprehur dhimbjen dhe respektin e tyre për humbjen e saj.

The post Humbje e papritur në botën e modës: Ndërron jetë në moshën 21-vjeçare modelja e njohur appeared first on iconstyle.al.

Kim Kardashian ka ndarë së fundmi detaje mbi marrëdhënien e saj aktuale me ish-bashkëshortin Kanye West, duke theksuar se pavarësisht divorcit, ata do të mbeten gjithmonë familje për hir të fëmijëve të tyre.

Në një intervistë për Complex, të enjten më 5 shkurt, Kardashian tha se marrëdhënia mes saj dhe West ka evoluar me kalimin e kohës që nga divorci i tyre, i finalizuar në vitin 2022. Çifti u njoh në vitin 2012, u martua në 2014 dhe kanë katër fëmijë: North (12), Saint (10), Chicago (8) dhe Psalm (6).

“Ne do të jemi gjithmonë familje,” u shpreh ajo. “Të dy e dimë këtë. Do të jemi mirë dhe ka shumë dashuri për familjen tonë. Ne duam më të mirën për fëmijët tanë.”

Komentet e saj erdhën pasi ajo promovoi çizmet Yeezy të West në një video në TikTok gjatë një udhëtimi në Aspen. Kardashian shpjegoi se nuk mundi t’i rezistonte dizajnit të këpucëve. “Nuk mund ta mohoja thembrën Yeezy, ndaj duhej ta përmendja,” tha ajo, duke shtuar se i pëlqen kur këpucët përputhen në ton me veshjen.

Deklaratat e fundit vijnë pas komenteve të saj më të sinqerta për vështirësitë që ka përjetuar për shkak të sjelljes së reperit. Në një episod të tetorit 2025 të reality show-t The Kardashians, Kardashian tregoi se stresi kishte ndikuar edhe në shëndetin e saj.

“U testova shumë,” tha ajo. “U ndjeva më e stresuar sepse duhej të mbroja fort atë që ishte më e rëndësishme, fëmijët e mi.”

Ajo theksoi se prioriteti i saj si nënë është t’i mbrojë fëmijët nga çdo situatë e vështirë, duke qenë e vetëdijshme se ata do të rriten dhe do të kuptojnë gjithçka me kalimin e kohës.

The post Kim Kardashian flet për marrëdhënien me Kanye West pas divorcit appeared first on iconstyle.al.

Rap-artisti i njohur nga Ferizaj, Mozzik, ka rikthyer vëmendjen e publikut më 5 shkurt me publikimin e një EP-je të re, e cila përmban gjithsej pesë këngë. Projekti i fundit ka ngjallur reagime të shumta në skenën muzikore, veçanërisht për shkak të përmbajtjes provokuese dhe mesazheve direkte që përfshihen në disa prej këngëve.

Njëra nga këngët më të komentuara mban titullin “Diss”, ku Mozzik ka zgjedhur një qasje jo të zakonshme, duke ironizuar fillimisht vetveten, por pa kursyer as emra të njohur të estradës shqiptare. Përveç figurave të artit, reperi ka përmendur edhe kryeministrin e Kosovës, Albin Kurti, duke iu referuar një situate të ndodhur gjatë vitit të kaluar, e cila në atë kohë kishte marrë vëmendje të gjerë publike.

Këto vargje nuk kaluan pa reagime. Ish-reperi Fero, emri i vërtetë i të cilit është Feronit Shabani, ka reaguar përmes një postimi në InstaStory, ku me tone ironike ka komentuar përmendjen e kryeministrit. “Paramendo Albin Kurti duke u munduar t’i bëjë kurthe Mozzikut”, ka shkruar ai, duke nxitur diskutime të shumta në rrjetet sociale.

Duhet theksuar se Fero, së fundmi, në bashkëpunim me reperin S4MM, ka publikuar një këngë të re ku i drejtohen Mozzikut me vargje kritike, duke vazhduar kështu përplasjet verbale mes tyre në muzikë.

Megjithatë, pavarësisht polemikave dhe “diss”-eve, Mozzik ka marrë një valë të madhe komentesh pozitive dhe përkrahjeje nga fansat, të cilët kanë vlerësuar EP-në si një projekt të guximshëm dhe autentik në skenën e hip-hopit shqiptar.

The post Fero s’hesht: Thumbime dhe ironi ndaj Mozzik pas projektit të ri appeared first on iconstyle.al.

Një lajm i trishtë ka prekur së fundmi botën e artit dhe publikun shqiptar. Këngëtarja e njohur Rovena Stefa ka humbur babain e saj, Pandeli Stefa, duke sjellë dhimbje të madhe për familjen dhe të afërmit e saj.

Lajmin e hidhur, artistja e ka bërë të ditur përmes një postimi emocional në rrjetet sociale, ku ka ndarë me ndjekësit dhimbjen e thellë për ndarjen nga jeta të prindit të saj. Në fjalët e saj prekëse, Rovena shprehet se humbja e babait është një plagë që do ta shoqërojë përgjithmonë, ndërsa e kujton atë si një njeri të përkushtuar, sakrifikues dhe me një dashuri të pamasë për fëmijët e tij.

Ajo ka theksuar gjithashtu lidhjen e veçantë që i ati kishte me Kosovën, vend ku edhe mbylli sytë për herë të fundit, duke e konsideruar këtë fakt si një simbol të dashurisë dhe shpirtit të tij atdhetar. “Të dua shumë shumë shumë, sa dashuria nuk njeh kufij”, ka shkruar këngëtarja, duke prekur zemrat e shumë ndjekësve.

Familja Stefa ka njoftuar se ceremonia mortore do të zhvillohet ditën e nesërme, në orën 14:00, pranë varrezave të qytetit të Fierit, ku miq, të afërm dhe dashamirës do t’i japin lamtumirën e fundit Pandeli Stefës.

Pas publikimit të lajmit, figura të njohura të artit, kolegë dhe ndjekës të shumtë kanë reaguar me mesazhe ngushëllimi, duke i shprehur Rovena Stefës mbështetje dhe solidaritet në këtë moment të vështirë.

The post E trishtë! Ndahet nga jeta babai i këngëtares së njohur! appeared first on iconstyle.al.

Nga dita e nesërme pritet një përkeqësim i kushteve atmosferike në vend. Shërbimi Meteorologjik Ushtarak ka njoftuar se për periudhën 6–10 shkurt 2026 parashikohen reshje shiu me intensitet të lartë, veçanërisht në territorin e Qarkut Durrës, çka mund të sjellë vështirësi dhe problematika në disa zona.

Sipas parashikimeve, reshjet e dendura mund të ndikojnë në jetën e përditshme të qytetarëve, duke krijuar rrezik për përmbytje lokale, vështirësi në qarkullim dhe ndikim në infrastrukturë. Situata kërkon vëmendje të shtuar, duke marrë në konsideratë edhe rastet e mëparshme kur reshjet intensive kanë shkaktuar dëme në banesa, biznese dhe hapësira publike.

Autoritetet theksojnë se është e domosdoshme që strukturat përgjegjëse të tregojnë gatishmëri maksimale dhe përgjegjësi institucionale, në mënyrë që të minimizohen pasojat e mundshme. Bashkëpunimi ndërinstitucional dhe reagimi i shpejtë konsiderohen kyç për përballimin e çdo situate emergjente që mund të krijohet.

Në këtë kuadër kërkohet marrja e masave parandaluese, monitorimi i vazhdueshëm i situatës në terren si dhe raportimi i menjëhershëm i çdo problematike. Institucionet përkatëse pritet të qëndrojnë në gatishmëri për të garantuar sigurinë e qytetarëve dhe funksionimin normal të shërbimeve.

Reshjet e shiut vijojne prej javesh ne vendin tone, duke shkaktuar permbytje ne disa qytete te vendit, kryesisht ne Durres.

The post Nga nesër mot i paqëndrueshëm, Shërbimi Meteorologjik Ushtarak ngre alarmin appeared first on iconstyle.al.

Pas zyrtarizimit të lidhjes disa muaj më parë dhe paraqitjeve të shpeshta së bashku në evente publike, Princ Leka dhe Blerta Celibashi duket se po jetojnë një nga periudhat më të bukura të jetës së tyre. Fotografja është në pritje të ëmbël dhe çifti pritet të mirëpresë fëmijën e tyre të parë së bashku pas disa muajsh.

Burime pranë çiftit kanë konfirmuar për PopArt.al lajmin e shtatzënisë, duke zbuluar gjithashtu se Blerta pret një djalë. Për Princ Lekën, ky do të jetë përjetimi i dytë i atësisë, pasi ai është tashmë baba i një vajze nga martesa e mëparshme me aktoren Elia Zaharia, me te cilen u nda kohë me parë.

Sipas të njëjtave burime, shtatzënia po shkon mirë dhe çifti ka zgjedhur ta jetojë këtë periudhë me qetësi dhe larg vëmendjes së tepërt mediatike. Megjithëse zërat për një pritje të ëmbël kanë qarkulluar prej kohësh, tashmë lajmi konsiderohet i konfirmuar nga persona të afërt me ta.

Deri në këtë moment, as Princ Leka dhe as Blerta Celibashi nuk kanë bërë një reagim publik, por mësohet se përgatitjet për ardhjen e foshnjës kanë nisur prej pak kohësh, duke shtuar emocionin për kapitullin e ri që i pret. Perpos këtij lajmi, në rrjet po aludohet se çifti ka nisur edhe përgatitjet për dasëm.

The post Princ Leka pritet të bëhet sërish baba, Blerta Celibashi në pritje të ëmbël appeared first on iconstyle.al.

Mediaset po rrit nivelin e betejës së saj ligjore kundër Fabrizio Corona dhe po njofton një padi civile masive prej 160 milionë eurosh. Padia, e njoftuar zyrtarisht nga kompania, rrjedh nga dëmtimi serioz i reputacionit të dyshuar të pësuar nga grupi, drejtuesit e tij dhe disa nga figurat më ikonike të transmetuesit.

Deklaratat e Corona gjatë programit “Falsissimo” janë nën shqyrtim. Sipas Mediaset, këto deklarata përhapin akuza të pabaza, aludime dhe informacione private të pabazuara. Sipas deklaratës zyrtare, historia tejkaloi kufijtë e lirisë së shprehjes dhe përbënte shpifje.

Kërkesa për kompensim nuk ka të bëjë vetëm me kompaninë në tërësi, por përfshin drejtpërdrejt edhe Marina Berlusconi-n dhe Pier Silvio Berlusconi-n, si dhe figura kryesore në programin televiziv si Maria De Filippi, Silvia Toffanin dhe Gerry Scotti, të treguar si subjekte të dëmtuara nga ekspozimi mediatik i deklaratave të Corona-s.

Qëndrimi zyrtar i Mediaset

Në njoftimin për shtyp të lëshuar nga Cologno Monzese , grupi e përcakton atë që u transmetua si një grup “gënjeshtra, falsifikime dhe insinuata të zhveshura nga çdo bazë dhe nga respekti më i vogël për njerëzit, familjet e tyre dhe realitetet e përfshira”.

Për këtë arsye, Mediaset dhe MFE (MediaForEurope), së bashku me palët individuale që konsiderohen të dëmtuara, kanë vendosur të vazhdojnë me padi civile për kompensim për një shumë totale prej 160 milionë eurosh, duke përfshirë edhe kompanitë që i atribuohen Fabrizio Corona-s.

Grupi televiziv njoftoi gjithashtu se rezervon të drejtën për të ndërmarrë veprime ligjore kundër kujtdo që kontribuon me vetëdije në përhapjen, amplifikimin ose promovimin e përmbajtjes së konsideruar shpifëse, duke hapur kështu rrugën për procedura të mëtejshme ligjore.

Kjo çështje shënon një kapitull të ri në mosmarrëveshjen midis Mediaset dhe Fabrizio Corona, e cila ka të ngjarë të ketë pasoja të gjera mediatike dhe ligjore në javët në vijim.

The post Mediaset padit Fabrizio Coronan, kërkon 160 milionë euro dëmshpërblim appeared first on iconstyle.al.

Ora e ditës kur jepet kimioterapia mund të luajë një rol të rëndësishëm në efektivitetin e saj, sipas një studimi të ri klinik të pacientëve me kancer të mushkërive në fazë të avancuar. Gjetjet tregojnë se trajtimi që fillon më herët gjatë ditës konkretisht para orës 3 të pasdites shoqërohet me rezultate më të mira krahasuar me administrimin e tij më vonë.

Studimi, një provë e fazës 3 e rastësishme që përfshin 210 pacientë, u botua në Nature Medicine dhe bazohet në të dhëna që tregojnë se ritmet cirkadiane, “ora biologjike” e brendshme e trupit, ndikojnë në funksionin e sistemit imunitar dhe përgjigjen e tij ndaj trajtimeve.

Çfarë tregoi studimi?

Studiuesit, të udhëhequr nga Yongchang Zhang, i ndanë pacientët me kancer të mushkërive me qeliza jo të vogla në fazë të avancuar – të cilët nuk kishin marrë ndonjë trajtim të mëparshëm në dy grupe. Grupi i parë mori imunokimioterapi para orës 15:00, ndërsa grupi i dytë e mori atë pas orës 15:00, për katër ciklet e para të trajtimit.

Pas një ndjekjeje mesatare prej gati 29 muajsh, pacientët që morën trajtim më parë përjetuan:

-pothuajse dyfishi i kohës pa përkeqësim të sëmundjes (11.3 muaj kundrejt 5.7),
-mbijetesë më e gjatë e përgjithshme (28 muaj kundrejt 16.8),
-shkallë më të larta përgjigjeje ndaj trajtimit (69.5% kundrejt 56.2%).

Është e rëndësishme të theksohet se nuk u regjistruan ndryshime në ngjarjet anësore të lidhura me imunitetin, duke sugjeruar që përfitimi nuk shoqërohet me toksicitet të shtuar.

Pse koha mund të ketë rëndësi

Analiza të mëtejshme treguan se pacientët në grupin e mëngjesit kishin limfocite T CD8+ më aktive në gjakun e tyre – qeliza që janë çelësi i përgjigjes imune kundër kancerit. Ky zbulim përforcon idenë se sistemi imunitar reagon ndryshe ndaj trajtimit në varësi të kohës së ditës .

Indikacione të ngjashme janë gjetur në të kaluarën nga studime retrospektive në forma të tjera të kancerit, por deri më tani të dhënat nga provat klinike të rastësishme kanë munguar.

Kufizimet dhe hapat e mëtejshëm

Vetë studiuesit theksojnë se nevojiten studime të mëtejshme për të konfirmuar përfitimet afatgjata, si dhe për të hetuar mekanizmat e saktë biologjikë. Përveç kësaj, të gjithë pjesëmarrësit në studim ishin nga Kina, gjë që kufizon përgjithësueshmërinë e rezultateve.

Nëse gjetjet konfirmohen në popullata të tjera, rregullimi i kohës së kimioterapisë mund të jetë një mënyrë e thjeshtë dhe me kosto të ulët për të përmirësuar trajtimin e kancerit pa ndryshuar ilaçet ose protokollet e trajtimit. Një kujtesë se në mjekësi, nuk është vetëm ajo që jep që ka rëndësi, por edhe kur.

The post Cila orë e ditës është më efektive kur bëhet kimioterapia appeared first on iconstyle.al.

Personaliteti i reality TV, Molly-Mae Hague, ka njoftuar se është shtatzënë me fëmijën e saj të dytë.

“Shpejt do të bëhemi katër,” shkroi ajo në Instagram, duke shoqëruar postimin me pamje të regjistruara javën e kaluar në shtëpi, ku dukej barku i saj i rrumbullakosur, duke puthur partnerin Tommy Fury dhe duke luajtur me vajzën e tyre trevjeçare, Bambi.

Shtatzënia vjen pasi dy ish-konkurrentët e Love Island rindërtuan marrëdhënien e tyre majin e kaluar, pas një ndarje nëntëmujore, të cilën të dy e lidhën me problemet e Fury-t me alkoolin.

Hague ka qenë e hapur me fansat për vështirësitë që ka kaluar me shtatzëninë, lindjen dhe amësinë, duke e përshkruar ardhjen në jetë të fëmijës së parë si sfiduese në disa momente.

Lajmi për shtatzëninë e saj të dytë u prit me urime nga miqtë dhe ndjekësit.

“Urime dhe dukesh fantastike,” komentoi kunata e saj, Paris.

“Jam shumë e lumtur për ty,” shkroi prezantuesja Rochelle Humes, duke e quajtur “një lajm të mrekullueshëm”.

“Urime të mëdha për të gjithë ju,” reagoi gjithashtu Scarlett Moffatt.

Hague dhe Fury u njohën gjatë sezonit të pestë të Love Island në vitin 2019, dhe marrëdhënia e tyre vazhdoi me lindjen e fëmijës së parë dhe fejesën në vitin 2023.

Megjithatë, vitin pasues ata u ndanë, me Hague që tha atëherë se “nuk e kishte imagjinuar kurrë që historia e tyre do të përfundonte, sidomos jo në këtë mënyrë”.

Fury, gjysmëvëllai i ish-kampionit të botës në peshat e rënda Tyson Fury, më vonë deklaroi për BBC se konsumimi i alkoolit pas një dëmtimi kishte çuar përfundimisht në përfundimin e marrëdhënies së tyre.

Më pak se një vit më vonë, Hague konfirmoi se ishin ribashkuar, duke thënë se Fury nuk kishte konsumuar alkool për katër muaj dhe se “gjërat po shkonin shumë më mirë”.

The post Pas rikthimit me Tommy Fury, Molly-Mae jep lajmin e papritur appeared first on iconstyle.al.

Elton Tozaj, ish banor i Big Brother Albania, ka mashtruar disa biznese, duke u hequr si punonjës i brendshëm i televizionit Top Channel.

Eltoni nuk ka qenë asnjëherë i punësuar në Top Channel, por pavarësisht kësaj, ai ka arritur që të zhvasë disa biznese, dy prej të cilave të dokumentuara nga emisioni investigativ Fiks Fare.

Duke shfrytëzuar daljet e tij si analist i ngjarjeve që ndodhin në shtëpinë më të famshme të shqiptarëve, Big Brother Vip, ky gazetar premton reklamim të bizneseve në spektaklin e Top Channel. Madje, kërkon pagesa në emër të stafit të Top Channel dhe aparate celulari.

Rasti i parë, është në qytetin e Korçës, në një dyqan që shet telefona celularë, ku Eltoni i ka marrë pronarit 3 telefona “Iphone 17 Pro Max”, vlera e të cilëve ka qenë rreth 5.200 euro. Ai është hequr si punonjës i Top Channel, teksa ka përmendur edhe emrat e pronarëve dhe drejtuesve të televizionit.
Skema që ka përdorur është një rast tipik mashtrimi, pasi Eltoni është njohur me pronarin e biznesit në një hotel në qytetin e Korçës. Më pas, në marrëdhënie besimi, Eltoni i ka shkruar pronarit se do “3 telefona Iphone 17 Pro Max”, ku 1 e donte për vete dhe 2 për drejtuesit e Top Channel. Më pas, dyqani ka nisur një korrier në adresën që Eltoni i ka dhënë në qytetin e Tiranës.

Këtë ngjarje, pronari e ka denoncuar në Policinë e Korçës, ku dhe prokuroria e atij qyteti ka nisur një procedim penal.

Fiksi bisedoi me punonjësit e dyqanit në Korçë, ku ata tregojnë se Eltoni u mori 3 aparate. Sipas tyre, pronari ka bërë një bisedë me Eltonin. Ai i shkruan se nesër është në Korçë dhe “kam dhe 3 pagesa për të sjellë”. Biseda vijon se nuk ja ka ndryshuar çmimin, “aq sa e kam marrë unë, i kam thënë”.
Në të gjithë komunikimin, Eltoni përmend emrat e pronarëve dhe drejtuesve të televizionit. Ai i shkruan se “e kam dhuratë nga puna pas 16 vitesh në televizion, u kujtuan më në fund”. Ai i premton pronarit të dyqanit se do t’i dërgojë pagesën që do bëjë puna, pra punëdhënësi Top Channel!

Në një ditë tjetër, Eltoni i kërkon me ngulm telefonat, duke u justifikuar se më pas do të futet në disa emisione të Top Channel, madje edhe në “Big Brother Selection”. “Kallëzime i kanë bërë 100 veta atij. Ai i mori të ëmën T… dhe i tha thuaj djalit se do t’i bëj denoncim. Do t’i bëj edhe unë mbas teje i tha, hajde vemi të dy i tha e ëma. Në një numër telefoni që” i thotë punonjësi gazetarit.

Ndërkohë, rasti i dytë, i dokumentuar nga Fiks Fare, ka ndodhur në qytetin e Kavajës, në një restorant. Pronarët e restorantit e kanë takuar disa muaj më parë Eltonin, i cili u ka premtuar se, kundrejt një pagese prej 200 eurosh, ata do të shtronin një darkë për banorët e Big Brother Vip Albania 5. Edhe në këtë rast, Eltoni u ka premtuar se, me njohjet që ka me produksionin e Big Brother, por edhe me drejtuesit e Top Channel, do të mundësonte këtë “reklamë”.

“Unë e kuptova atë si tip në fillim. Po thashë tani, se ndonjëherë të rren ajo qejfi me dalë. Se medemek, është lirë dhe mos ka ndonjë njohje, e kupton. Në një moment thashë, pata hyrë, pata lexuar se edhe rob jemi nuk është se jemi pa dalë. Më tha do bësh një pagesë kështu te 200 mijë lekëshi. Javën e parë më tha do dalësh. Kaloi java e parë, jo kështu e ashtu. I thashë sonte në darkë dua lekët se s’bën. Më solli një video në darkë dhe më tha kam bërë aksident” thotë pronari i restorantit.

Eltoni u ka dërguar një video, ku duket i gjakosur dhe me shenja të rënda në kokë dhe trup. Është e njëjta pamje, që gazetari e denoncoi disa javë më parë në polici, por edhe mediatikisht. Ai i thotë pronarëve të restorantit, që po kërkonin kthimin e shumës së paguar, se “do të lidhen nesër këta të shtëpisë me ty, të lutem”.

“Do i shtroja unë darkën. Biles më ka marrë dhe menu, po s’më dukej serioz. Unë i thashë jam i bindur që kjo është mashtrim. Isha shumë i bindur që ishte mashtrim. Të rren ajo hajde mo se inshallah, se medemek hë mo se inshallah” pohon ai, teksa shton se ka lexuar në internet se Elton Tozaj ka qenë i proceduar disa herë.

Fiks Fare bëri një kërkim të thjeshtë në internet, të njëjtin që ka bërë edhe biznesi në Kavajë, ku rezulton se ky personazh, Elton Tozaj, ka qenë i proceduar disa herë nga drejtësia. Madje, ai është ndaluar edhe nga policia në vitin 2007, i akuzuar për mashtrim. Ai akuzohej se u kishte marrë disa pronarëve të taksive para, duke u hequr si punonjës i Bashkisë së Tiranës.

Në raste të tjera, sipas raportimeve mediatike, Eltoni hiqej edhe si këshilltar i ministrave të ndryshëm. Një tjetër procedim penal është hapur në vitin 2024 në Korçë, ku prokuroria e atij qyteti kërkoi edhe masë shtrënguese. Akuza ishte për mashtrim.
Fiksi e takon Eltonin në Tiranë, duke e pyetur se “është hequr si punonjës i Top Channel”. Ai thotë se ka qenë i atashuar, i ftuar disa herë në emisionet. Më tej thotë se me zotërinë (rastin e Korçës) ka pasur një problem pasi s’ka marrë kuponin tatimor. Ai thotë se s’ka marrë faturën e shitjes dhe në momentin që ka marrë këtë faturë, ka bërë edhe pagesën.

***
Përballja mes Fiks Fare dhe Elton Tozajt!
Gazetari: I ke bërë pagesat?
Tozaj: Po i kam mbaruar.
Në çfarë date i ke kryer pagesat?
Dua t’a shoh, duhet të ketë një 2-3 ditë besoj. Sepse kemi qenë në Policinë e Korçës dhe kemi bërë një marrëveshje.
Pa u bërë kjo marrëveshje ju jeni hequr si punonjës i brendshëm i Top Channel?
Jo në asnjë rast.
I drejtuesve të Top Channel, i drejtuesve të Big Brother?
E kam deklaruar edhe në polici që jo, kam thënë që jam i atashuar. Kam qenë i ftuar herë pas here.
I atashuar çfarë do të thotë?
Sa herë që ka pasur emisioni i ftuar …
I ftuar?
Po, si opinionist për Big Brother dhe për emisione të tjera. Të gjitha programacionet që ka pasur Top-i. Top News më tepër, Top Channel.
Të kemi parë dhe ne, por ajo më problematike dhe që na vuri në lëvizje ishte pikërisht komunikimi jot me biznesin në fjalë, në rrjete sociale, ku i përmendje edhe drejtuesit e Top Channel? Që këtë telefon e do X drejtues?
Këtë gjë e kam sqaruar edhe në polici, ka qenë diçka e imja me të tjerë. S’ka lidhje fare, personat në fjalë nuk kanë lidhje fare, 0. E kam deklaruar edhe në polici këtë gjë.
I ke kryer pagesat te ky biznes?
Absolutisht.
Telefonat i keni marrë ju?
Telefonat i kam marrë unë dhe për çudi ato telefona më janë vjedhur, e kemi denoncuar edhe në polici këtë gjë.
Të janë vjedhur të 3 telefonat?!
Ka qenë një gjë që nuk na kanë rakorduar.
Në të ardhmen s’besoj se mund t’a bësh këtë gabim?!
S’ishte gabim, unë doja faturën.
Jo ti i shkruaje që këtë telefon e do X, këtë telefon e do …, këtë telefon e do …?
Jo, i doja unë për dikë. Nuk ka lidhje fare me … dhe …. që 0. Unë e kam deklaruar edhe në polici që s’kanë lidhje fare. Dhe për më tepër si me … apo me …, nuk kam komunikim. Mund të kem thjeshtë një përshëndetje me …, kurse me … nuk e njoh fare.
Në biznese të tjera ke shkuar dhe je prezantuar si punonjës i Top Channel?
Jo!
S’ke pasur më raste të tjera?
Jo, jo …
Një biznes në Kavajë, na është drejtuar sërish për të njëjtën problematikë.
Ça ka!
Është një restorant në periferi të qytetit të Kavajës dhe Ju i keni premtuar që ky biznes do të shtrojë një darkë, një drekë në Big Brother!
I kam thënë do të lidh me marketingun për të bërë atë që ke për të bërë që të shtrosh atë.
Biznesi në fjalë ka bërë një pagesë në shumën e 200 eurove? I ke kthyer shumën?
Absolutisht siç m’i dha atëherë për t’a bërë atë punë ia ktheva mbrapsht, na se nuk bëhet.
Ke përmendur edhe emra të tjera, autorësh në këtë rast?
Ku janë këta autorë.
Te biseda që ke bërë me restoratin!
Unë atje kam qenë për qejfin tim duke ngrënë
Dhe i keni marrë 200 euro.
Jo, jo më ka thënë urdhëro. Ok i thashë do merrem unë. Ia ktheva, i thashë vëlla i dashur…
Kur ia ke kthyer?
Ufff, që kur më ka ndodhur rasti që pata atë problemin me…. ka mbi 1 muaj. Prandaj s‘po e kuptoj pse po më pyesni prapë për këtë gjë.
Na u drejtuan këto biznese ndaj. Dhe, të hiqesh dikush që nuk je, është mashtrim. Të hiqesh për një pozicion që nuk e ke prapë quhet mashtrim.
Më vjen keq që ma thua këtë gjënë, unë kam qenë i ftuar. Dhe këtë kam thënë unë kam njohje që i kemi koleg, i kemi shok e i kemi miq. Do ta pyes dhe do ta bëj si nder. S’u bë, kalofsh mirë.
Ndërkohë që keni marrë edhe shuma monetare?
Ku janë këto shuma monetare.
Biznesi në Kavajë ua ka nisur me bankë.
M’i ka kaluar mua personalisht. Po unë s’jam kam mbajtur.
Që do të shtronit një drekë. Pas 4-5 muajsh?
Jo Zotëri, ça gjatë verës. Ia kam marrë në nëntor. Unë kam edhe faturat në shtëpi.
***
RASTI I PARË, mashtrimi në dyqanin e celularëve në Korçë. Bisedë mes gazetarit të Fiks Fare punonjësve të dyqanit
Gazetari – Ka përdorur emrin e Top Channel?
Punonjësja – Po.
Gazetari – Pse erdhi vetë këtu ai?
Punonjësja – Jo, në Instagram se i kam parë vetë mesazhet.
Gazetari – Ka shkruar në Instagram?
Punonjësja – Po. I dua për … dhe për … Biles T… ma tregoi mua, po qeshnim!
Gazetari – Dhe sa mori, sa telefona mori?
Punonjësja – Ka marrë 2 apo 3?
Punonjësi – 3!
Punonjësja – 3, 17 Pro Max. Domethënë 5000 euro.
Gazetari – Ju kanë marrë juve këtu?
Punonjësja – Po.
Gazetari – Po çfarë ju premtoi?
Punonjësja – Do t’na jepte lekët.
Gazetari – Do ju jepte lekët apo do ju bënte reklamë?
Punonjësja – Jo, jo do t’na jepte lekët. Ne i shitëm telefonin. Po pastaj se çfarë ndodh.
Gazetari – Ju ia çuat me postë telefonat?
Punonjësja – Po.
Gazetari – Nuk erdhi fizikisht këtu ai?
Punonjësja – Nuk vinte dot dhe pas 2 ditësh do vinte se është edhe hoteli dhe në hotel ka edhe muzikë live. Ai do vinte te hoteli. Dhe tha do të vij dhe do të jap lekët.
Gazetari – Po fizikisht s’ka ardhur këtu ai, thjeshtë ka përdorur këtë …
Punonjësi – Instagramin.
Gazetari – Instagramin.
Punonjësja – Po, ka qenë edhe më përpara këtu.
Gazetari – 3 telefona sa bëjnë?
Punonjësi – 5.200 euro!
Punonjësja – 5.200 euro.
Gazetari – Në emër të kujt e keni prerë faturën ju? Keni prerë faturë?
Punonjësi – Ai furnitori na e ka prerë me faturë tamam neve.
Punonjësja – Në emër të kujt?
Gazetari – Në emër të N… Blerësi ishte Eltoni.
Punonjësi – Po.
Gazetari – Ju dha ndonjë dokument ai.
Punonjësi – Na dha…
Punonjësja – Shiko si ndodhi, marrim telefonat ne, furnitorët tanë.
Gazetari – Po.
Punonjësja – Dhe ne tani morëm telefonat dhe ia dërguam në Tiranë. Në Tiranë ia dhamë me kështu.
Punonjësi – Me korrier, me makinë.
Punonjësja – Kishte vajtur i kishte marrë ai. I dhamë njëherë 1 dhe pastaj i dhamë dhe 2. Dhe tha se këta i dua për …. dhe … Një e donte gjasmë për vete.
Gazetari – Po mirë, ai vetëm në Instagram shkroi?
Punonjësi – Whatsapp.
Punonjësja – Instagram.
Punonjësi – I ka T… të gjitha.
Gazetari – I ka bisedat T…?
Punonjësja – Po dhe me zë madje!
Gazetari – Dhe me zë?
Punonjësja – Po, po, po.
Gazetari – Ka bërë kallëzim penal T…?
Punonjësja – Më duket se ka bërë, me atë po merreshe!
Gazetari – Ai s’ka ardhur këtu që të kemi kamerat e sigurisë që të ketë ardhur fizikisht këtu?
Punonjësja – Jo, jo, jo.
Punonjësi – Kallëzime i kanë bërë 100 veta atij. Ai i mori të ëmën T… dhe i tha thuaj djalit se do t’i bëj denoncim. Do t’i bëj edhe unë mbas teje i tha, hajde vemi të dy i tha e ëma. Në një numër telefoni që …
Gazetari – Kush ia dha numrin e telefonit?
Punonjësi – Po ai vetë e merrte T… nga e ëma!
Gazetari – Ka “voice”?
Punonjësi – Ka.
Gazetari – I pranon ai që i ka marrë, mos nuk e pranon?
Punonjësi – I pranon, i pranon.
Punonjësja – Jo e pranon.
Gazetari – Faturën që e keni prerë ju?
Punonjësi – Faturën e kanë ku u bë denoncimi aty në Drejtorinë e Policisë, ku bëhet. Ai s’ka 1 a 2 o burrë i dheut, ju e dini shumë mirë.
Gazetari – E di, e di ne na kanë marrë shumë në emër të Top-it.
Punonjësi – Ai vazhdon dhe del në televizion tashti, ç’është ky muhabet. Ia kam lekët i thotë ai, do t’ia jap unë ç’ke ti.
Gazetari – 3 telefona, Iphone?
Punonjësja – 17 Pro Max.
Punonjësi – Ai i ka marrë që kur ishte 1.800 euro 1.
Gazetari – Dhe në total sa ishte?
Punonjësi – 5.150 euro. 100 euro fitonim ne po t’i merrte ai.
Gazetari – Ju e çuat edhe me …?
Punonjësi – Motorist.
Gazetari – Motoristi në Tiranë, me postë?! Mos ia ke adresën?
Punonjësja – Unë e di që i ka marrë në shtëpi.
Punonjësi – Unë vetëm i kam çuar njëherë numrin atij motoristit, merre këtë numër dhe pastaj flisni vetë.
Gazetari – Po lekët do t’ia merrte ky motoristi?
Punonjësi – Do t’ia jepte T…
Gazetari – Ku e ka njohur T…?
Punonjësi – Në V… E… Në Hotelin e T… Ai që kur tha do t’ia japim … dhe …., aty më dogji mua thashë bo bo!
Gazetari – Po mirë, për çfarë do t’ia jepte? Do t’i bënte reklamë tek Big Brother në Top Channel?
Punonjësi – Jo, jo hiç.
Punonjësja – I kërkojnë ata, duan t’i blejnë. Po ata mund t’i blinin në Tiranë shumë mirë! Pse do t’i blinin këtu.
Gazetari – Në Korçë, po pra! Pikërisht në Korçë.
Punonjësja – Kjo s’na erdhi mirë.
Punonjësi – Po ja ishte ky mblesatari.
***
RASTI I DYTË, restoranti në Kavajë. Bisedë mes gazetarëve të Fiks Fare dhe pronarit të biznesit!
Pronari – Unë e kuptova atë si tip në fillim. Po thashë tani, se ndonjëherë të rren ajo qejfi me dalë. Se medemek, është lirë dhe mos ka ndonjë njohje, e kupton. Në një moment thashë, pata hyrë, pata lexuar se edhe rob jemi nuk është se jemi pa dalë …
Gazetari – E njihje më përpara këtë?
Pronari – Ky vinte te lokali, s’e kam pas njohur fare, 0. U prezantua një ditë, jam filani qysh tek.
Gazetari – Çfarë ju premtoi ky juve?
Pronari – Ky erdhi dhe na tha doni të shkoni atje, të çoni darkë te Big Brother? Për Zotin i thashë që kam një llaf, po kushton dhe tani s’e kam terezinë. O vëlla i thashë, unë e di që kushton. Në telefon më tha do bësh një pagesë kështu te 200 euro.
Gazetari – Sa të mori?
Pronari – 200 euro.
Gazetari – 200 të vjetra apo të reja?
Pronari – Të vjetra, jo mo nuk rrëshqisja unë. Javën e parë më tha do dalësh. Kaloi java e parë, jo kështu e ashtu. Mbrëmë më duket se i dërgova mesazh. I thashë sonte në darkë dua lekët se s’bën. Më solli një video në darkë dhe më tha kam bërë aksident.
Gazetari – Premtoi që lokali jot do të shtrojë një darkë?
Pronari – Do i shtroja unë darkën. Biles më ka marrë dhe menu, po s’më dukej serioz. Unë i thashë jam i bindur që kjo është mashtrim. Isha shumë i bindur që ishte mashtrim. Të rren ajo hajde mo se inshallah, se medemek hë mo se inshallah.
Gazetari – Domethënë ai tha 200 mijë lekë bën e gjithë darka, apo 200 mijë lekë ishte paradhënie?
Pronari – 200 mijë lekë do të paguaja një tip kontrate me TOP-in.
Gazetari – Do të bëje kontratë?
Pronari – Kontratë garancie.
Gazetari – Po të solli gjë kontratë?
Pronari – Jo nuk më solli.
Gazetari – As një dokument, asnjë gjë?
Pronari – Më solli një faturë 200 mijë lekëshe kështu.
Gazetari – Ça fature?
Pronari – Që ke paguar, ma çoi te Whatsappi nga ato që fshihen për 24 orë. S’i kushtova rëndësi, e kupton apo jo.
Gazetari – Ta solli ty faturën?
Pronari – Po. E kam pasur në Whatsappi po tani s’e kam fare. As atë mandatin që i kam çuar lekët me … s’e kam.
Gazetari – E ke atë mandatin?
Pronari – Jo pra s’e kam!
Gazetari – Kur ia dhe lekët?
Pronari – Para gushtit.
Gazetari – A para gushtit. S’ia ke dhënë tani?
Pronari – Lekët kanë nja 1 muaj e gjysëm, 2 muaj. 2 muaj po.
Gazetari – Para se të fillonte Big-u?
Pronari – Para se të fillonte Big-u.
Gazetari – Po tani të kërkoj më lekë të tjera?
Pronari – Jo, jo s’më kërkoi. Unë e kontrollova që kishte precedentë penalë, ishte për mashtrime./TopChannel

The post Ish-banori i Big Brother mashtrime në emrin e Top Channel, u merr para bizneseve për “reklama” në BBVIP 5 appeared first on iconstyle.al.