Anis Mehmeti afrohet më shumë me Premier League, duke zyrtarizuar transferimin e tij te Ipsëich Toën.

Futbollisti shqiptar, i cili ka shkëlqyer në sezonet e fundit me Bristol City do të vijojë të luajë në Championship, por skuadra e tij e re shihet si pretendente për t’u ngjitur sërish në kampionatin elitar anglez.

Nuk janë zbuluar detajet e këtij transferimi, ndërsa mediat në vend thonë se Ipsëich ka paguar 3 milion paund për kartonin e futbollistit, që në fund të sezonit mund të largohej nga Bristol si një lojtar i lirë, pasi nuk kishte pranuar të rinovonte kontratën.

Vetë lojtari ka firmosur deri në qershor të vitit 2029, duke rritur ndjeshëm të ardhurat e tij.

Pas prezantimit nga klubi i ri, Mehmeti ka dhënë edhe intervistën e parë.

Ai është shprehur i lumtur për transferimin dhe se kërkon të përmirësohet çdo ditë për të ndihmuar ekipin në objektivin e tij për t’u kthyer në Premier League.

Sulmuesi 25 vjeçar kalon te Ipsëich si një prej lojtarëve më të mirë të sezonit në Championship, ku ka shënuar 8 gola dhe ka dhënë 6 asiste.

Që nga janari 2023 kur u transferua te Bristol, ai numëron 136 ndeshje dhe 26 gola gjithsej.

Shifra të rëndësishme, por që deri tani nuk i kanë shërbyer për të bindur trajnerin Sylvinho ta kthejë në kombëtaren kuqezi,

Autoritetet franceze po hetojnë vdekjen e dy foshnjave që konsumuan produkte formule, që u tërhoqën së fundmi si masë paraprake, tha të martën ministria franceze e shëndetësisë.

Një foshnjë, e cila vdiq në qytetin jugperëndimor francez të Pessac, ishte ushqyer me qumësht pluhur Guigoz të prodhuar nga Nestle. Zyra e prokurorit të Bordeaux po heton shkaqet e mundshme të vdekjes. Deri më tani, tha ministria, nuk ka prova që lidhin vdekjet me produktet formule për foshnje.

Nestle dhe gjigandi i qumështit Lactalis thanë të mërkurën se po tërhiqnin gjashtë grupe të formulës për foshnje të markës Picot në Francë dhe në një numër vendesh të tjera për shkak të “pranisë së mundshme” të cereulidës, një toksinë që mund të shkaktojë diarre dhe të vjella. Substanca bakteriale është lidhur me një përbërës të furnizuar nga një furnizues ndërkombëtar. Reuters nuk mundi të përcaktonte menjëherë se cilën formulë kishte konsumuar foshnja e dytë.

“Deri më sot, asnjë lidhje nuk është vërtetuar shkencërisht”

Nestle tha se ishte në dijeni të hetimeve në vazhdim. “Siç kanë deklaruar autoritetet, në këtë fazë nuk ka asgjë që të sugjerojë se ka ndonjë lidhje midis këtyre ngjarjeve tragjike dhe konsumit të produkteve tona”, tha grupi në një email drejtuar Reuters.

Lactalis theksoi se nuk ka marrë asnjë raport nga autoritetet shëndetësore. “Autoriteteve shëndetësore u janë sjellë në vëmendje dy raporte për vdekje foshnjesh, të cilat kanë të bëjnë me fëmijë që u raportua se kishin konsumuar formulën e foshnjeve të tërhequr. Deri më sot, asnjë lidhje shkakësore nuk është vërtetuar shkencërisht”, theksoi Ministria e Shëndetësisë në një deklaratë, duke shtuar se “janë duke u zhvilluar analiza të mëtejshme dhe këto raste po hetohen nga prokurorët kompetentë”.

Çfarë gjetën autoritetet?

Lactalis ka tërhequr produktet e qumështit për foshnje në 18 vende dhe Nestle në dhjetëra. Një grup tjetër francez, Danone, ka bllokuar një grup qumështi për foshnje të prodhuar posaçërisht për tregun e Singaporit. Të tre kompanitë thanë se masat ishin paraprake. Ministria franceze e bujqësisë tha të mërkurën se rezultatet e një hetimi të parë gjyqësor për rastin priten brenda 10 ditëve të ardhshme. Ajo tha se hetimet e saj kishin identifikuar një vaj të pasur me acid arakidonik, ose ARA, të prodhuar nga një furnizues kinez si burimin e kontaminimit.

Presidenti amerikan, Donald Trump, tha se nga marrja e naftës së Venezuelës do të përfitojë vendi i tij dhe ai amerikano-jugor.

“Mbi 50 milion fuçi nafte tashmë kanë hyrë ose janë duke hyrë në Shtetet e Bashkuara të Amerikës dhe shumë më tepër pritet të vijnë,” u shpreh Trump për gazetarët duke folua nga Air Force One, teksa kthehej nga Zvicra ku mori pjesë në Forumin Ekonomik Botëror në Davos.

Trump shtoi se SHBA-të do të marrin një pjesë të naftës dhe do ta përdorin për të përfituar ekonomikisht, ndërsa vuri në dukje se nga kjo do të përfitojë edhe Venezuela.

“Do të ndahet dhe vendi ynë do të bëhet më i pasur, që do të thotë se taksat tona do të ulen dhe edhe ata do të përmirësohen. Venezuela do të ecë më mirë se kurrë më parë. Edhe pse ne jemi duke marrë ne një pjesë shumë të ndershme.  

Venezuela do të ecë shumë më mirë se sa ka ecur ndonjëherë. Ata do të bëhen shumë të pasur, nënvizoi shefi i Shtëpisë së Bardhë.”   / abcnews.al /

Analisti Valon Arifi tha se vjedhja e votave nuk është një dukuri e re, por sipas tij, këtë herë ajo ka dalë hapur në pah.

Ai theksoi se është shumë e rëndësishme që kandidatët për deputetë të mbrojnë dhe të ruajnë votën e tyre. Arifi shtoi se partitë e tjera politike duhet të distancohen dhe të mos i përfshijnë në grupet e tyre parlamentare.

“Vjedhja e votave ka ndodhur edhe herë të tjera, por tani doli në pah. Është shumë e rëndësishme që kandidatët për deputetë ta ruajnë votën e tyre. Si në Prizren, ashtu edhe në komuna të tjera, ka pasur dakordësi mes komisionerëve, pasi ata kanë manipuluar votat brenda partive të tyre.

Ekziston dallim dhe diferencë mes votës për parti dhe votës për deputetë. Keqpërdorimi më i madh i votave ka ndodhur në Prizren dhe ka qenë masiv, veçanërisht në PDK. Të gjitha këto vota kanë qenë të kolegëve brenda partisë.

Të gjithë këta kandidatë për deputetë duhet të dorëzojnë mandatin, ndërsa partitë e tjera duhet të distancohen dhe të mos i fusin në grupet parlamentare.”

/ abcnews.al

Komisioni i përbashkët për personat e zhdukur gjatë luftës në Kosovë do të aktivizohet.

Për këtë është rënë dakord mes kryenegociatorit të Kosovës Besnik Bislimi dhe atij të Serbisë Petar Petkoviç gjatë një takimi një zgjati disa orë në Bruksel, nën drejtimin e emisarit europian për dialogun Peter Sorensen.

“Qëllimi ishte që të arrijmë dakordim që sot ta funksionalizojmë komisionin e përbashkët për jetësimin apo zbatimin e Marrëveshjes për personat e pagjetur në mes të kryeministrit të Kosovës, Albin Kurti dhe presidentit të Serbisë, Aleksandar Vuçiq.

Takimet ishin të suksesshme dhe në fund arritëm që përfundimisht ta jetësojmë këtë objektiv.”

Ndërkaq, kryenegociatori i Serbisë, Petar Petkoviç, e cilësoi raundin e dialogut të 22 janarit si takimin që pritet të përshpejtoj të gjitha proceset në drejtim të gjetjes së të gjithë personave të zhdukur.

Ky komisioni i përbashkët për personat e pagjetur është pjesë e Deklaratës së përbashkët për personat e zhdukur nënshkruar më 2023.

Në luftën e zhvilluar në Kosovë më 1998-99, janë vrarë mbi 13.000 civilë dhe mijëra të tjerë janë zhdukur.

Afër 1.600 persona vazhdojnë të jenë ende të pagjetur – pjesa më e madhe e tyre shqiptarë.

Takimi i 22 janarit ishte i pari në kuadër të dialogut për normalizimin e marrëdhënieve ndërmjet Serbisë dhe Kosovës këtë vit dhe vjen menjëhërë pas ndalesave së Sorensen ne Prishtinë dhe Beograd.  / abcnews.al /

Rinumerimi në Kosovë tashmë është edhe çështje e prokurorisë.

Policia e Kosovës ka konfirmuar se në bashkëpunim me Prokurorinë Themelore në Prizren ka ndërmarrë një operacion në këtë rajon lidhur me dyshimet për keqpërdorim të votave.

Gjate aksionit u ndaluan 109 persona, per veprat penale te falsifikimit te rezultateve zgjedhore.

Kryeprokurori i Komunes se Prizrenit, Petrit Kryeziu, tha se ka pasur raste kur deshmitaret kane qene bashkepunues dhe kane treguar se si eshte ushtruar presion ndaj tyre.

Nje nga te arrestuarit eshte nje komisioner i Nova Demokratska Stranka-parti e pakicave,  apo njohur ndryshe si partia e Emilia Rexhepit, zv kryeministre në qeverinë Kurti 2, ndërsa i dyti djali i deputetit të pdk, Nait Hasani.

Sipas Prokurorisë, teksa rinumërimi po i afrohet fundit, janë evidentuar keqpërdorime të dukshme gjatë numërimit të votave brenda subjekteve politike në rajonin e Prizrenit, ku janë vënë re dallime mes fletëvotimeve dhe votave të numëruara për kandidatët.

Kryeziu tha se ne Komunen e Prizrenit diferenca totale e keqperdorimit te votave eshte 68 mije e 17 vota.

Sipas tij kjo nuk mund te kete ndodhur pa kompromisin edhe te komisionereve qe kane qene te deleguar nga kater partite me te medha politike.

Prokuroria ka theksuar se manipulimi i votës dhe falsifikimi i dokumenteve zgjedhore përbëjnë vepra penale dhe se këto raste do të trajtohen pa asnjë kompromis.

Ndërkohë, në Qendrën e Numërimit dhe Rezultateve po vijon procesi i numërimit të fletëvotimeve.

Sipas Zëdhënësit të Komisionit Qendror të Zgjedhjeve, Valmir Elezi  numri i komunave që kanë përmbyllur plotësisht rinumërimin është 19 dhe kanë mbetur edhe gjysma tjetër.

Në proces rinumërimi u futën të gjithë votata e kandidatëvë në 38 komuna të vendit të shpërndara në 2,557 vendvotime.

Sipas KQZ po bëhën përpjekje maksimalisht që rinumërimi të përmbyllet sa më shpejt dhe  të procedohet me shpalljen e rezultateve përfundimtar të zgjedhjeve të parakohshme.

Gjithësesi, edhe pas shpalljes së rezultatit subjektet politike dhe kandidatët do të mund të parashtrojnë ankesat e tyre në PZAP dhe, eventualisht, procesi mund të vazhdojë deri në Gjykatën Supreme.  / abcnews.al /

Kuvendi i Shqipërisë votoi me 110 vota përfaqësimin e Shqipërisë në bordin e paqes.

Gazetari Ardit Rada tha se opozita po përpiqet t’ia vështirësojë rrugën Ramës drejt Shtëpisë së Bardhë dhe se është një përpjekje duke shfrytëzuar mungesën e ambasadorit amerikan në Shqipëri.

Më tej, Rada tha se përpos kontributit dhe mbështetjes, fokusi amerikan ka qenë te investimet, duke përmendur Parku Eolik në Tropojë dhe vizitën e Ivanka Trump dhe Jared Kushner.

”Opozita nuk është se nuk e kupton rëndësinë e çështjes, por është një përpjekje për t’ia vështirësuar rrugën Ramës drejt Shtëpisë së Bardhë. Është ajo fabula se PD bëhet shumë merak për parimet kushtetuese, ndërkohë që SHBA kanë dalë garante të demokracisë në Shqipëri. Është një përpjekje duke shfrytëzuar mungesën e ambasadorit amerikan në Shqipëri, sepse nëse do ta kishim nga Uashingtoni në Tiranë këto 3 vite, situata do të ishte ndryshe dhe mesazhet e Uashingtonit do të ishin më të qarta dhe do të kishim dalluar qëndrimet e opozitës.

Është diskutuar vetëm një rast në ’98, në shtator, që dikush mund të merrej me helikopter në Shqipëri dhe ai ka qenë Berisha. Nuk di që një president që nga njëra anë sjell vajzën dhe dhëndrin në Shqipëri të investojnë dhe mbështet vizitën e tyre, nga ana tjetër do të marrë kryeministrin që do të firmosë për projektet e familjes. Para vizitës së Ivankës dhe Jared Kushner është rasti i Parkut Eolik, që një kompani amerikane mori certifikimin dhe u mbështet nga amerikanët. Meraku i SHBA, përveç kontributit dhe mbështetjes, ka qenë edhe investimet. “ /abcnews.al/

Pika kufitare e Rafah, mes Egjiptit dhe Rripit të Gazës do të rihapet në të dy drejtimet javën e ardhshme. Kështu njoftoi sot, 22 janar, administratori i sapoemëruar i territorit palestinez, gjatë ceremonisë së nisjes së Bordit të Paqes të Presidentit amerikan Donald Trump.

Rihapja e këtij kalimi është pjesë e planit të armëpushimit për Gazën, të shpallur nga Trump në tetor, por deri më tani ai ka qenë i mbyllur.

“Jam i lumtur t’ju njoftoj e kalimi në Rafah do të hapet javën e ardhshme në të dy drejtimet”, deklaroi Ali Shaath, ish-zëvendësministër i Autoritetit Palestinez, gjatë Forumit Ekonomik Botëror në Davos të Zvicrës.

“Për palestinezët në Gaza, Rafah është më shumë se një portë, është një vijë jetike dhe një simbol shprese e mundësish.

“Hapja e Rafah-ut sinjalizon se Gaza nuk është më e mbyllur ndaj së ardhmes dhe botës“, theksoi Shaath.

Në kuadër të planit të armëpushimit, Shaath u emërua në krye të një komiteti prej 15 teknokratësh palestinezë, të cilët do të mbikëqyrin administrimin e përditshëm të Gazës.

Gjatë gjithë vitit 2025, pika kufitare e Rafah-ut mbeti kryesisht i mbyllur, pas marrjes së kontrollit nga ushtria izraelite në maj 2024. Mbyllja e tij ka përkeqësuar ndjeshëm krizën humanitare në Gaza, duke kufizuar daljen e civilëve, trajtimet mjekësore jashtë territorit dhe hyrjen e ndihmave.

Në fillim të vitit 2025 pati hapje të pjesshme dhe të përkohshme, kryesisht për pacientë të plagosur dhe raste humanitare, por pa funksionim të rregullt. Gjatë vitit, rihapja e plotë e Rafahut u bllokua nga mosmarrëveshje politike dhe sigurie mes Izraelit, Egjiptit dhe aktorëve ndërkombëtarë, veçanërisht mbi çështjen e kontrollit të kalimit dhe drejtimit të lëvizjes.

Rafahu mbetet pika e vetme kufitare e Gazës që nuk lidhet drejtpërdrejt me Izraelin dhe konsiderohet jetike për mbi 2 milionë banorë, si simbol i daljes nga izolimi dhe lidhjes me botën e jashtme.

Kuvendi i Shqipërisë votoi me 110 vota pro pjesëmarrjen e Shqipërisë në Bordin e Paqes. Por përtej ndikimit amerikan, ccfarë do të ndodh me NATO-n, sigurinë ndërkombëtare dhe Bashkimin Europian.

Analisti Skënder Minxhozi tha se gjatë fushatës së parë presidenciale të Trump ai mbështeti fuqimisht daljen e Britanisë nga BE, që ka qenë dhe thyerja më e madhe e unionit. Minxhozi shtoi më tej se ka një paradoks brenda NATO-s dhe se Groenlanda është qëllim destabilizimi për NATO-n.

“Ne jemi në një marrëdhënie kontraktuale me BE-në, por ndodhemi në një teatër gjeopolitik ku komponenti amerikan është kryesori. Ka një traditë shumë të konsoliduar ku violina e parë dhe fuqia dominante është Amerika. Ne ndodhemi në një situatë paradoksale: ka hamendje që kriza e Groenlandës, ku një vend anëtar cenon një vend tjetër anëtar, ka një qëllim pas perdes për të destabilizuar vetë aleancën.

Trump, sa herë është kërcënuar drejtpërdrejt në lidhje me nenin 5, mohimi po vjen nga fuqia më e madhe. Ky është paradoksi brenda NATO-s. Kjo na vë ne dhe Evropën në një pikëpyetje se çfarë do të bëjmë në fushën e sigurisë: do të rritemi apo do të mbetemi të vegjël?

A e do Trump vërtet aleancën? Për BE-në ka thënë se është ndërtuar për të dëmtuar Amerikën; ka deklarata për këtë. Në vitin 2016 i dha një shtysë të madhe daljes së Britanisë, që ka qenë thyerja më e madhe e saj.”  / abcnews.al /

Kuvendi i Shqipërisë votoi me 110 vota pro pjesëmarrjen e Shqipërisë në Bordin e Paqes. Ish diplomati Paskal Milo tha se Bordi i Paqes është në kudnërshtim me parimet e së drejtës ndërkombëtare dhe se synon të eleminojë OKB. Milo shtoi vëmendjen ndaj rolit të Trump në arenën globale ku tha se Trump kërkon të ketë pushtet suprem. Për ish diplomatin, prania në Davos e 19 vendeve nga 60 të tilla të ftuara nuk konsiderohet një bilanc pozitiv.

“Duhet të shohim pikturën ndërkombëtare; në këtë kuadër të vendosim edhe katundin tonë të vogël. Nëse i ndajmë dhe i marrim të shkëputura, nuk do të kemi gjykime të drejta dhe përfundime të sakta. Propozimi i Trump për Bordin e Paqes mund të ketë synime të bukura, synime pozitive që mund të jenë përmbyllja e një konflikti konkret në Gaza, por ai hap shteg edhe për një rol shumë herë më të madh për kufizime dhe ndërhyrje të tjera.

Mbi të gjitha, duke lexuar tekstin e projektstatutit që është shpallur, them me bindje se kjo nismë është në kundërshtim me parimet e së drejtës ndërkombëtare, e cila është ndërtuar pas Luftës së Dytë Botërore. Këto janë parime themelore, si respektimi i sovranitetit dhe integritetit kombëtar, dhe mbi të gjitha synohet të zhvendoset dhe të eliminohet OKB-ja. Dihet që Trump, me deklarata por edhe me veprime konkrete, ka dalë kundër OKB-së dhe ka nxjerrë SHBA-në nga 31 organizata.

Në këtë mënyrë kërkon që me këtë Bord të zëvendësojë OKB-në; e dyta, të bëjë një akt që nuk mund ta pranojë kush nga fuqitë e mëdha, që është pushteti suprem i kryetarit të shtetit amerikan për të vendosur ai dhe vetëm ai rendin. Duhet që ajo që është paraqitur të rishikohet. Nëse nuk bëhet kjo, kjo nismë nuk do të ketë jetë të gjatë. Sot në Davos ishin 19 vende nga 60; nuk është bilanc pozitiv, reagimi i vendeve është vetëm 1/3.”   / abcnews.al /

Kuvendi i Shqipërisë votoi me 110 vota pro pjesëmarrjen e Shqipërisë në Bordin e Paqes. Deputeti Fatmir Mediu i ftuar në Real Story tha se çështjet  e sigurisë duhet të trajtohen në mënyrë serioze dhe të merret në konsideratë Kushtetuta.

Mediu theksoi se janë shkelur dy nene dhe se shumica e deputetëve nuk ishin të informuar se për çfarë po votonin.

“Nuk bëj pjesë te ai grup që shikon sipërfaqen. Çështja e sigurisë nuk është pronë private e kryeministrit; ajo trajtohet në mënyrë serioze dhe merret në konsideratë Kushtetuta. Ne jemi vend anëtar i NATO-s dhe nuk mund të prishim marrëdhëniet e brendshme. Ne, si shqiptarë, kemi shprehur interesin për të qenë pjesë e BE-së. Çdo lloj diskutimi duhet të ketë pikëpyetje sa i takon kushtetutshmërisë.

Nuk e detyroi njeri Shqipërinë të ishte pjesë me vrap e Bordit të Paqes. Ne votuam një akt për të qenë pjesë. Kur flasim për një çështje të tillë, duhet qëndrim i unifikuar, i shqyrtuar politikisht në Këshillin e Sigurisë Kombëtare, i cili nuk ekziston më.

Ka dy shkelje të neneve. Neni 121: nuk ka një marrëveshje bazë ku ka firmosur kryeministri. Ai nuk ka firmosur një marrëveshje. Ajo marrëveshje është nënshkruar, por nuk është negociuar, pasi një marrëveshje negociohet, nënshkruhet dhe ratifikohet. Shkelja e dytë ka të bëjë me faktin se deputetëve duhet t’u paraqitet marrëveshja të paktën një javë më parë për t’u informuar; sot shumica prej tyre nuk kanë qenë të informuar.

Ne reshtohemi dhe bëhemi në një parlament që është kthyer në teatër kukullash. Votuam në parim dhe nen për nen kundër asaj që Rama përpiqet ta shesë si manipulim.”  / abcnews.al /

Gjykata Kushtetuese ka pranuar që të shqyrtojë në vijim dhe një ankimim tjetër të kruet të PD-së, Sali Berisha, në procesin e tij për çështjen “Partizani”.

Pasi Kushtetuesja vlerësoi pak ditë më parë të tejzgjatur qëndrimin e “izolumit të shtëpi” për Berishën gjatë vitit 2024, tashmë do të shqyrtojë “masën e detyrimit” për t’u paraqitur dy herë në SPAK.

Avokatët  e Berishës kërkojnë prej Gjykatës Kushtetuese që të shfuqëzojë vendimin e Gjykatës së Posacme të Apelit Për Korrupsionin dhe Krimin e Organizuar, të datës 3 janar 2025, që caktoi për kreun e PD-së, masën për tu paraqitur dy herë në SPAK.

Këtë kërkesë 3-shja e Gjykatës Kushtetuese e ka vlerësuar legjitime dhe objekt që do e shqyrtojë në javët në vijim, në seancë mbi bazë dokumentesh.  / abcnews.al /

Vajza e presidentit amerikan, Ivanka Trump mbërriti në kryeqytet pas vizitës së saj në qytetin e Vlorës. Mbrëmjen e djeshme, cifti Ivanka Trump dhe Jared Kushner darkuan me kryeministrin Rama dhe një grup arkitektësh.

Sakaq, mesditën e sotme cifti u ndal në zonën e hidrovorit në Akerni, një territor i njohur për potencialin e tij të lartë në zhvillimin e turizmit elitar dhe investimeve strategjike.

Të shoqëruar nga arkitektë të njohur dhe nën masa të rrepta sigurie, me praninë e forcave të shumta të policisë, Trump dhe Kushner kanë inspektuar nga afër vijën bregdetare dhe hapësirat përreth hidrovorit në Akerni.

Sakaq, nuk dihen ende arsyet e vizitës së saj në kryeqytet.   / abcnews.al /

Ndërsa presidenti ukrainas, Volodymyr Zelenskyy, po fliste në Davos, presidenti francez Emmanuel Macron njoftoi se marina e vendit të tij kishte ndaluar një cisternë ruse nën sanksione në Detin Mesdhe.

“Ky operacion u krye me mbështetjen e disa prej aleatëve tanë,” shkroi ai në një postim në rrjetet sociale.

“Operacioni u zhvillua në përputhje të plotë me Konventën e Kombeve të Bashkuara për të Drejtën e Detit,” shtoi lideri francez.

Misioni francez u realizua në bashkëpunim me Mbretërinë e Bashkuar, e cila mblodhi dhe ndau informacionet e inteligjencës.

Macron theksoi se anija ishte nën sanksione ndërkombëtare dhe dyshohej se operonte nën një flamur të rremë.

“Aktivitetet e flotës në hije kontribuojnë në financimin e luftës së agresionit të Rusisë kundër Ukrainës,” shtoi ai.

Ky njoftim vjen në një moment të përshtatshëm, pasi në fjalimin e tij, Zelensky përmendi në mënyrë të veçantë cisternat ruse që lëvizin nëpër Evropë pa ndërhyrje nga aleatët evropianë të Ukrainës.

Kuvendi i Shqipërisë ka miratuar në tërësi me 110 vota pro, asnjë kundër dhe asnjë abstenim projektligjin për “Bordin e Paqes”.

Kryeministri Rama, gjatë fjalës së mbajtur në Kuvend u shpreh se pritet të shkojë personalisht në Shtëpinë e Bardhë, për të nënshkruar përfshirjen e Shqipërisë në këtë bord.

Sakaq, Rama darkoi ditën e djeshme me vajzën e presidentit amerikan Ivanka Trump, pas vizitës së saj në Vlorë lidhur me investimet strategjike.

Analisti Artur Nura tha se lideri Rama është një lider strategjik dhe se bëhet fjalë për projekte të turizmit luksoz me vlerë miliarda euro. Sipas Nurës, opozita sheh vetëm me sytë e Berishës.

“Jo rastësisht iu referua Vlorës. Ai u tha atyre se “u lodhët kaq kohë me filma kaubojsish në versionin Ramaduro”, por është e saktë që Rama sot ishte shumë strategjik dhe tha se komunikon me administratën amerikane. Ai iu referua edhe Parlamentit të Izraelit; lobi izraelit është ndër më të fortët në SHBA. Kjo tregon strategjinë në politikën e jashtme dhe se nuk mund të ndodhte ndryshe që të pranohej një ofertë e tillë në planin strategjik.

Raportet mes Evropës dhe SHBA-së janë të vështira, por kjo nuk mund të bëjë që Shqipëria të futet në mes, sepse do të dëmtohej. Bëhet fjalë për projekte të turizmit luksoz me vlerë miliarda euro. Kjo tregon një jetëgjatësi të pushtetit socialist dhe një miopi të opozitës për të mos parë përtej syve të Berishës.”  / abcnews.al /

Read More...

Komiteti për Punë të Jashtme i Kongresit amerikan ka votuar për ta çuar përpara një projektligj, ku i kërkohet Sekretarit të Shtetit të përgatisë një raport gjithëpërfshirës mbi trajtimin e shqiptarëve në Luginën e Preshevës nga autoritetet serbe.

Projektligji u iniciua nga kongresisti republikan Keith Self, i cili tha se shqiptarët në Luginë vazhdojnë të diskriminohen, teksa ka përmendur pasivizimin e adresave të shqiptarëve.

“Një raport i vitit 2021 i publikuar nga Komiteti i Helsinkit për të drejta të njeriut tha se Serbia mund të jetë duke kryer një formë të spastrimit etnik përmes mjeteve administrative ndaj shqiptarëve”

Edhe nënkryetari i Komitetit, Gregory Meeks, tha se mungesa e marrjes së përgjegjësisë nga ana e Qeverisë së Serbisë për krimet e kryera ndaj pakicave etnike në rajon, përfshirë shqiptarët etnikë, mbetet një pengesë në paqe të qëndrueshme sot.

Për vendimin e Komitetit amerikan ka reaguar deputeti shqiptar në Kuvendin serb, Shaip Kamberi, i cili ka theksuar se beteja e gjatë u kurorëzua me sukses tani, ndërsa kryetarja e Preshevës, Ardita Sinani, e cilësoi vendimin e Komitetit si mesazh të qartë për Beogradin.

Pas shqyrtimit të plotë në komision, projekligji do t’i dërgohet Dhomës së Plotë të Përfaqësuesve për votim. Më pas ai miratohet nga Senati dhe nënshkruhet nga presidenti.

Projektligji kërkon të vlerësohen çështje më rëndësi, përfshirë pasivizimin e adresave (që nënkupton humbjen e shtetësisë serbe, e rrjedhimisht të të gjitha të drejtave civile – përfshirë të drejtën për të votuar, për të pasur pronë, për të pasur sigurim shëndetësor e pension apo për t’u punësuar),  kufizimet në përdorimin e gjuhës shqipe në institucionet publike; diskriminimin në arsim, mosnjohjen e diplomave të Kosovës dhe mungesën e teksteve shkollore në gjuhën shqipe.  / abcnews.al /

80 fishekë të kalibrave të ndryshëm, dy gëzhoja, disa çanta ushtarake, një uniformë me simbole të Serbisë dhe një maskë ushtarake janë gjetur në fshatin Llozno të Leposavicit nga policia e Kosovës.

Autoritetet kanë rënë rastësisht në gjurmët e këtyre armëve, pasi disa punonjës të policisë kanë qenë duke patrulluar në rrugë ku janë hasur me disa gëzhoja fishekësh të armës së gjuetisë.

Aty pranë më pas janë pikasur tre shtëpi të pabanuara ku janë kryer kontrolle dhe janë gjetur materialet ushtarake.

Kontrollet janë kryer pasditen e të mërkurës rreth orës 18.

Rasti është marrë nën hetim nga Policia.

Prej shumë muajsh, autoritetet e Kosovës kanë gjetur armë të llojeve të ndryshme në pjesë të ndryshme të vendit, kryesisht në pjesën veriore të banuar me shumicë serbe.

U firmos në Davos Bordi i Paqes i propozuar nga presidenti amerikan. Nga Bashkimi Evropian firmosi vetëm kryeministri i Hungarisë, Viktor Orbán, ndërsa Kosova u përfaqësua nga presidentja e Kosovës, Vjosa Osmani.

Politologu Albinot Maloku tha për Ballkan Update se SHBA-ja nuk i ka marrëdhëniet e mira me Kurtin, por vijon t’i ketë të mira me popullin e Kosovës. Sipas tij, ftesa për në Bordin e Paqes iu bë presidentes Osmani për shkak të kapacitetit të saj të plotë kushtetues.

“Sa i përket raporteve me Qeverinë Kurti, kemi pasur shpjegime nga ana e Uashingtonit se marrëdhëniet e SHBA-së me Kosovën nuk kanë qenë të mira. Një vend pa qeveri nuk mund të ndërmarrë detyrime. Aktorët e tjerë nuk kanë kapacitet kushtetues për të vepruar siç duhet, përveç presidentes Osmani, dhe kjo mund të jetë arsyeja kryesore që u ftua ajo në Bordin e Paqes.

Në gjendjen aktuale, arsyeja pse është ftuar Osmani është se ajo ka kapacitet të plotë kushtetues. SHBA-ja nuk i ka raportet e mira me qeverinë, por i ruan marrëdhëniet e mira me popullin. Fatkeqësia e raporteve tona në politikën e jashtme është se në Kosovë rëndësi i jepet individit. Kosova, në vazhdimësi, duhet ta ketë të qartë pozicionin e saj; ndërveprimet janë personalizuar dhe kjo ka qenë thelbësore.”  / abcnews.al /

Në 28 vjetorin e përvjetorit të dytë të sulmit të familjes Jashari nga forcat serbe Përfaqësues të Organizatës së Veteranëve të Luftës së Ushtrisë Clirimtare të Kosovës kanë bërë homazhe në Kompleksin Memorial “Adem Jashari”.

Kryetari i OVL-UCK-së, Hysni Gucati tha se familja Jashari dhe gjithë familjet e dëshmorëve meritojnë çdo ditë respekt, por siç u shpreh ai këto familje janë lënë në harresë.

“…kjo familje dhe gjitha familjet e dëshmorëve meritojnë shumë jo vetëm por po me duket pak i kemi lënë si në harresë jo vetëm familjen Jashari por gjitha familjet e dëshmoreve.”

Ndërsa, nënkryetari i OVL-UCK-së, Gazmend Syla u shpreh se sot po nderojnë ata që nuk u thyen kurrë.

“Sot jemi në përvjetorin e dytë që i bëhet familjes Jashari pas atij të parit që ishte me 30 dhjetor 1991. Sot kemi ardhur me i nderu ata që nuk u thyen kurrë pas as një sulmi as atij të parit as dyti po edhe ati të treti që ndodhi me 6,7,8 mars.”

28 vite më parë, në 22 janar të vitit 1998, në orët e hershme të mëngjesit, rreth 500 metra larg shtëpive të lagjes Jashari, forcat e policisë serbe, u drejtuan drejt Kullës së Jasharëve, për ta sulmuar atë me armë të llojeve të ndryshme.

Meqë atë natë Adem Jashari nuk ndodhej në shtëpi, rezistencë sulmit të policisë serbe i bënë familjarët e tjerë, së bashku me nipa e mbesa.

Sulmi i tretë i Serbisë në familjen Jashari ndodhi më 5 mars të vitit 199, ku pas tri ditësh ranë heroikisht 59 anëtarë të familjes Jashari, përfshirë edhe komandantin legjendar të UÇK, Ademin.  / abcnews.al /