"Familja e Mateos tallet keq me përgjigjen e Brikenës në Big Brother VIP Albania", ka qenë titulli i një lajmi që bëri të ketë reagime nga Instagrami zyrtar i banorit të këtij edicioni të pestë.

Kjo pasi shpërndau një video në Instagram, ku duket se objekt ishte Brikena Selmani, me të cilën u tha se ka pasur një lidhje.

Ata që menaxhojnë Instagramin e Mateos, e duket të jetë dikush nga familja, ka reaguar sërish.

Foto: Instagram

Ata thotë se nuk janë tallur me askënd dhe se nuk e kanë lënduar askënd.

Postimi i plotë (pa ndërhyrje):

"Kjo nuk është e vërtetë. Kam bërë repost një material.

Pa koment. Pa fjalë. Pa qëllim keqdashës.

Askënd nuk kam tallur dhe nuk kam dashur të lëndoj.

Më vjen sinqerisht keq që është krijuar ky keqkuptim, sepse unë vajzën që përmendet në lajm e respektoj.

E kuptoj presionin që ajo po kalon si çdokush aty brenda dhe nuk kam arsye as dëshirë t'i shtoj barrë emocionale asaj apo askujt tjetër.

Nuk dua konflikte, nuk dua negativitet.

Dua vetëm që gjërat të jenë të drejta dhe të vërteta.

Është e rëndë kur të gjykojnë për diçka që zemra jote nuk e ka aftësinë për ta bërë kurrë". /Telegrafi/

Pas lansimit të këngës së re “Cardi B” nga Melinda Ademi, e cila solli disa 'diss'-a dhe mesazhe të drejtpërdrejta ndaj rivalëve të saj, reperja Ya Nina ka reaguar me një mënyrë të qeshur dhe provokuese.

Në një postim të fundit në InstaStory, Ya Nina duket se ka tallur Melindën për mënyrën se si ka shkruar tekstin e këngës, duke lënë të nënkuptohet se 'diss'-i i saj mund të jetë krijuar nga ChatGPT.

"ChatGPT: Shkruma një diss, të lutem", ka thënë ajo.

Foto: Instagram

Ky reagim ka tërhequr menjëherë vëmendjen e ndjekësve në rrjetet sociale, të cilët e kanë interpretuar si një thumb.

Komenti i Ya Ninas ngrit gjithashtu diskutime më të gjera rreth përdorimit të teknologjisë dhe inteligjencës artificiale në krijimet artistike dhe muzikore, duke bërë fansat të pyesin nëse kjo praktikë po bëhet trend mes artistëve të rinj.

Edhe pse situata mund të duket e thjeshtë si një lojë thumbash midis dy reperesh, reagimi i Ya Ninas tregon aftësinë e saj për të përdorur humorin dhe ironinë për të qëndruar në qendër të vëmendjes së publikut, duke shtuar tensionin dhe interesin rreth projektit të fundit të Melindës.

Duket se artistet e estradës nuk kanë raporte të mira me njëra-tjetrën. /Telegrafi/

- YouTube www.youtube.com

Mateo ka folur sërish për raportin me Brikena Selmanin, duke i sqaruar edhe një herë Kristi Lamajt.

Ai thotë se nuk kanë shkëmbyer vetëm disa mesazhe, por që ka pasur më shumë.

Mes tjerash banori thekson se janë takuar e madje kanë shkëmbyer edhe puthje.

Por, Mateo thotë se nuk i takon atij të flas edhe për të dhe se nuk do që ta nxjerr keq.

"Nuk kemi shkëmbyer vetëm katër mesazhe. Unë kam thënë një version nga fillimi deri në fund. Nuk flas dot unë në emër të asaj. Unë nuk dua të dal mashtrues as ta nxjerr keq, por nuk më ka pëlqyer", u shpreh ai.

Tutje tha: "Ka qenë një marrëdhënie, ne flisnim me mesazhe, me telefon, me kamera, jemi takuar, jemi puthur por nuk ka rëndësi ta them unë sidomos në Prime".

"Se nuk është diçka për t'u fsheh. Nuk kam nevojë të them me zë të lartë". /Telegrafi/

Largimi i papritur i Sasa Hodës nga shtëpia e Big Brother VIP Kosova 4 të premten ka habitur publikun.

Siç është tashmë zakon, ajo u shfaq të nesërmen në emisionin “Big Talk”, ku foli hapur për përvojën dhe vendimin e saj për t’u tërhequr nga gara.

Megjithatë, ajo që ndezi debat në rrjetet sociale nuk ishte arsyeja e largimit, por një deklaratë e bërë gjatë intervistës.

Foto: Instagram

Në bisedë, Sasa e përshkroi konkurrenten Elijona si “dhelpër dinake”, duke iu referuar mënyrës së saj të lojës.

Komenti u shkëput nga konteksti dhe u interpretua nga shumë ndjekës si një kritikë personale ndaj saj.

Përballë reagimeve të shumta, Sasa reagoi përmes një sqarimi publik në InstaStory, ku theksoi se fjalët e saj ishin keqkuptuar.

Ajo nënvizoi se epiteti kishte të bënte vetëm me strategjinë e Elijonës në lojë dhe aspak me karakterin e saj si person.

“Kam marrë disa mesazhe lidhur me Elijonën. Është keqinterpretuar shprehja ‘dhelpër dinake’ – ajo i referohej lojës së saj, ashtu siç e kam përmendur edhe brenda shtëpisë".

Madje, vlerësoi hapur zgjuarsinë e Elijonës dhe i shprehu mbështetje të plotë për vazhdimin e rrugëtimit në format.

“Për moshën që ka, është jashtëzakonisht e zgjuar dhe shpresoj sinqerisht ta shoh në finale. Elijona e di sa shumë e dua", shtoi mes tjerash. /Telegrafi/

Dy nga emrat më të njohur të hip-hopit shqiptar, Stresi dhe MC Kresha, kanë lansuar bashkëpunimin e tyre më të ri muzikor, duke sjellë për publikun këngën “Volum”, e cila tashmë është shoqëruar edhe me një videoklip profesional.

Projekti mban vulën e stilit autentik të të dy artistëve, të njohur për energjinë, tekstet e drejtpërdrejta dhe prezencën e fortë skenike.

Teksti i këngës është shkruar nga vetë Stresi dhe MC Kresha, ndërsa ‘beat’-i është realizuar nga producenti Gazu, duke krijuar një kombinim ritmik që i përshtatet në mënyrë perfektë interpretimit të tyre.

Foto: YouTube

Produksioni muzikor është bërë nga Techpro Records, ndërsa videoklipi është realizuar nën drejtimin e Danny Films, duke sjellë një pamje dinamike dhe urbane që përforcon mesazhin dhe energjinë e këngës.

“Volum” tashmë është publikuar në platformën YouTube, ku pritet të arrijë shikime të shumta dhe të marrë reagime pozitive nga fansat e dy artistëve.

Foto: YouTube

Me këtë bashkëpunim, Stresi dhe MC Kresha konfirmojnë edhe një herë pozicionin e tyre të fuqishëm në skenën hip-hop shqiptare, duke sjellë një projekt që reflekton përvojën, stilin dhe identitetin e tyre muzikor. /Telegrafi/

- YouTube www.youtube.com

Bashkëshortja e Armir Shahinit ka reaguar për herë të parë publikisht lidhur me pjesëmarrjen e tij në Big Brother VIP Albania 5, me komentet e shumta që kanë qarkulluar për sjelljen e tij brenda shtëpisë.

Përmes një postimi në profilin e saj në Facebook, Rabea Shahini Wolk, e cila nga mbiemri besohet të ketë origjinë gjermane, ka zgjedhur t’i dalë hapur në mbrojtje bashkëshortit të saj.

Ajo ka theksuar se marrëdhënia e tyre bazohet në besim të plotë dhe se xhelozia nuk ka vend në martesën e tyre.

“Në çdo hap që bën me ty do jem. Ti je më i forti i Big Brother-it. Të dua shumë bashkëshorti im i jetës. Plot besim për çdo vendim që merr atje brenda shtëpisë".

"Xhelozia nuk ka vend në martesën tonë sepse është e panevojshme. Jam shumë e lumtur me ty".

Reagimi i saj vjen pasi Miri është përballur me kritika të shumta në rrjetet sociale, kryesisht për afrimitetin që ka treguar ndaj Selinit.

Edhe pse ai ka deklaruar se e sheh atë si vajzën e tij, disa shikues kanë vënë në pikëpyetje sjelljen e tij, duke interpretuar deklarata si “e dua” si shenja të mundshme ndjenjash më të thella.

Megjithatë, qëndrimi i bashkëshortes duket se i jep fund çdo dyshimi, duke treguar mbështetje të palëkundur dhe besim të plotë ndaj Mirit gjatë rrugëtimit të tij në shtëpinë e Big Brother. /Telegrafi/

Prezantuesja Chelsea Handler i përdori çmimet e Critics Choice për të tallur Leonardo DiCaprion, i cili pothuajse humbi ceremoninë sepse kishte 'ngecur' me pushime me miliarderin Jeff Bezos.

Aktori i famshëm më parë mungoi në Festivalin e Filmit në Palm Springs për shkak të problemeve me udhëtimin.

Handler e thirri yllin e "One Battle After Another" në monologun e saj hapës.

Foto: TikTok

"Leo është këtu, falë Zotit... Ai ishte i bllokuar në një anije në St. Barts. Ishte tamam si në 'Titanik', por më keq, sepse Jeff Bezos ishte atje", bëri shaka prezantuesja.

Kamera më pas tregoi DiCaprion duke qeshur me shakanë.

Fituesi i çmimit Oscar i kaloi pushimet e Vitit të Ri në jahtin e Bezos me të dashurën Vittoria Ceretti dhe gruan e themeluesit të Amazon, Lauren Sanchez Bezos.

Edhe pse ai përfundimisht arriti në ceremoninë e ndarjes së çmimeve në Santa Monica, thuhet se humbi fluturimin e tij për në Palm Springs natën e kaluar.

Foto: TikTok

Problemet thuhet se u shkaktuan nga kufizimet e fluturimit pas pushtimit amerikan të Venezuelës. /Telegrafi/

Një situatë ka ndodhur së fundmi në shtëpinë e Big Brother VIP, ku një veprim i Ludo Lee ndaj banores Elijona Binakaj ka shkaktuar reagime të forta dhe diskutime të gjera mes banorëve.

Gjatë një momenti që u transmetua në shtëpi, Ludo Lee bëri një gjest drejt Elijonës, i cili u perceptua nga ajo si i pahijshëm dhe u cilësua si ngacmim seksual.

Edhe pse Ludo u shpreh se veprimi i tij nuk kishte qenë i qëllimshëm, situata la një ndikim të fortë emocional tek Elijona.

Pas incidentit, ajo u pa e përlotur, duke rrëfyer hapur se ishte ndjerë jashtëzakonisht në siklet.

Elijona theksoi se një nga arsyet kryesore të shqetësimit të saj ishte fakti që gjithçka po transmetohej dhe se familja e saj po e ndiqte nga jashtë, veçanërisht babai i saj.

Ajo shprehu frikën se si do të interpretohej situata dhe si mund të ndihej familja e saj përballë kësaj skene.

“U ndjeva shumë keq dhe në siklet", u shpreh ajo ndër tjerash.

Ngjarja nuk kaloi pa u vënë re nga banorët e tjerë, të cilët e diskutuan situatën gjerësisht dhe komentuan atë. /Telegrafi/

Largimi i Edit nga shtëpia e Big Brother VIP Kosova mbrëmjen e kaluar ka ndikuar dukshëm tek Bia Khalifa, e cila nuk e ka fshehur zhgënjimin dhe trishtimin e saj pas eliminimit të tij.

Gjatë një bisede të sinqertë me Ludo Lee, Bia ka ndarë ndjenjat e saj, duke pranuar se dalja e Edit i ka lënë një boshllëk.

Ajo u shpreh e bindur se eliminimi i tij erdhi shumë herët dhe nuk ishte i drejtë.

Foto: Instagram

Sipas saj, pavarësisht momenteve të tensionuara që kanë pasur mes tyre, Edi meritonte të vazhdonte garën.

“Jam e mërzitur sepse nuk e meritonte të largohej në këtë fazë”, u shpreh Bia.

Në vijim të bisedës, ajo tentoi të shpjegojë edhe sjelljen e Edit gjatë qëndrimit në shtëpi.

“Edhe pse u duk ndryshe, ai nuk është realisht ashtu. Nuk e meritonte të përfundonte kështu", theksoi mes tjerash. /Telegrafi/

Rick Harrison nga seriali "The Pawn Stars" dhe e dashura e tij, Agrippina Polushkin u martuan.

Ceremonia u mbajt në Las Vegas.

Ata do të martohen zyrtarisht më vonë këtë muaj.

Rick Harrison dhe Agrippina Polushkin

"Jemi shumë të emocionuar që do të fillojmë një kapitull të ri si burrë e grua dhe do të festojmë me miqtë dhe familjen në Las Vegas, ku do të përfshihet edhe dasma jonë më vonë këtë muaj. Ka qenë një aventurë e vërtetë dhe mezi presim gjithçka", tha Rick Harrison për revistën People.

Çifti njoftoi fejesën e tyre në mars të vitit të kaluar.

Ai i propozoi martesë ndërsa ishin në një udhëtim në Kili.

"Ne vizituam një vreshtari të bukur në Kili dhe Rick u ul në një gjunjë", shkroi Agrippina në atë kohë përkrah fotove që postoi në rrjetet sociale.

Rick Harrison dhe Agrippina Polushkin

TMZ raportoi më pas se kjo ishte hera e dytë që ai i kishte propozuar asaj. Hera e parë ishte ndërsa ishin në dhomën e ndenjes. Duke pasur parasysh që vajzat e tij e quajtën "propozimin më pak romantik ndonjëherë", ai vendosi ta bënte përsëri.

Ata u takuan në fillim të vitit 2024.

Rick Harrison dhe Agrippina Polushkin

Rick Harrison ka tre martesa pas tij - me Deanna Burditt, Kim Harrison dhe Tracy Harrison. /Telegrafi/

Një situatë e papritur ka trazuar atmosferën në shtëpinë e Big Brother VIP Albania.

Mbrëmjen e së hënës Brikena, Greta, Mateo, Kristi, Mali dhe Miri kanë lënë zyrtarisht akuariumin dhe janë rikthyer në ambientet e përbashkëta të shtëpisë.

Ky vendim u mor nga Vëllai i Madh, i cili u ofroi mundësinë për t’u bashkuar fizikisht me banorët e tjerë, por nën një rregull tepër strikt: asnjë komunikim me pjesën tjetër të shtëpisë, përveç bashkëbisedimit mes tyre.

Foto: Instagram

Çdo shkelje e këtij kushti do të sillte pasoja të menjëhershme për të gjithë grupin.

Sipas rregullores së vendosur, mjafton një reagim apo një fjalë e vetme nga cilido prej tyre për të bërë që të gjashtë banorët të rikthehen në izolim për një periudhë të pacaktuar.

Një moment që tërhoqi vëmendje ndodhi në oborr, ku banorët po qëndronin pranë divaneve.

Selin iu afrua Gretës, duke i lyer buzët me buzëkuq dhe më pas duke e puthur.

Greta shmangu çdo komunikim me të, duke respektuar rregullin dhe reagoi vetëm ndaj banorëve që kishin qenë me të në akuarium. /Telegrafi/

Eduard Kuçi ka ndarë publikisht emrat e pesë banorëve që, sipas tij, meritojnë të shkojnë në finale.

Në një deklaratë të fundit, ai renditi si finalistë: Londrimin, Klodin, Labinot Rexhën, Ludon dhe Albën.

Kuçi theksoi veçanërisht lojën e Ludos, duke e vlerësuar atë si një nga konkurrentët më të fortë në garë.

Foto: YouTube

“Ludo është shumë i fortë edhe strateg”, u shpreh ai.

Edi ndërkaq u eliminua të hënën nga Big Brother, nga një televotim i publikut.

Vëllai i Madh e vendosi në televotim për shkak të ofendimeve dhe kërcënimeve kundrejt Ardit Stafajt.

Megjithatë, u shpreh i lumtur pasi ka arritur të qëndroj afro dy muaj në shtëpinë e famshme. /Telegrafi/

- YouTube www.youtube.com

Vajza e madhe e Fjolla Morinës, Lediana, ka reaguar pas akuzave që i ka bërë Alba Pollozhani në drejtim të këngëtares.

Ajo thotë se ka ngelur pa fjalë nga akuzat e rënda të banores, së cilës nuk ia përmendi emrin.

Kjo pasi Alba e akuzoi Fjollën se jashtë formatit përdor substanca narkotike.

Foto: Instagram

"Thjesht nuk kam fjalë më. Jam shokuar prej fjalëve të një banores brenda që nuk dua t'ia përmend emrin për akuza ndaj nënës time (Fjollës) që nuk mendon se çka flet", u shpreh ajo.

Tutje tha: "Thjesht situata e sotit ka dal jashtë kontrollit, edhe marrë prej asaj x personit për ato fjalë që sot janë thënë në Big Brother janë menaxhuar mirë nga nëna ime".

Mes tjerash theksoi: "Por dikush është jashtë fëmijët e saj që lëndohen në këto situata se me çka akuzohet nëna. Respekt juve por kurrë personave të ligë".

Fjolla në mesnatë ka lënë shtëpinë e famshme pasi nuk ndihej mirë. /Telegrafi/

Foto: Instagram

Elijona Binakaj ka bërë haptazi një bisedë me Klodian Mihajn për jetën dhe atë që ka kaluar deri më tani.

Ajo i është qasur humbjes së nënës dhe motrës në vitin 2021 nga një aksident me autobus.

Banorja në një mënyrë tregon se është rritur para kohës për shkak të ngjarjes së rëndë që ka përjetuar.

Foto: Instagram

"Historia më ka bërë kjo që jam, ama dua të vlerësohem për njeriun që jam e jo për t'iu dhimbsur tjerëve. Unë kam qejf të jap shembull, me ia largu njerëzve që kanë nevojë", u shpreh ajo.

Tutje mes lotësh tha: "Ajo është pjesë e jetës time dhe nuk mundem ta mohoj kurrë, ajo më ka bërë kjo që jam sot. Edhe unë kisha pas dëshirë të jem fëmijë me 18 vjet, por jeta më ka bërë".

Elijona ndërkaq po vlerësohet nga publiku për sinqeritetin dhe për lojën që ka zhvilluar deri në këtë pikë.

Ajo po merr përkrahje të madhe nga jashtë për gjithë situatat e krijuara në BBVK. /Telegrafi/

Rap-artistja e njohur shqiptare, Melinda Ademi, ka publikuar së fundmi projektin e ri muzikor.

"Cardi B" mban titullin kënga, në të cilën bën një paraqitje të mrekullueshme edhe në videoklip.

Vija melodike është punuar nga vet artistja në bashkëpunim me Indrit Dode, gjersa ky i fundit u kujdes edhe për 'beat'-in.

Foto: YouTube

Videoja i është besuar produksionit, Imagine.

Të plotë tashmë këngën mund ta gjeni në YouTube, në kanalin zyrtar të Ademit.

Foto: YouTube

Nga shumë përdorues të internetit, Melinda u cilësua si Cardi B shqiptare.

Sidoqoftë, besohet që edhe kjo këngë të pëlqehet e pritet mirë nga publiku. /Telegrafi/

- YouTube www.youtube.com

Benita Zena ka lënë të kuptohet se ka një lidhje jashtë Big Brother VIP Kosova 4.

Këngëtarja tha se e do akoma, gjersa nuk e di nëse po e përcjell pasi ka bërë disa lojëra të këqija.

"Është artist edhe biznesmen, më ka dashur para ndërhyrjeve, kur nuk kam qenë askushi", u shpreh gjatë bisedës me Klodin dhe Elijonën.

Foto: Instagram

Megjithatë, Benita thekson se që një vit nuk ka pasur kontakte me të për shkak të disa polemikave që kanë pasur.

"Pesë vite kam qenë me të, mandej dy vitet e fundit kur ke besim, ai është ekstrem xheloz", tha mes tjerash.

Konkurrentja i tha që i kërkoi që të mos hynte në Big Brother, edhe pse Benita nuk e konsideroi një gjë të tillë.

Mbetet për t'u parë nëse do të ketë një sqarim në këtë format apo jashtë shtëpisë. /Telegrafi/

- YouTube www.youtube.com

Aktori australian, Jacob Elordi, fitoi çmimin për 'Aktorin më të Mirë Mbështetës' në Critics Choice Awards, duke i dhënë atij çmimin e parë të madh për aktrim në karrierën e tij.

Ai e fitoi çmimin për rolin e tij në filmin "Frankenstein" me regji nga Guillermo del Toro.

Ceremonia u mbajt dje në Santa Monica të Kalifornisë dhe në fjalimin e tij të pranimit të çmimit ai theksoi se nuk e priste të fitonte dhe falënderoi veçanërisht regjisorin e filmit.

- YouTube www.youtube.com

Ai theksoi se bashkëpunimi me Guillermo del Toro i përmbushi ëndrrat që kishte që në moshën 11 vjeç.

Në kategorinë e 'Aktorit më të Mirë Mbështetës', Elordi u nominua së bashku me Benicio del Toro ("One Battle After Another"), Paul Mescal ("Hamnet"), Sean Penn ("One Battle After Another"), Adam Sandler ("Jay Kelly") dhe Stellan Skarsgard ("Sentimental Value").

Filmi "Frankenstein" bazohet në romanin me të njëjtin emër nga Mary Shelley.

Në të, Elordi portretizon përbindëshin ikonik të krijuar nga Victor Frankenstein, luajtur nga Oscar Isaac.

Krijesa fillimisht konceptohet si një eksperiment inteligjent, por kur nuk arrin të përmbushë pritjet e krijuesit të saj, ajo mbetet e humbur në një botë të panjohur për të. /Telegrafi/

Banorja e Big Brother VIP Kosova 4, Hygerta Sako, ka rrëfyer linjën e saj të jetës në spektaklin e së hënës.

Prezantuesja e sportit tregoi se në mars të 2020-tës humbi babanë, tri ditë pasi ai kishte pësuar sulm në tru, në një kohë coronavirusi.

“Është një pamje që nuk e harroi dot, nuk më ikën edhe pse tani po bëhen gjashtë vjet më kujtohet shpesh dhe më dhemb shumë”, deklaroi ajo.

- YouTube www.youtube.com

Tutje theksoi se babanë e kishte varrosur me vetëm 39 vetë për shkak të COVID-19.

“Dhe sinqerisht mu duk sikur e humba babanë për herën e dytë. Më 12 mars u vendos karantina dhe unë mbeta vetëm me mamin dhe vajzën të mbyllur në shtëpi dhe të izoluar”, tha ajo.

- YouTube www.youtube.com

Por pas vdekjes së babait, që i dha dhimbje të mëdha, Hygerta foli edhe për martesën të cilën e quajti një ferr.

Krahas kësaj zbuloi edhe një moment trishtues kur e kishte takuar vajzën e saj në gjendje të rënduar, pasi po bullizohej vazhdimisht në shkollë.

- YouTube www.youtube.com

“Po priste dorën”, tha ajo për momentin kritik.

Hygerta më pas u surprizua nga e bija, e cila erdhi për të takuar në BBVK. /Telegrafi/

- YouTube www.youtube.com

Këngëtarja e njohur shqiptare, Fjolla Morina, ka lënë shtëpinë më të famshme në Kosovë.

Ajo nuk është ndjerë mirë dhe ka marrë vendim që të largohet nga Big Brother VIP.

Artistja ka bërë gati gjësendet e veta dhe produksioni përmes një njoftimi në rrjetet sociale ka njoftuar se është larguar.

Artistja ditët e fundit ka kaluar në një gjendje jo edhe aq të mirë emocionale.

E njëjta pati përplasje të shumta me Alba Pollozhanin, nga e cila u akuzua rëndë.

Fjolla që disa ditë ka kërkuar që të lë shtëpinë, ndonëse duket se tani ka arritur kulmin.

Duket se loja e disa banorëve nuk i ka pëlqyer asaj, gjë që ka shprehur pakënaqësi në disa raste. /Telegrafi/

Në spektaklin e së hënës u hap një televotim nga Vëllai i Madh për Eduard Kuçin për shkak të gjuhës së papërshtatshme që përdori në një debat me Ardit Stafajn.

Publiku do të vendoste nëse Edi do të qëndronte brenda apo do të linte shtëpinë e famshme.

Me 65 për qind të votave, publiku vendosi që banori të largohej nga Big Brother.

- YouTube www.youtube.com

Në momentin që doli, Edi mbajti një fjalim përpara konkurrentëve, duke i falënderuar secilin.

"I bëra gati dy muaj, rekordi im është thyer pas 11 ditëve. Së pari dua të falënderoj Vëllanë e Madh, Big-un që më kanë dhënë edhe një mundësi që ta bëj edhe një të tillë", u shpreh ai.

Tutje tha: "E falënderoj secilin banor këtu brenda, faleminderit të gjithëve. Secilit banor këtu brenda i dëshiroj fat, gjithë të mirat, fitoftë ai që është më i forti. Mos prekni ku nuk duhet, nganjëherë as drejtësia nuk fiton. Gjithsesi, iu uroj të gjithëve gjitha të mirat".

Ky natyrisht si ishte një ndëshkim për Edin për shkak të ofendimeve e kërcënimeve që kishte bërë. /Telegrafi/

- YouTube www.youtube.com