SPAK ka intesifikuar hetimet ku po identifikon çdo person që ka qënë pjese e pengmarrjes së Gerond Meçes.

Makina tip LandRover, me targë AC121JJ,  ku u mor peng për disa orë biznesmeni, rezulton të jëtë në pronësi të shoqërisë “Merkaj 3 shpk”, që e administron Endri Merkaj.

Ky i fundit, bashkë më të vëllain Klajdin, janë lidhje e shtetasve Arjan Ormenaj dhe Arben Lamçe, pjesë e grupit kriminal Çopja.

Në dosjen hetimore evidentohen faktin se gjatë kontrollit që i është bërë në banesë Ergys Agasit ndër të tjera ka gjetur kontrata shitjesh të pasurive të paluajtshme me rezerve kalimi pronësie Arjan Ormenaj që  rezulton përfaqësues i njërës prej palëve kontraktore.

Dyshimi se pas pengamrrjes së Gerond Meçes janë pikërisht antaret e këtij grupi kriminal nga Elbasani përforcohen edhe më shumë nga dëshmia e vetë bisnesmenit.

Sipas tij dy nga personat që e kishin rrembyer kishin dialekt nga zona e Elbasanit, madje njeri prej tyre i kishte dhënë se po ta shihte në Elbasan, do ta përshëndeste.

Prokuroria e Posaçme ka kryer disa kontronlle në zonë e Elbasanit, por ende pa rezuluat.

Ndërkohë për këtë dosje që po hetohet nga dy prokurorët Bledar Maksuti dhe Altin Dumani në kërkim vijojnë të jënë dy kokat e grupit Ergys Agasi dhe Ermal Beqiri.

LEXO EDHE: “1.000 € bëhen 234 milionë € në 4 muaj”, Berisha për “AKSHI”-n: 22 milionë herë fitim

Policia e Gramshit ka vënë në pranga një 34-vjeçar.

Ky i fundit, në kundërshtim me urdhrin e mbrojtjes është futur në shtëpinë e të atit duke i ushtruar presion dhe duke e kërcënuar me jetë.

“Specialistët për Hetimin e Krimeve të Komisariatit të Policisë Gramsh arrestuan në flagrancë shtetasin E. B., 34 vjeç, pasi, në kundërshtim me urdhrin e mbrojtjes, është futur në banesën e babait të tij, ku ka ushtruar dhunë psikologjike dhe e ka kërcënuar atë me jetë”, njofton Policia.

Kryetari i PD, Sali Berisha ka publikuar një video ku sipas tij, tregohet se si shishet e shtrenjta të verës shkonin në restorantin ku darkonte Edi Rama.

“Edhe në restorant i vinte vera 33 mijë euro”, shkruan Berisha.

Verërat e famshme u gjendën në vinotekën Vip” të Ergys Agasit, I shpallur në kërkim tashmë.

LEXO EDHE: Vera e zhdukur nga kantina e Agasit/ Gjurmët e BKH çojnë në “Equos Resort”, ku u gjetën 900 shishe luksi

Sipas raportimeve, e gjithë sasia e verës ishte kontrabandë dhe pa pulla fiskale, çka përkthehet në një dëm të vlerësuar rreth 400 milionë lekë për buxhetin e shtetit nga mosshlyerja e taksave.

Ndërkohë, vlera totale e verës përllogaritet rreth 3 milionë euro.

Dega e Partisë Demokratike në Shkodër ka reaguar publikisht lidhur me spekulimet e ditës së sotme mbi organizimin e një takimi që, sipas saj, po tentohet të paraqitet në emër të PD, pa pasur asnjë lidhje zyrtare me strukturat e saj.

Në një njoftim drejtuar anëtarëve dhe mbështetësve, PD Shkodër thekson se takimi në fjalë ka një axhendë tërësisht private dhe nuk përfaqëson interesat apo qëndrimet e Partisë Demokratike.

Sipas deklaratës, organizimi i këtij takimi i atribuohet Benet Becit dhe grupimit që e mbështet atë.

Më tej, dega e PD-së në Shkodër shprehet se ky aktivitet, sipas saj, po zhvillohet me mbështetjen e elementëve që ajo i cilëson si problematikë dhe se një veprim i tillë i shërben axhendës politike të kryeministrit Edi Rama.

“Dega e PD-së Shkodër u bën thirrje të gjithë anëtarëve dhe mbështetësve të saj të distancohen nga ky takim, pasi ai nuk ka asnjë lidhje me Partinë Demokratike dhe i shkon për shtat axhendës së Edi Ramës”, thuhet në reagimin zyrtar.

PD Shkodër riafirmon angazhimin e saj për veprimtari politike transparente dhe në përputhje me interesin e demokratëve dhe qytetarëve të Shkodrës.

LEXO EDHE: Salianji në Shkodër, Berisha në Korçë/ “Përplasja” e orareve, strategji apo…?

Për shkak të disa problemeve teknike, sinjali nga shtëpia e “Big Brother VIP” është ndërprerë.

Në njoftimin zyrtar nga produksioni bëhet me dije se ekipi teknik po punon intensivisht për rikthimin e menjëhershëm të transmetimit.

Banorët e programit vazhdojnë të jenë nën monitorim të plotë nga kamerat gjatë gjithë kohës, siç njofton vetë produksioni.

“Për shkak të disa problemeve teknike, sinjali nga shtëpia është ndërprerë.

Ekipi teknik po punon për rikthimin e menjëhershëm të transmetimit.

Vëllai i madh ju njofton se banorët janë gjatë gjithë kohës nën monitorimin e kamerave.

Faleminderit për mirëkuptimin”, thuhet në njoftimin zyrtar të BBV.

Valentina Vinjali, modele, influencuere dhe basketbolliste, është martuar në fshehtësi të plotë në Pezaro (Itali) me Fabio Stefaninin.

Ceremonia ishte shumë private, vetëm për pak të ftuar, por nuk kaloi pa u vënë re në rrjetet sociale për shkak të veshjes së pazakontë të çiftit.

Të dy bashkëshortët, në fakt, zgjodhën të visheshin me tuta sportive dhe atlete, duke qëndruar besnikë pasionit të tyre për basketbollin. “Ishte e thjeshtë dhe intime, ashtu siç e dëshironim.

“Të veshur sikur po shkonim në një ndeshje basketbolli”, ka shkruar Valentina në rrjetet e saj sociale, duke ndezur menjëherë komentet dhe reagimet e fansave.

Një zjarr ka rënë këtë të shtunë, më 27 dhjetor, në një biznes përgjatë rrugës në zonën e Fllakës në qytetin e Durrësit, duke shkaktuar shqetësim në zonë.

Flakët kanë përfshirë disa autobusë të linjave urbane, të cilët ndodheshin të parkuar dhe jashtë funksioni.

Menjëherë pas njoftimit, në vendngjarje kanë mbërritur shërbimet zjarrfikëse, të cilat po punojnë për shuarjen e zjarrit dhe për të parandaluar përhapjen e flakëve.

Momentalisht, shkaqet e rënies së zjarrit mbeten ende të paqarta.

Është bërë e zakonshme që sa herë ka ndonjë ditë feste që bie afër fundit apo fillimit të javës edhe dita më e afërt bëhet me vendim qeverie pushim zyrtar. Por, vendimi është i vlefshëm vetëm për administratën publike.

Bizneset, shpesh nuk e kanë luksin që të pushojnë kaq gjatë, pasi në fund të fundit nuk i kanë të ardhurat e garantuara për pagat e punonjësve, si administrata publike që i merr nga taksapaguesit.

Me 25 dhjetorin e Krishtlindjeve, që ishte e enjte, edhe e premtja ishte pushim për administratën, duke i bërë katër ditë radhazi, përfshirë dhe fundavën.

Teorikisht kjo nuk duhet të pengonte aktivitetin e bizneseve, meqë tashmë pothuajse çdo veprim kryhet online dhe madje edhe Ministrja e Shtetit për Inteligjencën Artificiale, me emrin “Diella”, vepron në formë virtuale.

Praktikisht bizneset janë bllokuar prej ditësh pasi sistemi online më shumë nuk punon sesa punon, ose funksionon me shumë vështirësi.

Bizneset raportuan për “Monitor” se gjatë ditës së premte nuk po funksionojnë sistemet bazë operative të punës dhe situata është e njëjtë edhe përgjatë të shtunës. Me shtetin fizik që është mbyllur, atë online që ka rënë, dhe ministren “Diella”, që nuk të jep përgjigje, pasi nuk hyn dot në sistem, sipërmarrjet po penalizohen dhe po u pengohet aktiviteti, teksa nuk kanë ku të ankohen.

Prej ditësh, në Qendrën Kombëtare të Biznesit (QKB) nuk bëhen dot aplikime për regjistrim të shoqërive të reja, ose ndryshime (shitje kuotash, kapitali), në sistemin “self care” përmes të cilat nxirren faturat, është e pamundur të hysh. Po ashtu nuk aplikohet dot për barrë lindje, apo për të shtuar punonjësit e rinj, pasi faqja rrotullohet bosh ose duhet të presësh një kohë të gjatë.

Edhe për individin, nëse do të shkarkojë një certifikatë, është e pamundur, pasi kodi që të mundëson të hysh në llogari, nuk vjen fare.

Ndërkohë sistemi i tatimeve (E-tax) punon normalisht, por sistemet e tjera, ku ndërlidhja bëhet përmes Agjencisë Kombëtare të Shoqërisë së Informacionit (AKSHI) shpesh nuk janë funksionale, ose punojnë me shumë vështirësi.

“Sistemi vazhdon të ketë probleme. Edhe pse klikohet “Self Care” për t’u hapur, sapo futen të dhënat e e-Albania, shërbimi nuk funksionon. E njëjta situatë paraqitet edhe kur tentohet hyrja në faqen e Tatimeve nëpërmjet e-Albania, ku sistemi nuk hapet dhe shfaq të njëjtin problem. Kjo situatë po krijon vështirësi serioze për ekonomistët në kryerjen e detyrave të tyre.”, thotë Igli, kontabilist.

Sipas bizneseve, kjo situatë që po zgjat prej ditësh, përbën një shqetësim serioz për funksionimin normal të aktivitetit ekonomik dhe marrëdhënien e bizneseve me administratën publike apo e profesionistëve me klientët e tyre.

Shqipëria mund të jetë një vend unik, ku bizneset i “luten” qeverisë që t’i lërë të punojnë/ Monitor

Kriptomonedhat kanë pasur një vit të vështirë në 2025, veçanërisht pas një vale të fortë shitjesh kur presidenti i SHBA-së, Donald Trump, kërcënoi me tarifa të reja ndaj Kinës në muajin tetor, raporton Euronews.com. Megjithatë, nëse shihen trendet afatgjata, pronësia e këtyre aseteve po rritet në të gjithë Evropën.

Më shumë se 90% e personave mbi 18 vjeç në ekonomitë kryesore evropiane janë në dijeni të aseteve kripto ose kriptomonedhave. Edhe pse vlera e këtyre aseteve ka luhatur gjatë vitit 2025, pronësia e kriptomonedhave po rritet në mënyrë të qëndrueshme në Evropë.

Sipas një ankete të Bankës Qendrore Evropiane, 9% e të rriturve në zonën euro zotëronin asete kripto në vitin 2024. Mes 20 vendeve të eurozonës, përqindja e pronësisë varion nga 6% në Holandë dhe Gjermani, deri në 15% në Slloveni – ndonëse ndryshimet mes vendeve janë përgjithësisht modeste.

Arsyet pas dallimeve mes vendeve

“Dallimet mes vendeve në përqindjen e pronësisë zakonisht nxiten nga një kombinim i adoptimit digjital, prirjes ndaj riskut dhe strukturës së tregut vendas,” tha James Sullivan, drejtor për riskun dhe përputhshmërinë në BCB Group, për Euronews Business.

“Shtetet me një nivel të lartë inovacioni financiar dhe me një bazë investitorësh më të rinj, zakonisht të dominuar nga meshkujt, priren të jenë në krye,” shtoi ai.

Sullivan theksoi gjithashtu se faktorët rregullatorë dhe ekonomikë lokalë janë kyç. Në tregje ku alternativat tradicionale të investimit janë të kufizuara, kriptomonedhat mund të përdoren në mënyrë spekulative, ndërsa fushatat e forta të ndërgjegjësimit, si ato të zhvilluara në Itali, mund të rrisin adoptimin.

Mbretëria e Bashkuar, ndonëse jashtë eurozonës, vazhdon të shënojë vëllime të larta transaksionesh, duke u renditur e treta në botë pas SHBA-së dhe Indisë në vitin 2024, sipas Sullivan.

Pronësia e kriptomonedhave u dyfishua në dy vite

Pronësia e aseteve kripto u rrit pothuajse në çdo vend të eurozonës mes viteve 2022 dhe 2024. Holanda ishte i vetmi vend ku niveli mbeti i njëjtë, ndërsa për Kroacinë nuk ka të dhëna për vitin 2022. Në të gjithë eurozonën, pronësia u rrit nga 4% në vitin 2022 në 9% në vitin 2024.

Greqia dhe Lituania shënuan rritjet më të mëdha, secila me nga 10 pikë përqindjeje. Qiproja, Belgjika, Irlanda, Austria, Sllovakia, Sllovenia, Portugalia dhe Italia regjistruan gjithashtu rritje prej 7 pikësh ose më shumë.

Sipas James Sullivan, kjo rritje e ndjeshme konfirmon forcimin e interesit të konsumatorëve evropianë, duke treguar se “dimri i kriptomonedhave” tashmë është një kujtim i largët për publikun.

“Kjo rritje e besimit lidhet me rikthimin ciklik të vrullit të tregjeve globale, por mbi të gjitha me mbrojtjen e konsumatorit që ofron rregullorja ‘Markets in Crypto-Assets’ (MiCA),” tha ai për Euronews Business.

MiCA vendos rregulla të unifikuara të tregut në BE për kriptomonedhat, duke përfshirë asetet që aktualisht nuk rregullohen nga legjislacioni ekzistues i shërbimeve financiare.

“MiCA sinjalizon se BE-ja po e njeh sektorin si pjesë të tregut kryesor financiar, gjë që krijon besim dhe tërheq investitorë të rinj që më parë ishin të rezervuar,” shtoi ai.

Të blera kryesisht si investim

Investimi është arsyeja kryesore pse njerëzit përdorin kriptomonedhat. Në eurozonë, 64% e zotëruesve deklarojnë se i përdorin këto asete si investim, ndërsa vetëm 16% i përdorin për pagesa. Një tjetër 19% thonë se i përdorin për të dyja qëllimet.

Përqindja e personave që i përdorin kriptomonedhat kryesisht për investim është më e larta në Holandë (90%) dhe Gjermani (82%), ndonëse këto dy vende kanë disa nga nivelet më të ulëta të pronësisë në eurozonë. Ndërsa përdorimi për pagesa është më i larti në Francë (25%).

“Tregu i kriptomonedhave mbetet spekulativ”

Sullivan theksoi se dallimi i madh mes përdorimit për investim dhe për pagesa tregon se tregu i kriptomonedhave mbetet kryesisht spekulativ dhe i orientuar drejt investimit.

“Ndërsa kriptomonedhat, veçanërisht stablecoin-et, ofrojnë përfitime reale për transaksionet, përdorimi i tyre si para të përditshme mbetet relativisht i kufizuar dhe renditet shumë pas metodave tradicionale si kartat dhe paraja fizike,” tha ai.

Ai vuri në dukje se, pavarësisht adoptimit të konsiderueshëm institucional, shumica e konsumatorëve evropianë nuk i përdorin kriptomonedhat për transaksione të përditshme.

“Kalimi afatgjatë drejt përdorimit praktik do të varet shumë nga suksesi i MiCA-s në rregullimin e stablecoin-eve të denominuara në euro dhe integrimin e tyre pa probleme në infrastrukturat ekzistuese të pagesave – një sfidë që mbetet në qendër të fokusit të Bankës Qendrore Evropiane,” përfundoi ai.

Aksident me pasojë një të vdekur në Durrës.

Ngjarja e rëndë ka ndodhur në aksin rrugor Katund Sukth-Fllakë dhe viktimë ka mbetur një 69-vjeçar që po lëvizte me biçikletë.

Ndërkohë është arrestuar drejtuesja e automjetit, një 29-vjeçare me inicialet Xh.Ç.

“Xh. Ç., 29 vjeçe, banuese në Durrës, pasi, duke drejtuar automjetin në aksin rrugor Katund Sukth–Fllakë, dyshohet se ka humbur kontrollin mbi drejtimin e automjetit dhe për pasojë, automjeti ka përplasur një biçikletë me drejtues shtetasin R. B., 69 vjeç, i cili ka humbur jetën në spital“, njofton Policia.

Jeffrey Epstein kishte të paktën dhjetë bashkëpunëtorë. Këtë e ka konfirmuar FBI, në një shkëmbim email-esh të brendshme të vitit 2019, gjatë mandatit të parë presidencial të Donald Trump.

Problemi është se emrat e shtatë prej këtyre të dyshuarve kanë mbetur sekret dhe nuk dihet nëse ndonjëherë janë marrë në pyetje, akuzuar, gjykuar apo ndjekur penalisht.

Vëmendjen mbi këtë detaj të nxehtë e ka tërhequr kongresmeni Ro Khanna, bashkautor i ligjit Epstein Files Transparency Act, i cili detyroi administratën Trump të publikonte dosjet. Presidenti amerikan reagoi ashpër në rrjetin e tij Truth: “Një tjetër gjueti shtrigash. Demokratët kanë punuar me Epstein-in, jo republikanët. Publikoni emrat, turpërojini”.

Në një email dërguar gazetës italiane “La Repubblica“, Khanna denoncoi: “Ky publikim ishte një bombë. Dosjet përfshijnë një email ku përmenden ‘10 bashkëpunëtorë’, edhe pse Kash Patel kishte dëshmuar se nuk kishte informacione të besueshme që tregonin se Epstein trafikonte gra me ndonjë tjetër përveç vetes”. Patel është aktualisht drejtor i FBI-së, të cilin Khanna e akuzon se ka gënjyer.

Email-i i përmendur nga kongresmeni demokrat mban datën 9 korrik 2019, ora 11:15, dhe vjen nga njësia e FBI-së “Cachtu” e ngarkuar me ndjekjen e krimeve kundër fëmijëve dhe trafikut të qenieve njerëzore.

Në të ngrihej kjo pyetje për eprorët: “Kërkojmë një përditësim mbi 10 bashkëkonspiratorët deri sot. Mund të na thoni sa prej tyre i keni lokalizuar, marrë në pyetje dhe thirrur me mandat përpara jurisë së madhe? Mendoj se totali është 5 në Nju Jork, 1 në Karolinën e Veriut, 1 në Boston dhe 3 në Florida”.

Rreth një orë më vonë, në 12:21, një agjent i cili prezantohet si Sean përgjigjet: “Nga 10 bashkëpunëtorët, 3 janë lokalizuar në Florida dhe thirrur me mandate; 1 në Boston, 1 në Nju Jork dhe 1 në Connecticut. 4 nga 10 nuk janë gjetur por po i kërkojmë, një është një biznesmen i pasur nga Ohio; 3 të mbeturit janë jashtë kapacitetit tonë. Ekipi ynë fluturon sonte ose nesër në mëngjes në disa zona të Floridës për të marrë në pyetje rreth 25 viktima”. Një email tjetër zbulon tre nga dhjetë emrat: ish-e dashura e Epstein, Ghislaine Maxwell; agjenti i modeleve Jean-Luc Brunel; dhe CEO-ja i Victoria’s Secret, Les Wexner. Shtatë të tjerët janë censuruar.

Sipas kongresmenit Khanna, ky është një zhvillim kyç për të paktën tre arsye. E para, të njihen emrat e bashkëpunëtorëve dhe sidomos nëse ndonjëherë janë marrë në pyetje apo ndjekur penalisht, për të vërtetuar nëse kishin kryer krime ose zotëronin informacione të tjera të rëndësishme. Këtë e kërkojnë viktimat. E dyta, nëse email-et e brendshme të FBI-së nuk kanë pasur ndonjë vazhdim, të kuptohet pse. Kjo do të ishte thelbësore edhe në dritën e asaj që kishte ndodhur më parë në rastin Epstein. Në vitin 2007, prokurorja Ann Marie Villafaña kishte kryer hetimet dhe shkruar një dokument prej 83 faqesh me 60 akuza. Epstein kishte pranuar një marrëveshje, e miratuar nga prokurori Alexander Acosta, i cili më vonë u bë sekretar i Punës në administratën e parë Trump. Në vitin 2018, Miami Herald kishte publikuar një seri investigative që denonconte marrëveshjen dhe Epstein u akuzua sërish në Nju Jork. A ishte dhënë mbrojtje edhe për bashkëpunëtorët e panjohur? Arsyeja e tretë është të vërtetohet nëse Patel ka gënjyer dhe pse.

“Amerikanët meritojnë të vërtetën. Refuzimi i Departamentit të Drejtësisë për të zbatuar ligjin që kanë miratuar në Kongres dhe për të publikuar të gjitha dosjet është një pengesë ndaj drejtësisë. Duhet të publikojnë edhe pyetjet e FBI-së ndaj dëshmitarëve që përmendin burra të tjerë, në mënyrë që publiku të dijë kush ishte i përfshirë. Departamenti shpenzon më shumë kohë duke mbrojtur rrethin e Epstein-it sesa të mbijetuarit”, thotë tani Khanna. Ai shtoi: “Kjo është arsyeja pse unë dhe kongresmeni Massie po përgatisim një kallëzim për shpërdorim ndaj Kongresit kundër sekretares Bondi. Të mbijetuarit dhe publiku kërkojnë transparencë dhe drejtësi”.

Një 44-vjeçar, i identifikuar si Medi Sina, ka rënë në prangat e Policisë së Matit, pasi dyshohet se ka ndërtuar një objekt pa leje pranë monumentit të kulturës “Ura e Vashës”.

“Specialistët për Hetimin e Krimeve të Komisariatit të Policisë Mat arrestuan në flagrancë shtetasin M. S., 44 vjeç, banues në fshatin Fshat, Klos, pasi dyshohet për kryerjen e veprave penale ‘Shkatërrimi i veprave kulturore’ dhe ‘Ndërtimi i paligjshëm’, duke ndërtuar një objekt pa u pajisur me lejen përkatëse, si dhe duke kryer ndërhyrje dhe punime të paligjshme në monumentin e kulturës ‘Ura e Vashës’”, njofton policia.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme procedurale.

Gjatë natës, forcat ruse nisën një sulm masiv ndaj Ukrainës, duke shkaktuar alarme kundërajrore mbi territorin e saj.

Në përgjigje, Komanda Operacionale e Forcave të Armatosura Polake ngriti në ajër avionë luftarakë polakë dhe vuri në gatishmëri sistemet e mbrojtjes ajrore dhe radarëve, duke deklaruar se masat ishin të natyrës parandaluese dhe shërbenin për të mbrojtur hapësirën ajrore polake.

“Në lidhje me aktivitetin e aviacionit me rreze të gjatë veprimi të Federatës Ruse, i cili kreu sulme në territorin e Ukrainës, ka filluar operacioni i aviacionit ushtarak në hapësirën ajrore polake”, informoi në një komunikatë Komanda Operacionale e Forcave të Armatosura.

Për shkak të operacioneve ushtarake, aeroportet në Rzeszow dhe Lublin u mbyllën përkohësisht në orët e para të së shtunës, por trafiku ajror në të dy aeroportet tani ka rinisur.

Pas orës 8:00 të mëngjesit, Komanda njoftoi se operacionet e avionëve polakë dhe të aleatëve kishin përfunduar dhe se nuk kishte pasur shkelje të hapësirës ajrore polake.

Nga LUXEMBURGER WORT

Në Luksemburg, Aldo Iamandi (Gjini) u bë i njohur pas të shtënave me armë zjarri më 24 nëntor 2020 në Remich.

Vendi e futi atë në listën e kriminelëve më të kërkuar të Evropës. Përfundimisht, hetuesit luksemburgas e lokalizuan dhe e arrestuan në Bruksel.

Në procesin gjyqësor që pasoi, në fund të vitit 2023, prokuroria kërkoi një dënim me 12 vjet burg për tentativë vrasjeje. Megjithatë, Dhoma e 12-të Penale e dënoi vetëm me 30 muaj burg, për posedim të paligjshëm armësh dhe plagosje.

Ai nuk bëri ankim, ndaj vendimi është i formës së prerë. Në Shqipëri, megjithatë, e pret një dënim shumë më i rëndë.

Edhe disa muaj pas ngjarjes, në Remich janë ende të dukshme gjurmët e tentativës së dyshuar për vrasje. Aldo Iamandi ishte ndier i provokuar sepse një i panjohur i ishte afruar shoqërueses së tij femër dhe kishte hapur zjarr.

Tani ai ndodhet në qendër të një çështjeje kriminale që prej javës së kaluar ka shkaktuar bujë të madhe. Rasti konfirmon atë që në procesin gjyqësor në Luksemburg mbeti e pathënë, por e nënkuptuar: Aldo I. konsiderohet figurë kyçe e dyshuar e krimit të organizuar shqiptar. Zbulime të reja nga Shqipëria hedhin gjithashtu dritë tjetër mbi ngjarjet në Remich.

Dhunë për një arsye të parëndësishme

Mbrëmjen e 24 nëntorit 2020, Aldo ndodhej në një bar shisha në Remich. Rreth orës 22:30 shpërthen një konflikt me një bashkëkombës, i cili dëshiron t’i ftojë për një gotë tre shoqërueset e Aldos dhe e prek njërën prej tyre në krah. Rrjedha e saktë e ngjarjes mbetet e paqartë. Sipas gjithçkaje, kundërshtari tenton ta sulmojë Aldon bashkë me disa shokë të tij, të cilët thuhet se ishin të armatosur me shkopinj.

Aldo shkon te makina e tij, merr një armë zjarri, e ndjek personin dhe e qëllon katër herë me një pistoletë të kalibrit të madh. Një plumb i tipit .45 ACP i përshkon këmbën e majtë viktimës, një tjetër ngec në shollën e këpucës së tij. Vrimat e plumbave në muret e shtëpive pranë urës Europabrücke në Remich janë ende të dukshme sot. Gjyqtarët nuk konstatuan një qëllim të qartë për vrasje – edhe sepse Aldo I. ndaloi pas katër të shtënave, megjithëse kishte mundësi të vazhdonte të qëllonte viktimën nga pas.

8 muaj më vonë, në korrik 2021, Aldo përfshihet në një tjetër incident me armë zjarri në Tiranë. Deri atëherë, ai kishte arritur t’i shmangej plotësisht ndjekjes penale nga Luksemburgu. Tashmë, edhe autoritetet shqiptare e shpallin në kërkim. Fakt i ndjeshëm: viktima e sulmit në Tiranë thuhet se ishte shoku më i ngushtë i pronarit të lokalit në Remich.

Aldo nën presion

Dëshmitarët tregojnë se Aldo ishte dukshëm nervoz mbrëmjen e incidentit në Remich. Ai shikonte vazhdimisht drejt derës së hyrjes dhe mbante nën vëzhgim dritaret e lokalit. Mediat shqiptare sugjerojnë një arsye të mundshme për këtë tension: grupi kriminal, pjesë e të cilit ishte ai, kishte humbur një ditë më parë një ngarkesë prej 475 kilogramësh kokainë.

Mëngjesin para të shtënave në Remich, dogana holandeze njoftoi zbulimin e 475 kilogramëve kokainë në portin e Vlissingenit. Droga ishte fshehur në një kontejner me banane nga Ekuadori dhe u zbulua më 23 nëntor 2020 gjatë një kontrolli të rastësishëm. Vlera e saj në treg vlerësohej rreth 23 milionë euro.

Zbulime të reja nga deshifrimi i rrjetit të komunikimit të koduar SkyECC e rëndojnë ndjeshëm grupin. Shërbimi u hakua në vitin 2021 në kuadër të një bashkëpunimi ndërkombëtar policor. Hetues nga Belgjika, Franca dhe Holanda, me mbështetjen e Europol-it, patën qasje në komunikimet e përdoruesve dhe kjo çoi në bastisje dhe arrestime masive.

Restoranti në Luksemburg

Sipas hetimeve, grupi kriminal – ku bënte pjesë edhe Aldo – qëndron pas kontrabandës së drogës drejt Vlissingenit. Është e sigurt se ai ndodhej në Luksemburg që prej të paktën 21 nëntorit 2020. Sipas deklarimeve të tij, ai ishte në kërkim të një lokali për të hapur një restorant.

Të dhënat e SkyECC përbëjnë bazën edhe për hetimet e reja në Shqipëri. Në biseda, drejtuesit e bandës shkëmbenin foto të ngarkesave të drogës dhe artikuj mediatikë për kapjen e drogës në portin holandez.

Më 10 dhjetor 2025, Prokuroria e Posaçme shqiptare kundër Korrupsionit dhe Krimit të Organizuar (SPAK) ndërhyri. Nga 14 urdhër-arreste, u ekzekutuan 10, kryesisht në zonën e Fushë-Krujës. U sekuestruan shuma të mëdha parash, mallra luksi, automjete dhe armë.

Djali i ish deputetit si bos mafioz

Veçanërisht tronditëse: si udhëheqës i klanit mafioz shqiptar akuzohet Rexhep R., djali i një ish-deputeti. Edhe babai i tij, Rrahman Raja, u detyrua të japë dorëheqjen në vitin 2023 pas një akti të dhunshëm të lidhur me krimin e organizuar.

Çështja përbëhet nga tre komplekse hetimore. Grupi dyshohet se ka kontrabanduar të paktën 2,4 tonë kokainë dhe marihuanë drejt vendeve të BE-së. Në qendër të raportimeve shqiptare qëndron veçanërisht një transport droge i dështuar më 26 janar 2021.

Në kufirin mes Shqipërisë dhe Turqisë, atë ditë u sekuestruan 236 kilogramë marihuanë në një kamion. Droga ishte fshehur në tavanin e mjetit dhe nuk u zbulua në kontrollin e parë me skaner. Vetëm gjatë një kontrolli të dytë nga policia turke u zbulua ngarkesa.

Konflikti zbulon strukturat

Protokollet e SkyECC, të publikuara pjesërisht në mediat shqiptare, tregojnë panikun brenda udhëheqjes së klanit pasi humbet kontakti me shoferin. Grupi vëzhgon kamionin në territorin e policisë turke dhe spekulon për tradhti të mundshme.

Pas kësaj shpërthen një krizë e brendshme për dëmshpërblimin e humbjes. Në fund, personi përgjegjës për organizimin e transportit detyrohet t’i kompensojë drejtuesit e tjerë brenda një dite – me çmimin final të shitjes.

Fyerja “bir k…” është e përhapur në biseda. Trafiku i drogës ndjek një skemë strikte, dhe konfliktet e brendshme i lejojnë SPAK-ut të rindërtojë me detaje strukturën e organizatës.

Aldo dhe frika nga gjurmët e gishtërinjve

Aldo shfaq shqetësim të madh se gjurmët e gishtërinjve të tij mund të gjendeshin mbi drogë. Sipas bisedave të cituara nga SPAK, ai kishte shënuar personalisht paketat për marrësit në Turqi. Në grup ekzistonte frika se bashkëpunëtorët nuk i kishin pastruar siç duhet. Më pas vjen qetësimi: paketat ishin spërkatur me spraj.

Me nofkën “Bjondi”, Aldo konsiderohet bashkëpunëtor i ngushtë i kreut të dyshuar të bandës. Hetuesit shqiptarë lidhin nëntë persona me llogari konkrete SkyECC. Emrat e të dyshuarve janë publikuar gjerësisht në media. SPAK flet për prova dërrmuese, por vlen parimi i pafajësisë deri në një vendim përfundimtar.

Më 3 dhjetor, një javë para valës së arrestimeve, u arrestua Besard P., i dyshuar si bashkëpunëtor i Aldo I. në të shtënat në Tiranë. Ai hetohet për tentativë vrasjeje. Aldo I. ndodhet tashmë në paraburgim për të njëjtin rast. 35-vjeçari u informua për akuzat e reja ndërsa ndodhej në qelinë e tij.

Real Madrid ka identifikuar tashmë një plan specifik në rast se Vinicius Junior vendos të mos e rinovojë kontratën e tij, shkruan “Cadena Ser“.

Largimi i mundshëm i brazilianit, që po monitorohet nga afër nga “los blancos”, do ta bënte klubin të kërkonte një tarifë që tejkalon 100 milionë euro për transferimin e tij.

Real Madrid synon ta riinvestojë menjëherë këtë shumë në tregun e transferimeve, duke u përqendruar te Vitinha.

Mesfushori portugez nga Paris Saint-Germain konsiderohet kandidati ideal për të forcuar mesfushën dhe thuhet se është një përparësi kryesore për drejtuesit e klubit spanjoll.

Megjithatë, marrëveshja nuk pritet të jetë e thjeshtë. PSG e sheh Vitinha si një element kyç të projektit të saj dhe nuk ka ndërmend ta lërë të shkojë.

Për këtë arsye, aktualisht nuk ka negociata, por thashethemet konfirmojnë se Real Madrid tashmë po shqyrton opsionet e ardhshme të merkatos.

Kryetari i Partisë Demokratike, Sali Berisha, përmes një postimi në rrjetet sociale, shprehet se, dosja “AKSHI”, tregon  se shteti është kthyer në kopsht privat të pushtetit.

Sipas Berishës, këtu nuk kemi të bëjmë me startup ose mrekulli ekonomike teksa shton se, fitimi nga kjo aferë ka qenë 22 milionë here.

“1.000 € bëhen 234 milionë € në 4 muaj.

22 milionë herë fitim.

Jo startup. Jo mrekulli ekonomike.

Dosja AKSHI tregon se shteti është kthyer në kopsht privat të pushtetit”, shkruan Berisha.

LEXO EDHE: Reagimi nga Washingtoni/ DASH ‘merr nën vëzhgim’ AKSHI-n, kullat në Tiranë dhe…

Këtë të shtunë, më 27 dhjetor, ka nisur procesi i votimit për zgjedhjet e parakohshme për Kuvendin e Kosovës në përfaqësitë diplomatike të vendit jashtë territorit.

Zëdhënësi i KQZ-së, Valmir Elezi, në një konferencën për mediat, ka treguar se në 25 përfaqësi diplomatike ku edhe ka filluar procesi i votimit, dhe se deri në orën 09:00 nga 19 mijë e 187 votues, kanë votuar 1 mijë e 659 prej tyre.

“Sipas të dhënave gjatë këtyre orëve të para të votimit që janë nga 25 përfaqësi diplomatike ku ka filluar procesi i votimit deri në ora 09:00 nga 19 mijë e 187 votues të regjistruar kanë votuar 8.64 për qind, apo një mijë e 659 prej tyre”, tregoi Elezi.

Ai ka treguar edhe se në përgjithësi janë 29 përfaqësi diplomatike.

“Numri i përgjithshëm i shtetaseve të Kosovës për të votuar në 29 përfaqësi diplomatike të Kosovës është 19 mijë e 187 votues. Vetëm votuesit e regjistruar në përfaqësi diplomatike  do të mund të votojnë gjatë ditës së sotme pasi në listën votuese që janë dërguar në këto përfaqësi janë vetëm emrat e shtetase që kanë zgjedhur këtë mënyrë të votimit”, tregoi ai.

Elezi ka treguar edhe kur dhe si nisi votimi në përfaqësi diplomatike.

“Procesi i votimit në ora 05:00 sipas kohës lokale në Kosovë ka filluar në konsullatën e Republikës së Kosovës në Stamboll. Ndërsa në ora 07:00 po ashtu sipas kohës lokale në Kosovë votimi ka filluar edhe në 24 përfaqësi diplomatike që ndodhen në Evropë”, deklaroi Elezi.

PërveçTurqisë, votimi do të mbahet edhe në 15 shtete evropiane, ku janë të regjistruar gjithsej 17 mijë e 761 votues. Në mesin e këtyre shteteve janë Gjermania, Zvicra, Mbretëria e Bashkuar, Franca, Belgjika, Norvegjia, Austria, Suedia, Sllovenia, Danimarka, Italia, Kroacia, Holanda, Republika Çeke dhe Hungaria.

Procesi do të përmbyllet në kontinentin amerikan, ku të drejtën e votës e kanë 1 mijë e 310 votues të regjistruar në Shtetet e Bashkuara të Amerikës dhe Kanada. Për këtë qëllim janë hapur përfaqësitë diplomatike në Uashington, Nju Jork, Otavë dhe Toronto.

Në të njëjtën kohë me përfundimin e votimit në përfaqësi diplomatike, do të mbyllet edhe procesi i votimit përmes postës, i cili ka nisur më 16 dhjetor. Rreth 57 mijë e 899 votues kanë qenë të regjistruar për këtë formë votimi dhe kanë pasur afat 12 ditë për dërgimin e fletëvotimeve. Të gjitha votat e mbledhura, si nga votimi fizik ashtu edhe nga ai postar, do të dërgohen në Kosovë për t’u numëruar.

Zgjedhjet e parakohshme parlamentare në Kosovë mbahen ditën e nesërme, 28 dhjetor, dhe janë të dytat që zhvillohen brenda këtij viti.

New Yorku është goditur nga stuhia e fuqishme dimërore “Devin” ndërsa parashikohen reshjet më të mëdha të dëborës.

Stuhia e fuqishme e dëborës pas Krishtlindjes po përfshin mbarë verilindjen e ShBA-së, duke sjellë kaos në transport.

Udhëtimet ajrore po marrin një goditje të madhe, ku mbi 1,500 fluturime u anuluan deri të premten.

Guvernatorja e New York-ut, Kathy Hochul, shpalli gjendjen e jashtëzakonshme përpara stuhisë.

Shërbimi Kombëtar i Motit lëshoi ​​paralajmërime për stuhinë e cila pritet “të shkaktojë kushte të rrezikshme udhëtimi”.

Në disa zona do të bjerë deri në 20 cm dëborë.

LEXO EDHE: Mot i tërbuar në Kaliforni: Stuhitë dhe përmbytjet shkaktojnë tre viktima

Demokrati Ervin Salianji do të ndalë sot foltoren e tij të takimeve në Shkodër.

Ishte vetë ish-deputeti që njoftoi përmes një njoftimi në rrjetet sociale takimin me demokratë, në orën 18:00.

Por vetëm dy orë më pas, kryetari i PD-së, Sali Berisha njoftoi një takim në Korçë, po në të njëjtin orar me takimin që do të mbajë Salianji.

Rastësi kjo përplasje oraresh apo strategji e Berishës për të sfumuar takimin e Salianjit?

Kujtojmë se, pak ditë më parë, në një komunikim me mediat, kreu i PD do të shprehej se, “Salianji sot është një njeri që ka kaluar linjat e kuqe”.

Ndërsa gjatë protestës kombëtare të Opozitës para Kryeministrisë, Salianji do të deklaronte: “Mua nuk më përjashton dot asnjë njeri sot nga partia, është për të përjashtuar Ramën. Kam ardhur me mbështet të PD, unë jam në PD dhe do të jem në PD”.