Eksperti i marrëdhënieve ndërkombëtare, Ledjon Krisafi, ka deklaruar se lëvizjet e SHBA-së në Amerikën Latine nuk lidhen me naftën apo narkoterorizmin, por me zbatimin e doktrinës amerikane për të parandaluar ndikimin e aktorëve të tjerë. Sipas Krisafit, qëllimi kryesor është rivendosja e hegemonisë amerikane në rajon. Ai shton se dokumentet e fundit tregojnë se SHBA synon të mbajë kontrollin mbi burimet strategjike të naftës, duke parandaluar përdorimin e tyre nga Rusia, Kina dhe vende të tjera.

“Ishte një kërcënim ose mund të kërcënonte sigurinë e SHBA-së, ndaj ishte një lëvizje e tyre. Nuk ka lidhje as me naftën, as me narkoterorizmin; ka të bëjë me doktrinën amerikane, sipas së cilës në Amerikën e Veriut dhe të Jugut nuk duhet të ketë ndikim nga të tjerët. Venezuela, nga marrëdhëniet me Rusinë, e kishte kundërshtuar këtë.

Në dokumentin e fundit ishte shkruar se SHBA do të rivendosë doktrinën Monroe, dhe kjo tregon mënyrën sesi zbatohet një doktrinë e tillë. Më pas vihet fokusi tek nafta, Venezuela ka burimet më të mëdha të naftës në botë, por nuk besohet se SHBA ka interes ta shfrytëzojë drejtpërdrejt; interesi i tyre është që nafta të mos përdoret nga Rusia, Kina ose vende të tjera. Qëllimi është rivendosja e hegemonisë amerikane.”  / abcnews.al /

Sulmet ushtarake Amerikane ndaj Venezuelës sollën reagimet e dhjetëra shteteve ku disa prej tyre dënuan këtë lëvizje të Washingtonin zyrtar dhe të tjerë kërkuan që të mos ketë përshkallëzim të tensioneve. Përfaqësuesja e lartë e Bashkimit Europian për punë të jashtme Kaja Kallas deklaroi se kishte zhvilluar një bisedë telefonike me Sekretarin Amerikan të Shtetit Marco Rubio si dhe me Ambasadorin e Bashkimit Europian në Karakas.

Kallas tha se Brukseli po monitoron nga afër situatën në Venezuelë ndërsa shtoi se Unioni 27 anëtarësh e kishte theksuar prej kohës se Maduros I mungonte legjitimiteti. Kallas bëri thirrje për një tranzicion paqësor të pushtetit.

Ministria e  Jashtme Ruse dënoi sulmin duke thënë se Shtetet e Bashkuara kishin kryer një akt agresioni kundër Venezuelës. Sipas Moskës lëvizjet e Washingtonit ishin thellësish shqetësuese ndërsa dhtoi se pretekstet e përdorura nga Amerika për të kryer sulmet ishin të pabaza.Ne deklaraten e saj Ministria e Jashtme Ruse beri thirrje qe Venezueles ti garantohet e drejta per te percaktuar fatin e saj pa nderhyrje te jashme, duke perfshire edhe nderhyrjet shkaterruese ushtarake.

Udheheqsi Suprem I Iranit Ayatollah Ali Khamenei leshoi nje deklarate kunder Shteteve te Bashkuara te Amerikes duke shkruar se Venezuela nuk duhet te dorezohet dhe duhet te nxjerre gjoksin e Rezistences perballe Shteteve te Bashkuara qe kerkojne te imponojne me force nje qeveri te kontrolluar prej tyre ne kete Shtet.

Presidenti I Kolumbise Gustavo Petro I cili eshte kthyer ne nje armik te administrates se Donald Trump shkroi ne X se vendi I tij denon sulmin Amerikan ndersa riafirmon angazhimin e saj te pakushtezuar ndaj parimeve te percaktuara ne Karten e OKB, vecanerisht ne lidhje me respektimin e sovranitetit dhe integritetit territorial te Venezueles. Ne mesin e vendeve te cilat reaguan ku disa prej tyre denuan sulmin dhe te tjere kerkuan ulje te Tensioneve, pati edhe nga ato Shtete qe u ofruan ne rolin e Negociatoreve. Ministria  e Jashtme e Spanjes beri thirrje per ulje te tensioneve ndersa shtoi se Madriti zyrar ishte I gatshem te ofrohej si negociator mes paleve per te arritur nje zgjidhje paqesore mbi krizen aktuale.

Ne mesin e Shteteve qe Denuan Sulmet Amerikane ne Venezuele ishe edhe Kili me presidentin e ketij Shteti qe I konsideroi te parpanueshme sulmet ushtarake ndaj nje vendi Sovran dhe te pavarur.  / abcnews.al /

Një banesë është përfshirë nga flakët pak minuta më parë në Elbasan. Sakaq, deri tani nuk raportohet për persona të lënduar.

Zjarrfikësit po punojnë për shuarjen e flakëve, ndërsa dyshohet se shkaku i zjarrit është aksidental.  / abcnews.al/

Read More...

Nuk dihet nëse do të jenë gjithmonë në këtë formë. Kur njëri nga yjet është 41 vjeç rreziku është I madh që të ketë hapa falsë, por gjithsesi mbrëmja e fundit në NBA ishte e mrekullueshme.

Luka Doncic dhe Lebron Xhejms ishin protagonistë të mëdhenj dhe Lejkërsat arritën fitoren e radhës, 128-121 ndaj Memfisit. Kampioni nga Sllovenia shënoi 34 pikë, ndonëse gjysmat I pati nga vija e gjuajtjeve të lira, ndërsa “Mbreti” I basketbollit shtoi 31 pikë.

Lebron vendosi një rekord pasi u bë I pari lojtar në NBA mbi 40 vjeç që shënon mbi 30 pikë në një ndeshje. Doncic shtoi 8 asistë dhe 6 topa në tabela, ndërsa veterani pati 9 topa në tabela e 6 asistë. Dueli ishte i fortë në Kaliforni, edhe pse Memfisit I mungonin 6 lojtarë të rëndësishëm.

Miqtë ishin afër deri në periudhën e katërt, kur falë dyshes së madhe, Lejkërsat patën rezultatin e pjesshëm 12-2. Liqenasit padyshim që e pretendojnë titullin këtë vit, edhe pse konkurrenca do të jetë e ashpër.

Kanë 21 fitore e 11 humbe në Perëndim, pranë San Antonios e Hjustonit, dhe baraz me Denverin. Oklahoma kampione në fuqi mbetet larg, por Doncic është shënuesi më I mirë I edicionit të rregullt, pra mund ta ndihmojë skuadrën të bëjë mrekullinë.  / abcnews.al /

Sa shpejt mund të ndryshojë gjithçka. Kristiano Ronaldo dhe skuadra e tij, Al Nasr, u duken në rrugën e duhur drejt titullit kampion në Arabinë Saudite, sidomos me 9 fitore radhazi, por fillimi mbetet vetëm një fillim. Aq më tepër, ku në këtë vrapim të ndjek pranë rivali I madh, dhe në vetëm dy javë situata u përmbys.

Al Ahli fitoi në fushën e vet ndaj Al Nasrit, me shifrat 3-2, dhe tani skuadra tjetër, Al Hilal, është vetëm dy pikë larg vendit të parë, madje me një ndeshje më pak të luajtur. Virtualisht, Kristiano e ka humbur kryesimin, kjo nëse Al Hilal e fitoi ndeshjen e prapambetur.

Në stadiumin e Mbretit Abdullah në Xhedah, Al Ahli kryesoi deri në 2-0 me gola të shënuar nga sulmuesi anglez, Ivan Tonej. Gjithsesi, Al Nasr reagoi dhe Al Amri ishte heroi me dy rrjeta të shpejta, të fundit në mbyllje të pjesës së parë.

Përballja ishte shumë e fortë, me skuadrën e CR7-ës që mbajti topin plot 70 për qind, por kjo nuk u kthye në rezultat. Vetë Ronaldo nuk arriti të shënonte asnjë herë madje, bëri gabime aspak karakteristike për të.

Në pjesën e dytë, madje shpejt, turku Merih Demiral, siguroi fitoren për vendasit, ndërsa fundi ishte me gjakra të ndezura. Shkak, dy ndërhyrje të gabuara, dhe lojtarët u kacafytën e më keq e pësoi portugezi tjetër, Zhoao Feliks, që mori goditje.

Gjyqtari dha fillimisht vetëm një karton të kuq, dhe një tjetër të kuq e dha më pas për faull si lojtar i fundit. CR7 dhe Zhoao Feliks kanë nga 13 gola secili, duke qenë shënuesit më të mirë të ligës, por as kjo nuk ka mjaftuar për të krijuar diferencë, dhe tani beteja për titull është plotësisht e hapur.

Al Nasr kryeson me 31 pikë në 12 ndeshje, Al Hilal ka 29 me 11 sfida, ndërsa Al Ahli është në kuotën 25 pikë.  / abcnews.al /

Prokurorja e Përgjithshme e SHBA, Pam Bondi, ka njoftuar se presidenti venezuelian Nicolas Maduro dhe Zonjën e Parë, Cilia Flores, janë të akuzuar në Gjykatën e Distriktit Jugor të Nju Jorkut.

Bondi tha se Maduro përballet me akuza për:

• konspiracion për narkoterorizëm,
• konspiracion për importim kokaine,
• posedim armësh automatike dhe pajisjesh shkatërruese,
• dhe konspiracion për të poseduar këto armë kundër SHBA.

Maduro ishte akuzuar fillimisht në mars 2020 për “narkoterorizëm” në të njëjtën gjykatë. Bondi shtoi në X: “Ata së shpejti do të përballen me gjithë ashpërsinë e drejtësisë amerikane në tokën amerikane, në gjykatat amerikane.”

Ajo falenderoi gjithashtu presidentin Trump dhe forcat e armatosura amerikane për operacionin e suksesshëm kundër dy të dyshuarve për trafik ndërkombëtar droge. / abcnews.al /

Arrestimi i presidentit të Venezuelës, Nicolás Maduro, pas goditjeve amerikane në Karakas shënon një pikë kthese historike në marrëdhëniet mes Shteteve të Bashkuara dhe Amerikës Latine. Media Britanike BBC e cila ne nje analize te publikuar kete te shtune perpiqet te deshifroje te ardhmen e ketij kombi shkruan se Shtete e Bashkuara nuk kishin kryer një ndërhyrje kaq të drejtpërdrejtë ushtarake në rajon që prej vitit 1989, kur pushtuan Panamanë për të rrëzuar liderin ushtarak të asaj kohe, Manuel Noriega.

Largimi i Madurros nga pushteti në Venezuelë, siç pretendon presidenti amerikan Donald Trump, do të perceptohet si një fitore e madhe për krahun më “të ashpër” brenda administratës amerikane, disa prej të cilëve kanë mbështetur hapur nevojën për ndryshim regjimi në Karakas. Shtetet e Bashkuara e akuzojnë Nicolás Maduro-n si drejtues të një organizate kriminale të trafikut të drogës, akuza të cilat ai i mohon kategorikisht.

Uashingtoni nuk e njeh atë si president legjitim të Venezuelës, duke argumentuar se zgjedhjet e vitit 2024 nuk ishin as të lira dhe as të ndershme. Nga ana tjetër, qeveria e Karakasit ka akuzuar vazhdimisht SHBA-të se synojnë të përvetësojnë rezervat e mëdha të naftës së Venezuelës, të konsideruara ndër më të mëdhatë në botë.

Ajo që mbetet realisht e paqartë është se çfarë do të ndodhë brenda Venezuelës pas rrëzimit të mundshëm të Madurros dhe se kush do te qeverise vendin. Mbështetësit e ndërhyrjes amerikane pretendojnë se kjo zhvillim do t’i hapë rrugën opozitës për të marrë pushtetin, nën drejtimin e fitueses së Çmimit Nobel për Paqe, María Corina Machado, ose kandidatit të opozitës në zgjedhjet e vitit 2024, Edmundo González I cili eshte larguar nga vendi.

Megjithatë, shumë analistë paralajmërojnë se situata është shumë më komplekse, pasi në lojë hyn ushtria dhe rreziku i destabilizimit të vendit. Forcat e armatosura dhe grupet paraushtarake në Venezuelë mbeten ende besnike ndaj Madurros, ndërsa edhe disa kritikë të tij kanë shprehur frikën se një ndërhyrje e drejtpërdrejtë e SHBA-ve mund të çojë në kaos dhe përshkallëzim të mëtejshëm të krizës.

Ne zhvillimet e fundit qe vijne nga Venezuela lidhur me arrestimin e Maduros, ka vetem dicka qe eshte e sigurte. Aleatet me te ngushte tij jane seriozisht te shqetesuar jo vetem per te ardhmen e tyre politike, por edhe per te ardhmen personale mes nje krize sigurie qe mund te kaploje vendin. / abcnews.al /

Nëse ke në stol këtë trajner, nuk pritet spektakël. Milani ka qenë vërtet simboli I estetikës së futbollit, modeli I lojës sulmuese me Arrigo Sakin e të tjerë, por Masimiliano Alegri dëshiron të fitojë tituj dhe asgjë më shumë. Ky pragmatizëm gjithsei po I vlen kuqezinjve të paktën për rezultatet, dhe ja ku 19 herë kampionët u ngjitën në krye të Serisë A.

Ishte ndeshja e parë e vitit jo vetëm për lombardët, por edhe për kampionatin italian, dhe në stadiumin e Kaljarit u arrit fitorja më minimale e mundshme, 1-0. Mjaftoi një gol I Rafael Leaos, që shënoi për herë të gjashtë në elitë. Natyrisht, “djalli” bëri më shumë, me 57 për qind mbajtje topi, me 9 gjuajtje dhe me katërfishin e goditjeve në kuadrat.

Fitorja pra ishte e merituar dhe mund të kishte qenë më e thellë.

U dallua francezi Adrian Rabio, ndërsa debutoi sulmuesi gjerman, Fulkryg, që u mor tani në janar.

“La Gazeta delo Sport” raporton në mënyrë telegrafike: Shigjetë nga Milani! Rrufe e Leaos, “djalli” në krye! Mundet Kaljari, dhe kuqezinjtë parakalojnë!

Gjithsesi, Alegri deklaron se është shumë shpejt të flitet për titullin kampion.

“Il Korriere delo Sport” merret shumë me transferimet, sidomos të Napolit, por ka edhe Milan me titullin si lojë fjalësh “I pari I vitit”! Milani ka 38 pikë në krye të Serisë A pas 17 ndeshjeve, Interi ka 34 e Napoli 33 me nga një ndeshje më pak.  / abcnews.al /

Është padyshim i rikthyer, dhe po merr vlerësimet e duhura.

Armando Broja e ka lënë pas periudhën shumë të vështirë, dhe më kryesorja dëmtimet e shumta, ndërsa u përfshi në formacionin e javës në Premier Ligën angleze nga media të caktuara.

Faqja e specializuar e statistikave “Who Scored”, I jep notën 7.45 dhe I bën vend në 11 më të mirët e xhiros së 19-të të kampionatit.

Sulmuesi i kombëtares shqiptare asistoi golin e vetëm të skuadrës së tij, Bërnli, në humbjen 1-3 në shtëpi ndaj Njukasëllit.

Pavarësisht disfatës, ylli kuqezi u paraqit mirë dhe u vlerësua lart.

Në vetëm tri ndeshjet e fundit, ai ka shënuar fillimisht gol, dhe më pas ka shërbyer pasim për golin, në një seri që nuk e kishte që nga koha kur luante tek Sauthemptoni shumë vite më parë, dhe kur ishte ende 19 vjeç.

BBC britanike vlerëson se Broja ka në këto tri sfida më shumë kontribut në fushë sesa në 47 sfidat e kaluara, kur ishte tek Çelsi, Fulhami dhe Evertoni.

Në sezon, ai ka një rrjetë dhe dy asiste, përfshi edhe pasimin për rrjetën e shënuar në Kupën e Ligës angleze.

Për më tepër, trajneri Skot Parker, ka nisur ta aktivizojë gjithnjë e më shumë si titullar, dhe kështu ka ndodhur në katër nga pesë përballjet e fundit në Premier Ligë.  / abcnews.al /

Read More...

Pas përfundimit të festave të fundvitit të kaluara në vendlindje, ka nisur largimi i emigrantëve shqiptarë drejt Italisë dhe vendeve të tjera të Bashkimit Europian, ku ata punojnë dhe jetojnë prej vitesh. Gjatë kësaj të shtune, rreth 1 mijë persona janë imbarkuar në tragetin e linjës Vlorë–Itali, ndërsa autoritetet portuale bëjnë me dije se fluksi i udhëtarëve pritet të vijojë edhe gjatë dy-tre ditëve në vijim.

Qytetarët shqiptarë që kanë kaluar festat pranë familjeve të tyre shprehen se largohen me emocione të forta, duke vlerësuar mikpritjen dhe atmosferën festive në Vlorë dhe në gjithë Shqipërinë.

Ndërkohë, për të menaxhuar fluksin e udhëtarëve, autoritetet portuale kanë shtuar numrin e sporteleve dhe të efektivëve, për të shmangur radhët e gjata dhe për të siguruar një proces më të rregullt në imbarkim.  / abcnews.al /             

Prej disa ditësh, familjarët e Ali Avdollit, 82 vjeç, janë në ankth dhe në kërkim të tij, pasi i moshuari, i cili vuan nga demenca, rezulton i humbur që prej datës 31 dhjetor.

Sipas informacioneve të familjes, ai është parë për herë të fundit në zonën e Krrabës, pranë Çezmës së Kasinës. Që nga ai moment, familjarët kanë vijuar kërkimet pa ndërprerje, por deri më tani nuk kanë arritur të gjejnë asnjë gjurmë të tij.

Shqetësimi është shtuar edhe për faktin se i moshuari, në pamje të parë, duket normal dhe flet qetë, çka krijon dyshimin se ai mund të jetë ndihmuar nga persona të paqartë dhe të jetë transportuar me automjet, pa u kuptuar se vuante nga probleme shëndetësore.

Familjarët u bëjnë apel qytetarëve që, nëse e kanë parë, e kanë marrë në makinë apo e kanë lënë diku tjetër, në fshat, qytet apo përgjatë rrugëve, të kontaktojnë menjëherë.
Numrat e kontaktit janë: 069 202 4777, 069 209 6572
Çdo informacion mund të jetë vendimtar për gjetjen e tij. / abcnews.al /

Ministri i Jashtëm i Iranit, Abbas Araghchi, e cilësoi  si “të pamatur dhe të rrezikshme” deklaratën e presidentit amerikan Donald Trump, i cili paralajmëroi se Shtetet e Bashkuara do të ndërhyjnë nëse protestuesit paqësorë në Iran vriten.

Reagimi i Araghchi-t erdhi pasi Trump shkroi në rrjetet sociale se Uashingtoni “do t’u vijë në ndihmë” protestuesve që po marrin pjesë në demonstratat kundër gjendjes ekonomike në Iran, duke shtuar se SHBA-të janë “të gatshme dhe në pozicion veprimi”. Ministri iranian la të kuptohet se forcat e armatosura të Iranit janë në gatishmëri dhe “dinë saktësisht ku të godasin” në rast të një sulmi. Ai theksoi se Irani do të refuzojë me forcë çdo ndërhyrje në punët e tij të brendshme.

Sipas raportimeve, të paktën tetë persona kanë humbur jetën gjatë protestave njëjavore në disa qytete të vendit. Trump deklaroi të premten se “nëse Irani qëllon dhe vret në mënyrë të dhunshme protestuesit paqësorë, siç është zakoni i tyre, Shtetet e Bashkuara do të ndërhyjnë”, pa sqaruar se çfarë veprimesh konkrete mund të ndërmerren.

Më herët, SHBA-të kanë kryer sulme ndaj objekteve bërthamore iraniane, të cilat u pasuan nga një sulm hakmarrës iranian ndaj një baze amerikane në Katar.

Ndërkohë, një zëdhënës i policisë iraniane deklaroi se forcat e rendit nuk do të lejojnë që “armiqtë” të shndërrojnë trazirat në kaos. Protestat janë përhapur në disa qytete dhe qyteza, ku janë raportuar përplasje mes forcave të sigurisë dhe demonstruesve.

Protestat nisën në Teheran, pasi tregtarët u zemëruan nga rënia e mëtejshme e vlerës së monedhës kombëtare, rialit, kundrejt dollarit amerikan. Më pas, demonstratat u zgjeruan me përfshirjen e studentëve te universiteteve  dhe u shoqëruan me thirrje kundër udhëheqjes fetare të vendit.

Këto janë protestat më të medha ne Iran që nga kryengritja e vitit 2022, e nxitur nga vdekja në paraburgim e Mahsa Amini-t,  nje aktivisteje Iraniane qe u dhunua per vdekje per mosmmbajtjen sic duhet te shamise.

Presidenti iranian Masoud Pezeshkian ka deklaruar se do të dëgjojë “kërkesat legjitime” të protestuesve, ndërsa Prokurori i Përgjithshëm Mohammad Movahedi-Azad paralajmëroi se çdo përpjekje për destabilizim do të përballet me një “përgjigje vendimtare”. Ndërkohë, ambasadori i Iranit në OKB, Amir-Saeid Iravani, i ka kërkuar Këshillit të Sigurimit të dënojë deklaratat e Trump, duke paralajmëruar se SHBA-të do të mbajnë përgjegjësi të plotë për çdo përshkallëzim të situatës.  / abcnews.al /

Monedha europiane  mbetet e dobët përballë lekut edhe në nisje të këtij vitit.Sipas kursit zyrtar të Bankës së Shqipërisë monedha europiane  po këmbehet me 96.77 lekë një prej niveleve më të ulëta të regjistruara ndonjëherë.Banka e Shqipërisë planfikon të tërheqë deri në 450 milionë euro nga tregu gjatë vitit 2026. Ajo do të shtojë ndërhyrjet,   ku sipas kalendarit te publikuar pritet te terhiqen rreth 100 milione euro me shume se planifikimi per kete vit. Nderhyrjet kryhen per efekt te reserves valutore por edhe me qëllim stabilizimin e kursit te kembimit.Në total janë rreth 26 anakande që janë planifikuar pjesa më e madhe e të cilave planifikohen të realizohen gjatë verës ku edhe qarkullimi I monedhës europiane është më i madh.

Ndërkohë nga të dhënat Banka Qendrore ka kryer blerje të konsiderueshme të valutës edhe gjatë vitit 2025 dhe deri në fund të 9-mujorit, këto blerje kishin vlerën e rreth 800 milionë eurove,

Por pavarësiht kësaj kursi euro-lek vijoi të mbetet ei dobët.

Nëse bëjmë një krahasim me të njëjtën periudhë të një viti më parë monedha europiane ka pësuar një dobësim me gati 2 pikë pasi këmbehej me rreth 98,46 lekë.

Kundrejt të njëjtës datë të vitit të kaluar, kursi Euro-Lek rezulton në rënie me 2.1%.

Kjo situatë sipas agjentëve të këmbimit valutor ka ardhur pasi  në ditët e fundit në treg po qarkullon sasi e shtuar  e valutës së huaj, çka përfaqëson një tendencë pak a shumë të zakonshme sezonale. Kjo ndikohet më së shumti nga kthimi i emigrantëve për festat e fundvitit duke sjellë më të ardhura pranë familjeve të tyre.Por edhe si pasojë e prurjeve nga turistët.  / abcnews.al /

Shtetet e Bashkuara kanë kryer një sulm sot në 3 janar ndaj disa objektivave në Venezuelë, përfshirë bazat ushtarake, në orët e para të mëngjesit të së shtunës. Tensionet me Karakasin lidhet edhe me luftën kundër narkotrafikut.

Operacioni i parë i njohur i SHBA-së brenda territorit venezuelan, një sulm me dronë ndaj një strukture portuale në bregun e vendit, u krye në fillim të dhjetorit nga Agjencia Qendrore e Inteligjencës (CIA). Presidenti Donald Trump deklaroi më 26 dhjetor se “është një strukturë e madhe nga e cila nisen anijet… zona ku ngarkohen drogërat…e  tani nuk ekziston më”. CNN konfirmoi se operacioni u drejtua nga CIA.

Që nga fillimi i vitit 2025, Trump autorizoi CIA-n të kryente operacione në Amerikën Latine, por deri tani sulmet e SHBA-ve ishin kryesisht detare, duke shkatërruar mbi 30 anije dhe shkaktuar rreth 80 viktima. Sulmi në Venezuelë shkatërroi një mol dhe disa anije të ankoruara, pa shkaktuar viktima. Një burim anonim i CNN tha se operacioni kishte karakter kryesisht simbolik, pasi mjetet portuale janë vetëm një nga shumë përdorimet për trafik droge nga grupi Tren de Aragua, që dërgon drogën drejt SHBA-ve dhe Evropës.

Historia e ndërhyrjeve amerikane në Amerikën Latine

SHBA-të dhe CIA kanë një histori të gjatë ndërhyrjesh në Amerikën Latine, shpesh të fshehta. Që nga fundi i shekullit XIX, me Luftërat e Bananeve në Amerikën Qendrore, për të mbrojtur interesat e kompanive amerikane.

1823 – Doktrina Monroe: Presidenti James Monroe deklaroi se “Amerika është për amerikanët”, duke paralajmëruar fuqitë evropiane të mos ndërhynin në hemisferën perëndimore.

1904 – Korolari Roosevelt: SHBA rivendikoi “të drejtën e ndërhyrjes” në çështjet e brendshme të vendeve latino-amerikane.

1934 – Politika e Fqinjësisë së Mirë: Presidenti Franklin D. Roosevelt premtuan mosndërhyrje, që u ndërpre gjatë Luftës së Ftohtë për të ndaluar ndikimin sovjetik.

CIA mori pjesë në shumë grushtshtete dhe operacione antikomuniste:

Guatemala (1954): mbështeti grushtshtetin ndaj presidentit Arbenz.

Kubë (1961): Invasioni i dështuar i Gjirit të Derrave kundër Fidel Castros.

Brazil, Ecuador, Bolivia (1960–1971): Financimi i qeverive ushtarake dhe grushtshteteve.

Operacioni Condor (1970–’80): mbështetje për diktatura në Kili, Argjentinë, Brazil, Uruguay, Paraguay dhe Bolivia; përndjekje, tortura, zhdukje të kundërshtarëve politikë.

El Salvador (1981): masakër e rreth 1000 civilëve në fshatin El Mozote.

Grenada (1983) dhe Panama (1989): operacione ushtarake për të rrëzuar qeveri marksiste dhe për arrestimin e Manuel Noriegas.

Rasti i Venezuelës

Venezuela nuk është Panamaja; një pushtim tokësor i SHBA-ve nuk duket praktik. Strategjia e Trump synon presionin për të detyruar presidentin Nicolás Maduro të dorëzohet ose të largohet drejt një vendi aleat (Rusi, Kinë, Kubë). Por Maduro qëndron i vendosur, duke nxitur një “fazë të armatosur të revolucionit” dhe duke mobilizuar qytetarët për mbrojtjen kombëtare përmes Komiteteve Integrale të Bazës Bolivariana, që do të shërbejnë si rrjet spiunimi dhe organizim social.

‘Lufta’ mes Karakasit dhe Uashingtonit duket se do të jetë e gjatë, duke rrezikuar qytetarët e zakonshëm dhe mijëra të burgosurit pa gjyq në Venezuelë.

Rio de Janeiro është njohur zyrtarisht nga Libri i Rekordeve Guinness si vendi pritës i festimeve më të mëdha të Vitit të Ri në botë, pasi autoritetet verifikuan se rreth 2.5 milionë njerëz u mblodhën në plazhin Copacabana për të mirëpritur vitin 2025.

Certifikimi u dha gjatë një ceremonie në bregdet, ku morën pjesë kryetari i bashkisë Eduardo Paes dhe përfaqësuesja e Guinness, Camila Borenstein. Regjistrimi njeh jo vetëm numrin e pjesëmarrësve, por edhe shkallën, prodhimin artistik dhe rëndësinë kulturore të ngjarjes.

Guinness tha se procesi i verifikimit përfshinte një shqyrtim gjithëpërfshirës të të dhënave zyrtare, imazheve ajrore dhe numërimeve me dron për të konfirmuar pjesëmarrjen.

Organizata përmendi gjithashtu aftësinë e Rios për të zbatuar protokollet e sigurisë, masat e qëndrueshmërisë dhe logjistikën në shkallë të gjerë në një vijë bregdetare urbane me popullsi të dendur.

Read More...

Llixhat e Bënjës po ndryshojnë pamje dhe kushte për të pritur sa më mirë vizitorët dhe turistët e shumtë që zgjedhin këtë zonë për bukuritë e saj natyrore dhe ujërat termale.

Lajmin e bëri të ditur kryeministri Edi Rama, përmes një postimi në rrjetet sociale duke ndarë pamje gjatë punës për rinovimin e kësaj zone.

“LLIXHAT E BËNJËS po ndryshojnë pamje e kushte, për të pritur me temena vizitorët e turistët e shumtë në natyrën e tyre magjepsëse.”

  / abcnews.al /

Presidenti amerikan Donald Trump ka deklaruar se presidenti i Venezuelës, Nicolas Maduro, është kapur dhe është nxjerrë jashtë vendit së bashku me bashkëshorten e tij, Cilia Flores.

Përmes një postimi në platformën Truth Social, Trump tha se Shtetet e Bashkuara kanë kryer një “sulm në shkallë të gjerë” ndaj Venezuelës në orët e para të mëngjesit të sotëm.

“Shtetet e Bashkuara të Amerikës kanë kryer me sukses një sulm në shkallë të gjerë kundër Venezuelës dhe udhëheqësit të saj, Presidentit Nicolas Maduro, i cili, së bashku me bashkëshorten e tij, është kapur dhe është nxjerrë jashtë vendit,” shkruan Trump.

Ai shtoi se operacioni është kryer në bashkëpunim me agjencitë amerikane të zbatimit të ligjit dhe se detaje të mëtejshme do të bëhen publike më vonë.

Trump njoftoi gjithashtu se një konferencë për shtyp do të mbahet sot në orën 11:00 (ora lokale) në Mar-a-Lago.

Deri në këto momente, nuk ka një konfirmim zyrtar nga Shtëpia e Bardhë, Pentagoni apo autoritetet venezueliane lidhur me pretendimet e bëra nga Donald Trump.