Ina dhe Keijsi kanë shkëmbyer mbrëmjen e djeshme një puthje në buzë.

Në një intervistë për Shqipëria Live në Top Channel, motra e Keijsit u shpreh se nuk e priste që kjo të ndodhte, por shtoi se nëse ata e kanë ndjerë, atëherë është çdo gjë në rregull.

“Nuk e prisja fare, por nëse e kanë ndjerë për ta bërë atëherë është në rregull”, tha Sara.

Sa i përket komenteve në rrjet për këtë puthje, ajo tha se janë dy të rinj që kanë të drejtën e botës të puthen, dhe se askujt nuk i bëjnë dëm.

“Secili ka një koment për të dhënë, dhe jemi të lirë. Mos ta specifikojmë këtë puthjen e Keijsit sikur çfarë ka ndodhur sepse ka të drejtë të puthet më kë të dojë kur pëlqehen, po puthen dy individë që janë në moshën më të bukur, kanë ndjesitë e tyre, hormonalisht janë shumë të ndezur se janë të rinj, ajo puthje nuk i bën kaq dëm të madh askujt, përveç atyre të dyve nuk prek askënd tjetër ajo puthje”, u shpreh ajo.

Ndërkohë në dhomën e rrëfimit, pas puthjes Keijsi tha: Më e bukura e puthjes ishte se ishte pas një debati shumë të madh.

“Ky ishte emocioni më i fortë që kam kaluar deri tani, e ndjeva dhe e bëra, shumë e thjeshtë”, u shpreh Ina nga ana tjetër.

The post “Nuk e prisja fare”, puthja në buzë me Inën, motra e Keijsit: Nuk i bëjnë dëm askujt, janë të rinj dhe janë hormonalisht të ndezur appeared first on Albeu.com.

Presidenti ukrainas, Volodymyr Zelensky, tha se i ka kërkuar udhëheqësit amerikan, Donald Trump, që t’i japë më shumë raketa Patriot dhe sisteme të tjera të mbrojtjes ajrore gjatë takimit të tyre në Davos të Zvicrës më 22 janar, teksa të dërguarit amerikanë po përgatiten për bisedime të tjera në Moskë me presidentin rus, Vladimir Putin.

Zelensky gjithashtu e përmendi mundësinë e bisedimeve trepalëshe mes ekipeve ruse, ukrainase dhe amerikane në Emiratet e Bashkuara Arabe më 23-24 janar.

Trump dhe Zelensky u takuan për më shumë se një orë në Forumin Ekonomik Botëror në Davos, në bisedime që Trump i përshkroi si pozitive.

“Takimi me presidentin Zelensky ishte i mirë. Do të shohim se çfarë rezultati do të dalë”, tha Trump, gjatë një prononcimi të shkurtër për gazetarë, duke shtuar se mesazhi i tij për Putinin është: “Lufta duhet të përfundojë”.

Pak pas këtyre deklaratave të Trumpit, Zelensky mbajti një fjalim, që u pasua nga një sesion i shkurtër i pyetjeve, kur ai tha se mesazhi i tij kryesor është se Ukraina ka nevojë për mbrojtje shtesë kundër sulmeve ruse me dronë dhe raketa, që kanë lënë deri në 1 milion njerëz pa ngrohje dhe energji elektrike në kohën kur temperaturat janë nën zero.

“Fjalët e mia të fundit… për presidentin Trump [ishin]: Mos harroni mbrojtjen ajrore, mos harroni Patriotët”, tha Zelensky. “Kjo është shumë e rëndësishme për ne gjatë këtij dimri”.

Zelensky ka bërë këso thirrjesh shpesh, dhe ai filloi dhe përfundoi fjalimin e tij duke folur për një situatë, ku krizat shoqërohen me deklarata të forta, por pa veprime vendimtare.

“Çdo forum si ky e dëshmon këtë. Vetëm vitin e kaluar këtu në Davos, përfundova fjalimin tim me fjalët: ‘Evropa duhet të dijë si të mbrohet’. Ka kaluar një vit dhe asgjë nuk ka ndryshuar”.

Kjo, tha Zelensky, vlen edhe për Iranin, ku “ka pasur kaq shumë fjalë… por ato u fundosën në gjak”, dhe tha se kjo vlen edhe për përpjekjet për të krijuar një gjykatë ndërkombëtare për krimet e agresionit rus në Ukrainë. Këto përpjekje kanë ngecur.

Duke kritikuar “mungesën e vullnetit politik” në Evropë, ai gjithashtu bëri një krahasim me mënyrën se si forcat detare amerikane kapnin tankerë të flotës në hije, ndërsa “nafta ruse transportohet përgjatë brigjeve evropiane” pa u penguar.

Zelensky përfundoi duke thënë: “Le t’i japin fund kësaj”, dhe se bisedimet për paqe me Rusinë tani po hyjnë në “kilometrin e fundit”.

Kjo fazë përfundimtare nis me delegacionin amerikan, të udhëhequr nga i dërguari i posaçëm, Steve Witkoff, dhe dhëndri i Trumpit, Jared Kusher, që nisen më vonë gjatë së enjtes drejt Moskës për bisedime me Putinin.

Më herët, vetë Witkoff bëri deklarata optimiste gjatë një takimi të zhvilluar në mëngjes, duke thënë se “ne jemi në fund tani. Në të vërtetë jam optimist”.

“Mendoj se e kemi arritur te një çështje, dhe kemi diskutuar aspekte të kësaj çështjeje dhe kjo do të thotë se është e zgjidhshme. Pra, nëse të dyja palët duan ta zgjidhin këtë, do ta zgjidhim”, tha Witkoff.

Në Moskë, zëdhënësi i Kremlinit, Dmitry Peskov, refuzoi të komentonte optimizmin e Witkoffit, duke theksuar vetëm se “diskutimi do të vazhdojë mbi çështjen e zgjidhjes ukrainase dhe tema të tjera të ndërlidhura”.

Kremlini tha se bisedimet do të zhvilloheshin në mbrëmje, ndërsa Witkoff tha se delegacioni amerikan nuk do të qëndronte gjatë natës në Moskë, por do të fluturonte drejt Emirateve të Bashkuara Arabe,

Megjithatë, nuk kishte ende nuk ka deklarata nga zyrtarët rusë ose amerikanë për bisedimet trepalëshe që përmendi Zelensky./rel

The post Zelensky i bën thirrje Trump për më shumë sisteme të mbrojtjes ajrore: Mos harroni raketat Patriot appeared first on Albeu.com.

Për ditën e premte vendi ynë do të ndikohet nga kushte atmosferike relativisht të paqëndrueshme.

Moti parashikohet me vranësira si dhe intervale të herëpashershme me diell (kthjellime). Reshje shiu të herëpashershme me intensitet të ulët përgjatë ultësirës perëndimore dhe zonave bregdetare të vendit. Lokalisht shtrëngata afatshkurtra.

Temperaturat maksimale parashikohet të arrijnë deri në 15 gradë celcius, ndërsa ato minimale në -1 gradë celcius. Era do të fryjë me drejtim verilindje-juglindje, me shpejtësi mesatare 5 m/s, përgjatë vijës bregdetare dhe zonat luginore era me shpejtësi deri në 10 m/s.

Valëzimi në detet Jon dhe Adriatik do të jetë i forcës 1-3 ballë.

The post Ditët e ftohta mbërthejnë vendin, ja çfarë pritet të ndodh nesër me motin appeared first on Albeu.com.

Ditën e sotme një barakë e vjetër është përfshirë nga flakët, ku jetonte një 80-vjeçar. Si pasojë e zjarrit, shtetasi Sefer Balina ka pësuar djegie të konsiderueshme në trup.

Menjëherë pas mbërritjes në Spitalin Rajonal të Shkodrës, i moshuari është transportuar me urgjencë drejt Tiranës për mjekim të specializuar, për shkak të plagëve të rënda dhe djegieve të shkallës së tretë që ka pësuar.

Ende mbeten të paqarta shkaqet e zjarrit që përfshiu barakën ku ai jetonte. Kanë qenë fqinjët ata që kanë konstatuar flakët dhe kanë njoftuar menjëherë shërbimin zjarrfikës, i cili ka ndërhyrë duke lokalizuar dhe shuar vatrën e zjarrit.

Po ashtu, fqinjët kanë lajmëruar menjëherë shërbimet e urgjencës, ndërsa një ambulancë ka bërë transportimin e të dëmtuarit fillimisht drejt spitalit të Shkodrës dhe më pas drejt kryeqytetit.

The post Përfshihet nga flakët një barakë në Shkodër, pëson djegie të rënda 80-vjeçari appeared first on Albeu.com.

Shtyhet seanca gjyqësore në GJKKO për ish-presidentin e Republikës, Ilir Meta.

Mësohet se sot prokurorët kanë lexuar një pjese të parashtrimeve të tyre.

Gjatë seancës ka pasur edhe debate mes palëve përsa u përket provave.

Pas mbarimit të seancës, avokati i Metës, Kujtim Cakrani, u shpreh para mediave se kjo seancë e sotme vërtetoi se akuza nuk qëndron dhe se beteja mbetet e hapur.

“Gjatë seancës, u vërtetua se akuza nuk qëndron. Beteja mbetet e hapur.

Ne do takohemi në datën 29. Shpresojmë të jetë vendimtare dhe pastaj radhën e kanë avokatët dhe do shprehim parashtrimet tona”, tha avokati i presidentit të PL, Ilir Meta.

The post Shtyhet seanca gjyqësore ndaj Ilir Metës, ja kur do mbahet gjyqi i radhës appeared first on Albeu.com.

Proshuta dhe mishrat e tjerë të përpunuar vijojnë të jenë pjesë e përditshme e tryezës së shumë familjeve, por sipas Organizatës Botërore të Shëndetësisë (OBSH), këto produkte nuk konsiderohen më ushqim i padëmshëm.

OBSH i ka klasifikuar mishrat e përpunuar në Grupin 1: kancerogjene për njerëzit, i njëjti nivel rreziku ku përfshihen edhe substanca si tymi i duhanit dhe asbesti.

Ky vlerësim bazohet në prova të mjaftueshme shkencore te njerëzit, me lidhjen më të fortë me kancerin kolorektal.
Në këtë kategori përfshihen produktet e përpunuara përmes kriposjes, kurimit, fermentimit, tymosjes apo metodave të tjera ruajtjeje, si:
– proshuta (e gatuar dhe e gjallë),
– salsiçet,
– mishi i konservuar,
– dhe produkte të ngjashme.

OBSH thekson se rreziku nuk lidhet me një ushqim apo markë të vetme, por me teknologjinë ushqimore të përdorur në përpunim.

Sipas një prej vlerësimeve më të cituara shkencore, konsumi ditor i 50 gramëve mish të përpunuar rrit rrezikun relativ të kancerit kolorektal me rreth 18%.

Edhe pse kjo rritje mund të duket e moderuar për individin, në nivel popullate ajo përkthehet në një problem serioz të shëndetit publik.

OBSH nënvizon se Grupi 1 përfshin agjentë shumë të ndryshëm, por klasifikimi reflekton forcën e provave shkencore, jo nivelin e menjëhershëm të rrezikut nga ekspozimi.

The post Proshuta dhe salsiçet përbëjnë alarm shëndetësor/ OBSH: Konsumi ditor i 50 gramëve mish të përpunuar rrit rrezikun e kancerit appeared first on Albeu.com.

Një video është publikuar në Instagram-in e Stelinës, ku shihet Keijsi i cili shan me fjalë ofenduese banoren.

Keijsi: Bravo Stelina. Bravo! Të q**sha robt!
Ina: O Keijsi folë mirë mo, çfarë po thua.

Keijsi: Më ler rehat se nuk më plas trapi se ka kamera a e kupton…

The post VIDEO/ “Nuk më plas t*api se ka kamera”, Keijsi shan Stelinën: Bravo, të q**sha robt… appeared first on Albeu.com.

Aktorja dhe prezantuesja Jonida Vokshi është nënë e dy fëmijëve dhe vazhdon të jetë aktive në karrierën e saj televizive.
Ajo ka realizuar një edicion të “Big Brother VIP Kosova” edhe gjatë një shtatzënie të mëparshme.

Së fundmi, kanë qarkulluar zëra se Jonida mund të jetë sërish shtatzënë dhe në pritje të fëmijës së tretë.

Këto aludime kanë lindur ndërkohë që ajo po moderon edicionin e katërt të “Big Brother VIP Kosova

Deri më tani, nuk ka asnjë konfirmim zyrtar nga vetë Jonida Vokshi lidhur me këtë çështje. Ajo nuk ka bërë asnjë deklaratë publike dhe informacionet mbeten të pakonfirmuara.

The post Jonida Vokshi sërish në pritje të ëmbël? Ja çfarë ka postuar prezantuesja në rrjete që nxiti aludimet… appeared first on Albeu.com.

Deputeti i Partisë Demokratike Gazment Bardhi ka reaguar ndaj largimit të kryeministrit Edi Rama nga salla e Kuvendit, pa votuar marrëveshjen, pavarësisht se, sipas tij, ai e përdori atë për retorikë politike.

Në një postimin e tij, Bardhi shkruan se Rama nuk beson realisht te marrëveshja dhe as te “arkitekti i saj”, presidenti Donald Trump, ndërsa shton se kryeministri e shfrytëzoi situatën për sulme ndaj opozitës dhe për të mbuluar, sipas tij, mungesën në Forumin e Davosit.

The post Largimi i Kryeministrit nga salla e Kuvendit/ Bardhi: E përdori marrëveshjen për show politik dhe iku pa votuar appeared first on Albeu.com.

Gjykata e Posaçme e Apelit ka vendosur këtë të martë të lërë në fuqi dënimin ndaj Dritan Lleshit, i shpallur fajtor për premtimin e një vendi pune në shtet kundrejt pagesës së parave.

Lleshi kishte kërkuar rishikimin e çështjes, por trupa gjykuese vendosi të mos ndryshojë vendimin e dhënë më herët, duke e dënuar përfundimisht me 8 muaj burgim.

Përveç dënimit me burg, ai është detyruar të paguajë edhe shpenzimet procedurale, të cilat kapin vlerën e rreth 40 mijë lekëve.

Fillimisht, Gjykata e Shkallës së Parë e kishte dënuar Lleshin me 1 vit burg, por për shkak të gjykimit me procedurë të shkurtuar, dënimi iu ul në 8 muaj.

Sipas vendimit, Lleshi do ta vuajë dënimin pasi vendimi të marrë formë të prerë dhe do të dërgohet në një burg të zakonshëm për të rritur.

Gjykata ka vendosur gjithashtu që një telefon celular, i sekuestruar gjatë hetimeve, t’i kthehet pronarit të tij.

“Aparati telefonik celular i markës ‘Samsung Galaxy J3 Eclipse’, me ngjyrë të zezë, t’i kthehet shtetasit A.N.”, thuhet në vendimin e Gjykatës.

Nga hetimet rezultoi se në vitin 2019, Dritan Lleshi i kishte premtuar një gruaje se do të punësonte djalin e saj si inspektor mjedisi në Fier, kundrejt shumës prej 400 mijë lekësh.

Fillimisht kishte marrë 200 mijë lekë kapar, duke premtuar se punësimi do të realizohej në qershor, por më pas afati ishte shtyrë për në shtator të po atij viti.

Lleshi pretendonte se kishte lidhje në Ministrinë e Brendshme dhe se përmes tyre mund të ndikonte në fitimin e konkursit për një vend pune në Fier ose Lushnjë, por punësimi nuk u realizua kurrë.

The post Donte t’i gjente djalit punë si inspektor mjedisi në Fier/ Apeli lë në fuqi dënimin për Dritan Lleshin appeared first on Albeu.com.

Këtë të enjte, Kuvendi ka ratifikuar projektligjin e qeverisë për pjesëmarrjen e Shqipërisë në “Bordin e Paqes”, nismë e presidentit Trump për t’i dhënë fund konfliktit në Gaza dhe Lindjen e Mesme.

Projektligji u votua nme 113 vota pro dhe vetëm 1 abstenim, votë e deputetit të Lëvizja Bashkë, Redi Muçi.

Javën tjetër pritet që kryeministri Rama të udhëtojë në SHBA, ku do të marrë pjesë në Shtëpinë e Bardhë në tryezën e Bordit, tryeza e parë ku Trump do të shpalosë planin e tij për të konkretizuar paqen dhe rindërtimin e Gazës.

The post Miratohet në parlament pjesëmarrja e Shqipërisë në “Bordin e Paqes” me 113 vota pro appeared first on Albeu.com.

Mesfushori i Barcelonës, Pedri do të qëndrojë jashtë fushave për një muaj. Pas kontrollove mjekësore, konfirmohet dëmtimi i tij dhe do të humbasë të paktën gjashtë ndeshje, katër në LaLiga (Real Oviedo, Elçe, Majorka dhe Girona), një në Ligën e Kampioneve (Kopenhagën) dhe një në Kupën e Mbretit (Albasete).

Një humbje e madhe për Hansi Flik dhe Barçën, por të paktën dëmtimi i yllit 23-vjeçar duket më i lehtë se sa mendohej në fillim.

The post Dëmtimi i yllit spanjoll, do të humbasë të paktën 6 ndeshje të rëndësishme me Barcelonën appeared first on Albeu.com.

Presidentja e Republikës së Kosovës, Vjosa Osmani, ka nënshkruar sot në Davos Kartën e Bordit të Paqes, duke e bërë Kosovën anëtare themeluese, të barabartë dhe me të drejta të plota në këtë organizatë ndërkombëtare, krah për krah me Shtetet e Bashkuara të Amerikës.

Në një postim në Facebook, Osmani ka theksuar rëndësinë e rolit udhëheqës të SHBA-së në garantimin e paqes globale, duke e cilësuar këtë hap si moment historik për Kosovën.

“Kur Amerika udhëheq, paqja është gjithmonë më e sigurt”, ka shkruar Osmani.

Ajo ka bërë të ditur se anëtarësimi në organizata ndërkombëtare të paqes të udhëhequra nga aleati strategjik i Kosovës forcon sovranitetin dhe pozitën ndërkombëtare të vendit.

“Anëtarësimi në organizata ndërkombëtare të paqes e që udhëhiqen nga aleati ynë strategjik, fuqizon sovranitetin tonë, pozicionin tonë ndërkombëtar, si dhe është në interesin më të lartë të Republikës së Kosovës”, ka theksuar presidentja.

Sipas Osmanit, marrëveshja do t’i dërgohet Kuvendit të Kosovës për ratifikim, në përputhje me Kushtetutën, për të marrë miratimin përfundimtar të përfaqësuesve të popullit.

“Kjo marrëveshje historike do t’i dërgohet Kuvendit të Kosovës për ratifikim, në përputhje me kushtetutën e Kosovës”, ka shtuar ajo.

Presidentja e Kosovës ka falënderuar gjithashtu Presidentin e Shteteve të Bashkuara për ftesën dhe lidershipin e tij në këtë proces.

“Faleminderit Presidentit Trump për lidershipin e tij dhe për ftesën që ta përfaqësoj Republikën e Kosovës në këtë moment historik”, ka shkruar Osmani.

Në përmbyllje, ajo ka ritheksuar angazhimin e Kosovës për paqen.

“Kosova do të jetë në shërbim të paqes, sot e përherë”, ka përfunduar presidentja.

The post Osmani: Kosova nënshkruan Kartën e Bordit të Paqes, marrëveshja dërgohet për ratifikim në Kuvend appeared first on Albeu.com.

I pandehuri Petrit Qoli, është marrë në pyetje nga SPAK në kuadër të procesit për “Plumbin e artë”, ndërkohë që akuzohet si i përfshirë në vrasjen e Fatmira Dedës, ndërkohë ka dhënë detaje mbi aktivitetin e tij profesional ndër vite, burimet e të ardhurave dhe lidhjet familjare.

Ai deklaroi se nga viti 2002 deri në 2013 ka punuar si kapiten anijeje peshkimi, duke pasur në pronësi anijet “Dibra” dhe “Sazani”.

Ai shtoi se ka përfunduar edhe Fakultetin e Drejtësisë në universitetin “Kristal”, ndërsa paralelisht është marrë me ndërtim, duke ndërtuar 8–9 pallate.

“Më vjen turp ta them, por kam edhe fakultet Juridiku. Ndërkohë jam marrë edhe me ndërtim dhe kam bërë disa pallate”, u shpreh Qoli. I pyetur nga prokurori Behar Dibra mbi nisjen e aktivitetit në ndërtimtari, Qoli tha se ideja i kishte ardhur nga kushëriri i tij, Mustafa Laço, ndërtues prej vitesh. Ai sqaroi se ndërtimin e parë e kishte realizuar pranë zonës së gropës arkeologjike, pas Pallatit të Kulturës, duke deklaruar se kishte në dispozicion rreth 300 mijë marka, të siguruara nga aktiviteti i peshkimit.

Sa i përket vëllait të tij, Festim Qoli, i pandehuri tha se ai kishte pasur disa biznese, si bar-kafe dhe palestër, të cilat i kishte ndërtuar vetë. Sipas tij, Festimi ishte marrë edhe me tregti makinash të dubluara dhe kishte lidhje me shtetas italianë. “Është fatkeqësi për familjen tonë”, u shpreh Qoli, duke shtuar se nuk kanë punuar kurrë bashkë.

Ai foli edhe për kushëririn e tij Agron Qoli, të cilin e përshkroi si “djalë model” dhe ndërtues, por theksoi se nuk kanë pasur bashkëpunime biznesi. Gjatë dëshmisë, Qoli pranoi se ka udhëtuar shpesh jashtë shtetit për shkak të aktivitetit të tij me anije peshkimi, ndërsa për Festim Qolin deklaroi se kishte lidhje familjare me një shtetase bullgare të pasur, e cila merrej me tregtinë e inerteve dhe zotëronte edhe pasaportë britanike. Në fund, Qoli theksoi se të gjitha pronat i ka të hipotekuara dhe se ndërtimet i ka ndjekur personalisht. “Nuk hidhej beton pa qenë unë aty. Jam autodidakt”, përfundoi ai.

DËSHMIA

Qoli: Nga 2002 deri në 2013 kam patur anije peshkimi, kam punuar si kapiten anijeje. Anija ‘Dibra’ dhe ‘Sazani’. Më vjen turp ta them, por kam edhe fakultet juridik, te Kristali. Ndërkohë kam bërë dhe 9 pallate, jam marrë edhe me ndërtim.

Behar Dibra: Idenë për ndërtimtari, nga e more?

Qoli: Kam kushëri Mustafa Laçon. Është ndërtues, duhet të jetë 80 vjeç. I thashë kam 300 mijë marka. Ndërtimin e parë e kam bërë te gropa arkeologjike, mbrapa Pallatit të Kulturës.
Prokurori Dibra: Ku i gjete këto lekë?

Qoli: Nga peshkimi, kam patur gjithmonë anije të thashë. Kam një vëlla që mos e paça, Festim Qolin. Edhe motër, Rezana Qoli.

Prokurori Dibra: Ndërkohë që ju merreshit me peshkim vëllai me çfarë merrej?

Qoli: Kishte 5 biznese, bar kafe, palestër. Unë ia kisha ndërtuar. Festimi ka qenë mjeshtër për makinat e vjedhura. Gjithmonë është marrë me tregti makinash, të dubluara. Kishte shumë miq italianë. Më pas u shtrëngua puna. Ku e di unë ku i njohu italianët. Kisha blerë një truall në Rruzhbull.

Prokurori: Kush është Agroni?

Qoli: Agron Qoli është çuni xhajës tim. Është djalë model, pas meje, por nuk e kam shok. Merret me ndërtimtari. Nuk kemi punuar bashkë.

Unë kam bërë 8-9 pallate. Edhe xhaminë në Rruzhbull. Me Festimin nuk kemi punuar, e kam vëlla, por është fatkeqësi për familjen tonë.

Prokurori: A kishte të ardhura Festimi?

Qoli: Unë nuk jam ekonomisti i Festimit, por kishte lokal dasmash, normale që kishte para.

Prokurori:Ke dalë jashtë shtetit?

Qoli: Po sigurisht, unë kisha anije. Unë di që Festimi ka një vajzë shumë të pasur bullgare. Di që ka edhe pasaportë angleze. Ajo është shumë e pasur, shet inerte ndërtimi. Nuk ishte e bukur… por.. nuk e di çfarë sheh Festimi tek ajo. Me Festimin shiheshim për iftare dhe për ditëlindje. Ka patur shoqëri me Laertin e Palma Novës. Sapo fillova unë duke ndenjur me të, u ftoh ai. Gjithmonë si Tomi me Jerry kemi shkuar.

Prokurori: Pretendime pronësie keni patur?

Qoli: Unë kam hipotekuar të gjitha apartamentet. Nuk hidhej beton pa qenë unë aty. Unë jam autodidakt.

The post Dyshohet si i përfshirë në vrasjen e Fatmira Dedës/ Vëllai im, fatkeqësi e familjes”, rrëfehet Petrit Qoli: Kam shkollë juridiku… appeared first on Albeu.com.

Na pëlqen të fillojmë çdo vit me një “pastrim garderobeje”. Lëmë pas copëza që nuk na përfaqësojnë më ose që nuk hyjnë në stilin tonë të përditshëm dhe i zëvendësojmë me ato që do të veshim realisht. Si adhurues të xhinseve, vendosëm të fillojmë me tendencat e fundit dhe të shohim nga pasarelat e shtëpive të modës cilat stile ikin dhe cilat vijnë në 2026.

Sipas shtëpive si Balenciaga, Dior dhe Valentino, xhinset me linjë të drejtë (cigarette) rikthehen fuqishëm, duke konfirmuar obsesionin e vazhdueshëm të modës me minimalizmin e viteve ’90. Disa marka, si Ulla Johnson dhe Veronica Beard, investojnë në xhinse bootcut, me një flare më të moderuar se bell-bottom klasikët. Dhe sigurisht nuk mund të lëmë mënjanë xhinset me këmbë të gjera (wide-leg), që vazhdojnë të jenë trend.

Trend-et që lëmë pas dhe ato që vijnë:

The post Pesë trendet e xhinseve që do të veshim në 2026! appeared first on Albeu.com.

Filmat horror tradicionalisht janë lënë pas dore në ceremoninë e ndarjes së çmimeve Oscar, por kur të shpallen nominimet për edicionin e 98-të të çmimeve Oscar të enjten, përralla me vampirë e Ryan Coogler, “Sinners”, mund të bëjë histori.

Nominimet do të lexohen në orën 14:30 CET dhe do të prezantohen nga Danielle Brooks dhe Lewis Pullman.

Shikuesit do të jenë në gjendje ta ndjekin transmetimin drejtpërdrejt në Oscar.com, Oscars.org, platformat dixhitale të Akademisë Amerikane të Filmit dhe në programin “Good Morning America” të ABC-së.

Asnjë film deri më tani nuk ka pasur më shumë se 14 nominime, gjë që u arrit vetëm nga “All About Eve”, “Titanic” dhe “La La Land”. Megjithatë, “Sinners” mundi ta tejkalonte këtë rekord falë nominimeve të shumta për performancën teknike, skenarin dhe regjinë e Coogler, si dhe aktrimin e Michael B. Jordan, që do të ishte nominimi i tij i parë.

Me shumë mundësi do të shoqërohet nga filmi i Paul Thomas Anderson “One Battle After Another”, i cili kaloi gjatë gjithë sezonit të çmimeve pa pengesa të mëdha si favoriti kryesor. Kjo komedi për një baba dhe një vajzë revolucionare mund të fitojë deri në 14 nominime, përfshirë pesë ose edhe gjashtë për aktrim.

Pavarësisht numrit përfundimtar të nominimeve, Warner Bros. është në prag të “performancës” më të mirë të çmimeve Oscar në historinë 102-vjeçare të studios. Si “One Battle After Another” ashtu edhe “Sinners” duhet t’i sjellin Warner Bros. një numër rekord nominimesh, ndërsa studioja përgatitet t’ia shesë Netflix-it.

Më herët këtë javë, Netflix modifikoi ofertën e saj prej 72 miliardë dollarësh për të blerë Warner Bros. Discovery në një ofertë tërësisht në para të gatshme, duke e bërë atë më tërheqëse sesa oferta kokurruese e Paramount Skydance.

Këtë vit, Oscarët po prezantojnë një kategori të re për përzgjedhjen e aktorëve. Ky vlerësim do t’i ndihmojë më tej filmat “Sinners” dhe “One Battle After Another” të rrisin statistikat e tyre tashmë mbresëlënëse.

Dhjetë produksione do të nominohen për filmin më të mirë. Përveç dy favoritëve kryesorë, pritet të konkurrojnë edhe drama familjare norvegjeze “Sentimental Value”, drama shekspiriane “Hamnet” dhe drama sportive “Marty Supreme”.

The post Nominimet për çmimet “Oscars 2026” shpallen sot, “Sinners” mund të bëjë histori appeared first on Albeu.com.

Ka përfunduar seanca në Gjykatën Kushtetuese, në lidhje me pezullimin nga detyra të zv/kryeministres Belinda Balluku, vendim i marrë nga Gjykata e Posaçme.

Në seancën e sotme janë dëgjuar argumentet e palëve në proces, Presidencës, SPAK dhe Qeverisë dhe në përfundim të tyre, kryetarja e Gjykatës Kushtetuese ka deklaruar të mbyllur seancën.

“Deklarojmë mbylljen e shqyrtimit gjyqësor. Trupi gjyqësor tërhiqet për vendim, data dhe ora do t’u komunikohet sipas parashikimeve ligjore” ,tha kryetarja e Gjykatës Kushtetues.

Seanca u mbajt pas ankimimit të kryeministrit Edi Rama, i cili pretendon se me vendimin e pezullimit të Ballukut, gjykata ka shkelur kompetencat e tij si kryeministër.

Rama e dorëzoi ankimin në Kushtetuese në nëntor të vitit të kaluar, ku kërkonte nga Gjykata Kushtetuese që të vlerësojë nëse, masa e pezullimit të vendosur nga GJKKO për Ballukun, përbën cenim të kompetencave kushtetuese dhe balancës së pushteteve, duke justifikuar se një gjykatë speciale nuk ka juridiksion për të pezulluar një anëtar të Këshillit të Ministrave.

Gjykata e Posaçme vendosi më 20 nëntor të vitit të kaluar, që ta pezullonte Ballukun nga detyra dhe të ndalonte udhëtimin jashtë vendit, duke i bllokuar pasaportën, pasi ajo u mor e pandehur për akuzën e shkeljes së barazisë në tendera.

Balluku akuzohet se ka manipuluar dy tendera me vlerë 210 milionë euro, së bashku me vartësit e saj më të ngushtë, Evis Berberi, Gentian Gjyli dhe Erald Elezi, duke favorizuar kompanitë fituese, ndërsa akuzave u është shtuar edhe shkelje e barazisë me tendera në Unazën e Madhe.

Në vrazhdën e këtyre akuzave, Prokuroria e Posaçme, ka dorëzuar në Kuvend edhe kërkesën për heqjen e imunitetit dhe autorizim për arrestimin e Ballukut.

Mbledhja e radhës e Këshillit të Mandateve për imunitetin e saj pritet të mbahet më 28 janar, pas vendimit që pritet të japë Kushtetuesja.

The post Mbyllet seanca në Kushtetuese për Belinda Ballukun: Do njoftojmë për datën e vendimit! appeared first on Albeu.com.

Pas gjithë zhurmës të viteve të fundit, Chiara Ferragni ka shënuar rikthimin e saj në modën ndërkombëtare si imazhin e fushatës globale Guess për verën 2026, një bashkëpunim që vjen pas vendimit nga Gjykata e Milanos në çështjen e njohur si “Pandorogate”. Lajmi u bë publik më 20 janar 2026 nga marka e bashkëthemeluar nga Paul Marciano, vetëm pak më shumë se një javë pas mbylljes së procesit gjyqësor, pas tërheqjes së padive nga palët e dëmtuara.

Fushata, me një estetikë thelbësore dhe frymëzim të fortë nga vitet ’80, është realizuar nga Morelli Brothers. Në qendër të imazheve qëndron xhinsi: Ferragni e cila shfaqet topless dhe siluetë minimaliste, duke interpretuar shpirtin modern dhe të gjithanshëm të koleksionit. Krahas fotove kryesore, fushata përfshin edhe një seri prej rreth dhjetë imazhesh të menduara për rrjetet sociale, disa prej të cilave janë publikuar tashmë. Në to, influencerja dhe sipërmarrësja prezanton edhe aksesorët ikonikë të Guess, mes tyre çanta Camden, e konsideruar It bag e markës.

Partneriteti Guess/Ferragni përkon me 45-vjetorin e markës. Vendimi për bashkëpunim është marrë dhe konkretizuar përpara përfundimit të procesit gjyqësor, duke reflektuar lidhjen e gjatë dhe të konsoliduar mes Paul Marciano dhe Ferragni.

Ky nuk është bashkëpunimi i parë mes tyre. Në vitin 2013, në kohën e “The Blonde Salad”, platforma e lançuar në vitin 2009 nga Ferragni me ish-partnerin Riccardo Pozzoli, Chiara 22-vjeçare ishte protagonistja e Holiday Campaign të Guess. Videot e asaj kohe e tregonin energjike dhe plot ngjyra, duke ndryshuar pamje nën ritmin e këngës “Waves” nga banda britanike Blondfire.

Ndërsa marrëdhënia me Pozzoli përfundoi, miqësia me Marciano mbeti e fortë. Stilisti e kishte të ftuar speciale Ferragni-n në event e tetorit 2025 në Marrakech, ku morën pjesë mbi 800 të ftuar. Në një postim në rrjetet sociale, Marciano shkroi: “Chiara përfaqëson një grua që beson në veten e saj dhe ecën përpara me vendosmëri. E përkryer për këtë koleksion modern, të gjithanshëm dhe plot personalitet.”

Me këtë fushatë, Ferragni nis një kapitull të ri profesional, duke u rikthyer si fytyrë e një brandi ndërkombëtar pas anulimit të shumë kontratave komerciale gjatë periudhës së trazirave mediatike dhe gjyqësore. Rikthimi “nga xhinsi” shënon jo vetëm një zgjedhje stili, por edhe një sinjal rilindjeje për figurën e saj publike.

The post Chiara Ferragni rikthehet fuqishëm: Imazhi i fushatës globale Guess appeared first on Albeu.com.

Ditën e sotme, Prokurorja e SPAK Dorina Bejko, ka argumentuar në Gjykatën Kushtetuese arsyet pse Belinda Balluku, e marrë e pandehur nuk mund të qëndrojë në detyrë.

Në seancën publike të Gjykatës Kushtetuese ku shqyrtohet pezullimi i saj nga detyrë, prokuroria tha se e pandehura ka kryer vepër penale me natyrë të rëndë kriminale.

Sipas prokurores se SPAK, pezullimin nga detyra të Belinda Ballukut e shohim të lidhur me pozicionin e saj si ministre.

“Në rastin konkret vepra penale që ne hetojmë konsiderohen krime të natyrës së rëndë, për shkak të rrezikshmërisë dhe subjekteve që kryejnë ato. Vepra penale që i është atribuuar të hetuarës përfshihet në konceptin e krimit të rëndë.

Jemi para situatës kur e hetuara ka kryer jo një, por disa fakte penale historike që përkthehen në veprën penale të parashikuar nga neni 258 të kodit penal disa herë”, sqaroi prokurorja e SPAK, Dorina Bejko.

Pezullimin nga detyra e shohim të lidhur me pozicionin e saj si ministre.

Ne, SPAK ato dy lloje masa shtrënguese i ka kërkuar në përputhje me rrethanat që kanë ekzistuar në atë moment. Në atë moment SPAK ka konkluduar se nëse e hetuara do vazhdonte të ushtronte detyrën do kryente vepra penale të të njëjtit lloj”, tha Prokurorja e SPAK.

The post Prokurorja e SPAK: Belinda Balluku ka kryer krime të rënda disa herë, pezullimin e shohim të lidhur me pozicionin, nëse do vazhdonte punën si ministre do abuzonte sërish (VIDEO) appeared first on Albeu.com.

15 vite pas zhdukjes misterioze që tronditi opinionin publik shqiptar, një dëshmi e re dhe tepër e rëndë ka rikthyer në vëmendje çështjen e Bleona Matës. Vajza, e cila u zhduk në moshën 6-vjeçare nga fshati Zapot i Kukësit teksa kulloste bagëtinë, dyshohet se është gjallë dhe aktualisht ndodhet në një shtet të Bashkimit Evropian.

Zbulimi i bujshëm u bë publik nga gazetarja Nexhmije Beqiri në Report TV, e cila publikoi rrëfimin e një shtetasi që pretendon se njeh të vërtetën pas zhdukjes së Bleonës. Sipas kësaj dëshmie, rrëmbimi nuk ka qenë i rastësishëm, por është kryer nga një person brenda komunitetit të fshatit.
Burimi pohon se Bleona është rrëmbyer nga një fshatar nga Zapoti dhe më pas është dërguar në fshatin Llakatun të Vlorës, tek vajza e rrëmbyesit, e cila nuk mund të bënte fëmijë.

Pas rreth tre muajsh, familja në fjalë thuhet se është larguar drejt Greqisë së bashku me Bleonën, ndërsa vitet e fundit dyshohet se janë vendosur në Gjermani.

Këto informacione, ende të pakonfirmuara zyrtarisht nga autoritetet, hapin një pistë të re hetimore dhe rikthejnë shpresën për zbardhjen e një prej rasteve më të dhimbshme të zhdukjeve në Shqipëri. Familja e Bleona Matës, e cila prej vitesh kërkon drejtësi dhe të vërtetën, shpreson që dëshmia e re të çojë në veprime konkrete nga institucionet ligjzbatuese, për të verifikuar pretendimet dhe për të mësuar më në fund fatin e vajzës.

The post 15 vite heshtje, një rrëfim i ri ndez shpresat për Bleona Matën, ndodhet në Gjermani? appeared first on Albeu.com.