Kryeministri Edi Rama do të mbledhë të premten, më 9 janar, në Tiranë, të gjithë ministrat e kabinetit të tij, për të diskutuar objektivat dhe prioritetet e qeverisë për vitin 2026.

Mbledhja, e cila do të nisë në orën 10:00 në Pallatin e Brigadave, është konceptuar si një tryezë pune e gjatë për vetëm një ditë, ku do të analizohen programet e punës dhe projektet që qeveria synon të realizojë gjatë këtij viti.

Sipas burimeve, mbledhja do të fokusohet në planifikimin strategjik të sektorëve kyç dhe koordinimin e veprimeve për arritjen e objektivave prioritare të qeverisë.

Mësohet gjithashtu se, një javë më pas, në 16 janar, Rama do të mbledhë edhe Grupin Parlamentar të PS, me qëllim për të koordinuar punën në Parlament.

Situata e vështirë e motit ka sjellë problematika për qytetarët anenkënd rajonit të Ballkanit Perëndimor. Në disa zona, për shkak të reshjeve, është shpallur gjendje e jashtëzakonshme.

Rreth 45 mijë familje në Bosnjë dhe Hercegovinë mbetën pa energji elektrike për shkak të reshjeve të dendura të dëborës.

Autoritetet lokale po raportojnë probleme të shumta në mirëmbajtjen e rrugëve dhe trotuareve në kryeqytet, ku një grua vdiq pasi pësoi lëndime të rënda në kokë nga rënia e një peme për shkak të rëndesës nga dëbora.

Ndërprerje të energjisë elektrike raportohen edhe nga Serbia, ku kushtet e këqija të motit po shkaktojnë vonesa edhe në trafikun ajror.

Krahas reshjeve të dëborës në Malin e Zi, vijon të përkeqësohet situata me përmbytjet nga shirat e rrëmbyeshëm që kanë sjellë rrugë të pakalueshme dhe dëme në bujqësi.

Rrugët janë të kalueshme, por këshillohet të përdoren goma dimërore.

Serbia ka parë më shumë se 25 centimetra borë në disa zona që nga e diela. Rrugët kryesore janë kryesisht të kalueshme, por trafiku i kamionëve është i ndaluar në disa pjesë të vendit.
Në Kroaci ka patur erëra te forta përgjatë bregdetit me fuqinë e një uragani. Për shkak të shirave të rrëmbyeshëm situata është e vështirë edhe në Dubrovnik, ku uji përmbyti anijet.

Situata është e vështirë edhe në kryeqytetin Zagreb, ku ra një sasi e madhe bore, gjë që e vështirësoi lëvizjen e makinave dhe transportit publik. Në rrugë ka borë të ngjeshur e të lagësht, ndërsa për shkak të temperaturave të ulëta, është e mundur të krijohet akull. Bashkëqytetarëve të moshuar me vështirësi në lëvizje, u kërkohet të shmangin lëvizjen derisa kushtet e motit të normalizohen plotësisht.

Rrugët po pastrohen dhe spërkaten me kripë, por trafiku është ngadalësuar. Administrata e Zagrebit u kujtoi qytetarëve që të pastrojnë trotuaret para hyrjeve të tyre përpara se temperaturat të bien më tej.

Në disa zona, rrugët janë pothuajse tërësisht nën ujë, gjë që e vështirëson trafikun si dhe lëvizjen e automjeteve. Ka edhe vonesa në trafikun hekurudhor.

Në Rijekë, Istria dhe Dalmaci dhe anasjelltas mund të qarkullojnë vetëm makinat e pasagjerëve ndërsa janë bllokuar kamionët me rimorkio.

Ekspozimi ndaj temperaturave të ulëta në motin e ftohtë të dimrit mund të shkaktojë efekte të dëmshme për shëndetin dhe të çojë në lëndime, ngrirje dhe hipotermi të përgjithshme të trupit që mund të jenë fatale për jetën, sipas një deklarate publike nga Instituti Kroat i Shëndetit Publik.

Edhe pse Ousmane Dembélé dominoi skenën e vitit 2025, duke fituar Topin e Artë, The Best FIFA dhe Çmimin e Globe Soccer, francezi nuk është aktualisht lojtari me vlerën më të lartë në merkato.

Kjo është përcaktuar nga studimi i fundit i publikuar nga Observatori i Futbollit CIES, i cili merr në konsideratë moshën, paraqitjen, potencialin dhe të dhënat statistikore.

Në krye të listës është talenti i Barcelona-s, Lamine Yamal, vetëm 18 vjeç, i vlerësuar me një shumë marramendëse prej 343.1 milionë eurosh.

Një kërcim mbresëlënës duke pasur parasysh se dymbëdhjetë muaj më parë, vlera e tij ishte 180.3 milionë euro, duke e lënë vetëm të katërtin. Kjo rritje marramendëse konfirmon statusin e tij si një perlë absolute në futbollin botëror.

Ai pasohet nga Erling Haaland, në vendin e dytë me një vlerësim prej 255.1 milionë eurosh: norvegjezi i Manchester City vazhdon të ofrojë shifra dhe qëndrueshmëri mbresëlënëse.

Vendi i tretë shkon për Kylian Mbappé, aktualisht te Real Madrid, me një vlerë të vlerësuar prej 201.3 milionë eurosh. Mosha e tij e avancuar ndikon në renditjen e tij, pavarësisht paraqitjeve të tij të vazhdueshme të nivelit të lartë.

Nga ana tjetër, Jude Bellingham bie nga kreu i renditjes në të katërtin vetëm në një vit, me vlerën e tij që ka rënë afër 100 milionë eurove. Vendet e para i plotësojnë Michael Olise, Florian Wirtz dhe një prani e fortë e PSG-së me Desire Doue dhe Joao Neves.

Në Serie A, Kenan Yildiz i Juventusit kryeson renditjen, i 14-ti me një vlerë prej 121 milionë eurosh. Pas tij janë Lautaro Martinez (Inter, i 19-ti me 109 milionë euro), Rasmus Hojlund (Napoli, 92.8 milionë), Francesco Pio Esposito (Inter, 75 milionë) dhe Alessandro Bastoni (Inter, 62 milionë).

Federata Shqiptare e Futbollit zyrtarizon rinovimin e kontratës me trajnerin e Kombëtares shqiptare, Sylvio Mendes Campos Júnior si edhe me dy zëvendëstrajnerët e tij, Pablo Zabaleta dhe Dorival Guidoni Junior, duke konfirmuar vazhdimësinë e projektit teknik që ka sjellë rezultate historike për futbollin shqiptar.

Kontrata e re me stafin teknik do të jetë e vlefshme deri në korrik 2026, me objektivin madhor kualifikimin për herë të parë në histori të Shqipërisë në fazën finale të Kupës së Botës.

Nën drejtimin e trajnerit Silvinho, Kombëtarja shqiptare ka shënuar një progres të dukshëm në organizim, identitet loje dhe rezultate, duke siguruar për herë të parë pjesëmarrjen në fazën play-off të Botërorit 2026.

Në muajin mars, kuqezinjtë do të luajnë një kapitull historik, duke u përballur në gjysmëfinalen e play-off-it me Poloninë, më 26 mars, ndërsa në rast kualifikimi, në finalen vendimtare do të përballen me fituesin e çiftit Ukrainë – Suedi.

Vendimi për rinovimin e kontratës reflekton besimin e plotë të FSHF-së në stafin aktual, filozofinë e punës së ndërtuar ndër vite dhe angazhimin për stabilitet, vazhdimësi dhe ambicie të larta. Ky hap synon forcimin e mëtejshëm të Kombëtares, rritjen e konkurrencës dhe përfaqësimin sa më dinjitoz të futbollit shqiptar në arenën ndërkombëtare.

Federata Shqiptare e Futbollit mbetet e vendosur të mbështesë maksimalisht Kombëtaren dhe stafin teknik në këtë rrugëtim historik, me synimin për të kthyer ëndrrën e Botërorit në realitet për të gjithë shqiptarët.

Shqipëria vijon të përballet me pasojat e rënda që po lenë pas përmbytjet në shumë qarqe të vendit.

Përmes një reagimi në Facebook, deputeti i PD, Klevis Balliu e lidh situatën e rëndë drejtpërdrejt katastrofën me korrupsionin, abuzimin me fondet publike dhe mungesën e përgjegjësisë shtetërore, duke theksuar se përmbytjet nuk janë më thjesht fenomen natyror, por pasojë e keqqeverisjes.

“Vjedhja dhe korrupsioni janë arsyeja pse vendi përmbytet nga të katër anët jo vetëm nga shirat, por nga keqqeverisja, abuzimi dhe mungesa totale e përgjegjësisë.

Ajo që është edhe më e turpshme është se nga qeveria nuk reagon absolutisht askush. Heshtje e plotë përballë një katastrofe që po përsëritet.

Shqipëria është lënë në mëshirë të fatit”, shkruan deputeti demokrat.

LEXO EDHE: FOTO/ Rama gjen “fajtorin” për përmbytjet: Sigurisht që kur i hedhim plehrat…

Pas reshjeve intensive që përfshinë Durrësin gjatë 48 orëve të fundit, ka nisur puna për trajtimin e familjeve të prekura.

Dhjetëra banorë janë akomoduar në kohë rekord në ambientet e kavaleshencës së Ministrisë së Mbrojtjes dhe asaj të Brendshme.

Ekipet e bashkisë, emergjencat civile dhe Forcat e Armatosura janë angazhuar në disa zona të Durrësit për të larguar ujin dhe për të pastruar rrugët nga mbetjet e sjella nga vërshimi.

Prioritet mbetet mbështetja për çdo familje që ka pasur dëmtime në banesë, ndërsa situata po monitorohet minutë pas minute deri në tërheqjen e plotë të ujit.

Drejtoria Vendore e Policisë Gjirokastër ka njoftuar se për shkak të kushteve të rënduara atmosferike me reshje të dendura shiu, në aksin rrugor “Gjirokastër-Tepelenë” ka ndodhur rrëshqitje e një masivi dheu dhe gurësh.

Si pasojë, qarkullimi i mjeteve në vendin e quajtur “Shkalla e Zezë” po zhvillohet vetëm me një sens lëvizjeje.

Sipas njoftimit zyrtar, strukturat e Policisë së Gjirokastrës, në bashkëpunim me strukturat e Emergjencave Civile dhe Autoritetin Rrugor Shqiptar (ARRSH), po punojnë intensivisht për pastrimin e rrugës dhe normalizimin e qarkullimit.

Ndërkohë, është rritur prezenca e shërbimeve policore në të gjitha akset e qarkut, me punonjës me uniformë dhe automjete të pajisura me fenelina, me qëllim parandalimin e aksidenteve rrugore dhe ofrimin e ndihmës për drejtuesit e mjeteve, në rast nevoje.

Njoftimi:

Edhe qarku i Korçës po përballet me problematika të mëdha si pasojë e reshjeve.

Për shkak të reshjeve intensive, lumi i fshatit Rrëmenj në Pogradec ka dalë nga shtrati duke pushtuar rrugët e banesat.

Situatë e vështirë paraqitet edhe në fshatin Dardhas.

Rrëshqitja e dherave e bëri të pakalueshme rrugën e fshatit e cila ka pësuar çarje. Rrëshqitje që nuk ka kursyer as varrezat e fshatit, poshtë rrugës.

Prezencë të madhe uji edhe në Progër, ku hyrja e fshatit i ngjan një rezervuari.

Mbrojtja Civile ka njoftuar se prezencë uji ka edhe në afërsi të banesave në fshatrat Çiflig Shamoll dhe Denas të qarkut Korçë.

Ndërkohë është çarë argjinatura edhe në përroin e Oshticës ndërsa prurjet e Lumi Dunavec janë po ashtu të konsiderueshme.

LEXO EDHE: Moti i keq në Durrës/ Situata më problematike në Kënetë, 953 banesa dhe 100 ha tokë të përmbytura

Në të gjithë Rrethin e Durrësit janë evidentuar 953 banesa të cilat kanë prani uji brenda dhe nëpër oborret e tyre. Më konkretisht këto banesa gjenden në zonën e ish Kënetës, në lagjen 14 Shkozet, në Zonën e plazhit, në njësitë administrative Manëz dhe Rrashbull.

Janë 160 persona të strehuar në 2 shtëpitë e pushimit, në atë të Ministrisë së Rendit Publik si dhe në atë të Mbrojtjes. Aktualisht janë ngritur 15 grupe pune të cilët po merren me evidentimin e dëmeve të shkaktuara nga shirat. Ndërkohë janë evidentuar gjithashtu edhe 337 biznese të cilat kanë prani uji në mjediset e tyre.

Gjithashtu nën ujë janë edhe sipërfaqe të tëra të tokave bujqësore në Njësitë administrative të Manzës, Sukthit dhe të Katundit të Ri. Janë mbi 100  ha tokë bujqësore nën ujë.

Shkaku i kësaj situate përpos sasisë së madhe të reshjeve të rëna për disa orë rresht pa ndalim, janë edhe mos funksionimi i mirë i rrjeteve kulluese të ujit siç janë tubacionet e kanalizimeve ashtu edhe kanalet e ujërave të bardha. Mosfunksionimi i tyre lidhet me mungesën e mirëmbajtjes dhe pastrimit të tyre në kohë të thatë ose ndryshe në muajt e ngrohtë të vitit. Për këtë shkak doli nga shtrati kanali i ujërave të bardha që shtrihet nga plazhi e përshkon Shkozetin.

Në ndihmë të banorëve të përmbytur po punojnë grupet e emergjencave civile, janë 100 forca me mjetet e tyre përkatëse të dislokuar në Durrës, janë forcat zjarrfikëse të bashkisë si dhe ato të portit detar, janë forcat dhe mjetet e UKD.

Gjithashtu në mbështetje të tyre janë forcat e policisë së rendit si dhe trupa e policisë bashkiake.

Një situatë e rëndë përmbytjesh raportohet në zonat Gramëz dhe Sukth/Vendas, Njësia Administrative Thumanë, Bashkia Krujë, ku disa banesa janë përmbytur dhe familjet kanë mbetur tërësisht të izoluara.

Sipas të dhënave nga terreni, uji ka depërtuar në banesa, ndërsa bagëtitë dhe rezervat ushqimore për to janë përmbytur, duke shkaktuar dëme të konsiderueshme ekonomike dhe rrezik për jetesën e banorëve.

Pavarësisht situatës emergjente, banorët denoncojnë mungesë të plotë ndërhyrjeje nga ana e bashkisë dhe strukturave të Emergjencave Civile.

Në zonë ka qenë i pranishëm edhe deputeti i Partisë Demokratike, Gent Strazimiri, i cili ka inspektuar situatën dhe ka ngritur shqetësimin për neglizhencën institucionale, mungesën e masave parandaluese dhe braktisjen e plotë të banorëve nga shteti.

“Kjo është një situatë alarmante. Nuk kemi të bëjmë me një fatkeqësi natyrore, por me një dështim total të shtetit. Asnjë interesim nga bashkia dhe as nga strukturat e emergjencave civile. Shtëpi tërësisht nën ujë, familje të izoluara, bagëti dhe ushqim bagëtish të shkatërruara. Kjo është pasojë direkte e mosveprimit dhe neglizhencës së qëllimshme të institucioneve. Banorët janë lënë në mëshirë të fatit.”

Sipas dëshmisë së banorit Lekë Çypi, i cili jeton dhe punon në Itali, shkaku kryesor i përmbytjeve është mosmirëmbajtja dhe mospastrimi i rreth 300 metrave kanal kullues, i cili prej vitesh nuk është pastruar nga autoritetet përgjegjëse.

Ai shprehet se në shumë raste është detyruar ta pastrojë vetë kanalin, me shpenzime personale, gjatë pushimeve të tij në Shqipëri.

“E kam bërë vetë pastrimin, me mjetet e mia dhe me paratë e mia, por kjo nuk mund të jetë përgjegjësi e banorëve. Nuk mund ta bëj gjithmonë unë punën e bashkisë dhe të qeverisë”.

Banorët kërkojnë ndërhyrje të menjëhershme, pastrim urgjent të kanaleve kulluese dhe marrje përgjegjësie nga institucionet vendore dhe qendrore, duke theksuar se përmbytjet nuk janë pasojë e motit, por e neglizhencës së vazhdueshme.

LEXO EDHE: FOTO/ Rama gjen “fajtorin” për përmbytjet: Sigurisht që kur i hedhim plehrat…

Kaos në aeroportin e Brindisit në Itali pasi dy fluturime të “Wizz Air”, që ishin nisur për në Tiranë, devijuan për shkak të motit të keq.

Dy avionët, njëri i nisur nga Bolonja dhe tjetri nga Bergamo për në Tiranë, kanë bërë një ulje emergjente në aeroportin e Salentos, ku kanë mbërritur gjatë natës rreth orës 3.

Avionët kanë qëndruar për një kohë të gjatë në hapësirën ajrore shqiptare, në pritje për të kuptuar nëse mund të kryhej ulja në Rinas, por më pas kanë devijuar drejt aeroportit të Brindisit, me karburantin drejt përfundimit.

Situata në Brindisi është tensionuar në orët e para të mëngjesit, kur pasagjerët e devijuar, të cilët sipas informacioneve të aeroportit janë asistuar menjëherë, kanë thyer portat (gate) dhe janë futur në pistë, duke kërkuar përgjigje të menjëhershme nga kompania ajrore.

Por fatmirësisht situata  është zgjidhur.

Lajmin e jep kreu i grupit parlamentar të PS, Taulant Balla, i cili nuk kursen kritikat ndaj kompanisë ajrore “Wizz Air”.

https://europa.eu/…/passenger-rights/air/index_en.htm” 

Teksa vendi po përballet me përmbytje të mëdha, të cilat po lenë dëme të mëdha materiale, kryeministri Edi Rama duket se e ka gjetur fajtorin.

Përmes një postimi në “X”, kreu i qeverisë fajëson qytetarët që hedhin plehrat pa kriter, që sipas tij, sjellin situata të tilla.

Pamjet që ndan kryeministri vijnë nga zona e Shkozetit në Durrës.

“Sigurisht që kur i hedhim plehrat e shishet plastike nëpër fusha e në anët e rrugëve të atdheut që e duam vetëm në stadium, vjen një ditë shiu me gjyma që i mbledh nga janë e nga s’janë dhe i dynd në det, po kur pastaj shiu është aq i furishëm sa ky i fundit, atëherë nuk e arrinë dot detin si zakonisht sepse gryka e kanalit taposet krejt, duke përmbytur dynjanë… e shishet plastike nëpër fusha e në anët e rrugëve të atdheut që e duam vetëm në stadium, vjen një ditë shiu me gjyma që i mbledh nga janë e nga s’janë dhe i dynd në det, po kur pastaj shiu është aq i furishëm sa ky i fundit, atëherë nuk e arrinë dot detin si zakonisht sepse gryka e kanalit taposet krejt, duke përmbytur dynjanë…”, shkruan Rama.

Është mbajtur seanca për caktimin e masës së sigurisë në lidhje me katër personat e arrestuar ditën e hënë në protestën e Adriatik Lapajt.

Gjykata ka vlerësuar se arrestimi i tyre ishte i paligjshëm.

Policia e Tiranës ka sekuestruar një automjet tip “BMW M-8”, me vlerë rreth 140 mijë euro, i dyshuar i vjedhur në Gjermani. Blutë e kryeqytetit kanë proceduar penalisht blerësin e automjetit të trafikuar, njëkohësisht drejtues i tij, në momentin e ndalimit në Vorë.

Një 42-vjeçar nga Kosova është shpallur në kërkim të operacionit policor të koduar “Stolen line”, kundër trafikimit të automjeteve luksoze të vjedhura jashtë shtetit.

Policia e Tiranës ka sekuestruar një automjet tip “BMW M-8”, me vlerë rreth 140 mijë euro, i dyshuar i vjedhur në Gjermani.

Blutë e kryeqytetit kanë proceduar penalisht blerësin e automjetit të trafikuar, njëkohësisht drejtues i tij, në momentin e ndalimit në Vorë.

Në kuadër të operacionit “Stolen line”, ka shkuar në 5 numri i automjeteve të vjedhura.

Njoftimi i policisë

Tiranë

Vijon operacioni policor i koduar “Stolen line”, kundër trafikimit në Shqipëri, të automjeteve luksoze të vjedhura jashtë shtetit.

Shkon 5 numri i automjeteve të sekuestruara që nga nisja e operacionit.

Sekuestrohet 1 automjet tip “BMW M-8”, me vlerë rreth 140 000 euro, i dyshuar i vjedhur në Gjermani.

Procedohet penalisht blerësi i automjetit të trafikuar, njëkohësisht drejtues i tij, në momentin e ndalimit në Vorë.

Identifikohet dhe shpallet shtetasi kosovar që dyshohet se ka trafikuar këtë automjet, në Shqipëri.

Si rezultat i punës hetimore, të kryer në kuadër të operacionit “Stolen line”, me objektiv goditjen e rasteve të trafikimit në Shqipëri, të automjeteve luksoze, të vjedhura jashtë shtetit, specialistët e Seksionit për Hetimin e Trafiqeve të Paligjshme konstatuan një tjetër rast në këtë fushë.

Në vijim të veprimeve procedurale u sekuestrua 1 automjet tip “BMW M-8”, me vlerë rreth 140 000 euro, i cili nga verifikimet rezultoi i vjedhur në Gjermani.

Në lidhje me këtë rast u identifikua dhe u shpall në kërkim shtetasi që dyshohet se ka sjellë automjetin në Shqipëri, me qëllim shitjen, F. H., 42 vjeç (shtetas kosovar), si dhe u procedua penalisht blerësi i automjetit (njëkohësisht drejtues i automjetit, në momentin e ndalimit), shtetasi E. D., 39 vjeç.

Punohet për kapjen e 42-vjeçarit.

Materialet procedurale iu referuan Prokurorisë së Tiranë, për veprime të mëtejshme, për veprën penale “Trafikimi i mjeteve motorike”.

Shkak për shtyrjen e seancës u bë mungesa e një prej avokatëve të të pandehurve. Seanca e radhës do të zhvillohet më 19 janar.

Në Gjykatën e Posaçme të Apelit është shtyrë sërish gjyqi për dosjen e inceneratorit të Tiranës.

Të dënuarit në Shkallën e Parë ankimuan vendimin dhe tashmë prej kohësh vendimmarrja ka ngecur në Apelin e Posaçëm.

Shkak për shtyrjen e seancës u bë mungesa e një prej avokatëve të të pandehurve, ndërsa 19 janari në orën 10:00 u la si datë për zhvillimin e këtij gjykimi.

Sa i përket inceneratorit të Tiranës, GJKKO ka dënuar Lefter Kokën, Alqi Bllakon të cilët janë liruar nga qelia, Taulant Tushën, Namik Samixhiun, Bledar Karolin, Fatjon Muratin, Valbona Ballgjinin dhe Sidita Kopliku, ndërsa Jetmir Llapaj është shpallur i pafajshëm.

Gjykata e Tiranës ka liruar 4 protestuesit që morën pjesë në tubimin e thirrur nga Lapaj. Ata u arrestuan pas përplasjeve me Policinë.

Gjykata e Tiranës ka liruar nga qelia 4 protestuesit e që morën pjesë në tubimin e thirrur nga Lëvizja ‘Shqipëria Bëhet’ dhe kryetari i saj Adriatik Lapaj.

Burimet bëjnë me dije se janë liruar nga qelitë shtetasit Edison Haklaj, Alfred Matoshi, Eligert Hima dhe Ergjys Llanaj.

Po ashtu bëhet e ditur se ndaj tyre u caktua masa “detyrim paraqitje”. Kujtojmë se edhe 6 protestues të tjerë, që morën pjesë në tubimin e thirrur nga Lapaj, janë proceduar penalisht.

Protestuesit në fjalë u arrestuan pas përplasjeve me policinë, pas dyshimeve se hodhën sende të forta në drejtim të efektivëve.

Ramadani renditet i treti në pesë kampionatet kryesore të Evropës për numrin e ndërhyrjeve të sakta këtë sezon, me plot 88 të tilla.

Ylber Ramadani po kalon një sezon mjaft pozitiv me Leccen, duke u shndërruar në një nga pikat kyçe të skuadrës italiane. Mesfushori i kombëtares shqiptare ka treguar vazhdimësi dhe nivel të lartë performance në Serinë A, çka pasqyrohet qartë edhe në statistikat individuale.

Sipas të dhënave, Ramadani renditet i treti në pesë kampionatet kryesore të Evropës për numrin e ndërhyrjeve të sakta këtë sezon, me plot 88 të tilla. Ai lë pas emra të njohur të futbollit europian si Manuel Locatelli, Casemiro apo Declan Rice, duke konfirmuar rolin e tij të rëndësishëm në mesfushë.

Para Ramadanit në këtë renditje janë vetëm Lynen i Werder Bremenit dhe kapiteni i Sunderlandit, Granit Xhaka. Shqiptari i Zvicrës kryeson listën me 103 ndërhyrje të sakta në Premier League, duke treguar ndikimin e madh që ka pasur pas rikthimit në kampionatin anglez.

Ylber Ramadani

Ramadani shquhet gjithashtu si një nga lojtarët që vrapon më shumë në Serinë A. Ai ka qenë titullar në të gjitha ndeshjet e këtij sezoni me Leccen, duke fituar besimin e plotë të trajnerit Eusebio Di Francesco dhe duke u kthyer në një element të pazëvendësueshëm të formacionit.

Ndryshe paraqitet situata e tij te Kombëtarja, ku në edicionin e fundit Ramadani humbi vendin e titullarit, kryesisht për shkak të formës së mirë të mesfushorit Juljan Shehu. Megjithatë, paraqitjet e tij në Itali e mbajnë atë ende në mesin e emrave më të rëndësishëm të mesfushës kuqezi.

Ministria e Infrastrukturës dhe Energjisë thotë se reshjet e shiut me intensitet të lartë kanë vijuar edhe përgjatë mbrëmjes së djeshme në territorin e vendit.

Sipas një njoftimi, ministria bën me dije se për shkak të kushteve të këqija atmosferike, gjatë mbrëmjes, nga ora 01:30-03:30 kanë devijuar 5 fluturime që ishin nisur nga Bologna, Milano, Torino, Bari, Keln drejt Tiranës. Devijimet janë bërë në aeroportet e Brindisi dhe Barit.

Gjatë ditës së sotme operimet do të vijojnë normalisht. Ndërkaq ka pasur probleme me rënie gurësh dhe inertesh në disa akse.

Njoftimi i ministrisë

Raporti mbi situatën e krijuar në vend nga moti i keq

Reshjet e shiut me intensitet të lartë kanë vijuar edhe përgjatë mbrëmjes së djeshme në territorin e vendit. Grupet e punës kanë qenë të pranishme në terren që në momentet e para të përkeqësimit të motit, duke ndërhyrë kudo ku janë raportuar problematika. Edhe përgjatë mbrëmjes së djeshme dhe ditës së sotme strukturat nën varësinë e MIE kanë qenë të angazhuara në të gjithë territorin duke punuar për normalizimin e situatës.

Akset rrugore

Akset që kanë pasur probleme me rënie gurësh dhe inertesh në trup të rrugës:

Rajoni Verior

•Bajram Curri-Valbonë

•Dushaj-Lekbibaj

•Sopot-Kërranjë

•Qafë Mali-Fierzë

•Ura e Fanit

•Rrëshen-Shpal

•Shpal-Fushë Arrëz

•Qafë Dushk-Sevaster

•Kukës-Shishtavec

•Shpal-K/Hadroj

•Kukës-Krumë

•Skuraj-Burrel

•Peshkopi-Vasije

•Ura Bujan-Qafë Morinë

Rajoni Qendror

•Pezë-Helmës

•Kryqëzimi i Mulletit

Rajoni Jugor

•Qukës-Qafë Plloçë

•Maliq-Lozhan

•Rrëshqitje në fshatin Vajzë

•Kosinë

•Vuno

•Berat-Ballaban

•Memaliaj-Tepelenë

•Përmet-Tre Urat

•Lekël-Këlcyrë

•Qarkullimi ka vijuar të gjitha akset janë të hapura.

•Kontraktorët me mjete dhe punëtorë janë në terren pa ndërprerje 24/7 për të bërë pastrimin e akseve rrugore.

Furnizimi me energji elektrike

•Aktualisht janë 17 fidera të stakuar për shkak të situatës nga moti i keq.

•Nënstacioni Kajan në Belsh është jashtë pune si pasojë e shkarkesave atmosferike, duke sjellë avari në pajisjet 10kV.

•Ka nisur puna për zëvendësimin e çelave dhe aseteve të dëmtuara.

Rrjeti i transmetimit

•Të gjitha linjat 400 kV, 220 kV dhe 110 kV janë në operim normal.

•Të gjitha brigadat e linjave dhe nënstacioneve janë në gatishmëri.

Situata në kaskadën e drinit

Prurjet natyrore në kaskadë janë rreth:

•HEC Fierzë              2300 m3/s

•HEC Koman            1150 m3/s

•HEC Vau i Dejës     400 m3/s

•KESH vijon të monitorojë me kujdes dhe në mënyrë të vazhdueshme situatën hidrike në kaskadë, duke garantuar menaxhim të sigurt dhe efikas të burimeve ujore.

Furnizmi me ujë

•Situata paraqitet e normalizuar dhe pa problematika në furnizimin me ujë të pijshëm.

•Në Rajonin e Lezhës situata është normalizuar. Furnizimi me ujë të pijshëm është normal dhe në qytet nuk ka prani të ujërave sipërfaqësore.

•Situata në Rajonin e Durrësit është drejt normalizimit. Zona e Kënetës dhe Nishtulla paraqet përmirësim.

•Në Rajonin e Kukësit burimet e furnizimi me ujë të pijshëm vazhdojnë të jenë të turbulluara.

Portet dhe aeroporti

Porti Durrës

•Vijon puna normalisht në të gjithë sektorët.

Porti Vlorë

•Trageti i linjës Vlore Brindisi ka mbërritur normalisht dhe është nisur në mbrëmje sipas parashikimit.

•Vazhdon të jetë e pezulluar lëvizja e mjeteve të vogla në Gjirin e Vlorës.

Porti Sarandë

•Situata paraqitet e qetë. Trageti i linjës me Korfuzin ka vijuar normalisht operimet.

Aeroporti “Nënë Tereza”

•Gjatë mbrëmjes, nga ora 01:30-03:30, për shkak të kushteve meteorologjike të ngarkuara kanë devijuar 5 fluturime (Bologna, Milano, Torino, Bari, Keln) për në Brindisi dhe Bari.

•Gjatë ditës së sotme operimet vijojnë normalisht.

Reshjet e dendura të shiut që kanë përfshirë juglindjen e vendit kanë shkaktuar probleme për banorët e fshatit Rëmenj, Pogradec.

Si pasojë e prurjeve të shumta të ujërave që zbresin nga mali mbi fshat, lumi ka dalë nga shtrati, duke rrezikuar disa banesa që ndodhen përgjatë tij. Situata ka krijuar shqetësim për banorët, ndërsa niveli i ujit mbetet i lartë.

Hasa goditi për vdekje me çekiç fqinjin e tij Xhemal Meta dhe i mori paratë që mbante në një qese të lidhur në qafë. Viktima humbi jetën si pasojë e dëmtimeve të forta në kokë, të cilat u shkaktuan nga mjete të forta si çekiçi.

Gjykata e Tiranës ka dënuar me 25 vjet burg Isuf Hasën.  Ky i fundit, auzohet për veprën penale ‘Vjedhje me pasojë vdekjen’, mbi ngjarjen e ndodhur në Shëngjergj të Tiranës në datë 13 Janar 2025.

Hasa goditi për vdekje me çekiç fqinjin e tij Xhemal Meta dhe i mori paratë që mbante në një qese të lidhur në qafë.

Viktima humbi jetën si pasojë e dëmtimeve të forta në kokë, të cilat u shkaktuan nga mjete të forta si çekiçi.

Hasaj i pyetur dhe ripyetur nga prokuroria, pranoi se goditi fqinjin e tij pasi kishin pirë kafen e mëngjesit pas mllefit të akumuluar prej kohësh, duke qenë se viktima i thoshte shpesh se nuk ishte burrë, pasi rrinte 4 ditë në punë pa ardhur në shtëpi, e nuk dinte çfarë bëhej me gruan e tij

Njoftimi i Gjykatës së Tiranës

Gjykata, në bazë të nenit 141 të Kodit Penal dhe nenet 383, 384, 406 të Kodit të Procedurës Penale;

VENDOSI:

1. Deklarimin fajtor të të pandehuri I. H. për kryerjen e veprës penale “Vjedhja me pasojë vdekjen” të parashikuar nga neni 141 i Kodit Penal dhe në bazë të këtij neni, dënimin e tij me 25 (njëzet e pesë) vjet burgim.

2. Vuajtja e këtij dënimi të fillojë nga dita e ndalimit të tij dt. 15.01.2025 dhe të kryhet në një burg të sigurisë së lartë.

3. Sendet e sekuestruara me procesverbalet për sekuestrimin e sendeve dt. 15.01.2025, kartëmonedhat, t’i kthehen pronarit të ligjshëm, ndërsa 1 . me ., me ., të kalojë në favor të shtetit

4. Shpenzimet procedurale të kryera në fazën e hetimeve paraprake dhe shpenzimet gjyqësore i ngarkohen të pandehurit, ndërsa shpenzimet për mbrojtësen e caktuar kryesisht, të paguhen nga shteti.

5. Kundër këtij vendimi mund të bëhet ankim, në Gjykatën e Apelit të Juridiksionit të Përgjithshëm,  brenda 15 (pesëmbëdhjetë) ditëve, nga e nesërmja e njoftimit të tij.