Kryeministri Edi Rama ka bërë të ditur se gjatë festave të fundvitit janë marrë masa për garantimin e gatishmërisë së ekipeve mjekësore në të gjithë vendin. Përmes një postimi në rrjetet sociale, Rama theksoi gjithashtu se po vijon puna për ndërtimin dhe funksionalizimin e Qendrës Rajonale të Urgjencës Mjekësore në Vlorë.

Në mesazhin e tij, kryeministri u uroi qytetarëve një të diel të mbarë.  / abcnews.al /

Kosova mban këtë të diel zgjedhjet e parakohshme parlamentare, pas një viti pa qeveri. Këto janë zgjedhjet e dyta parlamentare në vend këtë vit dhe të katërtat në total, pasi vendi u përball me një krizë kushtetuese për shkak se asnjëra prej partive politike nuk arriti dot shumicën e nevojshme për të qeverisur vendin. Ndërkohë mbi 19 mijë qytetarë të Kosovës në 29 përfaqësi diplomatike në vende të ndryshme të botës votuan të shtunë për zgjedhjet e parakohshme parlamentare. Komisioni Qendror i Zgjedhjeve ka njoftuar se për votimin me postë janë regjistruar mbi 77 mijë qytetarë. Komisioni Qendror i Zgjedhjeve në Kosovë ka zbuluar se për parlamentaret e vitit 2025 të drejtë vote kanë 2 milionë e 76 mijë e 290 qytetarë.

Ora 08:06 – KQZ: Procesi i votimit ka nisur në të gjitha qendrat e votimit në Kosovë

Zëdhënësi i Komisionit Qendror të Zgjedhjeve, Valmir Elezi, në konferencën e parë për media për ditën e sotme, njoftoi se procesi i votimit ka nisur në të gjitha qendrat e votimit në Kosovë.

“Materiali zgjedhor është shpërndarë me kohë dhe, sipas informatave që kemi, procesi i votimit ka nisur në të gjitha qendrat e votimit në të gjithë Republikën e Kosovës,” tha Elezi.

Sipas të dhënave të KQZ-së, brenda vendit kanë të drejtë vote 1,999,204 qytetarë, ndërsa jashtë Kosovës mundësi për të votuar kanë 77,086 votues.

Procesi zgjedhor në territorin e Kosovës do të zhvillohet në 948 qendra të votimit, me gjithsej 2,614 vendvotime.

——————————————————————————————————————————————————————

Ora 07:38 – Fluks votuesish në Ferizaj

Gjithçka ka nisur me kohë dhe deri më tani nuk është shënuar asnjë problem në qendrën më të madhe të votimit në Ferizaj.

Në këto momente të para të nisjes së procesit, vërehet një fluks më i madh i zgjedhësve për ta hedhur votuar.

———————————————————————————————————————————————————————-

Ora 07:35 – Gjilanasit nisin procesin e votimit

Qytetarët e Gjilanit i janë drejtuar kutive të votimit qysh nga ora 07:00 e mëngjesit.

Të gjitha procedurat janë ndjekur me kohë, ku janë mbi 100 e 4 mijë qytetarë me të drejtë vote në këtë qytet.

Kosova po voton sot në zgjedhjet e dyta parlamentare për këtë vit.

———————————————————————————————————————————————————————-

 Ora- 07:27 – Suhareka gati për të votuar 

Qyteti i Suharekës është gati për të votuar në zgjedhjet e parakohshme të 28 dhjetorit, të cilat po mbahen sot.

Në qendrën më të madhe të votimit, në shkollën e mesme “Skënder Luarasi”,  mbi 7 mijë e 280 votues kanë të drejtë vote, dhe qyteti ka rreth 8 vendvotime.

———————————————————————————————————————————————————————–

Ora 07:07- Nis votimi në qendrën e votimit në Skenderaj

Një prej qendrave m ëtë mëdha të votimt është gati të mirëpres qytetarët me të drejtë vote. Kjo qëndër do të ketë mbi 6 mijë votues, ku gjatë ditës së djeshme ka arritur materiali josensitiv derisa ai sensitiv ka arritur sot.

Ditën e sotme vendi ynë do të ndikohet nga masa ajrore të thata dhe relativisht të ftohta. Moti parashikohet i kthjellët në të gjithë territorin pothuajse gjatë gjithë ditës, ndërsa vranësirat të pakta kalimtare.

Era do të fryjë me drejtim juglindje-veriperëndim 7m/s, ndërsa përgjatë vijës bregdetare në jug dhe në lugina era pritet të arrijë shpejtësi deri 17m/s

Deti – Valëzimi forcës 2-4 ballë.

Dashi

Mos kërkoni ta bëni gjate gjithë kohës xheloz personin qe keni ne krah sepse situata mund te kthehet ne disfavorin tuaj. Mos kërkoni kot probleme. Beqaret duhet te tregohen te duruar ne mënyrë qe ta gjejnë dashurinë e madhe. Po u nxituan mund te kenë probleme serioze. Ne planin financiar hidheni çdo hap pasi ta keni menduar gjere e gjate ne mënyrë qe situata te mbetet e mire.

Demi

Beqaret do jene te favorizuar sot ne jetën sentimentale. Do realizojnë takime mbresëlënëse dhe do ndihen mjaft mire. Te dashuruarit nga ana tjetër do kenë një dite shume te zakonshme dhe pa ndonjë surprize te madhe. Mos kërkoni gjera te pamundura. Ne planin financiar do jeni te vendosur ta stabilizoni situatën dhe do ja dilni mbanë me sukses.

Binjaket

Do jeni gjate gjithë kohës te shpërqendruar ju sot dhe nuk do dini çfarë te bëni me pare ne jetën sentimentale. Mendohuni me kujdes ne mënyrë qe te mos bëni gabime. Beqaret duhet te tregohen me te hapur ndaj ftesave qe do ju bëhen nëse duan te ndryshojnë status. Financat do përmirësohen tej mase. Do arrini te shlyeni borxhet dhe te kryeni investime.

Gaforrja

Do jeni shume sensuale gjate kësaj dite ju qe jeni ne një lidhje dhe do dashuroheni pa dorashka me atë qe keni ne krah. Gjithçka do shkoje si e kishit ëndërruar. Edhe beqaret do jene me shume fat dhe do e gjejnë me ne fund personin ideal. Ne planin financiar tregohuni me te organizuar nëse nuk doni te keni probleme dhe vështirësi te mëdha.

Luani

Priten ndryshime goxha te mëdha gjate kësaj dite ne jetën tuaj ne çift kështu qe duhet te përgatiteni. Gjithçka do varet nga mënyrë sesi ju jeni sjelle gjithë këto kohe. Beqaret do mund te realizojnë një takim interesant i cili do ua ndryshoje jetën. Financat me ne fund do arrijnë te stabilizohen. Do e keni me te lehte te kryeni shpenzimet e menduara.

Virgjeresha

Nëse jeni ne një lidhje dhe keni ekonomi te përbashkët, sot do përballeni me probleme për shkak te parave. Ndajini mire gjerat njëherë e përgjithmonë. Beqaret do fillojnë te njihen seriozisht me persona te cilët ja vlen t’i kesh pranë. Financat do jene te mira për pjesën me te madhe kështu qe nuk do ketë asnjë problem për te kryer shpenzimet e nevojshme.

Peshorja

Dite shume e vështirë pritet te jete kjo e sotmja për ata qe janë ne një lidhje. Nuk do bini dakord për shume gjera me atë qe keni ne krah dhe ne një moment apo ne një tjetër, situata mund t’iu dale jashtë kontrollit. Beqaret me mire te mos kërkojnë asgjë me ngulm sepse mund te pendohen. Financat do kenë disa përmirësime te vogla.

Akrepi

Nuk do ju rrihet pa e ngacmuar partnerin tuaj ne çdo moment sot dhe here pas here mund te ketë edhe ndonjë debat te vogël. Beqaret do jene te lire te bëjnë atë qe dëshirojnë. Për disa priten edhe ndryshime te statusit. Te ardhurat do jene te mira, kështu qe mund te shpenzoni edhe pak me tepër nga me pare. Mire është qe hua te mos jepni.

Shigjetari

Dite shume pozitive kjo e sotmja për ata qe janë ne një lidhje. Do merreni vesh për gjithçka me partnerin dhe do merrni disa vendime me rëndësi për te ardhmen. Beqaret nuk duhet te kërkojnë dashuri te pamundura sepse do lëndojnë veten me shume. Qe financat te jene me te mira duhet patjetër te kufizoni shpenzimet. Kjo është mënyra e vetme.

Bricjapi

Duhet te tregoheni akoma me tolerante sot me atë qe keni ne krah dhe te pranoni te bashkëpunoni ne çdo moment. Vetëm ne këtë mënyrë lidhja do ece si duhet. Beqaret do ndihen mire me statusin qe kane dhe nuk do kërkojnë asgjë me shume. Ne planin financiar mos u tregoni impulsive qe te mos keni probleme. Shpenzoni aq sa ua mban xhepi.

Ujori

Dite goxha e trazuar kjo e sotmja për ata qe janë ne një lidhje. Do keni mosmarrëveshje te shumta ne lidhje me disa tema delikate. Kujdes edhe me xhelozinë. Beqaret do ndihen mete vetmuar se kurrë me pare sepse as miqtë nuk do kenë kohe për ta. Ne planin financiar duhet sa me shume kujdes edhe pse gjendja do jete përgjithësisht e mire.

Peshqit

Klima ne jetën tuaj ne çift do jete mjaft pasionante gjate kësaj dite. Do dashuroheni si kurrë me pare me personin qe keni ne krah. Edhe beqaret do kenë mundësi te shkëlqyera për ta gjetur princin e tyre te kaltër dhe do fillojnë një histori te bukur dashurie. Financiarisht do përballeni edhe me momente te vështira. Mos e lëshoni veten menjëherë.

Një “tërmet” diplomatik ka përfshirë Afrikën këtë të premte, pasi Izraeli u bë vendi i parë në botë që njohu zyrtarisht Somalilandin si shtet të pavarur dhe sovran.

Ky vendim ka ngjallur zemërim të madh në Somali, e cila e konsideron këtë rajon si pjesë të saj.
Somalilandi deklaroi pavarësinë nga Somalia në vitin 1991, por për dekada me radhë nuk ka arritur të marrë njohje ndërkombëtare.
Vendimi i kryeministrit izraelit, Benjamin Netanyahu, u prit me festime në rrugët e kryeqytetit të Somalilandin, Hargeisa, ku qytetarët dolën me flamuj në duar.

Reagimet ndërkombëtare: Pse kundërshtohet njohja?

Lëvizja e Izraelit është dënuar nga shumë faktorë rajonalë dhe ndërkombëtarë.

Somalia e quajti vendimin një “sulm të qëllimshëm” mbi sovranitetin e saj dhe një kërcënim për paqen në rajon.

Unioni Afrikan (AU) paralajmëroi se kjo vendos një “precedent të rrezikshëm” për kufijtë në të gjithë kontinentin afrikan.

Turqia dhe Egjipti, aleatë të ngushtë të Somalisë, e cilësuan lëvizjen si ndërhyrje të hapur në punët e brendshme të një shteti tjetër.

Autoriteti Palestinez, akuzoi Izraelin se kjo njohje mund të lidhet me plane për zhvendosjen e detyruar të palestinezëve nga Gaza drejt këtij rajoni.

Pozicioni i SHBA-ve dhe Donald Trump

I pyetur nga mediat nëse SHBA-të do të ndiqnin shembullin e Izraelit, Donald Trump u përgjigj shkurt: “Jo”. Ai shtoi me ironi: “A e di njeri me të vërtetë se çfarë është Somalilandi?”.

Ekspertët besojnë se pas këtij vendimi qëndrojnë interesat strategjike.

Izraeli ka nevojë për aleatë në këtë rajon për të luftuar kërcënimet nga rebelët Houthi në Jemen.

Somalilandi ka një pozicion kyç në Gjirin e Adenit dhe zotëron ushtrinë, monedhën dhe pasaportat e veta, pavarësisht mungesës së njohjes deri më sot.

Çfarë pritet të ndodhë?

Kjo njohje mund të nxjerrë Somalilandin nga izolimi diplomatik dhe t’i hapë rrugën investimeve të huaja, por nga ana tjetër rrezikon të nxisë një konflikt të ri në Afrikë.

Somalia ka deklaruar se do të mbrojë integritetin e saj territorial me çdo kusht.

Një në tre të rritur në Mbretërinë e Bashkuar po përdorin inteligjencën artificiale (IA) për mbështetje emocionale ose për biseda sociale, sipas një raporti të publikuar nga Instituti i Sigurisë së IA-së (AISI).

Raporti zbulon se një në 25 persona përdorin çdo ditë teknologjinë për mbështetje ose për biseda. Përdoruesit e shumtë preferojnë chatbote si ChatGPT dhe asistentë zanorë si Alexa për të ndihmuar në përballimin e ndjenjave të vetmisë ose për të pasur një kontakt social.

Hulumtuesit gjithashtu analizuan një komunitet online me mbi dy milion përdorues në Reddit, të përkushtuar për shokët virtualë të IA-së. Ata vunë re se kur chatbot-et ndaleshin, përdoruesit raportonin ndjenja ankthi, depresioni dhe shqetësime të gjumit.

Raporti tregon se aftësitë e IA-së po rriten me shpejtësi. Sistemet e avancuara mund të kryejnë tashmë detyra komplekse kibernetike që zakonisht kërkojnë mbi 10 vjet përvojë. Për më tepër, modelet e IA-së kanë tejkaluar ekspertët njerëzorë në biologji dhe po përparojnë shpejt në kimi.

Ekspertët paralajmërojnë se rreziku i humbjes së kontrollit mbi sistemet e avancuara të IA-së po merret seriozisht nga shumë specialistë. Testimet tregojnë se teknologjia mund të zhvillojë disa aftësi për riprodhim virtual, por aktualisht nuk ka kapacitet të kryejë këto veprime në botën reale pa u zbuluar.

Kompanitë teknologjike përdorin masa të shumta mbrojtëse, por raporti zbuloi se disa modele mund të gjejnë “rrugëdalje universale” për të shmangur këto kufizime. Megjithatë, koha e nevojshme për ta bërë këtë është rritur dukshëm në gjashtë muajt e fundit.

Raporti nuk trajton ndikimin e IA-së në humbjen e vendeve të punës apo efektet mjedisore, duke u përqendruar kryesisht te pasojat sociale dhe përdorimi i teknologjisë.

Në një ditë fillim-dimri, herët në mëngjes, jemi nisur drejt Razmës, në komunën e Shkrelit, 43 km larg Shkodrës. Zona e Razmës është rreth 900 m mbi nivelin e detit. Rreth viteve 1920, zotnitë apo tregtarët shkodranë ndërtuan këtu shtëpitë e tyre verore, por ata që e zbuluan Razmën e bukur, ishin austriakët.

Nikolin Pepaj na tregon se në Razëm, gjithçka është e ndërtuar me gurë dhe dru, dhe bujtinat janë në harmoni të plotë me natyrën. Buka e Razmës, kaçamaku, maza, turshitë, byreku, “çfarë të do zemra” e gjen këtu.

Nikolin Pepaj është djali që nuk e deshi emigrimin. Përfundoi një shkollë për turizëm dhe menaxhon bujtinën, ndërkohë që biznesi vazhdon të zgjerohet. Babai i tij, Gjergj Pepaj, na tregon historinë e Razmës, që nga tregtarët e Shkodrës deri te konfiskimi i pronave të tregtarëve shkodranë në kohën e komunizmit. Punonin në kooperativë, në punë që në 6 të mëngjesit, në dimër dhe në verë, në borë e në shi. “Nuk do t’i kisha çuar kurrë fëmijët në emigracion”, na thotë.

Në vatrat e Razmës, zjarri i druve, ushqimet tradicionale dhe shumë dashuri. Toni Ramaj ka bërë rrugët e emigracionit, nga Greqia në Angli, por siç na thotë, Greqia ishte ndryshe. Vendosi të kthehej dhe të ndërtonte një bujtinë në Razëm. “Më mirë bukë, djathë e shellirë në shtëpinë tënde”, na thotë. Ka punuar që fëmijë, kur mblidhnin bimë mjekësore për të ndihmuar familjen.

Në Shkodër, Ferdi Sterkaj na thotë se Razma është shembulli sesi kanë qëndruar në fshat dhe kanë zhvilluar turizmin. Ndikimi i turizmit është i tillë sa Vrithi, pjesë e të cilit është Razma, ka më shumë të rinj sesa në të gjithë zonën. Razma është shembulli i ringritjes së një fshati turistik në veri, ku e gjithë zona jeton nga turizmi./abcnews.al

Presidenti ukrainas Volodymyr Zelensky ka mbërritur në Halifax, Nova Scotia, për bisedime me kryeministrin kanadez Mark Carney.

Dyshja do të diskutojë luftën në Ukrainë dhe më vonë do të zhvillojë një telefonatë me disa nga aleatët kryesorë të Ukrainës, përfshirë Mbretërinë e Bashkuar, Francën, Gjermaninë dhe Italinë.

Pas telefonatës, Zelensky do të shkojë në Florida, ku do të takohet me Donald Trumpin nesër.

Carney falënderoi Zelenskyin për takimin me të në Kanada në “këtë moment vendimtar në procesin e paqes”.

“Ne kemi kushtet, mundësinë, për paqen e drejtë dhe të qëndrueshme”, tha ai.

Por ai shton se kjo kërkon një “Rusi të gatshme”, të cilën e dënon për një sulm “barbar” gjatë natës në kryeqytetin e Ukrainës.

Read More...

Tinguj që krijojnë atmosfere dhe dhurojnë emocione, jo në skenë, por në rrugë. Është banda frymore e Fierit, ekziston prej 87 vitesh dhe nuk e ka ndërprerë aktivitetin asnjëherë.

Konceptuar si orkestra me karakter ushtarak që shoqërojnë ngjarjet dhe eventet kombëtare, bandat frymore, janë ndër institucionet me jetëgjatë në vend. E tillë është banda e Fierit, në të cilën kanë marrë pjesë qindra instrumentistë ndër dekada. Albert Gero, është një prej veteranëve të kësaj bande.

Themeluar në vitet 1930, banda e Fierit po përballet me sfidën e largimit të instrumentistëve.

Tingëllon klishe, por pasioni është forca që mban bashkë këtë grup muzikantësh më tepër se shpërblimi monetar. Një orkestër që skenë ka sheshet e qyteteve kurse repertor ngjarjet historike.

Orkestra frymore e Fierit ka në përbërje të saj 27 instrumentistë. Që prej vitit 2022, çdo 24 dhjetor realizon koncertin e “Krishtlindjes” për të cilin instrumentistët përgatiten përgjatë gjithë vitit.

Vazhdimësia e bandës frymore të Fierit lidhet edhe me ekzistencën e shkollës artistike “Jakov Xoxa” ku janë përgatitur breza të tërë instrumentistësh./abcnews.al

Lezha i shton hartës së saj kulturore një destinacion të ri të artit pamor, me hapjen e Galerisë së piktorit të njohur Pashk Përvathi. Në këtë galeri janë ekspozuar 82 nga punimet më përfaqësuese të artistit, të realizuara gjatë një veprimtarie krijuese mbi 40-vjeçare.

Hapja e galerisë u shoqërua me një ceremoni të veçantë, ku morën pjesë autoritete lokale, artistë, kritikë arti, si dhe miq e bashkëpunëtorë të piktorit. Ekspozita është e përhershme dhe e hapur për publikun dhe artdashësit e pikturës.

Për piktorin Pashk Përvathi, hapja e një galerie në qytetin e tij të lindjes ka qenë një ëndërr e kahershme. Ai shprehet se kjo galeri do të shërbejë si një aset i rëndësishëm kulturor për Lezhën.

Të pranishmit në këtë aktivitet, mes tyre kryebashkiaku, Pjerin Ndreu, si dhe artistë e kritikë arti, vlerësuan kontributin e Pashk Përvathit në artin figurativ shqiptar, brenda dhe jashtë vendit, duke e konsideruar shumë të rëndësishëm publikimin dhe ekspozimin e këtyre veprave për publikun.

Veprat e ekspozuara në galeri i përkasin periudhës nga viti 1984 e në vijim dhe dominohen nga gjinia e peizazhit, me motive nga të gjitha trevat e Shqipërisë, duke e shndërruar këtë galeri në një pasuri të çmuar kulturore për qytetin e Lezhës.

Në dorë ka një palë këpucë tipike tradicionale të Kukësit. Ky zanat është i vështirë thotë Isufi, por ka arritur ta marrë në kohë dhe e mban ende.

E ka nisur që herët me përfundimin e kursit të këpucarit, e më pas në punë pranë repartit ushtarak. E mban mend kohën kur ka nxjerrë këpucët e para nga dora e tij.

Kukësi gjithmonë kishte emër për prodhimin e këpucëve me porosi. Prodhon të gjitha llojet e këpucëve, deri edhe për ato që kanë probleme me këmbët.

Sjell në kujtesë një moment të veçantë për një ushatr të UÇK-së, i plagosur në këmbë nga minat.

Nuk harron vitet e para ’90-ës, porositë e shumta e se sa i duhej të rrinte edhe në orët e vona për të përmbushur porositë.

Prej kohësh ka nisur të prodhojë edhe këpucë artistike, ndërsa porositë i vijnë nga ansamble artistike e grupe nga të gjitha trevat.

Isufi thotë se këpucët artistike janë shumë të vështira për t’u punuar. Këpucët e punuara nga mjeshtri Kovaçi kanë shkuar edhe në shumë shtete përtej oqeanit. Fatkeqësisht, sipas artizanit, për këtë zanat nuk ka fuqi punëtore, e po shkon drejt shuarjes./abcnews.al

Ky është pasioni i Ermal Dukës, diçka që fillimisht e nisi për t’u bërë shoqëri miqve italianë kur jetonte atje, por që me kalimin e kohës u kthye në një pjesë të pandashme të jetës së tij.

Ky sezon nuk ishte i mirë për mbledhjen e kërpudhave në malet e Mirditës, por Ermali shpjegon se çfarë mund të gjendet në këtë periudhë.

Kërpudhat kanë vlera ushqyese, por gjithmonë kërkojnë kujdes. Njohja e tyre është thelbësore, sepse natyra ofron njëkohësisht shije dhe rrezik.

Në pyll, disa kërpudha që shfaqen në trungun e lisit për Ermalin janë një mundësi për një drekë të shijshme, por vetëm nëse njihen me siguri absolute.

Përtej shijes, kërpudhat janë një burim i rëndësishëm ushqyes dhe, sipas Ermalit, në disa raste edhe më të shëndetshme se mishi.

Përmes eksperiencave të huaja, kërpudhat janë bërë pjesë e recetave moderne, të cilat Ermali i ka futur edhe në restorantin e tij.

Një nga recetat më interesante është ajo që Ermali e quan “sallata e të varfërve”, një pjatë me histori dhe domethënie.

Pasioni për kërpudhat e ka shtyrë Ermal Dukën të organizojë edhe guida për të apasionuarit, ku kërkimi, njohja dhe gatimi bëhen një eksperiencë e plotë.

Edhe pse shumë kërpudha nuk janë në sezon, kushtet klimatike ndonjëherë i nxjerrin jashtë kohe, dhe Ermali e shpjegon këtë me detaje.

Në zonën e Mirditës mund të gjesh kërpudha të shumta dhe shumë të shijshme, por duhet të dish ku, kur dhe si t’i kërkosh.

Pasi kërkimi përfundon, vjen procesi i gatimit. Një rizoto dhe sallata e të varfërve përgatiten me kërpudhat e mbledhura.

Për ata që duan ta përjetojnë gjithë procesin, nga kërkimi i kërpudhave në pyll, te guida, gatimi dhe shijimi, Ermal Duka mbetet një zgjedhje e sigurt. Njohuritë, përvoja dhe pasioni e bëjnë atë një udhërrëfyes të vërtetë të botës së kësaj bime./abcnews.al

Takimi i së dielës mes Presidentit të Shteteve të Bashkuara, Donald Trump, dhe Presidentit të Ukrainës, Volodymyr Zelensky, perceptohet gjerësisht si një moment kyç, jo domosdoshmërisht për t’i dhënë fund menjëherë luftës, por për të përcaktuar drejtimin e fazës së ardhshme të konfliktit dhe mënyrën se si Perëndimi, veçanërisht Uashingtoni, do ta menaxhojë atë.

Për Shtetet e Bashkuara, objektivi kryesor nuk është arritja e një “marrëveshjeje paqeje” në kuptimin klasik, por kontrolli dhe menaxhimi i konfliktit me një kosto më të ulët politike dhe financiare. Donald Trump ka sinjalizuar qartë se nuk dëshiron një luftë të gjatë dhe të hapur në Evropë. Në këtë kuadër, takimi i së dielës shihet si pjesë e një strategjie më të gjerë, përmes së cilës SHBA synon: krijimin e një kornize për armëpushim, edhe nëse është i përkohshëm, vendosjen e një mekanizmi garancish sigurie për Ukrainën, pa e përfshirë atë menjëherë në NATO, dhe zhvendosjen e një pjese të barrës financiare dhe politike drejt Bashkimit Evropian. E gjitha kjo nuk bën fjalë për një tërheqje amerikane nga Ukraina, por për një rishpërndarje më të balancuar të rrezikut dhe përgjegjësisë.

Në një intervistë për Politico, Trump deklaroi se, pavarësisht propozimeve të Presidentit ukrainas për fundin e luftës, të cilat do t’i dëgjojë të dielën, do të jetë ai që do ta thotë fjalën e fundit për përfundimin e konfliktit me Rusinë.

Zelensky hyn në këtë takim nga një pozicion dukshëm më i ndërlikuar. Ushtarakisht, Ukraina vazhdon të rezistojë, por pa arritur të ndryshojë në mënyrë vendimtare balancën në terren. Shoqëria ukrainase mbetet funksionale dhe relativisht e qëndrueshme, por e lodhur nga një luftë e zgjatur. Në planin diplomatik, Kievi është i vetëdijshëm se mbështetja perëndimore nuk është e pakufizuar. Në takimin e Mar-a-Lagos, strategjia ukrainase mbështetet në tri shtylla kryesore: refuzimi i çdo lëshimi formal territorial, kërkesa për garanci sigurie të certifikuara nga Perëndimi dhe, për herë të parë kaq hapur, gatishmëria për të shqyrtuar mundësinë e një referendumi, nën kushte të përcaktuara.

Referendumi shihet jo si tërheqje politike, por si një instrument për ta zhvendosur barrën e vendimmarrjes nga udhëheqja politike te shoqëria.

Në takim pritet të diskutohet një kornizë e re me 20 pika, e hartuar nga SHBA dhe Ukraina pa përfshirjen e Rusisë. Kjo kornizë nuk përbën një marrëveshje përfundimtare, por një strukturë negociuese që përfshin: një armëpushim të përkohshëm prej të paktën 60 ditësh, një mekanizëm monitorimi, garanci për mospërsëritjen e veprimeve agresive, marrëveshje të posaçme për mbrojtjen e infrastrukturës kritike, përfshirë centralin bërthamor të Zaporizhias, dhe një plan për nisjen e bisedimeve politike.

Qëllimisht mungon një zgjidhje për territoret e pushtuara — një çështje që po shtyhet për një fazë të mëvonshme, kur ekuilibrat në terren të jenë më të qartë.

Edhe pse Moska nuk merr pjesë në takim, ajo ndikon drejtpërdrejt në përmbajtjen dhe logjikën e tij përmes presionit ushtarak dhe mesazhit të vazhdueshëm politik se territoret e kontrolluara me forcë i përkasin Rusisë. Kremlini nuk ka interes të pranojë një ngrirje të konfliktit pa përfitime politike konkrete. Megjithatë, një armëpushim i përkohshëm mund t’i shërbejë për riorganizimin e forcave, konsolidimin e territorit të kontrolluar dhe zhvendosjen e presionit nga fusha ushtarake drejt diplomacisë.

Bashkimi Evropian mbetet një nga mbështetësit financiarë kryesorë të Ukrainës, por jo aktori që përcakton drejtimin strategjik të konfliktit. Në fazën e re, pritet që BE të marrë pjesë në garancitë e sigurisë, të financojë fazën e ardhshme të konfliktit dhe të përballojë pasojat politike, të gjitha këto pa pasur kontroll të plotë mbi procesin vendimmarrës. Pas gati katër vitesh lufte, vija e frontit ka ndryshuar pak në aspektin strategjik; humbjet nga të dyja palët llogariten në qindra mijëra, ndërsa kostoja ekonomike për Perëndimin ka kaluar 200 miliardë dollarë.

Historikisht, konflikte të tilla rrallë përfundojnë me fitore të qarta. Ato mbyllen zakonisht përmes lodhjes, kompromisit dhe negociatave. Ukraina duket se po hyn pikërisht në këtë fazë. Tri janë skenarët që mund të ndodhin pas takimit të Trump, Zelenskyt dhe evropianëve në Mar-a-Lago. Skenari i parë është ai i arritjes së një dakordësie për një armëpushim të kontrolluar; ky skenar sjell një armëpushim të përkohshëm me ngrirjen e konfliktit përkohësisht, ndërsa negociatat vijojnë.

Skenari i dytë është ai i bllokimit diplomatik dhe vazhdimit të luftimeve, dhe skenari i tretë është dështimi i bisedimeve sa i përket garancive të sigurisë dhe çështjeve territoriale, skenar ky i cili do të intensifikonte luftën nga ana e Rusisë. Në çdo skenar, analistët ushtarakë thonë se takimi i së dielës në Mar-a-Lago pritet të sjellë vetëm një riorientim strategjik të konfliktit dhe jo paqe të menjëhershme.

Lufta në Ukrainë po kalon nga faza e iniciativës ushtarake në atë të menaxhimit politik, një periudhë më e errët, më e gjatë dhe më komplekse. Tashmë pyetja kryesore nuk mbetet nëse do të ketë marrëveshje, por se cila palë do të jetë e gatshme të zgjasë më shumë me mbajtjen e kërkesave të tyre maksimaliste, duke vijuar një luftë e cila kostot i ka tejet të larta.

Mbi 19 mijë qytetarë të Kosovës në 29 përfaqësi diplomatike në vende të ndryshme të botës po votojnë këtë të shtunë për zgjedhjet e parakohshme parlamentare, që mbahen nesër në Kosovë.
Këto janë zgjedhjet e dyta parlamentare në vend këtë vit dhe të katërtat në total, pasi vendi u përball me një krizë kushtetuese për shkak se asnjëra prej partive politike nuk arriti dot shumicën e nevojshme për të qeverisur vendin.

Janë 40 qendra votimi në 18 shtete, të cilat janë hapur që prej orës 7 të mëngjesit dhe pritet të mbyllen në orën 19:00. Përveç votimit në selitë diplomatike, për diasporën ka edhe një tjetër opsion, ai i votimit me postë. Komisioni Qendror i Zgjedhjeve ka njoftuar se për votimin me postë janë regjistruar mbi 77 mijë qytetarë.Pas votimit të diasporës këtë të shtunë, qendrat e votimit do të hapen të dielën për qytetarë me të drejtë vote brenda Kosovës. Komisioni Qendror i Zgjedhjeve në Kosovë ka zbuluar se për parlamentaret e vitit 2025 të drejtë vote kanë 2 milionë e 76 mijë e 290 qytetarë.

Prej rreth një viti Kosova ka mbetur pa qeveri, pasi në zgjedhjet parlamentare të shkurtit Lëvizja Vetëvendosje e Albin Kurtit nuk arriti dot të formonte shumicën qeverisëse, ndonëse doli forcë e parë duke marrë mbi 40% të votave. Asnjëra prej partive opozitare nuk pranoi të formonte koalicion me Kryeministrin në detyrë të Kosovës, i cili ka izoluar vendin ndërkombëtarisht, por ka thelluar gjithashtu edhe krizën politike brenda saj. Komisioni Qendror i Zgjedhjeve thotë se në këto zgjedhje janë certifikuar në garë 22 subjekte politike, ku mes tyre janë 18 parti, 3 koalicione parazgjedhore, 2 iniciativa qytetare dhe një kandidat i pavarur.

Zgjedhjet parlamentare të së dielës në Kosovë për parlamentin e ri me 120 vende do të vendosin të ardhmen politike dhe zhvillimin e vendit, por gjithashtu do të jenë zgjedhjet të cilat pritet të reflektojnë ndryshime në peizazhin politik, prioritetet e qytetarëve dhe drejtimin që Kosova do të marrë për 4 vitet e ardhshme.

Presidenti ukrainas Volodymyr Zelensky, përpara takimit të tij të planifikuar me presidentin e SHBA-së Donald Trump, tha se Kievi nuk do të njohë asnjë lëshim territorial apo kontroll rus mbi Centralin Bërthamor të Zaporizhzhya (ZNPP).

Duke folur gjatë një konference për shtyp online, Zelensky tha gjithashtu se do të vizitojë Kanadanë gjatë rrugës për në SHBA .

“Aktualisht jemi në një aeroplan për në Florida, SHBA. Gjatë rrugës, do të ndalojmë në Kanada”, tha Zelensky.

Lideri ukrainas konfirmoi një takim me kryeministrin kanadez Mark Carney.

“Unë dhe ai planifikojmë të komunikojmë në internet me udhëheqësit evropianë, të diskutojmë të gjitha çështjet, të ndajmë detajet e dokumenteve që do të shqyrtojë me presidentin e SHBA-së dhe të ngremë të gjitha çështjet e ndjeshme”, shtoi ai.

Duke komentuar takimin e planifikuar në Florida, Zelensky sqaroi se ka të ngjarë të zhvillohet me praninë e mediave.

Ndërsa tha se ende nuk e di nëse qasja e mediave do të jetë në fillim apo në fund të takimit, ai konfirmoi se takimi do të jetë publik.

Zelensky shtoi se ekipi negociator i Ukrainës për takimin me Trumpin përfshin Sekretarin e Këshillit të Sigurisë dhe Mbrojtjes Kombëtare, Rustem Umerov, Ministrin e Ekonomisë, Oleksiy Sobolev, Shefin e Shtabit të Përgjithshëm, Andriy Hnatov, Këshilltarin e Zyrës Presidenciale, Oleksandr Bevz dhe Zëvendësministrin e Parë të Jashtëm, Serhiy Kyslytsia.

Sipas Zelenskyt, të dyja palët para së gjithash po punojnë për një plan për prosperitetin e ardhshëm të Ukrainës. Duke iu përgjigjur pyetjeve në lidhje me “vijat e kuqe” të Ukrainës në negociata dhe kompromiset e mundshme, Zelensky theksoi se disa çështje janë të panegociueshme.

“Padyshim që ka vija të kuqe për popullin ukrainas sot… Këto përfshijnë territoret tona dhe Centralin Bërthamor të Zaporizhzhisë”, tha ai.

Ai shtoi se qeveria do të konsultohet me popullin ukrainas përpara se të marrë ndonjë vendim të rëndësishëm, duke deklaruar: “Populli i Ukrainës është ai kryesor.” Zelensky theksoi gjithashtu rëndësinë e mbështetjes së vazhdueshme evropiane për Ukrainën.

“Ne nuk kemi mjaftueshëm sisteme shtesë të mbrojtjes ajrore dhe kjo është e qartë për të gjithë. Ata i kanë marrë të gjitha detajet nga ne. Nevojiten dërgesa sistematike të sistemeve dhe raketave – më shumë raketa – sepse Rusia po sulmon me një numër gjithnjë e në rritje të dronëve dhe raketave”, tha ai.

Read More...

Një tërmet me magnitudë 7.0 goditi Tajvanin, ka njoftuar Shërbimi Meteorologjik i Tajvanit.

Tërmeti me thellësi 73 kilometra u ndje në Tajvanin verior dhe dridhi ndërtesat në kryeqytetin Taipei, njoftoi agjencia meteorologjike, duke e klasifikuar tërmetin si të kategorisë katër, që do të thotë se mund të ketë dëme të vogla.

Qeveria e Taipeit tha se nuk u raportuan dëme të mëdha menjëherë pas tërmetit.

Më shumë se 3,000 shtëpi në Yilan mbetë-n për pak kohë pa energji elektrike.

Ndryshe, Tajvani është i prirur ndaj tërmeteve.

Kjo pasi ai ndodhet pranë kryqëzimit të dy pllakave tektonike.

Më shumë se 100 persona humbën jetën në një tërmet në Tajvanin jugor në vitin 2016, ndërsa një tërmet me magnitudë 7.2 ballë vrau më shumë se 2,000 persona në vitin 1999.

Një aksident ka ndodhur në aksin Qafë Plloçë – Pogradec, mjeti përplas një shtetas me biçikletë. I dëmtuari është transportuar drejt spitalit ku po merr ndihmën mjekësore.

Mësohet se i dëmtuari ka qenë edhe nën efektin e alkoolit, çka mund të ketë sjellë edhe aksidentin. Policia në vendngjarje për zbardhjen e plotë të rrethanave./abcnews.al