Nga Gazeta ‘Si’- “Ose qeveri teknike, ose përballje”.

Është kjo thirrja që ka lëshuar mbrëmjen e sotme kreu i  Partisë Demokratike, Sali Berisha, gjatë foltores me qytetarët e njësisë 7 në kryeqytet.

“Ne tani jemi në fushë. Ne tani jemi në shesh. Ne tani kemi një armik përpara, i cili me qëndrimet e tij nuk krijon zgjedhje. Të krijojmë një qeveri teknike, të shkojmë drejt zgjedhjeve, se përndryshe ne këtë qeveri nuk mund ta pranojmë kurrë.  Por kjo është vetëm njëra anë dhe kjo është kryesorja, jua them unë ju. Kjo është kryesore. Ana e dytë, po kaq e rëndësishme, po kaq kryesore, është plaçkitja e qytetarëve. Ndaj dhe janë këto dy arsye më madhore të cilët ne si forcë politike kemi mision, kemi mision historik, më të vështirin”, u shpreh Berisha.

Berisha akuzoi kryeministrin se ka humbur çdo legjitimitet dhe se mandatet e fituara në atë që e cilësoi si farsë elektorale po përdoren sipas tij si mburojë për krimin dhe plaçkitjen e qytetarëve.

“Çdo qeveri që vjedh qytetarët, humbet legjitimitetin. Le të ketë dalë nga zgjedhje të lira, të ndershme dhe të shkëlqyera, ajo po vodhi qytetarët, humbet legjitimitetin. Sepse ka përdorur pushtetin për të vjedhur qytetarët”.

Berisha u ndal te denoncimet e opozitës për korrupsion dhe afera financiare, duke përmendur një zinxhir abuzimesh që sipas tij arrijnë në minimumi 12 miliardë euro. Ai akuzoi qeverinë për përdorimin e imunitetit parlamentar për të mbrojtur zyrtarë të lartë nga drejtësia.

“Ne si parti Demokratike kemi denoncuar të gjitha dhe kjo që këto afera që kanë dalë tani. Dhe ku jemi? Tani ato mandatet e krimit, ato mandatet e marra me Elvis Doçin, me Çelën, me Troplinët, ato mandate të marra duke falur 2 miliardë gjoba, tani kthehen në mbrojë për krimin, në parzmore dhe mbrojnë Belinda Ballukun, faktikisht Edi Ramën. Dhe thotë, për herë të parë, për herë të parë, jo thotë, nuk ja heq imunitetin”, theksoi kreu demokrat.

Sipas Berishës, zgjedhjet në Shqipëri janë shndërruar në farsë që nga viti 2017, ndërsa “Libri i Zi i Zgjedhjeve” ka damkosur qeverinë në arenën ndërkombëtare. Ai theksoi se me Edi Ramën sipas tij nuk mund të ketë zgjedhje të lira dhe se opozita ka mision historik rikthimin e votës së lirë.

“Ai bëri zgjedhjen e tij. Bëri zgjedhjen e tij. Dhe me ’21-shin përgatiti farsën më të më të madhe në histori, 2025-ën. Farsë zhvilloi në 2023-shin. Por nuk e falëm. Jua them këtu. Ai Libri i Zi, ai Libri i Zi që publikuam dhe bëmë, ai ja nxihu faqen dhe zgjedhjet atij. Dhe në qoftë se zgjedhjet e 25-ës, e majit, u damkosën që ditën e parë, në raportin e parë si asnjëherë tjetër, u damkosën sepse sepse Libri i Zi që ne e quajtëm u faktoi, i faktoi botës se çfarë farse elektorale bën ky armik i lirisë të botës shqiptarëve”

The post Berisha: Degradimi i shtetit sot është më i rëndë se në diktaturë appeared first on Gazeta Si.

Nga Gazeta ‘Si’- Presidenti serb Aleksandar Vuçiç ka akuzuar fqinjët rajonalë, përfshirë edhe Shqipërinë, se kanë mbështetur dhe nxitur demonstratat antiqeveritare që janë mbajtur në Serbi në dy vitet e fundit.

“Sigurisht, kishte shumë njerëz që dilnin në rrugë dhe ata mbështeteshin shumë nga vendet rajonale, shërbimet sekrete rajonale, gjë që nuk është një sekret i madh, për t’ju thënë të vërtetën, për këdo”.

Vuçiç evidentoi rolin që sipas tij ka luajtur Kroacia në trazirat që kanë ndodhur në Serbi, por theksoi se një rol edhe më aktiv ka pasur Shqipëria dhe Kosova.

“Po, ishte shumë e qartë se kroatët ishin thellësisht të përfshirë dhe po fshehin kriminelë nga Serbia që akuzohen për krime dhe vepra shumë të rënda penale. Po përmend vetëm një, por mund ta imagjinoni se çfarë ndodhi në Prishtinë, Tiranë dhe disa qendra të tjera rajonale”.

Jo vetëm kaq, por udhëheqësi serb pretendoi gjithashtu se edhe organizatat amerikane, përfshirë USAID dhe Fondin Kombëtar për Demokraci, po stërvitnin njerëz se si të punonin kundër dhe të rrëzonin qeverinë e tij.

I pyetur nëse kishte prova për akuzat e tij, Vuçiç pretendoi se kishte mjaftueshëm, por nuk dha detaje të mëtejshme.

Serbia është përfshirë nga protesta masive në dy vitet e fundit pas një aksidenti hekurudhor në qytetin Novi Sad, ku ndërruan jetë 16 persona. Tubimet, të udhëhequra nga studentët dhe të mbështetura gjerësisht nga qytetarët, kërkonin hetim të plotë për ngjarjen, reformizëm dhe zgjedhje të reja.

The post Vuçiç akuzon Shqipërinë, Kosovën dhe Kroacinë për protestat në Serbi: Kërkuan rrëzimin tim appeared first on Gazeta Si.

Nga Gazeta ‘Si’- Një aksident me pasojë vdekjen është regjistruar pasditen e sotme në Bathore.
Rreth orës 16:30 të datës 05.02.2026, një automjet i drejtuar nga shtetasi E. B., rreth 40 vjeç, ka përplasur këmbësoren Sh. Sh., rreth 65 vjeçe.

E dëmtuara u transportua në spital, por nuk arriti t’u mbijetojë plagëve të marra dhe ndërroi jetë.

The post Aksident në Tiranë, humb jetën 65 vjeçarja pas përplasjes nga makina appeared first on Gazeta Si.

Nga Gazeta ‘Si’- Ukraina dhe Rusia përmbyllën të enjten në Abu Dhabi ditën e dytë të bisedimeve të udhëhequra nga SHBA-ja, pa arritur një përparim drejt përfundimit të konfliktit më vdekjeprurës në Evropë që nga Lufta e Dytë Botërore.

Palët ranë dakord për një shkëmbim reciprok prej 157 të burgosurish lufte secila, duke ofruar një rezultat të rrallë konkret nga diskutimet.

Por Steve Witkoff, i dërguari special i Donald Trump i përfshirë në bisedime, paralajmëroi se “mbetet punë e konsiderueshme” në javët në vijim, duke zbehur pritshmëritë për një lëvizje të shpejtë drejt paqes.

Megjithatë, takimet shënuan angazhimin më substancial mes delegacioneve të larta nga Kievi dhe Moska prej muajsh, duke sinjalizuar një ringjallje të kujdesshme, edhe pse të pasigurt, të përpjekjeve diplomatike gati katër vjet pas nisjes së luftës.

Takimi i së enjtes, që zgjati tre orë, pasoi një raund negociatash trepalëshe të mërkurën, i cili zgjati rreth pesë orë e gjysmë.

Kyrylo Budanov, kreu i zyrës presidenciale të Ukrainës, tha se negociatat trepalëshe kishin qenë “vërtet konstruktive”, duke falënderuar SHBA-në dhe Emiratet e Bashkuara Arabe për rolin e tyre në ndërmjetësimin e bisedimeve.

Përfaqësuesi i Rusisë, Kirill Dmitriev, mbajti gjithashtu një ton pozitiv, duke thënë se kishte pasur progres dhe “lëvizje përpara” në diskutimet për përfundimin e luftës.

Presidenti i Ukrainës, Volodymyr Zelenskyy, tha më vonë se bisedimet e paqes do të vazhdojnë në të ardhmen e afërt.

Ai tha se diskutimet në Abu Dhabi “nuk ishin të lehta”, por këmbënguli që Ukraina do të mbetet konstruktive dhe do të kërkojë një marrëveshje të drejtë për t’i dhënë fund agresionit rus.

Zelenskyy tha se Kievi ishte gati të shkëmbente dronët e tij me raketa mbrojtëse ajrore dhe avionë luftarakë polakë MiG-29, raportoi Reuters, dhe se të dy vendet diskutuan gjithashtu zhvillimin e lidhjes së rrjetit elektrik midis tyre.

Të dyja palët dërguan në Abu Dhabi, kryeqytetin e Emirateve të Bashkuara Arabe, zyrtarë të lartë ushtarakë dhe të inteligjencës, duke sinjalizuar një qasje më serioze sesa në raundet e mëparshme, kur Moska kishte dërguar delegacione të nivelit më të ulët.

“Për herë të parë pas një kohe shumë të gjatë, ekipe teknike ushtarake nga Ukraina dhe Rusia po takohen në një format ku marrim pjesë edhe ne,” tha të mërkurën sekretari amerikan i shtetit, Marco Rubio.

“Është e pamundur të bëhet e qartë nëse ka përparim, edhe me rrjedhje informacioni, derisa të arrihet një përparim i vërtetë. Objektivi ynë është të mbetemi të përkushtuar ndaj këtij procesi,” shtoi Rubio.

Pavarësisht tonit më pozitiv, perspektivat për një marrëveshje paqeje të qëndrueshme mbeten të pasigurta, me Moskën që vazhdon të shtyjë kërkesa territoriale maksimaliste. Kremlini ka këmbëngulur vazhdimisht se çdo marrëveshje duhet të përfshijë dorëzimin nga Ukraina të të gjithë rajonit lindor të Donbasit, përfshirë zonat që janë ende nën kontrollin ukrainas.

Zyrtarët ukrainas i kanë hedhur poshtë këto kushte, duke argumentuar në vend të kësaj për një armëpushim përgjatë vijës aktuale të frontit dhe duke përjashtuar çdo tërheqje të njëanshme të forcave të tyre nga Ukraina lindore, ku një varg qytetesh të fortifikuara rëndë përbën një nga linjat më të forta mbrojtëse të Kievit.

Një pyetje qendrore mbetet nëse Vladimir Putin është i gatshëm të bëjë kompromis. Presidenti rus ka deklaruar vazhdimisht se Rusia po e fiton luftën dhe ka sinjalizuar se është i gatshëm ta zgjasë luftimin, nëse Ukraina nuk pranon kushtet drakoniane të Moskës, të cilat kanë përfshirë gjithashtu kufizimin e kapaciteteve ushtarake të Ukrainës dhe ndalimin e pranisë së trupave perëndimore në territorin e saj.

Të penguara nga temperaturat e ulëta dhe rezistenca e fortë ukrainase, përparimet e Moskës në fushëbetejë këtë vit janë ngadalësuar ndjeshëm krahasuar me fundin e vitit të kaluar.

Megjithatë, forcat ruse kanë vazhduar një fushatë goditjesh të vazhdueshme ndaj infrastrukturës energjetike të Ukrainës, duke zhytur pjesë të mëdha të vendit në ndërprerje të gjata të energjisë dhe duke thelluar koston humanitare, në atë që Kievi dhe aleatët e tij e përshkruajnë si një përpjekje për të thyer moralin e civilëve.// The Guardian

The post Përfundojnë negociatat Ukrainë–Rusi/ Zelensky: Bisedimet ishin konstruktive por jo të lehta appeared first on Gazeta Si.

Gazeta Si – SPAK ka mbyllur parashtrimet në gjyqin paraprak ndaj Ilir Metës, Monika Kryemadhit dhe tre të tjerëve, ku prokurori i çështjes ka kërkuar dërgimin në gjyq të 5 të akuzuarve, për korrupsion, pastrim parash dhe fshehje të pasurisë.

“Me thënë të drejtën kishte përsëritjet të të njëjtave gjëra disa herë. I vetmi qëllim ka qenë të shtonin volumin e faqeve. Sot na u dorëzua edhe lista e provës rreth 40 e ca faqe, ku pjesë e tyre janë intervista, shkrime, gazeta që për herë të parë edhe në kohën e diktaturës nuk quheshin prova”, tha Kryemadhi në dalje nga ambientet e GJKKO-së.

Pasi edhe mbrojtja të parashtrojë argumentet e veta, do të jetë Gjykata e Posaçme ajo që vendos nëse çështja do të kalojë për gjykim apo jo. Seanca e radhës është shtyrë për të enjten tjetër, 12 shkurt.

Ish-presidenti Ilir Meta akuzohet për tre vepra penale, të cilat iu komunikuan më 4 gusht 2025, sa i përket dosjes CEZ/DIA dhe lobimit në SHBA. Ai akuzohet për fshehje pasurie, pastrim parash dhe korrupsion.

Ai ndodhet në paraburgim që prej tetorit të vitit 2024, ndërsa ish-bashkëshortja e tij, Monika Kryemadhi, është nën masën e “detyrimit për paraqitje”.

Dosja “Meta” përfshin gjithashtu hetime ndaj nënës së Kryemadhit, Pirro Xhixhos dhe Ema Çokut. Të pandehurit akuzohen për disa vepra penale, përfshirë korrupsionin pasiv, pastrimin e parave dhe mosdeklarimin e pasurive.

The post SPAK kërkon që dosja ‘Meta’ të kalojë për gjykim. Kryemadhi: Na shtuan listën e provave! appeared first on Gazeta Si.

Gazeta Si – Gjykata e Posaçme e Apelit la në fuqi masat e sigurimit për dosjen “AKSHI”, ku drejtoresha Mirlinda Karçanaj (e pezulluar nga detyra) dhe zv/drejtoresha, Hava Delibashi do të vijojnë në “arrest shtëpie”.

Ata kërkuan ndryshimin e masave të sigurimit dhe zbutje të tyre, por gjatë seancës së kësaj të enjteje, SPAK ka vënë në dispozicion akte dhe prova të reja, duke bërë që gjyqtari Florjan Kalaja të lërë në fuqi masat.

Ndërkohë, për zv.drejtorin e Policisë së Tiranës, Erion Ismaili, mbeti në fuqi masa e pezullimit nga detyra dhe ndalimit për të dalë jashtë vendit, si edhe për 3 biznesmenët, Gëzim Hoxha, Andis Papa dhe Rogers Rryta.

Për këta të fundit, SPAK thotë se “kanë marrë pjesë formalisht në procedura tenderimi, kanë lëshuar fatura tatimore fiktive si dhe kanë realizuar transaksione ndaj kompanive që s’ishin pjesë e procesit të tenderimit”. Të tre akuzohen për pastrim të parave dhe grup i strukturuar kriminal.

Për këtë çështje, janë ende në kërkim dy biznesmenët, Ergys Agasi dhe Ermal Beqiraj. Karçanaj, Agasi, Beqiri dhe zyrtarët e tjerë akuzohen për “shkelje barazisë në tendera, korrupsion, shpërdorim detyre dhe pastrim parash”.

The post ‘AKSHI’, lihen në fuqi masat e sigurisë për 2 zyrtaret dhe të dyshuarit e tjerë appeared first on Gazeta Si.

Gazeta Si – Traktati i fundit për kontrollin e armëve bërthamore midis Shteteve të Bashkuara dhe Rusisë skadoi më 5 shkurt, duke i liruar të dy vendet nga çdo kufizim formal mbi armët e tyre bërthamore.

Traktati i “NEW START”, u nënshkrua në vitin 2010 dhe u rinovua në vitin 2021: skadimi i tij shënon në mënyrë efektive fundin e epokës së kontrollit të armëve bërthamore që filloi në vitet 1970, pasi disa traktate ishin eliminuar ose lejuar të skadonin në dekadën e fundit.

Shtetet e Bashkuara dhe Rusia zotërojnë mbi 80 përqind të kokave bërthamore në botë. Skadimi i marrëveshjes do të thotë fundi i shkëmbimit të informacionit në lidhje me arsenalet e tyre përkatëse dhe i jep fund inspektimeve të ndërsjella.

Sekretari i Përgjithshëm i Kombeve të Bashkuara, Antonio Guterres, u ka bërë thirrje të dy vendeve të rifillojnë negociatat për një marrëveshje, por kjo nuk ka gjasa të ndodhë së shpejti.

Traktati “NEW START” kërkonte një reduktim të të ashtuquajturave kokave bërthamore “strategjike”, të projektuara për t’u vendosur larg frontit dhe për të minuar aftësinë e armikut për të zhvilluar luftë, duke shërbyer kështu edhe një funksion pengues (ato të destinuara për përdorim në fushën e betejës quhen “taktike”).

Ai gjithashtu kufizoi numrin e kokave bërthamore me rreze të gjatë veprimi të vendosura në sistemet e shpërndarjes, duke përfshirë raketat balistike ndërkontinentale dhe raketat balistike të lëshuara nga nëndetëset dhe bombarduesit (1,500 për Shtetet e Bashkuara dhe 1,550 për Rusinë).

Ai gjithashtu parashikonte raportim periodik mbi vendosjen dhe evolucionin e arsenalit, si dhe inspektime të kryqëzuara.

Komunikimet dhe inspektimet në fakt ishin ndërprerë për disa vite, me vendim të Rusisë: inspektimet ishin pezulluar gjatë pandemisë së koronavirusit dhe nuk kishin rinisur më pas, për shkak të tensioneve në rritje midis dy vendeve pas pushtimit të Ukrainës nga Rusia.

Marrëveshjet e vitit 2010 u nënshkruan në Pragë nga presidentët e atëhershëm, Barack Obama dhe Dmitry Medvedev (i cili zyrtarisht zëvendësoi Vladimir Putinin për një mandat).

Ato u rinovuan në vitin 2021 nga presidenti Joe Biden, pasi Donald Trump tregoi pak interes për ta bërë këtë gjatë mandatit të tij të parë.

Ishte e fundit në një serie marrëveshjesh që kufizonin kokat bërthamore: të parat u nënshkruan në vitin 1972 midis Richard Nixon dhe Leonid Brezhnjev, të ndjekura nga ato në vitin 1985 midis Ronald Reagan dhe Mikhail Gorbachev.

Pas rënies së Bashkimit Sovjetik, traktati START 1, i nënshkruar në vitin 1991, vendosi një kufizim në numrin e armëve bërthamore dhe inspektimeve të kryqëzuara, një formulë që do të ringjallej në vitin 2010 nga marrëveshja që skadoi përfundimisht dje.

Në muajt e fundit, Putin dhe qeveria ruse kishin diskutuar zgjatjen e vlefshmërisë së traktatit për një vit tjetër.

Trump e quajti propozimin “një ide të mirë”, por nuk u ndërmor asnjë veprim. Në përgjigje të pyetjeve të gazetarëve në muajt e fundit, Trump ka deklaruar në përgjithësi se dëshiron ta zëvendësojë “NEW START” me një “marrëveshje të re dhe më të mirë”.

Administrata amerikane ka shprehur prej kohësh qëllimin e saj për të përfshirë qeverinë kineze në diskutimet mbi marrëveshjet e ardhshme; Kina nuk ka treguar gatishmëri për të negociuar.

Besohet se aktualisht zotëron afërsisht 550 koka bërthamore strategjike, por po ndjek një plan afatgjatë për t’u bashkuar me Rusinë dhe Shtetet e Bashkuara në 1,550.

Sidomos në këtë mandat të dytë, Trump ka hedhur poshtë çdo formë kontrolli ndërkombëtar ose kufizimi mbi vendimet e SHBA-ve dhe madje ka hedhur poshtë një rifillim të testimeve bërthamore (pa ndërmarrë ndonjë hap konkret për këtë qëllim) dhe planin e Marinës për t’u pajisur me një flotë të re të armatosur me armë bërthamore. Fundi i traktatit mund të shënojë fillimin e një faze të re të rritjes së arsenalit bërthamor.

Para ditës së sotme, traktati i fundit i mospërhapjes që u braktis, ishte INF (Traktati i Forcave Bërthamore me Rreze të Mesme Veprimi), me urdhër të Shteteve të Bashkuara.

Kjo ishte marrëveshja e vitit 1987 që ndaloi të gjitha raketat balistike dhe të lundrimit me bazë tokësore me një rreze veprimi midis 500 dhe 5,500 kilometrave. Shtetet e Bashkuara më pas u tërhoqën nga traktati, duke akuzuar Rusinë për shkeljen e tij.

Përfundimi i “NEW START” mund të ndikojë gjithashtu në shqyrtimin e pajisjeve, i planifikuar për muajt e ardhshëm në Kombet e Bashkuara, të Traktatit më të përgjithshëm për Mospërhapjen e Armëve Bërthamore, në fuqi që nga viti 1970 dhe që rishikohet çdo pesë vjet.

Parimi themelor i traktatit është që shtetet jo-bërthamore zotohen të mos pajisen me armë bërthamore, me kusht që shtetet me armë bërthamore të bëjnë përpjekje me mirëbesim drejt çarmatimit. Traktati është nënshkruar nga 190 vende, përfshirë Shtetet e Bashkuara dhe Rusinë.

Përshtati: Gazeta “Si”

The post Fundi i kontrollit të armëve bërthamore appeared first on Gazeta Si.

Në 13 dhjetor të vitit 2024, Gjykata e Shkallës së Parë të Juridiksionit të Përgjithshëm Fier urdhëroi kompaninë Bankers Petroleum që t’i paguante rreth 600 mijë dollarë paga, ish drejtorit të saj Leonidha Çobo për largimin e tij nga puna.

Me vendimin e gjykatës në dorë dhe urdhrin përkatës të ekzekutimit, zoti Çobo kontraktoi një zyrë përmbarimore për të mbledhur borxhin nga Bankers. Zyra e quajtur Private Enforcement Group tentoi të gjejë para të Bankers në bankat shqiptare, por pa sukses.

Kompania kineze që shfrytëzon naftën shqiptare prej vitesh nuk ka asnjë llogari aktive në Shqipëri, me qëllim që të mos i ekzekutojnë dot borxhet e shumta që ka akumuluar ndaj kreditorëve privat, por edhe detyrimet ndaj shtetit. Për pagesat e domosdoshme që duhet të kryente brenda vendit, Bankers së bashku me bankën Raifeisen kishin nritur një skemë kriminale, përmes një overdrafti, që sipas ligjit nuk mund të ekzekutohej nga kreditorët.

Të gjendur para këtij fakti, përmbaruesit gjetën një metodë tjetër për të marrë paratë e klientit të tyre; bllokuan skrapin në fushën e Patos Marinzës. Por kishte një problem. Skrapi nuk ishte i Bankers, pasi sipas marrëveshjes koncesionare çdo aset në fushë është pronë e shtetit.

Vjedhje e pasurisë publike me forcë
Pasi përmbaruesit bllokuan skrapin e shtetit për ta shitur me qëllim që të merrnin paratë, që Bankers duhet t’i paguante ish drejtorit të saj, dikush lajmëroi institucionet. Agjencia Kombëtare e Burimeve Natyrore nisi një shkresë zyrtare në drejtim të Bankers Petroleum dhe zyrës së përmbarimit, ku i parlajmëronte se skrapi ishte pronë e shtetit dhe të drejtat e pronësisë së shtetit shqiptar nuk mund të cënoheshin për të shlyer borxhet e kompanisë.

Shkresa e AKBN

“Në nenin 11.1.1 të Marrëveshjes Hidrokarbure parashikohet se asetet e luajtshme dhe të paluajtshme, të cilat janë krijuar në këtë liçencë marrëveshje dhe marrëveshje hidrokarbure, bëhen pronë e AKBN pas përfundimit të marrëveshjes hidrokarbure, mbylljes së saj, ose në momentin e mbulimit të tyre si kosto hidrokarbure,” shkruhet në shkresën që AKBN i nisi Bankersit dhe zyrës së përmbarimit.

Në fund të shkresës AKBN e paralajmëron edhe më shprehimisht përmbaruesin që të mos ekzekutojë detyrimet e Bankers ndaj klientit të tij duke shitur skrapin, që është pasuri e shtetit.

“Pjesa e aseteve që i është dhënë në përdorim kompanisë Bankers Petroleum është pronë e shtetit shqiptar dhe si e tillë nuk mund t’i nënshtrohet procedurave përmbarimore me qëllim shlyerjen e detyrimeve, që kjo kompani u ka kreditorëve të saj” thuhet në shkresën e AKBN.

Shkresa që AKBN i nisi kompanisë kineze dhe përmbaruesit mban datën 7 prill të vitit të kaluar. Por përmbaruesit nuk e vunë ujin në zjarr hiç edhe pse u paralajmëruan zyrtarisht se po shisnin pasurinë e shtetit për të mbledhur borxhet e një kompanie private.

Dy javë pasi u paralajmëruar nga AKB, përmbaruesi zhvilloi ankandin për shitjen e skrapit. Vetë ankandi është një histori tjetër e madhe vjedhje.

Vjedhje me bekimin e drejtuesve të Bankers
Ndonëse u paralajmërua zyrtarisht nga AKBN të mos e shiste skrapin, përmbaruesi i kontraktuar nga Leonidha Çobo e shpalli ankandin. Në përfundim të tij, skrapi iu shit kompanisë Shkëlqimi 07, kompanisë në pronësi të ish kryetarit të bashkisë së Ballshit, Shkëlqim Kapllanaj. Dhe skrapi i shtetit u shit për një copë bukë.

Shkëlqimi 07 e bleu skrapin me një çmim sa gjysma e çmimit të këtij produkti në treg. Vlera totale e skrapit që mori kjo kompani ishte 1.2 milionë euro. Por ajo i pagoi përmbaruesit vetëm 600 mijë euro, aq sa borxhi që Bankers duhet t’i paguante Leonidha Çobos.

Dy burime të mirëinformuara për çështjen dhe të pavarura nga njëri tjetri i thanë Kapitalit se shitja e skrapit me atë çmim u bë me bekimin e drejtuesve të kompanisë. Fundja Bankers ishte më e fituara nga kjo vjedhje. Pagoi borxhet e veta duke shitur pasurinë e shtetit.

Dhe kjo është vetëm një nga rastet e pafundme se si shqiptarët janë vjedhur brutalisht në Patos-Marinzë. Edhe pse në këta rast, vjedhja ka qenë haptazi dhe duke e ulur në gjunjë shtetin dhe ligjin./Kapitali.al

The post Përmbaruesit shitën skrapin e shtetit 1.2 mln euro, për borxhet private të Bankers Petroleum appeared first on Gazeta Si.

Gazeta Si – Në Gjykatën e Posaçme, Henrik Hoxhaj, i pandehur në dosjen “Plumbi i artë”, rrëfeu detaje për një porosi të pakryer për vrasjen e Sokol Sanxhaktarit, dhëndri i ish-kryebashkiakut të ndjerë të Elbasanit, Qazim Sejdini.

Ai tregoi se gjatë përgatitjeve për vrasjen e vëllezërve Haxhia, kishte diskutuar me Nuredin Dumanin për një tjetër “punë”, ku i ishte ofruar një shumë prej 200 mijë eurosh për të goditur Sanxhaktarin.

Hoxhaj tha se nuk ishte i interesuar dhe se nuk e dinte kush ishte investitori, vetëm se, sipas Dumanit, kishte të bënte me dhëndrin e kryetarit të Bashkisë së Elbasanit. Ai nuk mbajti mend të ishte përmendur emri Suel Çela dhe nuk mori pjesë në ngjarje.

“Ndërsa po përgatitesha për vrasjen e vëllezërve Haxhia, diskutuam me Nuredin Dumanin për një punë tjetër. Ai fliste në telefon gjithë kohën. Kishte ditëlindjen atë dite. Nuk e di me kë. Më tha për Sokol Sanxhaktarin”.

Prokurori Behar Dibra e pyeti: “Në 30 korrik 2020, kur Sokol Sanxhaktari vrau Florian Lamçen, Nuredini të ka shkruar ty: ‘Na humbën 200 mijë euro'”. Hoxhaj u përgjigj: “Po, se nuk u mbarua puna, pra”.

Gjatë dëshmisë, i pandehuri Hoxhaj rrëfeu edhe konfliktin me Ismet Boriçin, që kishte pasur si zanafillë një përplasje të një miku të tij me vëllezërit Boriçi në 1999-2000.

“Arsyeja ka filluar në vitin 2004, kur unë duke ikur për në shtëpi jam plagosur me 3 plumba. Ismet Boriçi i ka plagosur vëllain Viron Kallanxhiut, shokut tim të fëmijërisë, që tani është në burg”, – u shpreh Hoxhaj.

The post Henrik Hoxhaj rrëfen ‘humbjen e 200 mijë €’ për vrasjen e Sokol Sanxhaktarit! appeared first on Gazeta Si.

Nga Gazeta ‘Si’- Qeveria shqiptare ka reaguar publikisht për heqjen e masave të përkohshme për bllokimin e platformës sociale TikTok në Shqipëri.

Në reagim sqarohet se aksesimi në TikTok tashmë është i plotë, ndërsa theksohet se do të instalohen mekanizma të rinj sigurie, të cilët më parë nuk ishin të pranishëm.

Në sqarim thuhet se vendimi u mor pas një rivlerësimi institucional dhe adresimit të shqetësimeve që lidhen me sigurinë publike, sociale dhe digjitale, veçanërisht për fëmijët dhe të rinjtë.

Paralelisht, qeveria njofton se po punohet për hartimin e një plani të mirëfilltë komunikimi dhe ndërgjegjësimi, të fokusuar te fëmijët, të rinjtë, prindërit dhe mësuesit, për përdorimin e sigurt dhe të përgjegjshëm të platformave online.

“Qëllimi është i qartë dhe i orientuar drejt edukimit digjital, mbrojtjes reale dhe ndërtimi i një kulture sigurie në hapësirën online. Kjo qasje e balancuar synon të garantojë lirinë e aksesit, duke vendosur njëkohësisht interesin e sigurisë dhe mirëqenies së të rinjve në qendër të politikave publike”, thuhet në sqarimin e Agjencisë për Media dhe Informim.

Kujtojmë se TikTok ishte  jashtë funksionit që prej 13 marsit të vitit të kaluar. Vendimi për mbylljen për një vit u ndërmor pas një konsultimi të nisur nga qeveria me prindërit, pas vrasjes së 14-vjeçari Martin Cani në shkollën “Fan Noli”.

Ky bllokim i aplikacionit u kundërshtua nga opozita dhe organizata të shoqërisë civile, të cilat e akuzuan qeverinë për censurë dhe kufizim të shprehjes.

Kryeministri pranoi se ndalimi nuk e zgjidhi dhunën në shkolla, por theksoi se shërbeu për të vendosur mekanizma sigurie që më parë mungonin.

Gjatë kësaj periudhe, qeveria shqiptare ka zhvilluar komunikime me drejtuesit e platformës, me synim vendosjen e filtrave dhe mekanizmave që parandalojnë përhapjen e përmbajtjeve me dhunë apo gjuhë urrejtjeje.

The post Rihapja e TikTok, qeveria: Kemi vendosur bazat për mekanizma të reja sigurie appeared first on Gazeta Si.

Nga Gazeta ‘SI’ – Në fund të vitit 2025, në Bankën e Shqipërisë mbërriti një aplikim i pazakontë dhe bordi duhet të mendohet mirë. Shoqëria JET Bank ka kërkuar që të licencohet si banka e parë digjitale në Shqipëri por në hapësirën publike ka shumë pak informacion mbi aktivitetin, strukturën apo historikun e saj.

Teksa procesi i miratimit final është ende në zhvillim, në media nisën të publikohen informacione që ngritën pikëpyetje mbi profilin dhe aktivitetin e aksionerëve të bankës së re digjitale, të cilët mesa duket nuk u gjendën rastësisht në Shqipëri.

Jet Bank apo Banka Jet është tashmë pronë e Jet Holdings BV, me seli në Amsterdam dhe ka gjashtë shoqëri aksionare (pas shitjes së aksioneve nga pronari fillestar Idan Avishai), raportuar nga revista “Monitor”. Pesë nga këto janë me seli në Izrael, përveç Constador LTD, e cila është e regjistruar në Qipro dhe mban pjesën më të madhe të aksioneve, 71.5%.

Louis Grant Silver, drejtor i Constador LTD, aksioneri kryesor i bankës së parë digjitale në Shqipëri, rezulton se ka një karrierë të suksesshme në investimet në valutë të huaj, njohur si Forex. Ai shërben ende si drejtues aktiv në Fortrade Limited, që operon në këtë aktivitet.

Ortaku i tij, Oliver Hemmer, rezulton dhe drejtues i Fortrade Cyprus, filiali qipriot i Fortrade.

Idan Avishai, ish-pronari i Jet Bank (në regjistrin tregtar ai rezulton ende pronar përfitues), del po ashtu i lidhur me Fortrade dhe me eksperiencë të gjatë në këtë aktivitet.

Një platformë mashtrimi

Lidhja jorastësore me Shqipërinë është se Fortrade, është njëra nga kompanitë që ka operuar ilegalisht në Shqipëri, në fushën e Forex apo siç njihet gjerësisht, skema mashtrimi nëpërmjet Call Center. Pak vite më parë, Autoriteti i Mbikëqyrjes Financiare në Shqipëri, u detyrua të bënte një njoftim zyrtar, duke theksuar se ka aktivitet të palicencuar. Atëkohë, AMF njoftonte qytetarët të ishin të kujdesshëm për një skemë të mundshme mashtrimi, pasi çdo transaksion me këtë shoqëri ishte i paligjshëm!

Përdorues të platformës raportojnë humbje të konsiderueshme: një investitore ka pretenduar se Fortrade i bllokoi 20.000 dollarë fitim, duke i lejuar të tërhiqte vetëm një pjesë të vogël nëpërmjet kanaleve jobankare, ndërsa pjesa tjetër nuk iu kthye kurrë. Të tjerë raportuan humbje prej 13.000 dollarësh ose 2.000 euro, duke ndjekur udhëzimet e kompanisë për investime të supozuara fitimprurëse. Një përdorues tjetër tha se nuk mund të aksesonte llogarinë e tij, por pagonte vazhdimisht tarifat e platformës pa përfituar shërbim.

Roli i Oliver Hemmer shtrihet edhe në një tjetër skandal të madh në tregun Forex, platformën 4XFX, e cila operonte me baza në Europën Lindore dhe Afrikën Lindore. Hetimet treguan se fondet e investitorëve përfundonin në një bankë në Rumani nën kontrollin e Hemmerit, duke e bërë këtë një nga skemat mashtruese më të mëdha që ka prekur Europën, Kanadanë dhe Australinë.

Nga tregu spekulativ te sistemi bankar

Ndërsa është e qartë se pronarët e bankës JET janë ekspertë të investimeve në bursë, nuk është e qartë eksperienca e tyre në sektorin bankar.

JET ka marrë miratimin paraprak dhe pret të licencohet përfundimisht, por vetëm pasi të përmbushë kushtet, njësoj si bankat tradicionale. Dy nga këto kushte janë kredibiliteti dhe reputacioni; të panjohura për JET përshkak të mungesës së aktivitetit dhe krijimit vetëm pak muaj para se të aplikonte në Shqipëri për një licencë.

Pronarët e JET, jo domosdoshmërisht kanë shkelur ligjin duke punuar në FOREX, por ky aktivitet është nga natyra spekulativ dhe i rrezikshëm, që i hap rrugën dhe skemave abuzive e mashtruese për fitime të qëndrueshme. Thënë kjo, ka një shqetësim real që të njëjtët njerëz që kanë spekuluar (dhe mashtruar) të marrin në dorë kredi e depozita të qytetarëve, qoftë për çështje profesionalizmi apo çështje imazhi.

Nga ana tjetër, një bankë digjitale vjen me një risk të madh operacional. Varësia totale ndaj teknologjisë e ekspozon këtë bankë ndaj sulmeve kibernetike. Pastrimi i parave po ashtu duket një rrezik i mundshëm, duke qenë se kontakti dhe verifikimi fizik mungojnë, apo brishtësia e sistemeve digjitale që mund ta lehtësojë kalimin e parave të pista në sistem. Për këtë arsye, procesi i licencimit nuk është thjesht një procedurë teknike, por një vendim që prek drejtpërdrejt besimin në sistemin bankar dhe sigurinë e kursimeve të qytetarëve.

The post Një Call Center do të bëhet bankë në Shqipëri appeared first on Gazeta Si.

Në TikTok mund të keni parë pafund video të njerëzve që thonë se vaji i rozmarinës i ka ndihmuar të rrisin flokët dhe t’i bëjnë ato më të shëndetshme.

Por këto veti magjike të rozmarinës, në fakt nuk janë dhe aq të vërteta…sipas ekspertëve.

“Humbja e flokëve është e vështirë dhe e tejmbushur me ngarkesë emocionale, që zakonisht lë hapësirë për konkluzione të ekzagjeruara”, thotë Oma Agbai, profesoreshë e dermotalogjisë dhe rënies së flokëve në Universitetin mjekëorë të Kalifornias.  

Patjetër disa mund të shohin një farë ndryshimi, por jo diçka e ngjashme me trajtime mjekësore të përshtatshme.

Çfarë është vaji i rozmarinës dhe çfarë mund të bëjë për flokët tua?

Vaji i rozmarinës është një vaj esencial i nxjerrë direkt nga kjo bimë dhe përdoret gjerësisht në produktet e flokëve dhe lëkurës. Kjo sepse ka veti anti-inflamatore dhe anti0mikrobiale, që ndikojnë pozitivisht në qarkullimin e gjakut dhe në mirëmbajtjen e skalpit, duke suportuar rritjen e flokëve.

Edhe pse nuk ka shumë prova shkencore për rikthimin e flokëve nga rozmarina, studimet i japin një meritë modeste, sidomos ato në gjendje e alopecisë, humbja lokale ose totale e qimeve, kudo në trup.  “Por nuk është magji!”, thote Adam Friedman, profesor i dermatologjisë në shkollën mjekësore të Uashingtonit.

Alopecia androgenetike (rrallimi i flokëve i shkaktuar nga hormonet) ndikohet pjesërisht nga hormonet që quhen androgenë. Kur nivelet e këtyre hormoneve janë të larta ose ekziston një ndjeshmëri e shtuar ndaj një androgjeni të quajtur dihidrotestosteron (DHT) për shkak të faktorëve gjenetikë dhe mjedisorë, folikulat e flokëve mund të tkurren, duke prodhuar flokë më të hollë dhe duke shkurtuar ciklin e rritjes së flokëve. Trajtimet që reduktojnë DHT mund të ngadalësojnë humbjen e flokëve sipas modelit, dhe disa studime sugjerojnë se vaji i rozmarinës mund të ketë një aftësi të kufizuar për ta bërë këtë.

Në një studim me minj, vaji i rozmarinës duket se pengonte një enzimë që konverton testosteronin në DHT. Disa studime sugjerojnë gjithashtu se rozmarina mund të reduktojë aftësinë e DHT-së për t’u lidhur me receptorët e androgenëve, që është mënyra se si hormoni ndikon në folikulat e flokëve, tha Friedman.

Por ekstrakti i rozmarinës nuk është provuar në studime të reduktojë rënien apo humbjen e flokëve ose të rrisë rritjen e flokëve në ndonjë mënyrë domethënëse apo të besueshme, tha Friedman. Dhe nuk ka asnjë provë të fortë që mund të trajtojë forma të tjera të humbjes së flokëve si telogen effluvium, një lloj rënieje e tepruar e flokëve e shkaktuar nga stresi, sëmundja ose shtatzënia; alopecia areata, humbje e njollosur e flokëve lidhur me çështje autoimune; ose alopecia me skarifikim, që shkakton humbje të përhershme të flokëve nga inflamacioni dhe indet e shëruara, tha ai.

Pse disa njerëz mendojnë se vaji i rozmarinës ndihmon rritjen e flokëve?
Shumica e bujës ka të bëjë me një studim të rastësishëm të vitit 2015 që është shpërndarë gjerësisht në rrjetet sociale. Ky studim tregoi se një solucion topical me vaj rozmarine ishte po aq efektiv sa 2% minoksidil, ose Rogaine, i cili është studiuar gjerësisht dhe lidhet me rritjen e flokëve tek disa njerëz, në trajtimin e alopecisë androgenetike tek meshkujt.

Friedman dhe dermatologë të tjerë vunë re se përmirësimet në numrin e flokëve, mënyra se si studiuesit matën suksesin, ishin modeste dhe se studimi mungonte disa elementë themelorë të dizajnit që priten në provat klinike moderne. Ai kishte një kampion relativisht të vogël prej 100 burrash, i ndoqi për vetëm gjashtë muaj dhe, më e rëndësishmja, nuk kishte një grup placebo, “duke e bërë të pamundur të përcaktohej nëse ndonjëra nga trajtimet ishte vërtet efektive ose nëse të dy grupet përjetuan luhatje natyrale të ciklit të flokëve,” tha Friedman.

Studimet ndryshojnë sa i përket pastërtisë, fuqisë dhe përzierjeve që përmbajnë vaj rozmarine, duke e bërë të vështirë nxjerrjen e përfundimeve të forta mbi efektivitetin e vajit, tha Friedman.

Mund të jetë gjithashtu një çështje perceptimi për ata që besojnë fuqishëm te vaji i rozmarinës. Vaji mund të bëjë që flokët të duken më shkëlqyes dhe të ndihmojë në parandalimin e thyerjes, duke rezultuar në dukjen e flokëve më të trasha, tha Shari Lipner, profesore e dermatologjisë klinike në Ëeill Cornell Medicine. Edhe pa trajtim, humbja e flokëve nga kushtet e zakonshme si telogen effluvium shfaqet dhe zhduket, dhe njerëzit që fillojnë të përdorin vaj rozmarine gjatë kulmit të rënies së flokëve do të vënë re që flokët e tyre rimëkëmben gjatë disa muajve — me ose pa trajtim, tha ajo.

Pasi vaji i rozmarinës mund të ndihmojë rritjen e flokëve të paktën deri në një shkallë të caktuar, mund të jetë një trajtim i arsyeshëm shtesë për disa persona me humbje flokësh, veçanërisht për ata që nuk e tolerojnë minoksidilin, por nuk është një zëvendësim i trajtimeve mjekësore të provuara klinikisht, tha Paradi Mirmirani, dermatologe dhe specialiste e çrregullimeve të flokëve në Kaiser Permanente, Vallejo, Kaliforni.

Edhe pse nuk ka shumë kërkime që rekomandojnë një mënyrë ideale për përdorimin e vajit të rozmarinës për çështjet e flokëve, një metodë e përgjithshme është të përzieni disa pika vaj rozmarine me një vaj bazë si kokosi ose jojoba për të reduktuar çdo rrezik irritimi dhe pastaj ta masazhoni në skalpin tuaj.

Vaji i rozmarinës zakonisht tolerohet mirë “me minimal irritim,” tha një përmbledhje e literaturës për vajin në përgjithësi.

A ndihmojnë ndryshimet në stilin e jetës kundër humbjes së flokëve?
Përveç vajit të rozmarinës, një dietë e ekuilibruar, gjumi, ushtrimi dhe menaxhimi i stresit janë të rëndësishme për shëndetin e përgjithshëm, dhe të flokëve, si dhe identifikimi dhe korrigjimi i çdo mungese ushqyese që mund të kontribuojë në humbjen e flokëve, si hekuri, zinku, vitamina D ose proteina, tha Agbai.

Kufizoni gërshetat e forta, bishtalimet dhe zgjatjet, pasi ato mund të çojnë në një lloj tjetër alopecie, alopecie të tërheqjes, që shkakton humbje flokësh nga stresi konstant mbi folikulat.

Dhe trajtimi i gjendjeve inflamatore të skalpit si dermatiti seborrheik mund të reduktojë rënien, tha Agbai.

Çfarë funksionon për rritjen e flokëve?
Produktet natyrale si vaji i rozmarinës zakonisht rekomandohen vetëm si ndihmës, ose “shokë të trajtimit,” për mjekimet e provuara, tha Friedman.

Për humbjen e flokëve sipas modelit, dermatologët rekomandojnë trajtime të mbështetura nga prova për rritjen e flokëve:

Minoksidil: Minoksidil oral dhe topical, ose Rogaine, janë studiuar në prova të mëdha të kontrolluara dhe janë treguar si trajtim efektiv për humbjen e flokëve. Ndërsa minoksidil oral është i miratuar nga FDA për trajtimin e presionit të lartë të gjakut, përdorimi i dozës së ulët për humbjen e flokëve është jashtë etiketës, dhe si minoksidil oral ashtu edhe topical, veçanërisht formulimi 5%,  lidhen me rritje të dukshme të flokëve tek meshkujt dhe femrat me alopeci androgenetike.

Finasterid: Finasteridi oral, i miratuar për trajtimin e alopecisë androgenike tek meshkujt, ka treguar në prova klinike se rrit numrin e flokëve dhe përmirëson pamjen e përgjithshme të flokëve duke reduktuar DHT.

Spironolakton: Spironolaktoni oral dhe topical është studiuar më shpesh tek gratë për rikuperimin e alopecisë. Në provat klinike, ishte më efektiv kur përdorej së bashku me trajtime konvencionale të tjera si minoksidil, dhe jo si terapi e vetme.

Dutasterid: Një inhibitor më i fuqishëm i 5-alfa, dutasteridi përdoret gjithashtu jashtë etiketës për trajtimin e alopecisë androgenike tek meshkujt dhe femrat dhe ka treguar në studime se redukton DHT dhe arrin një rritje të dukshme të numrit të flokëve krahasuar me grupet placebo.

Kujtoni, me mjekime natyrale apo të përshkruara për humbjen e flokëve, çdo përfitim do të humbasë sapo trajtimi të ndërpritet, thanë ekspertët.

Gjithashtu, pasi këto mjekime për rritjen e flokëve kanë përdorime të tjera, minoksidil për presion të lartë gjaku, finasterid për prostatë të zmadhuar, spironolakton për mbajtje të lëngjeve, për shembull, ato mund të ndërveprojnë me ilaçe të tjera ose të shkaktojnë efekte anësore, kështu që konsultohuni me mjekun tuaj para se t’i përdorni për humbjen e flokëve./Washington Post

The post A ndihmon vërtet në rritjen e flokëve vaji i rozmarinës? Ja çfarë thonë ekspertët appeared first on Gazeta Si.

Nga Gazeta ‘Si’- Sot kryeministri Edi Rama shfaqet me të drejtë i pakënaqur me burgosjet pa gjyq, por nuk ishte kështu kur ai erdhi në pushtet dhe “shkopi i Maliqit” drejtohej tek publiku.

Prej vitesh, Rama ka folur për burgun, duke e kthyer nga një masë ekstreme në një përgjigje rutinë ndaj çdo shkeljeje, një ide e fryrë sistematikisht sa herë duhej dhënë mesazhi i “shtetit të fortë”.

“Formula” e burgut, e aplikuar për lloj e lloj shkeljesh – nga ato administrative tek ato urbane – ka zanafillën qysh një dekadë më parë me vjedhjen e energjisë elektrike. Kjo politikë u përkthye shpejt në arrestime të qytetarëve për lidhje të paligjshme të energjisë, shpesh për konsum minimal ose kamatëvonesa të papërballueshme.

Më tej, ndërsa mbështeste këtë narrativë, Rama shtoi burgun edhe për ndërtimet pa leje, vjedhjen e ujit, zaptimin e tokës, shtesat e paligjshme brenda një projekti të lejuar dhe deri tek parkimi dysh, duke krijuar atmosferën se çdo shkelje ishte rrezik për shtetin dhe çdo tolerancë, dobësi.

Por ndërsa përpiqej të ngrinte këtë “tribunë morale”, ai harroi të parashikonte se e njëjta frymë që e kishte mbjellë sa në tryeza lokale, aq edhe në mbledhje me dyer të mbyllura, një ditë do e sfidonte. Kjo nuk është vetëm ironi e fatit, por një leksion klasik i politikës: kur ngre idenë e ndëshkimit absolut, nuk mund të ndalosh më shoqërinë që gjithçka ta masë me këtë standard.

Sot, ndërsa hetimet dhe masat penale kanë prekur politikanë dhe figura të pushtetit, Rama flet për “burg pa gjyq”, për dënime morale që paraprijnë vendimin e drejtësisë dhe për cenim të parimit të prezumimit të pafajësisë. Me qëndrimet kundër gjyqësorit, ai vë në diskutim vendimmarrjen e gjyqtarëve dhe paralajmëron se “kjo nuk mund të mbetet kështu”, duke e zhvendosur betejën nga retorika politike te Gjykata Kushtetuese – të paktën për rastin e Veliajt dhe Ballukut.

Por Rama harron se vetë është mbarës i një shoqërie që ka mësuar të presë ndëshkime të shpejta dhe absolute për çdo shkelje – njerëz që kanë lidhur një tub uji pa leje, ndërtuar një shtesë për të fituar një dhomë më shumë, ose shkelur rregulla për të mbijetuar, jo për t’u pasuruar. Tani, kur e gjen këtë parim duke u kthyer kundër tij, ndjenja e padrejtësisë i duket e natyrshme.

Kur kjo frymë godet lart, ai kërkon procedura, durim dhe gjykim të paanshëm, ndonëse është pikërisht ai që prej vitesh e ka relativizuar procedurën duke e zëvendësuar me dënimin moral publik dhe idenë se burgu është përgjigjja standarde.

Sot kryeministri ka të drejtë kur shikon inflacion burgimesh pa gjyq sepse edhe teoria dhe praktika europiane tregojnë se burgu duhet të jetë mjeti i fundit i ndëshkimit, i rezervuar për vepra me rrezikshmëri të lartë shoqërore. Kur shndërrohet në përgjigje standarde edhe për shkelje të vogla, sistemi humbet proporcionalitetin dhe, në afat të gjatë, besueshmërinë.

Kur “shteti i fortë” shfaqet vetëm me të dobëtit, një shoqëri ka të drejtë të krijojë perceptimin e drejtësisë selektive, ku ashpërsia e ligjit zbatohet vetëm poshtë.

Retorika e burgut ka krijuar edhe një paradoks të dukshëm: mbipopullimin e burgjeve, për të cilën qeveria ankohet vazhdimisht duke e shërbyer si argument për të minimizuar arrestimet pa gjyq.

Si Rama, ashtu edhe ministrat e drejtësisë kanë ngritur shqetësimin për kapacitetet e tejmbushura, sepse kur burgjet janë plot, sistemi është nën presion. Jo vetëm kostoja financiare, por edhe ajo sociale dhe humane e mbajtjes së një popullsie të lartë të dënuar për shkelje me rrezikshmëri të ulët, rritet.

Në këtë situatë, qeveria duhet të kuptojë se zgjerimi i listës së veprave të dënueshme me burg e thellon këtë krizë strukturore. Po ashtu, duhet të reflektojë se kriminalizimi i shkeljeve që burojnë nga informaliteti, varfëria ose mungesa e alternativave institucionale, nuk i adreson shkaqet e problemit. Burgosja për vjedhje uji nuk reformon sektorin e ujësjellësit, as ndëshkimi penal për shtesa pa leje nuk zëvendëson politikat e planifikimit urban dhe strehimit.

Kësisoj, politika e ashpërsimit penal po i kthehet Ramës si boomerang. Ajo jo vetëm prodhon burgje të mbipopulluara, por rrit tensionin social dhe ushqen bindjen se ligji funksionon në mënyrë të pabarabartë. Diskutimi nuk është nëse drejtësia duhet të veprojë apo jo, por se çfarë fryme ka ndërtuar politika rreth saj. Një shtet që mëson shoqërinë se ndëshkimi është zgjidhja për çdo devijim nuk mund të befasohet kur kjo logjikë aplikohet edhe ndaj vetë pushtetit.

Drejtësia që ndërtohet mbi frikë dhe shembuj nuk zgjedh viktimat sipas statusit, por sipas klimës që i është imponuar – dhe kjo klimë sot po i kthehet mbarështuesit të saj.

I vendosur i vetëm përballë republikës së prokurorëve dhe gjyqtarëve siç thotë, tani kryeministri ka nevojë të ketë publikun në anën e vetë.

Kjo është e drejtë, por a i duket e drejtë publikut të cilin e mbarsi me idenë e burgut për tre mandate?!

The post Një shoqëri e trembur me burgim, nuk ëndërron dot lirinë e tjetrit appeared first on Gazeta Si.

Gazeta Si – Këtë vit, Westminster Kennel Club Dog Show, (Shfaqja e Qenve Westminster Kennel Club), konkursi më i rëndësishëm i qenve në Shtetet e Bashkuara të Amerikës, festoi edicionin e tij të 150-të.

Eventi u zhvillua në Nju Jork dhe afërsisht 3,000 qen të dhjetëra racave dhe varieteteve të ndryshme u vlerësuan nga një panel ekspertësh bazuar në bukurinë dhe përputhshmërinë e tyre me standardet e racës së tyre.

Fituesja e konkursit ishte Penny, një doberman katërvjeçar, por ia vlente të fotografoheshin edhe shumë qen të tjerë që garuan, të cilët kërkojnë një aftësi të dukshme përshtatjeje ose qëndrese për të performuar para qindra njerëzve, midis dhjetëra të tjerëve, të kuruar dhe të mbajtur nga bishti ose veshët.

Duke shfletuar fotot e ditëve të fundit, mund të hasni në raca më pak të njohura si Bedlington Terrier ose Kuvasz, si dhe emrat e çuditshëm që tregojnë se qentë shpesh regjistrohen si: cocker spaniel Winelight Wine Dancer, pointer Aspyre Cat Got Our Tongue ose pug Petunia Pugdashian.

The post Shfaqja më e rëndësishme e qenve në SHBA appeared first on Gazeta Si.

Një shpërthim i fuqishëm ka tronditur rajonin e Tambovit në Rusi, pasi një tren me karburant doli nga shinat dhe shpërtheu në flakë, duke krijuar një re gjigante në formë “kërpudhe” që u ngrit mbi 300 metra në qiell.

Pamjet dramatike tregojnë një kolonë të zezë tymi dhe një top zjarri që digjej për më shumë se 15 sekonda, ndërsa rreth 30 vagonë raportohet se janë dëmtuar.

Ngjarja ndodhi në stacionin Kochetovka-2, një nyje e rëndësishme hekurudhore që përdoret për transportin e karburantit, pajisjeve dhe furnizimeve të tjera strategjike, disa prej të cilave besohet se shkojnë drejt jugut të Rusisë për të mbështetur përpjekjet e luftës. Autoritetet ruse thanë se është ngritur një qendër operacionale për të menaxhuar situatën dhe për të vlerësuar dëmet në infrastrukturë.

Si pasojë e shpërthimit, të paktën tetë trena ndërqytetës u vonuan, përfshirë linjat mes Moskës dhe Krimesë. Shkaku i daljes nga shinat mbetet ende nën hetim, ndërsa ka dyshime për një akt sabotimi.

The post Shpërthen ‘treni i naftës’ në Rusi, dyshime për sabotazh (video) appeared first on Gazeta Si.

Nga Gazeta ‘Si’- Kryetari i Partisë Demokratike, Sali Berisha është i bindur që sipas tij kryeministri Edi Rama nuk do i heqë imunitetin Belinda Ballukut.

Ai theksoi se do të jenë shqiptarët që sipas tij me qëndrimin e tyre kundër kësaj qeverie do t’i heqin imunitetin edhe Ballukut edhe Ramës.

Berisha komentoi edhe shtyrjen e vendimit nga Gjykata Kushtetuese të cilin e konsideroi një show të shëmtuar në historinë e drejtësisë shqiptare por edhe botërore, duke shtuar se gjykata sipas tij tregoi se nuk ka dinjitet e moral.

“Rama nuk i heq imunitetin Ballukut, kjo është e qartë. Imunitetin asaj dhe Ramës do ja heqin shqiptarët. Ju garantoj se do ta realizojnë. Zemërimi po vlon në zemrat e shqiptarëve, temperaturat po rriten me shpejtësi. Asgjë nuk mund t’i shpëtojë popullit të zemëruar. Zemërimi po shkon deri në palcë”, tha Sali Berisha.

Kryedemokrati shprehu bindjen se më 10 shkurt, kur do të mbajë protestën e radhës kombëtare, do të jetë dita e triumfit të qytetarëve shqiptarë ndaj qeverisë, që e cilësoi si organizatë kriminale.

I pyetur se çfarë strategjie do të ndjekë opozita në protestën e 10 shkurtit, Berisha u përgjigj: “Strategjia është deri në rrëzimin e Edi Ramës”.

Më tej ai theksoi se “Qeveria nuk ka legjitimiteti, ka shndërruar zgjedhjet në farsë. Qeveria ka vjedhur miliarda dhe bllokon drejtësinë. Këto dy faktorë deligjitimojnë çdo pushtet”.

Ai denoncoi edhe rrugën Qukës-Qafë Plloçë, ku u shpreh se po shembet në çdo segment.

“Pra, ajo vallja Rama-Balluku me daulle dhe gërneta në inaugurimin e saj, ishte një show i turpshëm sepse rruga, sipas supervizorit, nuk plotësonte kushtet për t’u marrë në dorëzim. Dhe megjithatë ai që e ndërtoi, merr edhe disa milionë të tjera për mirëmbajtje. Dhe nga mirëmbajtja, siç e shihni ju, ajo shembet në çdo segment”, tha Berisha.

The post Berisha: Rama nuk do të pranojë të heqë imunitetin e Ballukut appeared first on Gazeta Si.

Gazeta Si – Kryebashkiaku i Gjirokastrës, Flamur Golemi, është paraqitur këtë të enjte në Prokurorinë e Posaçme (SPAK), ku qëndroi rreth 3 orë.

Pasi doli, ai deklaroi për gazetarët se “dhashë një deklaratë si person në dijeni për një çështje që ka të bëjë me institucionin e bashkisë së Gjirokastrës”, pa zbuluar më shumë.

Kjo është hera e parë që ai thirret në organin e akuzës, ndërkohë që ende nuk dihet arsyeja. Më herët, dega e PD në Gjirokastër ka denoncuar Golemin, duke e akuzuar për abuzime me tendera e fonde publike të bashkisë.

The post Kryebashkiaku i Gjirokastrës, Flamur Golemi dëshmon për 3 orë në SPAK appeared first on Gazeta Si.

Nga Gazeta ‘Si’- Rusia dhe Ukraina kanë rëndë dakord që të shkëmbejnë 314 të burgosur mes bisedimeve trepalëshe që po zhvillojnë bashkë me Shtetet e Bashkuara të Amerikës.

Lajmin e bëri me dije i dërguari i presidentit Donald Trump, Steve Witkoff.

Sipas tij, ky rezultat u arrit falë bisedimeve konstrukive, por shtoi se mbetet ende punë për t’u bërë për t’i dhënë fund luftës në Ukrainë që vijon prej vitesh.

Witkoff shtoi se “diskutimet do të vazhdojnë, me përparim shtesë që pritet në javët në vijim”.

“Ky rezultat u arrit nga bisedimet e paqes që kanë qenë të detajuara dhe produktive. Ndërsa mbetet punë e rëndësishme për t’u bërë , hapa të tillë tregojnë se angazhimi i qëndrueshëm diplomatik po jep rezultate të prekshme dhe po çon përpara përpjekjet për t’i dhënë fund luftës në Ukrainë”, u shpreh ai.

The post Rusia dhe Ukraina bien dakord të shkëmbejnë 314 të burgosur appeared first on Gazeta Si.

Gazeta Si – Pas nisjes së hetimeve për pëmbytjet në Durrës, prokuroria ka sekuestruar dokumentet që lidhen me projektin për rehabilitimin e argjinaturës së lumit Erzen.

Vendimi është marrë më 4 shkurt 2026 me kërkesë të prokurores Suela Beluli, në kuadër të hetimeve pas përmbytjeve në fillim të janarit të këtij viti.

Sipas prokurorisë, është kërkuar administrimi i dokumentacionit pranë Bashkisë Durrës, i cili ka shërbyer për realizimin e punimeve në këtë zonë, si dhe ai i procedurës së prokurimit, zbatimit dhe marrjes në dorëzim të objektit “Rehabilitimi i argjinaturës, ngritjes së bankinës dhe sistemimi i argjinaturës së lumit Erzen”, si dhe i gjithë dokumentacionit tekniko-ligjor të lejes së ndërtimit për këtë projekt.

Prokuroria e Durrësit, thotë se procedimi penal është regjistruar në kuadër të situatës së përmbytjeve të ndodhura pas daljes nga shtrati të lumit Erzen, si dhe pas urdhrit për evakuimin e banorëve në zonat e prekura.

Hetimet, sipas organit të akuzës, janë nxitur gjithashtu nga informacionet e publikuara në rrjetet sociale, konkretisht në Facebook, si dhe nga raportimet e mediave lokale, lidhur me ndërhyrjet për rehabilitimin e kësaj argjinature.

Sipas vendimit, sekuestrimi i dokumenteve do të kryhet nga oficeri i policisë gjyqësore, ndërsa një kopje e vendimit i është vënë në dispozicion Bashkisë Durrës.

Personat ose subjektet e interesuara kanë të drejtë të ankimojnë këtë vendim në Gjykatën e Shkallës së Parë të Juridiksionit të Përgjithshëm Durrës.

Ky vendim vjen pas situatës katastrofike nga përmbytjet masive në fillim të janarit 2026 që regjistruan gjithashtu dhe një viktimë duke nxitur Prokurorinë për të nisur hetimet për 3 vepra penale: “Shpërdorimi i detyrës”, “Shkatërrimi i pronës me përmbytje” dhe “Shkatërrimi i pronës nga pakujdesia”.

The post Hetimet për përmbytjet në Durrës, sekuestrohen disa dokumente në bashki appeared first on Gazeta Si.

Nga Margot Robbie dhe Jacob Elordi në një interpretim kontrovers të klasikut të Brontë deri te krijimi më i ri i serisë horror për vrasës serialë, këto janë filmat që ia vlen të shihen këtë muaj.

1. Cold Storage
David Koepp është një nga skenaristët më aktivë të Hollivudit. Ai ka shkruar filma si Mission: Impossible, Spider-Man, disa thrillers të fundit të Steven Soderbergh (Kimi, Presence dhe Black Bag) dhe disa që kanë thyer rekorde si ai i Steven Spielberg si War of the Worlds dhe Disclosure Day. Koepp gjithashtu ka shkruar dy romane, duke përfshirë Cold Storage në 2019, i cili tani është adaptuar në film, një horror dhe komedi. Joe Keery dhe Georgina Campbell luajnë rolet e dy rojeve të sigurisë në një magazinë vetë-shërbimi me një sekret të rrezikshëm. Nën tokë gjenden mbetjet e një baze ushtarake të braktisur ku një kërpudhë mutante mbahej nën kontroll nga temperatura pothuajse e ngrirë. Me ngrohjen e planetit, kërpudha është zgjuar dhe po shkatërron gjithçka që prek, duke i kthyer njerëzit në zombie. A mund një ekspert ushtarak i luajtur nga Liam Neeson ta shpëtojë situatën?

Dalja në kinema: 6 shkurt.

2. The President’s Cake
Irak, 1997. Presidenti Saddam Hussein po përgatitet të festojë 60-vjetorin, dhe populli irakian duhet ta bëjë të njëjtën gjë, qoftë me dëshirë apo jo. Lamia, një vajzë nëntë vjeçare, duhet të bëjë një tortë për shokët e klasës, por pas viteve të sanksioneve amerikane, ajo dhe gjyshja nuk kanë mjete të mjaftueshme për të blerë vezë, miell e sheqer. Ato shkojnë në qytet për të bartered ose huazuar gjithçka që mundin, por Lamia ndahen nga gjyshja dhe duhet të mbijetojë vetëm, me vetëm pulën e saj shoqëruese. Filmi i Hasan Hadi ofron një pamje prekëse nga sytë e një fëmije mbi jetën në një shtet totalitar në rënie.

Dalja në kinema: 6 shkurt.

3. Pillion
Në kinema në SHBA për Ditën e Shën Valentinit, Pillion është një dramë romantike-komedi me një qasje të veçantë. Harry Melling luan Colin, një punonjës i rezervuar i parkimit që jeton një jetë të qetë duke kënduar me babanë e tij në një quartet harmonik. Ai takon Ray (Alexander Skarsgård), kreun e një bande motoçiklistësh, dhe fillon një lidhje intensive. A është kjo çlirim apo shfrytëzim? Filmi eksploron tema të pikëllimit dhe përkatësisë duke mos humbur fokusin emocional.

Dalja në kinema: 6 shkurt.

4. Wuthering Heights
Emerald Fennell, e njohur për Promising Young Woman dhe Saltburn, adaptuar romanin e Emily Brontë. Margot Robbie dhe Jacob Elordi luajnë rolet kryesore. Filmi është interpretuar si një reagim emocional ndaj romanit, i “primal, seksual dhe unik”.

Dalja në kinema: 11–13 shkurt në kinema ndërkombëtare.

5. GOAT
Një film animacion i Sony-t për Will, një dhi adoleshente që dëshiron të shkëlqejë në “roarball” (sport si basketbolli). Problemi është se Will është shumë më i vogël se shokët e tij të skuadrës. Filmi është bashkëprodhim me yllin e NBA, Stephen Curry.

Dalja në kinema: 11–13 shkurt në kinema ndërkombëtare.

6. Good Luck, Have Fun, Don’t Die
Gore Verbinski rikthehet me një komedi thriller shkencore ku Sam Rockwell luan një burrë që udhëton në kohë nga e ardhmja për të shpëtuar njerëzimin nga një AI i jashtë kontrollit.

Dalja në kinema: 13 shkurt.

7. How to Make a Killing
Një adaptim i një komedie britanike të vitit 1949. Glen Powell luan Becket Redfellow, një i ri që vendos të “prunojë” disa anëtarë të pasur të familjes për të trashëguar pasuri. Filmi ka një satirë mbi të pasurit amerikanë dhe shpërblimet që ndjekin krimin.

Dalja në kinema: 20 shkurt.

8. Scream 7
Neve Campbell rikthehet si Sidney Prescott. Kevin Williamson rikthehet si skenarist dhe regjisor. Këtë herë ngjarjet zhvillohen në një qytet të vogël amerikan ku një vrasës i maskuar shfaqet përsëri.

Dalja në kinema: 27 shkurt.

9. EPiC: Elvis Presley in Concert
Baz Luhrmann sjell materiale të pa shfaqura nga koncertet e Elvis-it në Las Vegas në vitet ’70, duke rikrijuar një film koncerti që tregon fuqinë e performancës së tij.

Dalja në kinema: 27 shkurt.

10. Dreams
Michel Franco sjell një dramë romantike të errët me Jessica Chastain si një grua e pasur në San Francisco që përpiqet të mbështesë artin në Meksikë, por përballet me kufizime të rrepta të filantropisë.

Dalja në kinema: 27 shkurt.

The post 10 filmat që duhet të shikoni gjatë muajit shkurt appeared first on Gazeta Si.