Moderatori i Big Brother VIP Kosova, Alaudin Hamiti, ka qenë i ftuar së fundmi në podcast-in e Mira Kazhanit.

Ai ka folur për formatin që tash e katër vite e prezanton së bashku me Jonida Vokshin.

I njëjti tregoi për sfidat që ka kaluar gjatë kësaj periudhe e sakrificat që bën, duke zbuluar shumë gjëra që mbase nuk janë ditur.

Foto: YouTube

"Prej momentit kur nis dhe derisa mbaron luhatjet emocionale që ike brenda vetes janë shumë të mëdha, vjen një pikë nga fundi ku ndihesh i pafuqishëm, ndihesh i mbështetur për muri dhe thua që kjo është hera e fundit që e bëj", u shpreh ai.

Tutje theksoi: "Pasi mbaron e mbledh veten kalon një muaj është harruar e gjitha kjo vijnë prapë emocionet edhe jeta pastaj duket si një vijë lineare duket pak monotone prej kësaj adrenaline në baza ditore gjatë gjithë kohës deri në 5-6 të mëngjesit pa gjumë edhe zgjohedh në orën 10, 11 edhe prapë vetëm Big Brother ke".

"Nga ana profesionale gëzohesh në një formë e tregon suksesin, e shpërblen mundin ato sakrificat që ne i bëjmë, siç e thash edhe në fillim kur fillon Big-u, ky spektakël nuk pushon nuk është vetëm dy herë në javë Prime por është 24/7".

"Është sikur të ecësh mbi vezë, nuk e di se ku kris diçka je në gjendje alarmi sa herë bie telefoni hë çfarë ndodhi tani? Por nga ana tjetër ndoshta është pak e trishtë që një popull me 1.5 milion banorë po e përfshijmë edhe Shqipërinë me 2.5, 4 milionë janë aq të apasionuar pas Big Brother. Kjo tregon ndoshta edhe një jetë të zymtë që ne kalojmë", tha ndër të tjerash Hamiti. /Telegrafi/

- YouTube www.youtube.com

Luiz Ejlli ka bërë rikthimin në shtëpinë më të famshme në Shqipëri, Big Brother VIP Albania.

Ai ka hyrë brenda për të qëndruar pak ditë, si një konkurrent i vetëm me Artan Kolën.

Ndonëse banorët nuk janë në dijeni për këtë e as vet Artani, por u bë si pjesë e 'Kutisë së Pandorës'.

Foto: TikTok

Pas futjes, fituesi i edicionit të dytë bëri lëmsh gjithë shtëpinë me batutat dhe situatat që krijoi.

Në një moment u shkëput nga konkurrentët dhe po analizonte shtëpinë e oborrin, ku qëndroi për më shumë se tre muaj.

"Ah moj Kiarë, moj Kiarë. Për atë Zot, ueee", u shpreh ai.

Duket se Luizi u bë nostalgjik për kohën që kaloi dhe gjithë ngjarjet që ndodhën, deri te fitorja. /Telegrafi/

Brenda shtëpisë së Big Brother VIP Albania 5, Baby G, ka folur hapur për një dhimbje të madhe familjare që e ka shoqëruar që në fëmijëri.

Mes emocioneve të forta, ajo ndau historinë e vëllait të saj, fëmijës së parë të familjes, i cili humbi jetën menjëherë pas lindjes.

Pas kësaj humbjeje, prindërit e saj u bënë me tri vajza.

Foto: Instagram

Por përveç dhimbjes, ata u përballën edhe me një realitet të ashpër shoqëror.

Këngëtarja tregoi se njerëz nga rrethi i tyre ushtronin presion të vazhdueshëm mbi babanë, duke i kërkuar të ndahej nga bashkëshortja, me arsyetimin se ajo 'nuk po i sillte djalë'.

Sipas saj, mesazhe të tilla si 'leje gruan se nuk ta bëri djalë' ishin të shpeshta dhe shumë të rënda për familjen e tyre.

Megjithatë, babai i artistes nuk u lëkund asnjëherë nga këto paragjykime.

Ajo kujton me krenari qëndrimin e tij, duke thënë se i ati u doli gjithmonë zot vajzave dhe gruas së tij, duke e quajtur veten njeriun më me fat që kishte një familje të tillë. /Telegrafi/

"Diss" mban titullin një nga këngët e reja të Mozzikut, si pjesë e një 'EP' me pesë këngë.

Ky projekt ka trazuar ujërat pasi i bën 'diss' vetes e përfshin edhe shumë personazhe të tjerë.

Në disa vargje e ka përmendur edhe ish-partneren e tij, rap-artisten Loredana Zefi.

Foto: Instagram

I njëjti i është kundërpërgjigjur komenteve që ka marrë vazhdimisht në rrjete sociale.

E njëjta ka reaguar me një postim në InstaStory, që ka lënë të nënkuptohet se është për të.

"Bruhhhhh pls", ka shkruar ajo.

Komenti i shkurtër, por domethënës, është parë si një përgjigje ironike ndaj përmendjes në këngë dhe ka nxitur reagime të shumta në rrjetet sociale.

- YouTube www.youtube.com

Ka përfshirë po ashtu edhe vajzën e tij, Karim Adeyemin dhe historinë me gruan zvicerane. /Telegrafi/

Reperi i njohur shqiptar, Don Xhoni, ka qenë së fundmi në qendër të vëmendjes pas një takimi të veçantë me një nga fanset e tij më të zjarrta.

Bëhet fjalë për Simona Moldovan, një bukuroshe nga Rumania, e cila ka tërhequr interes të madh në rrjetet sociale.

Ajo që e bën këtë histori të pazakontë është mënyra se si Simona ka zgjedhur të shprehë admirimin e saj për artistin.

E njëjta ka realizuar një tatuazh të madh në pjesën e barkut, ku është gdhendur portreti i artistit nga Kosova.

Pamjet e tatuazhit, si edhe momentet nga takimi i saj me reperin, janë publikuar në platformën TikTok, ku brenda pak orësh janë bërë virale.

Në videot e postuara, Simona shfaqet e emocionuar dhe krenare për vendimin e saj, duke theksuar se ky gjest përfaqëson lidhjen e saj të veçantë me muzikën e reperit.

“Disa e dëgjojnë Don Xhonin, unë e mbaj me vete”, u shpreh ajo. /Telegrafi/

Këngëtarja e njohur shqiptare, Rovena Stefa, ka njoftuar përmes rrjeteve sociale se i ka vdekur babai.

Ajo tregon se i ati i ndërroi jetë në Kosovë, meqë edhe këtu jetojnë prej shumë vitesh.

Veç tjerash, artistja jep detaje edhe për ceremoninë mortore që do të mbahet në Fier.

Postimi i plotë i Rovenës (pa ndërhyrje):

"Më le të pikëlluar përjetë o babi im!

E deshe shumë Kosovën dhe aty dhe frymën e fundit!

Na rrite me sakrifica të mëdha, kalove male në këmbë që ne, fëmijët e tu të rriteshim të mbarë.

Të dua shumë shumë shumë, sa dashuria nuk njeh kufij.

Me hidhërim të thellë njoftojmë largimin nga jeta të babait tonë të shtrenjtë, Pandeli Stefa.

Varrimi do të mbahet nesër në ora 14:00, pranë varrezave në Fier". /Telegrafi/

Rogert Sterkaj ka komentuar në dhomë të rrëfimit qëndrimin e tij vetëm në dhomën e reflektimit.

Banori shprehet se do mbyllë gojën dhe do rri si në burg, ndonëse nuk ka zgjidhje tjetër.

Ai shton se nëse mendojnë se kjo e bën të reflektojë, atëherë nuk e kanë njohur fare.

Foto: YouTube

Sipas tij, thotë gjëra që janë tabu dhe që shqiptarët i mbajnë në tru, nuk kanë guxim t'i thonë.

“Më dhemb trupi, po nuk ka problem. Do mbyll gojën dhe do rri si në burg. Hajt me e bërë burgun me 2-3 veta të paktën, por jo vetëm. Vetëm këtu shkallon, luan mendsh. Je me veten o Vëllai i Madh, o Big Brother".

"Je total me veten. Në qoftë se mendoni se kjo dhomë mua më bën të reflektoj, ju atëherë nuk më keni njohur mua në total fare, kaq. Reflektoj për mirë as nuk bëhet llaf, se normale duhet të ndalohesh pak, po në fund të fundit unë them gjëra që janë tabu, që shqiptarët nuk i thonë por vetëm i filtrojnë dhe i mbajnë në tru".

"Unë e di që kam me vdekur pa e kuptuar çka është jeta, në qoftë se ju keni me bërë për ta kuptuar, është arritje e madhe”, u shpreh ndër tjerash ai. /Telegrafi/

Labinot Rexha po vazhdon qëndrimin e tij në Big Brother VIP Kosova 4.

Ai po bën gati tre muaj brenda dhe gjatë kësaj kohe ishte shumë e komentuar në këtë format.

Kjo për shkak të veprimeve, lojës që ka zhvilluar e po ashtu shpesh edhe ka marrë kritika.

Foto: Instagram

Në 'Darkën e të Nominuarve' atij iu bë një pyetje nga Ludo Lee, për atë se çfarë mendon jashtë reality shout.

"A mendon se Big-u të ka ndihmuar apo shkatërruar jetën jashtë", ka qenë pyetja.

"Më ka ndihmuar shumë. E falënderoj shumë dhe Big-un", theksoi Labi.

Ludo shton se nuk ia ka bërë pyetjen pasi pa lojën e tij jashtë shtëpisë, meqë ka hyrë në Big Brother më vonë se të tjerët. /Telegrafi/

Kënga e re e Mozzikut "Diss", përveç vetes, ka përfshirë edhe shumë personazhe të tjerë.

Në mesin e tyre edhe ish-menaxherin e tij, Met Elshanin, në kohën kur ishte pjesë e "On Records".

"E ke pasur një menaxher s'po ia di emrin diçka Elshan, t'i merrke 70 për qind e ty t'u doke tamam", thotë në një pjesë të projektit.

- YouTube www.youtube.com

E për këtë mori një reagim në rrjete sociale nga ish-menaxheri, i cili hodhi akuza të mëdha për të.

Postimi i plotë (pa ndërhyrje):

"Është sinqerisht qesharake se si disa njerëz mund të jenë kaq mosrespektues dhe prapë të mendojnë se meritojnë ende një vend në jetën time.

Mjaft me broçkulla. Gënjeshtrat e tua të kanë çuar pikërisht aty ku je tani.

Çdo grimcë dhimbjeje mendore dhe fizike që ke pasur – dhe që ende ke – e ke shkaktuar vetë.

Gënjeshtra, tradhti, luajtja e rolit të viktimës.

E vërteta tashmë ka dalë në shesh. Madje e ke pranuar vetë.

T’i vjedhësh kursimet e jetës një gruaje të moshuar dhe pastaj të përpiqesh t’ia hedhësh fajin ish-bashkëshortes?

Ti dhe gruaja jote e dini shumë mirë çfarë keni bërë.

E shtytë atë grua të moshuar drejt mendimeve vetëvrasëse dhe ende do të luash rolin e njeriut të mirë". /Telegrafi/

Foto: Instagram

Rap-artisti nga Ferizaj, Mozzik, ka sjell më 5 shkurt një 'EP' me gjithsej pesë këngë.

Në njërën prej tyre të titulluar "Diss", i ka bërë një 'diss' vetes, por ka përfshirë edhe emra të tjerë të estradës e po ashtu edhe nga politika.

Në mesin e tyre ka përmendur edhe kryeministrin e Kosovës, Albin Kurtin, pas një rasti që kishte vitin e kaluar.

Foto: Instagram

Ndërkohë që për këtë u bë një reagim edhe nga Feronit Shabani apo siç njihet për publikun Fero.

I njëjti ironizon me të për Kurtin në një postim të shpërndarë në InstaStory.

"Paramendo Albin Kurti duke munduar t'i bëj kurthe Mozzikut", ka shkruar ai.

Fero pak më parë së bashku me S4MM në një këngë të re i bënë 'diss' Mozzikut.

- YouTube www.youtube.com

Ky i fundit duhet theksuar se mori komente të shumta pozitive e përkrahje pas lansimit të këtyre projekteve. /Telegrafi/

Edhe pse të gjithë arritën në përfundimin pas intervistës së saj të fundit me "The Cut" se Halle Berry e kishte refuzuar propozimin e partnerit të saj Van Hunt, ajo tani ka zbuluar gjatë një paraqitjeje në "The Tonight Show with Jimmy Fallon" se është fejuar.

Gjatë intervistës, Berry sqaroi se deklaratat e saj të mëparshme ishin keqinterpretuar, duke thënë: "Epo, ka njëfarë konfuzioni në lidhje me atë që ai më propozoi mua dhe unë që thashë jo".

"Jo, nuk është kështu. Unë nuk thashë jo. Thjesht nuk kemi caktuar një datë dasme", tha ajo.

Foto: YouTube

Pas një pauze të shkurtër, Berry konfirmoi: "Sigurisht që thashë se do të martohesha me të! Ai më dha një unazë të vogël".

Berry dhe muzikanti Van Hunt janë në një lidhje që nga viti 2020.

Çifti filloi të komunikonte dhe të zhvillonte një lidhje në fillim të pandemisë dhe Halle e konfirmoi publikisht lidhjen e tyre për herë të parë në shtator 2020 me një postim në Instagram ku mbante veshur një bluzë me emrin e tij sipër.

Ajo ishte martuar tri herë më parë. Ajo u martua për herë të parë me lojtarin e bejsbollit David Justice në vitin 1993 dhe martesa e tyre përfundoi me divorc në vitin 1997.

- YouTube www.youtube.com

Pas kësaj, u martua me muzikantin Eric Benet në vitin 2001, ata u ndanë në vitin 2003 dhe divorci i tyre u finalizua zyrtarisht në vitin 2005.

Martesa e saj e tretë ishte me aktorin francez Olivier Martinez, me të cilin u martua në vitin 2013, dhe ata u divorcuan në vitin 2016. /Telegrafi/

Banori i Big Brother VIP Kosova 4, Kushtrim Kelani, në 'Darkën e të Nominuarve' ka treguar se kush do të dalë nesër.

Ai u shpreh se sipas tij, do të dalë dhe duhet të dalë Labinot Rexha - Labi.

“Unë mendoj që do të dalë dhe duhet të dalë Labi”, u shpreh Kushtrimi.

Foto: Instagram

Ndërkaq, Labi dhe Ludo Lee përmendën emrin e Kushtrimit, si konkurrenti më pasiv brenda.

Kjo pasi qëndrimi i tij në shtëpi u shoqërua me pak zhurmë, debate e polemika me të tjerët.

Megjithatë, mbetet për t'u parë se kush do ta lë garën dhe çmimin e madh prej 200 mijë eurosh.

Ndryshe, kanë ngelur edhe pak ditë deri në përfundim të edicionit të katërt të Big Brother. /Telegrafi/

Një debat me tone të larta ka ndodhur këtë të mërkurë në shtëpinë e Big Brother VIP Kosova 4.

Arditi dhe Ludo kanë qenë protagonistë të këtij debati, teksa kanë ofenduar edhe njëri-tjetrin me fjalë të rënda.

Pikënisje ishte fjala e këngëtarit, i cili tha se nuk bie në nivelin e Ludos dhe shumë të tjerëve.

“Po çfarë niveli, po kap luj, çfarë lojtari je ti, lojtar frikacak”, u shpreh i mllefosur Ludo.

"Kush je ti, shuj aty. Lojtar nuk je, të respektoj si njeri. Sa për ty duhet me u fik televizori nesër", iu drejtua më tej Ludo.

Ata nuk janë ndalur e kanë vazhduar me ironi e thumba, duke mos u pajtuar në shumë gjëra.

Arditi ka qenë shumë më pasiv dhe i qetë gjatë qëndrimit në Big Brother. /Telegrafi/

Pas daljes nga Big Brother VIP Albania 5, Stelina, ka folur për herë të parë për ‘Shqipëria Live’ për eksperiencën në këtë format.

Teksa është pyetur nëse ende ka ndjenja për Keijsin, Stelina është përgjigjur se 'është shumë e trazuar'.

“Mendoj që kam parë mjaftueshëm dhe nëse do të thoja kam ndjenja, nuk e di jam shumë e trazuar, nuk e di nëse kam ende ndjenja për Keijsin. Gjithçka u thye, asnjë vlerë për mua", u shpreh ajo.

Foto: YouTube

"Më duket historia e Inës dhe Keijsit përsëritje e historisë sime me Keijsin. Një surprizë dy javë pasi bëri surprizën për mua. Keijsi mendon se unë e kam sharë. Keijsi e ka treguar vetë ku qëndron dhe ku është”.

Sa i përket mundësisë për një ribashkim me Kejsin, Stelina u shpreh se pas gjithë këtyre situatave të ndodhura nuk do të ketë një gjë të tillë.

“Patjetër që jo. Unë nuk do ta bëj asnjëherë rolin e të tretës, se kam bërë ndonjëherë dhe s’do e bëj, kështu që patjetër tërhiqem”.

Stelina sqaroi edhe bisedën virale që doli në rrjet, ku shprehej se e kishte parë videon e Keijsit dhe të Inës duke u puthur.

- YouTube www.youtube.com

Ish-konkurrentja mohoi të ketë parë videon, pasi sipas saj, përgjigjen e kanë kthyer menaxherët e Instagramit të saj. /Telegrafi/

Stresi, fituesi i edicionit të parë të Big Brother VIP Kosova, ka reaguar së fundmi në rrjetet sociale duke shprehur hapur mbështetjen e tij për banorin aktual të shtëpisë, Labinot Rexhën.

Përmes një postimi, Stresi u ka bërë thirrje ndjekësve që të votojnë për Labin, duke theksuar se prania e tij i jep energji lojës dhe mban gjallë debatin dhe emocionin brenda shtëpisë.

Ai shprehet se pa Labin, Big Brother do të bëhej i mërzitshëm dhe “do ngelnin në gjumë".

Foto: Facebook

Sipas Stresit, Labi sjell atmosferë, emocione, debate të forta, por edhe momente argëtuese, duke qenë një nga figurat kyçe të këtij edicioni.

Në fund, ai shton se po të kishte edhe artikulimin do të përfundonte Big Brotherin.

"Normal që Labin do të shpëtojmë të gjithë bashkë. Paramendoje mos me qenë Labi Big Brother fiket dhe fillon gjumi".

"Të paktën ky jep energji debate, këndim, atmosferë emocione, lot rrëmujë e gjëra argëtuese".

"Me pas edhe artikulimin ish kry Big Brother javën e dytë që ka hyrë", tha ndër tjerash Stresi. /Telegrafi/

Aktori i njohur amerikan, Jonah Hill, ka surprizuar publikun me pamjen e tij krejtësisht të re gjatë xhirimeve të filmit të ri “Outcome”.

Hill shfaqet me kokë të rruar plotësisht, mjekër të thinjur dhe një trup të hollë, duke u bërë pothuajse i papërshkueshëm për fansat që e njihnin nga rolet e tij të mëparshme në “Superbad” dhe “Wolf of Wall Street”.

Filmi “Outcome”, një komedi që Hill jo vetëm e ka shkruar dhe realizuar, por edhe luan krahas Keanu Reeves, rrëfen historinë e një ikone hollivudiane që përballet me një video kërcënuese dhe përpiqet të shpëtojë karrierën e tij, duke u përballur me demonët e vet.

Keanu Reeves

Projekti trajton metaforikisht obsesionin e shoqërisë moderne ndaj rrjeteve sociale dhe rëndësinë e opinionit të të tjerëve.

Ky transformim dramatik vjen ndërsa Hill po përgatitet edhe për një tjetër projekt filmik këtë vit, komedinë “Cut Off”, ku do të luajë krahas Kristen Wiig.

Keanu dhe Jonah Hill

Transformimi i Jonah ka shkaktuar habi dhe diskutime të shumta në media dhe rrjetet sociale, duke treguar fuqinë e tij si aktor dhe gatishmërinë për të sfiduar vetveten përmes roleve të ndryshme, duke i dhënë çdo projekti një dimension të ri dhe të papritur për audiencën.

Premiera e këtij filmi do të jetë në prill të vitit 2026. /Telegrafi/

Marrëdhënia mes Mateo Borrit dhe Brikena Selmanit po vazhdon të jetë e komentuar në Big Brother VIP Albania 5.

Kjo për shkak të njohjes së mëparshme, takimit e që u tha se ka pasur edhe më shumë.

Derisa modelja e ka mohuar vazhdimisht, banori vazhdon me surpriza e me kërkesa për t'u njohur edhe më shumë bashkë.

Foto: Instagram

Tani në një bisedë të bërë së fundmi i tha se ka dashur t'i shkruaj, e madje që nuk e kishte imagjinuar që do e shihte si Miss.

Foto: Instagram

Pjesë nga biseda mes tyre:

Mateo: A e di që kam dashur të të shkruaj një herë, vetëm të të them urime.

Brikena: Mirë që s'më ke shkruar nuk do t'a kisha kthyer.

Mateo: E kam menduar, por që do të shihja në Miss, nuk më ka marrë mendja.

Brikena: Pse jo.

Mateo: S'është që e ke shprehur ndonjëherë që e ke pasur qejf.

Brikena: Ka ardhur papritmas. /Telegrafi/

Prezantuesi i njohur amerikan, Jimmy Kimmel, ka bërë shaka në lidhje me dokumentarin e ri për Melania Trump, duke deklaruar se do të rikthehet të drejtojë ceremoninë e ndarjes së çmimeve Oscar vetëm nëse filmi nominohet për çmimin prestigjioz.

Kjo deklaratë u bë gjatë emisionit të tij, ku ai komentoi suksesin e filmit që gjatë javës së parë të shfaqjes fitoi 7 milionë dollarë, pavarësisht vlerësimeve të ulëta nga kritikët (6 për qind në Rotten Tomatoes), ndërsa publiku e vlerësoi gati maksimalisht (99 për qind).

Kimmel e ironizoi gjithashtu mbështetjen e filmit nga ish-sekretarja e shtypit të Trump, Kayleigh McEnany, e cila e konsideroi si kandidatë për Oscar.

- YouTube www.youtube.com

Ai kujtoi edhe momentet e mëparshme kur ka drejtuar ceremoninë e Oscarit dhe tensionet me Donald, përfshirë një mesazh ofendues të Trump gjatë transmetimit të vitit 2024.

Tani, Kimmel sugjeron se mund të rikthehet në Oscar në vitin 2027, nëse filmi i Melanias nominohet, duke bërë shaka edhe për çmimet e FIFA-s dhe vendimin e saj për t’i dhënë Trump një “Çmim për Paqe”, duke e lidhur me humorin dhe ironinë e situatës.

Në fund, shprehja e tij e qartë dhe ironike tregon se Kimmel vazhdon të përdorë komedinë për të komentuar ngjarjet aktuale dhe figurat publike, duke krijuar situata virale që kapin vëmendjen e publikut.

Edhe pse deklarata e tij është kryesisht për shaka, ajo rikthen në vëmendje tensionet e vazhdueshme mes Kimmel dhe familjes Trump si dhe ndikimin që figura publike e Melanias ka në kulturën popullore dhe median amerikane. /Telegrafi/

- YouTube www.youtube.com

Gjatë qëndrimit të tij në Big Brother VIP Kosova 4, Ludo Lee, është përballur me fyerje dhe kërcënime nga disa banorë të shtëpisë, situatë që ka sjellë reagim nga familja dhe menaxhmenti i tij.

Ata kanë dalë me një qëndrim zyrtar për të sqaruar situatën dhe për të mbrojtur reputacionin e artistit.

Në komunikatën e tyre bëhet e ditur se këto veprime merren shumë seriozisht dhe aktualisht po shqyrtohen hapa ligjorë ndaj personave përgjegjës.

Foto: Instagram

Menaxhmenti është gjithashtu në kontakt me produksionin e Big Brother për të sqaruar çdo paqartësi dhe për të siguruar informacion të saktë mbi situatën.

Postimi i plotë nga Instagrami i Ludo Lee:

Njoftim i rëndësishëm për të gjithëSi familje dhe menaxhment i Ludo Lee, dëshirojmë të marrim qëndrim lidhur me kërcënimet dhe fyerjet ndaj Ludo Lee.

Këto veprime i marrim shumë seriozisht dhe aktualisht po shqyrtojmë hapa ligjorë ndaj personave përkatës.

Njëkohësisht, jemi në komunikim me produksionin për të sqaruar disa paqartësi.

Do t'ju mbajmë të informuar.

Faleminderit për mbështetjen tuaj.

Me respekt, menaxhmenti i Ludo Lee". /Telegrafi/

Rogert Sterkaj u fut gjatë spektakklit të së martës për disa orë në dhomën e reflektimit.

Në momentin që Ledioni u lidh me të për t’i komunikuar masën, atë e kishte zënë gjumi.

Me ‘pak’ vështirësi është zgjuar dhe është njohur me masën pas sjelljes së tij në shtëpi.

Foto: Instagram

Për të është hapur një televotim dhe publiku do të zgjedhë nëse do ta rikthejë apo jo në shtëpi.

"Do jetë publiku që vendos nëse meriton të kthehesh në shtëpi apo jo në një televotim që ka vetëm emrin tënd me pyetjen 'A dëshironi që Rogerti të kthehet në shtëpi apo jo", thuhet në njoftim.

I njëjti ka pak ditë që është futur brenda, por ka trazuar ujërat e shtëpisë së famshme.

Rogerti në shumë raste ka eskaluar, sikurse në mënyrën e të shprehurit e ofendimet që ka bërë karshi banorëve. /Telegrafi/