Angelo Haruni është larguar të shtunën nga Big Brother VIP Albania 5.

Ai ka qenë i ftuar së fundmi në "Fan Club", ku ka folur për gjithë eksperiencën në këtë format.

Veç tjerash është pyetur edhe për atë se pse nuk krijoi lidhje brenda, e për një romancë jashtë me një personazh të famshëm.

Foto: YouTube

"Në fillim Angelo nuk u dashurua brenda shtëpisë sepse i kishim të gjitha vajzat e zëna, për të qenë të drejtë. Edhe ato që ishin të pazëna, Selin ishte me Mirin në krevat dhe nuk guxoje t'i afroheshe, jo më të bëje një bisedë. Kurse nga fundi ë, mendoj që mund të kishte një", u shpreh ai.

I njëjti pranoi lidhjen trevjeçare me prezantuesen e njohur shqiptare, Neada Muçaj.

"Sigurisht një lidhje gati trevjeçare nuk hidhet dot poshtë në asnjë moment. Një njeri i cili bëhet pjesë e jotja, nxjerr anët më të mira të tuat vazhdimisht, do të qëndroj me ty gjithë jetën. Qëndron në zemër gjithë jetën. Absolutisht. Pastaj, nëse ka diçka më tutje këtë nuk di ta them në këtë moment, por më ndikon akoma. Kaq mund të them", tha tutje.

Mes tjerash theksoi: "Është Neada. Nëse do t'i thoja diçka shfaq vetëm anën më të mirë të vetes tënde. Kthehu njeri pozitiv edhe i lumtur që ishte siç di ti të bësh. Nuk e di se po bëhet një kohë shumë e gjatë, një vit pa asnjë komunikim. Kështu që është e vështirë të flasësh tani". /Telegrafi/

- YouTube www.youtube.com

Rap-artisti i njohur nga Peja, Gjesti, është rikthyer pak ditë më parë pas një kohe të gjatë në muzikë.

"Memories" mban titullin kënga e re, të cilën e solli pas tragjedisë së vëllait dhe që e ka bërë si dedikim për të.

Ky projekt prek me fjalët për të vëllanë tashmë të ndjerë, i cili vdiq më muajin shtator nga një aksident me motoçikletë.

Kënga ka thyer rekorde dhe ka mbledhur mbi 2.5 milionë klikime për vetëm tre ditë.

Në një pjesë të tekstit thekson se edhe ndihet fajtor që nuk e ka mbrojtur.

Duket se Gjestit i kanë humbur ngjyrat dhe se duket tërësisht ndryshe në këtë këngë, duke e përshkruar realisht gjendjen e tij.

Eldioni veç si vëlla ka qenë edhe mik i ngushtë i artistit, të cilin e kemi parë në Big Brother VIP Albania 5 si surprizë për të. /Telegrafi/

- YouTube www.youtube.com

Një debat i ashpër ka ngjarë mes treshit përsheshit të shtëpisë më të madhe në vend, Big Brother VIP Kosova.

Klodi ka akuzuar Londrimin se ia keqpërdorur mirësinë e miqësinë, teksa Londrimi këtë gjë e ka mohuar.

Në mes iu ka hyrë edhe Elijona Binakaj, për çka dhe Klodi iu ka kthyer ashpër asaj.

“Mos u përziej ti, ka dole ti?”, ishte pyetja e tij si me ironi.

Të njëjtit që nga fillimi kanë qenë të pandashëm, duke u cilësuar si miq të mirë.

Por tani duket se ka ndodhur një krisje mes tyre dhe se kanë filluar që të distancohen.

Secili janë fokusuar në lojë të tyre meqë edhe ky format po shkon drejt përfundimit. /Telegrafi/

- YouTube www.youtube.com

Familja e Albës ka reaguar përmes një postimi në Instagram, në një deklaratë të gjatë, lidhur me situatat e ndodhura brenda formatit ku ajo po merr pjesë si dhe me komentet dhe gjykimet e shumta të publikut.

Në deklaratë theksohet mbështetja e plotë për Albën dhe besimi i palëkundur në forcën, karakterin dhe veprimet e saj, duke nënvizuar se ajo është 100 për qind vetvetja dhe reale në çdo situatë.

Familja shprehet se çdo vendim i Albës do të respektohet dhe mbështetet, pavarësisht mënyrës se si ka rrjedhur loja brenda formatit.

Sipas reagimit, konsiderohet e padrejtë dhe absurde që publiku të gjykojë situata personale që ndodhin brenda një formati që nuk ka karakter edukativ, duke theksuar se ngjarje të tilla ndodhin edhe jashtë tij, në jetën reale.

Familja apelon për empati, duke kujtuar se askush nuk e njeh plotësisht realitetin dhe ndjenjat e atyre që po i përjetojnë situatat nga brenda.

“Çdo familje ka persona që gabojnë dhe bëjnë gjëra që nuk dinë t’i kontrollojnë, por askush nuk ka të drejtë të gjykojë mënyrën se si dikush zgjedh ta jetojë jetën e vet”, thuhet ndër të tjera në deklaratë.

Gjithashtu, familja dënon komentet ofenduese, bullizuese dhe denigruese, duke theksuar se ato nuk pasqyrojnë vlerat e një shoqërie të shëndetshme dhe se secili duhet të mbajë përgjegjësi për fjalët e veta.

Në reagim theksohet se Alba nuk i jep llogari askujt për jetën e saj personale dhe se, ndonëse tradhtia dhe dhuna ndodhin edhe jashtë formatit, ato nuk duhet të normalizohen.

Në fund, familja falënderon nga zemra të gjithë ata që e mbështesin Albën, duke i konsideruar si motivimin kryesor për veprime të mira dhe për një jetë më të mirë.

“Ju jeni arsyeja pse Alba është në finale”, thuhet në mesazh. /Telegrafi/

Keijsi u përjashtua nga ky edicion i Big Brother VIP Albania 5 për shkak se theu rregullat.

Pas daljes nga shtëpia, ai foli për herë të parë për "Shqipëria Live", ku zbuloi më shumë për raportin e tij me Stelinën dhe Inën.

Sa i përket Stelinës, ai tha se e ka mbyllur përfundimisht, ndërsa për Inën deklaroi se do të vazhdojë njohjen jashtë.

Foto: YouTube

Keijsi foli edhe për lojën duke thënë se Inën e goditën moralisht.

“Pasi hyri Ina, me Stelinën patëm një krisje të madhe, për pritjen që unë i bëra. Puthja me Inën ndodhi vetëm një herë, në atë video që është transmetuar. Ina nuk dinte gjë për videon. Në aspektin moral, e goditën shumë. Sikur ajo është një njeri i pavlerë", u shpreh ai.

Tutje tha: "Ina nuk ka hyrë mes meje dhe Stelinës. Me Stelinën jam shkëputur për arsye pasigurisë, siç ndodhi dhe aty. Me Stelinën e kam mbyllur përfundimisht".

"Stelina erdhi me tendencë, u nis nga dëshira dhe përfundoi me tendencë. Lidhjen me Inën do ta vazhdoj jashtë”, shtoi ndër tjerash. /Telegrafi/

- YouTube www.youtube.com

Stilisti amerikan i modës, Calvin Klein, (83 vjeç) u fotografua duke dalë nga palestra në Los Angeles me partnerin e tij, modelin Kevin Baker (37 vjeç).

Marrëdhënia e tyre tërheq vëmendjen duke pasur parasysh diferencën e madhe në moshë.

Calvin përpiqet t’i mbajë larg syrit të publikut detajet e jetës së tij private, kështu që flet për karrierën e tij në intervista.

Foto: X

Ata u panë së bashku për herë të parë në vitin 2016 dhe mediat amerikane raportuan se ata kanë qenë në një lidhje që atëherë.

Klein është martuar dy herë.

Ai ishte i martuar me Jayne Center Klein nga viti 1964 deri në vitin 1974 dhe me Kelly Rector nga viti 1986 deri në vitin 2006.

Pas kësaj, u takua me Nick Gruber, i cili është 48 vjet më i ri se ai. Ata u ndanë në vitin 2012. /Telegrafi/

Mëngjesin e ditës së sotme (e mërkurë), Alba Pollozhani dhe Lim Hoti, kanë diskutuar rreth lojës në shtëpinë më të famshme në vend.

Alba theksoi se nuk është shumë e fokusuar në lojë, teksa Limi e paralajmëroi për diçka.

“Po nuk fitove, do të kesh probleme. A po jo”, tha ai.

Foto: Instagram

"Mos më bëj kështu tani. E di që nuk varet nga unë ajo pjesë", iu drejtua banorja.

"Normalisht shumë gjëra", tha tutje Limi.

"Edhe ti e di se sa e vështirë është për figurat që janë shumë të njohura ose që kanë eksperiencë në reality shou", iu përgjigj në vazhdim Alba.

Ata duket se i dhanë një shans njëri-tjetrit, por që po vazhdojnë të kenë ulje e ngritje në raport. /Telegrafi/

Camila Morrone është një aktore dhe modele 28-vjeçare, e rritur në zemër të Hollywoodit.

Ajo është vajza e aktorëve argjentinas Maximo Morrone dhe Lucila Polak, dhe pas divorcit të prindërve, nëna e saj u lidh me Al Pacinon, të cilin Camila e konsideron babanë e saj të dytë.

Camila filloi karrierën si modele, ndërsa debutimi i saj në film ishte në 2013.

Ajo arriti famë të madhe me rolin e saj si Camila Dunne në serialin "Daisy Jones & The Six".

Gjithashtu, ishte në një lidhje të njohur me Leonardo DiCaprio për katër vjet.

Sot ajo është e lidhur me regjisorin Cole Bennett.

Aktualisht, Morrone po tërheq vëmendjen në serialin "The Night Manager", ku luan rolin e Roxane Bolanos, një grua e fuqishme me origjinë kolumbiane.

- YouTube www.youtube.com

Roxana shquhet për stilin e saj të sofistikuar, me veshje luksoze si ato të Versace dhe konsiderohet një figurë e fortë.

Kostumografia e saj është frymëzuar nga Penelope Cruz, Bianca Jagger dhe stilistë latino-amerikanë si Johanna Ortiz.

Foto: Prime Video

Për Camilan, ky rol i ri është një mundësi për të treguar talentin e saj si aktore, duke u distancuar nga fama personale dhe duke u fokusuar tek puna dhe profesionalizmi. /Telegrafi/

Pas surprizës që vëllai i bëri Selin mbrëmjen e djeshme (e martë), banorja duket se nuk e ka takuar Mirin.

Të dy e kanë diskutuar këtë situatë, ndërsa këngëtari pretendon se Selin nuk e takoi për shkak të asaj që i tha vëllai 'je vetëm'.

Selin tha se nuk e ka bërë me qëllim, ndërsa Miri pretendoi të kundërtën.

Foto: YouTube

Pjesë nga biseda mes tyre:

Miri: Ke bërë dy lëvizje që nua nuk më kanë pëlqyer. Kemi ardhur 39 ditë bashkë, hyrja jote në shtëpi duhet të vije direkt më takoje mua. Edhe kur i takove të tjerët, detajet bëjnë diferencën, fillove duke takuar gjithë shtëpinë.

Selin: Po ia fut kot, u ula direkt në divan. Kur bëri mbylljen erdhën njerëzit më takuan.

Miri: Herën e dytë a dole dhe i takove të gjithë shtëpinë. Duhet të vije te unë. U ule u çove ike.

Selin: Nuk e kam bërë me qëllim.

Miri: Edhe sikur ne nesër nuk kemi lidhje me njëri- tjetrin, me jepje forcë mua. Duhet ta kishe imagjinuar, doli ajo që këta kanë tentuar se ta tha vëllai. Kaq donin këta. Minimumi duhet të vije të thoje faleminderit deri këtu. Po të isha unë do të kisha takuar ty, jo të tjerët se nuk i kam asgjë. Kur erdhe te unë, jemi takuar si shoku i lagjes dhe më ike. /Telegrafi/

- YouTube www.youtube.com

Dy këngëtarët shqiptarë, Lore dhe MC Kresha, kanë bashkuar forcat për një projekt të ri muzikor.

"Ni ni" mban titullin kënga e tyre, e cila vjen e realizuar edhe me videoklip.

Teksti është shkruar nga Alban Kondi e MC Kresha, me proudim nga Fabrika.

Foto: YouTube

Miksimi dhe masterizimi u bë nga Press Playworld nën drejtimin e Ajola Xoxës.

Videoja u kompletua nga Nilor, Second Sun dhe tani ndodhet e disponueshme në YouTube.

Dyshja vijnë me performancë të mahnitshme, secili në stilin e tyre të veçantë.

Besohet që kënga do të pëlqehet edhe nga fansat e tyre e publiku. /Telegrafi/

- YouTube www.youtube.com

Dy zarfa të zinj u futën të martën në shtëpinë më të famshme në Shqipëri, Big Brother VIP.

Njëri prej tyre ishte për Rogertin, kurse tjetri për Keijsin gjë që rezultoi me përjashtim të tij.

Kjo pasi ka thyer rregullat thuajse që nga hyrja në këtë format, ku shpesh ka eskaluar me fjalor.

E pas kësaj, ajo që u mërzit më së shumti ishte Ina Aderi, me të cilën krijoi një histori dashurie.

Pas spektaklit dhe pas përjashtimit të Keijsit, e njëjta u pa duke qarë me të madhe në dhomën e gjumit.

Duket se nuk e pranoi largimin e të dashurit, meqë me të ka qëndruar tërë kohën.

E përfshirë në këtë histori dashurie ka qenë edhe Stelina, e cila në fund hoqi dorë nga banori tashmë i përjashtuar. /Telegrafi/

- YouTube www.youtube.com

Cristiano Ronaldo vazhdon të jetë një nga emrat më të mëdhenj të futbollit botëror edhe në moshën 41-vjeçare, duke ndërtuar sukses jo vetëm në fushë, por edhe në jetën personale.

Prej vitesh, ai ka në krah Georgina Rodríguez, me të cilën ka krijuar një marrëdhënie të fortë dhe një familje të madhe.

Me rastin e ditëlindjes së 32-të të Georginas, ylli portugez i bëri një dedikim të ndjerë në rrjetet sociale.

Në një foto të publikuar në Instagram, Ronaldo shkroi: “Gëzuar ditëlindjen gruas së jetës sime".

Këtë vit, ditëlindja e Georginas e gjeti çiftin larg njëri-tjetrit, pasi ajo ndodhet në Shtetet e Bashkuara për premierën e dokumentarit “Melania”, kushtuar Zonjës së Parë të ShBA-së.

Pas gati një dekade lidhjeje, Cristiano Ronaldo i propozoi martesë Georginas më 10 gusht 2025.

Dasma pritet të zhvillohet këtë vit në Madeira, vendlindjen e futbollistit, dhe sipas Georginas, do të jetë një ceremoni e vogël dhe intime, pavarësisht famës së madhe të çiftit.

Foto: Instagram

Futbollisti ka djalin Cristiano Jr., ndërsa më pas erdhën në jetë binjakët Eva Maria dhe Mateo, vajza Alana Martina dhe Bella Esmeralda.

Georgina krahas kësaj mori për dhuratë edhe një orë 'Rolex' që kap vlerën e mbi 40 mijë eurove. /Telegrafi/

Foto: Instagram

Alba Pollozhani dhe Lim Hoti janë ribashkuar në spektaklin e të hënës duke shkëmbyer kështu puthje në buzë.

Ata siç u pa kanë bërë paqe me njëri-tjetrin sa i përket marrëdhënies së tyre.

Por, banori pas kësaj u pa në shumë raste duke e injoruar Albën dhe duke i kërkuar që të largohet nga ai.

Momente këto që e kanë prekur konkurrenten dhe që ka pyetur vazhdimisht për arsyet.

E së fundmi, çifti lanë hatërmbetjet dhe u panë së bashku nën jorgan të mbuluar.

Mbetet për t'u parë se si do të vazhdojë kjo situatë mes tyre, ndonëse ka paqëndrueshmëri.

Alba nga ana tjetër e ka theksuar disa herë se e do Limin dhe se nuk do të martohet me askënd tjetër. /Telegrafi/

Me plot emocion dhe lot, Ardit Stafaj, rrëfeu linjën e tij të jetës në Big Brother VIP Kosova 4.

Nga vdekja e babait që ndodhi natën e Vitit të Ri në vitin 2007 e deri te ballafaqimi i nënës me sëmundjen derisa ajo mbylli sytë në vitin 2020.

Për t’u kujdesur për nënën, atij ua desh t'a ndërpresë edhe karrierën.

Foto: YouTube

Këngëtari i njohur shqiptar tha se si shtëpi e dytë i ishin bërë spitalet.

“Momentet që vetëm shpirti im e di edhe Zoti. Unë si fëmijë i tyre e kam bërë të pamundurën të mundur, vetëm që ajo me ditë që e ka një fëmijë hallall se ashtu më thoshte”, tha ai.

"Për së treti ripërsëritet faza e spitaleve unë kësaj radhe me qindra kilometra vetëm që e kam paramenduar rrugën e spitalit nuk doja të hyja më. Kam ardhur këtu për të nxjerr nënën time të gjallë dhe nuk më intereson asgjë tjetër, më intereson me luftu me vdekjen e saj deri në fund", shtoi tutje.

"Kur më kanë lajmëruar që e ka kaluar operacionin me sukses nuk e di sikur, se di. Veç u ktheva nga Zoti thash, Zot mos ma merr. Nëna është e shenjtë dhe unë kam qenë shumë i lidhur me të", tha ndër tjerash ai.

- YouTube www.youtube.com

I njëjti ka shprehur dëshirën edhe të krijoj familje pasi i ka premtuar edhe të ëmës.

Më pas u surprizua nga miqtë e tij të dashur dhe vëllai Astrit Stafaj. /Telegrafi/

Aktorja amerikane, Ali Larter, pranoi se xhirimi i skenave me bikini në serialin "Landman" është sfida më e madhe në karrierën e saj.

Në një intervistë për revistën People, Larter zbuloi se pavarësisht formës së saj fizike dhe viteve të përvojës, skena të tilla nuk ishin të lehta për të.

Në serialin "Landman" ajo luan personazhin e Angelas, gruas së sigurt të Tommyt, të luajtur nga Billy Bob Thornton, dhe personazhi i saj shfaqet shpesh me rroba të ngushta ose rroba banje.

Foto: YouTube

"Nuk mendoj se ka ndonjë aktore që mezi pret skenat me bikini. Ato janë skenat më të vështira për mua dhe nuk më pëlqejnë, por janë pjesë e historisë që po tregoj", tha Larter.

Ajo shtoi se Angela, si personazh, kërkon një pamje të veçantë fizike, duke përfshirë ushtrime të rregullta, mbajtjen në formë dhe kujdesin për pamjen.

Megjithatë, pranon se pjesa psikologjike është më e vështira për të.

"Duhet të luftoj pasiguritë dhe ankthin tim për të qenë në gjendje të vesh bikini dhe të qëndroj para kamerave", tha ajo me sinqeritet.

- YouTube www.youtube.com

Ndryshe nga skenat me bikini, Larter thotë se i pëlqejnë më shumë skenat e qeta dhe emocionale.

Dy sezonet e para të "Landman" janë të disponueshme për t'u shikuar në platformën Paramount+. /Telegrafi/

Në shtëpinë e Big Brother VIP Albania 5 është anuluar televotimi i së martës.

E në nominim kanë qenë gjithsej 10 banorë: Angelo, Artan, Keijsi, Juela, Greta, Krusita, Rogerti, Mali, Miri dhe Mateo.

Duket se 'Vëllai i Madh' ka marrë masa për ndonjë nga banorët që ka thyer rregullat.

"Televotimi aktual anulohet. Vëllai i Madh ka marrë masa, të cilat do të zbulohen mbrëmjen e sotme", thuhet në njoftim.

E shumë kanë aluduar në Rogertin dhe Keijsin pasi kanë qenë dy që kanë përdorur fjalor të papërshtatshëm.

Rogerti gjithashtu ka pasur një situatë me Mal Retkocerin, gjë që ka bërë të ketë reagim edhe nga familja e këtij të fundit.

Familja kërkoi që Rogerti të përjashtohet nga programi për shkak të gjuhës fyese e bullizimit ndaj Malit. /Telegrafi/

Edwin Cardona, i njohur si futbollist kolumbian që ka mbajtur 45 ndeshje për përfaqësuesen e Kolumbisë, është në qendër të vëmendjes për një histori të pazakontë familjare.

Ai, 33 vjeç, aktualisht luan për klubin më të madh kolumbian, Atletico Nacional, ku filloi edhe karrierën e tij, dhe ka kaluar më parë në klubet më të njohura të Amerikës së Jugut, përfshirë Boca Juniors.

Në vitin 2024, Cardona u kthye te Atletico Nacional, klubi i tij i lindjes.Historia më e diskutueshme lidhet me familjen e tij.

Kjo për shkak se ai është vetëm 12 vjet më i vjetër se vajza e tij e madhe, Ana.

Ana ka lindur nga marrëdhënia e tyre kur Cardona ishte 11 dhe Carolina 14 vjeçe.

Pas disa viteve, çiftit iu dha mundësia të martohej dhe ata krijuan familje.

Përveç Anas, ata kanë edhe dy fëmijë të tjerë: María Angel, 14 vjeç, dhe Emiliano, 11 vjeç.

Foto: X

Kjo histori ka tërhequr vëmendje të madhe pasi në Kolumbi, mosha ligjore për martesë ishte 14 vjet, por u ngrit në 18 vjet vetëm në vitin 2024.

Historia e Cardonas ka bërë bujë, sidomos pasi Ana mbushi 21 vjeç, dhe ka nxjerrë në pah detaje të rralla dhe të diskutueshme për familjen e tij, duke u bërë virale në media dhe rrjete sociale. /Telegrafi/

Ina Aderi ka eskaluar ndaj Stenaldo Mëhillit duke e akuzuar për disa veprime brenda shtëpisë së Big Brother.

Ajo i thotë se po shikon çdo femër që ndodhet brenda këtij formati, duke e quajtur edhe maniak.

"Kush është palaç o Stenaldo,o maniak që sheh çdo femër që vjen. Ti je maniak që shikon çdo femër, i ndyrë", iu drejtua Ina.

Foto: Instagram

Këngëtari gjithashtu i hodhi akuza për lidhjen e krijuar me Keijsin në këtë reality shou.

Ajo mori kritika të shumta në rrjet për faktin se Stenaldo është i verbër.

Foto: Instagram

Ndërkaq fjalor të papërshtatshëm në lidhje me artistin ka përdorur edhe Keijsi.

Mbetet për t'u parë nëse do të ketë ndonjë ndëshkim nga ana e produksionit. /Telegrafi/

Familja e Mal Retkocerit i është drejtuar zyrtarisht produksionit të Big Brother VIP Albania 5 me një letër publike, ku shpreh shqetësim të thellë për gjuhën fyese, denigruese dhe bullizuese të përdorur nga Rogert Sterkaj gjatë qëndrimit në shtëpinë e BBV.

Sipas familjes, sulmet verbale kanë prekur familjen, traumat personale dhe identitetin e Malit, duke i cilësuar këto veprime si dhunë psikologjike dhe jo pjesë të lojës apo debatit televiziv.

Ata i bëjnë thirrje produksionit të marrë përgjegjësitë për garantimin e një ambienti pa dhunë dhe kërkojnë përjashtimin e Rogert Sterkajt.

Foto: Instagram

Letra e plotë e familjes së Mal Retkocerit drejtuar produksionit të Big Brother VIP Albania 5:

"Të nderuar Reagojmë me shqetësim të thellë ndaj gjuhës fyese, denigruese dhe bullizimit ndaj Mal Retkoceri nga Rogert Sterkaj në BBV.

Sulmi ndaj familjes, traumave personale dhe identitetit nuk janë debat, as lojë, por janë dhunë psikologjike dhe bullizim i pastër.

Ne si familje e Mal Retkocerit kërkojmë që të respekohet dinjiteti njerëzor dhe i bëjmë thirrje produksionit që të marrë me përgjegjësi të plotë detyrimet për të siguruar një ambient pa dhunë fizike, psikike dhe bullizuese dhe të veprojë me përjashtimin e Rogertit për veprimet e tij që shkaktojnë dhunë psikologjike dhe bullizim dhe që këto veprime prekin integritetin familjar dhe personal dhe janë të patolerueshme.

Veprimet e Rogertit të cilat i ka ndërmarrë me datë 25.01.2026 janë dhunë, nuk janë lojë, nuk janë debate, prandaj heshtja përballë dhunës e normalizon atë që padyshim është në kundërshtim të plotë me normat shoqërore.

Andaj bazuar në sjelljet dhe veprimet e Rogert Sterkaj kërkojmë që i njëjti të përjashtohet për shkak të sjelljeve denigruese, fyese dhe bullizuese të tij ndaj Mal Retkocerit.

Me respekt, familja e Mal Retkocerit". /Telegrafi/

Benita Zena në spektaklin e së hënës i ka shprehur pëlqim haptazi Klodian Mihajt.

Ajo tha se nuk mund ta fsheh këtë gjë dhe se nuk po e bën për lojë apo publikun.

Kjo gjë duket ta ketë prekur ish-të dashurin e saj, Endrin, me të cilin nuk ka mbyllur akoma lidhjen.

Foto: Instagram

Kjo pasi i njëjti ditë më parë hyri si befasi në Big Brother, për të takuar këngëtaren.

Në një postim në Instagram, Endri duket se ka bërë një reagim në lidhje me ngjarjen.

"Ku janë premtimet?", ka shkruar ai sipër një postimi.

Artisti po i referohet këngës së re e po ashtu edhe ngjarjes së fundit të Big Brother. /Telegrafi/