Autoriteti Kombëtar për Sigurinë Kibernetike ka paralajmëruar qytetarët këtë të mërkurë, më 21 janar, të tregohen të kujdesshëm pasi një mesazh mashtrues po qarkullon kohët e fundit, për t’u marrë atyre paratë.

Mesazhi që mbërrin në celular i kërkon qytetarit të paguajë online gjobat për shkeljet e qarkullimit rrugor. Por është vetëm një mesazh “phishing” dhe linku që e shoqëron nuk duhet klikuar.

“Autoriteti Kombëtar për Sigurinë Kibernetike (AKSK) informon se po qarkullon një mesazh “smishing” që synon të mashtrojë qytetarët me gjoba të rreme për shkelje të rregullave të qarkullimit rrugor.

Mesazhi përmban një link mashtrues dhe kërkon kryerjen e pagesave online. Ky nuk është një komunikim zyrtar nga institucionet shtetërore dhe çdo qytetar që e merr këtë SMS duhet ta injorojë dhe të mos klikojë në link, apo të japë të dhëna personale.

AKSK ka ndërmarrë menjëherë masat për raportimin e bllokimit të faqes, për të parandaluar çdo dëm të mundshëm.”, thuhet në mesazhin e AKSK-së.

Për këtë arsye, AKSK iu bën thirrje qytetarëve të mos hapin linqe të dyshimta që vijnë nga SMS ose email-e jozyrtare, të mos kryejnë kurrë pagesa përmes faqeve që nuk janë domaine zyrtare dhe të njoftojnë menjëherë institucionet përkatëse nëse hasin mesazhe të tilla./kb

Kryetari i PD-së, Sali Berisha, ka zhvilluar ditën e sotme një konferencë për mediat. Gjatë fjalës së tij, Berisha bëri thirrje për pjesëmarrje masive në protestën e 24 janarit.

“Në datën 24 janar ftoj qytetarët e Tiranës dhe gjithë Shqipërisë të mbushim sheshet dhe rrugët e Tiranës për t’i dhënë leksionin  e merituar Edi Ramës dhe narkoregjimit. Janë qytetarët që do të mbrojnë Kushtetutën dhe ligjet e vendit”, tha Berisha. /kb

Blloku sovjetik mori fund kur ra Muri i Berlinit. Aleanca perëndimore, në mënyrë më pak teatrale, kur panorama njerëzore në shkëlqimin nervoz të Davosit filloi të ndryshonte.

Volodymyr Zelensky dyshon nëse duhet të shkojë, sepse sheh aty një tallje ndaj vetes dhe ndaj vendit të tij, që prej katër vitesh i reziston një agresioni të egër.

Ndërkohë, pas katër vitesh, agresori është rikthyer të shfaqet: Rusia. Kirill Dmitriev, produkt i Harvardit, Goldman Sachs dhe McKinsey-t, por sot negociator në emër të Vladimir Putinit, u paraqit dje në mëngjes mes borës zvicerane duke tallur “kolapsin e globalizmit”.

Sigurisht Davosi i sotëm, i dominuar nga personaliteti i tepruar i Donald Trump, e bën atë të ndihet më rehat se sa lideri ukrainas.

Problemi lindi kur Volodymyr Zelensky kërkoi Donald Trump-in në telefon para se të shkonte në Forumin Ekonomik Botëror. Ai donte të kuptonte nëse në vend do të mund të fliste me të për temat që kanë rëndësi, ato të negociatave të paqes në zhvillim: garanci sigurie për Ukrainën dhe angazhim amerikan prej 800 miliardë dollarësh për rindërtimin, në këmbim të dorëzimit të Donbasit që Putin kërkon.

Kievi është në errësirë, në të ftohtë dhe pa ujë në këtë dimër në temperaturat nën zero, pas shkatërrimit metodik të centraleve elektrike nga rusët.

Në vend të kësaj, presidenti i Shteteve të Bashkuara u kufizua ta ftojë Zelenskyn të marrë pjesë në të ashtuquajturin “Board of Peace” (Bordi i Paqes) që, nga Gaza, Shtëpia e Bardhë dëshiron ta shndërrojë gjithnjë e më shumë në një lloj zëvendësuesi të Kombeve të Bashkuara. Por me një dallim, që si “president inaugurues” i këtij “Bordi të Paqes”, sipas kartës së organizmit që po qarkullon, Trump do të kishte fuqinë të ftojë ose të përjashtojë kë të dojë, të caktojë pasardhësin e tij dhe të mbetet gjithsesi përfaqësues i Shteteve të Bashkuara edhe pasi mandati i tij në Shtëpinë e Bardhë të ketë përfunduar.

Në thelb, Trump e sheh veten si një lloj perandori të përjetshëm të “Bordit të Paqes” që do të trajtonte një numër gjithnjë e më të madh çështjesh. Ai ka ftuar Vladimir Putinin dhe diktatorin bjellorus Alexander Lukashenko të bëhen pjesë dhe tani donte edhe Zelenskyn.

Sipas tij, lideri ukrainas duhet të braktisë kryeqytetin e tij të martirizuar dhe të vijë mes të pasurve dhe të famshmëve të Davosit për këtë: të pranojë të ulet në një tryezë dhe të flasë për gjëra të tjera me Putinin dhe Lukashenkon, dy njerëzit që po punojnë për fundin e tij fizik dhe përfundimin e Ukrainës si komb i pavarur.

Zelensky ndali gjithçka. Ideja e tij ishte të diskutonte me të tijtë dhe të vendoste gjatë natës mes të martës dhe të mërkurës nëse do të anulonte apo konfirmonte praninë e tij në Davos, tashmë zyrtarisht të shpallur ditë më parë. Edhe liderët e Francës dhe Gjermanisë, Emmanuel Macron dhe Friedrich Merz, e refuzuan ftesën për të hyrë në “Bordin e Paqes” dhe po ashtu bëri britaniku Keir Starmer.

Mbërritja e Giorgia Melonit, teorikisht e parashikuar për sot, mbetet për t’u konfirmuar me të gjitha domethëniet politike që do të kishte, si një aderim ashtu edhe një refuzim ndaj organizmit të ri të shpikur nga Trump.

Sigurisht ka diçka që nuk mund ta qetësojë Zelenskyn mbi garancitë e sigurisë dhe premtimet e investimeve që Trump i ofron për ta bërë të dorëzojë territoret e kërkuara nga Putin. Ajo diçka është spektakli që dje në Davos ishte para syve të të gjithëve: guximi me të cilin Trump po kthehet kundër vendeve europiane, fajtorë për t’iu kundërvënë pretendimeve amerikane mbi territorin e njërit prej tyre. Nëse kjo është besueshmëria e Shtëpisë së Bardhë me aleatët e përhershëm, bëhet gjithnjë e më e vështirë për ukrainasit të besojnë premtimet e liderit amerikan.

Sepse Trump, që sot do të flasë në Forum, duket se ndjek me ethe një objektiv: të shkatërrojë aleancën e krijuar 80 vite më parë me Shtetet e Bashkuara në krye për t’u ngritur si lider suprem i një pushteti të ri që gjithsesi po kriset dukshëm.

Kanadaja e Mark Carney-t tashmë është hapur ndaj Pekinit dhe kjo shqetëson elitat amerikane sepse tani do të pranojë makina kineze, ndonëse industria e saj e makinave ka një lidhje siameze me atë të Shteteve të Bashkuara. Ndërkohë një sondazh i RealClearPolitics i ditëve të fundit tregon se mes votuesve, popullariteti i Trump-it (tashmë i ulët) ka humbur edhe dy pikë që kur është përshpejtuar fushata mbi Groenlandën (tani 55% e refuzojnë veprimet e tij).

Por kriset edhe për Shtëpinë e Bardhë besimi mes investitorëve. Shifrat mbi rritjen që vetë biznesmeni apo sekretari i tij i Thesarit dje në Davos vazhdonin t’i përsërisnin si një lutje, në këtë rast, nuk ndryshojnë asgjë.

Sepse kërcënimet e reja për taksa doganore kanë rikthyer një fantazmë që tashmë kishte frikësuar Shtëpinë e Bardhë që në prillin e kaluar: rënien e papritur dhe të njëkohshme të dollarit ndaj të gjitha valutave kryesore dhe të bonove të shtetit amerikan.

Është fundi i borxhit amerikan si port i sigurt dhe strehë e fundit në kriza, një humbje potencialisht dramatike e statusit. Kishte ndodhur, në histori, vetëm pas “Ditës së Çlirimit” mbi taksat doganore dhe e kishte detyruar Trump të bënte një tërheqje të pjesshme.

Tani rënia e dyfishtë e dollarit dhe e bonove të shtetit amerikan po përsëritet dhe hedh një dritë tjetër edhe mbi liderët europianë që tregojnë dinjitet dhe vendosmëri, si Ursula von der Leyen dhe Macron dje në Davos: ata nuk erdhën në malet zvicerane për t’u tallur dhe fyer.

Nesër do të jetë radha e Merz-it dhe nuk dihet nëse do të gjejë një moment për të folur me Trump-in. Më 6 shkurt BE-ja pritet të aplikojë masa hakmarrëse me mbi 93 miliardë dollarë tarifa ndaj produkteve amerikane, nëse asgjë nuk ndryshon.

Sigurisht qeveritë e saj mbeten të ndara: Gjermania dhe Italia më të kujdesshme ndaj Trump-it, Franca, Belgjika dhe Spanja më të vendosura. Por mbi një pikë janë (pothuajse) të gjithë dakord: të lejosh të shantazhohesh pa reaguar nuk mund të bëjë gjë tjetër veçse të dëmtojë edhe më shumë atë që ka mbetur nga aleanca.

Shkrim nga Corriere Della Sera/kb

Presidentja e Komisionit Europian, Ursula von der Leyen, në një fjalim para Parlamentit Europian është shprehur se Europa duhet të përshpejtojë përpjekjet e saj për pavarësi. Von der Leyen u shpreh se po ndodh një ndryshim i madh në rendin ndërkombëtar që pritet të jetë i përhershëm.

“Tani jetojmë në një botë të përcaktuar nga fuqia e papërpunuar. Në këtë botë gjithnjë e më pa ligje, Europa ka nevojë për levat e veta të pushtetit”, u shpreh Von der Leyen.

Duke iu referuar tensioneve në rritje me Trump-in lidhur për përpjekjen e tij për të blerë Groenlandën, ajo u shpreh se kërcënimi me tarifa shtesë për arsye sigurie është i gabuar.

Ajo shton se udhëheqësit e Europës do të takohen të enjten për të diskutuar përgjigjen e saj ndaj tarifave të kërcënuara të presidentit amerikan.

“Europa preferon dialogun dhe zgjidhjet, por ne jemi plotësisht të përgatitur të veprojmë nëse është e nevojshme me unitet, urgjencë dhe vendosmëri”, u shpreh presidentja e KE-së.

Ajo përsëriti qëndrimin e Europës se e ardhmja e Groenlandës u takon vetëm banorëve të Groenlandës për t’u vendosur. /Kb

Japonia ka rinisur punën e një reaktori në centralin bërthamor më të madh në botë, gati 15 vjet pas një katastrofe në centralin elektrik të Fukushimës që e detyroi vendin të mbyllë të gjithë reaktorët e saj bërthamorë. Puna e reaktorit nr. 6 në uzinën Kashiwazaki-Kariwa që ndodhet në veriperëndim të Tokios rifilloi ditën e sotme.

Ky është rifillimi i energjisë bërthamore në Japoni, i cili ka ende shumë punë për të bërë. Reaktori i shtatë nuk pritet të rikthehet në punë deri në vitin 2030, dhe pesë të tjerët mund të çmontohen. Kjo e lë termocentralin me shumë më pak kapacitet sesa kishte dikur kur të shtatë reaktorët ishin në funksion.

Japonia, e cila gjithmonë ishte mbështetur shumë në importet e energjisë, ishte një nga adoptueset e hershme të energjisë bërthamore. Por këto ambicie u prishën në vitin 2011 nga ajo që tani mbahet mend si një nga katastrofat më të këqija bërthamore në histori.

I shkaktuar nga tërmeti më i fuqishëm i regjistruar ndonjëherë në Japoni, shkrirja e reaktorëve në Fukushima Daiichi çoi në rrjedhje radioaktive. Kjo traumatizoi komunitetet lokale që u evakuuan dhe shumë prej tyre nuk janë kthyer pavarësisht garancive zyrtare se ishte e sigurt për ta bërë këtë.

Frika dhe mungesa e besimit nxitën kundërshtimin publik ndaj energjisë bërthamore dhe Japonia pezulloi të gjithë flotën e saj prej 54 reaktorëve menjëherë pas katastrofës së Fukushimës.

Japonia ka kaluar dekadën e fundit duke u përpjekur t’i riaktivizojë ato termocentrale. Përpara vitit 2011, energjia bërthamore përbënte gati 30% të energjisë elektrike të Japonisë dhe vendi planifikonte ta rriste këtë përqindje në 50% deri në vitin 2030.

Plani i saj energjetik vitin e kaluar zbuloi një objektiv më të butë: dëshiron që energjia bërthamore të sigurojë 20% të nevojave të saj për energji elektrike deri në vitin 2040. /Kb

Last Updated on 21/01/2026 by Kesjana

Berisha u shpreh se në dokumentin e paraqitur si provë për një korrupsion të pretenduar të zv/kryeministrit të asaj kohe, në versionin fillestar ai dilte i përfshirë, por më pas kjo u tërhoq. “Nëpërmjet ‘cut and paste’, dokumenti kalonte nga sekondi i 25-të në sekondin e 32-të dhe më pas thanë se nuk isha i përfshirë,” deklaroi ai, duke akuzuar Edi Ramën për falsifikim të qëllimshëm të provave.

Sipas Berishës, përgjegjësia e tij nuk qëndron te akuzat e ngritura ndaj tij, por te mënyra se si ai ka menaxhuar protestat gjatë qeverisjes. “Përgjegjësia ime ishte se kam trajtuar me standarde demokratike 752 protesta të opozitës, pa asnjë cenim, në përputhje me rregullat e një vendi demokratik,” tha ai.

Ai theksoi se gjatë protestës së 21 janarit pati akte dhune, përfshirë hedhje gurësh dhe përdorim armësh zjarri, të cilat sipas tij janë të dokumentuara. “Plumbat dhe revolet u drejtuan ndaj kryeministrit në detyrë,” u shpreh Berisha./kb

Ambasada e SHBA-së në Tiranë ka ndarë mesazhin e Sekretarit amerikan të Shtetit, Marco Rubio, ku citohet se në vetëm një vit Presidenti Donald Trump ka rikthyer sovranitetin amerikan duke ndjekur me guxim paqen përmes forcës.

Më tej theksohet se falë udhëheqjes së tij vendimtare, aletatët e vlerësojnë dhe kundërshtarët i frikësohen SHBA-së, ndërsa populli vihet në radhë të parë.

“Premtime të bëra, premtime të mbajtura”, nënvizohet në deklaratën e Rubio-s.

“Në vetëm një vit, Presidenti Trump ka rikthyer sovranitetin amerikan duke ndjekur me guxim paqen përmes forcës. Falë udhëheqjes së tij vendimtare, aleatët tanë na respektojnë, kundërshtarët tanë na frikësohen, dhe populli amerikan vihet në radhë të parë. Premtime të bëra, premtime të mbajtura.” – Sekretari i Shtetit, Marco Rubio./Kb

Sekretari i Përgjithshëm i NATO-s, Mark Rutte, deklaroi më 21 janar se mënyra e vetme për zgjidhjen e krizës rreth Grenlandës është “diplomacia e matur”, duke shtuar se po punon “ në prapaskenë ” për këtë çështje.

Kreu i aleancës ushtarake perëndimore, i cili po merr pjesë në Forumin Ekonomik Botëror në Davos, refuzoi të komentojë lidhur me synimet e presidentit amerikan, Donald Trump, për ta marrë nën kontroll këtë ishull, duke theksuar se diplomacia është më e rëndësishme sesa deklaratat publike.

“Ju siguroj se për këtë çështje po punoj në prapaskenë”, tha shefi i NATO-s gjatë një paneli në Davos.

Ai përsëriti se nuk do të prononcohet publikisht, pasi, sipas tij, “e vetmja mënyrë për ta zgjidhur krizën është diplomacia e menduar mirë”.

Rutte është udhëheqësi i vetëm që deri më tani ka konfirmuar se do të takohet me Trumpin në margjinat e forumit në Davos të Zvicrës.

Duke folur në panel, Rutte theksoi se Shtetet e Bashkuara mbeten të përkushtuara ndaj aleancës, por shtoi se Amerikës i duhet “një Evropë e sigurt dhe një Arktik i sigurt”.

Ai theksoi se, sa i përket Arktikut, pajtohet me presidentin amerikan.

“Duhet ta mbrojmë Arktikun nga ndikimi rus dhe kinez”, tha Mark Rutte.

Ai po ashtu kërkoi që Evropa dhe SHBA-ja që mospajtimet për Grenlandën t’i shpërqendrojnë nga lufta në Ukrainë, që Rusia e nisi afër katër vjet më parë.

“Përqendrimi në Ukrainë duhet të jetë prioriteti ynë kryesor, është thelbësor për sigurinë evropiane dhe të SHBA-së”, u shpreh ai.

Trump më herët ka argumentuar se SHBA-së i duhet Grenlanda për të garantuar sigurinë kombëtare amerikane kundër rivalëve të Uashingtonit, Rusisë dhe Kinës.

Nga ARTUR  AJAZI

E çfarë ti kujtosh më parë Partisë Demokratike, e ç’tikujtosh më parë asaj partie e cila u themelua ngaidealistët, dhe u shnderrua në organizatë me paramilitarë. Ç’ti kujtosh asaj force politike, vitin1996, rrahjen e frikshme të opozitës mes bulevardit tëTiranë e shesheve të qyteteve të Shqiperisë, vitin 1997, vitin e zi për gjithë shqiptarët kur shtetin e shkaterroiajo parti me firmat piramidale. E ç’ti kujtosh tjetër asaj partie, grushtin e shtetit në 1998, veprat kriminale tëmilitantëve të saj ndaj institucioneve kushtetuese, apo protestat e dhunshme në 2001, 2003, qeverisjen e keqeqë shkatërrroi  vendin dhe jetën e shqiptareve nga 2005 deri 2013, Gerdecin, 21 Janarin , apo dhe akte të tjeratë cilat edhe sot e kësaj dite, nuk po ndëshkohen ngadrejtësia e re. Krejt historia  e asaj partie është e mbushur me bëma dhe akte antiligjore, me krime dhevepra të tjera penale, duke nisur nga ish-kryeministrat e pas 1992 deri sot. Duke nisur nga ish-presidenti venditSali  Berisha, e duke vazhduar me ish-ministrat qëvodhën, u pasuruan dhe sot janë milionerë. Historia e PD-së, në fakt është histori e mbushur me “21 janarë”, ku çdo vepër penale, çdo shkelje ligjore, çdoshkaterrim dhe vjedhje, përbën një vepër të veçantëpenale. Shqiptarët po pyesin me të drejtë çdo ditë, “kurdo të vihet drejtësi për 1997 ku u vranë mbi në pakmuaj mbi 6300 persona nga armatimet dhe municionete depove të ushtrisë, dhe që vazhdojnë edhe sot tëvrasin, kur do të bëhet drejtësi për 26 viktimat e Gerdecit, 4 viktimat  e 21 janarit, apo viktimat e gomoneve, që kishin pronarë ish-ministrat dhe ish-drejtuesit e policisë së asaj kohe”. E ç’ti  kujtosh mëpare asaj partie, e cila sot padrejtesisht ka marrë nëpolitikë, rolin e “liderit  të opozitës”. Sali Berisha, ka kurajon sot fton dhe mbledh rreth tryezës, partitë e vogla të kampit opozitar, duke u premtuar atyre “fitorenë zgjedhjet e ardhshme, rrëzimin e Edi Ramës, duke patur si kryeopozitar vetëm  kreun e PD”.  Hipokrizi, mashtrim, dhe lojë e vjetër me skenar të ri. Por faktiështë se, shumica e partive të vogla (që kanë mbetur tëtilla nga lojërat e PD) e kanë kuptuar tanimë se, me Berishën në krye të frontit opozitar, me mbështetje tëbrendshme  të dobësuar, apo dhe me mbështetjenderkombetare të fashitur, ata kurrë nuk mund të vijnënë pushtet. Ndaj dhe ka nisur distancimi i tyre ngaftesat dhe bashkepunimi politik me PD. Ata kanë plot arsye ti thonë “JO” ftesave nga Berisha dhe PD-ja, gjithmonë duke u nisur edhe nga historia e fushataveelektorale të kaluara, dhe pse jo, edhe nga historia e njëpartie, e vjetër sa vetë pluralizmi në Shqiperi, e mbushur me 21 janarë të pafundëm, histori veprashpenale ende të pandëshkuara, të cilat janë shkakukryesor i humbjeve seriale, dhe e mosardhjes nëpushtet.  /kb

Last Updated on 21/01/2026 by Kesjana

Kryeministri Edi Rama ka përcjellë një mesazh urimi Presidentes së Kosovës Vjosa Osmani pas marrjes së ftesës nga Presidenti Trump për të qenë pjesë e Bordit të Paqes.

Në mesazhin e tij Rama thekson se është një gjest dhe sinjal domethënës për sigurinë e përkatësinë e Kosovës në hapësirën e interesit të gjerë amerikanë në botë.

Kryeministri nënvizoi se beson që faktorët politikë të Kosovës, do ta çmojnë këtë dorë të shtrirë nga Presidenti i SHBA.

“Urime zonja Presidente, e dashur Vjosa, për marrjen e ftesës për t’u bërë pjesë e Bordit të Paqes, një gjest tejet domethënës i Presidentit Trump ndaj Kosovës, që forcon më tej marrëdhënien e Amerikës mike me popullin shqiptar, por që edhe jep një sinjal domethënës për sigurinë e përkatësinë e Kosovës në hapësirën e interesit të gjerë amerikan në botë.

Edhe njëherë urime dhe dua të besoj se faktorët politikë të Kosovës, do ta çmojnë këtë dorë të shtrirë nga Presidenti i SHBA, si një gjest që nuk është aspak pa lidhje edhe me respektin për ty personalisht e  për rolin tënd ndërkombëtarisht”, shkruan Rama në platformën X./Kb

Last Updated on 21/01/2026 by Kesjana

Xhaxhai i Aleks Nikës, Mark Nika: Shoqëria pret që drejtësia të funksionojë realisht. Ne nuk kërkojmë hakmarrje, por drejtësi, nuk kërkojmë përjashtime por barazi para ligjit. Kujtesa nuk duhet të zbehet, ne qëndrojmë me besim te SPAK dhe gjykata e Strasburgut për drejtësi/kb

Last Updated on 21/01/2026 by Kesjana

Komentet e fundit të Presidentit të SHBA-së, Donald Trump, në lidhje me Groenlandën kanë ngritur pikëpyetje në lidhje me angazhimin e vendit të tij në NATO.

Republika Federale e Gjermanisë ka qenë një pjesë shumë e rëndësishme e strategjisë mbrojtëse të Shteteve të Bashkuara në Evropë që nga fundi i Luftës së Dytë Botërore, kur forcat amerikane ishin pjesë e një pushtimi dhjetëvjeçar të vendit nga aleatët.

Edhe pse numri i trupave ka rënë ndjeshëm që atëherë, ushtria amerikane mbetet me një prani të rëndësishme në Gjermani. Gjatë dekadave të fundit, komunitetet ushtarake amerikane janë formuar rreth disa qyteteve gjermane.

Numri i përgjithshëm i personelit ushtarak amerikan është rritur ndjeshëm vitet e fundit – nga më pak se 39,000 në vitin 2019 në më shumë se 50,000 në vitin 2024. I vetmi vend tjetër ku SHBA-të mbajnë një numër të krahasueshëm trupash jashtë shtetit është Japonia.

Shtetet e Bashkuara kanë vendosur më shumë trupa në Evropë që nga fillimi i pushtimit të Ukrainës nga Rusia në shkurt 2022, me disa njësi të vendosura në bazat në lindje, në Poloni, Rumani dhe Bullgari. Ushtria amerikane aktualisht ka rreth 10,000 trupa të stacionuara në garnizonin e saj në Poloni dhe 2,600 të tjera në rajonin e Detit të Zi, në Bazën Ajrore Mihail Kogalniceanu në Rumani dhe në Qendrën e Trajnimit Novo Selo në Bullgari. Këto trupa ndërrohen rregullisht.

Komanda Evropiane e SHBA-së është në Gjermani

Rëndësia strategjike e Gjermanisë për SHBA-në reflektohet edhe në faktin se selia e Komandës Evropiane të SHBA-së (EUCOM) është në Stuttgart. Është struktura koordinuese për të gjitha forcat ushtarake amerikane në deri në 51 vende, kryesisht evropiane.

Komanda Evropiane e përshkruan misionin e saj si mbrojtjen e SHBA-së duke penguar konfliktin, duke mbështetur partneritete të tilla si NATO dhe duke iu kundërvënë kërcënimeve transnacionale. Ajo komandohet nga Ushtria Amerikane në Evropë, Forcat Ajrore Amerikane në Evropë dhe Korpusi i Marinës Amerikane në Evropë dhe Afrikë, të cilat janë të gjitha të bazuara në Gjermani.

Gjermania është vendndodhja e pesë nga shtatë garnizonet ushtarake amerikane në Evropë (dy të tjerat janë në Belgjikë dhe Itali), dhe selia e Ushtrisë Amerikane për Evropën ndodhet në garnizonin në Wiesbaden, një qytet pranë Frankfurtit.

Shifrat e ofruara për DW nga Ushtria Amerikane tregojnë se pesë garnizonet, secili i përbërë nga njësi të ndryshme dhe në vende të ndryshme, aktualisht kanë rreth 29,000 personel ushtarak. Ky numër përfshin edhe Forcat e Korpusit të Marinës Amerikane për Evropën dhe Afrikën, të cilat janë të bazuara në Böblingen dhe janë pjesë e garnizonit të Ushtrisë Amerikane në Stuttgart.

Përveç kësaj, rreth 13,000 persona të Forcave Ajrore Amerikane janë të vendosur në vende të ndryshme në Gjermani, kryesisht në dy baza ajrore amerikane – Ramstein dhe Spangdahlem.

Përgjigja zyrtare e qeverisë në Berlin ndaj një pyetjeje të ngritur në vitin 2023 nga Partia e Majtë e opozitës tregoi se shteti gjerman kontribuon gjithashtu në kostot e mbajtjes së forcave amerikane dhe të NATO-s në vend. Dhe kjo shumë është duke u rritur. Në vitin 2020, viti i fundit për të cilin qeveria dha të dhëna, Gjermania kontribuoi me 108 milionë euro për të mbështetur trupat e huaja aleate në tokën e saj – nga 100 milionë euro një vit më parë.

Ushtria amerikane në Gjermani

Meqenëse ushtria amerikane punëson edhe civilë amerikanë për të punuar në Gjermani, dhe ushtarët ndonjëherë mund të sjellin familjet e tyre me vete, komunitete të konsiderueshme civile amerikane janë formuar rreth disa bazave në Gjermani. Në fakt, disa baza amerikane, si ajo pranë Ramstein, janë praktikisht qytete të vogla, me qendrat e tyre tregtare amerikane, shkollat, shërbimet postare dhe forcat policore. Ndonjëherë e vetmja monedhë ligjore atje është dollari amerikan.

Shembulli më i madh i kësaj është Garnizoni i Ushtrisë Amerikane Bavaria në Grafenwoehr, pranë kufirit çek. Është baza më e madhe ushtarake amerikane jashtë shtetit në botë, sa i përket popullsisë dhe sipërfaqes – ajo mbulon më shumë se 97,000 hektarë (390 kilometra katrorë).

Bazat ushtarake shpesh punësojnë shumë njerëz vendas, dhe kur disa objekte u mbyllën, siç ishte garnizoni i Bambergut në vitin 2014, kjo pati një ndikim të madh në ekonominë lokale.

Edhe pse Gjermania ka “hequr dorë në mënyrë të qartë nga armët bërthamore”, siç përsëriti kancelari Friedrich Merz vitin e kaluar, vendi ka strehuar armë bërthamore amerikane që nga vitet 1950, si pjesë e operacioneve të NATO-s. Numri i saktë i armëve bërthamore amerikane nuk dihet zyrtarisht, por vlerësohet se 10 deri në 20 bomba B61 ndodhen në bazën ajrore gjermane në Büchel në shtetin e Rheinland-Pfalz. Në rast lufte, ato do të transportoheshin nga avionë gjermanë.

Një burim tjetër polemikash është fakti se Baza Ajrore Ramstein është përdorur si qendër kontrolli për sulmet me dronë në Jemen dhe vende të tjera. Kjo i ka bërë kritikët të akuzojnë qeverinë gjermane se është bashkëpunëtore në vrasjet jashtëgjyqësore të kryera nga SHBA-të.

Pushtimi aleat pas Luftës dhe trashëgimia e tij

Gjatë pushtimit aleat pas Luftës së Dytë Botërore, nga viti 1945 deri në vitin 1955, miliona ushtarë amerikanë, britanikë, francezë dhe sovjetikë ishin të stacionuar në Gjermani. Pjesa verilindore e vendit, e cila zyrtarisht u bë Gjermania Lindore në tetor 1949, ra nën kontrollin sovjetik.

Në Gjermaninë Perëndimore, pushtimi rregullohej nga i ashtuquajturi Statut i Pushtimit, i nënshkruar në prill të vitit 1949, kur u themelua vendi. Statuti i lejonte Francës, Britanisë së Madhe dhe Shteteve të Bashkuara të mbanin forcat pushtuese në vend dhe të ruanin kontrollin e plotë mbi çarmatimin dhe demilitarizimin e Gjermanisë Perëndimore.

Kur pushtimi ushtarak i Gjermanisë Perëndimore përfundoi zyrtarisht, vendi rimori kontrollin mbi politikën e vet të mbrojtjes, por Statuti i Pushtimit u pasua nga një marrëveshje me partnerët e saj të NATO-s.

Kjo marrëveshje, e njohur si Konventa mbi Praninë e Forcave të Huaja në Republikën Federale të Gjermanisë, u nënshkrua nga Gjermania Perëndimore në vitin 1954. Ajo u lejonte tetë anëtarëve të NATO-s, përfshirë Shtetet e Bashkuara, të kishin një prani të përhershme ushtarake në Gjermani. Marrëveshja ende rregullon kushtet e angazhimit të njësive të NATO-s të stacionuara në Gjermani sot.

Numri i personelit ushtarak amerikan ka qenë në rënie që nga fundi i Luftës së Ftohtë në vitin 1990, kur sipas shifrave qeveritare në Berlin, deri në 400,000 ushtarë të huaj ishin të stacionuar në tokën gjermane. Rreth gjysma e tyre ishin nga Shtetet e Bashkuara. Ata u tërhoqën gradualisht ndërsa tensionet me mbetjet e Bashkimit Sovjetik u zbutën. Në të njëjtën kohë, konfliktet në vende të tjera, siç ishte lufta e parë e Gjirit në Irak, po tërhiqnin gjithnjë e më shumë trupa amerikane.

Edhe pse numri i tyre është rritur përsëri vitet e fundit, numri i trupave amerikane në Gjermani është ende vetëm një pjesë e vogël e asaj që ishte në kulmin e Luftës së Ftohtë./DW/Kb

Kryeministri i Izraelit, Benjamin Netanyahu, ka pranuar ftesën e presidentit amerikan Donald Trump për t’u bashkuar në nismën e quajtur si “Bordi i Paqes”.

Zyra e kryeministrit izraelit njoftoi të mërkurën në rrjetet sociale se Netanyahu do të jetë pjesë e kësaj strukture, pavarësisht se ajo u prezantua si pjesë e fazës së dytë të marrëveshjes së armëpushimit me Hamasin, e cila synon përfundimin e luftës shkatërruese në Gaza.

Sipas vizionit të Trump, në këtë organizëm janë ftuar shumë liderë botërorë dhe ai pritet të mbikëqyrë “ndërtimin e kapaciteteve qeverisëse, marrëdhëniet rajonale, rindërtimin, tërheqjen e investimeve, financimet në shkallë të gjerë dhe mobilizimin e kapitalit” në Rripin e Gazës.
Megjithatë, pjesëmarrja e Netanyahu-t ka shtuar shqetësimet për paanshmërinë e këtij bordi, i cili do të drejtohet nga vetë Trump dhe ku përbërja e tij do të jetë nën kontrollin e presidentit amerikan./kb

Last Updated on 21/01/2026 by Kesjana

Nga Gjeneral ® Piro Ahmetaj

Sigurisht po e ndjek me interes dhe përgjegjësi të shtuar “debatin e ethshëm” që vijon në Tiranë mbi: “ngritjen e Bordit (Trump) të Paqes, si dhe ftesën e adresuar Kryeministrit të RSh”. Në pamundësi t’ju përgjigjem çdo studio-TV të interesuar, në vijim gjeni përmbledhje strategjike rreth rrethanave, peshës dhe mesazheve gjeopolitike që mbart ngritja e këtij Bordi (BP), jo vetëm për Lindjen e Mesme, por mbarë botën, Ballkanin Perëndimor, përfshi interesat kombëtare (RSh/Kosovës):

Konsiderata, pesha dhe mesazhe gjeopolitike që mbart ngritja e Bordit të Paqes:

Përtej kakofonisë së mirë-ushqyer  edhe nga Chat-GPT mes të gjithëditurve dhe kudo-gjendurve në studiot televizive, për këdo që dëshiron qartësi strategjike rreth BP, do mjaftonte linku i posaçëm (https://en.wikipedia.org/wiki/Board_of_Peace), ku gjendet informacion i mjaftueshëm mbi: “Historikun; Referencat, Vizionin (mekanizëm ndërkombëtar i mandatuar nga Rezoluta e OKB), Misionin, Strukturën dhe ftesat e drejtuesit/Donald Trump, për bashkë-themeluesit e Bordit të Paqes. Ndërsa për këdo që nuk do të ushqehet me spekulime politike, dezinformime apo dhe “deep fake” nga armiq potencialë, në vijim gjeni analizë bazuar në link-un e sipërcituar si dhe konfirmuar nga Shtëpia e Bardhë: 

Bordi i Paqes as nuk është menduar si mekanizëm i përfaqësimit burokratik, përkundrazi, bazohet në projektin Trump-2 si një Institucion me peshë vendimmarrëse, dhe të mirë-integruar me fuqinë ushtarake të ShBA-ve, me mision: “imponimin e paqes në Lindjen e Mesme si dhe zgjidhjen e konflikteve globale”.

Megjithëse ngritja e BP bazohet në “Rezolutën 2803 të Këshillit të Sigurimit, 11/2025”, në fakt Presidenti Trump po tejkalon krizën e pafuqisë burokratike të OKB/1945. Për ta ilustruar këtē do mjaftonin: “gjenocidi i Srebrenicës në 1995 dhe i Kosovës në 1999 nga makineria kriminale e Millosheviçit; 22 vite negociata diplomatike, rezoluta apo lutje ndaj Ajatollahut të Iranit për ndalimin e programeve bërthamore; agresioni ushtarak i Rusisë ndaj Ukrainës etj”. Ndërsa për “revoltën” për axhensorin, mikrofonin dhe rezervat e Presidentit Trump ndaj OKB-së, sjell në kujtesë refuzimin turpërues që Trump i bëri “ofertës tinëzare” të Putinit për të ndërmjetësuar me Ajatollahun e Iranit, apo pëgjigjen me vepra se: “as i shkonte në mend të merrte leje nga KS” për prangosjen e Maduros, i cili e kishte kthyer Venezuelën në parajsën ruso-kineze dhe të narkoterrorizmit, duke kërcënuar sigurinë dhe interesat e ShBA-ve si dhe jetën e amerikanëve !

Gjithësesi BP nuk u përzgjodh brenda javës, por si vijimësi e përpjekjeve të Presidentit Trump: “për ta bërë jo vetëm më të fortë Amerikën, por edhe superfuqi të pakonkurueshme për paqen, stabilitetin dhe rendin global”. Kështu, kujtojmë se në mbrëmjen para Samitit të Paqes në Sharm el-Sheikh (13 tetor 2025), Trump deklaroi se: “lufta ka mbaruar dhe se BP do të formohet së shpejti”! Në fillim të 2026, Shtëpia e Bardhë konfirmoi se ish-koordinatori special i OKB-së për Lindjen e Mesme, z. Nickolay Mladenov (aktualisht drejtor ekzekutiv i BP). Ndërsa më 15 janar 2026 Presidenti Trump shpalli ngritjen e Bordit, si dhe një listë me kryetarë shtetesh që u kishte dërguar ftesa për t’u bashkuar në ditën e konstituimit zyrtar të BP.

Ngritjen e BP e gjej po ashtu në një linjë me konceptin e Trump: “Paqe nëpërmjet Forcës”, qasje që imponoi armëpushimin mes Izraelit dhe Hamasit si dhe u demonstrua në prangosjen e Maduros dhe sulmit/ndëshkimit shëmbullor ndaj bazave bërthamore të Iranit, që do shërbejnë edhe si “mesazhe të fuqisë shkatërrimtare të ShBA-së ndaj Putinit, Kim Jong-ut etj., nëse guxojnë të kërcënojnë interesat e ShBA-së apo të ndonjërit prej 32 vendeve anëtare”. 

Po ashtu vlerësoj se ftesat e adresuara nga Presidenti Trump, nuk janë mbështetur në parimet e gjithëpërfshirjes burokratike, as në renditje alfabetike të kryetarëve të 193, 100 apo 50 shteteve. Në të vërtet është një listë e mirëmenduar me udhëheqës vendesh që kanë besueshmëri strategjike, peshë vendimmarrëse, eksperiencë dhe impakt për paqen në Lindjen e Mesme, si dhe për zgjidhjen e konflikteve rajonale apo globale. Konkretisht, në faqen zyrtare të Shtëpisë së Bardhë, si bashkë-themelues të BP-së janë ftuar 20 kryetarë shtetesh, përkatësisht të RSh-së, Argjentinës, Australisë, Brazilit, Kanadasë, UK, Qipros, Egjiptit, Hungarisë, Indisë, Italisë, Greqisë, Jordanisë, Pakistanit, Turqisë, Rusisë etj (lista po përditësohet, por në rastin më të mirë nuk pritet të kalojë 30 shtete nënëshkruese).  

Pavarësisht se në parim çdo përfaqësim ka kosto (fee), për ta qartësuar spekulimet mbi “çmimin e karriges” po citojmë reagimin e Shtëpisë së Bardhë: “Nuk ekziston asnjë kërkesë e ShBA-së për të kontribuar 1 miliard dollarë” duke shtuar se: “nëse një vend kontribuon 1 miliard dollarë, fiton statusin e anëtarit të përhershëm, në vend të anëtarësimit me afat 3-vjeçar”. 

Vlerësim, privilegj dhe përgjegjësi e shtuar për RSh:

Përkundër kujës së pronarëve të kompanisë/opozitës së falimentuar, të refuzuar dhe të neveritur nga mbarë-shqiptarët si dhe përtej fantazive egocentrike të një grushti delikuentësh: “për arrestimin e Ramës në Surrel me Komandot Amerikane si në rastin e Maduros; mos-pjesëmarrjen e PM-RSh në Samitin e Washingtonit 2024; vizitën e ish-Sekretarit Antony Blinken në Tiranë, si dhe ëndrra defiçentësh për qeveri apo  ministra teknikë”: “ftesën e Presidentit Trump ndaj Kryeministrit Rama, për të qënë  ndër themeluesit e Bordit të Paqes e çmoj jo vetëm vlerësim të merituar dhe mundësi të artë përfaqësimi të RSh në tavolinat e vendimmarrjeve të mëdha, por edhe si përgjegjësi e shtuar ndaj interesave Kombëtare”!

Po ashtu, përzgjedhjen e RSh e gjej edhe si “kundërpërgjigje të mënçur” të Washingtonit zyrtar ndaj mirënjohjes së merituar mbarëkombëtare për: “mbështetjen 114-vjeçare të ShBA-ve për pavarësinë e RSh dhe çlirimin e Kosovës; ndërtimin e demokracisë funksionale, antarësimin në NATO, ngritjen e SPAK, etj”, por edhe kontributeve të RSh mbas 1996, ku: “mbi 1 miliard € si dhe 12 mijë burra dhe gra me uniformë kanë shërbyer krah trupave të USA në Ballkan, Irak, Afganistan, Lindjen e Mesme, Gjeorgji, Ukrainë etj”.  

Në të njëjtën kohë, nënvizoj se ftesa e RSh-së në këtë Bord nuk ka ardhur rastësisht dhe as për marrëdhëniet SHBA-RSh në 15 vitet e fundit, por: “si ndër faktorët me besim te të dyja palët në konflikt” (arabët dhe Izraeli). Kujtoj se RSh e ka njohur Palestinën që në 1988;është anëtarësuar në Konferencën Islamike në 1991 (nënshkruar nga R. Alia dhe rikonfirmuar nga S. Berisha në dhjetor 1992) si dhe në 2015, ndër 119 vendet që votuan ngritjen e flamurit Palestinez në OKB. Nga ana tjetër, RSh-ja ka bashkëpunim të shkëlqyer edhe me Izraelin për shkak të “besës humane” në mbrojtje të hebrenjve gjatë Luftës së 2-Botërore si dhe të lobit izraelit pro bombardimeve të Serbisë, për njohjen e Kosovës (nën kujdestarinë e Trump-1), etj. 

Thënë sa më lartë, “ftesën nuk e gjej kurrësesi si dhuratë personale për Edi Ramën, as si pasaportë apo mbështetje amerikane për të mbajtur edhe 5 apo 6 mandate pushtetin”. Gjithësesi, nuk mund të mohohet që Z. Rama, për shkak të karizmës editoriale si dhe fuqisë 13-vjeçare të pushtetit: “ka rritur ambiciet dhe peshën e përfaqësimit të interesave të RSh, ndaj edhe konsiderohet ndër aktorët me impakte më shumë se modeste në Lindjen e Mesme, etj”. Njohur këtë, do ta këshilloja Kryeministrin Rama që pjesëmarrjen në Bordin e Paqes të Trump, përveçse si privilegj personal, ta adresojë si një mundësi të artë dhe përgjegjësi shtesë për forcimin e besimit/partneritetit strategjik me USA në mbrojtjen dhe zhvillimin e interesave gjeopolitike (fatmirësisht të ndërthurura) edhe me të ShBA-ve në NATO, Rajon dhe Mesdhe. 

Në përmbledhje, duke përsëritur rëndësinë e pjesëmarrjes në tavolinat e vendimmarrjeve të mëdha, mbetem besimplotë se ngritja e Bordit të Paqes, e mirë-integruar me (super)fuqinë ushtarake të pakonkurueshme të ShBA-ve si dhe nën udhëheqjen e fortë të Presidentit Trump, do të bëjë që: “jo lufta gjakatare, por paqja, rendi global, vlerat e qytetërimit dhe demokracia të triumfojnë mbi neo-nazistët, neo-stalinistët, neo-Millosheviçët, si dhe mbi shtetet dhe organizatat narko-terroriste”. Me këtë rast (dhe përtej transheve partiake), ri-konfirmoj përkushtimin për të vijuar të kontribuoj me eksperiencën dhe përgjegjshmëri në mbrojtjen dhe zhvillimin e interesave gjeopolitike, si dhe të ardhmërisë euroatlantike të RSh dhe Kosovës. 

* Autori: Gjeneral ® Piro Ahmetaj:
Senior Ekspert për Sigurinë dhe Mbrojtjen Kombëtare, Ballkanit si dhe marrëdhëniet me USA/NATO.

Vitin e shkuar u importua mish nga jashtë si kurrë më parë. Kjo, jo se shqiptarët konsumuan më tepër, por nga që në vend pati edhe më pak bagëti.

Sami Sinani, kasap në Tiranë, u shpreh për A2CNN: “Janë shitur bagëtitë të gjitha. Në Shqipëri nuk merret më njeri me blegtori. S’po e kuptoj se çfarë po bëhet”.

Vlera e mishit dhe nënprodukteve të tij të blerë nga jashtë në 12 muajt e lëna pas përllogaritet në 81 miliardë lekë. Në raport me 2024-n, importet u zgjeruan me 300 milionë lekë.

Pedagogu Maksim Meço shpjegon: “Dy janë arsyet kryesore. Së pari, largimi i banorëve nga fshati, së dyti është falimentimi i disa komplekseve blegtorale në Shqipëri”.

Të dhënat nga Instituti i Statistikave tregojnë se më shumë se 1/3 e mishit gjatë vitit të shkuar erdhi nga Brazili. Lista e importeve pasohet nga Greqia, Shtetet e Bashkuara të Amerikës dhe Italia.

“Shqipëria nuk ka nevojë të zgjerojë kapacitetet përpunuese, por duhet të rritet prodhimi dhe standardet. Kjo bëhet duke orientuar të paktën 70% të skemës së subvencionit në sektorin blegtoral kryesisht për prodhim”, deklaron Meço.

Tenderi që synon të ndërhyjë në aspektin estetik dhe përmirësimin funksional të bregdetit të Durrësit si pjesë e projekteve që po zbatohen nga Fondi Shqiptar i Zhvillimit është ankimuar së fundmi në Komisionin e  Prokurimit Publik(KPP).

Bëhet fjalë për procedurën me objekt kontrate  “Investime për infrastrukturën e tregjeve, hapësirave tregtare, multifunksionale, rrugë tregtare në zona model zhvillimi,etj. Faza III Rajonet 1&2:Ndërhyrje për rritjen e ofertës turistike dhe për përmirësimin funksional dhe estetik të bregdetit, Bashkia Durrës” me fond limit 540 milionë lekë apo rreth 5.5 milionë euro.

Pranë KPP ankesa është kategorizuar e lidhur me vlerësimin që është bërë nga Komisioni i Vlerësimit të Ofertave për procedurën e hapur në 4 dhjetor dhe i mbyllur në 22 dhjetor 2025. Tashmë mbetet në dorë të Komisionit për të marrë vendim lidhur me hapat që mund të hidhen në vazhdim nga autoriteti kontraktor. Por çfarë parashikon në fakt projekti?

Ndërhyrja në Durrës

FSHZH parashikon të ndërhyjë në Durrës duke nisur nga rivelimi i një sipërfaqeje rreth 544 mijë m2, e cila përfshin zonën nga porti i Durrësit deri tek Kavalishenca.

“Ky projekt ka për qëllim të transformojë zonën bregdetare të qytetit të Durrësit në një destinacion bashkëkohor turistik, rekreativ dhe urban, përmes ndërhyrjeve arkitekturore dhe urbane të planifikuara me kujdes.

Ai përfshin zgjerimin e plazhit ekzistues, krijimin e një parku linear të gjelbër përgjatë vijës bregdetare, zhvillimin e hapësirave publike shumë funksionale dhe integrimin e infrastrukturave të reja rekreative dhe sportive.

Gjatësia e zonës së ndërhyrjes është rreth 2.8 km, me një zgjerim të vijës bregdetare deri në 100 metra drejt detit, duke krijuar hapësira të reja publike për banorët dhe vizitorë”, thuhet në dokument./monitor.al/kb

Në zbatim të Planit Operacional në sektorin e Ndërtimit, Drejtoria e Hetimit Tatimor, në bashkëpunim me Drejtorinë e Verifikimit dhe Koordinimit në Terren njoftoi se ka ushtruar kontrolle në 9 subjekte, që ushtrojnë aktivitet si agjenci imobiliare.

Kontrollet u fokusuan në verifikimin e deklarimit të pagave reale të punonjësve, regjistrimin e tyre në organin tatimor, realizimin e shitjeve, lëshimin e faturave të fiskalizuara, si dhe kryerjen e verifikimeve të tjera të nevojshme gjatë procesit të kontrollit.

Kontrollet evidentuan shkelje të rënda: Punonjës të padeklaruar, dokumentacion jotatimor, mungesë transparence në çmime dhe mosrespektim të detyrimeve ligjore për faturimin dhe fiskalizimin e shitjeve.

Bazuar në provat e mbledhura, përfshirë intervistat dhe vetëdeklarimet e punonjësve, strukturat e specializuara të Administratës Tatimore sekuestruan edhe njësi kompjuterike, me qëllim vijimin e hetimit të thelluar, dokumentimin e mëtejshëm të shkeljeve tatimore dhe referimin në organet përkatëse të drejtësisë.

Nga informacioni i marrë në njësitë kompjuterike rezulton se ka evazion tatimor në lidhje me çmimet e shitjeve të apartamenteve.

Administrata Tatimore bën me dije se aksioni i sapo nisur nuk është i përkohshëm. Ai do të vijojë me seriozitet dhe vendosmëri ndaj çdo subjekti që nuk reflekton pagat reale në listëpagesat e ardhshme, duke dëmtuar pensionet e punonjësve, konkurrencën e ndershme dhe interesin publik.

Tatimet ftojnë të gjithë tatimpaguesit në fushën e ndërtimit të deklarojnë menjëherë pagat reale, për të shmangur masat administrative dhe penale, të parashikuara nga legjislacioni në fuqi, për veprën e fshehjes së të ardhurave.

Në kuadër të zbatimit të Planit Sektorial për Ndërtimin dhe rritjen e kontributeve të sigurimeve shoqërore, përmes deklarimit të pagave reale sipas profesioneve në sektorin e ndërtimit, Administrata Tatimore pas rreth 30 ditësh nga publikimi i listës së pagave indikative për këtë sektor, konkretisht duke filluar nga data 15 janar ka nisur kontrollet në terren.

Kontrollet e nisura do të zhvillohen kryesisht në subjektet e vlerësuara me risk për nëndeklarim të pagave, të cilat janë njoftuar më parë nga Administrata Tatimore, por nuk kanë reflektuar ndryshime në listëpagesa, pavarësisht njoftimit elektronik të dërguar në llogaritë e tyre në sistemin tatimor, e-Filing.

Fokus i kontrolleve do të jetë verifikimi i pagave të deklaruara në listëpagesa, duke i krahasuar ato me pagat indikative sipas profesioneve përkatëse, listë e  përcjellë në llogaritë elektronike të tatimpaguesve, si dhe e publikuar në faqen zyrtare të Administratës Tatimore./monitor.al/kb

Ministrja e Shtetit dhe Kryenegociatorja e Shqipërisë, Majlinda Dhuka, në konferencë me gazetarët u shpreh se për herë të parë Shqipëria do ketë një ligj të ri për donacionet dhe sponsorizimet.

“Pas shumë vitesh, Shqipëria do ketë një ligj që do rregullojë aktivitetin e lobimit. Pas 31 vitesh, Shqipëria do ketë një ligj të ri për donacionet dhe sponsorizonim. Do krijohet një regjistër për lobimin dhe njëkohësisht për sponsorizimet dhe donacionet si një përpjekje e jona për të rritur dimensionet e “Shqipërisë transparente”, tha ajo.

Ajo falënderoi median dhe gazetarët, që sipas saj, rreth 70% e tyre janë të informuar në lidhje me çështjen e integrimit.

“Mbi 70% e qytetarëve shqiptarë thonë se janë të informuar për negociatat, prandaj një falënderim për gazetarët në rritjen e informimit të qytetarëve për këtë aspiratë të madhe të shqiptarëve, një aspiratë brezash. Puna juaj ka qenë katalizator.”, tha  ajo./kb

Deputeti i PD-së, Belind Këlliçi, ka reaguar në lidhje me deklaratën e Prokurorisë së Përgjithshme, e cila ka përfunduar verifikimin e Irena Gjokës dhe rezultatet i ka dërguar në KLGJ.

Deputeti deklaron se sot qytetarët kanë rastin të shohin diferencën mes qëndrimeve me fakte kundër paligjshmërisë dhe bllokimin e drejtësisë.

Këlliçi nënvizon se u konfirmua edhe njëherë e drejta e PD-së për t’i shërbyer interesit publik dhe drejtësisë, ndryshe nga mbrojtësit e Irena Gjokës, që i shërbyen paligjshmërisë dhe kryeministrit Edi Rama.

“Ndryshimi i madh mes kritikave me fakte dhe bllokimit të drejtësisë!

Prokuroria e Përgjithshme sot ka konfirmuar si të drejta kritikat (shpesh herë të konsideruara tejet të ashpra) të PD në disa raste ndaj akteve konkrete të institucioneve të drejtësisë së re.

Sot, qytetaret kanë rastin të shohin diferencën mes qëndrimeve me fakte kundër paligjshmërisë, që ka mbajtur PD dhe lidershipi i saj, me bllokimin, pengimin dhe goditjen e drejtësisë për të mbrojtur aferat dhe pushtetin, qëndrime këto nga PS e lidershipi i saj Edi Rama.

PD ka deklaruar se Irena Gjoka, gjyqtarja që udhëhoqi fushatën ndëshkuese ndaj kreut të Opozitës, ka fshehur dënimin, ka gënjyer pra në formularin e dekriminalizimit. Një shkelje e rëndë për të cilën, nuk duhej fare të ishte aty, e jo më të merrte vendime.

Ky denoncim u provua si i vërtetë zyrtarisht, edhe pse me vonesë.

PD dhe Opozita u konfirmuan dhe një herë në të drejtën e tyre dhe i shërbyen interesit publik dhe drejtësisë. PD u konfirmua sërish se i shërbeu të vërtetës!

Ndryshe nga mbrojtësit e të dënuarës gjykatëse, që i shërbyen paligjshmërisë dhe kreut të narkoshtetit Edi Rama!”, shkruan Këlliçi./Kb

Nga Eduard Zaloshnja

Duke ekstrapoluar statistikisht rezultatet e sondndazhit të fudit ‘Zëri i Shqiptarëve’, më rezultoi se sot koalicioni i PD-së ka zbritur në kuotën e 54 votave brenda vendit për çdo 100 vota të PS-së (dmth, votat e PS-së janë sot pothuaj sa dyfishi i votave të koalicionit të PD-së). Kurse partitë e tjera të vogla kanë zbritur në 11 vota për çdo 100 vota të PS-së (shihni grafikun e mëposhtëm).

Vetëm tetë muaj më parë, koalicioni i PD-ASHM mori brenda vendit 66 vota për çdo 100 vota të PS-së. Kurse partitë e vogla morën 26 vota për çdo 100 vota të PS-së.

Si rezultat, PS-ja siguroi në maj plot 82 mandate parlamentare nga votat e këtushme dhe 1 tjetër (në Qarkun Vlorë) prej votave me postë të emigrantëve. Ndërkohë, koalicioni i PD-së mezi siguroi 50 mandate, kurse partitë e vogla siguruan gjithsej 7 mandate.

Katër vjet më parë, kur pjesëmarrja e zgjedhësve të këtushëm ishte goxha më e madhe, hendeku i votave dhe i mandateve mes PS-së dhe PD&etj ishte fare i ngushtë (atëherë opozita udhëhiqej zyrtarisht nga Basha).

Duke përmbledhur, teksa pjesëmarrja në zgjedhje brenda vendit bie, votat për PD&etj vazhdojnë rënien me ritme shumë më të theksuara.

Si rezultat, nëse zhvillohen zgjedhje sot, PS-ja mund të sigurojë më shumë mandate parlamentare se sa mori vjet, ndërkohë që PD&etj mund të sigurojnë edhe më pak se sa morën vjet./kb