Banorja e Big Brother VIP Kosova 4, Suanita, ka treguar për fejesën e saj, e cila ka zgjatur katër vjet dhe më pas ka përfunduar.

Për ish-të fejuarin, ajo tha se ka qenë personi i duhur, por sipas saj, në kohën e gabuar.

Suanita u shpreh se po të njiheshin në moshën që ajo është aktualisht, do të ishin bashkë gjithë jetën.

- YouTube www.youtube.com

“Ka qenë personi i duhur, por koha ka qenë e gabuar. Nëse do ta kisha njohur në këtë moshë, gjithë jetën do të kishim qenë bashkë”, është shprehur ajo.

"Nuk është i martuar, as në lidhje. Ne kurrë kontaktet nuk i kemi humbur për shkak që edhe familjet tona janë miq shumë më herët se sa ne që jemi njohur".

"Edhe ka vazhduar miqësia edhe babai im me vëllanë e personit në fjalë janë shokë shumë të mirë dhe kanë punuar bashkë", shtoi mes tjerash.

Krahas Suanitës, edhe Aurora pati një rrëfim emocional brenda këtij formati. /Telegrafi/

- YouTube www.youtube.com

Në spektaklin e së hënës është diskutuar sërish tema për Labinot Rexhën në lidhje me fëmijë me serben.

Në diskutim janë përfshirë Ludo dhe motrat, Aurora dhe Suanita.

Gjatë këtij diskutimi, Labi ka shpërthyer dhe është dashur që të kalojë në dhomën e rrëfimeve.

- YouTube www.youtube.com

“Marre ju qoftë”, është shprehur ndër të tjera ai për personat e përfshirë në debat.

"Më prek sepse kam një grua shumë të ndershme, një grua të cilën, unë jam një artist që gati 30 vite edhe gjithmonë, gjithë ato mesazhe që më vijnë të gjithë që më fyen për motrën pesë vite, më kanë bullizuar po vuaj shumë në këtë pikë. Unë nuk kam fare fare diçka që kam bërë", theksoi tutje.

"Nuk është fëmija im. Nuk ka lidhje me këtë, këto dy motrat as natën nuk po më lënë rehat, nuk po mund të marrë as frymë. Kjo është turp është marre me më akuzu", shtoi ndër tjerash.

Me gruan Lauretën ka dy djem dhe me të u njoh që nga shkolla fillore. /Telegrafi/

- YouTube www.youtube.com

Dokumentari “Melania”, i cili fokusohet te Melania Trump dhe ditët para inaugurimit të dytë të Donald Trump si president i ShBA-së, pati një debutim më të mirë se sa pritej në kinema.

Filmi arriti të arkëtojë rreth 6.5 milionë euro në fundjavën e parë, duke tejkaluar parashikimet fillestare që llogariteshin mes 2.8 dhe 4.7 milionë euro.

Ky rezultat konsiderohet i suksesshëm për një dokumentar politik, sidomos duke pasur parasysh se u shfaq në gati 1.800 kinema në ShBA, gjë e pazakontë për këtë zhanër.

- YouTube www.youtube.com

Amazon MGM Studios pagoi rreth 37.2 milionë euro për të drejtat e filmit dhe shpenzoi edhe 32.6 milionë euro për marketing, duke e çuar koston totale në afro 69.8 milionë euro, çka e bën dokumentarin më të shtrenjtë të realizuar ndonjëherë.

Edhe pse për një film të zakonshëm këto shifra dhe të ardhura do të konsideroheshin dështim, në rastin e “Melania”-s rezultati shihet ndryshe, pasi dokumentari ka më shumë peshë politike se sa tregtare.

Foto: AP

Filmi u drejtua nga Brett Ratner dhe u shfaq në një moment të ndjeshëm politik gjatë mandatit të dytë të Trump.

Kritika profesionale ishte kryesisht negative, duke e cilësuar filmin si propagandues dhe pa thellësi, por publiku reagoi më pozitivisht, duke i dhënë vlerësimin maksimal “A” në CinemaScore, veçanërisht në shtetet jugore të ShBA-së si Florida dhe Teksasi.

Foto: AP

Pas shpërndarjes në kinema, dokumentari pritet të jetë i disponueshëm në platformën Prime Video, ndërsa pritet që fitimet ndërkombëtare të jenë minimale. /Telegrafi/

Labinot Rexha dhe Alba Pollozhani kanë pasur një debat të ashpër në Prime-n e së hënës.

Atyre iu publikua një klip, ku po ziheshin me njëri-tjetrin për Lim Hotin, duke hedhur akuza të ndryshme.

Derisa në spektakël u munduan të sqaroheshin, Labi bëri një deklaratë të papritur.

Foto: Instagram

Ai tha se derisa po flinte pasi ndihej keq dhe i ishte zënë frymëmarrja, duket sikur Alba po i bëntë magji.

“Çka bërë ti mbrëmë, pata një krizë në frymëmarrje kjo në ora 3 të natës më bën me trauma, nuk e di çfarë bëri e pat stich dhe po bënte magji”, u shpreh ai.

Foto: Instagram

Kjo shkaktoi të qeshura edhe në studio pasi për magji u akuzua edhe ish-konkurrentja Bia Khalifa.

Të njëjtit siç shihet i dhanë fund miqësisë së tyre në këtë Prime, meqë kanë qenë shumë të afërt. /Telegrafi/

Marrëdhënia mes Labinot Rexhës dhe Ludo Lee duket se ka marrë fund.

Këngëtari nga Rahoveci ka deklaruar hapur se miqësia mes tyre ka mbaruar.

“Miqësia ka humbur. Duhet të luajmë individualisht. Unë s’kam luftë me treshi përsheshi sepse lufta duhet të bëhet mes meje, Albës, Benitës dhe Ludos”, tha Labi.

I njëjti theksoi se që nga fillimi ka bërë lojë me të dhe se nuk ka pasur asgjë të vërtetë.

"Nuk dua të lidhem me asnjërin emocionalisht", tha në një moment banori gjatë Prime.

I njëjti thotë se ka ardhur vetëm dhe se nuk do të bëjë aleancë me asnjë.

Mbetet për t'u parë se si do të vijojë kjo miqësi në vazhdim mes tyre. /Telegrafi/

Banori i BBVK-së, Ludo sonte (e hënë) në Prime ka folur në lidhje me raportin e Klodit me Elijonën.

Ai është shprehur se ajo që po bën Klodi është një manipulim me Elijonën.

“Ti po e manipulon një vajzë 19-vjeçare”, është shprehur ai.

"Po shihen gjërat. I ka ra në fije, gjysmë ore aktiv me Elijonën në Prime. Londrimi bën shumë më shumë me dalë në Prime", tha tutje.

Ludo Lee ka analizuar lojën e tre banorëve, Klodit, Elijonës e Londrimit, duke qëndruar vazhdimisht pas tyre.

Kjo nisi pas diskutimit për raportin e tyre meqë është diskutuar që një kohë.

Elijona ka shprehur pëlqim për Klodin, ndonëse ai ka jashtë një lidhje dashurie. /Telegrafi/

Më shumë se 16 vjet pas vdekjes së tij, Michael Jackson, rikthehet në qendër të debatit publik pas publikimit të disa audio-incizimeve të papublikuara, ku ai flet hapur për marrëdhënien e tij me fëmijët.

Në këto regjistrime, të siguruara nga New York Post, Jackson shprehet se fëmijët dëshironin ta përqafonin dhe ta preknin, duke thënë se personaliteti i tij i bënte ata “të binin në dashuri” me të, gjë që sipas tij ndonjëherë i sillte telashe.

Audio-incizimet janë pjesë e dokumentarit “The Trial”, i cili trajton procesin gjyqësor ndaj Jackson për akuza për abuzim seksual ndaj fëmijëve, akuza nga të cilat ai u shpall i pafajshëm.

Michael Jackson

Një nga deklaratat më polemike është kur ai thotë se nëse do t’i ndalohej të shihte më fëmijë, do të vetëvritej.

Dokumentari me katër episode do të transmetohet së shpejti në Channel 4 dhe rikthen në vëmendje debatet dhe dilemat që e shoqëruan figurën e Michael Jackson gjatë gjithë karrierës së tij.

Disa i kanë parë deklaratat e tij si shprehje të një lidhjeje emocionale të pazakontë dhe të keqkuptuar me fëmijët, ndërsa të tjerë i konsiderojnë ato si shqetësuese dhe problematike, sidomos në dritën e akuzave që e ndoqën për vite me radhë.

Rikthimi i këtyre materialeve rihap plagë të vjetra dhe vë në pikëpyetje kufirin mes pafajësisë së pretenduar dhe perceptimit publik.

- YouTube www.youtube.com

Në të njëjtën kohë, dokumentari pritet të nxisë një debat më të gjerë mbi mënyrën se si media, drejtësia dhe publiku trajtojnë figurat e famshme dhe jetën e tyre private.

Trashëgimia artistike e Michael mbetet e padiskutueshme, por aspektet e errëta të jetës së tij vazhdojnë të ndikojnë në mënyrën se si ai kujtohet sot, duke e bërë figurën e tij një nga më komplekset dhe më kontradiktoret në historinë e muzikës moderne. /Telegrafi/

Benita Zena ka ndërhyrë pas deklaratave të Klodian Mihajt dhe Elijona Binakajt.

Ata kanë folur për raportin e tyre dhe banorja në fund tha t'i japë fund këtij pëlqimi.

Benita reagoi duke thënë se kjo është një tjetër lojë e tyre dhe se janë shumë false.

Foto: Instagram

"Krijoni diçka të re. është një skemë. Jeni shumë false. Je duke e lënduar një femër jashtë. Nuk e di si të pret e dashura jote", theksoi mes tjerash këngëtarja.

Ajo shpërtheu edhe në fjalë të tjera duke i akuzuar ata e duke e përqeshur raportin e krijuar.

Ndërkohë ka qenë vetë Benita që pak ditë më parë i ka shprehur një pëlqim Klodit.

Klodiani nga ana tjetër ka lënë të dashurën jashtë, me të cilën është prej kohësh. /Telegrafi/

Është diskutuar sërish raporti në mes të Klodian Mihajt dhe Elijona Binakajt.

Në një klip që u publikua në Prime, janë sqaruar disa momente në mes tyre, ku edhe bënë disa deklarata.

Klodi kishte lënë të kuptohej se po të ishte beqar do të vepronte ndryshe në marrëdhënie me të.

Foto:YouTube

I njëjti gjithashtu u shpreh se Elijona i ka gjitha të mirat, një vajzë siç ai do.

Banorja theksoi se i ka lënë një hapësirë për të ardhmen, një shpresë në mes tyre.

Foto: YouTube

"Unë nuk e di që i kam dhënë shpresë për lidhje, është fjalë shumë e madhe. Nuk e di që e kam bërë", shtoi Klodi.

"Këtu brenda je i izoluar ndjen gjithçka shumë më shumë. E vlerësoj si shok. Mendoj që duhet të marrë fund kjo pjesa e pëlqimit", tha në fund Elijona. /Telegrafi/

Ka nisur Prime i 23-të i edicionit të katërt të Big Brother VIP Kosova.

Në nisje të këtij spektakli u bë i ditur edhe një lajm rreth këtij sezoni, i cili ka filluar më 17 nëntor.

Moderatori Alaudin Hamiti ka njoftuar se këtë javë mbase edhe do të zbulohet finalja e BBVK 4.

"Po shpresojmë që gjatë kësaj jave do të zbulojmë edhe datën se kur do të jetë finalja e madhe e këtij edicioni të katërt të Big Brother VIP Kosova që ka tejkaluar të gjitha pritshmëritë dhe të gjitha rekordet e shikueshmërisë në trojet shqiptare", u shpreh ai.

Mbetet për t'u parë se kur do të jetë dhe cilat janë surprizat deri në fund.

Ky edicion ka qenë me përplot ngjyra, dinamika, drama e përplasje në mes të konkurrentëve.

Kanë ngelur gjithsej 12 banorë që garojnë për çmimin e madh prej 200 mijë eurosh. /Telegrafi/

Gjatë Grammy Awards 2026, reperi amerikan Jelly Roll, tërhoqi vëmendjen në tapetin e kuq me pamjen e tij drastikisht të ndryshuar, pasi kishte humbur rreth 125 kilogramë që nga 2022, kur peshonte rreth 245 kilogramë.

Ai u shfaq në Los Angeles pranë gruas së tij, Bunnie XO, me një kostum elegant të zi dhe çifti madje shkëmbeu një puthje para kamerave.

Jelly ka folur hapur për mënyrën se si mbipesha ekstreme kishte ndikuar në jetën intime me gruan e tij, duke përshkruar momentet kur nuk mund të kishte marrëdhënie normale dhe nevojën për kreativitet për t’u afruar fizikisht.

Jelly Roll

Ai theksoi rëndësinë e mbështetjes së gruas gjatë këtij procesi.

Transformimi i tij ka filluar me ndryshimin e marrëdhënies me ushqimin, duke e trajtuar mbipeshën si një varësi dhe duke shkuar në psikoterapi për të përballuar të ngrënit kompulsiv.

Ai përmendi gjithashtu se kishte trajtuar më parë varësinë nga droga dhe se e njëjta qasje funksionoi edhe për ushqimin.

Gjatë turneut "Beautifully Broken", humbi një pjesë të madhe të peshës, ndërsa ndryshoi stilin e jetës duke përfshirë ushtrime, ushqim të shëndetshëm dhe biseda emocionale me ekipin.

Jelly Roll

Roll theksoi se sfida më e madhe ishte të ndryshonte marrëdhënien me ushqimin, por njëherë kur vendosi disiplinë dhe përkushtim, rezultatet u panë shpejt dhe ishin të qëndrueshme.

Në fund, përmendi se kjo përvojë e kishte transformuar jo vetëm fizikisht, por edhe emocionalisht, duke rifituar besimin dhe energjinë në jetën personale dhe profesionale. /Telegrafi/

Jelly Roll me bashkëshorten

Ludo Lee së bashku me Labinot Rexhën komenton lojën e Alba Pollozhanit.

Ludo thotë se ka humbur shumë për shkak të disa veprimeve që ka bërë për Lim Hotin.

I njëjti thekson se po të ishte më e qetë do të arrinte të shkonte edhe në finale.

Foto: Instagram

"S'ka hiç ama hiç marre me shku me të gjitha është Alba, s'kam parë ksi lojtare", u shpreh ai.

Tutje tha: "Kjo nëse nuk i kishte bërë ato të vuajtura, budallallëqe me Limin, veç nëse do të rrinte më qetë, valla finaliste kish me qenë. Aty ka humbur shumë".

Limi ndërkaq doli vetëm pak ditë më parë nga ky reality shou për arsye personale.

Brenda krijoi një romancë të shkurtër me Dolcen, e më pas u rikthye te Alba. /Telegrafi/

Banori i Big Brother VIP Kosova 4, Klodian Mihaj, ka folur rreth lojërave brenda shtëpisë më të madhe në vend.

Teksa shprehej me Aurorën, Klodi tha se nëse do donte lojëra çiftesh, ai do të krijonte marrëdhënie me Elijonën.

"Me pas dashur të bëj lojë unë isha bërë me Elijonën e di që rrjeti ndezet. Nuk e kam atë qëllim", u shpreh ai.

Foto: Instagram

Tutje theksoi: "Edhe kur kam pa diçka gabim te ajo unë ia kam thënë, si reagimet e xhelozisë, s'mund të kesh për dikë që nuk është i joti".

Klodi e thekson se këtë marrëdhënie nuk e ka shfrytëzuar për lojë, edhe pse e di se do bënte bujë të madhe.

Elijona ndërkaq ka shprehur haptazi pëlqim për Klodin, ndonëse ky i fundit ka një lidhje dashurie jashtë.

Ai ka lënë të dashurën në Itali, me të cilën është në një romancë që një kohë. /Telegrafi/

Drama rreth ish-banores së Big Brother VIP Kosova 4, Jasmin Kadriu, dhe produksionit ka marrë një kthesë të re.

Në emisionin “Më prit të dielën”, ku fliste për përvojën brenda programit, ish-konkurrentja ka treguar se ka marrë një mesazh privat nga producentja Olsa Muhameti.

Sipas saj, reagimi i Olsës ishte i menjëhershëm dhe i ashpër, ku në mesazh thuhej shkurt: “Sa e pështirë”.

E njëjta e akuzoi ish-banoren për mungesë mirënjohjeje ndaj mundësisë që i ishte dhënë.

Jasmina nuk ka ngurruar të japë përgjigjen e saj, duke sqaruar se deklaratat nuk kanë për qëllim të kërkojnë famë.

“Nëse do të kërkoja vëmendje do ta kisha bërë pesë vite më parë dhe jo tani. Fjala ‘mosmirënjohëse’ nuk më përket”, ka thënë ajo.

Ka shtuar gjithashtu se fillimisht ishte kujdesshme dhe nuk kishte përmendur detaje konkrete, duke lënë të nënkuptohej vetëm 'produksioni'.

Përveç mesazhit të Olsës, Jasmina ka rikujtuar incidentin e pakëndshëm në 'Dhomën e Rrëfimit', ku pretendon se stafi i ishte drejtuar me fjalët: “Mendon se na plas tr*pi për ty?”, një gjuhë që ajo e konsideron denigruese.

Sipas saj, kjo mungesë respekti nuk ishte një rast i veçantë, por një sjellje e vazhdueshme gjatë gjithë kohës që ka qëndruar në shtëpi. /Telegrafi/

Këngëtari nga Peja, Gjesti, është rikthyer pas një kohe të gjatë edhe në rrjete sociale.

Ajo ka postuar një fotografi, në të cilën ka treguar se ka nisur edhe një kapitull të ri të jetës.

Kjo vjen pas tragjedisë në familje, ku vëllai i ndërroi jetë në moshën 15-vjeçare nga një aksident me motoçikletë.

Pas rikthimit me këngën "Memories", duket se artisti po kthehet edhe në normalitet.

"Kapitull i ri. Ju dua", ka shkruar në postim.

Projekti që ia dedikoi vëllait ka mbledhur mbi tre milionë klikime në platformën YouTube.

Tani siç shihet do të ketë kthim edhe nëpër mbrëmje e koncerte, pavarësisht gjendjes së rënduar. /Telegrafi/

Në spektaklin e së shtunës, Miri u vendos përballë 'Kutisë së Pandorës', ku pasi u takua me vajzën e tij, mësoi për deklaratën që babai i Selin kishte dhënë për të disa ditë më parë në “Shqipëria Live”.

Pasi mësoi këtë, ai zgjodhi të mos e ndante me asnjë prej banorëve se si qëndron e vërteta.

Selin i është afruar Mirit edhe e ka pyetur nëse ai mund ta ndante me dikë tjetër se çfarë kishte 'Kutia e Pandorës', dhe nëse ishte mërzitur.

Foto: YouTube

Pjesë nga biseda mes tyre:

Miri: Të flihet gjumë? A ça je ti, ti vetëm mendon.

Selin: Po duhet menduar?

Miri: Unë e di se çfarë po mendon ti.

Selin: Çfarë? Për Kutinë e Pandorës.

Miri: Po po, çfarë për të vepruar.

Selin: Të kam pyetur 700 herë, ti këtë mund t’ja thuash kujt të duash ti, këtë punën e kutisë.

Miri: Po mund t’ja them edhe kujt dua unë.

Selin: Ok, pyeta, kaq.

Miri: Mund ta them kujt dua unë, mund të mos ja them askujt, ajo është e imja.

Selin: Ty të ka mërzitur?

Miri: Si duket?

Selin: Mendoj se të ka mërzitur.

Miri: Ke filluar të më njohësh, normale.

Selin: Mendoj.

Miri: Po prandaj duhet të mendosh më shumë edhe të veprosh më shumë, edhe të veprosh më shumë se sa të jetosh këtu, se nuk ka kohë për jetesë këtu. Ec në shtëpinë tënde. /Telegrafi/

- YouTube www.youtube.com

Benita Zena i ka dhënë një këshillë ditën e sotme (e hënë) Elijona Binakajt.

Teksa diskutonin në oborrin jashtë shtëpisë, banorja i tha Elijonës se nuk duhet të bëjë operacion gjoksin sepse nuk ia vlen.

"As mos e bëj nëse e ke ndërmend sepse nuk ia vlen”, i tha ajo.

Foto: YouTube

Benita ndërkaq ka bërë disa ndërhyrje në dukje, përfshirë edhe gjoksin e të pasmet.

Në linjën e jetës, banorja ka treguar se ka qenë e bullizuar për pamjen si fëmijë.

E njëjta tani gjithashtu ka ndërhyrje edhe në fytyrë dhe ka bërë dhëmbët me diamant prej 15 mijë eurosh.

Shtëpia këto ditë ka qenë më e qetë pas daljes së Lim Hotit nga Big Brother, për arsye personale. /Telegrafi/

- YouTube www.youtube.com

Gjatë Grammy Awards 2026, një moment i paharrueshëm dhe qesharak tërhoqi vëmendjen e të gjithëve kur Cher, 79-vjeçare, u ngjit në skenë për të shpallur fituesin e një çmimi.

Pas një fjalimi të gjatë dhe emocional mbi karrierën e saj 60-vjeçare dhe mesazhe për të rinjtë që të ndjekin ëndrrat e tyre, Cher u largua nga skena pa shpallur nominimet dhe fituesin.

Prezantuesi i natës, Trevor Noah, e ndaloi me humor dhe e nxiti të kthehej, duke shkaktuar të qeshura tek publiku.

Foto: Reuters

Kur u kthye, Cher lexoi nominimet, por bëri një tjetër gafë dramatike: shpalli për pak kohë Luther Vandross-in, i cili kishte ndërruar jetë në 2005.

Pas reagimeve të publikut, ajo e korrigjoi gabimin dhe shpalli fituesit e vërtetë: këngën “Luther” nga Kendrick Lamar dhe SZA, që përdor elemente muzikore nga Vandross.

Foto: Reuters

Producenti i këngës, Sounwave, vuri në dukje rëndësinë e nderimit të muzikës së legjendës.

Ky moment u bë viral menjëherë dhe përfaqësoi bukurinë e transmetimeve live, ku edhe gabimet mund të krijojnë kujtime të paharrueshme.

- YouTube www.youtube.com

Spontaniteti dhe karizma e Cher-it, edhe kur gaboi, e bënë ceremoninë të paharrueshme dhe plot humor. /Telegrafi/

Vëllai i Madh ka dërguar sot (e hënë) një zarf të zi në shtëpinë më të famshme në Shqipëri, pas mosbindjes së grupit të Gretës për të marrë pjesë në provat e sfidës së kërcimit.

Kur ra gongu që banorët të shkonin të nisnin provat, Baby G u shpreh se fillimisht do të përgatiste ushqimin dhe më pas do t’i bashkohej provave.

Për shkak të moszbatimit të urdhrit, Vëllai i Madh vendosi anulimin e televotimit aktual, duke theksuar se pasojat për grupin që nuk u bind do të bëhen të ditura të martën.

Foto: Instagram

Grupi i Selin është shpallur automatikisht fitues i sfidës së kërcimit.

Në mesazhin e zarfit të zi, Vëllai i Madh rikujtoi se autoriteti i tij është i panegociueshëm dhe se çdo mosbindje ndaj urdhrave të tij do të shoqërohet me pasoja për banorët.

Zarfi i zi thotë:

“Banorë, Vëllai i Madh ka ndjekur me vëmendje sjelljen tuaj gjatë ditës së sotme.

Pavarësisht thirrjeve të vazhdueshme për të realizuar sfidën e kërcimit, grupi i Gretës ka zgjedhur të mos i bindet Vëllait të Madh.

Siç u njoftuat, kjo sfidë është shumë e rëndësishme për spektaklin e radhës, ndaj për shkak të moszbatimit të këtij urdhri, Vëllai i Madh ju njofton se televotimi aktual anulohet.

Vendimi për pasojat që do të ketë grupi që nuk është bindur do t’iu komunikohet gjatë mbrëmjes së nesërme.

Ndërkohë, Vëllai i Madh njofton se grupi i Selin shpallet automatikisht fitues i kësaj sfide dhe do të jetë ai që do të performojë live.

Vëllai i Madh ju rikujton se autoriteti i tij nuk anashkalohet dhe se mosbindja ndaj urdhrave të tij sjell pasoja për ju”. /Telegrafi/

Khloe Kardashian ka pranuar se prej kohësh vuan nga sarmasofobia - një frikë e fortë nga hyrja në lidhje romantike.

Ajo foli për këtë në 'podcast'-in e saj "Khloe In Wonder Land", gjatë një bisede me motrën e saj Kim Kardashian.

Khloe tha se ideja për të hyrë sërish në një lidhje e frikëson, sepse aktualisht ndihet e sigurt emocionalisht dhe nuk dëshiron të përjetojë sërish dhimbjet e së kaluarës.

Foto: YouTube

Megjithëse pranon se nuk mund të jetojë përgjithmonë me frikë, ajo thekson se aktualisht po e shmang jetën sentimentale.

Kim Kardashian zbuloi gjithashtu se edhe ajo është beqare dhe e përqendruar në studimet për drejtësi.

Khloe nuk ka qenë në një lidhje intime prej tre vitesh.

Marrëdhënia e saj e fundit ishte me basketbollistin Tristan Thompson, me të cilin ka dy fëmijë.

- YouTube www.youtube.com

Sipas psikologut Levine nga Beverly Hills, frika nga lidhjet pas zhgënjimeve të shumta është një reagim normal.

Ai rekomandon që Khloe t’i japë vetes kohë për t’u shëruar emocionalisht, si dhe rikthim gradual në situata sociale dhe romantike.

Terapia kognitive-biheviorale mund të ndihmojë në kuptimin dhe tejkalimin e frikës.

Sarmasofobia mund të ndikojë ndjeshëm në jetën e përditshme dhe marrëdhëniet personale, ndaj kërkimi i ndihmës profesionale është i rëndësishëm për mirëqenien emocionale dhe ndërtimin e marrëdhënieve më të shëndetshme në të ardhmen. /Telegrafi/