Dolce ka folur sërish për raportin me Lim Hotin pasi u publikua një klip ku banorët flisnin rreth tyre.
Pas fjalëve të konkurrentëve, Dolce ka reaguar duke thënë se nuk është futur në mes tyre.
Ajo thekson se Limi dhe Alba janë ndarë kohë më parë dhe se nuk është kjo që u fut në mes të një çifti.
Foto: YouTube
“Dolce nuk është futur në mes të askujt. Limi më ka dhënë hapësirën, unë e di shumë mirë që këta nuk janë të lidhur, nuk kanë asgjë bashkë”, u shpreh ajo.
Tutje theksoi: “Më dha hapësirën t’i afrohem iu afrova kaq. Do të ndodhte edhe jashtë”.
Foto: YouTube
Mes tjerash banorja shtoi se nëse nuk do të ndodhte këtu, takimi i tyre do të bëhej jashtë.
Dolce duket se nuk i ka problem mendimet e të tjerëve dhe se nuk i interesojnë. /Telegrafi/
Labinot Haxhiu ka marrë një letër apo një audio-mesazh nga ish-partnerja e tij, Matilda.
Ajo ka reaguar pas puthjes që Labinoti ka pasur me Bia Khalifën pak ditë më parë.
E njëjta u ndje e tradhtuar nga e gjithë kjo që ndodhi, ndonëse banori thekson se lidhja e tyre ka qenë e përfunduar.
Foto: YouTube
Reagimi i plotë i ish-partneres së Labit:
"Përshëndetje Labi, Dua të dish se sa shumë më ke lënduar dhe sa e pa respektuar jam ndjerë nga ti.
Prej javësh jam këtu duke të pritur
Të kam mbështetur dhe të kam dhënë miratimin tim që të ndjekësh atë që të bën të lumtur
Por nëse do më kishe treguar sinqerisht që në fillim se si do ta bëje këtë rrugë, nuk do të kisha pranuar kurrë
Ne u morëm vesh për një gjë të thjeshtë: të mos e fshihje marrëdhënien tonë, të ishe i sinqertë për ne
Sot jam e bindur se ti e dije që atëherë që nuk do ta mbaje këtë fjalë
Ti si individ duhet të jesh mjaftueshëm interesant sa të mos kesh nevojë të luash rolin e beqarit, kur nuk je
Dhe pse duhet të mar vesh nga një livestream se ti do të shpërngulesh në Kosovë kur vetëm 6 javë më parë flisnim që pas kësaj do të ndërtonim një shtëpi bashkë
Pse bëmë marrëveshje kur te ty ishte e qartë që do të tregoje një version tjetër
Duhej të qëndroje pas asaj që doje të bëje që unë të kisha mundësinë të zgjedh, të dija ku jam...dhe me kë jam
Tani kam ndjesinë sikur nuk të njoh më dhe po e pyes veten çfarë kuptimi ka pasur për ty ky viti ynë bashkë ne kishim kaq shumë plane dhe asgjë nuk është ndjerë më e drejtë se sa të jem pranë teje
Nuk mund ta përshkruaj si jam ndjerë gjithë këtë kohë por sidomos prej momentit kur ti puthe një grua tjetër të më tradhtosh në televizion duke e ditur se unë dhe i gjithë rrethi im po e shohim është gjëja më e rëndë që mund të më bëje
Ma theve zemrën dhe unë meritoj shumë më mirë
Çdo grua meriton më mirë, asnjë nuk meriton një burrë që nuk e respekton
Ti predikon moral e korrektësi, predikon mbështetje për gratë...por nuk e vlerëson gruan që duhet të ishte më e rëndësishmja në jetën tënde
Shpresoj që këto javë të të bëjnë të reflektosh
Të kuptosh çfarë ke bërë, kë ke lënë pas, duke pritur dhe çfarë është vërtet e rëndësishme në jetë sepse ti nuk je as gjysma e burrit që mendon se je dhe as gjysma e burrit që unë besoja se kisha".
Foto: YouTube
Pas kësaj që u shfaq, Labinoti ka treguar historinë me të duke i kërkuar edhe falje.
"Unë së pari i kërkoj falje shumë që është lënduar prej lojës që kemi luajtur. Kemi pasur plane për të ardhmen kemi pasur lidhje të shëndoshë. Gjithçka ka përfunduar në krizën që kemi pasur. Arsyeja kryesore e ndarjes ka qenë pikërisht ajo që unë kur kam filluar të depërtoj në Kosovë e kam pasur në mendje të vij të jetoj këtu dhe të vazhdoj karrierën këtu dhe kjo ide nuk i ka pëlqyer asaj dhe nga aty kanë dalë keqkuptime të tjera. Ka pasur edhe probleme tjera. Respektin për të e mbaj, kam kujtime shumë të mira. Jam i shqetësuar", u shpreh ai mes tjerash. /Telegrafi/
Konflikti i familjes Beckham ka dalë përfundimisht nga korniza e thashethemeve tabloide dhe është shndërruar në një skandal të hapur që po trondit Hollywood-in.
Brooklyn Beckham ka reaguar publikisht përmes një deklarate të gjatë në Instagram, ku akuzon prindërit e tij, David dhe Victoria Beckham, se kanë tentuar prej vitesh të “kontrollojnë narrativën” e jetës së tij dhe se janë përpjekur “në mënyrë të vazhdueshme të shkatërrojnë” martesën e tij me Nicola Peltz.
Brooklyn, i cili është i distancuar nga familja prej rreth tre vitesh, shpjegon se ka zgjedhur të heshtë për një kohë të gjatë për të ruajtur privatësinë, por sipas tij, kjo heshtje është shfrytëzuar kundër tij.
Foto: Instagram
“Kam heshtur për vite me radhë dhe kam bërë çdo përpjekje që këto çështje të mbeten private. Fatkeqësisht, prindërit e mi dhe ekipi i tyre kanë vazhduar t’i drejtohen mediave, duke mos më lënë asnjë zgjidhje tjetër veçse të flas vetë dhe të tregoj të vërtetën për disa nga gënjeshtrat që janë publikuar".
Ai thekson qartë se nuk kërkon pajtim me familjen dhe se kjo deklaratë është një akt vetëmbrojtjeje.
Foto: Instagram
“Nuk dua të pajtohem me familjen time. Nuk jam duke u kontrolluar nga askush. Për herë të parë në jetën time po qëndroj për veten time".
Në deklaratën e tij, Brooklyn e përshkruan marrëdhënien me prindërit dhe vëllezërit si të rreme dhe të ndërtuar mbi fasada publike. Sipas tij, lidhjet familjare janë mbajtur gjallë vetëm përmes “postimeve të sforcuara në rrjetet sociale” dhe daljeve formale në evente familjare.
Foto: Instagram
Ai i akuzon prindërit se kanë shpërndarë “gënjeshtra të panumërta” në media për jetën e tij personale dhe për gruan e tij.
Një pjesë e rëndësishme e deklaratës i kushtohet marrëdhënies me Nicola Peltz, për të cilën Brooklyn thotë se prindërit e tij kanë bërë gjithçka për ta penguar.
I njëjti pretendon se nëna e tij, Victoria Beckham, e anuloi në momentin e fundit realizimin e fustanit të nusërisë së Nicolas dhe madje u përpoq ta bindte atë të nënshkruante dorëheqjen nga të drejtat mbi emrin e tij përpara se të martohej.
Foto: Instagram
Brooklyn ndalet edhe te një moment shumë i ndjeshëm nga dita e dasmës, duke treguar se si nëna e tij ia prishi vallëzimin e parë me bashkëshorten.
“Marc Anthony më thirri në skenë, ku sipas programit duhej të ishte vallëzimi im romantik me gruan time, por në vend të saj, nëna ime po më priste aty. Ajo kërceu në mënyrë shumë të papërshtatshme me mua, përpara të gjithëve. Nuk jam ndjerë kurrë më i parehatshëm dhe më i poshtëruar në gjithë jetën time".
Foto: Instagram
Në fund të deklaratës, Brooklyn kundërshton narrativën e përhapur se Nicola Peltz e kontrollon jetën e tij, duke e quajtur këtë pretendim “krejtësisht të rremë".
“E vërteta është e kundërta. Janë prindërit e mi ata që janë përpjekur të më manipulojnë".
Ai e mbyll mesazhin me një deklaratë të qartë për mënyrën se si dëshiron të jetojë.
“Unë dhe gruaja ime nuk duam një jetë të formësuar nga imazhi, shtypi apo manipulimi. Gjithçka që duam është paqe, privatësi dhe lumturi për ne dhe familjen tonë të ardhshme".
Foto: Instagram
Deklarata e Brooklyn ka shkaktuar reagime të forta në media dhe publik, duke vënë në pikëpyetje imazhin e familjes Beckham, e cila për vite me radhë është perceptuar si një nga familjet më të unifikuara dhe më të mbrojtura në botën e famës. /Telegrafi/
Një modele e krijuar nga inteligjenca artificiale, e njohur si Nia Noir, ka tërhequr vëmendjen e miliona njerëzve në rrjetet sociale, duke ngritur diskutime rreth mënyrave për të identifikuar përmbajtjen e gjeneruar nga AI.
Llogaria e Nia Noir në TikTok ka arritur të grumbullojë rreth 2.7 milionë ndjekës, ndërsa një nga videot e saj ka mbledhur pothuajse 199 milionë shikime.
Megjithatë, Nia nuk është një person real, por një krijim i plotë i teknologjisë së inteligjencës artificiale.
Foto: TikTok
Shumë përdorues kanë vënë re se lëvizjet e saj në video, si kërcimet, dhe ndonjëherë edhe veshjet, përputhen me ato të krijuesve të vërtetë të përmbajtjes.
Një tjetër detaj që ka tërhequr vëmendjen është sfondi i videove, i cili shpesh duket i qëndrueshëm dhe i papërshtatshëm me figurën e modeles, duke treguar mungesën e natyrshmërisë që zakonisht shfaqet tek njerëzit realë.
Nuk dihet kush qëndron pas llogarisë së Nia, dhe nuk është e qartë nëse personazhi është bazuar në një person real apo është rezultat i kombinimit të imazheve të ndryshme të grave.
Megjithatë, përmbajtja e krijuar ka rezultuar jashtëzakonisht bindëse për miliona shikues, duke treguar se teknologjia e inteligjencës artificiale është arritur një nivel shumë të avancuar dhe sfidues për t’u dalluar nga realiteti.
Ky fenomen nënvizon rëndësinë e edukimit të publikut për të njohur dhe identifikuar përmbajtjen digjitale të krijuar nga AI, duke shmangur keqinformimin dhe duke rritur vetëdijen mbi ndikimin e teknologjisë në rrjetet sociale. /Telegrafi/
Valentino Garavani, dizajneri italian i modës dhe themeluesi i markës së njohur luksoze “Valentino”, ka ndërruar jetë në moshën 94-vjeçare.
Ai vdiq në shtëpinë e tij në Romë, i rrethuar nga të afërmit, sipas një njoftimi të postuar në rrjetet sociale të shtëpisë së modës.
Shkaku i vdekjes nuk është bërë publik.
Valentino Garavani
Valentino u bë një nga emrat më të njohur të modës në vitet 1960 dhe u dallua për krijimet e tij elegante dhe të rafinuara, veçanërisht për fustanet e kuq që u bënë simbol i stilit të tij.
Ai rrallë përdorte mbiemrin e tij, duke e shndërruar emrin e parë “Valentino” në markë globale të modës luksoze.
Një nga momentet më të famshme të karrierës së tij ishte bashkëpunimi me Jacqueline Kennedy, zonjën e parë të ShBA-së, për të cilën dizajnoi edhe fustanin e nusërisë me Aristotle Onassis.
Ky bashkëpunim e bëri atë dhe Kennedyn dy nga ikonat më të mëdha të modës të asaj kohe.
Valentino Garavani
Valentino gjithashtu njihej për filozofinë e tij të modës dhe përkushtimin ndaj bukurisë femërore.
Në një dokumentar të vitit 2008, “Valentino: The Last Emperor”, ai deklaroi: “E di çfarë duan gratë. Ato duan të jenë të bukura".
Kjo frazë përmbledh shumë nga qëllimi i tij artistik dhe qasja ndaj modës: të krijojë elegancë, sofistikim dhe bukuri për gratë kudo në botë.
Valentino la pas një trashëgimi të paharrueshme në botën e modës dhe markën e tij që vazhdon të jetë simbol i luksit dhe elegancës. /Telegrafi/
Mateo Borri ka sqaruar edhe një herë ndarjen nga banorja e Big Brother VIP Albania 5, Brikena Selmani.
Ndërsa flet me Selin Bollatin, banori tregon se pse u prek nga nominimi i modeles dhe se nuk e priste një gjë të tillë.
Ai thotë se është ndarë për të pasi dikush nga ana e saj ka ndërhyrë në këtë raport.
Foto: TikTok
"Nuk kam thënë që nuk kam pëlqim. Madje nuk e shoh dot si të gjithë gocat e tjera. Unë kam pasur një kontakt. Një rob që ti ke folur je shprehr me ndjenja me ta fut këtu. Sidomos kur je ndarë për arsye të caktuara", u shpreh ajo.
Tutje tha: "Ne jemi ndarë se kanë ndërhyrë njerëz tjerë nga ana e saj. Ia kam lënë asaj të shprehet vet se nuk po i ndërhyj unë".
Brikena nga ana tjetër ka sqaruar situatën në një formë ndryshe nga Mateo.
Ajo thotë se është takuar vetëm një herë me Mateon dhe asgjë më shumë. /Telegrafi/
Alba Pollozhani po vazhdon lojën e saj me Lim Hotin në Big Brother VIP Kosova 4.
Ajo është parë e agravuar në një moment duke i hedhur fjalë e kunja ish-partnerit të saj.
I njëjti thotë se ka ngelur duke e bërë Big Brotherin vetëm duke u lëpirë, fërkuar e në xhakuzi.
Foto: Instagram
"Ka ngel me bë Big Brotherin vetëm me mesazhe, ky ku e ku e ka kapacitetin ka ngel me tregu veten duke u fërkuar, lëpirë e duke bërë xhakuzi", u shpreh ajo.
Në anën tjetër vazhdoi: "Boll fole ti për deformim realiteti, merru me ata që të mashtrojnë para syve. Merru me femrat që të bëjnë mashtrime të fusin pas shpine. Ke ngel ti me këtë lloj kapaciteti. Shko bëju me tjerat që ta bëjnë rrafsh me lëpirje, mashtrime, xhakuzi".
Alba po i referohej raportit me Dolcen dhe pasi i bërë masazh Benita Zenës.
Dyshja po marrin vëmendje tërë kohën me debatet, përplasjet dhe zënkat me njëri-tjetrin. /Telegrafi/
Sylvester Stallone u mburr me një video nga palestra, dhe ky 79-vjeçar, në prag të dekadës së nëntë, ende nuk heq dorë nga ushtrimet fizike, megjithëse pranon se po i bëhet gjithnjë e më e vështirë.
Stallone postoi nga palestra, duke treguar krahët e tij muskulozë dhe me tatuazhe dhe duke vënë në dukje se kishte kaluar ca kohë që kur kishte filmuar në një mjedis të tillë.
Ai gjithashtu theksoi se sa më e vështirë është për të të qëndrojë në formë ndërsa plaket.
Foto: Instagram
"Çdo vit bëhet gjithnjë e më e vështirë, por kjo është arsyeja pse duhet të përpiqesh gjithnjë e më shumë. Gjak, djersë dhe lot", shkroi aktori krahas videos.
Gjithashtu, duke folur në video, ai e krahasoi palestrën e tij në shtëpi me një vend të shenjtë ku stërvitet për t'u bërë më i mirë.
"Ndihesh më mirë fizikisht, kështu që ke forcën për të arritur qëllimet e tua, duke u ndjerë i sigurt dhe i gatshëm për t'u përballur me çdo sfidë", shtoi ai.
Stallone ka folur shpesh për stërvitjen dhe ruajtjen e figurës së tij gjatë viteve, por qasja nuk ka qenë kurrë sipërfaqësisht e lidhur me pamjen.
Foto: Instagram
Ai ka theksuar se për të, stërvitja është kryesisht një mënyrë për të ruajtur forcën mendore, disiplinën dhe një ndjenjë kontrolli mbi jetën.
I njëjti e ka thënë vazhdimisht se aktiviteti fizik ka një ndikim të thellë në psikikë, pasi ndihmon në luftimin e stresit, humorit të keq dhe ndjenjave të pafuqisë. /Telegrafi/
Modelja e njohur shqiptare, Dajana Kalo, po përballet me një situatë të rëndë shëndetësore pas një hemorragjie cerebrale si pasojë e një Malformacioni Arteriovenoz (MAV).
Siç thuhet, ajo nuk është në gjendje të lëvizë dorën dhe këmbën e djathtë dhe ka nevojë për kujdes mjekësor të specializuar.
Dajana gjithashtu do t’i nënshtrohet një operacioni shumë delikat në tru, pas së cilit do të nisë një proces i gjatë rikuperimi që përfshin rehabilitim intensiv, terapi fizike dhe trajtime neurologjike.
Foto: Instagram
Është hapur po ashtu edhe një GoFundMe për të mbështetur trajtimin e modeles.
Mbështetësit mund të kontribuojnë dhe të ndajnë fushatën për të ndihmuar Dajanën të kalojë këtë moment kritik.
E njëjta duhet theksuar se është pjesë e showbizit që një kohë të gjatë.
Ajo ka qenë pjesë e disa klipeve të këngëtarëve të famshëm të estradës. /Telegrafi/
Ylli i muzikës 'country', Keith Urban, filloi të bashkëjetonte me partneren e tij të re, këngëtaren Karley Scott Collins pas divorcit nga aktorja Nicole Kidman.
“Kam dëgjuar se ai ka dikë dhe kjo është arsyeja pse vajzat po e mbështesin publikisht nënën e tyre”, tha një burim për DailyMail, duke iu referuar vajzave të ish-çiftit, Sunday 17-vjeçare dhe Faith 15-vjeçare.
Ai shtoi se ata janë më aktivë në rrjetet sociale pasi prindërit e tyre u divorcuan dhe se në këtë mënyrë po tregojnë mbështetje për nënën e tyre.
Keith Urban
"Që nga ndarja, vazhdon ta shohësh atë dhe vajzat në rrjetet e saj sociale dhe në foto të tjera. Ato kanë qenë me të në Paris dhe Sydney. Ajo postoi foto të tyre duke marrë pjesë në Turneun e Turqisë për Ditën e Falënderimeve, gjë që është vërtet e pazakontë sepse ajo bën një jetë private. Sa herë që i sheh, ato janë duke mbajtur duart. Është sikur po përpiqen të thonë: 'Jemi ne kundër botës'", tha ai.
Nga ana tjetër, Keith po punon aktualisht në një album të ri dhe marrëdhënia e tij me Karley Scott Collins po bëhet gjithnjë e më serioze.
Keith dhe Nicole
Burimi pohon se muzikanti nuk e tradhtoi Nicole Kidman me të.
Keith dhe Nicole ishin të martuar nga viti 2006 deri në vitin 2025.
E dashura e re e Keith
Ajo ishte e martuar më parë me Tom Cruise, me të cilin ka një vajzë, Bella, dhe një djalë, Connor. /Telegrafi/
Aktori i Hollywoodit, Matt Damon, në një paraqitje të fundit në podcast-in "The Joe Rogan Experience", foli hapur rreth mënyrës se si Netflix po e ndryshon qasjen e tij ndaj realizimit të filmave për shkak të zakoneve të shikuesve që shpesh shikojnë seriale dhe filma në shtëpi me anë të telefonave të tyre celularë.
Sipas tij, transmetuesi po mbështet gjithnjë e më shumë idenë që elementët më të rëndësishëm të projektit dhe informacioni kyç të përsëriten shumë herë përmes dialogut - madje "tre ose katër herë" - sepse publiku po shikon ndërsa shpesh shpërqendrohet nga gjëra të tjera si mesazhet, rrjetet sociale ose njoftimet.
"Mënyra standarde për të bërë një film aksioni, kemi mësuar, është që zakonisht ke tre skena. Një në aktin e parë, një në të dytin, një në të tretin", shpjegoi Damon.
Foto: YouTube
"Shpenzon më shumë para për atë skenë në aktin e tretë. Kjo është finalja jote, dhe tani ata po thonë: 'A mund të kemi një skenë të madhe në pesë minutat e para? Duam që njerëzit të qëndrojnë. Dhe nuk do të ishte një ide e keqe ta përsërisnim aksionin tre ose katër herë në dialog, sepse njerëzit janë në telefonat e tyre ndërsa po shikojnë'".
Damon shpjegoi se si po ndryshon struktura tradicionale e filmave aksion, ku spektakli më i madh ruhet për në finale, duke qenë se shumë shikues në shtëpi nuk kanë të njëjtin nivel përqendrimi si në kinema.
Kjo është arsyeja pse, thotë ai, Netflix i inkurajon regjisorët të vendosin skena të mëdha aksioni në minutat e para dhe ta përsërisin ngjarjen më qartë përmes skenarit, në mënyrë që publiku të qëndrojë "në rrjedhën e ngjarjeve" edhe nëse për një moment largon shikimin nga telefoni. /Telegrafi/
Ina dhe Keijsi janë mes banorëve të Big Brother VIP Albania 5 që janë në televotim së bashku me Erikun dhe Mateon.
Presioni i këtij nominimi duket se ka afruar dyshen, të cilët kanë shkëmbyer puthje dhe përqafime.
Sapo u zgjuan nga gjumi këtë mëngjes, Ina dhe Keijsi u panë në momente të ëmbla pranë njëri-tjetrit.
Foto: Instagram
Teksa ishte përpara pasqyrës e veshur me pizhame, Ina iu afrua Keijsit, i shtrirë në krevat, dhe i dha një puthje, të cilën ai ia ktheu menjëherë me përqafim.
Në videon e publikuar në rrjetet sociale, ata shfaqen të afërt, duke treguar se marrëdhënia mes tyre vazhdon të forcohet edhe brenda shtëpisë më të famshme në Shqipëri.
Foto: Instagram
E nga ana tjetër, Keijsi kishte një lidhje dashurie edhe me Stelinën, e cila ndodhet po ashtu në BBVA.
Mbetet të shihet në vazhdim se si do të jetë kjo marrëdhënie e se si shkon ky nominim. /Telegrafi/
Ndërsa lista e shkurtër e kandidatëve për çmimin 'Oscar' do të shpallet këtë javë, revista The Hollywood Reporter ka publikuar parashikimet e saj se kush do të fitojë çmimet më prestigjioze në kinema, bazuar në analizën e Ben Zauzmer.
“The Hollyëood Reporter” publikoi një analizë të bazuar në modelin matematik të Ben Zauzmer, i cili përdor të dhëna nga çmimet e mëparshme dhe modele statistikore nga sezoni i çmimeve për të parashikuar nominimet për çmimet 'Oscar 2026'.
Bazuar në buxhet, filmi më i mirë i këtij viti duhet të jetë "One Battle After Another" i ndjekur nga "Sinners", "Hamnet", "Marty Supreme" dhe "Frankenstein".
Foto: Ben Zauzmer
Sipas The Hollywood Reporter, të pesë filmat duhet të jenë në listën e ngushtë të të nominuarve, e cila do të shpallet më 22 janar.
Filmat "Sentimental Value" dhe "Train Dreams" gjithashtu kanë një shans të mirë për t'u bashkuar me atë listë.
Sipas modelit matematik të Ben Zauzmer, regjisori më i mirë duhet të jetë Paul Thomas Anderson, i cili bëri regjinë e filmit "One Battle After Another".
Ryan Coogler, i cili drejtoi filmin "Sinners", është në vendin e dytë për sa i përket shanseve, ndërsa Chloe Zhao, e cila drejtoi filmin "Hamnet", është e treta.
Josh Safdie ("Marty Supreme") dhe Guillermo del Toro ("Frankenstein") kanë pak më pak dhe afërsisht të barabarta shanse.
Foto: Ben Zauzmer
Kur bëhet fjalë për kategorinë e aktorit më të mirë, disa prej tyre janë në konkurrencë të ngushtë: Michael B. Jordan ("Sinners"), Leonardo DiCaprio ("One Battle After Another"), Timothee Chalamet ("Marty Supreme"), Wagner Moura ("The Secret Agent") dhe Ethan Hawke ("Blue Moon").
Në kategorinë e aktores më të mirë, sipas The Hollywood Reporter, Jessie Buckley ("Hamnet") dhe Rose Byrne ("If I Had Leg's I'd Kick You") janë në krye.
Foto: Everett
Gara për aktorin më të mirë mbështetës udhëhiqet nga Stellan Skarsgard ("Sentimental Value") së bashku me Benicio del Toro ("One Battle After Another"), Paul Mescal ("Hamnet"), Sean Penn ("One Battle After Another") si dhe Jacob Elordi ("Frankenstein") dhe Adam Sandler ("Jay Kelly").
Kategoria për Aktoren më të Mirë Mbështetëse është një tjetër kategori në të cilën "One Battle After Another" kryeson aktoren Teyana Taylor, e ndjekur nga Amy Madigan ("Sinners") dhe INGa Ibsdotter Lilleaas ("Sentimental Value"). /Telegrafi/
Brikena Selmani ka sqaruar situatën e saj me Mateon pas spektaklit të mbrëmjes së djeshme (e shtunë), ku ajo dërgoi në nominim atë dhe shpëtoi Stelinën.
Në një video të publikuar në faqen zyrtare të Big Brother VIP shihet banorja në dhomën e rrëfimit e cila është shprehur se është ndjerë keq nga Mateo, ku sipas kësaj ai ka gënjyer duke thënë se ata të dy kanë shkëmbyer një puthje pasi kanë qenë në një njohje para disa viteve.
“Hakmarrje jo thjeshtë më ka bërë të ndihem keq edhe me erdhi të thënë emrin e tij kaq. Ai në momentin që nuk ka pasur puthje, vjen edhe i shkon Kristit dhe i thotë që jo se ka pasur puthje edhe para meje thotë që jo nuk ka pasur", u shpreh ajo.
Foto: Instagram
Tutje theksoi: "Mua kjo gjë më bënë të ndihem keq se nuk është fakti te puthja se nuk ka gjë të keqe të puthësh një person, se unë nuk kam thënë që nuk kam puthur asnjëherë, nuk ka gjë të keqe, por kur unë them nuk ka ndodhur, unë kam qejf që një person të tregojë të vërtetën, të thotë nuk ka ndodhur".
Brikena dhe Mateo janë takuar para disa viteve vetëm një herë dhe se nuk e kanë vazhduar raportin.
Banori ka dhënë një version tjetër të historisë gjë që u mohua nga modelja.
Në nominim me të janë edhe: Keijsi, Ina e Erik Lloshi. /Telegrafi/
Login
