Gazetari Fatos Mahmutaj tha se balancat e një qeverisjeje i bën opozita, ndërsa Berisha, sipas tij, po prodhon vetëm kaos për të qëndruar në qendër të vëmendjes.

Mahmutaj tha se Berisha nuk prodhon më politikë dhe se sulmet e tij të vazhdueshme janë forma të vjetra manipulimi pa përmbajtje reale.

Sipas gazetarit, pas dy mandateve qeverisëse dhe 30 vitesh në politikë, Berisha ka humbur mbështetje nga një palë zgjedhje në tjetrën, duke dëshmuar dështimin e opozitës për të kryer siç duhet rolin e saj.

” Balancat e një qeverisjeje i bën opozita. Berisha krijon kaos për t’u mbushur mendjen mbështetësve se “ne jemi në qendër të vëmendjes”. Ai nuk po prodhon më politikë. Berisha manipulon dhe sulmon në forma shumë të trasha; mjafton që të flasë e të sulmojë dhe është në rregull.

Një njeri që sulmon kot dhe u mbush mendjen ndjekësve se “ne jemi akoma në biznesin politik”, sepse arrijmë të prodhojmë rrëmujë, sepse kaq e ka kapacitetin e tij. Në 30 vjet ka bërë rrëmujë, sulme të pabaza, sulme për të qenë në qendër të vëmendjes.

Berisha ka pasur rastin të qeverisë dy herë nga dy mandate, dy momente ku të afirmohej si politikan dhe ideolog politik, drejtues i së djathtës. Ai thjesht ka humbur pikë. Nga një palë zgjedhje në tjetrën ka pasur firo; opozita nuk e bën si duhet detyrën e vet.” / abcnews.al /

Më shumë se 50,000 persona janë arrestuar në Iran nga autoritetet, tha sot një organizatë joqeveritare, duke thënë se shtypja vazhdon në vend.

Republika Islamike shtypi me gjak një lëvizje të madhe proteste që shpërtheu në fund të dhjetorit dhe arriti kulmin më 8 dhe 9 janar në fillim të janarit.

Autoritetet iraniane pranojnë se mijëra njerëz kanë vdekur, por thonë se shumica dërrmuese ishin anëtarë të forcave të sigurisë ose kalimtarë të vrarë nga “terroristët” që vepronin në emër të Shteteve të Bashkuara dhe Izraelit.

Agjencia e Lajmeve të Aktivistëve të të Drejtave të Njeriut (HRANA), e cila më parë kishte raportuar më shumë se 42,000 arrestime, e rishikoi shifrën e saj lart sot, duke regjistruar tani të paktën 50,235 arrestime në lidhje me protestat.

Këto arrestime kishin në shënjestër “një gamë të gjerë qytetarësh, kryesisht studentë, shkrimtarë dhe mësues”, sipas organizatës me seli në SHBA, e cila shton se në disa raste, arrestimet u shoqëruan me “kontrolle shtëpish dhe sekuestrim të sendeve personale”. HRANA gjithashtu raporton më shumë se 300 “rrëfime të detyruara” të transmetuara në televizion.

Javën e kaluar, Amnesty International shprehu gjithashtu shqetësim për arrestimin e mijëra njerëzve, përfshirë fëmijë.

Këta njerëz, sipas OJQ-së, janë “në rrezik të madh zhdukjeje me forcë, torturës dhe keqtrajtimeve të tjera, vdekjes në paraburgim dhe ekzekutimeve arbitrare pas gjyqeve që janë qartësisht të padrejta”.

Kreu i gjyqësorit të Iranit, Gholamhossein Mohseni-Etzei , paralajmëroi të dielën se nuk do të kishte “asnjë butësi” për ata të përfshirë në protesta. Dhe prokuroria tha se disa mund të përballen me dënime deri në dënim me vdekje.

Regjisori iranian Mehdi Mahmoudian, bashkëshkrimtar i filmit fitues të Palmës së Artë në Kanë në vitin 2025, “Një Aksident i Thjeshtë”, u arrestua të dielën me dyshimin se kishte ndihmuar në shkrimin e një deklarate kritike ndaj qeverisë.

Ai u arrestua së bashku me udhëheqësin studentor Abdullah Momeni dhe gazetarin dhe aktivistin e të drejtave të grave Vida Rabbani, sipas agjencisë së lajmeve Fars të Iranit.

Teksti, i nënshkruar nga më shumë se një duzinë disidentësh të tjerë, e krahason shtypjen me një “krim shtetëror kundër njerëzimit”, shpjegon fondacioni i laureatit të Çmimit Nobel për Paqen Nargis Mohammadi., e cila ka qenë në burg që nga dhjetori. Ajo u arrestua gjatë një demonstrate që u zhvillua përpara valës së fundit të protestave.  / abcnews.al /

Policia Metropolitan ka nisur një hetim penal ndaj Lord Mandelson, ish ambasadorit britanik në SHBA pas pretendimeve se ai ka ka informacione të ndjeshëm për cështjen Epstein.

Dokumentet nga dosjet e Epstein të publikuara kohët e fundit duket se tregojnë se Mandelson, atëherë sekretar biznesi, ka dërguar informacione konfidenciale mbi diskutimet e brendshme të qeverisë te Epstein pas krizës financiare. Këto zbulime shkaktuan një reagim të ashpër politik, përfshirë Gordon Brown, ndërsa deputetët e raportuan Mandelson te Scotland Yard për shkelje të detyrës publike.

Hetuesit pritet të intervistojnë Mandelson, të kërkojnë qasje në pajisjet e tij dhe të marrin deklarata nga figura të larta të Partisë Laburiste, përfshirë Brown, si dhe nga zyrtarë të lartë civilë që ishin aktivë në kohën kur u dërguan email-et.

Të dielën, Mandelson tha se ndjente keqardhjen për “njohjen e tij me Epstein” dhe për vazhdimin e lidhjes me të pas dënimit të Epstein.

Dosja Epstein vijon të ngrejë pikëpyetje të forta mbi raportin mes pushtetit, parasë dhe abuzimeve të rënda ndaj të miturve.

Pedagogia Arseida Gjyli ka deklaruar se pushteti dhe paraja shpesh tentojnë të legjitimojnë edhe krimin, duke ndikuar drejtpërdrejt te heshtja dhe normalizimi i abuzimeve. Sipas saj, shoqëria po përballet me një krizë vlerash, ku roli i familjes dhe i shkollës është zbehur, ndërsa kultura e “pasurimit brenda natës” po dëmton rëndë edukimin e të rinjve.

“Pushteti a e legjitimon gjithçka, edhe kur flasim për krim dhe për abuzime? A janë pushteti dhe paraja gjithçka? Nuk e mbron dot fëmijën tënd jashtë shtëpisë. Ai ndikohet nga shoqëria, nga miqtë e afërt, por fëmija ose ta zbardh, ose ta nxin faqen.

A e dini ju që ekziston një fenomen si eskortizmi, i cili është institucionalizuar: shitja e trupit për para dhe pushtet. Nëse do, i ke edhe në katalog. Familja që jeton në rrethe dhe e ka edukuar fëmijën, nuk e di që fëmija këtu, si pasojë e ekonomisë, e bën këtë gjë.

Është kultura e të rinjve sot të bëhemi të pasur brenda natës. Nuk mësohen më me sakrificë, që të duhet një dekadë për të arritur diçka. Roli i shkollës është zhvlerësuar.”

/ abcnews.al /

Dosja Epstein ka rikthyer në vëmendje një nga skandalet më të rënda të abuzimit me pushtetin dhe shkeljes së të drejtave të të miturve në nivelet më të larta.

Psikologia Suela Kocibellinj tha se kemi të bëjmë me një formë të qartë pedofilie, ku viktimat kryesore janë adoleshentët dhe diferenca e madhe e moshës e bën abuzimin edhe më të rëndë. Sipas saj, heshtja e përfshirëve dhe e mediave lidhet me privilegjet, frikën nga pushteti dhe një sistem varësie që gradualisht shkatërron moralin dhe empatinë njerëzore.

“Është abuzim me pushtetin. Viktimat e drejtpërdrejta janë ata që janë adoleshentë. Kemi të bëjmë me pedofili, me diferencë kaq të madhe moshe. A do t’i kenë pasur të gjitha devijancat apo jo, kjo është temë tjetër. Devijancat, për një pjesë, janë të lindura.

Të gjithë duan të marrin pjesë dhe nuk flasin sepse kanë privilegjet. Edhe media e ka ditur dhe ka heshtur nga frika e pushtetit dhe nga favoret. Format e varësisë nga ky krim shtetëror e kanë bërë këtë gjë.

Në këto shkallë që ecin gradualisht, harrojnë çfarë është e moralshme. Empatinë këta e humbin, sepse nuk dinë çfarë është vuajtja dhe jetojnë në një botë surreale. Devijancat e tyre kthehen të justifikuara, sepse mendojnë se “ne jemi të veçantët””  / abcnews.al /

Pedagogia Marsela Lekli, komentoi për Real Story dosjen Epstein duke thënë se fenomene të tilla kanë ekzistuar dhe do të vazhdojnë të ekzistojnë, pasi sipas saj, krimi në nivelet më të larta shpesh mbulohet nga pushteti.

Ajo tha se abuzimet kanë në shënjestër kryesisht moshat adoleshente, të cilat janë më të ndjeshme ndaj manipulimit, premtimeve për luks dhe favore.

“Këto gjëra kanë ekzistuar dhe do të ekzistojnë. Bota më e madhe e krimit është e mbuluar nga pushteti. Pse një individ me jetë të thjeshtë nuk ka arritur në këtë pikë, pse pikërisht njerëzit e suksesshëm?

Epstein është marrë me këtë moshë, sepse është mosha më delikate për t’u gënjyer dhe për t’u abuzuar. Adoleshentët janë një moshë ku edhe vetëprovohen për një fundjavë, për një jetë më luksoze dhe kështu vazhdon zinxhiri.

Në faza të tilla janë edhe vajzat në fillim të një seksualiteti dhe futen në pedofili. Një njeri normal nuk arrin në një pikë të tillë.” / abcnews.al /

Shumë shqetësim ka ngjallur një zhvillim i fundit i Inteligjencës Artificiale dhe që ndodhi gjatë krijimit të një rrjeti social të quajtur Moltbook, i konceptuar për agjentët AI.

Platforma u mundëson atyre të publikojnë, të ndërveprojnë, ndërsa përdoruesit njerëzorë kanë rol vëzhgues. Sipas raportimit, deri më 2 shkurt platforma numëronte mbi 1.5 milionë agjentë të inteligjencës artificiale. Edhe pse njerëzit mund të krijojnë llogari, pjesëmarrja e tyre kufizohet në monitorim dhe jo në ndërhyrje aktive. Zhvillimi i Moltbook lidhet drejtpërdrejt me krijimin e një agjenti AI me burim të hapur i projektuar për të kryer detyra praktike si leximi dhe përmbledhja e email-eve, menaxhimi i kalendarit apo kryerja e rezervimeve. Më vonë, Moltbot u riemërua OpenClaw, duke evoluar në një asistent personal më të avancuar, i njohur për aftësinë për të ekzekutuar komanda në mënyrë gjysmë-autonome. Kjo teknologji shërbeu si bazë për krijimin e një ekosistemi ku agjentët mund të bashkëveprojnë pa ndërhyrje të drejtpërdrejtë njerëzore.

Shumë shqetësim ka ngjallur një zhvillim i fundit i Inteligjencës Artificiale dhe që ndodhi gjatë krijimit të një rrjeti social të quajtur Moltbook, i konceptuar për agjentët AI.

Platforma u mundëson atyre të publikojnë, të ndërveprojnë, ndërsa përdoruesit njerëzorë kanë rol vëzhgues. Sipas raportimit, deri më 2 shkurt platforma numëronte mbi 1.5 milionë agjentë të inteligjencës artificiale. Edhe pse njerëzit mund të krijojnë llogari, pjesëmarrja e tyre kufizohet në monitorim dhe jo në ndërhyrje aktive. Zhvillimi i Moltbook lidhet drejtpërdrejt me krijimin e një agjenti AI me burim të hapur i projektuar për të kryer detyra praktike si leximi dhe përmbledhja e email-eve, menaxhimi i kalendarit apo kryerja e rezervimeve. Më vonë, Moltbot u riemërua OpenClaw, duke evoluar në një asistent personal më të avancuar, i njohur për aftësinë për të ekzekutuar komanda në mënyrë gjysmë-autonome. Kjo teknologji shërbeu si bazë për krijimin e një ekosistemi ku agjentët mund të bashkëveprojnë pa ndërhyrje të drejtpërdrejtë njerëzore.

Njerëzit e pushtuan botën përmes gjuhës. Ne përdorëm fjalët për të ndërtuar sisteme ligji, feje, financash dhe politike thotë ai ndërsa paralajmëron se tani inteligjenca artificiale po hyn pikërisht në këtë territor. “Inteligjnenca artificiale nuk ka të bëjë me fitimin e vetëdijes, por me zotërimin e gjuhës. Së shpejti, gjithçka e ndërtuar mbi fjalët mund të merret nën kontroll nga kjo inteligjence. Ekspertët paralajmërojnë se nëse makinat arrijnë të prodhojnë dhe menaxhojnë informacion në shkallë masive, ato mund të ndryshojnë rrënjësisht ekonominë, politikën dhe komunikimin publik.

Sipas burimeve zyrtare sa i takon Elbasanit bëhet me dije se janë ekzekutuar 8 masa .

Konkretisht 6 masa për persona që kanë mbajtur detyrën e Drejtues sektori dhe 2 masa për dy administratorë për dy kompani ‘bijë

Vijojnë kontrollet për të lokalizuara disa persona të tjerë.

Sipas informacioneve paraprake njoftohemi se në total janë rreth 64 masa që pritet të ekzekutohen.

Gazetari Jeton Zogjani ka deklaruar se në kushte normale, Vetëvendosje dhe çdo subjekt politik duhet të tregojnë maturi dhe bashkëpunim, duke theksuar se Lista Serbska është kategori kushtetuese dhe legjitime.

Sipas Zogjanit, vonesat në krijimin e institucioneve rrezikojnë pasoja serioze, përfshirë mungesën e pagave dhe funksionimit normal të shtetit në prag të muajit mars ku do te zgjidhet presidenti i ri.

“Në kushte normale, VV dhe secili subjekt politik duhet t’i thërrasë mendjes dhe të bëhet bashkëpunues, sepse Lista Serbska është kategori kushtetuese. Ky është fakt, sepse ata janë legjitimë. Mjaft më është bërë lojë për të ngritur atë ndjenjë qytetare se ne jemi kundër Listës Serbska.

Kanë përfunduar disa cikle zgjedhore: ai i shkurtit të vitit të kaluar, balotazhet që kaluam dhe tani do të shkojmë në një cikël të rregullt zgjedhor. E dimë që secila gjë që vonohet krijon pasoja, edhe në aspektin financiar.

E gjithë ajo që ka kërkuar VV e ka arritur: ka arritur të ketë 51.10 për qind të votave të shumicës dhe ne duhet të kalojmë në një cikël të rregullt dhe të mos bëhet më fushatë për të arkëtuar vota.

Duhet të sillet me maturi në krijimin e institucioneve. Ne jemi afër muajit mars, ku na gjen pa institucione dhe pa paga.”

Në kuadër të deklaratës së përbashkët të nënshkruar më 2025, delegacionet e Kosovës, Shqipërisë dhe Kroacisë janë takuar këtë të martë për të diskutuar lidhur me mundësitë e avancimit të bashkëpunimit në fushën e mbrojtjes

Të tre vendet u përfaqësuan në këtë takim me drejtorët e tyre të politikave të mbrojtjes dhe armatimeve, ndërsa gjatë takimit “u shkëmbyen mendime lidhur me mundësitë për avancimin e bashkëpunimit të përbashkët në fushën e aftësive mbrojtëse si dhe hapat e tjerë për zbatimin e deklaratës.

Takimi trepalësh u mbajt në kuadër të zbatimit të fushave të bashkëpunimit që parasheh deklarata e nënshkruar në Tiranë.

Sipas deklaratës, janë katër fusha kryesore të bashkëpunimit, që përfshijnë promovimin e bashkëpunimit në fushën e mbrojtjes, rritjen e ndërveprueshmërisë përmes arsimit trajnimit dhe ushtrimeve të përbashkëta, adresimin e kërcënimeve hibride, si dhe ofrimin e mbështetjes së vazhdueshme dhe të plotë për integrimin euroatlantik.

Ky pakt i mbrojtjes thotë se të tri shtetet do të bashkëpunojnë për të rritur sigurinë dhe stabilitetin në Evropën Juglindore.

Deklarata për bashkëpunim në fushën e mbrojtjes, e nënshkruar në mars të vitit të kaluar u cilësua si “aleancë ushtarake dhe sulmuese kundër serbëve” nga presidenti serb, Aleksandar Vuçiç.

Ministri i Mbrojtjes i Shqipërisë, Pirro Vengu, i është përgjigjur kritikave duke thënë se e ka ftuar Serbinë që të bëhet pjesë e këtij pakti, por Beogradi nuk i është përgjigjur kësaj ftese.  / abcnews.al /

Këtë të martë shënohen 26 vjet nga masakra mes 3 dhe 4 shkurtit në veri të Mirovicës, ku u vranë 10 shqiptarë, mees tyre fëmijë, gra e të moshuar.

Shumë të tjerë u plagosën, ndërsa rreth 12 mijë shqiptarë u dëbuan dhe  u detyruan të kalojnë në jug, duke lënë pas shtëpitë e tyre që digjeshin.

Presidentja e Kosovës Vjosa Osmani përkujtoi masakrën me një postim në rrjetet sociale. Ajo tha se bandat kriminale serbe vranë civilë të pafajshëm dhe e cilësoi një krim të hapur kundër njerëzimit.

Sipas dëshmitarëve, operacioni i vrasjeve kishte në krye ish-komandantin Dragan Delibashiq, Oliver Ivanoviq dhe të tjerë.

Gjykata Themelore në Mitrovicë më 2014 shpalli fajtor Oliver Ivanoviq me 9 vjet burg për krime lufte ndaj shqiptarëve gjatë dhe pas luftës në Kosovë.

Këshilli i Mbrojtjes i Lirive dhe i Drejtave të Njeriut ka denoncuar se vrasjet janë kryer në prani të ushtarëve francezë të KFOR dhe të policisë ndërkombëtare, duke ngritur dyshime mbi mungesën e reagimit ndaj këtij akti brutal.

Disa orë më parë, Spanja, pas Australisë, Francës dhe Portugalisë, njoftoi se planifikon të ndalojë përdorimin e rrjeteve sociale nga personat nën 16 vjeç, duke miratuar një ligj që do t’i bëjë drejtuesit e mediave personalisht përgjegjës për gjuhën e urrejtjes në platformat e tyre.

Çfarë ka thënë Mitsotakis për ndalimin e rrjeteve sociale?

Në vitin 2025, kryeministri Kyriakos Mitsotakis kishte deklaruar se ndalimi i rrjeteve sociale për të miturit nën 16 vjeç ishte vendosur në tryezën e opsioneve të qeverisë.

Konkretisht, në një aktivitet me titull “Mbrojtja e Fëmijëve në Epokën Digjitale”, në kuadër të Javës së Nivelit të Lartë të Asamblesë së Përgjithshme të OKB-së (sesioni i 80-të), z. Mitsotakis theksoi se Greqia është e gatshme të shqyrtojë edhe “ndalimin e përdorimit të rrjeteve sociale duke vendosur një prag për moshën e pjekurisë digjitale”, në bashkëpunim të ngushtë me partnerët ndërkombëtarë. “Nuk mund t’i përdorim vështirësitë e zbatimit të këtyre politikave si justifikim për të mos bërë asgjë për këtë problem”, theksoi ai.

Më pas, z. Mitsotakis vuri në dukje se sfida nuk kufizohet vetëm te rrjetet sociale, por shtrihet edhe te marrëdhënia e fëmijëve me mjetet e inteligjencës artificiale. “A duam vërtet që fëmijët tanë të kenë miq digjitalë që mund t’i çojnë drejt sjelljeve jo vetëm të papranueshme, por edhe shkatërruese?”, pyeti ai, duke theksuar se “kompanitë e teknologjisë duhet të kuptojnë kush i vendos rregullat. Ato nuk duhet të fitojnë para nga cenueshmëria e fëmijëve tanë.”  / abcnews.al /

Donald Trump ka deklaruar se administrata e tij do të padisë Universitetin e Harvardit duke kërkuar 1 miliard dollarë dëmshpërblim, ndërsa përplasja mes Shtëpisë së Bardhë dhe universitetit prestigjioz amerikan po thellohet.

Prej muajsh kanë qenë në zhvillim bisedime mes palëve ku vetë Trump kishte thënë në shtator të vitit të kaluar se një marrëveshje ishte afër dhe se Harvardi do të paguante 500 milionë dollarë për ta zgjidhur çështjen. Megjithatë, presidenti amerikan tani ka rritur ndjeshëm kërkesën financiare.

Shtëpia e Bardhë ka kërcënuar të ndalojë fondet federale për disa universitete amerikane, duke i akuzuar ato për qëndrime problematike mbi çështje si diversiteti, të drejtat transgjinore dhe për lejimin e antisemitizmit në kampuse, veçanërisht gjatë protestave pro-palestineze kundër luftës së Izraelit në Gaza.

Disa universitete të Ivy League, përfshirë Columbia dhe Brown, kanë arritur marrëveshje me administratën dhe kanë pranuar disa nga kërkesat e saj. Harvardi, në anën tjetër, ka zgjedhur rrugën ligjore, duke paditur qeverinë për ngrirjen e fondeve federale.

Administrata Trump ka anuluar qindra grante për studiuesit e Harvardit, duke pretenduar se universiteti nuk ka vepruar mjaftueshëm për të mbrojtur studentët hebrenj nga ngacmimet. Kjo ka shtyrë institucionin të ndërmarrë veprime ligjore kundër qeverisë.

Pas raportimeve të New York Times se Shtëpia e Bardhë kishte hequr dorë nga kërkesa për pagesë, Trump reagoi ashpër, duke shkruar në rrjetin e tij social Truth Social:

“Tani po kërkojmë NJË MILIARD DOLLARË dëmshpërblim dhe nuk duam të kemi asnjë lidhje me Universitetin e Harvardit në të ardhmen.”

Ai akuzoi universitetin me seli në Cambridge, Massachusetts, se i ka dhënë gazetës “informacione të pavërteta” dhe se ka propozuar një skemë “të ndërlikuar dhe plotësisht të pamjaftueshme” për të shmangur pagesën.

Sipas Trump, propozimi i Harvardit ishte thjesht një përpjekje për t’i shpëtuar një marrëveshjeje financiare prej më shumë se 500 milionë dollarësh, një shumë që ai thotë se duhet të jetë “shumë më e lartë për shkeljet serioze dhe të rënda ligjore” që, sipas tij, universiteti ka kryer.  / abcnews.al /

Prokuroria e Durrësit, në përfundim të hetimeve, ka firmosur 33 urdhër-arreste, nga te cilat 26 janë masa sigurie “arrest në burg” dhe 7 të tjerët janë në “arrest shtëpie”sa i takon mbetjeve të Kurum.

Gazetari Leonidha Musaj tha se Prokuroria e Durrësit ka punuar me intensitet të lartë për këtë çështje sensitive që lidhet me mbetjet e kthyera nga Azia në vendin tonë.

Pasi mbetjet u kthyen në Portin e Durrësit, ato u transportuan nën masa të rrepta sigurie drejt një zone të izoluar në Durrës, në pjesën veriore, ku monitorohen me kamera sigurie dhe patrulla fizike.

Disa javë më parë janë marrë mostra nga të gjithë kontenierët, të cilat po analizohen në një laborator në shtetin italian, por ende nuk ka përgjigje të konfirmuara.

Arrest në burg–

Erdal Demir Administratori i “Kurum International”

Yusuf Sezai Kurum Administrator me prokurë i “Kurum”

Gjovana Sokolaj Pronare e kompanisë “Sokolaj”

Doni Sokolaj Administrator i kompanisë D.o.o Minerals

Olizana Pemati Ish- administratore e kompanisë “Sokolaj”

Mujo Ilazaj Drejtori i Transportit në kompaninë “Kurum”

Rami Bunga Specialist pranë zyrës së mjedisit në “Kurum”

Harun Sarica Drejtori i prodhimit të çelikut në “Kurum”

Arif Shkalla Drejtues në kompaninë “Kurum”

Shaban Hyseni Drejtor i departamentit te shitjeve në “Kurum”

Mikail Hila Aksioner i agjencisë doganore “Joti Spedition”

Mbarime Koroci Aksionere e kompanisë “Alliance Resource”

Nazif Bajrami Pronar i kompanisë “Bajrami N”

Andon Prifti Administrator i kompanisë “Bajrami N”

Petrit Qosja Person fizik në tregtinë e mbetjeve

Julian Kapedani Dega e Doganës Durrës

Indrit Likaj Dega e Doganës Durrës

Helidon Lila Dega e Doganës Durrës

Edmond Voda Dega e Doganës Durrës

Shkëlqim Jakupi Dega e Doganës Durrës

Florian Çimo Administrator i kompanisë koncesionare EMS APO

Gazmend Sina Punonjës i kompanisë koncesionare EMS APO

Ingo Hesse, administrator i kompanisë EMS APO

Dritan Seferaj Drejtoria e Inspektim- Kontrollit, AKM

Kejdi Ahmetaj Drejtoria e Inspektimit, AKM

Xhulio Golgota Inspektor i Autoritetit Portual Durrës

Arrest në shtëpi–

Arta Dollani Ish- drejtoresha e Përgjithshme e AKM

Iva Musa Inspektore e Autoritetit Portual Durrës

Evis Mellonashi Sektori i lejeve mjedisore, AKM

Bujana Tonçiça Sektori i lejeve mjedisore, AKM

Kledina Skendo Sektori i monitorimit të lejeve mjedisore, AKM

Marjeta Përlala Drejtoresha aktuale e AKM

Mirjeta Zotaj Kontabiliste e kompanisë “Sokolaj”

/ abcnews.al/ 

Analisti Artur Nura deklaron se protestat e fundit kanë lëkundur seriozisht pozitat e Sali Berishës brenda PD-së, duke treguar se ai nuk e komandon më partinë si më parë.
Sipas tij, dalja e deputetit nr. 2 të Elbasanit dhe reagimet në Strasburg janë shenja të qarta se strategjia aktuale po e çon opozitën drejt izolimit dhe bojkotit ndërkombëtar.

Nura thekson se brenda PD-së po hapet hapësirë për figura të reja, si Ervin Salianji, me të cilin disa mendojnë se partia mund të ketë një drejtim tjetër.

” Ka një zhvillim të rëndësishëm. Berisha, përpara Kryeministrisë, ku i ktheu shpinën, duket sikur do të dalë e jo të hyjë, ngaqë Rama është lëmerisur nga protesta.

Në PD kanë nisur të ngrihen zëra, duke iu bërë Berishës pengesë në zgjedhjet e tij personale. Dalja e nr. 2, deputetit të Elbasanit, është një shenjë që Berisha nuk komandon më në mënyrën e tij të vjetër, por ka zëra që i thonë se kjo strategji po i çon në bojkot.

Pozitat e Berishës janë lëkundur; njerëzit, në mënyrë të butë, po i thonë se nuk duhet vendosur kështu, sepse kështu nuk na mbështesin as ndërkombëtarët. Në ndërhyrjen e fundit në Strasburg iu hoq fjala; janë tronditur themelet e politikës që ka dominuar PD-në në mënyrë të padiskutueshme.

Në PD do të ketë më shumë hapësirë me Salianjin, dhe disa kanë kuptuar se me Salianjin mund të shkojnë diku. “

Ashtu si edhe për reformën territoriale, ndonëse me një përqindje më të vogël, shqiptarët mendojnë se opozita duhet të marrë pjesë edhe në Komisionin e Posaçëm për Reformën Zgjedhore.

Në sondazhin e kësaj të hënë ‘Zëri i Shqiptarëve’ në ABC News, 70.3% e shqiptarëve shprehen se opozita duhet të marrë pjesë në këtë komision, pasi do t’i bënte zgjedhjet e ardhshme më të mira. 19.8% mendojnë të kundërtën, opozita nuk duhet të marrë pjesë në Komisionin e Posaçëm për Reformën Zgjedhore, pasi do të shërbente si fasadë e mazhorancës, ndërsa  9.9% e të tjerë janë të dyzuar.

Kampioni në këtë sondazh është 2488 banorë të rritur të vendit. Linku i pyetësorit u shpërnda me SMS të rastësishme në mënyrë proporcionale në qytetet dhe fshatrat e Shqipërisë dhe  u plotësua elektronikisht në mënyrë krejt anonime nga të anketuarit. Kampioni u ripeshua statistikisht për t’i përfaqësuar sa më mirë 1.9 milionë banorët e rritur të Shqipërisë nga pikëpamja gjeografike, demografike, arsimore, dhe politike, me një marzh gabimi statistikor për kampionin e plotë: +/- 2%.  / abcnews.al/

Shumica dërrmuese e shqiptarëve, mendojnë se opozita duhet të marrë pjesë në Komisionin e Posacëm për Reformën Territoriale.

Nga përpunimi i të dhënave në sondazhin ‘Zëri i Shqiptarëve’, këtë të hënë në ABC News, pyetjes se A duhet të marrë pjesë opozita në Komisionin për Reformën Territoriale, iu përgjigjën me PO, 77.1% të cilët mendojnë se pjesëmarrja e opozitës në këtë komision do ta bënte reformën të qendrueshme.

17.6% janë përgjigjur me JO, pasi sipas tyre pjesëmarrja e opozitës në komision do të shërbente si fasadë e mazhorancës, ndërsa 5.3 % janë të dyzuar.

Kampioni në këtë sondazh është 2488 banorë të rritur të vendit. Linku i pyetësorit u shpërnda me SMS të rastësishme në mënyrë proporcionale në qytetet dhe fshatrat e Shqipërisë dhe u plotësua elektronikisht në mënyrë krejt anonime nga të anketuarit. Kampioni u ripeshua statistikisht për t’i përfaqësuar sa më mirë 1.9 milionë banorët e rritur të Shqipërisë nga pikëpamja gjeografike, demografike, arsimore, dhe politike, me një marzh gabimi statistikor për kampionin e plotë: +/- 2%.  / abcnews.al /

Në tryezën e diskutimit të programit Real Story, avokati Edmond Petraj tha se kërkesa e gjyqtarëve për rritje rroge është e drejtë.

Më tej, Petraj theksoi se kërkesa është relatuar saktë dhe se shifra e përfolur nuk është 3 mijë euro, por 750–800 euro. Avokati gjithashtu vlerësoi se ekziston një diskriminim mes gjyqtarëve të GJKKO-së dhe atyre të gjykatave të tjera, ndërkohë që rreziku në ushtrimin e profesionit është i njëjtë.

 “Objekti i kërkesës është shfuqizimi i ligjit 33/23 për një ndryshim në statusin e gjyqtarëve dhe prokurorëve. Në këtë ligj ata nuk janë në revansh, sepse referohen te ligji që vetë e kanë bërë. Rritja e rrogës nuk është në ato shifra që kam dëgjuar. Për ndërhyrje në këtë proces ka ndërhyrë edhe një shoqatë tjetër.

Rrogat janë nga 1.6 milionë deri në 1.7 milionë, ndërsa një këshilltar në Kuvend merrte 2 milionë lekë.

Për diskriminim kemi gjyqtarë të GJKKO-së, që kanë më shumë risk, por duket se ka një përkëdheli. Rreziku është i barabartë dhe probabiliteti që të ndodhë një risk, siç ndodh edhe në Apel, është i njëjtë. Marrëdhënia që lexova për kërkesat që kishte bërë Këshilli i Ministrave mu dukën elemente që nuk e mundin anën ligjore. Për mendimin tim, gjyqtarësit kanë të drejtë dhe nuk ka qenë ajo shifër që kërkojnë. Kërkesën e kanë relatuar shumë mirë, për mendimin tim është legjitime dhe ia vlen të diskutohet. Nuk kërkojnë shtesë 3 mijë euro secili, nuk shkonte më shumë se 750–800 euro.” / abcnews.al /

Analisti Arben Meçe tha për Real Story se është e papranueshme që një gjyqtar apo një strukturë paralele me Gjykatën Kushtetuese të ngrejë dyshime mbi autonominë e vendimmarrjes së saj.

Ai theksoi se ky qëndrim pasqyron një realitet shqetësues në sistemin e drejtësisë, ku gjyqtarët kërkojnë benefite nga drejtësia por nuk e njohin atë. Meçe tha se trupa e gjyqtarëve kushtetues duhet ta rrëzojë çështjen.

“Që një gjyqtar, aq më tepër një sistem gjyqësor paralel me GJK-në, të arrijë në argumentimin e vet të ngrejë dyshimin e funksionimit të GJK-së, që vendimmarrjet nuk i ka autonome por që janë produkt i ndikimit të qeverisë, dhe ne si të zgjuar gjetëm atë moment dhe ne do bëjmë gol. Me kaq kjo seancë është e mbyllur, sepse ka goditur parimin e marrëdhënies, nuk lejohet ky qëndrim.

Nuk është e rastësishme, është pasqyrim i realitetit në sistemin e drejtësisë, që kërkojnë benefite nga sistemi por nuk e njohin. Atyre u bëhet presion me lekë dhe vendimmarrjet e tyre janë të ndikuara nga leku. Kur ai si gjyqtar gjen një moment për vendimmarrje, ku është trupa më e besueshme e shtetit, kur ajo e vë në këtë mekanizëm, këta që kanë relatuar atje duhet të futen nga ILD. Me kaq sa ka referuar, trupa e gjyqtarëve kushtetues duhet ta rrëzojë çështjen vetëm nga paragjykimi.”

/ abcnews.al/

Fjalimi i presidentit amerikan Donald Trump në Forumin Ekonomik Botëror në Davos ka ngjallur shqetësim për situatën e ilaçeve në Europë, pasi për disa minuta ai ka folur për çmimet dhe disponueshmërinë e ilaçeve inovative duke përdorur një narrativë të njohur, sipas së cilës SHBA-ja paguan më shumë se vendet e tjera të zhvilluara për të njëjtat ilaçe dhe pjesa tjetër e botës, përfshirë Europën, përfitojnë nga kjo diferencë.

Trump ka thënë se nëse Franca nuk rrit çmimet, SHBA-ja do të vendosë tarifa deri në 25 për qind, një version që Franca e ka mohuar, por mesazhi mbetet i rëndësishëm për të gjitha tregjet europiane. Ai ka paraqitur idenë se çdo vend aleat përfiton nga Amerika, duke marrë për bazë çmimet më të ulëta të ilaçeve në vendet e pasura si Italia, Franca, Gjermania, Spanja apo Britania, duke e kthyer këtë situatë në një mënyrë për të mbrojtur interesat amerikane.

Kjo politikë ka implikime reale dhe të prekshme, pasi vendet europiane mund të përballen me rritje çmimesh dhe kufizim të furnizimit me ilaçet më të rëndësishme. Prsh Italia, ku çmimet e ilaçeve janë ndër më të ulëtat në botë, mund të bëhet tregu referencë dhe kompanitë mund të rrisin çmimet në vend ose të kufizojnë furnizimin, për të mbrojtur fitimet e tyre në SHBA.

Në të vërtetë, problemi nuk është tek vendet europiane, por tek struktura e tregut amerikan, ku nuk ka blerës të centralizuar, çmimet nuk lidhen me vlerën klinike të ilaçeve dhe ekzistojnë ndërmjetës që mbajnë çmime të larta, ndërkohë që deri në vitin 2022 programi publik Medicare nuk mund të negocionte çmimet për ilaçet, gjë që ka çuar në çmime disa herë më të larta sesa në Europë.

Për shembull, disa terapi onkologjike në SHBA kushtojnë deri 11 herë më shumë se në Gjermani dhe 4 herë më shumë se në Francë, dhe vetëm shpenzimet për ilaçet onkologjike janë 38 për qind më të larta se në Gjermani, 80 për qind më të larta se në Francë dhe 122 për qind më të larta se në Britani, ndërsa Italia qëndron midis Francës dhe Britanisë me çmime relativisht të ulëta dhe për këtë arsye rrezikohet si treg referencë.

Europa ka një model shumë më të qëndrueshëm, ku blerjet bëhen në mënyrë centralizuar për spitalet dhe qytetarët, çmimet lidhen me vlerën klinike të ilaçeve përmes Health Technology Assessment, dhe shumica e ilaçeve të reja aprovohen dhe shpërndahen shpejt në spitalet europiane, duke siguruar qasje të gjerë për qytetarët. Megjithatë, politika amerikane mund të rrezikojë këtë ekuilibër, duke detyruar kompanitë të përqendrojnë furnizimin dhe fitimet në SHBA dhe të kufizojnë aksesin në Europë.

Për qytetarët dhe qeveritë europiane, kjo situatë tregon qartë nevojën për sovranitet farmaceutik, për të zhvilluar kapacitete prodhimi të brendshme për ilaçe strategjike, për të rritur investimet në kërkim dhe zhvillim të terapive inovative brenda Europës, për të siguruar diversifikim të furnizimit dhe blerjeve, në mënyrë që tregjet europiane të mos varen nga SHBA-ja apo nga disa kompani ndërkombëtare dhe për të forcuar mekanizmin e vlerësimit të çmimeve dhe efektivitetit të ilaçeve për të mbrojtur buxhetet e spitaleve dhe shëndetin e pacientëve.

Vetëm duke ndjekur këto hapa, Europa mund të mbrojë qytetarët nga rritja e çmimeve, kufizimi i furnizimit dhe presioni i politikave amerikane, duke ruajtur qasjen në ilaçe inovative dhe me rëndësi jetike, pa u varur nga interesat e tregut amerikan dhe manipulimet politike që synojnë të transferojnë barrën financiare jashtë SHBA-së.

Fjalimi i Trump nuk është thjesht një performancë politike, por një paralajmërim i qartë se pa një strategji të fortë për pavarësi farmaceutike, çdo vend europian, mund të përballet me pasoja të drejtpërdrejta për shëndetin e qytetarëve dhe në buxhetet e shëndetësisë, duke rrezikuar që sistemi aktual i menaxhimit të ilaçeve, që është relativisht efikas, të dëmtohet nga logjika e tregut amerikan dhe kërkesat për “çmime të barabarta”, që favorizojnë SHBA-në. /Corriere Della Sera