Ka mbërritur në Këshillin e Lartë Gjyqësor shkresa e Prokurorisë së Përgjithshme për hetimet dhe verifikimet e kryera ndaj gjyqtares së GJKKO-së, Irena Gjoka, për fshehjen e një dënimi të marrë në Greqi për veprën e falsifikimit shumë vite më parë.
Prokuroria e Përgjithshme në raportin e saj thekson se vendimi i Gjykatës së Greqisë është autentik dhe Gjoka nuk e kishte deklaruar në Formularin e Dekriminalizimit kur kaloi procesin e Vettingut dhe përzgjedhjes në GJKKO.
Në këto rrethana ajo është referuar në KLGJ për procedim disiplinor, teksa SPAK mbetet në pritje të letër-porosive zyrtare nga Greqia për të kryer hetimet edhe në aspektin penal ndaj magjistrates.
KLGJ kishte deklaruar dje se dokumenti nuk kishte mbërritur në institucion, kurse sot mësohet se ky raport i PP gjendet aty për shqyrtim dhe procedim.
Materialet i kanë kaluar Komisionit të Karrierës për shqyrtim./mxh
Klubi i Vllaznisë po shqyrton mundësinë e rikthimit të sulmuesit Kevin Dodaj në formë huazimi nga ekipi i CSKA Sofia.
Drejtuesit e klubit shkodran janë në pritje të zhbllokimit të merkatos për të nisur lëvizjet konkrete për përforcimin e skuadrës për pjesën e mbetur të sezonit.
Gjatë pushimeve dimërore, 20-vjeçari u stërvit për disa ditë me ekipin e Vllaznisë në Shkodër për të mbajtur formën fizike. Megjithëse sulmuesi është rikthyer aktualisht në Bullgari te skuadra e tij, kontaktet mes palëve mbeten aktive.
Stafi teknik i kuqebluve e vlerëson lojtarin si një profil të përshtatshëm për repartin ofensiv. Negociatat pritet të intensifikohen deri në mbylljen e afatit kalimtar të janarit./mxh
Partia Socialiste kërkon mbledhjen e Kuvendit ditën e enjte për miratimin e projektvendimit për shqyrtimin me procedurë të përshpejtuar të projektligjit “Për ratifikimin e marrëveshjes së pranimit të Republikës së Shqipërisë, përfaqësuar nga Kryeministri Edi Rama, në Kartën e Bordit të Paqes”.
Në shkresën drejtuar Kuvendit, grupi parlamentar i PS thotë se bazuar në Kushtetutën e Republikës së Shqipërisë dhe në Rregulloren e Kuvendit, duke
vlerësuar rëndësinë e projektligjit “Për ratifikimin e marrëveshjes së pranimit të Republikës së Shqipërisë, përfaqësuar nga Kryeministri Edi Rama, në Kartën e Bordit të Paqes”, në funksion të angazhimit të vazhdueshëm të Republikës së Shqipërisë për promovimin e paqes, stabilitetit
dhe bashkëpunimit ndërkombëtar si dhe duke marrë në konsideratë rëndësinë strategjike të Thirrjen e Kuvendit të Shqipërisë në Seancë Plenare, më datë 22 Janar 2026, ora 10:00.
Rendi i ditës i seancës plenare të jetë si vijon;
Miratimi i projektvendimit për miratimin me procedurë të përshpejtuar të projektligjit “Për ratifikimin e marrëveshjes së pranimit të Republikës së Shqipërisë, përfaqësuar nga Kryeministri Edi Rama, në Kartën e Bordit të
Shqyrtimi dhe miratimi i projektligjit “Për ratifikimin e marrëveshjes së pranimit të Republikës së Shqipërisë, përfaqësuar nga Kryeministri Edi Rama, në Kartën e Bordit të Paqes”.
Komisioni përgjegjës për shqyrtimin e projektligjit të jetë Komisioni për Europën dhe Punët e Jashtme, mbledhja e të cilit të zhvillohet më datë 22 janar 2026, ora 11:00./mxh
Heqja e tatuazheve po shndërrohet në një fenomen të vërtetë shoqëror: nga Ema Stockholma te Stefano De Martino në Itali, pse po zgjidhet gjithnjë e më shpesh “lëkura e pastër”.
Nuk është më vetëm një çështje estetike. Për vite me radhë, tatuazhi ka qenë simbol i lirisë, rebelimit dhe individualitetit. Sot, megjithatë, duket se prirja po përmbyset. Gjithnjë e më shumë njerëz, përfshirë edhe VIP-a, vendosin të fshijnë vizatime dhe shkrime nga lëkura, duke iu nënshtruar seancave të gjata dhe shpesh të dhimbshme me lazer. Një zgjedhje që nuk lidhet vetëm me pamjen e jashtme, por edhe me evolucionin personal dhe raportin me imazhin e vet. Mes figurave të njohura që kanë vendosur ta tregojnë hapur këtë rrugëtim është Ema Stockholma: “Shijet ndryshojnë, dua ta shoh veten të pastër”.
Dëshmia në rrjetet sociale
Prezantuesja radiofonike, e cila për vite me radhë i kishte tatuazhet si një tipar dallues, ndau në rrjetet sociale një video nga seanca e saj me lazer, duke paralajmëruar ndjekësit me ironi: “Video me përmbajtje të lartë sharjesh”. Pamjet tregojnë dhimbjen e trajtimit, por edhe vendosmërinë e dikujt që ka zgjedhur të ndryshojë. Ema shpjegoi me shumë sinqeritet arsyet e vendimit të saj. Tatuazhet sot nuk e përfaqësojnë më dhe ajo e krahasoi këtë zgjedhje me ato që lidhen me marrëdhëniet apo stilin e veshjes. Në moshën 42-vjeçare, dëshira është të rishohë veten “të pastër”, më në përputhje me personin që ndjen se është sot. Jo një mohim i së kaluarës, por një hap i natyrshëm i rritjes personale.
Dhimbja dhe kufijtë e heqjes së tatuazheve
Prezantuesja nuk i fsheh vështirësitë e këtij procesi: lazeri, tregon ajo, dhemb shumë më tepër se bërja e tatuazhit, edhe pse dhimbja është e përkohshme. Jo të gjitha ngjyrat hiqen me të njëjtën lehtësi dhe është thelbësore t’u drejtohesh profesionistëve me përvojë për të shmangur shenjat apo plagët. Është një proces i gjatë, i kushtueshëm dhe jo gjithmonë plotësisht përfundimtar, që kërkon bindje të fortë.
Nga Belén te Stefano De Martino
Ema Stockholma nuk është një rast i izoluar. Edhe Belén Rodríguez ka hequr ose zbehur gradualisht disa tatuazhe, duke zgjedhur një imazh më thelbësor dhe më pak të shënuar. Po ashtu, Stefano De Martino, ndër vite, ka fshirë disa simbole të lidhura me të kaluarën, përfshirë tatuazhe që tregonin etapa tashmë të kapërcyera të jetës së tij private.
Pse gjithnjë e më shumë njerëz po i heqin
Pas këtij fenomeni fshihet një ndryshim kulturor. Tatuazhet nuk janë më aq transgresive sa dikur dhe, për shumëkënd, ato bëhen shenja të një identiteti që nuk përputhet më me të tashmen. Në një epokë ku imazhi është vazhdimisht i ekspozuar dhe i gjykuar, po rritet dëshira për thjeshtësi, neutralitet dhe kontroll mbi mënyrën se si përfaqësohemi. Siç ka theksuar edhe Ema Stockholma, gjykimi i jashtëm është i pashmangshëm: më parë e kritikonin për tatuazhet, sot për faktin që po i heq. Por mesazhi që del është i qartë: nuk mund t’u pëlqesh të gjithëve. Qoftë të zgjedhësh të bësh tatuazhe apo t’i fshish ato, prirja e vërtetë duket se është vetëm një: të dëgjosh veten dhe të pranosh ndryshimin./mxh
Një kirurg i njohur ka dhënë mendimin e tij pasi Emmanuel Macron u shfaq në skenë në Forumin Ekonomik Botëror në Davos me një sy të enjtur dhe jashtëzakonisht të skuqur. Kryeministri francez, i cili është parë gjithashtu duke mbajtur syze dielli me xhama pasqyrë të stilit aviator gjatë takimeve me liderë të tjerë botërorë, ka pranuar më parë se vuan nga një problem me syrin që sipas tij, është “plotësisht i padëmshëm”.
Duke folur në një fjalim së fundi, Macron tha: “Ju lutem, më falni pamjen e pakëndshme të syrit tim. Natyrisht, është diçka krejtësisht e padëmshme.” Zyrtarët francezë konfirmuan se 48-vjeçarit i kishte plasur një enë gjaku në sy. Duke folur për Daily Mail, Mfazo Hove, okulist konsulent dhe themelues i Blue Fin Vision në Harley Street, konfirmoi se, nga fotot, duket se Macron ka atë që njihet si hemorragji subkonjuktivale. Ai shpjegoi se kjo gjendje ndodh kur një enë shumë e vogël gjaku çahet në sipërfaqen e syrit. Gjaku përhapet nën membranën e tejdukshme (konjuktivën), e cila ndodhet mbi pjesën e bardhë të syrit. Kjo mund të shkaktohet nga një dëmtim, si p.sh. një shuplakë ose goditje në fytyrë, ose mund të ndodhë thjesht spontanisht. Hove shtoi: “Duket dramatike sepse është gjak i kuq i ndezur mbi një sfond të bardhë shumë të theksuar, por nga ana mjekësore zakonisht është shumë e lehtë.”
Në maj të vitit të kaluar, zyrtarët francezë konfirmuan se bashkëshortja e Macron, Brigitte, e kishte goditur atë gjatë një grindjeje, pasi u publikuan pamje që tregonin Zonjën e Parë dukej se ia shtynte fytyrën ndërsa avioni i tyre po ulej në Vietnam./mxh
Të paktën 13 persona u lënduan dhe një shtëpi banimi u dëmtua gjatë një sulmi me dron që ndodhi gjatë natës në Republikën Adygea, në jug të Rusisë, njoftoi të mërkurën, më 21 janar, kreu i rajonit, Murat Kumpilov.
Ai tha se banorët e ndërtesës u evakuuan dhe u vendosën strehime të përkohshme për të siguruar sigurinë e tyre.
Pamjet video të filmuara pranë shtëpisë së dëmtuar treguan flakë që dilnin nga ndërtesa dhe disa automjete të parkuara pranë saj. Reuters konfirmoi vendndodhjen e videos përmes rrjetit të rrugëve, llambave dhe ndërtesave që përputheshin me pamjet arkivore dhe vizuale të tjera.
Megjithatë, agjencia nuk ishte në gjendje të verifikonte datën e saktë të filmimit, por Kumpilov raportoi për sulmin për herë të parë të martën vonë në kanalin e tij në Telegram.
Autoritetet lokale po hetojnë rrethanat e sulmit dhe po përpiqen të vlerësojnë dëmet e tjera të mundshme./mxh
Ligjvënësit europianë kanë vendosur të ngrijnë marrëveshjen tregtare BE–SHBA të arritur verën e kaluar, duke shtuar tensionet në marrëdhëniet transatlantike. Burime për Euronews bëjnë me dije se vendimi u mor të mërkurën, pas kërcënimeve të presidentit amerikan Donald Trump për tarifa të reja ndaj disa vendeve europiane, nëse ato nuk pranojnë kërkesën e tij që Shtetet e Bashkuara të marrin kontrollin e Groenlandës.
Marrëveshja tregtare ishte arritur pas javësh tensionesh të shkaktuara nga politikat agresive tarifore të Trump pas rikthimit të tij në pushtet. Megjithëse u arrit një marrëveshje politike gjatë verës, ajo ende nuk ishte zbatuar zyrtarisht, pasi kërkonte miratimin përfundimtar nga Parlamenti Europian.
Deputetët kryesorë të Parlamentit Europian që merren me këtë dosje u takuan të mërkurën pasdite dhe vendosën të pezullojnë procesin, duke shtyrë zyrtarisht votimin që ishte planifikuar për javën e ardhshme në Komisionin për Tregtinë Ndërkombëtare.
Situata u përkeqësua pasi presidenti Trump deklaroi në rrjetet sociale se do të vendosë një tarifë 10% duke nisur nga shkurti ndaj Danimarkës, Suedisë, Norvegjisë, Francës, Gjermanisë, Holandës, Finlandës dhe Mbretërisë së Bashkuar. Sipas tij, tarifat do të mbeten në fuqi deri në arritjen e një marrëveshjeje për “blerjen e plotë dhe totale të Groenlandës”, ndërsa paralajmëroi se ato mund të rriten në 25% deri në qershor, nëse nuk ka marrëveshje.
Vendimi i Parlamentit Europian shihet si një sinjal i fortë politik dhe një përshkallëzim i mëtejshëm i përplasjes tregtare mes Bashkimit Europian dhe Shteteve të Bashkuara./mxh
Një vlerësim i ri mbi gjendjen e lumenjve në Ballkan gjeti se e ashtuquajtura “zemra blu” e Europës po tkurret me ritme të shpejta. Raporti më i fundit dokumenton se që nga viti 2012, rajoni, i cili ka përqindjen më të lartë të lumenjve të egër në Europë, ka humbur rreth 2,450 kilometra lumenj të virgjër, ndërkohë që e gjithë zona është nën presion.
Raporti “Statusi Hidromorfologjik i Lumenjve të Ballkanit 2025”, i hartuar nga Dr. Ulrich Schwarz (Fluvius, Vjenë) dhe i porositur nga organizatat EuroNatur dhe Riverwatch, ka analizuar 83,824 kilometra rrjedhë lumore në 11 shtete.
Rezultatet, sipas një njoftimi për media të dy organizatave që porositën studimin, janë një kambanë alarmi: përqindja e lumenjve pothuajse natyrorë ka rënë nga 30% në vitin 2012 në vetëm 23% në vitin 2025.
Studimi veçon Shqipërinë si një rast kontrovers të dekadës së fundit. Ndërsa ka humbjen më të madhe në sipërfaqe të lumenjve thuajse natyralë, vendi nga ana tjetër vendosi nën mbrojtje Vjosën.
Sipas studimit, zhvillimi masiv i hidrocentraleve, rregullimi i pakontrolluar i shtratit të lumenjve dhe ndërhyrjet në zonat e përmbytjeve e kanë tjetërsuar peizazhin lumor shqiptar me një shpejtësi të paprecedentë.
“Segmentet lumore pothuajse natyrore pësuan një rënie drastike nga 68% në vitin 2012 në vetëm 40% në vitin 2025 – një reduktim masiv prej 28%. Në shifra absolute, gjatësia e lumenjve pothuajse natyrorë ra nga 3,812 km në 2,668 km në vetëm shtatë vite (2018–2025)”, thuhet në studim për Shqipërinë.
Nga ana tjetër, Shqipëria ka ende një pjesë të mirë të lumenjve të pacenuar dhe përmendet si një rast suksesi sa i përket mbrojtjes së Vjosës.
“Ndërsa Shqipëria mbrojti me sukses Vjosën dhe disa degë të saj, më shumë pjesë të lumenjve u degraduan gjatë dekadës së kaluar se në çdo vend tjetër të Ballkanit. Këto gjetje duhet të shërbejnë si një thirrje zgjimi për qeverinë shqiptare që të mbrojë lumenjtë në shkallë kombëtare”, thotë Ulrich Eichelmann, CEO i Riverwatch.
Studimi vëren se hidrocentralet mbeten shkaktari kryesor i degradimit. Që nga viti 2012, gjatësia e lumenjve të bllokuar nga digat është rritur me 18%. Ndryshimet më të mëdha negative janë regjistruar në pellgjet e lumenjve Devoll dhe Drin në Shqipëri, si dhe në lumenjtë Drina, Neretva dhe Vardar në rajon.
Dr. Ulrich Schwarz, autori i studimit, thekson se ky trend bie ndesh me standardet europiane.
“Tendencat afatgjata tregojnë një rënie të qartë të pjesëve lumore thuajse natyrore… Kjo tregon një divergjencë në rritje midis praktikave aktuale të zhvillimit dhe standardeve mjedisore që kërkohen sipas kornizave të anëtarësimit në BE”, tha ai.
Pavarësisht panoramës së zymtë, raporti vlerëson se përpjekjet për ruajtjen e natyrës kanë shpëtuar rreth 900 km lumenj, kryesisht duke ndalur projekte hidrocentralesh. Në njoftim, organizatat thonë se shpallja e Parkut Kombëtar të Lumit Vjosa mbetet arritja më e madhe e rajonit, por kjo nuk mjafton për të balancuar shkatërrimin në zonat e tjera.
Autorët e raportit bëjnë thirrje për veprime urgjente dhe ndalimin e hidrocentraleve në Shqipëri dhe Bosnje-Hercegovinë.
Annette Spangenberg nga EuroNatur paralajmëroi se mbetet pak kohë për të reaguar.
“Ballkani ende mban disa nga lumenjtë e fundit të egër të Europës, por mbrojtja e tyre tani kërkon guxim politik. Të dhënat tregojnë qartë se çfarë po humbet dhe çfarë do të humbet nëse nuk veprojmë”, përfundoi ajo./mxh
Ligjvënësit e Parlamentit Evropian votuan për të sfiduar marrëveshjen e kontestuar të tregtisë së lirë midis Bashkimit Evropian dhe vendeve të Amerikës së Jugut në Gjykatën më të lartë të BE-së, një hap që mund të vonojë marrëveshjen deri në dy vjet dhe madje ta bllokojë atë.
BE-ja nënshkroi të shtunën marrëveshjen më të madhe tregtare në historinë e saj me anëtarët e Mercosur – Argjentinën, Brazilin, Paraguajin dhe Uruguajin. Megjithatë, marrëveshja kërkon miratimin përfundimtar përpara se të hyjë në fuqi.
Kritikët, të udhëhequr nga Franca – prodhuesi më i madh bujqësor i BE-së – thonë se marrëveshja do të rrisë ndjeshëm importet e mishit të lirë, sheqerit dhe shpendëve, duke dëmtuar fermerët vendas, të cilët kanë organizuar protesta të përsëritura.
Një grup prej 144 ligjvënësish dorëzoi një mocion parlamentar për të kërkuar nga Gjykata e Drejtësisë e BE-së të vendosë nëse marrëveshja mund të aplikohet para ratifikimit të plotë nga të gjitha shtetet anëtare dhe nëse dispozitat e saj kufizojnë aftësinë e BE-së për të vendosur politika mjedisore dhe të shëndetit të konsumatorit. Zakonisht gjykata kërkon rreth dy vjet për të dhënë një opinion të tillë.
Mocioni u miratua nga Parlamenti Evropian me 334 vota pro, 324 kundër dhe 11 abstenime.
Nëse çështja i referohet gjykatës, BE-ja mund ta zbatojë marrëveshjen në mënyrë provizore deri në vendimin përfundimtar dhe miratimin parlamentar. Megjithatë, kjo mund të jetë sfidë politike, për shkak të reagimeve të mundshme, dhe Parlamenti Evropian do të ruajë fuqinë për ta anuluar më vonë marrëveshjen.
Mbështetësit e marrëveshjes, përfshirë Gjermaninë dhe Spanjën, argumentojnë se marrëveshja është e nevojshme për të kompensuar humbjet nga tarifat amerikane të vendosura nga Presidenti Donald Trump dhe për të ulur varësinë nga Kina, duke siguruar qasje në minerale kritike. Ata gjithashtu paralajmërojnë se qeveritë e Mercosur po humbasin durimin pas viteve të negociatave me BE-në./mxh
Eksperti i integrimit, Gledis Gjepali analizoi sot situatën me linjëzimet gjeopolitike të lidhura me BE-në, pas hapave të njoftuar së fundmi nga SHBA-të për disa çështje.
Në një dalje televizive, Gjepali u shpreh se momentalisht, prioritet për BE-në është reagimi lidhur me këto zhvillime dhe ndërmarrja e hapave të ardhshëm, teksa nënvzoi se ka një rrezik real nga qëndrimi europian, për shkak të reagimit të vendeve anëtare.
Sa i përket ngjarjeve që përkojnë me njëvjetorin e presidencës Trump, eksperti tha se kjo ka sjellë një lloj pasigurie në të gjitha vendet e globit, për shkak të qëndrimeve dhe pozicioneve të ndryshme që janë mbajtur nga Trump.
“Është një moment i vështirë, në fakt, për shkak të kërkesave që Presidenti i Shteteve të Bashkuara të Amerikës ka bërë në lidhje me Groenlandën. Tashmë ka një diskutim brenda Bashkimit Europian se si do të jetë reagimi dhe cilët do të jenë hapat e ardhshëm. Ky është patjetër një prioritet më i rëndësishëm për Bashkimin Europian se çdo gjë tjetër. Gjithsesi, mendoj që procesi i zgjerimit nuk preket, të paktën në një periudhë afatshkurtër, sepse këto janë çështje që dalin herë pas here dhe patjetër duhet të ketë një reagim dhe një qëndrim të përbashkët të Bashkimit Europian për t’i adresuar ato. Ka një rrezik real, sepse kjo varet nga reagimi i vendeve anëtare.
Siç e dimë, ka një sërë vendesh anëtare të cilat kanë kundërshtuar një pjesë të iniciativave të Bashkimit Europian apo janë më të linjëzuara me Shtetet e Bashkuara të Amerikës për disa nga çështjet. Në këtë aspekt, është shumë e rëndësishme që të kemi një qëndrim të unifikuar nga të gjitha vendet anëtare. Nëse nuk do të kemi një qëndrim të tillë, atëherë rrezikon shumë vetë kjo strukturë europiane, sepse nuk do të arrijë t’u bëjë ballë sfidave, qoftë edhe vendosjes së tarifave, ku përgjigjja duhet të jetë nga të gjitha vendet. Është e pamundur që një vend të marrë masa në mënyrë bilaterale, sepse tashmë kemi një treg të përbashkët europian. Një vend e ka të pamundur të veprojë i vetëm, do të duhet dakordësia e të gjitha vendeve. Nëse nuk arrihet një dakordësi e tillë, atëherë humbet edhe nevoja e ekzistencës së Bashkimit Europian.
Në të vërtetë, kjo ka sjellë një lloj pasigurie në të gjitha vendet e globit, për shkak të qëndrimeve dhe pozicioneve të ndryshme që janë mbajtur gjatë vitit të parë të presidencës Trump. Gjithashtu, për shkak të situatave të veçanta në zonat me konflikte ku ka pasur ndërhyrje amerikane, apo në ato zona ku më parë Shtetet e Bashkuara garantonin stabilitetin, tani kjo nuk garantohet më. Pra, nuk dihet se çfarë qëndrimi mund të mbajnë Shtetet e Bashkuara apo Presidenti Trump, dhe kjo krijon një klimë pasigurie qoftë në krijimin e aleancave, qoftë në pozicionimin e vendeve kundrejt organizatave shumëpalëshe, siç është OKB-ja në radhë të parë, por edhe organizata të tjera që tashmë janë zbehur e kanë humbur rëndësinë e tyre”,-tha Gjepali./mxh
Presidenti i SHBA-ve, Donald Trump në konferencën e tij në Shtëpinë e Bardhë ka folur dhe për NATO-n.
Trump tha se SHBA shpenzon shuma të jashtëzakonshme për NATO-n dhe do të vijojë t’i ndihmojë.
Presidenti amerikan u shpreh më tej se nuk e di nëse NATO do të ndihmojë apo jo SHBA-në.
“Mendoj se në shumicën e rasteve do t’jua thonë këtë. Mendoj se mund ta pyesni sekretarin e përgjithshëm të NATO-s për këtë. Ne shpenzojmë shuma të jashtëzakonshme parash për NATO-n dhe e di që do t’i ndihmojmë, por vë në dyshim nëse ata do të vijnë tek ne apo jo”, tha Trump./mxh
Këshilli i Lartë Gjyqësor ka reaguar në lidhje me dënimin e gjyqtares Irena Gjoka dhe letrën dërguar nga PD pasditen e sotme.
Në reagimin e bërë, KLGJ njofton se nuk ka mbërritur asnjë dokument zyrtar në adresë të institucionit.
Më tej, KLGJ thotë se sapo të mbërrijë zyrtarisht shkresa e Prokurorisë së Përgjithshme që vërteton dënimin e gjyqtares së posaçme Irena Gjoka në shtetin grek do të ndërmerren të gjithë hapat e duhur ligjorë.
“Lidhur me njoftimin e sotëm të Prokurorisë së Përgjithshme lidhur me vendimin e miratimit të rezultateve të verifikimit të thelluar të deklarimeve të bëra në Formularin e Vetëdeklarimit datë 22.04.2016, për subjektin Irena Gjoka(Shpata, Maneku), gjyqtare në Gjykatën e Posaçme Kundër Korrupsionit dhe Krimit të Organizuar, ju bëj me dije se deri në orën 20:30 datë 20.01.2026 në adresë të KLGJ-se nuk ka mbërritur asnjë dokument zyrtar. Sapo shkresa e Prokurorisë së Përgjithshme të mbërrijë zyrtarisht, ajo do të administrohet nga Komisioni i Zhvillimit të Karrierës në KLGJ, dhe më pas do të ndiqet procedura përkatese ligjore. Ju faleminderit!”, thuhet në njoftim./mxh
Shkencëtarët e kanë lidhur djegien e lëndëve djegëse fosile me acidifikimin e vazhdueshëm të oqeanit.
Peshkaqenët janë grabitqarët më të frikshëm në det dhe mbijetesa e tyre varet nga dhëmbët e frikshëm që rigjenerohen gjatë gjithë jetës së tyre. Por ndryshimet në kiminë e oqeanit mund t’i vënë këto armë në rrezik.
Ky është përfundimi i një studimi të kryer nga një grup shkencëtarësh gjermanë që testuan efektet e një oqeani më acid në dhëmbët e peshkaqenëve. Shkencëtarët kanë lidhur aktivitetet njerëzore, duke përfshirë djegien e qymyrit, naftës dhe gazit, me acidifikimin e vazhdueshëm të oqeanit.
Ndërsa oqeanet bëhen gjithnjë e më acidikë, dhëmbët e peshkaqenëve mund të bëhen strukturisht më të dobët dhe më të prirur të thyhen, zbuluan shkencëtarët. Kjo mund të ndryshojë statusin e peshqve të mëdhenj në krye të zinxhirit ushqimor të oqeanit.
Oqeani nuk do të popullohet me peshkaqenë pa dhëmbë brenda natës, thotë autori kryesor i studimit, Maximilian Baum, një biolog detar në Universitetin Heinrich Heine në Düsseldorf. Por mundësia e dhëmbëve më të dobët është një rrezik i ri për peshkaqenët që tashmë përballen me ndotje, peshkim të tepërt, ndryshime klimatike dhe kërcënime të tjera./mxh
Deputeti i Partisë Demokratike, Belind Këlliçi ka bërë një postim në rrjetet sociale për protestën e 24 janarit.
Këlliçi shkruan se demokratët janë në këmbë.
Demokrati ka ndarë pamje nga takimi me kryesinë e degës 9 në Tiranë, ku deklaron se janë ndarë udhëzimet për ditët e mbetura përpara protestës.
Statusi i Këlliçit
Tirana zien, kudo flitet për 24 janarin, për të shtunën, për protestën.
Demokratët janë në këmbë. Takime të pandalshme me strukturat dhe qytetarët. Me kryesinë e degës 9, ndamë sonte udhëzimet për orët dhe ditët që kanë mbetur deri sa bulevardi të oshëtijë si asnjëherë tjetër kundër korrupsionit dhe krimit.
Manchester City pësoi një humbje 3-1 në transfertë ndaj Bodo/Glimt në kuadër të raundit të shtatë të Ligës së Kampionëve.
Skuadra norvegjeze shënoi dy herë brenda pjesës së parë me anë të Hogh, i cili realizoi në minutat 22 dhe 24.
Epërsia e vendasve u thellua në minutën e 58-të me golin e Hauge, përpara se Cherki të shënonte golin e vetëm për miqtë në minutën e 60-të.
Situata për ekipin e Pep Guardiolës u rëndua dy minuta më vonë, kur Rodri u ndëshkua me karton të kuq. Pavarësisht humbjes, Manchester City mbetet në vendin e katërt të klasifikimit me 13 pikë, ndërsa Bodo/Glimt ngjitet në kuotën e 6 pikëve.
Në ndeshjet e tjera të këtij raundi, Club Brugge fitoi 1-4 ndaj Kairat Almaty në transfertë. Ky rezultat zyrtarizoi eliminimin e parë nga kompeticioni për këtë sezon, atë të skuadrës kazake./mxh
Ka një aksesor mode që çdo fashioniste duhet ta ketë në çantë gjatë gjithë vitit: syzet e diellit. Edhe në dimër, kur duket se dielli nuk është aq i fortë, këto syze janë të domosdoshme për t’i dhënë stil pamjes suaj dhe për t’ju mbrojtur nga reflektimet e forta të dritës.
Shpesh ndodh që kur dalim nga shtëpia mendoni se nëse keni xhaketën, shallin dhe kafen në dorë, jeni gati, por sapo të ndriçojë dielli, kuptoni që keni harruar syzet e diellit, që mund ta prishin momentalisht ditën tuaj.
Zakonisht, syzet e diellit janë pjesë e stilit të përditshëm edhe për shumë personazhe të famshme dhe ‘fashion girls’, të cilat i përdorin edhe me fustane apo me veshje dimri për të dhënë një pamje elegant dhe moderne.
Ato mund të jenë minimaliste, klasike ose inspiruar nga trendet e viteve ’90-të dhe këto i bëjnë syzet e diellit një aksesor themelor që duhet ta keni gjithmonë gati në çantë, pavarësisht stinës./mxh
Ligjvënësit e BE-së kanë rënë dakord të ngrijë ratifikimin e marrëveshjes kyçe tregtare me Shtetet e Bashkuara të Amerikës, pas kërcënimeve të presidentit amerikan, Donald Trump për vendosjen e tarifave, për shkak të mosmarrëveshjes për Groenlandën, thanë sot grupet kryesore politike, sipas “Le Monde”.
Paralajmërimi Parlamentit Evropian vjen ndërsa blloku 27-vendesh po peshon se sa fort do të kundërpërgjigjet nëse Trump vazhdon të veprojë kundër aleatëve të hershëm të Uashingtonit.
Parlamenti po planifikonte një votim në javët e ardhshme për heqjen e tarifave mbi mallrat industriale amerikane si pjesë e marrëveshjes.
Duke vonuar ratifikimin, blloku dërgon një mesazh të fortë pakënaqësie në Shtëpinë e Bardhë që ligjvënësit e BE-së argumentuan se do të shqetësonte bizneset amerikane.
Trump ka kërcënuar të godasë gjashtë vende të BE-së – përfshirë fuqitë e mëdha Francën dhe Gjermaninë – me tarifa për mospajtim me kërkesën e tij për të marrë kontrollin e Groenlandës.
Udhëheqësit e BE-së do të zhvillojnë nesër në mbrëmje një samit urgjent në Bruksel – lidhur me kërcënimet e SHBA-së kundër territorit autonom të Danimarkës, Groenlandës.
Blloku po shqyrton përgjigje të ndryshme nëse Trump nuk tërhiqet, duke përfshirë pezullimin e marrëveshjes tregtare të vitit të kaluar dhe goditjen e SHBA-së me tarifa prej 93 miliardë eurosh.
Paketa e tarifave hakmarrëse u ra dakord në kulmin e bllokimit tregtar BE-SHBA vitin e kaluar, por përfundimisht u pezullua deri më 6 shkurt për të shmangur një luftë të plotë tregtare./mxh
Mbrëmjen e kësaj të marte rikthehet Liga e Kampioneve me raundin e shtatë të fazës së ligës.
Vëmendja kryesore do të jetë te supersfida mes Inter-it dhe Arsenal-it në Itali. Arsenal-i vjen me gjashtë fitore në gjashtë ndeshje dhe është shumë pranë kualifikimit, ndërsa Inter-i mban vendin e gjashtë me 12 pikë.
Në Londër, Tottenham pret Borussia Dortmund në një duel të rëndësishëm për renditjen. Real Madrid luan në shtëpi ndaj Monaco-s me synimin për t’u rikthyer te fitorja.
Napoli përballet në transfertë me Copenhagen, ndërsa PSG luan jashtë fushe ndaj Sporting Lisbona.
Egnatia ka arritur të ruajë edhe këtë javë vendin e parë në renditje, pavarësisht se ndaj rivalëve direktë, Vllaznisë dhe Elbasanit, ka marrë vetëm një pikë.
Ky është një skenar i përsëritur gjatë këtij sezoni, ku rezultatet në përballjet direkte mungojnë.
Megjithatë, kampionët në fuqi vazhdojnë të kompensojnë pikët e humbura me fitore ndaj skuadrave të tjera të kampionatit.
Edhe këtë fazë, Egnatia e ka nisur me vetëm një pikë në dy ndeshjet e para. Ky bilanc tashmë nuk shihet më si rastësi, por si një prirje e qartë.
Vështirësitë ndaj rivalëve kryesorë mbeten të evidentuara. Kryesimi në renditje ka zbutur kritikat, por problematikat vazhdojnë të jenë të pranishme./mxh
Mandati i dytë dhe aktual Donald Trump si president i Shteteve të Bashkuara të Amerikës filloi me inaugurimin e tij si presidenti i 47-të më 20 janar 2025, kohë kur përfundoi edhe shërbimi në këtë detyrë i ish-presidentit Joe Biden, me të cilin u zhvilluan disa përplasje të mëdha.
Trump, si përfaqësues i Partisë Republikane, ka shërbyer më parë si presidenti i 45-të i SHBA-ve, nga viti 2017 deri në vitin 2021 dhe humbi rizgjedhjen ndaj kandidatit demokrat Joe Biden në zgjedhjet presidenciale të vitit 2020.
Trump rimori detyrën pasi mundi kandidaten Kamala Harris në zgjedhjet presidenciale të vitit 2024, duke u bërë kështu ish-presidenti i dytë i SHBA-së që rikthehet në detyrë.
Qindra urdhra ekzekutivë dhe “ringjallja” e politës për imigracionin
Në muajt e parë të presidencës së tij të dytë, Trump nënshkroi mbi 200 urdhra ekzekutivë, shumë prej të cilëve janë kundërshtuar ose po kundërshtohen në gjykatë. Përpjekjet e tij për të zgjeruar pushtetin presidencial dhe konfliktin me gjykatat janë përshkruar si një karakteristikë përcaktuese e presidencës së tij të dytë.
Administrata Trump ka ndërmarrë veprime kundër firmave ligjore për sfidimin e politikave të saj. Për imigracionin, Trump nënshkroi Aktin Laken Riley në ligj, ringjalli ligje të shumta për imigracionin nga presidenca e tij e parë, u përpoq të kufizonte shtetësinë e lindur dhe nisi procedurat për deportime masive, duke përfshirë bastisje në të gjithë vendin nga Imigracioni dhe Zbatimi i Doganave.
Trump themeloi Departamentin e Efikasitetit të Qeverisë (DOGE), me Elon Musk që e mbikëqyri atë për një kohë të shkurtër. DOGE u ngarkua me uljen e shpenzimeve federale dhe kufizimin e burokracisë, dhe mbikëqyri pushimet masive nga puna të nëpunësve civilë së bashku me përpjekjet për të shpërbërë agjencitë qeveritare si Agjencia për Zhvillim Ndërkombëtar.
Trump dhe lëvizjet tarifore
Trump ka mbikëqyrur një sërë rritjesh dhe pauzash tarifash, të cilat kanë çuar në tarifa hakmarrëse nga vendet e tjera. Këto lëvizje tarifore, veçanërisht tarifat e “Ditës së Çlirimit”, shkaktuan një rënie të shkurtër të tregut të aksioneve dhe paqëndrueshmëri të mëvonshme të tregut.
Lufta Ukrainë-Rusi dhe Izrael-Gaza
Në çështjet ndërkombëtare, Trump ka forcuar më tej marrëdhëniet e SHBA-së me Izraelin. Administrata e tij rriti mbështetjen për Izraelin në luftën e Gazës dhe ndihmoi Izraelin në luftën Iran-Izrael të qershorit 2025 dhe kreu sulme në lokacionet bërthamore iraniane. Në fillim të tetorit, u nënshkrua plani i Trump për një marrëveshje armëpushimi dhe pengmarrjeje në Gaza midis Izraelit dhe Hamasit.
Mes luftës ruso-ukrainase që filloi në vitin 2022, administrata Trump ndërmori përpjekje të shumta për negociata paqeje të përshkruara si favorizim i Rusisë mbi Ukrainën. Ashtu si në presidencën e tij të parë, Trump nisi tërheqjen e SHBA-së nga Organizata Botërore e Shëndetësisë, Marrëveshjet e Klimës së Parisit dhe UNESCO.
“Ta bëjmë Amerikën përsëri të madhe”
Ndërsa mandati i dytë i presidentit Donald Trump i afrohet përvjetorit të parë, vizioni i administratës është vënë në fokus më të mprehtë, si në frontin e politikës së brendshme ashtu edhe në atë të jashtme.
Në sferën e punëve të jashtme, mbizotëron ndjekja e pamëshirshme e interesave amerikane, ku kombet e tjera konsiderohen thjesht si instrumente, dhe madje edhe aleatët i nënshtrohen presionit të pakursyer përmes tarifave dhe masave të tjera shtrënguese
Kjo qasje që shpaloset para syve tanë tregon edhe të ardhmen e aleancave amerikane dhe vetë rendit ndërkombëtar.
Në moshën 79-vjeçare, Trump është personi më i vjetër që bëhet president i SHBA-së. Pas fitoreve të tij elektorale në vitet 2016 dhe 2024, ai nuk është kushtetuesisht i kualifikuar për të kërkuar mandate të mëtejshme për shkak të Amendamentit të Njëzet e Dytë të Kushtetutës së SHBA-së, megjithëse shumë nga bashkëpunëtorët e tij kanë diskutuar mundësinë e kandidimit të tij për një mandat të tretë./mxh
Login
