Luftëtarët e fundit kurdë janë tërhequr nga qyteti sirian i Aleppos, pas njoftimit të një marrëveshjeje armëpushimi në orët e para të mëngjesit të së dielës.
Mazloum Abdi, udhëheqësi i Forcave Demokratike Siriane (SDF) të udhëhequra nga kurdët, tha se një marrëveshje ishte arritur nëpërmjet ndërmjetësimit ndërkombëtar, duke siguruar evakuimin e sigurt të “martirëve, të plagosurve, civilëve të bllokuar dhe luftëtarëve” nga qyteti.
Autobusë që transportonin anëtarët e fundit të SDF të udhëhequra nga kurdët u panë duke u larguar nga lagjja me shumicë kurde Sheikh Maqsoud, sipas raporteve të mediave lokale, shkruan BBC, përcjell Telegrafi.
Përleshjet e fundit në Aleppo filluan më herët këtë javë, pasi negociatat për integrimin e kurdëve në qeverinë e re të Sirisë arritën në një bllokim./mxh
Aeroporti kryesor i Oslos mbylli një nga pistat e tij sot pasi një dron u pa duke fluturuar në zonën e aeroportit, tha policia norvegjeze në një deklaratë.
Sipas autoriteteve, prania e dronit u konstatua nga sistemet e sigurisë dhe u raportua menjëherë te policia dhe administrata e aeroportit, çka detyroi mbylljen e përkohshme të njërës pistë si masë parandaluese.
Ekipet e sigurisë u vendosën në terren për të identifikuar dhe neutralizuar pajisjen, ndërsa u bë thirrje për shtimin e vigjilencës në të gjithë zonën./mxh
Sekretari i Përgjithshëm i Partisë së Lirisë, Tedi Blushi, ka zhvilluar të martën një denoncim publik nga zona e Xhafzotajt në Durrës, ku sipas tij duhet të ishte ndërtuar “Durana Tech Park”, një park teknologjik i prezantuar nga qeveria si qendër inovacioni dhe ekselence për bizneset e teknologjisë dhe start-up-et.
Blushi deklaroi se në terren nuk ekziston asnjë ndërtim dhe se zona është aktualisht një livadh, në kundërshtim me projektin 3D të prezantuar nga kryeministri Edi Rama në prill të vitit të kaluar. Sipas tij, qeveria kishte njoftuar asokohe se parku ishte funksional dhe se rezidentët e parë kishin marrë edhe certifikatat përkatëse./mxh
Gara për golashënuesin më të mirë të sezonit në Superiore vijon të jetë mjaft interesante edhe në këtë edicion. Ashtu si në dy sezonet e fundit, në krye të listës qëndron sulmuesi i Vllaznisë, Bekim Balaj.
Me 10 gola të realizuar deri në këtë moment, Balaj udhëheq renditjen e golashënuesve, duke lënë pas Dejvi Bregun dhe Blaise Tsague, të cilët kanë shënuar nga 7 gola secili.
Nga skuadra e Egnatias, që kryeson renditjen e kampionatit, golashënuesi më i mirë është Alessandro Albanese me 6 gola, po aq sa edhe Ibrahim Mustapha i Bylisit.
Superiorja rikthehet më 14 janar me ndeshjet e javës së 19-të. Deri tani janë shënuar në total 188 gola, me një mesatare prej 2.08 gola për ndeshje.
Mbetet për t’u parë se si do të vijojë gara për kreun e golashënuesve, ndërsa java e 19-të sjell menjëherë një përballje të fortë, Vllaznia kundër Egnatias në stadiumin “Loro Boriçi”./mxh
Europa po përjeton një valë të fortë acari, e cila, edhe pse nuk arrin temperaturat ekstremisht të ulëta të regjistruara dje në Salla Naruska të Laplandës finlandeze (-42,3°C), ka sjellë të ftohtë të rëndë edhe në Itali: -23,1°C në Rrafshnaltën e Asiagos dhe -9,3°C në Prato.
Corriere della Sera shkruan se kjo valë acari ka prekur kryesisht zonat verilindore të kontinentit, duke u shtrirë gjithashtu në Italinë veriore, ndërsa në Siçili majat më të larta të Madonies janë mbuluar nga bora.
Sipas meteorologëve, temperaturat aktuale janë rreth 15 gradë nën mesataren sezonale, ndërsa kulmi i të ftohtit pritet gjatë natës mes së dielës dhe së hënës. Parashikimet flasin për temperatura minimale “arktike” në shumë zona alpine dhe veriore të Italisë, me vlera që në disa raste zbresin deri në -25°C.
Një i ftohtë i acartë po shënohet edhe në Rrafshin e Padanës, si dhe në pjesë të Toskanës, Umbrias dhe Apenineve qendrore, ku termometri ka zbritur disa gradë nën zero. Moti i ftohtë shtrihet deri në Kalabri, ku janë regjistruar temperatura negative.
Meteorologët e cilësojnë këtë situatë si një ngjarje shumë të rrallë për shekullin XXI, duke theksuar kontrastin e fortë me muajin dhjetor, i cili në disa qytete, si Milano, rezultoi më i ngrohti i regjistruar ndonjëherë.
“Acari i fortë i së enjtes mund të klasifikohet si një ‘ngjarje jashtëzakonisht e rrallë e të ftohtit në shekullin XXI’”, thekson Lorenzo Tedici, meteorolog i iLMeteo.it.
Për shkak të kushteve të motit, Mbrojtja Civile italiane ka shpallur alarm të verdhë në pesë rajone: Umbria, Abruzzo, Lazio, Calabria dhe Campania bregdetare. Autoritetet paralajmërojnë një fundjavë dhe fillim jave tipikisht dimëror, me temperatura shumë të ulëta, megjithëse faza e acarit pritet të zgjasë vetëm edhe për disa ditë.
Nga mesi i javës së ardhshme, situata meteorologjike pritet të ndryshojë, pasi një sistem i gjerë atlantik do të sjellë reshje shiu dhe dëbore, si dhe një rritje të lehtë të temperaturave, veçanërisht gjatë ditës. Reshje të dendura shiu dhe dëborë të bollshme priten në Alpe, madje edhe në kuota relativisht të ulëta.
Ndërkohë, moti i keq ka goditur rëndë edhe Europën Perëndimore, ku stuhitë e forta kanë sjellë erëra me shpejtësi mbi 200 km/h, ndërprerje të energjisë elektrike dhe anulime të shumta fluturimesh. Në disa vende janë regjistruar temperatura rekord të ulëta dhe reshje të mëdha bore.
Sipas të dhënave satelitore europiane, rreth 80% e kontinentit është aktualisht i mbuluar nga bora, shifër kjo më e larta e shënuar që nga viti 2010, duke konfirmuar përmasat e jashtëzakonshme të kësaj vale acari në Europë./mxh
Departamenti Amerikan i Shtetit u ka bërë thirrje qytetarëve amerikanë në Venezuelë që të largohen nga vendi “menjëherë”.
“Situata e sigurisë mbetet e paqëndrueshme”, tha departamenti, një javë pas kapjes së udhëheqësit venezuelian Nicolas Maduro, shkruan ANSA.
“Tani që fluturimet ndërkombëtare kanë rifilluar, qytetarët amerikanë duhet të largohen menjëherë nga vendi”, thuhet në njoftim, duke paralajmëruar kundër milicive të armatosura të quajtura “colectivos” të cilat kontrollojnë makina për amerikanë ose prova mbështetjeje për SHBA-në./mxh
Ish-truproja i Fatos Nanos, Tori Agolli ka reaguar përmes një postimi në rrjetet sociale lidhur me intervistën e fundit të ish-zëvendëskryeministrit, Arben Ahmetaj.
Agolli shprehet se Ahmetaj shumë nga detyrat e tij si ministër apo zëvendëskryeministër i ka marrë pa meritë. Ndërkohë më tej thotë se ndërsa dëshmon për “hajdutët e qeverisë”, Ahmetaj duhet të mos harrojë se është po aq hajdut sa ata për të cilën fliste në intervistë.
Reagimi i plotë:
Arben Ahmetaj: dy fjale kam per ty,te njoha në vitet e shkuara,kur miku jon I perbashket që nuk jeton me tropojani i mire dhe patriot Sami Dega me prezantoj me ty..
Ishin vitet 1992 plot nejgarje dhe protesta..ti burrac ishe “aktiv” me PD..por ajo parti nuhati livizjet e tua prej mashtrusi dhe te flaku,ti duke qen pelivan cirku gjete parti te re PS..Aty arrite kulmin pa merit,ketu faji I PS,u bere fillimish zv.minister financash,ja fute Ben Malajt me intriga u bere Minister financash te gjitha keto ofiqe ne kohen e qeveris Nano..2005 iku qeveria Nano..ti si pelivan miku I ngusht I Rames..cfare su bere ministres,zv kryeminister,ministrer I tremetit dhe ne fund..te gjith ishin hajdut ti me duar të pastra ike ja mbathe,pse sepse ti Ben Ahmetaj me origjin Permeti,dhe lindur ne Gjirokaster..I ke pasur te gjitha veset: manjak perves, bixhosci..une zotri jam dikushi..a mundet te me thuash sa euro le ne Bukuresht ne Tetor 2003..po ne gjith kazinot ku ke pasur takim pune me homologation jashte vendit sa leke le te taksapagusve shqiptar!
Tani thirrja ime si qytetar eshte leri intervistat ku do qe ti I jep,aq me pak ke comunisti Peka,drejtesia te pret hajde deshmo per hajdutet e qeveris, por mos harro je bashke hajdut ose me keq, ashtu si te titullova me siper mashtrus,manjak dhe perves..
Tor Agolli 10.01.2026.
Ha se desh harrova ngelesh hajduti me i madh mbas Ahmet Zogut per vjedhet dhe ikjen jashte vendit..si hajdut dhe mashtrus./mxh
Presidenti amerikan, Donald Trump, i bëri thirrje Kubës “që të arrijë një marrëveshje” ose në të kundërtën do të përballet me pasoja – të cilat nuk i specifikoi – duke paralajmëruar se dërgesat me naftë venezuelase dhe paratë për në Havana do të ndalen.
“NUK DO TË KETË MË NAFTË OSE PARA QË DO TË SHKOJNË NË KUBË – ZERO”, shkroi Trump në Truth Social. “Ju sugjeroj që të arrini një marrëveshje PARA SE TË JETË SHUMË VONË”.
Kjo deklaratë vjen një javë pasi forcat amerikane kapën liderin e rrëzuar venezuelas, Nikolas Maduro, në një operacion të kryer në Karakas, që la të vrarë dhjetëra pjesëtarë venezuelas dhe kubanë të sigurisë.
Më herët gjatë 11 janarit, Trump shpërndau një mesazh që sugjeronte se sekretari amerikan i Shtetit, Marco Rubio, mund të bëhej president i Kubës, që aktualisht është nën sundim komunist.
Ndërkaq në një postim të mëvonshëm, Trump tha se “Kuba ka jetuar për shumë vjet nga sasi të mëdha të NAFTËS dhe PARAVE nga Venezuela. Në këmbim, Kuba ka ofruar shërbime të sigurisë për dy diktatorët e fundit të Venezuelës, POR JO MË!”.
“Shumica e atyre kubanëve janë të VDEKUR nga sulmi i SHBA-së i javës së kaluar dhe Venezuela nuk ka më nevojë për mbrojtje nga banditët dhe zhvatësit që i kanë mbajtur peng për kaq shumë vite”.
Nën embargon tregtare të SHBA-së, Havana që nga viti 2000 është mbështetur gjithnjë e më shumë në naftën venezuelase, të siguruar në kuadër të një marrëveshjeje të arritur me paraardhësin e Maduros, Hugo Chavez.
Ditë më parë, Trump ka njoftuar se Venezuela do të eksportojë naftë të papërpunuar në vlerë deri në 2 miliardë dollarë në SHBA, pasi Karakasi dhe Uashingtoni arritën marrëveshje për këtë.
Kjo marrëveshje është shenjë e fuqishme se Qeveria e Venezuelës po i përgjigjet kërkesës së Trumpit për t’i hapur dyert për kompanitë amerikane të naftës, nëse nuk dëshiron të përballet me rrezikun e një ndërhyrjeje të mëtejshme ushtarake.
Trump ka deklaruar se dëshiron që presidentja e përkohshme e Venezuelës, Delcy Rodriguez, t’i japë SHBA-së dhe kompanive private “qasje të plotë” në industrinë e naftës së Venezuelës./mxh
Ekonomia e Kosovës në dekadën e fundit ka kaluar nëpër faza të ndryshme të zhvillimit: rritje, ulje, stagnim dhe kriza. Edhe pse të dhënat zyrtare të institucioneve të Kosovës tregojnë se ka rritje të disa indikatorëve ekonomikë, në terren vazhdojnë ankesat e qytetarëve për përkeqësim të standardit të jetesës.
Viti 2025 është mbyllur me rritje ekonomike prej 3.9 për qind dhe parashikimet e Bankës Qendrore të Kosovës janë që, këtë vit, kjo shifër të arrijë në 4.1 për qind.
Rritja sipas BQK-së do të mbështetet te konsumi privat, rimëkëmbja graduale e eksportit dhe zbutja e inflacionit.
Por, në vitet e fundit – sidomos pas pandemisë COVID-19 në vitin 2020 dhe nisjes të pushtimit në shkallë të plotë të Ukrainës nga Rusia më 2022 – shtrenjtimi i produkteve dhe shërbimeve esenciale ishin ndër temat më të përfolur në Kosovë.
Qytetarët shpesh janë ankuar se inflacioni ka ulur fuqinë e tyre blerëse, duke i detyruar shumë prej tyre të heqin dorë nga produkte dhe shërbime, pasi që pagat nuk mjaftojnë për të përballuar të gjitha shpenzimet e nevojshme.
Ndërkohë, zyrtarë të institucioneve të Kosovës kanë theksuar se inflacioni vjen për shkak të varësisë së vazhdueshme të shtetit nga importi i produkteve të huaja.
Me qëllim zbutjen e inflacionit, Qeveria e Kosovës ka rritur pagat në sektorin publik. Ndërkaq, sektorin privat ka tentuar ta ndihmojë me platformën “Superpuna”, e cila ka nisur në vitin 2023.
Përmes kësaj platforme, Qeveria subvencionon punëdhënësin duke paguar pagën e punëtorit për gjashtë muajt e parë, në vlerë të pagës minimale prej 350 eurosh. Punëdhënësi, pastaj, ka të drejtë ta shtojë vlerën e pagës për punëtorin e angazhuar.
Por, kjo rritje e pagave, sipas ekspertëve të ekonomisë, nuk është përkthyer në përmirësimin e standardit të jetesës se qytetarëve për shkak të inflacionit të lartë.
Në vitin 2025 numri i të punësuarve ka kaluar mbi 400 mijë, duke vazhduar kështu trendin e rritjes së numrit të punësuar me kontratë formale.
Ndërkaq, në mesin e personave të papunë ka më së shumti gra, të cilat mbajnë barrën më të madhe për kujdesin ndaj familjes dhe fëmijëve.
Numri i vogël i çerdheve, sidomos në zonat rurale, vlerësohet si një ndër faktorët që ka pamundësuar që gratë të futen në tregun e punës.
Një çështje nga e cila vuan ekonomia e Kosovës, sipas ekspertëve të fushës, është sasia e lartë e produkteve të importuara nga tregjet e huaja.
Me gjithë mbështetjen e prodhuesve kosovarë, ende nuk është arritur të ndryshohet deficiti tregtar për shkak të kapaciteteve të kufizuara prodhuese.
Vlera e importit tashmë ka arritur në gjashtë miliardë, derisa vlera e produkteve të Kosovës që kanë dalë në tregjet e jashtme është më pak se një miliard euro.
Investimet e huaja në Kosovë konsiderohen shtytës i zhvillimit ekonomik. Megjithëse, viteve të fundit ka rritje të investimeve të huaja direkte sipas shifrave zyrtare, por kjo gjithmonë ka nxitur diskutime se shumica vijnë nga diaspora që investon në patundshmëri.
Si pengesë për investitorët e huaj në Kosovë janë përmendur më parë procedurat e shumta burokratike, ndërkohë që në vitet e fundit është rritur vlera e investimeve nga Kosova jashtë vendit.
Paratë e diasporës dërguar familjarëve të tyre në Kosovë mbeten një ndër shtyllat kryesore të ekonomisë në vend.
Remitencat kanë një ndikim të drejtpërdrejtë në mirëqenien e qytetarëve, duke zvogëluar varfërinë dhe rritur konsumimin.
Por, jo gjithmonë është lavdëruar mënyra e shfrytëzimit të këtyre mjeteve, pasi që është kërkuar ndërrimi i fokusit. Sipas ekspertëve, investimi në projekte kapitale do të ndikonte në zhvillimin e përgjithshëm ekonomik.
Sfida kryesore mbetet përkthimi i rritjes ekonomike në mirëqenie reale, përmes rritjes së prodhimit vendor, pagave të qëndrueshme, uljes së varësisë nga importi dhe krijimit të një klime më të favorshme për investime afatgjata./mxh
Njerëzit në të paktën 180 qytete në të gjithë Iranin kanë dalë në rrugë ditët e fundit për të protestuar kundër regjimit aktual të vendit, sipas Agjencisë së Lajmeve të Aktivistëve të të Drejtave të Njeriut (HRANA) me seli në SHBA.
Edhe pse demonstratat fillimisht ishin “jashtëzakonisht të bukura dhe shpresëdhënëse” sipas një personi, autoritetet shtypën me dhunë ata që protestuan të premten në mbrëmje, thanë dëshmitarët okularë.
Ja çfarë i thanë disa protestues CNN-së për dhunën që kanë parë në Iran:
Një grua në të 60-at dhe një burrë 70-vjeçar përshkruan se kishin parë njerëz të të gjitha moshave në rrugët e kryeqytetit iranian të enjten dhe të premten.
Megjithatë, të premten në mbrëmje, forcat e sigurisë duke mbajtur pushkë ushtarake vranë “shumë njerëz”, thanë ata.
Një punonjëse sociale iraniane që mori pjesë në një protestë në Teheran të premten përshkroi se kishte parë autoritetet duke qëlluar ndaj protestuesve.
“Plumba, kush e di, gaz lotsjellës, çfarëdo që mund të mendoni, ata do t’i qëllonin”, tha ajo. “Dhe ishte shumë e tmerrshme”.
Ajo tregoi gjithashtu se pa një vajzë që u godit me një pajisje elektrike në qafë “derisa i ra të fikët”.
Ndërkohë, skenat brenda spitaleve janë përshkruar nga një numër dëshmitarësh si “kaotike”.
Një grua në Teheran përshkroi se pa “trupa të grumbulluar mbi njëri-tjetrin” në spital, ndërsa një mjek iranian në qytetin verilindor të Neyshabur tha se të plagosurit ishin “të tmerruar” se do të identifikoheshin si protestues kur të kërkonin trajtim.
E Mohammad Lesanpezeshki, një mjek nga Çikago i shkolluar në Teheran, i tha CNN-së se miqtë e tij që punojnë në spitalet iraniane janë të mbingarkuar.
Një mjek në një spital “po qante në telefon sepse nuk kanë furnizime me gjak”, tha ai./mxh
Rivali kryesor politik i presidentit turk Recep Tayyip Erdoğan ndodhet i burgosur në një burg të sigurisë së lartë pranë Stambollit, por kjo nuk e ka ndalur nga premtimi se do ta fitojë presidencën edhe nga qelia.
Ish-kryetari i zgjedhur demokratikisht i Bashkisë së Stambollit, Ekrem İmamoğlu, i arrestuar dhe i ndaluar në burgun famëkeq të Silivrit, ka dhënë përgjigje me shkrim për POLITICO, ku shfaqet sfidues dhe i bindur se mbetet kandidati legjitim që mund t’i japë fund dominimit 25-vjeçar të Erdoganit në politikën turke.
Arrestimi i tij në mars të vitit të kaluar shkaktoi protesta masive në mbarë vendin dhe dënime të forta ndërkombëtare. Opozita turke e sheh burgosjen e İmamoğlut si një manovër politike të Erdoganit për të eliminuar kundërshtarin e tij më të fortë laik në vendin anëtar të NATO-s me 88 milionë banorë.
55-vjeçari, i cili përballet me një dënim të mundshëm prej mbi 2.300 vitesh burg, i është përgjigjur pyetjeve përmes avokatëve dhe këshilltarëve të tij politikë. Deklaratat e rralla nga burgu tregojnë se İmamoğlu beson fuqishëm në mbështetjen popullore dhe është i vendosur të mbetet faktor politik edhe pas hekurave.
“Ajo që po përjetojmë sot nuk është një proces i vërtetë ligjor; është një strategji rrethimi politik,” shkruan ai.
“Qëllimi i presidentit Erdoğan nuk është vetëm të ndikojë zgjedhjet e ardhshme. Ai synon të fshijë kandidaturën time tani dhe në të ardhmen, duke më nxjerrë plotësisht nga politika. Arsyeja është e qartë: ata e dinë se në një garë të lirë dhe të ndershme, unë mund ta mposht Erdoganin.”
Goditja e gjerë ndaj İmamoğlut – dhe shumë kryebashkiakëve të tjerë të Partisë Republikane Popullore (CHP) – erdhi në një moment kur balanca politike në Turqi po zhvendosej ndjeshëm në favor të forcave laike.
Islamistët pësuan një humbje të rëndë në zgjedhjet lokale të vitit 2024, ndërsa autoritetet nisën procedime penale ndaj İmamoğlut pikërisht kur ai pritej të shpallej kandidat zyrtar i CHP-së për president. Pavarësisht ndalimit, mbi 15 milionë qytetarë morën pjesë në një proces simbolik brenda CHP-së duke e votuar atë si sfiduesin zyrtar – edhe pse ishte kandidati i vetëm.
İmamoğlu dhe bashkëpunëtorët e tij janë akuzuar për korrupsion, zhvatje, ryshfet, pastrim parash dhe madje edhe spiunazh. Sipas tij, përmasat e çështjes tregojnë dobësinë e saj.
mbi 1.300 kontrolle në Bashkinë e Stambollit pa prova konkrete,
një aktakuzë prej 3.900 faqesh, e bazuar kryesisht në thashetheme dhe dëshmitarë të diskutueshëm,
kërkesa për dënime që arrijnë deri në 2.352 vite burg,
dhe një proces gjyqësor që mund të zgjasë deri në 4.600 ditë.
Zgjedhjet e ardhshme priten në vitin 2028, por İmamoğlu shihet ende si kërcënim serioz për Erdoganin. Ai ka fituar tre herë zgjedhjet për kryetar bashkie në Stamboll, përfshirë zona tradicionale fetare që më parë konsideroheshin bastione të islamistëve. Vetë Erdoğan e nisi karrierën e tij kombëtare pikërisht nga posti i kryetarit të Bashkisë së Stambollit.
Edhe pse i ndaluar, İmamoğlu vazhdon fushatën përmes rrjeteve sociale si X, Instagram dhe TikTok, me ndihmën e ekipit të tij. Megjithatë, llogaria e tij kryesore në X, me rreth 10 milionë ndjekës, u bllokua në Turqi në muajin maj.
Ai pranon kufizimet, por këmbëngul se një fushatë politike nuk varet vetëm nga prania fizike.
“Një fushatë përcaktohet nga idetë, vlerat dhe vullneti i përbashkët i qytetarëve. Ne i kemi të gjitha këto në anën tonë,” shkruan ai.
Sipas tij, edhe një pjesë e votuesve të Partisë për Drejtësi dhe Zhvillim (AKP) e konsiderojnë ndalimin e tij të padrejtë. Ai thekson se më 23 mars 2025, rreth 15.5 milionë qytetarë votuan për ta mbështetur kandidaturën e tij, ndërsa vetëm 2 milionë prej tyre ishin anëtarë të CHP-së.
Gjithashtu, fushata për gjykim pa paraburgim dhe zgjedhje të parakohshme ka mbledhur mbi 25 milionë nënshkrime.
Pengesa ligjore dhe gjyqësori i politizuar
Fati i kandidaturës së tij tani varet nga një sistem gjyqësor që akuzohet gjerësisht për mungesë pavarësie. Në shkurt, prokuroria e Stambollit hapi hetim për vlefshmërinë e diplomës së tij universitare, e cila u anulua një ditë para arrestimit.
Sipas Kushtetutës turke, një kandidat për president duhet të ketë diplomë universitare.
Eksperti i Turqisë, Soner Çağaptay, vlerëson se İmamoğlu ka pak gjasa të lejohet të përballet realisht me Erdoganin, pasi presidenti do të përdorë institucionet shtetërore për ta bllokuar dhe diskredituar.
Kritikë ndaj politikës së jashtme
Nga burgu, İmamoğlu sulmon politikën e jashtme “agresive” të Erdoganit dhe marrëdhëniet e tij të ngushta me presidentin amerikan Donald Trump, duke i lidhur me përkeqësimin e lirive në Turqi.
Ai vë në dyshim përfitimet konkrete të Ankarasë, duke përmendur faktin se Turqia ende nuk është rikthyer në programin F-35 dhe se sanksionet nuk janë hequr. Po ashtu, ai kritikon zhvillimet në Egje, Gaza dhe Lindjen e Mesme.
Nëse zgjidhet president, thotë se një nga prioritetet kryesore do të jetë rindërtimi i marrëdhënieve me Bashkimin Evropian dhe përmbushja e kritereve demokratike për anëtarësim.
Jeta në burg dhe shpresa politike
İmamoğlu thotë se mban një regjim të rreptë në burg: shkruan, lexon dhe ndjek lajmet, duke e parë këtë si detyrë publike.
“Përgjegjësia nuk përfundon te porta e burgut,” shkruan ai, duke theksuar se paraburgimi nuk duhet të normalizohet në një demokraci.
Ajo që i mungon më shumë është familja, si dhe jeta e zakonshme e qytetit – ecja e lirë në rrugë dhe kontakti i drejtpërdrejtë me njerëzit.
“Forcën e gjej duke ditur se jam pjesë e një lëvizjeje demokratike më të madhe se rrethanat e mia personale. Nuk janë muret që përcaktojnë gjithçka.”/mxh
Cristian Chivu, trajneri i Interit doli në konferencë para ndeshjes ndaj Napolit.
“Gjithmonë kemi punuar mirë për të kapërcyer momente të caktuara. Dëshira dhe ambicia kanë qenë gjithmonë aty, ndoshta edhe më shumë tani duke pasur parasysh atë që ka ndodhur muajin e fundit. Kjo është një ndeshje që mund të ndryshojë drejtimin e progresit tonë”.
Ekipi ka ndryshuar me punë të palodhur, besim dhe ambicie. Këto janë gjëra që i kemi sjellë në fushë. Numrat nuk janë të mjaftueshëm, duhet të tregosh vlerën e vërtetë të një skuadre”.
“Është shumë e lehtë të flasësh për ndeshje kokë më kokë që nuk i kemi fituar, vetëm sepse numrat e thonë këtë. Realiteti është se unë jam në krye të tabelës, jam përpara ekipit që më mundi, kam më shumë gola të shënuar. Jemi të vetëdijshëm për rëndësinë e këtyre ndeshjeve, por të gjitha ndeshjet vlejnë njësoj”./mxh
Dimri është sezoni më i mirë për agrumet, ndaj edhe gërshetimi i shijes së tyre në receta u jep atyre një shije unike, qofshin ato të kripura apo të ëmbla. Agrumet e njohura të dimrit përfshijnë portokallin, qitron, limonin, mandarinat apo lime, me të cilat jo vetëm do të krijoni pjata unike që i shtojnë kontrast çdo shijeje, qoftë mish apo peshk, por edhe janë plot me vlera ushqyese.
Sallatë me patate të ëmbla dhe portokall
Përbërësit:
1 patate e ëmbël, 2 portokalle, rucola, 1 qepë e kuqe, 30 g lajthi, 20 g djathë feta, 1 lugë gjelle mjaltë, 1 lugë gjelle lëng limoni, 1 lugë çaji kanellë, majdanoz dhe piper
Ngroheni furrën paraprakisht në 200 gradë Celsius, pastaj lani dhe qëroni pataten e ëmbël. Priteni në kube dhe vendosini në një tas të vogël duke shtuar mjaltin, lëngun e limonit, kanellën dhe piperin. Përziejini mirë të gjitha. Qëroni dhe pritini qepën në feta. Vendosini në një tepsi me letër furre kubet e patateve të ëmbla dhe qepën e grirë. Piqeni për afërsisht 45 minuta.
Pritini lajthitë trashë dhe piqini në furrë për rreth 10 minuta derisa të bëhen krokante. Qëroni portokallet dhe pritini në feta, po ashtu djathin në copa të vogla.
Kur patatet dhe qepa të jenë gati, vendosini në një pjatë, shtoni rukolën dhe portokallin, përziejini dhe pastaj shtoni lajthitë e copëzuara dhe djathin e prerë në feta. Pjatën shërbejeni duke shtuar salcën që keni përgatitur me vaj ulliri, mjaltë dhe mustardë, si dhe gjethet e freskëta të majdanozit.
Supë me finok, midhje dhe portokall
Përbërësit:
800 g finok, 1 qepë e vogël, 1/2 tufë koriandëri, 8 midhje, 150 ml vaj ulliri, 2 litra lëng pule, lëkura portokalli, 1 qitro, 200 ml krem pana, kripë dhe piper i sapobluar.
Përgatitja:
Qëroni dhe lani perimet. Pritini kokrrat e finokut në feta të trasha dhe qepën grijeni imët. Lani dhe këputni gjethet e koriandrës, pastaj lani midhjet me ujë të freskët.
Skuqni qepën në vaj ulliri, pastaj shtoni finokun dhe sapo të nisë të zbutet, shtojini një litër lëng mishi dhe gjysmën e koriandrës. Sapo të marrin valën e parë, shtoni lëngun e gjysmës së portokallit, kripën, piperin dhe lëreni të ziejë ngadalë. Kur masa të nisë të trashet, shtoni edhe 1 litër tjetër lëng perimesh derisa masa të kthehet në konsistente. Kalojeni supën në blender derisa të formohet një teksturë kremoze. Hiqeni nga blenderi dhe mbajeni të ngrohtë. Para se ta shërbeni, skuqni midhjet për 2 minuta në vaj ulliri, kriposini dhe piperosini dhe në fund, shtojini lëkurën e portokallit dhe majdanozin e mbetur të grirë. Me një lugë vendosini sipër velutesë, duke e shoqëruar me pak tul qitroje, para se ta shërbeni.
Fusili me salcë limoni
Përbërësit:
150 g makarona, 200 g kungull, 2 thelpinj hudhër, 2 lugë vaj ulliri, lëngu i 1 limoni, kripë dhe piper
Përgatitja:
Zieni makaronat sipas udhëzimeve të paketimit, kullojini dhe ruani pak ujë të zierjes. Nxehni vajin në tigan, skuqni hudhrën për 1 minutë, pastaj shtoni kungullin e prerë në kubikë dhe lëreni të zbutet për 5 minuta. Para se t’i hiqni nga zjarri, hidhni lëngun e limonit dhe pak ujë të makaronave për të krijuar salcë homogjene. Në fund shtoni makaronat, përzieni mirë dhe rregulloni shijen me kripë dhe piper. Shërbejini të ngrohta, me feta limoni dhe pak djathë parmigiano./mxh
Një 33-vjeçar është arrestuar në Suedi me dyshimin për spiunazh për Rusinë.
Sipas mediave ndërkombëtare, shtetasi suedez dyshohet se ka punuar ose ka shërbyer në ushtri.
“Sipas hetimeve i dyshuari ka bashkëpunuar me shërbimet e inteligjencës ruse “, tha prokurori Mats Ljungqvist në një deklaratë për mediat.
Sipas prokurorëve, 33-vjeçari ka spiunuar nga janari 2025 deri në arrestimin e tij më 4 janar të këtij viti, por pa dhënë detaje të mëtejshme. Ndërkohë nga ana e tij 33-vjeçari i ka mohuar akuzat./mxh
Një debat i ashpër ka shpërthyer mes Stelinës dhe Keijsit pas darkës sqaruese që zhvilluan mbrëmjen e djeshme. Shkak i përplasjes është bërë Kristi, i cili u kthye në “mollën e sherrit” pasi ndërhyri gjatë darkës së banorëve.
Kristi i tha Stelinës se kishte rënë shumë poshtë duke u marrë me Keijsin, një deklaratë që tensionoi menjëherë situatën. Kjo ndërhyrje nuk u prit aspak mirë nga Keijsi, i cili reagoi ashpër, duke e akuzuar Stelinën për mungesë respekti.
Sipas tij, në atë moment ajo ishte në darkë me të dhe nuk duhej t’i jepte të drejtë Kristit apo të lejonte komente që e zhvlerësonin. Debati mes tyre u ashpërsua, duke sjellë një tjetër përplasje të fortë mes dy banorëve.
Keijsi:
Ti nxjerrë vrerë nga goja.
Stelina:
Siç je edhe ti.
Keijsi: I jep të drejtë Kristit, atij vorraxhiut, dordolecit. Ka shpëtu mirë ai dordoleci dje se nuk e di se çfarë mund t’i kisha bërë.
Kendall Jenner ka vendosur të flasë hapur për një thashethem të gjatë në internet që e përshkruante si lesbike të fshehtë.
Gjatë pjesëmarrjes në podcastin In Your Dreams, modelja 30-vjeçare u shpreh për spekulimet që kanë qarkulluar online.
“Pastaj është kjo pjesë e internetit që mendon se unë jam lesbike,” tha ajo për moderatorin Owen Thiele. “Ajo që më shqetëson më shumë? Sa të pamëshirshëm janë njerëzit për këtë. Nuk ka asnjë mikpritje, si ‘Hej, nëse je, mirëse vjen’.’”
Megjithatë, Jenner theksoi se nuk identifikohet si gay, por do të ishte e hapur nëse do të ishte.
“E kuptoj që dalja në pah nuk është gjë e lehtë për askënd, nëse jo për shumicën,” shpjegoi ajo. “Duke njohur veten, në këtë pikë të jetës sime, do të isha dalë hapur nëse do të isha. Nuk po them se është gjë e lehtë, por duke njohur veten dhe mënyrën se si dua të jetoj jetën time, do të kisha dalë hapur”
Ajo gjithashtu iu referua ideve të gabuara që njerëzit kanë krijuar mbi privatësinë e saj: “Ka një narrativë të tërë që po fsheh këtë gjë… Kam parë gjëra shumë të çmendura që thonë, ‘Është e keqe për biznesin’, dhe unë mendoj, ‘Çfarë? Nuk e kuptoj’.”
Jenner përfundoi duke thënë: “Sot, nuk jam. Nuk mendoj se do të jem, por nuk po mbyll asnjë derë për eksperienca të reja në jetë.”
Në të kaluarën, Kendall është lidhur romantikisht me emra të famshëm, nga romanca adoleshente me Harry Styles deri te lidhja dyvjeçare me basketbollistin Devin Booker. Romanca e saj më e fundit ishte me reperin Bad Bunny, por sipas një burimi për PEOPLE, ata vendosën të ndahen në fund të vitit 2023.
Megjithëse është shprehur hapur për seksualitetin e saj, Kendall preferon të mbajë jetën e saj personale larg syrit të publikut.
“Kendall gjithmonë ka pasur këtë rregull, ajo mendonte se duhet të ishte me dikë për të paktën një vit para se ta përfshinte atë në shfaqje, sepse nuk dinte gjithmonë qëllimet e njerëzve,” tha Farnaz Farjam, producent ekzekutiv i Keeping Up with the Kardashians, në 2021. “Prandaj ne e mbajtëm jetën e saj personale jashtë, sepse ajo kishte një rregull.”
Në 2019, Jenner u shpreh për Vogue Australia se për të, shumë gjëra janë të veçanta dhe të shenjta, si miqtë dhe marrëdhëniet: “Mendoj se duke i sjellë këto gjëra në publik e bën gjithçka shumë më të ndërlikuar,” tha ajo./mxh
Shtëpi, lokale, oborre dhe vetura të përmbytura nga uji janë disa nga pamjet që ditëve të fundit janë shënuar në shumë komuna të Kosovës.
Si pasojë e reshjeve të dendura të shiut, të cilat nisën më 5 janar, janë shkaktuar vërshime që kanë sjellë dëme në prona private, infrastrukturë publike, evakuime të qytetarëve si dhe bllokim të rrugëve.
Fushë-Kosova, Malisheva, Rahoveci, Klina, Mitrovica e Jugut, Vushtrria, Drenasi, Skenderaj dhe Gjakova, sipas Agjencisë për Menaxhimin e Emergjencave (AME), janë komunat më të prekura nga këto vërshime.
Të gjithë qytetarët që kanë pësuar dëme në të mira materiale si pasojë e këtyre vërshimeve, duhet t’u drejtohen komunave përkatëse për kompensim, tha për Radion Evropa e Lirë (REL), drejtori ekzekutiv i Asociacionit të Komunave të Kosovës (AKK), Sazan Ibrahimi.
Sipas rregullores për metodologjinë e vlerësimit të dëmeve nga fatkeqësitë natyrore, në të mira materiale përfshihen: objekte banimi, objekte tjera përcjellëse, pajisje, mjete të punës, kafshë, prodhimtaria aktuale bujqësore, mallra, mjete të transportit të te gjitha llojeve, orenditë, gjësendet shtëpiake dhe të gjitha mjetet dhe pajisjet që përdoren për jetën dhe punën e qytetarëve dhe bizneseve.
Disa komuna kanë njoftuar tashmë qytetarët për fillimin e aplikimeve për vlerësimin e dëmeve nga vërshimet, ndërsa disa të tjera ende s’e kanë bërë.
Komunat e Skenderajt, Pejës, Drenasit, Rahovecit dhe Klinës, përmes njoftimeve të publikuara në faqet e tyre zyrtare në Facebook, kanë ftuar qytetarët të paraqesin kërkesa për vlerësim të dëmeve.
Në njoftime janë të publikuara edhe dokumentacionet e nevojshme për aplikim, si: të dhënat personale të aplikuesit (emri, mbiemri, numri personal, adresa dhe numri kontaktues), kopja e letërnjoftimit, llogaria bankare dhe fotografi që dëshmojnë gjendje reale të dëmeve, të realizuara nga vendi i dëmtuar.
Afati për aplikim është nga tetë deri në dhjetë ditë, varësisht nga komuna.Në Komunën e Skenderajt, deri në mesditën e së premtes, janë paraqitur dhjetë kërkesa për vlerësim të dëmeve, ka bërë të ditur Amir Lushtaku, zëdhënës i kësaj komune.
Ndërkohë, komunat e Fushë-Kosovës dhe Obiliqit kanë formuar të premten komisionet për vlerësimin e dëmeve, konfirmuan kryetarët e këtyre komunave, Valon Prebreza, dhe Halil Thaqi, përkatësisht.
REL-i, deri në publikimin e këtij teksti, nuk ka pranuar përgjigje lidhur me nisjen e procesit të aplikimit për vlerësimin e dëmeve materiale nga komunat e Malishevës, Mitrovicës së Jugut, Gjakovës dhe Vushtrrisë.
Sipas Sazan Ibrahimit, komisionet komunale përpilojnë raportet e dëmeve, ato miratohen në Kuvendet Komunale dhe më pas dorëzohen në institucionet qendrore.
Ndërkohë, komunat e Fushë-Kosovës dhe Obiliqit kanë formuar të premten komisionet për vlerësimin e dëmeve, konfirmuan kryetarët e këtyre komunave, Valon Prebreza, dhe Halil Thaqi, përkatësisht.
REL-i, deri në publikimin e këtij teksti, nuk ka pranuar përgjigje lidhur me nisjen e procesit të aplikimit për vlerësimin e dëmeve materiale nga komunat e Malishevës, Mitrovicës së Jugut, Gjakovës dhe Vushtrrisë.
Sipas Sazan Ibrahimit, komisionet komunale përpilojnë raportet e dëmeve, ato miratohen në Kuvendet Komunale dhe më pas dorëzohen në institucionet qendrore.
“Niveli lokal është përgjegjës për analizimin e situatës dhe vlerësimin e dëmeve në ekonomitë familjare, bizneset dhe infrastrukturë. Komisioni komunal harton raportin bazuar në dëmet e argumentuara nga qytetarët, i cili miratohet në Kuvendin Komunal dhe më pas i dërgohet AME-së”, tha ai.
Më pas kjo agjenci bën verifikimin e vërtetësisë së dëmeve të vlerësuara, përgatitë raportin përmbledhës për dëmet e vlerësuara dhe ia dorëzon Qeverisë së Kosovës për shqyrtim dhe miratim.
Ibrahimi tha se deri në kompensimin e dëmeve nga Qeveria, qytetarët janë të detyruar të gjejnë zgjidhje vetanake.
“Komunat kanë vullnet për t’i ndihmuar të prekurit, por nuk kanë buxhet të mjaftueshëm, ndërsa përgjegjësia për kompensimin e dëmeve është obligim ligjor i Qeverisë”, tha ai.
Disa qytetarë në fshatin Kuzmin të Fushë-Kosovës janë detyruar të evakuohen për shkak të përmbytjeve. Disa prej tyre madje janë detyruar të gjejnë një vendbanim tjetër me qira.
Ndryshe, edhe gjatë vitit 2023 disa komuna të Kosovës u përballën me vërshime, të cilat shkaktuan dëme të konsiderueshme materiale.
Ndër komunat e prekura ishin Skenderaj, Istogu, Klina dhe Mitrovica e Jugut.
Zyra e kryeministrit të Kosovës dhe Agjencia për Menaxhimin e Emergjencave nuk kanë dhënë përgjigje lidhur me vlerën totale të këtyre dëmeve dhe nëse ato janë kompensuar.
Megjithatë, sipas të dhënave të komunave në atë kohë, vlera e përgjithshme e dëmeve vlerësohej rreth 26 milionë euro.
Sazan Ibrahimi tha se komunat vazhdojnë të ankohen se bizneset që pësuan dëme nga vërshimet e atij viti ende nuk janë rimbursuar.
Vetëm në komunën e Skenderajt, dëmet e shkaktuara nga vërshimet e janarit 2023 arritën vlerën 12.2 milionë euro, duke përfshirë dëmet në ekonomitë familjare, bizneset, kulturat bujqësore dhe infrastrukturën rrugore.
Zëdhënësi i kësaj komune, Amir Lushtaku, tha se deri më tani janë kompensuar rreth 1.5 milion euro, kryesisht për dëmet në ekonomitë familjare, ndërsa nuk ka pasur asnjë kompensim për dëmet në biznese, infrastrukturë publike dhe sektorin e bujqësisë.
Qeveria e Kosovës, në tetor të vitit 2023, ka ndarë nëntë milionë euro për rimëkëmbjen e ekonomive familjare të prekura nga fatkeqësitë natyrore në komunat e goditura./mxh
Të paktën 13 persona janë vrarë nga sulmet ajrore izraelite në Gaza. Situata vijon të mbetet shqetësuese, me përshkallëzimin e sulmeve në vend.
Sipas ministrisë së Shëndetësisë në Gaza, mes viktimave raportohet edhe për katër fëmijë. Ndërkohë presidenti amerikan Donald Trump, pritet që të njoftojë krijimin e Këshillit të Paqes në Gaza.
Ushtria Izraelite më herët ka sulmuar infrastrukturën dhe grupin terrorist të Hamasit në Rripin Jugor dhe Verior të Gazës. Armëpushimi midis Izraelit dhe Hamasit mbetet në fazat e tij të hershme.
Izraeli dhe Hamasi akuzojnë njëri-tjetrin për shkelje të armëpushimit , i cili hyri në fuqi më 10 tetor. Sulmet e vazhdueshme izraelite në Gaza kanë vrarë më shumë se 400 palestinezë , sipas zyrtarëve lokalë të shëndetësisë./mxh
Një nga bashkëpronarët e barit zviceran ku 40 persona humbën jetën gjatë një zjarri natën e Vitit të Ri është ndaluar.
Prokurorët zviceranë thanë se Jacques Moretti, shtetas francez, ishte konsideruar si një rrezik për arratisje.
Zjarrvënia në barin Le Constellation në Crans-Montana la 116 të plagosur. Shumë nga viktimat ishin nën moshën 20 vjeç.
Gjatë kësaj jave u bë e ditur se bari në këtë stacion ski nuk kishte kaluar kontrolle të sigurisë për pesë vite, raporton BBC, transmeton Sinjali.
Vendimi për të mbajtur Jacques Moretti në paraburgim erdhi pasi ai dhe bashkëshortja e tij franceze, Jessica, të cilët zotërojnë barin së bashku, u morën në pyetje të premten nga prokurorët në kantonin zviceran të Valais.
Sipas ligjit zviceran, personi nën hetim mbahet në paraburgim deri në vendimin e gjykatës, brenda 48 orëve.
Çifti kishte qenë më parë nën hetim penal.
Të dy dyshohen për vrasje nga pakujdesia, dëmtime trupore nga pakujdesia dhe zjarrvënie nga pakujdesia, tha zyra e prokurorisë në Valais.
Bashkëpronarët thanë se janë “të shkatërruar” dhe u zotuan për “bashkëpunim të plotë” me hetimin që po vazhdon.
Prokurorët thanë se besojnë se zjarri filloi kur festuesit e Vitit të Ri ngritën shishe me shampanjë me fishekzjarre të vendosura, duke ndezur shkumën izolueshëm akustike në tavanin e bodrumit të barit.
Të premten, Zvicra mbajti një minutë heshtje në një ditë kombëtare zie për viktimat e zjarrit.
Më pas, kishat bënë tinguj për pesë minuta në gjithë vendin.
Trenat dhe tramvajet u ndaluan, ndërsa aeroporti i Cyrihut ndërpreu përkohësisht operacionet.
Në një përkujtimore lokale të organizuar në Crans-Montana, zjarrfikësit u pritën me duartrokitje nga të pranishmit.
Lajmi se bari nuk ishte inspektuar për pesë vite ka tronditur familjet e viktimave.
Romain Jordan, i cili përfaqëson disa nga familjet, tha më herët gjatë kësaj jave se “numri i habitshëm i shkeljeve dhe mangësive në inspektime ngre pyetjen nëse komuna duhet hetuar me një urgjencë edhe më të madhe”.
Vende si Le Constellation duhej të inspektoheshin çdo vit, por kryetari i Crans-Montana, Nicolas Feraud, tha të martën se nuk mund të shpjegonte pse kjo nuk ishte bërë për kaq shumë kohë në këtë bar.
“Na vjen keq për këtë – ia detyrojmë familjeve dhe do të pranojmë përgjegjësinë,” tha ai.
Ai shtoi se fishekzjarret do të ndalohet në lokalet lokale.
Shumica e viktimave të zjarrit ishin të rinj – tetë prej tyre nën moshën 16 vjeç.
Shumë nga të plagosurit kanë djegie të rënda dhe po trajtohen në Zvicër dhe vende të tjera evropiane.
Varrosjet e disa nga të vdekurve kanë nisur të mbahen./mxh
Ademola Lookman është sërish një nga emrat më të përfolur të merkatos te Atalanta. Pas një vere të gjatë dhe të ndërlikuar, e karakterizuar nga tratativat e dështuara me Interin, sulmuesi nigerian mund të largohet nga Bergamo dhe nga Seria A gjatë kësaj merkatoje dimërore.
Interesimi konkret vjen nga Turqia, ku Fenerbahçe ka vendosur të investojë fort për repartin ofensiv.
Klubi i Stambollit po e ndjek me seriozitet Lookman dhe është i vendosur ta transferojë që në këtë sesion. Fenerbahçe ka avancuar ndjeshëm në bisedimet me rrethin e lojtarit dhe palët janë pranë një marrëveshjeje për kushtet personale të kontratës.
Për Lookman është gati një pagë rreth 9 milionë euro në sezon, një shifër shumë më e lartë krahasuar me rreth 2.5 milionë euro që ai përfiton aktualisht te Atalanta.
Në këtë pikë, vëmendja zhvendoset te negociatat mes dy klubeve. Fenerbahçe duhet të gjejë një marrëveshje me Atalantën për formulën e transferimit.
Klubi bergamask preferon një shitje përfundimtare, ndërsa drejtuesit turq po shtyjnë për një huazim me pagesë rreth 5 milionë euro, të shoqëruar me të drejtë ose detyrim blerjeje në vlerën e rreth 37 milionë eurove. Një takim mes palëve mund të zhvillohet që javën e ardhshme
Fenerbahçe po tregohet shumë aktiv në tregun e Serisë A. Vetëm në orët e fundit ka zyrtarizuar blerjen e Mateo Genduzi nga Lazio, ndërsa ditë më parë kishte eksploruar edhe pistën Nkunku.
Kërkesa prej rreth 35 milionë eurosh nga Milani për atë operacion ka bërë që klubi turk të tërhiqet dhe të përqendrohet në objektiva të tjerë, me Lookman që aktualisht shihet si prioriteti kryesor.
Ndërkohë, lojtari i lindur në vitin 1997 është i angazhuar me përfaqësuesen e Nigerisë në Kupën e Afrikës. Pavarësisht kësaj, situata e tij në nivel klubesh mbetet e hapur dhe në zhvillim.
Merkatoja është ende në fazë aktive dhe ditët në vijim pritet të jenë vendimtare për të ardhmen e Lukman, me një transferim në Turqi që mbetet një skenar konkret./mxh
Login
