Një përplasje e fortë verbale ka ndodhur mes Fjolla Morinës dhe Alba Pollozhanit gjatë qëndrimit të tyre në shtëpinë e Big Brother Kosova.

Tensioni u rrit kur Fjolla i drejtoi Albës fjalë të forta, duke i thënë: “E di ti shumë mirë çfarë ke thënë, të gjitha fjalët ke me i vjell, ki me i vjell një nga një, të tregoj ty edhe jashtë edhe brenda”.

“Ti e para ke me dhënë xhevap, unë nuk jam Big Mama, këtu në Big Brother Kosova nuk të shitet ty. Shqiptarët e Kosovës e dinë, i njohin i dinë njerëzit, kjo që u mundua t’i ul artistët”, i tha tutje.

Debati i tyre ka tërhequr vëmendjen e publikut dhe është bërë një nga momentet më të përfolura brenda shtëpisë.

Tensionet mes banorëve duket se janë të larta, ndërsa marrëdhëniet brenda shtëpisë po testohen çdo ditë.

Fansat e Big Brother Kosova kanë komentuar gjerësisht në rrjetet sociale, duke shpërndarë opinionet e tyre mbi konfliktin.

Fjolla këto kohë ka qenë në një gjendje të rënduar emocionale meqë ka pasur diskutime të shumta.

The post “Do të japësh përgjegjësi, të tregoj unë ty edhe jashtë edhe brenda”, përplasje mes Fjollës dhe Albës appeared first on Albeu.com.

Nicolás Maduro Guerra, djali i presidentit të rrëzuar të Venezuelës, Nicolás Maduro, tha të hënën se babai i tij u “rrëmbye” nga Shtetet e Bashkuara dhe bëri thirrje për “solidaritet ndërkombëtar” me të në mënyrë që ai të mund të kthehet në vendin e Amerikës së Jugut.

Maduro Guerra i bëri këto deklarata gjatë seancës së inaugurimit të Asamblesë Kombëtare të Venezuelës, e mbajtur dy ditë pasi Maduro dhe gruaja e tij, Cilia Flores, u kapën në një operacion ushtarak amerikan në Karakas. Gjatë fjalimit të tij, Maduro Guerra tha se operacioni shkelte sovranitetin e Venezuelës dhe paralajmëroi se kjo mund të ndodhte në një vend tjetër.

“Nëse e normalizojmë rrëmbimin e një kreu shteti, asnjë vend nuk është i sigurt. Sot është Venezuela, nesër mund të jetë çdo komb që refuzon të nënshtrohet. Ky nuk është një problem rajonal, është një kërcënim i drejtpërdrejtë për stabilitetin global, për njerëzimin dhe për barazinë sovrane të kombeve”, tha ai.

“Njerëz të botës, po ju them: solidariteti ndërkombëtar me Nicolás-in, me Venezuelën, nuk është një gjest politik opsional, është një detyrë etike dhe ligjore. Heshtja përballë këtyre shkeljeve implikon ata që heshtin dhe dobëson sistemin ndërkombëtar që të gjithë pretendojnë se e mbrojnë”, tha ai.

Maduro Guerra iu referua gjithashtu përfshirjes në aktakuzën e fundit të SHBA-së kundër babait të tij, Flores dhe të tjerëve, të cilët akuzohen për trafik droge dhe vepra penale me armë. Maduro Guerra i hodhi poshtë akuzat.

“Unë dhe familja ime po persekutohemi”, tha ai.

The post Djali i Nicolas Maduros: Babai im është rrëmbyer, kërkoj solidaritet ndërkombëtar appeared first on Albeu.com.

Princi Harry thuhet se ka fituar të drejtën për mbrojtje të armatosur nga policia kur ai dhe familja e tij të vizitojnë Britaninë pas një beteje ligjore disamujore. Ky zhvillim vjen pasi një shqyrtim zyrtar zbuloi se princi 41-vjeçar kualifikohet për një skemë sigurie të financuar nga taksapaguesit.

Në maj të vitit 2025, Duka i Sussex humbi çështjen gjyqësore kundër Komitetit Ekzekutiv Mbretëror dhe VIP (Ravec), i cili kishte mbështetur vendimin e pallatit dhe Gjykatës së Lartë për të hequr mbrojtjen e tij policore të financuar nga taksapaguesit, pasi ai dha dorëheqjen si anëtar i lartë i familjes mbretërore.

Princi Harry kishte deklaruar vazhdimisht se pa një mbulim të tillë sigurie, ai nuk mund ta sillte gruan e tij, Meghan Markle, dhe dy fëmijët e tyre, Princin Archie dhe Princeshën Lilibet, në Mbretërinë e Bashkuar, duke këmbëngulur se nuk ndihej i sigurt duke vepruar kështu.

Megjithatë, një letër nga Princi Harry drejtuar Sekretares së Brendshme Britanike, Shabana Mahmud, në lidhje me një incident mbikëqyrjeje dhe kërcënime online në lidhje me të dhe familjen e tij, solli një kthesë në çështje. Sipas asaj që ai kishte pohuar gjatë vizitës së tij në Londër në fund të verës, një person i panjohur arriti t’i afrohej “në një gllënjkë ajri” , gjë që, siç pretendoi ai, ia vuri jetën në rrezik.

Pas kësaj, Ravec, i cili është nën mbikëqyrjen e Ministrisë së Brendshme, vazhdoi me një vlerësim të ri dhe dyshohet se arriti në përfundimin se djali më i vogël i Mbretit Charles plotëson kushtet për mbrojtje zyrtare. Një burim nga mjedisi i Sussex i tha Daily Mail: “Tani është një procedurë formale. Burime në Ministrinë e Brendshme kanë thënë se siguria e Harry-t tani është vënë në vend.”

Sipas udhëzimeve aktuale, Duka duhet të njoftojë Policinë Metropolitane 30 ditë para se të mbërrijë në Mbretërinë e Bashkuar për të aplikuar për leje sigurie, e cila do të vendoset rast pas rasti. Një ndryshim i tillë mund t’i hapë rrugën Harry-t për të sjellë fëmijët e tij, të cilët po rriten në Kaliforni, në Mbretërinë e Bashkuar për t’u ribashkuar me babanë e tyre, Mbretin Charles.

The post Me roje personale dhe masa sigurie, Princi Harry rikthehet në Britani appeared first on Albeu.com.

Landi, miku i ngushtë i Mirit dhe njëherazi anëtar i grupit të njohur muzikor West Side Family, ka reaguar publikisht pas valës së komenteve dhe kritikave që kanë pushtuar rrjetet sociale ndaj Mirit, për shkak të situatës së paqartë që ai po krijon me Selin brenda shtëpisë së Big Brother VIP Albania.

Pas diskutimeve të shumta online, ku një pjesë e ndjekësve kanë shprehur pakënaqësi dhe gjykime të forta mbi sjelljen e Mirit në raport me Selin, Landi ka zgjedhur të reagojë në një mënyrë simbolike dhe reflektuese, duke mos përmendur drejtpërdrejt asnjë emër apo situatë konkrete.

Përmes një postimi në rrjetet sociale, ai ka publikuar një fragment nga Bibla, konkretisht nga Ungjilli sipas Gjonit (8:4–11), pjesa e njohur ku Jezusi shprehet:

“Kush nga ju është pa mëkat, le ta hedhë i pari gurin kundër saj.”

Ky citim është interpretuar nga ndjekësit si një mesazh i qartë kundër gjykimit të nxituar dhe sulmeve publike, duke nënvizuar nevojën për më shumë empati dhe mirëkuptim ndaj situatave personale që zhvillohen brenda një reality show.

Reagimi i Landit ka ngjallur diskutime të reja në rrjet, ku shumë ndjekës e kanë përkrahur qëndrimin e tij, duke e vlerësuar si një thirrje për maturi dhe reflektim, ndërsa të tjerë vijojnë të jenë kritikë ndaj dinamikës mes Mirit dhe Selit.

The post Landi i West Side Family reagon pas kritikave ndaj Mirit appeared first on Albeu.com.

E ftuar në emisionin e mëngjesit Wake Up, Kiara Tito ka reaguar për herë të parë publikisht ndaj komenteve dhe polemikave që shpërthyen në rrjetet sociale pas prezantimit që Luiz Ejlli i bëri asaj në ditën e parë të Fan Club Big Brother VIP.

Kiara sqaroi se momenti i prezantimit, i cili u interpretua nga disa si një “mbrojtje” nga ana e Luizit, nuk kishte aspak këtë kuptim. Ajo theksoi se reagimet kanë qenë të ekzagjeruara dhe se nuk e ndjen nevojën që bashkëshorti i saj ta “mbrojë” publikisht.

“Nuk ka kuptim të marr burrin për të më mbrojtur. Në fakt, isha me dorë në zemër në momentin që doli Luizi, duke e ditur natyrën e tij spontane. Por ishte një gjë shumë e bukur,” u shpreh Kiara.

Moderatorja sqaroi se fjalët e Luizit nuk kishin lidhje me ndonjë mbrojtje nga televizioni apo nga situata të caktuara, por ishin thjesht pjesë e mënyrës së tij të shprehjes. Sipas saj, shumë persona mund ta kenë keqinterpretuar situatën duke u fokusuar te ideja se pse Luizi duhej të fliste në emër të saj, ndërkohë që mesazhi ishte krejtësisht ndryshe.

Gjatë prezantimit, Luizi u shpreh se Kiara “është një vajzë që është munduar të lihet në hije, por hija s’e mbulon dritën, ajo është drita e diellit”. Kiara shpjegoi se kjo frazë ishte një reagim ndaj kritikave të vazhdueshme në rrjetet sociale.

“Ishte një thirrje për ato komente që vazhdimisht kritikojnë, gjykojnë dhe në një farë mënyre ndikojnë edhe te familja. Dakord, nuk i pëlqejmë të gjithëve, por ishte një mënyrë ndryshe për ta thënë këtë,” tha ajo.

The post Kiara Tito reagon ndaj komenteve: Nuk ka kuptim të marr burrin për të më mbrojtur appeared first on Albeu.com.

Opinionistja e “Big Talk” Xheneta Fetahu, shpesh ka kritikuar banorët e “BBVK”-së për shkak që mos papastërtisë.

Në Tik-Tok ka publikuar një video ku shihet duke e larë macen e saj.

Me një mbishkrim të fortë, ajo thumboi banorët e këtij reality-show.
“Ma shpesh lahet Coco-ja ime sesa banorët e Big Brother”, shkroi ajo.

Kujtojmë që ditën e djeshme, “Vëllai i madh” i ndëshkoi banorët për shkak të mos papastërtisë, duke ua hequr 2 mijë euro nga çmimi i madh.

The post Xheneta THUMBON konkurrentët: Më shpesh lahet macja ime sesa banorët e “BBVK” appeared first on Albeu.com.

Në një industri ku konfliktet personale shpesh zmadhohen dhe bëhen publike, rikthimet e papritura janë ato që tërheqin më shumë vëmendje.

Kështu ndodhi edhe me raportin mes moderatorit të njohur nga Kosova, Labit dhe këngëtares Dafina Zeqiri, për të cilin prej kohësh mendohej se ishte ftohur përfundimisht.

Megjithatë, muaji dhjetor solli një surprizë të bukur.
Dafina ishte e pranishme në festimin e 25-vjetorit të karrierës së Labit, një mbrëmje e mbushur me emocione.

“Të kam lëndu”, janë fjalët që Labi i tha asaj duke i dhënë një përqafim të ngrohtë.

Kujtojmë që më herët, në muajin prill të vitit të kaluar, Labi e etiketoi Dafinën si “mosmirënjohëse” pasi nuk u ftua në ditëlindjen e saj, pavarësisht mbështetjes shumë vjeçare, ndërsa këngëtarja reagoi duke e thumbuar përmes një postimi në rrjete sociale.

The post “Të kam lënduar”/ Përqafimi midis Labit dhe Dafinës që i dha fund konfliktit, ja çfarë i bashkoi figurat e njohura… (FOTO) appeared first on Albeu.com.

Dita në shtëpinë e Big Brother Vip ka nisur me “përkëdhelje” nga ana e Mirit për Selinën.

Ai ka komunikuar me konkurenten nga mbrapa derës së dhomës së akuariumit, ku dhe bisedojnë shpesh edhe me banorë të tjerë.

Ajo që tërhoqi vëmendjen e fansave ishte komenti i konkurentit ndaj Selinës që në mëngjes. Ai e përshëndeti duke iu drejtuar “Mëngjesi im ti”, ky detaj u komentua menjëherë nga fansat.

Kjo pasi marrëdhënia mes Mirit dhe Selinës shihet shumë e afërt edhe pse banorët janë shprehur për njëri-tjetrin se jane miq të mirë brenda shtëpisë, madje Miri e ka cilësuar si vajzën e tij.

The post “O mëngjesi im”/ Momenti i ëmbël mes Selinës dhe Mirit appeared first on Albeu.com.

Një moment argëtues u regjistrua sot brenda shtëpisë së Big Brother VIP Kosova, duke sjellë të qeshura mes banorëve dhe publikut. Banorja Alba pësoi një rrëzim të lehtë, por fatmirësisht pa asnjë incident apo lëndim, duke e kthyer situatën në një episod komik brenda shtëpisë më të famshme në Kosovë.

Ky është rrëzimi i tretë i Albës gjatë qëndrimit të saj në BBVK. Ndryshe nga dy rastet e mëparshme, kur ajo kishte nevojë për kontroll dhe trajtim mjekësor për shkak të lëndimeve, këtë herë gjithçka kaloi pa shqetësime. Alba u ngrit menjëherë në këmbë dhe vazhdoi aktivitetet e saj normale, duke treguar se ishte në gjendje të mirë shëndetësore.

Incidenti ndodhi në momentin kur ajo po hynte në lavanderi, ku u pengua nga disa rroba të lëna në dysheme. Banorët e tjerë, që e panë skenën, reaguan me të qeshura dhe komente plot humor, duke e bërë momentin edhe më argëtues. Edhe vetë Alba e mori situatën me sportivitet, duke qeshur bashkë me të tjerët.

Rrëzimet e saj tashmë janë shndërruar në një lloj “tradite” të vogël brenda shtëpisë së BBVK, shpesh të përmendura me shaka nga banorët. Megjithatë, ky episod u përjetua ndryshe, pa tension apo shqetësim, duke sjellë vetëm humor dhe energji pozitive.

The post Sërish në dysheme! Alba rrëzohet për herë të tretë në BBVK appeared first on Albeu.com.

Komisioni Qendror i Zgjedhjeve (KQZ) ka njoftuar se aktivitetet e numërimit të votave po përfundojnë më herët sesa ishte planifikuar, duke lënë të hapur mundësinë që rezultatet përfundimtare të zgjedhjeve të shpallen para afatit të paraparë, më 19 janar.

Zëdhënësi i KQZ-së, Valmir Elezi ka thënë se përfundimi i aktiviteteve në Qendrat Komunale të Numërimit ishte planifikuar deri më 7 janar, mirëpo dinamika e punës ka bërë që ky proces të përmbyllet që në mesditën e 3 janarit.

Po ashtu ai ka theksuar se numërimi i votave nga përfaqësitë diplomatike dhe votimi me postë, i planifikuar të fillonte më 7 janar, ka përfunduar po ashtu më 3 janar dhe pjesa e më e madhe e votave me postë është kryer.

KQZ ka bërë të ditur se edhe numërimi i votave me kusht dhe i votave të personave me nevoja të veçanta, i planifikuar të fillonte më 16 janar, pritet të nisë gjatë ditës së sotme.

“Sipas të dhënave preliminare të KQZ-së, nga 57 vendvotime me kusht në 38 komuna të vendit, janë evidentuar mbi 9,900 votues të regjistruar për votim me kusht. Ndërkaq, numri i votuesve të regjistruar në programin e votimit për personat me nevoja të veçanta është 2,860”, ka thënë Elezi.

Si rezultat i këtyre zhvillimeve, KQZ vlerëson se rezultatet përfundimtare mund të shpallen shumë më herët sesa afati maksimal i paraparë.

Ndërkohë, në QNR po vazhdon numërimi i fletëvotimeve nga votimi jashtë Kosovës, përkatësisht përmes postës. Deri më tani janë numëruar fletëvotime nga mbi 28 mijë pako, të cilat janë tërhequr para Vitit të Ri nga kutitë postare të KQZ-së në Berlin dhe Bern.

Gjithashtu, më 2 janar janë tërhequr edhe 8,180 pako të tjera me fletëvotime nga kutitë postare në Pragë, Londër, Paris, Zagreb, Stokholm, Stamboll, New York, Kanbera dhe Kopenhagë, të cilat pritet të arrijnë në Kosovë gjatë ditës. Procesi i tërheqjes së pakove nga jashtë vendit përmbyllet sot.

Të gjitha fletëvotimet, pasi të mbërrijnë në Kosovë, do t’i nënshtrohen procesit të vlerësimit dhe verifikimit, ndërsa ato që miratohen do të përfshihen në numërim.

The post KQZ: Rezultatet përfundimtare para 19 janarit, numërimi i votave me kusht mund të nis sot appeared first on Albeu.com.

Presidenti amerikan Donald Trump dhe miliarderi i teknologjisë Elon Musk duket se kanë zbutur marrëdhënien e tyre, pas një viti të mbushur me përplasje publike dhe deklarata të forta. Të dielën, më 4 janar, Musk publikoi në platformën X një foto nga një darkë private me Trump dhe Zonjën e Parë Melania Trump, e zhvilluar në resortin Mar-a-Lago në Florida.

“Kalova një darkë shumë të këndshme mbrëmë me @POTUS dhe @FLOTUS. 2026 do të jetë një vit i jashtëzakonshëm!”, shkroi Musk, duke ndezur menjëherë spekulime për një afrim mes dy figurave të fuqishme.

Takimi vjen pas një periudhe të tensionuar, e cila nisi pas largimit të Musk nga drejtimi i Departamentit të Efikasitetit Qeveritar (DOGE), ku ai shërbeu nga janari deri në maj 2025. Gjatë asaj kohe, departamenti u përball me kritika të forta dhe dorëheqje masive nga stafi, ndërsa vetë Musk u shpreh hapur kundër ligjit të madh të shpenzimeve qeveritare të Trump, të quajtur “Big Beautiful Bill”.

Marrëdhënia u përkeqësua edhe më shumë kur Musk bëri akuza të rënda ndaj Trump në rrjetet sociale, të cilat më vonë i fshiu, duke shkaktuar reagime të forta nga Shtëpia e Bardhë. Burime politike kishin deklaruar se raporti mes tyre ishte “i pariparueshëm”.

Megjithatë, muajt e fundit kanë sjellë sinjale të qarta afrimi. Dyshja u pa bashkë në ceremoninë përkujtimore të aktivistit Charlie Kirk dhe më pas shkëmbyen fjalë pozitive gjatë një forumi ekonomik në nëntor. Darka e fundit në Mar-a-Lago shihet si treguesi më i fortë se Trump dhe Musk po përpiqen të rindërtojnë një marrëdhënie që dikur ishte shumë e afërt, në prag të një viti politikisht vendimtar.

The post Pas përplasjes së ashpër, Trump dhe Musk shfaqen sërish bashkë: çfarë po përgatitet për 2026? appeared first on Albeu.com.

Owen Cooper vazhdon të jetë një nga emrat më të përfolur të momentit në botën e kinematografisë, duke shënuar një tjetër arritje historike në karrierën e tij në rritje. Të dielën, më 4 janar, aktori 16-vjeçar fitoi çmimin Best Supporting Actor in a Miniseries në Critics’ Choice Awards 2026, falë interpretimit të tij të spikatur në miniserialin e Netflix, Adolescence.

Me këtë fitore, Cooper u bë aktori mashkull më i ri në histori që merr një çmim Critics’ Choice, një rekord që konfirmon talentin e tij të jashtëzakonshëm dhe ndikimin e madh që ka pasur roli i tij tek publiku dhe kritika.

Miniseriali me katër episode Adolescence rrëfen historinë e një djali 13-vjeçar që arrestohet në lidhje me një rast vrasjeje, duke trajtuar tema të forta sociale dhe emocionale. Performanca e Cooper u vlerësua gjerësisht për ndjeshmërinë dhe thellësinë që i dha personazhit.

Gjatë fjalimit të pranimit të çmimit, Cooper shprehu mirënjohje të thellë për krijuesit e serialit dhe familjen e tij, duke theksuar se viti i fundit ka ndryshuar rrënjësisht jetën e tij. Ai e përshkroi këtë periudhë si një “udhëtim emocional” që nuk do ta harronte kurrë.

Kjo nuk është hera e parë që aktori anglez bën histori, pasi ai kishte fituar më parë të njëjtin çmim edhe në Emmy Awards 2025. Ndërkohë, Cooper pritet të shfaqet së shpejti në filmin Wuthering Heights, ku interpreton versionin e ri të Heathcliff, me premierë më 13 shkurt 2026.

E ardhmja e tij duket më e ndritur se kurrë.

The post Owen Cooper bëhet aktori mashkull më i ri në histori që fiton Critics’ Choice appeared first on Albeu.com.

Hyrja e Mateos mbrëmë në shtëpinë e Big Brother VIP Albania solli një reagim të fortë, veçanërisht nga Brikena, e cila u tregua e rezervuar dhe refuzoi afërsinë e tij.

Ky qëndrim i saj la të kuptohej se mes tyre kishte më shumë histori sesa thjesht një njohje sipërfaqësore.

Për të sqaruar situatën dhe për të shuar aludimet e fansave, Anaid Kaloti, fitues i Big Brother 6, ka dhënë një koment të detajuar në Instagram, duke zbuluar prapaskenat e raportit mes Brikenës dhe Mateos jashtë shtëpisë.

“Mateo dhe Brikena nuk kanë shkëmbyer disa mesazhe, por kanë folur 1 vit bashkë me mesazhe”, shkruan Anaidi, duke theksuar se investimi emocional ka qenë i konsiderueshëm nga të dy palët.

Sipas tij, pika kyçe që çoi në ftohjen mes tyre lidhet me hapat e mëtejshëm të marrëdhënies. Brikena ka kërkuar të zyrtarizojë raportin duke takuar familjen e saj, ndërsa Mateo ka refuzuar në atë moment: “Në një x-moment kur gjërat janë dashur të bëhen prezente, Brikena i ka kërkuar të takohet me familjarët e saj. Mateo nuk ka pranuar pasi ka dashur të njohë njëherë vajzën, pastaj familjen”, sqaron Anaidi.

Ai gjithashtu thekson se hyrja e Mateos nuk ka qenë e dedikuar ekskluzivisht për Brikenën, por për ambicien e tij personale, dhe se mes tyre ekziston vetëm një foto, e njohur nga të dyja palët dhe produksioni.

Pavarësisht tensionit të krijuar, Anaidi i del në mbrojtje Brikenës, duke e cilësuar si “supergocë” dhe duke paralajmëruar komentuesit që të mos hedhin baltë mbi vajzat e shtëpisë.

Tani që të dy ndodhen brenda shtëpisë më të famshme, mbetet për t’u parë nëse ky “sqarim i munguar” do të shpaloset para kamerave, apo nëse distanca dhe inati i Brikenës do të vazhdojë.

The post “Njohja zgjati një vit, kërkoi takim me familjen” – Anaidi sqaron raportin Brikena-Mateo appeared first on Albeu.com.

Trupat e 40 viktimave të një zjarri në një bar në resortin zviceran të skive Crans-Montana në natën e Vitit të Ri janë identifikuar nga policia.

Viktimat variojnë nga mosha 14 deri në 39 vjeç, me 15 të moshës nën 18 vjeç.

Më të rinjtë ishin një vajzë zvicerane dhe një djalë francez, të dy 14 vjeç.

Grupi përfshin njerëz me kombësi zvicerane, italiane, rumune, turke, portugeze, franceze dhe belge, si dhe një shtetas të Mbretërisë së Bashkuar, Francës dhe Izraelit.

Përveç 40 të vdekurve, janë lënduar edhe 119 të tjerë. Shumica kanë djegie të rënda – gjashtë prej tyre aq të rënda saqë ende nuk janë identifikuar.

Një hetim penal ndaj çiftit francez që menaxhonte barin Le Constellation është duke u zhvilluar.

Një hetim paraprak ka zbuluar se shkëndijat në shishe që mbahen shumë afër tavanit janë shkaku i mundshëm i zjarrit.

Policia tha se nuk do të publikohen detaje të mëtejshme rreth viktimave që kishin identifikuar nga respekti për të afërmit e tyre.

Megjithatë, nëna e Arthur Brodard shkroi në Facebook të shtunën në mbrëmje për të njoftuar se djali i saj 16-vjeçar, Arthur, ishte një nga të vdekurit.

Çifti francez që zotëron barin – të emëruar nga media si Jacques dhe Jessica Moretti – dyshohen për vrasje nga pakujdesia, dëmtim trupor nga pakujdesia dhe zjarrvënie nga pakujdesia, tha zyra e prokurorëve për rajonin Valais.

The post Policia identifikon të 40 viktimat e zjarrit në një bar në resortin e skive në Zvicër appeared first on Albeu.com.

Ari dhe argjendi janë rritur përsëri, ndërsa besimi i investitorëve është rënduar nga rreziqet e shtuara gjeopolitike pas arrestimit të udhëheqësit venezuelian Nicolas Maduro nga SHBA-të.
Mediat e huaja shkruajnë se, çmimi i arit u rrit deri në 2.1% të hënën, duke arritur mbi 4,420 dollarë për ons, ndërsa argjendi u rrit me gati 5%.

Presidenti i SHBA-së, Donald Trump, tha se SHBA-të synojnë të “drejtojnë” Venezuelën pasi Maduro u rrëzua gjatë fundjavës, duke e lënë të pasigurt të ardhmen e qeverisjes së vendit të Amerikës së Jugut. Ai theksoi se Uashingtoni ka nevojë për qasje të plotë në vend, duke përfshirë rezervat e tij të naftës.

Kjo ka rritur mjedisin e pasigurisë gjeopolitike, tha Christopher Wong, një analist në Oversea-Chinese Banking në Singapor. Megjithatë, ai shtoi se rreziqet e menjëhershme janë të kufizuara, pasi zhvillimet në Venezuelë tregojnë për një mbyllje relativisht të shpejtë të frontit, në vend të një konflikti ushtarak të zgjatur.

Ari sapo ka përfunduar performancën e tij më të mirë vjetore që nga viti 1979, duke regjistruar një sërë rekordesh historike gjatë vitit të kaluar, të mbështetur nga blerjet e bankës qendrore dhe hyrjet në ETF-të e lidhura me metalet e çmuara.

Tre ulje të njëpasnjëshme të normave të interesit nga Rezerva Federale kanë qenë gjithashtu mbështetëse për metalet e çmuara, të cilat nuk paguajnë interes.

The post Rriten sërish çmimi i arit dhe argjendit, shkaku kryesor situatat gjeopolitike në Venezuelë appeared first on Albeu.com.

Jimmy Kimmel fitoi për herë të dytë në karrierë çmimin Critics Choice Award për “Best Talk Show”, duke reflektuar hapur për vitin e trazuar që ka kaluar emisioni i tij Jimmy Kimmel Live!. Pas ceremonisë së mbajtur më 4 janar 2026 në Santa Monica, prezantuesi 58-vjeçar pranoi se muajt e fundit kanë qenë një sfidë e madhe personale dhe profesionale.

Në dhomën e fituesve, Kimmel e përshkroi pezullimin gjashtëditor të emisionit në shtator si një “përvojë gati fatale” në aspektin emocional. Ai e krahasoi situatën me ndjesinë e Tom Sawyer dhe Huck Finn që shohin varrimin e tyre, duke iu referuar reagimeve publike pasi emisioni u hoq përkohësisht nga transmetimi për shkak të deklaratave të tij mbi vdekjen e Charlie Kirk.

Edhe pse u rikthye në ekran më 23 shtator, Kimmel vazhdoi të përballej me kritika dhe sulme nga presidenti Donald Trump, i cili ka kërkuar vazhdimisht anulimin e emisionit. Megjithatë, mbështetja e publikut dhe komunitetit artistik rezultoi vendimtare.

Në fjalimin e pranimit të çmimit, Kimmel falënderoi shkrimtarët, aktorët, producentët dhe sindikatat që e mbështetën, duke theksuar rëndësinë e lirisë së fjalës. Me humorin e tij karakteristik, ai ironizoi edhe mungesën e rivalëve në ceremoni dhe nuk la pa përmendur presidentin Trump, duke thënë se pa të, çmimi nuk do të ishte fituar.

Kimmel e mbylli fjalën me një mesazh të qartë: presioni nuk e ka heshtur, përkundrazi e ka forcuar zërin e tij në ekran.

The post Jimmy Kimmel fiton Critics Choice Award dhe flet për vitin më të vështirë të emisionit të tij appeared first on Albeu.com.

Një moment i papritur ka tronditur së fundmi shtëpinë e Big Brother VIP Albania 5, duke sjellë tension dhe konfuzion mes banorëve. Stine vendosi të vërë në lojë bashkëjetuesit e tij përmes një rrengu që për pak çaste u duk shumë real.

Gjatë ditës, Stine u shfaq duke marrë valixhen e tij dhe duke u drejtuar me vendosmëri drejt derës kryesore të shtëpisë. Me një qëndrim serioz, ai deklaroi se kishte vendosur të largohej nga gara, duke lënë të kuptohej se vendimi i tij ishte përfundimtar.
Veprimi i këngëtarit shkaktoi reagime të menjëhershme. Banorët u ngritën me nxitim, vrapuan pas tij dhe u përpoqën ta ndalonin, duke e pyetur për arsyet dhe duke tentuar ta bindnin të mos e ndërmerrte këtë hap. Disa prej tyre shfaqën shqetësim të hapur, ndërsa të tjerë u përpoqën ta qetësonin dhe t’i flisnin me arsye.

Atmosfera pranë derës u mbush me tension dhe emocione të forta, ndërsa për disa minuta askush nuk ishte i sigurt nëse largimi ishte real apo jo. E gjithë shtëpia u përfshi nga pasiguria dhe frika e humbjes së një banori.

Por pas disa çastesh, Stine vendosi të zbulojë të vërtetën, duke sqaruar se gjithçka kishte qenë vetëm një shaka dhe pjesë e lojës së tij.

The post ‘Do iki’/ Stine bën gati valixhen, ja si reaguan banorët appeared first on Albeu.com.

Mateo ka zgjedhur të sqarojë publikisht versionin e tij, duke treguar se që në momentin e hyrjes në BBV ka qenë i sinqertë me produksionin. Ai ka pohuar se është pyetur nëse njihte ndonjë nga banorët dhe se ka pranuar njohjen e mëparshme me Brikenën. Sipas Mateos, mes tyre ka pasur një komunikim të gjatë në distancë dhe një takim, por pa kaluar kurrë në një lidhje të mirëfilltë. Ai theksoi se situata nuk duhet interpretuar si diçka më shumë sesa një njohje me respekt dhe ndjenja të lehta.

“Kam pasur njohje, kemi folur për një kohë shumë të gjatë në distancë, jemi takuar, por nuk ka pasur gjëra të tjera,” u shpreh Mateo, duke shtuar se një takim i vetëm nuk mund të quhet lidhje.

Por reagimi i Brikenës ishte i menjëhershëm dhe i prerë. Ajo e kundërshtoi hapur këtë narrativë, duke theksuar se takimi mes tyre ka ndodhur vetëm një herë dhe se, nëse kanë ekzistuar ndjenja, ato kanë qenë vetëm nga ana e Mateos.

“Vetëm një herë,” ndërhyri Brikena, duke shtuar se ndjenjat nuk kanë qenë reciproke dhe se ajo nuk e ka përjetuar kurrë raportin si diçka emocionale.

Ky shkëmbim deklaratash ka ndezur diskutime të shumta brenda shtëpisë dhe jashtë saj, duke ndarë publikun mes atyre që i besojnë versionit të Mateos dhe atyre që mbështesin qëndrimin e Brikenës.

The post Të lidhur apo jo? Mateo sqaron si ka qenë raporti me Brikenën appeared first on Albeu.com.

Tensione dhe përplasje verbale u shënuan sot para Kryeministrisë, pasi efektivët e Policisë së Shtetit ndërhynë për të hequr çadrat e protestuesve që ndodheshin prej ditësh në shesh.

Kreu i lëvizjes, Adriatik Lapaj, reagoi me tone të ashpra ndaj efektivëve të policisë, duke i akuzuar se po veprojnë nën ndikim politik. Gjatë deklaratës së tij, Lapaj sulmoi drejtpërdrejt zëvendëskryeministren Belinda Balluku, duke e quajtur atë “hajdute” dhe duke pretenduar se ndërhyrja e policisë është bërë me urdhër të saj.

“Merrni Belindën, se ajo ua fut juve. Doni Belinda Ballukun, hajdutja! Keni marrë sot një oficer që është doktor shkencash, se do Belinda Balluku,” deklaroi Lapaj para efektivëve, duke shtuar se policia po përdoret kundër protestuesve paqësorë.

Ai vijoi akuzat duke thënë se policia nuk dëshiron qytetarë që protestojnë paqësisht, por, sipas tij, u shërben personave që nxisin dhunë. Lapaj përmendi gjithashtu emra të tjerë zyrtarësh të lartë, duke i akuzuar për nënshtrimin e Policisë së Shtetit ndaj interesave politike.

“Nuk më doni mua që ju respektoj, doni ata që vijnë me molotovë,” u shpreh ai, duke theksuar se protesta e zhvilluar prej tij dhe mbështetësve ka qenë paqësore dhe pa incidente.

The post Përplasje para Kryeministrisë, Lapaj me tone të ashpra ndaj policisë pas heqjes së çadrave: Ju doni Belinda hajduten! appeared first on Albeu.com.

Ish-ministri i Shëndetësisë, Ilir Beqaj, ka reaguar përmes avokatit të tij lidhur me atë që e cilëson si një shkelje të vazhdueshme të të drejtës për një proces të rregullt ligjor.

Në një reagim publik, Beqaj ngre shqetësimin se të pandehurit në paraburgim nuk kanë akses real për të lexuar dosjet e tyre gjyqësore, ndonëse proceset penale vijojnë prej vitesh në Gjykatën e Posaçme.

Beqaj thekson se prej më shumë se gjashtë vitesh po zhvillohen dhjetëra procese penale me dosje voluminoze, të cilat Prokuroria e Posaçme ua vë në dispozicion avokatëve në format elektronik (PDF), ndërsa gjykatës edhe në formë të printuar. Sipas tij, i pandehuri i paraburgosur mbetet i përjashtuar nga mundësia për të lexuar dosjen e vet, për shkak se institucionet e vuajtjes së dënimit nuk i mundësojnë përdorimin e një kompjuteri pa akses interneti, edhe nën kushte të kontrolluara.

Beqaj ngre pyetjen se si mund të garantohet një mbrojtje efektive dhe një vendimmarrje e informuar nga i akuzuari, nëse ai nuk ka mundësi të njihet me provat, aktet, përgjimet dhe deklarimet që përbëjnë dosjen gjyqësore. Ai e konsideron absurde zgjidhjen e printimit të mijëra faqeve, duke argumentuar se një gjë e tillë është praktikisht e pamundur në kushtet e paraburgimit.
Në deklaratë theksohet se ligji nr. 81/2020 “Për të drejtat dhe trajtimin e të dënuarve me burgim dhe të paraburgosurve”, si dhe Rregullorja e Përgjithshme e Burgjeve, nuk parashikojnë ndalim për përdorimin e një kompjuteri pa internet nga i paraburgosuri. Sipas Beqajt, çdo pretendim i kundërt përbën keqinterpretim të kuadrit ligjor ose shmangie përgjegjësie nga institucionet përkatëse.

Ai sjell edhe shembuj të qëndrimeve të ndryshme dhe kontradiktore të prokurorëve dhe gjykatësve në seanca të ndryshme gjyqësore, duke theksuar se askush nuk merr përgjegjësi për garantimin e kësaj të drejte themelore. Sipas tij, kërkesat për akses në dosjen elektronike shpesh trajtohen si përpjekje për të vonuar procesin.

Në fund të reagimit, Beqaj ngre dyshimin se kjo situatë mund të synojë lodhjen dhe demoralizimin e të akuzuarve, si dhe uljen e cilësisë së mbrojtjes, duke e kthyer atë në një formalitet. Ai u bën thirrje institucioneve përgjegjëse dhe Dhomës Kombëtare të Avokatisë që të reagojnë.

“Është koha për t’i dhënë fund proceseve që nuk garantojnë aksesin real të të akuzuarit në dosjen e tij,” përfundon reagimi i Ilir Beqajt.

The post Të paraburgosurit nuk kanë akses real në dosjet gjyqësore”, ish-ministri Beqaj reagim nga burgu: Po shkelen të drejtat për një proces të rregullt ligjor appeared first on Albeu.com.