E ardhmja e Mohamed Salah te Liverpooli është shndërruar në një nga temat më të diskutuara të javëve të fundit, ndërsa qartësia për situatën e tij mund të vijë shumë shpejt.

Salah shprehu hapur pakënaqësinë e tij pas ndeshjes ndaj Leeds United në Ligën Premier, pasi Arne Slot e kishte lënë në stol për herë të tretë radhazi. Pas këtij episodi, sulmuesi egjiptian u kërkoi falje bashkëlojtarëve të tij. Më pas, u rikthye në listën e skuadrës për ndeshjen kundër Brightonit, pasi kishte munguar në përballjen ndaj Interit.

Që prej asaj kohe, Salah është larguar për t’iu bashkuar kombëtares së Egjiptit në Kupën e Afrikës së Kombeve. Ndërkohë, bisedimet mes tij dhe Arne Slot kanë qetësuar disi situatën, por problemet thelbësore mbeten. Lojtari i ka bërë të ditur Liverpoolit se nuk ka asnjë synim të pranojë një rol dytësor në “Anfield”.

Sipas gazetarit Lewis Steele të Daily Mail, ka ardhur momenti për bisedime vendimtare që mund të përcaktojnë të ardhmen e tij. Drejtori sportiv i Liverpoolit, Richard Hughes, pritet të zhvillojë një takim ballë për ballë me agjentin e Salah, Ramy Abbas Issa, i cili njihet për faktin se nuk kryen negociata të rëndësishme në distancë.

Këto bisedime do të zhvillohen ndërsa Salah ndodhet me Egjiptin në AFCON, që do të thotë se ai nuk do të jetë i përfshirë drejtpërdrejt në kohë reale në negociata.

Nëse rezultati i këtyre takimeve tregon drejt një largimi, Arabia Saudite shihet si destinacioni më i mundshëm. Megjithatë, Steele sugjeron se një largim në afatin e janarit është pak i mundshëm.

Pritshmëritë janë që Salah të qëndrojë te Liverpooli deri në fund të sezonit dhe të largohet gjatë verës. Klubet saudite mbeten në gatishmëri dhe janë të përgatitura të veprojnë sapo të shfaqet mundësia e duhur, e cila mund të vijë pikërisht në verë.

Një shitje e Salah gjatë verës do t’i mundësonte Liverpoolit të arkëtonte një shumë të konsiderueshme financiare, si dhe të lirohej nga paga e tij prej rreth 400 mijë paundësh në javë.

Në të njëjtën kohë, Liverpooli do ta mbajë Salah për pjesën e mbetur të sezonit, veçanërisht për shkak të lëndimit të Alexander Isak. Tashmë, Arne Slot do të ketë nevojë për golat dhe eksperiencën e egjiptianit, teksa klubi synon të shpëtojë sezonin./Telegrafi

Liverpooli ka nisur tashmë planifikimet për afatin kalimtar të janarit, por shqetësimet rreth repartit defensiv kanë filluar të shtohen gjithnjë e më shumë këtë sezon.

Trajneri Arne Slot nuk është plotësisht i bindur nga opsionet aktuale në mbrojtje. E ardhmja e Ibrahima Konates mbetet e paqartë, ndërsa në të njëjtën kohë Virgil van Dijk nuk ka arritur ende nivelin e tij të zakonshëm gjatë këtij sezoni.

Për këtë arsye, drejtuesit e Liverpoolit kanë nisur të shikojnë me vëmendje alternativa për përforcim. Klubi po kërkon një mbrojtës që mund të ketë ndikim të menjëhershëm dhe që është i aftë të përballojë kërkesat e larta të Ligës Premier.

Sipas Mick Brown, Liverpooli po monitoron nga afër një mbrojtës qendror që po shkëlqen në Serie A. Brown, i cili më parë ka punuar si shef i skautimit te Manchester United dhe Blackburn Rovers, vazhdon të jetë i lidhur ngushtë me rrethet e rekrutimit në futbollin anglez.

Ai ka deklaruar për “Football Insider” se Liverpooli prej kohësh po ndjek Alessandro Bastonin e Interit, duke e parë atë si një përmirësim të mundshëm krahasuar me opsionet aktuale në skuadër. Megjithatë, realizimi i një marrëveshjeje nuk pritet të jetë i lehtë.

Sipas raportimeve, çdo lëvizje për Bastonin në janar do të kushtonte mbi 80 milionë funte, shifër kjo që ka krijuar dyshime nëse një transferim në mes të sezonit është realisht i realizueshëm. Për më tepër, Liverpooli nuk është i vetëm në garë.

Barcelona po ashtu është lidhur fuqishëm me Alessandro Bastonin përpara hapjes së afatit të janarit, duke e bërë konkurrencën edhe më të fortë.

Brown ka ndjekur Bastonin prej vitesh dhe më herët ka zbuluar se edhe skautët e Tottenhamit e kanë pasur nën vëzhgim. Sipas tij, mbrojtësi italian do t’i përshtatej shumë mirë futbollit anglez.

Liverpooli e sheh Bastonin si një lojtar që mund ta përmirësojë menjëherë repartin defensiv. Me pikëpyetjet që rrethojnë Konaten dhe Van Dijkun, klubi dëshiron të jetë i përgatitur për çdo skenar të mundshëm./Telegrafi

Trajneri i Tottenhamit, Thomas Frank, ka dalë publikisht në mbrojtje të Micky van de Ven, pasi tekniku i Liverpoolit, Arne Slot, e akuzoi mbrojtësin holandez për ndërhyrje të pamatur që çoi në thyerjen e këmbës së Alexander Isak.

Frank theksoi se situata ishte pjesë e dinamikës së lojës dhe se Van de Ven veproi si çdo mbrojtës që përpiqet të parandalojë një gol.

“Sigurisht që nuk jam dakord. Po flasim për një mbrojtës që do të bëjë gjithçka për të parandaluar një gol. Topi ka rrëshqitur në anën e tij dhe ai po bën gjithçka që mundet për të bllokuar gjuajtjen”, u shpreh Frank para gazetarëve.

Trajneri i Tottenhamit shtoi se fatkeqësisht momenti nuk përfundoi mirë për sulmuesin e Liverpoolit. “Për fat të keq, Isaku e la veten të qetë në momentin e gjuajtjes dhe Van de Ven ndërhyri në të", tha Frank, duke nënvizuar se dëmtimi ishte më shumë pasojë e rrethanave sesa e qëllimit.

Isak do të mungojë për disa muaj për shkak të frakturës, ndërsa Frank zbuloi se lojtarët kanë komunikuar mes tyre dhe e kanë sqaruar situatën.

“E di që ata dy lojtarë e kanë zgjidhur atë, kështu që kjo është një shenjë e mirë”, përfundoi trajneri. /Telegrafi/

Legjenda e Liverpoolit dhe një nga lojtarët më të mëdhenj në historinë e klubit, Steven Gerrard, ka deklaruar se është i gatshëm të ndihmojë “Reds” nëse situata me trajnerin aktual Arne Slot do të përkeqësohej.

Slot e udhëhoqi Liverpoolin në mënyrë mbresëlënëse sezonin e kaluar, duke fituar bindshëm titullin kampion.

Megjithatë, në fund të muajit shtator, skuadra hyri në një krizë të thellë rezultatesh, duke rënë deri në vendin e 12-të në Ligën Premier dhe duke pësuar një humbje zhgënjyese në shtëpi ndaj PSV-së në Ligën e Kampionëve. Kjo situatë e vuri trajnerin holandez nën presion të madh.

Gjithsesi, Slot dhe Liverpool kanë reaguar pozitivisht në javët e fundit. Skuadra është e pamposhtur në gjashtë ndeshjet e fundit, me tri fitore radhazi, edhe pse aktualisht renditet vetëm në vendin e pestë në kampionat, dhjetë pikë pas liderëve të Arsenalit.

Pikërisht për këtë situatë foli edhe Steven Gerrard (45), i cili tetë vite më parë nisi karrierën e tij si trajner pikërisht te Liverpooli, duke drejtuar ekipet e moshave të reja.

“Nuk dua që Arne Slot të shkarkohet. Dua që ai ta stabilizojë situatën dhe ta rikthejë Liverpoolin aty ku i takon. U kritikova nga të gjitha anët kur u fitua titulli sezonin e kaluar, por do të jem brutalisht i sinqertë: do të hidhesha për të ndihmuar Liverpoolin në çdo mënyrë dhe në çdo kohë", deklaroi Gerrard për TNT Sports. /Telegrafi/

Liverpooli mund të zhvendosë fokusin te sulmuesi i Bournemouth, Antoine Semenyo, nëse dëmtimi i Alexander Isak rezulton më serioz nga sa pritej.

Sipas raportimeve, “The Reds” po shqyrtojnë aktivizimin e klauzolës së lirimit të Semenyos si një zgjidhje të mundshme në afatin kalimtar të janarit.

Isak, 26 vjeç, pritet të mungojë për një periudhë të gjatë pas një dëmtimi në pjesën e poshtme të këmbës, duke e shtyrë Liverpoolin të kërkojë përforcime në repartin ofensiv.

Në këtë kontekst, Semenyo, 25 vjeç, shihet si një opsion konkret.

Sulmuesi ganez ka një klauzolë lirimi prej 65 milionë eurosh në kontratën me Bournemouth, e vlefshme vetëm gjatë dy javëve të para të janarit.

Kjo klauzolë do t’i mundësonte Liverpoolit ta siguronte lojtarin me një çmim të fiksuar, pa hyrë në një garë ofertash me klube të tjera.

Shpejtësia dhe aftësia për të shënuar gola e bëjnë Semenyon një profil tërheqës për skuadrën e drejtuar nga Arne Slot.

Presioni mbi thellësinë sulmuese të Liverpoolit rritet edhe më shumë për shkak të mungesës së pritshme të Mohamed Salah, i cili do të angazhohet në Kupën e Kombeve të Afrikës.

Ndërsa Hugo Ekitike pritet të udhëheqë sulmin në qendër, Slot mund të veprojë shpejt për të forcuar krahët e sulmit, nëse mungesa e Isak zgjatet më tej. /Telegrafi/

Trajneri i Liverpoolit, Arne Slot, e mbylli situatën me Mohamed Salah, e cila tronditi botën e futbollit, dhe veçanërisht tifozët e Liverpoolit që vuajtën më shumë.

Slot vendosi së fundmi ta dërgonte Salahun në stol dhe kjo ishte situata në tre ndeshje radhazi të ligës, pas të cilave futbollisti egjiptian foli publikisht kundër klubit dhe njerëzve në klub.

E gjithë kjo rezultoi në largimin e Salahut nga skuadra dhe madje as në ndeshjen jashtë fushe kundër Interit në Ligën e Kampionëve nuk u mor më në fushë. Pas kësaj, të dyja palët u ulën në tavolinë dhe duket se është arritur një pajtim.

Trajneri i Liverpoolit foli përsëri për këtë në konferencën për shtyp përpara ndeshjes me Tottenhamin.

"Veprimet flasin më shumë se fjalët dhe ne vazhduam përpara. Ai ishte në ekip dhe ky ishte zëvendësimi i parë që bëra. Por tani ai është në Kupën e Kombeve Afrikane dhe po luan ndeshje të mëdha për veten dhe për vendin", tha Slott, duke iu referuar ndeshjes së fundit të klubit, kundër Brighton, në të cilën ai e futi Salahun në lojë.

Ai shtoi gjithashtu se Salah nuk do të jetë në ekip për njëfarë kohe për shkak të Kupës së Kombeve Afrikane, dhe se përqendrimi është i rëndësishëm për të në mënyrë që të arrijë rezultatin më të mirë të mundshëm atje.

“Mendoj se është e drejtë për ta, dhe gjithashtu për ne, sepse do të luajmë disa ndeshje të rëndësishme, që i gjithë fokusi të jetë tek ai atje dhe nuk duhet të ketë asnjë shpërqendrim nga unë që të them gjëra për kohën e tij në Liverpool”.

"Ne kemi vazhduar përpara pas intervistës me Leeds dhe ai luajti kundër Brighton. Tani ai është atje, kështu që është e drejtë për vendin e tij, dhe për të dhe ne, të flasim për Tottenham dhe ndeshje të tjera”, përfundoi trajneri i Reds. /Telegrafi/

Trajneri i Liverpoolit, Arne Slot është i kujdesshëm ndaj reagimit të mediave të shtunën, ndërsa ata përgatiten të përballen me Brighton në Ligën Premier.

Liverpooli është nën presionin e largimit të Mohamed Salah, pasi ai kritikoi publikisht klubin dhe trajnerin.

Megjithatë, pas një takimi mes tij dhe trajneri Slot, ky i fundit ka vendosur ta rikthej në skuadër për ndeshjen ndaj Brighton.

Holandezi nuk dëshiron cirk mediatik në kurriz të situatës së Salah me klubin nga Anfield.

Arne Slot merr vendimin për Salah pas bisedës sy më sy me yllin e Liverpoolit

“Nëse mundem, dhe është gjithashtu mirë për ekipin dhe për klubin, patjetër që do të preferoja të shmangia një cirk mediatik të shtunën”, ka thënë fillimisht Slot.

"Nuk mendoj se është cirk për mua. Por nëse është cirk, kjo nuk i ndihmon askujt. Kështu që përpiqesh ta shmangësh sa më gjatë që të mundesh”, përfundoi trajneri i Reds.

Ndryshe, Salah nuk luajti asnjë minutë në ndeshjet ndaj West Ham dhe Leeds United në Ligën Premier, luajti 45 minuta ndaj Sunderland dhe nuk u përfshi fare në skuadër për ndeshjen kundër Interit në Ligën e Kampionëve. /Telegrafi/

Mohamed Salah është rikthyer në skuadrën e Liverpoolit për ndeshjen e së shtunës në Ligën Premier kundër Brighton në ‘Anfield’.

Përfshirja e sulmuesit egjiptian vjen pas diskutimeve pozitive midis tij dhe trajnerit Arne Slot në Kirkby sot, siç kanë konfirmuar burime të informuara mbi çështjen.

E ardhmja e Salah në Anfield u vu në dyshim pas komenteve të tij shpërthyese pas ndeshjes së fundjavës së kaluar ndaj Leeds United dhe përjashtimit të tij nga skuadra për ndeshjen e mesjavës në Champions League kundër Inter Milanit.

Vendimi u mor nga Slot, i cili veproi sipas asaj që ai beson se është në interesin më të mirë të ekipit.

Salah do të largohet pas ndeshjes së së shtunës për t’iu bashkuar kombëtares së Egjiptit për Kupën e Kombeve të Afrikës, dhe Liverpooli e sheh këtë periudhë ndarjeje si të rëndësishme për të adresuar më tej situatën aktuale.

Gjatë konferencës për shtyp të premten, Slot tha: “Do të kem një bisedë me Mo këtë mëngjes dhe rezultati i saj do të përcaktojë se si do të duket situata nesër”.

“Ajo që më duhet është një bisedë me të, dhe hera tjetër që do të flas për Mo duhet të jetë pasi të kem folur me të, jo këtu. Mund të vazhdoni të pyesni, por s’ka më shumë për të thënë”.

“Kemi folur shumë gjatë javës së fundit. Ka pasur shumë bisedime midis përfaqësuesve të tij dhe tanëve, mes përfaqësuesve tanë dhe tij, mes meje dhe tij, dhe sot do të flas sërish me të”.

Kur u pyet nëse ai dëshiron që sulmuesi egjiptian të qëndrojë në Liverpool, Slot tha: “Nuk kam asnjë arsye për të mos dashur që ai të qëndrojë”.

Reagimi i Salah pas përjashtimit të tij nga skuadra për të tretën ndeshje radhazi ishte i fortë, duke thënë se ishte “hedhur nën autobus” nga Liverpooli dhe se marrëdhënia e tij me Slot ishte prishur./Telegrafi/

Situata mes Arne Slot dhe Mohamed Salah vazhdon të jetë në qendër të vëmendjes te Liverpooli, pasi sulmuesi egjiptian dha një intervistë të fortë pas barazimit me Leeds, ku u shpreh se klubi e kishte “hedhur poshtë autobusin” dhe se nuk kishte më marrëdhënie me trajnerin.

Në konferencën e fundit për media, Slot ka konfirmuar se sot do të zhvillojë një bisedë të drejtpërdrejtë me Salah, e cila do të vendosë nëse ai do të jetë pjesë e skuadrës për ndeshjen ndaj Brighton.

"Do të kem një bisedë me Mo këtë mëngjes dhe rezultati i saj do të përcaktojë se çfarë do të ndodhë nesër", ka thënë Slot në konferencën për media.

Pas ndeshjes me Leeds, Salah kishte thënë se ndiente se klubi e kishte ‘hedhur nën autobus’ dhe se ai nuk kishte më marrëdhënie me Slot.

Trajneri reagoi duke theksuar se mirësjellja e tij nuk duhet marrë si dobësi, dhe për këtë arsye Salah mungoi në ndeshjen ndaj Interit në mesjavë.

Slot shtoi gjithashtu se lojtari duhet të pranojë gabimin e tij para se të arrihet një zgjidhje.

Ky takim pritet të jetë vendimtar për të ardhmen e menjëhershme të Salah te Liverpooli, ndërsa tensionet mes lojtarit dhe trajnerit mbeten të larta. /Telegrafi/

Sipas Daily Mail, Arne Slot ka fituar edhe më shumë mbështetje nga lojtarët e Liverpoolit pas intervistës të Mohamed Salah, e cila u interpretua nga shumëkush si përpjekje për t’i ushtruar presion trajnerit.

Duke cituar “burime pranë situatës dhe dhomës së zhveshjes”, raporti thekson se skuadra vazhdon ta vlerësojë trajnerin holandez për aftësitë e tij taktike, pavarësisht vështirësive të këtij sezoni.

Shembull i kësaj është formacioni “diamant” i përdorur në ndeshjen ndaj Interit, i cili tregoi se Slot mbetet i aftë të nxjerrë maksimumin nga lojtarët e tij.

Megjithatë, disa futbollistë dyshojnë mbi aftësitë e tij në menaxhimin e grupit, një çështje që u theksua edhe më shumë pas deklaratave të Salah.

Pavarësisht kritikave, Slot gëzon mbështetje të fortë në nivelet më të larta të klubit, përfshirë Fenway Sports Group, Michael Edwards, dhe drejtorin sportiv, Richard Hughes. /Telegrafi/

Steven Gerrard ka folur për përballjen Mohamed Salah – Arne Slot, duke këmbëngulur se ylli i Liverpoolit “duhet t’i kërkojë falje” trajnerit të tij pas asaj interviste shpërthyese në Elland Road.

Legjenda e klubit beson se lëvizja e radhës duhet të vijë nga Salah nëse duam që marrëdhënia të riparohet dhe sulmuesi të riintegrohet pasi u la jashtë ndeshjes në fitoren 1-0 ndaj Interit.

Gerrard, duke folur për TNT Sports, tha se Salah e kaloi vijën me “disa komente të gabuara” dhe i nxiti të gjithë të përfshirët të përdorin “logjikën e shëndoshë” për të gjetur një zgjidhje.

“Shpresoj që Virgil van Dijk, si kapiteni i tij, si udhëheqësi i tij, do të ndihmojë në arritjen e kësaj”, tha ai, duke bërë një paralele me atë që bëri vetë Gerrard midis Luis Suarez dhe Brendan Rodgers në vitin 2013.

Liverpooli zgjedh zëvendësuesin e Salah, ka gati ofertën prej 150 milionë eurove telegrafi.com

Në atë kohë, Suarez kërkoi falje pas përplasjes së tij, më pas e nisi garën e Liverpoolit për titull me 31 gola dhe 15 asiste në Ligën Premier, një precedent që Gerrard e ka qartë në mendje për Salahun.

Ish-mesfushori theksoi se Liverpooli “ka nevojë” për golashënuesin e tyre më të mirë, duke paralajmëruar kundër kujtesës së shkurtër pasi egjiptiani ndihmoi në fitimin e titullit të ligës sezonin e kaluar.

Salah, 33 vjeç, ka pohuar publikisht se është “hedhur nën autobus” dhe ka lënë të kuptohet se ndeshja e ardhshme në shtëpi kundër Brighton mund të jetë e fundit për klubin para Kupës së Kombeve të Afrikës dhe një largimi të mundshëm në janar.

Slot ka pranuar se nuk është i sigurt nëse Salah do të luajë përsëri për Liverpoolin, duke lënë një vendim të rëndësishëm për Anfield në ditët e ardhshme. /Telegrafi/

Xabi Alonso ndodhet nën presion të madh nga drejtuesit e Real Madridit dhe, sipas burimeve të brendshme, një humbje sot ndaj Manchester Cityt në “Santiago Bernabeu” mund t’i kushtojë postin e trajnerit.

Pas performancës së dobët kundër Celta Vigos dhe fishkëllimave të forta të tifozëve, durimi i klubit është drejt fundit. Pikërisht për këtë arsye, sfida ndaj skuadrës së Pep Guardiolës shihet si testi i tij vendimtar në stolin madrilen.

Pas ndeshjes me Celtan, drejtuesit janë mbledhur urgjentisht për të diskutuar shkarkimin e mundshëm, por vendosën t’i jepnin Alonsos një shans të fundit.

Nëse ekipi nuk tregon përmirësim të qartë sonte, gjithçka mund të marrë fund për trajnerin. Ndërkohë, situata e tensionuar te Real Madridi ka bërë që Liverpooli të mbajë nën vëzhgim zhvillimet.

Në Angli, të kuqtë po kalojnë krizë dhe e ardhmja e trajnerit Arne Slot nuk është e sigurt, pavarësisht fitores së fundit në Milano.

Sipas “Caught Offside”, Liverpooli po e ndjek nga afër Xabi Alonson, të cilin në të kaluarën tentuan ta bindnin kur u largua nga Leverkuseni.

Ai gëzon respekt të madh te tifozeria angleze, ndërsa filozofia e tij e lojës përputhet mjaft mirë me stilin e klubit.

Opsioni tjetër për stolin e Liverpoolit, Jurgen Klopp, duket i pamundur, pasi ai është shprehur i lumtur me rolin e tij të ri në strukturën e Red Bull.

Kjo e bën kandidaturën e Alonsos edhe më të fortë.

Ndërkohë, Real Madridi, pas 16 javësh kampionat, renditet i dyti në La Liga me 11 fitore, 3 barazime dhe vetëm 2 humbje, duke shënuar 32 gola dhe pësuar 15. /Telegrafi/

Marco van Basten, legjenda e futbollit holandez, ka komentuar shpërthimin e Mohamed Salah ndaj Liverpoolit dhe trajnerit Arne Slot gjatë fundjavës, duke mos kursyer kritikat për egjiptianin.

Sipas tij, sulmuesi i “The Reds” ka reaguar në mënyrë të gabuar dhe nuk ka justifikim për sjelljen e tij.

"Do të thoja: truri i një zogu të egër. Nëse reagon kështu... Ai luajti shumë mirë vitin e kaluar, por këtë sezon nuk është i mirë", tha Van Basten.

Ai shtoi se forma e Salahut ka qenë zhgënjyese kohët e fundit.

"Ai thjesht ka qenë i keq këto muajt e fundit. Gjithmonë e gjej Slotin të ndershëm dhe të drejtpërdrejtë".

telegrafi.com

Van Basten theksoi edhe se trajneri Arne Slot nuk i shmanget konflikteve dhe flet hapur, ndërsa beson se pikërisht Salah ishte ai që e teproi këtë herë.

"Slot nuk i shmanget një sherri dhe në fund të fundit nuk thotë asgjë të pamatur. Salah, nga ana tjetër, filloi ta sulmonte atë njeri dhe të reagonte gabimisht", tha Van Basten.

Sulmuesi egjiptian dhe tekniku holandez mbeten në qendër të vëmendjes, ndërsa tensionet e brendshme te Liverpooli vazhdojnë të komentohen gjerësisht. /Telegrafi/

Trajneri i Liverpoolit, Arne Slot, ka konfirmuar publikisht se situata e krijuar me yllin egjiptian Mohamed Salah është tejet e tensionuar, duke e cilësuar “larg së qenit ideale” për klubin, skuadrën dhe vetë lojtarin.

Konflikti shpërtheu pas barazimit me Leeds, kur Salah akuzoi klubin se ishte “hedhur nën autobus”, një deklaratë që ka shkaktuar tronditje brenda kampit të kuq.

Pas kësaj deklarate të bujshme, Liverpooli ka marrë masë të menjëhershme disiplinore duke përjashtuar Salahin nga skuadra për ndeshjen e Ligës së Kampionëve ndaj Interit.

Slot konfirmoi se vendimi lidhet drejtpërdrejt me komentet e futbollistit.

“Situata me Salah është shumë larg së qenit ideale. Nuk është e mirë për klubin, për ekipin dhe as për të. Reaguam në mënyrën që menduam të duhur dhe vendosëm të mos e marrim me vete. Kjo tregon qartë se çfarë menduam për komentet e tij”, ka thënë Slot për Prime Video Sport.

I pyetur nëse Salah do të rikthehet për sfidën e ardhshme të Ligës Premier kundër Brighton, Slot shmangu një përgjigje të drejtpërdrejtë, duke thënë se fokusi i skuadrës për momentin është te dueli ndaj Interit.

Përjashtimi i Salah vjen në një moment delikat për Liverpoolin, ndërsa e ardhmja e egjiptianit në “Anfield” tashmë duket më e pasigurt se kurrë. /Telegrafi/

Trajneri i Liverpoolit, Arne Slot, ka reaguar për herë të parë mbi situatën e vështirë që përfshin Mohamed Salahun, pas një intervistë të fuqishme të sulmuesit egjiptian gjatë fundjavës, ku ai shprehu pakënaqësi për marrëdhënien me trajnerin dhe sugjeroi se dikush dëshironte ta përjashtonte nga klubi.

Kur u pyet nëse Salah i referohej atij, Slot u përgjigj: “Do të duhej ta pyesnit atë. Nuk e di për kë po flet”.

“Ne folëm që para të shtunës, shumë shpesh. Ndonjëherë më shkurt, ndonjëherë më gjatë. Ai ka të drejtë ta perceptojë situatën siç e ndjen, por unë e shoh ndryshe. E kuptoj që lojtarët që nuk janë titullarë ndihen të pakënaqur, por ai u stërvit shkëlqyeshëm javën e kaluar”

“Nuk është hera e parë që një futbollist që nuk po luan komenton për këtë. Reagimi im është i qartë, dhe kjo është arsyeja pse Salah nuk është pjesë e skuadrës sonte. Pas ndeshjes së ardhshme, do ta rivlerësojmë situatën. Tani fokusi është te Interi, por gjithmonë është e mundur që një lojtar të kthehet në ekip”, deklaroi holandezi.

Për ndeshjen e Ligës së Kampionëve kundër Interit në Milano, Mohamed Salah nuk është përzgjedhur në skuadër.

Edhe Cody Gakpo mungon, ndërsa Liverpooli ka përzgjedhur një ekip prej nëntëmbëdhjetë lojtarësh, përfshirë Virgil van Dijk dhe Ryan Gravenberch. Klubi ende nuk ka dhënë një arsye zyrtare për mungesën e Salah dhe Gakpo./Telegrafi/

Përplasja mes Mohamed Salahut dhe klubit vijon të thellohet.

Sipas asaj që raporton RMC Sport, e cituar nga gazetari i njohur Fabrizio Romano, sulmuesi egjiptian është lënë jashtë skuadrës për ndeshjen e Ligës së Kampionëve kundër Interit.

Vendimi është marrë nga drejtuesit e Liverpoolit në bashkëpunim me trajnerin Arne Slot.

Ky zhvillim vjen pas disa javësh tensioni. Salah i ka nisur tre ndeshjet e fundit të Ligës Premier nga stoli, ndërsa në barazimin e fundjavës kundër Leeds nuk u aktivizua fare. Situata ka sjellë pakënaqësi të hapur nga ana e futbollistit.

Së fundmi, Salah ka deklaruar se marrëdhënia e tij me trajnerin Slot është përkeqësuar dhe se ndien se klubi nuk po e trajton drejt.

“Është e qartë se dikush dëshiron që unë të marr të gjithë fajin. Kam thënë disa herë se kam marrëdhënie të mirë me trajnerin, dhe tani papritmas duket sikur nuk kemi asnjë marrëdhënie. Nuk e kuptoj pse”, u shpreh egjiptiani.

Ai shtoi se ndihet i “lënë pas dore” nga klubi, pavarësisht kontributit ndër vite. Situata mbetet e tensionuar dhe pritet të zhvillohet më tej gjatë ditëve në vijim. /Telegrafi/

Wayne Rooney ka nisur një sulm të ri të ashpër ndaj Mohamed Salah, duke e akuzuar sulmuesin egjiptian se po “shkatërron trashëgiminë e tij” te Liverpooli.

Ish-ylli i Manchester United, i njohur për deklaratat e tij të drejtpërdrejta, reagoi pas komenteve të fundit nga Salah.

33-vjeçari egjiptian, nuk ka qenë titullar në asnjërën nga tre ndeshjet e fundit, madje nuk u aktivizua fare në barazimin 3–3 kundër Leeds.

Rooney e quajti shpërthimin publik të Salahut si arrogant dhe mungesë respekti, duke këmbëngulur se 33-vjeçari duhet të përjashtohet nga ndeshjet e ardhshme kundër Interit dhe Brightonit për të lejuar që tensionet të qetësohen.

“Slot duhet të tregojë autoritet. T’i thotë Salahut se nuk do të udhëtojë me ekipin, se ajo që tha është e papranueshme. Dërgoje në AFCON dhe lëre situatën të qetësohet. Personalisht, unë nuk do ta luaja", deklaroi ish-kapiteni i Anglisë.

Sipas Rooneyt, deklaratat e Salahut janë “arrogante” dhe vijnë në një moment kur Liverpooli ka më shumë se kurrë nevojë për të.

Ai thekson se egjiptiani duhet ose të rindërtojë marrëdhënien me Slot, ose të përgatitet për largim.

“Duhet të zgjidhet tani. Ai po e shkatërron trashëgiminë e tij. Është e trishtueshme ta shohësh duke e hedhur të gjithën poshtë", shtoi Rooney, duke vënë në pikëpyetje arsyet e një reagimi të tillë nga një lojtar që ka shënuar 250 gola në 420 paraqitje që prej vitit 2017.

Situata sportive nuk e ndihmon aspak as klubin, as lojtarin. Liverpooli është aktualisht në vendin e nëntë, dhjetë pikë larg Arsenalit kryesues, me vetëm shtatë fitore në 15 javët e para. Salah gjithashtu ndodhet larg formës së tij më të mirë, me vetëm katër gola në 13 ndeshje të Ligës Premier, shumë poshtë 29 golave të sezonit të kaluar përpara se të rinovonte kontratën deri në vitin 2026.

Reagimi i menj\u00ebhersh\u00ebm i Mo Salah pasi Arne Slot e la p\u00ebrs\u00ebri n\u00eb stol flet shum\u00eb telegrafi.com

Rooney kritikoi edhe deklaratat e fundit të Salahut, ku ai tha se nuk kishte pse të luftonte çdo ditë për vendin e tij.

“Koha i kap të gjithë. Këtë vit ai nuk është në formën e tij më të mirë. Duhet ta vërtetosh veten çdo javë. Nëse do të isha shok skuadre i tij, do të mërzitesha shumë. Komenti i tij ishte arrogant, sidomos në një kohë kur Liverpooli ka më shumë nevojë për të".

Në fund, ish-lojtari i kombëtares angleze shtoi se Salah ka rrezikuar marrëdhënien me të gjithë klubin.

“Ai ishte i pakujdesshëm ndaj shokëve të ekipit, trajnerit dhe tifozëve. Ka krijuar një atmosferë negative në dhomën e zhveshjes, sidomos me shumë lojtarë të rinj. Do të pendohet për këtë”, tha Rooney. /Telegrafi/

Liverpooli mbetet plotësisht i përkushtuar ndaj Arne Slotit dhe në klub e shohin shpërthimin publik të Mohamed Salahut më shumë si një stuhi afatshkurtër, e jo si fillimin e një ndarjeje të pashmangshme, raporton mediumi i besueshëm britanik “The Athletic”.

Burime të afërta me klubin bëjnë të ditur se figura të larta drejtuese në “Anfield” nuk u habitën plotësisht nga reagimi i Salahut, veçanërisht pasi ai ishte lënë jashtë formacionit titullar për tri ndeshje radhazi.

Megjithatë, ashpërsia e deklaratave të tij shkoi përtej çdo pritjeje, sidomos kur egjiptiani aludoi se ishte “hedhur nën autobus” dhe se marrëdhënia e tij me trajnerin Arne Slot ishte prishur.

“Kam ndjenjën se jam hedhur nën autobus dhe se marrëdhënia mes meje dhe trajnerit është thyer”, ishte ndër deklaratat e lojtarit.

Pavarësisht këtij reagimi publik, Fenway Sports Group dhe hierarkia e klubit mbeten të palëkundura në besimin e tyre te trajneri holandez dhe nuk kanë asnjë qëllim t’i nënshtrohen presionit të lojtarëve sa i përket vendimeve për përzgjedhjen e formacionit.

Në ambientet e brendshme të klubit, periudha e fundit e Salahut në bankën rezervë konsiderohet thjesht si një masë taktike, e diktuar nga nevoja për ta bërë skuadrën më kompakte gjatë një faze të vështirë. Slot ka përdorur Dominik Szoboszlai në krahun e djathtë, kryesisht për shkak të kontributit të tij më të madh defensiv.

Plani thuhet se ka qenë gjithmonë rikthimi i Salahut gradualisht në formacion, ndërsa po testohej një sistem loje që do të nevojitet edhe gjatë mungesës së tij të ardhshme në Kupën e Kombeve të Afrikës. Po ashtu, insistohet se askush prapa skenës nuk po tenton ta largojë me forcë 33-vjeçarin nga gjiganti anglez.

Edhe pse tashmë ka interes serioz nga klube të Ligës Profesionale Saudite dhe MLS-së, në prag të një lëvizjeje të mundshme gjatë afatit kalimtar të janarit, Liverpooli po përgatitet për çdo skenar të mundshëm./Telegrafi

Dikur një nga futbollistët më të mirë në botë, egjiptiani Mohamed Salah po përballet me një periudhë të vështirë në karrierën e tij.

Sulmuesi anësor i Liverpoolit nuk ka startuar në asnjë ndeshje për tre takime radhazi dhe qëndroi në stol gjatë gjithë sfidës së fundit kundër Leeds.

Pas ndeshjes, Salah u shpreh se marrëdhënia e tij me trajnerin Arne Slot është në pikën më të ulët.

"Mendoj se është shumë e qartë se dikush dëshiron që unë të marr të gjithë fajin. E kam thënë disa herë se kam një marrëdhënie të mirë me trajnerin, dhe tani papritmas nuk kemi asnjë marrëdhënie. Nuk e di pse", deklaroi egjiptiani i cili shtoi duke thënë se e sheh situatën si të papranueshme, duke u ndjerë i lënë pas dore.

The Athletic shkruan se Salah aktualisht duket si një “hije e zbehtë” në skuadër, ndërsa ky medium, dha edhe një mendim.

"Nëse urat nuk mund të ndërtohen, atëherë Salah ose Slot do të duhet të largohen nga klubi", shkroi The Athletic.

Duke marrë parasysh mbështetjen që pronarët e klubit i kanë dhënë më parë trajnerit Arne Slot, duket e logjikshme të konkludohet se Salah mund të pohoi sezonin e tij të fundit te Liverpooli dhe mund të largohet në dimër.

Si kujtesë, Mohamed Salah mbërriti te Liverpooli në vitin 2017 nga Roma dhe deri më tani ka shënuar 250 gola për Reds. /Telegrafi/

Liverpooli po shqyrton mundësinë e rikthimit të legjendës së klubit, Steven Gerrard, në rast të një ndryshimi në trajner, pasi pozicioni i Arne Slot po vlerësohet gjithnjë e më shumë.

Të Kuqtë kanë pasur javë të vështira, duke humbur gjashtë nga nëntë ndeshjet e fundit në Liga Premier. Ndërsa skuadra e Slot u rikthye shkurtimisht me një fitore 2-0 ndaj West Ham, ata u ndalën 1-1 nga Sunderland vetëm 72 orë më vonë. Më pas, Liverpool pësoi një barazim dramatik 3-3 kundër Leeds United, me Ao Tanaka që shënoi golin e barazimit në kohën shtesë, në një pjesë të dytë emocionuese në Elland Road.

telegrafi.com

Trajneri holandez, Arne Slot mbetet optimist për vazhdimësinë e sezonit. "Ka çdo arsye për të qenë pozitivë," tha ai për gazetarët.Megjithatë, humbja 4-1 ndaj PSV në shtëpi në Ligën e Kampionëve dhe reagimi kritik i tifozëve ka shtuar presionin mbi trajnerin.

Sipas raportimeve, DaveOCKOP, legjenda e klubit Steven Gerrard konsiderohet si zëvendësues i përkohshëm nëse Slot shkarkohet.

Një rikthim në Anfield do të shënonte kthimin e 45-vjeçarit në shtëpinë ku u ngjit për t’u bërë një nga ikonat më të mëdha të klubit

.

telegrafi.com

Gerrard më parë drejtoi Rangers nga 2018 deri në 2021, duke fituar Ligën Premier skoceze në sezonin 2020-21, përpara se të kalonte në Aston Villa dhe Al-Ettifaq. Kohët e fundit ai ishte "shumë afër" rikthimit si trajner i Rangers pas largimit të Russell Martin, por në fund refuzoi rolin.

Liverpool gjithashtu po monitoron Julian Nagelsmann, i cili mund të jetë në dispozicion pas udhëheqjes së skuadrës së tij drejt Kupës së Botës verën e ardhshme. /Telegrafi/