Stresi, fituesi i edicionit të parë të Big Brother VIP Kosova, ka reaguar së fundmi në rrjetet sociale duke shprehur hapur mbështetjen e tij për banorin aktual të shtëpisë, Labinot Rexhën.

Përmes një postimi, Stresi u ka bërë thirrje ndjekësve që të votojnë për Labin, duke theksuar se prania e tij i jep energji lojës dhe mban gjallë debatin dhe emocionin brenda shtëpisë.

Ai shprehet se pa Labin, Big Brother do të bëhej i mërzitshëm dhe “do ngelnin në gjumë".

Foto: Facebook

Sipas Stresit, Labi sjell atmosferë, emocione, debate të forta, por edhe momente argëtuese, duke qenë një nga figurat kyçe të këtij edicioni.

Në fund, ai shton se po të kishte edhe artikulimin do të përfundonte Big Brotherin.

"Normal që Labin do të shpëtojmë të gjithë bashkë. Paramendoje mos me qenë Labi Big Brother fiket dhe fillon gjumi".

"Të paktën ky jep energji debate, këndim, atmosferë emocione, lot rrëmujë e gjëra argëtuese".

"Me pas edhe artikulimin ish kry Big Brother javën e dytë që ka hyrë", tha ndër tjerash Stresi. /Telegrafi/

Aktori i njohur amerikan, Jonah Hill, ka surprizuar publikun me pamjen e tij krejtësisht të re gjatë xhirimeve të filmit të ri “Outcome”.

Hill shfaqet me kokë të rruar plotësisht, mjekër të thinjur dhe një trup të hollë, duke u bërë pothuajse i papërshkueshëm për fansat që e njihnin nga rolet e tij të mëparshme në “Superbad” dhe “Wolf of Wall Street”.

Filmi “Outcome”, një komedi që Hill jo vetëm e ka shkruar dhe realizuar, por edhe luan krahas Keanu Reeves, rrëfen historinë e një ikone hollivudiane që përballet me një video kërcënuese dhe përpiqet të shpëtojë karrierën e tij, duke u përballur me demonët e vet.

Keanu Reeves

Projekti trajton metaforikisht obsesionin e shoqërisë moderne ndaj rrjeteve sociale dhe rëndësinë e opinionit të të tjerëve.

Ky transformim dramatik vjen ndërsa Hill po përgatitet edhe për një tjetër projekt filmik këtë vit, komedinë “Cut Off”, ku do të luajë krahas Kristen Wiig.

Keanu dhe Jonah Hill

Transformimi i Jonah ka shkaktuar habi dhe diskutime të shumta në media dhe rrjetet sociale, duke treguar fuqinë e tij si aktor dhe gatishmërinë për të sfiduar vetveten përmes roleve të ndryshme, duke i dhënë çdo projekti një dimension të ri dhe të papritur për audiencën.

Premiera e këtij filmi do të jetë në prill të vitit 2026. /Telegrafi/

Marrëdhënia mes Mateo Borrit dhe Brikena Selmanit po vazhdon të jetë e komentuar në Big Brother VIP Albania 5.

Kjo për shkak të njohjes së mëparshme, takimit e që u tha se ka pasur edhe më shumë.

Derisa modelja e ka mohuar vazhdimisht, banori vazhdon me surpriza e me kërkesa për t'u njohur edhe më shumë bashkë.

Foto: Instagram

Tani në një bisedë të bërë së fundmi i tha se ka dashur t'i shkruaj, e madje që nuk e kishte imagjinuar që do e shihte si Miss.

Foto: Instagram

Pjesë nga biseda mes tyre:

Mateo: A e di që kam dashur të të shkruaj një herë, vetëm të të them urime.

Brikena: Mirë që s'më ke shkruar nuk do t'a kisha kthyer.

Mateo: E kam menduar, por që do të shihja në Miss, nuk më ka marrë mendja.

Brikena: Pse jo.

Mateo: S'është që e ke shprehur ndonjëherë që e ke pasur qejf.

Brikena: Ka ardhur papritmas. /Telegrafi/

Prezantuesi i njohur amerikan, Jimmy Kimmel, ka bërë shaka në lidhje me dokumentarin e ri për Melania Trump, duke deklaruar se do të rikthehet të drejtojë ceremoninë e ndarjes së çmimeve Oscar vetëm nëse filmi nominohet për çmimin prestigjioz.

Kjo deklaratë u bë gjatë emisionit të tij, ku ai komentoi suksesin e filmit që gjatë javës së parë të shfaqjes fitoi 7 milionë dollarë, pavarësisht vlerësimeve të ulëta nga kritikët (6 për qind në Rotten Tomatoes), ndërsa publiku e vlerësoi gati maksimalisht (99 për qind).

Kimmel e ironizoi gjithashtu mbështetjen e filmit nga ish-sekretarja e shtypit të Trump, Kayleigh McEnany, e cila e konsideroi si kandidatë për Oscar.

- YouTube www.youtube.com

Ai kujtoi edhe momentet e mëparshme kur ka drejtuar ceremoninë e Oscarit dhe tensionet me Donald, përfshirë një mesazh ofendues të Trump gjatë transmetimit të vitit 2024.

Tani, Kimmel sugjeron se mund të rikthehet në Oscar në vitin 2027, nëse filmi i Melanias nominohet, duke bërë shaka edhe për çmimet e FIFA-s dhe vendimin e saj për t’i dhënë Trump një “Çmim për Paqe”, duke e lidhur me humorin dhe ironinë e situatës.

Në fund, shprehja e tij e qartë dhe ironike tregon se Kimmel vazhdon të përdorë komedinë për të komentuar ngjarjet aktuale dhe figurat publike, duke krijuar situata virale që kapin vëmendjen e publikut.

Edhe pse deklarata e tij është kryesisht për shaka, ajo rikthen në vëmendje tensionet e vazhdueshme mes Kimmel dhe familjes Trump si dhe ndikimin që figura publike e Melanias ka në kulturën popullore dhe median amerikane. /Telegrafi/

- YouTube www.youtube.com

Gjatë qëndrimit të tij në Big Brother VIP Kosova 4, Ludo Lee, është përballur me fyerje dhe kërcënime nga disa banorë të shtëpisë, situatë që ka sjellë reagim nga familja dhe menaxhmenti i tij.

Ata kanë dalë me një qëndrim zyrtar për të sqaruar situatën dhe për të mbrojtur reputacionin e artistit.

Në komunikatën e tyre bëhet e ditur se këto veprime merren shumë seriozisht dhe aktualisht po shqyrtohen hapa ligjorë ndaj personave përgjegjës.

Foto: Instagram

Menaxhmenti është gjithashtu në kontakt me produksionin e Big Brother për të sqaruar çdo paqartësi dhe për të siguruar informacion të saktë mbi situatën.

Postimi i plotë nga Instagrami i Ludo Lee:

Njoftim i rëndësishëm për të gjithëSi familje dhe menaxhment i Ludo Lee, dëshirojmë të marrim qëndrim lidhur me kërcënimet dhe fyerjet ndaj Ludo Lee.

Këto veprime i marrim shumë seriozisht dhe aktualisht po shqyrtojmë hapa ligjorë ndaj personave përkatës.

Njëkohësisht, jemi në komunikim me produksionin për të sqaruar disa paqartësi.

Do t'ju mbajmë të informuar.

Faleminderit për mbështetjen tuaj.

Me respekt, menaxhmenti i Ludo Lee". /Telegrafi/

Rogert Sterkaj u fut gjatë spektakklit të së martës për disa orë në dhomën e reflektimit.

Në momentin që Ledioni u lidh me të për t’i komunikuar masën, atë e kishte zënë gjumi.

Me ‘pak’ vështirësi është zgjuar dhe është njohur me masën pas sjelljes së tij në shtëpi.

Foto: Instagram

Për të është hapur një televotim dhe publiku do të zgjedhë nëse do ta rikthejë apo jo në shtëpi.

"Do jetë publiku që vendos nëse meriton të kthehesh në shtëpi apo jo në një televotim që ka vetëm emrin tënd me pyetjen 'A dëshironi që Rogerti të kthehet në shtëpi apo jo", thuhet në njoftim.

I njëjti ka pak ditë që është futur brenda, por ka trazuar ujërat e shtëpisë së famshme.

Rogerti në shumë raste ka eskaluar, sikurse në mënyrën e të shprehurit e ofendimet që ka bërë karshi banorëve. /Telegrafi/

Gabriela Rico Jimenez, një modele meksikane, ka rikthyer sërish vëmendjen e mediave ndërkombëtare pas publikimit të një serie të re dokumentesh nga Departamenti i Drejtësisë i ShBA-së mbi çështjen e Jeffrey Epstein.

Dokumentet e reja përmbajnë informacione që lidhen me jetën private dhe festat e elitës globale, përfshirë një event të mbajtur në një jaht, ku sipas disa akuzave bëheshin veprime të tmerrshme, përfshirë konsumimin e mbetjeve njerëzore.

Një nga dokumentet përmend edhe ish-presidentin George Bush në lidhje me këto akuza.

Jimenez, e cila në vitin 2009 ishte 21 vjeçare, kishte publikuar një video dramatike nga Monterrey, Meksikë, ku denonconte se pjesëmarrësit e një feste private po konsumonin fëmijë.

Sipas mediave, ajo ishte arrestuar pas këtij incidenti dhe më pas ishte zhdukur pa gjurmë.

Videoja e saj ishte përhapur gjerësisht dhe kishte shkaktuar tmerr dhe debat të madh, duke bërë që emri i saj të lidhej me akuza të jashtëzakonshme ndaj elitës globale.

Përdorues të shumtë të rrjeteve sociale dhe media kanë rikthyer diskutimin mbi këtë rast, duke pyetur: “Kush e zhduku Gabriela Rico Jimenez?” dhe duke theksuar se disa nga akuzat e saj duket se marrin mbështetje nga informacioni i publikuar së fundmi nga dokumentet e Epstein.

Një koment i njohur në internet shkruante: “Çfarë Gabriela Rico Jimenez pretendoi atëherë tani duket se gjen mbështetje në dokumentet e Epstein.

Jeffrey Epstein

Ajo u zhduk përgjithmonë atë natë. Kush e zhduku?”.

Megjithatë, ekspertët dhe mediat paralajmërojnë se dokumentet e reja nuk vërtetojnë të gjitha pretendimet më ekstreme të Jimenez, por tregojnë se disa elemente të saj ishin të njohura për hetuesit më parë.

Sidoqoftë, rihapja e kësaj çështjeje ka ndezur diskutime të reja rreth zhdukjes së vajzës dhe pretendimeve të saj dramatike, duke i rikthyer atij rasti një interes të madh publik dhe ndërkombëtar. /Telegrafi/

Banorja e Big Brother VIP Kosova 4, Alba Pollozhani, ka realizuar një plan kundrejt Labinot Rexhës.

Konkurrentja tha se Labi po pretendon se po bën sehire dhe pikërisht këtë e pati në plan.

Me pak miell në duar, ajo e zgjoi nga gjumi Labin dhe ia hodhi në fytyrë, duke e thënë edhe një fjalë që përdoret nga magjistarë.

Foto: Instagram

Për këngëtarin kjo ishte tërësisht e papritur dhe ngeli vetëm duke e shikuar në fytyrë.

"A është normal kjo", tha në një moment.

Foto: Instagram

Veprimet e tilla janë parë edhe në edicionet e kaluara të Big Brother, gjë për të cilat kanë marrë kritika.

Sidoqoftë, këtij Big Brother-i po i vjen fundi pasi edhe pak javë bëhen 100 ditë nga nisja. /Telegrafi/

Nëna e këngëtares së njohur shqiptare, Beatrix Ramosaj, është diagnostikuar me kancer dhe ka nisur tashmë trajtimin mjekësor.

Artistja e ka ndarë këtë moment të ndjeshëm me ndjekësit përmes një postimi prekës në InstaStory, ku ka shprehur forcën, dashurinë dhe mirënjohjen e saj.

“Nuk jam aty për të ta mbajtur dorën tani, por po të mbaj me gjithë zemrën time, mami. Çdo frymëmarrje, çdo minutë", shkruan Beatrix.

Foto: Instagram

Ajo bën të ditur se një tjetër hap i rëndësishëm i trajtimit është përfunduar me sukses, duke shprehur krenarinë për forcën e së ëmës.

“Një tjetër hap i madh u përfundua sot. Jam kaq krenare për forcën tënde, mama. Çdo ditë një hap më afër".

Këngëtarja falënderon gjithashtu të gjithë ata që po i qëndrojnë pranë familjes në këtë periudhë të vështirë:“Mirënjohëse për çdo mesazh, çdo lutje, çdo fjalë të mirë. Faleminderit që na rrethoni me kaq shumë dritë".

Në fund, kërkon mirëkuptim për mungesën e përgjigjeve personale, duke theksuar se mbështetja e publikut është shumë e rëndësishme për të.

“Më falni nëse nuk mund t’u përgjigjem të gjithëve tani, por mbështetjen tuaj e mbaj me vete", tha mes të tjerash. /Telegrafi/

Pas një televotimi të hapur gjatë spektaklit, publiku ka votuar për personazhin që e do jashtë shtëpisë së famshme të Big Brother.

Stelina është votuar më pak në këtë nominim duke u eliminuar tërësisht nga gara.

Ajo kishte edhe një biletë fati, por nuk ishte në anën e saj, pasi ishte vetëm vajtje.

Foto: YouTube

E njëjta ka humbur mundësinë për çmimin e madh, i cili është prej 100 mijë eurosh.

Konkurrentja, që u bë e njohur nga programi i dashurisë "Përputhen", solli historinë edhe në këtë format me Keijsin.

Megjithatë, ky i fundit mbylli raportin me të dhe nisi një romancë me Ina Aderin.

Sidoqoftë, në shtëpinë e famshme po ndërrojnë dinamikat e situatat veçse po bëhen më të forta. /Telegrafi/

- YouTube www.youtube.com

Një eksperte e gjuhës së trupit ka analizuar një moment të sikletshëm mes Justin Bieber dhe prezantuesit Trevor Noah gjatë ceremonisë së Grammy Awards, i cili u komentua gjerësisht në rrjetet sociale.

Gjatë mbrëmjes, Noah iu afrua Justin dhe Hailey Bieber për një bisedë të shkurtër me publikun, por shprehja serioze e Justin-it krijoi përshtypjen e një tensioni të mundshëm.

Sipas analistes Judi James, nuk kishte shenja të një konflikti real mes tyre.

Foto: YouTube

Ajo shpjegoi se gjuha e trupit e Bieber-it tregonte një qëndrim të kujdesshëm, duke qenë i hapur për humor, por me kufij të qartë ndaj talljeve.

Shprehja e fytyrës, vetullat e ngritura dhe buzët e shtrënguara tregonin se ai nuk dëshironte të nxiste shakatë.

James vuri re se, ndërsa Noah vazhdonte me komplimente dhe një shaka për Apple, Bieber u bë më serioz dhe në një moment kryqëzoi krahët, një shenjë mbrojtëse që sugjeron se kishte filluar të ndihej i parehatshëm, edhe pse situata nuk përfshinte asnjë fyerje të drejtpërdrejtë.

Në përfundim, ekspertja theksoi se momenti nuk duhet parë si një përplasje apo armiqësi mes dy figurave publike, por më tepër si një situatë tipike e transmetimeve live, ku jo çdo shaka pritet njësoj nga të gjithë.

- YouTube www.youtube.com

Reagimi i Bieber-it, sipas saj, pasqyronte thjesht nevojën për të ruajtur kufijtë personalë, ndërsa ndërhyrja e Trevor Noah-it mbeti brenda kornizës së humorit të lehtë dhe respektues. /Telegrafi/

Juela Nikollaj është përfshirë në një debat të ashpër me këngëtaren Baby G.

Duket se vajzat nuk e kanë qejf njëra-tjetrën dhe po vazhdojnë të kenë përplasje për çështje të ndryshme.

Juela në një moment i tha se ka për t'ia shkatërruar karrierën, një deklaratë kjo e fortë për të.

Foto: Instagram

"Ti ke ardhur këtu që të shkatërrosh karrierën, por do të të shkatërroj unë ty. Ha ato që je mësuar ti", vazhdoi mes tjerash.

Baby G ndërkaq u mundua që ta injoronte ndërkohë që ishte në kuzhinë.

Foto: Instagram

Në Big Brother të Shqipërisë situatat po tensionohen ndërmjet banorëve, e madje po marrin kahje tjetër.

Një zarf i zi ka mbërritur së fundmi në Big Brother, duke anuluar televotimin aktual. /Telegrafi/

Gjesti po rikthehet fuqishëm me projekte të reja muzikore, pas një pauze të gjatë.

Pak ditë më parë bëri rikthimin me projektin "Memories", të cilin ia dedikoi vëllait të tij të ndjerë.

I njëjti tani duket se ka gati këngën e radhës pasi po punon vazhdimisht në studio.

Foto: Instagram

"Pothuajse gati, për tre ditë përfundon dhe vazhdojmë me këngë", u shpreh në postimin në InstaStory.

"Memories" për vetëm katër ditë ka mbledhur mbi 3.5 milionë klikime në YouTube.

Duket se artisti pas vdekjes së të vëllait ka mbledhur forcat për të vazhduar në atë që e do më së shumti, muzikën.

Mbetet për t'u parë se çfarë ka përgatitur kësaj radhe për fansat e publikun. /Telegrafi/

Foto: Instagram

Ish-banorja e Big Brother VIP Albania 3, Françeska Murati, ka tërhequr vëmendjen e ndjekësve të saj me një postim të fundit në rrjetet sociale.

Ajo ka ndarë një mesazh ku shpreh falënderim dhe lumturi për momentin që po kalon.

"Kur një derë mbyllet, një më e mirë hapet. Ndihem kaq e bekuar sot që universi më ka sjellë gjithçka që mund të kisha dëshiruar dhe më shumë", tha ajo.

Foto: Instagram

Në vazhdim shtoi: "Ju uroj të gjithëve një fillim muaji të mrekullueshëm".

Fotografia që shoqëron postimin e tregon Françeskën duke pozuar nga makina me një buqetë të madhe me trëndafila, një detaj që ka ndezur spekulimet për një lidhje të mundshme pas ndarjes nga partneri i mëparshëm.

Fansat kanë komentuar dhe shpërndarë urimet e tyre, ndërsa mesazhi i saj shihet si një reflektim i një periudhe të re në jetën personale.

Postimi i Françeskës duket të jetë një përzierje mes pozitivitetit dhe një shprehjeje të lumturisë, duke lënë hapur mundësinë e një kapitulli të ri për atë. /Telegrafi/

Shtëpia e aktores amerikane, Gina Torres, e njohur për rolin e saj si Jessica Pearson në serialin "Suits", u grabit të premten, më 30 janar, në lagjen Sherman Oaks të Los Angeles.

Sipas informacionit të publikuar nga New York Post, dy burra hynë me forcë në shtëpinë e saj në mbrëmje dhe vodhën më shumë se 225,000 dollarë në para dhe bizhuteri.

Sipas Departamentit të Policisë së Los Angelesit (LAPD), hajdutët hynë në shtëpi duke thyer dritaren rreth orës 19:00 sipas orës lokale.

Sipas të dhënave të policisë të raportuara nga NBC Los Angeles, nga shtëpia u vodhën rreth 25,000 dollarë në para të gatshme dhe bizhuteri me vlerë më shumë se 200,000 dollarë.

Pas grabitjes, të dyshuarit u larguan nga vendi i ngjarjes me një makinë të bardhë dhe, pavarësisht kontrollit të ndërtesës, policia nuk mundi t'i gjente.

Gina nuk ishte në shtëpi në kohën e vjedhjes.

Policia thuhet se u thirr nga një fqinj i cili ishte dëshmitar i incidentit dhe vuri re sjellje të dyshimta.

Torres (56 vjeçe) njihet për rolet e saj në serialet "Suits" dhe "9-1-1: Lone Star". /Telegrafi/

Benita Zena duket se është penduar për pëlqimin që i ka shprehur Klodian Mihajt.

Pas spektaklit të së hënës në një bisedë me Londrim Mekajn, ajo shihet e prekur.

Derisa qan me dënesë, këngëtarja thekson se nuk duhet të bënte një gjë të tillë.

Foto: Instagram

"E urrej veten. Nuk është dashur", u shpreh ajo.

E njëjta ndërkaq pak javë më parë u befasua në Prime për ditëlindje nga ish-partneri i saj, Endri.

Theksoi se të njëjtit kanë lënë dyert e hapura dhe do të sqarohen pas përfundimit të këtij edicioni.

Klodi nga ana tjetër ka lënë jashtë një marrëdhënie që ka qenë temë diskutimi edhe brenda. /Telegrafi/

Blogerja shqiptare, Rina Maloku, ka bërë një rikthim në rrjete sociale pas një kohe të gjatë.

Pas vdekjes së partnerit të saj, dizajnerit Festim Isufi, duket se ka mbledhur forcat e ka marrë veten.

"Sado e fortë të jetë era, mali nuk dorëzohet", ka shkruar në një postim në InstaStory.

Foto: Instagram

Rina gjithashtu ka fshirë të gjitha fotografitë e përbashkëta që ka mbajtur në Instagram.

Duket se është përgatitur për një kapitull të ri të jetës, ndonëse vdekja e tij ka lënë një boshllëk të madh te ajo.

Foto: Instagram

Isufi duhet theksuar se u gjet i vdekur më 9 maj në banesën e tij në Prishtinë dhe që nga ajo kohë ka pasur aludime të ndryshme, ndonëse jo zyrtare.

Vëllai i tij deklaroi po ashtu se në rastin është përfshirë edhe një person i tretë. /Telegrafi/

Rina Maloku dhe Festim Isufi

Selvije Jao, ish-bashkëshortja e këngëtarit Shpat Kasapi, ka publikuar së fundmi një InstaStory me përmbajtje të fortë emocionale.

Ajo ka shpërndarë një mesazh mallëngjyes, ku shpreh dhimbjen e mungesës për të.

“Kur më mungon, ndiej një dhimbje zemre që është e pamundur të durohet", ka shkruar ajo.

Foto: Instagram

Tutje tha: "Kështu do të të kujtoj, derisa të takohemi sërish”.

Mesazhi shoqërohet me 'emoji' të zemrës së thyer dhe fytyrës së trishtuar, duke reflektuar një gjendje të thellë emocionale.

I njëjti ndërroi jetë në muajin nëntor si pasojë e një sulmi në zemër, derisa ishte në Itali.

Ai ka lënë pas bashkëshorten Selvije dhe djalin, Roelin. /Telegrafi/

Kim Kardashian dhe kampioni shtatë herë i Formula 1, Lewis Hamilton, janë parë së bashku në Paris pas lajmeve se janë në një lidhje.

Ata mbërritën me avion privat nga Britania e Madhe dhe u nisën drejt hotelit Le Bristol.

Ende nuk kanë folur publikisht për lidhjen e tyre.

Foto: TMZ

Kim ishte në Francë për të promovuar bashkëpunimin e saj mes brendit SKIMS dhe Nike.Sipas burimeve, ata kanë qenë miq për shumë vite, por së fundmi ndjenja e miqësisë është shndërruar në dashuri.

Hamilton ka qenë mik i afërt i ish-burrit të Kim, reperit Kanye West, dhe ka një marrëdhënie të mirë me familjen Kardashian, veçanërisht me Kris Jenner.

Foto: TMZ

Fundjavën e kaluar, çifti qëndroi në hotelin luksoz Estelle Manor në Cotswolds, ku shijuan privatësi të plotë, përfshirë masazhe për çiftin dhe darka të veçanta.

Megjithatë, një vizitor i vuri re teksa largoheshin dhe udhëtuan drejt Francës. /Telegrafi/

Banorja e Big Brother VIP Kosova 4, Suanita, ka treguar për fejesën e saj, e cila ka zgjatur katër vjet dhe më pas ka përfunduar.

Për ish-të fejuarin, ajo tha se ka qenë personi i duhur, por sipas saj, në kohën e gabuar.

Suanita u shpreh se po të njiheshin në moshën që ajo është aktualisht, do të ishin bashkë gjithë jetën.

- YouTube www.youtube.com

“Ka qenë personi i duhur, por koha ka qenë e gabuar. Nëse do ta kisha njohur në këtë moshë, gjithë jetën do të kishim qenë bashkë”, është shprehur ajo.

"Nuk është i martuar, as në lidhje. Ne kurrë kontaktet nuk i kemi humbur për shkak që edhe familjet tona janë miq shumë më herët se sa ne që jemi njohur".

"Edhe ka vazhduar miqësia edhe babai im me vëllanë e personit në fjalë janë shokë shumë të mirë dhe kanë punuar bashkë", shtoi mes tjerash.

Krahas Suanitës, edhe Aurora pati një rrëfim emocional brenda këtij formati. /Telegrafi/

- YouTube www.youtube.com