Kandidati i PDK-së për deputet, Uran Ismaili, ka shprehur mbështetjen e tij për Bedri Hamzën si kandidat për kryeministër, duke e cilësuar atë si mishërim të idealit për një Kosovë më të mirë dhe më të qëndrueshme.

Ismaili theksoi se rrënjët e Partisë Demokratike të Kosovës burojnë nga ideali i palëkundur për përmirësimin e jetës së qytetarëve. Sipas tij, Bedri Hamza përfaqëson këtë ideal përmes 25 viteve përvojë në shërbim publik, me integritet të lartë dhe rezultate të dëshmuara në çdo pozitë udhëheqëse që ka mbajtur.

“Nesër e hapim kapitullin e Kosovës stabile, të bashkuar, me Bedri Hamzën kryeministër dhe me zhvillim ekonomik e mirëqenie për të gjithë,” ka deklaruar Ismaili.

Ai nënvizoi se vizioni i PDK-së është i orientuar drejt stabilitetit politik, zhvillimit ekonomik dhe rritjes së mirëqenies për të gjithë qytetarët e Kosovës, duke e parë Bedri Hamzën si figurën kyçe për realizimin e këtij vizioni.

Nënkryetari i Partisë Demokratike të Kosovës dhe i dyti në listën zgjedhore të kësaj partie për zgjedhjet e 28 dhjetorit, Uran Ismaili, ka ftuar qytetarët që të marrin pjesë në tubimin përmbyllës të fushatës së PDK-së, i cili do të mbahet sot në AMC Hall në Prishtinë.

Tubimi do të fillojë në ora 17:30, ku kandidati për kryeministër nga radhët e PDK-së do të shpalosë për herë të fundit në këtë fushatë programin dhe prioritetet qeverisëse.

“Mbrëmë në Mitrovicë, sot në Prishtinë. Ju ftoj me zemër sot në ora 17:00 në AMC Hall në Prishtinë për përmbylljen madhështore të fushatës së Partisë Demokratike të Kosovës”, ka shkruar Ismaili në rrjetet e tij sociale.

Nënkryetari i Partisë Demokratike të Kosovës dhe i dyti në listën zgjedhore të kësaj partie për zgjedhjet e 28 dhjetorit, Uran Ismaili, së bashku me kandidatin për kryeministër Bedri Hamza, kanë mbajtur tubimin e radhës zgjedhor në Mitrovicë.

Në këtë tubim, Hamza ka shpalosur programin e PDK-së për zgjedhjet parlamentare, i cili përfshin uljen e çmimeve, rritjen e pagave në sektorin publik, rritjen e pensioneve për 50 për qind, si dhe masa konkrete për rritjen e mirëqenies së qytetarëve.

Duke folur për programin dhe kandidaturën e Bedri Hamzës, Ismaili ka theksuar se vizioni i tij dhe i Partisë Demokratike të Kosovës ofron drejtim të qartë për zhvillim ekonomik, stabilitet politik dhe mirëqenie sociale.

“Me Bedri Hamzën, Kosova ecë përpara me zhvillim, mirëqenie e stabilitet”, ka thënë Ismaili.

Ai ka shtuar se tubimi në Mitrovicë dëshmon mbështetjen për një qeverisje që synon të bashkojë shoqërinë dhe të ofrojë zgjidhje konkrete për sfidat ekonomike dhe sociale të vendit.

“Në Mitrovicë na bashkoi vullneti për të punuar për jetë më të mirë në Kosovë. Me Bedri Hamzën, Kosova ecë përpara me zhvillim, mirëqenie e stabilitet”, ka shkruar ai në rrjetet e tij sociale.

Nënkryetari i Partisë Demokratike të Kosovës dhe i dyti në listën zgjedhore të kësaj partie për zgjedhjet e 28 dhjetorit, Uran Ismaili, ka mbajtur një takim me qytetarët e Kodrës së Trimave, Arbërisë dhe Tophanës, ku ka prezantuar pikat kryesore të programit të PDK-së për zhvillim ekonomik dhe mirëqenie.

Në fjalën e tij, Ismaili theksoi rëndësinë e zgjedhjeve të 28 dhjetorit, duke i cilësuar ato si një moment vendimtar për drejtimin e ardhshëm të Kosovës. “28 dhjetori është një datë ku e kemi mundësinë të kemi një kahje të re dhe një shtytje përpara për Kosovën”, tha Ismaili.

Ai foli edhe për klimën e përçarjes politike, duke theksuar se kjo ka ndikuar drejtpërdrejt edhe në raportet shoqërore dhe familjare. “Përçarja ka hyrë edhe në familjet tona, mes vëllezërve, motrave dhe fqinjëve, si rezultat i një politike që ka investuar në ndarje”, u shpreh ai.

Sipas Ismailit, pikërisht për këtë arsye PDK ka zgjedhur sloganin “Bashkë”, si reflektim i nevojës për unitet dhe bashkëpunim. “Nuk është rastësi që kemi dalë me sloganin ‘Bashkë’. Kosova ka nevojë për bashkim dhe për angazhim të përbashkët për të ecur përpara”, theksoi ai.

Duke folur për programin qeverisës të kandidatit për kryeministër Bedri Hamza, Ismaili u shpreh i bindur se ky program do të sjellë përmirësim konkret në jetën e çdo familjeje.

“Nuk ka familje që nuk do të jetojë më mirë me qeverinë e Bedri Hamzës”, tha Ismaili.

Ai shtoi se programi i PDK-së parasheh masa konkrete për uljen e kostos së jetesës, përfshirë fatura më të përballueshme të energjisë elektrike, ulje të tatimit në paga për sektorin publik dhe privat, si dhe politika që synojnë rritjen e mirëqenies për të gjithë qytetarët.

Nënkryetari i Partisë Demokratike të Kosovës dhe i dyti në listën zgjedhore të kësaj partie për zgjedhjet e 28 dhjetorit, Uran Ismaili, ka vizituar Gjilanin, ku është takuar me qytetarë të shumtë dhe ka bashkëbiseduar me ta për problemet e përditshme.

Disa nga këto biseda, Ismaili i ka ndarë edhe në rrjetet e tij sociale, ku dëgjohen qytetarë që shprehin shqetësimin për çmimet e larta, faturat e energjisë elektrike dhe koston e papërballueshme të jetesës.

“Në bashkëbisedime me qytetarë në Gjilan dëgjova të njëjtat brenga si në çdo qytet tjetër të Kosovës. Çmimet e rritura, faturat e larta të energjisë elektrike dhe kostoja e papërballueshme e jetës. Me Bedri Hamzën kryeministër, do t’i ulim çmimet dhe koston e jetës duke e hequr TVSH-në nga produktet bazë dhe nga faturat e energjisë elektrike”, ka shkruar Ismaili në rrjetet e tij sociale.Ismaili mes qytetarëve në Gjilan: Qeveria e Bedri Hamzës do t’i ulë çmimet dhe koston e jetës për të gjithë (VIDEO)

Nënkryetari i Partisë Demokratike të Kosovës dhe i dyti në listën zgjedhore të kësaj partie për zgjedhjet e 28 dhjetorit, Uran Ismaili, ka vizituar Gjilanin, ku është takuar me qytetarë të shumtë dhe ka bashkëbiseduar me ta për problemet e përditshme.

Disa nga këto biseda, Ismaili i ka ndarë edhe në rrjetet e tij sociale, ku dëgjohen qytetarë që shprehin shqetësimin për çmimet e larta, faturat e energjisë elektrike dhe koston e papërballueshme të jetesës.

“Në bashkëbisedime me qytetarë në Gjilan dëgjova të njëjtat brenga si në çdo qytet tjetër të Kosovës. Çmimet e rritura, faturat e larta të energjisë elektrike dhe kostoja e papërballueshme e jetës. Me Bedri Hamzën kryeministër, do t’i ulim çmimet dhe koston e jetës duke e hequr TVSH-në nga produktet bazë dhe nga faturat e energjisë elektrike”, ka shkruar Ismaili në rrjetet e tij sociale.

Nënkryetari i Partisë Demokratike të Kosovës dhe i dyti në listën zgjedhore për zgjedhjet e 28 dhjetorit, Uran Ismaili, në kuadër të aktiviteteve zgjedhore ka vizituar Ferizajn, ku ka theksuar nevojën e madhe që ky qytet ka për një spital modern dhe funksional.

Ismaili tha se ndërtimi i Spitalit të Ferizajt ka nisur në vitin 2018, në kohën kur ai ishte ministër i Shëndetësisë, por që deri më sot nuk është përfunduar, ndonëse qyteti ka nevojë të madhe për një spital modern.

“Jemi këtu para ndërtesës së Spitalit të Ferizajt, një ndërtesë e cila është filluar në vitin 2018 sa kam qenë unë ministër i Shëndetësisë dhe, siç e shihni, ende nuk është përfunduar. Ferizaj ka tepër nevojë për një spital modern, por asgjë nuk është bërë në atë drejtim”, u shpreh Ismaili.

Ai foli edhe për situatën e Spitalit të Prishtinës, duke theksuar se projekti për këtë spital ishte përgatitur dhe dorëzuar, por nuk është ndërmarrë asnjë hap për ndërtimin e tij.

“Edhe spitali i Prishtinës e ka pasur një fat edhe më të keq. Edhe pse unë e kam bërë projektin dhe ia kam dorëzuar qeverisë së atëhershme, nuk është bërë asnjë hap në ndërtimin e spitalit të Prishtinës, ndonëse Prishtina ka tepër nevojë për të”, tha ai.

Sipas Ismailit, infrastruktura spitalore në Kosovë ka nevojë për modernizim të plotë, ndërsa shëndetësia do të jetë prioritet i qeverisë së ardhshme të udhëhequr nga Bedri Hamza.

“Me qeverinë e Bedri Hamzës, spitalet e Ferizajt dhe të Prishtinës do të përfundojnë. Shërbimet shëndetësore duhet të ofrohen në spitale moderne dhe qytetarët duhet të kenë sigurime shëndetësore, në mënyrë që shpenzimet e mëdha që i paguajnë sot për shëndetësi të mbulohen përmes sigurimeve”, theksoi Ismaili. /Telegrafi/

Nënkryetari i Partisë Demokratike të Kosovës dhe i dyti në listën zgjedhore të kësaj partie për zgjedhjet e parakohshme parlamentare të 28 dhjetorit, Uran Ismaili, ka vazhduar serinë e videove përmes të cilave u drejtohet qytetarëve, duke shpjeguar pikat kyçe të programit zgjedhor të PDK-së.

Në videon e publikuar sot, Ismaili flet për masat konkrete që, sipas tij, synojnë rritjen e mirëqenies ekonomike për qytetarët dhe familjet në Kosovë, në kuadër të programit të kandidatit për kryeministër, Bedri Hamza.

“Programi i Bedri Hamzës parasheh rritjen e pagave për 50 për qind për të gjithë punëtorët e shërbimit publik. Po ashtu, do të ulen tatimet në paga, në mënyrë që të gjithë të kenë më shumë të ardhura në fund të muajit, përfshirë edhe punëtorët e sektorit privat”, thotë Ismaili.

Ai shtoi se programi parasheh edhe rritjen e pensioneve dhe ndihmave sociale. “Do t’i rrisim të gjitha pensionet dhe ndihmat sociale për 50 për qind, me pension minimal prej 250 eurosh, si dhe do të shtyjmë përpara politika që e ulin koston e jetës dhe çmimet”, thekson ai.

Në fund të videos, Ismaili u bën thirrje qytetarëve që në zgjedhjet e 28 dhjetorit të mbështesin programin e PDK-së.

“Më 28 dhjetor, filloni kapitullin e mirëqenies për ju dhe familjen tuaj. Votoni PDK 130, Bedri Hamza 1 dhe Uran Ismaili 2”, përfundon ai.

Nënkryetari i Partisë Demokratike të Kosovës dhe i dyti në listën zgjedhore të kësaj partie për zgjedhjet e parakohshme parlamentare të 28 dhjetorit, Uran Ismaili, ka vizituar sot qytetin e Gjilanit, ku paraditen e kaloi në takime me qytetarë në Tregun e Gjelbër.

Ismaili tha se gjatë bisedave me qytetarët, shqetësimi kryesor i tyre lidhet me rritjen e vazhdueshme të faturave të energjisë elektrike dhe çmimet e larta të produkteve bazike, të cilat po bëhen gjithnjë e më të papërballueshme për shumë familje, veçanërisht në këtë periudhë dimri.

Ai theksoi se programi i kandidatit për kryeministër Bedri Hamza ofron zgjidhje konkrete për këtë situatë.

“Me programin e Bedri Hamzës, do ta heqim TVSH-në nga faturat e energjisë elektrike dhe nga produktet esenciale, në mënyrë që qytetarët të paguajnë më pak për rrymën dhe për gjërat bazike të përditshme”, tha Ismaili.

Sipas tij, këto masa synojnë uljen e kostos së jetesës dhe përmirësimin e mirëqenies së qytetarëve, duke i bërë ekonomitë familjare më të qëndrueshme.

Nënkryetari i Partisë Demokratike të Kosovës dhe i dyti në listën zgjedhore të kësaj partie për zgjedhjet e 28 dhjetorit, Uran Ismaili, ka vazhduar serinë e videove përmes të cilave u drejtohet qytetarëve, duke shpjeguar pikat kryesore të programit zgjedhor të PDK-së.

Në videon e publikua sot, Ismaili flet për masat konkrete që, sipas tij, do të ndikojnë drejtpërdrejt në uljen e çmimeve dhe në përmirësimin e mirëqenies së qytetarëve, në kuadër të programit të kandidatit për kryeministër, Bedri Hamza.

“Kemi paraparë uljen e TVSH-së në produktet esenciale, ndërsa për shumë prej tyre TVSH-ja do të jetë zero. Po ashtu, do të hiqet TVSH-ja nga faturat e energjisë elektrike. Kjo do të thotë se në fund të muajit qytetarët do të paguajnë më pak për energjinë elektrike”, thotë Ismaili në video.

Ai shton se efektet e këtyre masave nuk do të ndjehen vetëm në faturat familjare, por edhe në çmimet e produkteve dhe shërbimeve në treg. “Kur faturat e energjisë elektrike janë më të ulëta për bizneset tona, atëherë edhe çmimet e produkteve që i blejmë nga ato biznese, apo të shërbimeve që marrim, do të jenë më të ulëta”, thekson ai.

Në fund të videos, Ismaili fton qytetarët që në zgjedhjet e 28 dhjetorit të mbështesin programin e PDK-së dhe Bedri Hamzën për kryeministër.

“Më 28 dhjetor, mbështeteni kandidatin që e ka planin, dijen dhe aftësitë për ta ndryshuar jetën tuaj. Votoni PDK 130, Bedri Hamza 1 dhe Uran Ismaili 2. Bashkë. Përpara!”, përfundon Ismaili.

Nënkryetari i Partisë Demokratike të Kosovës dhe i dyti në listën zgjedhore të kësaj partie për zgjedhjet e 28 dhjetorit, Uran Ismaili, ka theksuar se sigurimet shëndetësore është dashur të jenë prioritet kombëtar i qeverisjes aktuale, mirëpo kjo nuk ka ndodhur deri më tani.

Ismaili tha se Kosova ka jetëgjatësinë më të ulët në Evropë, ndërkohë që qytetarët paguajnë nga xhepi rreth 40 për qind të shpenzimeve shëndetësore, dyfish më shumë se norma e rekomanduar nga Organizata Botërore e Shëndetësisë. “Ne paguajmë shumë dhe jetojmë pak,” u shpreh Ismaili.

Ai kujtoi se gjatë kohës sa ka qenë ministër i Shëndetësisë kishte nisur kontakte konkrete për ndërtimin e sistemit të sigurimeve shëndetësore, përfshirë bashkëpunimin me siguruesin më të madh publik gjerman, i cili kishte dërguar edhe delegacion në Kosovë dhe ishte shprehur i gatshëm të ndihmonte në këtë proces.

Sipas Ismailit, pas largimit të tij nga Ministria e Shëndetësisë nuk është ndërmarrë më asnjë hap në këtë drejtim, duke e cilësuar këtë si mungesë serioze të kujdesit institucional ndaj barrës financiare që qytetarët përballen çdo ditë.

Ai theksoi se me Bedri Hamzën në krye të qeverisë, sigurimet shëndetësore dhe gjendja e shëndetësisë në përgjithësi do të trajtohen si prioritet kombëtar, për t’u ofruar qytetarëve mirëqenie dhe mbrojtje reale.

I ftuar në emisionin Debat Plus, nënkryetari i Partisë Demokratike të Kosovës dhe i dyti në listën zgjedhore, Uran Ismaili, ka folur për programin zgjedhor të PDK-së dhe gjendjen ekonomike të qytetarëve.

Ismaili tha se sot gjendja ekonomike e familjeve në Kosovë është e rënduar dhe se çmimet e larta janë një nga shqetësimet kryesore të qytetarëve. Sipas tij, ulja e kostos së jetesës është një ndër prioritetet kryesore të programit të Bedri Hamzës, në kuadër të zhvillimit ekonomik dhe rritjes së mirëqenies.

Ai theksoi se qeverisja e ardhshme e udhëhequr nga Hamza parasheh masa konkrete, përfshirë heqjen e TVSH-së nga produktet bazike dhe nga faturat e energjisë elektrike, me qëllim që jeta e përditshme e qytetarëve të bëhet më e përballueshme.

Sipas Ismailit, qytetarët e Kosovës sot po kërkojnë stabilitet ekonomik dhe politik, duke shtuar se kjo është pikërisht ajo që përfaqëson Bedri Hamza dhe Partia Demokratike e Kosovës. Ai vlerësoi se këto janë arsyet pse PDK-ja synon të arrijë rezultat historik në zgjedhjet e 28 dhjetorit. /Telegrafi/

Nënkryetari i PDK-së dhe i dyti në listën zgjedhore për zgjedhjet e 28 dhjetorit, Uran Ismaili, i ftuar në emisionin Debat Plus në RTV Dukagjini, ka folur për klimën politike në vend dhe pritjet nga zgjedhjet e ardhshme.

Ismaili tha se qeverisja aktuale ka instaluar një klimë të thellë polarizimi, e cila, sipas tij, ka depërtuar edhe brenda familjeve kosovare. Ai theksoi se përçarja nuk ka qenë vetëm politike, por ka prekur çdo zë ndryshe në shoqëri.

“Ky konflikt nuk ka qenë vetëm me partitë politike, por me këdo që ka pasur mendim ndryshe – shoqërinë civile, mediat, intelektualët, sociologët apo ekonomistët. Nëse nuk ke menduar njëjtë, je sulmuar,” tha Ismaili.

Sipas tij, Bedri Hamza përfaqëson të kundërtën e kësaj qasjeje.

Ai vlerësoi se Hamza ka pasur gjithmonë rol bashkues dhe ka punuar për krijimin e konsensusit në vend.

“Z. Hamza çdo herë ka pasur rol në drejtim të krijimit të konsensusit dhe bashkimit,” u shpreh Ismaili.

Ai shtoi se kjo është një nga arsyet kryesore pse qytetarët sot po kërkojnë stabilitet dhe normalitet politik, si dhe politika që përmirësojnë mirëqenien e familjeve.

Ismaili theksoi se besimi i qytetarëve ndaj Bedri Hamzës lidhet edhe me pritjet për ulje të çmimeve, politika që lehtësojnë barrën e faturave të energjisë elektrike, rritje pagash dhe investime që përmirësojnë strukturën ekonomike të vendit.

“Të gjitha këto janë iniciativa që e shtyjnë Kosovën përpara,” përfundoi Ismaili.

Nënkryetari i Partisë Demokratike të Kosovës dhe i dyti në listën zgjedhore të kësaj partie, Uran Ismaili, i ftuar në emisionin Debat Plus në TV Dukagjini, ka folur për pritjet e PDK-së në zgjedhjet e parakohshme parlamentare të 28 dhjetorit.

Ismaili tha se Prishtina historikisht është konsideruar territor i vështirë për PDK-në, duke u perceptuar se partia kishte një “tavan” të votave në kryeqytet. Sipas tij, ky perceptim është rrëzuar në zgjedhjet e fundit komunale, ku PDK-ja shënoi rritje të ndjeshme me kandidaturën e tij për kryetar të Prishtinës.

Ai theksoi se rezultati i zgjedhjeve komunale në kryeqytet dëshmoi se PDK-ja nuk ka më kufizime në Prishtinë dhe se rritja e arritur aty është tregues se një trend i tillë është i mundur edhe në nivel nacional.

Duke folur për pritjet nga zgjedhjet e 28 dhjetorit, Ismaili u shpreh se kjo rritje i jep besim dhe shpresë se rezultati i PDK-së do të jetë edhe më i mirë në zgjedhjet parlamentare.

“Me Bedri Hamzën si kandidat për kryeministër, konsideroj që do të jetë numri më i madh i votave që PDK-ja ka marrë ndonjëherë në nivel nacional,” tha Ismaili.

Nënkryetari i Partisë Demokratike të Kosovës dhe i dyti në listën e kësaj partie për zgjedhjet e parakohshme parlamentare të 28 dhjetorit, Uran Ismaili, përmes një videoje u është drejtuar qytetarëve duke prezantuar një nga pikat kyçe të programit të PDK-së, me fokus në sigurinë ekonomike dhe rritjen e mirëqenies së qytetarëve.

Ismaili tha se programi i kandidatit për kryeministër Bedri Hamza parasheh krijimin e Fondit të Papunësisë, i cili do t’u ofrojë mbështetje qytetarëve në momentet më të vështira financiare.

Sipas tij, çdo qytetar që e humb vendin e punës, si në sektorin privat ashtu edhe në atë publik, do të përfitojë 80 për qind të pagës së fundit për një periudhë gjashtëmujore.

Ai theksoi se ky fond synon t’i ndihmojë familjet të përballojnë shpenzimet bazike, pagesat e kredive dhe të shmangin krizën e menjëhershme financiare pas humbjes së punës.

“Humbja e vendit të punës është moment i vështirë për çdo qytetar dhe krijon pasiguri të madhe financiare në familje. Me Fondin e Papunësisë, Kosova me Bedri Hamzën nuk i lë qytetarët vetëm kur ndodh e papritura", tha Ismaili në videomesazh.

Ai ka ftuar qytetarët që më 28 dhjetor të votojnë për siguri ekonomike dhe mbrojtje sociale, duke theksuar se ky është një hap jashtëzakonisht i nevojshëm për një shtet që synon të kujdeset për qytetarët e vet.

Nënkryetari i PDK-së dhe i dyti në listën zgjedhore të kësaj partie, Uran Ismaili, së bashku me kandidatin për kryeministër Bedri Hamza, ka vazhduar sot tubimet elektorale në Therandë, Lipjan dhe Shtime, ku është shpalosur programi qeverisës për zgjedhjet e parakohshme të 28 dhjetorit.

Ismaili theksoi se entuziazmi në këto tubime është dëshmi e qartë e bashkimit të qytetarëve rreth vizionit të PDK-së për një Kosovë të zhvillimit ekonomik dhe të mirëqenies, duke vënë në pah se mbështetja për Bedri Hamzën po rritet çdo ditë e më shumë në çdo fshat e qytet të Kosovës.

“Tubime madhështore në Therandë, Lipjan e Shtime. Kosova po bashkohet për qeverinë zhvillimore të Bedri Hamzës. Kapitulli i mirëqenies dhe e zhvillimit ekonomik po vjen.” ka shkruar Ismaili në rrjetet e tij sociale. /Telegrafi/

Nënkryetari i PDK-së dhe i dyti në listën zgjedhore të kësaj partie për zgjedhjet e 28 dhjetorit, Uran Ismaili, ka mbajtur një takim me fermerë, ku ka shpalosur programin garues të Partisë Demokratike të Kosovës, me theks te ulja e kostos së jetesës.

Ismaili theksoi se qytetarët dhe fermerët po përballen me rritje të vazhdueshme të çmimeve, ndërsa presionet ekonomike pritet të rriten edhe më shumë në vitet e ardhshme, përfshirë inflacionin, faturat e energjisë elektrike dhe tatimin në pronë.

Ai tha se kjo gjendje kërkon ndryshim të menjëhershëm dhe masa konkrete, duke theksuar se programi i kandidatit për kryeministër Bedri Hamza është ndërtuar pikërisht për t’i trajtuar këto problem në mënyrë të drejtpërdrejtë.

“Në programin tonë parashihen masa të qarta për uljen e kostos së jetesës. Do ta heqim TVSH-në nga energjia elektrike dhe nga produktet esenciale, në mënyrë që qytetarët dhe fermerët të kenë lehtësim real ekonomik,” ka theksuar Ismaili.

Ai shtoi se Bedri Hamza është një kandidat për kryeministër që përfaqëson të gjithë qytetarët pa dallim dhe se bëhet fjalë për një ekonomist të dëshmuar, i cili synon ta bashkojë shoqërinë dhe të punojë për mirëqenie të qëndrueshme.

“Me 28 dhjetor, qytetarët kanë një mundësi reale për ndryshim. Programi ynë nuk është premtim bosh, por plan konkret për ta ulur koston e jetës dhe për ta përmirësuar mirëqenien e çdo familjeje,” ka shkruar Ismaili.

Nënkryetari i PDK-së dhe i dyti në listën zgjedhore të kësaj partie, Uran Ismaili, së bashku me kandidatin për kryeministër Bedri Hamza, kanë shpalosur programin dhe prioritetet e PDK-së në një tubim të mbajtur me banorët e Hajvalisë, Veternikut dhe Prishtinës së Re.

Ismaili tha se zgjedhjet e 28 dhjetorit janë një mundësi e rëndësishme për qytetarët që t’i japin fund përçarjes dhe ta kenë një kryeministër përbashkues, i cili e shtyn përpara zhvillimin dhe mirëqenien qytetare.

Ai theksoi se mbështetja e dhënë nga qytetarët është dëshmi e qartë se ata janë të gatshëm të bashkohen rreth vizionit të Bedri Hamzës për një Kosovë më stabile dhe me jetë më të mirë për të gjithë.

Nënkryetari i Partisë Demokratike të Kosovës dhe numri dy në listën zgjedhore të kësaj partie për zgjedhjet e 28 dhjetorit, Uran Ismaili, së bashku me kandidatin për kryeministër Bedri Hamza, kanë mbajtur një tubim me qytetarët e Kolovicës dhe të Nazim Gafurrit në Prishtinë.

Mes një numri të madh të qytetarëve, Hamza dhe Ismaili kanë shpalosur programin dhe prioritetet e PDK-së për mandatin katërvjeçar që synojnë ta marrin, me fokus në zhvillim ekonomik, mirëqenie dhe lehtësim të kostos së jetesës për qytetarët.

“Me qytetarët e Kolovicës dhe Nazim Gafurrit mbrëmë u bashkuam rreth vizionit tonë për jetë më të mirë në Kosovë”, ka deklaruar Ismaili.

Ai theksoi se qeveria e ardhshme e udhëhequr nga Bedri Hamza do të heqë TVSH-në nga faturat e energjisë elektrike dhe nga shumë produkte esenciale, me qëllim uljen e çmimeve dhe rritjen e përballueshmërisë së jetesës për të gjitha familjet në Kosovë.

Nënkryetari i Partisë Demokratike të Kosovës dhe numri dy në listën zgjedhore të kësaj partie, Uran Ismaili, ka vizituar sot disa biznese lokale në Ferizaj, në kuadër të aktiviteteve zgjedhore, së bashku me kandidatin për kryeministër Bedri Hamza dhe kryetarin e Ferizajt, Agim Aliu.

Ismaili theksoi se përkrahja e bizneseve vendore është një nga prioritetet kryesore të programit të PDK-së, duke nënvizuar se zhvillimi ekonomik nuk mund të arrihet pa politika konkrete që lehtësojnë punën dhe investimet e sektorit privat.

Sipas tij, programi i PDK-së parasheh grante investive deri në 30 për qind të vlerës së investimit, pagesën e TVSH-së pas shitjes e jo në kufi për më shumë likuiditet për bizneset prodhuese, si dhe themelimin e Agjencisë së Eksporteve për hapjen e tregjeve të reja.

Ismaili tha se këto masa synojnë ta vendosin biznesin në qendër të zhvillimit ekonomik, me shtetin në rol mbështetës e jo pengues për iniciativën private, duke shtuar se zhvillimi ekonomik dhe mirëqenia e qytetarëve janë pjesë qendrore e vizionit të PDK-së dhe Bedri Hamzës për qeverisjen e ardhshme.

Në fund, ai ftoi qytetarët që më 28 dhjetor të votojnë për zhvillim ekonomik dhe përkrahje reale të bizneseve.

Nënkryetari i Partisë Demokratike të Kosovës dhe i dyti në listën zgjedhore, Uran Ismaili, së bashku me kandidatin për kryeministër Bedri Hamza, kanë mbajtur tubim elektoral në lagjen Dardania në Prishtinë.

Në fjalën e tij para qytetarëve, Ismaili tha se PDK në këto zgjedhje ka kandidat një njeri të dëshmuar, i cili i ka dhënë Kosovës vite të tëra shërbimi publik dhe rezultate konkrete.

“Kemi kandidat një njeri të dëshmuar. Një person që i ka dhënë Kosovës shumë, gjithë jetën e vet në shërbimin publik”, tha Ismaili.

Ai theksoi se dallimi i Bedri Hamzës nga kundërkandidatët e të tjerë është besueshmëria e tij, sepse çdo premtim i dhënë më parë është realizuar.

“Kur ka thënë se do t’i rrisë pagat 50%, njerëzit e kanë ditur që ato paga do të rriten. Kur ka thënë se do t’i ulë tatimet, bizneset e kanë ditur që tatimet do të ulen”, u shpreh Ismaili.

Sipas tij, angazhimi i PDK-së është i qartë: bashkimi i qytetarëve dhe largimi nga klima e përçarjes dhe konfliktit që ka mbizotëruar viteve të fundit.

“Angazhimi ynë është me bashku Kosovën, larg kësaj klime të përçarjes e konfliktit, dhe me e kthy vendin në një drejtim përpara, ku secila familje në Kosovë do ta ndjejë përfitimin nga qeverisja e Bedri Hamzës”, përfundoi Ismaili.