Përpjekje të reja për të përshpejtuar ritmin e futbollit dhe për të reduktuar humbjen e kohës janë planifikuar për Kupën e Botës, me përfshirjen e kontrollit VAR për kartonët e dytë të verdhë dhe këndet, si dhe ora e numërimit të rënies për të rifilluar lojën.

Këto masa janë pjesë e një përpjekje më të madhe për të optimizuar ritmin e lojës dhe për të ofruar një përvojë më të mirë për tifozët.

Një tjetër ndryshim i mundshëm është prova për sistemin “daylight” të offside-it të propozuar nga Arsene Wenger, ish-trajneri i Arsenalit, që do të sillte një ndryshim të rëndësishëm në mënyrën si gjykohet pozita e offside-it. Megjithëse Wenger e pranon se ky mund të jetë një ndryshim “radikal”, ai beson se është e nevojshme të provohen këto ndryshime për të parë nëse ato do të përmirësojnë lojën.

Çfarë do të ndryshojë për Kupën e Botës?

Disa nga masat që do të testohen përfshijnë:

VAR për kartonët e dytë të verdhë: Nëse një karton i dytë i verdhë është dhënë gabimisht, mund të rishikohet nga VAR-i.

VAR për këndet: Kjo mund të përfshijë përdorimin e çipit në top për të kontrolluar vendimet për këndet, veçanërisht kur ato janë të pasakta.

Numërimi i kohës për të rifilluar lojën: Do të vendoset një numërim kohor për rifillimin e lojës pas çdo situate të humbjes së kohës, siç janë këndet dhe goditjet nga porta. Gjithashtu, portierët do të kenë vetëm 8 sekonda për të hedhur topin në lojë.

Rregulla të reja për zëvendësimet: Lojtarët që do të zëvendësohen do të duhet të dalin nga fusha brenda 10 sekondash. Nëse ata vonohen, ata nuk do të mund të zëvendësohen deri në pushimin tjetër të lojës.

Rregullat për lojtarët e dëmtuar: Lojtarët që janë “dëmtuar” dhe kanë nevojë për trajtim do të duhet të qëndrojnë jashtë për 2 minuta, përveç rasteve kur ata janë ndëshkuar me karton të verdhë ose të kuq për një faull.

Reagimet dhe Pritshmëritë

Drejtoresha e IFAB-it, Noel Mooney, ka deklaruar se tema kryesore është përmirësimi i ritmit të lojës dhe reduktimi i humbjes së kohës. Masat e propozuara do të testohen gjatë Kupës së Botës dhe, nëse provohen me sukses, mund të vendosen për të gjitha ndeshjet ndërkombëtare.

Ky ndryshim është një hap tjetër në drejtim të modernizimit të futbollit dhe është një mundësi për të parë si mund të evoluojnë rregullat dhe teknologjia për të përmirësuar përvojën e lojës dhe të tifozëve.

Kryeministri Edi Rama kujtoi në një ceremoni të posaçme 21 janarin e vitit 2011, ku katër persona mbetën të vrarë në Bulevard gjatë një proteste para Kryeministrisë.

“Për asnjë çast protestuesit nuk tentuan të kapërcejnë gardhin e godinës së Kryeministrisë. Përveç një veture te një derë që u hap nga brenda, si një ftesë në një kurth , askush nga protestuesit nuk bëri asnjë përçapje për të shkelur perimetrin e ashtuquajtur të sigurisë dhe për t’u futur në godinë. Askush nuk provoi praninë e asnjë arme të vetme te protestuesit. Kur protestuesit po largoheshin, tytat e pushkëve u ulën mbi turmën, duke marrë 4 jetë, pasojë fatale e mendjes kriminale, e cila me gjasë nuk deshi ta humbte rastin për t’u treguar kundërshtarëve politikë dhe krejt shqiptarëve se të vret me të vërtetë. Dreqi e di çfarë u tha mendja atyre që e urdhëruan dhe atyre që e ekzekutuan atë krim shtetëror”, tha Rama,.

“Vetëm zoti e di se me çfarë guri në zemër vij për në këtë godinë kur del drita e ditës së 21 janarit.  15 vjet pa drejtësi për 21 Janarin janë 15 vitet e një padrejtësie të madhe jo thjesht për disa, por mbi Shqipërinë dhe popullin shqiptar. Nuk ka mjaftuar as vendimi rrëqethës i Gjykatës së Strasburgut, që prokurorët specialë të kësaj republike t’ia kishin kërkuar Gjykatës Speciale përgjegjësit për 21 Janarin. Ndërkohë që ne prej plot 6 vitesh u paguajmë rroga ku e ku më të larta se sa vetes dhe Presidentit të Republikës, pa llogaritur heshtjen për gabimet e tyre ndonjëherë shqetësuese”.

Policia e Shtetit u ka bërë apel shoferëve që të bëjnë kujdes në të gjitha akset rrugore në vend, për shkak të përkeqësimit të kushteve atmosferike këtë të mërkurë.

“Për shkak të reshjeve të borës, qarkullimi është vështirësuar në disa akse rrugore, kryesisht në zonat malore të qarqeve Shkodër, Kukës, Dibër, Korçë dhe në Sarandë. Shërbimet e Policisë Rrugore dhe të Patrullave të Përgjithshme janë në terren me qëllim parandalimin e aksidenteve dhe për të ndihmuar përdoruesit e rrugës në rast nevoje”, thuhet në njoftimin zyrtar.

Policia bashkëpunon me entet pronare të rrugëve dhe firmat kontraktore, me qëllim pastrimin e rrugëve nga bora dhe shpërndarjen e kripës. Puna për pastrimin dhe kriposjen e rrugëve vijon në mënyrë intensive.

Në Qafë Thanë, nuk do lejohet kalimi i kamionëve (rreth 2-3 orë) derisa rruga të pastrohet nga borëpastruesja në tokën maqedonase.

Policia Rrugore apelon që drejtuesit e mjeteve të bëjnë kujdes gjatë lëvizjes, respektojnë sinjalistikën rrugore, pajisen me zinxhirë dhe goma dimërore dhe të ndjekin udhëzimet e shërbimeve të Policisë Rrugore.

Gjatë natës, pjesa veriore e vendit ka qenë nën ndikimin e reshjeve të dëborës.

Reshjet e borës kanë përfshirë territorin e bashkisë Pukë dhe Fushë Arrëz. Reshjet vijojnë me intensitet mesatar. Aktualisht nuk raportohet për probleme. Përgjatë segmentit rrugor Bardhet – Kryzi – Iballë duhet kujdes pasi poshtë borës ka shtresa akulli që e bëjnë të rrezikshëm qarkullimin.

Policia e Qarkullimit Rrugor u bën apel drejtuesve të mjeteve që të bëjnë kujdes teksa qarkullojnë përgjatë akseve rrugore që përshkojnë veriun e vendit, teksa nuk do të zbatohet Kodi Rrugor ndaj drejtuesve të mjeteve të cilët nuk janë të pajisur me të gjithë kushtet teknike si gomat dimërore dhe zinxhirët.

Aeroplani Air Force One ku udhëtonte presidenti i SHBA, Donald Trump drejt Zvicrës ndryshoi kurs mbi Atlantik dhe u kthye mbrapsht për shkak të një problemi teknik.

Sipas mediave amerikane Trump do të udhëtojë me një aeroplan tjetër për në Davos, ku sot do të mbajë fjalën në forumin Ekonomik Botëror.

Para udhëtimit Trump i ka dyfishuar kërcënimet për të marrë kontrollin e Groenlandës, duke thënë se nuk ka kthim pas.

“Ndoshta mund të gjejmë një zgjidhje me Evropën”, tha Donald Trump në një intervistë për NewsNation.

 “Ndoshta edhe në Davos në ditët në vijim”, shtoi ai.

Groenlanda, përsëriti presidenti, është “e rëndësishme për sigurinë tonë kombëtare, por edhe për sigurinë ndërkombëtare. Ne po ndërtojmë Kupolën e Artë dhe Groenlanda e bën atë shumë më efektive”.

Kryeministri Edi Rama ka përkujtuar 15-vjetorin e 4 vrasjeve të qytetarëve më 21 janar të vitit 2011, në kohën kur PS e drejtuar prej tij organizoi protesta kundër qeverisë “Berisha”.

Rama shkruan në “Facebook”,  se 4 të vrarët ende nuk po prehen dot në paqe, ndërsa gishtin e drejton nga drejtësia, që siç shkruan ai “i ngjan një breshke që lutet për harresë”.

“Mirëmëngjes dhe sot, në 15-vjetorin e një krimi shtetëror të pashembullt në historinë e demokracisë së re shqiptare, kur katër të vrarë ende nuk prehen dot në paqe dhe drejtësia i ngjan një breshke që lutet për harresë, me bindjen që sado të vonojë drejtësia për 21 janarin nuk do të harrojë, ju uroj të gjithëve një ditë të mbarë”, shkruan Rama në rrjetet sociale.

Ngjarja e “21 Janarit” vijon të mbetet një nga episodet më të rënda në historinë e tranzicionit shqiptar, ndërsa procesi i drejtësisë për këtë çështje ka qenë objekt debatesh të vazhdueshme politike dhe institucionale.

Në protestën e PS më 21 janar të vitit 2011 mbetën të vrarë, Aleks Nika, Ziver Veizi, Hekuran Deda dhe Faik Myrtaj.

I gjithë qarku i Dibrës është përfshirë nga reshje të dendura dëbore të shoqëruar me temperatura të ulëta deri më minus 3 gradë, të cilët kanë sjellë vështirësi në qarkullimin e mjeteve në rrugët nacionale dhe ato rurale.

Akset Bulqizë-Tiranë dhe Bulqizë-Peshkopi kalohen me vështirësi për shkak edhe të ngricave dhe erës së fortë kryesisht në segmentin Qafë e Buallit-Fushë Bulqizë.

Me vështirësi kalohet në aksin Qafë e Buallit-Krastë, probleme dhe me shumë rrugë ruale të njësive të Bashkisë Peshkopi, Bulqizë, Klos dhe Mat.

Një tjetër aksident i rëndë hekurudhor ka tronditur Spanjën, vetëm dy ditë pas një përplasjeje fatale mes dy trenave në jug të vendit. Një makinist ka humbur jetën dhe të paktën 37 persona janë plagosur, pesë prej tyre në gjendje të rëndë, pasi një tren urban i rrjetit Rodalies doli nga shinat pranë Barcelonës, në zonën mes Gelida dhe Sant Sadurní.

Sipas autoriteteve lokale, treni u përplas me një mur mbajtës. Inspektori i zjarrfikësve të Katalonjës, Claudi Gallardo, bëri me dije se të gjithë pasagjerët janë evakuuar dhe se operacioni i kërkimit ka përfunduar pa gjetur viktima të tjera. Në vendngjarje u angazhuan 35 ekipe zjarrfikëse dhe 11 autoambulanca, ndërsa të plagosurit u dërguan në disa spitale të zonës.

Ngjarja ndodhi në një kohë kur stuhitë e forta po godasin verilindjen e Spanjës, me autoritetet që kanë shpallur alarm të lartë për shkak të motit ekstrem. Në të njëjtën ditë, një tjetër tren në rrjetin e Barcelonës doli nga shinat pasi u godit nga një shkëmb i zhvendosur nga reshjet, fatmirësisht pa të lënduar.

Si pasojë e këtyre incidenteve, shërbimet hekurudhore në Katalonjë janë pezulluar, duke lënë rreth 400 mijë udhëtarë pa transport. Aksidentet e fundit vijnë në një moment kritik për sigurinë hekurudhore në Spanjë, pas tragjedisë në Andalusi ku humbën jetën mbi 40 persona.

Kjo e mërkurë shënon 15 vite nga protesta e 21 Janarit në bulevardin “Dëshmorë e Kombit” në Tiranë, ku mbetën të vrarë katër qytetarë.

Katër personat që mbetën të vrarë, po protestonin para Kryeministrisë, më 21 Janar të 2011-ës kur Partia Socialiste ishte në opozitë ndërsa PD-ja dhe LSI-ja (sot PL) qeverisnin së bashku dhe kryeministër atëherë ishte Sali Berisha, ndërkohë Lulzim Basha ishte ministër i Brendshëm.

Protesta e 21 janarit 2011 u mbyll me katër viktima, tre të vrarë me armë zjarri në harkun e dhjetë minutave dhe një i plagosur rëndë që ndërroi  jetë pak ditë më vonë.

Ziver Veizi, Aleks Nika, Hekuran Deda dhe Faik Myrtaj janë viktimat e 21 janarit. Familjarët e tyre akoma sot presin drejtësi.

Me një urdhër të Strasburgut që e ka vlerësuar 21 janarin me katër të vrarë si një krim shtetëror, SPAK ka marrë në dorë hetimet, ku ka thirrë për të dëshmuar shumë eksponentë me role drejtuese të 15 viteve më parë.

Për ditën e mërkurë vendi ynë do të ndikohet nga kushte atmosferike të paqëndrueshme. Moti parashikohet me vranësira mesatare deri të dendura.

Reshje shiu të herëpashershme me intensitet kryesisht të ulët që në orët e para të 24-orëshit.

Lokalisht në jug të vendit në intervale të shkurtra kohore reshje shiu në formën e shtrëngatave. Gjatë ditës reshjet e shiut do të mbeten prezente të herëpashershme me intensitet kryesisht të ulët, lokalisht në qendër dhe jug të vendit hera-herës reshje shiu me intensitet deri mesatar në formën e shtrëngatave.

Në zonën e Alpeve, në verilindje-lindje në lartësitë mbi 300-400 metër si dhe në juglindje-jug në lartësitë mbi 600-700 metër reshje dëbore me intensitet të ulët.

Era do të fryjë me drejtim verilindje– lindje, me shpejtësi mesatare 7 m/s, përgjatë vijës bregdetare dhe zonat luginore era me shpejtësi deri në 18 m/s.

Deti – Valëzimi forcës 3-4 ballë.

Dashi

Pritet që partneri t’iu kushtojë më shume vëmendje gjatë kësaj dite juve që jeni në një lidhje. Do kaloni çaste të mrekullueshme dhe nuk do doni të ndaheni për asnjë çast. Beqarët duhet t’i gjykojnë mire të gjitha gjërat para se të fillojnë histori dashurie. Në planin financiar situata do jetë goxha e qëndrueshme nëse vazhdoni të shpenzoni me maturi.

Demi

Mos ëndërroni shumë gjatë kësaj dite juve që jeni në një lidhje sepse ka rrezik të përballeni me zhgënjime te mëdha. Beqarët do kenë plot mundësi për takime të rëndësishme të cilat mund të përfundojnë në histori dashurie afatgjata. Financat do vijnë duke u përmirësuar. Do keni mundësi te kryeni edhe shpenzimet më të nevojshme edhe të hiqni disa para mënjanë.

Binjakët

Jeta juaj në çift do vijë duke u përmirësuar gjatë kësaj dite. Rutina do marrë fund njëherë e përgjithmonë dhe do e shihni me pozitivizëm të ardhmen. Beqarët edhe pse do kërkojnë pa fund dashurinë nuk kanë për ta gjetur atë. Financat do jenë goxha të qëndrueshme. Nuk do e keni aspak të vështirë të lani borxhet dhe të kryeni shpenzimet e domosdoshme.

Gaforrja

Jetën sentimentale do e lini pas dore duke qenë se do keni plot angazhime dhe punë të tjera. Partneri do ju mirëkuptojë. Beqarët nuk do ndihen ende gati të ndryshojnë statusin, kështu që do mbeten vetëm. Do jeni shume ambicione zot në planin financiar dhe nuk do kënaqeni me aq para sa keni. Kujdes, sepse duke bërë çmenduri mund të keni humbje të mëdha.

Luani

Pasioni do ndizet edhe me shume gjate kësaj dite ne jetën tuaj ne çift. Emocionet qe do përjetoni janë te papërshkrueshme kështu qe shfrytëzojeni sa te mundni çdo moment. Beqaret nuk do jene ne humor për te kërkuar dashurinë dhe do mbeten ashtu si janë. Financat do vazhdojnë te mbeten te trazuara, kështu qe kujdes me çdo lëvizje qe do kryeni.

Virgjëresha

Mos u largoni shumë nga realiteti sot juve që jeni në një lidhje sepse shume shpejt do përballeni me zhgënjime. Beqarët do kenë një dite te favorshme. Ka ardhur momenti që edhe ata të flirtojnë dhe te fillojnë je etapë të re me dikë në krah. Në planin financiar do keni goxha vështirësi sepse nuk do pranoni ta shtrëngoni rripin e shpenzimeve.

Peshorja

Fale influencës pozitive të Marsit dhe te Jupiterit, jeta juaj ne çift do jete e bukur dhe mjaft entuziazmuese. Do ndiheni me fat që keni dike si partneri në krah. Beqarët do kenë dashuri me shikim te pare ne momentet qe ata me pak e presin. Financat nuk do jene te këqija, megjithatë duhet te shmangni investimet e mëdha. Merruni me shume me menaxhimin e te ardhurave.

Akrepi

Jeta juaj ne çift do jete mjaft e favorizuar gjate kësaj dite. Do përjetoni çaste fantastike dhe plot emocione. Ndonjëherë do ju duket sikur jeni ne ëndërr. Beqaret do dashurohen koke e këmbë pas një personi qe kane pak kohe qe e njohin. Ne planin financiar do jeni shume te kujdesshëm dhe nuk do lejoni qe gjendja te përkeqësohet.

Shigjetari

Mjedisi yjor nuk do jete shume i përshtatshëm sot për ata qe janë ne një lidhje. Mund te lindin here pas here edhe disa mosmarrëveshje te vogla. Me kujdes mund t’i kaloni shpejt ato. Beqaret nuk duhet te kërkojnë me ngulm fillimin e një lidhjeje sepse do pendohen shpejt. Ne planin financiar gjerat do shkojnë me se miri. Do ndiheni shume te qete tashme.

Bricjapi

Dite mjaft delikate kjo e sotmja për ata qe janë ne një lidhje. Nuk do ndiheni ne humorin e duhur as ju dhe as partneri, prandaj çdo fjale e pavend mund ta acaroje atmosferën. Beqaret do kenë veçse takime kalimtare, asgjë me shume sesa aq. Financat nuk do jene aspak ne gjendje te keq kështu qe mund te kryeni pa frike edhe ndonjë shpenzim me shume.

Ujori

Nëse doni qe lidhja juaj te ece sa me mire duhet te toleroni dhe te bëni ndonjë lëshim te vogël. Me kokëfortësi dhe inat nuk mund te zgjidhni asnjëherë asgjë. Beqaret nuk do e kenë aspak mendjen te krijojnë një lidhje sepse do jene te angazhuar me pune. Për financat do përkujdeseni gjithë kohës dhe situata pritet te mbetet e qëndrueshme.

Peshqit

Do keni shumë mosbesim gjatë kësaj dite ndaj partnerit tuaj dhe gjërat nuk do ecin si i kishit planifikuar. E mira është te flisni sa me hapur me te dhe te diskutoni çdo detaj. Beqarët do jenë në ankth sepse nuk do e gjejnë dot princin e tyre të kaltër. Financat do fillojnë të përmirësohen fale ndihmës që do iu japin disa familjare.

Presidenti Donald Trump tha se Bordi i Paqes, i formuar për administrimin e Gazës, mund të zëvendësojë Kombet e Bashkuara.

Trump e cilësoi OKB si joefektive në përfundimin e luftërave.

“OKB-ja thjesht nuk ka qenë shumë e dobishme. Unë jam një adhurues i madh i potencialit të OKB-së, por ajo kurrë nuk e ka përmbushur potencialin e saj. OKB-ja duhet të kishte zgjidhur të gjitha luftërat që unë zgjidha. Unë kurrë nuk shkova në to, as nuk mendova të shkoja.”, u tha Trump gazetarëve.

Kosova ishte për të dytin vit radhazi pjesë e Forumit Ekonomik të Davosit, një nga skenat më të rëndësishme ku takohen diplomacia, politika dhe ekonomia globale.

Kryeministri në detyrë, Albin Kurti, në një bisedë bashkë me akademikun dhe diplomatin britanik, Rory Setwart OBE në Shtëpinë e Kosovës, foli për sigurinë dhe kërcënimin nga lufta hibride, duke nënvizuar faktin se propaganda sot është më e sofistikuar, shpesh e përkthyer dhe e përshtatur në gjuhën lokale, por se skepticizmi i qytetarëve dhe puna e Agjencisë së Kosovës për Inteligjencë kanë ndihmuar në frenimin e këtyre përpjekjeve.

“Ne duhet të kemi kujdes me situatat ku ata përdorin ndërmjetësim me palë të treta, pra shohim teza të caktuara që pa diskutim vijnë nga kjo qendër veri-lindje, por ndoshta ata flasin gjuhën tënde. Prandaj them se kjo është shumë më e sofistikuar. Përmes ndërhyrjes ata futen në media të caktuara online, ku ti dëgjon në shqip çfarë për shembull ata po thonë në Rusi”, deklaroi kryeministri në detyrë i Kosovës Albin Kurti.

Kurti foli gjithashtu për marrëdhëniet me Serbinë, duke deklaruar se institucionet paralele ilegale në veri janë shuar dhe se sundimi i ligjit ka shtrirë sovranitetin dhe integritetin territorial të Kosovës. Ai pranoi se qasja e qeverisë është parë nga disa si e ashpër, por theksoi se marrja e rrezikut ishte e domosdoshme dhe, sipas tij, funksionoi. Në këtë kontekst, ai përmendi edhe rritjen e kapaciteteve mbrojtëse të vendit, dyfishimin e numrit të ushtarëve dhe shpenzimin e 2% të Prodhimit të Brendshëm Bruto për mbrojtje.

“Tani, ajo që rrezikojmë është një lloj pushtimi nga Serbia. Ata kanë 48 baza operative përreth vendit tonë. Por nuk mendoj se do të ndodhë. Ka një propabilitet të ulët. Vetëm në rast se Kremlini i urdhëron ata për diçka. Nuk mendoj se Beogradi zyrtar mund të marrë guximin dhe t’i thotë jo presidentit despotik Putin për të refuzuar urdhrat e tij për të destabilizuar rajonin. Megjithatë Kosova ka një ushtri të fuqishme tani. Kemi dyfishuar numrin e ushtarëve. Është viti i tretë me radhë që ne shpenzojmë 2% të Prodhimit të Brendshëm Bruto për mbrojtjen tonë. Padyshim që do të mendohen dy herë përpara se të na bëjnë diçka ne dhe kur e mendon dy herë, nuk vepron shumë”, u shpreh Kurti.

Në planin rajonal, Kryeministri shprehu shqetësim për zhvillimet në Bosnje dhe Hercegovinë dhe për lidhjet e Republika Srpska me Moskën, duke kërkuar një rol më të fortë të Bashkimit Europian. Ai theksoi se procesi i integrimit europian duhet të jetë i bazuar në reforma dhe merita, ndërsa për Ballkanin nënvizoi nevojën për aleanca rajonale dhe bashkëpunim të ngushtë me NATO-n.

“Nga 4 fqinjë që kemi ne si Republikë e Kosovës, 3 prej tyre na njohin ne, Shqipëria, Mali i Zi dhe Maqedonia e Veriut. Por Serbia nuk na njeh dhe nuk duket se ka ndërmend ta bëjë diçka të tillë tani afër. Megjithatë, ata e kuptojnë më shumë se kurrë më parë se ne jemi një shtet tjetër. Realiteti ka ndryshuar shumë. Por ajo që kemi nevojë është që të vdesë ëndrra e tyre për rikthimin në Kosovë”, shtoi Kurti.

Grupi Parlamentar i Partisë Demokratike i ka dërguar shkresë KLGJ dhe ILD, ku i ka kërkuar që të largojë nga detyra Irena Gjokën, pasi Prokuroria e Përgjithshme provoi dënimin e saj në Greqi.

Në shkresën e firmosur nga Gazment Bardhi, lexohet se “Irena Gjoka ndodhet në kushtet e papajtueshmërisë me funksionin kushtetues të gjyqtarit, si dhe ka falsifikuar aktet, duke kryer një tjetër krim, në mënyrë të përsëritur, për shkak të mosdeklarimit të urdhër dëbimeve dhe vendimit gjyqësor të dënimit penal”.

Deputetët e opozitës shprehin shqetësimin e thellë në letër për mosveprimin në kohë të KLGJ dhe ILD, sipas tyre, që po sjell pasoja të rënda dhe të parikuperueshme në sistemin gjyqësor, shkruan A2.

Letra e grupit parlamentar të PD drejtuar KLGJ dhe ILD:

Lënda: Mbi konstatimin e mbarimit të statusit të magjistratit për gjyqtaren e posacme znj. Irena Gjoka

Drejtuar: Z. Ilir Rusi

Kryetar i Këshillit të Lartë Gjyqësor

1. Artur Metani

Inspektor i Lartë i Drejtësisë

I nderuar z. Kryetar,

I nderuar z. Inspektor i Lartë i Drejtëisë,

Me shumë shqetësim jemi njohur me një situatë të paprecedent në sistemin e drejtësisë, që cenon parimin kushtetues të “gjykatës së caktuar me ligj”. Prej kohësh në media është bërë i njohur rasti i fshehjes së dënimit nga autoritetet greke nga ana e gjyqtares së Gjykatës së Posacme të Shkallës së Parë kundër Korrupsionit dhe Krimit të Organizuar znj. Irena Gjoka. Sipas këtij denoncimi mediatik, znj. Gjoka ka qenë e debuar dy herë nga Greqia dhe është dënuar po në shtetin Grek nga një gjykatë penale për kryerjen e veprës penale të falsifikimit të dokumenteve.

Konkretisht, në media janë bërë publike këto dokumente:

24. a) Urdhër dëbimi nga policia greke, datë 24.12.2002, për tentativë hyrjeje në territorin grek me vizë të falsifikuar. Dokumente zyrtare të Ministrisë për Mbrojtjen e Qytetarit, Policia Greke, datë 14 gusht 2025, Prot. Nr. 1623/25/1741610, vërtetojnë se ndaj saj u hap një dosje penale për veprën penale të falsifikimit, bazuar në nenin 216 të Kodit Penal Grek, si dhe se pasaporta e saj u sekuestrua.
25. b) Urdhër dëbimi nr. 7/13-2-2003, nga policia greke, datë 13.02.2003. Znj. Gjoka Maneku i kundërshtoi të dy urdhrat e dëbimit në Gjykatën Administrative të Shkallës së Parë të Athinës. Kërkesa e saj u rrëzua me vendimin nr. 320/2006, datë 03.06.2006.
26. c)      Vendim penal i Gjykatës së Shkallës së Parë të Janinës, Greqi, nr. 1447/2005, datë 7 korrik 2005, për veprën penale të falsifikimit, duke e dënuar me tre muaj burgim dhe 1 500 euro gjobë (më pas e konvertuar në gjobë), si dhe duke urdhëruar shkatërrimin e pasaportës së sekuestruar që përmbante vizën e falsifikuar.

Pavarësisht se këto fakte u bënë publike nga media, rezulton se znj. Gjoka nuk i ka deklaruar ato zyrtarisht pranë autoriteteve përkatëse, siç kërkohet nga ligji, pasi kjo do të çonte në përfundimin e mandatit të saj si gjyqtare, sipas nenit 6/1 të Kushtetutës, ligjit nr. 95/2016 dhe ligjit nr. 96/2016. Për të shmangur përfundimin e mandatit të saj si gjyqtare, ajo nuk i deklaroi këto fakte as në formularët zyrtarë të parashikuar nga ligji për dekriminalizimin, nr. 138/2015 apo në formularin e kandidmit si gjyqtare në Gjykatën e Posacme sipas ligjit nr. 95/2016. Mosdeklarimi i informacionit të kërkuar në këta formularë përbën një vepër penale më vete sipas ligjit.

Më datë 20 Janar 2026, Prokurori i Përgjithshëm, në zbatim të kompetencës që i njeh ligji nr. 138/2015, deklaroi se dokumentet e publikuara në media janë autentike dhe njoftoi publikisht se:

“Mbi bazën e kërkesës së Komisionit të Zhvillimit të Karrierës në Këshillin e Lartë Gjyqësor, më datë 08.05.2024 në Sektorin e Dekriminalizimit të Prokurorisë së Përgjitshme është regjistruar me nr. 40 procesi per verifikimin e thelluar të deklarimeve të bëra në Formularin e Vetëdeklarimit date 22.04.2016, për subjektin Irena Gjoka (Shpata, Maneku), gjyqtare në Gjykatën e Posaçme Kundër Korrupsionit dhe Krimit të Organizuar. Pas kryerjes së të gjitha verifikimeve të mundshme brenda dhe jashtë vendit, më datë 19.01.2026, Prokuroria e Përgjithshme ka vendosur miratimin e rezultateve të verifikimit, vendim të cilin po këtë datë ja ka përcjellë Këshillit të Lartë Gjyqësor si organ përgjegjës për verifikimin e kushteve të ndalimit në zbatim të ligjit nr.138/2015 “Për garantimin e integritetit të personave që zgjidhen, emërohen ose ushtrojnë funksione publike”, dhe Vendimit të Kuvendit nr.17/2016 “Për përcaktimin e rregullave të detajuara mbi zbatimin e ndalimeve të parashikuara në ligjin nr.138/2015 “Për garantimin e integritetit të personave që zgjidhen, emërohen ose ushtrojnë funksione publike”.”.

Në këtë mënyrë, përmes këtij konfirmimi të autoriteteve përgjegjëse rezulton se gjyqtarja Irena Gjoka, ndodhet në kushtet e papajtueshmërisë me funksionin kushtetues të gjyqtarit, në kuptim të nenit 6/1 të Kushtetutës, ligjit nr. 95/2016 dhe ligjit nr. 96/2016, si dhe ka fallsifikuar aktet, duke kryer një tjetër krim, në mënyrë të përsëritur, për shkak të mosdeklarimit të urdhër dëbimeve dhe vendimit gjyqësor të dënimit penal. Ky fakt ka krijuar një gjendje paligjshmërie  dhe antikushtetutshmërie në sistemin gjyqësor.

Në nenin 6/1 të Kushtetutës parashikohet se: “Ndalohet zgjedhja, emërimi apo ushtrimi i një funksioni publik në një nga organet e parashikuara në këtë Kushtetutë, ose të krijuara me ligj, pavarësisht përcaktimeve të bëra në dispozitat e tjera të kësaj Kushtetute, nëse verifikohen rrethana që cenojnë integritetin e funksionarit publik, sipas kushteve dhe rregullave të përcaktuara me ligj të miratuar me tri të pestat e të gjithë anëtarëve të Kuvendit.”. Ndërkohë që neni 136/a i Kushtetutës sanksionon se: “1. Gjyqtarë mund të jenë shtetasit shqiptarë që emërohen nga Këshilli i Lartë Gjyqësor, pas përfundimit të Shkollës së Magjistraturës dhe pas kryerjes së procesit të verifikimit paraprak të pasurisë dhe të figurës së tyre, sipas ligjit. 2. Kritere të tjera për përzgjedhjen dhe emërimin e gjyqtarëve parashikohen me ligj.”.

Dënimi me vendim gjyqësor të formës së prerë për kryerjen e një krimi parashikohet nga Kushtetuta si rrethanë që dikton automatikisht shkarkimin e gjyqtarit nga detyra. Konkretisht, neni 140 i Kushtetutës parshikon se: “2. Gjyqtari shkarkohet nga Këshilli i Lartë Gjyqësor kur: b) është dënuar me vendim të formës së prerë për kryerjen e një krimi.”.

Neni 47 i ligjit nr. 96/2026, parashikon se: “3. Për të gjitha pozicionet në gjykatat e posacme, magjistrati duhet të përmbushë edhe kriteret e tjera dhe kushtet e sigurisë, të parashikuara në ligjin “Për organizimin dhe funksionimin e institucioneve për të luftuar korrupsionin dhe krimin e organizuar”. Në nenin 6 të ligjit nr. 95/2016, parashikohet shprehimisht se “1. Kandidati për gjyqtar në gjykatat e posaçme kundër korrupsionit dhe krimit të organizuar, duhet të plotësojë kushtet e sigurisë përpara se të caktohet apo punësohet në një nga këto pozicione. Asnjë kandidat nuk mund të caktohet në detyrë ose të punësohet pa plotësuar këto kushte. Kushtet e sigurisë para caktimit në detyrë ose emërimit janë: a) kontrolli i verifikimit të figurës. 3. Kandidati plotëson deklaratën e kontrollit të figurës, sipas shtojcës A, të këtij ligji, dhe e dorëzon atë tek institucionet e emërtesës.”. Në pjesën 6, të Shtojcës së parë në ligj, përfshihet edhe pyetja “Ç” – A keni qenë ndonjëherë i ndaluar, i arrestuar, i dënuar për shkelje ligjore brenda ose jashtë shtetit? Kjo pyetje ka një lidhje të drejtpërdrejtë me përmbushjen e kritereve kushtetuese dhe ligjore për ushtrimin e funksionit kushtetues të gjyqtarit të Republikës, edhe në kuptim të neneve 6/1, 136/a dhe 140 të Kushtetutës, si dhe kritereve ligjore të parashikuara në ligjin nr. 96/2016.

Ky ligj përcakton si kriter për të ushtruar detyrën e gjyqtarit edhe mosqenien e tij i dënuar me vendim gjyqësor të formës së prerë dhe se konstatimi i një fakti të tillë pas emërimit passjell mbarimin e statusit të magjistratit. Konkretisht, neni 64 i ligjit nr. 96/2026 parashikon se “1. Statusi i magjistratit mbaron në rastet kur: b) vërtetohen kushtet e pazgjedhshmërisë dhe të papajtueshmërisë në ushtrimin e funksionit”. Ndërkohë, neni 66 i po të njëjtit ligj sanksionon se: “1. Statusi i magjistratit mbaron në ditën kur autoriteti kompetent përcakton me vendim shkaqet e pazgjedhshmërisë si vijon: a) kur magjistrati nuk plotëson kriteret e përcaktuara, sipas nenit 28 të këtij ligji. 4. Këshill deklaron me vendim mbarimin e statusit të magjistratit, jo më vonë se 2 javë nga marrja e njoftimit për shkakun e pazgjedhshmërisë ose papajtueshmërisë.”.

Neni 28 i ligjit nr. 96/2016, heq cdo dyshim që një gjyqtar i dënuar me vendim gjyqësor të formës së prerë të ushtrojë funksionin. Në mëyrë specifike kjo dispozitë përcakton si kriter për emërimin gjyqtar, sa më poshtë: d) nuk është dënuar me vendim penal të formës së prerë për kryerjen e një vepre penale, që, për shkak të natyrës së veprës së kryer, diskrediton pozitën dhe figurën e gjyqtarit ose prokurorit ose dëmton rëndë besimin e publikut në sistemin gjyqësor, pavarësisht nëse është rehabilituar sipas parashikimeve të Kodit Penal.”. I njëjti ligj, në nenin 162, pika 1, parashikonte se gjyqtarët e Gjykatës për Krime të Rënda, ku shërbente si gjyqtare znj. Irena Gjoka, do të vazhdonin të qëndronin në detyrë si pjesë e gjykatës së posacme, përveç rasteve kur ekzistonin shkaqe për përfundimin e statusit të magjistratit.

Gjithashtu, edhe ligji nr. 138/2015 dhe vendimi i Kuvendit nr. 17/2016, sanksionojnë qartësisht se: “Pasqyrimi i të dhënave të rreme në këtë Formular përbën vepër penale dhe dënohet me burgim sipas nenit 190 të Kodit Penal. Pasqyrimi i të dhënave të pavërteta, të paplota, dhe të pasakta në këtë Formular dhe refuzimi i depozitimit të gjurmëve daktiloskopike, passjell skualifikimin e menjëhershëm dhe në çdo kohë nga kandidimi/zgjedhja/emërimi apo ushtrimi i mëtejshëm i funksionit publik.”.

Bazuar në dispozitat kushtetutese dhe ligjore të sipërcituara, si dhe në konfirmimin e bërë zyrtarisht nga Prokurori i Përgjithshëm, mbi faktin se gjyqtarja e posacme znj. Irena Gjoka rezulton e dënuar me vendim gjyqësor të formës së prerë për kryerjen e një vepre penale, fakt të cilin ajo e ka mbajtur të fshehur dhe nuk e ka deklaruar në disa dokumente zyrtare, sic e kishte detyrim, e vendos atë jo vetëm përpara kryerjes së veprës penale të parshikuar në nenin 190 të Kodit Penal, por mbi të gjitha në pamundësinë kushtetutese dhe ligjore për të ushtruar funksionin kushtetutes të gjyqtarit të Republikës.

Përkatësisht, ajo ndodhet në kushtet kushtetuese dhe ligjore ku Këshill duhet të deklarojë me vendim mbarimin e statusit të magjistratit apo kur Inspektori i Lartë i Drejtësisë duhet të kërkojë shkarkimin nga detyra për “sjellje që diskretitojnë rëndë figurën e gjyqtarit”. Ky konstatim duhet të kishte ndodhur, jo më vonë se 2 javë nga marrja e njoftimit për shkakun e pazgjedhshmërisë/papajtueshmërisë, por deri më tani Këshilli i Lartë Gjyqësor dhe Inspektori i Lartë i Drejtësisë, nuk kanë vepruar, edhe pse Prokurori i Përgjithshëm prej muajsh publikisht dhe në seancat dëgjimore në Kuvendin e Shqipërisë ka informuar se fakti i dënimit ishte konfirmuar nga autoritetet përkatëse greke.

Në këtë kuptim, në emër të deputetëve të opozitës në Kuvendin e Shqipërisë, shprehim shqetësimin e thellë, për mosveprimin në kohë të Këshillit të Lartë Gjyqësor dhe Inspektorit të Lartë të Drejtësisë, që po sjell pasoja të rënda dhe të parikuperueshme në sistemin gjyqësor. Cenimi i parimit të “gjykatës së caktuar me ligj”, është shkak i mjaftueshëm kushtetues për të cenuar çdo vendimmarrje të saj si gjyqtare në Gjykatën e Posaçme të Shkallës së Parë kundër Korrupsionit dhe Krimin e Organizuar.

Ndër të tjera, kjo ka pasoja të rënda për vetë sistemin e drejtësisë, për vetë punën e Gjykatës së Posaçme, por mund të shkaktojë edhe pasoja të rënda financiare për shtetin shqiptar. Ky rast cenon edhe besimin e publikut tek sistemi i drejtësisë dhe krijon pasiguri mbi vendimmarrjet e sistemit gjyqësor, duke cenuar integritetin e të gjithë sistemit. Një gjyqtar i Republikës, që rezulton i dënuar dhe që përpiqet ta fsheh, duke mos e deklaruar këtë dënim, në vlerësimin tonë kryen edhe një sjellje që diskrediton pozitën dhe figurën e magjistratit dhe dëmton besimin e publikut në sistemin gjyqësor.

Për këtë arsye, duke respektuar parimin e pavarësisë së institucioneve kushtetuese të drejtësisë dhe duke shmangur çdo ndërhyrje në punën Tuaj, ne deputetët e opozitës në Kuvend, në përputhje me parimin e ndarjes dhe të balancimit të pushteteve, parimit të shtetit ligjor, kontrollit kushtetutes mbi zbatimin e ligjit, si dhe të përgjegjësisë sonë si deputetë për të mbrojtur interesin e shtetit shqiptar, kushtetutshmërinë dhe ligjshmërisë në sistemin gjyqësor, kërkojmë nga ana e Këshillit të Lartë Gjyqësor dhe Inspektorit të Lartë të Drejtësisë që të veprojnë në kohë, menjëherë, për të zbatuar detyrimin kushtetues dhe ligjor, të konstatimit të mbarimit të statusit të magjistratit për gjyqtaren e posacme znj. Irena Gjoka. Për më tepër, pas përfundimit administrativ të Prokurorit të Përgjithshëm dhe njoftimit të rezultateve Këshillit të Lartë Gjyqësor, ky i fundit sipas nenin 66 të ligjit nr. 96/2026, duhet të deklarojë me vendim mbarimin e statusit të magjistratit, jo më vonë se 2 javë nga marrja e njoftimit për shkakun e pazgjedhshmërisë dhe papajtueshmërisë.

Përsa më lart, çdo vonesë nga ana juaj shkakon pasoja të rënda për interesin publik, për vetë sistemin e drejtësisë, besimin e qytetrëve tek institucionet e pavarur të drejtësisë dhe për interesat financiare të shtetit shqiptar.

Kryetari i Partisë Demokratike, Sali Berisha, është shprehur se në diktatura vota vdes para se të mbërrijë në kutinë e votimit.

Komentet Berisha i bëri gjatë fjalës së tij në ‘Foltoren’ e organizuar nga PD në Tiranë, ku e cilësoi qeverisjen e kryeministrit Edi Rama si një diktaturë autoritare.

Berisha gjithashtu tha se rreth 49 % e shqiptarëve janë në prag varfërie, teksa theksoi emergjencën e kthimit të zgjedhjeve normale në Shqipëri.

Pjesë nga fjala e Berishës:

Të dashur anëtarë dhe anëtare të Partisë Demokratike, dega 4, qytetarë dhe qytetare të kësaj lagjeje, të Tiranës dhe të mbarë Shqipërisë, mbështetësit e mia më të përzemërta.

I dashur zoti kryetar, i dashur Besart, Ilir, Klevis, mirëmbrëma dhe shumë përshëndetje. Vij sot tek ju, në një moment jashtëzakonisht të veçantë për Partinë Demokratike, për opozitën, por edhe për vendin.

Vij sot në një moment kur Partia Demokratike dhe opozita ndodhet para provës më të madhe në tërë ekzistencën e saj. Ndodhet para provës së përmbushjes së misionit të saj: shpëtimit të Shqipërisë dhe shqiptarëve nga një regjim, i cili është një regjim diktatorial.

Jo i llojit totalitar që nuk pranon asnjë lloj opozite, i llojit autoritar që e pranon pluralizmin por e shtyp atë. Për një pjesë të mirë nga ju që kanë jetuar diktaturën komuniste, e kanë të qartë sa ajo ishte regjimi më opresiv, më shtypës që mund të imagjinohej.

Dhe në atë regjim, në rast se vendosje ta kundërshtoje, hapje me duart e tua dyert e burgut ose varrin tënd, ose internimin tënd.

Në diktaturat autoritare nuk ndodh kjo. Dhe ky është një dallim thelbësor. Diktaturat autoritare, në qoftë se je i vendosur, mund të qëndrosh i pamposhur, pavarësisht nga qëndrimet e saj. Por, në të dy rastet, pushteti është në duart e një njeriu.

Ata që i kanë analizuar dhe studiuar këto kanë gjetur se më e keqja e të gjitha formave të diktaturave, nuk është ajo që mbushte vendin me burgje dhe kampe. Më e keqja e të gjitha të këqijave është diktatura e bandave. Ata që e kanë studiuar e thonë këtë, është më e keqja sepse diktatura e bandave nuk ka asnjë rregull. Nuk ka asnjë ligj. Nuk respekton asnjë normë. Nuk respekton asnjë standard.

Ajo vërtet, në dallim nga e para, nuk ekzekuton, por kjo ekzekuton shpresën. Kjo është një shpresëvrasëse e pamëshirë. Dhe largon njerëzit sa asgjë tjetër nga Shqipëria, nga vendi.

Miq, nga viti 2014 gjer në vitin 2023, vetëm në hapësirën europiane, në Schengen, kanë emigruar 1 milion e 100 mijë shqiptarë. Nga të cilët rreth 700 mijë të rinj. Pra, rriten në Shqipëri, por ëndrrën shqiptare nuk e ndërtojnë dot në Shqipëri. Marrin rrugët e Europës, rrugët e botës për të ndërtuar ëndrrën e tyre.

Dhe ne pakësohemi, pakësohemi, pakësohemi. Në çfarë shkalle? Pakësohemi në atë shkallë, saqë të gjithë, nga Organizata e Kombeve të Bashkuara dhe çdo institut tjetër që merret me demografinë, shqiptarët i shikon si një komb në zhdukje.

Si një komb që sot kanë lindur atë numër fëmijësh që lindnin 100 vite më parë. Kur ata ishin në regjistra 700 mijë. Shqiptarët nga viti 2018 gjer sot, humbasin, mijëra e mijëra qytetarë ndahen nga jeta më shumë sesa lindin.

Në 10 vite, si kurrë dhe si asnjë vend tjetër, jemi plakur 10 vjet. Mosha mesatare jonë është rritur 10 vjet. Në 10 vite, vendi pra u boshatis nga shpresa.

Por në qoftë se në 2013-ën ne ishim njerëzit më të paguar, pak merrnim, nuk merrnim shumë, po më të paguar ishim se të gjithë këta që janë përreth nesh, përveç grekëve. Më të paguar se dhe bullgarët dhe rumunët. Sot jemi më të keqpaguarit. Sot 49% e jona është buzë varfërie ose në varfëri.

Të dy diktaturat, ajo totalitarja dhe kjo autoritare, jetojnë dhe mbijetojnë se ato nuk lejojnë qytetarët të votojnë. Se procesin zgjedhor ato e kanë farsë. E kanë farsë. Në të dy diktaturat vota vdes para në kuti. Tek e para me dajre dhe daulle, tek e dyta me patronazhistë, me banda dhe forma të tjera.

Një tjetër person u gjet i pajetë këtë pasdite nga ekipet e shpëtimit në rrënojat e trenave që u përplasën në jug të Spanjës, duke e çuar numrin e viktimave në 42.

Autoritetet paralajmërojnë se bilanci nuk është ende përfundimtar, gati 48 orë pas aksidentit tragjik.

Operacionet e kërkim-shpëtimit vijojnë mes rrënojave dhe ekziston mundësia që të gjenden viktima të tjera, ndërsa shumë pikëpyetje mbeten ende pa përgjigje lidhur me shkaqet që çuan në këtë katastrofë hekurudhore.

“Një tjetër viktimë u gjet këtë pasdite në një nga vagonët e trenit Alvia, që i përket kompanisë Renfe”, njoftuan autoritetet lokale në një deklaratë zyrtare.

Sipas mediave, hetimet janë përqendruar në dyshimet për një defekt në infrastrukturën hekurudhore, konkretisht në një lidhje të dëmtuar të linjës, e cila mund të ketë luajtur rol kyç në aksident. Autoritetet kompetente po vijojnë hetimet për të përcaktuar përgjegjësitë dhe shkaqet e sakta të ngjarjes.

Kryetari i Grupit Parlamentar të Partisë Socialiste, Taulant Balla, priti në Kuvend Ambasadorin e Bashkimit Europian në Shqipëri, Silvio Gonzato, në nisje të sesionit të ri parlamentar.

Në fokus të takimi ishte avancimi i dy reformave të rëndësishme, Reformës Zgjedhore dhe Reformës Territoriale. Balla theksoi rolin kyç të Kuvendit në këtë fazë vendimtare të procesit të integrimit europian.

“Diskutuam mbi avancimin e procesit të integrimit europian, rolin kyç të Kuvendit në këtë fazë vendimtare të anëtarësimit të Shqipërisë në BE, me objektin tonë të qartë ngritjen e flamurit tonë kuq e zi në oborrin e Brukselit deri më 28 Nëntor 2030”, u shpreh Balla.

Balla shprehu krenarinë për ecurinë e deritanishme të vendit në negociata, duke theksuar se Shqipëria ka hapur të gjithë grupkapitujt dhe po ecën me vendosmëri drejt mbylljes së tyre, mbi bazën e meritës, reformave konkrete dhe respektimit të vlerave europiane.

Tarifat

Një nga gurët themelorë të politikës ekonomike të administratës së re Trump janë tarifat. Ato u njoftuan për vende të ndryshme, përfshirë ato të BE-së, por u tërhoqën më vonë. Kërcënimet fillestare u pasuan, në shumë raste, nga marrëveshje individuale, si në rastin e Mbretërisë së Bashkuar dhe Bashkimit Evropian, të cilët arritën një marrëveshje me Uashingtonin këtë verë: ekziston një tarifë gjithëpërfshirëse prej 15%, por ajo parashikon një sërë përjashtimesh për lloje të caktuara produktesh, me përqindje që mund të jenë më të larta ose më të ulëta se ai prag. Vende të tjera dhe zona të tjera të botës kanë qenë të detyruara të pranojnë kushte përfundimtare padyshim më të pafavorshme.

Analizat fillestare të efekteve të tarifave

Sipas një analize të kohëve të fundit të CNN, tarifat masive nuk e rritën ndjeshëm koston e jetesës në vitin 2025. Por situata mund të ndryshojë në vitin 2026. Shtetet e Bashkuara mblodhën 187 miliardë dollarë më shumë të ardhura nga tarifat në vitin 2025, krahasuar me vitin 2024, një rritje prej gati 200%. Deri më tani, kostot janë përballuar kryesisht nga kompanitë. Por tani po afron koha kur kompanitë do të fillojnë t’ua kalojnë këto kosto klientëve. “Shumë nga klientët tanë në fakt nuk donin t’i transferonin kostot, por tani janë të detyruar ta bëjnë këtë”, tha Kyle Peacock, kreu i Peacock Tariff Consulting. “Shumë zgjodhën ta bënin këtë menjëherë në fillim të këtij viti, ndërsa të tjerë planifikojnë të presin deri në fund të tremujorit të parë ose të dytë”, shtoi ai. Ekonomistët e Goldman Sachs vlerësuan se tarifat kanë shkaktuar një rritje të inflacionit me gjysmë pike përqindjeje në vitin 2025, afërsisht në përputhje me deklaratën e Kryetarit të Rezervës Federale, Jerome Powell, muajin e kaluar, sipas së cilës, tarifat e Trump ishin përgjegjëse për të gjithë rritjen e inflacionit mbi objektivin vjetor prej 2% të bankës qendrore (i cili e mbylli vitin me 2.7%). Goldman parashikon që inflacioni të rritet me tre të dhjetat e një pike përqindjeje vetëm në gjashtë muajt e parë të këtij viti, sipas një shënimi të publikuar në fund të dhjetorit.

Ecuria e ekonomisë amerikane

Sidoqoftë, viti 2025 përfundoi me një notë pozitive për ekonominë amerikane. PBB-ja e SHBA-së u rrit me 4.3%, nga korriku deri në fund të shtatorit. Sjellja e konsumatorit rezultoi vendimtare, me shpenzimet që u rritën me 3.5%.
Ndërkohë, në fjalimin e tij drejtuar kombit në dhjetor, Trump u premtoi amerikanëve një bum ekonomik, duke fajësuar paraardhësin e tij demokrat Joe Biden për çmimet e larta dhe vështirësitë që amerikanët kanë përballuar vitet e fundit. “Trashëgova një katastrofë”, por tani “Amerika është kthyer”.

Shkurtimet dhe pushimet nga puna në qeverinë federale

Që nga ditët e para të mandatit të tij të dytë, presidenti u përqendrua shumë në strukturën e qeverisë federale dhe agjencive të saj. Shkurtimet masive, çmontimi i agjencive të tëra dhe ristrukturimi radikal i të tjerave, si dhe shkurtimet drastike të fondeve, u zbatuan shpejt. Departamente të ndryshme, stafet dhe fondet e tyre u prekën. Trump emëroi CEO-n e Tesla-s, Elon Musk, për të udhëhequr këto operacione në Departamentin e Efektivitetit të Qeverisë (DOGE), por ai e la rolin e tij pas disa muajsh, jo pa polemika.
Pas shkurtimeve të vitit 2025, qeveria amerikane hyri në vitin 2026 me një fuqi punëtore shumë më të vogël dhe një sërë prioritetesh të rifokusuara që zhvendosën stafin dhe fondet larg çështjeve të tilla si ndihma e huaj, diversiteti, barazia dhe përfshirja, dhe zhvillimi i vaksinave, të konsideruara të papajtueshme me axhendën e re të Trump.

Gaza

Duke parë jashtë vendit, gjatë 12 muajve të tij në Shtëpinë e Bardhë, Trump ka deklaruar vazhdimisht se ka zgjidhur shumë luftëra, aq sa aspiron të fitojë Çmimin Nobel për Paqen. Përpjekjet e presidentit janë përqendruar kryesisht në luftën midis Izraelit dhe Hamasit dhe situatën në Gaza. Trump udhëhoqi marrëveshjen e paqes në Gaza të nënshkruar në Sharm el-Sheikh në tetor. Vetë Trump njoftoi në Knesset, parlamentin izraelit, “një agim historik të një Lindjeje të Mesme të re”. Megjithëse u arrit një marrëveshje, tensionet në Rripin e Gazës, vazhduan edhe pas nënshkrimit. Dhe vetëm kohët e fundit, më 3 janar, Sekretari i Përgjithshëm i Kombeve të Bashkuara Antonio Guterres i bëri thirrje Izraelit të heqë ndalimin e tij për agjencitë humanitare që ofrojnë ndihmë në Gaza, duke thënë se ishte “thellësisht i shqetësuar” për situatën.

Ukraina dhe Rusia

Që nga marrja e detyrës, Trump ka thënë vazhdimisht se do t’i jepte fund menjëherë konfliktit midis Rusisë dhe Ukrainës. Por lufta vazhdon e ashpër edhe sot. Në gusht, një samit u mbajt në Alaska midis Trump dhe Presidentit rus Putin. Të dy udhëheqësit folën për “përparim” dhe “marrëveshje”, por pa hyrë në detaje. Në muajt në vijim, Trump mbajti kontakte si me Moskën ashtu edhe me Kievin, pastaj, në nëntor, presidenti paraqiti një plan me 28 pika për paqe. Negociatat vazhduan, megjithëse manjati deklaroi së fundmi se “nuk ishte i kënaqur me Putinin; ai po vret shumë njerëz”.

Sulmi ndaj Iranit

Në qershor 2025, pas nëntë ditësh bombardimesh izraelite, Trump vendosi të mbështeste hapur shtetin hebre kundër Teheranit me fuqinë maksimale të mundshme ushtarake. Një sulm goditi tre vendndodhje bërthamore në Fordow, Natanz dhe Isfahan. Shefi i Pentagonit, Pete Hegseth, pretendoi se SHBA-të kishin “shkatërruar programin bërthamor të Iranit”.
Tensionet me Teheranin vazhduan më pas. Dhe në fillim të vitit 2026, shpërthyen protesta në të gjithë vendin kundër situatës ekonomike dhe qeverisë. Mijëra viktima u rregjistruan. Qeveria bllokoi internetin. Trump, në këtë skenar, përmendi vazhdimisht mundësinë e ndërhyrjes së SHBA-së.

Venezuela

Por përpjekjet e politikës së jashtme të Trump u shtrinë shumë përtej Ukrainës dhe Lindjes së Mesme. Me Operacionin Absolute Resolve, në orën 2 të mëngjesit më 3 janar 2026 (ora 7 e mëngjesit sipas kohës italiane), shpërthime të fuqishme që zgjatën rreth 15 minuta goditën Karakasin, në Venezuelë. Qeveria venezueliane menjëherë “denoncoi agresionin shumë serioz ushtarak” nga Shtetet e Bashkuara. Maduro dhe gruaja e tij u kapën. Të prangosur, në bordin e Iwo Jima, ata më vonë mbërritën në Nju Jork, ku u akuzuan.
Bastisja venezueliane është pjesë e Operacionit më të gjerë “Shtiza Jugore” kundër trafikimit të drogës, të nisur nga SHBA-të në muajt e fundit në Karaibe. Megjithatë, shumë kanë theksuar se interesat amerikane janë më të gjera, siç e ka deklaruar vetë Trump që atëherë: Uashingtoni do të jetë “i përfshirë thellësisht në industrinë e naftës së Venezuelës”, e cila ka disa nga rezervat më të mëdha në planet. Ndërkohë, Trump e ka bërë tashmë të qartë se SHBA-të do ta drejtojnë vendin “për aq kohë sa të munden”, në pritje të një tranzicioni “të sigurt”.

Doktrina Monroe

Duhet theksuar se Trump përmendi Doktrinën Monroe – të shpallur në vitin 1823 nga Presidenti James Monroe – për të justifikuar sulmin ndaj Venezuelës. Manjati ka premtuar të “riafirmojë dhe zbatojë” Doktrinën Monroe “për të rivendosur epërsinë amerikane në Hemisferën Perëndimore dhe për të mbrojtur vendin”, siç thuhet në Strategjinë e tij të re të Sigurisë Kombëtare, e cila bazohet në një qëndrim “Amerika e para”.
Në thelb, pra, mund të thuhet se presidenti amerikan ka vendosur të pohojë ndikimin e SHBA-së në botën perëndimore, dhe veçanërisht në Shtetet e Bashkuara, duke u shtrirë përtej kufijve të SHBA-së, përmes një qëndrimi ekspansionist dhe ndërhyrës.

Kritika dhe paralajmërime për Kubën, Kolumbinë dhe Meksikën

Nuk është për t’u habitur që Venezuela nuk është i vetmi front i politikës së jashtme që Uashingtoni po synon. Vetëm 24 orë pas sulmit në Karakas, Sekretari i Shtetit Marco Rubio njoftoi se Kuba gjithashtu mund të jetë në shënjestër të SHBA-së: “Qeveria kubaneze është një problem i madh. Mendoj se ata janë në telashe të mëdha.”
Jo vetëm kaq. Kolumbia është gjithashtu me interes, e cila, sipas Trump, “qeveriset nga një njeri i sëmurë që i pëlqen të prodhojë kokainë, por jo për shumë gjatë”, sepse një “mision amerikan i ngjashëm” me atë të Venezuelës është i mundur në vend. Pastaj është Meksika e cila “duhet të marrë masa, duhet të bëjmë diçka”, edhe pse presidentja e saj Claudia Sheinbaum është “një person fantastik, i ofroj asaj mundësinë për të dërguar trupa çdo ditë”.

Rasti i Groenlandës

Në mandatin e tij të dytë në Shtëpinë e Bardhë, Trump po e sheh gjithashtu Groenlandën me shumë interes. Pasi u përpoq ta blinte atë në vitin 2019, presidenti tani po flet hapur për aneksimin dhe, në dhjetor 2025, madje ka emëruar një të dërguar special për të ndjekur çështjen. Ky i dërguar është Guvernatori i Luizianës, Jeff Landry.
Në janar 2026, në një intervistë me The Atlantic, manjati përsëriti: “Ne kemi absolutisht nevojë për Groenlandën”. Më pas ai njoftoi tarifa prej 10% për Danimarkën, Norvegjinë, Suedinë, Francën, Gjermaninë, Britaninë e Madhe, Holandën dhe Finlandën duke filluar nga shkurti, duke u rritur në 25% nga qershori, “derisa të arrihet një marrëveshje për blerjen e plotë dhe totale” të ishullit.

Lufta Kundër Imigracionit

Duke u kthyer te çështjet e brendshme, një tjetër shtyllë e administratës Trump është lufta kundër imigracionit. Tensionet u përshkallëzuan, veçanërisht pasi një agjent i ICE (Kontrolli i Emigracionit dhe Doganave) qëlloi dhe vrau një grua 37-vjeçare amerikane, Renee Nicole Good, në makinën e saj gjatë një bastisjeje anti-emigrant në Minneapolis më 8 janar. Pas vrasjes, mijëra njerëz dolën në rrugë në disa qytete amerikane për të protestuar kundër këtij lloj dhune. Vetë Trump doli në mbrojtje të agjentit. “Ai qëlloi në vetëmbrojtje.” Kryetari i Bashkisë së Minneapolis, Jacob Frey, kritikoi të shtënat, duke e quajtur atë, veprimin e “një oficeri që përdori pushtetin e tij në mënyrë të pamatur, duke rezultuar në vrasjen e një personi”.

Popullariteti i Trumpit

Ndërkohë, sipas të dhënave të fundit të analizuara edhe nga Neë York Times, presidenti po përjeton një periudhë me vlerësime të ulëta të pëlqyeshmërisë së tij nga publiku.
Sipas të dhënave nga sondazhe të ndryshme, del se pas fitores së tij bindëse në zgjedhjet presidenciale të vitit 2024, me 49.8% të votave, popullariteti i Trump ka rënë vazhdimisht. Deri në ditën e inaugurimit të tij, 20 janar 2025, vlerësimi i miratimit të tij kishte rënë në 47%. Sipas sondazhit të Gallup të dhjetorit 2025, ajo ishte 36%.

Gjykata Kushtetuese është mbledhur prej orës 10 të mëngjesit për të shqyrtuar një kërkesë të Unionit të Gjyqtarëve të Shqipërisë që u mundëson këtyre të fundit rritjen e pagave. Lidhur me këtë seancë ka reaguar sot kryeministri Rama.

Edi Rama e quan një farsë këtë seancë, teksa shton se duan të rrisin rrogat e tyre me gjyq, duke thyer piramidën shtetërore të pagave, ndërkohë që janë kategoria më e lartpaguar në Shqipëri.

“Ky është një skandal logjik, moral, ligjor dhe kushtetues, të cilin uroj që Gjykata Kushtetuese të mos e lejojë kurrësesi të kthehet në një turp kombëtar”, shprehet Rama duke shprehur respekte për SPAK-un, që sipas tij nuk iu bashkua “kësaj marrëbabëzie në emër të pavarësisë së gjyqësorit”.

“Sot Gjykata Kushtetuese po zhvillon (fatkeqësisht pa transmetim direkt për shkaqe teknike) farsën më të shëmtuar të imagjinueshme, e cila i është imponuar nga dy shoqata gjyqtarësh, të cilët duan të rrisin rrogat e tyre me gjyq, duke thyer piramidën shtetërore të pagave, ndërkohë që janë kategoria më e lartpaguar në Shqipëri, si rezultat i mbështetjes që kjo shumicë qeverisëse i dha për hir të Reformës në Drejtësi pushtetit gjyqësor!

Tani këta duan që në përjetësi t’u jepet e drejta ta rrisin vetë rrogën sa herë rriten pagat e tjera, pra Shqipëria të jetë përgjithmonë i vetmi vend në botë ku gjykatësit paguhen më shumë se sa çdokush tjetër duke marrë kompetencat kushtetuese të qeverisë e të parlamentit për politikën e pagave – ky është një skandal logjik, moral, ligjor dhe kushtetues, të cilin uroj që Gjykata Kushtetuese të mos e lejojë kurrësesi të kthehet në një turp kombëtar! Respekte për SPAK-un që nuk iu bashkua kësaj marrëbabëzie në emër të pavarësisë së gjyqësorit”, shkruan Rama.

Gjykata e Lartë në Glasgow të Skocisë ka dënuar me 10 vjet burg 32 vjeçarin shqiptar Liridon Kastrati, pasi ky i fundit ishte përpjekur të vriste një efektiv policie me sharrë elektrike, një ngjarje që gjyqtari i çështjes e përshkroi si një “film horror”.

Ngjarja e frikshme ka ndodhur më 6 maj të vitit 2024 në qarkun Renfrewshire të qytetit Glasgow. Kastrati bëri një aksident duke u përplasur me një automjet policie. Fillimisht ai u largua nga vendi i aksidentit, por më pas u kthye, hapi bagazhin e makinës dhe mori një sharrë elektrike. Ai e ndezi mjetin dhe, duke bërtitur me të shara ndaj policisë, nisi të ndiqte oficerin Gary Cowan përgjatë rrugës.

Gjyqtari William Gallacher tha se ishte i habitur nga fakti i përdorimit të një sharre elektrike si armë, por duke komentuar pamjet filmike nga kamerat e sigurisë dhe celularët e kalimtarëve, tha se gjithçka ishte horror i vërtetë. Oficeri  u detyrua të vraponte për një distancë të konsiderueshme, nga frika se shqiptari ‘do t’i priste gjymtyrët’  nëse do ta kapte.

Dënimi prej dhjetë vitesh është llogaritur duke filluar nga maji i vitit 2024.

Menjëherë pas shpalljes së vendimit, Kastrati reagoi me agresivitet në sallën e gjyqit, duke goditur bankën e të akuzuarve dhe duke e sharë gjyqtarin, fillimisht në shqip dhe më pas në anglisht. “Ti je një terrorist dreqi” i tha ai gjykatësit, përpara se të shoqërohej jashtë nga efektivët e sigurisë.