Dy kongresistë amerikanë, një republikan dhe një demokrat, kanë riafirmuar se mbështetja e Shteteve të Bashkuara për Kosovën vazhdon të jetë e fortë dhe dypartiake në Kongresin amerikan.

Këtë ata e kanë shprehur në letra të ndara drejtuar kryeministrit në detyrë të Kosovës, Albin Kurti.

Kongresisti republikan, Mike Lawler, në një letër të publikuar të premten nga Qeveria në detyrë, thekson se veprimet e fundit legjislative në SHBA-të tregojnë qartë përkushtimin afatgjatë të Amerikës ndaj Kosovës.

Ai përmend miratimin e Ligjit për Autorizimin e Mbrojtjes Kombëtare për vitin fiskal 2026, i cili, sipas tij, nënvizon mbështetjen e SHBA-së për të ardhmen euro-atlantike të Kosovës.

Sipas Lawlerit, këto nisma janë thelbësore për garantimin e stabilitetit afatgjatë, forcimin e sigurisë dhe sundimin e ligjit në gjithë rajonin e Ballkanit Perëndimor.

Edhe kongresisti demokrat, George Latimer, ka rikonfirmuar në letrën e tij “mbështetjen e fortë” të SHBA-së për Kosovën.

Ai thekson se, sipas Ligjit për Autorizimin e Sigurisë Kombëtare, të miratuar së fundmi, Shtetet e Bashkuara mbështesin fuqishëm aspiratat e Kosovës për anëtarësim në NATO dhe Bashkimin Evropian.

Po ashtu, Latimer vë në dukje se SHBA-të mbështetën përpjekjet për normalizimin e marrëdhënieve ndërmjet Kosovës dhe Serbisë, duke theksuar se një proces i tillë do të kontribuonte ndjeshëm në rritjen e sigurisë dhe forcimin e sundimit të ligjit në të gjithë Ballkanin Perëndimor.

Të dy kongresistët i referohen Aktit për Autorizimin e Mbrojtjes Kombëtare, i cili u nënshkrua në ligj javën e kaluar nga presidenti Donald Trump.

Në këtë akt, Kosovës dhe Serbisë u kërkohet gjithashtu që të zbatojnë marrëveshjen për normalizimin e marrëdhënieve të arritur në vitin 2023.

Letrat u dërguan pas një takimi që Lawler dhe Latimer patën me Kurtin gjatë vizitës së tij në Uashington, në shtator.

Këto deklarata vijnë në një periudhë kur marrëdhëniet mes Kosovës dhe Shteteve të Bashkuara u përballën me tensione gjatë vitit 2025.

Këto u shkaktuan kryesisht nga vendimet e Qeverisë së Kosovës për shtrirjen e sovranitetit në veriun e vendit, të banuar kryesisht nga serbë, pa koordinim me bashkësinë ndërkombëtare.

Si pasojë e këtyre veprimeve, u pezullua pa afat dialogu strategjik i planifikuar mes Kosovës dhe SHBA-ve.

Kryeministri Kurti i ka arsyetuar këto vendime si veprime në përputhje me Kushtetutën dhe ligjet e Kosovës. Së fundmi, ai ka deklaruar se marrëdhëniet me SHBA-të janë “shumë të mira” dhe se mospajtimet kanë qenë gjithmonë të lidhura me çështje që kanë të bëjnë me Serbinë dhe strukturat e saj, e jo me marrëdhëniet dypalëshe.

Më 11 dhjetor, Kurti ka theksuar se raportet mes dy vendeve në fushën e mbrojtjes dhe sigurisë “kurrë nuk kanë qenë më të mira”.

Dialogu strategjik është një proces që Departamenti amerikan i Shtetit zhvillon me shumë vende të botës, me synim forcimin e marrëdhënieve bilaterale.

Ky dialog përfshin takime të nivelit të lartë, të mbajtura në Uashington ose në vendin përkatës, ku diskutohen tema si mbrojtja, siguria, ekonomia, energjia dhe mjedisi.

Kurti po synon një mandat të tretë në krye të Qeverisë në zgjedhjet e parakohshme parlamentare që do të mbahen më 28 dhjetor.

Ndërkohë, Ambasada e Shteteve të Bashkuara në Kosovë ka deklaruar për Radion Evropa e Lirë (REL) se pas zgjedhjeve synon të bashkëpunojë ngushtë me qeverinë e re për të avancuar prioritetet e përbashkëta.

Një zëdhënës i Ambasadës ka shprehur shpresën se partneriteti mes dy vendeve do të thellohet, përfshirë edhe rinisjen e dialogut strategjik.

Shtetet e Bashkuara kanë ndarë mbi 2 miliardë dollarë ndihmë për Kosovën që nga viti 1998, ndërsa udhëheqësit kosovarë kanë theksuar vazhdimisht se SHBA-të mbeten partneri më i rëndësishëm strategjik i vendit./REL

Autoritetet greke kanë shpëtuar gjithsej 52 emigrantë në dy operacione të ndryshme në detin Egjé, ndërsa kërkimet vazhdojnë për gjetjen e një djali të huaj të zhdukur pranë ishullit Farmakonissi.

Kërkimet po zhvillohen në ishullin Farmakonissi dhe në zonën detare përreth tij, pas shpëtimit të 13 shtetasve të huaj në ishull.

Farmakonissi ndodhet në lindje të ishujve Patmos dhe Lipsi. Operacionet po koordinohen nga Qendra e Përbashkët e Koordinimit të Kërkim-Shpëtimit, me ndihmën e dy mjeteve të Rojës Bregdetare dhe një helikopteri të Forcave Ajrore.

Ndërkohë, e njëjta qendër koordinoi edhe shpëtimin e 39 shtetasve të huaj që ndodheshin në një mjet lundrues, 44 milje detare në jug të Kali Limenes, në brigjet jugore të Kretës.

Operacioni u krye nga një anije e Rojës Bregdetare dhe emigrantët u transportuan në portin e Kali Limenes. Autoritetet nuk kanë dhënë ende detaje shtesë për identitetin e djalit të zhdukur, ndërsa kërkimet vijojnë.

Prokurori special i Koresë së Jugut ka kërkuar një dënim me 10 vite burg për ish-presidentin  Yoon Suk-Yeol.

Ai akuzohet për përpjekje për të penguar arrestimin e tij pas tentativës së dështuar për të vendosur ligjin ushtarak, raporton agjencia Yonhap.

Sipas prokurorëve, presidenti i shkarkuar dyshohet se u përpoq të bllokonte hetuesit që synonin arrestimin e tij në muajin janar, duke u mbyllur brenda Pallatit Presidencial.

Kjo është hera e parë që prokurorët specialë kërkojnë një dënim me burg për Jun Suk-Jeol, në kuadër të akuzave të shumta me të cilat ai përballet.

Nga bilbordet me mesazhin “Trump, serb”, te zhgënjimi. Sanksionet ndaj Industrisë së Naftës së Serbisë (NIS), tarifat për produktet nga Serbia, që janë më të lartat në rajon, si dhe bllokimi i importeve të gomave të automobilave nga fabrika kineze Linglong në Serbi, janë masa që administrata amerikane ka ndërmarrë që kur Donald Trump mori mandatin më pak se një vit më parë.

Presidenti i Serbisë, Aleksandar Vuçiq, tani e pranon se në vend të përparimeve të mëdha të pritura, nga administrata Trump kanë ardhur vendime që nuk janë në interes të Serbisë.

Ky vlerësim vjen një vit pas zgjedhjeve amerikane, kur në Beograd fitorja e Trumpit u “festua” me pritjen për një qëndrim më të favorshëm ndaj Serbisë.

“Mendoj se [Vuçiqi] donte që Trump ta pranonte dhe ta shihte si figurë kyç të paqes në rajon. Duhet të jetë i zhgënjyer që kjo nuk ndodhi”, vlerëson për Radion Evropa e Lirë profesori Daniel Serwer nga Universiteti Johns Hopkins në Shtetet e Bashkuara.

Departamenti amerikan i Shtetit i referohet Ambasadës në Beograd

Departamenti amerikan i Shtetit nuk iu përgjigj drejtpërdrejt pyetjes së Radios Evropa e Lirë për komentet e presidentit të Serbisë, por u referua te një deklaratë e Ambasadës amerikane në Beograd.

Në atë deklaratë u transmetua fjalimi i të ngarkuarit me punë, Aleksandar Titolo, në hapjen e një pjese të Korridorit të Moravës pranë Vërnjaçka Banjës, në Serbinë qendrore, më 24 dhjetor.

Titolo tha atëbotë se nën udhëheqjen e Vuçiqit dhe Trumpit, bashkëpunimi mes Serbisë dhe SHBA-së është tani “më i fortë se kurrë dhe sot mund të shohim disa nga frytet konkrete të partneritetit tonë të fortë dhe në rritje”.

Punimet në Korridorin e Moravës i kryen konsorciumi amerikano-turk Bechtel-Enka, ndërsa Titolo shtoi se viti 2025 ishte “një vit i rëndësishëm, sepse kemi hyrë në një epokë të re të marrëdhënieve mes SHBA-së dhe Serbisë”.

“Këtë vit patëm takime historike në nivel të lartë mes zyrtarëve amerikanë dhe serbë. Të përmendim vetëm takimin mes sekretarit amerikan të Shtetit dhe ministrit të Jashtëm të Serbisë, i pari pas pothuajse dy dekadash. Ne kemi njoftuar edhe për Dialogun e ri Strategjik mes dy shteteve tona”, shtoi ai.

SHBA-ja zhvillon Dialog Strategjik me dhjetëra vende të botës me qëllim përmirësimin e raporteve dypalëshe. Nga vendet e rajonit, dialog strategjik me Uashingtonin kanë zhvilluar Rumania dhe Sllovenia – anëtare të Bashkimit Evropian – si dhe Maqedonia e Veriut, e vetmja nga Ballkani Perëndimor.

Megjithatë, fakt është se SHBA-ja nuk ka ambasador në Serbi prej gati një viti.

Edhe pse Trump në mars e kishte nominuar republikanin Mark Brnovich për atë post, në fillim të tetorit administrata e tërhoqi këtë propozim, pa dhënë ndonjë arsye.

Pse Beogradi kishte pritje të mëdha nga Trumpi?

Kur Donald Trump u rikthye në Shtëpinë e Bardhë në janar, përfaqësuesit nga pushteti në Serbi nuk e fshehën gëzimin.

Presidenti Vuçiq deklaroi se në një bisedë telefonike me Trumpin kishte theksuar se Serbia ishte vendi ku ai kishte mbështetjen më të madhe në të gjithë Evropën.

“Jam i sigurt se, me mbështetjen e miqve, dhe me miq nënkuptoj gjithë rrethin e presidentit Trump, do të mund ta bëjmë atë ta bëjë Amerikën Madhështore, ndërsa ne ta bëjmë Serbinë një vend të dinjitetshëm që do të bashkëpunojë shumë mirë me Shtetet e Bashkuara”, shkroi Vuçiq më 11 nëntor 2024 në Instagram pas asaj bisede.

Një vit më vonë, në një fjalim në Konferencën e Ambasadorëve të Ministrisë së Punëve të Jashtme të Serbisë në Beograd, Vuçiq tha se deri më tani nuk ka përparime.

Ish-ambasadori i Serbisë në Uashington, Ivan Vujaçiq, thotë për REL-in se sot marrëdhëniet Serbi-SHBA nuk janë aspak të mira, gjë që e shpjegon me tarifat më të larta në rajon, sanksionet ndaj NIS-it dhe ndalimin e gomave të Linglong-ut.

“Ka pasur mbështetje për Trumpin dhe u krijua një opinion publik që shpresonte se ai do të kishte shumë më tepër mirëkuptim për Serbinë në një sërë çështjesh. Kjo doli të jetë e pasaktë”, u shpreh ai.

Ai shton se është tentuar afrimi me administratën Trump përmes projektit të revitalizimit të kompleksit të Shtabit të Përgjithshëm, duke vlerësuar se kjo u bë në një “mënyrë të keqe”.

“Dhëndri i Trumpit në një moment kuptoi se po futej në një situatë që kishte elementë korrupsioni dhe vepra penale dhe u tërhoq”, thekson ai.

Kompania Affinity Partners e Jared Kushnerit, dhëndrit të presidentit amerikan, njoftoi së fundi se heq dorë nga ndërtimi i një kompleksi luksoz në qendër të Beogradit në vendin e ish-Shtabit të Përgjithshëm, të shkatërruar në bombardimet e NATO-s më 1999.

Më herët, Prokuroria në Serbi ka akuzuar ministrin e Kulturës të Serbisë, Nikolla Sellakoviq, për falsifikim dokumentesh mbi bazën e të cilave Shtabi i Përgjithshëm e humbi statusin e trashëgimisë kulturore.

Zyrtarët e justifikuan projektin me pretendimin se ai do t’i afronte marrëdhëniet mes Serbisë dhe SHBA-së, duke akuzuar kundërshtarët se e kishin sabotuar dhe kishin larguar investitorët.

I pyetur pse në Beograd besonin se Trumpi do të mbante një qëndrim më të favorshëm ndaj Serbisë, Serwer thotë se ata ishin ndier se ishin trajtuar mirë gjatë mandatit të parë presidencial të Trumpit.

“Dhe shpresonin se interesat e familjes Trump në Beograd do të mbizotëronin”, thekson ai.

Takimi i Vuçiqit me Trumpin në mandatin e parë

Aleksandar Vuçiq u takua me Donald Trump gjatë mandatit të tij të parë, në shtator 2020 në Shtëpinë e Bardhë, kur së bashku me kryeministrin e atëhershëm të Kosovës, Avdullah Hoti, nënshkroi Marrëveshjen për normalizimin e marrëdhënieve ekonomike mes Serbisë dhe Kosovës.

Jo të gjitha obligimet nga ajo marrëveshje, e njohur si Marrëveshja e Uashingtonit, janë zbatuar deri më sot.

Pikërisht për çështjen e Kosovës, zyrtarët në Beograd prisnin më shumë mirëkuptim nga administrata amerikane, por qëndrimi amerikan nuk ka ndryshuar.

SHBA-ja ishte ndër të parat që e njohu shtetësinë e Kosovës, ndërsa Serbia ende nuk e njeh pavarësinë e saj.

Një takim i ri mes Vuçiqit dhe Trumpit nuk ndodhi, edhe pse Vuçiq në fund të prillit paralajmëroi se gjatë një vizite në SHBA në maj do të takohej dy herë me presidentin amerikan.

Megjithatë, Vuçiq ndërpreu papritur vizitën, për siç u tha, dhimbjeve të forta në gjoks dhe tensionit të lartë.

Më vonë, më 23 shtator, Vuçiq u takua në Nju Jork me sekretarin amerikan të Shtetit, Marco Rubio, në margjinat e Asamblesë së Përgjithshme të Kombeve të Bashkuara.

Sipas Vuçiqit, ata diskutuan për forcimin e dialogut politik, përmirësimin e bashkëpunimit ekonomik dhe sfidat e përbashkëta të sigurisë, me fokus në zgjidhjen e çështjes së tarifave amerikane.

Administrata amerikane në prill i vendosi Serbisë tarifën më të lartë në rajonin e Ballkanit Perëndimor – 37 për qind.

Pak para se Vuçiq të pranonte se nga Uashingtoni nuk kishte përparime siç priste, Doganat dhe Mbrojtja e Kufijve e SHBA-së urdhëroi ndalimin e importit të gomave të prodhuara në fabrikën kineze Linglong në Serbi, për shkak të dyshimeve për punë me detyrim.

Po ashtu, si pasojë e sanksioneve amerikane ndaj NIS-it për shkak të pronësisë shumicë ruse, u pezullua puna e rafinerisë së NIS-it për përpunimin e naftës së papërpunuar.

Sa e rëndësishme është Serbia për SHBA-në?

I pyetur për të ardhmen e marrëdhënieve serbo-amerikane, ish-ambasadori Ivan Vujaçiq thotë se SHBA-ja nuk e ka shumë në qendër të vëmendjes Serbinë.

“Nuk jemi shumë lart në radarin e tyre”, shprehet ai.

“Gjërat po ndodhin sipas një inercie që vjen ende nga administrata Biden, si sanksionet ndaj rusëve, por në thelb kjo është presion ndaj Rusisë në kuadër të përpjekjeve për paqe në Ukrainë”, shton Vujaçiq.

Nga ana tjetër, ekziston edhe animozitet ndaj Kinës.

“Kështu që ndikimi kinez këtu, sidomos investimet kineze, nuk do të shihen me sy të mirë”, vlerësoi Vujaçiq.

Serbia është kandidate për anëtarësim në Bashkimin Evropian, por që nga dhjetori 2021 nuk ka hapur asnjë kapitull negociues. Kjo kryesisht për shkak të refuzimit për të vendosur sanksione ndaj Rusisë për pushtimin e Ukrainës, si dhe për shkak të marrëdhënieve të pazgjidhura me Kosovën dhe gjendjes së demokracisë dhe sundimit të ligjit në vend.

Përveç kësaj, Serbia po forcon bashkëpunimin me Kinën – politik, ekonomik dhe vitet e fundit edhe bashkëpunimin ushtarak.

Profesori amerikan Daniel Serwer thotë se ekziston pakënaqësi e qartë, dypartiake, në Kongres dhe në Departamentin e Shtetit ndaj Serbisë dhe sjelljes së saj.

“Serbia është një vend kyç në Ballkan, por për sa kohë që zgjedh të rreshtohet me Rusinë dhe Kinën, mund të presë marrëdhënie të ftohta nga ata në SHBA që ndjekin zhvillimet në Ballkan”, thotë Serwer.

I pyetur nëse rëndësia e Serbisë ka ndryshuar krahasuar me administratat e mëparshme, Serwer vlerëson se “ndoshta ka ndryshuar perceptimi i Uashingtonit për vullnetin e mirë të Beogradit”.

“‘Loja e dyfishtë’ e Vuçiqit lidhur me Ukrainën dhe shkaktimi i problemeve në Kosovë kanë hedhur një hije të madhe. Heqja e saj kërkon vendime që Vuçiq, me sa duket, nuk është i gatshëm t’i marrë. Pres që ai të provojë, ndoshta me metodat e Dodikut: lobistë të shtrenjtë dhe marrëveshje jotransparente”, shton ai.

Shtetet e Bashkuara në fund të tetorit i hoqën nga lista e sanksioneve Millorad Dodikun, anëtaren e Presidencës së Bosnjë e Hercegovinës Zhelka Cvijanoviq, anëtarë të familjes së Dodikut, kompanitë e tyre dhe bashkëpunëtorë të afërt.

Dodik ishte sanksionuar për veprimtari kundër Marrëveshjes së Dejtonit, pra për minimin e shtetit të Bosnjë e Hercegovinës, ndërkaq Departamenti i Shtetit e arsyetoi heqjen e sanksioneve me vendimet e Kuvendit të entitetit Republika Sërpskas, duke thënë se ato duhet të “përmirësojnë stabilitetin e Bosnjë e Hercegovinës”.

Ndërkohë, presidenti amerikan Donald Trump ka nënshkruar Ligjin për Autorizimin e Mbrojtjes Kombëtare, ku përmenden edhe vendet e Ballkanit Perëndimor dhe nevoja për integrimin e tyre euroatlantik dhe uljen e varësisë energjetike nga Rusia.

Në këtë ligj përmendet gjithashtu shqetësimi për gjendjen e demokracisë në Serbi dhe thuhet se Serbia dhe Kosova duhet të synojnë përparim të menjëhershëm në zbatimin e marrëveshjeve për normalizimin e marrëdhënieve.

Po ashtu, theksohet se SHBA-ja duhet të vazhdojë të mbështesë arritjen e një marrëveshjeje përfundimtare gjithëpërfshirëse mes Kosovës dhe Serbisë, e bazuar në njohje të ndërsjellë./REL

14 persona janë plagosur pas një sulmi me thikë në një fabrikë në Japoni.

Autori i dyshuar i ngjarjes mësohet se është arrestuar. Ndërsa të plagosurit janë transportuar menjëherë në spital për të marrë trajtim mjekësor.

Ngjarja e rëndë u raportua në një fabrikë gomash në Japoninë qendrore. Autoritetet u angazhuan menjëherë dhe po hetohet për zbardhjen e plotë të shkaqeve të ngjarjes.

Qeveria e Shqipërisë ka hedhur për konsultim publik deri më 5 janar projektligjin për shqyrtimin e investimeve të huaja në vend, nismë kjo që pritet të kalojë në sitë të gjithë investitorët që synojnë infrastrukturën publike kritike e deri tek liria e medias.

Ka qenë deputetja e Partisë Demokratike Jorida Tabaku, e cila ka cilësuar këtë projektligj si të vonuar dhe mbi të gjitha aspak afër me standardet evropiane që Shqipëria ka si detyrë për të zbatuar në bazë në qëllimit për anëtarësimin në BE.

Në postimin e saj në rrjete sociale, Tabaku thotë se kërkesa për një meakinizëm real për verifikimin e investimeve është bërë nga partnerët strategjikë të Shqipërisë, si SHBA-të dhe Bashkimin Evropian. Ajo thotë se ky projektligj nuk i përgjigjet aktualitetit në Shqipëri dhe problemeve serioze në fushën e investimeve.

Duke krahasuar nismën e qeverisë me rregulloren e Bashkimit Europian për screening-un e investimeve të huaja, Tabaku evidentoi se propozimi qeveritar kufizohet në mënyrë të pakuptimtë vetëm në sektorin e medias, duke lënë jashtë sektorë jetikë për sigurinë kombëtare, si infrastruktura portuale, teknologjia e informacionit, sistemet kritike softuerike dhe industria e mbrojtjes.

“Sot lexova në media një lajm të sponsorizuar nga zyra e qeverisë mbi një propozim të ashtuquajtur për Shqyrtimin e Investimeve të Huaja. Një nismë e vonuar dhe gjysmake, ndonëse kërkesa e partnerëve tanë amerikanë dhe të Bashkimit Europian ka qenë e qartë dhe e përsëritur, dhe vjen në një moment tejet kritik për sigurinë dhe orientimin strategjik të vendit.

Shqyrtimi serioz i investimeve të huaja është jetik për Shqipërinë, sepse sot: të dhënat personale të qytetarëve janë trajtuar si plaçkë; të dhënat e bizneseve janë përdorur për gjoba dhe presione; institucione shtetërore si AKSHI janë përfshirë në skandale të mëdha që po hetohen nga SPAK.

Shqipëria ndodhet sot në një udhëkryq historik: ose zgjedh rrugën europiane, me rregulla, transparencë dhe investime amerikane e europiane, ose rrëshqet drejt marrëveshjeve të errëta me vende të treta, pa standarde dhe pa siguri. Në një botë gjithnjë e më të pasigurt, ku siguria kombëtare nuk negociohet, detyra e një qeverie nuk është të prodhojë propagandë dhe lajme të rreme, por të mbrojë Shqipërinë nga rreziqet reale.

Mirëpo, një qeveri ku tenderët e teknologjisë së informacionit vendosen në zyra informale si “EA Tobacco”, dhe ku krimi i organizuar bashkëjeton me qeverisjen, nuk ka as moralin dhe as besueshmërinë për të folur për siguri investimesh. Prandaj nuk është rastësi që propozimi i kësaj qeverie të delegjitimuar reduktohet në: një komitet në letër, një shqyrtim formal, dhe kufizim absurd vetëm në sektorin e medias, duke lënë në hije sektorë vitalë për sigurinë kombëtare.

Fjala vjen, mbeten jashtë: infrastruktura portuale, teknologjia e informacionit, infrastruktura softuerike dhe sistemet kritike, mbrojtja dhe prodhimi ushtarak.

Mjafton një krahasim me rregulloren e Bashkimit Europian për screening-un e investimeve për të kuptuar sipërfaqësinë dhe mungesën e seriozitetit të një qeverie pa moral dhe pa vizion. Ndërsa qeveria e damkosur nga korrupsioni propozon ligje “sa për të kaluar radhën”, Shqipëria ka nevojë për një legjislacion real, të fortë dhe të besueshëm, që mbron sigurinë kombëtare dhe orientimin euroatlantik të vendit”, thuhet në reagimin e Tabakut.

Ky projektligj parashikon kryerjen e verifikimeve përmes “Komitetit Ndërministror për shqyrtimin e Investimeve të Huaja Direkte”, do të kryesohet nga ministri i Ekonomisë por në përbërje ka edhe gjashtë ministri të tjera, si dhe agjenci të inteligjencës apo AKSHI-n. I gjithë kuadri i hetimeve do të zhvillohet në bashkëpunim me BE-në duke informuar Komisionin Evropian. Në rastin e paraqitjes së të dhënave të rreme nga ana e investitorit, ky i fundit do të gjobitet me 50 000 euro ndërsa ndëshkimet rriten rriten në rast se investimi i huaj zbatohet pavarësisht ndalimit me vendim të Komitetit, e cila mund të arrijë deri në dyfishin e vlerës së investimit.

Pak ditë më parë Policia e Tiranës ka goditur një grup kriminal që shpërndante kokainë në kryeqytet, duke vënë në pranga 22 persona, ndërsa janë shpallur në kërkim disa të tjerë.

Të arrestuarit janë: Renaldo Dalipi, Engelbert Pjetri, Armandi Hajdini, Olsi Mici, Fatjon Cela (Çela), Xhon Boci, Laert Murataj, Artan Pullazi, Erald Sina, Blerim Mali, Gentjan Vercani, Valerjos Bushi, Olkid Hajdari, Dylber Alijaj, Angjelos Mema, Majdi Musa,Jurgen Hekurani, Erdison Gjella, Abdurahman Bollati, Klodian Rrucaj, Indri Nakaj dhe Genti Kraja.

Nga hetimet, janë evidentuar disa episode të komunikimit të tyre me të infiltruar, të cilët janë paraqitur si klientë, duke zbërthyer këtë grup dhe mënyrën sesi bëhej shpërndarja e drogës në gjithë kryeqytetin.

Blerja e simuluar: i arrestuari Olsi Mici dhe “Toni”
Ky episod ka ndodhur më datë 10.11.2025 rreth orës 11:28 në zonën e Mëzezit:
• Toni: Hë vlla?
• Olsi Mici: Ai më thotë ça është ky o vlla që do 1 kg për njiherë, le të marri fillimisht 100 ose 200 pastaj … nuk ka besim o vlla shkurt muhabeti po në qoftë se ndryshon dora?
• Toni: Po mirë o vlla edhe 100 ose 200 …
• Olsi Mici: Në qoftë se i ndryshon dora më tha i ka pa lek pastaj …
• Toni: Zemra numuroj lekët mu … unë nuk jam fëmijë i q… robt …
• Olsi Mici: Sa janë?
• Toni: Ja numuroj sa janë ato…
• Olsi Mici: O vlla i kishte me shumë merak.
• Toni: Po e ka me shumë merak na 200 dhe ma sill ndaç te shpia në Selitë ndaç te shpia në Vorë ku doje k…
• Olsi Mici: Po ti sjell 200 pastaj.
• Toni: Po mi sill 200 o vlla mos e … se ti jap lekët e tjera mbrapa dhe pastaj me sill porosinë tjetër.

Biseda midis “Mondi” dhe të arrestuarit Kleo Lika
Ky episod ka ndodhur më datë 26.11.2025, rreth orës 20:50, në rrugën “Petro Nini Luarasi”:
• Mondi: Shpirto ha!
• Kleo Lika: Ça bo?
• Mondi: …
• Kleo Lika: Ej, po a nuk ke ku me e thy?
• Mondi: Për zotin nuk kam.

Blerja e simuluar: i arrestuari Andi Limi dhe “Kristi”
Ky veprim është kryer më datë 18.11.2025, rreth orës 20:35, në rrugën “Danjel Preka”, Tiranë:
• Andi Limi: O…
• Kristi: Me rop shpie n’kom.
• Andi Limi: … sa do?
• Kristi: Nji t’vogël ej po ça e ka ndrru dorën e.
• Andi Limi: Jo re.
• Kristi: Ika t’rujt zoti çao.
• Andi Limi: Gjith t’mirat.

Blerja e simuluar: i arrestuari Laert Murataj dhe “Edi”
Ky veprim është kryer më datë 11.11.2025 në zonën e Porcelanit:
• Laert Murataj: Hë zemra.
• Edi: Ça bone mirë?
• Laert Murataj: … içik muhabet t’mir?
• Edi: Po mo … Hë si…
• Laert Murataj: Kam për t’dhon gjo?
• Edi: … vetëm mjep ato…
• Laert Murataj: Po…
• Edi: Do t’jap edhe …

Blerja e simuluar: i arrestuari Blerim Mali dhe “Afrimi”
Ky veprim është kryer në zonën e Xhamllikut, Tiranë. Pjesë e bisedës së regjistruar është:
• Blerim Mali: Kush t’ka çu ty?
• Afrimi: Mu m’ka … Xhixhi…
• Blerim Mali: Kush?
• Afrimi: Xhixhi m’ka çu.
• Blerim Mali: Kush është Xhixhi?
• Afrimi: Ai që foli me një Audi A3-sh llamarine.
• Afrimi: Sa lek e ke?

Episodi: i arrestuari Engelbert Pjetri dhe “Rei”
• Rei: O vëlla si kalove?
• Engelbert Pjetri: …
• Rei: A ke pesëqind lek të vogla?
• Engelbert Pjetri: Nuk kam asnji lek… o vëlla … lek aty e më kërko lek mua ai, ja fusni k… me shpulla ju!
• Rei: Njëqind lek kisha!
• Engelbert Pjetri: … hec pak para … ishe tap …

Episodi: i arrestuari Sidrit Guri dhe “Kristi”
• Kristi: Ktu jam o zemra ktu. O zemra na ma jep dhe nji, ishte shumë i mirë kjo me rob shpie.
• Sidrit Guri: Po mo burr, na lali.

Blerja e simuluar: Gentjan Vercani dhe “Rei”
Veprimi i kryer më datë 02.12.2025, rreth orës 23:36, në bulevardin “Bajram Curri”:
• Rei: Ha more?
• Gentjan Vercani: Si kalove?
• Rei: Vetëm hec, se më ndaluan qëparë!
• Gentjan Vercani: Të ndaluan?
• Rei: Po more, kshu civila vari k…
• Gentjan Vercani: Prandaj nuk qejf këtu…
• Rei: O vëlla më mirë hec.
• Gentjan Vercani: Unë nuk ngatërrohem, po më kanë zënë një herë, dola për katër ditë, po tre katër muaj të shpija. Se po bëjmë muhabet kshu si shok.

Andi Limi, veprim i kryer më datë 18.11.2025 në rrugën “Danjel Preka”:
• Andi Limi: “O…”
• Kristi: “Me rop shpie n’kom.”
• Andi Limi: “… sa do?”
• Kristi: “Nji t’vogël ej po ça e ka ndrru dorën e.”
• Andi Limi: “Jo re.”
• Kristi: “Ika t’rujt zoti çao.”
• Andi Limi: “Gjith t’mirat.”

Laert Murataj
Veprim i kryer më datë 11.11.2025 në rrugën “Hysen Xhura”:
• Laert Murataj: “Hë zemra.”
• Edi: “Ça bone mirë?”
• Laert Murataj: “… içik muhabet t’mir?”
• Edi: “Po mo … Hë si…”
• Laert Murataj: “Kam për t’dhon gjo?”
• Edi: “… vetëm mjep ato…”
• Laert Murataj: “Po…”
• Edi: “Do t’jap edhe …”

Sidrit Guri
Veprim i kryer më datë 27.11.2025 në bulevardin “Gjergj Fishta”:
• Kristi: “Ktu jam o zemra ktu. O zemra na ma jep dhe nji, ishte shumë i mirë kjo me rob shpie.”
• Sidrit Guri: “Po mo burr, na lali.”

Glejdis Vata dhe Gloris Rica
Bisedë gjatë hipjes në mjet (Rei hypën në mjetin e Glejdisit):
• Rei: “ça bën, a u lodhët?”
• Glejdis Vata: “Na e bëj halla për Zotin!”
• Rei: “Mos e … o zemra, 90 (nëntëdhjetë) ëëë?”
• Glejdis Vata: “Po.”
• Gloris Rica: “Me na e bëj halla ore!”
• Rei: “Qeset a janë të mira, vetëm kjo më intereson?”
• Gloris Rica: “Janë super.”
• Glejdis Vata: “O vëlla, qeset janë ashtu sikur ti dhashë dje, i ke të mira fare.”
• Rei: “Shumë mirë, po.”
• Glejdis Vata: “Këtë e ke këtu!”
• Rei: “Malli më intereson më shumë.”
• Glejdis Vata: “Me rob shpie.”
• Rei: “O gjo e mirë?”
• Glejdis Vata: “O shife ta provojnë, ene me thuj mbrapa!”
• Rei: “Se mu më pihet fort!”
• Glejdis Vata: “E pi dhe vete ti?”
• Rei: “Po po mo zemra, ja fus ndonjë kshu për qejf!”
• Glejdis Vata: “Po çke ti, po nuk të pëlqeu më thuj mbrapa.”
• Rei: “O zemra I kam kshu me klientë, po ashtu të bëj ndonjë punë të lezetshme o zemra. Të mar ndonjë njeqindëshë a dyqindëshë vëlllai jot.”
• Glejdis Vata: “Po ç’ke se folim o burrë, se dhe ne kshu punojmë! Se dhe unë një rob jam, se nje robi i imi i ka kshu të mëdhaja! Po çke se folim bashkë.”
• Rei: “Po prandaj them o zemra, të vazhdojmë muhabetet bashkë?”
• Gloris Rica: “Po po ore pa merak! Mos e vrit mendjen!”
• Rei: “Jeni shumë të mirë, po më lini pak më para mua!”
• Glejdis Vata: “Po të lejmë ku të dush. Ku do me të lene të lëj unë, vetëm mos të më dale ndonjë …. motre.”
• Rei: “O zemra se nuk të dhash leket!”
• Glejdis Vata: “Po s’ka gje se këtu jemi.”
• Rei: “60 (gjashtëdhjetë), 70 (shtatëdhjetë), 80 (tetëdhjetë), 90 (nëntëdhjetë).”
• Glejdis Vata: “Vetëm mos të na dalë ndonje … ”

Dylber Alijaj dhe “Astriti”
Ky episod përfshin dy blerje të simuluara të kryera në rrugën “Myslym Shyri”:
Biseda e parë (04.12.2025):
• Dylber Alijaj: I q… robt!
• Astriti: Sa të duhen?
• Dylber Alijaj: Tetë!

Biseda e dytë:
• Dylber Alijaj: Hë mor ça bone?
• Astriti: Ça bone, si je ti u lodhe?
• Astriti: I njëjti ishte ai?
• Dylber Alijaj: Po atë do?
• Astriti: Po pra të njëjtin, i mirë ishte ai.
• Dylber Alijaj: … kam dhe nji tjetër o burr, po ai të blloko hundën, kurse kjo është një çik më e hajrit.

Kryebashkiakut të Tiranës Erion Veliaj iu cenua dinjiteti njerëzor dhe privatësia, gjatë vizitës mjekësore që ai kreu në korrik në një klinikë private në Durrës, në prani të punonjësve të policisë së burgjeve.

Në këtë përfundim ka arritur një hetim administrativ i realizuar nga Avokati i Popullit, pas shqetësimit nga vetë Veliaj se gjatë ekzaminimit nga mjeku, në dhomën e spitalit ka qëndruar edhe një efektiv. Kryebashkiaku iu nënshtrua një ekzaminimi periodik (kolonoskopi), dhe jo një vizite të thjeshtë mjekësore.

Çfarë thotë raporti?

Avokati i Popullit ka bërë një raport në lidhje me ofrimin e shërbimeve shëndetësore, ndaj kryebashkiakut të paraburgosur Erjon Veliaj. Nga hetimi administrativ pas shqyrtimit të ankesës së qytetarit të parë të Tiranës, Institucioni i Avokatit të Popullit evidenton se gjatë një vizite shëndetësore të kryetarit të Bashkisë në një spital privat në Durrës më 17 korrik, nuk është respektuar dinjiteti njerëzor dhe i privatësisë. Pretendimi i kryetarit të bashkisë, lidhet me prezencës e punonjësve të policisë së burgjeve, të pranishëm në dhomë edhe gjatë procedurës paraprake të ekzaminimit klizmë/kolonoskopi.

Mjeku në shpjegimet që i ka dhënë Avokatit të Popullit thotë se Veliaj ka shprehur shqetësimin për praninë e punonjësve të policisë brenda dhomës ku do të kryhej ekzaminimi. Në raportin e avokatit të Popullit, të cilin Report tv e siguron, “mjeku i ka kërkuar punonjësve të policisë që të presin jashtë dhomës deri në përfundim të ekzaminimit, por ata nuk kanë plotësuar kërkesën e tij, duke thënë se kanë për detyrë te zbatojnë rregullat e sigurisë. Në këto rrethana, është dakordësuar që punonjësit e policisë të qëndrojnë brenda dhomës me shpinë të kthyer nga shtrati ku do të kryhej kontrolli mjekësor i Z. Veliaj”, thuhet në raportin e Avokatit të Popullit.

Por siç punonjës të institucionit të Avokatit të Popullit kanë konstatuar, “dhoma ishte një ambient i hapur pa ndarje, ku mundësia për të shmangur shikimin dhe dëgjimin nga personat e sigurisë që ndodheshin në dhomë, ishte e pashmangshme”.

“Ekzaminimet mjekësore duhet të kryhen me respekt të plotë të privatësisë së personit. Prania e stafit të sigurisë gjatë ekzaminimit apo konsultave, duhet të lejohet vetëm kur plotësohen dy kushte:  – E kërkon shprehimisht mjeku për arsye të sigurisë së tij; – Stafi multidisiplinar i IEVP-së (siguri, social, shendetësor, ligjor), ka vlerësuar  për shkak të rrezikshmërisë që paraqet i burgosuri”, thuhet në raportin që Report Tv siguron.

Institucioni i Avokatit të Popullit thekson se marrëdhënia mjek-pacient, ka parime që nuk duhen shkelur, siç janë ruajtja e konfidencialitetit dhe respektimi i privatësisë, parime këto që duhet të zbatohen si për pacientët, të cilët jetojnë të lirë, ashtu edhe për ata në kushte kufizimi për shkak të masave të sigurisë.

“Të burgosurit duhet të ndihen të lirë të diskutojnë çdo çështje mjekësore me stafin e kujdesit shëndetësor në konfidencialitet të plotë dhe të zhvillojnë konsulta individuale private sipas nevojës. Kjo do të jetë veçanërisht e rëndësishme në rastet kur të burgosurit mund të duan të zbulojnë pretendime për torturë ose keqtrajtim”, thekson avokati i Popullit në raportin e hetimit administrativ pas ankesës së kryetarit të Bashkisë së Tiranës .

Avokati i Popullit thotë se procedura e Drejtorisë së Përgjithshme të Burgjeve për shoqërimin e të burgosurve me punonjës policie edhe gjatë vizitave mjekësore – bie ndesh me kriteret e konventave ndërkombëtare për respektimin e jetës private dhe parimin e konfidencialitetit mjekësor.  Sipas drejtorisë së Burgjeve, në informacionet përcjellë zyrtarisht Avokatit të Popullit për shoqërimin e Veliajt në spital, kanë qenë 8 punonjës policie të rolit bazë, 2 drejtues automjetesh, një drejtues shërbimi oficer dhe një ndihmësmjek i burgut të Durrësit.

“Nëse gjatë ekzaminimeve mjekësore (veçanërisht intime) të të burgosurve, punonjës të sigurisë do të jenë të pranishëm, pa kërkesën e mjekut dhe pa arsye sigurie të dokumentuar, kjo do të përbëjë cenim të standardeve ndërkombëtare për trajtim me dinjitet të personit dhe mund të cilësohet si shkelje e nenit 8 të Konventës (e drejta për respektimin e jetës private dhe familjare), dhe në raste të përsëritura ose poshtëruese, shkelje e nenit 3 (ndalimi i trajtimit çnjerëzor ose degradues)”, thuhet në raport.

Institucioni i Avokatit të Popullit i rekomandon dhe kërkon drejtorisë së Burgjeve të ndryshojë urdhrin e vitit 2019 për procedurën e transportit dhe shoqërimit të të burgosurve kur kryejnë ekzaminime/konsulta mjekësore jashtë burgut duke përmbushur standardet kombëtare dhe ndërkombëtare, për respektimin e dinjtitetit njerëzor, te drejtës për jete private, si dhe parimit të konfidencialitetit mjekësor.

Raporti mban datën 17 dhjetor, dhe është i fundit që firmos Erinda Ballanca para ikjes nga detyra, të cilën tashmë e mban Endri Shabani.

Takimi i pritshëm në Florida mes Donald Trump dhe Volodymyr Zelensky, vjen një javë pasi delegacioni amerikan i kryesuar nga Steve Witkoff dhe Jared Kushner, bisedoi me ato ruse dhe ukrainase. Sot Presidenti ukrainas teksa dha sinjale për një takim të afërt me Trump, tha se shumë mund të vendoset përpara fundvitit.

Zelensky, pasi u informua nga delegacioni i tij për rezultatet e bisedimeve la të hapur mundësinë e një zone të çmilitarizuar në rajonet lindore të vendit të tij. Ndërkohë, rusët ende nuk kanë dhënë sinjale të qarta pas bisedimeve në Miami fundjavën e kaluar.

Putin kërkon tërheqjen e Ukrainës nga rajonet lindore ndërsa këtë të premte, sipas Kommersant, ai ka zhvilluar një takim më sipërmarrës të cilëve u ka folur për centralin bërthamor të Zaporizhias, një nga temat e diskutuara nga delegacionet.

Kjo sipas Putin është ende një temë e hapur mes rusëve dhe amerikanëve. Sipas planit të propozuar për bisedimet e paqe, Centrali Bërthamor i Zaporizhias, që është më i Madhi në Evropë, mund të bashkëmenaxhohet nga SHBA, Ukraina dhe Rusia.

Pamje dramatike janë siguruar nga CNN dhe konfirmuar nga ushtria izraelite, ku duket një rezervist izraelit që përplas me motorin e tij një burrë palestinez ndërsa ai po falej në pjesën e pushtuar të Bregut Perëndimor.

Sulmi ndodhi disa orë pasi ushtari kishte qëlluar me armë zjarri në zonë.

Pamjet tregojnë një burrë izraelit duke drejtuar një “quad bike” përgjatë një shtegu në qytetin Deir Jarir, në Ramallah. Në video, duket qartë që ai e drejton mjetin drejt burrit mysliman që po falej në anë të rrugës.

Pas përplasjes, palestinezi çohet me vështirësi dhe shihet duke ecur sërish drejt rezervistit që e kishte goditur.

Sipas Forcave të Mbrojtjes së Izraelit (IDF), ushtari kishte qëlluar me armë zjarri më herët gjatë asaj dite në Deir Jarir, ndërsa ishte i veshur me rroba civile.

IDF thotë se i ka përjashtuar nga ushtria dhe i ka konfiskuar armët.

 

View this post on Instagram

 

A post shared by CNN (@cnn)

Kreu i Partisë Demokratike, Sali Berisha zhvilloi një bashkëbisedim të hapur me qytetarët dhe simpatizantët në Manëz. Ai foli për zgjedhjet, mbrojtjen e botës, ndërsa sulmoi ish-kryetarin e PD, Lulzim Bashën, duke thënë që ‘në vend që të merrej me mbrojtjen e votës, u mor me mua’.

“Tani duhet të nisim betejën për mbrojtjen e votës. Beteja të padrejta nuk mund të bësh, zgjedhjet janë sa kombëtare dhe aq ndërkombëtare. Ish-kryetari në vend që të merrej me grabitjen e votës, u mor me mua, me partinë. Sepse ishte në marrëveshje me të. Harroi çfarë bëri qeveria. Pastaj filloi periudha kalavare që kaloi PD. Më 11 s’do të humbte kurrë zgjedhjet, nëse Rama s’do falte 2 miliardë euro kamata dhe borxhe dy ditë para zgjedhjeve“, u shpreh ai.

Pjesë nga fjala e Berishës;

Ne e nisëm betejën tonë. E nisëm në parlament. Po ju siguroj ju që e para, opozitën e keni të vërtetë. Se kjo është e rëndësishme shumë. E nisëm në parlament, ju ftuam ju, mbush sheshit dhe rrugët.

E dyta, ne nuk jemi parti e dhunës. Unë e kuptoj se ka prej jush që me të drejtë mendojnë se këta mendojnë, këta meritojnë dajak dhe më shumë se dajak. Këta meritojnë hurin dhe më shumë se hurin, i meritojnë. Por ne prapë nuk jemi ajo parti.

Do t’ju jap dy shembuj. Të mos humbasim durimin. Ne fitojmë, kemi fituar me qëndresën tonë paqësore. Si i përmbysëm ne në ’91-shin? A nuk u rrëmbyen armët të gjitha anët kundër nesh, a ju kujtohet? Kur kur u rrëzua statuja e Enver Hoxhës, ne nuk rrëmbyem armët. Jo. Po ama barrikadat ia vumë.

Ua hodhëm në rrugë, nga shkolla e Bashkuar kur dolën të zbrisnin me tanke shtatorin e Enver Hoxhës, e gjetën të bllokuar me barrikada. Por armë nuk rrëmbyem ne. Ne fituam.

Në vitin ’97, a erdhën me rebelim? Me dhunë, me armë. I përzumë me votë. Edhe tani do t’i përzëmë dhe ky është misioni ynë absolutisht me vendosmërinë më të madhe. Jemi forcë demokratike, jemi opozitë demokratike. Ne do përdorim çdo mënyrë demokratike, jo të dhunshme për përzënien e tyre. Nuk rezistojnë dot ata.

Merrni pak historinë tonë. Ne kur na kanë vrarë edhe i kemi përzënë nga kryeministria, ju kemi vënë drurin e të tjerë. Por historia jonë është histori e përmbysjeve paqësore.

I përzumë në 2005-ën me votë. Tani Edi Rama që mendon se do t’i vjedhë qytetarët dhe do mbrohet aty ku është, të gjejë vrimën e miut ku të futet. Në mënyrë absolute, jo. E patë se çfarë jehone botërore pati qëndresa në parlament e deputetëve dhe protesta e datës 22. E jashtëzakonshme! Ishte betejë e fituar nga ne në rrafshin e së drejtës.

Tani duhet të betohemi, ditën e caktuar të zëmë sheshin dhe t’i rikthehemi sheshit çdo natë gjersa të përzëmë atë. Të mos mendojmë se rruga është dhuna, jo. Rruga është qëndresa jonë, sheshet. Sheshi duhet të jetë i yni dhe Edi Rama ikën si mi. Nuk mund të qëndrojë aty. Pra, hyjmë në vitin 2026 me një mision, si misionarë, si fatmëdhenj që kemi mundësi të përmbysim një diktaturë të dytë në Shqipëri.

Dhe unë jam i bindur se populli opozitar, populli i Manzës, i Durrësit e i gjithë Shqipërisë, do të jetë në lartësinë e këtij misioni. Lartësinë e shpëtimit të Shqipërisë, të shpëtimit të opozitës, të shpëtimit të kombit shqiptar, që po rrokulliset në mënyrën më të keqe. Edhe një herë, gëzuar festat dhe lartësinë e misionit tonë. Janari, nisim betejën tonë gjer në fitore.

Kryetari i grupit parlamentar socialist, Gazment Bardhi, tha se socialistët po përpiqen të pengojnë drejtësinë për të luftuar korrupsionin, duke mos lejuar mbledhjen e Këshillit të Mandateve për të shqyrtuar kërkesën e SPAK për heqjen e imunitetit të Belinda Ballukut.

“Ta harrojnë. Nuk ka për të ndodhur. Belinda Balluku mund ta hajë Vitin e Ri në shtëpi, por ju siguroj që nuk do t’i shtyjë ditët dhe do të përfundojë në burg. Nuk mund t’u vjedhësh shqiptarëve, në një vend në mes të Europës, por që është më i varfri në Europë, 1.1 miliardë euro dhe pastaj ta shndërrosh institucionin në bunker që mbron korrupsionin e këtyre”, tha Bardhi.

I pyetur kur do ta kërkojë opozita mbledhjen e radhës, Bardhi tha: “Në fillim të javës që vjen. Absolutisht, të pesë anëtarët e opozitës në Këshillin e Mandateve janë 24 orë në 24 në dispozicion të këtij procesi. Ne besojmë që pranimi i kërkesës së prokurorisë është detyrim përcaktim ndaj deputetëve të Kuvendit të Shqipërisë. Ne nuk kemi marrë mandat për të mbrojtur korrupsionin e Edi Ramës, Belinda Ballukut dhe Ergys Gasit. Ne kemi marrë mandat nga qytetarët për ta luftuar korrupsionin”.

Ai shtoi se kryetari i Kuvendit, Niko Peleshi, po vepron me urdhra politikë të Edi Ramës. “Më vjen keq që thotë: “Kur të plotësohen kushtet procedurale do ta mbledh Këshillin”. Kur do të plotësohen kushtet? Kur t’i japë leje Edi Rama? Nuk funksionojnë kështu institucionet. Të korruptuarit nuk të japin kurrë leje për të luftuar korrupsionin. Të korruptuarit bëjnë gjithçka për të mbrojtur korrupsionin e tyre, siç po bëjnë edhe në këtë rast”, shtoi Bardhi.

Ish-aktori i njohur i Nickelodeon, Tylor Chase, është shtruar në një spital në Kaliforninë Jugore, pasi miq, familjarë dhe ish-kolegë u bashkuan për t’i ardhur në ndihmë pas një periudhe të gjatë ku ai jetonte në rrugë. Lajmi vjen pas pamjeve virale që tronditën fansat, ku Chase shihej i pastrehë dhe në gjendje të rënduar shëndetësore e emocionale.

Sipas burimeve për Daily Mail, ndërhyrja u bë pas koordinimit mes babait të Chase, ish-bashkëpunëtorëve dhe influencuesit Jake Harris. Autoritetet shëndetësore vendosën se aktori kishte nevojë për trajtim të menjëhershëm dhe ai u dërgua në spital për një qëndrim 72-orësh nën kujdes mjekësor.

Ish-kolegët e tij nga seriali “Ned’s Declassified School Survival Guide”, përfshirë Daniel Curtis Lee dhe Shaun Weiss, kanë shprehur publikisht shqetësimin dhe shpresën se kjo është një hap drejt rikuperimit të plotë. Weiss, i cili vetë ka kaluar një periudhë të vështirë me varësinë dhe shëndetin mendor, u angazhua personalisht për ta ndihmuar Chase të largohej nga rruga dhe të pranonte trajtimin mjekësor.

Në videot e publikuara së fundmi, Chase dukej në prag të Krishtlindjes, mes shiut të dendur, duke pranuar ndihmë nga qytetarë të rastësishëm që i dhanë ushqim, rroba dhe luteshin për të. Nëna e tij ka kërkuar që njerëzit të mos i japin para drejtpërdrejt, duke theksuar se kjo mund ta rrezikojë më shumë, ndërsa ka bërë të ditur se dera e shtëpisë së saj mbetet e hapur për të birin.

Një gjykatë në Rusi ka dënuar me gjashtë vjet burg liderin e opozitës Sergei Udaltsov, një kritik i njohur i presidentit Vladimir Putin dhe drejtues i lëvizjes “Fronti i Majtë”, e cila është e lidhur me Partinë Komuniste. Vendimi u mor të enjten, më 25 dhjetor 2025, me akuzën e “justifikimit të terrorizmit”.

Sipas medias së pavarur ruse Mediazona, akuzat lidhen me një artikull të publikuar online nga Udaltsov, ku ai shprehte mbështetje për një grup aktivistësh rusë të akuzuar për krijimin e një organizate terroriste. Këta aktivistë u dënuan më herët këtë muaj me dënime që variojnë nga 16 deri në 22 vjet burg.

Udaltsov i ka hedhur poshtë akuzat, duke i cilësuar si të fabrikuara politikisht. Pas shpalljes së vendimit, ai e quajti atë “të turpshëm” dhe njoftoi se do të hynte në grevë urie. Sipas gjykatës, dënimi do të vuhet në një koloni penale të sigurisë së lartë.

Sergei Udaltsov ishte një figurë kyçe e protestave masive të viteve 2011-2012 kundër manipulimit të zgjedhjeve parlamentare në Rusi. Ai ka qenë disa herë i burgosur më parë, përfshirë një dënim në vitin 2014 për organizimin e protestave kundër Putinit.

Autoritetet ruse kanë intensifikuar goditjen ndaj opozitës, mediave të pavarura dhe shoqërisë civile pas nisjes së luftës në Ukrainë, duke burgosur qindra persona dhe detyruar mijëra të tjerë të largohen nga vendi.

Janë rikthyer reshjet e dëborës në fshatin turistik të Dardhës, në lartësitë 1200 m mbi nivelin e detit.

Dëborë po ashtu ka edhe në Shtyllë e Mashkullorë, ndërsa nuk paraqiten probleme lidhur me akset rrugore, pasi trashësia e dëborës shkon nga 2-5 cm.

Firmat nënkontraktore po bëjnë të mundur hapjen e rrugëve dhe kriposjen e tyre, ndërsa policia rrugore apelon për kujdes të shtuar dhe pajisjen me goma dimërore për ata turistë që duan të vizitojnë Dardhën, Voskopojën apo Vithkuqin.

Temperaturat ditën e sotme do të shkojnë deri në -5 gradë celsius në zonat malore, ndërsa gjatë kësaj jave priten reshje dëbore me intensitet të lartë pasi temperaturat do të shkojnë deri në -10 grade celsius.

Policia Kufitare Kakavijë, nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se ditën e sotme, nga ora 19:00 deri në orën 22:00 (me orën greke), aksi rrugor Kakavijë-Janinë, në kryqëzimin e fshatit Kallpaq, do të jetë i bllokuar për shkak të protestës që do të zhvillojnë fermerët.

Do të lejohen të qarkullojnë vetëm automjetet që do të kenë emergjenca shëndetësore.

Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete, në orare të tjera të ditës.

SHBA ka kryer sulme ajrore vdekjeprurëse kundër grupit terrorist Shteti Islamik (IS) në veriperëndim të Nigerisë, njoftoi presidenti amerikan Donald Trump. Në një postim në rrjetin social Truth Social, Trump e përshkroi operacionin si një “goditje të fuqishme dhe vdekjeprurëse”, duke e quajtur IS “llum terrorist” dhe duke e akuzuar grupin për vrasje brutale të civilëve, veçanërisht të të krishterëve.

Komanda Afrikane e Ushtrisë Amerikane (Africom) konfirmoi se sulmet u kryen të enjten në bashkëpunim me autoritetet nigeriane, në shtetin Sokoto. Ministri i Jashtëm i Nigerisë, Yusuf Maitama Tuggar, tha për BBC se bëhej fjalë për një operacion të përbashkët kundër terroristëve dhe theksoi se aksioni “nuk kishte lidhje me një fe të caktuar”. Ai shtoi se operacioni ishte planifikuar prej kohësh dhe ishte bazuar në informacione inteligjence të siguruara nga pala nigeriane.

Ndërkohë, Departamenti Amerikan i Mbrojtjes publikoi një video që duket se tregon lëshimin e një rakete nga një anije ushtarake. Sekretari amerikan i Mbrojtjes, Pete Hegseth, falënderoi qeverinë e Nigerisë për bashkëpunimin.

Pretendimet e Trump për një gjenocid ndaj të krishterëve në Nigeri janë kundërshtuar nga grupe monitoruese dhe organizata të të drejtave të njeriut, të cilat theksojnë se dhuna ka prekur komunitete të të gjitha besimeve dhe se shumica e viktimave të terrorizmit në vend kanë qenë myslimanë.

Ditën e premte moti parashikohet me vranësira mesatare deri të dendura të cilat pas orëve të mesditës gradualisht pritet të vijnë në pakësim, dhe përqendrohen përgjatë maleve në zonën lindore, ndërsa pjesa tjetër e vendit me mot kryesisht të kthjellët.
Reshje të herëpashershme shiu me intensitet të ulët hera-herës në formën e shtrëngatave që në orët e para të 24-orëshit në jug e në qendër deri në mëngjes.

Më pas reshjet mbeten prezente në mënyrë të izoluar përgjatë vijës bregdetare deri në ndërprerjen e tyre nga orët e mesditës në të gjithë territorin. Prezencë e ngricave përgjatë akseve rrugore kryesisht në relievet malore. Mjegull e dendur / mjegullinë përgjatë zonaveluginore në orët e mëngjesit dhe të mbrëmjes. Prezencë e ngricave përgjatë akseve rrugore kryesisht në relievet malore.
Era do të fryjë me drejtim kryesor verilindje – veriperëndim me shpejtësi mesatare 6 m/s, përgjatë vijës bregdetare dhe zonat luginore era me shpejtësi deri në 10 m/s.
Deti – Valëzimi forcës 1-2ballë.

Dashi

Do të bëni hapa të mëdhenj në çdo gjë që ndërmerrni sot. Kjo është një kohë fantastike për ju që të krijoni rrjete me njerëz të tjerë dhe të krijoni lidhje të rëndësishme. Mos kini frikë të shtyni projekte të caktuara për të komunikuar me të tjerët.

Demi

Pavendosmëria është armiku juaj më i madh sot. Tendenca është që të zhyteni aq shumë në ide sa të harroni mjetin tuaj më të vlefshëm – intuitën tuaj. Ndalo ritmin sapo të ndjeni se po rrotullohet jashtë kontrollit.

Binjakët

Komunikimi është një katalizator kyç për progresin sot. Mos e fut veten në një flluskë dhe mos mendo se mund të bësh gjithçka pa ndihmën e të tjerëve. Pranoje se nuk di gjithçka dhe kërko ndihmë kur të kesh nevojë. Do të jesh i lumtur që e di.

Gaforrja

Ritmi po rritet sot, prandaj merrni hapat dhe filloni punën. Të tjerët mund t’ju shohin si dembel ose të ngadaltë nëse nuk po tregoni një përpjekje të përbashkët. Nëse nuk keni burimet që ju nevojiten për të ecur përpara më shpejt në një projekt aktual, flisni hapur.

Luani

Sot ndodheni në një pozicion shumë strategjik, ku keni një ndikim të jashtëzakonshëm në ngjarjet përreth jush. Njerëzit do të vijnë tek ju për përgjigje dhe ju do t’i merrni ato. Nuk është ide e keqe të kërkoni rritje page ose ngritje në detyrë. Do ta merrni.

Virgjëresha

Përdor mendjen sot. Tendenca do të jetë që të bëhesh jashtëzakonisht emocional për shkak të punës që po bën. Mos lejo që ndjenjat e tua të të mposhtin ose të të marrin përsipër plotësisht. Kthehu drejt të menduarit racional dhe ideve të shëndosha logjike për përgjigjet e tua.

Peshorja

Vazhdo me diçka që e vure në lëvizje disa ditë më parë. Mos e humb kontaktin me atë ide të shkëlqyer që të erdhi ndërmend. Bëj pyetje, bëj kërkime dhe ndiq rrugën. Ka të ngjarë të të sjellë shumë më tepër sukses sesa mund të imagjinohet.

Akrepi

Kjo është një nga ato ditë në të cilat njerëzit mund të flasin shumë, por në fund nuk thonë asgjë. Ka shumë biseda, por jo shumë përmbajtje. Bëni çmos të filtroni gjërat pa kuptim në mënyrë që të nxirrni të paktën një ide të dobishme nga biseda.

Shigjetari

Kushtojini vëmendje email-eve që shfaqen në kutinë tuaj postare sot. Bëni një përpjekje shtesë për t’u përgjigjur mesazheve telefonike dhe pyetjeve me shkrim. Një informacion i rëndësishëm do t’ju vijë nëpërmjet një prej këtyre mjeteve. Nuk duhet ta humbisni atë.

Bricjapi

Ka të ngjarë të frustroheni nga njerëz që nuk duket se po e japin maksimumin sot. Të tjerët nuk po tregojnë përkushtimin dhe pasionin në punën e tyre që ju shpesh shfaqni në tuajën. Jini të duruar me ta në vend që t’i gjykoni.

Ujori

Do të arrini një pikë zhgënjimi sot, pasi do t’ju vijnë gjithnjë e më shumë ide. Problemi është se ka të ngjarë të mbingarkoheni shumë shpejt. Bëni një hap prapa nga puna juaj dhe fitoni perspektivë, në vend që të zhyteni në konfuzion.

Peshqit

Mos kini frikë të merreni me më shumë se një projekt njëkohësisht. Aftësia juaj për të kryer shumë detyra njëkohësisht do të jetë mjaft e fortë. Do të përballeni me shumë detyra të ndryshme, por kjo është në rregull.

Moderatori i njohur amerikan i talk show-ve, Jimmy Kimmel, ka kritikuar ashpër presidentin e SHBA-së Donald Trump, duke paralajmëruar për rritjen e fashizmit në Shtetet e Bashkuara, në një fjalim drejtuar publikut britanik me titull “Mesazhi Alternativ i Krishtlindjeve”.

Mesazhi u transmetua në Channel 4 ditën e Krishtlindjeve dhe u përqendrua në ndikimin e mandatit të dytë të Trump, për të cilin Kimmel tha se sillet “sikur të ishte mbret”.

“Nga këndvështrimi i fashizmit, ky ka qenë një vit shumë i mirë,” u shpreh ai. “Tirania po lulëzon këtu.”

Channel 4 e nisi traditën e transmetimit të një mesazhi alternativ të Krishtlindjeve në vitin 1993, si kundërpeshë ndaj fjalimit tradicional të monarkut britanik. Sipas kanalit, mesazhi synon të ofrojë reflektime personale dhe provokuese mbi ngjarjet kryesore të vitit.

Kimmel ka qenë një kritik i vazhdueshëm i Trump, veçanërisht pas rikthimit të emisionit të tij “Jimmy Kimmel Live!” në shtator, pasi ABC e kishte pezulluar përkohësisht pas polemikave mbi komentet e tij lidhur me vrasjen e aktivistit konservator Charlie Kirk. Trump e kishte përshëndetur pezullimin, duke e quajtur “lajm të madh për Amerikën”, madje duke kërkuar shkarkimin edhe të moderatorëve të tjerë të natës.

Ngjarja nxiti shqetësime të gjera mbi lirinë e shprehjes dhe të shtypit, ndërsa qindra figura të njohura të Hollivudit dhe industrisë së argëtimit u bënë thirrje amerikanëve të “luftojnë për të mbrojtur të drejtat kushtetuese”. Emisioni u rikthye në transmetim më pak se një javë më vonë.

Duke iu drejtuar audiencës britanike, Kimmel tha se një “mrekulli e Krishtlindjeve” kishte ndodhur në shtator, kur miliona njerëz – përfshirë edhe ata që nuk e pëlqenin emisionin e tij – dolën në mbështetje të lirisë së fjalës.

“Ne fituam, presidenti humbi dhe tani jam sërish në ekran çdo natë duke i dhënë politikanit më të fuqishëm në botë kritikat që i meriton,” tha ai.

Channel 4 ka ftuar më herët figura të diskutueshme për të mbajtur këtë mesazh alternativ, përfshirë sinjalizuesin Edward Snowden dhe ish-presidentin iranian Mahmoud Ahmadinejad.

Kimmel paralajmëroi se heshtja e kritikëve nuk është diçka që ndodh vetëm në Rusi apo Korenë e Veriut, duke theksuar se edhe SHBA-ja po përballet me sfida serioze demokratike. Ai u bëri thirrje britanikëve të mos heqin dorë nga marrëdhënia me SHBA-në, duke thënë se vendi “po kalon një periudhë të vështirë”.

“Në Shtetet e Bashkuara, ne po shkatërrojmë si në kuptimin figurativ ashtu edhe literal strukturat e demokracisë sonë – nga media e lirë, te shkenca, mjekësia dhe pavarësia e gjyqësorit,” tha Kimmel, duke iu referuar edhe punimeve në Krahun Lindor të Shtëpisë së Bardhë. “Jemi në një gjendje të keqe dhe e dimë që kjo po ju prek edhe ju. Thjesht desha të them: na vjen keq.”