Komisioni i Ligave dhe Garave ka përcaktuar kalendarin për dy javët e ardhshme të kampionatit “Abissnet Superiore”, si edhe për ndeshjet e para çerekfinale të Kupës së Shqipërisë.

Java e 23-të e kampionatit do të luhet të premten dhe të shtunën, më 6 dhe 7 shkurt. Ndërkohë, në mesjavë, më 10 dhe 11 shkurt, janë programuar të zhvillohen ndeshjet e para çerekfinale të Kupës së Shqipërisë.

Java e 24-t është planifikuar të luhet më 14 dhe 15 shkurt, duke nisur me përballjen FK Vora – Egnatia dhe duke u mbyllur me derbin e kryeqytetit, Partizani – Tirana.

Java 23

Bylis – Partizani, 06.02.2026 13:30 Stadiumi “Adush Muçaj”

Vllaznia – FK Vora, 06.02.2026 13:30 Stadiumi “Vora”

AF Elbasani – Teuta, 06.02.2026 16:30 Stadiumi “Elbasan Arena”

Flamurtari – Egnatia, 06.02.2026 19:00 Stadiumi “Flamurtari”

Tirana – Dinamo City, 07.02.2026 13:30 Stadiumi “Selman Stermasi”

Java 24

FK Vora – Egnatia, 14.02.2026 13:30 stadiumi “Vora”

Teuta – Bylis, 14.02.2026 16:30 stadiumi “Niko Dovana”

Vllaznia – AF Elbasani, 15.02.2026 16:30 stadiumi “Loro Boriçi”

Dinamo City – Flamurtari, 15.02.2026 16:30 stadiumi “Elbasan Arena”

Partizani – Tirana, 15.02.2026 19:30 stadiumi “Air Albania”

Kupa e Shqipërisë

Bylis-Vllaznia, 10.02.2026 13:30 stadiumi “Adush Muçaj”

Teuta-Egnatia, 10.02.2026 16:30 stadiumi “Niko Dovana”

Tirana-Dinamo City, 11.02.2026 13:30 stadiumi “Selman Stermasi”

AF Elbasani-Partizani, 11.02.2026 16:30 stadiumi “Elbasan Arena”

Një operacion i përbashkët i Policisë së Durrësit, Tiranës dhe Elbasanit është zhvilluar për zbatimin e masave të sigurisë të firmosura nga gjykata në lidhje me çështjen e mbetjeve të kompanisë “Kurum”.

Raportohet se janë firmosur gjithsej 33 masa sigurie ndaj personave të dyshuar për përfshirje në këtë çështje.

Nga këto, 26 masa janë “arrest me burg”, ndërsa 7 masa janë “arrest shtëpie”.

Këtu përfshihen edhe biznesmenë, zyrtarë të AKM dhe Doganave.

“Arrest shtëpie” është lëshuar për Arta Dollanin, ish-drejtoreshë e AKM (Agjencia Kombëtare e Mjedisit).

Aktualisht ajo mban detyrën si drejtoreshë e Agjencisë së Arsimit Parauniversitar.

Masat e sigurisë

Arrest me burg

Erdal Demir – Administratori i “Kurum International”

Yusuf Sezai Kurum – Administrator me prokurë i “Kurum”

Gjovana Sokolaj – Pronare e kompanisë “Sokolaj”

Doni Sokolaj – Administrator i kompanisë D.o.o Minerals

Olizana Pemati – Ish- administratore e kompanisë “Sokolaj”

Mujo Ilazaj – Drejtori i Transportit në kompaninë “Kurum”

Rami Bunga – Specialist pranë zyrës së mjedisit në “Kurum”

Harun Sarica – Drejtori i prodhimit të çelikut në “Kurum”

Arif Shkalla – Drejtues në kompaninë “Kurum”

Shaban Hyseni – Drejtor i departamentit te shitjeve në “Kurum”

Mikail Hila – Aksioner i agjencisë doganore “Joti Spedition”

Mbarime Koroci – Aksionere e kompanisë “Alliance Resource”

Nazif Bajrami – Pronar i kompanisë “Bajrami N”

Andon Prifti – Administrator i kompanisë “Bajrami N”

Petrit Qosja – Person fizik në tregtinë e mbetjeve

Indrit Likaj – Dega e Doganës Durrës

Helidon Lila – Dega e Doganës Durrës

Edmond Voda – Dega e Doganës Durrës

Shkëlqim Jakupi – Dega e Doganës Durrës

Florian Çimo  – Administrator i kompanisë koncesionare EMS APO

Gazmend Sina – Punonjës i kompanisë koncesionare EMS APO

Ingo Hesse – administrator i kompanisë EMS APO

Dritan Seferaj – Drejtoria e Inspektim- Kontrollit, AKM

Xhulio Golgota – Inspektor i Autoritetit Portual Durrës

J.K   arrest me burg

K.M   arrest me burg

Arrest shtëpie

Mirjeta Zotaj – Kontabiliste e kompanisë “Sokolaj”

Kledina Skendo – Sektori i monitorimit të lejeve mjedisore, AKM

Evis Mellonashi – Sektori i lejeve mjedisore, AKM

Iva Musa – Inspektore e Autoritetit Portual Durrës

Marjeta Përlala – Drejtoresha aktuale e AKM

Arta Dollani – Ish- drejtoresha e Përgjithshme e AKM

B.T  arrest shtëpiak

Eksporti i dyshuar i mbetjeve të rrezikshme nga Shqipëria u denoncua më 5 gusht nga “Basel Action Network”, një organizatë mjedisore me qendër në Shtetet e Bashkuara.

Më 5 gusht 2024 organizata ngriti alarmin se një anije gjigande kontejnerësh prej 175 mijë tonësh e linjës ‘Maersk’ u zhduk në fund të korrikut nga radarët afër Cape Town në Afrikën e Jugut, pas një sinjalizimi të bërë prej saj tek autoritetet vendase.

Bazuar në të dhënat e ofruara nga një sinjalizues, “Basel Action Network”, BAN, beson se anija ‘Maersk Campton’ dhe një anije e dytë kontejnerësh e së njëjtës linjë, ‘Maersk Candor’, kanë ngarkuar në portin e Durrësit në fillim të korrikut 2024 rreth 100 kontejnerë me mbetje të rrezikshme, e cila vjen nga hiri i oxhaqeve metalurgjike elektrike (EAFD) me destinacion Tajlandën.

Ministria e Mjedisit, në një reagim për mediat në vitin 2024, pranoi se mbetjet e ngarkuara në Durrës vinin nga metalurgjiku.

“Vëllimet e mallrave të cilat dyshohen se përmbajnë mbetje të dala nga procesi teknologjik i realizuar nga kompani ndërkombëtare që operojnë pranë kompleksit metalurgjik në Elbasan”, sqaronte ministria, ndërsa kompania “Kurum” ka mohuar të ketë lidhje me eksportin e mbetjeve të rrezikshme.

Nënkryetari i Partisë Demokratike, bashkëkryetar i Komisionit për Reformën Territoriale, Luçiano Boçi, i ka kërkuar Partisë Socialiste që të tërhiqet nga nisma në Parlament për të ndryshuar formulën e këtij Komisioni dhe për të marrë shumicën.

Në një prononcim për mediat jashtë Parlamentit, Boçi deklaroi se nëse PS nuk tërhiqet nga kjo nismë, atëherë nuk ka më arsye se përse përfaqësuesit e PD-së të qëndrojnë në Komision.

Boçi kërkoi gjithashtu që të mblidhen bashkë dy kryetarët dhe të zgjedhin sekretarin e Komisionit, si dhe të vendosin bashkarisht për mbledhjet.

“Jo, paqartësitë duhen sqaruar, ndërkohë që unë kam deklaruar dhe deklaroj sërish që opozita ka qenë pjesë e këtij komisioni. Thirrjet e këtij komisioni nuk kanë qenë të realizuara në bazën e rregullores dhe kushtetutës.

Dhe është e qartë që si do vazhdohet, duhet një dakordësi e dy bashkëkryetarëve, meqënëse nuk është zgjedhur sekretarja e komisionit, që ne të vendosim datën e mbledhjes së komisionit. Në qoftë se ata nuk e tërheqin atë vendim, atë propozim, do të thotë që ata marrin shumicën dhe në këtë rast Partia Demokratike, opozita nuk ka asnjë arsye të jetë në atë komision. Duhet të tërheqet, të tërhiqet ai vendim, të ruhet pariteti dhe bashkëkryesia”, tha ndër të tjera Boçi.

Kuvendi shqyrtoi këtë të martë propozimin e Partisë Socialiste për të rishikuar përbërjen dhe drejtimin e Komisionit të Posaçëm për Reformën Administrativo-Territoriale, duke kaluar në 17 anëtarë (9 PS, 8 opozita) dhe një kryetar nga mazhoranca me nënkryetar nga opozita.

Kjo kërkesë e mazhorancës vjen pas bojkotit të mbledhjeve nga opozita, ndërsa demokratët pretendojnë se mungesa nuk ishte bojkot, por nuk kanë marrë pjesë për shkak të agjendave paralele.

LEXO EDHE: Debatet për “Territorialen”, Balla replikë me opozitën: Në mëngjes keni mend të tjera, më pas e ndryshoni

Vrasësi me pagesë, Henrik Hoxhaj, ish-bashkëpuntor i Nuredin Dumani, ka dëshmuar ditën e sotme në seancën gjyqësore në kuadër të dosjes “Plumbi i Artë”

“Njihem me Nuredin Dumanin. Jam njohur te ditëlindja e Festim Qolit në vitin 2020. Aty jemi njohur, duke ngrënë e duke pirë. Kemi shkëmbyer numrat. Disa muaj më vonë u takuam. Nuredini ishte i interesuar për të më takuar. Nuk e mbaj mend, por më duket se kemi komunikuar me telefona të kriptuar. Kemi biseduar për disa vrasje. Ai kishte marrë porosi nga Krymi. Më tha që janë disa punë për t’u bërë, a je i interesuar. Unë i thashë po. Nuredini më tha për dy vrasje që do bëheshin në Durrës. Në fillim qe si porosi e Krymit, por pastaj i paraqiti si problematika të tij. Tha: a je dakord në fillim. Po dakord, i thashë.

Në këtë takim diskutuam për vrasjen e Dorjan Shkozës. Do kryhej kundrejt pagesës. Në fillim propozoi 70 mijë euro. Ai gjeti mjetet dhe armët. Shofer qe Elio Bitri, elbasanlli. Si kohë, ishte pak pas takimit, në pandemi. Nuk kishim leje, por ishim sipas rregullave, me rrip, me rregulla qarkullimi. Ditën e ngjarjes kam shkuar në Durrës. U takova te shtëpia e Nuredinit në Durrës. Nga aty u nisëm. Kemi përdorur një makinë të zezë. Ishte Elio në timon, unë mbrapa shoferit. Kisha unë dy armë, Elio një. Nuredini u nis me ne. Ne kemi dalë një xhiro te servisi. Kur kaluam herën e parë nuk ishte prezent. Kur u kthyem ishte aty. Ishte me dy persona të shoqëruar.
Elio më thotë: ja ku janë. Ishin tre vetë në trotuar. Unë i qëllova me armë nga brenda makinës. Një armë m’u bllokua, përdora tjetrën. Njëri nga ata ngeli në vend. Dorjani u rrëzua pak më tutje. Unë i thashë: a ti je Dorjani? Ai tha jo. Pyeta Elion: a ky është? Po, më tha ai. Edhe e godita. Një e goditi edhe Elio. Pati një pistoletë me mulli. Pas vrasjes hipa në makinë. Në ikje e sipër, i thashë: mua më lër te Plepat, ku kisha lënë një makinë.

Unë hipa tek ajo me duar në xhepa. Ndërsa makina tjetër iku dhe u dogj te Bishti i Zhurit. Nuredini ka qenë pas nesh dhe e ka parë ngjarjen. Më tha: o kusho, doli shumë mirë. Pagesën e mora për ngjarjen, por ajo 70-shja u nda mes meje dhe Elios. 35 mora. Nuk e di sa i dha Elios. Pas kësaj vrasjeje kam jetuar në Tiranë. Nuk fshihesha. Lekët Nuredini më tha se i merrte nga “Krymi”, ka thënë gjatë dëshmisë së tij Hoxhaj.

NGJARJA

Dorian Shkoza dhe Anxhelo Avdia u ekzekutuan në Shkozet të Durrësit në 2 mars 2020. Viktimat ishin duke ecur me këmbë kur janë qëlluar nga një makinë në ecje.

Dorian Shkoza kishte qenë i dënuar me 8 vite burg për trafik droge dhe ishte liruar në vitin 2010.

Ai ishte një nga subjektet e Operacionit Forca e Ligjit, që do t’i dërgohej edhe formulari për deklarimin e origjinës së pasurisë.

“Më datë 02.03.2020, rreth orës 19.00, në vendin e quajtur lagjja nr. 14 “Nishtulla” Shkozet Durrës, persona të paidentifikuar kanë qëlluar me armë zjarri nga një mjet tip Benz, në drejtim të shtetasve Dorian Shkoza dhe Anxhelo Avdia, për pasojë të dy kanë gjetur vdekjen. Ditën e ngjarjes rreth orës 18.30 viktima Dorian Shkoza ka qenë në servisin e tij në Nishtulla duke punuar, kurse viktima tjetër Anxhelo Avdia rreth orës 18.30 ka takuar shokun e tij Bajram Prillo me të cilin kanë shkuar në kafe afër serivisit të Dorian Shkoza dhe janë takuar me këtë fundit.

Në një moment kur viktima Dorian Shkoza i trembur nga lëvizjet e një mjeti tip Benz ka shkuar t’i pyes shtetasit nëse kishin parë ndonjë makine me xhama të errët, u ka ardhur menjëherë te këmbët makina Benz me xhama të zinj dhe pa shkëmbyer asnjë fjalë me viktimat është dëgjuar një e shtënë arme nga brenda makinës. Viktimat dhe shtetasi Bajram Prollo janë munduar të shmangen, duke u larguar, ndërkohë që nga mjeti kanë zbritur dy prej autorëve të cilët kanë qëlluar disa herë në drejtim të tyre dhe si pasojë ka vdekur menjeherë shtetasi Dorjan Shkoza dhe është plagosur shtetasi Anxhelo Avdia i cili më pas ka ndërruar jetë në spital”, do të njoftonte aso kohe policia.

Dëshmia e Alibejt:

Sipas dëshmisë së të penduarit të drejtësisë Erion Alibej, Dorian Shkoza ishte njeriu më i afërt me Talo Çelën prandaj ishte shumë e rëndësishme që të ekzekutohej.

“Ishte shume e rëndësishme që të vritej Dorian Shkoza, ishte njeriu më i afërt i Talo Çelës.  Një natë më shkruajti Nuredini, “Vëlla mbaroi i pari, shiko tv”, pashë lajmet ishte vrarë Dorian Shkoza dhe Anxhelo Avdia. Këtë të dytin s’e kisha degjuar me pare. I thashë Nuredinit “po këtë pse”, më tha “hajde se dhe ky i atyre është.”

Provat për krimin në fjalë dhe krime të tjera, u zbuluan bazuar në dëshminë e anëtarëve të krimit të organizuar të penduar, si dhe nga të dhënat e siguruara prej përgjimeve të aplikacioneve SKY-ECC.

LEXO EDHE: “Doja që Talo Çela dhe Altin Ndoci të vriteshin, por jo…”/ Çfarë rrëfente në gjyq Nuredin Dumani?

Në një klasë në Chennai të Indisë, rreth 20 infermierë po mësojnë gjermanisht me një shpejtësi të madhe. Ato kanë gjashtë muaj për të mësuar gjuhën në mënyrë që të mund të punojnë në Gjermani.

Ramalakshi, njëra prej tyre, thotë se nuk ishte e lehtë për familjen e saj të paguante mijëra euro që ajo të përfundonte shkollimin në infermieri. Tani, ajo ndjen nevojën për t’i shlyer këto investime.

“Qëllimi im është të punoj jashtë vendit. Dua të siguroj jetesën financiare për familjen time dhe të ndërtoj një shtëpi për veten time”, tha ajo për DW.

Qeveria e shtetit jugor indian të Tamil Nadu po financon kursin e gjuhës për të ulur papunësinëdhe për t’u dhënë familjeve në disavantazh një shans në tregun global të punës. Agjencitë private më pas lidhin infermierët indianë me punëdhënës potencialë.

Nevojiten qindra mijëra punëtorë të kualifikuar

Gjermania po kërkon me dëshpërim punëtorë të kualifikuar, ndërsa e ashtuquajtura gjeneratë “baby boomer” del në pension në vitet e ardhshme, ndërsa shumë pak fëmijë po lindin.

Spitalet kanë mungesë infermierësh, shkollat ​​kanë mungesë mësuesish dhe sektori i IT-së po kërkon programues.

Ekonomistët në Institutin për Kërkime të Tregut të Punës (IAB) në Nuremberg vlerësojnë se Gjermaniaduhet të tërheqë 300,000 punëtorë të kualifikuar çdo vit vetëm për të ruajtur status quo-në.

Pa ta, gjermanët do të duhej të punonin më gjatë, të dilnin në pension më vonë – ose thjesht të ishin më të varfër, tha për DW studiuesi i IAB, Michael Oberfichter.

Refugjatët – punëtorë të kualifikuar

Sipas shifrave të fundit nga Zyra Federale për Migracionindhe Refugjatët, rreth 160,000 të huaj me leje qëndrimi janë të regjistruar si punëtorë të kualifikuar.

Por zyra është gjithashtu përgjegjëse për përpunimin e kërkesave për azil të miliona refugjatëve që kanë mbërritur në Gjermani vitet e fundit për shkak të luftërave dhe konflikteve, si ato në Siri dhe Ukrainë. Për shkak të mungesës së digjitalizimit, burokracia gjermane është e ngadaltë.

Rritja e ndjeshme e numrit të refugjatëve dhe dështimi i qeverisë për t’i integruar ata në tregun e punës çuan në pakënaqësi në rritje me politikat e migracionit dhe mbështetje në rritje për partinë e ekstremit të djathtë kundër emigrantëve, Alternativa për Gjermaninë (AfD).

Roli i “punëtorëve mysafirë”

Pas Luftës së Dytë Botërore, Gjermania përjetoi një bum ekonomik që përshkruhet edhe sot si një “mrekulli ekonomike”.

Gjatë viteve 1950, 1960 dhe fillimit të viteve 1970, ekonomia u rrit aq shpejt sa demokracia e re kishte nevojë për punëtorë nga jashtë.

Gjermania lidhi marrëveshje zyrtare punësimi me vende të tilla si Italia, Greqia, Turqia, Jugosllavia dhe të tjera për të siguruar një fluks të qëndrueshëm punëtorësh.

Deri në vitin 1973, kur kjo politikë u hoq gradualisht, 14 milionë njerëz kishin ardhur për të punuar në Gjermani. Ata u quajtën “gastarbeiter” (punëtorë mysafirë) sepse qeveria supozonte se ata do të ktheheshin në shtëpi pas disa vitesh. Megjithatë, shumë qëndruan për të jetuar në Gjermani.

Pengesa burokratike

Pavarësisht nevojës për punëtorë, migrantët përballen sot me pengesa të shumta në tregun e punës. Pas diplomimit në universitet në Gjermani, Zara nga Irani nuk u lejua të punonte në fillim.

“Kaloi pothuajse një vit derisa mora një takim për të ndryshuar vizën time studentore në një vizë pune”, tha ajo për DW.

Zara flet rrjedhshëm gjermanisht, jep mësim në universitete dhe bën kërkime studimore. Megjithatë, pas më shumë se gjashtë vitesh në vend, ajo ende nuk ka marrë një leje pune të përhershme dhe duhet të raportojë tek autoritetet sa herë që ndërron punë.

“Ndonjëherë e pyes veten: a dua të jetoj këtu?” thotë ajo, duke pyetur veten nëse duhej të kishte shkuar në Kanada si disa miq të saj që ndërkohë kanë marrë shtetësinë kanadeze që atëherë. “Ende duhet të kaloj nëpër të gjitha këto pas gjashtë vitesh e gjysmë.”

Avokati i migracionit me bazë në Këln, Björn Maibaum, thotë se Zara nuk është një rast i izoluar. “Për fat të keq, është e njëjta gjë në të gjithë Gjermaninë”, tha ai për DW.

Zyra e tij trajton rreth 2,000 raste të tilla në vit, duke u përpjekur të përshpejtojë procedurat. Klientët përfshijnë “mjekë, infermierë, inxhinierë, shoferë kamionësh”.

Problemi kryesor, thotë ai, është se autoritetet e imigracionit kanë mungesë stafi, kështu që aplikantët presin “për muaj ose edhe një vit”.

“Është thjesht frustruese. Dhe ky nuk është mesazhi që duam t’i dërgojmë botës. Ne po konkurrojmë për punëtorë.”

Qëndrimet ndaj të huajve si problem

Kayalvli Rajavil viziton pacientët në klinikën BDH në Valendar. Spitali specializohet në rehabilitimin neurobiologjik, duke i ndihmuar pacientët të shërohen.

Rajavil ka qenë në Gjermani vetëm disa muaj. “Gjuha gjermane ishte veçanërisht e vështirë për mua në fillim. Por shefi dhe kolegët e mi kanë qenë shumë të dobishëm për mua dhe të tjerët, ata na respektojnë”, tha ajo për DW.

Ajo është një nga rreth 40 infermieret nga India dhe Sri Lanka që janë punësuar vitet e fundit – kryesisht përmes agjencive që i faturojnë klinikës midis 7,000 dhe 12,000 euro për vendosje të suksesshme.

Jörg Bibrak, kreu i stafit të infermierisë, thotë se për shtetasit e Indisë që duan të punojnë këtu, problemi është qëndrimi ndaj të huajve në Gjermani, veçanërisht incidentet raciste.

“Na pyesin gjithnjë e më shumë për zhvillimet politike, duke përfshirë parti të ndryshme”, tha ai për DW, duke shtuar se është gjithnjë e më e vështirë të bësh që punonjësit e rinj nga jashtë të ndihen të mirëpritur.

Malli për shtëpinë, problemet familjare dhe përshtatja me një kulturë të re janë sfida shtesë që shpesh i pengojnë punëtorët e huaj të qëndrojnë përtej kontratës së zakonshme dyvjeçare.

Si ta përshpejtojmë procesin?

Për të mbetur konkurrues në garën globale për infermierë nga India, klinika BDH tani po ofron një program trajnimi profesional për indianët e rinj që sapo kanë mbaruar shkollën e mesme.

Kjo do të përshpejtonte rekrutimin – i cili zakonisht zgjat deri në nëntë muaj – dhe do të shmangte njohjen e ndërlikuar të kualifikimeve të huaja, e komplikuar më tej nga rregulla të ndryshme në 16 landet federale të Gjermanisë.

Bibrak beson se shërbimet e migracionit duhet të jenë “më të shpejta” ndërsa ligjet më të përshtatshme për ta bërë Gjermaninë “më tërheqëse” për talentet e reja.

“Të gjithë thonë se kemi nevojë për punëtorë të kualifikuar. Por ne jemi ende larg një kulture mikpritëse ku gjithçka shkon pa probleme.” /DW

Apeli i Posaçëm ka shtyrë për në datën 5 dhënien e vendimit lidhur me çështjen e Agjencisë Kombëtare të Shoqërisë së Informacionit (AKSHI).

Gjatë seancës, prokurorët e SPAK paraqitën prova të reja dhe kërkuan që të lihet në fuqi masa e mëparshme e sigurisë.

Mësohet se provat e reja konsistojnë në deklarime të personave të marrë në pyetje nga Prokuroria e Posaçme.

Tifozëve të Interit u është ndaluar të marrin pjesë në ndeshjet jashtë fushe deri më 23 mars 2026.

Kjo masë u mor nga Ministri i Brendshëm i Italisë, Matteo Piantedosi, pas fishekzjarrit të hedhur gjatë ndeshjes jashtë fushe të së dielës në Cremona, e cila goditi portierin e Cremoneses, Emil Audero.

“Masa synon sigurimin e rendit dhe sigurisë publike dhe parandalimin e përsëritjes së incidenteve që mund të rrezikojnë zhvillimin e qetë të ngjarjeve sportive”, njofton ministria e brendshme, raporton “Gazzetta dello Sport“.

Ndeshja Milan – Inter më 8 mars është përjashtuar nga masat, duke pasur parasysh se nuk do të ketë lëvizje tifozësh, pasi të dyja klubet janë nga një qytet, Milano.

“Pas trazirave serioze, Ministri i Brendshëm ka urdhëruar ndalimin e udhëtimit për tifozët e Interit deri më 23 mars 2026, si dhe ndalimin e shitjes së biletave për të njëjtat ndeshje për banorët e Lombardisë.”

Ndeshjet jashtë fushe të ndaluara për të pasur tifozë të Interit do të jenë ato kundër Sassuolos të dielën e ardhshme, si dhe ato në Lecce dhe Firenze.

Ja çfarë ndodhi fundjavën që lamë pas në ndeshjen Cremonese-Inter (0:2):

Nga Tages Anzeiger 

Sapo kishte kaluar ora 6:00 e mëngjesit më 18 qershor 2020, kur policia e Zyrihut kreu bastisjen e një vile në Weiningen, një qytet me 5000 banorë. Vila ishte marrë me qira nga një klerik dhe menaxher biznesi, sot 57 vjeç, për rreth 24,000 franga zvicerane.

Gjatë bastisjes, policia sekuestroi sasi të mëdha dokumentesh, pajisje për ruajtjen e të dhënave dhe telefona celularë, si dhe gjeti edhe një dorezë hekuri.

Bastisje të tjera u kryen paralelisht, ndërsa disa të tjera javë më vonë, në tetë adresa të ndryshme. Hetuesit kontrolluan zyra kompanish dhe restorante në Dietikon, në kantonin dhe një kompani pranë Zugut.

57-vjeçari, vajza dhe një nga tre djemtë e tij u mbajtën në paraburgim për disa muaj.

Bilanci total i jetës luksoze? 120 makina, vilë me qira 24 mijë franga në muaj, targa speciale, 1,5 milionë franga dëm dhe kredi të papaguara.

Si funksiononte mashtrimi

Pas më shumë se 5 vitesh, çështja po shqyrtohet në Gjykatën e Qarkut të Dietikonit. Prokuroria ka kërkuar dënime me burg nga 8 deri në 90 muaj për 8 të pandehurit, për akuza për mashtrim tregtar, përvetësim dhe shumë vepra të tjera penale.

Për të pandehurin kryesor, “imamin”, prokurori ka kërkuar një dënim prej 7.5 vitesh burg dhe dëbim nga vendi për 15 vjet.

Sipas prokurorisë publike, familja dhe ndihmësit e saj ngritën një skemë mashtruese që hetuesit e përshkruajnë si “themelime fiktive kompanish”: gjatë viteve ata krijuan rreth një duzinë kompanish ndërtimi, pasurish të paluajtshme dhe gastronomike, por shpesh kapitalin fillestar të detyrueshëm, zakonisht 100,000 franga zvicerane, e depozitonin vetëm përkohësisht.

Sapo një kompani regjistrohej në regjistrin tregtar, i dyshuari kryesor thuhet se e përvetësonte menjëherë kapitalin themelues për luksin e familjes. Kështu krijoheshin kompani guackë boshe, të cilat nga jashtë dukeshin serioze, por që ishin të falimentuara që në fillim.

Sipas dëshmitarëve, i dyshuari kryesor paraqitej në takime biznesi si një manjat i pasur i pasurive të paluajtshme, i cili gjoja e kishte ndërtuar pasurinë e tij përmes një restoranti familjar të suksesshëm dhe tregtisë së pasurive të paluajtshme.

Një i pandehur 54-vjeçar, biznesmen, thuhet se e mbështeste këtë fasadë duke vepruar si bashkëpunëtor besnik dhe duke konfirmuar historinë e milionerit të vetëkrijuar.

Duke përdorur shifra të falsifikuara xhiroje prej 4.6 milionë frangash zvicerane për një restorant në Dietikon që ende nuk ishte hapur, i dyshuari kryesor thuhet se përfitoi në mënyrë mashtruese rreth 570,000 franga zvicerane kredi shtetërore nga fondet e Covid. Banka UBS kishte nisur të dyshonte, prandaj ai kishte kaluar te një bankë tjetër për shpërndarjen e ndihmës së koronavirusit.

Sipas aktakuzës, kredi të tjera për projekte ndërtimi, që arrinin në miliona franga, u përvetësuan pjesërisht për të financuar stilin luksoz të jetesës së familjes.

Prokurori: Mashtrim dhe pasurim sistematik

Sipas prokurorit, i pandehuri kryesor gënjeu sistematikisht dhe u pasurua në kurriz të taksapaguesve: “Atij nuk i interesojnë rregullat, ai mendon vetëm për veten, pa marrë parasysh pasojat.”

Pavarësisht tetë masave të sekuestrimit të pasurisë që ishin në fuqi, ai shiti një pronë për 785,000 franga zvicerane dhe përvetësoi shuma të mëdha me gjashtë shifra.

“Zyrat e sekuestrimit dhe të përmbarimit dëgjonin gjithmonë se ai nuk kishte asgjë. Ai i zhdukte paratë e gatshme përmes dhuratave dhe huave,” shpjegoi prokurori në gjykatë.

Kur autoritetet dhe bankat kërkonin prova punësimi, biznesmeni thuhet se paraqiste dokumente të falsifikuara.

Ai përdori gjithashtu vërtetime pune pjesërisht të sajuara për të zgjatur lejet e qëndrimit të anëtarëve të familjes.

“Ai paraqitej si plotësisht i respektueshëm; na verboi të gjithëve,” tha i pandehuri tjetër, një kontabilist.

Dikur ata ishin miq. Tani, në gjykatë, të dy burrat fajësojnë njëri-tjetrin.

Vajza: Firmosa gjithçka me besim

Rolet brenda familjes, të cilat prokurori i përshkroi si me “struktura patriarkale”, ishin të përcaktuara qartë: i pandehuri kryesor, babai, i mbante fort frerët, ndërsa zyrtarisht emëronte vajzën e tij, sot 27 vjeçe, djemtë (30, 33 dhe 35 vjeç) dhe bashkëshorten e tij 52-vjeçare (nga e cila tani është i divorcuar) si pronarë, anëtarë bordi ose drejtorë ekzekutivë.

“Isha 19 vjeçe në atë kohë dhe firmosa gjithçka që më paraqiste babai im, me besim të plotë,” tha vajza para gjykatës.

Nëna e saj shpjegoi se ish-bashkëshorti i saj kishte marrë të gjitha vendimet.

“Sekuestrimi i pagës sime është një padrejtësi, sepse nuk është as borxhi im”.

100,000 franga për tri targa

Tri ankande në Zyrën e Qarkullimit Rrugor të Zyrihut janë simbol i stilit të tij ekstravagant të jetesës: ndërsa kreditorët prisnin më kot paratë e tyre, i dyshuari kryesor investoi pothuajse 100,000 franga zvicerane nga fondet e kompanive në tri targa automjetesh me numra të serisë 900.

Flota e automjeteve të familjes duket po aq ekstravagante sa edhe targat e tyre të shtrenjta: gjithsej 120 automjete ishin të regjistruara në emër të familjes. Automjete luksoze për përdorim privat, përfshirë një Porsche Panamera, disa Mercedes dhe një Hummer H2 Luxury, thuhet se janë financuar me mjete të përvetësuara nga kompanitë.

Dëmi i shkaktuar nga mashtrimi, përvetësimi dhe mashtrimi i autoriteteve arrin në rreth 1.5 milionë franga zvicerane.

Shtatë kompani kanë falimentuar, ndërsa pesë të tjera janë shpërbërë tashmë.

Viktimat përfshijnë shumë individë dhe paditës privatë, mes tyre banka, kompani sigurimi dhe institucione shtetërore, si edhe huadhënës privatë, disa prej të cilëve janë nën hetim të veçantë për dyshime për kamatë.

Imami duhet të largohet nga Zvicra

Gjatë shpalljes së vendimit, gjyqtari kryesues shpjegoi se dënimet e shumta të mëparshme, të gjitha gjoba, duket se nuk kishin arritur ta ndalonin të pandehurin kryesor dhe “rritjen e tij të zgjatur të energjisë kriminale”. Gjykata e dënoi 57-vjeçarin në mungesë me 42 muaj burg, të ndjekur nga një urdhër dëbimi trevjeçar.

Disa akuza, përfshirë keqmenaxhimin dhe shkeljet e ligjit për armët, nuk mundën të vërtetoheshin ndaj tij ose kishin parashkruar, shpjegoi gjyqtari, duke arsyetuar kështu uljen e dënimit.

Ai gjithashtu u ndalua të ushtrojë veprimtari biznesi në Zvicër për pesë vjet.

Policia do të bllokojë gjatë natës qarkullimin e automjeteve në aksin Librazhd-Korçë. Shkak janë punimet që do të kryhen në vendin ku të dielën pati një bllokim të rrugës si pasojë e rënies së një masivi shkëmbor.

Aksi do të jetë i pakalueshëm për mjetet, veçanërisht ato të tonazhit të rëndë. Të vetmet mjete që do të lejohen të qarkullojnë janë ambulancat, zjarrfikëset dhe makinat e policisë.

Si alternativë kalimi për mjetet e vogla drejt Tiranës ose anasjelltas do të shërbejë aksi Maliq-Lozha-Moglicë-Gramsh.

NJOFTIMI:

Për shkak të punimeve që do të kryhen në aksin rrugor “Librazhd-Korçë”, në fshatin Dragostunjë, do të ketë bllokim të përkohshëm të qarkullimit të automjeteve në këtë aks rrugor, nga data 03.02.2026 deri më datë 05.02.2026, gjatë intervaleve kohore 22:00 – 05:00.

Gjatë këtyre intervaleve kohore, aksi rrugor do të jetë i pakalueshëm për mjetet, veçanërisht për mjetet e tonazhit të rëndë.

Pikat e kalimit kufitar janë njoftuar për informimin e drejtuesve të këtyre mjeteve, për bllokimin e përkohshëm të qarkullimit.

Gjatë kohës së bllokimit të lëvizjes do të lejohen të qarkullojnë vetëm autoambulancat, mjetet zjarrfikëse dhe ato të Policisë.

Si alternativë kalimi për mjetet e vogla do të shërbejë aksi “Maliq – Lozhan – Moglicë – Gramsh”, në drejtim të Tiranës dhe anasjelltas.

Shërbimet e Policisë do të jenë të pranishme në terren, për menaxhimin e situatës, garantimin e rendit dhe të sigurisë rrugore.

Policia Rrugore e Elbasanit apelon për mirëkuptim nga ana e drejtuesve të mjeteve, respektimin e sinjalistikës dhe të udhëzimeve të shërbimeve të Policisë, si dhe për shmangien e lëvizjeve të panevojshme gjatë intervaleve kohore të bllokimit.

Në rast nevoje apo për të denoncuar shkeljet e rregullave të qarkullimit rrugor që sjellin ngadalësim apo bllokim të lëvizjes, qytetarët mund të telefonojnë në numrin pa pagesë 112 ose të komunikojnë me shërbimet e Policisë në detyrë.

Rey Manaj firmos zyrtarisht kontratën e re me ekipin e Sivasspor.

Sipas një deklarate nga klubi turk, sulmuesi i Kombëtares ka nënshkruar një kontratë 3,5-vjeçare.

Rey Manaj, i datëlindjes 1997, e nisi karrierën e tij si futbollist në akademinë e të rinjve të Interit, një nga klubet më të njohura të Italisë. Gjatë gjithë karrierës së tij, ai ka luajtur për Piacenza, Cremonese, Sampdoria, Inter, Pescara, Pisa, Granada, Albacete, Barcelona B, Barcelona, ​​​​Spezia, Watford, Sivasspor si dhe për Sharjah, një ekip nga Emiratet e Bashkuara Arabe.

Më parë, Rey Manaj ka pasur një performancë të suksesshme me Sivasspor, duke shënuar 34 gola në 63 ndeshje zyrtare për ekipin bardhekuq.

Federata e Futbollit ka vendosur të bëjë dy ndryshime në drejtimin teknik të Kombëtareve të moshave, në funksion të zhvillimit dhe konsolidimit të futbollit të të rinjve.

Departamenti i Komunikimit në FSHF bën me dije se Kombëtarja U-19 për djem do të drejtohet në vazhdimësi nga trajneri Fatjon Tafaj, i cili më herët ka qenë në krye të Kombëtares U-17.

Ndërkohë, drejtimin e Kombëtares U-17 do ta marrë trajneri Armand Dama.

Në muajin mars, Kombëtarja U-19 do të zbresë në fushë për ndeshjet e raundit të parë kualifikues të Kampionatit Europian.

Kuqezinjtë bëjnë pjesë në grupin B4, së bashku me Norvegjinë, Luksemburgun dhe Maltën, dhe do të drejtohen nga trajneri Fatjon Tafaj në këtë fazë të rëndësishme të kompeticionit.

Ndërkohë, prova e parë për trajnerin Armand Dama në krye të Kombëtares U-17 do të jetë në muajin mars, me dy ndeshje miqësore që pritet të zyrtarizohen së shpejti.

Në muajin prill, ai do të drejtojë Kombëtaren në turneun UEFA Development U-16 për djem, i cili do të organizohet nga FSHF në “Shtëpinë e Futbollit”, me pjesëmarrjen e Shqipërisë, Austrisë, Suedisë dhe Japonisë.

Gjithashtu, në muajin qershor, Kombëtarja U-17 për djem do të zhvillojë ndeshjet e raundit të dytë kualifikues, ku Shqipëria do të përballet me Ukrainën dhe Letoninë.

Një sasi e dyshuar lënde narkotike është konstatuar gjatë një kontrolli fizik në Institucionin e Ekzekutimit të Vendimeve Penale (IEVP) Fier.

Sipas njoftimit, gjatë ushtrimit të kontrollit trupor në ambientet e dhomës së kontrollit, shtetasit Sajmir Përpalaj iu gjet një sasi e dyshuar si lëndë narkotike, e fshehur poshtë pjesëve intime.

Nga verifikimet rezultoi se Sajmir Përpalaj ishte paraqitur në institucion për të zhvilluar një takim me të dënuarin Aleksandër Mehmetaj, i cili ndodhet në regjimin e sigurisë së zakonshme dhe është i akomoduar në dhomën nr. 10, sektori 5, godina C.

Ndërkohë, në dhomën nr. 10, sektori 5, godina C, po zhvillohet një kontroll i plotë për sende të ndaluara, në kuadër të masave të sigurisë dhe verifikimeve procedurale.

Në vijim të veprimeve procedurale u hartua dokumentacioni përkatës dhe u njoftua Prokuroria, si dhe Specialisti i SHKBB-së, për kryerjen e veprimeve të mëtejshme ligjore.

Ish-nëndrejtori i Hipotekës, Enis Hoxha është paraqitur ditën e sotme në Prokurorinë e Posaçme Antikorrupsion (SPAK).

Ndërkohë mësohet se Hoxha ka lidhje familjare me Arben Ahmetajn, konkretisht është kunati i ish-zëvendëskryeministrit.

Nuk dihen arsyet e paraqitjes së tij në Prokurorinë e Posaçme.

Ndërkohë Arben Ahmetaj, ndodhet në arrati, ndërkohë që SPAK kërkon arrestimin e tij. Ndaj Ahmetajt ka disa çështje të hapura, si për inceneratorët, por dhe për çështjen e privatizimit të fabrikës së miellit.

SPAK e ka marrë të pandehur ish-numrin dy të qeverisë për veprën penale “Shpërdorim detyre”.

I dërguari amerikan Steve Witkoff mbërriti në Izrael të martën për të zhvilluar bisedime me kryeministrin izraelit, Benjamin Netanyahu dhe zyrtarë të tjerë.

Televizioni izraelit Channel 12 raportoi se zyra e Netanyahut ka theksuar për portalin e lajmeve The Times of Israel se kryeministri izraelit do të takohet me Witkoff në orën 16:30 sipas orës lokale.

Bisedimet e të dërguarit amerikan në Izrael pritet të përqendrohen mbi Iranin dhe zbatimin e fazës së dytë të planit të armëpushimit në Gaza. Irani dhe SHBA-ja do të rifillojnë bisedimet mbi programin bërthamor të Teheranit në Stamboll të premten.

Kryetari i Partisë Demokratike, Sali Berisha deklaroi sot gjatë një prononcimi jashtë Kuvendit se parlamenti është shndërruar në mburojë të vjedhjeve dhe krimit, ndërsa shtoi se qeveria po bën “grusht shteti ndaj drejtësisë”, me rastin e imunitetit të deputetes Belinda Balluku.

Berisha theksoi se në datën 10 shkurt, Rama do të marrë përgjigjen e merituar nga qytetarët.

“Është sot koha më shumë se kurrë. 10 shkurti të shndërrohet në ditën e viganit, në ditën e uraganit të fuqishëm të lirisë, të shqiptarëve dhe të përmbysjes së këtij regjimi të urryer që nuk ndjek asnjë ligj, parim dhe as Kushtetutë”, tha Berisha.

I pyetur për pjesëmarrjen e PD në komisionin e posaçëm të Reformës Territoriale, Berisha tha se opozita është dhe do të mbetet pjesë e komisionit, duke mohuar bojkotin dhe duke i cilësuar pretendimet e mazhorancës si manipulime.

“Ne jemi në komision. Duan të na përjashtojnë fare? Le ta bëjnë. Në asnjë mbledhje nuk janë njoftuar anëtarët e opozitës. Janë që të gjitha manipulime të Edi Ramës, sepse do t’na spostojë. Ne kemi qenë dhe jemi në komisione. Nuk ka asnjë diskutim.”

Ministri i Turizmit, Kulturës dhe Sportit, Blendi Gonxhja, në një konferencë me gazetarët sot, tha se sfidat e vitit që sapo ka nisur janë të jashtëzakonshme sepse të tilla janë pritshmëritë e qytetarëve dhe ambiciet e Qeverisë.

Gonxhja nënvizoi se në zbatim të programit të qeverisjes Shqipëria 2030 për rritjen e ekosistemit të mikpritjes, së promovimit të vendit dhe identitetit tonë, të mirëmenaxhimit të pasurive publike, si bregu ujor, plazhet dhe destinacinet turistike, mbrotjes së trashëgimisë kulturore, mbështetja e një kalendari spektakolar aktivitetesh mes traditës dhe modernes, dhe natyrës e itinerarit.

“Rritja e imazhit të Shqipërisë ndërkombëtarisht, e vizitueshme 365 ditë të vitit, është themeli i punës dhe përpjekjeve tona. Bashkimi i kulturës, rinisë dhe sportit flet qartë për sinergjinë organike dhe natyrshmërinë e sektorëve në organika dhe mision”, tha Gonxhja.

Ministri Gonxhja tha se “për vitin 2025, Shqipëria priti 12,47 milionë vizitorë, ose një rritje prej 6,6% krahasuar me vitin e mëparshëm dhe kemi nisur punën për digjitalizimin e shërbimeve administrative. Po punojmë për plazhet publike dhe mirëmbajtjen e stacioneve të plazhit”.

Ministri njoftoi gjithashtu nisjen e punës për digjitalizimin e shërbimeve administrative, si dhe përmirësimin e kushteve për plazhet publike dhe mirëmbajtjen e stacioneve të plazhit.

Gonxhja theksoi se për të rritur cilësinë e sektorit të turizmit, në fokus do të jetë edhe licensimi i strukturave duke eliminuar evazionin dhe duke monitoruar flukset e turistëve që vizitojnë vendin.

“Do sjellim risinë e menaxhimit publik nga njësitë e vetëqeverisjes vendore, që është një kategori e re plazheve të menaxhuara, krahas atyre private. Reduktimi i beach bar-eve, ulja e ndotjes akustike dhe rritja e sporteve dhe lojërave që lidhen me plazhin dhe sezonin e verës janë gjithashtu përparësi. Strukturat akomoduese duhet të licensohen, të rrisim standardet, certifikimin dhe transparencën në sektor, duke eliminuar evazionin dhe duke parë qartë flukset e turistëve në vendin tonë”, tha ai.

“Hartimi dhe përditësimi i strategjive sektoriale në koordinim mes tyre janë garancia e një akritekture të qëndrueshme dhe afatgjatë. Lufta jonë parësore është që të kërkojmë përtej tavaneve buxhetore, jo vetëm sepse edhe në kohët e mira ato nuk mjaftojnë, por sepse Shqipëria duhet të shpikë shumëfish fonde nëse duam të kapim kohën e humbur, të shpëtojmë thesaret tona të rrezikuara, të maksimizojmë vlerën e aseteve tona historike në funksion të zhvillimit të komuniteteve, të turizmit dhe ekonomisë”, vijoi Gonxhja.

Ministri i Turizmit, Kulturës dhe Sportit u shpreh se synohet “shumëfishimi i mbështetjes për institucionet dhe skenën e pavarur artistike, mirëmbajtje e projekte, investime në infrastruktura dhe përmirësim eksperience vizitorësh, restaurime zonash e objektesh historike, promovim sitesh e parqesh arkeologjike, itinerare e muzeume, mbrojtja e trashëgimisë kulturore jomateriale dhe e dijebërjes kanë marrë jetë”, tha ai.

Gonxhja u ndal edhe në disa pika të tjera si digjitalizimi i shërbimeve administrative, përmes lëshimit online të licensave/certifikatave/lejeve nga institucioni, të nënshkruara dhe të vulosura me firmë dhe vulë elektronike, rritja e hapësirës së plazhit publik, mirëmenaxhimi i stacioneve të plazhit dhe garantimi i aksesit të përballueshëm nga qytetarët, duke sjellë risinë e menaxhimit publik nga njësitë e vetëqeverisjes vendore (NJVV) krahas atij privat.

Ministrja Gonxhja u fokusua edhe te ndërkombëtarizimi dhe promovimi i ofertës dhe potencialit turistik të Shqipërisë, duke u ndalur te rritja e pranisë dhe e ndikimit në tregjet ndërkombëtare, përmes pjesëmarrjes së synuar në panaire kryesore të turizmit për promovim të destinacionit dhe rrjetëzimin.

“Pozicionimi global i Shqipërisë dhe zgjerimi i tregjeve turistike, përmes lobimit për lidhje udhëtarësh dhe promovimit të ofertës në tregje të largëta me potencial të lartë shpenzimi dhe qëndrimi (ShBA/Kanada, Azi/Japoni/Indi, Australi, Lindja e Mesme/Izrael, EBA, Katar dhe Arabi Saudite), duke theksuar kulturën, natyrën dhe eksperiencat autentike”, tha ai.

“Rritja e cilësisë së shërbimit turistik përmes zhvillimit të kapaciteteve njerëzore, duke ngritur Akademinë Ndërkombëtare të Turizmit dhe Mikpritjes në bashkëpunim me UN Tourism, e cila do të ofrojë trajnime të vazhdueshme për stafet dhe aktorët e sektorit, certifikime sipas standardeve ndërkombëtare dhe përshtatje të kurrikulave universitare/profesionale me nevojat e tregut turistik”, vijoi Gonxhja, si edhe turizmi gjithëvjetor përmes turizmit të konferencave e eventeve, turizmit sportiv e shëndetësor, turizmit malor e ekoturizmit, turizmit gastronomik, kulturor e të aventurës.

Ministri Gonxhja tha se do të ketë riorganizim të Agjencisë Kombëtare të Turizmit dhe Agjencisë Kombëtare të Bregdetit ku synohet tarifimi i shërbimeve, operimi me vetëfinancim, angazhim në evente e forcim masash administrative e tarifa të reja të personalizuara, platforma digjitale e modernizim, aplikacione (TEA 4.0) me abonim e anëtarësim, rrjete ekskluzive promovuese, reklama, inovacion.

Një shtetas 42-vjeçar është arrestuar në Pikën e Kalimit Kufitar Bllatë, pasi nuk iu bind urdhrit të policisë për kontroll të imtësishëm dhe tentoi të largohej me automjet, duke rrezikuar jetën e punonjësve të Policisë.

Sipas njoftimit zyrtar, ngjarja ka ndodhur më 2 shkurt 2026, rreth orës 17:20, në dalje të Republikës së Shqipërisë. Shtetasi G. K., banues në Republikën e Maqedonisë së Veriut, u paraqit me automjetin e tij për të dalë nga vendi, ndërsa gjatë procesit të regjistrimit iu kërkua të kalonte, së bashku me mjetin, në vijën e dytë për kontroll të detajuar.

42-vjeçari ka kundërshtuar urdhrin e punonjësve të Policisë dhe ka tentuar të largohej me shpejtësi, duke vënë në rrezik jetën e tyre. Pas ndërhyrjes së shërbimeve policore, ai u ndalua dhe u arrestua në flagrante.

Ndaj tij rëndojnë akuzat për veprat penale “Kundërshtimi i punonjësit të rendit publik” dhe “Kalimi i paligjshëm i kufirit”. Gjithashtu, u sekuestrua automjeti me të cilin lëvizte.Ll

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

Sipas raportit vjetor 2025 të AMF, për periudhën janar–dhjetor 2025, i publikuar sot, SIGAL IG në tregjet jetë dhe jojetë të marra së bashku paguan 26.02% të dëmeve, me 20,444 përfitues konkretë përgjatë vitit.

Në sigurimet e jetës, kompania paguan 41.84% të dëmeve, ose 133,915,000 Lekë (afërsisht 1.39 milionë euro) nga 320,070,000 Lekë (afërsisht 3.31 milionë euro) të totalit të tregut.

Në sigurimet jojetës, SIGAL IG paguan 25.38% të dëmeve, ose 2,001,800,000 Lekë (afërsisht 20.7 milionë euro) nga 7,887,627,000 Lekë (afërsisht 81.6 milionë euro) të totalit të tregut me 8 operatorë.

Mbi 22.09 milionë euro dëme, ose përkatësisht 2,135,715,000 Lekë u paguan nga SIGAL IG përgjatë vitit 2025.

Në siguracionet e tjera:

SIGAL IG paguan 1,390,355,000 Lekë (afërsisht 14.38 milionë euro) dëme në sigurimet motorike, nga të cilat:

• 504,617,000 Lekë (afërsisht 5.22 milionë euro) në sigurimet e Kartonit Jeshil,
• 95,704,000 Lekë (afërsisht 0.99 milionë euro) në sigurimet kufitare,
• 388,169,000 Lekë (afërsisht 4.01 milionë euro) në sigurimet KASKO.

Kompania pagoi 41.98% të dëmeve totale të tregut në siguracionet e pronës nga fatkeqësitë natyrore, përkatësisht SIGAL IG pagoi 241,936,000 Lekë (afërsisht 2.50 milionë euro) për dëmet në pronë.

• SIGAL IG pagoi 354,864,000 Lekë, 47.87% të totalit të tregut, për aksidente dhe shëndet.
• SIGAL IG pagoi 70.9% të totalit të tregut, përkatësisht 215,150,000 Lekë për shëndetin në udhëtim.
• SIGAL IG pagoi 306,959,000 Lekë, 46.52% dëme të tregut të paguara në sigurimin e sëmundjeve

Pagesa e shpejtë e dëmeve, brenda 14 ditëve pune nga dorëzimi i dokumentacionit, me korrektesë dhe përpikëri, sipas kontratave në fuqi dhe legjislacionit, mbetet filozofi e punës së kompanisë.

Përllogaritja e dëmeve bëhet sipas legjislacioni dhe një rregulloreje të qartë dhe kompania nuk ka deri më tani asnjë ankesë zyrtare, as në zyrat e kompanisë dhe as në Byronë e Ankesave pranë AMF, për mënyrën e trajtimit apo përllogaritjes së dëmit, ca më pak për refuzim pagesash të tyre.

Sipas raportit vjetor 2025 të AMF, për periudhën janar–dhjetor 2025, i publikuar sot, SIGAL IG në tregjet jetë dhe jojetë të marra së bashku paguan 26.02% të dëmeve, me 20,444 përfitues konkretë përgjatë vitit.

Në sigurimet e jetës, kompania paguan 41.84% të dëmeve, ose 133,915,000 Lekë (afërsisht 1.39 milionë euro) nga 320,070,000 Lekë (afërsisht 3.31 milionë euro) të totalit të tregut.

Në sigurimet jojetës, SIGAL IG paguan 25.38% të dëmeve, ose 2,001,800,000 Lekë (afërsisht 20.7 milionë euro) nga 7,887,627,000 Lekë (afërsisht 81.6 milionë euro) të totalit të tregut me 8 operatorë.

Mbi 22.09 milionë euro dëme, ose përkatësisht 2,135,715,000 Lekë u paguan nga SIGAL IG përgjatë vitit 2025.

Në siguracionet e tjera:

SIGAL IG paguan 1,390,355,000 Lekë (afërsisht 14.38 milionë euro) dëme në sigurimet motorike, nga të cilat:

• 504,617,000 Lekë (afërsisht 5.22 milionë euro) në sigurimet e Kartonit Jeshil,
• 95,704,000 Lekë (afërsisht 0.99 milionë euro) në sigurimet kufitare,
• 388,169,000 Lekë (afërsisht 4.01 milionë euro) në sigurimet KASKO.

Kompania pagoi 41.98% të dëmeve totale të tregut në siguracionet e pronës nga fatkeqësitë natyrore, përkatësisht SIGAL IG pagoi 241,936,000 Lekë (afërsisht 2.50 milionë euro) për dëmet në pronë.

• SIGAL IG pagoi 354,864,000 Lekë, 47.87% të totalit të tregut, për aksidente dhe shëndet.
• SIGAL IG pagoi 70.9% të totalit të tregut, përkatësisht 215,150,000 Lekë për shëndetin në udhëtim.
• SIGAL IG pagoi 306,959,000 Lekë, 46.52% dëme të tregut të paguara në sigurimin e sëmundjeve

Gjatë seancës së sotme në Kuvend, kryetari i Grupit Parlamentar të Partisë Socialiste, Taulant Balla, iu drejtua ish-kryeministrit Sali Berisha, duke ngritur çështjet e korrupsionit dhe vendimin e Shteteve të Bashkuara të Amerikës për shpalljen e tij non grata.

Balla theksoi se drejtësia në Shqipëri ka marrë të pandehur për korrupsion dhe se Berisha ka qenë subjekt i disa procedimeve ligjore, duke kërkuar transparencë dhe llogaridhënie nga figurat publike.

“Është e rëndësishme që të gjithë ata që janë akuzuar të përballen me drejtësinë”, tha Balla, duke iu referuar edhe procedimeve ku ai vetë ka marrë pjesë si kallëzues.

“Ej Sali, o Sali, ngrije kokën, ej ngrije kokën, Sali, hej, 100 herë të kthehen mbrapa, të njëjtën gjë.

Shtetet e Bashkuara të Amerikës të kanë shpallur non grata për korrupsion thuaj po apo jo?
Drejtësia në Shqipëri ka marrë të pandehur për korrupsion. Zotrote je i akuzuar për korrupsion dhe tani të vish këtu dhe të bësh të ndershmin, të flasësh në emër të drejtësisë dhe madje të bëhesh ti emisar për të sjellë habere dhe drejtësisë, ti që 1-2 herë në muaj shkon para drejtësisë dhe i merr me libër shtëpie të gjithë ata që të kanë ngritur ty akuza.
Merr prokurorin merr gjyqtaren, do vish këtu, do vish, këtu do vish, këtu do merresh edhe me mua që kam nderin e madh të jetës sime të jem kallëzuesi, njeriu që kam kallëzuar ty.

Kryetari i Grupit Parlamentar të PS, Taulant Balla ka bërë një replike me ish kryetaren e Kuvendit, Jozefina Topalli.

Tëksa deputetja e PD po fliste nga vendi, Balla iu drejtua duke i thënë që të mos bëjë “sikur i dhemb shpirti për Saliun”, ndërsa i rikujtoi se në vitin 2021 kanë bashkëpunuar kundër Berishës. Në atë kohë Topalli krijoi një lëvizje me emrin “Lëvizja për Ndryshim”.

Balla tha se “në Shkodër menduam se do merrje vota, por dole si me Diasporën”, duke i kujtuar zgjedhjet e fundit të 11 majit, ku Jozefina Topalli ishte e deleguara e PD.

“Ti Jozefina, mos u bëj sikur të dhemb shpirti për Saliun, sepse në 2021 kemi bashkëpunuar bashkë kundër Saliut, sa për korrektesë. Të lutëm, këtë pjesë ma kurse pak se unë për fat të keq di shumë gjera, si i ndanim këto llogaritë. Vetëm se ti na dole huq fare, menduam se do merrje ndonjë votë në Shkodër, por e di si dole, ashtu sic dole në Diasporë. Këto rikthimet si puna jote, ka një shprehje të bukur Ulsiu, “janë si ajo pas asaj”, iu drejtua Balla.