Spiropali: Kam ndjekur me vëmendje gjatë gjithë mbrëmjes së djeshme rrebeshin e spekulimeve politike mbi çështjen e vizave drejt SHBA.
Ndërkohë që Shqipëria sot respektohet e çmohet kudo dhe është më aktive se kurrë, disa të udhëhumbur në Tiranë kanë vënë kujën se SHBA-të, sipas tyre, kanë ngrirë dhe bllokuar vizat për shqiptarët.

Fabula e tyre e çartur shkon aq larg, sa deklarojnë se partnerët tanë historikë dhe strategjikë, e kanë futur Shqipërinë në listën e zezë. E paimagjinueshme!

Në fakt, të dyja këto, janë fund e krye trillime politike. E vërteta është se vendimi i fundit i SHBA-ve nuk ka bllokuar lëvizjen dhe udhëtimin e qytetarëve shqiptarë drejt SHBA-ve. Kurrsesi! Nuk janë bllokuar as vizat për qëllime turistike, studentët, biznesi, vizita te familjarët apo evente të lidhura me punën.

Askush nuk ndalohet të udhëtojë dhe të vizitojë si turist, student, qytetar apo edhe zyrtar, por rregullat e Qëndrimit në SHBA do të ndryshojnë në linjë me politikën e tyre të imigracionit.
Pra nuk bëhet fjalë për një vendim që targeton Shqipërinë, por për një rishqyrtim lidhur me procesimin e vizave për qëllime imigrimi në SHBA për 75 vende, përfshirë 5 vende të Ballkanit Perëndimor.

Departamenti Amerikan i Shtetit njoftoi se do të pezullohet përpunimi i vizave të imigracionit deri në rishikim zyrtar, dhe ky vendim vjen si pjesë e masave të administratës amerikane për të kufizuar abuzimet me avantazhet që ofron sistemi amerikan i migracionit.
Pra shkurt dhe thjesht, vendimi nuk ka të bëjë asgjëkundi me fabrikime nga më të çuditshmet për nongrata imagjinare mbi Shqipërinë dhe shqiptarët.

Përtej gjithë kësaj tymnaje, një e vërtetë e madhe është e qartë si drita e diellit: Shqipëria ka qenë dhe mbetet aleati dhe partneri strategjik i Shteteve të Bashkuara të Amerikës, vend mik me të cilin na bashkon një rrugë e gjatë dhe e pandashme vlerash dhe qëllimesh.

Ju përshëndes dhe ditë sa më të mbarë.

Read More...

Presidenti i SHBA-së, Donald Trump i tha Reuters se Ukraina – jo Rusia – po pengon një marrëveshje të mundshme paqeje, një retorikë që bie ndesh me atë të aleatëve evropianë, të cilët vazhdimisht kanë argumentuar se Moska ka pak interes për t’i dhënë fund luftës së saj në Ukrainë.

Në një intervistë ekskluzive në Zyrën Ovale të mërkurën, Trump tha se presidenti rus Vladimir Putin është gati të përfundojë pushtimin e tij gati katërvjeçar të Ukrainës. Zelensky, tha presidenti i SHBA-së, ishte më i rezervuar.

“Mendoj se ai është gati të bëjë një marrëveshje. Mendoj se Ukraina është më pak e gatshme të bëjë një marrëveshje”, tha Trump për presidentin rus.

I pyetur pse negociatat e udhëhequra nga SHBA-ja nuk e kishin zgjidhur ende konfliktin më të madh tokësor të Evropës që nga Lufta e Dytë Botërore, Trump u përgjigj: “Zelensky”.

Komentet e Trump sugjeruan një zhgënjim të ri me udhëheqësin ukrainas, transmeton Telegrafi.

Të dy presidentët kanë pasur prej kohësh një marrëdhënie të paqëndrueshme, megjithëse ndërveprimet e tyre duket se janë përmirësuar gjatë vitit të parë të rikthimit të Trump në detyrë.

Ndonjëherë, Trump ka qenë më i gatshëm të pranojë garancitë e Putinit në kuptimin e mirëfilltë sesa udhëheqësit e disa aleatëve të SHBA-së, duke frustruar Kievin, kryeqytetet evropiane dhe ligjvënësit amerikanë, përfshirë disa republikanë.

Në dhjetor, Reuters raportoi se raportet e inteligjencës amerikane vazhdonin të paralajmëronin se Putin nuk i kishte braktisur qëllimet e tij për të kapur të gjithë Ukrainën dhe për të rimarrë pjesë të Evropës që i përkisnin ish-perandorisë sovjetike.

Drejtoresha e Inteligjencës Kombëtare, Tulsi Gabbard, e kundërshtoi atë raport në atë kohë.

Pas disa ndërprerjeve, negociatat e udhëhequra nga SHBA-ja janë përqendruar në javët e fundit në garancitë e sigurisë për një Ukrainë të pasluftës, për të siguruar që Rusia të mos e pushtojë atë përsëri pas një marrëveshjeje të mundshme paqeje.

Në terma të përgjithshëm, negociatorët amerikanë e kanë shtyrë Ukrainën të braktisë rajonin e saj lindor të Donbasit, si pjesë të çdo marrëveshjeje me Rusinë.

Zyrtarët ukrainas kanë qenë thellësisht të përfshirë në bisedimet e fundit, të cilat janë udhëhequr nga ana e SHBA-së nga i dërguari special Steve Witkoff dhe Jared Kushner, dhëndri i Trump.Disa zyrtarë evropianë kanë hedhur dyshime mbi gjasat që Putini të bjerë dakord me disa kushte të dakordësuara së fundmi nga Kievi, Uashingtoni dhe udhëheqësit evropianë.

Policia e Shtetit ka finalizuar me sukses operacionin policor të koduar “Cargo”, duke goditur një tjetër rast të trafikimit dhe shpërndarjes së lëndëve narkotike.

U arrestua në flagrancë shtetasi 52-vjeçari A. M., banues në Krujë.

Gjatë kontrollit të ushtruar në fshatin Luz, Fushë-Krujë, shërbimet e Policisë ndaluan automjetin që drejtohej nga 52-vjeçari, ku u gjetën 6 thasë me lëndë të dyshuar narkotike cannabis sativa, me peshë totale 60 kilogramë.

Sipas hetimeve paraprake, droga, me një vlerë të përafërt rreth 60 mijë euro, dyshohet se do të shpërndahej në doza të vogla në qytetin e Krujës dhe në Tiranë.

Lënda narkotike u sekuestrua në cilësinë e provës materiale, së bashku me automjetin dhe 1 telefon celular. Ndërkohë, policia vijon hetimet për dokumentimin e plotë të aktivitetit kriminal dhe për identifikimin e personave të tjerë të përfshirë në këtë veprimtari.

Materialet procedurale i janë referuar Prokurorisë, për veprime të mëtejshme ligjore, për veprën penale “Prodhimi dhe shitja e narkotikëve”.

Një oficer i Shërbimit Amerikan të Imigracionit dhe Doganave (ICE) ka plagosur një burrë në këmbë në qytetin e Minneapolisit, vetëm një javë pas vrasjes së një gruaje nga një agjent i së njëjtës agjenci, ngjarje që ka shkaktuar protesta dhe tensione të forta në disa qytete amerikane.

Sipas Departamentit të Sigurisë Kombëtare (DHS), oficerët federalë kishin ndjekur fillimisht burrin me makinë, pasi ai dyshohej se ndodhej ilegalisht në Shtetet e Bashkuara dhe ishte shtetas i Venezuelës.

Autoritetet e qytetit konfirmuan se i plagosuri është dërguar në spital dhe ndodhet jashtë rrezikut për jetën. DHS bëri të ditur se edhe një oficer i ICE ka marrë trajtim mjekësor pas incidentit.

Tensionet për zbatimin e ligjeve të emigracionit janë rritur ndjeshëm pas vrasjes së 37-vjeçares Renee Nicole Good më 7 janar, e cila u qëllua për vdekje nga një agjent i ICE gjatë një operacioni në Minneapolis. Vdekja e saj ka nxitur protesta në qytet dhe në disa shtete të tjera.

Shefi i Policisë së Minneapolisit, Brian O’Hara, deklaroi se incidenti i fundit ka sjellë përplasje të reja mes protestuesve dhe forcave të rendit, duke shtuar se policët janë goditur me fishekzjarre, akull dhe topa bore.

Në një reagim në rrjetin X, zyrtarë të qytetit thanë se “e kuptojnë zemërimin e qytetarëve”, por u bënë thirrje për qetësi. Ata përsëritën gjithashtu kërkesën që ICE të largohet nga qyteti dhe nga shteti i Minesotës.

Sipas DHS, gjatë incidentit të së mërkurës, burri doli nga automjeti dhe pati një përplasje fizike me një oficer të ICE. Dy persona të tjerë dyshohet se iu bashkuan konfliktit, çka çoi në përdorimin e armës nga oficeri, i cili, sipas DHS, veproi në vetëmbrojtje. Dy persona janë arrestuar.

BBC raporton se nuk ka mundur të verifikojë në mënyrë të pavarur versionet zyrtare të ngjarjes. Ndërkohë, Byroja Federale e Hetimit (FBI) ka nisur hetimet.

Kryetari i bashkisë së Minneapolisit, Jacob Frey, akuzoi autoritetet federale për “krijimin e kaosit” në shtet, ndërsa guvernatori i Minesotës, Tim Walz, i bëri thirrje presidentit Donald Trump t’i japë fund asaj që e quajti “okupim” nga oficerët e ICE.

Sipas të dhënave zyrtare, rreth 3.000 oficerë të ICE janë dislokuar në Minesotë gjatë javëve të fundit.

Vrasja e Renee Nicole Good mbetet në qendër të debatit politik dhe publik. Administrata Trump ka deklaruar se agjenti i ICE veproi në vetëmbrojtje, ndërsa autoritetet lokale dhe familjarët e viktimës mohojnë se ajo përbënte rrezik. Një fond për familjen e saj ka mbledhur mbi 1.4 milionë dollarë.

Sot shënohen 27 vjet nga Masakra e Reçakut, një nga krimet më të rënda të kryera gjatë luftës në Kosovë, që mbetet plagë e hapur në kujtesën kolektive të vendit.

Më 15 janar 1999, forcat policore serbe, njësitë ushtarake dhe formacionet paramilitare serbe hynë në fshatin Reçak të komunës së Shtimes, ku vranë mizorisht 45 civilë shqiptarë.

Viktimat, u ekzekutuan në rrethana që tronditën opinionin vendor dhe ndërkombëtar.

Masakra u bë e njohur për botën pas reagimit të menjëhershëm të atëhershëm të shefit të Misionit Verifikues të OSBE-së në Kosovë, William Walker, i cili, pasi pa nga afër trupat e pajetë të civilëve, ngriti alarmin për krime të rënda kundër njerëzimit që po kryheshin ndaj shqiptarëve në Kosovë.

Reçaku u shndërrua në simbol të vuajtjes dhe sakrificës së popullit të Kosovës, por edhe në një moment kyç që ndikoi në ndërgjegjësimin ndërkombëtar për realitetin e luftës, duke hapur rrugën për zhvillime vendimtare në fundin e saj

Ndryshe, sot në kuadër të kësaj masakre, homazhe do të bëjnë krerët e shtetit si presidentja Vjosa Osmani, kryetari i Kuvendit, Dimal Basha dhe kryeministri në detyrë, Albin Kurti.

Pos tyre, homazhe do të bëjë edhe kreu i AAK-së, Ramush Haradinaj.

Ministri i Jashtëm i Danimarkës, Lars Løkke Rasmussen, ka deklaruar se ekziston një “mosmarrëveshje thelbësore” me Shtetet e Bashkuara lidhur me Groenlandën, pas bisedimeve të zhvilluara në Shtëpinë e Bardhë.

Rasmussen tha se takimi me zv/presidentin amerikan JD Vance dhe Sekretarin e Shtetit Marco Rubio ishte “i hapur, por konstruktiv”, por theksoi se presidenti Donald Trump po këmbëngul për “pushtimin” e Groenlandës, një ide që Danimarka e konsideron “krejtësisht të papranueshme”.

“E bëmë shumë të qartë se kjo nuk është në interes të Danimarkës”, deklaroi Rasmussen.

Pas takimit, Trump përsëriti interesin e tij për marrjen e ishullit të pasur me burime natyrore, një qëndrim që ka tronditur aleatët europianë dhe ka shtuar tensionet me NATO-n.

Takimi njëorësh mes SHBA-së, Danimarkës dhe Groenlandës nuk solli një marrëveshje konkrete, por palët ranë dakord të krijojnë një grup pune të nivelit të lartë për të diskutuar të ardhmen e territorit autonom danez. Rasmussen tha se ekzistojnë “vija të kuqe” që SHBA nuk mund t’i kalojë, por shtoi se Danimarka dhe Groenlanda janë të hapura për zgjerimin e pranisë ushtarake amerikane në ishull.

Groenlanda, edhe pse territor me popullsi të vogël, ka rëndësi strategjike për shkak të pozicionit mes Amerikës së Veriut dhe Arktikut, duke shërbyer si pikë kyçe për sistemet e paralajmërimit ndaj sulmeve raketore dhe monitorimin e anijeve në rajon.

Trump ka deklaruar vazhdimisht se marrja e Groenlandës është jetike për sigurinë kombëtare amerikane. SHBA ka aktualisht mbi 100 ushtarë të vendosur në bazën Pituffik në veriperëndim të ishullit.

Ministrja e Jashtme e Groenlandës, Vivian Motzfeldt, tha se territori është i hapur për bashkëpunim më të ngushtë me SHBA-në, por kundërshton çdo ide për marrje nën kontroll.

“Ne kemi treguar qartë se cilat janë kufijtë tanë”, u shpreh ajo.

Ndërkohë, disa vende europiane kanë shprehur mbështetje për Groenlandën. Suedia ka njoftuar se do të dërgojë forca të armatosura në territor me kërkesë të Danimarkës, ndërsa Gjermania dhe Franca kanë paralajmëruar dërgimin e ekipeve ushtarake vëzhguese.

Sondazhet tregojnë se shumica e banorëve të Groenlandës janë kundër kalimit nën kontrollin amerikan, ndërsa edhe shumica e amerikanëve e kundërshtojnë këtë ide.

Donald Trump duket se e ka zbutur retorikën e tij në lidhje me veprimet e mundshme ushtarake të SHBA-së në Iran, pasi tha se i është thënë se “vrasjet në Iran po ndalen”.

Por përgatitjet për një ndërhyrje të mundshme kanë filluar këtë javë, raportoi NBC News, shkruan Sky News.

Sipas mediumit në fjalë, Trump të martën i ka përshkruar ekipit të tij të sigurisë kombëtare se çfarë donte të arrinte çdo veprim ushtarak i SHBA-së në Iran.

Departamenti i Shtetit tha të mërkurën se do të pezullojë përpunimin e vizave të imigrantëve për qytetarët e 75 vendeve.

Dhe sipas mediave të huaja, bëhet fjalë për shtetasit e të cilëve administrata e Donald Trump i ka konsideruar të prirur të kenë nevojë për ndihmë publike ndërsa jetojnë në Shtetet e Bashkuara.

Departamenti i Shtetit, i udhëhequr nga Sekretari i Shtetit, Marco Rubio, tha se kishte udhëzuar zyrtarët konsullorë të ndalonin aplikimet për viza imigrantësh nga vendet e prekura në përputhje me një urdhër më të gjerë të lëshuar në nëntor që shtrëngoi rregullat rreth imigrantëve potencialë që mund të bëhen “barrë publike” në SHBA.

Pezullimi, i cili do të fillojë më 21 janar, nuk do të zbatohet për aplikantët që kërkojnë viza jo-emigruese, ose viza të përkohshme turistike ose biznesi, të cilët përbëjnë shumicën dërrmuese të kërkuesve të vizave.

Kështu, siç parashikojnë mediat, kërkesa për viza jo-emigruese pritet të rritet ndjeshëm në muajt dhe vitet e ardhshme për shkak të Kupës së Botës 2026 dhe Lojërave Olimpike 2028, të cilat të dyja do të jenë pritëse ose bashkë-pritëse në SHBA.

“Administrata Trump po i jep fund abuzimit të sistemit të imigracionit të Amerikës nga ata që do të përfitonin nga populli amerikan”, ka thënë departamenti në një deklaratë.

“Përpunimi i vizave imigruese nga këto 75 vende do të ndalet ndërsa Departamenti i Shtetit rivlerëson procedurat e përpunimit të imigracionit për të parandaluar hyrjen e shtetasve të huaj që do të merrnin ndihmë sociale dhe përfitime publike”.

Kujtojmë se administrata e Presidentit Donald Trump ka kufizuar tashmë rëndë përpunimin e vizave imigruese dhe jo-imigruese për qytetarët e dhjetëra vendeve, shumë prej tyre në Afrikë, Azi dhe Amerikën Latine.

E udhëzimet e nëntorit mbi të cilat bazohet vendimi i së mërkurës u drejtuan zyrtarëve të Ambasadës dhe konsullatave të SHBA-së që të verifikojnë në mënyrë gjithëpërfshirëse dhe të plotë aplikantët për vizë për të demonstruar se ata nuk do të kenë nevojë të mbështeten në përfitimet publike nga qeveria në asnjë kohë pas pranimit të tyre në SHBA.

Ditën e enjte vendi ynë do të ndikohet nga kushte atmosferike të qëndrueshme. Moti parashikohet alternime kthjellimesh e vranësirash kalimatre.

Mjegull /mjegullinë përgjatë zonave luginore në orët e mëngjesit e të mbrëmjes. Era do të fryjë me drejtim verilindje– juglindje, me shpejtësi mesatare 8 m/s.

Deti – Valëzimi forcës 1-2 ballë.

Dashi- Konflikte të njëpasnjëshme sot ndërsa shfaqni dëshirë të madhe për të kundërshtuar. Ndaj duhet të bëni kujdes për të kaluar çdo pengesë apo keqkuptim. Ata që janë vetëm duhet të bëjnë kujdes dhe të mos angazhohen në histori që nuk i bindin. Më mirë vetëm. Në punë, parashikohen objektiva të reja.

Demi- Ditë mjaft e mbushur me angazhime. Hëna do të ndikojë në ndjenjat tuaja dhe në raportin në çift. Ata që janë vetëm mund të ndryshojnë mendim në momentin e fundit, lidhur me një person. Në punë, do të ndiqni rrugën e duhur drejt suksesit.

Binjakët- Urani do ta bëjë jetën tuaj të paqëndrueshme sot. Nuk do të jepni maksimumin, ndonëse nuk do të mungojë ndonjë lajm i këndshëm. Situata sentimentale parashikohet të jetë me emocione. Sa i takon punës, dita do t’ju gjejë shumë të vlerësuar.

Gaforrja- Nuk do të kënaqeni lehtësisht sot dhe herë pas here mund të mbylleni në vetvete. Venusi do t’ju bëjë më të fortë dhe kurajoz dhe gati për t’u përballur me gjithçka. Ata që janë vetëm të shtyrë nga pasioni, do të përfshihen në aventura të reja. Në punë, po jetoni një lloj qetësie, ndaj është momenti për ta shijuar.

Luani- Shfrytëzoni çdo çast të ditës sot. Ndikimi i Hënës do të jetë i pranishëm kudo në punë por edhe në çështjet e ndjenjave. Disa miqësi të mira mund të shkojnë më tej. Sot do të jeni të përhumbur totalisht në punë, por kënaqësia personale do të sigurohet në sajë të rritjes profesionale.

Virgjëresha- Sot doni të bëni gjëra ndryshe nga rutina. Në fushën e ndjenjave parashikohen të reja të rëndësishme. Edhe ata që janë vetëm mund të përfshihen në emocione dhe dashuri të papritura. Në punë, parashikohen investime të rëndësishme dhe financa në rritje.

Peshorja- Shfrytëzojeni çdo moment në maksimum sepse jo gjithmonë ka për të qenë kështu. Ekzistojnë të gjitha mundësitë që të jetoni një dashuri solide. Kujtimet nuk do t’ju lënë të qetë. Në vendin e punës, kjo ditë do të sjellë frytet e mundimit tuaj.

Akrepi- Ndikimi i Hënës nuk do të jetë aspak i favorshëm dhe do t’ju pengojë në ndjekjen e instinktit tuaj. Mbani parasysh idetë lidhur me një histori që keni për zemër. Sa i takon punës, do të keni një mijë projekte ndërmend për të mbyllur, por rrezikoni që të mos përfundoni asnjë.

Shigjetari- Venusi edhe do të ndikojë pozitivisht sot. Një ditë e mbushur me qetësi dhe ekuilibër për jetën çiftet. Humori nuk është ndër më të mirët për ata që janë vetëm, ndaj do të ishte më mirë që të shkëputeshit nga çdo gjë. Në punë çdo gjë do të shkojë më së miri, ku do të jeni në harmoni të plotë me kolegët.

Bricjapi- Shijojeni këtë moment qetësie. Organizoni diçka speciale për të kaluar më shumë kohë me njeriun tuaj të zemrës. Ata që janë vetëm do të kenë një jetë tejet aktive dhe njohje të reja. Në punë do të jeni shumë të gatshëm për të bashkëpunuar me kolegët dhe për të nxjerrë anët tuaja më të mira.

Ujori- Me ndikimin e Diellit dhe Neptunit, sot jeni të favorizuar në fushën sentimentale. Ata që janë vetëm do të jenë të mbushur me dëshirë për të dashuruar, ndërkohë që parashikohen takime të shumta. Në punë parashikohet të ketë disa tensione të cilat rrezikojnë që t’ju nervozojnë.

Peshqit- Humori i keq dhe tensionet do të dominojnë jetën në çift. Para se të brengoseni, bëni diçka për të thyer akullin. Dielli dhe Neptuni do të kenë ndikim negativ në shenjën tuaj gjatë kësaj dite. Prisni momente më të mira për të investuar.

TIRANË- Sali Berisha nuk u shfaq i shqetësuar për hetimet lidhur me fondet që u përdorën për lëvizjen që e riktheu në krye të Partisë Demokratike.

Ish-kryeministri akuzoi Shtetet e Bashkuara të Amerikës se kanë furnizuar SPAK-un dhe kreun e tij, Altin Dumani, me listën e bizneseve që e kanë mbështetur financiarisht.

Megjithatë, Berisha vendosi një “vijë të kuqe”, duke deklaruar se SPAK nuk duhet të guxojë të shkojë më tej tek hetimet e pasurive të fëmijëve të tij.

E ftuar në emisionin “Ora e Fundit”, juristja Brizida Gjikondi u shpreh se hetimi i pasurisë është pjesë e dosjes “Partizani” dhe se organet e drejtësisë kanë marrë indicie konkrete. Sipas saj, pasuritë e Berishës, të vajzës dhe të djalit të tij po kalohen në “sitë” nga prokuroria.

Gjikondi komentoi gjithashtu situatën brenda Partisë Demokratike, duke deklaruar se Gazment Bardhi nuk aspiron të marrë drejtimin e saj. Sipas juristes, PD është një “tokë e djegur”, ku nuk ka asgjë për t’u trashëguar politikisht, ndërsa Berisha sipas saj ka “shumë skelete në sirtar”.

Më tej, Gjikondi u shprehu se Lulzim Basha ka dijeni të plotë mbi atë çfarë ka ndodhur me rrethanat e krimit shtetëror të 21 janarit dhe se ai ka orientuar prokurorët drejt Sali Berishës, ish-kryeministrit të kohës.

“Patjetër që po. Ai nuk tha se hetimi i pasurisë është në kuadër të dosjes Partizani. U mor indicia dhe po e fusin në sitë të gjithën pasurinë e Berishës, të vajzës dhe të djalit të tij.
Bardhi nuk aspiron të zërë vendin e Berishës, sepse e di që aty ka ujqër të vjetër. Aty është tokë e djegur.

Tek ajo parti s’ke asgjë çfarë të trashëgosh. Berisha ka shumë skelete në sirtar, patjetër si 21 janari, Gërdeci dhe Partizani. Lulzim Basha e di se çfarë ka ndodhur, çfarë është bërë me provat për 21 janarin dhe çfarë ka ndodhur. Jam i bindur se ka dhënë informacion të duhur duke orientuar prokurorët drejt Berishës për atë krim që ka ndodhur atë ditë në bulevard.”, tha ajo/abcnews.al

Fermerët ranë sot dakord për një takim midis kryeministrit grek Kyriakos Mitsotakis dhe një komiteti të fermerëve, gjatë një takimi të Komitetit Panhelenik të Bllokadave Rrugore që u zhvillua në Palamas, pranë Karditsës në Tesali, Greqi.

Komiteti do të përbëhet nga 25 përfaqësues të shoqatave të fermerëve dhe pesë vëzhgues, ndërsa data e takimit do të shpallet së shpejti.

”Pas takimit, fermerët protestues vendosën të qëndrojnë në bllokadat rrugore duke nisur nga e enjtja në mëngjes”, sipas presidentit të Federatës së Bashkuar të Shoqatave Bujqësore të Karditsës, Kostas Tzellas.

Ndërkohë, në deklaratat e tij, presidenti i Federatës së Larissës, Rizos Maroudas, dënoi veprimet për dëmtimin e traktorëve

Senatori italian i zgjedhur në Molise, Costanzo Della Porta, gjatë një interviste për programin “Të gjitha rrugët të çojnë në Romë!”, theksoi marrëdhëniet e ngushta mes qytetarëve dhe zgjedhësve të tij, duke vizituar shpesh komunat e Molises, përfshirë ato me komunitete arbëreshe.

Della Porta foli edhe për rëndësinë e ruajtjes së gjuhës arbëreshe, duke theksuar se kushtetuta italiane mbron pakicat gjuhësore dhe se një marrëveshje ndërmjet qeverive Rama–Meloni mund të forcojë mbrojtjen e tyre. Ai shtoi se, edhe pse gjuha është mirë e ruajtur në Molise, është e nevojshme të merren masa për pakicat në zona të tjera si Sicilia dhe Calabria, duke theksuar se ruajtja e kulturës lokale është pjesë e trashëgimisë kombëtare.

Artur Nura: Mirëmbrëma.
Costanzo Della Porta: Mirëmbrëma.

Artur Nura: Atëherë, ju jeni?

Jam Costanzo Della Porta, senator i Republikës Italiane, i zgjedhur në Molise.

Artur Nura: Dhe jo rastësisht keni zgjedhur ta bëni këtë intervistë në një shkollë, le të themi, kulinarie me prestigj të madh, apo jo?
Costanzo Della Porta:  Po, ndodhemi në Institutin Hotelier “Federico II di Svevia” në Termoli.

Artur Nura: bukur. A takoheni shpesh me zgjedhësit tuaj? Si funksionon, pra, marrëdhënia juaj me ta?

Costanzo Della Porta : Ne kemi një marrëdhënie shumë të ngushtë me zgjedhësit tanë, me qytetarët, sepse përveç aktiviteteve parlamentare dhe ditëve që jemi në Romë – zakonisht të martën, të mërkurën dhe të enjten – ditët e tjera të javës ia kushtojmë territorit. Pra, takojmë qytetarët tanë. Qarku zgjedhor është shumë i gjerë, sepse përfshin të gjithë Molisen, ndaj duhet të lëvizim mes provincës së Campobassos dhe asaj të Isernias. Duhet kohë për të përshkuar të gjithë territorin dhe është normale që të mos qëndrojmë vetëm në Romë, por edhe këtu, mes njerëzve.

Artur Nura: Por jam informuar se edhe arbëreshët e kësaj zone, katër komuna kryesisht, janë zgjedhës dhe mbështetës tuaj. Është e vërtetë?

Costanzo Della Porta: Po, komunat arbëreshe të Molises janë, ndër të tjera, komuna të Molises së Poshtme, në zonën përreth Termolit: Campomarino, Montecilfone, Portocannone dhe Ururi, të cilat i kemi vizituar disa muaj më parë bashkë me presidentin tuaj Bajram Begaj.

Artur Nura: Bukur.

Ndërkohë, marrëdhëniet italo-shqiptare, për këdo që njeh historinë, nisin që në kohë shumë të largëta, madje edhe antike. Për më tepër, Fratelli d’Italia është tashmë partia e vetme italiane që ka një qendër në Tiranë. Çfarë marrëdhëniesh keni ju personalisht me Shqipërinë?

Costanzo Della Porta: Marrëdhëniet mes qeverisë italiane dhe asaj shqiptare janë shumë të mira: janë marrëdhënie afërsie, miqësie dhe ndarjeje vlerash, sepse populli shqiptar është shumë i lidhur me atë italian. Dua të kujtoj se në momentet e vështira të kombit tuaj, gjatë ndarjes se ssitemeve, Italia ishte vendi i parë që priti qytetarë shqiptarë. Shumë prej tyre kanë mbetur në Itali, punojnë këtu dhe kanë krijuar familjet e tyre. Marrëdhëniet mes nesh dhe popullit shqiptar janë shumë të mira, jo vetëm me shqiptarët që janë transferuar në Itali, por edhe me komunitetet arbëreshe që jetojnë në komunat tona. Kemi një raport shumë të bukur vëllazëror dhe është sikur të ishim një popull i vetëm, pa ndarje mes nesh.

Artur Nura: Me të drejtë. A e keni vizituar ndonjëherë Shqipërinë?

Costanzo Della Porta: Jo, dhe për fajin tim ende jo. Jam ftuar disa herë, por për arsye institucionale nuk kam arritur të shkoj. Kam folur edhe me kolegë të tjerë për këtë. Me siguri këtë vit do të bëj me shumë kënaqësi një vizitë në Shqipëri.

Artur Nura: Eh, e dini që jemi shumë afër. Ka nga ata që e quajnë Shqipërinë rajoni i 21-të; dhe për këtë kam disa rezerva…

Costanzo Della Porta: Është e drejtë, sepse duhet të garantoni autonominë dhe pavarësinë tuaj. Por përtej idesë së “rajonit të 21-të”, Shqipëria është një komb, një shtet shumë pranë Italisë dhe është sikur të ishim një popull i vetëm.

Artur Nura: Ju e dini se sot nuk ka më një emigrim shqiptar drejt Italisë, por përkundrazi, një emigrim italian drejt Shqipërisë.

Costanzo Della Porta: Kjo është diçka pozitive: do të thotë që nuk i keni më problemet e disa dekadave më parë dhe që italianët duan të investojnë në Shqipëri. Besoj se italianët janë shumë të mirëpritur në Shqipëri, pikërisht për shkak të kësaj vëllazërie të madhe mes dy popujve. Mendoj se populli shqiptar i mirëpret italianët më shumë se popujt e tjerë evropianë.

Artur Nura: Me të drejtë. Si do ta vlerësonit titullin e emisionit tim: Të gjitha rrugët të çojnë në Romë? A është ende aktual?

Costanzo Della Porta: Është ende aktual, sepse Roma është Caput Mundi, djepi i krishterimit dhe i qytetërimit. Unë e frekuentoj Romën çdo javë, ndaj për mua rrugët vërtet të çojnë në Romë. Më pëlqen shumë që emisioni juaj quhet kështu, sepse tregon lidhjen mes popullit tuaj dhe kryeqytetit tonë, pra mes jush dhe Italisë. Me të drejtë.

Artur Nura: Roma është padyshim qendër nga pikëpamja historike dhe urbanistike, por e kam zgjedhur këtë titull sepse mendoj se Italia është e rëndësishme. Unë e konsideroj publikisht si një vëlla të madh dhe, kur vëllai i madh nuk është mirë, mendo për motrën e vogël, në këtë rast Shqipërinë…

Costanzo Della Porta: Italianët kanë qenë dhe janë ende një popull shumë solidar. Jemi një popull mikpritës, kemi kaluar vështirësi dhe e dimë çfarë do të thotë të ringrihesh nga hici. E kemi bërë për veten tonë dhe e bëjmë edhe për vëllezërit tanë që kanë qenë më pak fatlumë. Sot, fatmirësisht, ata jetojnë më qetë, por kur ka pasur nevojë, Italia ka qenë gjithmonë e pranishme.

Artur Nura: Të vijmë te thelbi. Nuk ju pyeta rastësisht për arbëreshët dhe për Shqipërinë. Marrëdhëniet tona janë shumë të pasura dhe, si gazetar që prej 25 vitesh ndjek marrëdhëniet italo-shqiptare për Radio Radicale, kam vërejtur se gjuha Arbereshe, që është identitare për pakicën historike arbëreshe në Itali, rrezikon të zhduket. Sipas disa ekspertëve, si nga këndvështrimi politik ashtu edhe shkencor, nevojitet një marrëveshje e re Rama–Meloni.
A do ta mbështesnit një marrëveshje të tillë?

Costanzo Della Porta: Unë nuk besoj se gjuha arbëreshe, të paktën në Molise, është drejt zhdukjes, sepse në komunat ku flitet, tradita është e rrënjosur mirë. Megjithatë, nëse mund të bëjmë më shumë për të mbrojtur pakicat gjuhësore, duhet ta bëjmë. Nëse do të kishte një marrëveshje të tillë, duke pasur parasysh marrëdhëniet shumë të mira mes Giorgia Melonit dhe kryeministrit Edi Rama, unë do të isha i kënaqur dhe do të votoja me dëshirë një ligj në këtë drejtim.

Artur Nura: Më bëhet shumë qejfi. Sigurisht që është e nevojshme, sepse ndoshta në Molise dhe në disa rajone gjuha është ruajtur, por në zona të tjera arbëreshe situata është më delikate. Kur flitet për një parti në pushtet, nuk mendohet vetëm në nivel lokal, por në mënyrë të përgjithshme.

Costanzo Della Porta: Kushtetuta jonë mbron pakicat gjuhësore kudo në Itali dhe është e drejtë t’i mbrojë edhe atje ku rrezikojnë të zhduken. Nuk është rasti i Molises, por mund të jetë i Sicilisë apo i Kalabrisë, ku ka pakica të tjera. Pakicat gjuhësore janë pjesë përbërëse e kulturës së territorit dhe duhen mbrojtur, sepse këtë e parashikon edhe Kushtetuta jonë.

Artur Nura: Dhe kjo më bën shumë qejf. Ndërkohë ju falënderoj për këtë intervistë. Si gazetar, ua them telespektatorëve të ABC News Albania se do ta ndjek këtë çështje dhe, me senatorin Della Porta do të kthehemi ta diskutojmë në Romë për një nismë të mundshme lidhur me një marrëveshje Rama–Meloni.   / abcnews.al /

Gazetari Artur Nura zhvilloi një intervistë në emisionin “Të gjitha rrugët të çojnë në Romë” me kryetaren e Bashkisë së Ururit, Laura Greco, ku u diskutua për historinë, sfidat dhe të ardhmen e këtij qyteti arbëresh në Itali.

Greco tregoi se godina aktuale e bashkisë ka qenë shtëpia e gjyshërve të saj, e dhuruar më pas për përdorim publik, ku sot funksionon biblioteka “Profesoresha Maria Teresa Marinelli”. Ajo foli gjithashtu për kishën katolike të qytetit, e rindërtuar pas tërmetit të vitit 1962 dhe e rikthyer për besimtarët në vitin 1999.

Një nga problematikat kryesore që u theksua gjatë intervistës ishte shpopullimi.

Sipas Grecos, Ururi ka humbur rreth 1000 banorë në 20 vitet e fundit, kryesisht për shkak të mungesës së vendeve të punës. Bashkia ka ndërmarrë disa iniciativa për të nxitur rikthimin e banorëve dhe ardhjen e të rinjve, përfshirë subvencione për blerjen e shtëpive dhe hapjen e aktiviteteve të reja.

Kryebashkiakja u shpreh e hapur ndaj projekteve që synojnë zhvillimin e turizmit, veçanërisht duke ftuar shqiptarë nga Shqipëria, Kosova dhe Maqedonia e Veriut, duke e parë këtë si një mundësi për gjallërimin ekonomik të zonës.

Në fokus ishte edhe ruajtja e gjuhës dhe identitetit arbëresh. Greco vlerësoi interesin e shtuar të qeverisë shqiptare për këto komunitete dhe theksoi rëndësinë e mbrojtjes së gjuhës arbëreshe, e cila tashmë është futur si lëndë në shkollën lokale, por rrezikon të zhduket.

Në fund, ajo bëri të ditur se Bashkia e Ururit po përgatit binjakëzimin me Bashkinë e Roskovecit në Shqipëri, një hap që synon forcimin e lidhjeve kulturore dhe institucionale mes dy vendeve.

Intervista e plotë:

Artur Nura: Atëherë mund ta përshëndesim kryetaren e bashkisë së Ururit. Ju jeni kryetarja e bashkisë, apo jo?

Unë jam Laura Greco: , kryetare e bashkisë së Ururit.

Artur Nura: Pra, më kanë thënë që kjo ndërtesë këtu, që është godina e bashkisë së Ururit, ka qenë pronë e familjes suaj?
Laura Greco: Po, kjo është shtëpia e gjyshërve të mi, kjo është shtëpia ku jetonte babai im dhe më pas kemi vendosur, le të themi, tia dhurojmë bashkisë së Ururit për një qëllim fisnik, që e gjithë popullsia të mund të përfitojë prej saj. Sot këtu ndodhet biblioteka e titulluar “Profesoresha Maria Teresa Marinelli” dhe, sigurisht, familja ime është krenare për këtë, sepse është e vetmja ndërtesë e mirëmbajtur, e ruajtur mirë, që i është nënshtruar restaurimit. Pra, familja është vërtet shumë krenare për këtë.

Artur Nura: Ne kemi realizuar pothuajse të gjitha intervistat pikërisht në këtë ndërtesë. Po ajo atje është një kishë, një kishë katolike?
Laura Greco: Po, është një kishë katolike. Është një kishë që iu rikthye publikut në vitin 1999, u rihap, sepse pas tërmetit të vitit ’62, që preku këtë komunë, ishte reduktuar plotësisht në një rrënojë. Më pas, një zonjë nga Ururi dhuroi pasurinë e saj dhe bëri të mundur që kisha të rihapej për publikun, pra për besimtarët.

Artur Nura: A mbahen mesha të rregullta?

Laura Greco: Po, mbahen mesha çdo ditë, me famullitarin tonë aktual, don Michele Di Legge, i cili, për më tepër, ka lindur në një komunë fqinje, gjithashtu me origjinë arbëreshe.

Artur Nura: Ndërkohë që po flasim, na trego edhe për zyrën tënde në bashki, por ndërkohë po kalojmë në një rrugicë shumë, shumë të bukur.

Laura Greco: Po. Kjo është një rrugicë historike për komunitetin tonë, sepse në fillim komuna jonë ishte shumë e vogël. Aq sa quhet “Via Commerciale”, sepse kjo ishte rruga kryesore ku zhvillohej jeta e pothuajse të gjithë banorëve që jetonin në këtë rrugë dhe në rrugën paralele. Këtu ishte jeta: të gjithë jetonin këtu, ishte shumë e populluar dhe të gjitha shtëpitë ishin të banuara.

Artur Nura: Sot i shohim të zbrazëta dhe të mbyllura! Pikërisht, pyetja që më lind është: pse ky qytet kaq i bukur, sipas meje, sipas shijeve të mia, është i bukur, por duket i zbrazët? Ka njerëz apo jo?

Laura Greco: Njerëz ka, edhe pse, siç e dini shumë mirë, kohët e fundit pothuajse të gjitha komunat italiane janë të prekura nga shpopullimi.

Artur Nura: Një problem edhe për ne në Shqipëri.

Laura Greco: Një problem i madh, shumë i madh, aq sa kemi humbur 1000 banorë në vitet e fundit: nga 3500 që ishim 20 vite më parë, sot jemi 2500 persona, sepse të rinjtë largohen nga vendlindja. Problemi kryesor është puna, mungesa e punës: njerëzit studiojnë jashtë dhe më pas qëndrojnë aty ku studiojnë. Ky është problemi kryesor.

Artur Nura: Ajo që ne bëjmë është të përpiqemi të nxisim njerëzit të vijnë këtu. Kemi projekte?

Laura Greco: Sigurisht, por për këto projekte nevojitet kohë, studim dhe fonde. Shteti po na ndihmon në këtë drejtim; kemi shpallur edhe dy thirrje ku jepeshin kontribute për ata që transferonin rezidencën, për ata që blinin një shtëpi në komunën e Ururit dhe për ata që hapnin një aktivitet të ri. Thirrjet patën sukses, diçka ka filluar të lëvizë, diçka po lëviz ende, por unë dua të ndërmarr një veprim që t’i rikthejë në jetë këto shtëpi të braktisura.

Artur Nura: Ndërkohë më vjen një ide: duke qenë se ky është një qytet shumë i bukur, që mbart histori dhe kulturë, është një qytet arbëresh, pra shqiptar, mund të mendojmë një projekt që fton të gjithë shqiptarët nga Shqipëria, Kosova dhe Maqedonia e Veriut të vijnë ta vizitojnë si turistë dhe, pse jo, të gjejmë mënyrën që dikush të qëndrojë këtu?

Laura Greco: Të qëndrojë, ndoshta. Ky është me siguri një projekt shumë i bukur, një nismë që do ta përqafoja menjëherë, sepse unë gjithmonë them që Ururi, nga pikëpamja gjeografike, ka një pozicion optimal: është vetëm 15 minuta nga deti, jetohet mirë, është një vend i vogël, klima është e mirë, është ideale për të jetuar. Ajo që ndoshta mungon është puna. Por nëse vijnë turistët, vjen edhe puna: krijohet një zinxhir ekonomik, pra turizmi sjell patjetër punë dhe njerëzit mund të qëndrojnë në këtë tokë.

Artur Nura: Ky është një shesh historik?

Laura Greco: Po, ky është një shesh historik. Në fillim fshati përfundonte pak më tej dhe këtu zhvillohej e gjithë jeta: kishte treg, njerëzit shëtisnin. Këtu ka ndodhur masakra e famshme e Vardarellëve në shekullin XIX, pra ka ndodhur edhe vrasja e parë shtetërore. Ndoshta kolegu Emiliano do t’jua shpjegojë më mirë, sepse është më i informuar për këtë çështje.

Artur Nura: Ky ishte sheshi historik dhe sot është bosh. Dhe pas sheshit është edhe bashkia juaj, apo jo?

Laura Greco: Po, bashkia jonë, që është zemra e aktivitetit. Bashkia është shtëpia e të gjithëve, jo vetëm e kryetarit, por e të gjithë qytetarëve. Unë të paktën e kuptoj kështu: e hapur për këdo që ka probleme apo nevoja, të cilat ne përpiqemi, sigurisht, t’i zgjidhim.

Artur Nura: Tani le të flasim për përgjegjësinë politike. Sipas jush, sipas përvojës suaj, a ka qenë më i vëmendshëm qeveria italiane apo qeveria shqiptare ndaj jush?

Laura Greco: Qeveria italiane ka një Kushtetutë shumë të mirë, që mbron pakicat gjuhësore. Sigurisht, me ligjet ndoshta ka munguar mbështetja financiare dhe diçka më shumë mund të ishte bërë.

Artur Nura: Kohët e fundit vërej, dhe duhet ta theksoj patjetër, një interes të madh nga ana e qeverisë shqiptare ndaj këtyre komuniteteve. Mund të ndjehet qartë interesi i Shqipërisë për pakicat gjuhësore në Itali.

Laura Greco: Sigurisht që për këtë jam e kënaqur. Shumë është bërë, por shumë mund të bëhet ende. Së fundmi është futur mësimi i gjuhës arbëreshe si lëndë në shkollën tonë. Duhet të kujtojmë se ne ruajmë një gjuhë që është transmetuar vetëm gojarisht. Kjo gjuhë e bukur, që ka rezistuar për më shumë se pesë shekuj, sot rrezikon të zhduket.

Artur Nura: Sipas jush, a do të ishte e drejtë të kishte një marrëveshje mes Ramës dhe Melonit – pasi kanë firmosur tashmë 16 marrëveshje – për të arritur në një të shtatëmbëdhjetë, që parashikon përgjegjësinë për ruajtjen e kësaj gjuhe, edhe me një buxhet, sepse pa para nuk bëhet asgjë?

Laura Greco: Sigurisht që do të ishte e dëshirueshme. Duhet thënë se Giorgia Meloni ka marrëdhënie shumë të ngushta me Shqipërinë dhe një marrëveshje e mëtejshme në këtë drejtim, për mbrojtjen e kësaj gjuhe, këtyre origjinave dhe kësaj identiteti që jeton brenda shtetit italian, do të ishte zgjidhja më e mirë.

Artur Nura: Duhet punuar për t’i bindur ata.

Laura Greco: Po, unë jam shumë e orientuar në këtë drejtim, aq sa si administratë promovojmë të gjitha aktivitetet që lidhen me valorizimin e gjuhës sonë. Më intereson shumë, sepse që fëmijë e kuptoja se kisha diçka më shumë se të tjerët. Mendoj se kjo vjen nga origjina. Me të drejtë.

Artur Nura: Ndërkohë, në Shqipëri vini vetëm për festa apo po realizoni edhe binjakëzime me komuna të tjera?

Laura Greco: Po, po përpiqemi. Së shpejti do të realizojmë binjakëzimin me komunën e Roskovecit. Kam pasur mundësinë të njoh kryetaren e bashkisë kur erdhi Presidenti i Republikës së Shqipërisë. Është një grua e zonja, një person shumë i vlefshëm, dhe kemi vendosur ta realizojmë këtë binjakëzim. Aq sa do të jenë mysafirët tanë në ditët në vijim, më 20 janar.

Artur Nura: Urime dhe faleminderit për intervistën.
Laura Greco: Faleminderit juve.

Artur Nura: Punë të mbarë.
Laura Greco: Faleminderit.

Danimarka do të rrisë praninë e saj ushtarake në Groenlandë. Lajmi u bë i ditur nga ministri danez i Mbrojtjes, Troels Lund Poulsen, i cili theksoi se vendi i tij do të vazhdojë forcimin e kapaciteteve ushtarake në ishullin arktik, duke i dhënë një vëmendje më të madhe bashkëpunimit brenda NATO-s.

“Do të vazhdojmë të forcojmë praninë tonë ushtarake në Groenlandë, por me një fokus edhe më të madh brenda NATO-s, përmes më shumë stërvitjeve dhe një pranie më të shtuar të Aleancës në Arktik”, deklaroi Poulsen për agjencinë AFP. Ai shtoi se Danimarka mban një dialog të vazhdueshëm me aleatët e saj lidhur me aktivitetet e reja dhe të zgjeruara që pritet të zhvillohen në vitin 2026.

Ndërkohë, të mërkurën në Uashington, zëvendëspresidenti i Shteteve të Bashkuara, JD Vance, do të zhvillojë një takim me ministrin e Jashtëm danez, Lars Løkke Rasmussen, si dhe me homologen e tij nga Groenlanda, Vivian Motzfeldt.

Sipas analistit Giuseppe Sarcina, mbetet e paqartë nëse ky takim do të kontribuojë në zgjidhjen e krizës që është hapur mes dy brigjeve të Atlantikut lidhur me të ardhmen e ishullit të madh arktik. Presidenti amerikan, Donald Trump, ka përsëritur qëndrimin e tij duke deklaruar: Do të bëjmë diçka në Groenlandë, me dëshirën ose pa dëshirën e të tjerëve; nuk duam që Rusia apo Kina të jenë fqinjët tanë.

Trump ka sqaruar se synon ta arrijë këtë objektiv në “mënyrën më të lehtë”, përmes një marrëveshjeje, por ka paralajmëruar se, në të kundërt, mund të përdorë “mjete më të ashpra”.

Autoritetet e Danimarkës dhe Groenlandës e kanë përgatitur takimin në Uashington në dy nivele. Gjatë një konference të përbashkët për shtyp, kryeministrja daneze Mette Frederiksen pranoi se situata është e ndërlikuar. “Nuk ka qenë e lehtë të përballohet një presion krejtësisht i papranueshëm nga ana e njërit prej aleatëve tanë më të ngushtë, por ekziston frika se më e keqja mund të jetë ende përpara”, u shpreh ajo.

Sipas të dhënave nga firma izraelite e sigurisë kibernetike Check Point, sulmet ndaj organeve qeveritare polake arritën nivele rekord në fillim të vitit 2026, me institucionin shtetëror mesatar që pësoi rreth 3,188 përpjekje sulmi gjatë shtatë ditëve të para të janarit, një rekord i ri që kur kompania filloi të gjurmonte një aktivitet të tillë.

Kjo rritje tejkalon nivelet e regjistruara në vendet fqinje si Republika Çeke, Austria dhe Gjermania, duke e vendosur Poloninë në krye të renditjes rajonale të kërcënimeve kibernetike të drejtuara ndaj qeverisë, raporton TVP World.

“Në tetor të vitit 2025, 2,500 sulme dukeshin të rrezikshme. Tani kemi një rekord të ri kërcënimesh. Institucionet qeveritare polake sprapsin 3,188 sulme në javë, më shumë se qeveritë e Republikës Çeke, Austrisë apo Gjermanisë”, tha drejtori i Check Point për Poloninë, Wojciech Glazewski.

Pas pak “Të Gjitha Rrugët të Çojnë në Romë”, na ndiqni në ABC News